كاتب الموضوع :
ضحكتك في عيوني
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
هذا الجزي إهداء مني لأختي الوحيده التي نحتقل اليوم بتفوقها ...
الجزء الواحد و الثلاثون :
لا .. حل ...
مع ناظري الذي يرتحل .. من محيطي إلى محيطك
التماسا لكل تفاصيلك ...
آه ... لو لي القدره على معاقبة عاصي .. لعاقبت نظري على معصيته ...
وجردته من كل انعكاساتك !
......
يمكنني أن أمنع عيني من ملاحقتك ... فقط ... عندما لا تكونين على مد النظر ..
لكن .. تتجولين في الممرات .. فا تحثي قدمي لتتحالف مع نظري ..
ليخلقوا لي ... صدفه !
.....
صدفه ...
أجد مساحات خافقي تمتلئ ...
صدفه ...
تضطرب كل جدران الألم !
صدفه ...
أنهار بقسوة ...
............................
مضاوي التي تقابل يوسف صدفه : يوسف مشغول ؟
يوسف بلهفه : لا تامرين بشي ؟
مضاوي : ما يامر عليك عدو بس أنا مشتاقه لجوري ومناير وودي أزورهم إذا ما عندك مانع .
يوسف : مشتاقه لهم ؟! , توج كنتي معاهم امس .
مضاوي : يعني أنت لشفت احد تحبه أمس ما تشتاقله اليوم ؟!
يوسف : أنا اللي أحبه اشتاقله وهو معي و يوحشني وهو بعيد بس ما أفرض نفسي عليه .
مضاوي تحور ما فهمت : لا تخاف مناير ما تعتقد أني افرض نفسي عليهم .
يوسف يبتسم بألم : هذا اللي فهمتيه ؟
مضاوي بصدق : فهمت اللي أبي افهمه .
.........................................
أنا تعيسة هذه الأيام .. شعور غير مبرر بالحزن يغمرني و يجعل فرحتي بوجود أبنتي بأحضاني تختفي ..
تبكي ابنتي طلبا للحليب وأبكي معها طلب لسلوى ! ..
وجه أمي لا يكاد يفارقني ..
غريب كيف نتذكر من غادرنا للأبد في لحظاتنا الحميمة ... ونجد أنفسنا غير مرحبه بهم فيها !
يجب أن تكون هذه لحظاتي مع ابنتي و ليس لحظة أمي المتوفيه معي ! ..
كم أنا قاسيه ... هل أرضى أن تنفي الجوري ذكراي عندما تحتضن حفيدتي !
...............
حزينة كل الوقت .. وتبكي لا لسبب ..
بدأت أتوجس من بكاء الطفلة الطبيعي حتى لا أسمع بعد لحظات بكائها الغير مبرر !
..........
خالد : تدرين أني واصل حدي ويمكن الحين أبطها بجي قدامج .
مناير : بسم الله عليك ليش ؟
خالد : لأني ماني فاهم شفيج .. محتار .. الحين مفروض تكون هذي اسعد أوقاتنا وبنتنا معانا بس الواقع ان
نفسيتج من سيء لأسوء .
مناير : توني ما تعودت على وجودها والاهتمام فيها و كل شي متخربط في حياتي اللحين.. فأكيد بأكون بها الحاله
ترى ها الشي طبيعي .
خالد : انا مو شايف اللي انتي فيه شي طبيعي , في شي مكدرج .
مناير : وشنو يعني اللي مكدرني برايك ؟
خالد : انتي قولي لي .
مناير بعد صمت قصير : تطري علي أمي كثير ها اليومين .
خالد : شي طبيعي تذكرينها خاصة انج صرتي أم و يمكن تتمنين وجودها .
مناير تحضن ابنتها برقه : تدري خالد أنا مؤمنه أن الموت حق و ما خفت منه بحياتي كلها بس اللحين
لما أتذكر أمي واحلم فيها أخاف وأقول يمكن هذا تنبيه أني بلحقها عن قريب وأنا ما أتخيل أن الجوري تيتم .
