وااااااااااااو القصة شكلها خوقاااااااااق

انا مابقرأها لاني تعبت وانا اقرأ القصص واخرب على نفسي الاحداث والجو بنتظر لحد ماتكتمل واقرأها بالمرة

يسلمووو وانا بتابعك اول بأول

بالانتظااااار

آلبـآآآرت الراآبع .. بع’ـد لح’ـظآآآت .. !

يوم الج’ـمعه

- في [ بيت ابو فوواز ] الساعه 2 الظهر ..

كانت بـ غرفتهآ مآنآمت الليل تمنت اقرب الناس لها تكون معها في هاللحظه ! تمنت تكون امها معها في مثل هالمناسبه .. مابيدها حيله .. وامها عايشه طوول حياتها بعيده عنهإأ .. كيف الحين تتضايق وتزعل وهي طوول عمرررها بعيده عنهم .. !

.... : آآآآآآآآهـ .. يكفيني مإأمآ مريم ..!

بهاللحظه كان في احد يطق باب غرفتها ..

.... : مييين !
مريم : افتحي يمه مششاعل .. !
مشاعل وهي تقووم : ان شاء الله يمه ..

فتحت مشاعل لـ آمهإأ وهي مبتسمه عكس اللي صار لها امس .. !

مريم : صباح الخير ..
مشاعل وهي تدخل غرفتها متجهه للسرير .. : صباح النور يمه تفضلي ..

جلست مريم ع السرير جنب بنتها ..

مريم : كيفك اليوم ! ان شاء الله زينه .
مشاعل وهي تضم امها : دامك معي بكوون زينه .. الله لايحرمني منك .!
مريم .. : فديتك حبيبتي ولا منك ..

مريم بعدت مشاعل عن حضنها وصارت تناظر في عيووونهإأ ..

مشاعل : خير يمه في شي ..!
مريم : خييير ان شاء الله .. بس انتي الحين مشاء الله كبرتي وصرتي مره ,,
مشششاعل تنهدت : آآآآآهـ .. فهمت يمه وش بتقولين .. ! بس انا ماابي اتزوج ..
مريم بـ استغراااب .. : كيف عرررفتي وليه ماتبين تتزوجين !
مشاعل : يمه لا تفهميني غلط .. امس كنت ابي ادخل لا آبوي وسمعته يكلمك بهالموضوع .. وانا ماعندي استعداد للزواج الحين ..

مريم خذت مشاعل على صدرهااا وصارت تمسح على شعرها .. : حبيبتي الزواج سنة الحياااه وانتي مشاء الله كبرتي وصرتي بالعشرين .. يا ماما نواف رجال يسوى الرجاجيل .. وماينتفووت والنعم فيه .. وغير هذا كله احناا نعرف اهله زين .. والنعم فيهم كلهم ..

رفعت مشاعل راسها وحطت عينها بعين امها وهي مستحيه .. : إن شاء الله .. الله يكتب اللي فيه الخير ..
وكملت بـ مزززح .. وبلهجة غروور : ولووو إن نواف مو طموووحي بس نفكر عشان خاطرك ..
مريم بـ ضحكه على بنتها .. : هههههههههههههههههههه .. الله يقطع ابليسك .. ماتستحين ابد ..
مشاعل : عادي يمه اموون عليك .. الله يكتب اللي فيه الخير ..
مريم وهي طالعه : يلا انا بنزل اسوي الغدااء لا خلصتي الحقيني ..!

طلعت مريم من الغرفه .. ومشاعل جلست تناظر بنفسها بـ المرايه ..

مشاعل بـ خاطرها : نواف .. معقووله انا اخذ نوواف .. ! نوااف اللي ياما وياما حلمت فيه اللي حبيته وكتمت واخفيت مشاعري عن الكل وعنه .. معقوووله الحين يطلبني .. !

تنهدت بـ صووت مسمووع : اآآه الله يكتب اللي فيه الخير ..
....... : اي اكيد الله يكتب اللي فيه الخير ..
مشاعل وهي متخرعه .. : بسسسم الله انت من متى هينا ..
فواز : من سنة جدي طقيت ومارديتي كان دخلت اكلمك وانتي .. وبدا يقلدها : الله يكتب اللي فيه الخير ..
مشاعل : فواز لو سمحت .. احترم نفسك و اوووت عن غرفتي ..
فواز بـ إستهزاء : اووووخص صرنا نتكلم انجليزي ..
مششاعل وهي معصبه : فووووووواز اطلع لو سمحت ..
فواز : طيب بطلع بس كنت ابيك بمووضوع بس خلاص .. وطلع
مشاعل بـ صوت عالي : تعال فووواز والله تجي ..
فووواز بنفس علوو صوتها .. : اسسف اللي يبيني يجيني.. ونزل تحت ..

