(( آلبـإأرت آلثـأأأني .. ))
اليوم الثآني ..

فـ بيت ابو خإألد ..

كآنت جإألسه مع امهإا فـ الصآله وكآنت طفشانه وخصوصإأ إن بكرهـ ماعندهإأ دوآآآم ..

غآدهـ : مأأمآ .. طفشآنه ابي اطلع ابي اغير جوو .. !
دلآل : اطلعي روحي بيت جدك ..
غآدهـ : توني امس عندهم .. لكن تدرين بروح بـ آكلم البنات بشوف وش عندهم وبقولهم نروح ..!

قآمت غآدهـ ودقت على ريم

كأن تليفون بيت بو راشد يرن ومحد يشيله .. وقررت تتصل مره ثانيه ..

... بـ عصبيه : آلوووو ..
غآدهـ بـ إحرأج .. : آلـ .. أ ..الووو .. !
.... : نعم مين معي ..!
غآدهـ : السلآم عليكم ..
.... : وعليكم السلآم ..
غإأدهـ : معليش متأسفه ع الازعاج بس ريم موجودهـ او نوف !
رآشد : لا إزعأج ولا حأجه .. بس مين اقولهم !
غإأدهـ .. : اممم .. غإأدهـ بنت عبدالرحمن ..
راشد .. : هلا وآلله وغلإأ بـ غادهـ حيا الله بنت عمي ..
غآدهـ بحيآ .. وهي تسب نفسهإأ " اختصرتي هالموال ودقيتي ع جوالاتهم .." : هلا فيك .. بس معليش انا مستعجله ابي وحده منهم اذا صاحيات ..
راشد .. : للاسف والله محد صاحي بهالبيت حتى محسووبك كلنا مهبل .. !
غآدهـ وهي تكتم ضحكتهإأ " مع وجهك يقالك تنكت .. " : لا جد ابيهم ضروري .. !
راشد : اووكي انتظري دقايق ..
غإأدهـ .. : اووكي ..

بعد دقايق ردت عليهإأ ريم ..

ريم .. : مرحبا هلا والله بـ غدوو ..
غادهـ : ريموووه ووجع تو الناس .. فشلتيني مع اخوك ..
ريم : ماعليك منه شقالك ..!
غآدهـ : ولا شي بس دقيت ورد معصب ..
ريم : ههههههههه ماعليك منه يهايط بس ..
غادهـ : هههههههههههههه .. الله يرجك .. الا تعالي بسألك .. وش تسوين !
ريم : ابد ولا شي متمللين ..
غآدهـ : بكرهـ ماعندكم دوام .. !
ريم : لا .. !
غآدهـ : حلووو اجل يمديني امركم نروح بيت جدو !
ريم : اوووكي بس أسأل امي وارد لك ..
غآدهـ : دزي لي مسج عشان امر عليكم .. لا تطولين علي .. بـ اذبحك والله ..
ريم : اوووكي ثواني وتلقين المسج بـ جوالك .. باي ..
غآدهـ : باي ..

________________________

فـ بيت بو راشد ..

.... : ماما .. ماما ..
نورهـ : هاه وش تبين ازعجتيني !
ريم : ماما غادهـ توها متصله تبينا نروح معها بيت جدي .. !
نورهـ بـ استغراب : ليه وش عندهإأ .. !
ريم : ابد تقول متملله وماعندها شي بكره ..!
نورهـ : وانتوا ؟
ريم : ياماما بكره الثلاثاء مافي محاضرات ..
نورهـ : بكيفكم تبون تروحون روحوا ..
ريم بـ فررحه : احبك يا احلإأ ام .. يلا عن اذنك ..

راحت ريم لـ الغرفه ..

نوف : وش عندهإا غادده وش تبي !
ريم : ابد تبينا نروح معهإأ بيت جدي تروحين !
نوف : تصدقين شورانا خل نغير جوو .. !
ريم : على طاري الجو لا تخرب جونا غدوو خلني ارسل لها مسج واقولها بنروح ..
نوف : هههههه عاد غاده دينها ودين اللي يعطلها عن ششغلها ..
ريم وهي تكتب المسج : اي والله صادقه ..
نوف : تهقين قالت حق مضاوي !
ريم : ماادري مااظن ماجابت لي طاري ..
نوف : والله ان تفضحنا خالتي ساره ان ماقلنا لـ بنتها عاد تعرفين لازم افلام هنديه ..
ريم وهي تحط الجوال وتتجه للدولاب : اي من جد كلمي غدوو نبهيها تلقينها ناسيه .. وانتي قومي لبسي ..
نوف وهي ماسكه الجوال تدق على غدو : طيب

نوف .. : آلوووو غدوو ياغبيه انتي بقره !
غاده بـ صدمه : انتي الغبيه ليه وش سويت !
نوف : قلتي لـ مضاوي .؟
غادهـ بـ اللا مبالاهـ : لا ماقلت لها قوولي لها انتي ..
نوف بـ استسلام : طيب بـ اقولهإأ ..

قامت نوف تطلع لها ملابس وبنفس الوقت تتصل على مضاوي لكنها ماترد عندها ويتنق ..

نوف تتحلطم : ماعمري دقيت على هالبنت وردت علي بسهوله كله ويتنق ويتنق .. بسها مكالمات ماتمل .!
ريم : خلاص كيفها خليها على راحتهإأ ..
نوف : طيب كيف اقولها .. الحين وهي معلقه هـ الجوال بـ اذنها ولاهي بـ يمي ..
ريم : دقي ع البيت وان ردت امهإأ الله يكون بـ عونك ..
نوف : أف أف أف لازم ترد هـ العقرب .. ماتطوف مكالمات

دقت نوف على بيت عمها عبد الله .. ونفس ماتوقعت ردت عليها خالتها ساره

نوف : الووو
سارهـ : الووو نعم .!
نوف : السلام عليكم خالتي شلونك !
سارهـ بدون نفس : وعليكم السلام الحمد الله بخير .. !
نوف : مضاوي حولك خالتي .!
سارهـ : لا والله ماادري وينها .. خليني اشوف انتظري
نوف : طيب

ثواني وجت مضاوي ..

مضاوي : الووو ..
نوف : اهلين مضاوي شلونك ..!
مضاوي : تممممام التمام انتي كيفك وكيف ريم !
نوف : والله تمام .. اسمعي بنروح انا وريمو و غدوو بيت جدوو تروحين معنا .!
مضاوي : والله مااعرف .. بـ اشوف وبـ ارد لكم .. يلا باي ..
نوف : اوكي بس لا تطولين باي

لبسوا البنات وتكشخوا وجلسوا ينتظرون غاده ..

نوف : مضاوي ارسلت لي مسج تقول مروني .. بس بالاول خلونا نروح سوبر ماركت او اي شي ..
ريم : يالله عاد مضاوي والسوبر ماركت هاللي مايخلص ..

قطع عليهم جوال ريم .. اللي كان يرن ..

ريم : الو .!
غادهـ : اهلين انا برا يلا اطلعوا ..
ريم : اوك باي ..

طلعوا البنات لـ غادهـ وركبوا معهإأ

ريم + نوف : السلام عليكم ..
غاده : عليكمم السلام ..
نوف : غدوو قولي له يمر على بيت عمي عبدالله ناخذ مضاوي ..
ريم : اي وتقول تبي سوبر ماركت .. قبل مانروح بيت جدي ..
غادهـ : سيد روح بيت بابا عبدالله .. لفت على ريم ونوف وكملت كلامها : اي وانا بعد قلت ابي اروح السوبر ماركت عشان ناخذ اشياء حق الجلسه ..
ريم : هم زين بعد ..
نوف : الا هند وين ليه ماجات ..
غادهـ : كانت بتجي بس طلع عندها اختبار خليها تجلس تذاكر احسن لهإأ ..
نوف وهي تطلع جوالهإأ .. : الله يوفقها : بـ ادق على مضاوي اخليها تطلع ..
ريم : لسه باقي على بيتهم ماوصلنا ..
نوف : ماتعرفين مضاوي سنه تلبس وتجهز ..

مضاوي : الو ..
نوف : اهلين مضاوي انتي جاهزه ..
مضاوي : اي وينكم .. !
نوف : الحين قريب بيتكم يلا اطلعي ..

مروا على مضاوي واتجهوا لـ كارفور الراشد ..

_________________________

في نفس الوقت وفي نفس المكان .. بـ جهه ثانيه ..


فـ ستار بكس ..


خإألد : الحين خويتك جايه مع مين !
فهد : مع بنأت عمهإأ جايين لـ كارفور ..
خإألد : خلاص اجل رح قابلهإأ وانا بـ اجلس انتظرك هينأ ..
فهد : منت جاي معي .!
خإألد : لا ياخي صعبه شلون اجي معك وش بتقول عنك البنت .. !
فهد : على راحتك ولو اني مابشوفها الا من بعيد لكن على راحتك ..
خإإألد : لا خلصت دق علي نتقابل .. اوك ..
فهد : اووك ..

فهد راح يقابل خويته .. وخالد جلس فـ ستار بكس ينتظره ..

فـ كارفور ..

وصلوا البنات ونزلوا ..

غادهـ : شوفوا انا وريم بنـروح جهه ونوف ومضاوي جهه ثانيه .. وبليز بنات مانبي نتأخر ..
قبل صلاة المغرب نكون خالصين ..
البنات : اوووكي ..

