قصة جميلة ولكن بداية غامضة...ومع الاستمرار في تنزيل البارتات سيتم الاندماج والتفاعل مع الاحداث والابطال ....فقط استمري في ابداعك ..ودمتم بخير

السلام عليكم..
بارت اطول وشخصيات يديدة..وقفلة مشووقة..تسلم ايدج رووح..

مـرام
يمكن كان رفضها ومثل ما قالت لانها انجرحت من عصام ولا تبي تنجرح مرة ثانـيه..بس بعد هي كانت تحبه..وليلحين تحبه..لكن الي سواه فيها مو شوية..عشان جذي تحاول تقنع نفسها انها ما تحبه..وان رفضها كان..لانها ما تبي تعيد الي صارلهـا..

رحيـمه وزوجهـا
اتوقع انها هي ام عصـام..بس ليش قطوه بعدين مادري..يمكن صارلها شي بالعملية..وابو عصام حس ان هو السـبب<<على كيفي خليته بو عصام:)..المهم ان رحيمة لها علاقة بعصام..

عبد الله
والحلـم الي شافه..معقوله صاير بهديـل شي..او انه من الشيطان..لا ان شاء الله ما فيهـا شي..الله يستـر..

نـدى
من تكون..وليش هالضياع الي هي عايشة فيه..امها شكلها "رايحة فيها"والظاهر بنتها نفس الشي..بس ابوها وين..اخت عصام من ابوه مثلا..!..امممم..صج انها كبيـره وعندها عقـل..تفكر فيه..وتميز فيه الصح من الغلط..بس بعد اهلهـا لهم..دخل بالي هي فيه..والله يهديهـا..
بنووتة

الجزء السادس عشر

فتح عيونه وجسمه يصب عرق : اعوذ بالله من الشيطان الرجيم ....اعوذ بالله من الشيطان الرجيم ...اعوذ بالله من الشيطان الرجيم ...و تفل على يساره ثلاث مرات ...و انقلب على الجهة الثانية ....بس وين النوم ...طاااااااااار
اهذ الجوال و دق على رقم هديل....
قلبه يدق ......الحلم وجع له قلبه على هديل يبغى يتطمن عليها....
تررررررررررن ..........تررررررررررررن
بس مافي رد ...
آه ياقلبي معقول يحصل لك شي يا هديل بمووووووووووووووت ....
و رجع يدق مره ثانيه و مع كل رنة جرس قلبه يدق يدق يدق

ردت عليه هديل بصوت كله نووووم : الو
عبد الله بكل لهفة : هديل ...ليش ما رديتي علي ....
هديل: كنت نايمة ....
عبد الله : انتي طيبة فيكي شي
هديل وهي متعجبة منه : انا بخير الحمد لله ...انت فيك شي ...ليش ضارب هالحزه ...طالع الساعة كم ...
عبد الله طالع الساعة لقاها 4 الصبح : معليش هديل بس حلمت بكابوس ...لقيت نفسي ادق عليكي...
هديل: خير ان شاء الله ....قوم صلي لك ركعتين و اقرا شوية قران قبل لا ترجع تنام ...
عبد الله : ان شاء الله كملي نومك حبيبتي ...
هديل : تصبح على خير...
عبد الله : وانتي دايما بخير...

سكر منها الجوال ...تطمن انها بخير...الحمد لله ....
.
.
.
.
.
.
.
.
.
.
.
.
.
.
.