لبست مشاعل وعدلت شكلها ونززلت تساعد امها ع الغدااء وتشووف فوازووه وش يبي ..

___________________________

في بيت بو محمد ,,

في مكان يخيم عليه الهدووء والسكون .. كان جالس في غرفته ويفكر بـ عمق ,,

.....: يمكن جنيت على نفسي بهالقرااار .. ويمكن اجني على البنت اذا وافقت علي ..

سمع صوووت ضميره .. / خلاص انسسساها انسى شوق يانواف .. اقتنع انها ملك انسان ثاني ..

نوآف : بس شوووق تحبني كيف انسسساها .. لالا انا لازم انسسساها وابدا حياتي من جديد ..

سحب شماااغه من على السررررير وطلع .. لكن هالمره لـ مكان بعيييد عن الناس ..

____________________________

بنفس الوقت من جهه ثانيه .. /

في مكان تجمع فيه الشر والفسسساد وتشويه سمعة البنـااات ..

آسيل .. : مرام .. مرام قوومي يلا خلينا نطلع شوي
مرإأم : هممم .. طيب طيب الحين بصحى ..
اسيل وهي تسحب مرام : بسسسرعه يلا قدامي
مرام بـ إبتساامه : كيفك قلبي ..!
اسيل : بخيير دامني اشوف هالوجه ..
مرآآم : يلا انتظريني ثواني واكون جآهزه ..

جلست آسيل تنتظر مرام اللي راحت تجهز .. وكان في بالها الف شغله وشغله ولا تدري تبتدي بـ ايش ..
بعد ثووواني معدوده .. خلصت مرام ..

مرام : انـااا جاهزه .. يلا مشينـاا .. !
اسيل : يلا ,,

وطلعوا اسيل ومرام واتجهووا لـ السووق ..

_____________________________

في صالووون التجميل ..

داومت اليوم تغييير جو بعيد عن البيت .. وتكسر الملل اللي جاهاا .. تذكرت البنت اللي مرت عليها وكانت تبيها بـ موضوووع ..

حاولت تتذكر شكلها لكن مافي فااايده .. اول مره تشوووفها وماركزت فيها كثير ..

قطع تفكيرها صوت جوالها اللي كآن يرن .. ماعطته اي اهميه لانها طفشت من هالمووال ..
لكن هالمره كان يررن بـ اصرااار .. وزآد اصرااارها انها ماترد عليه ,,
قررت تحط الجوأل سايلنت ..

.... : مليت وربي وش هالعيشه .. لا ليلي ليل ولا نهاري نهار .. إزعاج × ازعآج ..
الله يييييييعيني بس .. تنهدت بـ صوووت مسموووع ..

وقررت تتصل على مشاااعل تشوف ايش اخر اخبارها ..

جوال مشاعل كان يرن ويرن وماكان في رد ..
وكررت الاتصااال مره ثانيه .. الى ان ردت عليها مشاعل ..

غـاااده : انتي وينك ماتردين ..
مششاعل : الناس يسلموون اول وبعدين يتشرهوون ويصارخون ..
غـااده : معليه سوري .. السلام عليكم انسه مشاعل .. كيفيك !
مششاعل : بنشكر الله كتير كتير ,, كيفوو الـ ئمر اليوم !
غـاااده : مثلك بالضبط ..
مشاعل : تعالي يالخاينه .. ولا كآني صديقتك ...
غـاااده بـ خوف : ليه وش سووويت !
مشاعل : الحين عمك يخطط ومدري ايش ولا تقولين لي ع االاقل اكون بالصوره ..
غـاااده بـ ضحكه .. : ههههههههههههههه ياحليلك على بالي في سالفه .. ,,
مشاعل : كل هذا ومافي سالفه .. !
غـاااده : هو شوفي يعني انا مالي دخل هم سآلوني وانا قلت الصدق .. وقلت خليها لها مفأجآه ,, وكذا افضل من اني اقووولك ,, وادري انك ماراح تستحين ,, فـ عشان كذا قلت اسكت احسن لي ,,
مشششاعل : يؤؤ يؤؤ الله واكبر عليك ,, انـاا مااستحي ..! افاا امحق من صديقه ..
غـااده : الا قوليلي بتـوافقين والا لازم تفكرين دهر .. !
مشاعل : ماادري ياغااده مااعرف شي عن نواف ابد ..
غـااده : يابنت الحلال هذا امي تزوجت ابوي وماتعرف عنه اي شي .. انتي استخيري وتوكلي على ربك .. بس اخلصي نبي نكشخ نبي نررقص ..
مشاعل : الله يكتب اللي فيه الخير .. بس شرايك تمرين علي نطلع سوا ,, ابي اتكلم معك ..
غـااده : انا في الصاالون تعالي .. !
مشاعل : ماابي الصالووون ابي مكان ثاني .. بعيد عن كل شي ..
غـااده بـ خوف : خير مشاعل صاير شي !
مشاعل : لا بس انتي تعالي وبتعرفين كل شي ..
غـااده : اووكي .. مسافة الطريق ..