راحت ريم مع غادهـ قسم الشوكلاته والشيبسات ..
ومضاوي ونوف جهة الثلاجات ..

مضاوي بـ ارتباك .. : وش ناخذ شوكلاته والا فانيليا .!
نوف : ماادري ناخذهم ثنينهم ..

بهاللحظه دق جوال مضاوي وزاد ارتباكها ..

مضاوي : عن اذنك نوف ثواني ..
نوف : اذنك معك ..
مضاوي : اآ .. آلـ .. آلو ..
فهد : هلا قلبي وينك !
مضاوي : انا بـ كارفور صوب الثلاجات ..
فهد : اوك انا جاي وبوقف جنبك كاني اخوك ..
مضاوي : لالالالا .. نوف بنت عمي معي مااقدر ..
فهد : ماتقدرين تروحين يمين ولا يسار ..
مضاوي : انت تعال وبعدين أشوف .. باي ..

سكرت مضاوي من فهد ورجعت لـ نوف .. اللي مابقى نوع ايسكريم مااخذته ..

مضاوي : نوف كل هذا حق شنو ..
نوف : ماادري ماعرفت صراحه اشتري ..
مضاوي : خذي بس نوعين اللي احنا نحبهم ..
نوف : ريم تحب الشوكلاته وغاده بعد ..
مضاوي وهي تلتفت يمين ويسار : وانا بعد احب الشوكلاته بس خذي بعد فانيليا ..
نوف : اووكي ..

رجعت كل الانواع وخلت بس الشوكلاته والفانيليا ..

مضاوي : لمحت فهد من بعيد ودقت عليه ..
فهد : هلا قلبي وينك ..
مضاوي : جالسه اشوفك انا ..
فهد : وين مااشوفك .؟
مضاوي : انا اللي قدامك جالسه اكلمك ..
فهد : اي اي شفتك .. فديتك وفديت عيونك ..
مضاوي بـ حياء : يلا انا بسكر وبحاول ابتعد عن نوف شوي عشان اشوفك ..
فهد : اوووكي ..

سكرت منه وراحت لـ نوف ..

مضاوي : نوووووف .. انا بـ روح اشتري خلطه للشيبسات وانتي خذي عصيرات وبيبسي ..
نوف : اوووكي ..

راحت مضاوي وفهد وراهإأ .. كانت جالسه تاخذ اغراض الخلطه ..
وفهد واقف جنبها ويتغزل فيها ..


فهد : يافديت العيون ياعلني مانحرم منهإأ ..
مضاوي بـ حياء .. : فهودي خلاص .. ابعد شوي عشان محد يشوفنا ..
فهد : يالبى فهودي على لسانك يازين اسمي بس على لسانك .. ابشري يابعدي ..
مضاوي انتبهت لـ نوف اللي جايه لهإأ من بعيد وتصارخ : مضاااااوي .. انا خلصت انتي خلصتي .!
مضاوي : فهد روح بسرعه .. لفت لـ نوف .. اي خلصت .. وين البنات .. !
نوف : ماادري والله امشي نروح لهم ..
مضاوي : يلا ..

راحوا نوف ومضاوي لـ غاده وريم .. اللي كانوا حايسين ومابقى شي ماشروهـ ..



غادهـ : خلصتوا ..
مضاوي + نوف : اي خلصنأ خلاص ..
ريم : حتى احنإأ .. يلا قوموا نحاسب ..

راحوا البنات للكاشير .. وكان فهد يراقبهم من بعيد ..

لفت ريم على نوف .. : الحين ماتقولين لي هذا وش يبي من جيتوا وهو وراكم !.
نوف بـ استغراب .. : مين !
ريم : هذاك شوفيه ..
نوف : ماادري صراحه اول مره اشوفه .. يمكن يتهيئ لك ..!
ريم : ماادري يمممممكن ..! بس مو غريب علي !
نوف : امشي بس ..

حاسبوا البنات اغراضهم وطلعوا ..

______________________

فـ بيت بو خألد :

كإأنت ام خالد (( دلال )) جالسه بـ الصاله تحت تتفرج ع التلفزيون .. شافت ماجد وهو نازل مستعجل ..

دلال : ماجد على وين العزم ان شاء الله ..
ماجد : ابد مع فيصل ..
دلال : وين ان شاء الله ..؟
ماجد بـ استسلام : ماادري والله .. ماقررنا لين الحين ..
دلال : طيب لا تطووول وراك مدرسه بكرهـ ..
ماجد وهو طالع : ان شاء الله ..
__________________________

فـ ستار بكس .. <~ الراشد ..

كان جالس ينتظر خويه اللي طوّل عليه ..!
خإألد وهو يتصل على فهد " وينه هذا طووول "

خالد : الو وينك ياخي .. ! صار لي ساعه انتظرك ..
فهد : يلا الحين جايك ..
خأإلد : شكلك رحت للي قابلتها ملح .. /
فهد : هو ملح بس ! ااااااااهـ بس .. وخر يلا خلني لا جيت كلمت لك السالفه ..
خالد وهو يضحك : ههههههههههه يلا انتظرك ..

راح فهد لـ خالد اللي جالس ينتظرهـ .. وقال له كل اللي صار ..
_____________________

فـ بيت ابو فواز ..

كانت جالسه كالعادهـ طفشانه وضايق صدرهإأ .. اتجهت لأمها اللي كانت بالمطبخ ..

.. : ماما وش تسوين !.
مريم : اسوي حلا اليوم خالتك جوهره وبناتها بيجون ..
مشاعل بـ استغراب : خالتي جوهره .. ! وانا اخر من يعلم ..
مريم : توها من شوي قالت لي انها بتجي ..
مشاعل بـ حماس وفرحه : يلا يلا عن اذنك بروح البس واتكشخ ..

طلعت مشاعل من المطبخ بتروح لـ غرفتها واقفها صوت فواز اللي جالس يتكلم بـ التلفون ..

... : والله ياراشد ماادري وش اقولك .. بس ان شاء الله بـ احاول .. !
- والله مااوعدك بس بحاول .. يمكن يوافق
- خلاص على خير ان شاء الله .. فمان الله ..

مشاعل : انت بتكلم مين والناس نايمين ؟!
فواز بـ نظره حاده : وانتي شدخلك ؟!
مشاعل : هذا جزاي اخوي واسآل مين يكلم .. صحيح لين قالوا اعمل خير تلقى شر .. عادي هذي الدنيا ازرع جزر يطلع خيار ..
فواز بـ ضحكه : ههههههههههههههههه .. اجل يطلع لك خيار اقول فارقيني خليني اطلع ..
مشاعل : ليه مو جالس تسلم على خالتي جوهره .. !
فواز : ليه بتجي ؟
مشاعل : يس انت شرايك ؟
فواز : اوكي بـ اروح شووي لـ راشد ونواف وبرجع .. !
مشاعل : اووكي اجل لا تطووول ..
فواز : اووووكي ..
مشاعل : يلا وخر خلني اروح البس .. C u
فواز : روحي احد ماسكك ..

راحت مشاعل تبدل ملابسهإأ .. وطلع فواز لـ ربعه

__________________________

فـ بيت بو محمد .. (( الجد ))

دخلوا البنات بيت جدهم .. وكل وحده شايله كيس معهإأ .. لقوا عمهم نوآف جآلس بالصاله مع جدتهم (( ماما حنونه ))

البنإأت : السسلآم عليكم ..
مإأمإأحنونه + نوآف : وعليكم السلام ,,
مإمإأ حنونه : هلا ببنإأتي حيا الله من جانا ..
البنات وهم يحبون راسهإأ : الله يحييك شلونك ؟!
ماما حنونه : بخير الله يسلمكم .. تعالن اجلسن شوفن عمكن .. !
غآدهـ جلست ولفت على عمهإأ : خير عسسى ماشر شفيك ؟!
ماما حنونه : ابد انا اقوله اعرس وماهو راضي يعرس ..
البنات بحماس : صدق واخيرا عمو بتتزوج ؟!
نوآف بـ حيرهـ : ان شاء الله ولو اني ماني مقتنع .. !
مضآوي : انت وافق وانا اجيب لك العروس ..
ماما حنونه : لا العروس جاهزه بس ابيه يوافق ..
نوآف بـ استغراب : جاهزه ؟ يعني مخططه من زمان .. ! طيب منهي ؟
ماما حنونه : انت لا قررت انك تعرس قلت لك منهي..!
نوف : يلا نوافووه وافق .. ترى من زمان مارقصنا نبي نرقص
نواف : بس هذا اللي فالحه فيه..
ريم : هههههههه نوف والرقص وخرر عنهإأ تموت لو ماترقص..
نواف والبنات : ههههههههههههههههه ..
نواف وهو واقف : يلا اجل انا استاذن ..
غادهـ: وين بدري عمووو؟
نواف : بروح الديوانيه بيجي راشد وفواز .. !
ريم : تعال اجلس لاجوا ماهم غريبين يدلون الدرب ..
مضاوي : اي والله تعال اجلس سولف معنإأ من زمان عنك ..
ماما حنونه : خلوا الولد يروح يختلي بنفسه كوده يوافق ع العرس
نوف : اي اي روح مانبيك وفكر انك تعرس لاتجينا الا وانت موافق ..
نواف بـ ابتسامه : ان شاء الله بروح وبفكر مالكم الا اللي يرضي امي ويرضيكم عن اذنكم ..
الكل : اذنك معك ..

