يسلمو حبيبتي وسلامتك والله ما تشوفي شر البارت حلو بالزات الموقف بينعزام وفاتن وانا متحمسه لملكه تركي وساره شو رح يصير بينهم بنعرف انه تركي بحبها بس هي لسه مشاعرها مو محدده وانشا الله انه منى تتغير وتغتبر من الي صار لها وخوف ولهفه فاتن عليها بلكن حننوا قلبها وبنستناكي يا عسل بالبارت الجاي

السلام عليكم ورحمة الله وبركاته.
ماتشوفين شر طهور إن شاء الله..
يعطيك العافيه على البارت رووعه..
منى..اشك انها هي سوت شي على شان ينزل الجنيين .واذا صحت وعرفت من المتبرعين تندم على كل شي سوته فيهم واولهم زوجهاا وفاتن وهذا يمكن هدايه وتوبه لهاا
فاتن..احساسها باليتم مع ان ابوهاا موجود لكن ماهو مثل الام بحنانه وعطفهاا 00ومع كل الي سوته فيها منى الاانه قابلت الاساءه بالاحسان وتبرعت بدمها وهي ماتتحمل على شان اخوانها ما يحسون باحساسها بفقدم امهاا ويتيتمون.
عزام..شي طبيعي يغار لو احد ثاني كفخ الدكتور وفاتن معه لكن عزام مقدر الوضع الي هي فيه وماحب يزيدهاا بس حلو انه نبهااا على هذا الشي..
سارة وتركي..شوقتينا وش بيصير بينهم

في انتظارك غاليتي بشوق
دمتي بود

\
/
\

الخـبـر – حي الحـزآم الذهبي ..
السـآعه 3 العـصر ..
بيت أبـو سعـود ..


شفتي وشلون الصُدف ؟!!
كيف تجمعنا الظروف .. وكل واحد في مدينه ؟!!
وتلتقي بس الطيوف !!

عندي فكره :
أنتظر لحظة رجوعك !!
وإلا : تنتظريني أرجع ؟!!
ومنهو يقوى الأنتظار !!
دام كلٍ له هدف !!
شفتي وشلون الصُدف !!


(( فـلآح العمّـآش ))


صحـى من النـوم على صوت أبوهـ وهـو يقول : زيـآد .. زيـآد يللا ووجـع إصحـى .. أذّن العـصر وإنت بـآقي نـآيم .. قوم إخلص ..
قال بصوت كسول نـآيم : هممممم .. طيب .. صحيت .. خلاص .. ألحيـ ... ( رجع نـآم ) ..
هـزهـ أبوهـ وهو يقول : قوم قآم عصبك .. زوج عمتك وعياله صاحيين من بدري وتجهـزوآ للصـلآهـ وبنروح لـ بيت عمتك منيرهـ نملك وإنت بـآقي خـآمد ,,
قام جلس وبـآن شعـرهـ البني غامق الكثير مرهـ وهو يقول : هـآهـ شوفني صحيت خلاص ..
طلع أبوهـ وهو يقول : ماادري ليش ربي بلاني بـ عيال مـآفيهم أحد صـآحي ..
جرحتـه كلمـة أبوهـ كثير ..
هـو أصـلآ مـآعمرهـ فوّت صـلآهـ عشـآن ينـآم متعمد عن صـلآة العصـر ..
بس أمس مـآنـآم إلا متأخر ..
أول الليل سهـر مع الشبـآب للفجـر ..
ولمـآ رجعـوآ البيت مـآقدر ينـآم ..
يحس مو قـآدر يـآخذ نفس من التوتر اللي سـآكنه ..
هـو موجـود بالشـرقيه ..
يعني موجـود عندهـآ ..
يعني قريب منهـآ ..
يعني يتنفس هـوآهـآ ..
يعني يشوف اللي تشـوفه ..
يعني ياكل من اللي تآكله ..
يعني يشرب من اللي تشربه ..
يـآنـآس كيف يقدر ينـآم كيف ؟؟
هـو بالأصل مـآنـآم إلا السـآعه 9 الصبح ..
وصحـآهـ تركي يصلي الظهـر ورجع ينـآم ألحين ..
ويالله نـآم لأنه يحس إنه بيموت من قربهـآ منه ..
يكفيه إنهـآ بنفس المدينه معـآهـآ ..

قـآم و غسل وتوضى و لبس ثوبه وطلع بسرعه من الجنـآح اللي مخصص للضيوف وهـو منعـزل شوي بس متصل بنفس المطبخ الخـآرجي والحـوش ..
طلع وكـآن عطشـآآآآآآن دق على إختـه مرآم وطلبهـآ تجيب له مويه ..
دقائق وكـآنت عندهـ ومعـآهـآ كوب مويه شرب منهـآ ويوم جـآء بيطلع قال : أقول مرآم أخبار عمـآتي ؟؟
إستغربت مرام سؤاله وقالت : الحمدلله بخير .. بس وش هالسؤال وإنت سلمت على عمتي فاطمـه أمس وعمتي منيرهـ يوم جات أمس مع عزآم وعصام ..
قال وهـو بعد عن نفسه الشكوك : حرام الوآحد يتطمن يعني .. والله ؟؟
وكـآن بالكوب قطرات مويه رشهـآ بوجههـآ وطلع بسرعه من الجنـآح للحوش وهو يضحك على شكلهـآ وهي تسبه وتدعي عليه لأن المويه باردهـ وهو أخذهـآ بغفله ..