خالد مرتاعا : أعوذ با الله من الشيطان , لا حول و لاقوة إلا با الله , لا عن جد مناير ما له داعي تفكرين ها
التفكير وتعبين نفسيتج و اتعبيني معاج .
مناير تحاول طمأنته : هذي مجرد هواجيس تطري علي أحيانا لا تحط في بالك .
خالد يجلس بجوارها ليحتظنها و ابنته : شرايج نودي الجوري ديزني لاند ؟
مناير ضاحكه : يعني بتوديني امريكا عشان ما اهوجس وتعذر في بنتنا اللي ماتعرف إلا الحليبه والنوم.
خالد : أي جذيه اضحكي ووسعي صدري حرام عليج عذبتيني .
مناير : خالد فكرتك حلوه أنا ودي أغير جو بس طبعا مو في أمريكا .
خالد : آمري شنو تقترحين ؟
مناير : خل نروح عمره .
خالد : أقتراح حلو بس وين بنودي الجوري ؟
مناير : اكيد عند مضاوي .
خالد : خلاص مثل ما تحبين .
مناير : يله قوم اتصل في أمك وأنا با تصل في خالتي سلمى .
خالد : ليش ؟
مناير : نبيهم يروحون معانا .
خالد : والله يا مناير أنا أحب عجزنا بس ودي أول سفره لنا نكون بروحنا .
مناير : خالد حنا مو رايحين شهر عسل بنروح نذكر الله ونوسع صدورنا تكفى أبيهم معانا تراهم بركتنا .
خالد : أنتي اللي تكفين لا تزودين غلاج أكثر قلبي ما يتحمل .
........................................................
وأخيرا وجدت طريقه للأنتقام ستعطيني الراحه وتلقنها درسا يخلق منها شخصا أفضل ...
والمتعاون معي بتأكيد .. فواز ..
.......
فواز : أف وين راحت شكلها مطوله ؟
سلمان : اللحين بتجي رايحه تطبع أوراق بس مثل ما وصيتك ألتزم في اللي قلته لك لا تزودها ما نبي عاد تنهار
بالمره .
فواز : يوم أنك خايف على مشاعرها ليش من الأساس بتسوي نفسك عنتره .
سلمان : الحين وشجايب طاري عنتره يا قيس .
فواز : ها اليومين طايحلك قراءه في الحب العذري .
سلمان : يو حالتك صعبه .
فواز : وان طالت الخطبه بصير مجنون ليلى .
سلمان : إلا تعال وش نهايه ها الخطبه ماصارت ترى مصخت .
فواز : وهذا اللي انا أقوله تعبت حنيت لين قلت بس من كثر ما اقول لهم ابي املج بس ماكو فايده , لا ولد عمه
يساعد و لا أخو يسامح .
سلمان : إلا للحين يوسف ما يكلمك ؟
فواز : إلا يكلمني من طرف خشمه لو ما يكلمني بالمره احسن بدال ماهو كل يوم مضيق علي اكثر من امي .
سلمان : ههههههههه لا تقول انه انظم لموكب العواذل ؟
فواز : إلا ترأسهم , احسه يبي يجلطني , كل ما سيرت عليهم يستلمني وينك اليوم طالع من الشغل لمدة ساعه
ليش ما سلمت مراجعة الميزانيه قبل نهاية الدوام ليش السيد خيري يشتكي منك ليش و ليش و ليش ويااااااربي
ساعدني.
سلمان : لا تقول أنه يقول ها الكلام قدام الخطيبه .
فواز : قدامها و قدام أمي أحسه يبي يفشلني عشان اطيح من عينهم وينهون الخطبه .
سلمان : انزين وخالد شقال عن الملجه ؟
فواز : يقول الملجه يوم العرس قلت له خلاص نعرس قال لا ما في عرس اللحين تو الناس !
