كاتب الموضوع :
cascada angel
المنتدى :
القصص المكتمله
(( جـــــواد اول ماوصل .. على طول راح اتصل على ليان اللي كانت نايمه ))..*
ليان : الوو
جـــــواد : صباح الخير ياحلووه
ليان : صباح النور
جـــــواد :نايمه
ليان : ايوه .. كم الساعه الحين
جـــــواد : 9 ونص
ليان : يووه .. بدري
جـــــواد : ليه كم الساعه نايمه ..؟؟
ليان : الساعه اربع الفجر
جـــــواد : بسك نوم اجل ... يكفيك خمس ساعات نوم
ليان : حرام عليك الناس اجازه
جـــــواد : بلا دلع واجلسي
ليان : ربي على الظالم ... ليه صاحيه من بدري
جـــــواد : اممم خمني انا وين
ليان : لآ تقولين انك جنب بيتنا وتنتظريني افتح لك الباب
جـــــواد : الظاهر انتي الى الأن ماصحيتي من النوم
ليان : اجل مايحتاج اعرف انتي وين الا اذاتبغيني اجيك
جـــــواد : خلاص مو لازم تعرفين
ليان : يلا قولي انتي وين
جـــــواد : ماني قايله لك .. عقاب
ليان : يلا عاااد
جـــــواد : اعتذري قبل
ليان : لآ والله .. اجل مو الزم تقولين
جـــــواد : يلآ روحي كملي نوم .. وآسفين على الآزعاج
ليان : جود زعلتي ... بس انا ماقلت شي يزعل
جـــــواد : طيب شنو تبغين الحين
ليان : خلاص انا اسفه .. قولي انتي وين
جـــــواد : خلاص سامحتك
ليان : لآ والله .. ليه كان في احتمال ماتستامحيني
جـــــواد : كل شي جايز
ليان : خلصي وقولي انتي وين
جـــــواد : انا في الأحســــــاء الحين ..
ليان : احلفي ..
جـــــواد : والله العظيم انا في الأحساء
ليان : متى راح ترجعين
جـــــواد : اممم بعد اسبوع
ليان : لا والله .. ترجعين الحين .. الحين
جـــــواد : ليــــه ..؟؟
ليان : زواج بنت خالي يوم ثاني العيد
جـــــواد : طيب وانا ايش دخلني بزواج بنت خالك
ليان : ابغاكي تحضرين
جـــــواد : يووه .. حسافه كان ودي اشوفك
ليان : حرام عليك ابغى اشوفك .. تعالي الزواج
جـــــواد : تخيلي اجي واشوفك واسلم عليك وانتي ماتعرفيني .. واقولك انا جود .. شنو راح تكون ردة فعلك ..
ليان : اممم بطير من الفرح .. وبحضنك .. وبضحك
جـــــواد : بس ..؟؟ مافي بوسه .؟؟
ليان : استحي يابنت عيب ..
جـــــواد : اجل ماني جايه
ليان : يلاااا عااااد تعااالي
جـــــواد : ما اوعدك بشي
ليان : اوووف مالقيتوا تسافرون الا الحين .. مالي دخل تجين .. يعني تجين
جـــــواد : اممم اشوف اذا وافق جـــــواد يجيبني
ليان : تكفين .. ابغى اشوفك
جـــــواد : احاول ..
ليان : لالا ماتحاولين .. تجين يعني تجين
جـــــواد : يمكن مايوافق جـــــواد ..
ليان : وليه مايوافق .. اقتله لو مايوافق
جـــــواد : نعم نعم .. بتقتلين اخوي وتبغيني اجيك
ليان : جوود لآزم تجين ولا راح ابكي
جـــــواد : فديييت دموعك
ـــــــــــــــــــــــــــــــــــــــــــ
((في المزرعه وبعيد عن الكل في شخص ثاني كان يكلم جوال))..*
بوفهد : ها لقيتوها
عبدالمنعم : تلقينا اخبرا تقول انها تشتغل في مشغل نسائي
بوفهد : يعني لقيتوها ..
عبدالمنعم : اليوم راح نروح للمشغل وان شاء الله تطلع هي
بوفهد : طيب .. لآ تنسى تعطيني آخر الأخبار
عبدالمنعم : حاضر طال عمرك
ــــــــــــــــــــــــــــــــــــــــــ
(( في اثناء ماكان بوفهد يكلم جوال .. كانت يارا عايشه في رعب .. كانت حابسه نفسها مع محمد الصغير .. وتبكي من الخوف
وصوت ضربات الباب اللي شوي وينكسرةمن قوتها .."ليه يصير فيني كذا ".. هذي الفكره اللي تدور في راس يارا
وسط كل هذي الضجه ))..*
ــــــــــــــــــــــــــــــــــــ
(( قبل نصف ساعه ..كالعاده جلست الصباح وغيرت لمحمد الصغير واكلته .. وبدأت شغلها بالمشغل .. هي تشتغل
مع عاملتين فلبينيتين.. في العاده يفتحون المشغل الصباح وماتجي صاحبة المشغل الا الساعه 3 العصر .. بس اليوم لاحظت يار
ان العاملتين يتصرفون تصرفات غريبه .. تجاهلتهم وراحت تكمل شغلها .. كانت تمسح الأرضيات وبعدها رن جوال
وحده من العاملات وراحت فتحت باب المشغل .. يارا استغربت في العاده مافي حد يتصل عليهم ويجي على طول ..
محمد صار يبكي وراحت له علشان تسكته .. شوي الا وتحس بيد خشنه تحاوط خصرها وترفعها عن الأرض ))..*
: هذي هي الحلووه اللي بعتوها لي ... لآ تخافين حياتي راح اعاملك مثل الملكه ..
