السلام عليكم

معليش انفاس اعذريني على ردي البارد >>تعرفين اجازه ومشاغل

بس ماحبيت اقرأ وما أرد ..

الحين عرفنا ليش فارس مايبي العنود خاصه بعد كلام موضي عن خوفه على بشرته !!

احتمال انه يعاني من تشوه بوجهة او في اي مكان بجسمه ...بس الغريب انه قال لامه دوري لي على وحده غيرها ؟؟؟؟

تكون هي السبب في اللي فيه ؟؟؟وعلشان كذا كرهها ؟؟ او انه مايبي احد يعرف السبب ؟؟

راكااان والسر اللي ماأحد يعرفه من الخليقه الا أنفاس قطر ياترى وش يكون ؟؟؟

أنفاس اعذريني والله عجله عندنا حريم لزوم اروح ..وان شاء الله احاول ارجع

برد يبرد القلب ..

سلالالالام ...

يااااااااااااااهلاااااااااااوووومرحبااااااااااااااومسهلااااا ااااااا
<أدري بتقولون تو الناس>
بس والله من قريت أسمج وأناحالتي حاله.مدري أضحك والاأبجي والاأطامر والا أرقص ماأدري شنو صار فيني:p
<نرجع لمحور حديثنا> رجعنا للأسلوب الراقي والمثير والمشوق
وللأحداث الحلوه اللي تخلي الواحد بس ينطر متى يصير باجر علشان انكمل الرواية
اما بالنسبة للشخصيات فأتوقع ان أم هيا راح تتطلب من مشعل ان يتزوج هيا عشان يحفظها لانها مريضه
بس ابي اعرف شسالفة موضي وفارس وراكان لان احس ان وراهم قصة طويله
<أدري ان مصختها وطولت بس مو مني -من الفرحه اللي فيني>
عسى ربي يهون عليج وتقبلي مروري سارونه الحلوه من الكويت

مسائك / صباحك ابداع يا أنفاس قطر







ما شاء الله تبارك الله

كل قفله و CUT ... تزيد من استمتاعي بقصتك وابطالك ومن كرهي لحركات الاخراج

<< الله يذكرها بالخير حاتم علي


سبحان الله ... التكرار ليس من ميزاتك

من حنان عبدالله المرتبط بقسوة حرمان أم من أطفالها لقسوة وشجاعة وكرامة وهيبة آل مشعل

وأتفق معك أن أعمق المشاعر ترافق وتنبع من أبرد القلوب وأقساها

مع اني اكره في آل مشعل كل هالبرود القاسي






::سلطان::

يا سبحان الله
كل المرجلة فيك يا أبو هيا
حتى وأن خالفت شور مشعل الكبير ... الا انك نتاج تربيته وتعليمه
وانت نقلت كل هالتربية والتعليم لصغيرتك هيا لتصبح ككل آل مشعل وان ما تربيت بينهم وتحت عينهم
اتفق مع ام احمد .. لو انك انحطيت بنفس موقف الولد وزوج هيا المستقبل له نفس ظروف أم هيا لكان ردك هو "لا"



::هيـــا::

وهـ يا حبي لك يا بنت مشعل
كنت حاطة ايدي على قلبي وانا اشوف اعصارك مع مشعل << ولا افلام الأكشن الأمريكي

بالرغم من ابتعادك عن دفا حضنهم الا أنك تشربتي كل صفاتهم من ساسك لراسك
العناد .. تحمل المسؤولية .. الشجاعة
الا انك حواء في النهاية وحواء دايما تبحث عن الامان عند آدم
وآدم هالمرة ليس شخص مشعل بن عبدالله بل متمثل في كل آل مشعل
هل يمكن في يوم تتناسي حزن أبوك وخروجه من بيت آل مشعل لتلقي بنفسك بين أحضان جدتك وعُمانك



::مشعل بن عبدالله::

يا أني فتحت عيني وانا اشوف ايده على حزامه ... ناوي يلعب فيه على ظهر هيا
حار في حار هالرجال ... ما عنده تفاهم ابداً
انتظر دوره بفارغ الصبر مع هيا وأم هيا ... هل بيعيد الزمن نفسه ؟



::موضــي::

شوي شوي عليها يا بنات
صح سلبية و صح مافي اي مبرر لها حتى تستحمل كل هالضرب ووراها رجال يربوا حمد من اول وجديد
لكن هالمثال موووووووجود بكثرة في المجتمع
نظرة المجتمع .. اعتيادها على بيتها وزوجها .. بحثها عن رضا اهلها وهنا بالهم
كل هالأمور ممكن تصبرها على حمد واللي أمر منه
بس السؤال ... ايش اللي موصل حمد للدرجة ذي من القسوة
مع احترامي للكل ... اشوف انه يعاملها زيها زي الحيوان
هل هو سكير .. مدمن .. مجنون



::مشاعل::

ياعيني عالحيا ... يا نااااسو عليها
ولا كمان البنت تفهم أخواتها
نشوف وش مخبية لك الانفاس مع ناصر



::لطيفة::

والله هالرجال ما تعرفيلهم
عصينا امرهم .. عصبوا .. طعنا أمررهم .. عصبوا
نشوف ... هل راح يستمر هالتمرد لاحساسك كأنثى وواجبك كزوجة وطاعتك لرغبات زوجك
بس عالعموم ... حياتك جنة بالمقارنه مع موضي