سسكرت غاده من مشاعل وهي تفكر فيها ,, وشنوو تبي منهإأ بـ الضبط ..
كلمت سيد يجيها بـ الصالووون ,, عشان تروح لـ مشاعل ..

______________________________

فـ بيت ابو فواز ,,

كانوا كلهم جالسين في الصـاااله .. ماعدا مشاعل اللي انسحبت وراحت غرفتها ..
نزلت مشاعل لهم .. وراحت جلست جنب ابوها ..

مشاعل : بابا .. ممكن اطلب .. !
نـااصر : امري .!
مشاعل : الحين غدوو بتمرني وآبي اروح معها ..
نـااصر : على وين !
مشاعل : بنرووح السوق ,, وتبيني معهأ ..
نـاااصر : على راحتك ..
مشاعل : مشكور ..

راحت مشاااعل طيرااان على الغرفه تبدل ملابسها .. اول مادخلت غرفتها لقت جوالها جالس يرن وكانت غااده ..

مشاعل : اهلين ..
غـااده : انا براا اطلعي ..
مشاعل : تكفين غدوو ادخلي لين اخلص ..
غاده : طيب في احد قداآمي ..
مشاعل : محد غريب امي وابوي وفواز ..
غـااده : مشاء الله من بقى .. كل هذا ومحد غريب ..
مشاعل : اقول طقي الجرس وادخلي .. ماعليك ..
غـااده : طيب اخلصي ..

سكرت غااده من مشاعل .. ونزلت من السياره ..
طقت غاده الجرس .. وثوآني وفتح لها الباااب .. وتمنت الارض تنشق وتبلعها ..

غاده بحيـآآء : آلسلام عليكم ..
فواز : عليكم السلام .. آمري ..
غـااده : ابي مششاعل .. انا صديقتها ..
فواز وهو ينااظر فيها من فوق لين تحت : انتي غاااده !
غـاده بربكه .. : آ..آ.. آآآي ..

فتح فواز الباب لها ووخر عنهأ .. : تفضلي مشاعل فوق بغرفتها تلبس ..
غـاده بداخلها " ادري انها تلبس ليتني مانزلت " اووك بروح لها الحين .. عن اذنك ..

دخلت غااده الصااله وسلمت على خالتها مريم .. وعلى عمها نـاااصر وصعدت فووق لـ مشاعل ..

في غرفة مشاعل ..

فتحت الباب بقوووه ودخلت وهي تصارخ : الله يعلن ابليسك فشلتيني ..
مشاعل بـ خووف : شصااار .. !
غـااده : و لاشي بس فواز فتح لي الباب ..
مشاعل : ههههههههههههه .. طيب وخير ..!
غـااده : استحيت وهو ماعرفني تفشششلت ..
مشاعل : تكفين يـ آم الحيااا .. يلا بس مشينا ..
غـااده : وين تبين نرووح !!
مشاعل : اي مكإأن .. آهم شي اغير جو ..
غـااده بـ تفكير : نروح الراشد !!
مشاعل : يلا ..

نزلت مشاعل ومعها غااده .. لـ الصاله

مشاعل وهي تكلم امها وابوها : تآمرووون بشي !
مريم : لا يمه سلامتك ,,
نااصر : لا تتاخروون ..
مشاعل وهي تطلع ..: ان شااااء الله

ركبوا غاده ومشاعل السياره .. واتجهوا لـ الراشد

____________________________

في الهاف مووون ..

كإأن جآلس لحآله بـ السياره قدام البحر .. وكان الوقت قريب المغرب وكان المنظر مريح لـ النفس ..
راح لهالمكان لعل يرتاح شووي ويروح جزء من همومه ويبدا حياه سعيده ,,

تذكر شووق وايامها .. وكيف كان يقضي وقته معها ..
كانت ماليه عليه دنيته وماكان عنده وقت لا اي شخص ثاني ..
واليوووم شوق صاارت لـ غيره .. صرت ملك لـ انسان ثاني ..

.... : آآآآآهـ يآلقهر .. ودي اعرف لو شي واحد عنها .. ودي اعرف هي حيه والا ميته .. ودي اعرف صارت ام والا توها ..
قطع عليه صوت ج’ـوآله .. : وكآن المتصل راشد ..
قرر يرد عليه .. لان محد فاهمه بهالحياه الا راشد ...