(( الخـآل سلمـآن .. 44سنـه .. أخـو أم عزآم وأم سعـود الصغير .. شخص عصبي مررهـ .. وملقوف .. ودآئم طـآيح تحطيم بـ عياله .. وأولهم زيـآد اللي مـآطلع يحب الفلوس مثله .. وإجتمـآعي والكل يحبه .. عكسه هو اللي إنطوآئي وقليل أحبابه .. )) ..

(( زيـآد .. 25 سنـه .. ولد خـآل ابطـآلنـآ .. شخص مملـوح وفيه جـآذبيه حـآدهـ وقويه .. تجبرك تطيل النظر له وإذا طـآلعته مـآتمل من تفـآصيل وجهـه .. مرح جدآ ويعشق الشرقيه وهوآهـآ .. مشكلته مـآعندهـ ثقه كبيرهـ بنفسه من كثر تحطيم أبوهـ لـه .. بس كـل مـآتحطم لجأ لله ثم عـزآم اللي سـآعدهـ كثير بدرآسته وبكل شئ لأنه درس بـ الشرقيه تخصص إقتصـآد .. ولمـآ توظف أبوهـ أجبرهـ ينقل الرياض عشان يكون قريب معـآهـ .. كتوم وحبوب ويحب .. بس مين .. بنعرفهـآ سوآ )) ..

(( مرآم .. 18 سنـه .. ثالث ثانوي أدبي .. زآحفـه ع قولهم .. مرحـه وتحب الضحك والسوالف والهبال .. حلوهـ مرهـ .. ومـلآمحهـآ مرهـ نعـوومـه .. تشبه لـ لمـى كثير .. لأنهـآ تاخذ من مـلآمح ابوهـآ اللي تشبه عمـآتهـآ .. )) ..


\
/
\
الخبر – الحـزآم الذهبي ..
بيت أبووليد ..
عندهـآ هي ..



× مَاقُـول × انْ الصَدِر ضَايقْ
أقول :
( الكَـونْ ) فيَـنِْي ضَاق
× ماقول × أن ْغِيبتََك صَعبَةٌ
أقـول :
البُعَـدَ - ينَهيـَنيّ -
أنـَا [ يامَزعل قلـَبيّ ] عَليـَك وماطَريـتْ فُـراقَ
أشيّـلَ بِـ / خَـاطِريّ " يمَكَـن ْ" وارضَى لو تَراضيـنيّ
ياَليتـَكَ بـَس + تفَقـَدّنيّ + كَـثْرِ مَا أفقـَدكَ واشتَـاقْ
{ قَسَـمٌ بِالله ~ مَايطـَريّ عَلـَى بـَالكَ تَخليـنيّ ... !!



كـآنت تشوف الخـآدمـه تجهـز فستـآنهـآ وكعبهـآ وإكسسوآرآتهـآ وكل شئ عشـآن تروح فيهـآ المشغـل وقالت لهـآ تحطهـآ بسيـآرة السوآق اللي بيلحقهم لبيت عمهـآ عشان يوديهـآ بعدين ..
وهي لبست بنطلون جينز نـآعم وبلوزهـ بنفسجيه وفيها مزيج من البرتقالي والعشبي فيهـآ أزآرير من قدآم وياقتهـآ عـآليه شوي وهـي ربع كم وكعب بنفسجي نـآعم وشنطتهـآ اللي فيهـآ الكردت كـآرد والجوآل بإيدهـآ وعبايتهـآ تلبسهـآ والأفكـآر مـآرحمتهـآ دقيقه وحدهـ ..
ليش يحب يحرجهـآ ؟؟
ليش يسوي هـآلحركـه فيهـآ ..؟؟
هـو مـآيدري وش سوى بهـآلحركه ؟؟
ألحين أحرجهـآ قدآم سديم ..
وأكيد سديم بتروح تقول لأهلهـآ كلهم وتحرجها قدامهم ..
كيف لهـآ عين تشوفهم بعد هـآلحركه كيف ؟؟
ولا الحبيب مـآخذ رآحته ..
(( إيوآ قلبي وش كنـآ نقول )) ..
مسوي رومـآنسي يعني ..
وهـو كله نفـآق وهيـآط قدآم إخته ..

