الـبـآرت الثـآلث ..
\
/
\
إن جـيت تشكي قالوآ :
آسكت بس , اللـه يصلــحـكـ ..
آلـجـرح جــرحــكـ .. والــبـلآ بلــوآكــ ..
والأمــر إنـحـسـمـ ..~
وً آلـصـبر لـو مـآكل جـنـبٍ في منـآمكـ / ريَّـحـكـ ,,
آلـبـآل مـآهـيـب رآحـتـه من رآحـة " أعـضـآء آلـجـسـمـ " ,,
\
/
\
الخبر – حي الحزآم الذهبي ..
صحت من النوم على صوت طق ع الباب .. فتحت عيونهـآ بصعـوبه وفتحت الأبجـورهـ لأن ستاير غرفتهـآ مسكرهـ مو مبين نهـآر وإلا ليل .. وإلتفتت ع السـآعه اللي ع الكومدينه شـآفتهـآ 2 الظهـر .. إستغربت من نفسهـآ نـآمت كل هـآلنوم ..
قامت تفتح الباب بكسل وخمـوول .. لقت ألخدآمـه ليليس وآقفه قدآمهـآ قالت بصوت كله نوم : يس ليليس ..؟؟!!
قالت ليليس بإبتسـآمه : قود مورنينق ميس فاتن .. مستر فـهـد وونت يو نـآو ..
( صباح الخير آنسه فاتن .. السيد فـهـد يبيك ألحين ) ..
إستغربت فاتن وقالت : أوك .. سي هيم 10 منت .. ( طيب .. قولي له 10 دقائق ) ..
وسكرت الباب ودخلت الحمـآم ( وإنتو بكرآمه ) واللي كـآن بلون البيج والبرتقالي وفيه فرشه وحركـآت بالأحمـر .. كـآن أنثوووي لأبعد حد ,,
أول مـآدخلت شافت نفسهـآ بالمرآيه وهي لسى بعبـآيتهـآ وعيونهـآ حمرآء ومتورمـه من كثر البكـآء .. ضحكت بإستـهزآء على شكلهـآ وفصخت مـلآبسهـآ ودخلت تحت الدش البـآرد بعكس مشـآعرهـآ الملتهبه بالحزن والآلآم ..
تحممت وتوضت مـرهـ وحدهـ لصـلآة الظهـر اللي فاتتهـآ وهي نـآيمه ..
صلت ودعت رب العـآلمين من كل قلبهـآ إنه يفرَّج همهـآ .. ويزيل كربهـآ ويريحهـآ .. ويكفيهـآ شر كل من بغى فيهـآ شر .. خلصت صـلآهـ وقامت لبسـت بنطلون جينز لو ويست سمـآوي .. وبلوزهـ جوبونيز بيضـآء نـآعمـه ومشطت شعرهـآ وخلته ياخذ راحته على ظهرهـآ .. ونزلت تشوف وش يبي فيهـآ أبوهـآ ..
\
/
\
الخبر – حي الحزام الذهبي -بيت ابو سعود ...
صحت من بدري وتحـآول تصحي بنت خـآلتهـآ : لمـوووو .. لمى .. قومي يللا الساعه صارت 2 وانتي لسى ماصليتي الظهر ..
لمـى : ....................
عصبت سديم : لمى ووجـع .. قومي أقولك الساعه صارت 4 العصر وإنتي ماصليتي الظهـر ,, ( مو توهـآ كـآنت 2 ياسديم ^,* ) ..
لمى ردت بكسل وإنزعـآج : سديمـووهـ إنقلعي عن خشتي إنتي وشـلآخك ذا .. شكلك ورثتيه من أمي .. تزوير الوقت على كيفك ..
ضحكت سديم على شكل لمى اللي وحتى هي نايمه تسولف قالت تبي تجرهـآ بالكـلآم : أقوول لمـى ؟؟
لمى : ..................
