طيب ,,خلوني أتكلم شوي عن نفسي وعن روتيني اليومي ,,
طبعا كل يوم يبدأ لما أقوم من النوم الساعة 6ونص صباحا وأتجهز علشان أروح للكلية ,,طبعا للي مايعرفني أنا في السنةالثالثة قسم كيمياء وبأصير معلمة بعد سنة إن شاء الله وإذا لقيت وظيفة ادعوا لي
طبعا أروح للكلية وتبدأ المحاضرات اللي تكون متواصلة وإذا كان فيه ساعة راحة علشان نأكل فهذي نعمه وخصوصا أيام الامتحانات ,,,أرجع للبيت الساعة 4 تقريبا أنام شوي وفي بع الأحيان ماأنام إذا كان عندي امتحان ,,أفتح الانترنت لمدة ربع ساعة فقط أيام الأسبوع وهكذا طوال الأسبوع ,,مرهق صح ؟hah tell me about it
any way
نرجع لمحور حديثنا ,,طبعا اليوم كان عندي اختبار من الساعة 8 إلى الساعة 1 ظهرا بتقولون هذي تكذب علينا لكن صدقوني فيه اختبار مدته كذا وهو اختبار وسائل تعليمية عملي ,,تقريبا مثل حصة الفنية تسوين لوحات وترسمين وتبدعين ,,وأختكم في الله موهيتهافي الرسم مو ذاك الزود ,,لكن على قول المثل ,,ايش جابرك على المر إلا اللي أمر منه
اتركونا من قرف الكلية وهمومها ,,,وأقول لكم شوي عن هواياتي ,,
طبعا أنا مثل ما قلت لكم مهووسة قراءة وأحب القصص والروايات الرومانسية والبوليسية وأي نوع منها
قرأت لباولو كويلو الخيميائي وأعجبتني كثير ,,قرأت على نهر بييدرا هناك جلست فبكيت ,,
دون براون ,,قرأت شيفرة دافنشي وملائكة وشياطين وهذي أكثر مؤلفاته اللي أعجبتني أكثر من حقيقة الخديعة ,,
تشارلز ديكنز و جين أوستن وايميلي برونتي وشارلوت برونتي ,,ايش كمان ؟ ؟؟
نيكولاس سباركس.. رسالة في زجاجة والمؤمن الحقيقي ,,,
طبعا روايات أحلام وعبير ,,وقرأت كتاب رائع لمرام مكاوي كاتبة سعودية اسمه على ضفاف بحيرة الهايد بارك .رائع جدا ,,
غير عن هواية القراءة أحب التصوير وخصوصا المناظر الطبيعية وصور أولاد وبنات أخواتي وأخواني ,,,
هذي صور للبحر في جدة في آخر زيارة من كاميرا جوالي أحب أشارككم فيها ,,أتمنى تعجبكم ...
10-06-09, 09:48 PM
جديد مواضيع قسم قهوة ليلاس
العرض العادي
