________________________________________
سيفاني: سمعتيني..
بلعت ريجي و هزيت راسي بمعنى هيه...

كمل كلامه: بيصلى العشى و بييي تزهبي ..

طالعت حصه عقب ما عق سيفاني كلامه وصكر الباب ..
شيخاني: ابيييييييييييه تزوجتي شوق..

طنشت شيخاني و قلت حصه: انا مب مستعده اجوفه الحينه نفسيتي ما تسمح ..
حصه: عاد مب حلوه الريال داخل و انقوله البنيه ما تبا اتجوفك شو بيقولون خوانج ..؟؟

بلعت ريجي و نزلت راسي بالارض ..انا بليت عمري بها الزواج..حسيت برجفه كيف اجابله ..
سالتها: بتم بروحي معاه

حصه: هههههههههههههه هي عيل علشان تاخذون راحتككم..
سالتها و الخوف كان امبين علي: بيطول..

شيخاني ههههههههههههههههه

حصه: شوق بلاج ..؟؟ شو هالاسئله ...

نشت شيخاني من ع الكرسي و فجت الكبت و فرت لي البدله : هاي روعه ...صح حصه ..
وقفت و رحت صوب الدريشه .. اطالع الدنيا برع ... رفعت راسي اتنهد..ليتني كنت نجمه في السما ... ولا انسانه..راعيه مشاعر و احاسيس ...ع شو اتالم و اندب حظي ..ترا كل ها من صنع ايدي ..تذكرت راشد و طعونه في صدري ...و خياانته لي ...خلاص ما شي فايده اني اصيح ... عمره الدمع ما سوا شي ...

التفت لـ حصه يوم حطت ايدها ع جتفي: شوق شو فيج..

قلتها: ماشي ...بصلي العشى ..و بلبس ..
ابتسمت حصه مرتاحه: زين ...عيل بروح اجوف ريلي ..بييج عقب ..

شيخاني : انا بعد بروح اذاكر مع انه باجر جمعه بس يلا ...نبا نسبه ..

قلتها: الله يوفقج..

طلعت حصه من عندي .. و طلعت شيخاني وراها ...رحت صوب شبريتي ..حضنت المخده ...لو كان راشد ريلي كانت نفسيتي مرتاحه و كنت مستانسه ...بس راشد عمره ما حبني ؟؟ ليش سوا فيني جذا !! ليش خدعني ..؟؟ شو كان دافعه ..؟؟هو الي تقرب مني .. هو الي تم يلاحقي باتصالاته لين ما تعلقت به .. و الحينه عقب ما سويت و سويت تركني ..من غير تفسير ...

بس تاكدت ان الايام كفيله بالتفسير الي سواه راشد فيني ...رفعت راسي يوم جفت امايه داش الحجره ..
سالتني: صليتي ..؟؟

هزيت راسي بمعنى لا ..
قالت: اخوج راح اييب العشى من المطعم ...الريايييييييييييييييل بيي عقب صلاة العشى بتعشون ...و بروحون ...يمه ما اوصيج..لا اتصيحين و اتسوين سوااتج..

ابتسمت لها ما تدري اني كنت اصيح علشان راشد...لكن الحينه حياتي مالها معنى ..ما في شي يصيحني ..ولا في شي يونسني ...هذي قوانين الحياة .. و نحن بشر نمشي عليها ...

و الي يظهر و يتعدى هالقوانيين يكون جزاته مثلي ..طلعت عن القوانين و حاولت اهرب مع راشد .. و علشان جذا خذت جزاتي و بانت نوايا راشد..خدعني ...احسن شي اني ما عطيته بطاقة البنك...بس اشك انه كانت اتهمه البيزات اكثر ما كان يهمه جرحي ..

امايه: تبين حايه..

قلتها و انا انش من ع الشبريه : لحظه ماماتيه..

رحت صوب شنطتي و فتحتها و ظهرت بطاقة البنك : خلي بطاقتي عندج ..

امايه: شو هاي ..
خذت نفس: بطاقة رقم حسابي مهري موجود ..بها الحساب ..خلي البطاقه عندج ووقت ما احتاجها ..بخذها منج..

امايه : ان شاء الله الله يهديج..

راقبتها تطلع من الحجره مستانسه ...ماشي فايده ادور راشد ..و اشتكي و اطلب منه تفسير ..خلالاص يا راشد...كافي خدااعك لي و هروبك.. و مواااجهة اخواني ابروحي .و غير المذله الي ذليت بها نفسي عند المطار ...

