السلام عليكم..
يسلمووو رووح عالبارت..والف الف مبرووك لعصام ومرام..

مرام
ورده فعلها لا درت عن سبب تركه لهـا..وان ما عنده اهل..او عنده بس ما يدري من هم..وليش تركووه..اعتقد انها بتساعده..!

عصام
وخوفه من رده فعلهـا..وتفكيره بأهله ومنو يطلعون..الحمد لله الي عبد الله معاه ومساعده..الف مبروك له..والله يوفقه..

بنووتة

في هذا البارت
تهنئة خاصة جدا
لعودة الغالية انفاس قطر
برواية جديدة
رائعة واكثر من رائعة
و تهنئة لي(متابعة من خلف الكواليس)
ولكل معجبينها ومتابعينها
بعودتها
اخيرا
مرحبا بك بيننا
من جديد
تحياتي


اترككم مع الجزء الجديد
اتمنى ان ينال اعجابكم



الجزء الثالــــث عشر



عصام ماعرف كيف سوى كده ....كان تصرف عفوي منه
ما انتبه للناس الجالسين يراقبوه ... حس كانه لحاله مع مرام
طالع في عيونها اللي تلمع ... بس شاف شي وجعه ....في صميم قلبه ...
شاف دموع في عيونها .....

ترك يدها ....جلست ..... وجلس وياها .......


كللللللللوووووووش
كللللللللللوووووووووووووش
كلللللللللللللللووووووووووووش


لبسها الدبلة .... ويدها كانت ترجف .....بااااردة ....
عصام كان حاسس ان قلبه بيوقف .....مرام كانت ملاك جالس قدامه .... والدموع ماليه عيونها....
بعد ما لبسها الدبلة قام طلع وترك باقي مهمة تلبيس الشبكة لامه ...
و ترك قلبه محبوس في يد مرام .....


مرام من وقت شافت عصام.... رجع لها الاحساس بالمكان بس بزمن ثاني ...
رجع لها احساس ملكتها الاولى .... حست انها فرحانه .... وقلبها يدق بسعادة ..... بس لمن جا عصام و مسك يدها قومها من الكرسي....
انصدمت بالواقع..... حست بالدموع ملت عينها .....
يده كانت دااافية ..... و لمن باسها على جبينها ....... رجفت ....
قلبها صار يدق بقوة .... غريبة!! .... اهو ما سوى كده في الملكة الاولى.......

بعد ما طلع عصام من الصالة .... الاغاني بدأت والرقص والهرج ......بس مرام ما كانت حاسة بشيء ..... والوقت مر بسرعة ....لانه فجأة جات امها و ام عصام قالوا لها ...خلاص بتروحي الحين مع زوجك مشان مواعيد الطيارة .....

مرام : هااااا !!!!!
ام عصام : عصام قال لنا نخليها مفاجأة لك ....
مرام : امي .....امي وين يتروح ...ما ابغى اسافر
ام مرام : سمي بالله ....انا بجلس ويا ام عصام لين ما ترجعوا من السفر بعدها برجع البيت ....
مرام الدموع ملت عينها..... و نزلت ....كل الدموع اللي كانت حابستها نزلت مرة واحدة ....
ام مرام وام عصام : بسم الله عليك ايش فيكي ؟؟؟
مرام جلست تبكي لمن صارت تشاهق ...
ام مرام راحت لها و ضمتها : مرام ايش فيكي يا بنتي ... لو في شيء قولي لي انا امك ....
مرام من بين دموعها وشهقاتها : ما...فيني....شي ...بس ما ابغى ..اخليكي ..لحالك ...تكفون ..خلوني هنا ...ما ابغى اسافر....
ام مرام : ما راح يحصل شي ...
ام عصام : راح تكون جوا عيونا ... والله يا مرام حسستيني كانك انت امها مو العكس ههههههه يا حبي لك .....
مرام هدأت شوي ....هي ما عرفت نفسها ليش بكيت قد كدا ...
بس كل اللي تعرفه انها ما تبغى تسافر ... جابو لها العباية .....
و فجأة لقيت روحها داخل سيارة ..و عصام فتح الباب و جلس ... وين رايحين ؟؟؟
عصام : رايحين المطار...بنسافر
مرام : بس ما جبت شنطتي ....
عصام : امك جهزتها واهي في شنطة السيارة الحين ...
مرام ما عرفت شنو تسوي ... ... الدموع تنزل شلال من عيونها .... بصمت قاتل.......






و صلوا المانيا ....الرحلة كانت متعبة ....ز مرام حاسة انها بتطيح الحين .... ما اكلت شي لها كم يوم ....بس المشكلة انها حاسة بالتعب ... بس مو جوعانة ....

راحوا فندق ... وحجز عصام وطلعوا جناحهم ....