عصام طلع من الحمام لقى مرام مجهزة الفطور ...كل ما يشوفها يحس ان قلبه بينفجر ....
حاسس كانها طفلة صغيره قدامه مو قادر يفهمها ولا يدري كيف يتعامل وياها
تذكر كلام عبد الله وياه ...اصبر عليها وما اتعجلها تفهم .......اوكي راح اصبر....
جلس يبغى يفطر قال: مرام تعالي افطري وياي ...
مرام : قصدك اتغدى وياك ....
عصام : تفطري تتغدي المهم تعالي جلسي وياي ...
مرام : لا انا فطرت و مو جوعانه الحين ...
عصام جلس ياكل فطوره اكل بسرعة وقال : مرام قومي البسي بنطلع ...
مرام : وين بنروح ..
عصام : احنا في بلد جديده علينا نروح اي مكان نتفرج ....ولا ما تبغي...
مرام : لا لا ...الحين بلبس دقايق بس...
و جريت على الغرفة ...كانت طفشانه وكونها بتطلع تتفرج على معالم المانيا اللي اول مرة تروحها بيبسطها اكيد ...
لبست ملابسها بسرعة وطلعت لقت عصام لابس له بنطلون و تي شيرت اسود حست ان انفاسها وقفت
طالع يهبل
عصام : خلاص يلا نمشي ...
مرام بصوت مبحوح شوي : يلا ...
وهم طالعين جات واحدة من موظفات الفندق و قالت له انها بتروح تنظف الجناح ...
مرام حست بروحها ولعت ,,,مافي داعي تقوله كده ..,..طبيعي انها تروح تنظف الجناح ...بس تبغى عذر تتكلم وياه
قالت له : يلا نطلع ولا بنقيف هنا اليوم كله ...
عصام ما عرف هي ليش عصبت فجأة : ...ليش معصبة ....
مرام : ما عصبت ...
عصام قال بيلطف الجو : في حديقة حلوة قريبه من الفندق ايش رأيك نتمشى لين هناك ...
مرام : اوكي ما عندي مانع ...
و تمشوا لين الحديقة .... اشتروا ايس كريم و جلسوا بين الاشجار منعزلين شوي مشان مرام تقدر تاكل
مرام : واااااو جو يجنن ....
عصام : سبحان الله عندهم جو يهبل .....هههههههههه
مرام : ايش فيك تضحك لحالك ...
عصام : تذكرت موقف حصل لنا زمان ..
مرام : ايش؟؟
عصام : زمان...سافرنا اجازة لندن و الجو هداك الوقت في السعودية صيف يعني حررر واول يوم طلعنا جلسنا في حديقة مثل هده ...و جات نسمه هوا باااردة ...هند كانت صغيرة عمرها 4 سنوات نطت و قالت مين اللي فتح المكيف ......هههههههه الوالد قال هدا مكيف من عند ربنا.....
مرام : هههههههههههه
عصام : تدرين ايش اللي ضحكني اكثر ...
مرام : ايش...
عصام : اني صدقت انه في مكيف وصرت اطالع في السما .....
مرام : ههههههههههههه
عصام :كنت بزر وخيالي وااسع...... يلا نروح جنب البحيرة هناك ...
مرام قامت وراحت وياه ....لقيوا بط كثير يسبح في البحيرة ....مرام حست بمرح طفولي وكان نفسها تنزل رجولها في البحيرة بس في ناس كثار واقفين ....
مرام : عصااام ابغى اأكلها شي .....
عصام : بس احنا ما عندنا بسكويت ولا خبز ولا شي....
مرام : بس انا ابغى اأكلها شي ....
عصام : خلاص المرة الجاية بنجيب ويانا خبز ...
مرام : خلاص بنجي ثاني ...
عصام : تدرين في الليل تطلع ارانب كثيرة في الحدائق بعد ما تفضى ....
مرام تحمست : جد ..!!انا ما قد شفت ارنب حقيقي...
عصام : خلاص بتشوفيه هنا ...
.
.
.
.
.
.
.
.
.
.
.
.
.
.
.
.ندى سكرت الجوال من وليد ...
طالعت الساعة لقيتها 4 الصبح.... ما بروح المدرسة ....
اهي من الساعة 8 تتكلم في الجوال شوي مع سمير ...و شوي مع مهاجر .....و في النهاية مع وليد ...
ماتدري ليش تسوي جذي ...ماهي مبسوطة من روحها ولا عاجبها اللي تسويه...وقت ما تكون وياهم تحس انها سعيدة مررة وما فارق وياها احد و لمن تتركهم وترجع البيت تفكر انا ليش اسوي بروحي جذي ...
حاسة انها نعسااانه تبغى تنام ...بس امها لسه ما رجعت
يوووووه هي حره تسوي اللي تبغاه ...انا ايش دخلني انا امها ولا هي امي ....
حطت راسها بتنام ...سمعت صوت الباب يفتح ...
و ضحكات امها تعلى هههههههههه....
وصوت رجال كالعادة ...: هههههههه
ندى حطت المخدة فوق راسها ما تبغى تسمع صوتها
اكرهها ....اكرهها ....اهي اللي ضيعتني .....
اهي السبب في كل اللي انا فيه الحين ...
اهي السبب........
.
.
.
.
.
.
.
.
.
.
.
.
.
.
.
.
.
.
.
.
في الرياض ......في قصر محمد عبد العزيز آل....