.اتخليني ابتعد عنك ..وماا ارجع طريقك موليه..كافي البارحه ...الحاله الي مريت فيها ..البارحه في بيت يدتي خلتني ..امسحك من حياتي ..

و ان كنت تحبني او حبيتني في يوم ...بقدر أخليك تتألم بزواجي من ذياب ... و ان كنت تخدعني و لك غرض ...ثاني ..في توطيد علاقتي فيك .... هم زواجي من ذياب بنساك موليه ...

و بحاول ارجع ثقتي باخواني ...الي ما جفت الوناسه بعيونهم بـ يوم عقد قراني ...

حاولت ابعد هالافكار من بالي ...فنشيت رحت اتسبح و كاني اغسل افكاري من بالي ...غمضت اعيوني و حسيت برجفه ..كيف بجابل ذياب ...كيف ..؟؟

اتمنى بس اقدر اسيطر ع المشاعر الي تحيي من تجوفه ...هذي انا بعدني ما جفته و احس بجسمي يرتجف ...الله يستر ...

طلعت من الحمام ... انشف شعري .. عقب ما خلصت صليت العشى ...طاحت اعيوني ع السده ..فتحتها جفت خاتم راشد الي هداني يووم تخرجي من الكليه ...شليته و اول مره احضنه بيدي بس بمشاعر مختلفه ... مب حب ولا شوق ولا الم ولا عذاب ..مشاعر خيانه و حقد....

كنت بالاول احسد ندى لانها محيره له..بس الحينه اشفق عليها لانها بترتبط بانسان مخادع اناني ...رحت صوب الحمام ... و فريت الخاتم في المغسله و اختفى من اعيوني ...و للابد.....طلعت من الحمام و حسيت برااااااااااااااااااحه ..كبيره ...صحيح ايام حلوه عشتها مع راشد..

بس شو فايده هالاشياء الحلوه بالدسه و من ورا اهلج. و الناس..مالها طعم ..يمكن بحن له و بشتاق له في يوم ...بس زواجي من ذياب بيكون حاجز عود لـ هاي المشاعر و الاحاسيس ..

طالعت باب حجرتي ..يوم انفتح و كانت حصه ...
قالت لي : الريايييل يتعشون يعني عادي باي وقت بيرحون ..

رحت صوب التسريحه ..امشط شعري ...يتني حصه تعالي بسشوره لج..
قلتها: شعري يحتاي استشوار ...

حصه: ههههههه لا ما يحتاي بروحه ما شاء الله جنه حرير ...بس خلينا انشفه من الماي ...

قلتها : انتي غير حصه ما بحط في بالي انج بتحسديني بس ...لو كانت شيخاني ..هي لانها دوم اتييره قطعته لي ..

حصه: ههههههههههههه انتي بعد ما اتقصرين فيها ...

شوق : احس بشعور غريب
حصه مندمجه بتسريحه شعري : مثل .

شوق: مدري ...كيف اقولج...احس اني مجروحه بداخلي شرخ كبير بس بنفس الوقت ..شي مكان للوناسه للحياة اليديده ..

حصه: شوقاني ما فهمت شي ترا !! منوه جرحج..؟؟

تنهدت عاد ما اقدر اوضح لج اكثر ...سالتها: حمودي من زمان ما جفته ..

حصه: هههههههههههه امفضح سعيد في ميلس الرياييييييييييل ..حرج علي ..فطرشته بيت امايه ..
قلتها و انا اتذكر شيطانته: فديته و الله ...

عقب ما خلصت حصه ... يلست اتحط لي مكياج ..قالت لي : بحط لج خفيف .ولا تبين وايد..

قلتها: مدري ..شو رايج..
ابتسمت: الخفيف احلى عليج..لان ما شاء الله عليج ما يحتاي ..

قلتها اتطنز : ما يحتاي ترا خال ندى جايفني اكثر عن مره بالصدفه ..يعني ميكاب ولا غيره ..يعرف شكلي زين ماا زين..

حصه: هههههههههههههههههه ما عليه بحط لج خفيف بس صوب عيونج بكثر علشان اظهر جمالها .
اتنهدت : حصه لا اتخبلين فيني سوي الي بتسوينه ...الا هوه خال ندى ..

حصه: ايه لا تفضحينا جدامه و اتقولين خال ندى ...اتعلمي تزقرينه باسمه..

قلتها اتطنز: احاول ..

خلصت حصه ..و قالت مستانسه: روعه انتي الحينه قطعه ..

