كاتب الموضوع :
dali2000
المنتدى :
الارشيف
________________________________________
كنا ناويين انتم في السعودية خمسة تياام بس عقب غيرنا رايينـا و تمينا اسبوع ..نزلنا من الطياره و كل واحد يحمل مشاعره خاصه و حلوه فـ قلبه ,,,ما توقعت استقبال باباتيه ولا مامماتيه مع سيفاني فـ المطااار..
حضنت بااباااتيه و قتله: فديتك وحشتني...
اما مايه و شيخاني حضنوا بعض و قعدوا يصيحيون .
سيفاني: شوهاا فضحتونااا ,,,من قالي اييبكم ..."يطالع الناس"
ذياب+سعيد=ههههههههههه
عفد حمودي ع ابوه : باباتيه حبيبي ...
سعيد يبوسه : فديتك شخبارك..
حمودي: انت وين رحت ..؟؟ انا دورتك ..
سعيد يبوسه : علني فداك..
بسناه انا و شيخاني صدق اتولهنا عليه ...
و نحن طالعين من المطار ركبنا كلنا سياره سيفاني الهمر..
امايه: يمه شوق بتروحين بيتنا ..
قلتها : لا بروح مع ريلي ..
سيفاني: عنبوه ما شبعتي منه ...
ضحكنا كلنا : هههههههه
انحرجت و قلت: ريلي سيف..
سيف: زييييييييين ما قلنا شي
امايه: الله يخليكم لـ بعض..عيل تعالوا تعشوا معانا ..
ذياب: ان شاء الله عمتي...يصير خير ...
فعلا حسيت ان حياتي بدت من يديدة مب بس حياتي حتى حياة سعيد و شيخاني و ذياب ..صدق العمره نفعتنا و الحمدلله ..نزلنا سيفاني انا و ذياب بيتنا...سلم علينا و روح...دشينا ..ما توقعت ان ندى بتسوي لنا حفل استقبال تذكرت رجعتنا من مالييزيا بس الظروف وايد تختلف ...ذياب عفد ع بنته و يلس يبوسها و انا ندى لوينا ابعضنا ..
ندى: اخخيرا ردت الروح لها البيت امنوره بيتج شوق..
طالعت ذياب متتلومه: تسلمين ...امنوره بوجودكم..
مهره : عموووه
شلتها من حضن ابوهااا : بتنامين بيتنا صح..
بستها و قلتها: صح..
لصقت خدها بخدي مستانسه و قالت: بتنامين معاي ..
ذياب رايح داخل: احلمي من اليوم بنفرج بحجره ابروحج..
ندى و شوق : ههههههههه
مهره امحرجه: ما ابييييييييييه مب ع كيفك ..
ذياب يحط الشنط عالارض: تأدبي مستويه قليلة أدب
طالعت ذياب بنظرات عتاب: ذيـــــاب
ذياب يطالع ندى: شو معلمتنها انتي..
ندى ترفع حياتها : خالي بنتك اتعلمني مب انا اعلمها ..
ذياب: هههههههههههه
حضنت مهره : حرام عليكم ترمسون عن بنتي جي..
ذياب يتجرب مني: حطي فـ بالج حتى من بنتي اغار ..
ضحكت: ههههههه اونك ..
ذياب يرمس جد: جان جفتج كل وياا مهره و مب معبرتتني بطرشها بيت اختييه ..
مهر اتصرخ : لااااااااااااااع
ضحكني ذياب: هههه بس عاد لا اتنكد ع البنيه ..
ذياب: وين صار موقعي عيل انا شوقاني..؟؟
طالعته بحب: انتي غييير حبيـ "بس سكت لاني تذكرت ندى موجوده اتلومت"
ندى : شو ها انتوا اول مره اجوفكم جي ارمسوا زين تراني استحي...
ذياب رايح حجرته: ههههههههههه خلي الشغاله تاخذ الشنط فوق انا بسير بيت اختيه بسلم عليهاا ...
كان ذياب يرمس و هو يمشي و اختفى من نظرنا طالعت ندى: سمعتي شي..
ندى تضحك و اتهز راسها : ههههههههههه شويه ..
قعدنا في الصاله ندى: شو العمره روعه صح..
قلتها : اتهبل زين ذياب معانا يدلنااا ترانا ما انعرف شي موليه..
ندى: هي خالي كذا مره مروح ...احس امممممممممم
قلتها :شوووو
ندى: مدري انتي غير عن قبل ..
ابتسمت لها: يمكن لاني نا و خالج تفاهنا اكثر ..
ندى: هيه سمعت ان بداية الحياة الزوجيه دوم اتكون خلافاات بين الزوجين .
تنهدت : مدري..
مهره: عموه يبتي لي الالعاب..
ابتسمت لها: طبعا و انا اقدر انساج...
حضنتني مهره بقوه: انا وايد احبج..
قلتها: فديتج..
ندى: ترا قصدها اتحب الالعاب مب انتي ...
ضحكنا : هههههههههههه
قعدنا انسولف انا و ندى عقبها قلتها: بروح اتغسل و ابدل ملابسي ...
ندى: زين تذكرتي خذتنا السوالف ..
سالتها: انتي منوه يابج هني ...؟؟ و جي خالوه العوده و فتون ما يووو ..؟؟
ندى: فتون ريلها بيكون عندهااا اليوم ع العشى مشغوله اونها و خالوه ما اعرف ليش المهم ...موزي يابتني ..
ضحكت: هههههههههههه موزي مستويه دريول نفعتنا و الله ..
ندى: تدرين انها اتحاول تقنعني اغير رايي بخصوص راشد..
عضيت ع شفايفي :انتي شو رايج...
ندى: انا خلاص شلته من بالي كنت احاتي عمي صحيح حسيت به زعلان بس عقب عادي ...اظن لانهم مشغولين بزواج موزي ...
انصدمت : موزي ...؟؟؟؟ بتعرس ... جي ما يسون اعتبار حق حصه..
ندى: ما ادري قوم المعرس يبون العرس عقب شهرين ع الاقل ..حتى فتون مشطته تبا اتعرس من متى مالجه ...
رجعت قعدت حذال ندى : ندى اتحسين انج ممكن اتغيرين رايج بالنسبه لخطوبتج..
ندى اكيده من كلامها: لا شوقاني انا خلاص ما اريده ...حتى شلته من بالي يوم جفت اشكثر مشاكل بينه و بين خالي ..يوم تضاربوا بالمستشفى تذكرين..
بلعت ريجي و انا اقدر ..دواه محد قاله يطرش مسج و يخبره انه متولهه علي صج ما يستحي ع ويهه هالانسان ...
هزتني ندى: وين رحتي ...
وقفت: انا بروح اجوف ذياب ... و برجع انكمل سوالفنا زين..
مهره فرت البلايستيشن من اييدها: برووح معاج...
ابتسمت لها: تعالي بمشط شعرج ...جنه منقع فيه شلق...
ندى+شوق: هههههههههههههههههه
دشيت جناحي حسيت بشوق لها المكان ..بلعت ريجي اطالعه الين ما طاحت اعيوني ع ذياب الي كان منسدح ع الكنبه ..عفدت مهره و قعدت ع بطنه الظاهر متعوده اتسوي هالحركه..ربعت صوبها
قلتها: تعالي خلي بابا راقد ...
تجلب ذياب و فتح اعيوني ورجع غمضها..
مهره اتصرخ: باااااااباااااااا ابا بابا ...
ذياب بعده راقد: خليهااا شوقاني ...
عرفت انه اصلا راقد ولا حاس بالدنيا فقلت بصوت واطي : مهري حبيبي ما تبين اعدلج علشان تطلعين معانا ..
مهره: بنروح الالعاب ..
ابتسمت: لا بنروح نلعب عند حمودي..
مهاري مستانسه و من زود وناستها يلست تتنقز فوق بطن ذياب الي تضايج منها و من دون قصد دزها فطاحت عالارض فيلست اتصيح مهره بصوت عالي ..ما عرفت اضحك ولا اسكت مهاري ...شلتها و خذتها داخل الحجره علشان ما تزعج ابوها ..
مهره اتصيح: باباااااااا دب
قلتها: عيب ...حبيبي ..قلتلج بابا تعبان خليه راقد ليش تقعدين ع بطنه ..
مهره تمسح دموعها: ما بنوديه معانا بيت حمودي ..
بستها ع خدها بقوه : فديتج..
شليت اللحااف و خذته صوب ذياب و غطيته الي ما صدق غطى ويهه ابتسمت يلست العب بشعره أظن لو تضايج مني بفرني من الدريشه شرات ما سوا بـ مهره ....ربعت ع صراخ مههره ..
مهره: تعالي سوي شعري حـلوو ..
ضحكت عليها عدلتها و لبستها ثيابها و زقرت الشغاله و ظهرتها برع عند ندى.. و بدوري تغسلت و لبست ملابسي ..سرحت شويه بكلام ندى ..وايد احاتي ان ندى اتغير رايها و غير انها شرات الملاك طيبه يعني لو كلمت راشد عادي بلحظه بخليها اتغير رايهااا ..تنهدت ..تذكرت مكالماتي مع راشد ..اكيد مخزننها عالموبايل انا لازم ادمر موبايله علشان ارتاح .. و بجذا ع الاقل بفتك و بطمن انه ما بيفضحني بس كيف اوصل لـ موبايله ..؟؟ تنهدت بعذااب ...يا ربي هالانسان وايد شرير و ينخاف منه .
.تذكرت بدور ..بدور قويه و جريئه شرات راشد..هي بتساعدني عضيت ع شفايفي لو خبرتها بالسالفه كلها ممكن اتخبر سيفاني ..شسوي يا ربي ..؟؟ طبعا ما اقدر اطري هالشيء جدام ذياب ..اخاف ينجلب علي ..حتى لو انه وعدني ان بنعيش حياه يديده انا ما اضمن شي دام راشد ناوي الشر ...يا ربي شوه الي بينه و بين ذياب يخلي راشد حاقد..؟ يعني ذياب ضره بشيء ..؟؟
حتى بنات خالوه حليمه مرات يعقون رمسات ع ذياب و جنه ما يحبونه ليش ..؟؟ يعرفون شي مثلا !! لو يعرفون جان عرفت انا بعد ..افكار وايد اتدور فـ بالي و انا لازم احط حد لكل شي ..علشان اضمن علاقتي و حياتي بـ ذياب تستمر مثل الحينه و أحسن ...
جفت الساعه 6 ما بجى شي ع المغرب ..رحت قومت ذيااب ..يلست عالارض اهزه ..
يريت خشمه: بسك رقااااااد حبيبي ..
فتح اعيونه متضايج ضحكت عليه : ههههههههه
كنت بيير خشمه مره ثانيه : ما تشبع رقاد..
بس زخ ايدي و عضهااا يريتها ابسرعه و ضربته : يعور ..
ابتسم : دوااج ..
قلته: مستوي شرير من ساعه كسرت بنتك..
ع بالي مب حاس بعمره بس فاجأني يوم قال: دواها محد قالها ترقد ع بطني ..
تفاجات: يعني كنت متعمد ..
غطى ويه باللحاف يبا يكمل رقاده بس انا منعته: لالا حبيبي نش قلت بتروح بيت اختك...متى بتروح ..
ذياب: بعدين خليني ارقد شوق ...
قلته: متى بعدين وقت العشىى بنروح بيت ابوي ..يلالالا حبيبي نش ...
ذياب يطالعني: زين عمري انتي بعد لبسي علشان بنروح بيت اختيه ..
عقدت حياتي و قلته: ما ابا ارووح ..
قعد ذياب :بتروحين..
قلته: ما يحبوني ..
طالعني ذياب بنظرات و اصر: شوق بتروحين معاي ..
ابتسمت و يلست حذاله: زين بروح علشاان خاطرك بس ..اممممممممم..مب المفروض هم يزورنا نحن الي ياااااايين من السفر ..
وقف ذياب وفر عنه اللحاف : مب شرط..
لحقته: تدري فتون بتعرس عقب شهرين ..
رد علي : هيه..
شهقت: عيل ما قلتي ان هي و موزي عرسهم نفس اليوم ...
شل فودته و طالعني: ما يخصني بموزي و غيرها ...
رفعت حياتي: لا و الله ..و بعدين شو يعرسون الحينه و حصه الله يرحمها توها متوفيه..
ذياب: حبيبي لا اطفرين فيني يعرسون يطلقون شو يخصني فيهم .."ابتسم" المهم انتي معايه و خلاص ..
اتلومت منه ابتسمت و قلته: اتعرف اتسكتني ..
يير خصله من شعري : لاني حبيبج..
تألمت: آآآآآآىىىي
حاولت ايير شعري منه بس ما رمت ...قلته: ذياب يعورني متعمد..
