كاتب الموضوع :
dali2000
المنتدى :
القصص المكتمله
الجزء التاسع من /روايه غصب عني
الفصل الثاني/من غياب ضميري
من غرفت الملابس ووقفت مكاني وهو يطالعني وانا واقفه ومعي قميص النوم ولاعلي غشوه
طلال كان طالع من غرفت الملابس وتوه يلبس جاكيته
طلال بصدمه : ليلى
والروح ركض للباب وتوني بفتح الباب الا وهو قدامي والتغشى
طلال بستغراب ودهشه وصدمه: ممكن اعرف ليش جايه ووش ذا اللي معس
انا بخوف كان كل جسمي ينتفض وتمنيت لارض تنشق وتبلعني ولا انحط في ذا الموقف : طلال الله يخليك وخر بطلع
طلال : موب قبل تفسرين لي ليش جايه وشنو ذا اللي معس
انا : بعصبيه وخوف واقط القميص : طلال ترا بصارخ ويلتمون العايله الحين
طلال : عادي انتي اللي في غرفتي ومارح تتطلعين لين تفسرين لي ولا انا الي باصارخ
انا وخنقتني العبره : طلال الله يخليك ما اقدر اتكلم الحين خلني اطلع وبعدين اقولك
طلال بلعااانه : سوري لازم افهم
وبديت ابكي : تكفى خلني الروح
طلال وهو معتنز على الباب بهدوء: مانيب ماكلس بس قولي وش السالفه
انا خلاص موب قادره اتحمل : طلال تكفى وخر عشان خاطري وبعدين باقولك
طلال : اوكي بس اذا مادقيتي علي الساعه 4 تفهميني بتندمين ويله
ووخرعن الباب وانا انطلقت كني مجنونه ولا كلمت مهوي اللي تركض وراي تبي تعرف شسالفه ودخلت غرفتي ومعي مهوي وبديت ابكي من قلب لأن الوقف صعب صح طلال حقير وحيوان وبيقول هاذي صايعه صدق واقول مهوي كل شي بعد ما هديت
مهوي : الحين بيتأكد إنا صايعات وش مبررس
انا : موب قادره افكر مهوي تصرفي
مهوي : انتي ليش مكبره الموضوع يعني خايفه ياخذ عنس فكره غلط اصلا ماخذ من زمان وبعدين وش بيسوي قلعته
انا : قسم لو سمعتي صوته وهو يتوعد ان تموتين من الخوف ولا نظراته كانت كلها احتقار وكان وده يظربني
مهوي : قلعته طنشي وانشاءلله تمرعلى خير
انا : اخاف يقول لبوي
مهوي : محد مصدقه
انا : ايه تذكرت
مهوي : ويش
انا : اول ما طلع طلال كان توه يلبس جاكيته وكان صدره كله شاش
مهوي بدهاء: يعني هو اللي كان في البطانيه
المهم وسولفنا لين اذن الفجر وصلينى وكلمت ندوي وهنوده يقولون بيرقدون عند رنود ولميوه ونادونا بس صرفتهم اني ابي ارقد
شوي ويدق مبايلي رقم غريب
انا : مهوي لايكون طلال تراه يقول كلميني الساعه 4
مهوي : شلون يعرف رقمس
انا : اكيد ماخذه من مشاري وش اسوي
شوي ويجيني مسج : انا طلال ليه ماكلمتيني
انا : مهوي وش اسوي
مهوي : طنشي
ويجيني مسج ثاني : ليلى كلميني احسن لس
واطنشه ويدز مسج : ليلى انتي الخسرانه انا الحين بارقد ابي اول ماقعد من النوم واكلمس تردين ولا ياويلس وتراهاذاخر انذار وعلى فكره ترا غرفتي حاط فيها كميرات
انا بغت تجيني جلطه : مهوي وش اسوي ونقعد نفكر لين الساعه 8 الصباح المهم تعبت اعصابي ولا وصلت لحل ورقت انا ومهوي وقعت الساعه3 العصر ولا حصلت مهوي و صليت ولبست وكلمت مهوي
انا : هاه لقيتي حل
مهوي : قلت للبنات وهذا احنى نفكر يله تعالي شيخوه جات اليوم الصبح وبتجي الحين تعالي في بيتنا والروح حتى ماتغديت مالي نفس ورحت للبنات في بيت مهوي وقعدو البنات يلوموني اني انا ليه اخبي عليهم ومدري وشو وتجي شيخوه ونوير
مهوي : شيخوه شلون جدتس
شيخوه :الحمد الله طيبه وبتجي الدوحه اليوم
انتو شخباركم عقب ذاك الليل يومنا عند جدي
انا : شفتي طلال الحقير
وتفطس شيخوه ونوير من الظحك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه
انا : ترا ماقلت نكته
شيخوه تحاول توقف من الضحك : انا اللي كنت الراسلس ذاك الليل وتعبت جدتي ولاقدرت اقولس
انا: انصدمت شلون جعلس المرض واظربها من قلب هي ويانوير
شيخوه : كنت مسميه بلتوثي طلال وقعدت الرسلس هههه
واقولها القصه
ونقعد نفكر كلنا ندور عذر لين العصر ورحنى بيت جدي
رنود : بنات باروح وبافهمه الموضوع واقوله الحقيقه
انا : طليل حيوان والله مايعطينا الفيديو واذا احد درا لين عذري بايخ وش اسوي
ندوي : بنهدده اذا طلع فيديونا بنطلع فيديو الخدامه
هنود : واذا عند وقال في الطقاق
لميوه : مافيه الا عمي ناصر
انا : باطيح من عينه وبعدين خاف يقول لبوي والله ان يذبحني
رنود : خلاص اقول لبوي وهو يحلها بمعرفته
انا : لا مابي احد يدري انا غلطانه ولازم ادفع ثمن غلطتي وبعدين وش بيسوي
ريموه : تراه حقير وممكن ايسوي أي شي تونا نتكلم الا وطلال يدق
انا بخوف: بنات وش اسوي
رندى : هاتي انا بكلمه اشوف وش عنده
وردت وحطت على السبيكر
طلال بشماته: هاه ليلى شسالفه انتي ليش في غرفتي ممكن اعرف
رندى : طلال خير اشهد انك عله
طلال : من اه عمتي رندى شخبارس عمتي
رندى : طلال انت ليه كذا
طلال : انا شفيني
رندى : الحين وش تبي
طلال : وين ليلى
رندى : اسمع طلال باقولك السالفه من اولها الى اخرها وانت كيفك
طلال :سمي يا احلى عمه
رندى : ابي اشوفك واقولك تعال بيتنا
طلال : تعالي انتي لأن بيتكم زحمه
رندى : تعال غرفتي
طلال : والكتيبه اللي عندس
رندى : تعال انت ماعليك منهم
طلال : اوكي جاي
وبعد عشر دقايق جاء جلسو في الصاله واحنى كلنا في غرفت رنود ونسمع كلامهم
طلال : هاه عمتي الغاليه تفظلي
رندى : في البدايه انت ليه تكره ليلى ليه دايم تسبب لخالد احراج
طلال : انا اكره ليلى انا ماكره ليلى انا اكره تصرفاتها واندفاعها وبعدين شدخل كرهي لها في الموضوع
رندى : بسراحه ليلى كانت بتنتقم منك وتقوله القصه والحين جب الفيديو اللي عندك ان كنت صادق عندك فيديو
طلال بستغراب: ليه تنتقم مني وش سويت لها وبعدين المفروض انا اللي انتقم على فعايله موب هي
رندى : افهم من كلامك
طلال: سوري بكره في الليل بعطيه عمي فهد لا وبشغله قدام كل عماني عشان تتعلم شلون تنتقم مني وانا ماسويت لها شي هاذا اذ كان الكلام اللي قلتوه صحيح وطلع وخلانا مصدومين
وادق عليه رنود وعلى السبيكر
طلال من غير نفس: هلا عمتي امري
رنود: طلال استح على وجهك عيب اللي تسويه
طلال : تبوني انسى الموضوع اقنعوني
رندى : قسم بالله كل اللي قلناه صدق
طلال : بس انا ماقتنعت خذيني على قد عقلي واقنعيني واوعدس انسى الموضوع
رندى : شلون تبني اقنعك اكذب عليك
ظلال : اهم شي قولي شي يدخل العقل
رندى : بس هاذي الحقيقه
طلال : خلاص اكلمس بعدين ابوي جاء
و سكر
انا بخوف وتوتر: بنات ضنكم بيسويها وبيقول لبوي وعماني
رنود : يمكن يبي لعب بعصابنا
هنود : بنات خلى نهدده بالفيديو ونقول بنعلم انه انت اللي في البطانيه
انا : اخاف اذا هددناه يعند اكثر
مهوي : قلعته خلى نطنشه ونروح نقعد عند خوالي لين تنتهي المشكله
انا : خلاص نروح لخوالي ونفكر هناك
مهوي : شرايكم بنات
رنود : خلاص روحو وخلي موبايلس يا ليلوه معي عشان اذا التصل طلال ارد عليه
ونروح انا ومهوي ونستاذن انا نروح لخوالي ونسهر عندهم وكان ابوي رايح الشركه وودانا لخوالي بعد المغرب وبيت خوالي دخلت وحصلت منار تلعب بلستيشن مع جدتي وسلمنى وجلسنى
جدتي : هلا والله بالقاطعات
انا : يا جدتي والله انس على البال
منو : من اللي جابكم
مهوي : عمي فهد
ويجي خالي مشعل ويسلم ويجلس
مشعل : اخيرا تذكرتو ان لكم خوال
انا : مشعل الله يهديك كم مره اجي و لا القاك هايت
مشعل : ماعلينا وش اخبار ضيوف العائله تأقلمتو معهم ولا لا
انا : ايه عمتي رنود ومجود على كيفك اجتماعيين
مشعل : وعيال عمس ناصر
مهوي : مشاري وفارس ماشين على الاقل احسن من طليل وامه
مشعل : طليل هاذا طلال ولد عمس ناصر
انا : ايه مالت عليه
مشعل : ليه
مهوي : مانحبه
مشعل : ليه وانتي تحبين كل عيال عمانس
مهوي : مشيعل ترا موب فاضيه لك
مشعل : شفيس وبعدين ترا انا موب اصغر عيالس يعني احترميني
منار : شرايكم بنات نروح لغرفتي موب احس قبل تتهاوشون الحين
انا+ مهوي : يله
ونروح لغرفت منار وتجينا مشاعل وهي ولدها عبود 9 سنوات
انا : عبود قوم ضف وجهك ابي خالاتي في سر
عبود : سوغي وين الغوح
انا : ياكهرك عبيد روح لأي مكان
عبود: والله ودي اغوح بس تعبان
مهوي ؛: تنكت مع الاسنان اللي تلوع الكبد
مشاعل : وجع انتي وياها كليتو ماي سون ما يسوا عليه
انا : مشاعلوه تسمعين سري ولا ضفي انتي و ذا العله