كانت رحيمة جالسه كعادتها من 28 سنة في الغرفة الصغير اللي كانت غرفة ولدها فهد ...
كل ما تحس انها متضايقة او حزينة تجي لهدي الغرفة تحس بالراحة فيها تشم ريحة ولدها و تسمع صوته
اللي يشوفها يقول عليها مجنونة بس فقد الابن صعب صعب
صعب انها ما تدري اذا كان حي ولا ميت اذا كان بين اهل ولا كان في الشارع لحاله ..
آه يا ولدي ....

محمد او ابو فهد مثل ما يقول للناس ينادونه كان واقف جنب الباب و يطالع في رحيمة اللي من يوم اختفى ولدها و اهي ما رجعت لطبيعتها ....
ابو فهد : ام فهد ....قومي الله يهديك لمتى بتجلسين كده لمتى ؟؟
رحيمه: الين يرجع ولدي لحضني ...
ابو فهد: استغفر الله العظيم ....يا ام فهد اللي تسويه ما يرضي ربنا ...ترحمي عليه ...
رحيمه : لاااااااا .........ولدي ما مات .........ولدي عايش و بصحته ....انا ادري ...انا حاسه فيه ...
لا تقول ترحمي عليه .......
ابو فهد : لا حول ولا قوة الا بالله ....
تركها في الغرفة وراح اهو يدري انها لمن تجيها دي الحاله ما راح تتفاهم مع احد ...من يوم ما اختفى فهد ...
آه يا فهد يا ولدي ........اقنع روحه بان ولده مااات ....لانه بكل ماله و سلطانه ما قدر يرجع ولده ....شنو يسوي بالمال من غير ابن يتمتع بيه .....شنو فايدة المال اذا ما قدر يرجع ولده اللي راح منه ......
انا السبب ...... نزلت دمعة قهر والم من عيونه ......الله يجازيكي يا عهود الله يجازيكي .....


.
.
.
.
.
.
.

.
.
تمنياتي بمتابعة ممتعة

لا تبخلوا علي بالتعليقات


تحياتي


روح الامس



اللهم صلي وسلم على محمد وعلى اله وصحبه اجمعين ...

صباح الخير روح ..

ماشاء الله وش هالتطورات اللي حصلت بعدي ..!!

ظهور عوائل جديده يطفي على القصه حماس اكثر بس ياترى ايش علاقتهم ببطلنا عصام ..؟؟؟

اتوقع ان رحيمه هي ام عصام الحقيقيه بس ايش اللي جرى وخلى عصام بعيد عنها !!!

ومن هي عهود تكون زوجت ابو فهد الثانيه ..ولعبت عليه وضيعت ابنه ؟؟؟

وندى وامها الحمد لله على العافيه......>>اذا كان رب البيت بالدف ضارب فشيمت

اهل البيت الرقص؟؟

ياترى ايش قصه ام ندى وليش مضيعه نفسها وبنتها معها .. !!!

روح الامس ظهور شخصيات جديده بالقصه راح يزيدها حماس وغموض اكثر ..

اتمنى انك تكوني مستعده لهم ولدورهم في مسار القصه ..

روح مشكوره ياعمري واحنا ماسوينا شي ..والله من شفت اهدائك وانا منحرجه

من تقصيري مع القصه ..

وبعدين لاتهتمي لكثرة الردود مادام المشاهدات اكثر >>ماشاء الله

فهذا دليل ان لها متابعين من خلف الكواليس ...اهم شي لايتأثر الابداع ..

روح تمنياتي القلبيه لك بالنجاح وان ترتقي بقصتك الى المستوى الذي تطمحين ..

دمتي بخير ..