لالالالالالالالالالالالالالالالالا ليش وقفتي نبغى نعرف القصه >>ملاقيف ههههههه

صحيح الجزء مره صغنون بس ابدعتي فيه وحاسه ان اسلوبك في تقدم ..

مسكين عصاام اللي فيه شي لايمكن احد يتحمله او يستوعبه ..صعب انك بعد العمر هذا

تلقى نفسك بدون اهل ....!!! الله يكون في عونه وعون المرام المسكينه اللي ماتدري

وين تجيها معه ..


روووووح تسلم الايادي ويارب يكون الجزء الجاي اكبر ..

ننتظرك بكل شوووق ياكل الذوق ...

السلام عليكم
اول شيء اهنيكم بعيد ميلاد ليلاس الرابع
عقبال المية مع بعض

الجزء التاسع يطبخ على نار حامية

ارجو الانتظار والمتابعة

اتمنى ان تعلقوا لي على الاحداث
واتمنى من القراء المشاركة بالنقد البناء
لتطوير كتابتي

تحياتي لكم

متابعة ممتعة

روح


اللهم صلي على محمد وعلى ال محمد

الـجــــزء التـــاسع


في منزل مرام

دخلت مرام البيت لقيت امها جالسة على سجادة الصلاة ... تقرأ القرآن ...
الشئ الغريب ان امها نازلة عليها سكينة وصابرة مع انها يوم طلبت الطلاق انهارت ....
راحت لامها و حبن على راسها و تركتها تكمل قراءة القرآن
طلعت غرفتها واخذت لها شور سريع و نزلت ... حياتها تلخبطت ما عارفة ايش راح يحصل بكرة ...
لقيت امها خلصت قراءة القرآن ...راحت لها وجلست وياها على السجادة و حطت راسها في حضنها
مرام : امي كيفك الحين؟؟
ام مرام وهي تمسح على شعر مرام : الحمد لله حبيبتي ...
مرام : ايش راح نعمـ.... قاطعها صوت جرس الباب ...
مرام : سيلينا افتحي الباب ...
فتحت سيلينا الباب و جات تقول ان في حرمه جالسة تحت تبغى ام مرام
نزلت ام مرام تحت لقيت حرمة غريبة جالسة ... سلمت عليها و جلست وياها
ام مرام : معليه اختي بس ما عرفتك
الغريبة : ادري انك ما تعرفيني بس انا اعرفك حق المعرفة و ابغى سماحك لاني غلطت في حقك ...
ام مرام: كيف غلطتي في حقي وانا ما اعرفك ....
الغريبة : قبل لا اقولك مين انا ... بحكي لك حكايتي اول مشان تسامحيني ...
ام مرام : تفضلي ...
الغريبة : انا ابوي توفى و انا عمري 13 سنة امي تزوجت لان ماعندها اخ ولا عم يسندها تزوجت رجال عن طريق خالها و هذا الرجال كان سيء بمعنى الكلمة كان يضربها قدامي و احيانا يصل لدرجة انه يقطع ملابسها قدامي وانا عمري وقتها 15 سنة من كثر ما عذب امي مرضت ... عاشت لها ثلاث سنين بهالعذاب حتى واهي مريضة ما يرحمها ...الين ماتت و ربنا ريحها من العذاب اللي كانت عايشته بس المصيبة الكبرى الثانية اني انا صرت لحالي وياه و المصيبة الاكبر ان كل المشاكل اللي كانت بينه وبين امي كانت بسببي ... لانه كان يحاول يغتصبني ...بس امي ما كانت تسمح له اذكر انها طول الوقت وياي و حتى لمن اروح غرفتي وانام كانت تقفل باب غرفتي بالمفتاح .. ما كنت افهم ليش تسوي كده بس فهمت بعد ما ماتت ... حاول يغتصبني بعد وفاة امي بيوم و الحمد لله اللي انقذوني الجيران ....
يمكن تتخيلي قد ايش الفضيحة اللي حصلت ...
ام مرام : الله انقذك يا بنتي .... الحمد لله ...بس انا لسه مافهمت انت بشنو غلطتي علي ....
الغريبة : راح تفهمي يا ام مرام ...
انا رحت سكنت عند خال امي اهو كان طيب حيل ...بس حرمته كانت الله يجازيها ... هي كانت تعاملني كانني خدامة عندها في البيت و الله يشهد ان الخدامة تتعامل احسن من معاملتي ... كان لها غرفة جنب المطبخ و انا كنت انام على الارض في المطبخ...
ام مرام: سبحان الله ... للحين انتي جالسة وياها ؟
الغريبة : لا .... الحمد لله جاني رجال اهو كبير علي وايد اكبر مني ب 30 سنة و كان متزوج بس انا ما كان عندي حل اطلع من هداك البيت إلا عن طريق الزواج و أي رجال صغير جاني طيرته مني زوجة خال امي حتى الزواج من رجال صغير استكثرته علي و الوحيد اللي تركتني اوافق عليه عصب اهو الرجال الكبير المتزوج ....
ام مرام حست ان قلبها ينغزها سكتت....
الغريبة : ام مرام انا ابغاكي تسامحيني لان مو قصدي اني اخرب بيتك او حتى آخذ رجلك....
ام مرام : .... انتي سعاد....
سعاد: ايوه ...انا سعاد....ام مرام ..ابغاكي تسامحيني ...
ام مرام : الغلط مو عليكي انتي ....الغلط على الرجال اللي خان عشرة عمر وراح تقدم لوحدة من البداية ...
سعاد راحت لها وحبت على راسها : ام مرام ...انتي تعرفي ان عبد العزيز قلبه طيب وانه ما يرضى يزعلك ...بس اهو كان يبغى ولد يعني انتي مو المقصرة وياه ...
ام مرام : ان مسامحتك ...انت مالك ذنب...
سعاد قامت وحبت على راس ام مرام مرة ثانية : ام مرام مع السلامة الحين لكن لو سمحتي انا باجي ازورك مرة ثانية لاني من زما نفسي اعرفك واستسمحك ...ممكن ازورك مرة ثانية ...

