كاتب الموضوع :
أمـيـرة الـحـلا
المنتدى :
الارشيف
آلــبــآرت آلــتــآسع وآلــعــشــرون ..
الشفق .. جرح السماء .. بإيد الغروب
والسحب .. منديل .. طيـره الهـوى
والشجر .. حارس على كل الـدروب
ماسمح للريـح .. والنسمـة سـوى
والذنـوب .. اللـي نسميهـا ذنـوب
ضحكة الساقـي .. علـى ورد ٍ ذوى
وأنت .. شمعة .. عاهدتني ماتـذوب
لين ما آحس العمـر كنـه .. نـوى
إلمس بيدك على صدري .. بـ..صوب
حس .. في صوت الفـؤاد اللـي دوى
ليت لي كلمـة علـى كـل القلـوب
كـان ماخليـت قـلـب ٍ مـاهـوى
وليت لي قدرة علـى نفسـي وأتـوب
كان ماقلبـي .. علـى بعـدك قـوى
كل مافي الكون .. خاشـره الهبـوب
غير صدر ٍ ضـم حبـك .. وإنـزوى
كنت اخاف .. إليا طرى ذيب الهـروب
يفلـت بفكـري .. وإلا أبعـد عـوى
ويزعج النايم علـى رجـل العيـوب
وأمسكـك .. وآحـس ثالثنـا غـوى
وأتركك .. وإبليس في وجهه شحـوب
لأنك أطهر .. من بالإخـلاق إرتـوى
قلت لك ... سبحـان عـلام الغيـوب
كل هذا الكون .. شفتـه بـك ضـوى
الشفق خـدك .. وسجداتـك غـروب
والسحاب جـلال .. بالليـل إنطـوى
\
/
\
قبلهـآ بـ وقت ..
الخـبر ..
حي الحـزآم الذهـبي ..
بيـت سعـود ..
الليل .. مانامت عيونه .. ولا .. نمت
واحس به .. حس .. بتناهيد .. صدري !!
فيني .. خضار .. الهم والضيق والصمت
وايام عمري .. اوووووف .. ياايام عمري
دخـلت هي و عـزآم ورآمـآ البيت وسعـود قـآبل وآحد من جيرآنهم برى ووقف يسولف معـآهـ لأن الرجـآل كـآن يعتذر إنه مـآحضر الزوآج لـ ظروفـه ..
وهـي طـلعت مع عيـآلهـآ بـ الأصنصير قالت لـ الخـآدمـه تروح تنـآم بعد مـآتجهـز بيجـآمـآت الصغـآر وتسوي لهم عشـآء خفيف لأنهم مـآتعشـوآ ..
و رآحت غرفتهـآ فصخت عبـآيتهـآ ورجعـت لـ عيـآلهـآ اللي كـآنوآ ميتين تعـب وجـوع ..
غيّـرت لهم مـلآبسهم لأنهـآ مـآتخلّي الخـآدمـه تغير لهم أو تسوي لهم أي شئ غير ترتيب غرفتهم او غسيل ملابسهم وترتيبهـآ ..
وقالت وهي تمسّد ظهـرهـآ بـ تعـب : يللا حبـآيبي إنزلوآ تحت عند أروآتي عشـآن تجهّـز لكم العشـآء وأنـآ بـ أنزل لكم ألحين ..
نزلوآ عـزآم و رآمـآ اللي كـآنت تتخبّط من النوم ..
ورآحـوا الصـآله وهم يطـآلعـون أفلأم كرتون على بال مـآخلّصت الخـآدمـه العشـآء وجـآبته لهم ورجعـت تنظف المطبخ وتروح تنـآم ..
دقائق ودخـل سعـود عندهم وأول مـآشـآفهم إبتسم لهم وهـو يسألهم : وين مـآمـآ ..؟؟
قالت رآمـآ وهي تشرب عصير : فوود(ق) بـ الغرفه ..
طـلع وهـو يخطي الدرج بـ ثنتين ورآفع طرف ثوبـه ..
وصل لـ غرفته وأول مـآدخـل شـآف سمـر جـآلسه ع الكرسي مقابل التسريحـه ومـآكـآنت منتبهـه له ..