ماما حنونه : يلا انا بـ اطلع فوق لجدكن .. واشرت لـ غادهـ تعالي يما معي ابيتس بموضوع ..
غاده وهي تقوم : ان شاء الله ..

جلسوا البنات تحت بالصاله يضبطون للسهره .. ويجهزون الافلام اللي مقررين يطالعونهإأ ..

فوق بـ غرفة ماما حنونه .. دخلت وجلست معها ع السرير ..

غأدهـ :خير ماما عسى ماشر ؟
ماما حنونه : ماشر يابنتي بس حبيت استشيرتس بـ شغله ..
غادهـ بـ استغراب : تفضلي ..؟
ماما حنونه : لا تستغربين يابنتي ولا شي .. بما انتس صديقة مشاعل الروح بالروح .. شرايتس نخطبها لعمتس نواف .. تهقين يصلحون لـ بعض ؟!
غادهـ : والله ياماما البنت ماشاء الله عليها مافيها قصور .. جمال واخلاق مافيها قصور ..
ماما حنونه : انا عارفتن كل هذا بس هي تناسبه ! خوفي البنت تكون مخطوبه والا شي .!.
غادهـ : لا ما جابت لي طاري بـ أن احد خاطبها انتي بس توكلي على الله وقولي لـ نواف وان شاء الله يوافق عليها .. ويقرر يتزوج ..
ماما حنونه : على بركة الله ..~
غادهـ : يلا ماما عن اذنك بروح اشوف البنات ..
ماما حنونه : اذنك معك خذوا راحتكم البيت بيتكم ..
غادهـ بـ ابتسامه : اكيد لو مو بيتنا كان ماجينا .. وطلعت ..

تحت عند البنات فـ الصاله ..

مضاوي : تهقون ماما حنونه شعندها بـ غادهـ ..
نوف : والله مادري لاجت اسأليهإأ ..
ريم : بلا لقافه انتي وياها لا يتشغل العرق عندكم .. ان تكلمت زين .. ماتكلمت خلاص ..
مضاوي : انتي شعليك لازم اعرف ..
نوف : صحيح كلام ريم خلاص عيب نسأل..

دخلت عليهم غآدهـ وهي مبتسمه : هاااي قيرلز ..
البنات : هاياااااااات ..
مضاوي : تعالي قوليلي شعندهإأ ماما حنونه .. وش تبي فيك ؟!
غادهـ : ابد تستشيرني بـ شغله ..
مضاوي : اي عاد شنووو ؟!
غادهـ : الله يسلمكم تبي تخطب مشاعل لـ نواف ..
مضاوي : واااااي وناسه ..
ريم : ياحليلها شعوول بتصير مرت عمنا ..
نوف : ههههههههههههه مااتخيلها بس والله فله واخيرا بـ ارقص ..
غادهـ وهي تضحك عليهم : هههههههههههههههه كلن فـ قلبه شقى اللي له .. يلا جهزتوا الاغراض ؟
ريم : اي بس باقي الافلام بالديوانيه عند عمو نواف ..
غادهـ : اوكي انا بـ اروح اجيبهم ..

طلعت غادهـ من الصاله للحديقه .. متجهه لـ الديوانيه اللي موقعها بركن من اركإأن البيت .. وصلت لباب الديوانيه توها بتفتحه الا تسمع اصوات وراها .. وراحت تخبت ورا الشجره ..


في آلديوإأنيه .. /


جآلس يفكر بالموضووع بجديه .. ليه مايتزووج ويطلع من الهم اللي فيه .. خلآص شوق ماهي من نصيبه ابد تزووجت ولد عمهإأ وإنتها الموضوع .. لين متى يجلس على هالحال .. تنهد وقإأل : الله يكتب اللي فيه الخير ..

دخلووا عليه راشد وفواز .. : السلام عليكم ..
نواف وهو واقف يسلم عليهم : هلا عليكم السلام ..
الكل سآل عن اخبار الثاني .. وقبل ماتبدا السهره وقبل كل شي
نواف : انا فكرت بالموضوع بجديه ..
راشد وفواز بـ استغراب : موضوع ايش !
نوأف : موضوع زواجي .. خلآص قررت اتزوووج ..

قبل ماينهي نواف كلمته الاخييييره الا سمعوا صوت عند باب الديوانيه .. قاموا الشباب بيطلعوون

نواف : خلكم دقيقه اشوف شسالفه ..

فتح نواف الباب وانصدم من إللـي يشووفه ..

نواف كآتم ضحكته : إنتي وش تسوين هنـاا !
... : آآ .. آآآ .. انا جايه اخذ شسمه الـهذا ياربي اي شسمه الافلام
نواف ماقدر يستحمل : ههههههههههههههههههههههههه افلام وانتي طايحه كذا عند الباب
غاده بـ إحراج : مو انا جايه بطق الباب الا انت تقول بـ اتزوج مااقدرت وطحت من الصدمه ..
نوااف : ههههههههههههههههه اهااا قوولي كذا يعني كنتي تتسمعين لنا ..
غاده : لا وربي مااتسمع المهم عطني الله يخليك الافلام خلني اروح تاخرت ع البنات ..
نواف : طيب انتظري ..

دخل نوأأأف يجيب لهأ الافلام ..

فواز : خير نواف وش صاير ..
نواف كاتم ضحكته : هه لا هه ولا شششي ابد ههههههههههههههه ..
راشد : حمستني الله يرجك شصاير .. !
نواف : اصبروا الحين اجي واقولكم .. بس خلني اعطي غاده الاافلام ..

أخذ الافلام وطلع عطاهم غاده ..

غاده : آ .. آ . مشكور عمووو بس شسمه لا تقول لـ ربعك اني طحت الله يخليك ..
نواف كاتم ضحكته : شدعوووه ليه اقولهم مجنوون انا اقولهم ..
غاده : مشششكور عمووو احبك ..
نواف : وانا بعد احبك ..

دخل نواف .. عند الشباب .. وهو ميت ضحك على بنت اخوه " غادهـ "
الشباب تحمسسوا وودهم يعرفون وش صاير .. !

نواف : ادري ادري .. تبون تعرفون .. الله يسلمكم غاده ههههههههههههه .. جايه تاخذ افلام ههههههههه واول ماسمعتني اقولكم قررت اتزوج .. هههههه .. دبجت على الارض ,,
الشباب : ههههههههههههههههههههههههههههههههههه ,,
راشد : مسكينه والله ياليتني انا اللي طالع لها
فواز : استح على وجهك مسكينه تلقى عمها يوم طلع لها منحرجه شلون انت ياولد عمها .. ؟
نواف : والله انها قامت تقول شسمه وشيسمونه من الحياء ماتدري وش تقول مسكينه ماصدقت اني بتزوح ..
فواز : اي والله اهلك من متى وهم يبونك تتزوج ..
راشد : الله يكتب اللي فيه الخير ,,
فواز + نواااف : امين يارب ..

عند البنـأات .. /

مضاوي : وينهإأ غدوو طوولت نبي نشوف شي ملينا واحنا جالسين كذ1 ..
نوف : شوفي وش اللي اخرها تلقين عموو جلس يسآلها عن مشاعل .,
مضاوي : هو اصلا مايدري منهي عيت تقوله ماما حنونه عنها ,,

لفت ريم على مضاوي اللي كانت تسولف مع نوف ..

ريم : اقول مضاوي ..
مضاوي : هلا ,, !
ريم : تذكرين إللـي وريتنا صورته !
مضـااوي : اي واحد . .!
ريم : هذاك فهد اللي حلو ..
مضاوي بخووف : اي اي ذكرته شفيه ؟.
ريم : كإأني شفته اليوم بـ كارفور !
مضاوي بخووف وارتباك ملحووظ : صحيح ! متى ووين !
ريم : ماادري يمكن يشبهه ..
مضااوي بـ راحه بسيطه : يمكن

نوف فهمت مغزى ريم وحاولت تغير الموضوع ..

نوف : بروح اشوف غااااده طوولت علينا ..
ريم + مضاااوي : اوووكي ..

توها بتطلع الا تدخل غاااده وهي تسترجع انفاااسها ..

ريم + نوف + مضاوي : هههههههههههههههههه ..
غاده : شفيكم ؟!
ريم : انتي اللي شفيك شفي شكلك كذا
غاده : عندي لكم خبر بـ مليووون ريااال ..
مضاوي بحماااس : شنو شنو قولي .. !
غااده : عمووو نواف خلاص قرر يتزووووج ..
البنات بـ فرررحه : ونااااااسه ,,
نوف : بروح اقول لـ ماما حنوونه ,,,
غااده : لا خلي نواف بنفسه يقولها ..

وقامت شغلت لهم فلم وجلسوا كلهم يناظروون بـ إندماج .. ماعدا غاده ..

إللـي من اول ماجلسسست وجوالها ماسكت من الاتصالات وكلها ترجع لـ الرقم اللي اتصل لها من اول ..

________________________

فـ بيت ابو فواز ..

كإأنت تحت واقفه على بداية الدرج تنادي بنتهإأ .. تساعدها في المطبخ شوي

مريم : مشاعل .. مشاعل يمه تعالي ساعديني في المطبخ قبل لا تجي خالتك ..
مشاعل : ان شاء الله يمه ثواني وانا عندك ..

جاء فواز دخل عليها وحب راسها

فواز : يعطيك العافيه ..
مريم : الله يعافيك ..
فواز : ماجت خالتي !
مريم : لا وآلله توهم ع الطريق تلقاهم ..

