“ميرة : هذا .. (وهي يالسة تأشر)
هند : هذا يبارا ..
ميرة : ايه بلاج اقولج ولد خالتي ..
هند : شدراني انتي اشرتي عليه ..
ميرة تأشر : هذا هذا جوفي عدل ...
هند : هي هاا مسعود ..
ميرة : هندو مسعود ولد يارت خالو .. بلاج ما تيمعين عدل ...
هند : شدراني انا والله عورتي راسي ..
ميرة تأشر عدل : هذا هذا ..
هند : هييييييييه .. هذا سلطان ولد خالو ..
ميرة بفرحة : اسمه سلطان ..
هند : هيه .. ليش جي شو سامعة عنه ؟؟
ميرة : ها ... مادري نسيت .. يلا استأذنج الحين .. جااااااااااو ..
وهي توها بتطوف الا تطالع حبيب القلب .. انتبهت انه يطالعها .. ابتسمت بهدوء .. وطافت عنه ....”

لاإرادياً مسكت ورقة من الاوراق المحطوطة عالتواليت وزخت القلم .. و كتبت قصيدة من قصايدها المميزة بخطها المميز ...
.
.

من الصعب أن تفرض على الإنسان أن يحبك ويعشقك ..
حتى ولو كنت تكن له مشاعر الحب ..
صحيح أن العشق يفرض على الإنسان أن يعيش بجوع ..
و يطلب من الاحساس كل الأوجاع .. أو ذرف الدموع ..
الحب ملجأ للعاشق لكن مع ذلك فهو درب الضياع ..
.. من الصعب أن تروض فرساً .. لكنك إذا كنت فارساً سترضخ لك الفرس ..
فأنت العاشق من الصعب أن تجذب قلباً .. ولكن إذا كنت حقاً صادق في حبك ..
.. سينجذب القلب إليك ..

تتحداني أطيـــــــــح في هـــــواك
قـــــــــول وش عنـــدك .. وجرب
همس المشــــــــاعر في حشــاك
وصوت موجــــــــات العشق سرب
مـــوج العشق تحدى رفعت سماك
تعدى صخرك وحطم سد مــــــأرب
حطم سدودك ورمـــــــاك .. ورماك
مــــا تعرف بشرق أنت .. ولا بمغرب
هذا مني ولاني داريه بخطـــاك ..؟
ما هنيــــــــت بمأكـــل ولا بمشرب
عفت كل لـــــــــذه غيـــــر شرواك
تحبنــــــــي ولو تقول لا .. ما أهرب
قلبــــــي رميته لك في الشبـــــاك
يا هــــــواي أغنـــــي لك ..وأطرب
لو تلف من هنا وهنا .. وهنــــــــاك
احلم اني أحبـــــــك وبالقلب أضرب
يمكن الحلم يصبح واقــــــــع رجاك
وأطيح طيحه في هــــــواك وأقرب
تتحداني أطيــــــح في هــواك .. ؟
قلت ويمكن في نصيــــب .. جرب
.
.
جسفت الورقة بابتسامة حلوة .. خليفة لي أنا ... أنــــــــا وبس ..
.
.
دشت امها وساعدتها ف تبديل ملابسها ..
وعقب ما خلصت ...

ام ميرة ودموعها ف عينها : ما وصيج يا بنتي .. اهم شي تسمعين رمسته وما تمشين شورج عليه ..
ميرة ابتسمت : ان شا الله يا امي ..
ام ميرة والدموع تطيح اربع اربع : ما يهون عليه افارقج ... (زختها وحضنتها)
ميرة وهي ف حضن امها وطايرة من الفرحة : مب انتي بغيتي هالشي يا امي ؟؟
ام ميرة وهي تمسح دموعها : كل بنية مردها لريلها ... وانا ما بغيت الا مصلحتج ..
ميرة تحبها ع خدها : والله ادري يا امي .. سامحيني ان جان رفعت ضغطج بحركاتي ..
ام ميرة : عوذ بالله ما صابني شي بسبتج .. دخيلج يا ميرة .. خليفة شيخ الرياييل .. صونيه ..
ميرة : ان شـــــا الله ..
خليفة دش بغرور : هي جفتي عادة تصونيني انا ذهب غالي ..