إبتسم على شكلهـآ وهي تفصخ حـلقهـآ وتدندن بـأغنيه هـآدئه ..
قال وهـو متكّـي جنبه ع البـآب ومكتّف يدينه لـ صدرهـ : أشـوف الحـلو اليوم رآيق .. ومزآجـه عـآل العـآل ..
إلتفتت سمـر عليه وهي توهـآ تنتبه لـ وجودهـ وإبتسمت وهي تقول : أنـآ الحمدلله دووم رآيقـه .. بس الألم اللي بـ ظهري هـو اللي ينغّـص علي ويخـرّب مزآجي ..
إبتسم لهـآ سعـود أكثر وقرب منهـآ وهـو يوقف ورآهـآ ويحط إيدينه على كتوفهـآ ويقول : إنتي أهم شئ لا تتحركين بـ شكل مبـآلغ فيه ولا تجهدين نفسك .. وسمعتي الدكتورهـ تقول كلهـآ فترهـ بسيطـه وتعدّي إن شاء الله .. (وتذكّـر وقال بـ تحقيق) بس أهم شئ اليوم رقصتي ولا لا ..؟؟!
خـآفت سمـر منه ومن زعـله لأنه حـآلف عليهـآ مـآترقص وهي رقصت اليوم وكثير بعـد وهمست وهي تضيّع نظرآتهـآ بـ المكيـآج اللي قدآمهـآ : لا لا لا مـآرقصت ولا شئ ..
قال سعـود بـ تأكيد ونظرآته حـآزمـه : أكيييييد ...؟؟
قالت سمـر بـ توتر وآضح : أكيدين بعـد ..(ووقفت وهي تغير الموضوع وتستعـرض قدآمـه) إلا وش رأيك حبيبي بـ مكيـآجي حـلو ؟؟
طـآلع سعـود بـ شكلهـآ و قـآل بـ إبتسـآمه : إمممممم تعرفين إني أكـرهـ كثرة المكيـآج (وبنظـرهـ خـآصه) بس أكيد حـلو عليك ..
قالت سمـر وهي مبوزهـ بـ زعـل : هذا اللي ربي قدّرك عليه ..؟؟ عمومـآ يللا خلني أغير ملابسي عشـآن أنزل أتعشـآ مع الصغـآر لأني ميته جوع ومـآتعشيت ..
رمـى سعـود شمـآغه على السرير وتوجـه لـ غرفة الملابس يفصخ ثوبه وهـو يقول : طيب وأنـآ بعـد جوعـآن مـآتعشيت .. سوي لي عشـآء ..
قالت سمـر بـ كسل ونرفزهـ وهي تدخل غرفة الملابس : يوووووهـ يـآربي .. جوعـآنه وتعبـآنه ومـآفيني حيل أسوي شئ ..
قال سعـود وهـو يبعثر شعـرهـآ : طيب خلاص رآح أطلب عشـآء (وقرص طرف أنفهـآ مثل الأطفال وهو يكمل بـضحكه) بس فكينـآ من دموعك اللي بتنزل الحين ..
قالت سمـر بـ قهر وهي تضرب الأرض بـ رجلهـآ ودموعهـآ متجمعـه بـ عينهـآ جد : ومين قالك بـ أبكي .؟؟
ضحك سعـود لمـآ شـآف شكلهـآ وباس أجفانهـآ وقال : والله عيونك تقوله ..
وطـلع من عندهـآ وهي تفصخ فستـآنهـآ بـ قهـر وتلبس بيجـآمتهـآ ودموعهـآ تنزل ..
وهـذا حـآلهـآ من حمَـلت أي شئ ولو أتفـه من التـآفه يبكيّهـآ أو ع الأقل لازم تذرف دموعهـآ لو شئ بسيط ..
أمـآ هـو بس نزل وشـآف عيـآله بـآقي جـآلسين يـآكلون وهم يالله يفتحـون عيونهم من النوم والتعب بس الجوع عـآمل عمـآيله ..
ضحك على أشكـآلهم وجلس بينهم وهـو يقول : إذا شبعـتوآ يـآبابا قوموآ غسّـلوآ أسنـآنكم ونـآموآ ..