مشاعل : عبودي روح
عبود : اوكي ماي ماذغ أي قو تو ماي قغند ما وطلع واقول للبنات السالفه وبعد العشاء في قسم مشاعل
مشاعل : ليلو ه شبتسويين الحين
انا : تكفين شو في لي حل
منار بمكر: انا لو مكانه اذل اللي خلفوس
انا بعصبيه : ليه انشاء لله
منار : مسويه بريئه كل يوم ناطه في حلقه وبعد لس وجه لو مكانس ما اكلمه العمر كله
مهوي : بنات وش تتوقعون شعوره
مشاعل : تبون تعرفون شعوره
كلنا : ايييييييه
مشاعل : بنادي مشعل ونقوله المواقف اللي صارت ونشوف ردة فعله
كلنا : اوكي
وناديه مشعل ويجي بعد نصف ساعه ونسولف معه شوي
مشاعل : مشعل بانقولك مواقف وابيك تقولنا شعورك
مشعل : اوكي
انا : تخيل مره وانت في غرفتك تبدل وتدخل عليك مره ولا انتبهت لك وطلع قميص نوم واول ماشافتك انحاشت
مشعل : مادري فيه كثير الغاز
مهوي : وش بتقول عنها
مشعل : اكيد جايه لي واول ماشافتني استحت وتلخبطت "وهنى بغت تجيني جلطه معقوله طليل يفكر كذا"
انا : زين تخيل مره وانت راقد طاحت عليك بنت
مشعل : ونااااااااسه
مهوي : تقصد وش بتقول عنها
مشعل : اه يعني ماتبي ذكاء نفس لوله بس ليه تسئلون لايكون وحده منكم طايحه على احد وهاذا الاحد يعرفني تكفون علموني عشان اذا شفته اصقع لطمه
مشاعل : لا محد طاح على احد ويله قم ضف وجهك
مشعل : طل ابي البنات في سالفه وانتي معهم
كلنا : خير
مشعل : شفيكم كنكم عصبتو
انا : لابس متحمسين
مشعل : الله يسلمكم ابي اتزوج وابيكم تدورون لي على عروس
مشاعل : على بالي عندك سالفه قم ضف احسن لك
منار : صار لك سنه وانت ذابحنى ومالقينا لك وحده تعجبك
مهوي : خالص بادورلك
مشعل : ابيكم تمدحوني عند اهلكم وبذات البنات
انا : خلاص ولا يهمك
المهم سهرنا لين الفجر ثم ودانا مشعل للبيت وصليت الفجر ورقت وقعدت الساعه 12 صليت ورحت لرنود وحصلتهم يتغدون تغديت معهم وفي غرفت رنود
انا : ماكلم طليل
رنود : دز مسج يقول اذا قعتي من النوم دقيلي ليلى اللي ادق ولا تحط على سبيكر
انا : دقيتي
رنود : لاتوني شايفتها وبعد يبيس انتي
انا : خلاص دقي عليه وخليني اكلمه
وادق عليه مايرد
انا : وش نسوي ياربه غير رايه بس ليه يكلمني
رنود : مدري يمكن بيغسل شراعس و ينسى السالفه
انا : ليته
شوي وجاو البنات وحده وحده وجلسنا نفكر لين المغرب والجو متوتر والا قتراحات حقت البنات كلها فاشله اما شيخوه كانت تشعر بذنب وبعد صلاة المغرب
جاء عمي ناصر عندنا في غرفت رنود وسلم وجلس
رنود :شلونك ابو طلال
عمي ناصر ونظراته غريبه : الحمد الله
شيخوه : متى بنروح للمزرعه
عمي بنفس النظرات : مبعد حددنا يله نروح نتمشى
مهوي : هاه لا خلها بعدين
عمي :ليه
رنود : بتجينا خالت البنات
عمي : اوكي بس ليه احس فيكم شي
انا : لا مافينا شي بس شيخوه وترتنا عشان جدتها
عمي : ليه سلطان يقول انها بخير
ندوي : عاد وشتقول لشيخوه ونوير
عمي : مع اني احس الموضوع اكبر او عندكم مشكله بس بصدقم ان شيخه متوتره مع اني اشوف غير كذا
انا : عمي الله يهديك ماصدقنى يخف التوتر
عمي وهو طالع اذا كان عندكم مشكله قولوها قبل تكبر وراح واذن العشاء وصلينى واتصل طلال
انا : الو
طلال : مساء الخير
انا :ا هلين وشعند ك داز مسج
طلال : كنت ابي اقولس اني ممكن اغير رايي وما افضحكم اذا سويتي اللي اقولس عليه
انا : خير وش اللي بتقوله
طلال : الله يسلمس ابيس تعيدين لي نفس المقلب اللي كان بتسوينه فيني بس موب معي
انا بستغرااب : اجل مع من
طلال : مع فارس
انا بدهشه: من فارس
طلال بستخفاف: ولد ام فارس
انا : اخوك
طلال : ايه فكري معس عشر دقايق تفكرين يله باي
وسكر وانا قلت للبنات السالفه
رنود : من جده ذا
ندوي برومنسيه: مستحيل نورط فارس بدون ذنب
شيخوه : وش بيصير لفارس يعني
لميوه : بياخذ كم كف من عمي موب ذابحه
نوير : لا بنات حرام
ريموه : وش نسوي ما فيه وقت
ندوي : لا بنات عشان نطلع نورط الولد
رنود : خلاص بنعلم فارس
انا : لا اكيد بيقول لعمي ناصر
وبعد قايق صمت
انا : بنات نوافق احسن ونرتاح وفارس له الله
ويتصل طلال
طلال: هاه وش القرار
انا : طلال ترا فارس اخوك
طلال : ما يخصس اهم شي وش قررتو لأن جدي وعماني والشباب مجتمعين وابي الروح اجلس معهم
انا بتردد : خــــ ــــ خلاص
طلال : يله الحين تروحون وتودون القميص وتدقون على ابوي الحين تقولون له انكم شفتو بنت دخلت بيتنا الساعه 5 الصباح والحين ويسرعه لأن ام فارس ميب في البيت ومشاريوه هايت وفارس في مجلس جدي يعني الحين البيت فاضي
انا : طلال ليه ماتودي القميص لأن لحد يشوفنا من البزران بيفضحنى
طلال : مشكلتكم
انا : تكفى طلال ما نقدر وبننكشف لأن البزران كلهم في الحوش
طلال بستحقاار: خلاص وينه
انا بحراااااااااااااج : خليته في غرفتك
طلال بدون نفس : بتصل لأ حطيته
وسكر وقلت للبنات
ندوي بقهر: والله قهر يا بنات يتورط فارس بدون ذنب
مهوي : موب احسن من إنا نتورط
شيخوه بلا مباالاه: على بالس بيذبحه تطمني موب ميت
رنود : والله قهر ينظلم فارس اشعر بذنب
انا : خلاص هونت بواجه مشكلتي بنفسي
مهوي : خلاص بعدين بنعتذر من فارس
نوير : بنات ياشينكم وش ذا التوتر خلاص عاد توكلو على الله وانتي يا ليلوه صلي استخاره
ويتصل طلال : يله نادي ابوي وقولي له انس شفتي بنت دخلت بيتنا الساعه 5 الصبح وكان معها كيس اسود شوي كبير وسكر قالت رنود انا مالي دخل اخاف يدري فارس ويقول مالت عليس من عمه باروح وانتو نادوه وطلعت
والدق على عمي ناصر وقلت له تعال في غرفت رنود وجاء
انا : عمي مدري وش اقول
عمي : قايل عندكم شي يله قولي ولا حد بيدري عن الموضوع اوعدكم اني احله بدون أي مشاكل
انا : مدري وش اقول
عمي : تكلمي شفيس الى ذا الدرجه الموضوع خطير
انا بدون ضمير: بسراحه بعد ما رجعت من خوالي تقريبا الساعه 5 الصبح شفت ـــــــــــــــــــــــــــــــــ
عمي بستغراب: وش شفتي
مهوي : ااا ايه وحده دخلت في بيتكم
عمي بصدمه مخلوطه مع دهشه : بيتي ـــــــــــ
وسكت شوي بعدين قال : يمكن ام فارس او الخدامه
انا : مدري بس كان معها كيس اسو كبير شوي
سكت وكنه يتذكر شي وهو طالع قال : اكيد احد من الخدم وراح
انا بديت ابكي يمكن ندم او قهر وجلست ابكي واحس بندم وجلسو البنات يهدوني وبعد ساعه طلعنى عند جدتي وحصلناها معصبه
شيخوه : جدتي شفيس معصبه
جدتي : من ذا الولد
مهوي : أي ولد
جدتي : نويصر مدري شفيه على مجود مهاوشه
انا : ليه
جدتي : مدري ما قال شي وهذاك في غرفته روحو له يقولكم شفيه ونروح انا ورنود ومهوي لمجود وندق الباب وندخلى والقا مجود منسدح على السرير واعتدل في جلسته يوم دخلنا
انا : ها مجودي شفيك
ماجد بعصبيه : ما فيني شي
رنود : افا مجودي تخبي على رنوده
مهوي : عمي المحترم علمنا شفيك يا احلى عم في الدنيا
انا : مجود ترا شكلك موب حاو وانت معصب
وبدى مجود يتبسم
رنود : ها مجودي شفيك
مجود : ابد كنت في بيت ناصر انا و مشاري وجاءناصر معصب وبعدين بدا يصارخ علينا وقالي اذلف ولعد اشوف وجهك وبس
رنود : مجود أي واحد معصب بيقول كذا عادي وبعدين ماتدري ليه معصب
مجود : كان يدور فارس
وسمحنى مجود ورحنى لصالة وطمنا جدتي ورحنى لقسم رنود
انا : بنات انا مقهوره
مهوي : خلاص عاد ماصار شي
ويتصل طلال : مساء الخير
انا على السبيكر : ها أي اوامر ثانيه
طلال : مع الاسف ايه
انا من صدمه : خير بعد مايسوى علي
طلال : ممكن بعد اذنس اشوفس
انا بصدمه وقهر: لاطبعا
طلال بشماته: مع الاسف لازم شوفس عشان اعطيس الفيديو وعلى فكره لازم يكون معس الفيديو حقي اللي ذلتوني به وياليت الحين
انا : وين انشاء لله اشوفك لاتقول في بيتكم
طلال : وش رايس
انا :تعال في غرفت رندى
طلال : اوكي شوي وبجي وبعد شوي جاء وجلس في الصاله واحنى في غرفت رنود وبعدين طلعت عليه انا و رنود
طلال : اسمعيني للاخر وجاوبي على كل اسألتي بصدق انا ولد عمس وخايف عليس ومايرضين اللي يصير ومقهور من حركاتس وابي تفسير
انا بقهر: انت ليه تشوفنا ضايعات وش شايف علينا
طلال بهدوء: اذا قلت لس اللي شايفه بتزعلين
انا بعصبيه: لا ويله نقط
طلال : ليلى انتو ماتخافون من خالد اخوس
انا بصراحه واستغراب: لا ليه