ميرة بدلع : يالله ..
ام ميرة : وانته بعد يا خليفة .. اهم شي ميرة .. مثل ما تصونك تصونها ..
خليفة يأشر بعيونه الثنتين : من عيوني يا عمتي .. ما طلبتي ...
ابتسمت ميرة .. وكلها شعور بالرااااااحة ..
ام ميرة : اترخص الحين عنكم ..
خليفة : ف حفظ الله ورعايته ..
.
.
دشت ميرة الحمام تمسح مكياجها .. وسار خليفة صوب التواليت يعدل عمره ..
انتبه للورقة المجسفة ..
تم يقراها حرف حرف ..
وابتسامته تزيــــــد كل شوي ..
ظهرت ميرة والتفت خليفة لها ..
ميرة بحيا : في شي ؟؟
خليفة : ما درينا انج شاعرة ..
ميرة بحيا واضح : مبتدئة ..
خليفة : لا والله انا اجوف الشعر متخلل فيج ..
ميرة : ههههههه .. جيه طرشي ..
خليفة : اونج عاد خخخخخخخخ ..
* ربي يديم الفرحة عليكم .. وأخيراً يا ميرة نلتي ما تمنيتي *
--------------
ام مها : كللللللللللللللللللللللوووووووووووووووشششش .. بالمبارك يا الغالية ..
مها : هههههههههه الله يبارج ف حياتج ..
ام مها : منصور درى ؟؟
مها : هيه خبرته .. مالت عليه سكر ف ويهي ..
ام مها : بذمتج ؟؟
مها :والله ..
ام مها : هههههههه شكله ما صدق يمكن ..
مها : ماعلينا من منصور يا امي الحين .. انا احاتي جاسم ..
ام مها : اشبلاه ؟؟
مها : حاسة اني بهمله ..
ام مها : عشانه مب ولد منصور ..
مها بصدمة : لا يا امي شو .. ولا يخصه .. .اقصد يعني الحمال والتعب .. وعقب يوم بربي .. مادري احس اني ما بروم اهتم فيه شرات اول ..
ام مها : افا بس يا مها .. انا وين سرت ؟؟
مها : فيج الخير يا امي .. بس اقصد يعني ..
ام مها تقاطعها : لا بس ولا شي .. الله بييسر لج كل شي لا تحاتين ..
قطع عليهم رمستهم دخلة منصور ببوكيه ورد عود ..
منصور وهو يتجه صوب مها .. مها نشت ..
منصور : ولا حركة .. قري مكانج .. مب تتحركين .. الياهل ما يتحمل ..
مها بحزن : هيه يا العيار .. مب جنك من شويه سكرت ف ويهي ..
منصور : آثف ..
مها : ها ؟؟؟
منصور : آآآآثف ..
ام مها : ويديه بلاك منصور ضرسك يعورك ؟؟
منصور : خخخخخخ .. لا يعني قلت خلني اتدلع قبل ما يشرف ولي العهد ..
مها بحيرة : منصور دخيلك ..
منصور يطالعها
مها : لا تنسى ان عندي جاسم بعد ..
منصور وجنه تذكر شي نساه : ما نسيت .. بس بعد تدرين ان اللي بيي ولدي انا ..
مها : ادري .. دخيلك يا منصور ..لا تغير معاملتك لجاسم بعد مااييب الياهل ..
منصور نزل راسه وبتوتر: ان شا الله ... (يحاول يتناسى رمستها ويبتسم) تفضلي يا أحلى زوجة هالبوكيه ..
مها ابتسمت : مشكور يا زوجي العزيز ..
---------
ام بطي : ها شما خلاص جهزتي الأغراض والا تحتايين تسيرين اليوم بعد ؟؟
شما متعايزة : مادري عمو .. بس احس خلاص اللي اشتريناه وايد ..
ام بطي : ماعليه .. خلها تعرف ان ولدي ما عليه قاصر وكل هالهدايا من فضله ..
شما بفضول : خالو انتي كنتي تحبينها ؟؟
ام بطي : اييييه .. ربي يشهد بمعزتها ف قلبي .. بس هي رفست النعمة .. بس ما قول غير الحمدلله انها رفستها ..