قالت رآمـآ بـ تعب وهي تنسدح على فخـذ أبوهـآ : أنـآ بـ أنـآم هنـآ وإنت بعدين ودّني غرفتي زين بـآبـآ ..؟؟!
مسح سعـود على رآسهـآ بـ حنـآن وقال بـ إبتسـآمه : أوكي حبيبتي ..
وشـآف عـزآم وهـو مصحصح على فيلم طرزآن ع الـ mbc3 ومندمج معـآهـ بعد مـآكـآن ميت نوم ..
أخذ جوآله بـ يتصل ع المطعم يطلب عشـآء بس وقّفـه صوت رآمـآ وهي تهمس بـ نعـآس متسائل : بابا .. النونو حدّ مـآمـآ بيموت ..؟؟
وقفت يد سعـود على جوآله وهـو يقول بـ تسـآؤل وعـآقد حوآجبه : لا إن شاء الله ماراح يموت .. بس مين قالك هـ الكلام يابابا ..؟؟
جلست رآمـآ بـ حزن وعيونهـآ تتقفل من النوم وهي تقول : حـآله سديم تدول لـ مـآمـآ اليوم إنتي تبغين تموتين النونو بـ ردصك(رقصك) ..؟؟!
قال سعـود بـ تساؤل أكبر : يعني مـآمـآ اليوم رقصت ؟؟
قالت رآمـآ بسرعه :إيه إيه ماما ردصت كسييييييير .. حتى حـآله سديم و ماما لمـى ومـرآم .. وكـلللللللللل البنـآت ردصوآ ..
حسّ دمـه يفـور ويطـبخ بـ عروقه ..
تستهبل عليه ولا تستهين فيه ..؟؟!
هـو حـآلف عليهـآ مـآترقص ولا تجهـد نفسهـآ بسبب التعب اللي صـآير لهـآ بـهـآلحمـل ..
يعني هـو حـآنّ عليهـآ وخـآيف عليهـآ وع الجنين ..
مـآقـآل كذا بـ تحكّم وعنجهـيه وبس ..
تروح تكسـر حـِلفه ..
وتعصي أمـرهـ ..
وتستهين بـ صحتهـآ ..
وصحـة جنينهـآ ..؟؟!
رمـى جوآله جنبه وهـو يستغـر ربـه ويتعـوذ من إبليس ..
سمع صوتهـآ تقوله بـ ضيق من ألم ظهـرهـآ ورجلينهـآ وهي تجلس قدآمـه : هـآهـ سَعـدي طلبت العشـآء ..؟؟!
قـآم سعـود وشـآل رآمـآ بين إيدينه بعد مـآنـآمت وقال بـ صوت جدّي مخيف وعيونه مـآشـآفتهـآ : قومي إنتي سوّيـه .. أنـآ بـ أطلّع رآمـآ وأبغآ أنزل وألآقيه جـآهـز قدآمي .. (وإلتفت على عـزآم وبـ نفس النبرهـ ) يللا عـزام قدآمي على غرفتك عشـآن تنـآم ..
ومشـى وسمـر تقول بـ عدم إهتمـآم وهي تسحب جوآله : أنـآ مـآفيني حيل أسوي شئ بـ أتصل ع المطعم وأطلب ..
إلتفت سعـود عليهآ بـ حدّهـ أرعبتهـآ وهـو يقول بـ صوت شبه عـآلي : نزلي الجوآل .. (وبـ حدّهـ أكبر) و قومي وسوّي العشـآء بـ نفسك وبدون حـرف زآيد .. فـآهمتني ..؟؟!
جمدت مكـآنهـآ بـ خوف وصدمـه من عصبيته ..
وهـو طـلع الدرج بـ خطوآت سريعـه وبنته منسدحـه على كتفه وعزآم يمشي قدآمـه ..
ظلّت بـ صدمتهـآ وهي مستغـربه عصبيته المفـآجئه ..
ليش عصّب عليهـآ فجـأهـ وبدون سبب ..؟؟
يوووووهـ القهـر إنه جـآبرهـآ هي تسوي العشـآء وعـآرفـه زين إنهـآ إذا عصته ممكـن تسبب لـ نفسهـآ مشكـله كبيرهـ ..