سلمان : خلاص ما لك إلا أنك تصبر .
فواز : وهذا اللي قدرت عليه بدال ما تطق لي الصدر وتقول أنا بتوسط لك عند أخوي ؟
سلمان : هذي السالفه طلعني منها كافي وقفت بخطبتك .
فواز بعصبيه : أطلعك منها أنزين اشرها مو عليك اشرها على اللي يقعد معاك .
سلمان : يمسك بذراعه : وين رايح تعوذ من الشيطان وأقعد ونفذ اللي أتفقنا عليه .
فواز : هونت ماراح أساعدك و أوهق نفسي مع خطيبتي .
سلمان : أف ترانا مو جهال لا زعلت قلت بطلت ماني لاعب معاك .
فواز : إلا أنا جاهل وبطلت وماني لاعب هد ذراعي لعطيك بوكس .
سلمان يضحك : أقعد وأنا بتوسط لك عند خالد و يوسف بعد .
فواز : أحلف .
سلمان : ردينا على سوالف الجهال ؟!
فواز : أنزين أنا واثق أنك بتكون عند كلمتك .
سلمان الجالس على مكتبه المقابل للباب لمح مشاعل من بعيد : هذي هي بتوصل يله نفذ .
فواز يبدء التنفيذ : اللحين يوسف يخطبك بنفسه لمشاعل و أنا مرمرني لما خطبت منيره.
سلمان : أي بس انا اللحين متوهق ما أبي أزعله بس بنفس الوقت ما أبي مشاعل .
.................
أنتهى المشهد القصير بنجاح وأنتظر ردة فعل المتفرج الوحيد ..
رفعت عيني ليقع نظري عليها واقفه بذهول على الباب ..
من خلال تعابير وجهها أعتقدت أنها ستنهار باكيه لكن خيبت ظني وتوجهت لمكتبها بهدوء ..
.....
فواز : يله أستأذن عندي شغل .
سلمان : مع السلامه .
.....
رفعت رأسها لتتقابل نظراتنا ...
مشاعل : صحيح اللي سمعته ؟
سلمان : وشنو اللي سمعتيه ؟
مشاعل : أن يوسف خطبك لي ؟
عندما صاغت نفس العباره التي لقنتها لفواز شعرت بتفاهه ..
سلمان : تقدرين تقولين جذيه .
مشاعل ضاحكه : أنزين أمسحها في وجهي ...
استمرت بالضحك الغير مبرر ووجدت نفسي مغتاظا كيف أنقلب السحر على الساحر ؟!
سلمان : ممكن أتضحكيني معاج ؟
مشاعل : ما أعتقد أن السبب اللي يضحكني بيضحكك .
سلمان : انا اللي أحكم إذا كان اللي يضحكج بيضحكني .
مشاعل : جرت العاده أن البنت يخطبونها ولما تكون مو معجبه في اللي خاطبها تحتار شلون ترفض ويمكن
تطلب من وحده من قريباتها تنقذها وتوصل للخاطب انها ماتبيه عشان هو اللي يهون مو هي وتطلع منها في
بياض الوجه لأنها ماعصت ولي امرها .
سلمان يكتم غيظه : فعلا اللي يضحكج لا يمكن يضحكني .
مشاعل تكتم أبتسامتها وتعض على شفتيها : أنزين اللحين تبي تقوله أو أنا أتكفل با المهمه .
سلمان بعد صمت قصير : شنو تقترحين اقوله ؟
مشاعل : أني ما أناسبك .
سلمان : بيقول شلون ما تناسبك ؟
مشاعل تفكر بصوت عالي : تقدر تقوله بعد ما شتغلنا مع بعض شفت أن طباعنا وتفكرينا مختلف .
سلمان : يمكن يقول أن التفكير و الطبع المختلف بين الزوجين نقطه إيجابيه لأن كل واحد منهم يكمل الثاني.