((استوعبت يارا الموضوع العاملات مدخلين عليها رجال .. وهو حاملها صارت تصارخ وتضرب فيه علشان ينزلها
بس ماقدرت .. ضربات جسمها الهزيل والصغير قدام ضخامة هذا الوحش ..لاحظت ان العاملات راحوا الغرفه الثانيه
واتركوها لوحدها .. كان يحاول يبوسها بشكل مقزز وهي تحاول تبعد عنه الى ان جرحته جرح جنب عينه خلاه يتركها
ويحط يدينه على عينه .. على طول اخذت محمد وراحت تركض بأقصى قوتها وكان راح يمسكها بس ما انتبه لمواد
التنظيف اللي عالأرض فطاح وهي دخلت دورة المياه وقفلت على نفسها ..والحين هو جالس يكسر الباب عليها ))..*
: اطلعي يابنت ××× .. انتم يا اغبيه ماعندكم مفتاح ثاني
العامله : تو ماستر أول ذا كي وذ ذا مادام
((يارا كانت تدعي ربها ينجيها من المصيبه اللي هي فيها .. والله استجاب دعاها .. رن الجرس بس هذاك الوحش ما اهتم
كمل ضرب على الباب .. خافت ان املها الوحيد في النجاة يروح .. وصارت تدعي بكل خشوع ))..*
العامله : مستر وي هاف تو اوبن ذا دور
: روحي عن وجهي
((ويروحون .. بس اللي يدق الجرس ماراح ))..*
العامله : مستر
: نعم ايش بغيتي
العامله : وي هاف تو اوبن ذا دور
(( وتدخله غرفه داخليه الى ان يخلصون من الزبونه ويروحون يفتحون الباب ..يارا حست الوضع هدأ .. فتحت الباب
بشويش ومشافت احد .. وبسرعه اخذت محمد ودعت ربها ان محمد مايبكي ولما شافتهم مشغولين مع الزبونه على طول
اخذت كل الأغراض اللي تقدر تشيلهم وطلعت منن المشغل ... برا المشغل كان عبدالمنعم جالس في سيارته الا يرن جواله
وبيرد الا يطيح الجوال من ايده ودخل تحت مقعد السياره فنزل يجيبه وفي نفس الوقت طلعت يارا من المشغل ومشت بأسرع
ومشت بأسرع مايمكنها علشان تجي من الخطر اللي يهددها في المشغل ... وداخل المشغل ..... ))..*
الزبونه : متى تجي صاحبة المحل
العامله :3o'cloek
الزبونه : امم بس انتم اللي تشتغلون هنا .. مافي عاملات سعوديات
العامله : يس بت ذي نت كم ناو
الزبونه : مافي احد منهم يسكن في المشغل
العامله "بارتباك ": جست ون
الزبونه : طيب هذي ماعندها اهل
العامله : ذير از بيبي وذ هير
الزبونه : وينها الحين
العامله : آي دون نو
الزبونه : روحي ناديها لي
العامله : بت ....
الزبونه : ايش فيكي ماتسمعين .. روحي ناديها ولآ راح اشتكي عليك عند صاحبة المحل
"وتروح العامله تدور على يارا بس مالقتها "
العامله : آي كان نت فايندهر
الزبونه : وين راحت
العامله : آي دونت نو ..ميبي شي جو اوت
الزبونه : طيب انا راح ارجع الساعه 3 العصر اكلم صاحبة المحل ..
"وتطلع من المشغل وتركب السيارة "
عبدالمنعم : بشري ياسعاد لقيتيها
سعاد : ايوة لقيتها
عبدالمنعم : وينها ..؟؟ وليه ماجات معك ..؟؟
سعاد : هي تشتغل هنا اكيد بس ماشفتها .. الظاهر انها طالعة لمكان ثاني .. خلينا ننتظرها لمن ترجع
عبدالمنعم :لآ حول ولاقوة الا بالله .. ننتظر بعد شنسوي
ـــــــــــــــــــــــــــــــ
((بعد ماطلعت يارا من المشغل وتمشي وماتدري وين تروح .. هي ماتقدر ترجع لحارتها لآنها بعدت كثير ..تعتبر الحين
ضااايعه .. سالت دموعها على خدها وغرقتفي احزان مالها نهاية ))..*
ــــــــــــــــــــــــــــ
(( في مكان ثاني .. شخص غارق في احزانه بعد مافقد اغلى احبابه .. فقد زوجته وعياله واغلى مايملك
.. ماسك صورتها ويتذكر ضحكتها وبسمتها .. اشتاق لصوتها .. يتمنى لو يسمعه مرة وحده بـــٍس .. دخل تركي غرفة
عبدالرحمن .. تذكر لما جات له عبير تقول لها انها حامل .. كانت الفرحة مو شايلته.. تذكر كل مراحل حملها ودلعها ..
وكل وقت تقول له انها نفسها شي .. وتذكر بعض الأوقات انها تجلسه في نص الليل علشان يجيب لها الأكله اللي نفسها فيها
ولما جات بتولد كانت كل ماتتألم هو يتألم معها .. وبعد ماولدت كيف كانت فرحتهم بولدهم .. كان مايفارقها لا ليل ولا نهار
.. بس الحين راح كل هذا ومابقى الا الآحزان والذكريات المؤلمة )).*
تركي : آآه .. ليه تركتيني ياعبير .. ماتدرين اني ما اقدر على فراقك ولآ اقدر اعيش في دنيا انتي رحلتي عنها
|
27-08-09, 01:03 PM
جديد مواضيع قسم القصص المكتمله
العرض العادي
