...الجزء الحادي عشر...


اول ماطلع سند من بيت العمه كانت خطواته سريعه ناحية فرسه المربوطه قريب بيته ركبه وانطلق به محاولتن منه لجل يسيطر على احاسيسه ورجفة قلبه الي ماوقفت من طاحت عينه على عيونها واسرته "وشلون وهي اسيرتي "

بحلقت العنود بعيونها لمنيره الي ملاها الرعب والخوف من عنود وقامت
منيره:ارخصيلي ياعمه
وطلعت بسرعه واطلقت بعدها العنود ضحكتها
العنود:خبيله
العمه:ليه يابنيتي تساوي هيج
العنود:ماودي اشوفها
العمه:ليه تراها حبوبه وزينه
العنود:مبه حد هنيا زين غيرج انتي ياعمه ...عمه رجلج توجعج
العمه:شوي يابنيتي
العنود:وش ودج اسويلها
العمه:في نبته يابنيتي زينه للاوجاع ذي وهي موجوده اهنيا بالمراعي تنطبخ وتنحط على الرجل لما يعاود سند اقوله يجيبها
وقفت العنود:لا ياعمه انا اعرفها زين اروح اجيبها لك الحين
العمه:يابنيتي
العنود:ماراح اتاخر ياعمه احصلها وراجعه
طلعت العنود بدون انتظار جواب العمه ومشت ناحية المرعى واخذت اهناك تبحث عن النبته واخيرا لقتها وعند التفاتتها للعوده كان سويلم الراعي بوجهها
سويلم:حي ذاالوجه الحسن
العنود:انقلع من قدامي
سويلم:ليييييه ماودج اياني اهرج معج
سكتت عنه العنود وغيرت اتجاهها لجل تكمل طريقها لاكنه وقف قدامها مرتن ثانيه
العنود:وش اتريد انته
سويلم:ليه طلبتي من العمه تاخذك معها بعد ماكنتي لي
العنود:اتخسى اكون لك ولا لغيرك واسمعني زين تراك ماتعرف من انا والله ان مافارقت من قدامي اني اخلي عناد يعلمك شلون توقف قدامي مرتن ثانه
سويلم :ومنهو عناد هذا خويك
العنود:قلت انقلع من قدامي
مشت العنود خطوه ولانهم بعيد عن بيوت الشعر مد سويلم يده ومسكها من كتفها لاكنه ارتعب لماجلبت الايه العنود وانقلب الوضع بوضع العنود الخنجر بحلق سويلم
العنود:وش الراي الحين ودك اياني انحرك مثل ماتنحر النعجه
سويلم:اا اا يادافع البلا وش السلطه ذي اتركيني اتركيني ياحرمه وعهدا علي ماجيلج بطريق
افلتته العنود ووقفت قباله وبايدها الخنجر
العنود:انقلع من قدامي انقلع
كان سند جاي وشاف العنود واقفه وبايدها الخنجر وسويلم يزحف على الارض لورا
سند:العنووود
التفتت العنود للشيخ الي نزل من فرسه وسل سيفه
سند:وش اتسوي هنيا ودج تهربي انتي نسيتي وش قلت لك
رمت العنود الخنجر وبنظراتها العدائيه لسند رجعت والتفتت ناحية القبيله وقررت ترجع وماكان ودها تكلمه او تشرح له شي لاكن سند صرخ عليها بعد مامد بسيفه قدامها
سند:لييه ماتردي على..وش كنتي تساوي هنيا؟
العنود:اسال المخبول ذا هو يجاوبك
سويلم:ياعمي الشيخ كان ودها تنحاش مير اني منعتها وكان ودها تلتقي بخويها واسمه عناد لجل تهرب معه
طبع العنود ناري ماستحملت الي يقوله سويلم نزلت للارض بقيتها تلقى الخنجر لاكنها مالقتها وملت ايديها من الرمل ورمته على وجه سويلم الي انترست عيونه ووجهه بالرمل ورجعت مره ثانيه لجل اتعاود الكره لاكن سند منعها لانه حاوطها بايديه وجرها ناحيته
العنود:اتركني والله اني اورجيك ياكذاب
التفتت ناحية سندوهي تدفعه عنها بايديها:فكني فكني ماودي اياك تلمسني
وقفت العنود مقابله سند كل واحد منهم يناظر الثاني بنظرات غيظ
سند:سويلم انقلع من هنيا
وطبعا ماشافو الا غبرته وهو فال
ومازالت نظراتهم مواجه بعض بدون كلام
هدت نفس سند وبدا شعوره يعاود له ونظراته تبدلت لنظرات اربكت العنود
نزلت بعدها نظرها لتحت والتفتت عنه شافت النبته الي طاحت عنها خذتها وركضت بسرعه راجعه لعند العمه وسند يتبعها بنظراته
سند:وش الي سويتيه فيه
ابتسم بعدها لما تذكر سويلم يوم قال عناد هو يدري ان اسمها لما تكون رجال عناد وكاد هددته بعناد