بس هي مـآفيهـآ حيل وتعبـآنه بـ المـرهـ ..
يـآربي وش هـ الحـآله اللي هي فيهـآ لو نـآمت كـآن أحسن لهـآ ..
إنتبهت لـ صوت خطوآته السريعـه ع الدرج وأول مآ إلتفتت عليه حسّت إن بطنهـآ مغصهـآ من منظـرهـ العصبي ومنظر عيونه المخيف ..
مـآلقت قدآمهـآ إلا الإستعطـآف ..
قـآمت لـه بسرعه وهي تقول بـ توتر : وش فيك سعّـودي والله إني تعبـآنه مـرهـ ومـآفيني حيل أسوي شئ .. (وبدلع ) تكفى إطلب لنـآ عشـآء والله إني ميته جووووووع ..
مـآحسّت إلا وسعـود قدآمهـآ ومـآسك ذرآعهـآ ويهـزّهـآ وعيونه تشتعـل نـآر ويقول بـ صوت عـآلي : ألحين تعبـآنه ومـآفيك حيل .. وبـ الزوآج ترقصين وتردحين ولا همّك نفسك ولا اللي بـ بطنك .. والمصيبه مـآهمّك زوجك اللي خـآيف عليك وعلى ولدك وحـآلف عليك مـآتطبّين المنصّـه ترقصين .. ومع هـذا عـآندتيني وكسرتي حِـلفي يـآسمـر (وصرخ أكثر) تكسرين حِلفي وتأثّميني وفوق هـذا تكذبين علي وتقولين مـآرقصتي وإنتي شايله الصـآله على رآسك من كثر الرقص..؟؟!
طـلعت عيونهـآ من الصدمـه ..
شلون عـرف وهي مـآقـآلتله ..؟؟
مـآعرفت بـ إيش ترد ..؟؟
ولا شلـون تبرر ..؟؟
مـآلقت إلا دموعهـآ اللي تنزل كـ جوآب لـه ..
دمـوع خـوف ..
وألم ..
ونـدم إنهـآ كسرت كلمتـه ..
وهـو بس شـآفهـآ بـ هـآلمنظـر فكّ يدهـآ وقال وهـو ضـآم سبـآبته علامـة التوعّـد : والله يـآسمـر .. واللي خلق سبع وبسط سبع .. لو صـآر لـ هالجنين شئ بـ سببك إنتي لـ تشوفين شئ مـآعمرك شفتيه ..(وشدد على كلامـه) و لو بسسسس أحس يـآسمـر إنك بـ يوم عـآندتيني بـ شئ مـآتلومين إلا نفسك .. (وصرخ بـ قهـر) سمعتيني ..؟؟
مـآتكلمت ولا فتحت فمهـآ بـ حرف ودموعهـآ تزدآد أكثر وأكثر ,,
كـآنت مصدومـه وخـآيفه منه لأبعد شكل ..
لكـن صدمتهـآ زآدت لمـآ صدّ عنهـآ وطـلع متوجـه لـ غرفته وتركهـآ تبكي بـ حسـرهـ ..
وألمـ ..
ونـدمـ ..
\
/
\
السـآعه 3 الفـجـر ..
الـدمـآم ..
حي الفيصليه ..
لاذكرتك .. صاح جرحي .. للسنين
يمكن .. الدنيا .. تجي وترجْعك
تذكرين شلون .. كنت أكبر حزين
يوم رحتي .. والدموع .. تودْعك
في غيابك .. صوتك وصوت الانين
اسمعه .. وابكي عشانك .. وأسمعك
دخـلت غـرفتهـآ بـ تعب ..
دخـلت تسحـب نفسهـآ سحـب ..
وكـأنهـآ تجـبر روحهـآ على مـوآجهـة الوآقـع ..
وقفت بـ نص الغـرفـه وعبـآتهـآ مرميـه ع السرير وهي مـآزآلت بـ فستـآنهـآ ..
صـآرت وحيدهـ ..
صـآرت نصف ونصفهـآ الثـآني ضـآيع ..