نـوآف بـ صوت كله حزن : هلا راشد ..
راشد : هلا فيك .. ! شفي صووتك عسى مآشر !
نوآآآف : ماشر بس متضايق شوي ..
رآشـد : انت في البحر .!
نوآف بتنهيده .. : آآآآآآهـ .. اي في البحر ..
رآشـد : شوي وجـآآيك ..

سكر نوآف من راشد .. وجلس ينتظره لين يجي .. وبخآطره كلام كثير ووده يقووله ..

_____________________________

في آلرآشد .. بـ التحديد في ستـاار بكس .. !

كآنت جآلسه تتكلم مع مرام وتحاول تفهمها وش تبي تووصل له ..

آسيل : اسمعي .. خذي هالرقم .. وكلميه ..
مرآم : والله خ’ـآيفه ..
آسيل : قبلها منيره وهدى وليآن .. ماخفتي .. يوم جاء دور مضاوي خفتي !
مرآإم : مادري بس مضاوي ماتستاهل .. مضاوي حيل طيبه معي وعلى نيتها ..
آسيل بـ عصبيه : اسمعي وألله يامرام ان ماكلمتي .. والله بـ اذبحك ..
مرآآآم بـ خووف : ط ,, ط ,, طييييب ..

واخذت مرآم الجوأل .. وجلست تضغط على الارقام اللي تقولها لها اسيل ..

في نفس المكـآن .. والزمآن / <~ نآس غير عن هالناس ..

غـآده : وش تشربين ! ..
مشاعل : ليمون نعنـاااع ..

نآدت غاده ع القرسوون .. وطلبت منه ليمون نعناع لـ مشاعل .. و كآبتشينو لهآ ..

غـااده : يلا تكلمي .. ترا حدي خايفه ومن اليوم افكر بـ موضوعك .. !
مشاعل : مافي شي بس ابي اتكلم لك عن اللي بداخلي ..
غـااده : طيب تكلمي قووولي وش فيك !
مشاعل : امي .. وسكتت ..
غاده : وش فيها خالتي مريم !
مشاعل : لا مو امي مريم .. امي ح’ـصه ..
غـاده بـ صدمه : امك ح’ـصه .. وش فيها .. واصلا شطراها على بالك ..!
مشاعل بدت دموعها تتجمع بـ عيونها : مافيها شي اشتقت لها تمنيت انها هي اللي تقول لي ان نواف تقدم لي .. صحيح انا احب امي مريم .. بس مشتاقه لـ امي الحقيقه ,, امي اللي حملت فيني ..
غـااده وهي تحاول تهدي مشاعل : خـلآص حبيبتي .. ان شاء الله بتشوفينها وبتفرحين بـ شوفتها ..

مسحت مشاعل دموعهإأ وآطلقت أبتسسسامه على وجهها ..


________________________


من جهه ثـآآآنيه .. بنفس الوقت ..

في السسسسياره ..

كآن سرح’ـآآآن في الطريق .. مآيدري وين كآن يرووح .. وخ’ـآلد من جهه يسولف عليه .. وهو ولا هو معه ..
رن جوآآآله آكثر من مره .. واستغرب الرقم .. فكر يرد والا مايرد ..
تذكر شغله .. وترك الجوآل وقرر انه مآيررررد ..

خ’ـآآلد : الحين صار لي ساعه اسولف معك .. ولا انت معي .. شفيك ..
فه’ــد : هاه .! مع’ـك بس شوي ضايق صدري ..
خ’ـآلد بـ خوف : عسى مآشر فهد شفيك ..!
فه’ـد .. : مآفيني شي كممل ..
خ’ـآلد : طيب مين اللي يتصل عليك ؟!
فه’ـد مآقدر يمسك اعصاابه : خلآص خآلد تحقيق هوو .. ! انتهى ـآآ الموضوع كمل سآلفتك او اسكت ..

انصدم خ’ـآلد من اسلوووب فهد له .. وقرر انه يسسكت افضل .. لان الواااضح على فهد انه متضايق ومعصب حيل ..

________________________

في سسستار بكس ..

حطت الجوآل بعد محآولآت فآشله .. وتنهدت بداخلها .. " الحمد الله انه مآرد .. " .. لفت على آسيل اللي كآنت مررركزه على بنتين جآلسين جنبهم فـ الطاوله ..

