الجزء الثالث :



هل هو مجرد مغص معوي ليس له أي تأثير على صحتها ؟ ماذا لو ..؟ لا لا تذهبي للبحث عن

أفكار سوداويه , لكن فعلا ماذا لو كانت ... , لااااااا قفي تبا لي لماذا أزرع الخوف في قلبي

لكن حتى لو منعت عقلي عن تشخيص حالة أختي بمرض أسود سينهش جسدها الفتي منعي

ورفضي ورجمي لهذه الأفكار لن يغير الحقيقه ؟ أي حقيقه ؟ ... أنه مغص معوي , هل تريدين

الآن لعب دور الدكتور بدلا من السندريلا ؟

دكتووووور يااااهو رجل قضى سنوات طويله في تعلم كل مايختص بإنقاذ حياة البشر, لكن أليس

الدكتور بشر ومن الممكن أن يخطء ؟ ... ياإلهي لا يمكنني حتى مجرد تخيل أنها مريضه من

دون أن أشعر بالآلام , أكره هذا الشعور الذي يسكن معدتي في هذه اللحظه ..أكرهه ..

بمناسبة الحديث عن الكراهيه ....

أعرف الآن شخصا يكرهني بكل جوارحه ويمكنني تصور أفكاره في هذه اللحظه .. أكيد يرغب

في سحق رأسي الصغير ... يجب أن أتصل به بسرعه لتقليل الأضرار والحد منها ...

ولكن ماذا بشأن الشوربه .... وأين ستذهب الشوربه ؟... ستكون على النار حتما حين أعود, وهذه

فرصه جيدا بما أن مشاعل الآن تصب جل أهتمامها على مناير ولن تتنصت على مكالمتي..




أين وضعت الموبايل ؟

هاهو ... ياالله خمسة عشر مكالمه من فواز ..

منيره : ألو حبيبي ..

فواز : وين كنتي ؟

منيره : يووووو واضح أنك معصب ..

فواز : ليش اعصب ؟

منيره : عندي عذري بالمختصر أختي تعبت علينا ووديناها المستشفى ولهيت معاها و..

فواز : ونسيتيني , فهمت !

منيره : أبدا مانسيتك بس أختي ك..

فواز : فهمت كانت تعبانه بس انا شاري لج موبايل ياآنسه عشان اكلمج وتكلميني مو متى

ماحبيتي كلمتيني ومتى ماحبيتي تناسيتي وطنشتي .

منيره : فواز ماله داعي تعصب وتقول كلام يضايقك ويضايقني .

فواز : تدرين لاأضايقج ولاتضايقيني أنتي صرتي ممله ومالج لزمه .

منيره : ألو فواز ...


قطع الأتصال ... لا تعتقدو أني أصبت بذعر وتحطمت أشلاء .. في الواقع هذا ممكن ان يكون

صحيحا في اول مره قطع الأتصال معي وهو غاضب ... بعدة عدة شهور من التعرف عليه

أصبحت أتوقع ردات فعله وليس هذا فقط بل قمت بتنمية روح رياضيه عاليه ..

غضبه ليس مهم كثيرا لاني أعرف أنه لن يستغني عني ... على الأقل ليس بالقريب العاجل ..

ببساطه الطفل الغني المدلل فواز أعتاد الحصول على كل شئ بالتالي هو يعتقد انه سيحصل علي

بالكاااامل , خطأ بتقدير من جانب سيادته .. بعد هذه الشهور الطويله أصبحت على يقين انه شاب

"لعاب" ..كيف عرفت ؟ أدله كثيره واضحه حتى نا المراهقه الفقيره كما تصفني مشاعل أنتبهنت

لهاوعرفت أي نوع من الأشخاص فواز , تريدون ان ازودكم بالأدله ؟ ...صور رأيتها

في "موبايله" وأتصالات لاتنتهي من أشخاص يصفهم بالمزعجين وتصرفاته معي ...آخ من

تصرفاته معي .. هدااااايا كثيره كان اولها موبايل وآخرها خاتم ألماس .. نعم خاتم ألماس أو على

