كاتب الموضوع :
dali2000
المنتدى :
القصص المكتمله
المهم حطنا عمي ناصر قريب شوي من المخيم
وقال يلله كدو ورحنى مشي كانت الساعه 5 ونص المغرب ودخلنا واحنى زعلانين خيمت الجلوس وجلسنى في الزاويه وكانت مليانه بطانيات ومفارش مدري من اللي حاطها المهم الي اعتنزت على البطانيات والي انسدحت وطلبنا من الخدم شاي وبسكوت
انا : بنات وناسه ليت الشباب ماجاو معنى
ندوي : بلعكس احلى مافي الرحله اشباب
مهوي :الا ليلوه رامي شفيه يقول انس ترقدين بدون ملابس
انا: حسبي الله على ها الثرثار جاني وانا ابدل توني فاصخه بلوزتي الا وهو داخل وحطني اللعين ماعلي ثياب
لميوه : عسى عليس ستيان ولا شاف البلاوي المتلتله
انا : هين والله ان خليته الحيوان
رنود: بنات شكله اذن الغرب يالله نروح نصلي
لميوه : انا في اجازه
مهوي :و انا بعد
انا :انا صليت مع العصر
شيخوه : وانا بعد
مهوي : انتي بعد في اجازه ولا صليتي
شيخوه : صليت موب حزت اجازتي
وراحو البنات يصلون وجابت الخدامه الشاي والبسكوت وحطتها في وسط الخيمه
انا : بنات ندوي من جدها تحب فارس
مهوي : الحمد والشكر مامداها توها شافته ماصار لهاالسبوعين متعرفه عليه
شيخوه :ليه ماتأمنون بلحب من اول نظره
لميوه : بس شكلها تحبه حتى من تصرفاتها
وبعدين جاو البنات وجلسو وتونا نسولف وتتحرك البطانيه اللي في الزاويه وخفنا وابعدنا منها شوي ادز البطانيه واحنى نصارخ وتجي ر كض وتصدم في شيخوه واطيح على الشاهي لا ذيك الصرخه اأأأأأأأأأأأأأي بصوت رجال ولعد تحركت
وتجي شيخوه تسحب البطانيه
وتقول : من اللي داخل
البطانيه : لا تكفين لا تسحبونها امانه
واحنى كنا خايفين على بالنا سكني مع المغرب
شيخوه : من انت تكلم
البطانيه : انا واحد من عيال عمكم تكفون لاتحرجوني
واحنى كنا ساكتين وشيخوه تحقق
شيخوه : بتقولي من انت ولا اصارخ ولم الشباب كلهم عليك
البطانيه بصوت كله الم : اه تكفون لاتفضحوني
شيخوه: وش جابك تكلم واحد اثنين وبعد بطل خلى الشوف وجهك "نست الاخت انها ماعيلها عبايه وتسحب البطانيه
و تنحا ش البطانيه وتصقع في العمود واطيح وترجع تنحاش واحنى نصارخ بس لاحياه لمن تنا دي الشباب كانو بعيد يلعبون كوره
شيخوه :بنات ظنكم من ذاه ولا وش يبي
انا : اكيد يبي شي من الخيام قال اكيد مافيه احد وجاء
لميوه : وليه من خش تحت البطانيه
هنوده : بنات فضيحه كان يسمعنا
الكل :يووووه فضيحه
ندوي : طيب ليه ماتكلم
مهوي : من نعلم يابنات وبعدين تتوقعون من
انا : مدري بس اكيد موب خلود اخوي لأني اعرف صوته
ندوي : بنات احيييه
الكل :شفيس
ندوي : انكب عليه الشاي اح يا حرااام
شيخوه : نقول لجدي وهو بيعرفه لن الشاي اكيد بيصير مكانه حرووق
نوير:بنات بس جدي بيرقع المضوع ترعرفونه مايحب المشاكل
الكل : والحل وجاو اهلي كلهم وتجمعو الحريم وبدا الحش ونجلس نفكر لين العشا وبعد العشا تجمعنى مثل البارح وقررنا اخيرا انا نقول لعمي ناصر وناديه ونقوله السالفه قال على اخر السهره بشوف منهو
وبدت السهره وندوي ماشالت عيونها من فارس
ندوي بصوت واطي : بنات تكفون شوفو فارس كأنه ملاك في ذمتكم مايستاهل اني احبه
عمي نايف : اللي بيعرف حل ذا اللغز له تراه ذكي
الشباب : يلله عاد قول
عمي نايف : وشهو الشي الي مايدخل الا اذا طقيته على راسه
خالد اخو مهوي : ما يبيلها ذكاء اخوي ريانوه مايدخل البيت الا اذ لعنت خيره
عمي نايف : تنكت خطا كل واحد له اجابه
فواز : ااااا ايه ازرار الكهرب صح
عمي نايف : اعنوب الذكا اللي تعرفه
عمي جاسم : ماتحتاج ذكاء القلم الغطاط
عمي نايف: بعد خطاء
جدي : عرفته المسمار صح
عمي نايف: اكيد صح يالله اللي عنده لغز يقوله
ماجد : انا اكله شراب وعمله منفعه ان اشتغل يفصخ القبعه وان استراح يلبس قبعه
عمي وليد : مشاءلله هاذي قصيده
جاسم : مجود صح لسانك
ماجد : بالله اتحداكم تعرفون الاجابه
عمي ناصر : الفلاح لا صارفي المزرعه ماعنده شي باكل يشرب ما بس
ماجد : خطاء
خويلد اخوي : غرشت شطه داخلها شطه واذا قدنا نستخدمها نبطلها
ماجد : بعد خطاء حظ اوفر
رندى : مجود فقعت كيدي بذا للغز القلم
ماجد :صح
عمي فيصل : وش البيت اللي مايسكن فيه احد
سلمان اخو شيخوه : مايحتاج بيت عمي ابو طلال يومه في فرنسا
عمي فيصل : مقطع وجهك الذكاء غلط
مشاري : البيت المسكون
عمي فيصل : تستعبط مسكون يعني فيه احد
تركي : بيت اهله مسافرين
عمي فيصل :غلط
عزوز مدر عبود: بيت لعبه مافيه احد شرايك عمي
عمي فيصل : لا واله ذكي غلط
مهوي وتقول لرندى تقول عنها بيت الشعر
رندى : تقول وحده من البنات بيت الشعر
عمي فيصل : صح ماشاء الله والله بنت اخوي ذكيه
عزوز مدر عبود : وانت شدراك انها بنت اخوك
عمي فيصل : وشذا العبط اللي لاعب في وجيهكم لأن البنات الموجودات بنات اخواني اما بنت متئكد مهيب هي عرفت ياذكي
ريان: اخو مهوي : انا عندي لغز اقوله
جدي : قوله
ريان: وشو الشي اللي يحب يلعب بليارد واجد ويحب الزقاير واول حرف من اسمه خا وليلى تسميه الياباني
الكل : ههه هههه ههه يااااااباني
عمي نايف وهو يطالع ولده خالد : هو اللي اعرفه يحب البليارد اما زقايرجديده ولا ادري انه حقيقه لعنت خيره الحين
ريان: من هو ترا خلاص مايدخن
عمي نايف: خويلد اخوك
ريان: صح
راشد :اناعندي لغز وشو الشي الي دايم يحكر لي
خلود اخوي : ابوك
راشد : صح احسنت
خلود اخوي : وشو الشي الي مسبب لي عقد ه
تركي : اااا ولا خلاص
يوسف : الدراسه
خلود اخوي : صح
طلال : وشو الشي اللي كل ما روح لمكان القاه حتى في غرفتي وعلى سريري
ماجد : ربعك
طلال : بايخه خطا
فواز :وحده الله يستر عليه
نص الشباب :ههههههه هههه ه ههه
والباقين :؟؟؟؟؟؟؟؟
ونا انقهرت لأنه الحقير يقصدني
طلال : والله انك ذكي ياولد عمي
عمي ناصر: خلونا من سوالفكم البايخه يالله نكتو يا اطفال
وبترتيب كل واحد يقول نكته زين
البزران :زين
أمل : فيه بخيل اشرى ضحية العيد ولما ذبحها جمع أهل بيتة ووزع عليهم الحم وقال تعلموا ياعيالي الاقربون أولا
بالمعروف
الكل :هاهاههااهاهاهاهاهاهاها
مشاري :في مغفل شاف عصافير حب على شجرة واحد أحمر والثاني أخضر مسك الأحمر وترك الأخضر ،ليش ؟؟
ألكل: لييييشششش
مشاري على باله الأخضر مانضج
ألكل :هاهاهههااهاهاهاه
مشاعل :فيه واحد مسطول ماسك لوح ثلج !! ويقول نفسي أعرف من فين ينقط
الكل :هاهاهاههااهاهاه
وليد :شوشو ويش يعني مصطول
مشاعل :مدري
خالد نايف : مايبيلها ذكاء انت
وليد :انا مسطول يا العربجي
خالد :المصطول ولاشي جنبك
وليد:هين يا خويلد الياباني
خالد :انا يباني ياالفيلبيني
عمي ناصر :الحين انا ماقلت بس الاطفال الكبار الي ينكتون انتو ليش داخلين عرض أسكتو يالله يالله نقطو يا حلوين
منال بنت عمتي ساره: فيه سجاره التزمت صارت مسواك
الكل :هاههاهاهاهااه
سلمان :قروية تلحق صرصور ليش؟
الكل :ليييش
سلمان: تحسبه تمر
الكل :هههههههههههههههه
حمودولدعمتي ساره: فيـــه واحد يـصـلـي وهو مرتــبك ليـه
ألكل :ليه
حمود:..لأنه مبرشم الفاتحة
جسوم :كيف مبرشم في الفاتحه
حمود :ماعندي خلفيه
رشود :ليه تقول شي ماتعرف معناه
حمود:عادي اذا قلتها لحد ضحك بس انتو ما فهمتو ويش ذنبي
جسوم :ذنبك انك ما علمتنا ويش يعني عشان نضحك معك عرفت ليه
حمود:المره الجايه بقولكم ويش معناها
عمي ناصر:ممكن يعني تسكتون وتخلون الباقين يكملون
عبير :قروي جاي من الديره شاف الأنوار في الشارع قال الله يعز الحكومة حتي الشمس حطوها في قوارير
ألكل :هههههههههههههههههههها
ريان :في قروي قال يبه أبي مدرس خصوصي قال ابوه انجح واجيب لك بدال الواحد اثنين .