يلست اطالع نفسي فـ المنظره ...مهما كان المكيااج ع ويهي و مهما ابتسمت بس لمسة الحزن موجوده فيني امبينه علي ...اتنهدت و انا اتذكر خيانة راشد ...

حصه و كانها تقرا افكاري: امايه محتشره ليش اتسون عشى و ملجه وراشد محد...قلتلج رايح دوره بالسلع ..

قلتها بألم : البس بدلتي ..؟؟

حصه: هي لبسيها بروح ازقر شيخاني اجوف شو بتقول عنج.

وربعت برع ..لبست بدلتي ...يلست ع الشبريه ..لمحت البكس الي يابته لي ندى من جم يوم ...طلعته من تحت الشبريه.. و حطيته فوق و فتحته ...شهقت يوم جفت متروس اغراض ...ما توقعت هالكثر ...كنت بصكره ..بس دشت حصه..متفاجاه مثلي بالهدايا .

سالتني: زطيه ليش ما اتراوينا.

قلتها: توني بس افتحه ...يلا بصكره مالي نفس اجوفه الحينه ..خليني افتك من كل ها و ارقد و ما احس بالدنيا موليه .

حصه اتنبش بالهدايا : صبري صبري ...و ظهرت علبه مجوهرات ...فجته
شهقت يوم جافته: رووووووووووووووعه جنان شوق ..

طالعته ما انكر وايد عيبني و حسيت له بريق غير ...و شي رايق : قلتها هي .

حصه وقفت: لبسيه بستانس عليج..

وقفت ابسرعه: لا لا شو بيقول زطيه..
حصه محرجه: شو زطيه هديته هاي ..يلا لبسي .

لبسته بس لاني جفت حصه محرجه ...دشت اامايه و لحقتها شيخاني عيبهم شكلي .. و كشختي ...
شيخاني: اول مره بحياتي اجوف شوق مرتبه و كاشخه ..

قلتها: هي هي هي احلى عنج..

شيخاني: من زينج قاعده اجاملج انا عن اتصدقين روحج ..
حصه: ههههههههههه

امايه: بس عاد ..مالقيتوا غير هاي الحزه بتضاربون فيها ..


حسيت ان روحي بتطلع يوم سيفاني فتح باب الحجرة و امرني : يلااا

امايه: شوي شوي ع اختك عروس هاي ...

طالعت سيفاني و حسيت انه فكر بالي انا افكر فيه يوم حاولت اشرد و اسافر ...كنت بصيح و بقوله لا اتعاملني بها الطريقه ...بس الوقت ما كان مناسب ..


رحت بخطوات ثجيله و بطيئه و كاني كنت اتمنى يصير شي ما يخليني اطلع من حجرتي ...بس هذا الواقع و لازم اتقبله ...

قلته بصوت واطي : انا ما ابا اطول معاه ..
طالعني بنظراته الحاده : شوووووووه

سكت زخ ايدي و يييرنـي امنزلني من الدري كنت احس انه يعاملي مثل الوحده المجبوره و المغصوبه ع شيء . و كأني ها مستواي ..كنت بزخه و بضربه بس خوفي اكبر بكثير ...يا ليت سعيد الي يااه و خذني ...دورت بكل مكان بعيوني في بيتنا ادور ابويه و سعيد..بس جفت كل شي فاضي ..كل شي مثل الفراااغ ...

وصلنا عند باب الميلس وقفت ...و انتبه سيفاني ...ووقف يطالعني رفعت راسي و عيون مليانه خوف و ربكه ...كنت اطلب منه يعاملني بالزين و يحن علي ..بس كنت اواجه عيون جاسيه ما اتعرف يا اخوي ارحمني ...

امرني : دشي .

ارتجف و كنت بقوله خايفه بس ما عطااني فرصه ..فج باب الميلس و ييرني معاه .. جني ذبيحه ..اكرهك سيفاني ..و اكره الي اتسويه و الي سويته فيني ...وين سعيد وينه ...؟؟ بس اكيد بعده زعلان علشان جذا ما ياه ياخذني بدال ها بو قلب صخر ...

دخلت الميلس ..

ييرني سيف صوب ذياب الي وقف من جافني ..ما رمت احط عيوني بعينه ..صديت الصوب الثاني ..حسيت انه مد ايده لان سيفاني قال : سلمي شوق ..

كنت احس ان ممكن يغمي علي باي لحظه ..فمديت ايدي مغصوبه..كل شي بالغصب ...حسيت بلمسته ..الي تاهت في حضن ايده ..
سمعت صوته الرجولي : جيف حالج شوق ..
همست حتى شكيت انه يسمع حسي: ابخير ..