كـآنت طول الوقت تبرر لـ نفسهـآ أعذار بكـلآمهـآ له وتلومه وتكبر اللي صار ببـآلهـآ ..
لبست ونزلت وشافت أبوهـآ بكـآمل أنـآقته ووليد اللي لبسته ثوب وشمـآغ جنب أبوهـآ ومنـآر مـلآبسهـآ مع خـآدمتهـآ الخـاصه فيهـآ ..
نزلت وهي مبتسمه بـ تصنّع وركبوا السيـآرهـ متوجهين لـ بيت عمهـآ والسواق ورآهم ..
وصلوآ بعد نص سـآعه وشـآفوآ سيارات كثيرهـ عند الباب ..
دخـل أبووليد لمـدخل الرجـآل لأن البوآبه كـآنت مفتوحـه وفاتن لـ مدخل الحريم ..
دخـلت وشـآفت سديم اللي إستقبلتهـآ بالأحضان وهي يالله تطـآلع فيهـآ من الإحراج..
ودخلتهـآ الصاله بعد مارفضت تشيل عبايتهـآ وشافت البنـآت (سمـر , سـآرهـ ) مع أم عزآم وأم سعـود ووحدهـ كبيرهـ مـآ تعـرفهـآ جـآلسين بالصـآله ..
دخلت وسلمت عليهم وجلست تسولف معـآهم شوي إلا صوت عـزآم يطلب سـآرهـ ..
قالت أمـه بـ عفويه بعد مـآتلفت ع الكل وشـآفتهم وتأكدت : إدخل ياامي مـآفيه أحــد ..
تحنحن هـو وقال : ياولد .. ( ودخـل وبيدهـ دفتر المملك ويقول بإبتسـآمه ) السـلآم عليكمـ ..
ردوآ الكل عليه بإستثنـآءهـآ هي اللي إنربط لسـآنهـآ خوف وصدمـه ماتوقعت انه بيدخل: وعليكم السـلآم ..
قال وهو يطالع جهـة مرة خـآله المتغطيه بطرحتهـآ : كيفك ياخـآله عسـآك بخير ...؟؟ ( لأنه سلم على خالته ام سعود من قبل ) ..
قالت بـ محبه ومبالغـه : بخير ياوجـه الخير .. كيفك إنت ؟؟ ومبرووك لـ سـآرهـ ..
قال بإبتسـآمه وهو مو منتبه لـ وجودهـآ نهـآئيـآ : الله يسلمك ويبـآرك فيك وعقبـآل زيـآد والبنـآت .. ( ولف على سـآرهـ اللي كـآنت جـآلسه جنب سمـر ومرتبكـه بقووة وعيونهـآ تلمع وقال ) يللا ياعروس .. وقعي هنـآ جنب توقيع العريس ..
قالت سديم لـ فاتن اللي جالسه جنبهـآ مقابل سارهـ بـ همس مـآزح : ترى قصدهـ التعـيس ..
ضحكت فاتن من قلبهـآ بصوت وآضح هي وسديم واللي خـلآ الكل يلتفت لهم وأولهم هـو اللي إنصدم وإنلجم لسـآنه من شـآفهـآ ..
مـآتوقع وجودهـآ أبد بعد الحـركـه اللي سوتهـا فيه ..
بس أول مـرهـ يشوفهـآ طبيعيه بدون أي مكيـآج ومن قرب وبهـآلرآحـه ..
أول مرهـ شافهـآ كذا يوم سالفتهـآ مع منى بس ذاك اليوم كان وجههـآ متورم من البكـآء أمـآ ألحين وجههـآ منوّر وباين عليهـآ الفرح ..
أكيد بتفرح دآمهـآ نجحت في تطنيشهـآ له ..
بس لا مو هـو اللي تقدر تنتصـر عليه بسهـوله ..
طـآلعهـآ هي وسديم بنظرآت إستهـزآء وأول مـآ أنهت سـآرهـ توقيعهـآ باسهـآ على رآسهـآ وبارك لهـآ وطلع وهو مطنشهـآ كليـآآآآ ..