كان حمود جالس ويا خوياه يوم جاهم محيميد وقال:حمود وش ذالغزال الي كانت معك
حمود باستنكار :اي غزال ؟
محيميد:اييييه المهبوله عزالله ان بها زين ماشفته بحياتي
نط حمود ووقف قدام محيميد:وانت وين شفتها
محيميدوهو ياخذ نفس:عند الغدير ..وشلون ذي هبيله ذي اتهبل ارجال
حمود:اسكت وش ذا الهرج يامحيميد انت ماتستحي على وجهك ماعندك خوات
محيميد:عندي لاكن ماعندي مهبولات
حمود:اترك الهرج عنك ذا واحشم اخت الرجال الي ساعدوك وانت بين الموت والحيا
محيميد:ذي مهبوله ياحمود مهبوله
حمود:ولجل انها مهبوله ماودي اياك تجيب طاريها وتصحي النفوس الشينه
تركه بعدها حمود وتوجه لبيت الهنوف وناداها
الهنوف:وش اتريد ياحمود
حمود بعصبيه:وش اخبار لبنيه يا الهنوف
الهنوف :ابشرك اليوم سكتت عن البكا وطلبت من البنات ياخذوها معهن للغدير
حمود:اشلون تتركي وحده مهبوله تروح لحالها مع البنات انتي يالهنوف ماتدري وش اتساوي لما تجيها حالت الهبل الي فيها
الهنوف:هي تجيها حالات بس انا ماشفت منها شي اصلا هي ماتكلمت
حمود:ايييه لمن تكلم تعرفي انها مهبوله وبعدين شلون تخليها تطلع بدون البرقع والعباه
الهنوف:حمود برقع ويش وعباة ويش البنات كلهن عند الغدير مايلبسن براقع
حمود:ذي امانه وماودي اياها تلفت الانظار
الهنوف:حمود وكاد ان ذا هو الي معصب بك بحياتي ماشفتك هيج
حمود:اسمحي لي قلت لج ذي امانه
الهنوف :داريه انها امانه وانت خلاص بريت ذمتك منها ووصلتها ليه ليه شايل همها مانت شايف اني كفو
حمود:لاتفهميني يالهنوف غلط
الهنوف:توكل ياحمود ولاتشيل هم البنت
تركها حمود والنار عدها قايده بصدره كان وده يقولها ماتتركها تطلع الا وهي مغطاه وماتتركها تطلع اصلا
باليوم الثاني وصلو سعود وسويره لمشارف القبيله
سعود:وصلنا ياسويري
وقفت سويره فرسها :اقول ياسعود
سعود: ياعونك
سويره:وش رايك تجيب لي اختي وترخصو لنا
سعود دار بفرسه على سويره:وش تقول !!!لا باله ماتركتك ترحل عن الديره الا لما يعاود اخوك وش ذالهرج ياسويري
سويره:ارجاك ياسعود ماودي اظل اهنيا اريد اخويتي لجل نعاود لمغارتنا وكاد عناد اذا عاود يجي هناك
سعود:ووكاد ان حمود خلا له اشاره يعرف منها انكم بقبيلتنا
سويره :سعود والله ماودي اظل اهنيا
سعود:امش ياسويري امش معي تعال ودي اياك تشوف المكان الي ببني لك فيه بيت الشعر لجل تضل فيه مع اختك تهبل بك فيه لحالك
ابتسمت سويره وارتاحت من الفكره
سويره:ماودي اكلف عليكو
سعود:مابه كلافه هذي لزوم الضيافه وجعلها ضيافة دايمه ..امش ياسويري امش
بعدها توجهو لداخل الديره لبيت الشيخ متعب كان حمود هناك وقف حمود
حمود:ياعمي الشيخ سعود جا نزل سعود عن فرسه وركض لعند صديقه الي تلقاله بالاحضان "نسي حمود المليون مره الي توعد فيها لسعود"بعدها سعود ركض لعمه متعب وسلم عليه بالاحضان وحبه على راسه وعلى ايديه والشيخ ايرحب به من اول ماشافه سويره ظلت واقفه عند فرسها وهي تشوف لقا سعود بالشيخ وربعه مادرت بالعاصفه الي جتها من شق حرمت الشيخ
نجيله وهي تنط على سويره وتطيح معها على الارض:سوييييييري
اخذت بعدها نجيله تستعرض حركات لهبال الي فيها وهي تحضن سويره وتحبها في حين ان سويره توهقت ابها وهي طايحه قدام الكل وذي فوقها
سويره بهمس :اشهد انك هبيله قومي ذبحتيني جلست نجيله على جنب وقعدت سويره بسرعه والكل كانت انظاره الهن اول ماطاحت انظار نجيله على حمود
نجيله:حمووود سويري جا ياحمود
حمودانحرج ورفع نظره للكل ايشوف ردة فعلهم
¤¤
¤¤
¤¤
وديمه العطا