لما ماسمعت رد من سديم قالت : قد ذقتي طعم الحب بحياتك ؟؟
شافت إبتسـآمة لمى اللي تحـآول تخفيهـآ وكملت تقول : تصدقين نفسي أجربه ..وحدهـ من صديقاتي تحب ولد عمهـآ .. تعشق ترابه .... بس ياكثر ماكنت أشوفهـآ تصيح قهر لأنهـآ ماتدري إذا يبادلهـآ نفس المشاعر والا لا .. ويوم خطبهـآ جاتنا المدرسه تصيح من الفرحه ومو مصدقه نفسهـآ وبس تصارخ وتضحك وتراكض .. حسيتهـآ إنجنت بصراحه .. بس تصدقين عـآد ( تربعت وكملت بحمـآس وهي عارفه ان لمى تسمعهـآ بالرغم انهـآ أعطتهـآ ظهرهـآ) منال صديقتي كانت تحب ولد خالهـآ وهو ماكان يدري عنهـآ .. وخطب وحدهـ ثانيه .. تصدقين يالموو إنه جـآهـآ صدمه عصبيه وتنومت أسبوع بالمستشفى .. وأختهـآ قالت لأهلهـآ إنه وحدهـ من صديقـآتهـآ توفت عشان يرقعون السالفه .. بس البنت رفضت ولد خالهـآ ويوم خطبهـآ رجعت هي بعد رفضته .. قالت كنت قدآمـه من الأول .. ويوم قلت لها وربي إنك مجنونه بعد ماانهبلتي يوم خطب وبكيتي بدال الدمع دم ترفضينه ؟؟ قالت لأني أحبه رفضته .. إستغرب كـلآمهـآ بس آخر شئ قالت .. لأن هو قلبه مازال متعلق باللي خطبهـآ وماخطبني الا رد على رفضهـآ .. وانا ماراح اتحمل اعيش معـآهـ وهو يحب غيري .. وربي يالموو انهـآ كانت تبكي بكـآء كأن ميت لهـآ أحـد ,,
قعدت لمى فجأهـ والدموع متحجرهـ بعيونهـآ وقالت بصوت مرتجف : ياويلي .. يعني ممكـن اللي احبه يخطب غيري ..؟؟ والا مايطلع يفكر فيني من اصله ؟؟؟
إنصدمت سديم من منظر لمى وكـلآمهـآ وقالت : ليش إن شاء الله لا يكون تحبين وأنـآ ماادري ؟؟
قالت لمى ترقع : أقول لو لو حبيت .. ممـكن يطلع مايحبني ؟؟؟
قالت سديم بعدم إقتنـآع بكـلآم لمى : الله العالم .. اذا كان لك نصيب فيه بتاخذيه .. مالك نصيب ماراح تاخذيه مهمـآ عشتي ..
قامت لمى من مكـآنهـآ بهدوء متوجهه للحمـآم ( وإنتو بكـرآمـه ) وسديم تتابعهـآ بنظرات شك إنهـآ تكون تحب ..
\
/
\
الخبر - حي الحزآم الذهبي - بيت أبو وليد ,,
نزلت عند أبوهـآ وشافت منى جـآلسه على يمينه ومنـآر ووليد يلعبون بالعابهم ..
جـآت عند أبوهـآ وباست رأسه وجلست على يسـآرهـ ..
قال أبوهـآ بحنـآن : هـآهـ فتوونه أفطرتي حبيبتي ؟؟
ردت بإبتسـآمه هـآديه : لا بابا لسى ماافطرت ..
قال بحب وهو يمسح على شعرهـآ : روحي أفطري ياقلب بابا وتعالي ..
قامت وهي تقول : إن شاء الله بابا ..
وأول ماوصلت الباب سمعت منى تقول لأبوهـآ بـ صوت وآضح فيه القهر : ألحين أنـآ أقولك أمس ماجات الا الساعه 3 الفجر مدري كانت مع مين ,, ودخلت تكلم بالجوآل وصوت ضحكهـآ واصل لآخر الحي .. تجي ألحين تقول لهـآ روحي ياحبيبة بابا افطري ..
رد عليهـآ فهـد وهو يحاول يمسك اعصابه لاتفلت : يامرهـ خافي ربك .. البنت توهـآ صاحيه من النوم .. وشكلهـآ تعبانه خليهـآ تفطر أول بعدين أسالهـآ ..
قالت بكل قهر وعصبيه وهي تلتفت تواجهه وتحرك ايدينها : بالله وين عقلك إنت ؟؟ أقولك البنت هايته بالشوارع لأنصاص الليول وتقولي تعبانه ومدري ايش ؟؟
عصب وارتفع صوته وهو يأشر بسبابته لـ منى ويقول : منى .. إقضبي لسـآنك لا أقطعه لك ألحين ,,, قلت لك البنت توها صاحيه من النوم .. تبيني ادخل اضربهـآ واقول وين كنتي امس ومع مين ,, وانا عارف اخلاق بنتي وتربيتهـآ زين ؟؟
خـآفت منى من صراخ زوجهـآ وقالت بربكه : إحم أنـآ موقصدي كذا .. بس إنت لازم تراقبهـآ يافهـد ,, ( قامت تمسك إيدينه تحـآول تهديه وهي تقول بدلع وهدوء ) أنا اللي أقصدهـ إنهـآ بنت صغيرهـ مرآهقه لازم نهتم فيهـآ ونراقبهـآ .. وإنت الله يسـآمحك طيب زيـآدهـ عن اللزوم ,,ومعطيهـآ حريتهـآ فوق اللازم ..