طلال : طيب لدرجه انكم تربطونه وتدحرجونه من على العرق وتفصخون عباياتكم عادي ولاكنكم في مكان تجمع الشباب يعني وكن خالد عادي تجلسون بدون عبايات تخيلو جاو شباب وانتو تحت ولا عليكم عبايات ولا أي شي تخيلو صوروكم معقوله كل هاذا ماجافي بالكم
انا بتفسير: هاذا اللي صار وبعدين المكان كان فاضي ما فيه احد
طلال : خلاص ليه كنتي في غرفتي يوم طحتي علي
انا حرااج : واقوله السالفه من طقطق لسلام عليكم
طلال كشفني : يعني موب مها اللي اتصلت علي مع الفجر
انا : لا أي اسئله اخرا
طلال : ايه للمره المليون ليه كنتي في غرفتي
انا : مثل ماقلت لك وماعندي شي ثاني اقوله
طلال: خلاص صدقتس بس وش انا مسوي عشان تنتقمين
انا : نسيت تلميحاتك في البر ولا نسيت احراج لخالد اخوي
طلال : اولا انا اسف كنت ابي احر خويلد اخوس
انا : ليه وش مسوي لك خالد بعد
طلال : بسراح هو ماسوا شي بس تلميحاتي عشان يعصب واذا عصب اكيد ببيرد كبده فيس لأنس سبب المشكله وبهاذا الشكل اكون انتقمت منس
انا : وانت تنتقم مني وانا ماقصدت ازعجك
طلال : بسراحه سمعت انس مكرهه العالم فيني وكل ما يجي لي طاري تجلسين تحشين فيني وليته انا بس كان شوي عادي بس المشكله امي مدري وش دخلها ولا وش مسويه اصلاا
انا وتورط جعله المرض مايسوى علي : ماقلت في امك شي وانت احش من القهر كل شوي تقط نغزات
طلال : خلاص اللي فات مات ماعلينا وين الفيديو اللي عندس
انا : جب اوال اللي عندك
طلال : لا انتي اول
انا : وشدراني انك بتعطيني الفيديو اذا عطيتك
طلال : الا انا وش درني انس بتعطني الفيد يو وبعدين يمكن عندس نسخه
انا : وانت ذابحتك الامانه ويش يدرني ان ماعندك نسخه
طلال : هاتي القران واحلف ان ماعندي نسخه ولا فكرت انسخه
انا : وانا بعد باحلف ان ماله نسخه ثانيه ويله جبه
طلال : ويحط سي دي على الطاوله هاذ التسجيل اللي عندي و تا خذه رنود وكمل هاه وين المقطع وجيبي قران عشان تحلفين ان مافيه نسخه ثانيه
انا توهقت : بسراحه يعني ماعندي فيديو
طلال بصدمه: ليه وينه
انا : ما صورناك اصلا
طلال : انصدم احلفي يالله
انا : بدون ما حلف ماعندي شي
طلال وبدى يتبسم : حتى انا ما عندي شي ولا في غرفتي كميرات اصلا
انا بصدمه: احلف
طلال : بدون ماحلف والسي دي اللي معكم فاضي يله سلام وطلع
وانا انقهرت صدق انه حقير لعب علي بنفس لعبتي
وجاو البنات وبدينى نعلق على الموقف
انا : قسم بالله يا بنات بغيت اموت مدري كيف جاتني الجرائه اوقف قدامه كنت انتفظ
ريموه : شوفي وجهس صاير احمممممممر
انا : من الاحراج وبعدين رندوه انتي صوره ليش ماتكلمتي
رنود : ليه ما انتبهتي كل ماجيت اتكلم غمزلي اسكت
انا : جعله المرض ما اقوى عينه
ندوي : بس حرام جاي في خاطره انس تحشين فيه
شيخوه : الا وش دراه
لميوه : صدق كيف عرف
ريموه : اكيد وحده منكم قايله لخوانها
شيخوه : انا ماعمري قلت شي
مهوي : ايه انا قايله لنواف بس نواف وطلال موب ربع
هنود : وش ذا الذكاء كان فواز قاعد وفواز طلال حبيب قلبه
نوير : اكيد قاله
ويوم جات الساعه 3 رحت الرقد لأني مارقت زين البارح اما البنات سهروالى الفجر
وقعت الساعه 2 الظهر ورحت تحت حصلت ابوي وامي رقود وريموه طايحه على الاب توب وندوي الطالع مسلسل مكسيكي روزالندا
ونصور ودلوعه ومرام ومي يلعبون بليستيشن 3 "ما يسوى علينا صار بيتنا حضانه "
واجلس وانا دي دلوعه ابي استجوبها وجات وقعتها جنبي
انا : دلوعه حبيبتي وين ماما وبابا
دلوعه : في البيت
انا : ومشاري وفارس
دلوعه : بعد في البيت
انا : شفتي فارس اليوم
دلوعه : لا ما شفته
انا : مالت عليس روحي كملي اللعب وراحت واكلم الشله الخايبه مالقيت احد لميوه وهنوده رقود و شيخوه و نوير راحو لجدتهم ومهوي توها تتغدى ورنود توها بتسبح وبتلبس وتغدى يعني موب فاضيه لي
ورحت لريموه اشوف وش تسوي ولقي الاخت شابكه على انت
انا : ريموه ياويلس لايدري ابوي ان تدخلين انت من وراه
ريموه : يا حبيبتي انت لا تعلمين وموب داري
انا :وش تسوين
ريموه : على الشات
انا : من اللي تكلمينه
ريموه : صديقاتي
انا : باروح اللعب مع البزران اصرف لي اروح للبزران
انا : بلعب معكم
نصور : ذين بعدي
دلوعه : لا لا نصور لا تلعب معنى
مي : ايه هي كبيره وبتخرب علينا
انا بصدمه : هي انتي ويها بلعب لا العن خيركم الحين
مرام : يوه ليلوه خلينا نلعب روحي لمهوي
انا : اقول انقلعو كلكم يالله ضفو واخذ اليدين حقت البلستيشن واطردهم في الزاويه واقعد اللعب وهم يترجوني لين اذن العصر والروح الصلي وبعده كلمت لولوه
انا : شخبارس للوش
لولوه : بخير بس ضايق صدري
انا : خير وش فيس
لولوه : تعالي خليني اقولس
انا : اوكي ولبست ورحت لها وادخل بيت عمي ناصر والسلم عليها واجلس في غرفت الجلوس لأني مالي خلق اشوف طلال
انا : خير لولوه شفيس خوفتيني عليس
لولوه : مدري وش اقول بس مابي احد يدري
انا : افا عليس للوش تطمني
لولوه : ناصر مادري وش فيه
انا : خير شفيه عمي
لولوه : البارح جاء معصب و ظرب فارس
انا استعبط : ليه
لولوه : يقول ان فارس ان فارس امس الصبح مدخل وحده للبيت مع ان فارس امس الصبح كان تعبان من الليل وانا كنت عنده ولا احد جاه بس ابو فارس موب مصدقني
انا : ليه ما يصدقس
لولوه : يقول اني ارقع لفارس عشان خايفه عليه
انا حسيت اني ماعندي دم وقررت اعلم عمي ناصر بس كيف
انا : يمكن المره جايه لطلال
لولوه : قلت له كذا و قال مستحيل
انا : طيب فارس زعلان الحين على عمي
لولوه : اكيد زعلان ما شفتي ابوه كيف ظربه
وبدى ظميري يأنبني (صدق ما تستحين على وجهس تئتلين الائتيل وتمشين في قنازته اعترفي احسن لس )
انا : ـــــــــــــــــــــــــــــــــــ
لولوه : شفيس ليلى
انا : لا مافيني شي بس افكر ليه عمي موب مصدق انس كنتي مع فارس
لولوه : انشاءلله يتراضون بس قولي لي استعديتي حق الطلعه للمزرعه
انا : ليه متى بروح
لولوه : اليوم بعد المغرب
انا : محد قالي متى بنجي
لولوه : بعد بكره
انا : خلاص باروح اجهز اغراضي
ورحت للبيت وانا الشعر باندم وجلس بعد ما جهزت اغراضي في غرفتي افكر شلون اطلع فارس من المشكله واطلع انا ويتورط الحقير طليل وراح الوقت وانا افكر وتدخل علي امي
امي : ليلى وش فيس صار لس يومين وانتي متغيره فيه شي
انا : اكيد مافيه شي
امي : لولي حبيبتي قولي لي ترا نا امس ومحد راح يدري
انا : والله ما فيني شي بس احاتي جدت شيخوه
امي : جدتها ما فيها الا العافيه
انا : بس شيخوه خايفه عليها
امي : الله يهداس بس خوفتيني عليس المهم جهزتي اغراضس
انا: ليه ماقلتولي من اول
امي : على بالي تدرين اذكر ما يفوتس شي
انا : ها لمره فاتني وخلاص خلصت اغراضي
امي : يله ترا كلهم في السياره
انا : يله
وطلعنا وركبت في السياره كان ابوي وخويلد قدام وانا وامي وندوي وريموه والاب توب في الوسط ونصور والخدامه في الشنطه
و في الطريق
ابوي : لولي ما فكرتي شتبين تراني احاتيس احسس بتطلبن قنبله
انا :" ياربي لقوله طلبي تسامحني بس بطيح من عينه اكثر مانا طايحه ياربي وش اسوي فارس ماله ذنب "
ابوي : ليلى ماتسمعيني
انا : ها الا معك بس كنت افكر
خويلد : كل ها التفكير عشان هديه ليتس تفكرينه قبل ترتكبين جرايمس
انا : ليتك تسكت ولأني مالي خلقك فاهم
ابوي : هي صادقه اكل تبن
خويلد : يالله متى بسافر والرتاح من شوفت بعض العرب
انا : احسن شي سويته في حياتك انك تسافر وتريحني من شوفك
امي : صدق انكم ما تستحون اعنبوكم ما لنا احترام عندكم
انا : من الي بدى مو ب الخبل ولدس
ابوي : خلاص عاد مايسوا علينا انتي وياه
نصور : يبه
ابوي : عيون ابوك
نصور : شفت ليلى وش سوت
انا " ياليل وشني مسويه بعد كني ناقصه مشاكل "
ابوي : وش مسويه
خويلد : اكيد جريمه وبدى ابوي ياطلعه بعصبيه وسكت
نصور : طاردتنا من البليثتيشن وجالسه تلعب لين العصر ومقعدتنا في الذاويه وتلعب اليدين كلها حقت البليثتيش بروحها
ريموه بدهشه: كيف تلعب بها كلها
نصور : رجليها بيد ويديها بيد
ابوي : ليه يا ليلى ماتخلينهم يلعبون على راحتهم
انا بدون نفس : اسفه وانا اتوعد نصور بحركات
انا : يبه وش مناسبه طلعتنا للمزرعه