مرآم بـ راحه .. : اسيل اتصلت اكثر من مررره مايرد ..
آسيل وهي مركزه عيونها ع البنات : آلح’ـقير اصبري شوي واتصلي .. او ارسلي له مسج ..
مرآآآم : مآراح ارسل خليها بعدين .. بعدين تعالي .. شعندك تطالعين في البنات .. !
آسيل وهي تلف على مرام : ماادري .. مستغربه من وضعهم .. وآضح عليهم انهم بنـآآآت عز . . ! ومع كذا البنت اللي جالسه هنـأأك .. واشرت على مشاعل .. كآنت تبكي .. وبكلمه من اللي معها شوفيها كيف مبسووطه ..
مرآآآم .. : مآهو غريب شي عآآآدي ..
آسيل وهي تقووم من كرسيها .. : دقيقه وبجي ..
مرآآآم : تعالي وين بتروحين ..
آسيل : الحين بتشوفين ..

بعدت اسيل عن مراام واتجهت لـ طآولة مشاعل وغآده ..

آسيل بصووت ضخم .. : مرح’ـبـآآ ..
غ’ـآآآده : اهليين .!
آسيل : اممم مدري شكلي مضيع’ـه شيي عندكم .!.
غ’ـآآآده : فيك شي انتي .. !
مشاع’ـل : شكلك مو صاح’ـيه .!
آس’ـيل .. : لا فيني شي ولا اني موصاحيه .. انا اصحى منكم ..

آتكت ع الطآوله وقربت وجهها لوجه .. غآده ..
آسيل : آسمعي .. هذا رقمي وحطته على طآولتها .. ابيك اليوم تكلميني ضروري .. !
غ’ـآآده : خيييير ان شاء الله من تكووونين .. !

جت مرآآآم وسحبت اسيل ..

مرآم : اسيل خير عسى مآشر .. ! شفيك ..
آسيل بـ عصبيه : انتي وش جآبك .. كم مره اقولك لا تتدخلين في خصوصيااتي ..
مرآآآم مآقدرت تمسك نفسها .. وحست بالفشيله ونزلت دمعها منها ..

مششاعل : يلا غ’ـآآده قومي نروح عن هالمكان .. مكان في ناس مثل هذي ماينجلس فيه ..
غ’ـآآده وهي تسحب شنطتها .. : يلا ..

وطلع’ـوآ غآده ومشاعل وتركووا آسيل .. ومرام غرقانه بدمووعها ..

__________________________


في الهآف موون .. /

وقف سيآرته بعد مآعرف السياره اللي حآفظها وحافظ راعيها زين .. ويفهمه من نظره ..
ركز انوار السياره عليه وكآن جآلس قريب البحر ووآضح عليه انه مكتئب ..

نزل من سيارته واتجه له .. وقف جنبه بدون مآيحس فيه ..

.... : الح’ـيآآآه مآهي وآقفه على شخ’ـص وآح’ـد .. لو كلنا واقفه دنيتنا على شخص واحد كان كلنا متنا .. بس الحياااه تجارب ياتصيب وياتخيب .. انسسسى الماضي وركز على مستقبلك .. محد بينفعك الا مستقبلك .. والماضي مجرد ذكره بين صفحأأأت ايامك وانطوت ..

رفع راسه آتجـآآآه صاحب الصووت .. ~> وابتسم ..

رآشد رده له االابتسامه : انا مايهون علي اشوفك متضايق عشان انسانه ماتسوى وتركتك وراحت .. !
وفرضنـاا انه غصب عنها .. خلآص هذا شي مقدر ومكتوووب ,, ارضى بالوااقع وعيش حياتك ..

نوآف : اللي ماتعرفه يارااشد اني خطبت مشاعل .. اخاف اظلمها معي ..
رآشد : ماراح تظلمها .. عيش معها وخل دنيتك كلها لها وصدقني بتعيش بـ سلآم .. وبتكون لك طوول العمر ..
نوآف : وشوق .. !
رآشد وهو يجلس جنبه .. : انسسساها .. قلت لك انسااها .. صدقني مشاعل بتاخذ قلبك وماراح تخلي مجال لـ شوق فيه .. بس لا تظلم البنت وتخوونها حتى ولو بتفكيرك ..
نوآف ~> حط عيونه بعيوون راشد : الله لآيحرمني منك ..
رآشد : ولا منك يا عمي ..
نوآف بـ ضحكه .. : هههههههههه حسستني ان عمري 50 .. استح على وجهك ولا اشوفك تقول عمي ..
راشد : شفت كيف طلعتك من ضيقتك .. ! صدقني افهمك ..
نوآآآف وهو يقلده : شفت كيف طلعتك من ضيقتك .. / اقول روح يالواثق ..
رآشد : هههههههههههههههههههههه يلا الله يوووفقك وتصير ابووو ,,
نوآآآف : خلها تووافق اوول ..
رآشد : انت نوآف بن فيصل آلـ .... ! تبي مشاعل ماتوافق عليك ..
نوآف : هذي احسن جمله قلتها ..
راشد يااالواااثق ..