حسيت ان مر دهر و يدي زاخه ايده..ييريتها ع طول ..
سيفاني: استريح ..بو مهره ..

استانست ع بالي بظهر بس تفاجات يوم سيفاني قال : شوق يلسي بلاج..

بلعت ريجي ..و انا كلي خوف .يلست بعيد عن سيفاني و ذياب ...نزلت راسي بالارض لو كان راشد كان الوضع اختلف .. عاتبت نفسي ...خلاص راشد لازم انساااه ..عقب الي سواه فيني ..انتهى من حياتي ...حطيت له علامة اكس و من كل خاطري ...

كنت احس بالثانيه ساعه ... كان الهدوء هوه سيد المواقف بها اللحظه... انا حرم ذياب !! معقوله ..توني بديت احس و خاصه يوم وقف سيفاني و قال: اخليكم ع راحتكم ..

كنت اطالعه بعيوني اترجاه يتم ابمكانه ..بس فاجاتني ابتسامته ... و كان امبين ع ويه انه مرتاح .و يبا يغايضني....عطاني مقفاه و ظهر من الميلس ...فكرت اشل ابعمري و اتبع سيفاني ... بس ريولي ابد ما طاوعتني انا و ذياب تمينا ابروحنا في الميلس بلعت ريجي ..اتخيلوا انا هو بس بروحنا ....تميت اموطيه راسي بالارض قاعده العب بطرف شيلتي ...

توقعته يرمس يتكلم ..بس تم ساكت شو سالفته ..؟؟ هاه شكله واحد بارد و بليد..خذت نفس طويل و هو ساكت و انا ساكته بس لي متى ..مليت ...يلست انافخ ..من تحت لـ تحت ..حسيت بالغيض بداخلي شو يتريا ليش ساكت ..

رفعت راسي من باب الفضول اجوفه الريال ليش صاخ و ما يرمس ...تفاجات يطالعني و ابتسم يوم طاحت عيني بعيونه ..حسيت الدنيا اتدور فيني فصديت الصوب الثاني ابسرعه و جنه حد صفعني ..

سالني : شو اخبارج شوق ..؟؟

بلعت ريجي حسيت انه متعمد يحرجني ..كنت برد عليه بس ظنين ان فقدت صوتي ..وللابد فتيمت ساكته و صاده الصوب الثاني ...

رقع قلبي يوم جفته وقف و ياه صوبي .؟..صديت صوبه خايفه ..ياه و يلس عدالي ..ابتعدت عنه ..
سمعت ضحكته: ههههههههه ليش تستحين ..؟؟؟ ما باكلج ..

مدري ليش طالعته .. و كأني اول مره اجوف شكله من جريب وايد غير ...يشبه مهره وايد...شكله حـلو ..ملامحه دقيقه و كأنها مرسومه ...كنت قاعده تاامله ناسيه نظراته الي كانت علي ..فنزلت راسي بالارض مدري ليش قلته: انت الحينه خال ندى ..؟؟

رفع حياته مستغرب : ليش اول مره اجوفيني ...؟؟

هزيت راسي بمعنى لا و اتلومت ..لاني تذكرت النظرات الي كانت من بينا ..بس كنت احسبها نظرات عابره ما بتكون فـ باله ...
همست: شكلك غير ..

قال جنه يتمصخر علي : ليش مب حلو !! شكلج متروعه مني ..
ابتسمت له و طالعته ..تعليقه ضحكني ..بس ما بغيت اضحك ابصوت عالي ...

رد سالني : شسوي هاي خلقة ربي ..بس اضمن لج عيالنا بيكونون حلوين شراتج ..كافي جمالج ..
طالعته مستغربه امبطله اعيوني ..ها ما يستحي ع ويهه يرمسني عن العيال شو ها وايد جريء ..ما توقعته جذا ابد ..\

انحرجت من كلامه .و حسيت ان ويهي صار شرات الاشاره الحمره ..

.قلته بصعوبه: تو الناس ..
استهبل عيل : شوه تو الناس ..
حسيت اني بموت من الاحراج ..فنزلت راسي ..و حسيت اصابع ريولي احترقت من كثر ما احفر فيها الزوليه من الربكه ..

رد علي و كأنه مستانس : ادري تو الناس ... كافي علي مهره امطفره فيني ...
ما رمت ارمس بعدني متوتره بس هوه عادي ماخذ راحته ...
ابتسم لي : ..اباها تكبر علشان تعقل شويه ..