يسلموووعلى هذي الروايه الروووووووعه ..

صديقتي ضجت الصمت جتني وقالت لي عندي لتس روايه جنآآآن خبلت

بي عمري ما قريت مثلها .. عاد انا خلقه متحمسه للروايات وتجي

تحمسني زياده ..وتلقيني طوالي على الروايه واجلس اقراها .. ولله

ماتنلام ضجوجتي خبلت بي الرواااايه ..الله يعطيتس العافيه HoT HoT على

نقلك للروايه ...




نجي للشخصيات ..


سند & العنود ... باينتهم مابعد العداوه حـــب .. ابغى اعرف ردة فعل سندكيف تكون لمن يعرف انها بنت عمه مـــره متحمسه ...


سعود & سويره ... تعجبني نذالة سعود لسويره و معاملته لها على انها ولد وهو عارف انها بنت ...


حمود & نجيله ... حزنت على حمود بالاول لمن طفشته نجيله .. بس ارتحت لمن طلعت انها تتصنع الهباال عليه وماهوب بعيد انه واراها اشياء ثانيه ..

منيره ... ذي المره ابد مارتحت لها .. مادخلت مزاجي دواها اللي سوته فيها العنود لمن دخلت الرمل في فمها هع هع هع ..





وووبس .. الله يوفقك في النقل عزيزتي ...

دمتي بووود ..

هههههههههههههههه الله يغرب ابليستس يانجيله والله اني مت ضحك من حركاتتس

يعني بتستمر هالتمثيليه الين يلقون لهم حل ويرجعون لمغارتهم ....حاسه ان انجيله

ماراح تتطول بالتمثيل وراح يبين اصلها بأي لحظه ...او ان حمود راح يسمعها تتكلم

مع اختها سويرة بدون مايدرون عنه وبكذا يعيش بشك بين اللي اسمعه وبين اللي يشوفه ..

الله يستر لاينهبل هو ؟؟

العنود آآآآآآآآآآآآه ابقعد اترحم على ابوتس اللي سماتس العنود اللين ينتهي عنادتس !!!!

سبحان الله انتي غييييييييييييييييييير عن اخواتس حتى توأمتس سوير غير مع انها

مازالت بشخصيه رجل الا انها من شافت سعود وهي رايحه فيها ..يعني طابع الانثى

طاغي عليها رغم قوتها وشجاعتها ...بس انتي مادري شكلتس متقمصه شخصية الرجل

بقوة ومن قلب ..وعندي احساس بأنتس ماراح تتركين العناد اللي فيتس الين تعرفين قصة ابوتس

وان هذولي قبيلتس ...

سند ...ماقول الا الله يكون بعونك طحت وراحت اعلومك ياشيخ القبيله بسبب حرمه ..؟؟


هوت ..هوت ..تدرين من الصبح وانا مسنتره عند الشاشه وكل اشوي اجي واطل بس الحمد لله

ماخيبتي ظني ..كنت متأكده انتس بتجين ومعتس اخبار ابطالنا ...

يالله نشوفتس على خير ...والى لقاء مع الاجزاء القادمه باذن الله ,,

السلاااام عليكم...