ام مرام حست ان هذي الحرمة طيبة و مظلومة في حياتها: حياك الله ....
بعد ما راحت سعاد نادت ام مرام على بنتها ...
ام مرام: مرام تخيلي مين اللي كانت وياي الحين ...
مرام: مين ...
ام مرام: سعاد زوجة ابوكي ....





في مكان ثاني كانت الاعصاب مشدودة و الانتظار يزيد التوتر
و الالم النفسي يتضارب ....


عصام وابوه وصلوا البيت و دخلوا على طول لمجلس الرجاجيل ...
ابو عصام : اجلس هنا الحين بجيك و بنقول لك كل شيء ...
عصام كان جالس و متوتر كأنه بيقابل ابوه لاول مرة ...بعد دقيقتين دخلوا ابوه وامه ...
جلسوا قدامه ...ابو عصام : عصام ....انت شنو سمعت قبل لا تسافر ؟!!!!
عصام سكت ما عرف شنو يقول ...
ام عصام : عصام ولدي انت سمعت شيء عنك ولا عننا ....
عصام : عني انا ....
ابو عصام : سمعت شنو ...قول يا ولدي ....
عصام :......سمعت اني ...مو ..ولدكم ....
ام عصام : انت ولدي ...
عصام : امي ...انتي قلتي لي زمان اني ولد لختك ...بس اللي عرفته ان اختك توفت قبل لا تتزوج واهي صغيرة ....
ابو عصام : خلاص عرفت انت شنو سمعت ...شوف انا بحكي لك القصة و انت احكم اذا كنت ولدي ولا لأ....
قبل 28 سنة امك كانت حامل بأول طفل لنا وكان ولد ... واذا عاش كنا راح نسميه عصام ....
امك ولدته في السابع و كان قدر الله ان الطفل يموت بعد ما اتولد بيوم واحد ... احنا صبرنا الحمد لله و رجعنا بيتنا ...جا عم سعد بعد ثلاث ايام شايل له طفل صغير ...قال انه لقاه في طرف الشارع و كان الطفل...ولد ....
ام عصام : عصام يا ولدي ربنا عوض لنا الصبر اللي احنا صبرناه بيك ...انا كان لي 8 سنين ما حملت و صبرت واول ما حملت وكان ولد توفى ...تخيل قد ايش الالم اللي كنت حاسة فيه ...ربنا ارسلك لي مشان يعوض لي ولدي اللي راح ...عصام يا ولدي...انت لمن جيت انا كان صدري لسه ما نشف كانه كنت حاسه ان ولدي بيرجع ...انت ولدي ...انا رضعتك ....
عصام بفرح وتعجب: يعني انتي امي.... و هند اختي...
ام عصام وابو عصام بصوت واحد : ايوه ...
عصام نط على امه و صار يحب على راسها و يدها و وجهها والدموع تنزل عشرة عشرة من عينه ...و راح علة ابوه و حب على راسه و يده ... قال : سامحوني ...انا عذبتكم ...سامحني يبه ...سامحيني يمه ...
ابو عصام : لا يا ولدي انت سامحنا ...كان لازم نقول لك كل شيء اول ما كبرت ...بس احنا خفنا عليك ....
ام عصام : عصام سامحنا يا ولدي ...
عصام و الدموع ماليه عينه : انتو هلي وعزوتي ... ربنا لا يحرمني منكم ابدا ....
ابو عصام : عصام .... هند ما تعرف شي لا تقول لها شيء .....
عصام : ما راح اقول لها ....سكت شوية يفكر وقال: ابوي انتو حاولتو تعرفوا مين اهلي الحقيقيين ...
ابو عصام : حاولنا بس ما عرفنا...
عصام : يعني غي النهاية ما عرفتوا اذا انا ولد حلال ولا حر....
قاطعته ام مرام : عصام .....لا تقول كده ...انت ولد حلال ...لانك تطيع ربك و تخافه ...لانك بار بامك وابوك اللي ربوك ....انت ولد حلال لاني رضعتك.....




اتمنى ان تستمتعوا بالبارت الجديد

تحياتي ومتابعة ممتعة

روح


اللهم صلي على محمد وعلى ال محمد

الحمد لله كنت حاسه ان المسأله لازم تنحل بأي طريقه

وكنت متوقعه ان الحل الوحيد هو الرضاعه ...

بس الحين ايش راح يكون مصير عصام ؟؟؟

اتوقع انه ماراح يسكت بيدور على اهله الحقيقيين بدون مااحد يدري

وخاصه امه وابوه علشان مايتضايقوا منه ويندموا على انهم قالوا

الحقيقه له ..

تدرين روح حاسه ان عصام له قصه طويله يعني يمكن انه مختطف من قبل

عصابه او شخص يحقد على ابوه ..وماكان عنده الا انه يحرق قلب اهله

عليه بخطفه ويمكن يكون هو اللي جابه لأبوهند لانه عارف انه ولده

متوفي ..وراح يعوض حبه ولهفته لولده بعصام ..


روح وش رايك بقصتي هههههه>>داخله جو

روح تمنياتي لك بالتوفيق ..