السلام عليكم ورحمة الله وبركاته
البارتين رائعين كما عودتينا
الحمدلله على سلامة فارس واكيد بيجيب رقم العنود ويتفنن في تكليمهافي الوقت اللي يبغاه وعلشان يسمع صوتهادائما
امامشعل ولطيفه فعادبتبدأ حركات مشعل اللي تشعلل قلب لطيفه عليه بس عاد اتمنى من لطيفه تشوف شغلها مع مشعل وتتلحلح غلى قولتهم حتى تحافظ على بيتها وزوجها
مشعل وهيا بيبدأ الحرب والصراع لان هيا متعوده تمشي حياتها بنفسه
واخيرا موضي كان لها ردت فعل وهذا من صالح حمد علشان يتعالج ويشوف نفسه والمرض النفسي اذا اهمل ولم يعالج تطور وصار مخيف خاصةهذي الايام كثرة الامراض النفسيه ولاحول ولاقوة الابالله
واولا واخيراياكاتبتناالمبدعه لانستطيع ان نوفيك قدرك وحقك من الشكر دمتي بخير والله يعطيك الصحه والعافيه و(ماشاءالله لاقوةالابالله)

حلو حلو حلو

بارتين يعدلون المزاج ويخلون اليوم كله توب

موت ام هيا خلاها تصحح نظرتها لــ آل مشعل

وخلاها تتأكد ان الاهل هم السند بوقت الضيق.

وللأسف سفير آل مشعل بوشبطن كان خارج الفئه

لان ماغير شي من تعاملها تجاهه لكن بحكمته كارجل

قدر باخر لحظه بكلام طلع من قلبه واكيد بااحاسيس صادقه منه

خلى هيا تطلع شخصيتها الحقيقيه الحلوه .

بس السؤال المنطقي بتستمر هيا بااحترامه وهل مشعل بيستمر بطولة باله؟

الجواب بالبارتات القادمه مع انفاس


===============

مشعل ولطيفه

لان هم بلعبه حلوه جدآ

رغم ان مشهد واحد تسلط عليهم بهالبارت الا اننا رضينا وسعدنا فيه.

مشعل مثل ماذكرت رجل اعمال مفاوض من الدرجه الاولى

وعرف طبيعة لطيفه وهذا سهل عليه ان يعرف الطريقه المثاليه للتعامل


وطبعآ اشتخدم البرود وايضآ الغموض من ناحية الزواج الثاني.


ومازلنا مستمتعين بهم


========================

موضي وحمد

يمكن موضوع فارس تكون القشه اللي قطمت ظهر البعير .
وبالفعل اثبتت ان صبرها على رجلها لانها بنت شيوخ وبنت رجال تصبر عليه وتحفظ سره لكن ماتشوفين ان الصبر له حدود بطاقتنا البشريه

================

فارس والعنود

نموذج حلو يخلي كل شي بالدنيا لونه وردي

بس مازلت مصره ومتأكده ان للعنود حساب عند فارس لازم توفيه اكيد

بعد زواجهم
==================

طبعآ القفلات المؤلمه ماتغيرت وتخلينا شهرذاد ننتظرها بفارغ الصبر :D


===============

أشكرك على انضباطك بالمواعيد وتعاملك الراقي :)

السلام عليكم ورحمة الله وبركاته
الاسبوع الماضي كله كنت في مكه
وطبعا ما في نت
وما في قراءه للبارتات
ما صدقت وصلت البارح الساعة 2
يادوب تروشت ونيمت بناتي
وجلسن اقرا واقرا وانا كل ما قريت قلت لازم برد رد مطوووووول
بس على اخر جزء لما قريت وفاة ام هيا
تضايقت رحت صليت الفجر ونمت وانا في بالي رد لما اروق
واليوم فاجأتيني بالبارت المشوق
متحمسه للبارتات الجايه
حياة مشعل وهيا
وايش ردة فعله على كلام هيا
حيات لطيفه ومشعل صارت أكشن
كان احلى مقطع لما كانت لطيفه تصارخ على مشعل وقام باسها كان مقطع من الافلم الرومانسية
عجبني برضو مقطع شيلته للقلم من شعرها
موضي كانت قويه في هالبارت بس قوتها أحسها متاخره مرررررره
بس أن تاتي متاخرا خير من الا تاتي خير شر
فارس اه ياقلبي على فارس وش اقول مو قادره اعبر >>>> عيب يا بنت
ما جبتي في البارتات الماضيه اي شي عن باكي والجرسون الحليوه >>>> ههههه