آستمر الحوآر بين راشد ونواف .. بين ذكريااات الطفووله .. وبين احلام المستقبل .. الى ان راح عليهم الوقت وتذكرووا انفسهم .. وكل واحد رجع بيته ..

____________________________

يووم السبت .. في الجآمعه الساعه 9 الصبـآآآح ..

كآنت تمشي في صالة الكليه .. متجهه لـ الكافتيريـآآ .. وقفها صووت وحده وكانت تنادي عليها من بعيد ..

.... : مضاوي مضاوي ..
لفت مضاوي على البنت اللي كانت تناديها .. : اهلييين ليونه ..
ليـآآن : هلا مضاوي كيفك ..!
مضاوي : الحمد الله بخير انتي كيفك ..!
ليـآآن : بخيييير .. /~ مضااوي بغيتك بـ مووضوع ..
مضااوي : خييير امري .. !
ليـآآن : الحين عندك مح’ـآآضره .. والا شي .. !
مضاوي : لآ وآلله مآعندي شي ..
ليـآآن : اجل يلا نروح لـ الكافتيريا ..
مضااوي : يـلأأأ ..

وقفهم صوت مرآآآم اللي كآنت جآيه بح’ـمآس لجهة مضاوي ..

مرآآآم : اهلييين مضاوي ..
مضاوي : اهلن مرررومه .. كيفك يالدوبه وحشتيني .. وكيف اسيل !.
مرآآآم : الحمد الله بخييير تسلم عليك ..

ليـآآآن : اوكي مضاوي اخليك مع مرآآآم اشووفك وقت ثاني ..
مضـاااوي : لا عااادي .. اجلسي معي ..
ليـآآآن : خلآص بروح اشوف نووف وريم ..
مضـاااوي : على راحتك ..
ليان .. : يلا سي يووو .. !


راحت ليـااان وهي تتحلطم .. وصلت لـ اسيل بعد ,, ! والله ورحتي فيها يامضااوي ..
الله يكووون بعوونك .. يارب تجي الفرصه اللي اقدر اكلمك فيهاا .. وتفهمين اللي اقووله ..

وصلت عند ريم ونووف وجلست معهم .. وكملت

___________________________


فـ بيت بو سع’ـود .. الساعه 12 الظهر ..

كآن ج’ـآلس في غرفته ومتضايق .. عنده اليوم دوآم .. بس ماداااوم .. جآلس يفكر بـ امه وكيف ثارت في وجه مضاوووي لمـآآ تكلمت بـ موضووع خطووبة نوآآآف ..
هي ليه تتضايق وهي ليه تنصدم .. معقوله تخطط لـ شي مانعرفه ..!

...... : لا .. لا .. امي مستحيل تسوي كذآ .. / طيب ليه عصبت .. وش اللي بالموضووع ازعجها ..
انا لآزم ارووح واشوف ليه تضااايقت ..


قام سعووود من غرفته واتجه لـ غرفة امه .. وكله امل يعرف ليه هي متضايقه .. من خطوبة نوآف ..
وصل عند غرفة امه .. وقبل مايطق الباب ويستآذن بـ الدخوول .. سمع صووت استووقفه .. وكان الصوت عالي مرره ,, وواضح انها تكلم بالتلفوون ..

...... : انتي تدرين يعني شنوو نوآف ياخذ مشاعل .. ! يعني خرب كل اللي اخطط عليه من زمأن ..
كله من عجووز قريح الله لايوووفقها ..

آختفى صووتهإأ من مسسسامع سعوود .. ونزل تحت بعد ماانصدم من اسلووب امه وطريقة كلامها بالتلفووون .. وطلع من البيت لـ مكأن مآيدري وووين بـ الضبط ..

_____________________________


في صـآآلون التجميل ..

ج’ـآلسه مشاعل في الاستقبال .. وواضح عليها انها مندمجه بـ التفكير .. وغآده جآلسه تسولف لها وتذكرها بـ اياام طفوولتهم ..

غآده : مشاعل تذكرين يوم نوآآآف وراشد يرمون علينا بلونات ماي وإحنا جالسين بالحوش نلعب .. وجآء فواز يدافع عننـآآ .. ياحلووها من ايااام .. ,,

