السلام عليكـم..
نفوووس..ودي اقول عن البارت رووعه..بس اخاف ما تعطيه حقه..عندج كلمة تناسبه:)..يسلمووو نفووس عالبـارت..مايي منـج قصـور..

سلطان
وابعاده عن اهلـه..بسبب مروءته..وانه ما رضـى..يشوف مرة من ديرته..او صارت من ديرته..تألم..ويقدر يساعدها..صج انها اكبر منه ب15 سنه..وصج بعد ان ابوه يبي يزوجه لبـنت عمه..بس رجولته..ما سمحـت له يتركهـا..وهي ما عندها احد..توقع الرفض من اهله..لانها كبيرة عليـه..ولان اصلها مو قطري..بس مو لدرجة يطردوونه..عاش بعيد عن اهله..وعيش بنته بعيده عنهم..اعتقد ان اهله نادووه..ما يبون يخسرونه مثل ما خسرو سعود..

فارس
ورفضه للعنود..انزين ليـش..مو معقولة مافي سبب..او لأنهم حيروها لك بدون لا ياخذون رايـك مثـلا..واعتقد ان شخصيته ما تسمح له..ينفذ كلامهم..لازم يعاند شوي..بس ما اعتقد يده يرضـى..

هيا
وشعورها بالالم..كل ما تذكرت شسوو بأبوهـا..وكل ما تذكرت شلون انها كانت ميته تبيهم..واهم لا..شلون كانت تخطط..للقاءهم..واهما لا..لين عرفت الصـج..صج شي يعـور الـقلـب..

ابو سلطـان
مهما كان..يتم ابو..يتم عنده مشاعر..يتم يشتاق لولده..صج طرده..بس كان يتمنى..يرجع يحاول فيه مرة ثانـيه..عشان يقبل اعتذاره..يمكن طرده لانه ما خذا شووره..ولو خذا شووره كان وافـق عليهـا..او لانه قايل كلمه وان بنات عمهم لهم..واهو كسرها..مادري..!

سووري عالقصـورة نفووس

بنووتة

أولا وقبل أي شيء.. هذولاء المتعدين على أملاك الغير يبون لهم تسنيع
قلنا فارس بن سعود حق بنت الخالة.. عندكم رواية طويلة عريضة مليانة شباب يعني حلا في عينكم يوم قلت أنه حقي..
هو طبعا يزيد زينه ومرجلته يوم أنا ألتفت صوبه لأني عطيته من ألقي وروعتي <<< مصطلحات أنفاسوه

المهم خلصنا ذا الموضوع (فارس من أملاك بنت الخالة) وقلتها قبل وأعيدها الحين وفي الإعادة إفادة

نجي للقصة.. لأنه من يوم بدت وأنا مشغولة بمشروع التخرج الزفت الله يعطينا من خيره ويكفينا شره

مشعل بن عبدالله.. شخصية واو.. خليط رجولي عميق ومبهر.. رجّال بمعنى الكلمة وينشد له الظهر.. رغم الغربة والبعد إلا أن أصالته مترسخة فيه.. وبدواته ومرجلته متمكنة منه... طبعا ننطر الأكشن المختلف بينه وبين هيونه قلب الأسد

هيا بنت سلطان.. يا جعلني فدا الاسم الرزة ياناس.. حتى اسمها ثقيل مثلها.. اسم شيخة.. وهي شيخة.. شيخة البنات والسنع.. مرة ثقيلة وستيرة وتعرف السنع والحيا.. موب مثل بعض بنات.. إذا راحت تدرس برا ضيعت السنع.. وقطت الحيا والمستحى.. ماكن فيه رب فوقها.. ولا كن فيه عادات ستر تربت عليها

لطيفة بنت عبدالله.. جعلني فدا المزيونة السنعة اللي ماحد درا عن هوا دارها.. مشعلوه الخمام ما أدري وشو لاهن به... وإلا تدرون حرام أقول خمام.. ذا الشيبه عجيب وجاينه بالحكي..
المهم يا لطوف.. ترى مشيعل دواه الحقران.. سمعتي المثل اللي يقول الحقران يقطع المصران.. احقريه والله إن يأتي زاحف على بطنه كنه ضب يتشمس.. يترجى العفو.. بس المهم وقتها لا تعطينه وجه.. عذبيه بالتجاهل مثل ماهو تجاهل شيخة الحريم لطوف 13 سنة..

مشعل بن محمد... رجّال والحق يقال.. رزه وثقل وقايم بحق الكل..حتى لطيفة يحترمها ويقدرها بس ليش موب قادر يحسسها باهتمامه.. لحد الحين ما تبين سر اهتمامه بفارس اللي كررتيه أكثر من مرة وشددتي عليه.. وليه كان اهتمامه بفارس أكثر من أخوانه حتى..