ابوي : ليلى مدري ليه احس فيس شي
انا : ليه
ابوي : لأنس تاسألين عن المزرعه العاده مايفوتس شي
انا : ما يسوى علي كل ما سألت عنالمزرعه عطتوني محاضره
ابوي : شفيس عصبتي والله ان فيس شي
انا : وش بيكون فيني يعني
خويلد شك فيني: مصيبه مثلا
ابوي : ماقلت لك تاكل تبن وبعدين لا صارو الكبار يتكلمون الصغار وش يسوون
خويلد ببتسامه: يسولفون معهم
ابوي : غلط ياكلون تراب فهمت
خويلد : انت مركبني معكم عشان تغسل شراعي لوك مخليني اركب مع جسوم كان اصرف لي
ابوي : جسوم في عينك اسمه عمك جاسم
خويلد : هو مرتاح ولا عنده مشكله اقوله جويسم
ابوي : خلاص لاصرتنا موجود قول عمي جاسم مفهوم
المهم وصلنا المزرعه الساعه 8 بعد العشاء ونزلنا والمزرعه كبييييييره فيها بيت كبير قريب من البوابه في صاله كبيره واجهتها اللي صوب المزرعه قزازا يعني اللي برا يشوف اللي في الصاله بس عليها ستاير وبعدين في البيت غرف كثيره موزعينها علينا اللي تحت كل واحد من عماني له غرفه وعمتي ساره لها غرفه اما الدور الثاني محتلينه حنا يا البنات والبزران وجسوم له غرفه فوق نادر مايجيها ولا رضى يتنازل عنها لحد وبعدين فوق فيه عليه تطل عل جهت المزرعه الثانيه وبعد فيه قدام البيت ملحق ساكنين فيه الشباب وفيه بيت شعر عوووود بين الملحق والبيت يجلسون فيه الشباب وبعدين فيه دكات موزعه في المزرعه وفيه مسبح محتلينه الشباب لأنه قريب عندهم ومكشوف وبعدين فيه صطبل خيول وشيخوه عندها خيل معطيها اياه جدي بماانها مسميه على جدتي والسمه ,,, اندروس .... تقلد ليدي اللي في الرسوم بس قده قاضي عووود وعندها عياله يعني شيخوه عندها قطيع من الخيول تصدقت مره فيني وعطتني مهر وسميته ,,,, المرعب ,,,, لأنه كان معوق يمشي علىجنب وشكله مصخره مافيه شعر وراسه كبيييييييييييييييييييييير مره كان اذا مشى لا زم امشي معه اشل له راسه المهم انه فطس لأني في الشتا قبل اللي طاف نسيته برا ومرض وبعده ودع ورحتانا ومهوي نعزي الخيول واكثر واحد تاثر كان المهر ,, كيرلي ,, حق نوير اللي معطتها اياه شيخوه بعد ونوير مسميته كيرلي عشان شعره عرده كنه خال وعلى فكره ترا اسمه الحقيقي ,, جعيد ,, بس نوير غيرته لأنها تستحي تقول اسمه للبنات في المدرسه
المهم المزرعه فيها دبابات و2 بانشي واحد لجسوم والثاني لخالد اخو شيخوه المهم
نزلنا وانتشرو البزران في المزرعه ونصور متقطع لأنه جايب دبابه معه عاد احنى يا البنات جلسنى في الدكه اللي بعيده عن البيت عشان مايزعجونا الشباب كل شوي واحد مار طبعا كنا بعباياتنا وشيالنا
و كنا يا الشله جالسين ومعنى جواهر اخت شيخوه والهنوف مرت خالد اخو شيخوه ودلال مرت عمي وليد
دلال:احلا شي سووه هاذي الطلعه من زمان ماطلعنا
الهنوف :بتصير احلاصدق لو نلعب على الدبابات
مهوي :اذا انتو تقولون كذا عاد احنى ويش نقول
نوير :حكره هناك وهنا قل حلا الشباب دايمن عله في البر وهنا دايمن لهم ألأولويه
دلال :صدق ويش صاير في الدنيا جالسين معنى
شيخوه :الله اعلم من الي جالس مع الثاني
دلال :افهم من كلامس انا احنى الي جالسين معكم
شيخوه :وهاذي الحقيقه
الهنوف:لاتكون الدكه بسمكم وحنى ماندري
جواهر : اذاتقطون نغزات عشان نروح تراتبطون
نوير: اذكرو الله اول مره تجلسون مع بعض وبتتهاوشون
ألكل :لااله الى الله
دلال: احنى عند اهلي عادي اذا اجتمعنى كلنا عيال وبنات نلعب على الدبابات مع بعض
هنود :انتو موب احنى
ندوي :لاتقلبين عليناالمواجع
لميوه :صدق طفش احنا جاين عشان نتقابل هناه خلونا نسوي شي
ريموه :يالله خلينا نلعب كوره
لميوه :لاوالله هاذا الي ناقص انا على اخر عمري العب كوره واخرب ابرستيجي
ريموه : ويش فيس مشتطه من زين البريستيج مالت عليس انتي وبريستيجس
رنود :صدق خلونا نسوي شي
مهوي :خلونا نلعب أي لعبه
دلال :مثل
مهوي :عادي أي شي
ريموه ويش رايكم نلعب اورقه
شيخوه: قدام
ريموه: بروح اجيبها واجي وقامت وراحت تجيبها وهي تركض
الهنوف :ريم هاذي بايعتها
مهوي :يالله من الي في فريقي
دلال : انا والي تعرف تلعب
هنود :الحمد لله انس علمتينا انس ماتعرفين تلعبن عشان ماحد يختارس ويتوهق فيس
دلال :انا اصلا خبره وابي وحده خبره عشان نفوز عليكم وترا الفايزين يامرون على الخسرانين
نوير :اكيد
ندوي :انا مع الهنوف
الهنوف :لامابيس ماتعرفين تلعبين
ندوي :من قال
الهنوف : نسيتي الصيف الي قبل الي طاف يوم لعبتي معي خسرتيني ولا فزت ولامره وبعد خسرنا وكرفوني نا وياس
ندوي :وي انتي مغبره انا الحين الحسن ذولا كلهم في العب
شيخوه :هي صادقه تراها تعرف تلعب اخذيها ياهنوف اذا تبين تفوزين مثل ذيك المره
مهوي :ريموه رايحه للمريخ
رنود :هاذا وهي تركض
لميوه : تلقونها الحين جلست تلعب مع شلتها ادري فيها نذله
ندوي :احترمي نفسس ريموه موب نذله ريموه اكثر من نذله
جواهر : بنات ترا ما اعرف العب علموني لين تجي ريم
نوير :ولاتزعلين يا اختي الغاليه بعلمس ...وراحت نوير وجلست جنب جواهر وجلست تشرح لها
والبنات كل وحده تختار الي تبي في فريقها
وانا كنت جالسه في الزاويه وافكر في الي صار وبعدين تذكرت شعار الشله طنش تعش تنتعش وقلت خلاص بنسى كل شي وبستانس جعل طليل الحقير الجلطه
وشوي وجات ريموه ويا شلتها
ريموه :هاكم الورقه العبو انا موب لاعبه معكم
مهوي :ليه عسا ماشر
ريموه :بروح العب كوره
هنود :وين
ريموه :هناك في ذاك الخضار انا والبنات
ندوي :صدق ماتستحين
ريموه بستخفاف :مخليه اسحى لس لميوه تبين تلعبين معنى
لميوه :مستحيل
ريموه :ليه لايكون رايحين نهرب مخدرات
لميوه :لا بس مابي
ريموه :احسن اصلان محدبحطس في فريق عشان مايخسر
وحطت الاورقه وراحت ويا شلتها وتوزعنا
انا + رنود
مهوي + دلال
شيخوه + الهنوف
جواهر + نوير
هنود + ندوي
لميوه + مالقت احد يختارها او يلعب معها وما اكتفت بلمشاهده وراحت تدور احد يلعب معهى
وجلسنا كل فريق يحط له غمزه
انا ورنود غمزتنا ((((جعلس الجلطه يا لحقيره )))
المهم بدا العب وكل وحد توايق في اوراك الثانيه وهده وانواع الشتم والعن والهواش واتقبيص والبقوس والغش والكذب والدعاوي وبعد هاذا كله انا ورنود فزنا 2 وهنود وندوي 1 ومهوي ودلال 2 وشيخوه والهنوف 5 ولميوه توها جايه ولا لقت غير شهد بنت خالد اخوشيخوه يعني بنت الهنوف جابتها بعد اقناعها واغرائها بشياواجد جات هي وياها وجلسو يلعبون معنى وصرنا واجد وصوتنا جايب الي برا المزرعه وحنى نلعب وانا خربتاها كل شوي غلطانه وقايله جعلس الجلطه موب ودي ورنود تمجد وبعدين ينسحب منى العشر الي حصلنلها وغيرنا غمزتنا الى((اغنيت جو الشقر وينك ))ولا فزنا ولا مره اغنيته نحس علينا ونوير وجواهر مافازو ولامره عشان جواهر غبيه ماتعرف تلعب المهم بعد الزحمه وفي النهايه فازفريق شيخوه والهنوف وخسر فريق لميوه وشهد
شيخوه بمكر وابتسامه عريضه:ياويلكم مني بكرفكم
الهنوف : انا بامر على لمياء وبنوتي الحلوه لاحد يامر عليها
لميوه :اصلن محد خسرني غيرها ماتعرف تلعب امرو عليها معي
الهنوف :لاوالله ويش دخل بنيتي
شهد :ايه ويش دخلني انتي الي منادتني العب ونا ماابي اصلان العب
لميوه :لا والله انا وانتي فريق ويامرون علينا كلنا مع بعض
شهد :مالي خص انتي الي خسرتيني
لميوه :بتنفذين معي الطلبات غصب عليس فاهمه
قامت الهنوف وغمزت لبنتها تنحاش لبوها عشان محد يامر عليها وشهد ماكذبت خبر وحطت رجلها للمجالس الرجاجيل وراحت لميوه وراها تبي تمسكها ولا قدرت ورجعت وهي تتحلطم من قلب
الهنوف : ياربي ويش ابي ويش ابي
لميوه :موب منفذه غير طلب واحد بس
سيخوه :موب على كيفس
لميوه :مالي دخل روحي جيب بنت اخوس النذله وامري عليها
الهنوف :بمأني انا الكبيره بامر وانتي ياشيخه موب لازم
شيخوه :لاوالله ترامافوزس غيري
الهنوف :انا الكبيره عاد
شيخوه :بوافق بس على شرط
الهنوف :ويش
شيخزه: امري امر صاحي ابيس تكرفين لميوه
الهنوف :ماطلبتي شي
لميوه :اذاموب طلب خفيف موب منفذته
مهوي :موب بكيفس كلنا اتفقنا الأمر يتنفذ ولا موب لاعبه معنى بعد شوي ولا بعدين بعد ثم بيصير عندس نقطه سودا في ملفس حق الورقه واذا جيتي تلعبين موب مخلينس