مرام قد ماهي تعبانة ..(لان الرحلة استغرقت الليل كله راحوا الاردن اول و جلسوا ترانزيت خمس ساعات هناك بعدين سافروا لالمانيا ) ... قد ما كانت خايفة ومتوترة وما تعرف ايش تعمل ... و اللي ما تدريه ان عصام كمان كان متوتر ...لانه حاسس بتوتر مرام ... وما عارف يتخلص كيف منه ...
عصام دق للسيرفس و طلب عشا ....و راح ياخد له شور لين ما يجي العشا
وقف مسافة تحت الموية الباردة يبغى يطفي النار المولعة في قلبه وجسمة شوي ....
لمن طلع لقى مرام جالسة مكانها ما تحركت و ما طلعت نقابها ولا عبايتها ....
عصام : مرام ...بتجلسي كدا لمتى ...
مرام : ...........
عصام تنهد تنهيدة عميقة والباب دق .... وصل العشا ....دخل العشا و رجع لمرام ....
: مرام قومي كلي لك شي ...
مرام : شكرا ما ابغى شي ....
عصام : انتي ليش تسوي جذي ايش فيكي...
مرام قررت و عصام في الحمام انها بتتكلم وياه و بتطلب منه ما يقرب لها ...مرام تعرف ان عصام نفسه عزيزة عليه و ما راح يجبرها على شي ما تبغاه ...
مرام بصوت محايد من غير اي توتر مع انها كانت متوترة لاقصى حد : عصام ...ممكن اتكلم وياك ... واوعدني انك تسمعني اول بعدين تتكلم ....
عصام : تكلمي وانا سامعك ....

مرام خدت نفس طويل : انا تزوجتك مشان امي ...لان قلبها ضعيف ...واذا اجبروها انها ترجع لابوي ممكن تموت .....مشان كده رضيت اني اتزوجك ...انا ما ابغى هدا الزواج لاني ما نسيت الذل اللي انت حطيتني فيه ....لكن اخاف ربي فيك لانك زوجي على سنة الله ورسوله الحين واذا دعيتني راح البي ...بس وانا مغصوبه من غير رغبتي ...فياريت تعفيني من واجباتي كزوجة قدام ربنا ...لانه ما اظن انك ترضى على نفسك تاخدني وانا ما ابغاك ..و لا انك تذل روحك لاحد ....

عصام قلبه تقطع و حس ان دمه يغلي شنو اللي جالسه تقوله .... ما تبغاني ....اذل روحي .....

عصام : اسمعي يا بنت الخالة ....انا ما راح اعفيكي من شي ... ولا راح اطالبك بشي ....انتي اللي راح تجيني .....و بإرادتك .....

تجيني وبإرادتك .....تجيني .. وبإرادتك .....صدى صوته تردد في راس مرام
...كلام عصام فجر قنبلة في صدر مرام و قفت وطلعت نقابها ورمته على الكرسي و طالعت فيه ووجهها محمر من شدة الغيظ : و اسمعني انت ياولد عمتي ....انا ما راح اجيك انت ....لو كنت اخر رجال على وجه الارض ...سامعني !!!!


الجو صار متوتر بينهم ....عصام يطالع لها مسافة والشرر يطلع من عينه ...بس فجأة عينه صارت من غير اي تعبير ....وراح جلس قدام العشا ...و صار ياكل ببرووود....
مرام مخها صار يغلي الحين ...يابروووده ...ليش كنت احبه ما ادري....
عصام : تعالي تعشي ...
مرام : ما ابغى ....
عصام وهو يهز كتفه : بجازك ...(بجازك = انتي حره )... وكمل اكله ...

مرام راحت اخذت لها شور دافي مشان تهدا اعصابها شوي ...طيب يا عصام كان ما علمتك مين هي مرام ....

خلصت الحمام و لبست لها ثوب وردي واسع باكمام طويلة... ورفعت شعرها ...الشور حسسها بالخمول ورجع لها احساس التعب ...طلعت بره .... كان في غرفتين ...غرفة نوم كبيرة بحمام و غرفة صغير وفي حمام جنبها و صالة كبيرة ....
مرام قررت انها تنام في الغرفة الصغيرة ...دخلت وسكرت الباب واول ما حطت راسها على السرير نامت .....




عصام من كثر ماحس بالغضب تخيل روحه و هو يعطيها كف لمن قالت "حتى ولو كنت اخر رجال على وجه الارض" واهو اللي في حياته ما مد يده على حرمة .. استعاذ بالله من الشيطان .... وسيطر على اعصابه و مشى من قدامها مشان ما يتهور لقى روحه قدام العشا .... جلس ياكل مشان يشغل نفسه عنها وعن غضبه منها....سرح بخياله تذكر زمان قبل كل هدي المشاكل لمن كان يكلمها وهي تقول له بكل رقه حياتي ...حبيبي ...عمري ...
تمنى الزمن يرجع لورى و ماكان سوى عماته هديك بس اعوذ بالله من الشيطان الرجيم... "عسى ان تكرهوا شيئا وهو خير لكم "

مرت من جنبه واهي لابسه لها ثوب وردي ...رجع مشهد صراخهم من اوله في باله ...ما رفع راسه يشوف ايش تسوي ...سمع قفلة الباب ...قام و لبس بنطلون و تي شيرت اسود و طلع ......



راح لحديقة جنب الفندق ... وصار يجري ...الناس اللي في الشارع تعجبوا منه لان الوقت متأخر....
الرياضة عندهم في الصباح و غريبة ان احد يتريض مع وقت العشا ...

حس انه بينفجر الحين لو ماسوى شي يهد طاقته ...صار يجري ويجري لين ما حس ان نفسه انقطع ...و قف واخد نفسه شوي .... ورجع للفندق ..يجري مرة ثانية ...
طلع للجناح واخد له شور سريع ... وانسدح على السرير و نام تعبااااااااااان مرة ........




متابعة جيدة

تحياتي
روح


اللهم صلي على محمد وعلى اله وصحبه اجمعين