في ملااااحظه بسيطه
انا تابعت روايات كثييييره لكن للاسف ما في ولا وحده منهم كانت سرييييعه في تنزيل البارتات مثلك ولا وحده منهم كانت تنزل بارت او بارتين في اليوم وكل بارت احسن من الثاني
مشكوره على سرعتك وبارتاتك الرااااائعه

اهم شي انتبهي للبيبي

تقبلي مروري


ــــــــــ /// ــــــــــــ

مساء العسل على احلى انفاس
مبهرة ورائعه كعادتك وكريمه ومعطائه بارتين في قمة الحلاوة والروعه الله يعطيج العافيه .
توقعت ان فارس بخير اعرفج طيبه وماتعرفين الشر
والحمد لله ان اصابته خفيفه واكيد انه فرحان باصابته
عشان سمع صوت عنود الصيد وعرف انها خايفه عليه
وسألت ناصر عنه روعه يوم قال في نفسه
(عرفتكِ
منذ همستكِ الأولى
منذ أن وصل رنين أنفاسك إلى أذني)
انا بس ابقي اعرف لو جات تزورك في بيتكم ويش بتسوي
اكيد انك بتروح فيها لامحاله .والا يوم احرجها وتخيل انه يلمس خدودها الورديه
(محرجة.. أعلم هذا!!
هذه المرة أستطيع تكوين الصورة الكاملة
لإحمرار الوردتين المسماة وجنتيكِ
بعد أن سكنت صورتكِ خيالي
وهذه المرة لن أكتفي بحلم لمسهما لتزهر أصابعي
هذه المرة أتمنى لو كنتِ أمامي
لأدفن وجهك المحمر في صحراء صدري القاحلة
لتعشوشب أرجاء هذا الصدر المجدب دون ندى وجنتيكِ)
الله يصبرك انت وصحراء صدرك الين تتزوجها .
اكثر واحد عاجبني في هالروايه سلطان عبد الله وخفة دمه
ضحكني يوم قال أما أنتو يا عيال ال مشعل مشافيح
يوم أني أبغي العنود جاء الشيخ فارس وخذها
وذا الحين يوم حطيت عيني على بنت عمي الأمريكية
جاء أخي الشيخ العود وخذها
ذا الحين لأحط عيني على خدامتنا فاطمة القردة نط الشيخ راكان يبغيها
انا عرفت ذا الحين اللي خفيفين دم في ال مشعل وهم سلطان عبدالله ،ناصر محمد من الرجال والعنود وموضي من النساء ويمكن تنظم لهم هيا سلطان اذا رجعت من السفر
لاني لاحظت من علاقتها مع بكينام انها خفيفة دم مثلهم
بعد فيه معالي الكويحه بس اهيا بنت عمتهم .
على فكرة ليش ماتزوجين راكان هالجامد حق معالي والله انها بتخلي حياته ضحك وهبال وبتحيي قلبه اللي مات وبتنسيه موضي الا اذا بتطلع شخصيات جديده ماندري عنها .
موضي واخير مابقيتي تتكلمين ياشيخه مادري شللي مصبرج
على هالحمد لو عندج عيال قلنا يمكن بتصبرين عشانهم
لو انتي تحبينه جان قلنا تتحملينه عشان حبه بس هاذي واحد مريض صحيح مانعرف شنهو مرضه بس مايعطيه الحق انه يضربج خلاص ياموضي لازم تدافعين عن نفسج لان زمن السكوت والخوف والظلم والخنوع والضرب ولى لاتسكتين
لين يفكر انه يتعالج اذا اهوا يحبج ومتمسك فيج
ياترى هل اهوا متعرض لحادثه معينه في صغرة اللي تخليه
يضربج الجواب عند انفاس .
لطيفه لاتضعفين وتبينين مشاعرج حق مشعل خلج مثله اذا اهوا بارد فانتي صيري جليد اذا اهوا اسد فانتي لبؤة
مشعل ودي اعطيه كف الصراحه وشفيها اذا اعتذرت لها
وطلبت منها تسامحك واعترفت لها بحبك صدقني لو سويت هالشي لطيفه راح ترفع الرايه البيضاء وبتعيشون بسلام
ليش ماتطلعها وتعزمها على مطعم غيروا روتين هالحياة
اعزمها في فندق بلحالكم اظهر لها مشاعرك يالبارد صج انك تجلط .
هيا سلطان ومشعل عبدالله حرب مستمرة وشد وجذب .
هيا حرام عليج ليش تسوين في الرجال كذا ولسانج ليش اطولينه عليه هذا جزاه اللي واقف معاج في محنتج
اهوا ذا الحين زوجج لازم على الاقل يكون في احترام من بينكم .وتنفذين وصية امج الله يرحمها.
مشعل اتوقع بعد ماقالت له هيا تبقي غرفه بروحه انه بيعصب عليها ويمكن يجرحها في الكلام تعرفين انفاس من بداية الروايه واحنا نشوف هيا بالعباية والحجاب ودي ان مشعل يوخر حجابها ويشوف شعرها ويبين وجهها بوضوح له يمكن الرجال الجامد يخق ويطيح ويقول لها يارض اتهدي ماعليكي ئدي .
مشكورة انفاس وتسلم ايدينج .
وجه الصباح