لميوه :ماتسوا ليت شهد الخايسه عيت ماجات تلعب معي كان اناالحين مرتاحه
الهنوف :بنوتي انا خايسه ياقليلت الادب هين والله لاكرفس روحي نضفي بنوتي الغاليه الجوري تلقينها الحين موصخه
لميوه بصوت اعلى من العالي :لاوالله هاذا الي ناقصني اشتغل مربه والله ما انفذه لو مالعب معكم طول عمري
الهنوف :ويش فيس ترا عادي بنوتي نضيفه اصلان بس روحي شيكي عليها يمكن تلقينهااااا
لميوه :مستحيل والله ما المسها خلي اشغاله تنضفهى وانتي امري امر ثاني
الهنوف :خلاص روحي دوريها وجيبيها
لميوه :اشوا كذا الاوامر موب نضفيها ...وراحت
شيخوه : امحق امر ليتني ماخليتس تامرين
الهنوف :ويش اسوي ماتبي تنفذ شي وانا مابي شي
شيخوه :انا بتصرف ان ما كرفتها
هنود :ويش بتسوين
شيخوه :بروح اخش الجوري عشان تموت لميوه مالقتها
وراحت شيخوه
الهنوف:بسراح شيخه داهيه
ندوي :الاحراميه
رنود :بنات خلونا نسوي شي ثاني
نوير :مثل ايش مثلان
جواهر :خلونا نسولف لازم يعني تلعبون
رنود :ماجينا الى عشان نلعب
دلال :ايه صح العب الشي الوحيد الي يميز الطلعات
وجات ريموه
ريموه :بنات والله وناسه تعالو العبو معنى
هنود :هاذا لي ناقص
ريموه :والله وناسه على الأقل شجعو
انا :من الي يلعب
ريموه :انا وشلتي ودانا ومشاعل وامل فريق ومجود ومشاري وسلمان وريان ونصور فريق واحنا متعدينهم سجلنا 4 اهداف وهم بلا2 والله وناسه تعالو العبو معنا بدل منتو جالسين
انوير :مستحيل ويش بيقولون عنا
ريموه :اصلا ماجينا العشان نلعب ونستانس ومحد قايل شي وبعدين احنا نلعب بعيد هناك في الصوب ذاك والشباب في الصوب ذاك يعني مايشوفونا
ندوي :غصب نلعب مانبي
ريموه :انتي اصلان محد عزمس وينشيخوه ولا لميوه
انا :راحو
ريموه :هاه احد بيلعب معنى
دلال:كان ودي بس صعبه اذا جا اخر اليل انشاء الله بلعب معكم انا
ريموه :يعني محد جاي الحين
الكل :لا
ريموه :مالت عليكم كلكم مسوين لي مستحيات يسوون بلاوي الدنيا واذا جا شي عادي قالو نستحي وكشت علينا كلنا حتى جواهر والهنوف ودلال مدري ويش دخلهم وراحت
جواهر:صدق ان ريم وجه بنفهره ليش تكش علينا احنا اكبر منها وتسوي لنا كذا لو اصغر منها كان ويش سوت
ندوي: احمدي ربس هي كذا محترمتس
دلال:الله على الأحترام
رنود :بنات ويش رايكم ندخل
الهنوف :عسى شيخوه ماذبحت بنتي هاذيك جات وشكلها مسويه جريمه
جواهر :الله يستر توقعي أي شي منها
جات شيخوه
شيخوه :خشيتها حتى الجن لأزرق مايعرف مكانها
الهنوف :شيخوه وين بنتي لايكون ذبحتيها
شيخوه :شايفتني مجرمه
جواهر :وين خشيتيها
شيخوه: مالكم دخل خلو لميوه تفطس وهي تدورها
هنود :خلونا نلعب لعبت العين ويش رايكم
نوير:والله فكره خلونا نلعب
جواهر :ماعرفها
شيخوه :انتي كل شي ماتعرفينه
جواهر :ويش دراني بلعابكم الغريبه
نوير :ولا يهمس بعلمس وبعدين هي سهله
جواهر :كيف تلعب
نوير :هاذي طول الله عمرس نجيب على عددنا اوراق صغيره نكتب في كل ورقه رقم على عددنا الى وحده نرسم فيها عين والي تجي معه العين يامر على أي رقم يبي طبع محد شايف ورقت الثاني يعني اذا جات معس العين تقولين امر على الرقم الفلاني والي معها الرقم ذاه تنفذ امرس سهله صح
جواهر:ايه سهله حدها
ندوي :يالله نلعب
دلال :يالله وبمأن هنود الي اختارت العبه تروح تسويها لنا
هنود: اوكى ...وراحت تجيب الورق والقلم عشان تسوي العبه
رنود :ويش احدود الأوامر
الهنوف :مالها حدود
رنود :ويشلون يعني بتكرفونا
دلال :انتي فوزي ومحد كارفس
رنود :هاذي لعبت حض وانا حضي عادي
انا :اذا انتي وحضس عادي تقولين كذا انا ويش اقول عن حضي الردي والمايل
ندوي :وناسه انا حضي دايمن حلو يعني اليوم بصير ملكه وبامر عليكم كلكم
جواهر :بس الكبار يمرون على الصغار والصغار مايمرون على الكبار
ندوي :لا والله هاذا الي ناقص مافيه كبار ولا صغار تلعبين بنامر عليس موب لاعبه بكيفس
ويشوي وجات هنود ومعهى خلود بنت عمي سلطان اخت شيخوه
هنود :بنات خلود بتلعب معنى
شيخوه :لا بتذلنا عشانها حامل وموب مخليتنا نامر عليها
خلود :لا عادي امرو ماعندي مشكله بس اوامر خفيفه
مهوي :وحنا كيف ندري انه انتي يمكن نامر امر صعب ونختارس واحنى ماندري
خلود :عادي غيروه اذا دريتو انه انا
نوير :ليه ضروري تلعبن معنى
خلود :اكيد ضروري جايه من اخر المزرعه عشان العب واخرتها تطردوني
دلال :خلاص يالله وزعو
وتقط الاوراق هنود بعد ماسوتها 11 ورقه 10رقم والعين ناقص رقم عشان لميوه مابعد جات كل وحده خذت ورقه وانا كان رقمي 4 والعين كانت مع دلال
دلال :انا ابي رقماااا رقم ااا ولاخلوني اقول الأمر اول تروح تسوي سندويتش لخوختي الحين اكيد انه صار جوعان وتدورينه وتعطيه اياها وهو يحب سنتويتش بلمربه والجبن
البنات كلهم وهم عرقهم يصب :رقم كم
دلال :ااااارقم رقم 7
اول ماقالت الرقم الهنوف بغت تجيها جلطه لانه رقمها
الهنوف :انا على اخر عمري اروح اسوي لنماس سندويتش وبناتي ميتين من الجوع ماعبرتهم
دلال: والله عاد كيفس تروحين ولا لاتلعبين
الهوف : بروح الله يخسس انتي وولدس وبسوي لبنوتاتي على طريقي
دلال :ودوريه ترها مايخلي مكان
الهنوف وهي رايحه :ادوره طل ...وراحت
ولخبطنا لاوراق وخذت كل وحده ورقه والعين كانت مع نوير وانا رقمي 8 وهنود كان رقمها 4 عشاني وايقت في ورقتها وهي ماتدري
نوير :وناسه ويش ابي ويش ابي ياليت لميوه هنا عشان اكرفها وخليها تدور اخوي رومي عشان اتوب ماتلعب
انا :اخلصي ويش تبين
نوير :ابيها اااا ابيها تروح تجيبلي ااااا ايه ابيها تجيب اااا تجيب لنا بباسي بارده
انا :رقم كم
نوير :رقم 1
هنود :مالت عليس 10 ارقام مالقيتي غير رقم واحد لايكون تتفائلين به يالخايسه
نوير :ترامايسوا علي نفذي وانتي ساكته
وراحت هنود وخبصنا الورق وكل واحده خذت ورقه والعين كانت مع ندوي وانا رقمي 10 ودلال 7 عشانها جنبي وشف ورقتها وهي ماتدري وغمزت لندوي عشان تختار رقم 7 ثم تروح فيها دلال بس الحقير ماعبرتني
ندوي :ابيها تروح تاخذ الكوره الي تلعب بها ريموه وتجيبها هناه
كلنا وحنى خايفين :رقم كم
ندوي:رقم 3
خلود :الله لايوفقس ياندى على ها الامر انتو مستغنين عني
ندوي: رحتي فيها
خلود :امانه غيروه والله ان تذبحني ريم لاخذ كورتها
ندوي :مالي دخل يالله روحي
خلود :لا امانه غيري ترا ريم يمكن تشوتني ولاتبقسني ولاتدزني لين اصقط
دلال : والله تسويها ريم
انا:أي انتو شايفين اختي مجرمه
خلود :بلاس ماشفتيها وهي تضرب مجود يومني جايتكم لقيناها ماسحتبه الارض بس لأنه ماحسب الهدف الي هي مسجله وهو ويش طوله وعرضه وولد سوت فيه كذا عاد انا ممكن تذبحني
ندوي :لاتجلسين تدورين اعذار تصرفي
نوير :لاوالله مانيب مستغنيه عن اختي امر امر ثاني
ندوي :لوا تروح تنفذ ولا لاتلعب
مهوي :لا غيري ياندوي يمكن تروح وتمحط بها ريموه وتصقط ويصير لها شي ولا تدخل في غيبوبه توقعو منريموه أي شي هذيك الحزه بيفضحنا زوجها بيقول رحتي مع الهلس تستانسي وذبحتو ولدي ثم موب مخليها تجينا مره ثانيه واا
وتقاطعها خلود :فال الله ولا فالس
ندوي :لاتحاولون موب مغيره
شيخوه :خلود لازم تلعبين يعني
خلود :عادي والله لو تروحوني للمريخ ونا في الشهر التاسع و يوم ان اروح اهم شي العب
شيخوه :خلاص فارقي وريحينى
خلود :بروح وامر لله وذا جات هنود ياويلكم لحد يشرب بيبسيي
دلال :تشربين بيبسي وانتي حامل
خلود :ايه عادي واشرب بيره بعد
نوير :حرام علس ياندوي خففي الطلب ولا انا بروح بدال خلوتي لاتذبحا ريموه
ندوي :لا موب مغيره شي
خلود :خلاص يا اختي العزيزه بروح وامر لله وبكتب وصيتي عشاني متئكده مليون بلميه اني موب راجعه عليكم
وراحت وخذت الدفتر والقلم وجلست شوي تكتب وصيتها علا قولتها ثم راحت
وراحت نوير وخذت وصيت اختها وجلست تقراها علينا وكانت كاتبه
(الى كل من يحبني )
انا الضحيه قر واعترف ان ندى اجبرتني على الذهاب
الى موقع الجريمه وهاناك الجانيه ريم حيث انها سوف تقتلني وانا متئكده من ذالك
وفي النهايه اقول لكل اهلي وزوجي العزيز
لاحد يتنازل خليهم يذبحون ريموه وترتاح العائله من الرعب اليومي
مع تحياتي انا الضحيه ...)