الأقل هذا ماأخبرني به فكما تعرفون انا لست خبيره بأي نوع من أنواع المعادن الثمينه .. لاتضنو

بي الظن السئ .. لا لم يشتر لي خاتم الألماس لأني أهديته عذريتي بل بالعكس لأني تمنعت فأراد

أن يفقدني صوابي ويعطل تفكيري ويأسر أحساسي بكل الهدايا .. كذبت على مشاعل وأخبرتها

بأني أحبه لكن في الواقع هناك سببان , الأول انه أطلع على بطاقتي المدنيه وعرف اين ادرس

من جدولي الدراسي وهذا كان كافي ان يرعبني فقد أحسست انه سيلاحقني في كل مكان فجاريته

بحدود إلى أن أجد منفذ للهروب من براثنه او إلى أن يمل هو مني .. السبب الثاني أصبحت أسيره

للحياة المترفه التي قدمها لي .. لم أعلم في السابق وانا أعيش في هذا البيت المتهالك أن هناك عالم

آخر عالم مترف رااائع .. فواز كريم جدا وهذه في الواقع هي الصفه الوحيده التي أراها حسنه في

شخصه حتى لو كان لكرمه مآرب أخرى .. في الواقع بعد تفكير قصير يمكنني ان أرى بعض

الحسنات فيه لكن لايمكنني أن أربطها إلا بالجينات التي لادخل لشخصه في تكوينها , فواز فعلا

شاب وسيم له عيون جميله تعد بأكاذيب لامتناهيه ..

..: الشوربه فارت ...

منيره : مناير شقومج من سريرج ؟

مناير : وليه مااقوم من سرير ؟ تبيني ماأقوم واشوف عمايلج السوده ؟

منيره : اي عمايل تكلمين عنها ؟.. لحظه لايكون مشاعل بدت تخربط على راسج

مناير : مااني محتاجه مشاعل او غيرها عشان انتبه للموبايل الي بيدج ؟

منيره : هذا الموبايل ..

مناير : هذا الموبايل شنو ؟ قمتي ولقيتيه تحت مخدتج ؟

منيره : لا وحده من صديقاتي باعته علي بالأقساط ..

مناير : ياااقو عينج .. منيره ليش انتي جذابه ؟ من منو تعلمتي الجذب ؟ غلطانه .. أنتي غلطانه

وتعرفين وفاهمه قصدي بشنو غلطانه .. ماني محتاجه منج انج تعترفين .. أنا أصلا عارفه كل

شي وبالتفصيل .. بس حابه اعرف شي واحد .. وطيتي راسنا يامنيره ؟ ضيعتي أغلى ماعلى

البنت ؟

منيره : مناير أنتي شقاعده تقولين ... أنا أختج تربية ايدج

مناير : تربية أيدي !؟.. أنا ربيتج على الجذب والفسق ياظالمه

منيره : مناير أرجوج لاتتمادين وتتهميني بشرفي .. معترفه يامناير اني متعرفه على واحد وهو

يحبني

مناير : يحبج ! واضح ان حبه لج بس بشارع في وقت الدوامات يعني محدود

منيره : موصحيح , هو يبي يخطبني بس انا قلت أول شي امهد الطريق له قبل مايجيب اهله

ويخطبني .

مناير : وشلون تمهدين له ؟ بالجذب ؟

منيره : لا بس.

مناير : لابس ولا شي .. منيره أنتي واعيه كفايه واكيد تعرفين ان تصرفاتج تأثر في سمعتنا كلنا

ترضين يأشرون على بيتنا باجر ويقولون بيت بنات ...

منيره : بس لاتكملين فاهمه .

مناير : إذا فعلا فهمتي فالسالفه كلها تنسينها وتركزين بدراستج , واذا عنده نيه يتزوجج فأكيد

يدل بيتنا فماله داعي تكلمينه او تقابلينه , واللحين عطيني الموبايل .

