لبى قلبش على قولة ال مشعل

بس من جد مشاعل ذي جابت لي حارق,, تبكي بالحمام! خبل هي زين مادخلها جني ,,مير ليت يدخلها جني على الاقل بتصير فله وبينبسط ناصر خخخخخخ

امافارس عاد مصخها مبحلق العيون ويطالع انا مكان العنود بسكر اللمبه واكبر الوساده وانام
لاكلمه عدله ولا اخلاق !!

الله يعين نصور وعنود على المعقدين فارس وشعيله
>>>مونازله لها من زور هالمشاعل

اووووووه على مشاعل ودي ذبحتها وش هالسحى اللي ماله داعي
ناصر ياحياتي رجال وش زينه ذوق واخلاق وحنيه والله انه يخب عليها
يبي لها تأديب ولا تبي مشعل تبي تسود وجهه عند ناصر ما اقووول الا
الله يصبره عليها وتحس فيه

اما العنود فديت راسها وقلبها والله انها سنعه ومطيعه خليك كذا وجنني
فويرس هالقاسي وش هالاسلوب ياخي هذي مرتك مو واحد من الشباب
زين اسلووبك شوي .. وبعدين وشو هذا مابي اعيد الامر مرتين ليكون
انت الملك واحنا ماندري اقوول طير بس وترفق على شيختك العنوود لا تنفر منك وبعدين انت اللي بتندم

...........
اعذريني على انفجاري هههههه ما مسيت ولا سلمت ...
ما اقوول الا ربي يعطيك العافيه وحميك من كل شر
ولازم تبردييييييين قلوبنا في مشاعل وفارس

اختك .. روح

نهــــــــــــــــــــــــارك أوركيد

مشكوره ياعمري على البارت المكمل للبارح وابدعتي انك حصرتيه بأربع اطراف فقط لاغير.

مممممم بسميه بارت التوبيخ ,


اليوم انا ابي اوبخ بطلين من ابطالنا وبشده

نــــــــــــــــــــــــــــــــــــــــــــــاصر

لنا فتره وحنا نقول البنت خجوله انتبه وحاولو يوصلون لك انها خجوله .

تتوقع ان الخجل بيروح عند اول ماينقفل عليكم باب ؟؟؟


هي ماتشوفك ناصر لا لا لسبب بسيط ان بعقلها مافي لك مكان

هي تشوفك مشعل بن محمد اللي لمدة 13 سنه جمد اختها وكأنها تحفة شمع بلامشاعر.

هي تشوفك حمد بن جابر اللي كان تعامله مع اختها بعضو واحد من جسده وهي ايده فقط

هي ماتشوفك الا وحش ثالث بينضاف لمشعل وحمد عشان تحولها لحطام امرأه مثل

ماتحولو اخواتها قبلها .

هي بمراسم زواجها وليلتها الاولى كانت بعقلها الباطن تعيش أخـــــر لحضات سعادتها وراحت بالها

مممم

صح تصرفها من وجهة نظرك مبالغ فيه وكأنها عايفتك لكن لو شفت الموضع بمنظورها هي

بتعذردها اكيد ,,,,

ممممم احسن شي سويته انك بتتركها فتره

صح ماكن ودي ان الموضوع يوصل انك تعوفها لكن اتوقع بعدكم عن بعض بالروح ولكن قربكم

مع بعض بالجسد بمكان واحد هو افضل علاج لحالة مشاعل ,,,,,

انت تتوقع انك قاعد تعاقبها بس انت بتصلح الموضوع وانت موداري

مشاعل يبيلها وقت عشان تتعامل معاك بس بحدود عشان تكون لك الصوره الحقيقيه بعقلها

وتلغي صورة مشعل بن محمد وحمد.

=============================================


فـــــــــــــــــــــــــــــــارس
وانت البطل الثاني اللي بأوبخه اليوم

مممم انا امس قلت بتعليقي ان العنود نست مامضي وابتدت بصفحه بيضا

لكن لاحظ شي مهم ان باامكانك ان هالصفحه اليضاء ترسم فيها مناظر ذات بهجه واللوان الربيع


وممكن ان هالصفحه تكون مناظر مرعبه واللوان كئيبه وقاتمه .


ناظر تعاملك هذا مو منطقي ابدآ بتقولي هي غلطت بقولك صح بس مو كذا تعاملها

قدامك حل من الاثنين اذا مااستخدمتهم ((وهذا اللي بيصير)) بتدخل بمتاهات مع العنود


الحل الاول انك تنسى وتبدء بصفحه جديده مثل ماهي سوت بالضبط .

الحل الثاني اذا انت قلبك اسود (وهذا اللي انه شايفته )ومو قادر تنسى تجلس معها وتقولها

اخطائها كامله وتعاقبها العقاب المناسب بوقتها وبعدها ينقفل الموضوع,


لكن بتقعد تمط العقاب وتعيش البنت بجحيم صدقني مو لاقي االا الغثا وبس

اتوقع انك بتستمر تعاملها ببرود وانت من داخلك بركان يثور من المشاعر

وعشان تثأر لنفس ومشاعرك وولعك فيها ومو قادر تحصل عليها بتزيد من جفاك بمعاملتها .

الى ان ينفجر داخلك البركان

العنود

بقولك مقوله ونفذيها ((اللي يقتلك بالسم اقتله بالسكر))

اذا هو تعامل معك بالبرود والجفا عامليه بالدلع والموده صدقيني اكبر عقاب له

=================================

الحمدللـــــــــــــــــــــــــــــه ثاني يوم والقفله حنونه ومافيها ألم يارب تحنن قلب انفاس وتبعد عنا

القفلات المؤلمه

=====================================

ننتظــــــــــــــــــــــــــرك ياعمري بكره بأذن الله

أشكرك على انضباطك بالمواعيد وتعاملك الراقي وبالك الطويل

أنفاس يا روح ليلاس
لا زلتُ محلقه في سماء رومانسيه أسى الهجران....
لآ أستطيع توقع أي شيء في هذه اللحظه؛ لكني مندهشه لموقف ناصر !!!!!!
كم هو ساذج وأحمق هذا الناصر !!!! حاله كحال كل الرجال !!!! كلهم أغبياء عندما يتعلق الأمر بالحب...
أتمنى أن لا أكون أزعجتك بتهجمي على ناصر لكن ذلك بسبب مشاعل التي احب كثيرا فهي أكثر شخصيه أعجبتني رغم قلة حضورها...
نهارك سعيد و في انتظار جزء الغد إنشاء الله