الكل :ههههههههههههههههه
دانا:عربجي شيب ابوه باعه في الحراج
الكل ههههاهاهااهاههااههاها
عبير : اقيمت مبارة بين فريقين فريق الفيله وفريق النمل وفاز فريق النمل على فريق الفيله 2-1 فإعترض فريق الفيله على المباراه قالوا ايه النمل بيكاتشوا .
الكل :هاهاها؟؟؟؟؟هاهاهااه؟؟؟؟؟؟
خلودي ولد عمتي ساره : فيه قروي على باله فاهم جو أهل المدن دخل مطعم هو وخويه المهم قال لخويه وش تبي من الأكلات قال خويه أبي سلامتك قال القروي بكتشب ولا بمايونيز
الكل :هاهاهاههااهاهاهها
غدير: مره واحد محشش وقف عند لمبه بالشرع وقام يضرب براسه عليها لحد مانزل دمه مر عليه واحد ثاني محشش قاله وش فيك قال لي ساعة ادق الباب قال غريبه مع ان النور شغال
ألكل:هاهاهاهاهاهاهاهاهاهاههااههاها
عمي ناصر :خلاص نكتو يالله روحو ارقدو
منال:ليه أمانه مافينا نوم
عمي ناصر: خلاص نكتو وستانستو والحين روحو ارقدو
منال :لا تكفى أنا اذا اهلي راحو للبر نسهر كلنا مع بعض لصبح
عمي وليد :عند اهلس موب خوالس أحنا ناس نحب الترتيب والحين روحو رقدو
المهم راحو نصف البزران ونص جلسو
وجا عمي فيصل كل عاده
فيصل : من الي عنده موقف
ألشباب كلهم: الاتقول
رشود :انت ياعمي الغالي ماتمل
فواز :ما يأست من امس وانت تشحثهم
فيصل :لا يأس مع الحياةولا حيات مع اليأس
فواز :شكلي بقول سالفتك الثانيه
فيصل:عادي قول ماعندي مشكله
فواز :فيصل ترا بتندم مسوي نفسك سيده وواثق من نفسك وبفضحك الحين وبطيح من عيون العائله بكملها
فيصل :مااذكر اني سويت شي لياهاذي الدرجه لا اذا زودت من عندك عليه ذيك الحين لكل حادث حديث
فواز :مازودت شي
فيصل:عندك شي قوله ماعندك لا تزعجني
فواز :بسكت وبكتم مصيبتك
فيصل :توها قبل شوي كانت سالفه الحين صارت مصيبه
فواز :كنت ناسيها والحين تذكرتها زين وقدرتها انها مصيبه
فيصل :كيفك مصيبه كارثه اهم شي الي عنده سالفه يقولها
عمي فيصل تقطع ولحد صوبه كانو الحريم يسولفون مع بعض والبزران الي مرقدو يلعبون داخل الخيمه على المراقد
والشباب شوي جالسين يلعبون سبر والباقي الي يسولف بس ما نسمع صوته والي مندمجين مع عماني وجدي وهم يسولفون واحنا يا البنات جالسين نسولف لحالنا بعد
شيخوه :بنات قهر
هنوده :ليه
شيخوه :امس بغا يصير لي شي ابي العب سبر واليوم جلسو يلعبون الشباب عشان يقهروني
ريموه:خلاص بولع عليس بلكشاف وانتي العبي
شيخوه :من الي بيلعب معي
مهوي :قصدس تقولين من الي يبي ينفضح معي موب يلعب الحين مستانسين انا في ضلام ما يشوفونا الشباب وانت بتولعين
شيخوه :وخير لاشفوني الشباب جلطا انا عبايتي علي وغشوتي والعب وين الغلط
هنود :الغلط انس جالس في ظلام ومولعه الكشاف عليس وقاعده تلعبين والشباب مراح يفسرونها انس قصدس تلعبن بييفسرونها شي ثاني
شيخوه :انتي وحده معقده واضنونس شينه الشباب مستحيل يفسرونها شي ثاني على قولتس لأنهم يعرفونا زين وحده وحده
مهوي :بيقولون ماجاها العب الا الحين ليه ما لعبت من الصبح ويش معنى الحين
شيخوه :شفتهم وتحمست
نوير :شيخوه انسي انس تلعبين
ريموه واقفه بلكشاف :اولع ولا لا
شيخوه :لا ذولا المعقدين يخلون احد يستانس
أنا :ريموه ماتستحين جايبه الكشاف من جدس
ريموه:يعني انتي الي تستحين
انا :هين يا الخايسه النذله
ريموه: ليلوه انتي كل شي تسوينه صح واحنا اذا سوينا شي عادي كليتينا
انا : انا كل الي صارلي غصب عني وانتي تدرين
وبعدين اناماسويت مثلك انتي والخايبه ندوي وحده طول الوقت ما شالت عيونها من الرجال وفي اخر اليل جالسه تقول قصيده والثانيه تبي تقول موال وتنكت معاد في وجهها حيا علبالها انها صغيره قدها بتم 19وما تستحي
ندوي :الحين انا ويش دخلني انتي وريموه تتهاوشون انا ويش دخلني ماتقولون لي
انا :اكلو تراب جعلكم الجلطه وارتاح منكم
مهوي :تراكم ازعجتونا حلو قضياكم الي ماتخلص بعدين ضروري تنكدون علينا
نوير :صح هي صادقه تعوذو من الشيطان وتر الشيطان يبيها من الله انكم تتهاوشون عشان يشبها بينكم وأذكراالله هي طب للقلوب – نورها سر الغيوب – ذكره يمحو الذنوب – (لا إله إلا الله(
أنا : لا إله إلا الله
ريموه : لا إله إلا الله
ندوي : لا إله إلا الله
شيخوه : لا إله إلا الله
هنود :اسلمتو يا بنات
لميوه :عادي اقول لبوي يطرد الشباب كل ليل قارفينا
هنود:الحين ابوس الي جايبهم ومسحبهم من خيامهم تبينه يطردهم اتبهي تقولين له شي ثم يطردس انتي
شيخوه :بنات
كلنا: ويش
شيخوه :ابي بيبسي
انا:وين نجيبلس بيبسي ذي الحزه منه
لميوه: اشربي حليب
شيخوه :ابي بيبسي بارد
نوير :وين المشكله روحي اشربي من المطبخ فيه هناك ترمس فيه كل شي وجبيلي معك ميرندا برتقال
شيخوه:كيف فشله اروح قدام الشباب واذاطلعت من ورا الخيمه خايفه
انا :توس أمس تقولين أنتو اذا شافكم الجني انحاش يالله روحي واكيد اذا شافس بينحاش
مهوي :وقبل شوي جايبه الكشاف وبتلعبين وتقولين عادي والحين تقولي فشله ولا يومس تبين تلعبي موب فشله
شيخوه:يمه منكم بلا اكذب انتو على طول تصدقون انا ما بي بيبسي يوجع في الكلا اشرب حليم احسن لي
مهوي :ايه اشربي حليب احسن على الاقل يميع الشحوم الي فيك ولا البيبسي بينفخك زياده
شيخوه بصوت عالي :معذيتك الرشاقه
اناعلى طول بلمت شيخوه لا تفضحنا
عمي وليد :شباب بنات اكبار والصغار رجائن اسكتو بعد اذنكم
ألكل :خير
وليد:ولا شي بس بنيابه عن فيصل ألي عنده موقف يضحك يقوله او سالفه اونكته او لغز او قصيده او موقف بايخ يقوله بعد عادي
رشود :خلاص بقولكم موقف بايخ
وليد :قول عشان فيصل واي احد عنده أي سالف أنشاء الله يئلفها الحين عادي يقولها بعد عشان فيصل
فيصل :معاد ناقص الاتحطلي صندوق تبروعات
وليد :فكره صندوق تبروعات بس مايحطون فيه فلوس يحطون فيه اوراق فيها المواقف المحرجه