صـآرت كـل يوم بـ تصحـى من حـآلهـآ ,,
وتنـآم لـ حـآلهـآ ..
مـآآحـد يزعجهـآ بـ صوت الإستشـوآر ..
أو نـور الغـرفـه ..
مـآآحد بـ يضـآيقهـآ بـ كثرة المكـآلمـآت آخـر الليل ..
مـآآحـد بـ يصحيهـآ كـل يوم مفـزوعـه عشـآن صـلآة الفجـر ..
مـآآحـد رآح يقـولهـآ كـل يوم قبل مـآتنـآم ( تصبحين على خير ) ..
وتـرجـع ترد ( وإنتي من أهـل الخير ) ..
وإذا مـآجـآهـآ النـوم رجعـت تـسأل بـ إستهبـآل ( سـآرهـ نمتي ؟؟) ..
مـآأحـد بـ يرد عليهـآ ويقول ( إيه نمت .. بس نـآمي وإنكتمي ) ..
مآآحـد ..
ومـآآحـد ..
ومـآآحـــــد ..
لأنــه بـ إختصـآر ..
بـ غرفتهـآ مـآصـآر يشـآركهـآ أحـد ..
غـرغـرت عيونهـآ اللي مـآتوقفت دموعهـآ اليوم إلا قـدآم النـآس ..
ورجعـت تـرسم خـطوط على خدينهـآ الغضيّـه ..
عـلآ صوت بكـآءهـآ وهي ترمي نفـسهـآ على سرير سـآرهـ ..
وضمت بيجـآمة سـآرهـ اللي كـآنت لابستهـآ اليوم الصبـآح ..
صـآرت تشم فيهـآ ريحتهـآ الحـلوهـ ..
بـ تفقـد هـ الريحـه وبـ تفقـد صـآحبتهـآ ..
بـ تفقـد هبـآلهم سوآ ..
بـ تفقـد تأنيب سـآرهـ لهـآ إذا غلطت بـ شئ ..
بـ تفقـد منـآقرتهم اليوميه واللي مهمـآ طـآلت إلا إنهم بعـد ثوآني ينسـونهـآ ويرجعـوآ يتكلمـون ولا كأن شئ صـآر ..
بـ تفقـد هوآشهـم على أتفـه شئ ..
بـ تفقـد حيـآتهم سوآ ..
بـ تفقـد كـل شئ ..
بـ تفقـد سـآرهـ ..
ظلّت تبكـي وتبكي وتبكي إلين هـدّهـآ البكـآء والتعـب ..
ونـآمت وهي ضـآمـه بيجـآمـة سـآرهـ ..
ونـآيمـه على سرير سـآرهـ ..
وبـ بـآلهـآ بس سـآرهـ ..
\
/
\
الـيوم الثـآني ..
يوم الجمعـه ..
السـآعه 1 الظهـر ..
الخـبر ..
قومي عطي للصبح طعمـك ولونـك
وصحيه .. باقي غارقٍ فـي منامـه!
وابتسمي لـ/ من ودهـم يشبهونـك
وابتسمي لقلبـي وصحـوة هيامـه!
بالله مـن دون ابتسامـة عيـونـك
كيف اقدر ارسم فـ/ الشفاه ابتسامة؟!
صحـت من النـوم وهـي مو عـآرفه هي وين ولا كم السـآعه ..؟؟
نقلت نظرآتهـآ النعـسـآنه بـ الغـرفه ..
شـآفتهـآ مظلمـه بس غريبه عليهـآ ..
وبعد ثوآني وهي تدقق فيهـآ تذكـرت هي وين ..
إلتفتت بسرعه ولا إرآدي لـ الجهـه الثانيه من السرير ومـآشـآفت أحد ..
إستغـربت وقالت بـ بـآلهـآ : وين رآح ..؟؟
و بعدهـا إلتفتت ع السـآعه اللي ع الكومدينه جنبهـآ وشـآفت الـوقت وفزّت من السرير وتـوجهـت بـسرعه للحمـآم ..
دخـلت و غسلت وجهـهـآ وأسنـآنهـآ و توضت وطلعت تصلي بعد مـآقفلت غرفـة النوم عليهـآ عشـآن مـآيجي من الصـلآهـ ويشوفهـآ لـسى بـ قميص النوم ..