هدأ فهـد بعد ماقدرت منى تمتص غضبه باسلوبهـآ الخبيث وقال : الحين بتفطر وتجي وأعرف منهـآ كل شئ .. بس لاتجلسين تحنين على راسي .. مو رايق لك ترى ..
قالت بخبث : إن شاء الله ياحياتي ..
أما فاتن اللي سمعت كل اللي دار بينهم ودموعهـآ كانت تنسكب على خدهـآ بهدوء كملت مشيهـآ للمطبخ وقالت للخدآمـه تجهز لهـآ فطورهـآ وتجيبه لهـآ بغرفة الطعـآم .. جابت لها الخدامه الفطور اللي ماذاقت منه الا كم رشفه من العصير وقامت لأبوهـآ .. لأن نفسهـآ إنسدت بعد هالكـلآم اللي سمعته ..
راحت عند أبوهـآ وهي بطريقهـآ تدعي .. يارب صبرني .. يارب خلك معي .. يارب تنصرني ولا تعطيهـآ المجال تظلمني يارب .. يارب ماتأثر على أبوي وتشككه فيني .. يارب ..
وصلت الصـآله الكبيرهـ اللي كـآنوآ فيهـآ وقالت وهي تجلس قدآم أبوهـآ : سـم بابا.. طلبتني ..؟؟!
قال أبوهـآ وهو معقد حواجبه : إيه ياابوك إمممم ,, إحم بغيت أسالك كيف اهل جارنا ابو سعوود ؟؟
فهمت فاتن تلميح أبوهـآ وردت بعفويه : بخير بابا .. وكلهم يسلمون عليك ويسالون عنك دآئمآ ..
رد ابوهـآ بتوتر مايبي بنته تحس انه يشك فيها لو لحظه وحده : آهـآآ .. الله يسلمك ويسلمهم .. إلا إنتي متى آخر مرهـ زرتيهم ؟؟
إبتسمت فاتن بألم لتأثير منى على أبوهـآ وقالت : أمس يابابا كنت عندهم .. رحت السوق إشتريت هدايا لـ مهـآ وبنتهـآ .. (وقالت بحمـآس بسيط وفرح قتل منى من القهر) .. تصدق بابا إنهـآ سمَّـت بنتهـآ بإسمي لأني أوَّل وحدهـ قابلتهـآ بالمستشفى يوم ولدت ,,
إبتسم أبوهـآ لبرآئتهـآ وقال : وشلون إنتي أول وحدهـ قابلتيهـآ وين أهلهـآ ؟؟
إبتسمت فاتن أكثر إبتسـآمه زآدتهـآ حـلآ وقالت : لآ لأني أنا كنت بالمستشفى أزور صاحبتي تعبانه ومتنومه .. ولما جيت طالعه لقيت مهـآ وزوجهـآ داخيلن وهي شكلهـآ تعبانه لحقتهم وجلست عند غرفة العمليات لحد ماولدت .. واول ماصحت لقتني عندهـآ .. وبلغت اهلهـآ وحلفت انهـآ تسمي باسمي لأنهـآ بالأساس ماكنت مخططه لإسم بنت .. كانت تفكر إنهـآ حامل بـ ولد ..
إبتسم أبوهـآ لهـآ بس ماتت إبتسـآمته وهو يسمع زوجته تقول بكل خبث ومكر : ليش ياحبيبتي يافاتن تظلين بالمستشفى لوحـــدك ( وشددت عليهـآ ) كل هالمدهـ مع زوج الحرمـه .. وانتي عارفه انه وحدهـ تولد اكيد راح تطول بغرفة الـولآدهـ ؟؟
مات الفرح اللي ماأمدآهـ ينولد بقلب فاتن من كـلآم العقربه منى وقالت بابتسامه متوترهـ : لا عادي هو اصلا ماكان يدري اني واقفه معـآهـ .. لأني واقفه بجهه بعيدهـ عنه .. وأصلآ هو يتعبرني أخته الصغيرهـ مثلي مثل لمـى .. (وكملت بغصه) .. وبعدين اللي محترمـه نفسهـآ راح يحترمـوهـآ النـآس ومايفكروا فيهـآ بشئ أو يقربوآ عندهـآ ,,( إلتفتت على أبوهـآ وكأنهـآ تأكد له تراني محترمه وماغلطت وبعيونهـآ لمعة إنكسـآر وهي تقول ) .. صح بابا ؟؟
رد أبوهـآ بإبتسـآمة فـخـر لـ بنته : صح ياعيوون بابا .. بس إنتي أمس الساعه كم رجعتي ؟؟
خـآفت فاتن لايهاوشهـآ أبوها انهأ تأخرت لأنه مايرضى تتـعـدى السـآعه 10 وهي برى لوحدهـآ مع السواق والخدامه .. وقالت بربكه : بابا والله امس رحت لـ جيراننا ام سعود ولمـى وكانت جايه بنت خالتهم وتعرفنا على بعض ,, وأخذتنا السوالف ماحسيت الا الساعه 12 ونص ..( ورفعت اصبعهـآ السبابه وهي ضامه ايدها وتحلف لأبوها) والله والله مو قصدي أتأخر والله ..