شما باستغراب : اشحقه ؟؟
ام بطي بابتسامة حلوة : لانها بهالخطوة خلتني أزوج ولدي شيخة البنات .. شماا ..

ام بطي : خلاص عيل بتصل حق اختي ام شيما وبجوفها ..
شما : عيل انا بسير فوق برمس امي وبرد ..
.
.
شما : هلا والله رشووود ..
راشد : شميم تأدبي اسمي راشد .. عنبوج ريال شكبري تدلعيني ؟؟
شما : ياللــــــه بالستر .. ياخي عرس عشان احسك كبرت صج ..
راشد : عندج عروس ؟؟
شما تفكر : ممممممم ... ( تذكرت) عوييييش ربيعتي ..
راشد : اي وحدة ..
شما : مسود الويه .. انته شدراك بربيعاتي ؟؟
راشد : ههههههههههههه .. انزين جد ترمسين ؟؟
شما : لا اتمصخر وياك اتصدق ؟؟
راشد : هههههههههه ..
شما : جانك تباها بنخطبها لك .. والله من أيام المدرسة وانا ملعوزتنها اني اباها تاخذك .. يالله يستوي هالشي .. يالله ..
راشد : خيييبة .. مسرع بعد خططتي ..
شما تنرفزت : رشود .. تباها ولا ما تباها ؟؟
راشد : خلاص خلاص توكلنا على الله ..
شما وهي تسمع دق الباب : خلاص توكلنا على الله .. اخبرك سلم على اميه .. وقولها اني بتصلها خلاف لاني بظهر الحينه ويا عموه ..
راشد : اوجيج ..
شما : فمان الله ..
راشد : مع السلامة ..
بعد ما سكرت . .
أم بطي : ها امي شميم رمستي امج ؟؟
شما : لا والله رمست اخويه .. خلاف برمسها ماعليه ..
ام بطي : خلاص عيل نشي تلبسي واكشخي .. بنسير عند اختي ام شيما ..
شما بخوف : عموه بطي ما يخليني اتكشخ ..
ام بطي : ويييه يا شما .. ما عليج امنه انتي سايرة بيت خالته ما بيقول شي .. نشي نشي ..
شما : البس عباتي اللي عليها شغل ولا السادة ؟؟
ام بطي : اللي عليها شغل أكيد .. وما عليج من بطي ..
شما استانست : ان شا الله ..
.
.
بعد ما خلصت شما لبسها .. تمت تحط المكياج ..
وف ذاك الوقت دش بطي ..
بطي : ماشا الله اشحقه هالكشخة كلها ؟؟
شما : ها .. لا تراني بسير بيت خالو ام شيما ..
بطي باستغراب : وهالسيرة كلها يبالها كل هالتعديل ؟؟
شما بدلع : يلا عاد بطوي لا تستوي جيه وايد .. لا تخاف محد بيجوفني ..
بطي : متأكدة ؟؟
شما : هيه .. تراك انته اللي بتوصلنا ...
بطي : وانا اروم ارفض .. ؟؟ دخيلج خبريني ارووم ؟؟
شما بحيا : تسلم والله يالغالي ..
بطي ابتسم لها : اشحقه حاطة هالطحين ف ويهج .. ؟؟
شما بغيظ : لا والله ؟؟
بطي : هههههههههههههههه .. اتمصخر اتمصخر .. قمرر وتخبلين ..
.
.
ف بيت ام شيما ..
ام شيما تتطالع شما بطرف عينها : حيا الله ام بطي .. اسفرت وانورت الغالية ..
ام بطي : الله يحييج ويبجيج الغالية ..
ام شيما تستهبل : هاي جنتج ؟؟
ام بطي تحط ايدها بحنان ع جتفها : هيه هاي شما فديت روحها ..
ام شيما : اجوفها ..
شما بفشيلة : شحالج خالو ..
ام شيما رافعة خشمها : زينة .. وانتي اشحال امج وباقي اهلج ؟؟
شما : كلهم بخير ما يشكون باس الحمدلله ..
ام بطي لاحظت نظرات ام شيما : ها وينها شيما .. يينا نجوف ولدها ..
ام شيما : يالسة تسبح الياهل .. يايتنكم الحينه ..
ونشت عنهم ..