بهاللحظه رن جرس البيت ..

فواز : شكلهم وصلووا عن اذنك افتح لهم ..

طلع فواز وفتح لـ خالته وبناتها الباب ..

فواز : ياحي الله من جانا تو مانوور بيتنا ..
جوهره : الله يحيييك شلونك يمه !
فواز : بخير الله يسلمك .. ولف على بناتها : شلونكم بنـاات ..
البنات : الحمد الله بخير ..
فواز : تفضلي خالتي البيت بيتك ماانتي غريبه !
جوهره : زاد فضلك

دخلت جوهره وبنـاااتها واللي كانت وحده من بناتها تترقب فواز بكل حركه .. فواز انتبه لها لكن حاول يطنشها
هذا حالها كل ماجتهم ماتشيل عينها من عينه ..

بعطيكم نبذه عن جوهره وبنـاتها ..

[ طبعا جوهره ارمله وعندها ثلاث بنـااات ..

روان : عمرها 17 تدرس في ثاني ثانووي <~ هي اللي تراقب فواز ..
لجين : عمرها 15 تدرس في ثالث متوسط .. <~ مع هند في المدرسه ..
مي : عمرهاا 5 سنوات ,,

طبعا ابو روان لما توفى ترك خير لـ جوهره .. من بيت وخدم وحشم كان هدفه يسعدها ومايخليها تحتاج لاحد لا غمضت عينه وهذا طبعا اللي صار ]

مريم وهي تسلم على اختها وبناتها : تو مانور البيت ياهلا والله وغلا .. اسفرت وانورت
جوووهره : منور بـ أصحابه كيفك بشرينا عنك .. !
مريم : والله بخير الحمد الله انتوا كيفكم وكيف البنات ..!
جووهره : والله بـ احسن حال ,,
مشاعل وهي ع الدرج نازله لهم : هلا والله هلا وغلا بالقاطعين اللي مايسألون عن بنت اختهم
جوهره وهي تضحك على مشاعل : هههههههه ياحياتي .. هلا فيك ياعمري
مشاعل وهي حاضنه خالتها : وحشششتيني يالقاطعه ياللي ماتسآلين .. !
جوهره بـ أحضان مشاعل : وانتي اكثر ياغلاهم .. !
مشاعل بعدت شوي عن خالتها وراحت تسلم على بناتها : كيفكم بنات ان شاء الله تمام .. !
روان + لجين : الحمد الله تمام انتي كيفك !
مشاعل : الحمد الله ولفت على مي الصغيره وشالتها .. : وانتي يادوبه كيفك طيبه ؟ ..
مي تضحك مع مشاعل : وتهز راسها بالايجاب .. باستها مشاعل ونزلتها ع الارض ..
مريم : يمه مشاعل قولي لـ [ سوريني ] تجيب القهوه والشاي ..
مشاعل : ان شاء الله ماما ..

جابوا الشاي والقهوه وكملوا سهرتهم لين بالليل ..

______________________

فـ مقهى الانترنت ..

عند نآس ماهمهآ الا الفضايح ونشر صور البنات .. عند ناس قلوبهم خاليه من الرحمه وخووف من الله ..

فيصل : شوف شوف هذي شرايك اركب عليها اي جسم !
ماجد : مسكينه باين عليها ان صورها منتشره وهي ماتدري ..!
فيصل : والله محد قالها تصور ..
ماجد : شكل وجهها يكسر الخاطر .. اتركها شوف وحده غيرها ..
فيصل : لا انا هذي لازم انشرها .. !
ماجد جلس يتآمل وجه البنت البريئ اللي واضح عليها ان صورها منتشره وهي ماتدري ..
ماجد : فيصل خلك من هالبنت والله بريئه .. شوف غيرها .. !
فيصل : طيب طلع لي غيرها وامسح صورة هذي ..

راح يوم فيصل وماجد .. بتركيب وجووه بنات بريئات على اجسام عاريه .. ونسوا ان لهم رب رقيب وحسيب عليهم ..
ونسوا ان الدنيا .. [ كما تدين تدان ] ..
__________________________

يوم الاربعـاااء فـ بيت بو سعوود ..

جالسه عند التلفزيووون من قناه لين قناه .. من الملل ماتدري وش تسوي .. امها مع صديقاتها هايته .. وسعود مع اصحابه وابوها طبعا بالشركه وفيصل لاهي مع ماجد

مضاووي بعصبيه وصوت مسموع : اوووف اووف وش هالحياه اللي تتعب الواحد .. خلني بس اقوم اشوف لي صرفه اهوون علي من الجلسه بلحالي ..

راحت غرفتها اتصلت على فهد .. لكن مارد عليها من شافها ذاك اليوم بـ كارفور ماصار يرد عليها ..
استسلمت واتصلت على مرام ..

مضاوي : اهلن مرام ..
مرام : اهليييييين قلبي كيفك !
مضاوي : والله تمام انتي !
مرام : الحمد الله ماشيه ..
مضاوي : اقول مرام وينك !
مرام : جالسه بالبيت طفشانه وزهقانه واحسني بـ اموت ..
مضاوي : حلوووو تجيني والا اجيك !
مرام : اممم كيفك تبين اجيك جيت .. تبين تجين تعالي ..
مضاوي : اممم لا لا انتي تعالي انا استحي من اهلك ..
مرام : ههههههه اوووكي اقول لـ أمي واجيك ..
مضاوي : اوك انتظرك ..

بهاللحظه تذكرت خطوبه عمها نواف .. وقررت تتصل على امها تبشرها بـ الخبر .. اللي اكيد كل من سمعه فرح .. /

اتصلت مضاوي على امها .. مره ومرتين وثلاث .. لكن لا رد ..

مضاوي : اكيد لاهيه بالسوالف مع صديقاتها والحش بخلق الله .. ماادري امي من اي نوعيه من الناس ..
خلني اقوم البس قبل لاتجي البنت احسن لي ..

لبست مضاوي وتكشخت اخر حد .. ونزلت تقول للخدم يجهزون البيت لان صديقتها جايه ..

_______________________

فـ بيت ابو محمد .. /

في الصاله جالس مع امه وابوه بعد ماطلب منهم يتكلم معهم في موضوع ..
كان مرتبك وبنفس الوقت منحرج مايدري من وين يفتح الموضوع .. وخصووصا انه موضوع حساس بالنسبه له ..

بو محمد : شفيك يا نواف عسى ماشر ترا اقلقتنا .. !
نواف بـ ارتباك : ماشر خير ان شاء الله ..
ام محمد : شجاك ياولدي عجل علينا تكلم ..
نواف بـ استسلام : اممم آ.. آ .. أنـاا قررت اتزووج ..
ام محمد بفرحه : كلللللللللللللللللللللللللوليش ..
بو محمد : مبرووك مبروك الله يكتب اللي فيه الخير .. بس ماقلت لي منهي بنته !
ام محمد : لا عاد منهي بنته هذي عندي انااا ..
نواف وهو يناظر ابوه ويضحك : ترا انا مثلي مثلك ماادري منهي .. اللي امي بتلزقني فيها !
بو محمد : الله يسسستر من امك ..
ام محمد : لا ان شاء الله انها بنت ناس واجوديه ..
نواف بـ حماس وده يعرف منهي اللي في بال امه : طيب منهي .. !
ام محمد : مشاعل بنت ناصر .. !
بو محمد : والنعم .. ابوها ونعم الرجال واخوها بعد ..
ام محمد : البنت مشاءالله مافيها قصور جمال واخلاق وعارفين اهلها زين .. وماني لاقيه احسن منها لـ نواف ..
نواف : الله يكتب اللي فيه الخير .. يلا الحين انا سويت اللي علي .. الباقي عليكم .. يلا عن اذنكم

طلع نواف .. وام محمد قامت تجيب التلفون لـ بو محمد يحدد موعد مع بو فواز ..
اتصل بو محمد على بو فواز .. اللي على طول رد عليه ..

بو محمد : مساك الله بالخير بو فواز ..
بو فواز : هلا والله مساك الله بالنور والسرور ..
بو محمد : شلونك بشرني عنك !
بو فواز : والله بخير الحمد الله انت شلونك وشلون الاهل ..
بو محمد : الحمد الله كلنا بـ احسن حال .. / بغيتك بـ موضوع يابو فواز ..
بو فواز : خير أمرني !
بو محمد : خير بوووجهك ,, بكره ان شاء الله بنجيكم انا وام محمد ..
بو فواز : خير عسى ماشر ..
بو محمد : ماااشر لكن بكره بتعرف كل شي ..
بو فواز : على خير ان شاء الله حياكم بـ أي وقت ..
بو محمد : على خير يلا اخليك الحين ..
بو فواز : فمان الله ..

__________________________

فـ بيت بو خالد ..

من امس وهي تحاول تنام لكن جوالها ماسكت طول الليل يتصل .. كل ماجت تنام اتصل .. حفظت الرقم عن غيب من كثر مايتصل عليها ..

قامت من سريرها وطلعت لها ملابس وراحت تاخذ لها شاوور .. اليوم اربعاء ولازم تكون موجوده بالصالون ..
اخذت شاااور وطلعت لبست وكشخت .. وراحت تتصل بـ مشاعل ..