نوير :ياويلي علا اختي حاسه انها بتموت وهي احساسها دايمن صادق
شيخوه :محد ميت قبل يومه
جواهر :كانت طيبه
مهوي :منهي هاذي الي كانت طيبه
جواهر :خلود موب تقولون احساسها دايمن صادق وهي حست انها بتموت اكيد امداها الحين ماتت
نوير :فال الله ولا فالس
رنود :شيخوه افزعي لختس قبل تذبحها ريموه وشلتها
انا :بنات ترا موب بعيده ريموه تذبح خلود وتجي تخلص علينا عشانا مروحينها
جواهر :صدق ممكن تسويهى اجل بنحاش انا عندي عيال ابي اربيهم
وشوي وجات لميوه
لميوه :لعنه البنت ذي سكنيه مالقيتها اختفت كنها تدري اني ابيها
دلال : مالنا دخل انا قلنا تجيبنها يعني تجبينها
لميوه :مالقيتها اختفت
شيخوه :يعني موب لاعبه معنى لين تنفذين الأمر وتجيبنها
لميوه بميوعه :يعيه منكم عاد انتو غيرتو العبه تقوله هنود عاد خلوني العب
شيخوه :اسفين
مهوي :بنلعبس بس بشرط
لميوه :ياليل خير
مهوي :بندبل لس الامر
لميوه :كيف يعني
مهوي : عيعني نامر عليس امرين تبين ولا موب لازم تلعبين
لميوه :خلاص موب لاعبه ويش ذا الخش وراحت وجلست في الزاويه وبوزها شبرين
دلال:حرام عليكم خلوهاتلعب معنى
انا :ضروري تلعب خلونا شوي احسن
وجات هنود بلبيبسي في ثلج وغرشت بيره بربي كان
انا :البيبسي لنا البيره لمن
هنود :خلود موصتني وينها
جواهر :ماتت
هنودبستخفاف :ههه وين يتحطون العزا
جواهر :تونا مابعد جانا خبر موتها
رنود :يالله نلعب ونلخبط الاوراق وكل وحده خذت ورقه وانا كان رقمي 5 ودلال 1 شفت رقمها مره ثانيه والعين كانت مع جواهر
جواهر :وناسه اقدر امر على ثنتين
انا :وحده وتخب وبعد يمكن ماتنفذ طلبس
جواهر بعد مازطت بيرة اختها خلود :انا عندي طلبات واجد
هنود :ذي شكلها بتروحنى في ستين داهيه
نوير :توقعو أي شي انا اعرف خوانتي اذا شربو بيره ويش ايصير فيهم
جواهر : روحو جيبو حمني وسلطوني
مهوي :ويش تبين فيهم
جواهر :ابي اشربهم عصير امداهم يعطشون
نوير :ماعندنا عصير
شيخوه :لايكون يتامرين على ثنتين وحده تجيب عصير والثانيه تجيب عيالس ترا مافيه تامرين على وحده بس
جواهر :بعطيهم بيره
دلا :استخفيتي تعطين طفلين وحد 4 سنوات والثاني 2 بيره مستغنيه عنهم
جواهر:عادي متعودين كل يوم اعطيهم اياها في الرضاعه لين ادمنو عليها
دلال :الحين خوختي ماخليه يشرب حتى العصير الجاهز لازم عصير فرش ولا ماخليه يشرب وانتي تعطينهم بيره حرام عليس
جواهر :عيالي ونا حره فيهم ابيهم يطلعون رجاجيل حرشان موب مايعين مثل ولدس لحد يشتمه جلس يبكي
دلال : اكيد بيبكي وشتيمه شوي
جواهر : اذا في ابوس خير روحي الشتمي حمني وشوفي ويش بيسوي فيس والله ان يغسلس غسال حتى سلطان توه عمره 2 ومايعرف يتكلم بس يشتم كيف مدري
دلال:وي اذا كبرو ويش بيسوون ذا وهم صغار كذا
انا :اخلصي جواهر رقم كم الي تبينه يجيب عيالس
جواهر :رقم ااارقم 9
رنود :ياليل انا ماعرف عيالس
جواهر :لابتعرفينهم حمني لابس لبس سبايدر مان وسلطان سوبر مان يعني على طول بتلقينهم يالله روحي
رنود :يااااااليل ويش ذي الأوامر البايخه
نوير :ياويلس يارنود تراهم شياطين يعني اقري الذكارس
جواهر : انا عيالي شياطين يامال الجني الي يدخل فيس ولا يطلع لو يجيبون اكبر شيخ في السعوديه يطلعه مايطالع وذا الله عانه وجا يطلع يطلع مع ثمس لين تنطرمين ولاعاد تقولين شي في عيالي
نوير :تلرا مايسوى علي بلا احذرها خايفه عليها
جواهر :خايفه عليها من عيالي
مهوي :خلاص يالله روحي يارنود
وراحت رنود وجات الهنوف
دلال :هاه اكلتي خوختي
الهنوف :جعله التخمه عز الله بياكل كلا سندويتش حقه وكلا سندويتشات بناتي وشرب بيرتي جعله السم
دلال بصوت عالي :ولدي خوخه شرب بيره
الهنوف :ايه جعله السم ماتهنيت بها
دلال :ياويلي علا ولدي الله لايعينس يا هنوف
كم شربه
الهنوف :كم شربه اقولس زطها كلها مابقالي ولا نقطه
دلال بغت تجيها جلطه وراحت وهي ترقض تدور ولدها خايف عليه
جواهر :احسن من الصبح وهي مسويتلي فيلسوفه وتنقط مايصلح ومايصير تستاهل
مهوي :ويش عندكم ياعايلت عمي سلطان مع البيره كلكم تشربون بيره
نوير :مدمنين حتى امي تموت فيها ماتكيف لين تشربها
ندوي :ويععع مره موب حلوه شلون تشربونها
الهنوف :شيخوه وين خشيتي بنتي يالخايسه مالقيتها ابي اعطيا سندويتش
هي قالت ولا ماقالت نطت لميوه
لميوه بعصبيه :شيخوه الحقيره خاشتها مني وانا لفيت المزرعه كلها ادورها
شيخوه هي متورطه :هاه ماخشيت شي
الهنوف :روحي طلعي بنتي
لميوه :والله لالعب معكم غصب ياغشاشات
مهوي :اول روحي جيبيها ثم بتلعبين
لميوه :يالله ياشيخوه وينها
الهنوف :يالله روحي معها ياشيخوه جيبو بنتي ولا موب لاعبين معنى انتو يالثنتين وانا بروح معكم عشا اتطمن على بنتي لايكون اذبحتها شيخوه
وراحت شيخوه ولميوه والهنوف
ومابقا غيري انا ومهوي وهنود وندوي ونوير وجواهر
نوير :بنات كن خلود تئخرت لايكون سوتها ريموه وذبحتها
هنود:ممكن
نوير :ياويلس مني ياندوي لايصير لختي شي
ندوي :محد قالها تلعب معنى
نوير :انا بروح اتطمن عليها
انا :بروح معس
ورحنى انا ونوير وكانت المزرعه زحمه الشباب منتشرين في كل مكان جالسين شله والي على الدبابات والبزران متوزعين كنهم نمل والنسوان والرجاجيل وازعاج على الاجر وحنى راحنى ندور ريموه خلود وحنى نمشي ويمر علينا حمني ولد جواهرمسرع سرعه فائقه ووراه رنود وهي تتحلطم وهو يدخل منى ويطلع منى وهوعشانه صغير يدخل من تحت شبك الزرع وهي طبعن ماتقدر تدخل من تحت فتروح تبطل الباب واول ماتجيه يطلع وترجع تطلع ويرجع يدخل وعلى ذا الحال وحنى خليناهم وكملنا طريقنى ووصلنى الملعب الي فيه ريموه ولقينا الاخت هي وشلتها فالينها ولاوحده فيهم متغشيه ومنفذين اكممتهم مدري ليه وطراحهم لافينها بشكال غريبه ومنفذين عباياتهم وبلجنزه والجواتي سبورالوان فقعو عيونا "كان مالبسو عبايات احسن" والبنات الصغار يلعبون معهم دانا وامل ومشاعل ومنال بنت عمتي ساره وامل الحقيره لابسه شرت ويلجوتي وشربات صغار مسويه بيبي والعيال يلعبون معهم مشاري ومجود وسلمان وخلود ومحمد عيال عمتي ساره وريان كان حكم
ومنقسمين فريقين العيال فريق والبنات فريق
والجمهور كانو نصور ولد عمي سلطان وخوه رامي وسلطان ولد جواهر وهو لابس لبس سوبرمان وخلود أخو لميوه وغدير بنت عمتي ساره
جالسين على حدود الملعب ويشجعون وكلهم جالسين مع يعض مدري منهم يشجعون
وصياح البنات جايب الي في اخر الدنيا
والوضع كان عادي وخلود موب عندهم وماضنها جاتهم او انها جاتهمو خذت الكوره وذبحتها ريموه وقبروهاولاكن شي صار والله مدري كل شي متوقع
نوير :وين اختي خلود عساهم ماذبحوها
انا :يمكن تعالي نسئلهم
ونروح ونقرب منهم
انا بصوت عالي :وين خلود
محد جاوبني او يسفهون لي يعني موب فاضين لي
انا مره ثانيه بصوت اعلى من الي قبله :وين خلود
وبعد محد عبرني ورحت قربت شوي عند حدود الملعب
انا :وين خلود
ولاحد عبرني وعصبت جعلهم الجلطه وشوي
وتطلع الكوره برا وروح واخذها واحذفها في مزرعت جدتي الي كلها ورد وقافلتها عشان مايعبثون فيها البزران ويقطعون الورد المهم
وانا حاذفتها كانت نوير تقولي لالالاليلوه لاتحذفينها بس خلاص قدها في المزرعه وانا مستانسه حدي واول مالفت لقيت الفريقين والحكم والجمهورحتى وراي ويناضروني بنضرات غضب
انا تورط ونوير مالقيتها شكلها انحاشت وجيت ابي انحاش بس وين مليون واحد حدوني
ريموه بغضب :ليلوه جيبي الكوره
مشاري : بسرعه
انا وانا متورطه: بجيبها لكم
محمد ولد عمتي ساره : ليه تحذفينها من الاساس
انا :خلاص بجيبها
امجاد بنت عمي نايف : ترا موب رايحه لين تجيبنها
انا :خلاص بروح اجيب المفتاح من جدتي
عبير بنت عمي نايف :لاوالله تلعبين علينا
امل :طبي من فوق الشبك ولا مسويه رقيقه
انا :اكل تراب يالحقيره
سلمان :بتجيبن الكوره ولانشوف شغلنا
انا بستخفاف:ويش بتسوي يعني
ريموه :بمحط بس هنا عشان تكونين عبره لغيرس
انا :يعني موب مخليني اروح اجيب المفتاح
مجود :لاولاتحاولين تقنعيني
ابو خلي ولد عمتي ساره:ليلى ترا مامعنى غير ذي الكوره والثانيه مع البنيات الصغار وموب معطينا ايها لو بنموت فرجائن جيبي الكوره
انا :خلاص زين بجيبها بس وين خلود