منيره : بس يامناير ...

مناير : شنو بتعصين أختج الكبيره يافاهمه ؟

منيره : لا ماراح اعصاج .. تفضلي الموبايل .

مناير : منيره تعرفين اني خايفه عليج .. صح ؟

منيره : واعرف انج تحبيني ..

مناير : أكثر من روحي .

منيره : انا آسفه .. عن جد آسفه .. وتأكدي اني ماراح اكرر هالشي .




آه يامنيره أعرف انك لم ترضخي .. فعلا ممثله بارعه منذ صغرك , عندما تعرفين انك في

ورطه وان لامفر تبدئين برسم علامات الأسف على وجهك الجميل فتبدين بريئه جدا ..

ارجو ان تكون مشاعل فهمت دورها الذي اوكلته لها في مراقبه منيره , آخ اني اتخبط

فمشاعل الأخرى لايمكن الوثوق بها للأسف ان منيره اقوى منها على الرغم من فارق السن

ولكن على الأقل الآن مشاعل لاتخاف من أبتزاز منيره .. لكن العكس صحيح ممكن أن تقوم

مشاعل الآن بدور المبتز .. ممكن ان تفعلينها يامشاعل ؟ ممكن ان تغضي الطرف عن غياب

منيره من الكليه ان قامت منيره بالمثل ؟ .. لا بدت مشاعل نادمه وهي ليست بارعه في التمثيل



مضاوي : ها بشري وش صار ؟

مناير : الحمدالله تقول اللي في بالنا ماصار وأنا مصدقتها , وتقول بيجي يخطبها .

مضاوي : يخطبها ؟ عمرها 18 سنه وينها وين العرس

مناير : يعني شتبينا نسوي تبيه ويبيها على الأقل بالحلال , وبعدين مردها بتزوج والا تبينها تقعد

مثلنا بين اربع طوف .

مضاوي : أكيد لا , يمكن لأنها اختنا الأصغر فدايما بتبقى بعيني صغيره وماتصورها زوجه وام

دايما اتصورها طفله دلوعه .

مناير : تعتقدين دلعناها ؟

مضاوي : وش عندنا عشان ندلعها ؟

مناير : توج تقولين دلوعه ؟

مضاوي : قصدي تعاملنا معها يعني دايما نطبطب عليها ونطوف لها حركاتها النص كم , بس

هي ماتدلعت بحياتها مالبست واطلعت مثل البنات اللي بعمرها .

مناير : حالها من حالنا .

مضاوي : بس حنا راضين ويمكن هي مو راضيه عشان جذيه تمردت .

مناير : تكفين مضاوي فكينا من كلام العجز تمردت وفصخت الخ ...

مضاوي : بسم الله وانا شقلت , تراج سألتيني وجاوبت .

مناير : خلاص ياست مضاوي حقج علي ومعاج حق .



أتت الواشيه مشاعل , فعلا واشيه لقب يليق بها ...

منيره : أدري ماتقدرين تحطين عينج بعيني بعد اللي سويتيه .

مشاعل : عمى بعينج ان شاالله , لايكون تحسبيني أصغر عيالج وخايفه منج .

منيره : محشومه شعوله , بس تبين الصراحه ماهقيتها منج , يعني تفتنين علي وتخربين علينا

الثنتين.

مشاعل : أنا مافتنت اصلا أختج فاجأتني عارفه كل شي انا بس جاوبت مجبوره على اسألتها بس

مثل ماقلت هي عارفه كل شي , الظاهر سامعتنا .

منيره : تدرين شنو اعتقد ياشعوله ان مناير سمعت طراطيش حجي وسألتج عشان تتأكد وأنتي

ماصدق ضميرج جاب الأول والتالي .

مشاعل : تحليلج خرطي , هي عارفه من قبل ماتسألني , وترى مثل مانتي انضريتي انا

انضريت ويمكن اكثر منج .

منيره : وشلون أكثر مني ؟ انا اللي اتهمت بشرفي .