ام بطي : حشى حد يسبح الياهل هالوقت ؟؟ انا اللي أذكره ان اليهال يسبحونهم اول ما ينشون ..
شما : هههههه .. يمكن هي جيه متعودة .. عادي عموه ..
ومع مرور الوقت ..
شيما يت وهي عيونها على شما .. تطالعها بحقد ..
شيما توايههم : اشحالج خالو وشو مسويه ..
ام بطي : والله الحمدلله بخير ..
شما تبا تبين نفسها عااادي : الحمدلله ع السلامة شيما ..
شيما بدون نفس : الله يسلمج ( تطالع ام بطي) مشكورة خالو ع الهدية .. الصراحة وايد غاوية .. ( بخبث) اكيد بطي خذها ..
شما انقهرت ..
ام بطي : لا والله ولا يخصه بطي .. شما هي اللي اتشرت كل شي ..
شيما احترقت وصخت ..
بعدها بشوي دق بطي الباب ..
ام بطي : دش اميه بطي .. مافي حد غريب .. اتغطي شيما ..
شيما اونها عادة تحجبت ..
بطي منزل راسه : السلام عليكم ..
الكل : وعليكم السلام والرحمة ..
شيما بلهفة : اشحالك بطي ان شا الله بخير ؟؟
بطي : الحمدلله .. مبروك ع الياهل ..
شيما : الله يبارج فيك ..
ام شيما : تعال اميه ايلس هني .. ( تأشر له ييلس جريب منها) .
بطي رفع راسه يدور شما : لا ما عليه بيلس عدال حرمتي ..
.
.
شما : هع هع .. موتي من الحرة يا النحسة ..
.
.
شيما بقهر : الا ما حملتي شما ؟؟
شما انحرجت من السؤال وما عرفت ترد ...
بطي : بعدنا معاريس يداد اشعلينا بالصدعة ..
ام شيما : اي صدعة وعوار راس .. شكلها شما مريضة يمكن ..
بطي غيظ : البنية ما فيها شي .. لو اننا نبا عيال جان يبنا .. حشى ..
سكتوا وصخوا ع الآخر ..
بطي يصاصرها : لا تزعلين حبيبتي .. يغارون لانج احلى منهم ..
شما ضحكت بوضوح : ههههههههههه .. لا عادي حبيبي ..
كل ها وشيما تتطالعهم وهي مقهورة ع الآخر ..
.
.
شما بثقة : أهم شي تأكدت ان بطي مب مهتم لها .. ويباني .. دواج يالحقودة ..
----------------
حمد : يالله بطير بطير بطيرررر من الفرررررررررحة !!..
سامية : هههههههههههه حاسب عن تطيح خخ ..
حمد : ههههههههههه .. يلا شو رايج نختار اسم الياهل ..
سامية : حشى من الحين .. عنبو بعدني ما كملت شهر ..
حمد : يلا عاد .. شو رايج ان يبنا ولد نسميه حميد ؟؟
سامية : اممم لا شو رايك ف عبيد ؟؟
حمد : لا حياتي انا اجوف اسم ناصر احلى ..
سامية : لاااا وليد احلى ..
حمد : اخبرج شو رايج نسميه يوسف ؟؟
سامية : لا خلنا نسميه فايز ..
حمد : ممممممم لالا .. نسميه مايد ..
سامية : اوووه عورت راسي .. خلاص بنسميه خليفة . .
حمد : محمد خلاص ..
سامية : خلاص شورك وهداية الله .. محمــــد ..
حمد : شو رايج نسميها اذا كانت بنت شوق ؟؟
سامية : لااااء رييم ..
حمد : لا عيل ناريمان ..
سامية : عليا احلى ..
حمد : رزان احلى ..
سامية : تتمصخر ويا ويهك ..
حمد بخبث : الأم اسمها سامية .. خل البنت تكون سوزان ..
سامية بغيظ : مالت عليك .. نسميها رميلة ..
حمد : لا .. حمده ..
سامية : شبلاك ما يعيبك ذوقي ف الأسامي ؟؟
حمد : هههههههههههههه مب حلو ..
سامية زعلت : مالت عليك ..
حمد : افا افا .. كله ولا زعل سموي ..