ريموه واصله معهى :ليلوه جيبي الكوره تر امامعنى وقت بيكبون العشاء الحين طبي جيبيها
انا :صعبه كيف وحد منكم يالعيال يطب يجيبها
مشاري :يالسلام انتي تحذفينها وحنى نتورط
عهود بنت عمي سلطان :ليلى اخلصي جيبها ترا مايسوى علينا
انا :زين ابعدو مني خلوني ارقا ...لانهم كانو محصريني جنب الشبك حق المزرعه
وتنفذ بعبايتي وسوي لطمه بشيله عشان اقدر اشوف واتسلق الشبك وارقا كان عالي يمكن مترين ونص وبعد عليه من فوق السهم مايسوى علين جدتي حاطه كل ذاه عشان محد يخرب حديقتها
وارقا وانا اتلفت اخاف احد يشوفني فشله واول ماوصلت فوق وجيت ابي انزل في الحديقه نشبت عبايتي في الأسهم ولاقدرت افكها وجلس اتعارك انا وياها وفجئه طحت ونشقت عبايتي
انا وانا داخل ورا الشبك :جعلكم الجلطه كلكم ياحقيرين شوفو ويش صارفيني
مجود:محدقالس تحذفينها يالله عطينياها
انا :هين ورحت وخليتهم ينتضروني وجلست اتمشى في حديقت جدتي الي كلها اشجار دار مادار عليها وفي ها الشجار غريبه والوانها عجيبه وكلها ورود مرتبه بطرقه حلوه موت وكانت فيها كراسي هزازه بسراحه كانت عذاااب مالوم جدتي يوف قفلتها والله لو تفنحا كان كلو البزران الاشجار المهم الشله كانو بر ويتحلطمون ويقولون بسرع بسرعه وفجئه انحاشو ورحت اشوف ليه انحشو ولقيت جدتي جايه ومعها لولوه اكيد تبي توريها الحديقه بماائها اول مره تزور المزرعه
وانا تورط لاتشوفني جدتي اعدمتني ويش اسوي ونخش ورالكرسي وتبطل جدتي الباب ويتمشون فيها شوي ويسولفون شويوياطلعون
انا الحمد لله نجوت ويش لون اطلع وروح ابي اطلع قبل يجون الشله وموب معطتهم الكوره عشان يفطسون من القهر ويعرفون انا من وتوني على الشبك الوالشله كلهم حادني ونا على الشبك
حمود :اما نس نذله وين الكوره
ريموه :الحين حاذفتها وداخله وطالع وماهان عليس تجيبينها
انا متورررطه على الشبك :ــــــــــــــــــــــــــــ
عهود بنت عمي سلطان : اما نس غريبه انزلي عطينا الكوره
مجود :نشحثس بسرعه
ريموه :بسرعه جعلس الموت المستعجل
انا :انا جعلني الموت هين يانذله والله ماعطيكم اياها افطسو
مشاري :ونتي افطسي داخل موب رايحين لين تجيبين الكوره وياويلس لو تطلعين من دونها
انا بمكر: تبون الكوره اصبرو شوي
وانزل وانا افكر وشلون اطلع من دون ماعطيهم الكوره ولا يشوفوني واروح الجهه الثانيه والقى الشباب بيشوفوني وشلون اطلع ورح للجهه الاخر والقى جدار والثالثه كانت الوابه بس بيشوفوني
ويش اسوي لازم اطلع من غير ماعطيهم الكوره وينقهرون ويشلون ويشلون ويشلون وبعد تفكير عميق استغرق 3 دقايق وهم برا بيفطسون وصوتمه جايب الي فاخر الدنيا قررت اني اعطيهم الكوره واطلع واذا طلعت قطيتها مره ثانيه ورحت وعلمت جدتي عليهم وبجيبها في الوقت الي هم داخل الحديقه وطبعن جدتي بتفقع الكوره هاهاهاها وناسه ورحت وقطيت عليهم الكوره وتسلقت الشبك وقدني ابي انزل تحت لا وجدتي جايه ومعصبه حدها ونا على الشبك وتطالعني وهي تدعي علي ..وانذلان راحو بعد ماخذو الكوره وعلمو علي جدتي ...
انا ويش اسوي؟؟؟ اذا نزلت برا لعنت خيري جدتي واذا دخلت بتدخل علي وبتتوطاني وقررت اني النزل برا واول ماحطيت رجلي على الارض لين جدتي واصله ومعها خيزران مدري من وين جايبته اضاهر انه حق الحقير ريانوه
وجدتي تصارخ وصوتها جايب الي في اخر الدنبا ونا على طول سويت عكسيه على قولت مهوي ونحشت قبل يجون الشباب على صوتها وهي تصارخ مايسوا علي وانحاش ونخش ورا البيت واجلس اطالع جدتي وهي تسئل البزران كيف دخلت ولقيت الحقيرين منادين جدتي ومفهمنها اني ابي اخذ باقت ورد من الحديقه عشا كذا جدتي بغت تجيها جلطه هين والله ماخلي الحقيرين والله لانتقم شوي ونويرجايه
انا :وينس يانذله دزتلس ريموه فايروس
نوير :انا من الصبح اراقبس ابي اعرف ويش صارلس وبعداااااههه
انا :ويش السالف لايكون انتي ال مناديه جدتي
نوير :عمى اشهد افكار سودا مانديت احد بلاااااهه
انا :اخلصي ويش انتي مسويه بعد
نوير :صورتس من يوم مانحشت لين الحين
انا :يالحقيره ليه يالله امسحيه
نوير :طل بروح ارويه البنات
انا :لا امانه نوير تكفين انا ادري انس ذيبه موب مرويتهم اياه الابئذني صح
نوير:انتي قايله لهم قايله لهم وخير يعني اذا سمعو القص وشافو صوره وصوت
انا :فيه فرق
نوير :حرام من زمان محد ضحك بس يمكن مارويهم اياه بشرط
انا :بتذليني خلاص رويهم اياه ماسويت جريمه
نوير :خلاص خلاص
انا :عادي اذا مارويتيهم اياه انا برويهم
نوير :يمه منس
انا :يالله امشي هاذيك جدتي جات ضاقت بها المزرعه ماعينت تجي الامنا
واروح انا ونوير وفي الطريق لقينا رنود توها تلحق حمني وتحلطم وماخلت دعاه ماقالتها وهو ميت من الضحك وداخل في الشبك ويعاينها وهي ماسكته من ورا الشبك بس هو داخل وهي برا ومدخله يدها وماسكته ومتورطه اذا فكته انحاش واذا جلست ماسكته وشلون تطلعه وبينهم الشبك
رنود ماتمنت على الله انها تشوفنا : بنات تكفون ساعدوني
نوير:كيف
رنود :ادخلو مع الباب ومسكوه لين اجيكم اخذه
نوير:زين وراحت تدخل وانا شفت جدتي جايه ونحشت ولقيت واحد من الشباب واقف عند البراده مدري منهو ونخشيت عشان عبايتي منشقه شق عوود فشله وجات جدتي وراحت الصوب الثاني لرجاجي اكيد راحت تهزئ ابوي وتعلمه اني تخلت حديقتها وراح الي عند البراده الي كان خالد اخو مهوي وانا انطلقت وفي طريقي لقيت خلود تمشي وجميع البزران وراهادلوعه ومرام ومي ووشهد وريماس الصغيره بنت عمي وليد وحتى سوبرمان سلطان ولد جواهر معهم بسم الله توه قبل شوي هناك ويش الي جابه هناه والي يبكي واليصيح والي يتحلطم والي يتوعد وهي تمشي ونصف البزران متمسكين فيها
وانا كان وراهم واسرعت اشوي ابي اعر ويش يبون منها واول ماسبقتها لقيت معها كوره واول ماشافتني تورطت
انا :خلود ليش ماخذه كورت البزران
خلود وهي متورطه :ااااااهها بسراحه يعني
انا :حنى نقول جيبي كورة ريموه وشلتها موب كورت البزران
خلود :انتو من جدكم اروح اجيب كورة ريموه عشان تذبحني وقلت اختصر واجيب كورت ذولا المبزره وارتاح وبعدين بعطيهم اياها
انا :يعني تبين تغشينا
خلود :تكفين ياليلى استري علي لا تعلمين وفكيني في هالبزران لين اودي الكوره لندى
انا :ياسلام تبني اشاركس في هاذي الجريمه
خلودبشكل يكسر الخاطر :انتي ماشفتي ريموه وشلتها والعيال كيف يلعبون كنهم في حلبت مصارعه وهم يلعبون كيف لو هم منهاوشين ويش بيسوون والله ان يذبحوني والواحد ولا ثنين ويالتهم على الاقل 5 كان ارحم بس هم مليون
" تعلميني توني جايه من عندهم وسوفيني كذا "
انا :خلاص بساعدس بس بشرط
خلود :امري تدللي
انا :اذا جات معس العين وامرتي علي الغي الطلب او اطلبي طلب بصيط
خلود :بصيط مثل ويش
انا :اكفخ مهوي اضرب ندوي العن خير لميوه اتفل في عين هنود اقبص دلال اتوطا شيخوه ااا
خلود:وقفي حرام عليس هاذا كله الي قلتيه طلبات بصيطه
انا :ايه وبعد اذا تبيني انفش كشت وحده ولا اشق ثوب وحده ترا عادي
خلود :ويش ذا العنف الي عندكم يا بنات فهد معن ابوك رقيق وامكم نعومه انت ليش طالعين كذا
انا :ويش فينا ويش حلاتنا
خلود :ريموه مسويه مجزره في البزران ونتي تبيني اطلب منس هاذي الطلبات وندى مروحتني لهم تبي الفكه مني
انا :ترا عادي وبعدين على قولت ريموه ان لم تكن ذئبن اكلتك الذأب
خلود :صح السانس
انا: وبعدين ترا اعنف وحده فينا اختس شيخوه تمشي وتوزع عضلات
خلود :خليس منها هاه بتسترين علي
انابتعجب :ليه ويش مسويه لاتكونين موب حامل من زوجس تبيني اشوتس عشا تصقطين انا اقول ويش فيس ااا
خلودوتقاطعني بعصبيه :عمى انشاءلله انتي تبين تورطيني على اخر عمري الله اليوفقس يالحقيره ون كان احد سمعس
انا :هاه تكلمي ويش استر عليس فيه
خلود :في االعبه مالت عليس يا الخايسه
مي بنت عمي نايف :إلا ماقلتي انتي حامل من من
خلود + انا نطالعها بستغراب وستحقار وعصبيه
خلود :روحي جعلس الموت وتفصخ حذيانها وتعطيها على وجهها وجلس تبكي ونحاشت
والبزران الباقين مبطلين عيونهم وهم خابفين
وخلود تبيها من الله وفصخت حذيانها الثانيه وناحاشو كلهم ويوم شافتهم انحاشواحذفتني انا الحقيره
انا بعصبيه :خير جعلس الجلطه