فيصل :هههه كنك مصختها
رشود :خلوني اقول الموقف الي عندي
جسوم :قول اخلص
رشود: هاذا انا الله يسلمني مره كنت مع جدي ننتضر مبرات الريان والعربي وانا عرباوي بكل فخر
عزوز مدري عبود :أي فخر ماتفوزون لا في السنه مره
لا وبعد بصدفه
رشود :استريح فايزين على الريان اخر مره
" هناه كان ودي اهزئه ويا فريقه المصخره بس مقدر"
عزوز مدري عبود: ياخي فايزين بصدفه وغش من الحكم وبعد بلا غلط من الاعب حسين عبد الغني ولا كان فزنا
رشود: استريح خلني اكمل
عزوز مدري عبود:يالله كمل
رشود : هاذا انا مره كنت مع جدي ننتضر مبرات الريان والعربي وكان جدي جالس في السور قالي انه يبي يشوف المبراه أنا ضربت صدري وقلت كل شي يهو عشان الاحلام
ورحت لبيتنا وجبت تلفزيون وجلست ساعه اشبك فيه وماخليت محول ماجبته مليون وصله عاد انتو تعرفون جدي وين يحب يجلس ما تهنا له الجلسه إلا وسط البيوت كل شي بعيد ألمهم جبت كل شي وشبكت وما خليت شي ما حطيت جنب جدي حتى علاجه عشان اذا خسرنا ما يصير لجدي شي ألمهم وتبدئ المبراه ويجي الشوط الاول وينتهي وحنى على اعصابنا ويجي الشوط الثاني وينتهي تجي لا شواط إلا ضافيه وتنتهي وحنى على اعصابنا وتجي الضربات الترجيحيه ويفوز العربي ونستانس حدنا وقررت اخذ جدي معي للمسيره وخذيته واحنى في الكرنيش أكتشفت ان جدي رياني
الكل : كيف
رشود : أول ماطلعت علم العربي ابي احطه على السياره قال جدي متاهم مغيرين لون الريان قلت هاذا العربي قال جدي ليه من الي فاز قلت العربي قال جدي وهو معصب يعني الريان خسر قلت ايه وهناه شكيت فيه وقلت جدي ويش فيك عصبت أنت رياني قال أيه هو قال ايه منا وانا وقفت في المواقف ونزلت جدي على الكنيش وقالت أنزل طلق رجليك واذا تبي ترجع للبت دق لدريول يجي ياخذك ورحت وخليته
ابوي :صدق انك نذل ليه تنزله و تخليه
رشود:ويش اخذه ابيبه
ناصر عمي: أي انت نسيت انه جدك كان خليته معك
رشود:ليه اخليه معي شايب ورياني ومكشر بعد
عمي نايف :يالملعون ليه تسوي في ابوي كذا
ريان :حديتك يبه
عمي نايف : ليه ويش
ريان :انت تقول امس ان محد ملعون واليون تقول لرشود انه ملعون يعني امس كان فيه ملعون الي هو رشود ...
عمي نايف بعصبيه :اكل تراب وفارق ارقد يالله
وراح ريان وهو يتحلطم
عمي وليد:تورط يانايف
نايف:لا
ابوي:لا حد يضيع الموضوع ارويشد ليه تخلي ابو لحاله في الكرنيش يا النذل
جدي:ليه انا بزر عشان مايخليني
عمي سلطان:لا يبه محشوم بس كان ما خلاك وجلس يسولف معك ويونسك وانت يارشود احسابك معي بعدين
عمي فيصل :رويشد هين مهمل ابوي عشانه بس رياني
رشود:والرياني هين راز وجهه طول اليوم واخرتها رياني
جسوم :رويشد احترم نفسك لا تحكي عن ابوي كذا
رشود:عادي انا وجدي بينا ميانه ولا نزعل من بعض صح جدي
جدي :صح
رشود :ترابعدين ما تسو علي كله منك يافيصل ازعجتني ابي سالفه ابي سالفه واخرتها يوم قلت السالفه كليتوني والله معاد اقول شي
فيصل :اذاسوالفك كذا لاعاد تسولف
عمتي ساره :الله لا يعينك يارويشد على الي سويته
لون صار لبوي شي
رشود: انتو ويش فيكم جدي موب بزر تخافون عليه وهو عادي عنده صح جدي
جدي :صح يارشود
وقام رشود وباس راس جدي ودز جويسم وجلس جنب جدي وقال
رشود :الله يخليك لنا ويطول في عمرك ياالغالي وجعلك انشاء الله ترقص في عرس ولدي
جدي :ههههه عرسك ويالله يحينا من الموت لين احضره
رشود :انشاء الله بترقص فيه ويتشيل عيالي بعد
الكل:انشاء الله
جسوم : يبه مادريت امس يوم رقدت استلموني عيالك وعيالهم وجلس يتهموني اني حرامي
جدي:ليه ويش مسو ي لين قالو كذا
جسوم ماسويت شي
مشعل:جسوم قفل على الموضوع لفضحك عندجدي
جسوم :سوقها بس وانت يارويشد يالله قوم منعند ابوي روح لبوك
رشود:في المشمش
ويجلس جسوم يتفاغص مع رشود لين طفشو جدي كل واحد يجلس جنب جدي والثان يسحبه ويتمسكون في جدي المهم طفش جدي و
و راح جدي وجدتي يرقدون
عمي وليد:شباب صدق ماعندكم ذوق من امس وفيصل يشحثكم يبي موقف وانتو ماعبرتوه
ريود: حضرني موقف يانهاراسود
جسوم :ويش قول
ريود:يوم وقفوني الشرطي
فيصل : ويش قالك:
ريود:قالي وين الرخصه
مشاري : ويش قلت:
عطيته الرخصه قالي الرخصه منتهيه
جسوم: ويش قلت:
قلت من كثر مالف في الشوارع
الكل :ههههههههههههههههههههههههههههه
سلطان :على سيارت من
ريود:هاه سيارت يوسف
يوسف :ليه تاخد سيارتي متى وكيف ووين رحت
ريود:بقولك بس بشوي شوي
يوسف :ماتدري ان نصف حلمي كان في السياره وبعد موب زين يعني كان بيصير لك شي
ريود:انا ويش دراني انك حلمان فيها
يوسف :ماحد خلاني اقوله شفتو كان بيصير لريود شي بسبتكم
فواز :ماتقولي ويش دخل الحلم انت غصب تخله في كل شي وكل سالفه
يوسف :لوكم خليتوني اقوله كان ماراح على السياره
نواف : انت تصتعبط ولا عبيط خلقه
خويلدأخوي :كيف يصيرله شي وهو رايح على السياره من اسبوع وانت توك حالم بحلمك قبل امس
يوسف :انتو اغبيا أنا حلمت قبل اسبوع وكملت حلمي البارح
نايف :ومتى الحلقه الاخيره
يوسف :هاهاهاهاضحكتني أنا من جدي اتكلم
جسوم :انت شايفنا خبلان تلعب علينا ولا فيه احد يحلم حلم قبل اسبوع ويكمله بعين
ريود:حلم مكسيكي
سلطان :لا صدق انت يارويد ليه تروح على السياره وانت ما معك ليسن
ريود:ليتني جلست ساكت ليه أنكت
سلطان :مارديت ليه تروح ماعنك دريول
ريود:يبه فشله وين ماروح وذا الهندي معي وبعد ريحته خايسه والشباب يضحكون علي اذا شافوه معي وبعدين انا موب صغير عشان ماسوق سياره
سلطان :ادري موب صغير بس مامعك ليسن وعليمي بعد خاف تدعم احد ونتورط ماعندناواسطه في المرور واكيد بيسجنونك ثم ننفضح عرفت ليه أقولك لا تسوق
ريود :كلها يومين وبطلع ليسن وبتشترلي سياره عادك على الوعد