مشاعل وهي كلها نووم .. : يالله صباااااااااح خير وش تبين !
غاده بـ ضحكه : ههههه ومن قالك انوو صباح .. !
مشاعل : اجل كم الساعه !
غاده : الحين الساعه 3 قومي نروح الصالون ..
مشاعل : يؤؤؤ يؤؤ وانا لين الحين نايمه !
غاده : يلا طيب انا خلصت بـ اسبقكك ياويلك ان تاخرتي .!.
مشاعل : اوكي شاور سريع والبس اي شي واجيك ..
غاده : لا مو اي شي امزح معك اكشخي وتعالي ..
مشاعل : هههههههه اووكي

طلعت غااده من غرفتها وهي لابسه عباتها مستعده تروح لـ الصالون ..
قابلتها هند .. اللي واضح انها جالسه وطفشانه ..

هند : غدوو وين بتروحين !
غاده : الصالون بغيتي شي !
هند : ابي اروح معك والله طفشانه هينا لـ وحدي ..
غاده : طيب يلا قومي البسي لك 10 دقايق ان ماخلصتي بروح ..
هند بـ فرحه : احبك يا احلى اخت ..
غاده بـ ضحكه : ههههههههه للمصالح يا احلى اخت وغيرها يا اشين اخت ..
هند : هههههههه انقلعي بروح البس ..
غاده : اوووكي انتظرك تحت .. لا تطولين ..

راحت هند تلبس وتستعد تروح مع غاده
وغاده نزلت تنتظرها تحت ..

____________________________


توووقعاإأتكم !

1 / غاده مين اللي يتصل عليها كل وقت ويزعجها !

2 / مضاوي وش مخبيه لها الايـااام !

3 / ماجد وفيصل الى متى على هالحال !

4 / نواف وقراار زواجه هل بينسيه شوق !

آلبـآآآرتآآآآت كل يوم جمع’ـه رآح آنزل جزء جديد ..

بس مآ آشوووف تفآعلكم .. :(

آلبإأرت آلثـأأألث

في بيت ابو سعود ..

طلعت من المطبخ بعد ماخلصت شغلها وترتيبها استعداد لـصديقتهإأ .. انتبهت للي منسدح ع الكنبه ..
والواضح انه جالس يفكر بـ عمق .. قررت تقرب منه وتشوف شنو فيه ,,
مدت يدها له ورجعتها خافت يحس بوجودها عنده .. قررت تتكلم معه وتشوف شنو فيه ..

. . . . : سعوود .. سعوود ..
سعود وهو يفتح عيوونه ببطئ وبصوت تعبان : نعم !
مضـإأوي : سعود شكلك تعبان شفيك !
سعود : مو تعبان مرهق شوي مانمت زين ..
مضـإأوي : طيب قوم نام فوق بـ غرفتك .. صديقتي الحين جايه عيب تشوفك هينا
سعوود بـ استسلام : طيب ..

رإأح سعوود لـ غرفته وهو كله اسسسى من إللـي صإأر لـ صاحبه اليوم .. وخلى مضاوي وراه بحيرتهإأ اللي اول مره تشوف اخوها بهالحال .. !

استسلمت وراحت غرفتها لين ماتجي صديقتهإأ ..



فـ غرفة مضـإأوي ..


جالسه محتاره تفكر بـ اخوها .. غريبه راجع البيت بدري مو من عادته وخاصة ان اليوم اربعاء ..
وشكله مو على بعضه .. !
قطع تفكيرها جوالها اللي اعلن وصووول مسج !
مضاوي بحمإأس فتحت المسج وكان Call me من مرإأم ..
اتصلت مضاوي عليها ..


.... : هلا مضاوي ..
مضاوي : اهلن وش تبين !
مرإأم : لا بس كنت بـ اقولك ان بنت خألتي جايه معي .. !
مضـإأوي بـ استغراب : اي وحده بنت خالتك !
مرإأم : اسيل نسيتيها !
مضإأوي : اهإأ اووكي .. حياكم الله ..
مرام : الله يحيييك ترا احنـأأ الحين بنطلع
مضاوي : اووكي انتظركم ..


جلست مضاوووي تنتظر مرام وبنت خالتها اسيل ..

________________________


في ( صـإألوون التجميل ) ..


دخلت غإأده وهند لـ آلصإألوون واللي كان مره مزحووم خآصه انه اليوم اربعاااء ..
وقررت تخلي هند بدالها في الريسبشن وهي بتباشر الزبونإأت ..

غإأدهـ : هند خلك مكاني بالريسبشن .. طبعا اللسته حقت الاسعار واضحه .. تلقينها عندك ع الطاوله ..
هنـد بـ فرحه : اووووكي .. تامرين امر ..
غإأدهـ : انتبهي احد يكذب عليك ويستغفلك ..
هنـد : اوكي ولا يهمك ..


اتجهت غاإأدهـ تشتغل بـ الزبونإأت .. وهند لـ آلريسبشن ..

. . . . : لو سمحتي !
هنـد : اهلن امريني !
امجاد : اممم وين صاحبة المشغل !
هنــد بـ ثقه : انـاا صاحبته !
امجاد : إنتي !
هنــد بـ استغراب : اي انـا في شي !
امجاد : لا ولا شي بس في وحده كانت تجلس مكانك وينها ..
هنــد وهي تآشر على غاده : اهـااا تقصدين غدووو !
امجاد : ايوووه مشكوره عند اذنك ..
هنـد : تعالي لو سمحتي مايصير تدخلين الا لما يجي دورك ..

راحت امجاد بدون ماتعطي هنـد اي اهتمإأم .. ووصلت لـ غاده .. !

. . . . : لو سمحتي .. !
غإأدهـ وهي تستشور شعر وحده من الزبونات : امرررريني !
امجاد : بـغيتك بـ موضووع !
غإإأدهـ وهي تناظر فيهإأ : آوكي اجلسي في الاستقبال لين اخلص ..
امجاد : اوووكي .. !


راحت امجاد لـ الاستقبال تنتظر غااده لين تخلص من شغلها ..

دخلت مشششاعل للصأإلوون بحماس .. واتجهت لهند على طول ..

مشاعل : اهلييين هنووده .. كيفك !
هند : هلا والله .. انا تمام انتي !
مشاعل : الحمد الله بخير ..
هند : دووم ياربي من زمان عنك !
مشاعل : انتي اللي ماتنشافين
هند : عن العياره توني الاحد شفتك ..
مشاعل : يؤؤؤ يعني من زمان ..
هند : يالعياااره يلا يلا شيلي عباتك وروحي اشتغلي مع صاحبتك ..
مشاعل : ليه غدوو جالسه تشتغل .. !
هنـد : اي ماتشوفين الزحمه .. !
مشاعل : العاملات يكفوون !
هنـد : حرام اللي عندهم زواجات وكذا يبون يخلصون بدري ..
مشاعل : اي شوفي الساعه 5 ومو ملحقين .. يلا جيبي لي زبونه تبي استشوار ..
هنـــد : كثير استشوار عندي هنا 5 يبون ميك اب .. !
مشاعل : يؤؤؤ خلاص انا بروح غرفة الميك اب ولحقيني بـ وحده ..
هنـد : اووكي ..

نادت هند على زبووونه ودخلتها لـ مشاعل في غرفة الميك اب .. وغاده خلصت من شغلها وطلعت تشوف البنت اللي جايه ماتدري وش تبي فيها ..

طلعت غاده لـ الاستقبال .. دورت امجاد بنظرها ومالقتها ..


غاده : هند ماشفتي البنت اللي سالت عني من شوي !
هنـد : كانت جالسه هينا بعدين اختفت مدري وينها .
غاده : اووف مو وقتها تختفي !
هنـد : اتووقع انها طلعت ماادري .. الا هي وش تبي !
غـأدهـ : ماادري والله عنها حيرتني معهإأ ..
هنـد : اذا تبيك ضروري بتجيك مره ثانيه ..
غأدهـ : على قوولك .. جت مشاعل .. !
هند : ايووه وماسكه قسم الميك اب ..
غاده : في هناك 2 يكفوون ..
هنـد : في 5 زبونـاات يبون ميك اب .. لو تروحين انتي تساعدينهم بتخلصون بسرعه اليوم اربعاء خلينا نطلع بالليل نتعشى في مكان ..
غااده : بس ماهمها الا بطنها هالدوبه ..
هنـد : يلا يلا روحي سوي ميك اب للحرمه اللي تنتظر .. خلصي علينا
غاده بـ ضحكه : ههههههههه تصلحين تشتغلين هينا وقت الزحمه ..
هنـد وهي تحرك حاجبها .: اي اعجبببك ..

راحت غاده والزبونه وراها .. وجلست هند تكمل شغلها ..

_______________________


فـ بيت بو فواز .. /



دخل البيت بعد ماجاء من الشركه ..

. . . . : مريم .. مريم .. يا ام فواز ..
مريم وهي نازله من فوق .. : هلا بو فواز عسى ماشر شفيك تصارخ !
بو فواز : تعالي اجلسي ..
مريم : خير عسى ماشر !
بو فواز : ماشر بس بو محمد اتصل علي اليوم ويقول بكره هو واهله بيجوون لمنا ..
مريم : حياااهم الله بـ اي وقت !
بو فواز : قال بس هو و ام محمد بيجوون ..
مريم بـ استغراب .: خير عسى ماشر ماقالك وش يبي !
بو فواز : لا والله بكره لا جوا بنعرف ..
مريم : على خيييير ان شاء الله ..
بو فواز : يلا عن اذنك بروح اصلي المغرب وبعدين بـ انزل لـ المكتب ..
مريم : ان شاء الله .. الله يتقبل ..
بو فواز وهو طالع : منا ومنك مع السلامه ..
مريم : فمان الله ...