هوووت هووت.. قبل ماا ابدأ ..الرد علمي الكاااتبه اني حجزت سند وصاادرته خليهاا تستاااانس ان بطل من ابطالهاا رااحج بنصيبه مع زااراا..هخهخهخه
شووفي هذاا ردي على كل الاجزااء الى الجزء العااشر..
اوول شي احب اقووله ان اكثر شي جذبني في القصه اللهجه.. يعني هوو اكثر شي مختلف في القصه والا الفكره يعني من بداايت القصه معروف نهاايتها بس احدااثهاا شووي غريبه لان البطلاات يتقمصوون شخصياات رجال.. ومسترجلاات مرره..
العنوود و سويره : طبعااا اوول شي حبيت قووتهم.. احب المرأه دااائماا تكوون قوويه وخصووصا اذاا كانت عاارفه ان ماافيه احد يداافع عنهاا.. وهنااا كان لاازم يكونن بالصووره هذي عشاان ماا احد يستجري عليهم وخصووصاا في عصر كانت القووه بس بيد الرجل والمرأه تاابع ومااعندهاا راااي في اي احداااث تكون في قبيلتهم.. يعني اتووقع غاالبية القباايل كانوا كذاا...
بس العنوود انقهرت من اقلاابها المفاجئ وضعفهاا بعد سند مااا اسرها.. وكفخها بالخيزراانه.. استغربت ضعفهاا هناا كيف استسلمت له وهوو يضربها وباهاانه حال اي حرمه تتعرض للتأدين لما تغلط.. كيف وهي اللي باارزته بالسيف وطووولت في المبااارزه معه تكوون ضعيفه بالشكل هذاااا فجأه؟؟؟؟؟ يعني لوو انه متصاارعه هي وويااه وبعدين قدر يغلبها معليه ..بس انها فجاه تنذل له هنااا اعتبر موقفهاا مو طبيعي وخصووصا وهي الحره اللي ماا تعوودت الا على الحريه وان شوورها يكون بيدها وماافيه اي احد يقدر يتحكم فيهاا.. كيف فجأه تخضع لقواانينهم وتلبس مثل اللبس اللي هي ناادر تلبسه.. ؟؟ فيه عندي علاامات استفهاام كثيره على العنوود خصووصا لان قصتهاا بدت تووضح اكثر من قصة سوويره قداام الناااس .. بس بتركهاا الحين لان القصه خيااليه...ومااا راح انكد عليتس بتحليل يجيب الهم..هخهخخه

سعود : اوول شي الاسم هذاا كريه ويلووع الكبد وماا رجعت احب هالاسم الا بعد سعوود اللي في بعد الغياااب..هخهخهخه.. والحين سعوود هذاا حركااته تلووع الكبد .. وخصووصا بعد مااعرف ان سووويري بنت موو رجال.. صح اعجبني انه مااا احرجها وكشف لها انه عرف سالفتها بس بعد حركااته ماافيها من الشهاامه شي.. يعني اكيد ان البنت مااا حدها على اللي هي فيه الا شي كاايد ليش الحين يسوووي لها حركات ماافيها من الرجووله شي.. صدق بااايخ وحمااار .. بس خااطري اعرف وش بيصير موقف سوويره لما تعرف انه كاشفهاا من اوووووول مااشاافته..

انجيله الهبيله.. هخهخهخه احسن شي مواقفهاا مع حمود.. واستعبااطهاا عليه.. بس ودي اعرف هي ليش مااصاارت زي خواتها ؟؟؟؟ هي مو بقووتهن؟ والا هي فيهاا خوووف من شي معين؟؟؟
بس اتوقع ان هبالهااا بيعرف انه تمثيل بتكون بالاخير مشتركه مع خوااتها بتمثيل شخصياات موو لهم ابدااا..

سند :: الشيخ سند شيخ القبيله... هالشيخ شخصيه.. بس انا مستغربه هوو كيف للحين مو متزوج.. يعني بالعااده قديما كانوا يزوجون الولد من هوو ابو 14 سنه وعياله لما يصير ابووو 30 طوووله.. الا سند ليش مااتزوج للحين.. والا كان متزوج وماتت زوجته والا وش سالفته؟؟؟
بس هوو صرااحه بااين انه بيكون من نصيب عنووده..هخهخهخهخه

مشكووره وديمه على هالقصه الغير شكل.. بس صرااحه لساان انعووج مرره في هالقصه.. ومن خلصت الاجزاءوماادريت الا واناا اقوول لاخووي ارجاك يااخوي ماتسووي هيج..هخهخهخهخهخه..