سلطان :أكيد
تركي :ريوديمكن في الجزئ الثالث من حلم يوسف يحلم انك تصدم بسياره ترا كل شي متوقع يا ريود فا أنتبه
ريود:لا تكفا يا يوسف أنا موب ناقص يالله اقنعت ابوي يشترلي سياره أذا جبت نسبه تدخلني الجامع الي هو يبي
يوسف :ابسراحه كل شي جايز أنا دايم افكر فيك فايمك احلم فيك
ريود :امانه لاعاد تفكر فيني الي فيني مكفيني
جسوم: اف كبيره عليك يارويد الي فيني مكفيني حتى ابوي ماقالها
رشود:ريود ويش فيك فضفض لي ترا انا اخوك
ريود:عشان تفضحني أنت مايجلس في بطنك حكي نفسك ألي هي نفسك فضحتها وقلت ألجريمه ألي سويتها مع جدي ويش عاد انا بتفضحي في الجرايد
رشود:اولن انا الي سويته مع جدي موب جريمه وثانين انا كان موب قايل شي بس كسر خاطري عمك فيصل يبي سالفه وهادي اخف سالف عندي
وثالثن ويش ذا الي عنك خايفني افضحك
خالد ول عمي سلطان :هو صادق وش عندك ولا قلته لخوك الكبير بير اسرارك
ريود:أنا ويش فيني كل ماقلت شي سويتو لي سالف ما تسوا على والله معاد أقول شي كله من عمي فيصل قولو سالفه قولو سالف أزعجنا
فيصل :أي انتو انا غاصبكم تسولفون قلت الي عنده سالفه ويبي يقولها يقوله ما ضربتكم بعصا عشان تسولفون
مشعل :كسرت خواطرهم وقام كل واحد يقط سالفه اشين من الثانيه
خالداخو مهوي :انا عندي سالف ازين من سوالفهم البايخه فيه واحد اسمه عبدالهادي وكان رفيقه عندهم واحد متوفي وكلفو عبدالهادي بالمهمة وراح عبدلهادي دق الباب طلعله رفيقه وقاله ان عندهم واحد متوفي وقعد ولدهم يبكي بكي شديد الله يعينه على فرقى اللي متوفي عندهم
ابوي :وبعدين كمل
خالد :خلاص
نايف :وزبده من ذي السالفه البايخه
خالد :هادي نكته حزينه
فواز :بس انت ما قلت نكته قلت سالفه
خالد:ماكتشفت انها نكته الى في لاخير
مجود:بس هي ماضحك
خالد :قلت لكم نكته حزينه مامليتو من النكت الي اتضحك قلت اغير لكم عاد
حمود ولد عمتي ساره : بس هي حتى ما تحزن
خالد:ابوه مات وجلس يبكي هاذا موب اكبر سبب انكم تحزنون
عزوز مدري عبود:بس الي قلته ما يحزن
خالد :تبي تحزن حطو انفسكم مكانه
وليد :فال الله ولا فالك
عمتي ساره :فالك ماقبلناه
خلود اخوي:جعلك الموت انت
الشباب كلهم :أااااميييييييييييين
خالد :ويش فيكم علي انتو ماقلتو تبون تحزنون
مشاري :على فكره تراك كذاب
خالد :ليه ويش كذبت عليك فيه
مشاري :تقول إن ابوه مات وانت قلت في القصه أو السالفه ولاعلى قولتك النكته الي تحزن إن عبد الهادي بطل القصه راح يقول الرفيجه ان واحد مات بس
خالد:وين الكذبه ولا الغلط
مشاري :وين البو
خالد:صح خاني التعبير
جسوم :خانك التعبير ولا انت تموت على الكدر والفال الشين
خالد :تخسي انا اكثر واحد يحب الضحك ولاناسه واخر همي الكدر والفال الشين
طلال :ماشوفك تحب الضحك ولاناسه اذا سوينا فيك مقلب إلا تقلبها لنا مناحه بتخيلو ...ولو ..ويمكن ..واذا..وتوقعو ..وتجلس تتفاول على روحك
خالد :مقالبكم كنها وجيهكم ما تونس
أخف موقف سويتوه فيني بغيت اموت
رشود:بلا انت خكري ولا الموقف عادي
خالد :أنا خكري والله محد خكري مثلك مره لمستك موب ودي في الظلما وبغيت تموت من الخوف
هاذا وانا موب متعمد ولا قصدي مقلب ولا شي اجل لوني تعمدت ويش كان بيصي فيك
رشود :انت ويا اضفرك كنه مخلب روعتني احسب احد يبي يطعني
تركي :كل الي صارلك والخوف كله وانت بس تحسب انه احديبي يطعنك لوك متئكد ويش بيصير فيك
نايف :تكفون شباب ويش السالفه علموني
خالد:هاه رشود افضحك
رشود: حطيتها فضيحه عادي قول وحده وانا بقول عشر
خالد:قول عشر وانا بقول عشرين
رشود:عادي عشريني كلها عاديه بس انت الوحده من سوالفك بعشرين سالفه لي وانا عندي مقومات الفضيحه ألأول صوتي مسموع والثاني سوالفي واصله والثالث أقدر من موقف اكون قصه وفضحك وتراني متعاقد مع جريدت الشرق ويش رايك
خالد :محد مصدقك لأنهم يدرون وانت اعترفت انك بتزود على السالفه الي من خمس كلمات وتخليا خمسين كلمه يعني الكلمه بعشره
رشود:عادي وتراني اقدر اخترع لك سوالف تفشل وموب بعيده أنشرها بلوتوث
خالد :اوكى انشوف من الي بيفضح الثاني
مشعل :تكفى خالديالله قول السالفه شوقتني انمصخر على رويشد
خالد :هادا احنى مره طالعين بر وكنا جالسين نسولف مع الشباب وكان انا متربع ورشودمتعنز على وفجئه ينط ديك انطه كنه كنغروهو يصيح صياح غريب اتحى عمتي رنود تصيح نفسه ثم جايبي ينحاش وصقع في باب السياره الي كان مفتوح ورجع مسرع ودعم واحد من الشباب لينه طايح على الغواري الي تونا مصلحينها وكل ذاه واحنا نسئله ويش السالفه بس هو من الخوف كله انحاش وحنى نلحقه لين مسكناه وطرحناه بعد ماكتفناه وعطناه كفين عشان يعترف ويش فيه
وقال فيه شي هناك ورحتنى انا وواحد من الشباب نشوف ويش فيه مكان رويشد والشباب جلسو ماسكينه يقولون يمكن دخل فيه سكني يومه يرقص وبينحاش منا اذا فكاناه الحين ألمهم احا مالقينا شي
وبعد تفكير شديد وعميق وحنى مكتفينه ونقرا عليه اكتشفنا ان الي لمس رويشد كانت رجلي ولمسته في بطنه عشان تي شرته كان مرفوع وصار الي صار
....وما اكتفو الشباب بقول السالفه وقامو يمثلونها وكان فواز يمثل شخصيت رويشد عشان فواز ماهر في التمثيل وخالد مثل نفسه وبدو وفواز قام يزود على الي صار وخلى ارويششد مصخره والكل ميت من الضحك من السالفه وطريقت تمثيلها ورويشد ماعنده مشكله يضحك معهم
ـــــــــــــــــــــ احنى يا بنات ـــــــــــــــــــــــــ
شيخوه :مهوي ليه اخوانس يضحكون على اخوي
مهوي :عشان اخوك مصخره
شيخوه :جعل اخوس الياباني الجلطه على قولت ليلوه
هنود :ليه أنشاء الله ذابحلس احد
شيخوه :ساكت ساكت يوم الله عانه جلس ينكت على رشودي
مهوي :ويش ذي المحبه الي طلعت فجئه