و قال : انا مقتنع و حاس انج انتي من بد هالكون بكبره بتتحمل شيطانتها و بتحبها..

شو ها وايد يسولف ما توقعته جذا ... ابد ابد ما يخصه بالفكره الي محطتنها فـ بالي .. صدق من قال لا تحكم ع الناس من اشكالهم....بس ابتسمت لاني تذكرت حمودي بس عقب عضيت ع شفايفي ها متزوجني علشان اربي بنته ..الله يغربل السالفه..انا الي يبته لـ عمري ..محد قالي و الله استاهل ..ما تخيلت اني اخذ واحد و عنده عيال ...


رفعت راسي اطالعه يوم وقف و كأنه اعلن عن انسحابه ووقت روحته...مدري ليش ياني شعور اني ابا تم معاه اسولف ...بس طردت هالفكره من بالي ووقفت ابسرعه...يالله شي فرق من بينا ..طويييييييييييييييل ..انا الي دوم يسمون النخله جدامه اطلع حشيشه ...ضحكت ع الفكره الي يت في بالي ...

سمعته يقول: انا بسير الحينه...ان شاء الله بيي وقت ثاني .احس لو تميت زياده شي بصيبج .... و مبروك ثاني مره يا العروس ..

نزلت راسي ..ما عرفت شو ارد له.صج قفطت .كأني في حـلم ..رديت لورا يوم تجدم مني خفت..حسيت ان قلبي بيطلع من مكانه .. ما رمت ارفع راسي اطالعه او احط عيني بعيونه ... حمدت ربي يوم جفته تجدم رايح صوب الباب ..

و قبل ما يظهر قال : مع السلامه ..

طالعته جفت بعيونه وناسه و راحه ..

خلتني ابتسم له فهمست : مع السلامه ..

فاجاني: اخيرا تكلمتي ..عيل كل مره بوقف عدال الباب علشان تاخذين راحتج و اتسولفين ..
انحرجت ..عفانا الله ها الانسان يحاسب ع كل شي ..؟؟ يدقق ابككل شي يحليلج يا ندى ...
وقفت عند باب الميلس ..

جفته فتح باب الحوي و ظهر ..رديت داخل الميلس يلست مكان ما كنت يالسه قبل ....و رفعت اريولي فوق اضمها ... و كـأني امنعها من انها ترتجف..طالعت مكان ما كان يالس ..شكله ريال مرتاح .. و يدور الراحه ..بلعت ريجي اتذكرت الي كنت بسويه البارحه ..فيلست اصيح احس اني ما استاهل هالانسان موليه .. و كأني الحينه قاعده اخدعه ..

حطيت ايدي ع يبهتي افركها و كاني ابا امنع ها الافكار الغبيه الي قاعده تترس راسي .؟..انفج باب الميلس فجاه ..صديت جفت شيخاني و حصه داشات علي مستانسات..

شيخاني : كوولولولولولولووللولولولوش...

حصه : ههههههههههههههههههههههه

شلت الوساده مالت الكنبه و فريتها بويه شيخاني بكل غيض .

.فزختها ابيدها : ودي اردها لج بس اليوم محد يقولج شي ..عروووووووووس

قلتها: هي هي هي ..نكتي

حصه يلست عدالي: شو شوق شو جفتيه ..شو كنتي اتصيحين !!
شيخاني : خلاص اتعودت ع الصياح هذي ..حبيبتي تقبلي الواقع صاار ريلج خلاص ..

وقفت ..و فسخت الشيله بعصبيه و فريتها بالارض و قلت بغيض : شو ها الريال ما يستحي ..

حصه مستغربه: ما يستحي !!
شيخاني شهقت تستهبل: ليش لحق يسوي شي تو الناس ..

طالعتها ابعصبيه: انتـــــــــــــــــــــي ايه لا تستخفين دمج علي ..

حصه: هههههههههههههههه بلاج امحرجه شوق ...

يلست اناافخ: اتصدقين ..قاعد يسولف لي عن العيال ..شو هاه ..
شيخاني: شو فيها ..يبا عيال الريال عيل حق شو متزوج ..

طالعتها: شو شو فيها ..تو الناس ...شو ها ما يستحي ..

حصه+شيخاني جنهم يتسلون: هههههههههههههههههههههههههه شو قالج بعد ..

طالعتهم بنظرات عرفت انهم قاعدات يتمصخرون علي ..فشليت شيلتي

و قلتهم: ما يخصكن...