ذياب: هههههههههه نسيتي من شويه كيف ييرتي خشمي ...
دزيته صوب الحمام : روح اسبح خلصنااا..
كان بنزلق داخل الحمام فزخ مقبض الباب و طالعني بعصبيه ..ضحكت عليه ضحك ما همني عصبيته لان الموقف جد يضحك ههههههههههههههه هههههههههه أأأأأه بطني عورني ذياب ما اروم هههههههههه
قلته و انا اضحك: بغيتك اطيح يا الخقاق ...ههههههه
تجدم مني شلني صرخت: بطيح بطيح ...
فرني ع الشبريه حسيت ان عظامي تكسر قلته : كسرتني ..يا الدفش ..
ضحك: ههههههههههههه
شلت المخده و فريته بس قدر يتفاداها ...
قلته: ما يضحك
ذياب يتعمد يمصخها : هههههههههه "يقلدني" بطني عورني ذياب
حرجت عليه و يلست افره بالمخدات الي كانت ع الشبريه بس كان يتفادها اخرتها طاحت عيوني ع موبايله فوق الكمدينو فشليته ذياب: لالالا شوق يا ويلج ...
قلته: هاااااااا نقطه ضعفك الموبايل ..
ذياب: كسرتي واحد بعد بتكسرين الثاني بجتلج..
قلته: عيل ليش اتعايب علي ...
تجدم مني فهددته: و الله بفره ..
وقف مكانه ذياب : زين رديه يلا ..
كنت اتدلع عليه و افكر: امممممممممممممم بالاول اعتذر لي ..
ذياب ع طول: اسف حبيبي يلا ردي الموبايل مكانه..
بطلت اعيوني : شو هاا اتحب الموبايل اكثر عنيه !
ذياب: لا اخافج تتعودين اتكسرين موبايلاتي ..
حطيته ع الكميدينو و نزلت من ع الشبريه : هههههههه خلاص روح اسبح..
و التفت صوبه و قبل ما كمل كلامي يير عني الموبايل و قعد يرشني بالبودره الي كانت فوق التسريحه صرخت عليه و ربع داخل الحمام ..يلست ارفس الباب قلته و انا متغصصه و احس بعمري مب رايمه اتنفس من البودره الي كانت ع ويهي: مينون و الله بجوف شو بسوي فيك..
سمعت ضحكته من داخل الحمام ..وقفت عند التسريحه شهقت يوم جفت شكلي و جفت البودره المعطره خلصت تقريبا صرخت عليه: خلصت بودرتي و الله بجتلك ذياب "شويه و بصيح من الغيض "
بس عقبها ابتسمت ذياب شرات الياهل و مرات احسه مينون عقب ما نظفت نفسي من البودره ..ربعت صوب ثلاجة الماي و صبيت ماي بارد بالكلاس واندسيت اتريا ذياب يظهر من الحمام ..ابتسمت يوم سمعته قاعد يدندن مستانس الريال اصبر ان ما اخليك تجمد ..من البرد ..
فتح الباب و جنه ناسي السالفه و ع طول فاجاته و انا اصرخ بصوت عالي : بووووووووووووووووووو
شهق ذياب و تجمد ابمكانه يوم سبحته ابماي باارد ..
يلست اضحك ابصوت عالي لان صج شكله مصدوم و متفاجا و شكله بعده ما استوعب و مب رايم يرد نصخه طحت عالارض اضحك و اضحك ههههههههههههههه ههههههههههههههههه
جفته يمسح ويههه و قالي : بارد يا الدبه..
ضحكت عليه: ههههههههههههههه
استانست يوم جفته يضحك معاي مدري ع شكله ولا ع ضحكتي ..شلني مره ثاني وفرني ع الشبريه و كان بييب المخده اونه يبا يخنقني ...صرخت : بموووووووت ...
بس رححمتني مهره يوم طلت علينا وقف ذياب و يلست ابمكاني اتنفس بصعوبه و اضحك
مهره مستغربه: شو اتسون..؟؟
ذياب: تعالي حبيبي ..."طالعني" حمدي ربج انقذتج مهره..
عدلت شعري و قلته: اونك ..
مهره: تلعبون مصارعه ...
ذياب يشيل بنته و يضحك: ههههههه هي نلعب ..منو طيحج من ساعه عالارض ..
مهره تضربه بجتفه: انت ..
ذياب: ههههههههههه
كنت اسمع يسولف مع بنته قلته و انا انظف مكان الماي : تشتري لي بودره غيرها ..
ذياب : من عيوني .."يكلم مهره" يلا حبيبي ..بنروح بيت خالوه العوده ..
مهره اطالعه: عموه قالت بنروح بيت حمودي ..؟؟
طالعني ذياب: لازم اتيبنها معانا..
قلته و انا البس عبايتي: طبعا حبيبي تلعب مع حمودي ...
ذياب: زين يلا ..دقايق بجهز..
قلته: تبا شي حياتي انا بنزل تحت بالصاله..
هز راسه بمعنى لا ...
شويه كنا فـ بيت خالوه العوده رحبت فينا و سلمت عليناا ..جفت فتون مشغوله فـ المطبخ علشان ريلهاا بيزورهاا الليله ...
خالوه العوده: عيل وينها ندى ..؟؟
ذياب: تمت في البيت مع اخوهااا ..
طالعتني: و انتي شخبارج ...الحينه و اخبار اختج..؟
ردت لها بشكل رسمي: الحمدلله ابصحه و عافية ..
فاجأتني: ما حملتي..؟؟
طالعت ذياب فرد عليها : توه الناس...
خالوه العوده: شوه تو الناس صار لكم جم شهر معرسين ..
بلعت ريجي و قلتها : ما فكرنا بسالفه العيال..
اتنهدت علي و جنها منغاضه مني: انت كيفج بس مهره تبا لها اخـو ولا انته شورايك ذياب..
هز جتفه و كأنه مب مهتم: وقت ما الله يريد ترمسين جنه معرسين من عشر سنين الله يهدااج..
خالوه العوده : ويه و الي يجوف حياتكم يظن جي..
قلتها بسرعه: اناا وايد مرتاحه مع ريلي حتى هو مرتاح معاي..
خالوه العوه بنبره تستفز: البيوت اسرار بعد عمري...
طالعت ذياب لاني صج انقهرت منها ...فابتسم لي و كأنه يهديني...نش من مكانه و قعد حذالي ووزخ ايدي ..ارتبكت لاني ما توقعت حركته ..
خالوه العوده اطالعنا بنظرات غيض: بروح اجوف فتون شو سوت ..؟
طالعتنا بنظره و ظهرت من الصاله ..
ييرت ايد ذياب بعصبيه: قلتلك ما يحبوني..
ابتسم : المهم انا وبس..
قلته و انا مرتاحه: بس انا ما احب احد يتضايج مني او يكرهني..
ذياب: حبيبي ليش مكبره الموضوع ...
قلته باصرار: لاني ما اروم ارمس الا و حطت عليه..
باس ايدي و قال: بس بزخ ايدج بتصخ عنج..
ابتسمت له : انته ساحر..
تجدم مني و همس: أنا ساحر الشوق..
ابتعد عني يوم سمعنا حس فتون : ها خالي ما غيرت رايك ما بتتعشى معانا ..؟؟
ذياب: لا حياتي يوم ثاني امواعد الجماعه..
يلست حطت ريل ع ريل وقالت ابرود: منوه اهل شوق..
حرج عليها ذياب: عدي بيلستج و ارمسي بالزين..
انحرجت فتون فنزلت ريولها ع طول..
ما عيبني هالجو فحبيت اغير الموضوع فقلت: فتون جهزتي حق العرس..
فتون منحرجه: هيه..
قلتها: و الفستان ...
فتون اطالع ذياب متلومه: كنت ابا اطلب من خاالي ياخذني دبي علشان اشتريلي واحد أو افصل ..
ابتسمت لها: اكيد خالج ما بيقصر معاج ..
رن موبايل ذياب فرد عليها مجرد كلمتين عقب وقف ...و قال: يلا شوق خلينا نروح "طالع فتون " وين مهره ..
فتون وقفت : تلعب برع مع سهيل ...
ذياب: زين جان تبين اي شي خبريني علشان عرسج و متى بغيتي اتروحين دبي بعد قولي..
استانست فتون : انزين ..
سلمنا عليهم و ظهرنا ...و في السياره ..
قلت ذياب: انا بعد ابا اشتري لي فستان حق العرس..
ذياب من غير ما يطالعني : مايحتاي اتروحين العرس..
شهقت: ذياب كفايه الملجه ..
كمل عني: بعد العرس..
تدلعت عليه: حبيبي..
ذذياب: لالا ماشي لا اتحاولين ..
مهره: بابا انا بستوي عروسه..
ذياب : هيهه حبيبي
تنهدتت فسمعني ذياب طالعني و قال : لا تتنهدين و تضايجين ..
قلته: لانك وايد اتبالغ ..
طالعني و قال بنبره هاديه: زين لا اتعصبين ..
طالعته و صديت عنه ..
وصلنا عند بيت ابوي مهره: يلا عموه ننزل..
كنت بنزل بس زخني ذياب: زعلتي..
طالعته ابتسمت له و قلت: بس و الله اجوف هالعيون انسى كل شي
ذياب مستانس: فديتج و الله ..
مهره متضايجه: يلالا ننزل..
ذياب بعده يطالعني: جب مهرووو صخي..
ضحكت : هههههههههه "دزيت ويه برقه علشان ابعد نظراته الي تخبل بي و قلت: ابا علبه بودره بدال الي خلصتها عني اليوم ..
ذياب: هههههههه عيل انا ما طلبت منج اتييبين لي موبايل ..
قلته : لا و الله قاعد تغازل وحده و توعدها بزواج "شهقت" ذياب منوه هاي..
ذياب: هههههههه حبيبي انتي هبله هذي كانت فتون ..
طالعته بنظرات شك: و غلاتج...
صرخت مهره : انتوا كل تتككلمون متى بننزل..
شوق: هههههه فديتج يلا بنزل الحينه شسوي وياا ابوج..
ذياب: ما عليه مهره ها ويهي جان يبتج مره ثانيه هني..
مهره: عموه حبيبتي بتتيبيني..
ذياب: خل عمتج بالاول ادور من ايبها ..
ضحكت عليهم : هههههههه
قلته: ما بتنزل حبي..
ذياب يطالع جدامه: عندي شغل بيي عقب الصلاه زين عمري..
ابتسمت له: زين ..
نزلت زخ مهره صرخت: عمووه عمووه ...
قلته: بس ذياب هدها ..
ذياب: اول عطي بابا بوسه..
بااسته :يلاا بنزل.
هدها ذياب: عنبوه مااا بيطر عنج البيت ..
ضحكت: هههههه تحمل بعمرك بشتاقلك..
ذياب: انا اكثر باي
قلته: فـ أمان الله "وصكرت باب السياره"
سبقتني مهره و دخلت عقب ما دشيت تحرك ذياب ...دشيت سلمت ع باباتيه و ماماتيه ..
سالتهم: وين شيخاني..
امايه : شيخاني جنها توها انولدت ما قعدت روحت بيت خالتج..
ابتسمت: الحمدلله
جفت باباتيه يطالعني فرحت يلست بحضنه : حبيبي وايد اشتقت لك..
امايه: دوم كل الحب لابوج..
قلتها: هههههه فديتج و الله ...
امايه: طرشي مهره بيت خالتج حليمه عند حمودي..
قلتها ابسرعه: لالا ذياب بحرج عليه ..
اامايه مب عايبنها كلامي: ريلج بعد..
قلتها: اتصلي خلهم اييبون حمودي..
اتصلت امايه بقوم خالوه حليمه ع اساااس يطرشون حمودي..
سالتها: لي متى حمودي بتم ع هالحاله..
امايه: مدري بس سعيد اخوج احسن عن قبل ...يباله حرمه..
صدمتني:شووه ..؟؟
اامايه: شو بعد الريال ما يتم من دون حرمه غير ان عنده ولد محتاج ام..
سكت بلعت ريجي و كنت بصيح: حرام عليكم حصه توها متوفيه و اختها بتعرس عقب شهرين و انتي تبين تزوجين ريلهاا .
امايه تتنهد: شنسوي يمه الدنيا ما تتوقف تراها ماشيه و انتي تجوفين بعيونج كيف الولد متبهدل
سكت رفعت راسي و طالعتها يوم قالت: قوم عمج اتصلوا بي يتطمون ع شيخاني و بعد رمسوا عن ملجة شيخاني و فهد..
قلت بضييج: يوم شيخاني تعبانه و مريضه محد سأل ولا نشد ولا اهتم و الحينه يوم صارت بعافيه يبون يملجون..
