هوت هوت

يعطيك الف عافيه على البارت الحلو ياعسل انتي.......
نجي للتعليق.
الحدث الاهم الي بعلق عليه هو معرفة سند بأخوات العنود ...انصدمت انه عرف عنها هالشيء وانا اتوقع انه توه يدري بالهشيء عنها بس ايش دراااه؟؟؟؟ هنا السؤال
لاحظت انه قال سويره وما قال سويري يعني اكييييييييد يعرف احد يعرف ابوها ....ومو اي احد من الناس لان الناس مايدرون انهن بنات مو اولاد ...والعمه نتوقع انها تدري او شكت انها بنت اخوها ...بس ماتدري كم عليه من الاولاد او البنات ...من الي وضح لنا انها انقطعت اخبار ابوهم عن ديرته الاوله فشيء اكيد انهم مايعرفون عنه شيء .....والله اترت وحست الدنيا..
بس على العموم ينطيج العااافيه ياخيه على النقل >>>دخلت جو مع الروايه تبي تاكدلك انها مندمجه حدهااا ^_^

يامرحبا ومسهلاا بج يا جناان

اقتباس :-   المشاركة الأصلية كتبت بواسطة جنان وكلي حنان

هوت هوت يعطيك الف عافيه على البارت الحلو ياعسل انتي....... الله يعاااافيج ..والشكر كله للكاتبة الي في كل بارت تكون اكثر تميز عن الي قبله نجي للتعليق. الحدث الاهم الي بعلق عليه هو معرفة سند بأخوات العنود ...انصدمت انه عرف عنها هالشيء وانا اتوقع انه توه يدري بالهشيء عنها بس ايش دراااه؟؟؟؟ هنا السؤال لاحظت انه قال سويره وما قال سويري يعني اكييييييييد يعرف احد يعرف ابوها ....ومو اي احد من الناس لان الناس مايدرون انهن بنات مو اولاد ...والعمه نتوقع انها تدري او شكت انها بنت اخوها ...بس ماتدري كم عليه من الاولاد او البنات ...من الي وضح لنا انها انقطعت اخبار ابوهم عن ديرته الاوله فشيء اكيد انهم مايعرفون عنه شيء .....والله اترت وحست الدنيا.. مستغربه .. الكل يطرح هالسؤال مع انه الموقف الي خلى سند يعرف عن السويره ونجيله كان موقف ما ينسى بينه وبين العنود وردت فعله كلش ما حبيته .. في مقطع سند يضرب العنود وبسبب الضرب تصيبه حمى وبسبب الحمى تمت تهذي وتتكلم عن خواته .. وسمعه سند بس على العموم ينطيج العااافيه ياخيه على النقل >>>دخلت جو مع الروايه تبي تاكدلك انها مندمجه حدهااا ^_^

...تابع...