قال أبوهـآ بشوية حزم : أوك باب أنا مصدقك .. بس مرهـ ثانيه ماتتعدين السـآعه 10 برى البيت زين حبيبتي ..؟؟ هم يجوا عندك ياخذون راحتهم لو يبغون يناموا بعد ماعندي مانع ,, بس انتي تتأخري اكثر من السااعه 10 برى البيت ولحـآآآلك لأ .. إتفقنـآ حبيبتي ..؟؟
نطت فاتن تحضن أبوهـآ وهي تقول : إتفقنـآ ياأحلى أب في الدنيا وقامت تبوسه على خدهـ وهو يضحك ..
أمـآ حـآلة منى لو تدخل بـ المحيط الهـآدي عشان تطفي النار اللي بداخلهـآ ماقدرت تطفي لو جزء منهـآ من القهـر .. وهي بنفسهـآ تقول : الله ياخذك يابنت الـ ..... وربي لأوريك العذاب بعينه .. أنـآ حلفت إني لأخليك تتمنين الموت ولا تطولينه وعند حلفي يافاتنووهـ .. والأيام بيننا .. إنتي وهالشايب اللي كل ماابتسمت له نسى الزعل والهوآش كله ,, حسبي الله عليكم ..
ومـآ دروا فيهـآ فاتن وأبوهـآ إلا وهي وآقفه فجأهـ ..
قال فـهـد بإستغراب : على وين يامنى ؟؟
قالت وهي تفرك ايدينهـآ ببعض من الحسرهـ والقهر : بأروح أخلي الخدم يحطون الغـدآء عشان نتغدى ونطلع نزور أهلي تعرف اليوم عندهم عزيمه وكذا ..
قال فهـد وهو بالأصل كان ناسي : يوووووة والله نسيت بس زين ذكرتيني .. ويللا بالله خليهم يجهزون الغدآء حدي جوعـآن وتعبان ودي أرجع أنـآم ..
طالعت فيه بقهر وقالت وهي صاكه على اسنانهـآ : إن شاء الله ألحين باقولهم ..
وراحت وهي تفكر وتخطط وتدبَّر والأهم ببـآلهـآ بس متى تنـفذ ...؟؟؟؟!!!
\
/
\
الدمـآم – حي الفيصليه ..
جـآلسين على سفرة الغـدآء و هو جالس برأس السفرهـ ..
ويطالعون إعـآدة مسلسل باب الحـآرهـ على الـ mbc 1 >>^,* ..
ومندمجين مررررهـ معـآهـ ماكأنهم شـآفوهـ برمضان خخخخخخخخ .. وأول مـآجـآت الدعـآيه إلتفتت أمهم على عصام وقالت :يمه عصام اليوم بنروح نزور مها بنت خالتك عند خالتك .. تعال معانا بارك لهـآ ولزوجهـآ زين ياامي ؟؟
قال عصام بضحكه : يـآآآآآآآآهـ مهـيّـه صارت أم ؟؟ من يصدق ذيك المهبوله صار عندهـآ بزر ههههههههههه ,, إلا يمه وش جابت هي ؟؟
قالت أمـه بإبتسـآمه لذكرى شكل البنوته اللي تجنن : بنت ..
قال بإبتسـآمه : ماشاااااء الله بنت .. وش سمتهـآ طيب ؟؟
ردت سـآرهـ بلقـآفه : سمتهـآ فـآتن ,, حلوو صح ؟؟
رفع رأسه فجأهـ يوم سمع الإسم وكأنهم يقولون هالإسم وراك وراك ..
وإستغرب عصام الإسم وقال وهو عاقد حواجبه : فاتن ؟؟ صرآحـه اٌلإسم يخقق .. بس على مين .. ؟؟! لأني أحسه إسم أحد كبير ..
