كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
السلم عليكم ورحمة الله وبركاته
أشحالج أنفاس قطر عساج بخير .. أول شي مبرووك الحمااال ..الله يثبته..وسلامج قدامج إن شاء الله ..
مبروك قصج الثانية الي ما تقل ابداع عن القصة الاولى ..
عجبني التفاصيل الي تكتبينه عن كل شخص مثل سكنه ودراسته وشو تخصصه ولا شغله هذي التفاصيل معطيه للقصه واقعيه ..وعجبتني المعلومات الي فيه
ما أقدر احكم على كل شخصيه لأن احس بعده ما وضحت صورت كل شخص وشخصيته في القصة
بشكل عام ما اتوقع فيه عائله كل بناته أوكيه ولابد في بنت تغلط أو كل شبابه قمه في الرجوله
والشخصيه لابد يكون فيه شخص ..فيه قلت مراجل و يسببلهم مشاكل لو الأهل ربوه تربيه صالحه
اعتقد إن اسم القصة 90% يخص بطلات القصة والباقي يخص سلطان وعائلته
تدرين وايد أثرت فيه لطيفه"إلي تملك من الجمال يجذب الكل لكن ما جذب أهم شخص في حياته" يمكن لأن قصته مشابه لقصة ربيعتي .. أهي ما كملت13 سنه مع زوجه اذا حذفنا رقم 1 بيكون بضبط مدت زواجه ..قالتلي مره "أول مره أكتشف أن الجمال ماله دخل في الحب" قالت "إلي يذبحني ان الكل يمدح فيه وفي جمالي وأخلاقيه ..لكن أهو ولا دراابي لو اغير في شكلي ولا اصبغ او اقص ألخ وما ينتبه" حسيت إن أشوف ربيعتي بس في صورة لطيفة ..
ومضاوي شو قصة رجله.. وليه يضربه هل معقوله يكون من النوع الي يسكر وبسبب السكر يضربه ؟؟!! >> يدور في بالي ألف سؤال لكن ما بتوقع وايد اخاف أألف قصة
والشباب وكلامهم عن القنص ومشعل يوم كان وده يكون معاهم .. ذكرني بأخوي يوم يجي موسم القنص
في موقف بين عيال العم أنه في واحد محجوزه له "محيرة" بنت عمه وشكله ما يبيه.. أو فهموا من كلامه انه بيخلي امه تدور له أنه مايبيه .. ياليت تطرحين سلبيات هذا الشي
لأنه في نظري أهله ظلموه قبل ما يظلمه الشخص الي يقربله برفضه له إلي من ورا هالشي يجيب الكلام الغلط عليه من الناس
هيااا ما ألومه على ردت فعله أعتقد شوقه وحبه لأهل ابوه تحول لكره لكن من إلي غير نظرته وخلاه تشوفهم أغراب ولا تعترف ولا تفتخر بأنهم يصيروان أهله.. وكلامه "موب ذي أمي الهولية اللي طردتوا أبوي عشانه تزوجها؟؟!" من إلي وصله كلام أهل أبوه عنه هل معقوله ابوه قبل لايموت أو أحد من عمومته بعد مامات ابوه؟؟!!
مشعل اكثر واحد بارز في البارتات الي مرت ..أعتقد بيتصادم مع هيااا وايد لكن بيسوي إلي في راسه وإلي في نظره صح .. ما ظني بواحد مثل شخصيته يطلع منه الغلط
اي بغيت اعرف شوي يعني الهوليه بما أني ما أعرف قطري ^_^
كل بارت يكشف شي يديد وفي نفس الوق ما يشبع فضولنا ويتم الغموض لاااف أحداث القصة
أهنيج على هالقصة إلي لااااامست جزء كبير من الواقع وخلاني أعيش وأحس بأحاسي أبطاله ..سلمت يمناج على ما خطت
أحترامي وتقديري .. نتريا البارت الياي ..بتوفيق
همسة الله الله بعمرج وفي البيبي ..صحج والبيبي اهم ..وكل شي ملحوق عليه
|
22-04-09, 09:59 PM
جديد مواضيع قسم القصص المكتمله من وحي قلم الاعضاء
العرض العادي