::مريـم::

الله يجزيك الجنة يا شيخة آل مشعل
لنرى في أي بر أمان سيرسو قاربك المحمل بالرضا بما كتبه الله لكِ



::نـــاصر::

آخ فديت الجوكي يا ناس
نفسي اعرف ايش رأيه بزواجه من مشاعل
هل هو الرضا باختيار اهله والبقية تأتي مع العشرة أم مصير مشاعل من مصير لطيفة أو موضي ؟



::فارس::

مشـــــــــــــوه
ممكن ... بس رغبته في الزواج من امرأة من اختيار أمه
ورضا اولاد عمه به كزوج لأختهم المدلله أم أنه اخلاقه وصفاته تغني عن كونه مشوه
أنفاس قطر ... شوقتيني لنهاية جلسته مع اخوته بالرضاع





حمد .. راكان .. نورة وعائلتها.. محمد وعبدالله .. سعيد .. باكي

انا بانتظارهم معكِ يا أنفاس قطر









أنفاس قطر

شكرا ... لكل هذا الاهتمام بتحديد الاماكن والازمنه
شكرا لكل هذا الاهتمام بتفاصيل الأمور والمعلومات المحشوة بين ثنايا القصة

سلمت يمناك

السلام عليكم
انفاس قطر
المبدعة دوما وابدا

روايتك الثانية
يبدوا لي انها ستصبح افضل من الرواية الاولى لان اسلوبك في تطور واضح
و بصراحة كونك انتي اللي كاتباه فاكيد راح تكون رواية رائعة



انا بصراحة حجزت راكااااااان ومالي شغل باحد
راكان لي انا سمعتي يا زارا


نفسي اعرف السر اللي مخبية على مشعل


و مشعل فديته بس لو يخفف من عصبيته شوي شكلك راح تدبسي مشعل وهيا في بعض بس الله يستر من الاعصار راح يكسر الدنيا


هيا ربنا يحفظها ما شاء الله عليها عجبتني شجاعتها و قوتها و معها حق في كرهها لآل مشعل لان ابوها توفى بسبتهم بس انا متاكده انها اذا راحت وجلست مع جدتها راح تفهم كل شي و راح تسامحهم


موضي

تحنني هالبنت ما ادري ايش مخبية لها يا انفاس بس انتي قلتي ان حمد من الاشخاص المحببة لك فاكيد راح يتغير و نعرف احنا سبب تصرفه القاسي



مشاعل ياحبي لها تستحي البنت موووت تعجبني رقتها و احساسها الله يعينك يا ناصر بتذبحك البنت


منتظره البارت الجاي بفارغ الصبر
تسلمي
و ربنا يحفظك و ابنك من كل شر


تحياتي

روح الامس

مسائك عسل ياعسل مساء الفل على انفاس الخليج
مو بس انفاس قطر الله يسلم هالايدين على البارتين
الحلويين مثلك .
توضحت لنا بعض الامور منها سالفة سلطان مع مشعل الجد
وان سلطان المسكين مات واهوا متحسر على امه وابوه واخوانه وانه مات واهوا مشتاق ومتلهف على شوفتهم
وان هيا بنته تعرف بقصته معاهم عشان كذا حقدت عليهم
وقامت تكرههم لانها عاشت مع ابوها وعاصرت الامه وشوقه
لاهله واحساسها بانهم منبوذين ووحدين برغم عايلتهم الكبيرة فالبنت ماتنلام بتصرفاتها وغضبها من مشعل
ولد عمها عبدالله واتوقع ان اللي صار من بينهم ماهوا الا بداية للحروب اللي بتصير من بينهم ويمكن امها حصه
تموت ويهتم مشعل في هيا وبتنقلب الاحوال .
لطيفه الله يعينج على مشعل ومزاجه المتقلب ان اهتمت فيه
وسهرت تنتظره تهزات وان نامت وكبرت المخده على كلامه
بعد تهزات رجاجيل مايقدرون النعمه الا اذا فقدوها .
موضي وسر المعامله السيئه من زوجها حمد اللي يكون ولد عمتها لدرجه انه يضربها هل السيي اهوا انهم ماعندهم اولاد يمكن السبب يكون في حمد وانه اهوا عقيم
عشان كذا يحط حرته فيها ويضربها لان لو كان السبب من موضي وانها ماتجيب عيال كان تزوج وحده ثانيه ومانطر اربع سنين من غير عيال هذا الشي شفته في مجتمعنا .
ناصر شكله حبوب وخفيف دم وجريء الله يعين مشاعل الخجوله
عليه .
فارس اخو بنات عبدالله من الرضاعه غامض وحنون وقاسي
ووراه سر اتوقع تكشفينه البارت الجاي وانه ليش عصب يوم تكلمت موضي عن انه خايف على بشرته .
راكان المتميز المتألق صاحب الانتصارات والبطولات صديق مشعل في حياته سر وليش مايبقي يتزوج يمكنه يحب وحده وتزوجت ليكون لطيفه مرة اخوه مشعل والا يمكن وحده من بنات عمته نورة اذا عندها بنات الله اعلم .
مشكورة يالغلا والله يعطيج العافيه .
وجه الصباح .