مشاعل : أنتي اللي جبتيه لنفسج , بعدين انا انضريت اكثر لأني كنت عايشه حياتي طول هالسنين

بالكليه كافيه خيري شري مونسه نفسي وموضاره أحد بس انتي ياوجه النحس جيتي وخربتي كل

شي , يعني على طول حب ومغازل , ترى في شي اسمه أعجاب باالمغني فلان والممثل علان

حبكت يعني حب صجي.

منيره : تطنزي ياشعوله يحق لج , أنتي على العموم حياتج ماراح تغير بس انا ياحسرتي.

مشاعل : وشلون ماراح تتغير , مناير عرفت.

منيره : ومناير شعرفها شنو بتسوين بالكليه .

مشاعل : راح تعرف منج .

منيره : مني ؟

مشاعل : منيره لاتستعبطين تبيني اطلع وتروحين تقولين لها وتطلعين انتي بالزينه وانا آكل هوا.

منيره : ممكن يكوون تحليلج صحيح بس إذا شاركتج الجريمه ماراح تخافين أعلم عليج ولا أنا

راح أخاف تعلمين علي .

مشاعل : منيره ووجع الظاهر الزفه الي خذيتيها من مناير مانفعت معاج .

منيره : مشاعل ركزي معاي , تبنيي أقول لاختي الكبيره معصي وبسوي اللي ابي واذا مو

عاجبج طقي راسج بطوفه أكيد لا , لانها راح تربح المعركه والسبب الوحيد انها اختي الكبيره

او تبيني أفهمها اللي ماتعرفه ولاشافته , مناير ماجربت ولاشافت اللي شفناه وماراح تفهمني ابدا


مشاعل : معاج حق , مناير على انها أكبرنا بس ماتعرف من الدنيا شي كل اللي تعرفه ينحصر

بطبخ والنفخ.

منيره : هذا انتي قلتيها , واللحين شقلتي ؟ معاي ؟

مشاعل : خايفه وحاسه مسبقا بتعذيب ضمير .

منيره : اللي عندي وقلته , وانتي على راحتج .

مشاعل : انزين موافقه بس لازم نتفق على خطوط حمره .

منيره : اللي هي ؟

مشاعل : نطلع مع بعض .

منيره : مع رفيجاتج مالي طلعه .

مشاعل : شفيهم رفيجاتي ؟ عطيهم وعطي نفسج فرصه تتعرفون.

منيره : مابي اعيد وازيد بسالفه انتهينا منها , خلاص ماتبين نطلع مو لازم انا اصلا مثل

ماتعودت بيومين اقدر انسى بيومين, الدور والباقي عليج .

مشاعل : يابايخه , خلاص اتفقنا .


عزيزتي مشاعل كم سهل أقناعك كم أتمنى ان انجح ايضا بأقناع فواز بما أريد .




.............................. إلى اللقاء في الجزء الرابع.

الاجزء مره حلوه

منيره تقهر ....






تدرين كل انسان اذا حب يخطاء يدور له اعذار ...ويجبر نفسه على وجوده هي تعرف بالخطاء ومع ذلك

ماتبغي تبعد عن ...تدري انها ممكن تظر خواتها مع ذلك ابدا ماتفكر بترجع همه الحصول على الهادية منه

فواز هل فعلا هو يحبه ...ولا صحيح هي وقت وتعدي ومن الاساس وش الهدف من علاقة فيه






مشاعل معجبني مبرره ...حتى لو انا عرفه نفسي اني سويت خطاء بس لم اشوف انا اختي قاعده تودي نفسه في خطاء لا يغفر ماقدر استحمل >>وبيصير علي وعلى الاعداء....صدقيني ردة فعل طبيعية بنسبة لي كل الى يخاف على شرفه







مناير اشفق عليه لانها خايف على ثنتين مو وحده وحل مسائل مثل هالمور صدقيني مو بدرسه من حكمة الاسان لي حياتها



