هلا والله بانفاس واختها نورتي صفحت آسى الهجران يقلبي
معنى ماودنا انفاس تتعب في تنزيل البارت وزين اللي لقت من ينزل عنها ويريحا لاكن بنسأل عن انفاس عس المانع خير ياربي


اقول الشبيه بلا دلع بنات الرجال لبا ندى الوطن المفروض تفخرين بشجاعته وحبه الديرته والخدمتها
وبعدين دزاتس خير ياطير يبعدتس من طريقه هو مستعجل على الطلعه
تعوذي من الشيطان وترى هو اللي سولتس انه دزتس واذاتس
وافتخري فارس وامثاله فخر


الحيه ماتجوز عن فعلها واثقه يالعجوز يخلي الزين والعقل وياخذتس انتي مدري وش تحسين فيه ولله لو تجيبين مخططات امريكا على المسلمين مافزتي المعركه خاسره من البدايه تدرين ليش لان خصمتس لطيفه بنت عبدالله زينت ال مشعل حافظت على بيتها وكان لها دور في حل مشاكل غيرها
وبعد ذا العمر يالحيه وش يبي بتس مشعل منتيب بنيه في العشرينات يكون فيتس مطمع لا عجوز متصابيه
روحي يشاطره دوري لولدتس ابو غير مشعل
ابومحمدوعبدالله والجوري ومريم مايبدل لطيفه بعشر مثلتس وعشر ازين منتس ان كنتي انتي داهيه لطيفه تفوقتس عده وعتاد واهم ماعندها من سلاح حب مشعل وافتتانه بسحر لطيفه اللي هو سحر الحلال
ايه على طاري السحر ياخوفي من الحيه تستخدم سحرها اللي ماصانت نفسها ولاكرامتها ودايره على حل شعرها بين الرجاجيل الله يستر منها يتوقع منها اكثر (ام الجاجيل )
تكفى ناخيتك يبومجمد لاتخذل لطيفه وتفرح العذل خل مخطط شارون يخرب
ورها ان لطيفه ماتبدلها بمال قارون اثبت الطيفه حبك


حركات يبو عبدالله يومين بس وروقت مشاعل الحيا بسيط مابه بنت ماتستحي
ولله بعد العيال والحيا مازال (الحياء شعبة من الايمان)
بس عاد لايكثر يامشاعل حدتس ذا اليومين اناس تتنا حملتس وانتي
تمردحين بذا الحيا يكفي استحيتي اللي فيه الكفايه عطي ابوعبدالله فرصه يعبر عن مشاعره عيشي حياتس ياخبله


لاياراكان لاتهدد في حمد ترى اللي جاه كفاه الولد مريض ومعاد به حيل على شي واكبر ضربه له هي طلاق موضي منه بيتحسر عليها عمره كله وخاصه انها قدام عينه من ربعه وجماعته
ترى لو غريبه وراحت الحال سبيلها ومعاد شافها ماصار له اللي بيصيرله
المشاعر المبطنه اللي تظهرونها راكان انت وموضي صدقني حلوه واحلا من الحلو نفسه ياخي يزين احترام الزوج وتقديره الزوجته وانه يشوفها شي كبير واحترام الزواجه الزواجها وانه تشوفه اكبر من الكبير اموت على العلاقه اللي كذا
وبعدين السر اللي مضايقتس يموضي مصيرتس تعرفينه لابد بيقوله راكان يابيغلط قدامتس او بيعترف عن اسمتس مثل ماعترفلتس عن شي واجداو بتشوفين الدفتر حق اشعاره باي طريقه بتدرين تركدي لاتستعجلين على رزقتس


ردة فعل يوسف اذا عرف من مشعل بموضوع باكي مع حمد بتكون صدمه قويه
واكبر منها صدمته يوم ماعلمته عن السبب هل ياترى بيندم ويتقرب منها ويحاول ينسيها اللي صار او العكس بيزعل عليها لانها ماصرحته بحقيقت العلاقه وخلت قلبه يشتعل نار
بس اللي ماتدري عنه باكي ييوسف انك تحبها ترى ماعرفت الى الان بحبك لها