انتبهت غااده لـ سرحآاان مشاعل .: مششاعل ياهووووه .. نحن هنـأأ ..
انتبهت مشاعل لـ غااده : هااه معااك ..
غـآآده : معاااي وين .. اجل بدآآآ نوآف يعمل عمآآيله فيك ..
مشاعل بـ تنهيده قويه ومسموعه :آآآآآآآآآآآآهـ .. عآمل عمآيله فيني من زمآآآآن ..
غـآآآده بـ استغراب .. : من زمإأأأأن ..! وليه ان شاء الله انا اخر من يعلم .. صديقتك ع الفااضي ..!
مشششاعل : ماكنت ابي اتكلم واقول عشان مااتعلق فيه زياده .. وخليت هالحب بيني وبين نفسيي ..!
غـآآده : والله وطلعتي تحبيين يالدووبه .. اجل خلاص موافقه عليه ..
مشاعل بحيـآآء : اممم مادري انا مبدآئيآ موآآآفقه .. بس خليني اماااطل فيه زيااده ..
غـآآده : طيب يـ المبدئيـه لا تطولين على عمي .. ترا يطفش ويروح يشوف غييييرك ..
مشاعل : لالالالا خلاص اجل بروح الحين البيت وبقول لآمي موافقه ..
غآده ومشاعل : ههههههههههههههههه ..
غآده : الله يرررجك لهالدرجه الحب معااك في العلالي .. الله يهنيك ان شاء الله ويووفقك ويبعد عنك كل مكرررروه ..
مشاعل وهي تووقف : امييييييييييين يارب .. / يلا انا بروح بيتنا الحق على الغداء واقولهم اني موووافقه ..
غاده : حسافه كان خاطري اشووف شكلك وانتي تقولين لهم .. بس يلا مره ثانيه ..
مششاعل : عقبال مااشوفك .. ان شاء الله
غااده : لسسسا بكير على هذا كله .. خليها بعدين ..
مشاعل : اووكي يالبكير .. لو اشوووف اللي اوب قايله اسمه على طووول توافقين ..
غـآآآده : اقول بس انقلعي .. مو مثلك خفيفه .. يلا روحي لا تتاخرين ..
مشاعل : يلا باااي .. وطلعت ..


_____________________________

في بيت ابو فوآآآز .. كآنت الساعه تقريبا 2 الظهر ..

على طآولة الطعاام كان جالس بو فواز وام فواز .. وفواز ..
دخلت مشااعل البيت ولقتهم جآلسين ..

مشاعل : ستووب ستووب .. انتظروني ابدل واجي ..
بو فواز .. : تعالي تغدي وبعدين بدلي ..
قربت مشاعل عند ابوها وباست راسه وراس امها وباست خد فواز وجلست ..
مريم : يمه مشاعل وش تبين احط لك . .!
مشاعل : اممم اي شي اممم حطي كل شي ..
فواز : هههههههههههههه حلووه اي شي كل شي ..

حطت مريم رز ودجـآآج في صحن مشاعل .. وعطتها ايااه ..
مشاعل .. : تسلمين .. وجلست تاكل وهي تفكر كيف تفتح معهم الموضوووع ..
نـآآصر : مشاعل عسى ماشر شفيك ..

زآد ارتباك مشاعل وتلعثمت ماتدري وش تقول .. : لا يبه سلامتك ,, مافي شي ..
ناصر : مدري اشوفك مرتبكه قولي يابووك وش فيك . .!
مشاعل وهي تناظر صحنهآآ ..: يبه انا موافقه على نوآف ..
نآآآصر : مبرووك يابنتي مبرووك .. الله يتمم عليكم بخ’ـييير يارب ..

الكل بااارك لـ مشااعل .. والكل هنـآآآها .. ودعى لها وتمنى لها حياه سعيده .. وكانت مشاعل منحرررجه

_________________________


في بيت بووو محمد الساعه 4 ونص العصر ..

كآنت جآلسه حنوونه بالصاله وجنبها نوآآآف .. وكان الجد فيصل بـ غرفته نآيم ..
دق التيليفووون ورد نوآآآف ..

نوآف : آلـووو ..
....... : الو السلام عليكم . .
نوآف : هلا وعليكم السلام ..
مريم : شلونك يمه نوآآف عساك بخير .. وشلون الوالد والوالده ..
نوآآآف : والله بخير جعلك بخييير .. كلهم بـ صحه وعاافيه .. انتي شلونك بشريني عنك وشلون عمي ناصر .. !
مريم : بخيير والله بـ احسن حال .. الا اقول يمممه .. حنونه يمك .. !
نوآآآف : اي عندي .. دقايق ..

نوآف .. : يمه التلفوون لك ..
حنووونه وهي تقوم متجهه لـ التفلوون : مين ..!
نوآآآف : خآلتي ام فووواز ..

جلس نوآآآف بـ جنب امه بـ حماااس وكله فضول يسمع وش تقولها .. مايدري هل هي بداية تعقل بـ مشاعل .. او حب فضوول فيه ...