سامية : مالت عليك .. نسميها عليا ..
حمد : لا اقولج نسميها ميري ..
سامية : ميري ف عينك ..
* ولا زالت الضرابة مستمرة خخخ *
-------------
من جهة ثانية ..
جاسم : ههههههههههههههه نش خلنا نرقدنها ..
فيصل : متفيج والله يا خي ما اتوب .. عن تبلشك بها ..
جاسم : جيه كلهن شرات خويت محمد الجلب ..
فيصل : لا حووول .. هب جنك فضحتها .. يا خي عقب قولي امنو بترضى فيك ؟؟
جاسم : اصلاً امنو قص عليك وقالك اني ممكن أتزوج .. جيه جايفني خبلة احبس عمري حق حرمة .. ا؟؟ كلهن سوا ما منهن امان ..
فيصل : اللي يسمع يقول انت الامان كله .. اقول انطم مالت عليك ..
جاسم وهو يطالع البنت اللي يلست : انا ما عليه منك .. بروح اقردنها ..
نش عنه وسار يلس ع طاولة البنت اللي تمت تطالعه بدهشة ..
البنت : خير اشو تبا ؟؟
جاسم بحب : ابا نظرة من هالويه السموح يعلني ما انحرم منه ..
البنت بدهشة : ايه ابويه تراك مغلط ف الرقم .. هب انا اللي ارمس هالأشكال ..
جاسم بجرأة : اي شكل مربع ولا مثلث ؟؟
البنت : بلا سخافة ونش لان اخويه ياي الحين ..
جاسم : اخوج ولا ربيعتج .. اقول تراني اراقبج من دشيتي هني ..
البنت زاغت : خلصني شو تبا ؟؟
جاسم : اباج اتين عندي ..
البنت : انته ما تستحي ؟؟ عيب عليك استح ..
جاسم : بنظهر ويا بعض عادي ..
البنت وهي تبا تصرفه : اوكيه خلاص
جاسم : عيل نشي ..
البنت بنظرة حادة : ينيت ؟؟ باجر بييك ..
جاسم : وشو يضمني انج ما تجذبين ؟؟
البنت : الله يغربلك .. ( تظهر من شنطتها ورقة وقلم) هاك .. هذا رقمي ..
جاسم : صبري خلني اجرب ..
البنت بقهر : مصختها تراك ..
بعد ما جرب وتأكد ..
البنت : خلاص يلا روح الحين ..
جاسم : باجر اتصلج عشان نتلاقى ف الشقة ..
البنت : اي شقة واي خرابيط .. هنيه ف المول .. وبظهر وياك ..
جاسم : عز الطلب .. يلا .. جاو ..
البنت : هه .. باي ..
--------------
تررررن .. >> التلفون يرن خخ ..
عائشة : الوو ..
شما : الو السلام عليكم ..
عائشة : وعليكم السلام والرحمة ..
شما : عويش ؟؟
عائشة : هي نعم .. امنو ..
شما : انا الشيخة شما خخ.. اشحالج الغلا ؟؟
عائشة : هلاااا شميم .. والله الحمدلله بخير .. انتي شحالج ؟؟
شما : الحمدلله ما اشكي باس .. بس مقهورة شوي ..
عائشة : خيييير ان شا الله ؟
شما : ههههه لا عادي كنت مقهورة شوي من بنت خالة بطي ريلي بس هو أدبها ..
عائشة : عاااش الريال .. خخ ..
شما : ههههههههههه هي والله .. كنت بموت من القهر لو انه ساكت ..
عائشة : هههههههههههه ..
شما : ها عويش شخبار الدراسة وياج ؟؟
عائشة : والله تمااااام .. عاد تدرين افكر اودر ..
شما : ليييش حرام انتي تبين تدشين طب ..
عائشة : لا انتي ولا مهو ولا سارو ولا سموي ولا ميرو ولا حتى حلوم كملتن ..
شما : خايسة .. انا وقفت هالسنة بس .. و سارو بعد .. وحلوم تشتغل .. اللهم مهو وسموي ما كملن .. وميرو ع الـ Waiting List ... بس ..
عائشة : هههههههههه اتمصخر والله ..