__________________________


فـ بيت بو سعووود ..


كانوا جالسين فوق بـ الصاله طفشوا من الرسميات والجلسه بالمجلس ..
جلسوا قدام التلفزيوون ورقص وسوالف وضحك ..


اسيل وهي تمسح على شعر مضاوي : وآلله واحلوويتي يامضاوي ..
مضااوي بخجل : تسلمين عيونك الحلووه ..
اسيل : عن جد اتكلم ماامزح معك .. خلاص قررت اخطبك لااخوي ..
مضاوي : لا لا لا غير فهوودي مااخذ ..
اسيل بـ استغراب : فهودي مين !
مرإأم : يؤؤ اسيل نسيتي فهد اللي حاكيتك عنه !
اسيل : اي اي عرفته
مضاوي بـ استغراب : حاكيتيها عنه !!
مرإأأأم بـ ربكه : اممم ابي الحمام ..
مضاوي : تدلينه طبعا مايحتاج اقولك وين ..
مرأأم : بروح حق الصاله .. غرفتك بعيده ..
مضاوي : اوكي بكيفك ..

جلست مضاوي مع اسيل اللي من جت ماارتاحت لها ..


نبذه بسيطه عن اسيل .. [ عمرها 21 سنه اكبر من مضاوي ومرام بسنه .. طبعا اسيل بوويه وعايشه حياتها بالطول والعرض ماتهمها سمعتها على كثر وناستها .. امها متوفيه وابوها متزوج وحده ثانيه .. طبعا مهملها .. ]



اسيل : مضاوي ممكن جوالك .. !
مضاوي بـ استغراب : ليييييه !
اسيل : ابي اشووف شكله لاني مقرره اشتري جوال جديد ومحتاره ..
مضـأااوي : اهـاا اوكي تفضلي خذي راحتك ..

اسيل فتحت الجوآإل وعلى طووول ع الاسسسماء الى ان لقت الاسم اللي تدور عنه ..


اسيل : ماقلتي لي كم رقم الجهإأز !
مضـااوي : تلقينه مكتوب فوق ..
اسيل : اي اي شفته لحظه بسجله بجوالي ..


سجلت اسيل الرقم اللي كانت تدور عليه بالاسماء وسكرت الجوال .. جلست فتره تناظر في مضاووي .. ومضاوي تحاول بقد ماتقدر انها تصد عنها ..

جت مرام وانقذت مضاوي اللي كانت بتروح فيها من نظرات اسيل لها ..
كملووا جلستهم بالرقص والوناسه .. وطبعا لا تخلوو جلسة بنات من التصوير ..


_________________________


فـ ( صالون التجميل ) .. الساعه 10 ..



في الاستقبال بعد الكرف والتعب .. جلسوا البنات يرتاحوون شوي ..
هنـد : يلا انتي وياهااا قووموا عشوووني بـ المطعم اللي انا اختاره ..
مشاعل : اي والله حتى انـااا مره جوعانه ..
غاده : يلا قوموا اجل نروح نتعشى .. كلنا ميتين جووع ..
هند بـ فررحه : واخيييييييرا المودموزيل غدوو قررت
غاده + مشاعل : هههههههههههههههههههههه ..

طلعوا البنات من الصالون .. واتجهووا لـ تشيليز .. تعشوا وخلصوا ورجعوا البيت ..

_______________________


يـووم الخميس الساعه 10 الصبـأإح ..

في بيت بو راشد .. /


. . . . : اليوم خميس لازم نطلع اذا ماطلعنا اليووم انـا وانتي إنتحإأر جمإأعي ..
ريـــم : ابشششري من عنوووني السياره جاهززه انا اللي اسوقها .. انتي ماعليك الا انك تحددين المكان ..
نـووف : تتطنزين حضرتك !
ريــم : لا من جد اتكلم ..
نوووف : يآشينك بس .. / شرايك نقول لـ راشد اكيد بيطلعنـا اليوم !
ريــم بفرحه : تصدقييين فكره موووش بطإأله ..
نـوووف : يلا انا وانتي نروح نقوووله ويارب يوووافق ..


راحوا البنـاات لـ راشد يقنعونه يطلعهم وخصوصا ان اليوم خميس . .
وصلوا عند غرفته وكل وحده تعزم الثانيه هي اللي تدخل اول ..
لكن سبقهم راشد وفتح لهم الباب .. بعد ماسمع صوتهم ..



راشد بـ صوت عالي : نعم وش تبووون !
ريم + نووف : بسم الله الرحمن الرحيم ..
ريم : يلعن ابليسك خرعتني ..
راشد ميت ضحك على خواته اللي اخترعوا منه ..: طيب خلاص بسم الله عليكم اهدوا
نـوووف : حتى نسيتني وش كنت بقووولك ..
ريـم : عن الطلعه اليوم خميس ..
نوف : اي صح .. طلبتك طلبه الله يخليك لا تردني ..
راشد : طيب وخميس ! بتموووتون لو ماطلعتوا .. !
ريـم : لا مو بنموووت بس بيصير إنتحار جماعي ..
راشد : تبوون اطلعكم الحين .. ! لان بالليل عندي شغل ..
نوف بـ لقافه : وش عندك من شغل يشغلك عن خواتك !
راشد : يالمللللقوفه تحمدي ربك واشكريه اني بطلعك الحين ..
ريـــم : خلها بالليل عشان غدوو و هند و مضاوي يروحون معنا ..
رآآشـد : لا اسف روحوا بلحالكم .. السالفه هيك .. مو موديكم ..
نوف : ياشينك اخوو ع الفاضي لا تودي ولا تجيب ..
ريم وهي تطالع راشد بنظره تكسر خاطره ..: لهالدرجه ماكسرنا خاطرك ..
راشششد : خلاص بالليل يكوون خير .. بس قلت لكم عندي شغل بالليل ..
ريم : المهم ننتظرك بالليل ومعنا غدوو وهند ومضاوي ..
راشد : ان شا الله ..


دخل راشد غرفته .. وريم ونوف راحوا غرفهم ..

______________________


السسسآعه 4 العصـر .. /
في بيت بو سعوود ..


كانوا جالسين بالصاله مجتمعين على غير العاده .. الكل كان موجود ماعدا مضاوي اللي كانت بـ غرفتها ..
اول ماسمعت صوتهم طلعت تبشرهم بـ خبر قراار نواف انو يخطب ..

مضاوي : مساء الخير ..
الكل : مسسساء النور ..
سعود : هلا هلا بـ اختي العزيزه .
مضاوي بـ ابتسامه : هلا فيك ..
بوسعود : تعالي مضاوي اجلسي جنب ابوك ..
مضاوي : تامر امر يالغالي ..

وراحت مضاوي جلست جنب ابوهاا .. وتذكرت هي طالعه لهم ليه ..


مضاوي : امممم بقوولكم شي ..
الكل بـاستغراب : خير .. !
مضاوي : اممم ماادري كيف اقولكم ..لكن اممم ..
فيصل : مضااوي اخلصي تكلمي ..
ام سعود : مضااوي ووجع تكلمي ولا تجلسين تخربطين ..
بو سعود : شفيكم ع البنت خلوها تعرف تتكلم
سعوود : وابوي الصاادق عطوها فرررصه تتكلم .. لف على مضاوي : تكلمي وش عندك ؟
مضاااوي : اسممممعوا الموضوع من النهايه .. بيصير قريب عندنا عرررس بنرقص بنفرح بنلبس فستان جديد ..
الكل بـ فرحه واستغراب ..: عرررس مين !
مضاوي : عمووو نواف قرر يخطب ..
ام سعوود بعصبيه : نععععععععععم .. ! يخطب .. ! ويخطب مين ان شاء الله !

الكل ناظرها بصدمه وش الشي اللي يخليها تعصب لهالدرجه ..

مضـاوي : شفيك ماما عصبتي.. المفرووض تنبسطي على هالخبر ..
ام سعوود : انتي مالك دخل .. قوليلي بيخطب مين .!
مضـاااوي : بيخطب مشاااعل بنت عمو ناصر ..
بو سعوود : الله يوووفقه يارب ويسهل عليه .. وعقبال سعوود
سعوود : امين يااارب بس لين القى البنت اللي ابيها ..
ام سعوود بـ عصبيه . : انتوا ناس فااضيه مادري كيف تفكرووون ..

وطلعت ام سعوود لـ غرفتها وهي معصبه .. كل تخطيطها فششل ..
وتركت وراها الف سؤال وسؤال بوجه عيالها ..

ام سسعود : " لا مستحيل انا اخطط واسوي وافعل واخر شي تجي مشاعل بارده مبرده تاخذه ؟ لا والله يامشاعل يابنت نوويصر اني مااخليك تنبسطين بحياتك .. هين "

دخل بو سعوود على ام سعوود بـ الغرفه والواضح انها معصبه ,, بالحيل ..


بو سعود : ماتقولين لي الحين شفيك عصبتي ..! والا عشان خبر خطوبة نواف ضايقك .. !
ام سعود : انت مالك دخل بشي واطلع برااا ..
بو سعوود فارت اعصابه .. : يا مره اقصري الشررر واحترمي نفسك ..
ام سعوود : قلت لك اطلع برا وخلني بحالي ..
بو سعود : انا بـ اطلع لكن مو عشانك عششان اتجنب المشاكل معك ..