في قبيلة الشيخ متعب استقبل الشيخ اخته الي كانت عايشه بقبيله ثانيه ورجعت الحين عند اخوها بعد ماتوفى زوجها ومعها بنتها هند
الشيخ امر ينبنا لاخته بيت شعر قريب مند بيته ووعد اخته انها تكون هي وبنتها تحت عهدته
بعد ماخلصو من بنا البيت طلع سعود وراح لسويري ونده عليه من عند باب البيت
طلعت سويره لسعود
سويره:ياهلا ياسعود اقلط
سعود:لا ماودك تجي معي ندور حول المرعى
سويره:بودي ياسعود مير خيتي هبلت بي من الصبح وانا افهمها انها لزوم ماتطلع من البيت
سعود:اييه جبها عند الهنوف خيتي
سويره :لا ماودي اكلف عليها وانا شايف ان عندها ضيوف
سعود:ايه ذي اخت الشيخ ترملت وجايه تعيش بكنف اخوها
سويره:والله ان الشيخ متعب رجال كريم وراعي فضل كبير وانا ياخوي مستحي منه لاجل اني ماجيت بمجلسه
ابتسم سعود:لا ماعليه انا قلتله انك ملزوم باختك ومنت قادر تجي للمجلس
سويره:والله ان ضايقا صدري وودي اركب الفرس وادور بيها مير ماني عارف اتركها لحالها
سعود بخبث:وش رايك ياسويري نجوزك بنيه من بناتنا مزيونه لجل تظل مع اختك بالبيت
سويره وهي تحك راسها باحراج:وكاد ان ذا هو الحل الزين مير انا ماودي ابلا بنات الناس بمهبوله
ضحك سعود بصوت عالي وهو يحط ايده على كتف سويره وسويره ماكانت فاهمه هو ليه يضحك
ورفعت ايدها ونزلت ايده من على كتفه
سعود:اااه ياسويري والله اني احبك
رجف قلب سويره للكلمه وخافت وجها يحمر قدام سعود
سويره:امش امش انت ماوراك الا الضحك ذا
التفتت عنه وراحت لداخل
سويره"وكاد اني انهبلت هو قال يحب سويري مهب سويره وش دراه هو بسويره بالاصل
جلست سويره جنب اختها
نجلا:سويره وش بج
سويره:مابي شي
سعود كان وده اياني اروح معه حول المرعى
نجلا:ايه ودج تروحي
سويره:ايه اشلون اروح وانا عندي مهبوله بالبيت
نجلا:المهبوله اربطها بعمود البيت واتركها
سويره:ايه لجل يجي الي نفسه شينه ويدخل عليها
نجلا:اييه ترا لمهبوله مهبوله لاكنها قادره تدافع عن نفسها
سويره:لا يانجيله ماودنا نريق الدم هنيا حنا ودنا اياهم يساعدونا لجل نلقى العنود وبعدها نرجع لمكانا او انشوف لنا مكان ثاني
بس تعرفي يانجيله ..صحيح لما يكون الوحد في حمى قبيله ينام مرتاح لاكن حنا مانخلقنا نعيش بالخيام حنا تعودنا على ركوب الفرس وننطلق بذي الصحرا متخيل حالي بيوم اظل بالبيت زي الحريم ..
نجلا:هذانت ياخيه صارلك يومين منحبسه
سويره:ايه لجل هيج اقول لك ماودي اظل اكثر من هيج ودي اطلع للفضى
نجلا:اجل خلينا نطلع سوا