هوووت هووت . تسلمين على النقل يااعسل.. والله يووفقتس فيه ياارب..

مرحبااااا ملاااين والله شموخ الصمت ..حياج أنت وضجت الصمت في القصة ..اسعدني انه فيه جمهور للقصة

لو من خلف الكواليس .. وحبيت حمااسج للقصة .. ^_^ وياليت

مانبي معجبين للقصة بعيد لبعيد .. ^_* مره ثانية ياليت تسحبين ضجت الصمت معاج تسدحله تعليق هني
تحليلج يجنن ولا غبااار عليه .. ونذاله سعووود تجنن.. "ياكثر ماقول تجنن ويجنن"

وحمود حزنت عليه لانه كنت معتقده شراتج ان نجيله صدق هبله ..

وانه بعد ما علق على عمير ..وونييييين عمير ...حب وحده هبله ..الله بلاه بحبه ..

ومنيرة طبيعي بتسوي هالحركات للعنود بما أنه تحب سند ..بس دواه ماجاه من العنود

شكراا لمروورج وتعليقج ع القصة الي زادني فرح وحماااس



مرحباااا والله شبيهة القمر ..للي حظوره في القصة شي ثاني ..هذا التحليل إلي يوسع الخاطر

وييييي احس بعده ماخلص هباله على حمود ههههه ونجيله اتوقع أخر موقف له مع حمود انفجع منه ...

انااا معااج ان العنوود غير بشخصيته بحضوره ..ردات فعله شي شي .. لكن الاحداث الي صارت له مع سند خلته كذي لانه عامله بذل ومهانه حصلت من معامله ما خلته حتى تفكر فيه غير ند لهوساره ماشفت غير الطيب والاهتمام من سعود برغم من حركاته .. طبيعي تطغي عليه طباعه الانثويه >> وجهة نظرإن شاء الله دووم ما خيب ظنج والجزء عجبج..مشكوووره على حضورج وتفاعلج الدائم .. إلي خلاني أكمل من البداية .. لا خلا ولا عدم من هالحضور

هلااا والله زارا .. مرحبااابج ملااين.. لازم تحجزين لج بطل ولا ما تكونين زارا ^_^ >> وصلنا خبر للكاتبة انج حاجزه سند

مشكووره وديمه على هالقصه الغير شكل.. بس صرااحه لساان انعووج مرره في هالقصه.. ومن خلصت الاجزاءوماادريت الا واناا اقوول لاخووي ارجاك يااخوي ماتسووي هيج..هخهخهخهخهخه..

هههههههههههههههه وربي ضحكت إلين ما عورني بطني من الضحك ..وصارت الدموع 4_4

معاااج في أن نهاية القصة واااضحه ..كنت كل ما اقرا بارت اتوقع انه البارت الاخير.. تحليلج مميز وخلاااني انتبه لاشياء ما كنت ما خذه بااال له..

إلي ما خذت بال منه حركات سعود "لو كان في هالزمن بنقول معقوله" لكن بما أن أحداث القصة في الماضي..معاج في كلامج أنه قلت شهامه منه>> لكن بما انه خيال نذالته مسويه اكشن وتعجبنيه

أما نجيله الكاتبة مبينه ..انه ما قدرت تصير مثل العنود وسويره..في أول القصة..فهباله وتشويه لشكله كان حفاظ على النفس .. وكل غريب يشوفه يهج منه ..لكن ما بينت إذا كان فيه سبب معين ..

بخصوص العنود ..حتى انا استغربت ..ضعفه ..توقعت تسوي الأهوال ..لكن الرضوخ منه ما توقعته ابد..وتوقعت انه تهرب في أي لحظه ..وهذا الشي شكله مابيصر

كلامج بخصوص عمر سند كلامج صح 100% أول ما قريت القصة استغربت عمره خلاني أتساائل إذا عمره 30 كم بيكون عمر البنات؟؟!!

وهذي اول قصة للكاتبة ..صح فيه ثغرااااات ..لكن تظل القصة حلوه بماضيه وخياله ولهجته

اسعدني مرورج حبيبتي .. وخليج متابعه للقصة