شيخوه :انا احبه بس ماجات مناسبه غير ذي عشان ابين حبي
رنود:صدق انكم سخيفات خلونا نسمع
ريموه :من زين سوالفهم بايخه
ندوي:بلعكس سوالفهم كلها تهبل
ريموه :ولله انعندي سوالف تطقع بسوالفهم بس محد عطاني فرصه
انا :ولا راح نعطيس
لميوه:بنات حكره متى بيطصون
هنود:مطولين عندس شي تبين تقولينه قوليه
ندوي:بنات شوفو فارس هادئ ولاكنه موجود
نوير:تراس بطيتي كبدي بفارس ترا بذبحه
ندوي:والله لذبحس انتي ويالختس الدفشه
شيخوه :انا دفشه يا الصايعه
ندوي :ليه ماعندها اخت غيرس
شيخوه: بس انتي تقصديني
ندوي :انتي دفشه
شيخوه بثقه :لاطبعاً
تدوي:خلاص ليه ناشبه لي
شيخوه :ليه تشتمين خواتي
ندوي:صدق انس مشكلجيه
شيخوه :وانتي كلمنجيه وماعندس ماعند جدتي وتقولين كلام موب قده
امجاد :انتو ماتقولون لي ويش عند جدتي
شيخوه :اصلاً انتي ويش جلسس معنى قومي انقلعي
امجاد :خلاص بسكت
ريموه:بنات عندي موقف وسالفه بعد
هنود:قوليها بعدين
ريموه:ليه بعدين
هنود:لان محد معبرس
ريموه :ليه
هنود :صدق انس قلق مانبي نسمع غصب
نوير :يوسف الثاني
ريموه :ابسم لله علي
نوير :ابسم الله عليه منس يا المتوحشه
ريموه: كلش من نعومته
نوير :على القل بريئ موب مثلس شريره
ريموه:انا شريره
رنود بنات عمى اسكتو صدق انكم قلق
وسكتناوجلسنا وشوي
وبد الكل يروح وقال عمي ناصرلشباب لا تروحون ابيكم
عمي ناصر اسمعوني شباب من اللي اليوم جاي خيام الحريم يوم رحنى نتمشى
الكل على وجهه علامت تعجب
يوسف : كلنا كنا نلعب كوره وراخيامنا عدا فارس وطلال وجاسم وعزوز
جاسم : انا وعزوز كنا قاعدين نسولف بروحنى ماندري عن شي
فارس : انا كنت تعبان ومنسدح في الخيمه
طلال : وانا بعد كنت راقد
عمي ناصر واحد منكم يا4 والي دخل انكب عليه الشاي وهو حار معناتها فيه حروق
معنى تها يعترف الحين ولا يفشل نفسه تراباقوم افتشكم
الكل : تعال وبدى عمي يفتشهم واحد واحد لين معاد بقى احد
عمي ناصر : مابقى الا ادريوليه باروح انفضهم
وراح معاد بقى غيرناصارت الساعه 2 رحنىنرقد بعدمابدلنا
في قسم البنات
انا : بنات ممكن يكون دريول
مهوي : شذا العبط يتكلم قطري عااادي
لميوه : يمكن دريول جدي نور الدين من زمان وهو هنا ويعرف يتكلم قطري زين
شيخوه : مستحيل يكون دريول هاذا واحد من الشباب
شوي وتجي ريموه وشلتها بفرشهم
ريموه : ها بنات فكرتو
امجاد : حرام عليكم كل شوي تفشلونا
انا: ايه فكرنا روحو لخيامكم اصرف لكم
عبير : اما نه تكفون خلونى نرقد معكم
رندى : بنات خلوهم عشان خاطري
شيخوه : خلاص انثبروا و بعدين صلينى الفجر ورقدنى وقعدت الساعه 6 ونص لقيت الكل راقد سويت لي حليب في الخامه المحروقه جعل شيخوه المرض وكليت سندويشات وانا راحه لخيمتنى لقيت رامي رايح لمخيم الرجاجيل ولحقه وامسكه
قلت : ليه تقول ليلى ترقد ماعليها ملابس هاه
رامي : والله ماقلت شي
انا : صدقتك يابو الشباب ومسك تي شيرته مع صدره واعطيه كفوف على خدوده
رامي وهو يبكي :ليلى تكفين فكيني
انا بصوت: عالي اعمى لا بسه تنوره وستيان وتقول ماعليها ملابس اعمى هاه وهويبكي
انا : وشني لا بسه هاه
رامي وهو يبكي : تنوره وسنتان
انا :الحين توك تدري شوي واسمع صوت من بعيد ليلى خلي رامي حرام عليس
والتروع والدز للخيمه واقعد شوي الا ورامي مار
قلت : رويمي تعال
رامي : بتذربني
انا : خلاص لا تجي من اللي كان يكلمك
رامي : عزوز
انا : وش يبي
رامي : يقول هاي البنت خبله
انا : اذلف مالت عليك انت وياه جعلكم الأدز
والروح لقسمنا
واقعد البنات بس مافيه امل والرجع الرقد
والقعد الساعه 2 على صووت الحريم المزعج كنهم شياطين الناس يقيلون الظهر وذولا واعين في الليل والنهار واغسل وجهي والبس بنجابي والروح الدورالبنات والقاهم في خيمت عمي نايف واجيب غداي واحطه عندهم والتغداء
شيخوه : ليلوه شفتي القهر
انا: لا وينه
شيخوه : هاها تنكتين
انا: لا صدق وش فيس
شيخوه : عمي اناصر يقول اللي دخل واحد من الدريوليه هو مروحه قبل نروح ياخذ البطانيات من خيمتهم
انا :وليه منخش
شيخوه : يقول شافنا استحى
انا :وليه احنى اغبيا ها ذا صوت واحد من عيال عماني
شيخوه : اكيد عرفه ويرقع
انا : اكيد طليل وهو يرقع له
لميوه : واذكان طليل وش يبي
انا : مدري بس لازم نعرف
مهوي : شلون نعرف
انا : هو اكيد يا عزوز او جسوم او طليل او فارس لآنهم ماكانو مع الشباب
ندوي : فارس ماعتقد لأنه تعبان
نوير : وموب عزوز ولا جسوم لأني اعرف اصواتهم
هنوده : يعني مابقى الا طليل المشتبه فيه
رندى : اكيد اخوي ناصر درا انه ولده قام رقع الموضوع
انا : لازم اكتشف بس شلون
رنود : مابيب لها ذكاء نراقب مخيم الرجاجيل
كلنا : لالالا تنكتين
انا : انتي ماتغطين من احد يعني اذا احد صادس عاااادي
اما احنى تخيلي احد من العيال صايدنا وش بيكون موقفنا
رنود: خلاص خلاص ما يسواا وبعدين انا طفشانه يلا نروح نتمشى برا شوي ونطلع نتمشى ونجلس بعيد عن الخيام شوي
شيخوه : بنات نسينا شي مهم
الكل : وشو
شيخوه : جسوم علم ان هنوده هي اللي حاطه السلم للبنات وهو مواعدنا مايعلم
انا : ايه زين ذكرتيني بس يللا نفضحه نص المقاطع معي
لميوه : نعطيها من ؟؟
هنود : اكيد جدي
مهوي : بنات خاف يزعل جدي وتخرب الرحله
ندوي : صح بنفضحه اذا رجعنى احسن
ريموه : بنات تذكرون ذيك المره يوم طلعنا مع طلال ماندري ودحرجناه من على العرق وصورته ندوي وبعدين ضيعت المومري لقيته في شنطتي حقت البر لأني ذيك المره يوم رحنى للبر كان معي
انا: هيا هاتيه خليني انتقم
وتروح ريموه وتجيب جوالها ونشوف المقطع
كان طلال يصارخ وجهه احمر ومليان رمل وشكله مصخره
شيخوه :لا يشوفه جاته سكته لأن ابو الشباب عنده برستيج
انا : كيف نرسلها ولمن نرسلها
مهوي : أي بلوتوثه مبطل نرسل عليه