الكل بـآرك لـ سـآرهـ اللي قلبهـآ بغـى يوقف من كثر الخوف وهي توقع على شهـآدة بدء حيـآهـ جديدهـ ومع شخص وآحـد ..
كتمت رغبـة إنهـآ تبكي شوق لأبوهـآ وحـآجـة له بقلبهـآ ولبست مع البنـآت وتجهـزت وإنتظروآ لـ حد مـآيطلعون الشبـآب وأم سعـود وأم زيـآد لـ بيت أبو سعـود وهم يطلعون المشغل ..
نص سـآعه وجـآتهم الخدآمـه تقول لهم يطلعون برى ..
طلعوآ ويوم وصلـوآ للباب اللي يطلع ع الحـوش قالت فاتن بـ عفويه : بنات ترى السـوآق برى مو بالحـوش ..
لفت عليهـآ سمـر بإستغرآب وقالت : أي سوآق ؟؟
قالت فاتن بـ تلقائيه : سوآقي .. مو كلنـآ بنروح فيه ؟؟
ضحكت سديم بصوت عـآلي وإبتسموآ البنـآت وقالت سـآرهـ بهدوء : لا قلبي بنروح مع عـزآم ..
وكملت سديم : ليش هو مـآقالك يوم كلمك اليوم ؟ ( وغمزت بخبث ) ..
قالت فاتن بصوت مصدوم عالي شوي ومٌحـرج : من جدك إنتي ؟؟
قالت سديم : بسم الله عليك وش فيك مخترعه ؟؟ ( سمعوآ دق هرن سيـآرهـ بالحوش وقالت ) يللا إمشي ترآهـ ينتظرنـآ برى .. ومع عـزآم إنسي شئ إسمه سوآق ياقلبي ..
لبسوا البنات غطـآويهم وقالت سديم : يللا يابنت إخلصي لا يعصب علينـآ .. عـآد هو من قفلتي بوجهـه الظهـر وهو نـآر شـآبه بسم الله علينـآ ..
طـآح وجـه فاتن قدآم البنـآت وقالت أمهم اللي جـآيه من ورآهم : يللا يابنـآت مـآتسمعون عزآم من الصبح وهو يدق لكم هرن .. تأخرتوآ عليه ..
قالت سديم بنذاله : يمـه هذي فاتن مستحيه تركب مع الشيخ الطخـم ولدك .. ولا إحنـآ خلصنـآ ..
قالت أم عزآم بإبتسـآمه : ليش يابنيتي عـآدي تركبين مع زوجك مـآفيهـآ شئ ..
ويللا ألحين إطلعي مع خـوآتك عشـآن مـآتتأخرون علينـآ بالصـآله .. يللا ياامي ..
إنحرجت فاتن كثير من عمتهـآ وبدآخلهـآ مـآبقت دعـوهـ إلا مـآدعتهـآ على سديم اللي حطتهـآ بهالموقف البـآيخ ..
لبست غطـآهـآ اللي كـآن يبين عيونهـآ وشوي من خدودهـآ وحوآجبهـآ لأنه أقرب للثمـه .. (نقـآب كويتي ) ..
وحطت طرحتهـآ فوقهـآ ماتدري خوف منه
أو مـآتبيه يشوف نظرآت الإحراج بعيونهـآ
أو
أو
أو
أو أشياء كثيرهـ مو قـآدرهـ تفسـرهـآ ,,
طلعوآ وشافت أبوهـآ وآقف معـه عند السيـآرهـ ..
أول مـآشـآفت أبوهـآ قالت بصوت وآطي مٌـحـرج وكأنه حبل النجـآهـ : بابا .. بابا .. بابا ..
سمعـهـآ عـزآم قبل عمـه بس طنـش لـحد مـآسمع عمـه اللي كـآن يحكي عن الشغـل وقال بإبتسـآمه وهو واقف مكـآنه : هـلآ ياروح بابا ..
أشرت له بإيدهـآ ( تعـآل هنـآ ) ..
رآح لهـآ وهو مبتسم على حركتهـآ وقال : هلأ .. وش فيك ؟؟
قالت بصوت وآطي : بابا انا ابي اروح مع سواقي كل أغرآضي معـآهـ ..
مـآرد أبوهـآ عليهـآ غير إنه لـف لـ عزآم وقال : هـآهـ ياعزآم فاتن تبي تروح مع السوآق وش رايك ؟؟
مويه حـآرهـ إنكبت على وجههـآ وسلختـه من موقف أبوهـآ قدام الكل ..
بس سمعت ردهـ يوم قال : والله ياعمي أنـآ مـآعندي بنـآت يركبون مع السوآق وسيـآرتي إن مـآشـآلتهـآ تشيلهـآ عيوني ..
إبتسم عمـه على كـلآمه وقال وهـو يمشـي فاتن للـسيـآرهـ : تسلم عيونك يالغـآلي.. ويوم حس فاتن تشد كُمّ ثوبه طريقـة ترجي وهي تقول بهمس : بابا أغرآضي بالمـآكسيمـآ مع السـوآق ..
قال وهو يغمـز لـ عزآم : بس أغرآضهـآ ياعزآم مع السـوآق ,,
إبتسم عـزآم لـ عمـه وقال بصوت وآثق : والله سيـآرتي مثل مـآوسعت أغرآض ثلاث أشخـآص مـآرآح تضيق على شخص وإلا ياعمي ؟؟
قال عمـه بـ صوت فيه الضحكـه : صدقت والله ..
ولف على فاتن اللي شوي وتبكي من الموقف هذا وقال بمرح يلطف الجو : يالله يابابا روحي مع زوجك ولا أوصيك أبيك تكونين أميرة الحفله الليله .. عشان لاشافوك يقولون اكيد أبوهـآ حلو مثلهـآ .. ههههههههههههه ..
إبتسمت إبتسـآمه بـآهته وشافت عـزآم رآح للسوآق وأخذ الأغرآض منه وحطهـآ بسيـآرته وركب ..
وكـآنوآ ترتيبهـم ..
( سمـر – عـزآم .. قدآم ) ..
( سـآرهـ - سديم – فاتن .. ورآ ) ..
وكـآن الصمت سيد المـوقف ..
السيـآرهـ هدوووووء قـآتل لحـد مـآقطعته سديم وهي تقول لـ عزآم : عـزآآم يالطخـم شغل لنـآ شئ نسمعـه ترى اليوم ملكـه يعني فرح يعني ونـآسه وفله مو حزن وكـآبه كذا ..
إبتسم لهـآ وأخذ cd أحـلآم الجديد 2009 وشغـل أغنية ( هذا اللي شـآيف نفسـه ) .. لغـآيه بنفسـه ..
أمـآ البنـآت تصفيق وسديم شالت السيـآرهـ وهي تغني معـآهـآ وتصفـر وتصفق ..
أمـآ فاتن اللي أول مـآ إبتدت الأغنيه رفعت عينهـآ وشافته يطالعهـآ وهو مبتسم على جنب ورآفع حـآجبه بطريقه تخبل علامـة النصر ..
شوي إنتبهت إنه مو لآبس شمـآغ وشعـرهـ محددهـ بطريقـه تجنن بس يوصل لأسفـل رقبته وشكله يجنن فيه ..
وسكسوكتـه محددهـ بدقه وسودآء مرهـ بشكل يعطيه هيبه تخقق ..
إنتبهت على نفسهـآ لمـآ سمعت صوت ضحكته على كـلآم سديم له وهي تقول : تصدق عزآمووهـ ولا يهـون نوآآف بس إنت الحين طـآلع تخقق شلون بالليل ؟؟
بعد ضحكته قال لـ سمـر : سمـر إمسكيهـآ عني لا أتوطتى ببطنهـآ ترى أختك فـآصخـه الحـيـآء مررهـ ,,
قالت سمـر بشوية عصبيه وهي لافه عليهـآ : سديموهـ وقطع اللسـآن .. إذكري الله على أخوك .. وبعدين إستحـي على وجهـك من ألحين تمدحين فيه شلون لا أخذتيه وش بتسوين ؟؟
قالت سديم بـ إستهبال : وهـ متى يجي هـآليوم وأتزوج وأفتك من العنوسه اللي مرآبطتني ..
قالت سمـر : إذا إنتي معنـسه اللي أعمـآرهم 38 و48 وش تقولين عنهم ؟؟
قالت سديم بخوف مصطنع : لا أعـوذ بالله الله يرزق كل بنت ,, ( وقالت بخبث وعبط وهي ملآحظه صمت فاتن ) بس سمـوورهـ إنتي وش دعيتي عشان الله عطـآك سعـود ؟؟
قالت سمـر بـ عبط مثلهـآ : دعيت الله يرزقني اللي يريحني من خشتك طول عمـري ..
قالت سديم بهبال : مشكورهـ .. ( ولفت على سـآرهـ وقالت ) وإنتي سـآرهـ ..
قالت سـآرهـ بهدوء : عـآدي مـآدعيت ولا شئ بس كنت وآثقه اذا جـآني نصيبي باخذهـ ..

