بنوته بالتوفيق يالله بانتظارك

السلام عليكم..
يقولون ان المايك صار بإيدي الحيـن..يعني المفروض اول شي وكالعادة اعرف عن نفسـي..للي ما يعرفني انا BENT EL-Q8..بنووتة بنوو..بوبو..ويتيمة جابر..الله يرحمـه..طالبـه..من الكويت..فديتها..مو وايد مع التلفزيون عشان جذي ما عندي برامج مفضـله..اولى هواياتي القراءة..امووت بشي اسمـه قصـص..من وانا صغيره..بديت بقصص المكتبة الخضراء كح كح..ومادري وين رح انتهي:)..ثاني هواياتي..العزف..بس مو الي امارسه كثر القراءة..اعزف عالبيانو..سماعي..وايد ناس من يشوفوني يقولون انتي شكلج رسامة..لكن للاسف انا بصووب والرسم بصوب..حدي حدي وردة معوقة..ولا عين حولة..واستانس عليهم بعـد..

سجلت بليلاس ب22-9-2007..بس كنت ادخله قبل كزائرة..واقرى.. اذكر وقتها كنت متابعه قصة اميرة الورد..سرقتك بالزمن لحظة وعشتك بالفراق اوقات..لكن يوم حجبو القصص عالزوار..سجلت.. اول رد لي كان عليها..والثاني والثالث..على قصة..خذني بقايا جرووح..وقلوب تخاف الحب..

بعد بفترة..دخلت المقلط..والي كان اسمه استراحة الاعضاء او شي جذي..يمكن هي مرة الي دخلته فيها..وحببتني فيه..وخلتني ادمن عليـه..البنات الي فيه خواتي واكثر..الله يخليهم لي:)..

منتدى قصص من وحي قلم الاعضاء هو الوحيد الي كنت ادخله..وارد عليه..شوي شوي بديت ارد عالباجي..اول شي يمكن القهوة والعام..بشهر 9 او اخر 8 صرت مشرفه عالصور..قسمي الي امووت عليه..واعترف اني مقصره بحقـه..اذكر اني كنت كل جم يوم احط استفسار اسأل عن شي..واذكر مرة بعد..اني داخلة وقايلة ان موضوع مو طالعه كل صوره..شسوي فيه..ردت علي لحظة وقالت ان الصور طالعه..واني اراجعه مرة ثانيه..انا ويهي طااااااااااح..ومن يومها اكتشفت ان الجهاز والصور اعداء..كل مرة لما ما تطلعلي اصور اعطي لنك الموضوع لمليوون شخص عشان اتأكد..هع..

هذا الي عندي لليوم..
نكمل بعدين ان شاء الله..واحم معليه استحملووني..:$

بنوته اليوم الثاني بالتوفيق

السلام عليكم..
مادري شفيني اليوم..من قعدت احس جسمي متكسر..وابي بس انام..ليلحيني دايخة..مع اني نمت زين..دعواتكم:)..

امووت بشي اسمه شعر وخواطر..وبعض المرات اكتب..لكن اسلووبي يبيلـه تطوير:)..من اكثر القصائد الي احبهـا..

كذا يعني .. كذا فجأه .. تغير كل شيً فات

كذا زالت مواثيق الغلا والحب من ذاتك !!

كذا كنتي .. كذا صرتي .. كذا خيبتي الهقوات

كذا .. والا كذا .. ضيعتي دروبي وخطواتي !!

انا مل الامل فيني .. يدور للشفاه اصوات

عجز صوتي ينادي لك .. قضى قلبي من سواتك !!

نصيتك والوفا زادي .. رحلتي والقلوب اشتات

مصايب والرجا خايب .. تقود خطاك رغباتك !!

كبيره طعنتك هذي .. تعودتي على الطعنات

غريبه حيل ذا المره .. ولاهي مثل طعناتك !!

سألتك بالذي خلى عيونك تذرف الدمعات

تكف الدمع لاتجني على خديك دمعاتك !!

انا ما قد خبرت اني تعمدت اجرحك بالذات

وانا ماهمني غيرك اعيش من اجل مرضاتك !!

سرقتك بالزمن لحظه وعشتك بالفراق اوقات

ولا ادري وش بقى لي بالعمر من دون لحظاتك !!

أحبك .. رحت ادور في قواميس البشر كلمات

عجزت القى حروفٍ تستريح بصدر كلماتك !!

أحبك .. يا ندى فجر الجروح وصحوة العبرات

أحبك .. كلمـةٍ تبكـي معـانيها على شفـاتك !!

تظنين الوفا كلمه عجب واصل الوفا وقفات

صغير الشي في ظنك يصير اكبر معاناتك !!

تردين الخطا يمي .. تزيدين الالم شرهات

وانا صمت الشقا فيني حكى من كثر شرهاتك !!

توالت كلها فجأه .. تعاظم بالحشا صدمات

يجي يوم وتواري شمسنا من ليل صدماتك !!

ذكرتك .. والدروب اللي تعانق خطوتك بالسكات

وانا ما زلت اسافر بين نظراتك وضحكاتك !!

ذكرتك .. وانطفى جمر الكلام وذابت الشمعات

سهرتك واستفزيت النجوم بليل خصلاتك !!

تعالي .. واذرفي دمعك على قلبٍ كثيره مات

تعالي .. واخذي الباقي يفيد لوقت عزواتك !!

تعالي .. لاتخلين السنين المقبله تقتات

من افراحي ولحظاتي وطرباتي .. وسبحاتك !!

تعالي .. وواعديني .. لاشقا .. لاكذب .. لاغلطات

ترى ما للصبر باقي على كذبك .. وغلطاتك !!

تغيرت ولا ادري وش جرى .. وش غير النيات

سألتك واعتكف برد الجواب فـ معطف آهاتك !!

تقولين انت في راحه .. واقول من القهر هيهات

انا لا جـيت للراحـه .. تطـاردني مسـافـاتك

اليوم الثالث بالتوفيق الحين كثري هرج عاد