امايه مدري ليش حرجت: عيب يمه هذيلا عيال عمج ...و يمكن اخوج سعيد يفكر يخطب ليلى ..
وقفت منفعله و كأني خايفه اسمع هاي الجمله من قالت امايه جي: ايخسي سعيد ياخذ ليلووه ..لو اموت
امايه ما توقعت ردت فعلي صرخت علي :شوووق و بعدين بنت عمه اولى ..
قلتها بغييض: ما بخليه يخطبهاا "حطيت ايدي ع يبهتي اتذكر الحلم الي حلمته يوم كانت ليلى بتجتل حمودي ارتجفت "
امايه : شو فيها ليلى ..
يلست امسك اعصابي لاني اجوف ماله داعي للعصبيه: ما فيها شي بس سعيد لازم يفكر بولده و اي ام تناسبه مب ليلى ...
امايه: شو فيها ليلى..
قلتها : ما تصلح له اتكون ام لـ حمودي يمكن تعذبه..
امايه محرجه:شو هالرمسه .بعد.؟؟
انفج باب الصاله و دشت شيخاني شايله حمودي و وراهم سيفاني
شيخاني هلكانه: طوف عند اهلك خسك الله هلكتني..
حمودي يطالع مهره متلوم شيخاني: اندوكم انتوا متلوم الريال ...
سيفاني: خليه طالع ع عمه فديته..
قلت: يا حافظ ..
الكل عدا امايه: هههههههههههههه
سيفاني: شوقاني شخبارج؟؟
قلته: الحمدلله ابخير ..
قال : عيل تعالي شويه برمسج بسالفه..
وقفت و قلت حق حمودي: حببيبي هذي مهره تبا تلعب معاك ..لا تضاربها ولا اتخلي حد يضربهاا ..لو شيخاني ضربتها صفعها ..
حمودي: انا ريال صح..
قلته: و النعم ..
شيخاني انسدحت ع الكنبه اطالع التلفزيون: و الله العب لك كارتييه ..قال ريال قال
ابتسمت و طالعت شيخاني هذي هي شيخاني سبحان الله و جنه ردت فيها الرووح ...ربعت فوق الدري يوم سمعت سيفاني يقول : ويننج؟؟
دشيت حجرته شهقت : شو ها سيفاني ليش جي حجرتك رتبهاا ..
يلست اطالع بالجحره كانت معتفسه فوق تحت ...يعني حتى الارضيه ما تبين من كثر الاغراض المنثوره عليها ..
طالعته: انته متاكد مب حرامي داش حجرتك.
سيفاني يرفس كناديره كانت بطريجه و يقعد ع الشبريه: منوه غيرها هاي الخديه ..
صرخت مب مصدقه: بدوووووووووور؟؟
سيفاني: احس ربي بلاني فيها بالي كنت اسويه فيج انتي و شيخاني الحينه هي العنفوصه ملعوزتني "وضحك ضحكه استهزاء"هههههههه
يلست ارتب حجرته بس صج قهرتني بدور: حركاتهاا تقهر ما عليك بهزبها شو ها الحركات بعد كل شي له حد...
سيفاني: ما عليج استأذنت تراها ..
طالعته و رجعت ارتب حجرته: ما فهمت كيف يعني استأذنت ..
سيفاني: ماشي اتشك اني ارمس بنات قالت بيي افتش حجرة نومك و استغلت يوم رحت المطار اييبكم.
قلتها: عيب عليهاا تدخل حجرتك صج هاي خبله ..
سيفاني: ههههههههه الا مب خبله ..المهم انا افكر اخطبهاا ..
طالعته و صرخت من الوناسه: الله روعه ..زين ما اتسوي "عقدت حياتي" شو السالفه اليوم اسمع عن ملجات و خطوبات و عروس..
سيفاني: ههههههههه عسى دوم ..
يلست حذاله: ليش غيرت رايك..؟؟
طالعني: مدري جي من الله بس بخليها اتكمل دراستهااا ..
قلته: احسن ..مبروك ...كنت اتمنى حصه اتكون موجوده معانا بكل هاللحظات..
سكت سيف و ما رد عليه ...
قلته: متى بطرش حق ابوهااا ..
سيف: يوم بلتعن اخوها الدوااااام..
مدري اي هزت صابت جسمي يوم سمعت هالرمسه من سيفاني قلته : ليش تلعنه حرام اللعنه..
هز ايده مب مهتم : يولي اصلا ها محد يحبه من الشباب ...زين ذياب ودره من زمان ...
قلته بحذر:سوا بك شي
هز سيفاني راسه بمعنى لا: بس جي اكرهه من الله ...حتى كنت اقولج بخطب ندى بس علشان اقهره و اغايضه لانه محيره له ..
بطلت اعيوني خيبه جوفوا كيف الشباب يوم ينتقمون ما يهمهم النتايج ولا مشاعر البنات المهم يصيبون سهامهم في ظهر عدوهم من غير محاسبه لمشاعر الاهل او صلات الدم شرات ما سوا فيني راشد..
سيفاني: ايه شوقاني لا اطالعيني جي انا مب لها الدرجه نذل بس افكار كانت ادور في بالي علشان اغايضه بس سمعت انه رفضته البنيه ..
قلته: هيه رفضته ما تبااه ..
سيفاني و جنه متجزز منه : أحسسسن من يعاشر هالاشكال خريج سجون ..
لحظه لحظه منوه خريج سجون ..؟؟ شسالفه يعني اصلا لو خطبنني راشد قبل ذياب ما ظنتي اهلي بوافقون عليه ..
كررت كلامه من غير وعي : خريج سجون !!!!!!!!!!
سيفاني وقف: عيل شو تتحرين يقص ع اهله انه في دوره و دوره اروحه امعفن السجن عيل ليش ابوه مرض و تشلل من زود ما خبل به ولده ..
كنت ما ابا اسمع كلام زياده عن راشد بس الفضول ذبحني يمكن اوصل شي عن علاقة خلاف ذياب و راشد..
سيفاني: ايه لا اتسيرين تفضحينا اتخبرين حد حتى سعيد..
قلته: ليش سعيد ما يعرف شي؟؟
سيفاني يبتسم: كل الشباب يعرفون محد يدانييه برع بس اوناا ساكتين عنه ها من زود دلع ابوه ولده الوحيد
يا ويل حالج شوقاني اي وحش بنيتي معاه علاقه قلته: ما اتخاف يرفضك
سيفاني: ليش ما بيني و بينه شي..
قلته : انته اتقول..
قاطعني: ما ادانييه بس لاني اسمع سوالفه علشان جي ما استطلفه .."جنه طفر" المهم خليه يولي شو رايج متى اخطبهاا ..
بلعت ريجي و انا ااحاول اركز مع سيفاني: هاه ..
سيفاني: ايه
طالعته و قلته: شورايك تتريا عقب عرس موزي تخطبها رسمي ..يعني عقب شهرين..
سيفاني: وايد ..بس اوكى بخليها الفتره مجرد رمسه بس..
وافقته : شي حلو ..
سيفاني: يلا ننزل تحت ابشر امج ..
قلته: يلا ..
كنت اتمنى اسمع زياده عن ها الي اسمه راشد بس الظاهر سيفاني ما يعرف عنه اشياء وايده ..نزلنا انا و سيفاني تحت بالصاله محد فيها غير حمودي و مهره يلعبون و سعيد شكله توه ياي من برع و باباتيه و ماماتيه ..
طالعت سيفاني و كان مستانس : بخبركم شي ..
امايه: خلصتوا سوالفكم ..حتى نحن عندنا سوالف .."طالعت سعيد"
فقلت بانفعال: اذا تطرون ليلى انا من الحينه بسوي لكم حرب ..
سعيد مستغرب : شو بعد ليلى انا افتك من امايه و انتي تطرين لي ليلى و مدري شو ..
عقدت حياتي: عيل شو السالفه..
امايه: لا تقهرين بي شوق ..ما فيها شي بنت عمج ..
سعيد واقف: من قالج بعرس..
امايه: لازم اتعرس مب عشانك علشان ولدك .. و بعدين بدور مب غريبه عنك ولا عنه خالته و اولى بها من غيرك..
طالعت سيفاني الي حسيت انه جنه يته صفعه ع وييهه ..طالعني مصدوم و خيبه أمل مرسومه ع ويهه
سعيد: انا ما افكر يوم بفكر يصير خير ..
امايه: شو رايج شوق مب بدور اولى..له من اي حرمه غريبه ..
طالعت سيفاني كل الحروف و الكلمات ضاعت فديتك سيفاني ...نزل راسه بالارض و ظهر من الصاله ...
سعيد: امايه بس عاد لا اتكبرين السالفه ..
امايه معانده: الا بكبرها و بكبرهااا..يبتوا لي المرض تحملتكم و صبرت عليكم .. ذقت المر و اخرتها اتردون اي طلب انا اباه منكم ..
كنت بقولها لحظه سيفاني يبا بدور بس مدري ليش سككت خفت اذا خبرتهم ان سيفاني يبا بدور ..عقب امايه رجع اتغير رايها اتفكر بليلى ...ليلى ما بتعامل حمودي اوكى انا اعرفها ..لكن بدور خالته بس هي تحب سيفاني...
ما انتبهت ع مناقشه سعيد و امايه لاني ضعت بين متاهات افكاري و خوفي من الي ياي باجر ..اخرتها ظهر سعيد محرج من الصاله ..
امايه اتصيح: هذا انتوا من تسمعون كلمه ما اتعيبكم لبستوا الباب .
قلتها: امايه صبري عيني خير خل بالاول سعيد يتقبل فكرة الزواج عقب دوري له حرمه زينه له و لـ ولده..
ردت علي : هيه خليه يصير شرات ذياب عقب اربع مدري خمس سنين عرس مره ثانيه...
سكت ما عرفت شو ارد عليها كل الي يهمني سيفاني الي كسر خاطري ...طلعت موبايلي اتصل به بس ما رد عليه الله يعين شو يفكر ولا شو يخطط ...
وقت العشى بس انا كنا انا و باباتيه و ماماتيه و شيخاني و حمودي ومهره ابروحهم صينيه طبعا سيفاني و سعيد اختفـوا من ع الساحه و عن البيت ...
ذياب: محد سيف ولا سعيد عيل ..؟؟
امايه: سعيد متضايج و سيفاني مادله
ذياب يطالعني: متضايج...؟؟
امايه: يمه اقنعه لازم يعرس تأشر ع حمودي "هالصبي لي متى بتم متبهدل ...
طالعني ذياب فقلت امايه: خلاص امايه ...
نزل ذياب نظراته بالارض و كمل أكله ..
امايه محرجه: شو بس ..يعني انا كم و كم تحملت و صبرت ع عذابكم و اخرتها من اقولكم كلمه انتفختوا..
طالعت ذياب الي حسيت انه انحرج من امايه فطالعت امايه و قلتها : خلاص زين مب وقته ...
امايه : اسمحلي يمه ذياب كمل اكلك..
ذياب: لا و الله افا عليج..
ما صدقت ودعنا قوم باباتيه كنت ميته رقاد لاني احس هاليوم طويل ...و فـ السياره .
ذياب: شو بلاه امج متضايجه ..
قلتها : تبا سعيد يعرس ..
سكت ..........................................."ماشي رد"
مهره : عموه ابا انام ..
قلتها: تعالي حبيبي بحضني..
ذياب يطالع الشارع: لا ترقدينها خلينا نوصل البيت مره وحده ...
قلته: ما برقدها بحاول اسليهااا ..."ويلست العب بشعرهاا"
ذياب بصوت هادي: شو فيج مضايجه حبيبي ...
همست : ماشي ..
طالعني : و الله فيج شي ...علشان سالفه سعيد... زين اخرتها لازم بيعرس ...و امج معاها حق ..
تنهدت : ادري معاها حق ...بس "سكت "
طالعني ذياب فكملت: امايه تبا اتخبطه حق بدور ... و سيفاني يبا بدور ...
ذياب جنه يتطنز : و انتي تبين منوه ..
طنشته و كملت كلامي: ابصراحه حرام اجوف سيفاني و بدور ما يكونون من نصيب بعض ...بس اذا سعيد ماخذ بدور امايه تبا تخطبه حق ليلى بنت عمي
ذياب: و انتوا ما عندكم غير هاي العايله "يقصد قوم خالوه حليمه" شوه خلصوا العايلات..
عاتبته: ذياب هذيلا اهلي ..
ذياب : سوري حبيبي امممممممم انزين و شو فيها ليلى يخطبها لو سيفاني محير حق بدور .
قلته: حبيبي ليلى ما تصلح هي ما اتحب حمودي ..
ذياب : شدرااج قالت لج..