طلع بو سعود من الغرفه واتجه على بيت ابوووه ..


______________________


فـ بيت مرااام ..

.... : احلى شي يا اسيل سويتيه بـ حياتك والله انك كفوو .. !
اسيل : اعجبك انـاا .. ان ماجبت راسهاا مااكون بنت ابووي ..
مرإأم : طيب الحين وكيف وش بنسسسوي بالرقم !
اسيل : عادي نتصل وانتي طبعا تتكلمين وتقولين كل شي ..
مرإأم : بس مادري احسني خايفه ..
اسيل : خايفه من ايش .. يعني مو اول مره تسوين هالشي ..
مرإأم : اي بس حرام مضاوي ماتستاهل ..
اسيل : ليه ماتستاهل هي تصرف عليك بشي ! انتي مستغلتها .. !
مرأآم : لا مافي مجال استغلها ..
اسيل : اجل هذي فررررررصتك تكسبين من وراهـاا ولا هالعيشه اللي احنا عايشينها ..
مرإأم : اوووكي يا احلى بنت خاله ..

______________________

الساعه 7 في بيت ابو فووواز ..


كان كل شي جاهز وكل شي مرتب والكل مستعد لـ آبو محمد وام محمد ..
والكل طبعا مستغرب من هالزياره ..
رن الجرس راح فووواز وفتح الباب .. دخل بو محمد ومعه نواف للمجلس
وام محمد دخلت لـ صالة الحريم ..


مريم : ياحي الله من جانـا اسفرت وانورت ..
ام محمد : الله يحييتس يابنتي ..
مريم : شلووونك وشلون العيال !
ام محمد : والله كلهم بـ احسن حال .. انتي شلونتس وشلوون مشاعل وفواز ..
مريم : الحمد الله بخير عايشين بهالدنيا ..


في مجلس الرجإأل ..


بوفواز : ياحي الله من جانا تو ماتبارك البيت ..
بو محمد : الله يحييك ويبارك فيك ..
بو فواز : يا فواز قم قهونـاا ..
فواز : ابشششر ..

قام فواز يقهوووي ابوه وجده ونواااف .. وطبعا فواز استفهام في وجهه وكأنه اول مره يشوف نواف ..
بو محمد وهو يحط فنجان القهوه ع الطاوله اللي قدامه : والله يابو فواز مدري من وين ابدا معك بالمووضوع ..
بوو فووواز : خير ان شاء الله ..
بو محمد : خير .. خير ان شاء الله .. انا جااايك وطالب القرب منك .. من بنتك مشاعل لـ ولدي نواف
بو فووواز : هذي الساعه المبااااركه ..
فوووواز وهو يناااظر نوواف .. : ماكآني صديقك ولا قلت لي ولا شي
نواف : شرايك مفأجأه صح .. !
فوووواز : اي وآلله واحلى مفآجآه الف الف مبرووك ..
بو فووواز : والله يابوو محمد البنت بنتك ولو تبيها خذها من الحين بـ عباتها ..
بو محمد : مافي شك بس رايها مهم .. استشيرها وان شاء الله خير ..
بو فووواز : على خير ان شاء الله ..
بو محمد : يلا نستأذن ..
بو فواز : تو الناس اجلس تعش معنـاا ..
بو محمد : مره ثانيه ان شاء الله ..
بو فواز : على راحتك ..
بو محمد : يلا فمأإن الله ..

وطلع بو محمد ونووواف من المجلس ,, وراح فواز ينـااادي ام محمد لان نواف برا ينتظرهـاا ..

________________________

فـ بيت بو خإألد .. الساعه 8 ونص


كانت جالسه هي واختها بـ الصاله من قناه لـ قناه ,, من اغنيه لـ اغنيه .. مره يرقصوون ومره يستهبلوون
رن جوووالها وتوها بترد بس انتبهت للرقم اللي متصل .. اللي حفظته اكثر من اسمهأ ..
غادهـ فـ خأطرها " ياربي هذا الى متى بيجلس يتصل .. وش يبي مني بالضبط .. صحيح قليل حيا .. انا لازم اتصرف معه "
انقطع صووت الجوال ورجع يرن مره ثانيه لكن هالمره رقم غييير .. رقم تعرفه ..
ردت غاده ع الرقم بحماس ..

غـإأدهـ : اهليييييييييييين هلا والله وغلا حي هالصوت ..
ريم : يعني لو ماوراااي طلعه كان ماقلتي كذا
غـأأأدهـ : حرررررام عليك والله ماادري اذا وراك طلعه والا شي .. بس صحيح وحشتيني ..
ريـــم بحيإأء : صدق وحشتك .. !
غـإأده : اي مااارا وحشتيني ,,
ريــــم : المهم قبل مايعصب علي راااشد .. بيطلعنا راشد تروحوون !
غـإأدهـ : اي لازم نررروح بـ خليني اشوووف ابوي بـ اقوله ..
ريــم : اوووكي لا تطووولين علينـاا ..
غـإأده : مين بيروووح !!
ريـم : اممم كلنا كآلعإأدهـ ..
غـإأدهـ : مضااوي بترووح !
ريـــم : الحين بـ اكلمها ,,
غـإأدهـ : خلاص اووكي خليني اشوف بابا ..
ريـــم : C U

سكرت غاده من ريم وراحت على طول لـ غرفة ابوها اللي كان جالس ومعه خالد وام خالد ..
دخلت غااده وهي تنادي ابووهـا ..

غاده : بابا .. بابا ..
بو خالد : هلا غدووو تعالي احنـا هينـاا ..
اتجهت غاده لـ وين ماكان ابوها فيه .. وجلست جنبه وباسته على خده
بوخالد : ورى هالبووسه مصلحه ..
غااده : لا ,, مو مصلحه ولا شي ..
بو خالد : اجل .. وش وراك ..
غااده : يعني مايخفاااك انو اليوم خميس ..
بو خالد : طيب وخميس ..
غااده : اممم بدون مقدمات توو ريم متصله وتقول بتطلعنا مع راشد .. عادي نرووح .. !
بو خالد : كيفكم تبوون تروحون رووحووا ..
غاده : الله لايحرمنا منك يا احلى ابووو ..
خـأأألد : من جدك يبـاا بتخليهم يروحوون مع راشششد .. !
بو خالد : وش فيه راشششد .. ولد عمهم ورجال مافيه قصوور ..
خـاالد : طيب ماقلنا شي رجال وولد عمنا بس الشيطان مامات ..
غاده : وشوو مامات احنا بنرووح نتمشى استح على وجهك تقول لـ ولد عمك كذا
خأالد بـ عصبيه : لاتخليني الحين امنعكم من الطلعه ,,
بو خالد : خالد احتتتترم اختك الكبيره وبعدين الراي رااايي انـاا مو رايك انت ..
خالد : اووكي هين ياغاااده انا اوريك ,, وطلع وهو معصب ,,
ام خالد : اهدا يا بو خالد مافي شي يسسوى تلقى الولد ماخذ موقف والا شي
غاااده : يمه يبا اسمحوولي ولددكم انااااااني مايحب الا نفسه ,, عن اذنكم انا بروح البس تبون شي !
ام خالد : لا يمه اذنك معك ,,
بو خالد : لا سلامتك بس معكم فلللوس !
غااده : اي يبـاا ماتقصر ..

طلعت غااده تقول لـ هند انهم بيطلعووون وراحووا يجهزووون ., واتصلوووا لـ ريم عشان تمرهم ,,

________________________


فـ بيت بو راشد ,,


جالس بالصاله متحمس اليوم واول مره بيطلّع بنات عمممه وبيركبوون معه ,, خرب عليه الحممماس جواله اللي عيا لا يسسسكت من كثر مايدق ..
راشد :" يـ هالانسااانه اللي ماتتعب وهي تتصل والله انها ازززعاج الله يعيني بس .. "
طلعت ريم ولقت راشد جالس بالصاله ينتظرهم

ريم : يلا رااشد احنـاا جاهزين ..
راشد : يلا وين نووف .,, !
نوف : هذا انـاا يلا قووموا ..
رأشد : يلا عشان يمدينـا نمممر بنات عمكم
ريم : اي مضاوي راحت مع امها بس غاده وهند بيروحون معنـا ..
راشد : اووكي يلا ,,

في السياااره من اول ماركبوووا وجواله عيا لا يسكت قرر يحطه سايلنت ,,
نوف في بالها الف والف سؤال ,, استغربت من الاتصالات اللي تجي لـ راشد ..
قرر يغير جووو الهدووء وشغل المسجل .. ارتفع صووت راشد بكل مكان في السياره ..
البنات دخلووو جو مع راشد وقاموا يغنوون معه ,,



يادنيا ياغرااابه ,, يادنيا ياغرااابه ..
إللـي لقى احبآآبه ,, نسى اصحااابه ,,
يادنيا ياااغرااابه ,, يادنيااا ياغرااابه ,,


قرر راشد يدخل جو مع خووواته وينسسسى المكالمات وصاحبتها ,, ورفع الصوت الى اخر حد


كان العششششم يبقى لي ,, ويمووت فيني لحالي ,,
لاماطرا في بالي كذا الغالي ينسى ويطوول غيااابه ,,


تمووا على هالحال الى ان وصلوووا بيت عمهم عبد الرحمن ..
اتصلت ريم على غاااده وقالت لها تطلع ..
ركبوا غاااده وهند وانطلقت سيااارة راشد الى واجهة الخبر ..
الكل كان متحمس لـ هالطلعه والكل متحمس مع الاغاني وكلن عااايش جوووه ..
راشد ووطى على صووت المسجل شووي وسآل البنات وين يبوون يتعشوون فيه ..