خلصت صلاتهـآ وقـآمت لبست فستـآن قصير لـ فوق الركبـه بـ لون برتقـآلي على شكـل دآنتيل ومن تحت بطـآنته بيج والرقبه هـآي نك والأكمـآم كت ومخـصر ع كـل الجـسم بشكـل يجنن ..
تكحـلت وحطّت روج وبلاشر برتقـآلي ..
وفكّت شعـرهـآ الحيوي بعد مـآزينته بـ وردهـ طبيعيه بـ نفس لون الفسـتآن من البـآقه اللي موجودهـ ع التسريحـه وكـآنت هديه من الفندق ..
وآخـر شئ لبست كعب نـآعم ووآطي بـ نفس اللون مع طقّـة البـآب بـ هدوء وصلهـآ بعدهـ صوته المبحـوح وهـو يقول : فـآتن ..
حسّـت إنه بطنهـآ مغصهـآ وقلبهـآ هـوى بـ الأرض من صوته بس شلون لو شـآفته..
وهـو رجـع ينـآديهـآ بـ نفس الصوت : فـآتن ..
ردّت بـ همس يالله إنسمع من التوتر والخجل : نـعـم ..
إبتسم من ورآء البـآب وهـو يقول : نعم الله عليك يللا تعـآلي الغـدآء أقصد الفطـور جـآهـز ..
ردّت بـ نفس النبرهـ : حـآضر ..
ظلّت مرتبكـه مكـآنهـآ وهي تحرك يدينهـآ بـ طريقه عشـوآئيه دليل التوتر ..
آخـر شئ تذكـرت إنهـآ مـآتعطّـرت ..
أخذت عطرهـآ ( ألين) وتعطرت وسمّـت بـ الله وطلعت له وقلبهـآ يعلن عن سبـآق للخيل بـ صدرهـآ ..
أول مـآوصلت الصـآله شـآفته وآقف يغيّـر قنوآت التلفزيون وجنبه طـآولة الفطـور ..
وقفت وهي مـآتدري وش تسوي من الخجل ..
لكـن هـو إنتبه لـ ريحـة عطـرهـآ وإلتفت عليهـآ ..
وأول مـآشـآفهـآ إبتسم وقال : هـلآ وغـلآ .. حيـآ الله عـروستنـآ ..
همست بـ خجل وخدودهـآ تتـورد : هـلآ فيك..
قال وهـو يتوجـه لهـآ ويمسك كفهـآ ويمشيهـآ معـآهـ لـ الطـآوله : يالله يـآقلبي إجلسي خلينـآ نفطـر ..(وبإبتسـآمه) مع إنه وقت غـدآء بس يللا هـ المـرهـ نحـوس شوي بـ العـآدآت ..
إبتسمت بـ خجل وهي سـآكته وتشوفه يتوجـه قدآمهـآ ويجلس بعد مـآجلّسهـآ ..
قال وهـو يمدّ لهـآ قطعـة خبز : أقول حبي ترى عمي كلّمني وقال لانتأخـر ع العشـآء .. يعني قبل صـلآة المغـرب لازم نكـون عندهم ..
رفعت رآسهـآ وهي ترد بـ خجل : إن شاء الله (وبتردد وخجل اكبر) إممممم بس أنـآ أبغـآ أروح لـ المشغـل ..
قـآل وهـو مبتسم على إحـرآجهـآ : يـآكثر شغلكم يـ البنـآت من الحين مشـآغـل وحوسـه .. (ولمـآ شـآف معـآلم وجهـهـآ اللي تنذر بـ البكـآء من الإحرآج ضحك من قلبه وهـو يقول ) لا لا لا تكفين لاتبكين والله أمـزح ومن عيوني بـ أوصلك بس إجهـزي بعد صلاة العصـر و أوصلك إن شاء الله ..
وهي لمـآ تطمّنت إنه رآح يوصلهـآ بدأت تهـدى شوي ..
وبـ أسلوبه هـو وتصرفه بـ طبيعيه معـآهـآ خـلآّهـآ تتخـلّـى شوي شوي عن خجلهـآ الزآيد ..