إبتسم عـزآم لأنه فهـم نية أخته وأصغـى لهـآ زين وهي تقول لـ فاتن بخبث وآضح : وإنتي فتـوونـه وش دعيتي يوم الله عطـآك هـآلجرح ؟؟ ( وهي تأشر برآسهـآ على عزآم ) ..
وكملت ببرآءهـ مصطنعـه : عشـآن أدعي مثلك يمكـن الله يرزقني بـ وآحد مثله ..
إنصدمت فاتن من خبث سديم بس قلبت الموضوع عليهـآ وقالت : ليش لايكون نوآف مو عـآجبك ؟؟
قالت سديم بسرعه : لا أكيد عـآجبني ولا مـآكـآن وآفقت عليه بس بعد النظرهـ شئ ثاني .. ( وقالت بدهـآء كبير ) بس إنتي بالله عليك وش دعيتي ..؟؟ عـآدي قولي لا تنحرجين مـآفيه أحد غريب ترى .. خخخخخخخخخ ..
ضحكوآ البنـآت وعـزآم سـآكت ومترقّب وهو يخفي إبتسـآمته وعيونه عليهـآ بالمرآيه لأنهم وآقفين عند إشـآرهـ ,,
قالت فاتن بـ توتر : عـآدي لأنه بالأصل مـآ أمدآني أدعي شئ ,, الأربعـآء عرفت والخميس ملّكـت .. تشوفين كـآن عندي وقت أدعي فيه ؟؟
قالت سديم وهي تدزهـآ وتقول : إممممم علينـآ فتوونـه أكيد قضيتي ليلك تهجّد ودعـآء يوم عرفتي إنه عـزآم هو اللي خطبك .. صح وإلا ؟؟
ضحكت فاتن وقالت بـ عفويه : إيه والله كأنك كنتي معـآي ..
قالت سمـر وهي تضحك وتشوف المشغل اللي وقفوا عندهـ : إنزلي بس إنتي وإيـآهـآ كملـوآ سوآلفكم بالمشغـل ..
ولفت على عـزآم وهي تقول : عـزآم لا هنت ياقلبي حط بالك على عـزآم الصغير سعـود بينشغـل ومـآعـآد بيدري عنه ..
قال عـزآم يطمنهـآ : تطمني عـزآم بعيوني ..
قالت سمـر بإبتسـآمه : فديت عيونك وعسـآني أمسك عيالك يارب ( ولفت على ورآء وهي تقول ) عمـآ قريب ياااااااارب ..
إبتسم على فاتن اللي فتحت البـآب بسرعـه ونزلت وسط تعليقـآت سديم عليهـآ ونزلوآ كلهم ودخـلوآ المشغـل وتقـآبلوآ مع ( مهـآ , لمـى , منـآل , مـرآم , ريم (إخت محمد ونوآف ) ) ..
سلموآ على بعض وتعرفوآ البنـآت على فاتن وبدأوآ كل وحدهـ تروح لـ عـآمله تهتم فيهـآ بإستثنـآء سـآرهـ اللي كـآن لهـآ معـآمـله خـآصه وإهتمـآم أكثر ..

\
/
\


\
/
\
الخـبر ..
قـآعـة الخطـوبـه ..
السـآعه 8 العشـآء ..


مَا تمَنيْت امْسك " إيْديْن السَحَاب " !
. . . . . . . . كَان كلّ الحلْم / تمْسكنِي [ يَدْك ]
يسْتجّن [ الشْوُق ] فينيّ/ وَانفَـاس العِتَـاب
. . . . . . ليْن يَنْصفْنِي [ نصِيْبِي ّ] وَأحْصَدْك !