لايضيق خلقتس مريوم سعد شاريتس واتوقع انتس انتي اللي بتحتوين فهد ومعاد به سامع كلام الا كلامتس
اتوقع انتس بتتعالجين على يد سعد بيرسل تقاريرتس برى وبيلقون لتس علاج وبتعيشين احلا عيشه مع سعد وعياله
مشعل بيقول السعد عن مراجعت مريم القراره في العرس بس سعد بيرفض وبشده الرجوع عن قراره وبيطلب تعجيله
تكفين انفاس لاتعاني مريم الهجران يكفي هجران عيونها للنور طول ذا السنين

حفط الله صاحبت القصه وكاتبة البارت حق اليوم
اللهيهون عليتس انفاس ويرزقتس بالولد الصالح يارب

حي الله انفاس واخت انفاس تشرفنا بمعرفتك يااخت انفاس
ان شاء الله انفاسنا تكون بخير وبصحه وسلامه .
بارت اليوم منوع ودانا الدوحه ودبي وواشنطن ومر في السعوديه
روعه تنقلنا في كل مكان .
موضي وراكان هالاثنين بيكون حبهم عجيب غريب موضي قامت تغار
على راكان من اللي يحبها وراكان قام يغير على موضي من حمد
بس كل واحد مو فاهم ان هذي غيرة ومو فاهمين شعورهم.
ياليت موضي تحمل عندها الطفل وحبهم الجديد بيربطهم اكثر
راكان قلبك حي وانت تفكره ميت متى بتحس انه حي مامات.
ناصر الحمد لله انه متفهم لمشاعل باقي خطوة ياناصر عشان تنجح حياتك مع مشاعل لانها هالحين اعرفت ناصر على حقيقته وانه مو مثل مشعل
وحمد يختلف عنهم كليا .مشاعل ترى ناصر ينطر اشارة بس .
باكي ويوسف مهابيل بس قرب يوسف يعرف الحقيقه من مشعل
ناطرين رده فعل يوسف مع باكي اذا عرف الحقيقه .
مشعل وهيا نتمنى ان حياتهم تكون مستقرة ومافيه شي ينكد عليهم.
مشعل محمد يازين ماسويت مع الضفدعه فاتن عطيتها في الصميم
بس الله يستر من خطط هالفاتن الكريهه قليلة الادب.
مريم عورت قلبي المسكينه كلامها صج من حقها تخاف من الحياة
الجديده بس حاسه ان سعد بيرفض الطلاق وبتكبر في عينه
بعد ماينقل مشعل كلام مريم له وبيتمسك سعد فيها اكثر
وحاسه ان حياتهم بتكون افضل حياة .
فارس وقسوته على العنودترى يالعنود ماكان يقصد لاتكبرين
الموضوع وتسوين مشكله وتعذبين فارس ترى فارس يحبج مايقدر يعيش
من غيرج .
انفاس الى الان ماشفنا فارس تكلم عن موضوع الجنس الثالث
مع العنود ولاعن تاديبها هل نسى الموضوع يوم تزوجها
والا اهوا مأجل الموضوع .
الف شكر لج انفاس وناطرينج يوم الثلاثاء على نار .
وجه الصباح

السلام عليكم ورحمة الله وبركاته
مشكورة ياأخت انفاس وسلمي لنا على انفاس الحلوه
الجزء رائع بس كاالآونة الأخيرة لن اعلق شكرا من اعماق قلبي

السلام عليكم
يالله ان تحيي نفوس واخت نفوس
ونصيحه مني لا عاد تحرمينا هذرتك باذات لو هي مثل هذرت الغاليه انفاس
بارت اليووم اكثر من رائع
فاتن اثرت تعجبي من اصرارها على مشعل حتى بعد رؤيتها للطيفه
لا ويعد رد مشعل الذكي حاسه انها راح تحاول تسوي مقارنه بينها هي ولطيفه امام مشعل

راكان وموضي احس الشراره اشتعلت بينهم فالغيره علامه حب
واااه يا موضي لو تعرفين من هي غريمتك
بس لازم تطيحين على دفتر اشعار راكان
باكي ويوسف
وانحلت الامور لبقاءكم مع بعض الحين يجي دور مقابله يوسف مع مشعل

ناصر ومشاعل خلاص الباقي على ناصر ماصار فيه عقد ولاهم يحزنوون
ننتظركم بكره على خير

فارس وعنود
يا الله عليك يافارس ليش الدفاشه ذي كله
اكيد الحين العنوود مهي ساكته على اللي سويته ولوكان بدون قصد

نفوسه ننتظر القادم على خير