بنوته وينك ليش نمتي يالله ورشحي احد بعدك

السلام عليكم..
يقولون اني ما تكلمت وايد..مع اني احس طلعت شي من الي بقلبي:)..

طفوولتي..كنت بريـئه حيل..وخيالي كان واسع هع..اذكر مرة..بالعيد..اول مرة ارووح عيد..كنا ببيت عمي..خذيت عيديتي..وطلعت للحوش..رجعت ولا العيدية مو معاي..سألتني اختي وينهـا..قتلها بكل براءة..زرعتها عشان تطلع شيرة"شجرة" كبيرة فيها فلوٍس..شوفو البراءة بس:)..بعد مرة..كان عمري 4 او 5 سنين..شارية مكياج "اليهال"ومستانسة عليه..الشدو كله حطيته بعيوني..والحمرة بعد..غطت حلجي ودايرة كله هع..طلع شكلي ساحرة صغيره..ليلحين اشووف الفيديو واضحك..يبيلي احطلكم ياه:p..كنت امووت بشي اسمه باربـي..انومها معاي..واسبحها.. واحطها يمي لما باكل يعني جني اوكلها هع..الون شعرها واقصـه هع..الافلام كرتون الي كنت اشوفها..المحقق كونان..انا واخي..صاحب الظل الطويل..ساندي بل..ليدي ليدي..اممم.. ماروكو..سالي..في واحد كان اسمه عباقرة..كنت احبه بعد.. نسااية..واسرح وايد..اذكر اني بأول يوم لي بالابتدائي..ضعت..كنت حافظة ان في صورة سمجة"سمكة" يم صفي..طلعت للفرصة..ويوم رجعت ما لقيتها..درت المدرسة كلها ولا كنت القى صفي..المشكلة اني لقيت صف اختي اليي اكبر مني بس صفي ما لقيته..رحت لها..وكانت ابلتهم عصبيـه..الكل يخاف منها..وانا بكل براءة داخلة..والدموع بعيوني..وعلية علي..واختي تأشرلي اني ارووح وانا اقولها صفي مادري وينه..استأذنت من ابلتها وهي ترجف هع..وودتني صفـي..

اعشق اللون الرمادي..والاسود..بعدين يي السماوي..والوردي الفااااااتح..والاصفر..مو وايد مع الرياضة..لكن المفروض اني اشجع القادسية هع..المباريات الوحيدة الي اتابعها..كأس الخليج..ويعتبر معجزة صراحة..بنووتة وتشووف كرة :)..

موقف مضحك صارلي..شديت واحد من بلوزته عبالي اخوي..وكنت معصبة عليه بعطيه فلوسه وامشي هع..طلع مو اخوي..مسكين طالعني بنظرة..تكسر الخاطر..من الفشلة هديته ومشيت..خخخخ..

ما عندي اكلة..مفضلـه..لأني مو وايد معاه..ولا اكل الا اذا كنت خلاص بمووت من اليوع..يقولون اني ضعيفه مع اني اشوف اني دووبة..

ليلاس..شي اساسي بحياتي..مثل الاكل والشرب..ويمكن اكثـر..يضيق خلقي اذا مرة يوم وما دخلتله..او دخلتله عالسريع وطلعت..اعضاءه..هم اخوانـي..واعـز..خاصة بنات المقلط..مارح اعدد اسماء..لأن اخاف انسى احد..ومو من بنات المقلط..ميمو.. وصووفي"الي واحشتني"..وسكينه"سولي":p..

حبيت شغلي بهمس..وايد..واتمنى من كل قلبي..ترجع المجلة لنشاطها..نفس اول جزء واكثـر..

نشف ريجي:p..قلاص ماي وراجعه ان شاء الله هع

اليوم آخر يوم لي..استانست بالبربرة والمايك بإيدي..والي كنت كارهته قبل ما استلمه من فيدو..لكن شوي شوي..قمت احبـه..ان شاء الله ما يكون راسكم عوركم من بربرتي..اليوم بعد كان اخر يوم لي..مع شاركنا خطك..هع بدعت فيـه..والحمد لله الي خلصـت..على خير..حاطة ببالي كذا مرشحـه..تستلم المايك بعدي..اشووفهم..ولي رجعه ان شاء الله..

تووووووووووووامي
ههههههههههه مرة روعة ياقلبي
ابدعتي بالمايك
بانتظار مرشحتك