كـآن توهـ وآصل للقـآعه وسط تصفير الشبـآب وموكبهم له بالسيـآرآت ..
وكأنهـآ ليلـة عرسـه مو خطبته ..
كـآن بينهـم أمـير ..
كـآن كـل مـآفيه ينبض فـرح وسعـآدهـ ومع هـذا ينقصـه شوفتهـآ عشـآن تقـرّ عينه ويرتـآح بـآله ويتأكد إنهـآ لـه ..
ملكـه هـو ..
هـو لـ وحدهـ ..
نزلوآ الشبـآب وتوجهـوآ لقـآعـة الرجـآل وجلسـوآ يستقبلون المعـآزيم الكثيرين وأغلبيتهم من كبـآر الشخصيـآت معـآرف أبو سعـود وأبووليد وعزآم ..
وأكيد قروب الشـلـه الدآجّـه حقت تركي وعصـآم والبقيـه ..
كـآنوآ الشبـآب كل وآحد يقول الزود عندي ..
وسـآمـه ..
جـآذبيـه ..
رجـولـه ..
وأنـآقـه ..
كلهـم بـإستثنـآء العريس اللي كـآنت عيونه تبرق فرح ..
شوي إستأذن عـزآم وزيـآد عشـآن يروحون يـآخذون البنـآت من المشغـل لأن عـزآم رفض أي أحد يـآخذهم غير أخـوآنهم ..
كل واحد أخـذ سيـآرته ورآحـوآ ..
وصلوآ وجلسوآ يسولفون برآ ينتظرون البنـآت ..
وشوي طلع جيش من البنـآت ..
( سـآرهـ - سمـر – سديم – فاتن ) توجهـوآ لسيـآرة عـزآم ..
( مهـآ – منال – لمـى – ريم – مرام ) مع زيـآد لأنه اخذ سيـآرة أبوهـ السوبر أكبر ..


عند عـزآم ..

أول مـآركبت سـآرهـ قدآم بسبب كبر فستـآنهـآ قالهـآ عـزآم : هـآهـ ياعـروس كيف النفسيه ؟؟
قالت بتوتر واضح : مـآشي الحـآل ..
قال بضحكه للبنـآت : أكيد ألحين لعبت فيكم الكوفيرهـ بالألوآن وإنتو مستـآنسين ..
قالت سديم تقهـرهـ : لا وربي بالعكس والله طلعت سـآرهـ تجنن .. (وبخبث) وإلا فـآتن حكـآيه ثانيه ..
ضربت فاتن سديم بكوعهـآ على جنبهـآ وقالت سديم : آآآآآآآآهـ الله يكسر عدوك يافاتن فقعتي كليتي .. وش فيهـآ لا مدحتك عند زوجـك ترى عـآدي ..
قالت سمـر لـ عزآم المبتسم : أقول عزآم كيف ولدي ؟؟
قال بإبتسـآمه : مـآعليه بخير .. مـآغير مع وليد ولد عمـي مسوي عليه كبير كل شوي يعدل له شمـآغه وينظف له ثوبه .. وكاشخ هـو واياهـ مع الرجـآل بسم الله عليهم لا يلعبون ولا شئ ماغير قاعدين يقلدون تركي بحركـآته ..
ضحكوا البنـآت على الصغـآر وإلتزموآ الصمت بعد مـآشغل عـزآم أغنيـة سلمـآن حميد ( أجمـل إنسـآنه ) ..
واللي جـآبهـآ ع الـوتر الحسـآس عند فـآتن ..
حست إنه يقصدهـآ وخصوصـآ نظرتـه لهـآ بالمرآيه وإبتسـآمته البسيطـه ..
حست نفسهـآ تـآفهـه وصغيرهـ تزعل على شئ مـآله دآعي ..
وتقول ببالهـآ :
هـو أكيد زعل اني سكرت بوجهـه ولا عاد رديت عليه غير بمسج ماصخ مثلي ..
عشان كذا تقول سديمووهـ إنه معصب عليهم اليوم بعد مكـآلمتنـآ ..
وسديمووهـ هذي حركـآتهـآ مـآتركتهـآ أكيد إنهـآ هي اللي أجبرته يحرجني وهو مـآكـآن يقصد ..
وبعدين ليش أزعل وهـو بالأصل عـآدي ..
شئ طبيعي أكلمه ويكلمني دآمنـآ متملكين مـآفيه شئ غلط ..
يوووووووهـ ياربي وربي إني أكبر تآفهـه ..
أنـآ لآزم أرآضيه ..
بس كيف مـآ أدري ؟؟
كيف ...
كيف ..
كيف ؟؟

وقضت الوقت وهي تفكر كيف تراضيه وسط كلمـآت الأغنيه المؤثرهـ بشكل حلو ..


عند زيـآد ..