كـآن ينتظر عزآم الإجـآبه بلهـفه مايدري وش سببهـآ وهو سـآكت وهـآدئ وعيونه على سـآرهـ وكأنه يقول : إخلصي قولي على مين يرحم والديك ..
بس قطعت سـآرهـ تفكيرهـ وهي تقول : على إسم بنت جيرآنهم صديقة لمـى إسمهـآ فاتن .. وأول وحدهـ بلّغت خالتي ولمى ان مها ولدت لأنها كانت بنفس المستشفى وقت ولادتهـآ .. واول وحدهـ باركت لـ مهـآ عشان كذا مهـآ حلفت تسميهـآ بإسمهـآ ولأنهـآ تقول تحـنّ ع هالبنت كثير وتحزن عليهـآ .. مع إني مدري ليش تحزن عليهـآ .. بنت جمـآل ودلال وفلوس وعز ... وفوق هذا أمهـآ أجنبيه .. يعني كـآمله من كل الجهـآت ليش تحزن عليهـآ مدري ؟؟
طلع عزآم من قوقعة صمته وهو يقول بهدوء : الجمـآل والمـآل والأم الأجنبيه على قولتك ماتجيب الهنـآء ووراحـة البال ياأخت سـآرهـ ,,
ردت سـآرهـ : بس هي مهمه بالحيـآهـ .. ومانقدر ننكر أهميتهـآ صح وإلا لا ؟؟
قال بهدوء وهو يرتشف شوي من عصيرهـ : مهمه إيه بس مو لدرجة تجيب السعـآدهـ والهنـآء للإنسـآن وتبعد عنه الهم والحزن .. ويمـكن هي مثـلآ مريضه (وبقلبه يقول أعوذ بالله .. مايدري ليش حس بقلبه وخزة ألم من مجرد تخيل هالشئ ) وكمل : أو أمهـآ أو أبوهـآ متوفين أو أو أو ,, محد عـآرف بظروف النـآس ..
قالت سـآرهـ وكأنهـآ تتذكر : إيه إيه صح ,,, أذكر إن مهـآ مرهـ قالت إن أمهـآ متوفيه من زمـآن .. وإن أبوهـآ متزوج وحدهـ ثانيه معذبتهـآ .. بس مدري صدق و الا لا ؟؟؟!!
قالت أمهـآ بـ حزن : ياقلبي عليهـآ الله يزيل حزنهـآ يارب ,, (وإلتفتت على عصام تكمل ) وإنت وش قلت بتجي معانا وإلا لا ؟؟
قال عصام بسرعه : إيه إيه بأجي بأسلم على محمد زوج مهـآ وأبارك له وأطلع مع تركي ونواف أخو محمد ..
أمـآ هـو كـآن بـ عـآلم ثاني مـآفيه إلا هـو وحـزنه على هـآلبنت اللي أكيد رافقهـآ الحزن بوفاة أمهـآ مثل مارافقه هو بوفاة أبـوهـ ..
نفض رأسه لا يفكر فيهـآ أكثر من كذا وحمد ربه على نعمته وقام ينـآم شوي عشان العصر يروحون لـ خالته ..
\
/
\
الخـبر – حي الـحزآم الذهبي ..
صحت من النوم وهي بحضـنـه وتشوف صدرهـ العريض العـآري بوجههـآ دفنت وجههـآ فيه زود وهي تشم ريحتـه ,, وتقول بقلبهـآ : أعشقـه يانـآس .. أحبه وأمووت فيه .. هو اللي تحمـل دلعي برغم عصبيته .. هو اكثر وآحد وآسـآني بوفـآة أبوي .. هو اللي كـآن يبكي معـي لابكيت .. هو اللي كـآن يحسسني بالدفـآء وقت البرد ,, هو اللي كـآن يهـآوشني ويرجع يراضيني بـ لسـآنه العسل وحبه الكبير ,, أعشق فيه قوته وسيطرته ,, رغم عصبيته ومعروف عنه كـآن يضرب أي أحـد يرفع ضغطـه إلا أنه ماقد فكر يمد ايدهـ علي .. مع إني عنيدهـ ورأسي يابس ودلووعه بزيـآدهـ إلا أنه قدر يخليني على كيفه ,, يانـآس هالآدمي غيرني وغير أشياء كثيرهـ فيني .. دفنت رآسهـآ بحضنه أكثر وحست ببوسه على جبينهـآ .. رفعت رأسهـآ لـه وقال بصوت كسل يدووخ : صباح الحب على كل الحـب ..
إبتسمت بحـب وقالت : صبـآح الهنـآء ياعيوون سـمـر ...