وإبتدأت ترد عليه بـ أشيـآء بسيطـه وتتفـآعـل معـآهـ شوي ..
وهـو فـرح بـ هـآلتطـور لأنه كـآن قلقـآن من خجلهـآ وتوترهـآ الزآيد منه ..
وخصوصـآ إنهم متعـودين على بعض من قبل ليش ألحين حـآلتهـآ كذا ..؟؟
بس لمـآ إبتدأت تسولف شوي تطمّن ..
وقضّـوآ وقتهم سوآلف حـلوهـ ورآيقـه ..
خلّـصوآ فطـورهم اللي مـآذآقت فـآتن منه غير كم لقـمه وبـ إجبـآر عـزآم لهـآ وطلّعـه عـزآم لـ العـآمل اللي أخـذهـ ..
ولمـآ رجـع عـزآم شـآف فـآتن جـآلسه تقلّب بـ التلفزيون ..
إبتسم لهـآ وجلس جنبهـآ وهـو يقول بـ ضحكـه : هـآهـ جـآء المسلسل اللي تنتظرينه أمس ..؟؟
إنحـرجت كثير لأنه كشف تبريرهـآ السخيف وقالت بـ زعل وهي ترمي الريموت عليه وتقول : دب .. مـآعـآد أبغـآ أشوف شئ إذا بـ تتطنز علي ..
ضحك عليهـآ وأخذ الريموت وقال بـ إبتسـآمه حـلوهـ وهـو يأشر ع الريموت : هـ الحركـه يـآقلبي مـآتنعـآد (وكأنه يكلم طفله كمل ) أوكي يابابا..؟؟
بـوّزت فاتن بـ زعـل ودلع أكثر وهي تكتّف يدينهـآ على صدرهـآ مثل الأطفـآل بـ حركـه عفويه كـآنت سبب لـ ضحكـة عـزآم عليهـآ وعلى شكلهـآ وهـو يقرب منهـآ ويحضنهـآ من أكتـآفهـآ ويقول : يالبى الزعلانين بس ..
سكتت وهي مطنشته وعلى نفس وضعيتهـآ ..
وهـو مـآزآل مبتسم وسـآكت لأنه مـآكـآن يبغـآهـآ تتمـآدى معـآهـ أكثر من جهـة إنهـآ ترمي عليه شئ حتى لـو كـآن بـ مزح ..
وبعد ثوآني دقّ جوآل فـآتن وقـآمت وهي تتجـه لـ غرفة النوم وترد عليه وكـآنت سـآرهـ تأكد عليهـآ موعد روحتهـم لـ المشغـل ..
وهـو ظلّ يقلب بـ القنوآت شوي لـحد مـآوصل لـ قنـآة ( بيوت مطمئنه ) وكـآن فيهـآ دآعيه يتكلّم عن العين والحسـد والسحـر ..
ويحكي قصـة شخص محسـود ومن بين كـلآمـه صـآر يشرح حـآلة بعض المحسودين وكيفية التعآمل معـآهم بـ الأدعيه والآيـآت اللي تقرأ عليهم ..
وكـآن عـزآم يتـآبع وهـو مندمج ويتكّي بيدينه على ركبتيه بـ إهتمـآم ويسمع لـه بـ إنصـآت ومو حـآسّ إنه صـآر له نص سـآعه يـتآبعه ..
وبـ لحظـه صـآر يردد الشيخ آيـآت إستدلّ فيهـآ على كيفية معـرفة انه هـذا الشخص محسـود ..
بـ قولـه تعـآلى : ((أَمْ يَحْسُدُونَ النَّاسَ عَلَى مَا آتَاهُمُ اللّهُ مِن فَضْلِهِ فَقَدْ آتَيْنَآ آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُم مُّلْكًا عَظِيمًا )) ..
ومـآوعـى عـزآم من إندمـآجـه إلا على صوتهـآ تصرخ من ورآهـ : لآآآآآآآآآآآآآآآآآآآآآآآآآآآآآآآآآآآآآآآ ..
\
/
\
|
29-10-09, 11:44 AM
جديد مواضيع قسم الارشيف
العرض العادي