انا :لالا موب أي بلوتوث لازم احد مايحبه طلال
او احد ندري انه بيحرج طلال
مهوي : خلاص لعمي جاسم
ندوي : وكيف بنعرف انه مبطل بلوتوثه
نوير : الشباب مايسكرون بلوتوثاتهم
مهوي : انا اعرف بلوتوث اخواني نواف وفواز انكانهم بعدهم ما غيروها
رندو : خلاص في الليل انكانا تجمعنى نرسل ونفضحه شرايكم
الكل :اوكي
وبعدين صلينا العصر وكملنا جلستنا
لا وجايه ريموه بنات بنات سمعتو اخر خير خصيييير
كلنا : وش
ريموه تذكرون عبد المجيد
لميو ه: من عبد المجيد
انا : ولد جدي جاسم اخو جدتي شفيه
ريموه : واجه الشباب عند الخط وعزموه وبيجي يسلم على جدتي
شيخوه : وين الخبر الخطير
ريموه : الخطير انا اخيرا بنشوف اللي الكل يمدحه ويقول رجال و حلو ولا خلو شي ماحطوه فيه
مهوي : وكيف بنشوفه انشاءلله يا ماما نروح مخيم الرجاجيل
ريموه :لا تقول جدتي لحد يطلع بعد شوي عشانه بيجي يسلم عليه
ندوي : اجل باروح لقسمنا اجهزلي مكان اطالع معه وفتحه اقدر اشوف معها زين
ورحنى كلنا لقسمنا وكاااانت زحمههه عند الشراع وكل وحده ماخذه موقعها وندوي تروح توقف عند باب الخيمه واحنلى نظبط عشان يكون واضح طبعا الخيمه مافيه غير جدتي اللي مستغربه حركات ندوي والبزران وترجع ندوي شوي وجا ء عبد المجيد ويا جدي ودخلو
وسلم عل جدتي
كان اخر كشخخخه لابس ثوب وغتره وطويل وجسمه حلو
رنود بصوت واطي : بنات اه اه ياقلبي يهبل عساه موب متزوج
مهوي : تغير من زمان ماشفته صار يجنن
شيخوه : الله يطقع بفارس
ندوي : لا مااسمح لس
انا: اسكتو خلى اسمع كلامه
جدتي : اقعد شوي مبطيه منك ياوليد ي
عبد المجيد : اعذريني يايمه انشغلت مثل ماتعرفين الدراسه والسفر
جدتي : الله يوفقك
واحنى كنا مرتصين على بعض
مهوي انا ندوي شيخوه هنوده رنود ريموه نوير لميوه و عهود وكل وحده معتنزه على الثانيه ومايلين على الشارع وكل شوي يتحرك الشراع ويلتفت عليه
عبد المجيد
جدتي كانت قريبه شوي من الشراع
جدتي : اقعد سولف معي شوي وانا امك
عبد المجيد : تا مرين وجلس هو وجدي والبزران يلعبون جنب الشراع وبدو يسولفون
مهوي بصوت واطي : بنات ماشوف زين وترقا على الفرش و الشناط الي كانت فوق بعض
مهوي : بنات لحد يتحرك ترا يالله متمسكه في الشراع يعني أي حركه بطيح وافضحكم
كلنا : زين اسكتي عاد
وتونا نطالع وبدون مقدمات ويطيح الشراع بعد ما سحبوه البزران ووقفنا منصدمي شكلنا مصخره جنب بعض كنا جدار وبعدين مهوي فوق
وينصدم عبد المجيد وهو يطالعنا
واحنى تجمدنا شوي واول ماتحركنا واطيح مهوي فوق
عبد المجيد ورجلها اقصد كعب رجلها على راس جدتي وباقيها فوق عبد المجيد اللي من صدم و لا درا وش يسوي ومهوي تورطت وتسوي نفسها مغمي عليها ويطلع عبد المجيد بسرعه ونجي نلقى جدي يقعد مهوي على باله مغمى عليها وحنى تورطنا فشله نوير وهنود انخشو تحت البطاطين وعهود انحاشت والباقين واقفين يطالعون الفيلم الهندي الي مسويته مهوي وتقوم مهوي وتسوي نفسها تبكي وجدي بدا يصارخ علينا ولا خلى كلمه ما قالها كل ذاه وجدتي ساكته و وجدي يهاوشنا
جدي : لعنبوكم وش اسوي فيكم حسبي الله عليكم لعنبو داركم فاضحينا في كل مكان ياليتني ما جبتكم والله ان هلكم صادقين اللي مثلكم مالهم الا الحبسه في البيت
وتوه يحكي ويغمى على جدتي بعد ماخرقت راسها مهوي بكعب رجلها ونصارخ خفنا عليها ونوير وهنود طلعو من تحت البطانيه يصارخون خايفين على جدتي ونرشها بلماي وتصحى الا وداخلين ابوانا بعد ما نشرو البزران الخبر
ابوي : وش السالفه هاه
ريموه : ابد قاعدين في قسمنا ويجون البزران ويسحبون الشراع لين انقطع وطاح وعلى طووول طلع الرجال
ابوي : امي وشفيها والكل كان عند جدتي
جدتي :ما فيني شي انخفض معي السكر ويجلسون ابوانا يتحلطمون وحنى متورطين الله ياخذ مهوي ضروري يعني تشوف الرجال فشله شوي ونروح احنى نصلي المغرب
وبعدها سوو العشاء الرجاجيل واحنى رحنى نلعب برا ثلج ماء
ــــــــــــــــــــــــــــــــــــــــــــــــــ ـــــــــــــــــ وحنى نلعب ثلج ماء ــــــــــــــــــــــــــــــــــــــــــــــــــ ــــــــــــــــ
وبدا العب والمطارده والوناسه والبنات الحقيرات كل شوي غاشين انثلجهم وينحاشون ويقولون مالمستونا المهم كل عاده لعبنا كله شتم وسب ولعن وغش وتكفيخ وخلصنا وجلسنا يعني ملينا وجات دلال وخلود وجلسو معنى وحنى كنا فارشين فرشه من الجهه الثانيه محد يقدر يشوفنا من الشباب
شيخوه :بنات ويش رايكم نلعب لعبه وحنى جالسين
نوير :لا خلونا نلعب كوره احنى فريق والعيال فريق
انا :لا مانبي نلعب مع العيال خلونا نروح نتمشى بعيد
رنود :في ذي الضلمى
انا :عادي
دلال:لا خليكم جالسين وين بتروحون في ذااليل
نوير :انا بروح العب كوره مع العيال
لميوه :بيشوفونكم الشباب
نوير:وين هم في صوب وحنى في صوب
ريموه :أي صح وناسه العب مع العيال كوره
انا :روحو العبو احنى موب لاعبين معكم
شيخوه :بروح العب معكم هنا ملل
ندوي :ريموه ....شيخوه ونوير بيروحون يلعبون مع اخوانهم انتي ليش قاطه
ريموه :الي يسمعس يقول بروح العب مع خالد وراشد ويوسف ترا بلا فهود وريود صح ذكرتيني وشلون اقدر العب مع مجود ومشاري فشله
مهوي :الحين فشله تلعبين مع مجود عمس ومشاري الي اصغر منس وموب فشله تلعبين مع فهود وريود الكبار
ريموه :انا موب قصدي كبار وصغار
انا :اجل ويش قصدس
ريموه :قصدي اخاف امحط بواحد منهم موب ودي وهم توهم جاين يعني مابينا ميانه موب متعوده عليهم
نوير:ياسلام يعني عادي تمحطين بخــــواني
ريموه :انا ماقلت عادي امحط بخوانس اصلن بس على لاقل اذا تهورت ومحط بواحد امون
دلال:صد ق ماتستحين الواحد كنه لوح ويش كبره وتلعبين معه
ريموه :عادي هم مثل اخواني
ندوي :يعني بتروحين الحين تلعبين معهم