و طلعت من الميلس بس هن تمن يضحكن علي ..و انا ماسكه عمري ..فجيت باب الصاله محرجه ..بس اختفى كل شي يوم جفت سيفاني و سعيد و باباتيه و ماماتيه داخل الصاله...حسيت بالاحرااج ..

نش باباتيه من جافني و ياه لوى علي و كأنه يبارك لي ..حتى امايه جفتها طايره من الوناسه ..و قامت اتبوسني و تضحك... بس سعيد و سيفاني موليه ما جفت بعيونهم ذرة وناسه ...

وقف سيفاني : يلا انا بروح ..تبين حايه امايه .
امايه : سلامتك يمه ..

و كانه تطمن علي خلاص اني ما بشرد مره ثانيه ... سرت صوب الدري رايحه حجرتي ..
سمعت امايه: تعالي اتعشي ..

قلتها و انا اكمل طريجي : ما اشتهي ..

نظرات سيفاني و سعيد لي ..كافيه اتخليني اكرهه حياتي و استحي من الي سويته ..هم لو دروا ان راشد طرف ثاني بالسالفه شو كان بيصير يا ربي ...؟؟ كل شيء بنهد فوق روسنا ...اشك حتى علاقه سعيد و حصه بتتاثر ..خلوني ساكته و منطمه افضل لي ...

دشيت حجرتي ..جفت موبايلي ...مسجات و مكالمات ..ها الموبايل ..بدايه طريجي الغلط مع راشد.. شليته و فريته باليدار بكل قوتي .. ..فطاح عالارض و اتكسر ..يمكن هالشيء يشفي غليلي ....رحت صوب التسريحه.. بطلت شعري .. و غيرت ملابسي و اتغسلت..
انسدحت ع الشبريه و ولوويت ويهي بذراعي عل و عسى انخمد ..و يمكن اموت بها الحزه و افتك من الدنيا و من بلاويها...شلت ذراعي يوم جفت سعيد داش علي الحجره..نشيت من ع الشبريه و رحت صوب ..الدريشه ..اوني معصبه ..و محرجه مع اني بموقف ما يسمح لي اسوي ها السوالف ..

اتجتف و انا احاول امنع أي دمعه ممكن اتخوني و تنزل ع خدي ..بسني بسني صياح ... لاعت جبدي و الله العظيم .لاعت جبدي ..صلبت جسمي يوم حسيت به يتقرب صوبي ...

وقف جريب مني سالني : شو اخبارج..؟؟

رديت و انا بعدني واقفه ابمكاني: زفت ..

سالني بجديه: ليش ..؟؟ ما اندمجتي مع ذياب ..

قلته و انا انافخ: امبلي انددمجت ..و ارتحت له بعد..

مدري حسب اني اتطنز عليه ..او اتكلم جد..: عيل ليش متضايجه..و مب مستانسه ..
افتريت صوبه و يلست اصيح: تباني استانس ..و انا اجوف بعيونك و عيوون سيفاني الحزن ..و الهم ..

ردت فعل سعيد خلتي اعرف انه ما توقع يكون جي ردي .ورحت صوب شبريتي ويلست غطيت اعيوني بيدي و يلست اصيح..ما قدرت اكتم هالشيء خاصه جدام سعيد ..ياه و يلس عدالي
سعيد: من قالج اني مب مستانس ..

تمت اصيح مب رايمه ارمس ..
قلته: زين انا غلطانه بس حرام اتسوي فيني جذا..حتى سيفاني يعاملني كأني وحده مسوده ويوهكم ..
قالي : ليش الي سويته شويه..؟؟

اضطريت اجذب عليه: انا ابروحي عرفت اني غلطانه علشان جذا رديت البيت من نفسي ..و لو ما فكرت فيك ولا في اهلي ما كنت ملجت اليوم "ورجعت اصيح و كملت" بس نظراتك انت و سيفاني تذبحني ..

سكت شويه يوم لوى علي بس كملت: ابرايه سيفاني متعوده ع عصبيته و غلاسته..لكن انت ما اتحمل اتسوي فيني جذا حرام عليك ...

سعيد و كاني كسرت خاطره: شوقاني بس لا اتصيحين ..
بس انا ما رمت اسكت ...قلته: انا تزوجت علشان ارضيكم بس الظاهر مب عارفه كيف ارضيك ..انت بالذات سعيد..

سعيد: كنت اتمنى انج تزوجني ذياب عن قناعه مب علشان ترضينا..
يلست امسح دموعي و اقوله: رضاكم واحد من الاسباب الي خلتني اوفق عليه ...