الخاله سلمى ....ليه تكره مشاعل






تصدقين احس بي امور اكثيره ضايع مني وابغي ربطه والكفيل بي ذلك هو تكملت قصتج الى جد احسها يدمج فيه الواحد من غير شعور واهم شي عنده يكمل باااقي الاحداث بكل شوق

وعشان كذا نااااطرينج بشووووووووووق

مذهلة

السلام عليكم ورحمة الله وبركاته
شيرمي
اسعدني كلامك عن حرصك على اكمال عملك وبصراحة هو عمل يستحق منك ان تكمليه
وفقك الله
لنتأتي الى احداث الجزئين
منيرة
تبدو الانثى الماكرة التي تحرك كل الخيوط بيدها وضفت فقرها ليكون دهاءا ومكرا استخدمت دهائها مع اخواتها واستخدمته مع فواز
ولكن احياننا الثقة بالنفس الزائدة ممكن ان توقع صاحبها بأخطاء يندم عليها العمر كله
فواز انسان لعاب وهو بالتأكيد يعرف كيف يختار فريسته ومن يهدي خاتم الماس دون ان يأخذ مقابله هو انسان بكل بساطة غبي وفواز ليس بالغبي ودهاء منيرة امر يمكن ان يكشفه انسان بمثل خبرة فواز بهذه الامور
لاقص عليك قصة
المعروف انو الدراسة الجامعية مختلطة بالعراق وتعرفون صف اول جامعة تعتبر مرحلة الانبهار لذا كنت انبهر عندما ارى فتاة تنزل من سيارة شاب وهي تشع بالحب والابتسامة تنر وجهها ونبدأ نحن شلة بنات صف اول نبحر بخيالنا عن سر الفرحة والابتسامة ولكن هذا الخيال لن يتجاوز كونها سمعت كلام حب من صاحب السيارة ففرحت به الى ان اتى يوم ونحن نتناقش بهذا الموضوع لنفاجئ بأحدى صديقاتنا تقول نقلا عن اخيها ان الفتاة التي تقبل ان تركب السيارة مع شاب يجب عليها ان تتوقع كل شيء فمن ركبت السارة معه سوف لن يرضى بكلام الحب فقط
وضعي خط تحت كلمة فقط
يعني طلعات منيرة المتكررة مع هذا الشاب لم تكن كلام فقط قد لايكون الامر وصل الى ابعد من لمسة يد ربما
ولكن لمسة يد من رجل غريب كفيلة بأن تنزع شيء من حياء الفتاة وتعمل على ان تجرئها لشيء اكبر >>وجهة نظر

مناير
بصراحة ضلمتها كنت اشك بأنها سلبية ولكنها استطاعت ان تعرف كل شيء بطريقة رائعة وهي مدركة تماما ان اختها سوف لن تنصاع لها وهي دارسة بفطرتها وحبها لاخواتها نفسية كل واحدة فيهن
ربما عليها مراقبة الاثنتان مشاعل ومنيرة لذا عليها الخروج من دائرة المطبخ والبيت الى دائرة الشارع والحياة لتعرف جيدا كيف تحمي اختيها
مشاعل
ببساطة سوف ترضخ لمنيرة فمنير تعرف من يؤكل الكتف تعرف نقاط ضعف مشاعل ومشاعل ان التزمت اول الامر سوف تمل في نهايته وتحن لحياة الخروج التي اعتادت عليها لذا سوف تنتصر منير

السوأل هو على من تنتصر منيرة على الفقر الذي تعتقد هو الذي يمنعها من الحياة المترفة ام على الشرف الذي يمنحها حياة اغلى من الحياة المترفه
قد نرحب بالفقر ونستغني عن حياة الترف من اجل ان نعيش حياة شريفة
يشار لنا بالبنان اننا اناس فقراء شرفاء
افضل من ان يشار لنا بأننا انس مترفون غير شرفاء

في الختام
اثني عليك طرحك الميز الذي اثار قلم واخرج مني كلام تعجبت من كثرته
بكل الشوق انتظرك

السلام عليكم ورحمة الله

شارمي ..