قلته بانفعال : لا ..بس طبعها مو شي ..و انا حلمانه انها تبا تاخذ سعيد عن حصه الله يرحمهاا و تبا تتل حمودي.
ابتسم ذياب وزخ ايدي: حبيبي هذي مجرد احلام ...
قلته: مرات الاحلام تتحقق ..
ذياب: خلاص انا عندي الحل .
قلته ابسرعه : شوه ..
ابتسم و طالعني : انا بتزوج ليلى بريححج..
ضربته بجتوفه: ذياب عن المصاخه قاعد اتنكت علي انا ..
ذياب: هههههههههههههههههه
دزيته بغيض: ما يضحك زين ..موليه ما يضحك...
ذياب: هههههه شسوي فيج عيل ...
قلته: اسكت لا اتقول ولا اتسوي شي محد يطلب رايك..
ذياب: فديت الي يعصبون و الله ..
صديت عنه : ما احبك..
ذياب : ابرايه انا اموت فيج.."طالع مهره" تراها رقدت..
قلته: احسن..
ذياب: هههههه انتي عذاب يوم تحرجين ...
ابتسم له: انته الا عذااب
ذياب يشيل عني مهره: خلاص تعادلنا يلا حبيبي نزلي ..
في اليوم الثااني رحت بيت امايه و كان الجو بعده متوتر و ضرابه ع سالفه خطبه سعيد بين امايه و سعيد و سيفاني الي انسحب ..و ما قمت اجوفه بالمره ....في يوم كنا انا و ذياب و ندى و مهره و عبيد اخو ندى قاعدين في الصاله عقب الغداا انسولف و نضحك كالعاده ...رن موبايلي فطالعت كانت المتصله بدور ..
رديت: مرحبا الساااع ..
بدور: شحالج ..وينكم كلكم ما تنجافون..
قلتها: انا بخير انتي شحالح.
صخت فقلتها: الوو
بدور بصوت واطي : سوري توني انتبه للوقت ريلج عندج..
ضحكت عليها: هههههههههههههه يا الخبله ..
و نشيت من مكاني ورحت الصاله الثانيه كنت اجوف ذياب يراقبني بنظراته الي دوم خبلت فيني علشان جي فكرت اغير مكاني ...
بدور: اخوج الخبله وينه متولهه عليه..
قلتها: منوه سيفاني ..
بدور: طبعا سيفاني حد غيره ...ليش جي ما قمت اجوفه حتى يوم اتصل ما يرد عليه ..
قلتها: ليش انتوا ترمسون بعض بالتلفون ..
بدور: لالالالالالالالالا بس انا من فتره لـ فتره اتصل به يرد علي يهزبني و يصكر شو هااا اخوج ملييييق
ضحكتني رغم مشاعر الالم الي احسها بصوب بدور : هههههههههههه
بدور: صدق شو سالفته ؟؟ شوقاني ..حتى يوم ايي بيتكم باوقات يكون موجود ما اجوفه وينه يمكن حب غيري ..
ابسرعه قلتها: لا حبيبتي سيفاني ما يفكر بغيرج ..بس اكيد عنده شغله..
بدور: متاكده ولا ادافعين عنه .
قلتها: صدقيني لا اتخافين ان جفته بساله زين جي .
بدور: هي طمنيني عليه واافديته..
ابتسمت : من عيوني ...
بدور: يلا مع السلامه
قلتها: فـ أمان الله ...
شهقت يوم ذياب قعد مجابلني قلته: روعتني ذياب
سالني بجديه: اترمسين منوه ..؟؟
قلته اغايضه: حز فزر ..
ذياب يحاول ايير موبايلي بس انا ما اخليه : قولي منوه ابسرعه..
ضحكت عليه: هههههههههههههه اونك اتغار ..
ذياب : بعضج..
قلته: هههههههههههه لا تتهور جدام عيال اختك ...
ذياب: منوه اترمسين بنت خالتج..
قلته: هي ما غيرها بدور تسأل عني تطمن علي.
ذياب بنظرات: عنج ولا عن سيف ..
وقفت و دزيته: ما يخصك سوالف بنات ..
لحقني يضحك: ههههههههههه تعالي بخبرج بسالفه " زخ ايدي وظهرنا برع الصاله "
قلته: أحس من زمان ما يلست معاك ابروحي ..
تجدم مني: انتي مشغوله ويا اهلج ..
قلته: حتى انت مشغول بحياتك و شغلك..
لوى ع جتفي: محد يشغلني عنج حبيبي ..
رفعت راسي اطالعه بحب : ربي ما يحرمني منك .."كنت بحط راسي ع جتفه بس ابتعدت عنه "
ذياب مستغرب : بلاج؟
قلته: نحن في الحوي اي شخص ممكن يجوفنا ..
ابتسم و قعد ع الكرسي و ييرني و قعدت جريب منه زخ ايدي و قال : ندى ياينها خطيب..
ابتسمت: و الله ...
ذياب: واحد من الربع اسمه عبدالله وايد زين ...
قلته: المهم ندى..
ذياب: ادري عمري ..علشان جي اباج تسألينها جوفي رايهاا ..
لصقت فيه: يعني انته موافق عليه..
هز راسه بمعنى هيه: اجوفه زين و اعرفه بعد..
شليت خصله من شعره كانت طايحه ع يبهته : خلاص بخبرها ..بس انت قص شعرك
ذياب رفع حياته :ليش مب حلو..
يلست العب فيه و قلته: يهبل كل شي فيك جنان "وييريته ع الخفيف" بس اخاف يصير اطول عن شعري ..
ذياب: ههههههههههه
التفتنا صوب صوت مهره: بابا ماما تعالوا جوفوا الذيب ياكل يدة ليلى ..
شوق: ههههههههههه
ييرني ذياب: هاي البنيه ما عندها سالفه..
مهره اتصرخ و متحمسه : ابسرعه تعالوا..
ذياب و ايده بيدي وقف : زيبييييييين لا اتصرخين..
ضحكت ع خبال ذياب و بنته ...فكرت اناقش موضوع خطبت ندى معاها بس حسيت ان اليوم مب مناسب ..ممدري ليش ...
عقب ما ظهر ذياب من البيت رن موبايلي كانت المتصله شيخاني رديت عليها
فاجاتني من غير سلام: لحقي شوقاني
تروعت : شووو مستوي ..
شيخاني : قوم عمي باجر بييون بيتنا علشان يحددون ملجتي مع فهد..
يلست ع الكنبه اتنفس براحه: غربل ابليسج ع بالي شي مستوي ..
شيخاني: كل هاه و مب شي ...
تنهدت: زين شو اسوي لج..
عصبت شيخاني: شو شو اتسوين لي حمدي ربج اخبرج ..جان باجر بتيين تنصدمين بوجودهم..
قلتها: ليش منوه بيي غير عمي و فهد..
شيخـاني : ليلى الحينه جان بترسم عدل حـق اخوج سعيد..
انتفضت يوم سمعت اخر كلام شيخاني طاح الموبايل من ايدي من غير ما احس ..مصدومه و
خايفه من الي بيصير باجـر
ما انت اول همومي و أظن تاليها..دنيايي ياما لوعتني و عانييت..ومانت أ,ل انسان ع القلب غالي..جابك زمان وراح بك مثل ما جيت..علمني الوقت وزمان مضالي..أعز نفسي و لو من الهم قاسيــــــــت..
________________________________________
تميييت طول اليوم حزينه و متضايجه و كئيبه من عقب مكالمة شيخاني حسيت الدنيا ضاجت بي غمضني حمودي غطيت اعيوني بيدي و يلست اصيح ...كسر خاطري حمودي و اي مستقبل مجهول ينتظهره ..للحين اتذكر ليلى و هي اتقول يا حظها حصه ..عندها ريل شرات سعيد ...حطيت راسي ع يبتي مصدعه ...بها الوقت المفترض ايي ذياب علشان يوديني بيت ابوي انا و مهره ..و بالموعد يااه بس انا تميت ساكنه بمكاني ما تحركت اسمع خطواته جريبه منه ..غمضت اعيوني ...
حط ايده ع جتفي و تجرب يهمس بأذوني: مساا الحب ...
زخيت ايده و ابتسمت ما اذكر قد مره صحت من تراضيت مع هالانسان ...ييرني و خلني اواجهه تفاجأ يوم جاف دموعي بس انا كنت مبتسمه له ..حضن ويهي بيه و تجدم مني
سألني خوف: شو مضايجنج عمري ...
ابتسمت له و انا احاول امسح دموعي: ماشي ..
بس ذياب اصر يعرف فرفع راسي اطالعه و حط عينه بعيوني عاد ها المره انا موليه ما تحملت نظراته عضيت ع شفايفه و نزلت نظراتي بالارض امنع دموعي من انها تحدر ع خدي مره ثانيه...
ذياب : منوه مزعلنج..
همست: ماشي بس فكرت بـ حمودي غمضني وايد..
سألني و كان ع نياته: تبين اخذج بيت اهلج..
قلته: ما ابا ارووح اليـوم ..
ذياب: ع راحتج بس انا ما ابا اضغطت عليج ...
ابتعد عني هذا هو طبع ذياب يدري اني متضايجه من شي بس ابد ما يصر يعرف الا اذ انا من خاطري خبرته ...فديت قلبه و روحه و الله و قبل ما يظهر من الحجره لحقته : ذيـااب .
التفت صوبي تجربت منه ترجيته : خلنا هاليومين نرقد بيت ابوي ..
رفع حياته مستغرب : ليش ..؟؟
قلته ابسرعه و كنت مرتبكه ابسبب طلبي الغريب: قوم عمي بيييون ليلى بتيي
طالعني مب فاهم السالفه ...
قلته و ابسرعه احاول افهمه : حبيبي عمي باجر بيي يحدد ملجة شيخاني ..و عياله اكيد بييون معاه و ليلى اكيييييييد بتيي...
ذياب يطالعني مستغرب من طريقه كلامي و اسلوبي بس طنشته : دخيلك حبيبي خلني انروح بيت ابوي ..
زخني من ايدي و يلسني ع الكنبه تأمل ملامح و يهي
و قال: انزين ليش اتبين اتروحين بيت ابوج ..بوديج كل يوم لهم..
قلته ابسرعه و بانفعال : ذيـــــــــاب انته ما تفهـمني ..ليلـى بتحـاول اتقص ع سعـيد علشان يتزوجهاا ...و انا ما ابا هالشي لازم انخرب عليهااا ..
تم ذياب مصدوم يطالعني عقبها ابتسم و رفع شعري يلعب فيه: فديتج حبيبي ليش اتفكـرين بهاي الطريقه..
زخيت ايده بعصبيه و رصيت عليها: ذياب افهمـني ..ليلى اذا تزوجت سعيد بتعذب حمودي..
ذياب حسيته يرمسني بعقل: منوه قالج...
قلته : انا اعرف ليلى .اعرفها زين ما زين ..ما بتحب حمودي و الله ما بتحبـه ..
ذياب يحاول يهديني/: زين سعيد ما قال بتزوج بنت عمج...
قلت و جني اطلع غيضي بـ ذياب: لو تزوجها باخذ عنهم حمودي بعذبونه ..
ما عيبه كلامي: شـوق كيف تحرمين حمودي من ابوه ...
وقفت و قلته ابعصبيه: انته ما تفهمنـي ما تفـهم علي..
كنت بصيح من الغيض بس ذياب زخني من جتوفي و قالي : شوق لا تسبقين الاحدااث ..لا اتحطين اشياء في بالج و اتصدقينها ...ليلى بعدها ماا يت بيت ابوج و سعيد بعده ما قال بخطبها و اصلا ما اظن يفكر بالزواج الحينه ..."جربني منه" لا اتعيشين نفسج بأووهااام و بالاخر تتعبين و تعبينا معاج...
سكت حسيت ان ذياب كلامه كان مقنع ...علشان جي نزلت راسي بالارض ما عرفت شو ارد عليه كلامه واقعي و منطقي الي افكر فيه بعده ما استوا ...
ضربني ع خدي و جنه ينبهني : ايه وين وصلتي..
رفعت راسي و ابتسمت له: بسمع كلامك لانه دش راسي بس لو صار شي ..
قاطعني: انا اتحمل المسؤليه مب مشكله..
حطيت راسي ع صدره و قلته بحب: ذيااااااااااااااااب
تعامل ذياب و حياتي معاه كل يوم اتزيد المحبه من بينا اكثر و الاكثر الشي الي ريحنـي ان صار يفهمني ..يحس بمشاعري علشان جي دوم افكر لو ذياب ابتعد عني فـ يوم صج بمووت ...
نشيت اليوم الثاني ع رنة تلفون حجرتي ..كانت الساعه عشر ونص الصبح ..
رديت: الوو..
امايه: السلام عليكم..