كـآن كـآشخ بشكل يجنن ..
والبنـآت صـآر لهم فترهـ طويله مـآشـآفوهـ ..
الحين مطول شعـرهـ وتـآركـه على طبيعته بكثرهـ ..
كـآن مسوي ديرتي فيس بشكل خفيف يجنن عليه ..
والدنيـآ موسـآيعته من الفـرح ..
أول مآركبو البنـآت رحب فيهم كلهم بوجـه عـآم
وظل سـآكت يسمع سوالف مرام ولمـى ومستمتع فيهـآ ..
كـآن قلبه يرقع بشكل سريع ومو قـآدر يتحكم فيه أبد ..
ظل ع هالحـآل لحـد مـآوصلوآ للقـآعه ودخلوا للقسم الخلفي الخـآص بالعروس ..
نزلوا البنـآت ..
منـآل من قدآم ..
مهـآ وريم من الـوسط ..
مرآم ولمـى من المرتبه الثالثه ..
نزلت مـرآم بعد مـآفتح لهم زيـآد المرتبه ودخـلت بسرعه دآخل تلحق البنـآت ..
بقـى لمـى اللي كـآنت تنزل بـهدوء عشـآن لا تطيح لأن فستتآنهـآ طويل وكعبهـآ عـآلي ..
جـآت نـآزله ورفعت فستـآنهـآ من قدآم وعبايتهـآ مجمعتهـآ بيدهـآ ورافعه الطرحـه بإيدهـآ عشـآن تشوف لأنه متغطيه فيهـآ عشـآن الماكياج والتسريحـه مـآتخرب ..
كـآن فستـآنهـآ فيه فتحـه من جهـة اليمين للركبه وطرف هالفتحـه علق بالمرتبه ( كرسي السيـآرهـ المفتوح عشان تنزل منه ) وهي نزلت وماحست إلا بشئ يشدهـآ لفت شافت فستـآنهـآ نـآشب ..
تأفتت بصوت وآضح وهي مـآتشوف أحد حولهـآ من البنـآت وعـزآم طفـى سيـآرته وطلع قالت بصوت مسموع : أوووووف ياربي ألحين ذا وشلون أفكـه ..؟؟ مو وقته أبد ..
حـآولت تسحبه بس سمعت صوت ورآهـآ بالضبط خـلآهـآ تنقز من الخـرعه يقول : مرام وش فيك ؟؟
لفت شـآفته زيـآد ..
يـآآآآآآآآهـ وش كثر متغير وطـآلع يهبل ..
قالت بسرعه وبصوت محرج : أنـآ لمـى مو مرآم ..
قال بـ إرتبـآك وآضح : هـ.. هـلآ لمـى .. كيفك ؟؟
قالت بـ خجل : الحمدلله بخير ..إنت كيفك ؟؟
قال بإبتسـآمه حلوهـ وعيونه تلمع : بخير دآمك بخـير .. بس وش فيك وآقفه هنـآ ؟؟
قالت بإحرآج وهي تسحب طرف فستـآنهـآ ومارضى يطلع : إممم إحم فستـآني نـآشب هنـآ ومو قـآدرهـ أطلعه .. خـآيفه ينقطع ..
إبتسم لهـآ وهو يشوف فستـآنهـآ اللي من القمـآش النـآعم بس مو السـآتـآن وردي يلمع بـ فضي وقرب لـ عند المرتبه ورفعهـآ شوي وسحب الفستآن من تحتهـآ
وقال : يللا يالأميرهـ ألحين خذي رآحتك ..
ضحكت وقالت بعفـويه وخجل منـه : تسلم زيـآد .. أردهـآ لك بالأفرآح إن شاء الله ..
ضحك وقال : إن شاء الله ..
و بهمس وصلهـآ وهي رآيحـه بدون قصد منه : لأن أفرآحي بدونك أحزآن ..
ولف على السيـآرهـ وهي من صدمتهـآ وقفت شوي مكـآنهـآ ..
ولفت عليه شـآفته يطلع السيـآرهـ برآ وهو لاف ع الخلف عشـآن السيـآرآت اللي ورآهـ ..
كلمته صدمتهـآ كثير بس تعوذت من إبليس وقالت : أكيد قصدهـ برئ ..
ودخـلت للبنـآت اللي شافتهم فصخوآ عباياتهم وكل وحدهـ تعدل فسـتـآنهـآ وشكلهـآ ..
دخلت معـآهم وفصخت عبايتهـآ وهي متجـآهله اللي سمعته وتحـآول تتنـآسـآهـ..

أمـآ البنـآت ..

نبدآ بـ عروسنـآ ..

سـآرهـ .. كـآنت قمـة الجمـآل والجـآذبيه .. كـآنت لابسه فستـآن ذهبي على بني فـآتح .. سواري من الصدر .. وكله شك من الصدر للبطن على شكل مثلث مقلوب ..ومن الخـصر وتحت منفوش بـ طريقة تموجـآت القمـآش اللي يتعطف على شكل دوآئر .. ( أتمنى تكونون فهمتوا ^,^ ) .. كـآن جدآ فخم ويجنن عليهـآ ..
ورآفعين شعـرهـآ كـله بـ تـآج ذهبي كبير ينـآسب تسريحتهـآ وكلـه ويفي على فوق .. ولابسـه أكسسوآر فخم ذهبي نـآعم لأنهـآ بتبدله بعد شوي بـ طقم تركي .. ومكيـآج فخم جدآ يجنن عليهـآ ,,,

سمـر .. كـآنت لآبسـه فستـآن سُكـري مـآسك ع الجسم ومن تحت الصدر شك زيتي .. ويتدآخل معـآهـ برتقالي محمـر .. ومـآسك ع الخـصر بـ وردهـ كبيرهـ من هـآلشك والظهـر فيه نفس التطريز .. وكـآن وآسع من تحت الركبـه ويجنن عليهـآ وهي رآفعـه نص شعـرهـآ بـف والباقي مسويته بالفـير على مكيـآج سموكي فخم .. وطـآلعه تبهـر ..

سديم .. كـآنت لآبسـه ليموني وفضي .. سوآريه والعـلآق أسـآوري فضي ع اليد .. والفستـآن مخـصر على جسمهـآ الخيالي بشك فضي من الصدر لأسفـه بتوسع يجنن ..وأكثرهـ يجتمع على جهـة الخصر اليسـآر .. ومفتوح شوي لـ نص السـآق ولآبسه كعب هي ولمـى فصلوهـ مع فاتن اللي سوته لهم عند مصممهـآ نفس كعبهـآ .. على شكل إسوآرهـ فضيه تلتف ع السـآق وعـآلي شوي .. وإكسسوآر فضي .. ومكيـآج أسود وليموني .. مبرز جمـآل عيونهـآ السودآء الحـآدهـ .. وشعـرهـآ بف بسيط مع إستشوآر البقـآقي ووردهـ ليمونيه علة جنب ..


