كاتب الموضوع :
روح الامس
المنتدى :
الارشيف
الجزء الثـــــــــــــــــامن
هبة: ابله ....ابله ....
مرام فاقت من سرحانها : ايوه ...
هبة واهي متعجبة : خلصت ....تصححي لي ؟...
مرام : حطي الدفتر الحين و تعالي شيليه من المكتب بعدين ...
هبة : اوكي....
حطت الدفتر ورجعت مكانها ...
هبة : سعدة ابله مرام لها كم يوم مهي طبيعية
سعدة : ايوه ..الظاهر ان في شي حاصل لها...
هبة : ربنا يسهل عليها ....
مرام طالعت ساعتها باقي عشر دقائق على نهاية الحصة ...
مرام : بنات انتو كبار الحين مافي داعي اوقف عريفة وكلام العيال هدا ....انا بطلع الحين وانتو تكلموا بس من غير فوضى ....
شالت اشياءها و طلعت ..... راحت لغرفة المعلمات و ماكان في احد الكل في حصصهم ....
جلست على مكتبها كانت حاطة جوالها على الصامت و لقيت لها مكالمتين من هند
اهي لها كم يوم قافلة جوالها ما تبغى ترد على اي مكالمة و لا تبغى تتكلم مع احد .... حاسة ان الدنيا كل ما عليها تضيق و تقفل الابواب في وجهها ..... حتى عائلتها ما صارت عائلة ....تمس ابوها رمى يمين الطلاق على امها ......بعد 28 سنة زواج ..... كانت حاسة بالاسى على امها حاسة كأنها خدعتها لانها كانت تعرف بس ما قدرت تقول لها شي ....حاسة بالذنب وعاتبة على ابوها و في نفس الوقت زعلانه على تفكك عيلتها .....
آآآآآآآه يا قلبي .....شنو اللي بيحصل لنا ..... اللهم لا اعتراض ..... قدر الله وماشاء فعل .....
بس غصبا عنها دموعها نزلت .... ما قدرت تقاوم ..... الجرس ضرب .... راحت الحمام و غسلت وجهها .... وقت صلاة العصر دخل ... توضت وصلت لها ركعتين أول.........
في مكان اخر مشاعر مشابهة من ناحية الاسى والتوتر و الاحساس بالذنب .....
عصام توتر ما يعرف شنو يقول لابوه ..... ابوه مصر على انه يروح وياه الدكتور يتطمن عليه .....
شنو اسوي .... شنو الحل يارب ساعدني .....
عبد الله كان جالس وياه ....
عبد الله : عصام قول له الحقيقة .... احكي له اللي عرفته يمكن يعطيك اجابه تريحك من العذاب اللي معيش نفسك فيه ....
عصام : ايش اقول له ... اني عرفت انك مو ابوي ....
عبد الله : ايوه .... مشان تفهم شنو اللي حصل بالضبط ... الله يجازي الخايس ود جيرانكم يمكن يكذب ليش صدقته بهالسرعة اهو كان مقهور منك لانك روحت عليه فريسة هداك اليوم... الخايس ...الله لا يوريني وجهه مره ثانية
عصام : انا ما صدقته بسرعة انا عرفت ان اخت امي اللي يقولون انها امي ما تزوجت من الاساس وماتت واهي صغيرة ....تقدر تقول لي ليش كذبو علي ....
عبد الله سكت .....
الباب دق....عبد الله راح فتح الباب لقاه ابو عصام
عبد الله : مرحب بابو عصام ... تفضل ...
ابو عصام : هلا بولدي ....
عبد الله : شخبارك وشخبار ام عصام ....
ابو عصام : الحمد لله طيبة .... عصام وين ؟....
عصام و اهو نازل من السلم : انا هنا ... كيفك يبه توك تذكرتني ....
ابو عصام : هههه شنو حركات البزران هدي ....
عصام : ههههه كبرت عليك ولا شنو ....
ابو عصام : لا انتو ما تكبرو علي ابدا يلا قوم نروح مشان الحجز....
عصام : بس يا يبه انا الحين بخير مافي داعي تتعب روحك ....
ابو عصام : لا لازم تروح ابغى اتطمن عليك ...
عصام : خلاص بروح ويا عبد الله انت لا تتعب حالك ....
ابو عصام واهو تأكد ان احساسه كان صح : عصام بتروح وياي الحين ....
عصام ما لقى مفر الا انه يقول له الحقيقة ....
عصام : ابوي انا .... ما فيني شي ....
هنا عبد الله قام وطلع بره المجلس قال بيجيب لهم قهوة يبغى يترك عصام وابوه لحالهم يتفاهموا ...
ابو عصام بارتياح : ادري ان ما فيك شي وانك مو مريض ....
عصام تفاجأ: من متى ؟!!!.....
ابو عصام : من اول يوم ... انت ناسي انك ولدي وانا المربيك ...
عصام سكت وحط وجهه في الارض .....
ابو عصام قلبه عوره على ولده : عصام قوم بنروح البيت ....وهناك راح تعرف كل شي
..............................................
تحياتي متابعة ممتعة
اعرف ان الجزء قصير
وان شاء الله راح اعوض لكم المرة الجاية
|
16-03-09, 11:18 PM
جديد مواضيع قسم الارشيف
العرض العادي
