كاتب الموضوع :
روح الامس
المنتدى :
الارشيف
تكملة الجزء الرابــــــــــــــع
ام عصام : ابو عصام ....يلا نروح لعصام الحين ....
ابو عصام : لا ......سيبيه كم يوم ...هند وين ؟
ام عصام : في غرفتها....
ابو عصام : ....اقولك يا ام عصام ...انا ما اظن ان عصام مريض من الاساس ....اظن انه سمع له شيء
ام عصام : انا حاسة انه مو طبيعي ...اهو من سلم علي مو طبيعي .....هو صد عن هند تصدق!!!!
ابو عصام : لاحظت...
ام عصام : شنو نسوي ....نتكلم وياه ؟.......
ابو عصام : لا ......قبل ما نتكلم وياه ....باخذه للدكتور بس بعد كم يوم مشان اتأكد انه بخير بعدها بنجلس ان وانت نتكلم وياه ....
بس بكره ابغاكي تجهزي مشان بعزم الاهل عشاء اخوك واخواني....
ام عصام : وعصام !!!!
ابو عصام : اكيد بيجي....
ام عصام : خلاص ....لا تشيل هم .....
مرام : ما ابغى اروح يا يمه تكفي...لا تجبريني ....
ام مرام : لا ...لازم تروحين يا بنتي ام عصام مالها ذنب ولا ابو عصام ....
مرام : ادري ...بس انا كمان مالي ذنب اصير مطلقة وانا عمري 23
ام مرام: لا ....لازم تروحي .....لانها قالت لازم تجين واصرت كمان ...ما يصير ...يلا امشي البسي....
مرام حست بضيق مبالغ فيه بس كلام امها صحاهو مالهم ذنب ...هو الوحيد المذنب ...
هند واحشتها مرة ....لها زمان منها ....خلاص بروح البس ....و عصام ....بالطقاق....
طلعت لغرفتها واحتارت شنو البس....؟؟
عصبا عنها تحس بالخوف و الترقب ...خايفة تلاقيه وفي نفس الوقت نفسها تشوفه ....بعد كل هالزمن ...
صعب ان حب طفولتك و مراهقتك وشبابك ... يضيع فجأة .... وبدون سبب معروف..... حست بانقباض في قلبها ....
اخذت لها شور سريع ولبست تنورة سودة قصيرة مع تي شيرت اسود ماسك بدون اكمام و لبست لها حزام فضي عريض و جزمة فضية برباط طلع روعة مع ساقينها المليانه و عملت لها ميك اب خفيف ولبست شال اسود مخطط بخطوط فضيه رفيعة ....رفعت شعرها بصورة عشوائية ...كانت تجنن جميلة بمعنى الكلمة كلمة جميلة شوية عليها .....
لبست عبايتها ونزلت ....
مشتاقه لهند و كارهة انها تشوف عصام مع انها صارت متشوقه للروحة ....
هند : مــــرام واحشتني مووت ....
مرام : وانت كمان والله ما راح تصدقي قد ايش واحشتني....
هند : كذابه لو اتذكرتيني كان على الاقل جيتي لي مرة واحدة
مرام : انشغلت والله مع المدرسة
هند : شنو هالحلا كله ....اتحصني والله بيطقوكي عين ....
مرام : ههههههه انت ما تتغيري ابد دائما لسانك معسول ....
هند : هههههههه اصلا انا مامي نحلة مشان كده جابتني عسل ....
مرام : هههههه هذا من وين جبتيه
هند: من قناة ميلودي ما تشوفيها....
مرام : اعوذ بالله انا ما اشوف قناة الشياطين هذه...
هند : انا كمان والله ابغى ابطل اسمع الاغاني ....
مرام : احسن لك ....
ام عصام : يا هند تعالي شوي ...
هند : حاضر مامي جاية ...بروح اشوف ماما شنو تبغى بعدين اجي...
مرام : خذي راحتك ...
متابعة جيدة
انتظرو الجزء القادم
تحياتي
روح الامس
|
02-03-09, 12:50 AM
جديد مواضيع قسم الارشيف
العرض العادي