خلود بغل :احسن ياتافهه شككتي البزران في اخلاقي
انا :انتي الي ماتعرفين تكلمين أجل تقولين استري علي محد يقول استرو علي المسوي جريمه
خلود :هاذا الي طلع معي ويش تبين اقول
وبعدين ويش دراني انس دجاجه ماتفهمين وتفسرين الامور على كيفس السود
انا :اسمه تفكيرس الاسود موب كيفس الاسود
خلود :ماعلينا هاه بترقعين لي
انا :اشوفس عرفتي تتكلمين موب مثل قبل شوي
خلود :بترقعين لي ولا لا
انا :اكيد بعد ما حذفتيني بلحذيان بعلم عليس
خاود :ليلى خلاص عاد الي قلتيه موب شوي وتستاهلي حذيان ثانيه
انا :هاذا بدل ماتتئسفين وترقعين
خلود :خلاص انا اسفه خلاص عاد
وشوي ومارين علينا ونوير رنود ماسكه حمني
رنود :ماشفتي سوبر مان الثاني
انا :الى قبل شوي كان هناه وراح مع البنيات داخل
نوير :بسم الله من عيال جواهر سكن سلطان قبل شوي كان في الملعب كيف دخل
انا :مدري
نوير: اختي خلود حيه ونا كان فاقده لامل ... وترح وتضم خلود
خلود :توس شايفتن
نوير :والله اني موب مصدقه انس حيه توقعت انس بتموتين وبعدين ابعدت منها وهي مستغربه
نوير :كيف؟ ومتى؟ وشلون؟ وليه ؟
خلود :ويش هاذا كله
نوير :الكوره معس وانتي في احسن حال كيف معقوله محد لمسس
خلود :عندي واصطه
نوير :مستحيل فيه شي صاير غر كيف قدرتي تاخذين الكوره بدون أي اصابات وبدون ماتصقطين
خلود :عمى تتفاولين علي وانا اقول اذا جبت ابنيه بسميها النوري عليس
نوير :صدق بتسمينها علي يالغاليه
خلود :اكيد بمأنس انتي الوحيده الي تهتمين فيني وتحيبني ومأدبه وانا ابي بنتي تطلع عليس
نوير :وناسه بصير خاله
رنود :والجنقل الي معي موب عيال اختس
نوير :لا انا متبريه من الغجر الي عندس طالعين على اهلهم
رنود:غريبه انس ياخلود ماكشفتي
خلود :بكشف بعدين
انا :تبين بنت ولا ولد
خلود :اكيد بنت
وراحت رنود ومعهى حمني
وراحت نوير وهي موب مصدقه ان خلود قدرت تاخذ الكوره
ولحقناهم انا وخلود
بعد مادورنا حذيانهاشوي ولا لقيناها
ووصلنا الدكه ولقينافيها هنود ومهوي وندوي
ودلال وجواهر وشيخوه والهنوف ولميوه ونوير ورنودالي حالتها حاله وجلست انا وخلود توهاواقفه قطت الكوره في وجه ندوي اختي
ندوي :خلودوه خير
خلود : هاه انتي ماقلتي جيبي الكوره جاتس اشبعي بها...وجلست وتربعت وقالت وزعو
وجلسو كلهم يطالعوني ويضحكون على عبايتي
انا بعصبيه :خير مضيعين شي في وجهي
هنود:لا بس عبايتس من شقه
مهوي :ترا نوير روتنا الفيديو حقس وانتي تعانين
انا :جعل نوير الجلطه المزمنه
نوير :خير انتي ماقلتي عادي وريهم
خلود :يالله خلونا نلعب تراني متحمسه
دلال وخوخه جالس جنبها :انا شكلي موبلاعبه
عشان خوختي مايصير له شي
جواهر وحمني فوق راسهابغرشت البيره :اماانا بلعب وانت ياحمني فارق العب مع الشباب بدبابات
حمني ماكذب خبر ودعس بلبيره لشباب
دلال بتعجب :جواهر حرام عليس شلون يروح يلعب على الدبابات وهو صغير وبعدين ماتخافين يدعسونه الشباب
جواهر :لا اطمني ولدي واثقه فيه
شيخوه :واثقه فيه هاي انتي تقولس ماتخافين عليه يدعسونه الشباب ماقالت تراه بيروح يرقم الشباب
جواهر :هاذ ولدي ولا ولدس خليه بكيف يرقم يفحط يسوي الي يبي لاتعقدونه يالله نلعب
شيخوه :الحمد الله والشكر اقولها كذا تقولي كذا
جواهر :لارندا وين سلطه
رنود :ويش هو يالله مسكت ذاه تبيني اجيب الثاني والله ما روح اجيبه لو تطردوني العمر كله مالعب
هنود: يالله نلعب
الكل :يالله
ورتبت هنود لالوراق وصفينا على شكل دائره وانا كان على يميني الهنوف وعلى يساري خلود
وزعت الاوراق وكل واحد خذت ورقه وانا كان رقمي 4 وخلود 8 والهنوف ماقدرت اشوف رقمها
والعين كانت مع دلال
دلال :هيااا انا اليوم حضي حلو
انا :اخلصي بسرعه قولي ويش تبين
دلال :ابيها تروح تودي خوختي مرقده
عشانه رقد رقم ااارقم 5
ندوي :ياليل انتو وبزرانكم دورو نضفو اكلو معاد ناقص الى تقولن رضعو وقامت وشلت خوخه
دلال: سمي عليه ولاتروعين وحطيه بشويش في فراشه واذا قام قوليله قصة سندريلا عشان يحبها
ندوي وهيرايحه: في المشمش بحطه في الصاله
خلود :يالله وزعو لعل وعسى يجي حضي
حلو ذي المره
ونلخبط لاوراق وانا كان رقمي 9 وخلود 1 والعين كانت مع شيخوه واول مادرينا ضقنى لانا ندري ان شيخوه بتجيب لنا قمبله
شيخوه وهي تنطط :ونااااااااااااسه هيااااهياااا
لميوه :شيخوه امري اوامر معقوله
شيخوه :ابي الحقيره صاحبت رق.....
وتقاطعها نوير : وليش تقولين حقيره يالحقيره
هنود :وبعدين قولي الامر اول ثم الرقم
شيخوه :ايه صح ابيها تروح تنادي كل الشغالات الهنديات بس هنا
الهنوف :ويش تبين فيهم
شيخوه :امر ضروري جداً جداً
رنود :رقم كم
شيخوه رقم اااارقم 9
انا انصدمت :ياليل تبيني اجمع
الشغلات على اخر عمري
شيخوه :يالله روحي بسرعه
انا :جعلس الجلطه ...ورحت للبيت ونا في الطريق لقيت جدتي طالعه من البيت ونخشيت لين راحت عشان ماتهاوشني ودخلت ورحت فوق وبدلت عبايتي ورحت للمطبخ ولقا الشغلات مجتمعين ولا لقيت غيرثلاث هنديات في المطبخ كذبت عليهم مدام شيخه يبي يعطي انتي فلوس وماكذبو خبر وراحو معي ورحت للمخزن ولقيت ثنتين وحده هنديه والثانيه شاكه فيها ويوم قدني طالعه لقيت وحده بعدوخذيتهامعي على طريقي ورحت لشيخوه والخدم الست يلحقوني ولقيت مهوي مخالفتني امرتها لميوه تجيب جوالهاووصلت ووقفتهم عند الدكه وجلست
انا :شيخوه اشبعي بهم
شيخوه على طول خذت ورقه وقلم وجلست على الدرج
شيخوه :يالله كل وحد تقولي اسم فيلم زين واهم شي يكون جون براهيم فيه وشاروخان وسلمان وعلي ونتاشا وايشوريا يالله وحد وحده
ويجلسون الخدم ينقطون وشيخوه تكتب اسامي الافلام وكل شغلاه تنقط شوي
وجات الشغاله الي انا شاكه فيها واولماشفتها شيخوه فصخت حذيانها وحذفتها وجلست الشغاله تتحلطم ليه ليه مشكله مشكله
شيخوه :انا كلام هندي مافي كلا اثيوبي يالله اذلفي
الشغاله لأثيوبيه راهين :في في فيلم
شيخوه :انتو اصلان يالله لاقين تكلون عشان تخرجون افلام يالله طسي جعلس الاسهال المزمن
وراحت الشغاله وهي تتحلطم وشكلها ضاقت ياويل شيخوه يمكن تسحرها
شيخوه :ليلوه انا ماقلت لس جيبي الشغلات الهنديات بس ليش جايبه ام كشه هاذي معهم
انا :جبت خمس هنديات والثيوبيه مجانن
الكل :ههههه
وتكمل شيخوه كتابت لافلام وجات مهوي
مهوي :يالله وزعو
انا :يارب القا العين
وتوزع هنود ونا رقمي 11 وخلود 9 والعين كانت مع نوير
نوير : ابيها تقوم وتوضى وتصلي
ركعتين رقم 10
دلال: اصلا مبعد صليت العشى عشان اصلي ركعتين
نوير :حرام عليس ياويلس من الله
دلال :خلاص باي بروح الصلي العشاء والصلي ركعتين ....وراحت وجات جدتي معصبه حدها
ونايوم شفتها انخشيت ورا خلود الي كان في الزاويه وجات جدتي وهزئت الخدم تقول ليه ماجلسو عند العشاء وراحو الخدم وشيخوه تتحلطم
جدتي :ويش فيكم منادين الخدم ماخليتوهم يكبون العشى ولاانتو الي كبيتوه
الهنوف :موب احنى ياجده هاذي شيخه هي الي منادتهم
وشيخوه كانت واقفه ورا جدتي ونحاشت على طوال ..ولتفتت جدتي تدورهاولقتها منحاشه قالت جدتي يالله تعالو تعشو العشاء بيخلص بعد شوي وراحت جدتي وهي تتحلطم
هنود :والله معاد العب معكم يالكبار
الهنوف :ليه
هنود :اوامركم كنها وجيهكم روحو اكلو عيالنا وشربو عيالنا وجيبو عيالنا
نوير :انشاء الله اخر مره نجلس معهم
دلال :محد جبركم تجلسون معنى
مهوي :نعيد ونزيد انتو الي جالسين معنى
الهنوف :احنا جالسين قبلكم
ندوي :انتو الي قاطين
دلال: تبونا نروح طل بنجلس وانتو روحو
انا : هاذي دكتنا وانتو المفروض تجلسون مع الحريم الكبار
الهنوف :جيبي صك الملكيه
رنود:الهنوف ليه تعلمين على شيخوه
انا :احسن عشان معاد تنادي الخدم
هنود :جالسين معنى ويتمنذلون فينا موب بعيده يعلمون عليس ياليلوه
جواهر :هي انتي وياها ترا انتو الي جالسين معنى
لميوه :لا والله انتو الي جاين وجالسين معنى
المهم جلسنى سوالف نتهاوش كل شله تقول انتو الي قاطين لين خلص العشا الساعه 11 وبعد العشا جات ريموه وهي كلش تعبانه من العب ومستانسه عشانها فازت على العيال
جلسن يا البنات في الصاله والحريم كلهم برا
شيخوه : بنات ابي لعب بادبابات
|
18-04-09, 07:29 AM
جديد مواضيع قسم القصص المكتمله
العرض العادي
