يعطيك العافيه سوار فكرة رووعـــه
يمكن التهابات في المثانة اللبوليه..تخمين غبي بس ماحبيت اطلع بدون رد
دمتي بود غاليتي

اهلين سوار
فكرة رائعة
شكرا لك سوار والدكتور ضرار والدكتور خالد والدكتور ماهر

الله يعطيكم العافية عن جد الموضوع اكثر من روعة

خليني بقى احلل الحالة
المريض عامل بمطبعة و بيعاني من اعراض مختلفة من فترة طويلة (اشهر) و الحالة بتزيد مع الوقت
الاعراض وجع في البطن و امساك - دوخة و صداع و زغللة في العين - ضعف في الايد- احساس بالتعب و الارهاق
التحاليل انيميا و وجود ALA و البومين في البول

اهم تعليق على الدكاترة -د ضرار تحديدا- لما بيكون في عندنا مريض لازم نتعامل معو كوحدة كاملة يعني من المهم قبل التفكير في عدة امراض البحث عن مرض يجمع جميع الاعراض اللي بيعاني منها المريض.لانو الاعراض الجسدية الختلفة ممكن يسببها مرض واحد-مثال ارتفاع الضغط داخل الجمجمة بيسبب قئ للمريض فاذا اجاني حدا عندو صداع و قئ راح افكر في مرض يجمع العرضين مع بعض و هو مثلا ارتفاع الضغط داخل الجمجمة مو اقول انو عندو صداع او شقيقة و عندو مغص بنفس الوقت.

برجع هلا للمريض
اهم شئ لما نشوف مريض هي مرحلة الاسئلة "الاستجواب يعني " طبعا الاسم و الحالة العائلية و العمل الخ... الهدف من هذه الاسئلة هي التعرف على بيئة المريض و محاولة استنتاج او الاقتراب من استنتاج لاسباب المرض اللي بيعاني منو.ثانيا التركيز على الاعراض من امتى بلشت تظهر هل هي عم تزيد مع الوقت و الا ثابتة هل في اشيا معينة بتسببها الخ... و الهدف هون محاولة ايجاد زمن تقريبي لبداية الاعراض و محاولة تبين اذا كان مرض مزمن او اني فقط...
بعدين بيجي فحص المريض و هون بالطبع الفحص لا يقتصر على الجهاز المصاب و انما على جميع اجهزة الجسم الحيوية

الاعراض اللي بيشتكي منها المريض في اقول انها تسمم رصاصي مزمن.يعني هو تقريبا عندو اهم الاعراض و كمان عملو مع احبار الطباعة مؤشر هام جدا للوصول لهذا الاستنتاج
طيب اذا بدنا هلا نحلل كيف وصلنا لها الاستنتاج
اول شئ هي بيئة العمل و من شان هيك الاسئلة التي توجه للمريض هامة جدا بقدر اهمية الفحص الجسدي
ثانيا الاعراض مستمرة منذ اشهر و عم تزيد و اهمها
*المغص اللي بنسميه المغص "الرصاصي" المصاحب للامساك و هو بيضهر لما يكون التسمم مزمن و متقدم نسبيا غالبا اذا كانت نسبة الرصاص في الدم بتتجاوز 1000 ميكروجرام بالليتر
*الاعراض العصبية (بما انو الرصاص بتراكم في الجهاز العصبي)و الزغللة و الصداع و ضعف اليد و التعب و الارهاق
*الانيميا و هي نتجة لسمية الرصاص و بتكون مصاحبة للارتفاع في ALA في البول و بتسبب كمان الدوخة و الارهاق
*تأثير على الكلى و ينتج عنو ضهور الالبومين في البول
*بالنسبة للاشعة راح تبين زيادة في عتامة العضام لانو ايونات الرصاص راح تاخد مكان ايونات الكالسيوم في العضام

طبعا هذا المرض "في عذه الحالة" مدرج ضمن امراض العمل و راح تكون في اجرائات لحماية حقوق العامل و ضمان حصولو على العلاج الازم

العلاج راح يكون هدفو تخليص الجسم من الرصاص الى جانب تخفيف الاعراض -ادوية للمغص-مراقبة حالة المريض العصبية-مراقبة الكلى
اعطاء المرض الايتيلين ديامين تترااسيتيك الكالسيوم l’EDTA Ca++ و اللي الهدف منها تعويض ايونات الرصاص بايونات الكالسيوم في الجسم و يشكل معها مركب قابل للذوابن و الجسم بيقدر يتخلص منو


بتمنى كون قدرت اجاوب اجابة صحيحة و مفهومة من الجميع
تحياتي

مراااحب
موضوع روعه سوار..طبعا انا بصووب والطب بصوب..ممكن اسأل غدوور ولا جوود وارجعلج:)
بانتظار النتائـج