قال وهو يبوس رأس خشمهـآ : فديت عيونك ياقلبي ..
حـآوت سمـر تقوم من حضنه وهي تجـر الـروب حقهـآ وقالت : يللا حبيبي قوم بـلآ كسل .. ألحين أكيد رآمـآ وعزآم بيجون يطبون عليك لاشافوك نـآيم .. وأنا بأدخل أتحمم وأطلع أتجهز عشان نروح لأهـلك ..
سحبهـآ سعـود لحضنه مرهـ ثانيه وهو يقول : تصدقين عمري ؟؟؟
إلتفت عليه بمعنى وشو ..
كمل وهو يطالع بـ عيونهـآ بكل حب : كل يوم أحس إني أحـبـك أكثر ..
توردت خدود سمر وقلبهـآ يضرب طبول وقالت : وأنا ياسعود وربي كل يوم أعشقك أكثر وأكثر ..
سحبهـآ لحضنه أكثر وهو يطبع على شفـآيفهـآ أجمل وأرق بـوسه .. ويدهـ ورآ رأسهـآ ويشدهـآ لـه أكثر .. وذاب كل منهم بـآلثـآني ..
لكـن ليس كل مايتمنآهـ المـرء يدركـه .. قطع عليهم جـوهم الشـآعري صوت ضرب ع البـآب وهوآش ( رآمـآ & عـزآم ) .. توأم عمـرهم 5 سنين .. ^,*
رآمـآ بصوت يبكي : مـآمـآآآآآ .. شوفي عـذآم يضلبني عثـآن لـحت معـآهـ عند الـولد ,, ( مـآمـآ شوفي عـزآم يضربني عشان رحت معـآهـ عند الـولد ) ..
رد عـزآم عليهـآ وهو يسوي نفسه معصب وإنه هو الكبير : البنت ماتلوح عند الردآل .. حـآلي عذآم يدول تدا .. ( البنت ماتروح عند الرجال .. خالي عزآم يقول كذا ) ..
وإستمروآ بالصرآخ والهـوآش عند البـآب ..
أمـآ العـشـآق سمـر سحبت شفـآيفهـآ بهدوء ورقه من فـم سعـود وهي تضحك بنعومه وتقول : شفت عيـآلك .. أنـآ مالي ذنب ترى ..
ضحك سعـود بشويش وهو يلمس جبينهـآ ويقول : قومي شوفي لـهم .. لأني والله إن قمـت ذبحهـم مـآيكفيني ..
ضحكت سمـر وهي تلبس روبهـآ وتسـكرهـ على جسمهـآ الرشيق الصغير واللي يخفي عمـرهـآ .. وقالت وهي رايحه للبـآب : طيب ياماما جايه ..
فتحت الباب وارتمت رآمـآ بـ حضنهـآ تبكي وعزآم يطالعهـآ وهو معصب ويقول بحمـآس الصغار : ماما هي لاحت عندنا واحنا ردال عيب تدي هي معانا .. ثح ؟؟
( ماما هي راحت عندنا .. واحنا رجال عيب تجي معانا .. صح ؟؟)
ضحك أبوهـ على تفكير ولدهـ اللي أكبر منـه وقال وهو يلبس بلوزتـه : يابابا .. أختك تحبك عشان كذا راحت معـآك ... وانت المفروض ماتضربهـآ علمهـآ قولها عيب تجين عند الأولاد وهي بترجع البيت ..بس موتضربهـآ كذا ..
ضحكت سمر وهي تطالع بـ عزآم اللي موعاجبه كـلآم أبوهـ وقالت : والله صدق من قال كل واحد وله من اسمه نصيب ,, إنت خذيت كل صفات خـآلك .. ( وإلتفتت على سعـود وهي تقول ) تذكر يوم كان يضربني عـزآمـووهـ إذا جيت أجلس معـآكم ؟؟
ضحك سعـود على هـآلذكرى وقال بغرور مـآزح : إنتي أصلآ من صغـرك تحبيني وعشـآن كذا كنتي تضحين بـ عمرك وتنضربين من عزآم في سبيل انك تشوفيني وتكحلين ناظرك بشوفتي ..
ضحكت سمـر بصوت عـآلي وقالت : قول والله عـآد ,, ومن هو إن شاء الله اللي إذا جاء عندنا طلع غرفتي يدور علي ويشتري لي كل اللي ابيه عشان بس اجلس معـآهـ وأضحك لـه ؟؟ مو إنت ؟؟
ضحك سعـود أكثر وقال وهو جـآي جهتهـآ وينزل لـ عند وجههـآ ويقول : إيه أنـآ المجـنوون ســعــوود .. ( إبتسم بجـآذبيه قاتله زآدتـه وسـآمه وقال ) ومـآ غلطت يوم صرت مجنـوونك ...