قلت بكسل: عليكم السلام هلا امايه شحالج..؟
امايه: ابخير اعلومج انتي طيبه..
قلتها : الحمدلله ..
امايه: بغيت اخبرج قوم عمج بييوون ع الغداا ..اباج اتيين انتي و ريلج ..
يلست و انا ادري ان امايه متصله علشان ها السبب سكت ................
امايه: وينج..
قلتها: بجوف ذيـاب ...
امايه: زين يمه جان بتييون عطوني خبر ..
قلتها: زين ..
كنت مقتتنعه اني ما بيي ولا بخبر ذياب ادري لو عرف ان امايه اتصلت مستحيل يردهاا ....علشان جي قلت احسن ما اخبره ..رجعت و انخمدت و نشيت عقبها بفتره يوم نشت مهره ...لبستها و عدلتها عقب ما سبحتها ... و بعد ما ما لبست نزلت تحت بالصاله ...ريقتها . كانت ندى و اخوها سابقينا ..يلست مهره تلعب مع عبيد ..
اما انا قعدت مع ندى ..خطر ع بالي افتح لها السالفه ..
فقلتها : شخبارج ندوي..
طالعتي: شو عندج..
ضحكت: هههههههههههههه
ندى: هههه و الله اعرفج عندج سالفه صح..
هزيت راسي بمعنى هيه ..
قالت لي: شوه ..
قلتها : اممممممممممممممم خالج امطرشني لج..
سالت بلهفه : شوه .
قلتها: ياينج معرس..
شهقت ندى جنها مب مصدقه : شووووووووووو
ابتسمت : شوفيج..
ندى مرتبكه: فاجأتيني شوقاني اخر زمن اونج انتي اتشاوريني بسالفه خطبتي..
ضحكتني صج: ههههههههههههههههههههه
ندى : ههههههههههه و منو يطلع هاه ...
هزيت جتفي بمعنى ما اعرف : كل لي اعرفه انه وايد اوكى ع قولت خالج.. و يعرفه زين ما زين ...
ندى: يعني ما قال عن اسمه ..؟؟ شغله..
هزيت راسي بمعنى لا : بس قال اسمه عبدالله ..يمكن يباج تعطنه رايج مبدئيا و عقب بخبرج عنه ..
ندى: شو رايج..
رفعت حياتي: انتي الي بتعرسين..
ردت علي: انتي حرمة خالي و قبلها رفيجتي يعني يهمني رايج..
بلعت ريجي و قلتها: أنا من راي خالج..داام انه زين .وافقي عليه..
ندى سرحت شويه عقبها قالت : بفكر ...
قلتها: خذي راحتج.."وقفت" بروح المطبخ بخلي الشغاله اتزهب الغداا ذياب ع وصول ..
ندى: بروح حجرتي استحى اجوفه الحينه .
ضحكت عليها ...سرت المطبخ عقبها رحت حجرتي دخت الحجره و عطرتها .. و عدلت نفسي ...و يلست اترياااه ..بس فاجأني مسج منه"تغدوا انا ما بيي عندي شغل" حسيت بخيبه أمل جبيره لاني كنت وايد متولهه عليه ..فكرت اتصل به بس توقعت انه ما بيرد علي لانه الظاهر وايد مشغول لو يبا يرمسني جان دق رحت حجرة ندوي ..و نزلنا انا و هي تحت بالصاله و تغدينا ابروحنـا ..مع اليهال ...اتصلت بي شيخاني ..ما رديت عليهاا ...و افكر اني ما اروح بيت باباتيه اليوم بعد..جني اتهرب من شي ...خليت مهره تحت تلعب مع عبيد و ندى معاهم و رحت حجرتي ..انسدحت عالشبريه افكر بكلام ذياب بعده ما صار شي و انا ليش اتوهم ع كيفي ..بس اتمنى ان سعيد ما يفكر بـ ليلى بعد بدور اولى لازم تضحي بحبها علشان حمودي ولد حصه الله يرحمها ...و عالافكار انخمدت ..حسيت بحركه تضايجت فتحت اعيوني جفت ذياب قاعد يلعب بشعري صديت الصوب الثاني متضايجه : ذيااااااااااااب ..
سمعت حسه و كان صوته واطي : حبيبتي كسوله ..
فتتحت اعيوني ابسرعه ع بالي احلم ..التفت صوبه اطالعه ابتسمت له و قلته: تولهت عليك..
ذياب : باين ع بالي بلاقي استقبال بس تفاجأت بوحده منسدحه عالشبريه ...بسابع نومه
ضحكني : هههه و الله وحشتني ...كنت افكر فيك و رقدت..
عقدت حياته يستهبل: ليش اتحبيني ..؟؟
زخيت ايده: ذياااااااب
ضحك علي: ههههه
ابتعد رايح صوب لكبت نشيت وقفت وراه: كان عندك شغل ضروري ..
ذياب: هي تعرفين شغل المحاماه بعد..
ضربته بجتفه: خقاااااااااااق ..
سمعت ضحكته: هههههههه يلا حبيبي بدلي بنروح بيت ابوج..
حطيت راسي ع ظهره وقلته: ما بروح بتم هني ..
التفت صوبي رفعت راسي اطالعه: لازم اتروحين ...قوم عمج هني لازم اتسلمين عليهم ...
طالعته بغيض: منوه خبرك كنت ناويه ما اقولك علشان ما اتصير هالسالفه ..
ابتسم: سعيد خبرني عزمنا ع العشى ..
قلته: زين الحينه العصر ..
قال: بوديج الحينه علشان اتسولفين معاهم ع راحتج..
ادلعت عليه: حبيبي ما ابا اروح...
يير شعري بدلع: بتروحين عيب هالحركات هاه ...يلا روحي لبسي لي ما اخلص شغله صغيرونه ..
وظهر من الحجره لحقته : انت ما اتمل من ها الشغل ..
ذياب قاعد يتصفح الاوراق : شسوي عمري احاول افضي عمري لج ولـ مهره قد ما اقدر "طالعني " يلا روحي البسي ..
قلته: وايد مستعيل ..و مهره ..لازم ابدلهاا..
ذياب يطالع بالاوراق: ما عليه حبيبي مهره راحت مع ندى و عبيد بيت اختيه ..
ما علقت ع كلامه ..رحت الحمام تغسلت و لبست ثيابي ..فكرت اكشخ كشخه علشان يجوفوني عروس ...اخرتها لبست عبايه فخمه و فيها وايد شغل يعني ملفته لبستها يمكن مره بس . و لبستت شيلتي و ظهرت من الحجره ذياب كان نفس وضعه مشغول بالاوراق الي كانت جدامه ..
قلته: شو رايك فيني حبيبي...
التفت لي و شهق جنه اول مره يجوفني ...قلته : حلوه ..
تجدم مني: ملاك انتي ملاك شوق ..
ابتسمت له مستانسه بس فاجأني يوم قال: غيري عبايتج ...؟؟وايد ملفته شو هاه ..
قلتها مستغربه: عيل يوم لبستها هاك اليوم ما قلت شي..
تجرب مني: قبل غيير الحينه غيير ..
قلته: زين ابا ابين اني كاشخه صج عروس..
ذياب يبتسم: فديتج انتي عروس من غير السوالف كلها روحي غيري عبايتج يلا عمري ...
قلته باحبااط: زيييييييين و الله انتوا الرياايل ما ينعرف لكم ..
بدلت عبايتي و لبست عباه بسيطه ..ما فيها شغل وايد.. و قعدت اجلب قنوات التلفزيون حتى سمعت حس ذياب: يلا زاهبه ..
طالعته بطلت اعيوني ...كان كاشخ ع الاخر ..لابس كندوره لونهاا بني غامج بس مب وايد... و غتره لونها بني فاااتح..و الي خبل فيني نظارته الشمسيه حسيت برجفه يوم جفته ..تذكرت اول مره طاااحت عيوني عليه بالمنار يوم حموديي يير غشوتي و جفته ..نفس الاحاسيس الحينه قاعده اتمر علي..
ذياب يعدل نظارته: بلاج...لها الدرجه شكلي يخرع..
حطيت ايدي بوسط خصري: لا و الله ...
تجدمت منه و شليت نظارته الشمسيه : جي احلى ..
ذياب: عطيني النظاره ما اجوف من دونهاا ..
قلتها: و الله انك عيار ..
ذياب مستسلم: ما عليه يلا انروح ..
تأملته و قلته: لحظه لحظه ..شيل العقال ..اتعصم ..
ذياب: بس عاد شوق ..
قلته: عيل انته خليتني اغير عبايتي ..يلالالا شيل العقال ..شكلك امممممممممممممم
تجدم مني : شووه..
دزيته بصدره: ذياب ما بخليك جي تظهر مفهوم ..
ذياب طفران: شوقاني بفرج من الدريشه ..بسج حركات اليهال ..
رحت و لصقت بالباب و قلته بعناد: ما بخليك تظهر من البيت جي..
ذياب : مب اول مره البس جذا عن العيااره..
قلته و انا ميته غيره خايفه عن حد ياخذه مني: اول مره تلبس هاي الكندوره ..
ذياب: شو يعني ..ما اطلع من البيت جي عييب ..
قلته بعناد: ما يخصني..ما يخصني ما تظهر جي..
ذياب شكله طفر: اوهوووووو بس عاد .. شو تبيني اطلع من البيت بوزاار و فانيله ..
ضحكني رده : هههههههههههههههه
ذياب يبتسم و يكتم ضحكته: و الله انتي عليج حركات ...يلا وخري خلينا نطلع ..
طالعته : انته ليش شكلك اليوم غييييييييير
ذياب : يطالع المنظره : شو بلاني.. بعد...؟؟ازيغ..
طالعني قلته: ليش محلق تبا تطيح منوه ...
ذياب يهددني: بتقومين من ع الباب ولا اشلج..
ضحكت: هههههههههههه لحظه لحظه ..خل نتفاهم .
رن موبايله فطالعه و قال متغصص: اخرتينااا ..
قلته : اصبر ..اصبر"و انا ادقق بويههه " شيل الغتره و العقال
ذياب: لا و الله ..
قلته: البس كااب ..صدقني شكلك احلى ..
ذياب: شوووق رايح اجتماع عند الرياييل لابس كااب ..شو انتي تستهبلين علي..
ضحكني شكل وييهه المعتفس و تعليقه ما قدرت ايود عمري: هههههههههههههه
ذياب طفران: انا الي ما عندي سالفه اسمعج .مدري شو بلاج اليوم .
تجرب مني فقلته: لحظه لحظه ..
بس ما عطاني فرصه شلني.صرخت : بطييييييييح نزلني ذياب نزلني..
ذياب: علشان مره ثانيه تسمعين الكلام..
صرخت و يوم نزلنا من الدري: بطيييييييييح بطيييييييييح
ذياب: ههههههه
نزلني عندي باب الحوي قلته و انا انافخ من تعب من كثر ما اصرخ: مينون خربت كشختي..
ابتسم لي ويير عني نظراته الشمسيه: حتى انتي خربتي كشختي..
زخ ايدي قبل ما اقوله اي كلمه .. ظهرني من البيت و ركبنا السياره ..رن موبايله مره ثاني ..حوله للصامت .
سالته: منو هاه ...؟؟
ذياب: واحد مشتط باجر محكمته .. وايد متروع ..
شهقت: موكل المحامي ذياب و يتروع ما عنده سالفه..
استانس ذياب من ردي فقال : فديتج و الله ..بس شو انقول ..
وقف عند بيت ابوي فقال : حبيبي خلج عاديه زين..
قلته: تقصد ليلى..
قال لي: ليلى ولا غيرها لا اتبيينين انج متضايجه من شي موليه علشان خاطري ..
قلته و انا اطالعه جماله : بشرط عطني نظارتك الشمسيه ما اريدك تلبسها ..
ما قال شي ع طول فسخها و حطها فـ ايدي ابتسمت له و حطيتها بسده سيارته
و قلته: انا ادري انك ما بتلبسها خلاص صح حبيبي ..
ابتسم: يا ويل حالي ع الي يغارون ..
ابتسمت له بخجل و نزلت من السياره ..تحرك عقب ما دشيت ..تنفست بعمق يوم طاحت اعيوني ع باب الملاحق ..كان امبطل ...بس فكرت بالاول اروح الصاله ...دشيت الصاله ..جفت ليلى و هدى و امايه و شيخاني قاعدات بالصاله .
ليلى وقفت من جافتني : هلا و الله بالعروس شو هالكشخه..
انا وعدتك ذياب ابتسمت لها و دشيت سلمت عليها و بستها : شحالج و اخبارج..؟؟
ليلى : ابخير ..شو ها الكشخه ...؟؟ وينج يا القاطعه دوم انجوفج ع المسنجر لكن من عرستي ودرتي ..
