رائعه انفاس مشكوره مشكوره مشكوره
اخ من المشعليين واحد توه بيبتدي والثاني توه الي فاق لعمره
موضي ربنا يوفقك وترجعي تملي قلب راكان

سلامٌ من اللهِ يغشاك ، ورحمةٌ منه تتلقَّاك ، وبركاتٌ تحفك باستقراركَ ومسعاك ..
وربي يا نفوسه كل بارت احسن من الثاني والاحداث كل مالها وتحلو ياحلوه انتي وه بس فديتس وفديت كرمتس هاللي يهل علينا مثل المطر
ربي مايحرمنا منتس بس ولامن ابداعاتس.....

تلوموني اذا قلت هيا ودي اكفخها واجلدها مالت عليها من مره والله انها ماتستاهل مشعل عاد مالنا حيله نطلقهم خخخخخخخ ياليت مشعل يسمع كلامي ويسفهها بس هو شكل الحب بدا يدب فيه عاد سمعها تقصد عزالله اللي بيطيح ولااحد سمى عليه هههههههههه....
تكفين نفوسه ماابي راكان ياخذ موضي واللي مو لايقين صادقه زارا دوري لراكان وحده تناسبه تطلع ثقل وزين ورزه بعد هههههههه والله معالي ماتصلح له ابد احس هو شرق وهي غرب ...
موضي الله يوفقها مع سعيد والا غير سعيد الله يعوضها وبس

ماودي اتوقع عن مشعل وش بيقول للطيفه بس ان شاء الله انه خير ...نفوسه هذه القفلات اتحملها... تدرين ليش ؟؟خخخخخ لاني افكر في قفلات زواج فارس والعنود وناصر ومشاعل ههههههههههههههه الله يصبرنا
ولقاء مشعل مع اهله اذارجع افكر فيها مررره الله يعين بس ...
جوريه لا ان شاء الله مايجي لطوف شي وبسم الله عليها من المرض وشذا التفكير خوفتيني ...مبدعه مبدعه انفاس ربي مايحرمنا منتس ويخليتس لغاليتس ومغليتس
ويهون عليتس كل عسير يارب .....

الغاليه انفاس انتي يعمري ماثرتي الخلاف بين ابطال القصه بالعكس خليتينا نشوف كل واحد منهم مايقدر يعيش من غير الثاني واذا وقفنا مع واحد على الثاني معناها مؤازره له في خط سيره
وضع الابطال مرتبط ارتباط واضح باسم القصه مثل هجران حمد الموضي وهجران مشعل الطيفه وهي القريبه البعيده والاسى الي يعانونه
لاتنزعجين يعمري القصه مرتبطه بعنوانها واضحه زي الشمس بدون ماتقولين ياغاليه



اعجبني ظهور سعد كشخصيه جديده في حياة مريم واعجبني اكثر حشمة وحياء مريم مع ثقه في النفس جعل البني الداجات فاصخات الحياء فدواتلتس يم محمد انشالله تاخذين سعد ويجيتس محمد مع انا ماندري
عنده مره اوخالي


نفوس وشذا القفله المميته وقف قلبي معها خليتيني احط لمنادات مشعل الطيفه كم احتمال يابيقول مشكوره على الوقفه معي في المرض
ولا بيقول كافي هجران معاد احتمل الصده يبنت النا
ولاتدرين ماينقال عليه ابومحمد بيقول تعالي اقولتس وذا قربت منه بيقول روحي غطي العيال عن المكيف لايبردون وجيبي جودي تسليني دلخ
يالله بكره ننتظر وش يقول يخبر اليوم بفلوس بكره بلاش


هواوي طلعتي منتيب سهله والله وطلعت وحده من بنات المشعل تملي شروطها
بس تدرين ذا طيب في ابو عبدالله وديمقراطيه لانك اتبعت قول الرسول
رفقن بالقوارير يسلملي هطول يبو عبدالله


راكان المعالي وابصم بالخمسه والله مايرد لك الروح الا ميمي


انفس كوش علي شعر جسمي يوم عرف حمد بقرب موضي من امه اجل وشلون حمد تدرين وش اتوقع يانفاس ردت حمد الطيفه بس وشلون مدري انتي دبريها بمعرفتس