ريموه :ايه عادي ..يالله بنات نروح
وراحة نوير وريموه وشيخوه يلعبون كوره مع العيال
دلال:صدق بنات انتو ويش سويتو اليوم
هنود :ويش سوينا
دلال :سمعت ان الشراع الخيمه طاح او طرحتوه وعبد المجيد عندنا وشافكم
انا :تنكتين طرحناه ويش شايفتنا
دلال: الي سمعته
مهوي :سامعه غلط الشراع اطرحوه البزران وهو ماشافنا طلع على طول
دلال:ايه قابلوني اذا ماشافكم
مهوي :ماشافنا............... غصب
خلود :انتي بذات انطمي طايحه على الرجال وتقولين ماشافني كيف ما شافس وانتي طايحه في حضنه
انا :كيف دريتي
خلود :مايفوتني شي
مهوي :امانه لاتذكروني فشله
خلود:فشله يوم طحتي عليه وموب فشله يومس توايقين عليه
مهوي :ومن قال اني كان اوايق عليه
خلود :اجل كيف طحتي موب يومس توايقين عليه من فوق المراقد
مهوي :اتخسين انا اوايق عليه
خلود :ايه توايقين عليه وغيب عنس يوم شفتيه حلو ونطيتي عليه
مهوي :تخسين انتي وياه لا يكون زايد خان وانا مادري
خلود :انا ادري عنس هاويش فيس ناطه عليه
مهوي بعصبيه :انتي غصب تخليني متعمده ويش شايفتني مشفوحه ماعمري شفت حلوين
خلود:لا شايفه حلوين بسنس فقر ولا في وحده تنط على رجال ماتعرفه
مهوي :بتسكتين ولا اتوطاس وانزل الي في بطنس مالت عليس يالخايسه
خلود:ما اقول الى الله يفضحس
انا :خلاص عاد مايسوى عليها بتلبسينها تهمه
خلود:مادافعتي عنها الى انتي الي مروحتها تنط على الرجال
انا :انطمي يالحقيره تخسين تورطيني وش شايفتني
خلود:شلة مشافيح حرام عليكم من زمان ماجانا عبد المجيد واول ما جا فشلتونا معه الله يفضحكم ويليته بس شافكم وراح الى فغصتوه الحين بيتبرا من جدتي ولا اذا جا مره ثانيه لبس خوذه وواقي ضد الرصاص لاوحده تطيح عليه موب ودها بعد
ندوي :ترا ماتسو كليتينا
خلود :اسراحه انا شاكه فيس يا ندوي انتي تحبين الحلوين اكيد انه انتي الي طارحه الشراع صح
ندوي :بايخه دوري غيرها
هنود:ذي معزمه تورط وحده فينا
خلو د:حتى انتي ياهنود محور شك
دلال:انتي لازم تورطين وحده فيهم انها متعمده
انا :ترا ماتسوى جعل الي علمس الجلطه المزمنه
خلود:معلمتني جدتي استغفري
انا :لا كذابه اكيد معلمين البزران
وجات شيخوه وريموه ونوير وجلسو
انا :ليش مالعبتو
شيخوه :اخويلد اخوس ومشيعل يلعبون معهم
انا :احسن
ريموه :امانه خلونا نسوي شي
دلال :توس مسويه جريمه امس
خلود :انتو ماتشبعون جرايم
ريموه :انتو انطمو انا اقصد البنوتات موب العجز امثالكم
دلال:احنى عجز يالبزر
خلود:انا عجوز معذبتس الطفوله الخايسه
ريموه :اقوا روحو دورو بزرانكم
دلال: ايه صح ذكرتيني وين خوختي وريماس
هنود :روحي دوريه
شيخوه :اتحداها اذا لقته الحين كلاه حمني ترا يسويها
دلال:ايه صح ......وراحت دلال
خلود:بنات ويش رايكم نلعب
نوير:أي انتي ناسيه انس حامل
خلود :عادي توني
ريموه :صدق خلونا نلعب
هنود:نلعب بي لوت
شيخوه :لا نلعب او نو
لميوه :نلعب مجد
خلود :لا نبي نلعب لعبه فيها ركض وناسه
رنود :بس انتي حامل
خلود :الي يسمعكم يقول بولد بكره توني في الشهور الاولى
رنود :كيفس
ريموه :ويش رايكم نلعب حبشه وناسه والله
مهوي:بس انسوان جالسين وصط الخيام والرجاجيل بعيد بس اكيد بيسمعون صوتنا
ريموه :وانتو لازم تطلعون صوت
لميوه:يليت الشباب موب معنى كان استانسنا
انا :يالله نلعب عادي ويش علينا منهم
ندوي :بس الحريم بيفضحونا وحنى نتطارد حولهم
رنود :لافشله
مهوي :عادي موب قايلين شي
خلود :اجل يالله عدو
جواهر وهي جايه :ويش تعدون
نوير :بنلعب حبشه تلعيبن معنى
جواهر :اكيد بلعب انا وحمني
انا :لا بزران مايلعبون وحمني بذات لا موب لاعب
حمني :غصب بلعب
انا :عناد لوا مافيه لعب فارق يالله
حمني وهو يطالع امه:يمه صح بلعب
جواهر :أيه بتلعب
انا :ترا بطردس انتي وياه
خلود :كلنا بنلعب يالله عدو
ريموه :صفو بعدكم
وصفينا كلنا وجلست تعد ...حقره بقره عد لمى العشره ..1..2..3...4..5...6..7..8..9..10.وصارة المطارده على جواهر وهنود
ورحنى ننخش وانا انخشيت في خيمتنا وجلست اراقبهم من تحت الخيمه عشان اذا ابعود اروح للمقره الي هي الفرشه
وبعد شوي جاو يدورون
وتوني بطلع انحاش الى اسمع صوت حمني
حمني :يمه يمه تعالي ليلى هناه بسرعه
وتوني منحاشه الى وجواهر ماسكتني
انا :غش حمني الي معلمس
جواهر اقول روح اجلسي
انا :لوا غش ورحت وانا اتحلطم وجلست على الفرشه وراحت جواهر تدور الباقين وحمني واقف يضحك علي
انا :هين يالخايس الحقير ليه تعلم علي
حمني :احسن ليه تطرديني مالعب معكم
انا :احسن لوا مافيه لعب يالله اذلف
وراح يدور مع امه وطارد وهواش وحمني يدور البنات مع امه وكل شوي حاد وحده ومعلم عليها وكل شوي جايه وحده وقاره وتجمعنى كلنا وصارة المطاره علي انا ولميوه وراحو ينخشون كلهم
انا :لميوه خليس عند الفرشه اجلسي عليها والي يجيس امسكيه وانا بروح ادورهم
لميوه :اوكى
ورحت ادور وكل شي هادي وجيت عند فرشت الحريم استعبط
انا :ماشفتو احد من البنات
حصه ام شيخوه :لا ماشفنا احد
انا :معقوله مليون بنت ماشفتو منهم احد
دلال :مافيه غير حمني هناك تحت السياره
انا بصوت عالي عشان يسمعني حمني :حمني مايلعب معنى
ويطلع ويجي مسرع ويوقف عندي وهو ضايق
حمني :امي تقول انت تلعب
انا :وانا اقول لاموب لاعب وموب لاحقتك لو بتموت يالله اذلف
حمني وكنه بيبكي :امي تقول العب
انا ::وانا اقول لاتلعب
امي :خليه يلعب معكم ويش خاسره
انا :خاسره اني بضيع وقتي وراه
حمني :خلاص موب طاق يالله امسكيني
انا :لا اذلف مافيه لعب طص يالله
حمني وكنه ضاق جلس يطالعني بنضرات وراح لخيام الرجاجيل
انا :يعني ماتبون تعترفون وين البنات
هيا ام مهوي :لا روحي دوريهم
لولوه :والله انس غشاشه روحي دوري
انا :عجزانه لاوحده ولاثنتين ولا حتى خمس مليون وحده