مشاعل : ببساطه قوله ما حبيتها وما أتصور اني راح احبها .
سلمان : ما اعتقد بعد راح يقتنع لازم أقدم له سبب قوي .
مشاعل بتوجس : وشنو ها السبب القوي اللي ممكن يقنعه ؟
سلمان ينظر لها بتحدي : ما أعتقد في سبب أقوى من رسالتج لأبوي , أنا متأكد انه راح يقتنع بوجهة نظري
وقتها .
مشاعل بصوت مضطرب : سو اللي يريحك , والحين اعذرني عندي شغل .
.......................................
ورطت نفسي بمحاولتي التذاكي عليه , كان علي أرضاء غروره و الأنهيار باكيه عند الباب بعد سماعي محادثته
مع فواز , لكن الآن أنا في مأزق حقيقي ... عدت لأصبح رهينة فعل ماضي مسبوق بكل أدوات الكسر !
..................................
بعد عدة أيام .....
منيره تحضن الجوري : الجوري بتنام عندي .
مشاعل تحاول أخذها منها : عطينياها أنتي عندج امتحان باجر مو معقوله كل شوي بتقومين تشربيناه حليبتها ,
بتنام عندي أنا .
مضاوي : خلصتو هوشتكم , الجوري بتنام عندي أنا .
منيره : شمعنى لا يكون انتي بس اللي خالتها .
مضاوي : مناير موصيتني أنا بذات عليها .
مشاعل : وحنا ما ننأمن عليها .
مضاوي : لا تصيرون سخيفات انا ما وراي دوام باجر مثلكم والجوري بتقوم بالليل كذا مره .
مشاعل : مو مشكله خليها تنام عندي .
منيره : لا يمكن عندي انا .
مضاوي تأخذ الجوري من بين يدي اخواتها : عن المصاخه انتي وياها شكلكم سخيف جنه ماعمركم شفتو جهال .
منيره بخبث : وين يا حسره نشوفهم وانتي و يوسف كل واحد بغرفه .
مضاوي والخجل تملكها : صج قليلة أدب وماتستحين شكلنا بنزوجج فواز بسرعه عشان تلتهين في عيالج .
منيره تقع با الحفره التي حفرتها لمضاوي : انتي اللي قليلة ادب وما تستحين و انا ما ابي اكلمج ابدا .
مضاوي : يو شفيها انفجرت ؟
مشاعل : حرام عليج احرجتيها .
مضاوي : هي اللي جابته لنفسها .
مشاعل بتزلف : انزين خلينا في الجوري , شرايج آخذها انا ؟
مضاوي بلؤم : بتسهرج وبتروحين ادوام وجيوب عينج منتفخه وتخرعين سلمان وبيهون عن العرس .
مشاعل بصدمه : شنو سلمان وشنو عرس شا الخرابيط .
مضاوي : يوسف قال ان سلمان اخطبج منه .
مشاعل بأبتسامه ساخره : هذا اللي قاله لج , اجل خليني اصحح لج المعلومه يوسف هو اللي خطبه لي عشان ما
أنحرف مثلج ومثل منيره .
......................
ألقت كلماتها الجارحه وتركتني أقف بعدم توازن !
عندما اخبرني يوسف بأن سلمان خطب منه مشاعل فرحت جدا لما اعرفه من مناير عن شخصية سلمان الرائعه
و اعتقادا مني أنه سيكون كأخيه خالد , لكن الآن أرى سلمان مجرد أداة أخلاقيه أخرى يستعملها يوسف لتقويم
أعوجاج بنات هذه العائله !
................................
لم أستطع النوم من بكاء الطفله الذي يخترق الجدار اللعين الذي يفصلني عن مضاوي ...
و لكن اليس انا هو نفس الشخص المعروف بدائرة الأعمال بمنتهز الفرص ..
أنها فرصتي ... هيا .. أذهب إليها ..