شما : هههه .. اخبرج عويش محد خطبج مني ولا مناك .. ؟؟
عائشة باستغراب : لا والله .. اشحقه ؟؟
شما : مادري انتي ادرى ..
عائشة : شميم بلا الغاز ورمسي ..
شما : هههههههههه فديتج والله يالعيوز .. لا بس حصلتلج ريل ..
عائشة : حشى ريل مرة وحدة .. خله يخطب عقب ..
شما : هههههههههههههههههههههههههههه .. خلاص حصلتلج خاطب ..
عائشة : انزين منووو ؟؟
شما : واحد غالي ع قلبي ..
عائشة : ريلج ؟؟
شما : اتخسين وتهبين .. تونا معرسين وازوجج اياه ؟؟
عائشة : هههههههههههههه اذا ريلج موافقة على طول خخخ ..
شما : ماعليه يا عويش .. بدال ما توقفين ف صفي وتمطين شعر اللي بتاخذ ريلي عني ؟
عائشة : هههههههههه لا حوول بعد زوجتيه .. خلاص انزين اسحبها ..
شما : هيه جي حرمة .. انزين خبريني .. شرايج ف اخويه راشد ..
عائشة انحرجت : وانا شدراني براشد اخوج .. كان ويايه ف الصف وانا مادري ؟؟
شما : هههههههههه فديييييت اللي يستحووون والله فديت روحهم ..
عائشة : عن الحركات لا استحيت ولا شي ..
شما : هههههههه خلاص بليا مقدمات .. تراني ابا اخطبج لاخويه راشد .. تراه يباج ..
عائشة : حشى ثره متى جافني عشان يخطبني بعد .؟؟
شما : بدون ما يجوفج .. كفاية انج من اختياري ..
عائشة : شميم السالفة هب هينة مولية ..
شما : ادري يالغالية عسب جيه اباج تفكرين عدل قبل ما توافقين ولا ترفضين ..
عائشة بتردد : شميم ..
شما : هلا .
عائشة : اذا رفضت بتزعلين ..؟؟
شما : لا ان شا الله بتوافقين شبلاج ..
عائشة : لا اقول إذا ..
شما : كل شي قسمة ونصيب عويش .. ومافي شي بيخرب صداقتنا مع بعض ..
عائشة : الحين طمنتيني .. عشان افكر بعقلي ..
شما : خلاص الغالية .. انا اتريى ردج .. مب تنسين ..
عائشة : خلاص ان شا الله ..
شما : يلا مع السلامة ..
عائشة : مع السلامة ..
--------------------
منصور : يلا يا مها ما صارت تأخرنا .
مها : اصبرر بعدني ما دخلت الشنطة ف العربانة .
منصور : ييبيها خلني ادز البطل جسووم ..
مها تبتسم : هاك .. شوي شوي عاد .. وعن الدفاشة ..
منصور : انتي قد هالكلمة ..
مها : لا اكبرر عنها ..
منصور : هيهيهيهيهيييي ..
مها : فديتني والله ..
منصور : اقول يلا خلنا ندش .. من نص ساعة ونحن هني ف الباركات ..
مها : انزين مب مشكلة .. ( بخوف) تصدق منصور حاسة بشي مب طبيعي ..
منصور وهي يزخ العربانة ويمشي : مثل شو يعني ؟؟
مها : مادري .. اقول خلنا نرد البيت ..
منصور وهو بعيد عنها شوي : مها حبيبتي يلا تحركي وعن الوساوس .. ما بيستوي الا اللي الله مقدرنه ..
يت مها بتمشي .. وشوي الا تلتفت تجوف سيارة مسررررعة بطريقة جنونية .. ردت شويه ورا ويلست تصرخ : منصوووووووووووووووووووووووووورر ..
منصور ما عرف شو يسوي والعربانة جدامه والسياره خلاص بتقترب منه ..
دز العربانه ع جدام وصدمته السيارة بقوة ..
من قوة الارتطام ارتفع منصور عن الارض شويه وطاح ..
وسط كل هذا ومها تصارخ بانهيار : لاااااااااااااااااااااااااااااا منصوووووووووووووووور ولديييييييييييييييييييييييي ...
.
.
---------------------
تـــــرقبــــوا الجــــــزء الأخـــــــير .. بإذن الله ..