سلمت ع هدى و رديت ع ليلى: ماشي وقت ..
هدى: متنتي شوق ..بس احلويتي ..
قلتها : و انتي كبرانه ..
سلمت ع امايه و شيخاني سمعت رد ليلى: لازم مرتاحه ..
طالعتها و قلتها: الحمدلله..
يلست : وين بابااتيه ما اجوفه ؟؟
امايه: طلع مع عمج و فهد و سيف ..
فديت سيفاني ما قمت اجوفه ولا اسمع حسه من عقب هذاك اليوم الي انصدم فيه الله يعينك يا اخوي ..
شيخاني: طلعوا راحوا يجوفون ضاحيه عمي ...
امايه: وينه ريلج..؟؟
قلتها: عنده شغل بس بيي ع العشى..
ليلى: خاطري اجوف شكله..
و الله ما ادانيييييييها ...ابتسمت لها حسيت بروحي منافقه ...
هدى: ما يبتي صور عرسج..
قلتها: لا في البيت ما خطر ع بالي ..
ليلى : تخافين لا نحسدج ..
طنشتها و سالت هدى: عيل وين امج ...
هدى طالعت ليلى و ليلى طالعت هدى شسالفه !!؟؟
شيخاني وقفت: هدى تعالي براويج فستاني بلبسه بعرس موزي بنت خالوه حليمه...
حسيت ان شيخاني اتغير الموضوع ...طالعت امايه ابتسمت لي ..
ليلى: شوق ما تدرين ان ابوي و امي انفصلوا ...
شهقت : لالالاء ..متى ..و ليش ؟؟بعد ها العمر ..
ليلى اتهز جتوفها: مدري الحينه باباتيه يفكر يستقر بالاماررات فـ دبي ..
خفت و قلتها: انتي بعد .بتمين هني .
امايه عاتبتني: شووووووووق !!
ليلى منصدمه: ليش ما تبيني اعيش مع باباتيه ..ما تبين اتجوفيني
انحرجت: لا ما قصدي ..
ليلى: لا اتخافين بنتم بس يومين و بنرجع الكويت ..ييتنا علشان ملجة اخوي فهد و نتطمن ع شيخاني ..
غمضتني ليلى لاني حسيت اني احرجتهاا ..فغيرت السالفه و قعدنا انسولف بوايد سوالف ..حتى وقت بعد المغرب عقب ما امايه راحت المطبخ ...و تمينا انا و ليلى و شيخاني و هدى بالصاله قاعدات انسولف ..فـ دشوا علينا باباتيه و سيفاني الصاله ..فربعت صوب باباتتيه
و قلته: فديتك البيت من دونك مظلم ..
ابتسم لي و باسني ع راسي ...
طالعت سيفاني جفت ملامح ويهه مرسوم عليها الحزن قلته: شحالك سيف..
ابتسم و جنه مغصوب انه يبتسم: ابخير ..ريلج بالميلس بروح ايلس معاه ..."وخذ باباتيه معاه"
ما قدرت ارمسه لاني حسيت بصيح..بدور البارحه تنشد عنه ولا اتعرف شو الي يصير ..و سيفاني متعذب ...
ليلى: شو بلاه اخوج...؟؟
قلتها: مدري ..
شيخاني: صار له يومين جي متغير ...تدرين حتى انه نسى موعد باباتيه بالمستشفى..
شهقت: حلفي بالله جان قلتيلي ..كنت خبرت ذياب ياخذه .
شيخاني/ تطمني ..سعيد ودااه ..
ارتحت سالتها: شو قالوا ..؟؟
شيخاني : كالعاده نفس الادويه..و العلاج..
هدى: الله يشافييييييييييييييييه..
فديت باباتيه ..صخينا يوم دش علينا سعيد و معاه حمودي ..نزل راسه بالارض ..طالعت ليلى ع طول الي ابتسمت و جنها ما صدقت: شحالك بو محمد..
سعيد منزل راسه: ابخير اعلومج انتي ..؟؟
ليلى : ربي يسلمك بصحه و عافية ..
حمودي: باباا شيخاني ضربتني ..
شيخاني: جذااب ...
حمودي: ما عطتني بطاطا ..
شيخاني: من اول قول هااي الرمسه ..يا الطفس ..
ليلى: هههههههههههه تعال فديتك محمد تعال ...انا بعطيك كل الي تباه ..
حمودي يحضن ابوه: ما ابىى ..
هدى: مب متعود عليج ما يعرفج..
ليلى: مع الايام بتعود علي صح حموديي ..
حمودي امبرط : لالالاء..
سعيد: عيب حبيبي ..يلا روح عند عموه شوق..
قلته: تعال حبيبي ..
ياه صوبي يلسته بحضني .و بسته لاني صار لي يومين ما جفته ..
.صعد سعيد حجرته ..
ليلى: اخوج وايد ضعفاان ..
قلتها بغيض: يعني حرمته توهاا متوفيه شو تتوقعين بستانس ..
ليلى: زين ما قلتلج شي بلاج مستويه عصبيه ..
سكت عنها و انا بداخلي الدم يفور ..وصلني مسج ما توقعت كان من ذياب " فديت الي يسمعون رمسة رياييلهم"
كنت بضحك بصوت عالي و جنه حاس اني قاعده اتضارب مع ليلى ..ما يدري جان ما كتب هالمسج..تعشينا ...عقبها اتفجوا الرياييل ..ان ملجة شيخاني الشهر الياي و عقبه بيومين عرسها شراتي بالضبط..شيخاني ع طول ووافقت اونها تبا تطلع من ها البيت و امايه ايدتها لكن انا حااولت اقنعها اتغير رايها لكن ماشي فايده ... ..
يعني بيكون زواج شيخاني قبل موزي و فتون و طبعا بتكون فـ الكويت يعني ما أظن انها بتحضر عرس موزي غير ذيااب احتمال ما يخليني احضر عرس موزي عاد صج بيزعلون قوم خالوه حليمه ..
عقب يوم اتصلت بـ شيخاني ...حسيت انها كانت وايد مستانسه ..الحمدلله المهم افتكت من الحاله الي كانت فيهااا ....
قلتها: شو صار ..؟
شيخاني: ما بتيين بيت ابوي الحقي ..
رصيت ع سماعة التلفون: شوووووووووووو
شيخاني و جنها تغايضني: ليلى و لو تجوفينها شو اتسوي ..
صرخت: شيخـاني ..ارمسي ..و الله ايي اضربج...
رفع ذياب راسه يطالعني مستغرب .انا نسيت وجوده و انه راقد يوم شيخاني كانت تسمعنى رمستها السم ...عضيت ع شفايفي و ابتسمت منحرجه منه ..شلت التلفون و طلعت من الحجره و قعد في الصاله ..
قلتها: الله يغربلج خليتني اقوم ذياب من رقاده ..
شيخاني: لووووووووول ..محد قالج اتعصبين ..يعني تدرين اختج موجوده فـ البيت لازم بـ خرب عليها..
ارتحت: فديتج و الله ... زين قولي كيف اتعامل حمودي اكيد اونها ميته عليه..
شيخـاني توطي صوتها: لالالا و الله مب مهتمه فيه و تحاول تشغل سعيد عنه بعد..
حسيت قلبي فيه غيض: قلتلكم ما صدقتوني ...
شيخاني : اليوم ناشه من الصبح..
قاطعتها: هاي حركاتها ...
شيخاني: اسكتي خليني اكمل رمستي ...
يتني ضحكه لاني عصبت بـ شيخاني بس يودت روحي علشان ما اتصكر التلفون بويهي ..و غير اني ابا اسمع السالفه ..
شيخاني : صبري باكل هاي التفاحه..
حرجت عليها: شيخاني مب فايجه لج ذياب بنش بها الوقت ارمسي خسج الله ..
شيخاني: تعالي بيتنا ...
قلتها بغيض: تدرين بتكون ليلى موجوده كيف بترمسين و هي موجوده .؟؟؟
شيخاني تمضغ التفاحه : سمعي ...
حسيت بغيييييييييييييض فضيع ودي اقوم و اروح اكفخهااا لـ ما اشبع ...بس هم سكت روحي ...
شيخاني تاكل تفاحه: ناشه الحلوه من وقت ع بالها محد ينش بها الحزه بس انصدمت يوم جافتنا انا و سعيد قاعدين نتريق بالصاله ..
قلتها: زيـن شسوت ..
شيخاني : يوم جافتني مع سعيد رجعت و قالت بروح اكمل رقادي بس ...
صدمتني شيخاني: بسسس!!
شيخاني : هي بس ...ههههههههههههههههههههههههههههه
عصبت عليها : انتي اصلا وحده تافهه .. و ما عندج سالفه ..
شيخاني : هههههههههههههههههههههه شوه ع بالج سوت شي ..
قلتها: من طريقة كلامج السخيف يلا باي انا ما عندي سالفه ارمسج..
شيخاني: صبري ههههههههههههههههه و الله ما اتصكرين..
قلتها بغيض: زولي عني ...خلني ايي البيت جوفي شو بسوي فيج..
شيخاني: ههههههههههههههههههههههه زين لا اتحرجين يمكن اتكونين حامل و ها خطر ع البيبي ..
قلدت صوتها: يمكن اتكونين حامل و ها خطر ع البيبي ..شيخاني جلبي ويهج بصكر ..
شيخاني : صبري و الله و الله ...صار شي ..
حرجت عليها: ارمسي زين ...؟؟؟
شيخاني تكلمت ابسرعه : سمعتها اتقول حق سعيد ان حمودي محتاج ام و انته محتاج وحده تهتم فيك ...
صخت شيخاني و انا بعد سكت ...بلعت ريجي و قلت بصوت واطي: اتقصين عليه صح..
شيخاني: و الله العظيم لا .. و امايه كانت قاعده و ايدتها بارمسه ..
رديت بانفعال: شووووووووووووووو و هاي اصلا ما تستحي ترمس جي جدام اخوي ...محد مكبر السالفه غير امايه .انا وايد مقهوره شيخاني ..
شيخاني: ما عليج شووووووووووووقاني .لا تنقهرين ...تراا انا الي كنت ناشه من الرقاد و جفتها هي و سعيد و امايه قاعدين يترقون ...فقلتها : صح كلامج ليلى علشان جي قررنا نخطب له بنت خالوه حليمه..
شهقت و حطيت ايدي ع حلجي: ليش اتقولين جي انتي غبيه ..
شيخاني: شسوي عيل ............زعلشان ما اتفكر فيه ...
عصبت : شيخاني انتي غبيه يعني ما تدرين ان سيفاني يبا بدور ..
شيخاني طفرانه مني: انتي هبله بس جي رمسه جدامها ...بس امايه طالعتني بذيج النظره الي طيرت فؤادي من مكانه ..
تخيلت شكل أمايه فضحكت : ههههههههههههههههههههههههه "سكت فجاه" شيخاني اتقصين عليه انتي ..بهاي السوالف..
شيخاني: طوفي لااه انا ما عندي سالفه الي داقه لج علشان اخبرهااا بالي يصير ..
قلتها ابسرعه: لا فديتج انتي تمي جي لي ما اتروح الكويت ..الا ما قلتي سعيد شو قال ...؟؟
ردت علي : فديت سعيدان نش من ع الصفره و ظهر بس يوم رجع جاف حمودي كاشخ و لابس و متعدل ..
ابتسمت : و الله فديت حمودي و ليش مكشختنه..
شيخاني كأنها تبا تقهرني: مب انـــــــــــا هذيي ليلى ...اونها اتحب حمودي و مهتمه فيه..
عصبت صج هالمره: شووووووووووووو و نتي ليش اتخلينهها وين كنتي ..
شيخاني: شو تتحريني كونان ...
حذرتها: شيخاني موليه لا اتجربينها من حمودي هي اونها تبا تكسب سعيد عن طريق حمودي ..
شيخاني: اعرف هالحركات شراتج انتي ما اتسوين بـ مهره و ذياب..
قلتها ابسرعه: جب لمي ثمج
شيخاني: ههههههههههههههههه يلا يلا طوفي بصكر ...نسيت ابشرج ..
قلتها: شو بعد..؟؟
شيخاني: بفتك منج بعيش فـ كويت..
قلتها مب مصدقه: جذابه .
شيخاني: و الله بس اول سنه عقب بنتحول دبي يلا بروح ...بتيين بيتنا صح..
قلتها: هي عقب شويه .. وينها عنج ليلى ..
ششيخاني ابرود : عند سعيد..
غايضتني: شيخاني لا تستهبلين طوفي ..الصقي فيها 24 ساعه..
شيخاني: الحمدلله باجر بردون بلادهم ...جان بتاكليني ...