وقرب بـآسهـآ على شفايفهـآ قدام عيالهـآ وهي طـآح وجههـآ ويوم بعـد عنهـآ وسط ضحكـآت رآمـآ وعزآم البريئه والخجـوله وهو يهمس بإذنهـآ : هذي تكملة اللي قطعـوهـ علينـآ .. ضحك على وجههـآ الأحـمـر وقام يدخل الحمـآم ياخذ له دش وتركهـآ وهي تطالع عيالهـآ بخجل وفشله من حركـة سعـود الجريئه وهي عـآرفه عيـآلهـآ نشرآت أخبـآر .. يعلمون بكل شئ يشوفونه .. عشـآن كذا منومتهم بـغرفه لحـآلهم خخخخخخخخخخخخخخخخخخخخ ..
(( سعـود ( 30 سـنـه ) .. وسيم مرهـ ويعشق سمـر من الطـفوله .. رومـآنسي وجرئ لأبعـد حد ,, بس عيبه إنه عصبي وينخـآف منه .. صديق عزآم وتوأم روحـه .. أسرآرهـم كلهـآ عند بعض .. )) ..
(( سمـر ( 26 سنـه ) ,, جميله جدآ مـآخذهـ كثير من جمـآل أمهـآ وبياضهـآ .. جسمهـآ رشيق وصغير الل يشوفهـآ يعطيهـآ 22 بالكثير .. وهالشئ مجنن سعـود زيـآدهـ .. حبووبه مرهـ ومرحـه .. خجولـه أحيانـآ وبايعتـهـآ بأوقـآت ..حنونه كثير وحسـآسـه .. عشقهـآ مع سعـود الكل يعرف قصته من الصغر ..)) ..
\
/
\
في الخبر – حي الحـزآم الذهبي ..
صحى من النـوم وهو مكسـل مرهـ .. قـآم توضى وضلى الظهـر وهو لآبس بيجـآمته .. برمودآ رمـآدي وبلوزهـ كت بيضاء .. مبرزهـ لون جسمـه البرونزي بشكل حلو مرهـ .. مشط شعرهـ اللي يوصل لنهـآية رقبته ونزل لأهله تحت ..
شاف أمـه تشرب الشـآهي مع أبوهـ بعد الغدآء ودخل سلم على أمـه وأبوهـ وجلس جنب أمـه وهو يحط رأسه على فخذهـآ ويقول :آآآآآآآآآآآآآآهـ يايمـه ..
خـآفت أمـه عليه تعرف ولدهـآ كتـووم وحسـآس شوي قالت وهي تمسح على شعرهـ : تركي يمـه وش فيك عسى مـآشر ؟؟
رد بـهمس وهو يحط يدهـ على يد أمـه اللي على رأسه : مـآشر يمـه .. مـآشر ,,بس أحس إني تعـبـآآآآآآآن ..
خـآفت أمـه من قلب وأبوهـ طـآلعـه بإهتمـآم وقال بجديه : وش فيك ياولد ..؟؟ فيه شئ يوجعك ؟؟
سكت تركي وهو يغمض عيونه ويقول : الـجع هنـآ يايبه ( ويضرب على صدرهـ ) هنـآ .. هالقلب تآعبني ..
أبوهـ وأمـه تفـآجأوأ إن تركي يبوح باللي بخـآطرهـ ويقول شئ .. قال أبوهـ بحنيه وهو فهم وش فيه ولدهـ : وش فيه هالقلب يابووك ؟؟
سكت تركي لفترهـ وقال لأمـه وهو يطالعهـآ وهو منسدح على رجلهـآ : يمـه طلبتك .. ريحيني ..
أمـه جـآتهـآ الغصه أول مرهـ تشوف ولدهـآ كذا وبهالشكل .. ومبين من جدهـ يتكلم مايمزح وقالت بلهفه : وش أريحك فيه ياامك ؟؟
قال بهـدوء وهو يعدل جلسته : إخطبي لي ..
تفأجأت أمـه بقرآر ولدهـآ وقالت بفرحه: إبشر يمـه من اليوم أبدأ أدور لك انا وخواتك اللي تستاهلك ..
سكت شوي بعدين قال بهدوء كبير : لأ .. اللي أبيهـآ موجودهـ مايحتـآج تدورين يمـه ..
إستغربت أمـه ولفت على أبوهـ بعدين رجعت طالعته وهي تقول : من هي يمـه اللي تبيهـآ ؟؟
\
/
\
بالدور الثاني عند البنـآت ..