انفاس احساسي بوجودك كل يوم تاج فوق الراس
اللهم احفظها لنا واسعدها اينما كانت

مساء الفل على الغاليه انفاس توني اقرى البارتين
حق امس واليوم لان النت عندي خربان ويرفع الضغط.
المهم مازلنا في الحرب البارده بين لطيفه ومشعل
واحنا الجماهير قاعدين نتفرج عاد احنا حريم يعني في حزب لطيفه ومازال التصفيق والحماس والتشجيع وان شاء الله لطيفه ماتخيب ظننا فيها وتستمر في البرود وماترفع الرايه البيضا الا بعد مايتأدب مشعل ويقول خلا ص اتووب
ويرفع شعار (لطيفه وبس والباقي خس ).
مشعل يالغبي متشفق على بووسه ماصدقت بنتك قالت لك بوس امها الا على طول مالت عليك خل كبرياءك ينفعك
ذا الحين انت في اجازة لانك تعبان ليش ماتغير حياتك
وروتينك اليومي وتاخذ لطيفه وتطلعها معاك لحالكم
هالشي يغربك منها من غير ماينجرح كبريائك يابو كبرياء مزيف .حاولت اتوقع ويش يبقي منها وشنهو الموضوع اللي بيكلمها فيه وعجزت لاني ماتوقع انه استسلم المغرور وتوقعي اكيد بيطلع غلط فماراح اكتبه احسن.
سعد ومريم هل بينكتب لهم لقاء ثاني ولا صدفه وراح تعدي اهوا انعجب من ايدينها وصوتها هل راح يفكر فيها وتكون مريم جزء من حياته .
هيا ومشعل عبد الله وحرب المشاعر الجديده غيره واعجاب وحب من طرف هيا بس مشعل هل ابتدى يحس بناحية هيا بالحب والا بس اعجاب بنعومتها ورقتها وشعرها والقصيده اللي كانت تقولها اكيد لها ذكريات عند مشعل .
موضي وكثرة الخطاب هل بتكون من نصيب اخو شيخه او من نصيب سعيد او بترجع حق حمد ولو عرف حمد بكثرة خطابها ويش بيسوي واهوا يحبها اكيد بيتعذب لانه طلقها مكره ومغصوب من غير ارادته ودي اعرف شعور موضي تجاه حمد
هل في اعماق اعماق قلبها تكن له شعور غير الخوف منه
وهل اهيا كانت تحبه في بدايه زواجها منه كل الاجوبه عند انفاس واحنا ناطرينج على نار وتسلم هالانامل يارب وعساج عالقوة .
وجه الصباح

السلام عليكم ورحمة الله وبركاته
كما عودتناجزء رائع يثير الكثير من التساؤلات ... ويثير الكثير من التوقعات ......
مشعل بدأ يفكر أن الهروب من مواجهة المشكلة هو مشكلة بحد ذاته
وتأجيل التفاهم سيأزم الوضع بينهما
كان يريدها أن يمنحها فرصة للتفكير
ولكنه الآن لا يريد منحها فرصة
يريد اقتحامها
إرباكها.. إثارة الفوضى في صفوفها
وقلب أوراق اللعبة عليها

الهجوم خير وسيلة للدفاع فهل سيكون خير وسيلة للوصول الى بوح هيا بمشاعرها لمشعل ام ان الامور ستتأزم بينهما اكثر .........



باكي .... وصراع الحضارات في تربيتها ونشأتها ..ز واضطرابها عندما وجدت نفسها معجبة بالفاكهةالمحرمة ... فاين ستصل ؟


نعمة الصديقة لهيا ..... وهل ستستمر هذه الصداقة ام ان هناك ماسوف يعيقها ليذقوا آسى الهجران ايضا ...


( فآسى الهجران لا ينطبق فقط على الاحبة واهل الغرام ولكن ينطبق ايضا على الاصدقاء وخاصة الصداقة النادرة التي تتميز بالوفاء واللاء )


مريم ......صفاء وحنان الرواية .....

بعيدا عن كبرياء آل المشعل .... وتعقيداتهم ... توجد مريم البلسم للابطال ...


مريم .... سعد من هذا ؟.... هل كان في يوم من الايام يعتبرحلما لمريم .... ؟ ام ان الظروف وقدر الرواية سيضعهما في مكان وزمان واحدا ... ويكون لهما دورا في حياة كلا منهما ؟.......



سعد ...

صحيح فيه ناس تعجب بالعيون والشفايف ... وناس تعجب بالساقين والاقدام ... وناس تعجب بالايدي ... وناس تعشق الصوت الهادي المميز ...


وصاحبنا سعد .....

تفاجأ بنعومة يد مريم وهدوء صوتها وتميزه .... وماذا بعد ؟.....


موضي ... وحياة خارج عذاب حمد .... ومحاولة الوقوف مرة اخرى واستعادة الثقة بالنفس .... ومقاومة كل ما يذكرها بالزواج وخلافه ....
وصديقتهم شيخة ... ومحاولة خطبتها لاخيها راشد ... فمن راشدهذا؟ ... وهل سيكون له دور في حياتها ؟.... ام ان قدرها في الزواج توقف عند حمد فقط .......


مشاعل ... ناصر ...

مازالنا في انتظارهما ...

فارس ... والعنود ......كذلك .... في الانتظار ...


نجي للاهم ... مشعل ولطيفة ....

هل ستكون هناك مواجه بينهما ؟؟ وهل ستنتهي هذه المواجه بالصراحة وتوضيح المشاعر ام ان كبرياء مشعل ... وكرامة لطيفة ستقف حاجزا بين حبهما ؟.... وستكون بداية للهجران واساه اكثر مما هم فيه .....



سننتظر كل الاجزاء التي ستوضح لنا وتجيب على تساؤلاتنا التي لا تنتهي ..


دايما نستمتع معكي باسلوبك الرائع وخفة دمك وذكائك في القفلات .....

والى موعدنا غدا مع رواياتك المثيرة ... في الانتظار ...