أتدرين .. لديك أسلوب جميل في

السرد فهو سلس وبسيط ومع هذا

مشوق وجذاب..

نجي للشخصيات..

مناير..
لازم تنتبه لمنيرة وتحاول تحتويها لأن
البنت أول شي مراهقةو عنيدة وشي طبيعي أنها ماراح
ترضخ لها بسهولة وأتوقع أن مناير
عارفة الشي هذا..
وبعد ماتثق في مشاعل لأن البنية
شخصيتها أضعف من منيرة..
وأنا مادري وين واصله مناير بالدراسة
يعني لو هي مخلصة ثانوي وتقدر تسجل
بالجامعة كان قلت لها سجلي بالجامعة منها ادرسي واكسري
الروتين اللي أنتي فيه وتعرفي على الحياة اللي خارج الإطار
اللي أنتي عايشة فيه..
وراقبي أنتي منيرة أحسن لك من مشاعل<<شكلي شطحت بالخيال واجد

منيرة..
باين عليك بنية ذكية وقوية شخصية بس
مو كل مرة تسلم الجرة..
انتبهي لنفسك ولا تلعبين بالنار
أهم شي عند البنت شرفها وسمعتها
والمشكلة السمعة مو لك لحالك فيه
خواتك راح يشتركون معك بالسمعه
هذي وهم مالهم ذنب باللي تسوينه
ولا تخذلين خواتك وقبلهم نفسك..
وأنتي باين عليك تحبين مناير..
و مافيه أصعب من شعور
الندم إلا الإحساس بأنك خذلت اللي
أنت تحبهم..


مشاعل..
أنتي غلطتِ من البداية بأنك سمحت
لمنور تبتزك وسكتي عن الغلط اللي
هي قاعده تسويه..
والحين لاتعطينها فرصة ثانية عشان
تستغلك وتستغفلك..

سلمى..
صراحة هالأنسانة حيرتني!!!
يعني معاهم ومو معاهم..
يمكن هالحاجز اللي بينها وبين
البنات لأنها ماتجيب عيال فهي
مو قادرة تتعاطف معاهم أوتحن
عليهم.. أو أنها انسانة ماتعرف
تعبر عن مشاعرها أو إنسانه باردة
فيه ناس تقعدين معاهم تحسين
مايهمهم ولا يهزهم شي كل شي
عندهم عادي!!!
إن شاء الله الأجزاء الجايه تبين لنا
هالإنسانة..

شارمي تشكرين على هالجزئين
الحلوين..

دمتِ في حفظ الرحمن

السلام عليكم...

مرحبااااااا شاارمي.. شووفي انااا عااد قررت اني اجيب ردوودي اللي هناك واحطهاا هناا..
وهذاا ردي على الجزئين الاول والثاني..

السلاام عليكم..

بداايه قوويه واسلووب يجذب عشان الواحد يدخل بالقصه ويستمتع فيها..

اوول شي جذبني لها العنوان.. صراحه عنوان قووي بس ماا اعرف هوو يناسب من؟؟
يناسب البنات كلهم والا وحده منهم بس؟؟



تدرين بالاول لخبطت كثير بين منيره ومناير.. لخبطت لين انتبهت ان فيه شخصيتين وحده اسمها مناير وهي الكبيره والصغيره اسمهاا منيره.. مع ان المعروف ان منااير دلع لمنيره... ليش خليتي شخصيتن مشتقات من اسم واحد؟؟؟؟ مااتعتقدين ان هذا ممكن يلخبط ويشربك الاحداث للي مايفهاما او ينته زي حلاتي؟؟خهخهخه

اكثر شخصيه جذبتني هي منيره ومنير .. الكبيره والصغيره.. هل بتكون اغلب الاحداث بين هالثنتين..؟؟
مدري ليش منااير تشووف في نفسها عانس وهي توها عمرها 28 سنه؟؟؟ يعني هي للحين صغيره؟؟ بس يمكن ظروف حياتها تخليها تفكر هالتفكير...