بالمسى كان الشيخ سند لحاله في مجلسه بعد ماراح عنه سلطان والمقهوجي ..كان متكي بجلسته وسرحان بفكره وعينه على دخان النار الي قدام البيت
جت العنود ووقفت قدام بيت الشعر بطرفه
اتجه لها نظر سند وهو متخيل ان هذا مجرد خيال لها لاكن الخيال ماراح وظل واقف بمكانه
اتقدمت العنود بخطوتين لداخل بيت الشعر وهي تناظر بالمكان
اخيرا تاكد سند ان هذي هي العنود نفسها قام واقف وهو يناظرها بنظرات استغراب وتقدم منها حتى وقف قدامها وعيونه تناظر وجها الي كان باين عليه البكا كانت نظراتها بعيد عنه رفع ايده وحطها تحت وجهها ورفعه له حطت بعدها العنود نظرها بنظره وسالت دمعه من عينها وقفت قريب شفايفها ومن دون مايدري سند رفع ايده الثانيه ومسحها
سند:قوليلي وش فيها عنود السيح ؟
انهمرت بعدها دموع العنود اكثر
العنود:وشلون دريت بنجيله وسويره؟
سند ظل يناظرها بدون مايرد عليها
العنود:ماودك اتقول؟
سند:اييه ماودي
مسكت العنود ايد سند الي رافعه وجها له
العنود:ارجاك تقول لي هي سويره بعدها حيه ماماتت
تفاجئ سند بسوالها وظل ساكت
العنود:ليه ماودك تقول لي وكاد انك داري بيها ليه ماودك تقول
سند :وشلون هي ماتت
العنود:انتو قتلتوها بالوادي
سند:انتي تقصدي اخوك هو مره بعد
العنود بدت تثير:انت وش الي تعرفه
سند:شلون الشيخ متعب يترك نسوانه تسترجل مابه رجال يردعوكن
العنود:من هو الشيخ متعب
سند باستنكار:لاتنكري انا دريت من الفرس الي جيتي فيها انها لقبيلة الشيخ متعب
العنود:انت ليه ماودك تريحني.. سويره ونجيله بديرة الشيخ متعب ؟
سند:انت وش سالفتك وش الي جاب فرس قبيلت الشيخ متعب معج
ضربت العنود بقبضة ايديها صدر سند
العنود:ليه ماودك تقول لي هي سويره ماتت ولا لا
مسك سند ايديها وبدت العنود تبكي
العنود:انت تقول انك قادر تجيبها اشلون تجيبها وهي ميته
ليه ماودك تريحني
سند:انا مدري عنها حيه ولا ميته
العنود:وشلون اجل دريت بيها
وشلون تقول انك قادر تجيبها ودك اياني اكون تحت شورك ..نجوم السما اقرب لك ياشيخ والله انك اتشوف مني من اليوم ورايح الي مايسرك واني اظل اعند من الاول واخليك تندم على اليوم الي خليتني فيه عايشه بديرتك
كانت العنود تقاومه بايديها الي تحاول تظرب بهن صدره الاانه احكم مسكته عليهن
سند:اعقلي اعقلي وتجنبي شري ترا معاد بي صبر عليج
صرخت العنود:اتركني اتركني
سند:اسكتي انت ناويه تلمي اهل القبيله
العنود:معاد يهمني شي بالاوله كان ودي اهرب لاكن الحين معاد افكر بشي غير اني اخليك تطلع عن طورك
سند سحب العنود لعند عمود الخيمه ولف ايديها وراها وربطها بالعمود وهو يقول:لييه هو انا اصلا ماطلعت عن طوري قدني من زمان طالع من يوم مامسكت مشيخة القبيله ذي وانت جايه من فوقهم
العمه دخلت عليهم بعد ماسمعت صراخ العنود
العمه:سند ياولدي وش الي صار
سند وهو واقف يكمل رباط ايديها : وش بقا ياعمه وش بقا انا معاد بي صبر عليها كل الي سويته ولا منه فايده
العمه:العنود وش الي صار يابنيتي
العنود:اني مهب ببنيتك ياعجوز النار وبلحضة غضب امسك سند العنود برقبتها وضغط عليها حتى حست انها بدت تفقد نفسها والعمه تترجاه لجل يتركها
بعدها ارخى سند يده ومازال ماسك رقبتها
سند:ليه ليه تحديني على شي ماودي اسويه وش جاج من العمه مهب هي الي كنتي تبكي بحضنها وتقولي لها تاخذك معها ..مهب هي الي قالت خذو مالي وحلالي كله لجلج
انسابت دموع العنود وسالت على ايدين سند
العنود:انت ليه ماودك تقول لي وشلون دريت بسويره ونجيله ..وهي السوري بعدها عايشه
فقدت بعدها العنود وعيها وسند سند لراسها على صدره وفك رباطها
سند:ياعمه ياعمه
شال سند العنود وهو يحس بروحه طلعت منه وراح ابها لشقه وحطها على فراشه والعمه وراه
العمه:انت وش الي سويته بيها
سند:ياعمه انا ..انا ارجاج ياعمه تجي تشوفي هي وش الي جاها
قربت العمه وجلست جنب العنود وسند بجنبها الثاني

¤¤
¤¤
¤¤
والله ماودي البارت قصير مير اني اكتبه ليكو من الجوال ودمتم وديمه

قراءة ممتعة للجميع .. لايطوفكم البارت ^_^