مرحبا أنفاس

نور المنتدى برجعتك ويارب تتوفقين

لطيفه وأخيراً ما بغت بس سنعت مشعل وخلته يمشي على العجين ما يلخبطه

هيا يا بعد قلبي ما تنلام معها حق في سالفة الورث وفي سفرة مشعل

مريم راح تعيش احلى حياة مع سعد

موضي ما يناسب روحها الا راكان ولا لها الا اركان تكفين أنفاس

العنود الله يعينها على غيرة فارس والله ما ألومها في خوفها

تسلمين يالغلا ننتظرك على خير

اولا احب اقولك اني من الناس المتابعين خلف الكواليس ولم يجبرني شيء على الظهور الا ان اقول لك كم انتي رائعه تحياتي المفعمه بالود لك ودمتي بخير دائما

شكرا انفاس على التزامك واحنرامك لقرائك تستاهلين المتابعةلانك نموذج مشرف ....تهاني لك على النجاح في كسب القراء والتواصل معهم تمنياتي لك بالنجاح والتألق الدائم

صبــــــــــــــــــــــــــاح الاوركيد

فقدتك حـــــــــــــــيل

صعب ان تكوني متعوده تشربين قهوة الصباح مع بارت تقرئيه وبعدين تصيرين تشربينه بدون شي

بس ولا يهمك رجعت قرأت الروايه من جديد

=========================

ممممممم

دام كل اخواتي القارئات كتبو تهديد او طلب او تمني

حتى انا بعد بصير مثلهم بس طلبي شوي جديد

ياختي ليش كل ابطالك طوال؟؟؟

مافي احد قصير؟؟ طيب راعي ان في قارئات قصيرات

طول الروايه واثناء حواراتهم احس ان رافعه رقبتي بينهم

الروايه الجايه بأذن الله احد ابطالك خليه متوسط الطول

===============================

طيب نجي للبارتين

مشكوره على البارت الحلوووو احس انه هادئ وبلسم بالرغم من زوبعة اعاصير بحياة موضي

ممممم

نبدء بالكبار

مشعل بن محمد ولطيفه .

ارتحت اليوم حيل لان انتهت المعركة بفوز الطرفين ولو اني اشوف ان مشعل قدم تسهيلات اكثر


كل واحد فيهم اخذ اللي يبيه ,,,,, مشعل اخذ الانثى الشرسه قوية الشخصيه اللي طالما تنمناها


ولطيفه اخذت الجانب الخفي بشخصية مشعل وخلته يظهره امامها لقت الزوج المحب اللي يعبر

عن مشاعره بطريقه مثيره .

مممممم

عندي استفسار فضولي

ليش دايم الاحظ انك اذا كتبتي عن شخصية لطيفه ومشعل بالذات تستنزفين مشاعرك وتتعبك؟؟

=============================

موضي

ياقلبي عليها هي قاعده تشوف ان امها قاعده توديها لحبل المشنقه

هي طلعت من حياة الخوف والذل والمهانه وماصدقت انها رجعت للأمان والهدوء وراحة البال

والاكثر انها بتشتغل وتحس بذاتها ,,,,,,, وهم يبون يطلعونها من الجنه ويرجعونها للنار

بس انا من اشوف ان تفكير امها صائب لان لازم تبدء حياة جديده وتنسى ايامها بظل

زوج وعائله واطفال ..


مممم مااقدر اتوقع مين بتاخذ لان اي احد بتاخذه اكيد بااسلوبك وافكارك بنحبهم كاثنائي


========================

مريم

برافو مريم فكري باايجابيه وخلي كلام لطيفه يكون دافع قوي لك

عطيتي الكل واللحين لازم تعطي نفسك ,,, انتي ماعندك شي تخسرينه لكن حاولي ان تكسبين


=============================

فارس والعنود

مممم بالموقف اللي صار بينهم ذكرتيني اذا جات دعايه لبرنامج يعرضون لقطات منه

ويقولون موعدكم يوم الخميس تابعونا ,,,,,, صرنا كلنا متشوقين نشوف حياتهم مع بعض,

العنود اللحين يوم اخوك اخذ حقك وفشله ضعف وحن قلبك عليه؟؟!!!

بنشوف شلون حياتكم

============================

باكي وجوو



يعني الكل جزم وتأكد ان في لقاء بيكون بالحفله بينهم

بس ماتوقعت ولا نص بالميه ان يكون هاللقاء مرتب له وبقصد ,,,,,

جوو كان عارف هي منهي ومنهي بنته ولذلك رتب موضوع انه يقابلها بالحفله.

ممم باكي ناظري جاتك فرصه ثانيه تصلحين اللي سويتيه بس بليز

اطلعي من جمود العرق البريطاني وتخلصي من نعرة وغرور العرق التركي

وخليك بنت مصريه قدعه واصيله فقط لاغير .

هههههههههه وش كثر شهادته واستاذ بالجامعه بعد وباكي تقوله لو تبي مساعده بالمدرسه

فشييييييييييييله ياباكي

===================================

مشعل بن عبدالله وهيا .

حياتهم الحمدلله استقرت وصار مشعل بالنسبه لها هو السند والاب والزوج

ماابالغ انه صار يغنيها عن اي مسمى رجل بحياتها سواء اخ او اب او عم ,


رحلة القنص اقتصرت على شخصين هاللحين مشعل بن عبدالله وراكان فقط .


مممممم من خلال خبرتي معك بالتوقعات تعلمت شي اني

مااضخم بتوقعي لان ممكن يكون الحدث اسهل مما اتصور ومثال على ذلك ,,,,

توقعت بتكون معركه يوم درا مشعل بن محمد بضرب حمد لموضي وسكوت لطيفه وكان الموقف

اسهل مما تخيلت ,


يعني ممكن تكون رحلة القنص فيها مواقف لكن مو مواقف مصيريه, وممكن يكون فيها حدث

يغير مجريات الروايه كلها .

ماابي اتوقع توقعات مصيريه تغير مجرى الروايه لان بكذا بفقد متعتي بالاحداث الحاليه.

============================

مبروك انتهائك من الامتحانات واللي فهمتو انه امتحان تخرج

ربي ينجحك وتقفطين ثمرة تعبك وجهدك

ننتظرك يوم السبت بأذن الله تعالى

==============================

أشكرك على انضباطك بالمواعيد وتعاملك الراقي وبالك الطويل