فرني صوبه و قالي : و الله يا شوق الي سويته ..صدمني وايد..ظنيت اني ظلمتج يوم وافقتي ع ذياب تحت ضغوطات ..علشان جذا انا متضايج..اخاف اني اجبرتج ع زواج و من غير اقصد بانسان انتي ما تبينه ..و ظنيت هروبج السبب الاول بسببي ..

حطيت راسي بحضنه و يلست اصيح: انا مرتاحه بقراري .. بس ميته و انا اجوف نظراتك جي ..حرام عليك ..سامحني ..انا غلطت و استاهل كل الي بييني منك وز من سيفاني .. بس ما اتحمل تعاملني جذا ..

حسيت بعطفه و حبه الاخوي لي يوم لوى علي و قال: و الله اني متضايج بس لاني خايف اني زوجتج انسان ما تبينه ..

رفعت راسي اطالعه : انا اباه و ارتحت له وزياد ه يوم جفته ..
رفع شعري من ع يبهتي و ابتسم: علشان جي يت ارمسج ..كنت ابا اتطمن عليج..
ترجيته: سامحني ..
سعيد: حياتي واثق منج .. و من تربيتج..بس حافظي ع حياتج ولا تهدمينها بيدج ..

هزيت راسي بمعنى اني موافقه ع كلامه ..حسيت بالراحه يوم جفت نظراته تغيرت ..من صوبي ..جفت الي كنت ادور عليه من ساعات ..الوناسه و الراحه ...

وقف: يلا انزلي تعشي ..علشان امايه ما اتحس انج مب مرتاحه..ترا يوم دشيتي الصاله من ساعه ..كان امبين عليج انج مقهوره..

ابتسمت له: زين علشان خاطرك بس بنزل اتعشى ..
سار صوب الباب و لمح الموبايل متكسر ع الارض ..نزل و شل قطعه: شوو هااا !!

ابتسمت بخجل: شويه تعبير ما يجول في خاطري ..
هز راسه و قال : الله يعينـا ..يوم جي اتعبير ..

ضحكت: ههههههههه

ابتسم و ظهر من حجرتي انسدحت ع شبريتي اطالع السقف الحمدلله ..اني قدرت اقنع سعيد.. وزين انه تفهم و رضى عني عكس السيف ..الله يعيني عليه ..

نزلت تحت مثل ما وعدت سعيد..جفت امايه و حصه و شيخاني قاعدات يتعشون.,.
شيخاني: ويه باجي اسبوع و بنفتك من الامتحانات ..

حصه: وين ناويه عقب الثانوية..
شيخاني: وين بعد بيت ريلي ما ابا ادرس خلاص لاعت جبدي ..
حصه: بدور ناويه اتروح التقنية ..

امايه: روحي التقنيه شو اتسوين قاعده فـ البيت ..
شيخاني تمضغ اللقمه: ما اريد هذيج شوق خلصت التقنيه..ما حصلت لا وظيفه ولا غيرهاا ..

يلست من بينهم: انا بروحي ما قدمت اوراقي ...و بعدني توني الا مخلصه ..ها الكورس ..
امايه: شوقاني ما يحتاي تتوظف ما شاء الله ريلها عنده الخير ..

سكت ما رديت رغم ان نظراتهن تتريا ارد علي امايه بس طنشت و يلست اكل ..
شيخاني: سعيد شو يباج طالع من حجرتج اجوف..

طالعتها: ما يخصج..

شيخاني: من زينج..

قلتها: احلى عنج..
حصه: و ابوي ..ردينـا ..
امايه: بسكن عاد باجر كل وحده بتعرس و ما بتجاوفون ..
شيخاني واقفه: الحمدلله ...احسن الي يجوف ويه شوق وين بييه الخير ..

حرجت من كلامها: ما يخصج فيني ..
حركت شيخاني حياتها اتغايض فيني ..صج كنت بقوم و بضربها لانها استفزتني من الخاطر ..بس هي ربعت فوق رايحه حجرتها ..

امايه: هههههههههه الله يصلح من بينكم ..
دش سعيد و حمود الي عفد لـ حصه
حصه تلوي عليه: فديتك وحشتني ..

حمودي: بابا وداني الدكان ..
حصه: عيل انت شو حياتك غير اكل الدكاكين..تعشيت في بيت ماما حليمه..

