هلا وغلا انفاس ردي اليوم استثنائي وانتي تعرفين السبب
افاااا يالنوفي وش هالخيانه ماسرع ماستسلمتي
ورفعتي الرايه البيضاء وصرتي مع مشعل ضد لطيفه وغيرتي بعد الشعار (مشعل وبس ولطيفه خس ) كلها كلمتين قالها مشعل حق لطيفه وسوت كذا فيج افاا بس.
المهم نجي حق مشعل بو محمد شوف يامشعل انت ذا الحين
بس تقربت من لطيفه مرتين وصدتك وماقدرت تستحمل وقاعد تستغرب شلون اهيا صابرة عليك 13 سنه وانت بارد جامد
واهيا الملتهبه وانقلبت ذا الحين الادوار وكما تدين تدان ترى معركتك مع لطيفه لسه في البدايه لازم ترجع لطيفه لك وتخليها مثل قبل بس شلوون شوف لازم كل دقيقه
تقول حق لطيفه احبج تعويض عن سنوات قبل ترسلها بوكيه ورد وتكتب لها كلام حلوو وترسل لها مسجات غزل اخذ كتبها واهيا تذاكر وسو روحك تذاكر لها خل بنتك وسيط بينكم تقرب منها جدام عيالك واهيا عشان العيال مايلاحظون شي ماراح ترفض سو روحك مريض وتعبان حدك وشوف وش بتسوي ترى احنا الحريم مانطول كثير في الزعل
بسرعه ننسى ولطيفه بعون الله جايتك جايتك .
فارس بتتزوج العنود عشان تأدبها بعد الموقف اللي شافته العنود في السوق وقرب البنت الصايعه منك اهيا راح تأدبك اثنينكم متعادلين كل واحد شايل على الثاني شي وبنشوف وش بتسوون .
هيا ومشعل عبدالله حتى وانتو في الطيارة تتهاوشون
وش بتسوون جدام اهلكم ولو تدرون انهم مجهزين لكم غرفه
تنامون فيها مع بعض وش بتسوون اتوقع هيا اذا عرفت بتروح ترقد مع الجده اسم انها مشتاقه لها وبتترك مشعل
لحاله الله يعين على المعارك والتحديات الجايه بس ان شاء الله موضي اهيا الوسيط بين الطرفين .
انفاس تكفين خلي سلطان اخو مشعل يمزح مع هيا كثير
ابقي اشوف مشعل مولع من الغيرة عشان يحس باحاسيس هيا يوم تغار عليه من باتريشيا .
ناصر انت كاسر خاطري الصراحه الله يعينك على مشاعل الخوافه بس انت قدها وقدود اكيد بمزحك ومرحك وصبرك عليها بتتغير للاحسن وناطرين هالزواج واللي بيصير فيه.
راكان متى بيجي دورك انفاس اكيد مجهزه لك اكشن قووي
انفاس نبقي بارتات خاصه حق راكان خصوصا بعد رجوع صديقه مشعل عبدالله .
مشكوورة انفاس وخذي راحتج والله يوفقج وينجحج ويسهل عليج امورج وتسلمين .
وجه الصباح

بسم الله الرحمن الرحيم
مســـــــــاء الخير انفاس أخذي راحتك حبيبتي ماقصرتي
مشعل(ابو محمد)تستاهل ماجاك اجل لطيفه صابره عليك
13سنه وانت موقادر تصبر يومين خله ينفعك برودك وكبريائك
هياومشعل معاركم حتى فاطياره اجل لاصرتو بغرفه وحده وش تسوون
هيا متوتره لانها بتقابل اهلهالاكنه بيزول اول ماتقابلهم وتحبهم

احس ناصر موفاهم حياء مشاعل يضنه حيا طبيعي حيا بنت تبي تعرس
واعتقدانه خوف مو حياوالسبب تجربة خواتها
ويمكن راح يزيله ناصر بخفة دمه"
فارس الله يعينك على غيرةعنــــــوده

"اجازه ممتـعه"نفووسـه

هلا نفوسه..

وحشتين على لطوف بس الحمدلله اللي صار خطأ طبي..

مايفير ذكرتيني ب مونابولي اللي يحصل على مايفير يكون كشخة

هيا أشهد انتس مقرودة انا استانست قلت يرجعون للدوحة وهم متصافيين..

مشعل بن عبدالله بعذره الله يلوم اللي يلومه بس لويرفق على هيا لانهم ناس جدد عليه صعبة الله يعينه..

مشعل بن محمد ياحرااام تنرحم<<ماتشمت هع هع بس صدق على قول أبلا إرادة ما أتوقع يصبر..

وجه الصباح انا ونا اختس مااستسلمت خلي مشعل يقرب من لطيفه ويهينه بتظهر انيابي
لكن انتي تعرفينا حنا يالحريم كلمه تودينا وكلمه تجيبنا يعني بلعربي
نضيع عند الحتسي الزين الله يرحم حالنا نسيح مع الرمنسيه
وتره مجرد تهديد اخوفأ بس
وبعدين انا قلبي على لطيفه اخاف تندم وبعدين ماكفاها قال انا غبي
ولاافهم وحس بصبرها 13سنه لا تسكرها بوجه تلين شوي

السلام عليكم..
بارتات..لو بعد امدحها من اليوم لين باجر..مارح اعطيها نص حقها.. تسلم ايدج نفووس..واخذي رااحتج..

مشعـل
هع هع..بردتي جبدي..فيه نفووس..بس ليلحين ما برد عدل..يستاهل الي ياه..13 سنه وهو سافهها..13 سنه..وهو يتفنن بصدها..13 سنه..وهو قالب ثلج معاها..واهو على جم يوم..سفهته فيهم..طاع شصارله..حس باللي سويته فيها..

لطيفه
وظنها بان الكلام الي قاله..من شفقته عليها..وانها مريضة..وبتموت.. زين طلع شي من توقعاتي صح:)..برودها معاه..هالمرة مو تمثيل كلش..هالمرة بطول..معاها..مايندرى لمتى..لأنها خلاص..عرفت انه ما يحبها..وانه شفقان عليها..كلش ما توقعت منه جذي..لكن ان شاء الله بتعرف مشاعره صج..تجاهها..

باكي
وقعدتها مع يدتها..وكلامها معاها..والي شوي ريحها..وان شاء الله بترتاح اكثر..لين تشوف يدتهـا الثانيـه..احس بصير اكشن بمصر.. ويطلع يوسف..يصيرلها من بعيد..ولا ولد صديق ابوها..ولا اي شي..المهم بتشووفه..:)..

فارس
وغيرته عالعنود..والي ما قدر يخبيها..موقف المعجبة حيل بايخ..اخر زمن بنات يغازلون صبيان..والمشكلة ان عنود شافته..من بعيد..فما سمعت كلام فارس لناصر..هع يعني صج صج بصير اكشن..بينهم..وكل واحد بأدب الثاني..لكن حلو ان العنود..دمعت عشانه..يعني تغار عليه.. يعني ممكن تحبه هع..

مشعل وهيا
والبرود الي بينهم..برووح ان شاء الله لا وصلو الدوحة..هيا وخوفها من شوفة اهلها..ماتدري شبتكون ردة فعلهم..متوترة..وودها مشعل يوقف معاها..ويساندها..الله يعينهـا..

ناصر
وانه بيستحمل حيا مشاعل..وبيصبر عليها..عسى يكون قد كلامه..

بنووتة