...............
مضاوي ترد على طرقات الباب : الجوري ما فيها شي وروحي نامي .
يوسف يدخل : بما ان غرف خواتج بعيد ما أعتقد أنه في أحد يسمع الجوري غيري .
مضاوي بإحرج : أنا آسفه ..
يوسف : يعني اللحين أنتي تعتذرين بالنيابه عن بنت خالد .
...
اسم خالد على لسان يوسف اصابني با الأضطراب فالكثير من المشاكل التي بيننا تبدء بذكره ..
...
مضاوي : أعتذر لأني مو عارفه شلون اسكتها على انها اخذت رضعتها وغيرت لها بس مو عارفه شفيها للحين
تبجي .
يوسف يمد يديه ليأخذ الجوري بين يديه : يمكن مشتاقه لأهلها على أني لو منها وبنام بحظنج مافكرت باحد ابد.
مضاوي تتجاهل تصريحه : عندك موهبه مع الأطفال .
يوسف : تقدرين تقولين خبره خاصه مع بنات عمتي .
مضاوي بغيره : يعني كنت أتشيل جود أكيد هي كانت المفضله عندك .
يوسف ببراءه مصطنعه : شوق هي المفضله عندي كنت اشيلها معاي لأي مكان .
مضاوي في محاوله لإغاظته : يااااا حتى شوق شلتها انت فعلا شايب .
يوسف ضاحكا : يعني اللحين أنتي شايفتني كبير عليج ؟
مضاوي : أنا مو كبر بنات عمتك .
يوسف : التوافق با العمر مو بأهمية التوافق العاطفي و الفكري بين الزوجين .
مضاوي تتجاهل تعليقه : غريبه تعرف تشيل الجوري حتى أبوها للحين يحتاس لما يشيلها .
يوسف الذي تغير مزاجه : وأنتي وين شفتي خالد وهو يشيلها ؟!
مضاوي تنظر إليه باستياء : بعتقادك أني بحياتي كلها ماراح أشوف زوج أختي لو صدفه ؟
يوسف : أهم شي ما تكون صدفه مفتعله .
مضاوي : لا تخاف أنا ما اعرف اخلق صدف مفتعله مثل صدفك حتى لو بغيت .
يوسف بأسلوب الهجوم خير دفاع : يعني تعترفين انج ..
مضاوي مقاطعه : بس لا تكمل و تقعد تفسر كلامي على كيفك , اسمعني عدل وهذي آخر مره أبرر أو أفسر
نفسي لك , أنا ما أفكر و لا أحب أحد ..
يوسف : ولا حتى أنا ..
مضاوي تأخذ الجوري من بين يديه : خاصة أنت .
....................................................
في بيت الله نجتمع ونصلي لكل الأرواح التي فارقتنا ...
......
الخاله سلمى منبهره : الكعبه بالحقيقه غير عن التلفزيون .
خالد وامه متفاجأين !
أم خالد : أنتي أول مره تزوين مكه ؟
الخاله سلمى : أي اول مره .
خالد : يعني انتي ماحجيتي ؟
الخاله سلمى بخجل غير مبرر : ما الله كتب .
مناير أستشعرت خجل خالتها سلمى وقاطعتهم كاذبه: حتى أنا أول مره أجي .
الخاله سلمى ببراءه : بس ابوج الله يرحمه قالي انكم روحتو العمره بعد وفاة أمج .
مناير بخجل : أي بس كنت صغيره وما أتذكر حيل .
خالد : اجل أنتم موعدين كل سنه بتزورون مكه بدال المره خمس .
مناير : أهم شي نحج .
أم يوسف : أي و الله ودي بحجه عن اخوي أبو يوسف .
خالتي سلمى أضطربت ملامحها من ذكر خالي أبو يوسف أتمنى أن أمي لم تذكره فآخر ما أريده أن تذكر أمي
الخاله سلمى بذنب لم ترتكبه !