منااير : انتي ياا منااير يمكن تحسين انتس اكبر من عمرتس بسبب المسؤوليه اللي شايلتها على ظهرتس وهي مسؤلية خواتس...؟؟ مسؤليه صعبه على الرجال كيف عاد على بنت .. وزياده على كذا ماكملت تعليمها.. وتبي تكون لها السيطره على خواتها بنات الكليه؟؟ هل ممكن تقدرين تحلين مشلة منيره.. بما انها تحظى الحين بالمشكلة الاكبر...؟؟؟ كيف بتقدرين تتصرفين معها من خلال شعوورتس بالضعف ؟؟ اتمنى تقدرين تحلين مشكلتها. ويمكن من هالمشكله تبدأ تتغير شخصيتس كلياااا.. وتكون اقووى وتشووف منيره شخصيه ثاانيه لمنااير .. وهي شخصية الام....

مضاوي : انتي بعد عندتس مشكله انتي تحسين انتس عانس.. وانا اتوقع انتس تتزوجين من اي شخص عشان بس تشيلين هالمسمى من حياتس.. حتى لو ترتبطين بشخص مايستااهل..؟؟؟

مشاعل : على الرغم من انتس تطلعين وتتصرفين من رووحتس بالكليه الا ان هذاا مايمنع انه يبين انتس ضعيفة الشخصيه... وان منيره اقووى شخصية منتس... يمكن هاللي صاار يخليتس تغيرين حياتس وتقررين انتس تتخرجين وتدوورين على شغل تصرفين منه على رووحتس وعلى خواتس..وتصيرين تتحملين المسؤليه اخيراا..

منيره : انتي عقدت هالقصه.. ودي بس اعرف كيف ماافكرتي مرره وحده بس باثاار هاللي تسووينه.. ؟ اتمنى انتس فعلاا ماااا زااد هالغلط اللي تسووينه عن هالطلعات واتمنى انتس تتخلصين من هالشخص.. واتمنى فعلاا انتس تقدرين ان هاللي تسووينه مااراح يكون تاثيره خااص فيتس انتي وبس .. لأ.. هالشي رااح يتعدااه لخواتس.. وهناا بتكونين مسؤله مسئوليه كامله عن الفضيحه اللي بتسببينها لهم... يمكن مناااير تخليتس تقوولين للرجال اللي تطلعين معه انها تقووله يتقدم لتس؟؟؟ ماا ادري بس يمكن بالاخير تااصل لهالشي .. وانها تتقابل معه وتكلمه عن وضعكم؟؟ ويمكن تكون قصتس بدااية قصه لمناااير بعد؟؟؟؟

سلمى : جااافه كثيييييييييير .. ولاا مبااليه.. ولوو كالن عندتس اولاد مااعلملتيهم احسن من معااملتس لبنات زوجتس.. بس انا ودي اعرف من وين تصرفين على البنات.. يعني لاا تشتغلين واتوقع انتس بعد مااعندتس اي شي تملكينه ؟ يعني لو كنتي ارمله من قبل ابو مناير قلت وارثه منه..؟ بس انتي شكل حالتس ماتباعد حالة ابو مناير من الناحيه الاجتماعيه؟؟ اذا هالفلوس من وين تجيبينها؟؟؟ لاايكوووون فيه ورث من ابو مناااير وانتي كلتيه عليهم ومسوويه نفستس تصرفين عليهم منه؟؟؟؟؟
هل بيجي يووم ونشووفتس بديتي تتفااعلين مع البنات وتدخلين وتحلين مشاااكلهم وتشااركين فيها؟؟؟ اتووقع لأ. بس يمكن يصير.. مع ان السنوات اللي كانتوا محتااجينتس فيها ابتعدتي عنهم فيمكن انتي تبين تقربين منهم بس هم رااح يرفضون...

نستنى البارت الجاي بشووق.. واتمنى ماتكون قلة الردود محبطه لتس في انزوال الاجزااء .. موفقه اختي..