ريـم : نبي ابل بيز ..
راشد : هااه بنات شرايكم !
نووف : انا راايي من راااي ريم ,,
راشد : طيب خلوونـاا نسمع راي بنات العم ,,
غاااده : يلا معاااكم ..
هنـد : راشد بسسسرعه لا ارتكب فيك جريمه ..
راشد بـ استغراب : ليه وش فيك !
هنـد : جووووووعانه
الكل : هههههههههههههههههههههههههه ..
راشد : ابشري انسسه هند ماطلبتي شي ..
غااده : هذا هي هند داييييم جوعانه ,,
هنـد مسويه انها زعلانه : حرام عليكم وقسم من زمان مااكلت في مطعم ..
غاااده وهي فاتحه عيونها ع الاخييير : الله واكبر عليك يالنصابه وامس مين اللي معشيك على حسابه ؟
هنـد : إإإحم هو يعني مو من زمان من 24 ساعه ..
الكل : ههههههههههههههههههههههههههه ..

انتبهت غااده لـ العيوون اللي كانت تراقبها بـ المرايه وحاووولت تتجاهلها بقد ماتقدر ..
وتذكرت كلام خـاالد اخووهـاا وحاولت تعرف السبب بس مافي شي يووضح لها ..
وتجاهلت الموووضووع بكبره ,,

اتجهت سياره راشد لـ ابل بيييز ,, وتعشوا وخلصوا واتجهوا لـ الهاف مووون بطلب من البنات ,,

_____________________

فـ بيت بو فواز

دخل على زووجته اللي كانت جالسه بالغرفه لحالها وهو كان مبسووط من اللي صار اليوم وخصوصا ان بنته وحيدته كبرت وصارت تنطلب منه ,,


بو فواز : مريم عطيني علبة ماي من الثلاجه ,,
ام فووواز : ان شاء الله

راحت تجيب له ماي ورجعت ,,,

ام فواز : تفضل ,,

وجلست جنبه ع السرير ..

ام فواز : ماقلت لي بو فواز وش يبي ابو محمد اليوم !
ابو فواز : ماقالت لك ام محمد !
ام فواز : لا والله مافتحت معي اي موضوع .. حاولت لكن مافي فايده .. !
ابو فواز : بو محمد جاي يخطب مشااعل لـ نوواف ..
ام فواز بـ فرررحه : ياحليلها مشاعل والله وكبرت ..
ابو فواز : والله ماادري كيف افتح معها المووضوع مستحي ..
ام فواز : خلها انا بكره ان شاء الله افتح معها المووضوع ,,
ابو فواز : على خير ان شاء الله ,, يلا انـاا بنـام تصبحين على خير ..
ام فووواز : وانت من اهله ..


طلعت ام فواز من الغرفه واتجهت لـ غرفة بنتها مشاعل ,,
طقت الباب وفتحت لها مشاعل .. لكن مشاعل مو مشاعل اللي قبل ..
الوجه اصفر وشاااحب وواضح عليها انها ميته من البكي ..

ام فووواز بخوف : مشاعل حبيبتي شفيك ..
مشاعل : مافيني شي ,,
ام فواز : يمه مشاعل شفي وجهك كذا كل هذا وتقولي مافيني شي .. !
مشاعل : يمه تكفين خليني شوي لـ حالي ..
ام فواز : على راحتك يمه ,, بس كنت جايه اسهر معك وانبسط معك اليوم ..

مشاعل خلاص يمه شوي واجيك انتظريني بالصاله ,,


ام فواز وهي تبتسم لـ بنتها : ان شاء الله حبيبتي لا تطولين علي ..
مشاعل : ان شاء الله يمممه ..

طلعت ام فووواز لـ الصاله تنتظر مشاعل ..
ومشاعل دخلت غرفته تتووضى وتصلي ركعتين لربها يمكن ترووح ضيقتها ,,,

_________________________


في الهاف مووون ..


قرر راشد يغير جووو الحماس والرقص الى جووو هاادي يناسب المكان اللي هم فيه ,,

غااده : ياااي الجوو مره حلووو .. راشد شغل لنـااا محمد عبده ..
راشد : كآنك فاااهمتني ..
هنـد : لا وووع لا تحط محمد عبده .. حط لنا تامر حسني ..
راشد : اقول رووحي انتي وهالمخيس حقك ..
هنـد : بالعكس احسن من محمد عبددده ..
غااده : اقول اسكتي تامر حسني اسمعيه في بيتكم ..
نوف : شغلووا لنا شي يدخلنا جوو على هالقمره الحلوووه وصوت البحر ..
راشد : طيب وش تبوون اي اغنيه .. !
ريـم وهي تغني : نااامت عيووونك وصحى الليل مضنوونك اغاني ,, قصت جناح الثوواني غيبتك .. وصارت الساعه اماااني ..
راشد : الله الله يسسسعد جوووك ياريم ..

جاء راشد بيشغل المسجل على هالاغنيه الا قطعه صوووت ريم ,,

ريم : غدووو صووتك حلووو شرايك تغنين لنآ هالاغنيه !
غاااده : يؤؤؤ يؤؤ لا استحي ...
نووف : غدووو تكفين الله يخليك ,,

راشد كان ساكت ويسمع لهم وكله امل ان غااده تغني ,, يعرررفها من كان صغير وصووتها الى الان بذاكرته ,, والا اكيد ان صوووتها الحين تغير وصار احلى بكثير ..

غااده : اممم طيب بس لا احد يناظرني ..
هنـد بحماس : يلا 1 2 3 اكشششششن ..

بدت غااده تغني والكل كان ساااكت ويسمعها وخصوووصا راشد اللي دخل جوو مع صوتها اللي كان مررره رايق ,, وبدت تغني الفجر البعيد ,, اللي تموووت فيهاا وتحب تسمعها وتغنيها دايم اذا راحت البحر ,, والكل مندمج معها ,, ودخل معها صووت راشد بـ نص الاغنيه ,,

وآآآهـ .. آآآآهـ .. / انا حروووفي في غيااابك .. لاهي حكي ولا هي قصيد ,,
اكتب الظلمه واعيييد .. وانتي يالفجر البعييييييد .. نااامت عيووونك ,,


استحت غاده وحاولت تمسك نفسها وتكمل .. بس ماقدرت
البنات استاانسووا على اصواتهم .. طلبووا منهم يكملووون بس غاده رفضت .. بحكم انها تعبت وهي تغني ..


ناظرت هند السااعه وانصدمت .. : يؤؤؤ ياويلنا من بابا تاخرررنا ..
غاااده : كم الساعه !
راشد : الحين الساعه 1 ونص ..
غاااده : يؤؤؤ وانا حاطه جوالي سايلنت الحين ياويلنا منه ..
ريم : مابيقوول شي ان شاء الله عادي
غاده وهي تطلع جوالها من الشنطه : وين عادي قلنا له مابنطوول ..
ريم : ان شاء الله مادق ..
غااده وهي تفتح جوالها .. : لا اشوا مافي مكالمات من ابوووي
ريم : قلت لك عاادي ..
غااده : رااشد تكفى البيت ..
نووف : توو الناس خلوونا نكمل ..
غااده : لا خلاص وبعدين بكره جمعه راشد وراه صلاه ..
راشد : اي وغااده صادقه احمدوا ربكم طلعتكم اليوم ..
نوف : اوووف بدت المذله ..
الكل : ههههههههههههههههههههههههه
راشد : امزززح معك ,, والله طلعتكم ماتنمل ..
هند : اتركوا عنكم الكلام البايخ والمجاملات .. يلا بيتنا فيني نوووم
راشد : ابشششري انسه هند ,,

طلعت سيارة راااشد من الهاف مووون واتجهت لـ بيت عمه ,,

نزلوا البنات ووعدهم راشد بطلعه ثااانيه

وراح راشد وخواته لـ بيتهم
______________________




تعليقاتكم ,,

سسسعود شسآلفته !
آسيل مين رقمه اللي اخذته ! وش مخططه مع مرام عليه .. !
سسسسآره ليه تضاايقت من خبر خطووبة نواإف .. !
إزعاج راشد وغـإأدهـ إلى متى على هـ الح’ـال ! ومين اللي يتصل ع’ـليهم !
مشششاعل .. وش اللي صااار لهإأ فج’ـأأأهـ !!

ياهلا فيج والله

بدايه مشوقه وقصة ملينا اسرار

باين ان الجاي احلى بكثير >>وراح يعلقنا اكثر


يمكن حب فك اللغاز هو السبب

بس عندي ملاحاظه
مضاوي غبيه وش تصويره ...حتى لو انها اعز صديقاتي مستحيل اتصور معها وتبدل صور >>هذا شرف مو لعبه وهذا هي رمت روحه في ايداي ناااس مترحم >>شوفي رغم ان الغلط يمكن يشوفه البعض صغيره بس والله انه كبيره وغلط ماتغتفر



وننطرج بكل شوق

مذهلة