....
مناير : شفيك طول اليوم سرحان منو أتفكر فيه .. لا يكون في الجوري ترى أغار .
خالد ينظر إليها بتمعن : كنت باعترف بكل شي وأبري ذمتي بس ...
مناير : قصدك بخصوص موضوع خالتي سلمى ؟
خالد : أي بس ..
مناير : وبس شنو ؟
خالد : رحت قلت لها كل السالفه ووعدتها أني بقول لعيالها وأبريها قدامهم بس أرفضت .
مناير : شلون أرفضت ؟
خالد : حلفتني ما اقول لهم .
مناير : طيب ليش ؟
خالد : ما عطتني سبب بس حلفتني .
مناير : و ليش تحلف .
خالد : كسرت خاطري قعدت تبجي وتترجاني ما أقول لهم وأنسى السالفه .
مناير بحزن : تصرفها غريب على أم بس مو غريب على شخصيتها .
خالد : شلون يعني ؟
مناير : شخصيتها غريبه و ما أقدر أتوقع منها الي ممكن أتوقعه من أي أحد أكيد عندها حكمه من ورى رفضها .
..................
الحكمه ... أن أكتشاف الحقيقه متأخرا يألم أكثر من إخفائها ...
وإن عرفوا ؟ ... ما الذي سوف يتغير ؟ ...
هم الآن معي وهذا يكفي ..
ما فائدة الحقيقة ؟ .. إن أعتصرهم الندم وتجدد الألم ..
ما فائدة الحقيقة بعد كل سنوات القهر ...
سوف يسامحوني بنهاية ... عندما أفارق هذه المعموره إلى مثواي الأخير..
اعرف أنهم سيسلون بعد أن قربتهم من أحبتهم و متأكده أنهم سيجدون في قلوبهم الرحمه علي بعد أن يرون
أطفالهم ...
عندها أعرف أن روحي سوف تهدأ بسكون ابدي وترتاح في إحدى تلك الجنان بعد كل هذا العناء !
...........................................
اليوم قررت أن أعود لخباثتي وأستقل فرصة عدم وجود خالد و أمي لألتقي با منيره على انفراد ...
لكن الخوف من يوسف إن كان موجودا ...
..................
مشاعل عند الباب : نعم خير شتبي ؟
فواز : جاي اسير على خطيبتي .
مشاعل : لا امك هني و لا خالد و لا حتى يوسف يعني وجودك اللي من الأساس غلك بيكون جريمه .
فواز : اعوذ با الله خليتيني مجرم مره وحده .
مشاعل : يله مع السلامه .
يوسف الآتي من وراء فواز : هلا با العديل حياك اقلط .
فواز منذهل بأسلوب أخيه المهذب على غير عاده : تكلم عن جد أقلط عادي ولا مقلب .
يوسف : أدخل قبل لا غير رايي .
فواز يسارع في الدخول : لا يا معود لا تهون هذا أنا دخلت .
...................
أنا و فواز من طينه واحده و كلانا يحتاج فرصه ! ..
هو يريد رؤية منيره و أنا أريد مضاوي و ليس أحسن من أتعذر يطيور الحب حتى أطلب منها الجلوس معي ...
............
مضاوي : يوسف لو سمحت ماله داعي أخوك كل شوي ناط وبعدين هو عارف أن خالتي سلمى مسافره شجايبه .
يوسف : أولا أنا موجود ثانيا يبي يشوف خطيبته شنو المشكله .
مضاوي : شافها كذا مره و خلصنا ينطر عاد للعرس .
يوسف : مو انتم مو راضين تريحونه وتزوجونه .
مضاوي و حمرة الخجل تسكن وجهها : و المطلوب اللحين ؟
يوسف : تعالي أنادي منيره ونقعد معاهم .
.............................
فواز : أشعر باالصداع كانت تنقصني الجوري لتأخذ أنتباه منيره وتزعجنا ببكائها المتواصل ..