قاعدهـ تكلم بالجوال وتقول: يللا عـآد فتونـه .. اليوم اهل خالتي بيجـونـآ .. أبيهم يشوفونك ويتعرفون عليك ..
فاتن بـ حرج : لمـوو . يابنت إنتو أهل ولحـآلكم وش موقعي بالإعراب بينكم ؟؟
ردت لمى بزعل : فاتن انتي عارفه انك بالنسبه لأهلي أختي يعني بنتتهم ..واهلي اهلك يافتوونـه .. وبعدين اهل خالتي شفتيهم كلهم ماعدا خالتي وسـآرهـ .. سديم وشفتيهـآ أمس وحبيتيهـآ وحبتك ,, وسمـر زوجـة سعود أخوي كل يوم عندنـآ وتعرفينهـآ زين وعارفه قدرك عندهـآ .. يالله عـآد والا ترى بأقول لـ عـزآم إنك مابتجي .. وإنتي عـآد عـآرفه وش بيسوي لا زعل وأظن إنك جربتي زعـله .. صح ؟؟
إنصدمت فاتن وش تقول هالمهبوله وش دخل عزآم فيني جيت وإلا لا قالت بتهـور : لمـى وش هالكـلآم أنـآ وش علي منه ووهو وش عليه مني ؟؟ جيت والا لا ..
إنصدمت لمـى وقالت لـ فاتن تهديهـآ : فاتن وش فيك عزآمـوو الصغير ولد أخوي سعـود .. تعرفين شو كثر يموت عليك تقولين هـآلكـلآم عنـه ..؟؟ ( وكأنهـآ تذكرت قصد فاتن وضحكت بصوت عالي خلت سديم تنتبه وتجي تسحب الجوال وتحطه سبيكر .. وكملت لمـى بخبث ) .. أقول فاتن .. إحنا قلنا عـزآم هو اللي مابينام لاشافك .. بس الظـآهـر صار العكس .. لأني بس قلت إسمه نسيتي ولد أخوي وطوايفه وماخطر ببالك إلا عـزآم ولـد خالتي .. شكله عشعش بـ مخك أمس ههههههههههه ..
إنحرجت فاتن وجلست تسب نفسهـآ وتسب تفكيرهـآ المتسرع وقالت ترقع : هههههههه لا والله بس يعني .. أنـآ إستغربت يوم قلتي عزآم وكذا ونسيت قصدك إنه ولد سعـود .. بس والله وآحشني .. وإذا جيتك اليوم فـ هو عشـآن خـآطرهـ هو بس .. مو عشـآنك إنتي وخشتك زين ؟؟
ضحكوا لمى وسديم على ترقيع فاتن وتغييرهـآ السـآلفه وقالت لمى : يللا بس لاتتاخرين .. وإلا هـآلمرهـ بجد بأزعل عليك .. أوكي ؟؟
ضحكت فاتن وقالت : أوكي إن شاء الله .. بـآعطي أبوي خبر وأشوف لأنه معزوم عند أهل منى زوجته .. وأخاف يجبرني اروح معـآهم .. ذيك السـآعه بجد بأمووت قهر لأن مافيه أحد يحبني هنـآك ,,
قالت لمى : لا لا إن شاء الله إنتي قولي له وبإذن الله بيوافق وقولي له الصدق إنك لا رحتي هناك تتضايقين ويعاملونك زفت ..
فاتن : يصير خير إن شاء الله .. يللا بأمـآن الله ..
لمى : بأمـآن الكريم ياقلبي ..
\
/
\
* وش ممـكـن يحصل بين عـزآم وفـآتن هـآلمـرهـ ؟؟
هل من الممـكـن بيتقابلون والا الزمن أعطـآهم رآحـه من بعض ..؟؟
* تركي وقصـة حبـه المجـهـووله ؟؟
مين ممكـن تكون اللي يحبهـآ وقرر يخطبهـآ ؟؟
وهل أهله بيوافقون عليهـآ وإلا لا ؟؟
*عصام وتركي ونوآف ( أخو محمد زوج مهـآ ) ..
هل بيكون لهم توآجد قوي بالجزء الجـآي وإلا لا ؟؟
أنتـظر توقعـآتكم بفأرغ الصبر ..
قرآءهـ ممتـعه أتمنـآهـآ لكـم دون أي ملل ..
دمتــمـ بـحـفظ آلــرحـمـن ..
\
/
\
أمــيــرة آلــحـــــلآ ..
17-03-09, 03:30 PM
جديد مواضيع قسم الارشيف
العرض العادي