الفـــآتنــه .. كـآنت بقمـة النعـومـه ومع ذلك زآدهـآ جمـآل وأنـآقه .. كـآنت لآبسه فستـآن كحلي غـآمق سـآتآن مخصر ع الجسم مـرهـ والصدر درآبيه ( طبقـآت ) ويمسكـه من النص وردهـ فضيه بالإكسسوآر .. وع الخـصر مثل الحـزآم الإكسسوآر فضي وع الجنب يمسك بشكل وردهـ (فيونكـه ) .. والظهـر مفتوح ل، أسفـله والفتحـه عليهـآ ضرب بالإكسسوآر الفضي بشكل مـآئل .. وشعـرهـآ تـآركتـه كيرلي مع بـآف كبيرهـ شوي وإكسسوآر وردهـ (فيونكـه نفس اللي بالفستـآن من تصميم المصمم على جنب شعـرهـآ ) وكـآن مكيـآجهـآ إبدآآآع أبرز عيونهـآ النـآعسه ووسعهـآ ولونهـآ الغريب .. وإكسسوآرهـآ فضي مصمم مع الفستـآن والكعب ..

لمـى .. كـآنت بقمـة الأنوثه .. فستـآنهـآ سوآريه وردي وعلى الصدر شك فضي والخصـر ملمووم على جنب بطريقـة الـ إكس × .. بشكل حلو .. ومفتوح لـ نص للركبه والكعب نفس البنـآت والإكسسوآر ومكيـآج وردي وأسود يجنن وشعـرهـآ نفس سديم ووردهـ ورديه على جنب ..

والبـآقي إذا جـآء وقتهـم ^,^ ..

طلعـوآ البنـآت للمعـآزيم اللي بدأو يكثروآ .. وسلموآ ع اللي يعرفونهم ..
وكـآنوآ الحريم منبهـرين من فخـآمـة القـآعه وكشخـة أهلهـآ وجمـآل بنـآتهم ..
كـآن كل شئ ينضح بالأنـآقه والذووق ..
وصلت السـآعه 10 وهم مقضينهـآ رقص وفـله ..
وجـآء موعـد دخـول سـآرهـ ..
أغلقوآ الأنوآر وإشتغـلت أغنيـة تركي بعد الزغـآريط من البنـآت والتصفير ..
ودخـلت عليهم بكل أنـآقه ونعـومـه والتوتر يمـلآهـآ فوق الخجل والخـوف ..

ألف بسم الله عليها الحلا منها وفيها
نورت بدر البدور والغلا شمعه بيديها

ياهلا بالزين كله ماخلق في الناس مثله
جامعة كل الصفات كامله والكامل الله

أنا أقول النور هذا ياربي منين جانا
أثره الزين اضرت وأنورت قمره بسمانا

مثلها مافي أصلا الحسن فيها تمكن
بس هذي من تجي المحال يصير ممكن

سيدة كل العذارى حسنها مايتتجارى
كلهم صارو غيارى بالحلا غطت عليهم

غير هي عن كل غير الغلا تفرق كثير
لامشت فاح العبير ألف بسم الله عليها

كـآنت تمشي بين النـآس وهي تحمـل بـآقـة ورد فيهـآ ورد ملون بجميع الألوآن وعليه رشـه ذهبيه ..

تمشي بسرعه متوسطـه لا بطيئـه مرهـ ولا سريعـه لأنهـآ خطوبه مو عـرس ..
والمصورهـ قدآمهـآ تصورهـآ فيديو والثانيه تصور فتوغرافي ..

إستمـرت الأغنيه وهي وصلت لـ الأريكـه حقتهـآ واللي كـآنت تكفي لـ شخصين ,,
وقفت والبنـآت وخالتهـآ وأمهـآ وصديقـآتهـآ والكل حولهـآ يصفقون ويصفرون ويزغرطون ..
كـآنت تحس بـ فرحـه كبيرهـ بس تحسهـآ نـآقصه لـ عدم وجـود أبوهـآ ..
كـآنت تتمنـآهـ يدخـل ..
تبيـه ..
تبيـه ..
تبيـه ألحين وبهـآللحظـآت ..
إذا مـآكـآن حولهـآ ألحين متى يكون ؟؟

إستغفرت ربهـآ وتعوذت من إبليس ودعت له بالرحمـه وحـآولت تتبتسم للي حولهـآ ..
مـآتبي تبكي وتنكد ع الكـل ..
مـآتبي هـآلشئ يصير ..
إنتهـت الأغنيه وجلست ع والمصورهـ مستمـرهـ تصوير فتوغرافي والبنـآت حولهـآ يتصورون معـآهـآ ..
وبعد 10 دقائق حطوآ أغنية طق سريعـه وكلهـآ زغـآريط ودخـلوآ مهـآ ولمـى بطـآولـه ذهبيه فخمـه يمشـّونهـآ ..
وكـآن عليهـآ هدآيـآ كثيرهـ مغلفـه بـ ذهبي وبيج وبني ..
وعليهـآ طقمين مقفـله علبهـآ ..
وحطـوهـآ ع الكوشـه اللي كـآنت بالذهبي والبيج والبني على لون فستـآن سـآرهـ ..
وشوي وأعلنوآ عن دخـول العريس والكل تغطـى من الحريم ..

\
/
\