مشاعل بنت عبدالله.. العذوبة والرقة توها ما بينت وايد.. بس غمضني إحساسها بخواتها

ناصر بن محمد... رجّال مشاعل.. الشخصية الوحيدة اللي حسيتها مضبوطة تمام بين الشباب.. بس نفوسة تقول إنه ناصر بالذات مخبية له أكشن ماصار قبل.. إن شاء الله يكون أكشن حلو

مريم بنت محمد.. صحيح عمياء بصر بس ماهي عمياء بصيرة.. شخصيتها واثقة وقوية في رسالة حبيتها لأنها تقول إنه الإنسان اللي عنده إعاقة موب معناها ينعزل عن الناس.. لكن ممكن يكون له دور في الحياة.. المهم يكون واثق من نفسه وما يتنازل عن دوره

راكان بن محمد.. صديق مشعل اللي وراه سر ماخلاه يتزوج.. رجّال ماعليه قاصر.. ياترى وش السبب اللي خلاه مايتزوج.. ناطرين توضيح لشخصيته واسراره

العنود بنت محمد.. يا حبني لها ذا البنت ياناس.. يا أختي وش هالدلع والزين والحلا.. ترا فارس هو الخسران لو عافج.. بس ظني يقول إنه هذا موب أخر الحكي.. وأنا بأقول لفارس ترا العنود خسارة تروح عليك بس خليني لين أوصل دوره في الحكي

موضي بنت عبدالله وحمد بن جابر.. الحكي عنهم مؤجل لين أعرف سالفتهم

الجدة هيا أم محمد.. كسرت خاطري ذا العجوز وحبيتها في نفس الوقت... أعتقد لها دور في الأحداث يعده جاي


باكينام بنت أبوها.. هذي البنت عجيبة.. خليط الأعراق واللغات اللي اكتسبت من كل عرق شوي.. عجبني ثقتها بنفسها.. بس بعدني أنتظر عنها أكثر

فارس بن سعود... وفديت الطاري ياناس... تصدقون لو قلت لكم.. أنه أنا أبي أغير غرفتي وديكورها كله للون الأبيض والأسود.. وبعدني ماقلت لأحد وإلا كان قلت إن أنفاسوه قاصدتها... فديت المذوق اللي ذوقه على ذوقي... والله أنك سبيشل يابو الأبيض والأسود
بس ياترى وش سرك.. وش اللي في ملامحك خلاك قاسي كذا.. تشوه مثلا.. حرق.. مع أنفاسوه ما أقدر أتوقع..
المهم يافارس يا حبيب قلبي... وش فيك عايف العنود.. والله إن العنود تجنن..مزيونه وغنوجه.. ودلوعة وتشلع القلب شلع.. جعلها إن شاء الله تشلع قلبك شلع قادر.. وانت تفر حوالين نفسك...ناطرة أحداث أكبر مع فارس تكفين أنفاسوه

أنفاسوه ماشاء الله تبارك الله... إبداعك في هذي القصة شيء تجاوز كل خيال وحد.. لا في الوصف لا في اللغة.. لا في طريقة توزيع الأحداث.. لا في رسم الشخصيات.. كل شيء.. كل شيء.. كل شيء
الله يحفظج من كل شر

بنت خالتج الموت الحمر

واخييييييرا عرفنا قصة سلطان وطرد اهله له ..اما العنود تبدو بنت مرحة وحيوية يا ترى ليش فارس معترص عليها ولا يمكن مو عليها شخصيا لسبب انهم ما اخدو رايه بالموضوع

و ههههه اسفة لكتابة اسم مها مع ان اكثر اسم اعجبني فكل الاسماء هو هيا .. خطئ مطبعي والله

ولا تغيريه ابدا لانه يزيد من روعة الشخصية والف الف شكررررررررررررر لك

ننتظرررررررررررك في البارت القادم

رائعة

يعطيكي الف عافية اختي انفاس قطر

روايتك رائعة بكل ما للكلمة من معنى

فعلا ابدعتي عزيزتي

تحياتي لك وانتظر البارت الجديد لا تتاخري علينا

وتقبلي مروري

الله يعطيج العافيه انفاس البارت مسكت ورائع
بس عندي طلب ودي تنزلين بارتين اذا تقدرين
عشان نتعمق في الشخصيات اكثر ونفهمهم اكثر
الشخصيات واجد يبقي لهم حفظ وتركيز حشى داشين اختبار
انا قمت الخبط في الروايه والابطال شفتي اللخبطه اللي
سويتها في البارت اللي راح وانتي تقولين بافي شخصيات
واجد مابعد يجي دورهم وان روايتك مافيها ابطال محددين
المهم اليوم عرفنا سالفة سلطان بو هيا اللي توفى واهوا مقهور ومنبوذ ومطرود ماتنلام هيا اذا عصبت
واحقدت على جدها وعمامها واعيالهم والجد الله يهداه
ماعطى سلطان فرصه يشرح له شنهي اسباب زواجه من حصه
وصارت القطيعه من بينهم لين مات سلطان واللي فهمته
من مشعل عبدالله انهم كانوا يدورون على هيا وامها يمكن
حن قلب الجد والجده عليهم ويبقونهم يسكنون عندهم في البيت بس شنو بيكون موقف العايله لعرفوا ان مشعل لقى
بنت عمه وانها معاه في امريكا تدرس .
فارس سعود الانسان الغامض ليش رافض بنت عمه وراك سر يافارس ماراح تلقى احسن من العنود شكلج ياانفاس بتسوين في فارس نفس ماسويتي في سعود في بعد الغياب
بس بالعكس سعود خطب فاطمه بس تزوج دانه بنت عمه وفارس
يبقي وحده ثانيه بس يمكن يتزوج العنود ادري توقعاتي كلها خرطي وطاش ماطاش .
انفاس مشكورة يالغاليه وانا اقولج لاتعبين نفسج وتضغطين عليها كثير اهم شي راحتج وراحت البيبي وانا اقولج اذا تنزيل البارتات يوميا يتعبج خليها يوم ويوم
عادي مانبقي الروايه تنتهي بسرعه مثل بعد الغياب خلصت
وقعدنا حاطين يدنا على خدنا من الزهق والملل .ننتظرج
وتسلم ايدينك.
وجه الصباح او اللبؤة