مثل ماتوقعت هيا بتتقبل ال مشعل كلهم ماعدا مشعل لان اللي في قلبها عليهم وجهته المشعل حتى انها تخلت عن طبيعتها كانثى وتصنعت بالقوه
اتوقع عيشة هيا ومشعل تحت سقف واحد حتى يرجعون الدوحه بتروض هيا وبتشوف جانب الحنيه والاهتمام في مشعل مع الحتفاظ بشخصيته الرجوليه الصارمه التي لاترض بالغلط ومن جانب هيا بتتحرك مشاعر الانثي تجاه مشعل وبتتعلق فيه بحب وعشق وبيبادلها مشعل لكن متى اذا تاكد من مشاعرها هبا



فارس تكفى شف وشلون تعامل العنود معك برقه وشفافيه والله ذا البنت راقيه بمعنى الكلمه ماتتحمل العنف والجفاسه
وبحسن نيها تعاملت مع فارس بكل برائه وبدون ماتحط اعتبارات الاي شي
مجرد انه زوجها واجب عليها تحمدله بسلامه ماتتوقع من ولد عمه يضرها
الله يكفيه شرك يشيخ والله لو صابها شي من جفاسك ماتتحمل يمكن ياثر عليها نفسين ويسبب لها عقده



جعلك تجمد يامشعل منذا البرود اللي بيذبحني قبل لطيفه بس تدرين استمر ذا النوعيه ينخون في الاخير وتجرفهم مشاعرهم بقوه والله معاد يصبر يلطيفه وبيغرقتس بحبه وبتشوفين



موضي تكفين لاتسكتين عنه شوفي وش اخرتى معه اللي فيه متأكد مهوب مرض نفسي فيه شي غريب يشك او عارف بحب راكان وخايف يفقدتس وتاخذينه خاصه راكان مابعد تزوج موضي ترى وراتس ارجال بيوقفونه عند حده
اجل اربع اسنين وهو يكوفنتس فيها



اختي انفاس والله وربي يشهد علي اني اشوفتس لاقبلتس ولا بعدتس احد حقيقه ابدعتي وربي الله لايحرمنا منذا العظمه يارب