حنوونه : هلا والله بـ مريم .. هلا ياحبيّبتي .. ..
- آلله يسلمك كلنا بخير يامال العافيه .. انتي شلونتس .. وشلون عيالتس ورجلتس .. !
- الله يعطيييكم العافيه ..
- خييير سمّي ..
- مبروك مبروك الله يووفقهم ان شاء الله ..
- خلاص نحدد يووم ونجيكم عشان الشوفه ..
- يلا ياحبيّبتي فمآن الله ..

سكرت حنووونه .. ولفت على نوآآآف ..

حنوونه : انت هينا ماقمت ..
نوآف : لا ماقمت قوليلي وش صار وش عليه مبروك ..
حنوونه : تسوي نفسك ماتدري .. مشاعل وافقت عليك .. باقي نحدد يووم ترووح تشوف البنت ..
نوآآآف : لازم اشوفها .. !
حنووونه : اي لازم وتجلس معها شوي ..
نوآآآف وهو طاير من الفرحه : على خييير ان شاء الله .. يلا انا طالع تبين شي ..!
حنووونه : الله يحفظك ..


طلع نوآآآآف وعلى طوول مسك الجوآل وكلم رآشد ..

..... : رآشد لآيطووفك ..
رآشد : خييير وشوو !
نوآآآف : مشاعل مشاعل ..
رآشد : شفيهاا !.
نوآآآف : وأأأفقت علي ..
رآشد : مششاء الله مبرووك .. بس بسرعه .!.
نوآف بـ غروور : اي مو انا نوآف بن فيصل آلـ ... !
رآشد : يلا اجل بهالمناسبه انت عازمني على حسابك ..
نوآآف : يالوصخ بدل ماتعزمني انا اعزمك .. !
رآشد : والله مو مشكلتي اذا جايني نهاية الشهر .. !
نوآآآف : طيب يلا خلني اكلم فووواز ..
رآشد : يلا الحين جاايك .. !

سسسكر نوآف من راشد .. وراح اتصل على فوواز .. وقاله انه بيمر عليه مع راشد بعد شوي ..

طلعوآ الشباااب وانبسسطوا وعشااهم نوآآآف على حسااابه بـ اصراار منه .. ووعدووه يوم خطووبته هم اللي يعزموونه ..


_______________________


بع’ـد يومين من الاح’ـداث اللي صـآآآآرت ..
ج’ـآآآء موعد الـملكه والشووفه ..
في بيت ابو فوووآز .. الظهر ..

كآن الكل مجتمع في المجلس .. نآصر و ولده فواز .. و الجد فيصل وعياله .. وراشد ..

فوآز وهو يكلم بو محمد : تقهوووى يآجدي ..
بو محمد : زآد فضلك ياوليدي ..

نوآف بـ ضيق .. : مآكآنه تآخر الملّآك ..
رآشد : لآ تشيل هم الحين بيجي .. !

رن الجرررس

فوآز : عمممره طويل هذا هو وصل .. !
عبد الله : لو طآآآآرين مليون ريآل ..

الكل : هههههههههههههههه ..

دخل الملآك وتووسط الشهوود .. وتمم كل شي ..

لف على بو فوآآآز .. : لازم نآخذ رآي آلبنت ..
بو فوآز : آلبنت موآفقه طآل عمرررك .. !
آلملآّك : معليه اخووي هذا الشرع .. ولازم اخذ رايها ..

قآآآم فوآآز ومعه الدفتر .. ودخل دآخل .. وطلب من الخآدمه تنـآآآدي مشاعل من غرفتها ..
نزلت مشاعل .. وكلها حيـآآآء وكانت خ’ـآآآيفه ومرتبكه وقلبها يددددق بقوووه ..
رآحت عند الباب اللي يفصل البيت عن مجلس الرجآل ..

فوآز : تفضل ياشيخ البنت مووجوده عند الباب ..
قام الشيخ من مكانه واتجه عند الباب .. : يا بنتي انتي مشاعل بنت نآصر آلـ ,, !
مشاعل بـ صوت خآفت : ايه نعم
الملّآك : انتي موآفقه على نوآف بن فيصل آلـ ... !
مشاعل بـ استغراب : مييين .!
فوآز بـ استغراب : مشاعل شفيك .. ! يقولك نوآف ..
مشاعل : اي موآفقه ..
الملآّك : على بررركة الله .. وقعي هينا يابنتي ..

مشاعل ويدها ترتجف وكلها خوووف .. وقعت ..

الكل بارك لـ نوآآآف .. والكل بآرك لـ مشاعل .. والحين خلاص .. مشااعل صاارت لـ نوآف .. ونوآف صار لـ مشاعل ..



صرتي ملكي .. وصرت ملكك .. وفرصه سع’ـيده وإلتقينـآآآ على خييير ..

توقع’ـآآآآآآآآآتكم ..