شوق: هههههههههههه "سمعت صوت باب الحجره ينفتح" يلا صكري مع السلامه..
شيخاني : فمان الله ..
رفعت راسي طالعت ذياب ابتسمت له و قعد مجابلني نشيت و يلست حذاله قلته : شبعت رقااد..
ذياب يزخ ايدي و يلعب باصابعي يتطنز : هي وايد حلو الرقاد و انا اسمع صوتج شرات البلبل اتغردين..
انحرجت فقلت ابسرعه ادافع عن نفسي: هذي شيخاني .تستفزني ..
طالعني و ابتسم: ترا حسج كان يوصلني
حطيت راسي ع جتفه: عادي حتى لو ما سمعت كنت خبرتك عمري ...
ذياب: مستويات سبيجه و رقيه ..
ضحكني تعليقه: ههههههههههههههههههه
ذياب يبتسم: ضحكه دايمه ..
قلته: حبيبي بتاخذني بيت ابوي ..
خلني اطالع اعيونه: ما بتروحين معانا دبي ..؟؟
هزيت راسي بمعنى لا .
سالني : ليش تعالي مع ندى و فتون ...شاركيهم بذوقج الحلو ..
طالعته بنظرات : تطنز علي ..
ذياب: هههههههههه و الله احب ذوقج..
قلته: ع بالي ..لا حبيبي بروح بيت ابوي ..
قال بصوت واطي: تراقبين ليلى ..
ابتسمت : اصلا مالي حايه اروح الشارجه ..
حطت ايده ع حاجبي يلعب فيها غمضت اعيوني و قال بصوت حلو: ليش ما تبين تشترين فستاان حق عرس موزي ..
فتحت اعيوني و قلته مصدومه: تباني اروح عرس موزي
ابتسم : اذا تبين ..
قلته بشك: ولا علشان عرس فتون ..
هز راسه بمعنى هيه فقلته بعناد: عيل ما بروح انا حاطه فـ بالي ما احضر العرس ..
سالني : ليش ...؟
قلته: مب انته ما تباني احضر العرس ...بروح طلعه غيرها بشتري فستان حق عرس شيخاني بس ...
وقف : كيفج عمري .
لحقته : زين حبيبي لا تتاخر هناك ...بتاخذ مهره ولا انا اخذها معاي بيت باباتيه ..
ذياب: لا فتون تباها ..
تنهدت : زين ..
ذياب: يلا لبسي علشان اخذج بيت ابوج
وصلت بيت باباتيه ..شهقت يوم جفت ليلى و سعيد و حمودي و هدى و شيخاني برع و شكلهم طالعين ..
ذياب: هههههههههههههه
قلته بغيض: ذياب لا تضحك اتنرفزني هذيلا وين رايحيين ...
ذياب: يلا ابسرعه الحقي عليهم عن يودرونج ...
طالعته بعصبيه فضحك علي : هههههههههههههه
ابتسمت يوم جفت حمودي يربع صوب سيارتناا ..: ذياب جوف حمودي فديته ..
فتح ذياب الباب حق حمودي فعفد فوقه حمودي مستانس : عموه تعالي معانا بنروح الالعاب ..
ذياب: خيبه ...
ضحكت ع حمودي جنه أول مره بطلع من البيت : ههههههههههههه
حمودي يطالع ذياب : انت وايد كبير ..
ذياب يهز راسه : الله يخليك
ضحكني حمودي: هههههههههههه لا تغلط ع ريلي ..
ذيااب: اكيد يقصد طولي مب متني .
طالعته بحب: المهم رايي فيك شو تباه حمودي حبيبي ..
حمودي مد بوزه شبرين: بقول بابا ما يوديكم معانا .."طالع ذياب "
ذياب: شو بلاه ولد اخوج اول مره يجوفني ..؟؟
قلته و انا اطالع حمودي: بسك حمودي شو اول مره اتجوف عمي ذياب ..
حمودي: انت بتلعب كوره .."ويحاول يزخ الكااب "
ذياب يمسك ايد حمودي : لا الشيخ بروح البيت ببدل وراي خط دبي ...
ضحكنا عليه انا و ذياب ..ع نظرات حمودي
التفتنا صوب سعيد ياي صوبنا ...فنزل ذياب يسلم عليها الي شب النار فـ قلبي يوم ذياب لبس نظراته الشمسيه اونه الشمس بعيونه ..طالعت صوب سياره سعيد جفت ليلى و شيخاني و هدى لاصقات ابعض يرمسون ..عضيت ع شفايفي بغييض اكيد الحينه قاعده اطالع ذياب ..بجتلهاا و الله بذبحهاا ...
سعيد نبهني: شحالج شوق ..؟؟
صديت له مرتبكه: ابخير ..شحالك انته ..؟؟
رد عليه: يسرج الحال ..يلا ما بتروحين معانا ..
قلته: وين ..؟؟
سعيد: نتمشى ...
قلتها: امبلى بيي و انا اقدر اطوف عليه هاي الرحله..
طالعني ذياب ع طول فهم قصدي اني ابا اخرب ع ليلى ..بس انا رديت ع نظراته بعصبيه ...رفع حياته مستغرب مني ...
سعيد: يلا عيل بنخليك خلنا انجوفك ..
ذياب: يسلم عليه :ع خير ...
ركب السياره و طالعني من ورا نظراته الشمسيه : ما بتروحين ..
قلته : ليش لبست نظارتك اونه الشمس بعيونك..
ذيااب :يفصخهاا : هي و الله ما اتجوفين الشمس كيف حاره و قويه..
قلته : لا و الله ..
و طالعت صوب سياره سعيد جفتهم كلهم ركبوا السياره ..و رجعت طالعت ذياب ففهم علي
قال: حياتي ريحي عمرج اذا ما تبين سعيد يتزوج ليلى ,,خلاص انا بتزوجها ..
ضربته بجتفه بعصبيه : ذيااااااااااااااااااااااااااب..
سمعت ضحكته: هههههههههههههه
ييرت عنه نظارته الشمسية و فريتها و نزلت من السياره ذياب: هههههههههههههه تعالي حبيبي و الله اسولف ..
قبل ما اصكر باب سيارته قلته: خلها تنفعك ليللووه ..."وصكرت باب السياره بعصبيه "
سمعته يزقرني بس طنشته ..ورحت صوب سياره سعيد..متفيج ذياب يرفع ضغطي انا بروحي ميته ..
قلت سعيد : بروح اسلم ع بااباتيه بالاول..
سعيد: اركبي باباتيه محد ظهر مع سيفاني وفهد و عمي...
عقدت حياتي و ركبت بالكرسي الجدامي فز قلبي يوم سمعت هرن سياره ذياب و شويه شويه يبتعد عنه يلست اطالعه فديته و الله ربي ما تحرمني منه اعشق هالانسان اعشقه ,,,
نقزت يوم سمعت حس هدى: شحالج شوق سلمي انزين..
ابتسمت : هههه والله نسيت وجودكم
ليلى: لازم عندج ها الريل معذوره تنسين العالم بكبره ..
طالعت سعيد الي ابتسم لي و كأنه يلطف الجو من بيناا
شيخاني: صلي ع النبي بتاكلين الريال ..
الكل: اللهم صلي وو سلم عليه ..
قلتهم ابسرعه: بسم الله ع ريلي شوه ما عندكم سالفه غير ريلي ...
رن موبايلي و كان المتصل " ذياب" حولته صامت .شويه وصلني مسج منه " فديت الزعلانيين و "طنشته ابتسمت خليني اتغلى عليك شويه ..علشان اتحرم الله كنت اسولف حبيبي رمستك ....و كمل سعيد طريجه مدري وين راييحييناتعيد ..اخرتهاا رحنا صوب الحديقه ...
ربع حمودي طاير من الوناسه ...يضحك بصوت عالي و يلعب ...اما و انا و شيخاني كنا انراقب ليلى و كل ما تحركت صوب سعيد ربعنا قبلهاا و لصقنا فيه انا من صوب اليمين و شيخاني صوب اليسار ..سعيد مرات يطالعنا مستغرب من حركاتنا .. و الظاهر ابد ما خطر ع باله شي ....و هالشيء ريحنا ..حسيت ان ليلى متضايجه لانها قالت بنبره عصبيه : زين خلنا انروح هالصوب ..
شيخاني: انزين ليش محرجه انتي ...
ليلى: اجوفكم واقفين بنفس المكان...
سعيد: شوق روحي معاها خليها تستانس باجر بروحون ..
طالعت شيخاني الي قالت: يعني ما اتجوفين قاعدين نلاعب حمودي ...
هدى: شو رايكم نشتري ايس كريم ...
شوق : اوكى يلا ...
خلينا سعيد و حمودي ابروحهم صوب اللالعاب و رحنا ...نحن صوب الجمعيه ..قعدنا ع الكرااسي الموجوده برع الجمعيه ..
شيخاني : انا بشتري لكم شو تبون ...؟؟
ليلى : ابا ايس كريم بالفالنيليااا ...
قلت: و انا ابا عصير فريش ...
هدى: انا بيي معاج شيخه ...
عقب ما روحت شيخاني و هدى قالت لي ليلى: ريلج ما شاء الله عليه جمييل..
طالعتها : ريلي ...
ابتسمت : سوري شكلج وايد تغارين عليه ..
قلتها: طبعا ريلي ...
ليلى: بس ما توقعته بها الجمال و الوسامه ...شو رايح يلعب رياضه..
تنفست بعمق: لا
ليلى : بس جسمه رياضي مستحيل ما يلعب رياضه..
عضيت ع شفايفي ...رن موبايلي ادري المتصل ذياب ما كنت ابا ارد عليه بس علشان افتك من كلام ليلى ..طلعت موبايلي من الشنطه و نشيت رحت بعيد ارمسه ..سمعتها : خذي راحتج ..مسرعه اشتاقلج..
ما رديت عليها ..بس سمعني ذياب و انا اقولهاا : الله يغربلج...
ذياب بصوت واطي و جنه حد جدامه ما يبا يسمعه: شو فيج حبيبي ..
قلته و انا اطالع ليلى من ابعيد: ارتحت عايبنك الي صار..
ذياب بنفس نبره الصوت: انا شو سويت ..
صديت عن ليلى الي ابتسمت لي عطيتها ظهري و قلته: سويت لي مشااكل ورحت ..يلا الحينه تعال خذني من هنيه..
ذياب مستغرب مني: شوق !!
قلته بغيض و شكلي بصيح: من قعدنا و هي حضرتها ترمس عنك .. لا و انته شوووه..
قاطعني : لحظه ..
الظاهر انه ابتعد عن المكان سالته مستغربه: وينك انته ..؟؟
رمس بصوت عادي و ع راحته: نزلت من السياره من شويه ظهرنا من البيت ."سألني بجديه خوفتني شويه"..شو فيج محرجه ...؟؟
قلته اعانده: مااشي..
ذياب: لا و الله من شويه اظن لو كنت جدامج كنتي صرطيني و الحينه اتقولين ماشي ...
سكت .............................."ماشي رد"
زقرني باسمي : شوق
تخبلت ع حسه فقلته بسرعه: لا ترمس بهاي النبره و انته بعيد عني ..
حسيت انه مبتسم و هو يرد علي : فديتج و الله ما كان ودي اخليج اتعصبين كنت اسولف ..
قلته : انا وايد اغار يعني ما اتعرف ..
ذياب: انزين انا اسف ..
قلته و انا ميته: ندمت اني ما ييت معااك و الله ...
ذياب: انتي وين برد باخذج زين انا اباج بعد اتيين معااي..
ابتسمت: مينون حبيبي متى بتخلص عيل و بتوصل دبي خلص كمل طريجك ...
ذياب: كل منج..ليش ما ييتي معاي من اول ..
قلته: لا اتسوي فيني اكثر ابروحي متندمه ...
سمعت حس ندى من بعيد بس ما فهمت شو كانت اتقول .
.ذياب: حبيبي بصكر برمسج عقب بتطمن عليج..
قلته: زين عمري اتحمل ع عمرك ..
ذياب: من عيوني في امان الله ..
قلته: بتولهه عليك ..مع السلامه..
تميت احضن الموبايل اعبر عن مشاعري صوب ريلي بس اتلومت من الناس الرايحه و الرااده...التفت صوب ليلى شهقت يوم جفت هدى و شيخاني يسولفون دورت بنظراتي عليها ..جفتها مع حمودي و سعيد يشترون ايسكريم..حسيت ان قلبي تقطع ..غبيه شيخاني جي ما اتروح اتخرب عليها ..مدري ليش يوم جفت ليلى و سعيد و حمودي ..مع بعض تذكرت حصه..كنت بصيح ..فديتج حصه ..ربعت صوب ليلى و سعيد .الي كان يرمس بالموبايل ...