دلال:خلاص كسرتي خاطري بعلمس وين جواهر
حصه ام شيخوه :لا لاتعلمين على بنتي ثم تخسر وتفضحنى
انا :ايه صح علموني تكفون قبل شوي ولدها الخايس معلم علي
دلال :هاذيك في السيارة جدي ورا في الشنطه
انا :صدق
دلال:ايه
نوره ام طلال:ياويلس منها
ورحت اتختل بشوي شوي وابطل الباب وتبطل الشنطه واروح الشنطه تروح الباب واروح للباب تروح لشنطه ونزلة واجلس انا وياها ندور على السياره يمين يسار يمين يسار وفي الاخير تهورة وركبت على الكبوت ثم على التنده
انا :العنه كلذاه عشان ماتخسرين انزلي
جواهر موب نازله لين تمسكون الباقين
انا :اعناد فيس والله لامسكس انتي قبل
ساره :جواهر لاتطيحين وتموتين ويتيتمون عيالس
حصه :بسم الله على بنتي
واركب على الكبوت وهي على التنده
انا :انزلي
جواهر وهي متربعه :لوا وهين يادليل ليه تعلمين علي
دلال:يمه منس كيف سمعتيني
جواهر :سمعتس والله الخلي حمني يتوطاخوخه
دلال :الحين ويش دخل خوختي
جواهر :دخله ان امه نمامه
انا :والله لاجيس ان ادزس من فوق السياره
جواهر :تعالي ونشوف من الي بيدز الثاني
وتوني بركب معها على التنده الى وجدي جاي هو وحمني انا تجمدت وجدي يطالعنا بنضرات الستغراب
جدي :الحين هالبر بكبره وراكبين فوق السياره
انا +جواهر متورطين شكلنا مصخره :ــــــــــــــــــــــ
جدي بتعجب :جواهر فوق السياره
جواهر ترقع :عادي وخير يعني انا اخاف من الخنافس وركبت فوق السياره
جدي :الحين ولدس حمد مايخاف منها وانتي تخافين ...ثم التفت على ..وانتي بعد تخافين
انا وانا متورطه :لا كان ابي انزلها من فوق السياره
جدي :ويش فيس ماخليتي حمد يلعب معكم
انا الحقير رايح يشتكي على جدي :امه قايلتلي اطرديه عشانها خايفه عليه
جواهر :كذابه اصلن عادي عندي يلعب أي لعبه حتى ولو مصارعه مع ريموه
جدي :انزلو وخلوه يلعب معكم
انا :اشاء الله ياجدي الغالي
وراح جدي واول ماراح نطيت على جواهر ومسكتها ووديتها لميوه ولقيت المقره فاضيه بلا لميوه جالسه بروحى
انا :ماجاس احد
لميوه: لا مليت حيس مسكتي احد يسليني
وجلستها ورجعة على الحريم الكبار ووقفة عندهم
انا :امانه دلوني وين باقي البنات
لولوه :لاحراام وغش
انا :موب حرام ادورلي مليون بنت
امي :خلاص هاذيك
وتقاطعها حصه :لاتعلمين على بناتي
هيا :بعد انا لاتعلمين على بناتي
امي:بعد موب معلمه على بناتي
انا :امانه يمه وينهم
امي :تبين رنود
لولوه :لاغش عشان ماعندها احد يدافع عنها
انا :ترانا موب في حرب
نويره ام طليل :روحي دوريهم بمجهودس عشان تحسين بلعب
انا :مابي علموني انتو
ساره عمتي :تبين حمني
انا :لا ليكون منخش
ساره :ايه هذاك هو ورا الشراع
انا بصوت عالي:حمني مايلعب معنى
وطلع وجا على طول ووقف
حمني :جدي يقول لعبوني
انا :لوا ليش تروح تشتكي
حمني :انتي مالعبتيني
انا :انت ليش منخش انا قلت لك تلعب
حمني :انتي قلتي زين بتلعبيني لجدي
انا :بلا اصرف جدي يالله طص
وراح حمني لرجاجيل أنا ياليل الحين بيفضحنى
ورحت ادور البنات وفتش الخيام خيمه خيمه اول خيمه بطلتها لقيت هنود فيها وطلعت من تحت الشراع برا ولحقتها ومسكتها ورحت للخيمه الثانيه ولقيت نوير وندوي تحت الفرش ومسكتهم وطلعت ورحت لخيمتنا ولقيت مهوي ونحاشت ورحت الحقها ومن مكان الى مكان ومن خيمه الي خيمه وانا الحق مهوي لقيت رنود ورا الشرع عند المطبخ ورحت من وراها ومسكتها ورجعت ادور مهوي الي مدري وين انخشت وكملت ادور البنات الباقين
ورحت وفي وحده من الخيام لقيت وحده منخش تحت البطانيه في الضلام بس ناسيه رجلها طالع برا وامسكها مع رجلها وطبعن قانون العبه لازم اصقعها في راسها المهم وامسكها مع رجلها واسحبها برا الخيمه مع رجلها وطلعت المزايا بعد مارتفع ثوبها الين حطيتها قدام الخيمه وهي تون وارفع البطانيه ودخل يدي عشان امسك راسها وشوي كني مسكت ليفه حديد وحس بدهن الى وطلعت علي ذيك القشه الي ويش كبرها انا تروعت وطار قلبي
انا اول ماشفت القشه صحت :يماااااااااااااااااااااااااااه
ونحشت وحدوني امي وعمتي ساره
انا بخوف:يمه ريموه احترقت
امي :اني قايله لها لاتنخشين في المطبخ
انا :موب في المطبخ في الخيمه ذيك
وراحو يشوفون ويش السالفه وانا واقفه بعد
وجاو
انا :يمه من ذي
عمتي ساره :بلا الشغاله راهين تعبانه وقايله لها امي ترقد هناه
انا :جعلها الجلطه روعتني
امي :بلا انتي الي ودس تتروعين
انا :ماشفتو شكله يوم طلعت راسها ويييييييييع مسكت راسها افيهههه كله دهن
امي :روحي غسلي
ورحت وغسلة بجميع الصوابين واليف وكل شي بس الريحه ماراحت من يدي الله ياخذها وشلون اتعشاء
ورجعت ادور البنات ولقيت مهوي قاره ورحت ادور شيخوه وريموه وخلود
وانا في الطريق للقيت سلطه
انا :سلطه وين خلود
سلطه وهو يشر بيده صوب الشراع ثم راح ورحت اتبعه اكيد انه يدلها
وفجئه طلع على الرجاجيل وانا وقفت "معقوله تنخش عند الرجاجيل ؟؟؟؟ايه معقوله ذي ماتستحي "ورجعت ورحت ادور في خيمت اهل مهوي وتذكرة كللام امي عن ريموه اكيد انها في المطبخ ورحت على طول ولقيت شيخوه جالسه على القدر وتسولف مع الخدمات الهنديات وتسألهم عن جوني برهام حبيب القلب المهم دخلت اول ما شافتني قامت وطلعت مع باب الخيمه الثاني ورحت وراها وماخلينا سياره مادرنا عليها ولا خيمه ما دخلنا فيها مدري وين جايبه ذي السرعه شيخوه منه ورحنى وجلسنا ندور على الحريم
انا في الجهه الشرقيه :شيخوه استسلمي
شيخوه في لجهه الغربيه :مستحيل
انا :ترا ماسكتس ماسكتس
شيخوه :يالله امسكيني
نجلا ام لميوه :ازعجتونا
ساره :ضاقت بكم جايين هناه
انا :اسألو شيخوه هي الي جايه
شيخوه :وانتي ويش جابس
انا :اكيد الحقس ياعبيطه
|
18-04-09, 07:21 AM
جديد مواضيع قسم القصص المكتمله
العرض العادي