منيره : بس يا حياتي لا تبجين .
فواز : تراها جاهل ما تفهم شتقولين .
منيره لم يعجبها تعليق فواز : لا تدخل بين الخاله وبنت أختها .
فواز : أنا بس أحاول أعطيج معلومه مفيده تفيدج مع عيالنا .
يوسف بعد أن رأى اللون الأحمر يصبغ وجه منيره : فواز تعدل و أنا أخوك .
فواز : إلا مضاوي شلونج و شلون القعده في البيت من غير شغل .
يوسف : وأن شدخلك .
فواز : أنا أقدر أقول نفس الشي لما تدخل بيني وبين منيره .
يوسف : يعني شنو وحده بوحده ترى وضعنا مختلف .
مضاويتهم با الوقوف : إذا بتطاقون الأحسن أنا و منيره نخليكم بروحكم .
يوسف : أقعدي محد راح يطق أحد .
فواز : أنا عندي مشكله يا مضاوي و متأم أنج تحلينها .
مضاوي : و شني هي مشكلتك .
فواز : العزوبيه مو عاجبتني وبطلقها .
مضاوي لم تقدر ان تكبح موجة الضحك التي اعترتها ...
يوسف المغتاظ على فواز الذي استطاع اضحاكها و عليها لضحك امام اخيه ...
لا يكون حنا في كابريه عشان تضحكين بها الشكل ....
مضاوي تختفي الضحكه فجأه ليحل مكانها الخجل : أنا آسفه .
فواز يوجه نظره منيره : تراني مو مثل اخوي لو تبين تضحكين عادي .
منيره : يوسف ممكن أقوم لأن وراي دراسه .
يوسف : أي خلاص روحي أصلا فواز بيروح اللحين .
فواز : منو قال أني بروح بعدين باجر عطله ما حبكت يعني تدرسين .
منيره : يا سلام يعني تبيني أسقط .
فواز برعب : لا الله يخليج إلا السقوط ما لنا خلق نطول في العزوبيه ..
يوسف : أنا اول مره أشوف واحد مشفوح على العرس مثلك .
فواز بلؤم : غريبه كلامك تحسس الواحد ان العرس مو حلو على أن خالد يشجعني وبقوه .
..
فواز أعطاني الفرصه لأوصل لها أمتعاظي من الوضع الذي نعيشه ...
...
يوسف : خالد وضعه طبيعي أما أنا وضعي صعب و إلا في أحد يعيش مع زوجته في بيتواحد و كل واحد بغرفه.
.....................................................
لم أستطع إلا المغادرة بعد أن أمعن في إحراجي أمام أخيه الأصغر و أختي الصغرى ...
لا أعرف ما هو الممتع في تسديد تلك الضربات اللفظيه لي أما الآخرين ... ما هي النتيجه التي يتوقعها
أيعتقد أني سأهجره أمامهم ليخرج هو شهيدا من هذا الزواج ...
أم يريد أن أقع تحت قدميه مهانه أبحث عن الصفح !!
لا .. لا يكرم حاكم ظالم رعية عاصيه ...
و لا تجود الحره بحق لها ...
حقي .. نعم .. حقي به لوحدي .. من دون مشاركه ...
إن كان يريدني .. إذا يجب عليه أن يأتي لي كله ... فأنا لا أحتاج لبعضه ... !!!
أنصاف الحلول تخلق كامل المشكلات بالأخص بين الأزواج ...
هيا يوسف خلصنا من العذابات و أتخذ موقف .. أرحل أو أبقى .. لكن لا تجعلني منتظره !
.
.
.
.
.
.
.
.
إلى اللقاء في الجزء القادم ...
.
.
.
إلى اللقاء في الجزء القادم ...
|
23-05-09, 09:29 AM
جديد مواضيع قسم القصص المكتمله من وحي قلم الاعضاء
العرض العادي