حمودي : عموه شوق بابا اشترى لي ايسكريم ...
ليلى: خلصتي
قلتها بانفعال: هييييييه خلصت ..
ليلى : زين بتاكليني ..
حموي: عموه شوق اشتري لج ايس كريم ..مثلي ..
ابتسمت له و قلته: فديتك ما لي خاطر اكله الحينه ..
سعيد صكر الموباايل : يلا انروح..
حمودي: لا بعدني ..."يصرخ " ما ابى ارووح ..
شله سعيد : انته الود ودك ما تظهر من هني موليه...
تجربت منه ليلى : سعيد عن يوصخك محمد
اونها طلعت كلينكس تمسح ع كندورة سعيد..دزيتها انا بدفاشه :خل عنج نا بنظف ارتاحي انتي ..
ليلى اطلعني مستغربه ...من دفاشتي .. و لويت ع ذرااع سعيد ابتسمت له: يلا انروح..
سعيد: شوق حابتني اليوم..
قلته و انا اضحك: ههههههههههه لازم احبك هالفتره .
تجدمتنا ليلى و شكلها حرجت ...وصلنا لـ شيخاني و هدى .حسيت ان شيخاني كانت بتموت من الضحك يوم جافتني كيف متمسكه بسعيد و جني خايفه عليه لا يضيع ...وصلنا البيت ع اذان المغرب ..رحت صوب الملاحق .سلمت ع عمي و باباتيه و فهد لي كان مووجود ..و باركت له ..
عمي يغايضي: شوق عا د المره اليايه بني بناخذ عنكم شيخه و ابوج..
قلته: لا و الله خذو شيخاني لا باباتيه مالكم حق ..
فهد: ههههههههههه
عمي: ليش يعني انتي انانيه ..ما تبين ابوج يجوف الدنيا برع ..
حضنت بابااتيه و قلته: لا اتحاول ...قول عني كل شي لكن تبعد باباتيه عني ما بخليك موليه..
فهد +عمي: ههههههههههه
فهد: لازم بيي زياره حق بنته ...مب بس انتي بنته ..
بديت اعصب : محد قالها اتوافق عليك..
سعيد واقف صوب الباب : شوووق ..
عمي: ههههههه خلها يا سعيد انا قاعد العب باعصابها هالبنيه شيطانه ...
وقفت و قلته: شكرا...الحينه سعيد موجود يعني باباتيه بامان..
فهد: شو بنخطفه ..
طالعته : كل شي ممكن ..
بست باباتيه الي ابتسم لي ...سعيد: لا تضايجون منها اليوم احس انها مب طبيعيه..
طالعته : شكرا ..
و طلعت من الحجره ابتسمت يوم سمعت ضحكات عمي و فهد بس طنشت ...رن موبايلي ع بالي ذياب بس كانت بدور ..رديت عليها : الو ..
كانت محرجه: قلتي بتجوفين حال سيف و بتردين علي و انا اترياا..
قلتها: اسفه و الله بدور انشغلت بقوم عمي ...و انا سيفاني ما قمت اجوفه هالايام..
بدور محرجه: ها الي يعتمد عليج...
قلتها: زين هدي انتي ليش محرجه ...
صاحت و قالت كلام مش مفهوم و صكرت الخط بويهي ...خفت وايد لا يكون عرفت ان امايه تبا تخطبها حق سعيد...غمضتني حالت بدور وايد..انا جربت عذاب الحب .. و صج ما يرحم..علشان جي قررت اروح بيت خالوه حليمه ..اواسي بدور ..نسيت ان ذياب محرم علي ادش هالبيت .. و نسيت اني انا وعدت نفسي ما ادش هالبيت.دام راشد حي...بس بدور وايد غمضتني ...لقيت سيتي بالحوي زقرتها ..
قلتهاا: اذا حد سأل عني خبريهم اني رحت بيت خالوه حليمه زين..
سيتي: اوكى مداام ..
خليتها تترياني عند باب الحجرة غلقت موبايلي علشان ذياب اذا اتصل فيني ما اخبره اني فـبيت خالوه حليمه يوم برجع بشرح له و بخبره بطريقتي علشان يتفهم موقفي...دشيت الصاله ..
شوق: السلام عليكم ..؟؟
خالوه حليمه و ريلها: عليكم السلام ..حيا الله من زارناااا اليوم ..
بو راشـد : عاش من جافج بنيتي اشحالج .. و اخبارج..
غمضني يوم جفت ريوله الي كانت منمده و ما فيها حياه: ابخير ربي يسلمك..
خالوه : اخبارهم عيال عمج و عمج بعدهم في بيتككم..
قلتها: هيه باجر بيروحون ..
خالوه حليمه: الله يحفظهم و مبروك عليكم
ابتسمت: الله يبارك فيج ...وينها بدور..؟؟
خالوه حليمه: بحجرتها .."سالتها" حمودي هني..؟؟
خالوه حليمه: ابوه يابه ما كمل خمس دقايق يااه عمه سيف خذااه ..
هزيت راسي و قلتها: خلاص بروح اجوف بدور...الا موزي وينها ..؟؟
بو راشد: طلعت مع اخوها تتزهب..
حسيت بخوف فضيع راشد هني ..ابييه يمكن ايي باي وقت بلعت ريجي : خلاص بجوف بدور..
ربعت حجرة بدور دقيت الباب اكثر عن مره ..:بدور فجي انا شوق..
بدور: شو تبين ...
قلتها: دخيلج فتحـي ابا ارمس معاج ..
شويه و فتحت الباب و من جافتني حضنتي و يلست اتصيح : اخوج حيوان ..
دخلتها حجرتها و حاولت اهديها : شو مستوي انتي جفتيه..
طالعتني بنظرات عصبيه: ليش ما قلتي انه ناوي يخطب ..
بطلت اعيوني: هاه ..
بدورمعصبه: لا تستهبلين علي.
قلتها : و الله العظيم مدري...منوه قالج..
مشت دموعها بعصبيه: هوه بروحه قالي..يعني كان يقص علي ..يوم يوعدني انه بخطبني..علشان جي كل ما قلته اخطبني قال توه الناس و كملي دراستج..
قلتها : حرام عليج عليج سيفاني يحبج و الله ..
بدور اتفر كل شي موجود ع التسريحه بعصبيه :اقولج هوه قال لي انه بخطب غيري ...
رجعت لورا لا ارادايا من حركة بدور اتذكرت ان بدور مهما كانت قويه بس اي صدمه ممكن تأثر عليها .. تذكرت صدمتها بوفاة حصه كيف ما قامت تسمع ولا ترمس . وشويه شويه ردت لـ طبيعتها ..يا خوفي الحينه يصير بها شيء ..
همست : بدور..
يلست بدور ع الشبريه اتصيح..يلست جريبه منها..كان ودي اقولها ان سيفاني يحبج و ابروحه مصدوم لان امايه تبا تخطبج حق سعيد. و اكيد سيفاني يبا يضحى علشان حمودي....و شي اكيد قص ع بدور بسالفه خطبته ..
بدور و هي اتصيح: ما كان راضي يرمسني بالتلفون و ان اتصلت به قال لي عيب و ما يصير اتريي لي ما اخطبج"طالعتني كانت نظراتها عذاب" ليش و الي سواه فيني الحينه مب عييييب ..
لويت عليها يوم جفتها ترتجف من العصبيه و صحت معاها ..ضعفت جدام دموع بدور ..قلتها : بدور بعدج ما عرفتي سيفاني..
زختني من عبايتي بعصبيه و قالت: شوق لا ااتنرفزيني دخيلج ...كل ها و بدافعين عنه ...
و الله ما عرفت شو اقولهااا عضيت ع شفايفي الي احسها بتتقطع من كثر ما عضيتها اليوم ....
قلتها: خليني اتاكد لج و برد لج خبر ..
بدور و جنها تعبت من الصيااح ..ابتعدت عني رفعت شعرها عن ويهاا ..مسحت دموعها: ابرايه شوق خليه ع راحته ...هالانسان تعبت وايد لي ما وصلت لقلبه و مب مسعده اجازف اكثر ..
ارتبكت لو عرفت ان ناويين نخطبها حق سعيد شو بتسوي..؟؟ياربي ...طالعتني بدور ولاحظت علي مرتبكه ..
سالتني: انتي اتعرفين شي..؟؟
هزيت راسي ابسرعه : لا ..
طالعتني بعصبيه: بس ملامح ويهج فاضحتنج شوق..
وقفت ابسرعه : انا بسير اخاف ذياب ايي .. بجتلني لو عرف اني شبرت بيتكم..
وقفت بس لحقتني بدور و زختني من جتوفي :شوووق اترجاج شو اتعرفين..
حاولت ادزها : ماشي هديني ..بروح البيت ..
بس بدور كان محرجه دزتني ع الكبت بعصبيه و اجبرتني ارمس اول مره بدور تعاملني جي ..انا ادري بدور قويه و جريئه لكن اذا عصبت تنجلب خلاص...حتى سيفاني يوم عصبت عليه صفعته ...زخيتها من ايدها و قلتها : قلتلج ماشي ..
هزتني: جذابه ..انتي تعرفين وايد اشيااء و اتعرفين اذا سيفاني صج يبا يخطب غيري ارمسي حرام عليج..
تضايجت من بدور..دزيتها و قلتها : سيفاني يحبج ما تفهمين..
حاولت اطلع من حجرتها بس بدور تعلقت فيني و خلتني الصق بالباب ..تنفست بصعوبه
بدور: شوق علشان خاطري اترجاج ..شو مستوي..
هاي شكلها ما بتهدني الا اذا خبرتها هزتني و شكلها عصبت من برودي: انطقي..
قلتها غصبن عني: اامايه تبا اتخطبج حق سعيد ...
ابتعدت بدور عني مصدومه و ترتجف مب مصدقه الي سمعته مني..ردت لورا و تجربت منها اشفقت ع حالها ..
قلتها: انتي اجبرتيني ارمس...سيفاني ناوي يخبر امايه يبا يخطبج بس امايه سبقته و قالت بتخطبج ع سعيد..
عطتني ظهرها و جنها ما تبا تسمع بس انا حسيت اني جسيت عليها يوم
قلت : حمودي اولى انتي اتربينه من وحده غريبه .تعذبه و تبهدله ...و سيفاني ما سوا جي الا علشان حمودي.."كنت بصيح" مب كل الي نحبه يصير من نصيبنا
ربعت برع مب متحمله صياح بدور الي طاحت ع الشبريه مصدومه ....منهااره خليتها بعذابهاا كنت رايحه اخفف عنها لكـن زدتها عذاب و هم و حسره يا ويلي شسويت ..سامحيني بدور ..سامحينـي ...
خاالوه حليمه: يمه شوق وين رايحه ...
قلتهاا :بروح البييت..
بو راشد: تعالي تعشى معانا..
قلته: مره ثانيه ...يلاا مع السلامه
رن تلفون البيت كنت بطلع بس انتبهت لكلام خالوه و جنه وحده تباني...و قفت
خالوه حليمه: تعالي شيخاني تباج..
و قبل ما ازخ السماعه تيبست يوم سمعت ضحكت موزي و راشد و جريب يدشون الصاله خفت وايد بس طمنت روحي ان خالوه حليمه و بوراشد موجودين : الو..
شيخاني: انتي وين رحتي..؟؟
قلتها و انا اطالع باب الصاله الي انفج صديت ابسرعه: انا رحت بيت خالوه حليمه الحينه برجع البيت.
شيخاني: و ليش ما اتقولين.
قلتها: خبرت الشغاله ...يلا بصكر ياايتنكم...
شيخاني: زين ريلج يدورج يتصل يسال عنج ..موبايلج كله مغلق..
سلمت ع موزي و قلبي يرقع من الخوف لاني احس نظرات راشد علي و حتى و انا معطتنه ظهري..
قلتها بارتباك : شو قلتيله ::..؟؟
قلته: انج فـ بيت خالوه حليمه ...يلا باي..
حسبي الله ع ابليسج يا شيخاني..دومج اتسوين لنا مشاكل ....كنت بسالها عن التفاصيل بس ما تحملت الاجواء قلتها: يلا مع السلامه...
صديت طاحت اعيوني بعيون راشد...ابد ما تغير حتى نظرات الخبث صارت واضحه و فاضحه عمرها بعيونه ...
ياخوفي عذول قال واسمعت الحكي كل نظره فبعدك ... .. بقلبي ... تشتكي لو احسب ان رضاك .. يحتار العدد لو ارسل الانات ..قلبي يرتعد ...ودي السعاده تـدوم.. فعمـرك أبد
|
21-02-09, 02:14 PM
جديد مواضيع قسم الارشيف
العرض العادي