حمودي: هي كلينا وايد اكل ...
ابتسمت نشيت من مكاني و بسته بخده بقوه..تضايج حمودي و يلس يمسح خده بقوه : يااااااااااااااع

حصه ضربته: عيب \

اما انا و امايه ضحكنا عليه : ههههههههههههههههه

قلته: باجر بتييك مهره و بتغسل شراعك ..
تذكرت سعيد واقف وراي فقال: من الحينه وقفتي بصفهم ..

ابتسمت بخجل ..وربعت حجرتي ..قبل ما افتح باب حجرتي تذكرت باباتيه ..ربعت صوب حجرته ..فتحت الباب جفته قاعد ع الكنبه شكله كان يطالع التلفزيون بس الحينه رقد..يتي صوبه ..\

همست و كاني خايفه ازعجه مع اني اعرف انه مستحيل يسمعني : باباتيه ..؟؟ بابا حبيبي ,..

زخيت ايده احركه بس ما تحرك..ابتسمت فديتك ..جنه ايام ما رقدت ..يلست اهزه علشان يقوم ..يروح يرقد بفراشه ...قعدت اهزه ..عقدت حياتي و حسيت قلبي توقف يوم جفت جامد ابد ما عنده احساس ,.,,لويت عليه و ارمسه بصوت عالي : باباتيه نش ... باباتيه ..

بس شكيت ان باباتيه صابه شيء ...يوم جفته ابمكانه و مب متضايج مني او مخربه عليه رقاده..بلعت ريجي .. و ربعت برع حجرته ...وقفت باعلى الدري و انا اصرخ : سعيد ..سعيــــــــــــــــــــــــددد

سعيد وقف متروع : شووو

يلست اصيح : باباتيه ...

وربعت داخل حجرته ثواني وجفت سعيد واقف عدالي ..سعيد امبين من صوته الخوف : شو بلاه ابوي ..
كنت اصيح: ما اتجوفه اقومه من ساعه مب راضي يتحرك ...

وصلت امايه اتنافخ و شكلها مب رايمه ترمس من التعب: شو شو مستوي ..
لويت ع امايه: باباتيه ما يتحرك..

سعيد و كأنه ما يبا يخوفنا: يتنفس ..

امايه تستنتج: يمكن من حبه الي عطيته لها ..سيفاني قال بترقده ..
صرخت : شو تتريون يلا انوديه المستشفى ...اتصل بسيفاني ابسرعه ...

كنت احس بعمري شرات الخبله ارتجف ...حاول سعيد يشيل ابوي بس ما قدر لان جسمي مستوي ثجيل ..ربعت اتصل بسيفاني ...بس شيخاني كانت اتشاهد الموقف من بعيد و اتصيح بخوف و هي اتصلت بسيفاني ع طول ..

امايه ما بين الي مب مصدقه و مب عارفه تصرف : تاثير الحبوب هاه..
سعيد: اول مره تعطينه ها الحبه ..؟؟

امايه: هي ..

كنت يالسه ع ركبي و زاخه ايدي ابوي و اصيح ..و ادعي بسري ان باباتيه يككون بخير ..وقفت يوم سمعت صوت سيفاني وراي : شو بلاكم..؟؟
سعيد: تعال شيل معاي ابوي بنوديه الطبيب ..ما يتحرك..

حطيت ايدي ع قلبه و قلتهم و انا اصيح: قلبه يدق ..
سيفاني سال امايه: عطيته الدواء ...

امايه كانت ميته من الخوف : هيه الحبه الي قلتلي بترقده..

سيفاني و كانه ارتاح: ما عليكم ترا قال لي الطبيب بغير له الدواا و بيكون مفعوله قوي ..
ما كنت مقتنعه بكلام سيفاني يلست اصيح: ما يخصني ودوه المستشفى بتجتلون باباتيه ..

سعيد يعاتبي : شووق ..

رديت عليه : شووو ما اتجوف حالته جنه ميت ما يتحرك ..
سيفاني طالعني بنظرات حاده بس هالمره ما خوفتني لان شي ثاني مخوفني اكبر من خوفي له صديت عنه و لويت في باباتيه..

سيفاني: ما فيه شي ابوي ابخير ..خليه يرقد لا تحشرينه ..
ابتعدت يوم سعيد و سيفاني تساعدووا و حطوا باباتيه في فراشه ..
قلته : اذا صار في باباتيه شي انتوا المسؤوولين ..

وربعت حجرتي اصيح ...ما اتصور جي سيف و سعيد باردين باباتيه حالته تكسر الخاطر ...ما تحملت اتم في حجرتي ..ومن غير ما اعرف شو حال ابوي ...عقب ربع ساعه طلعت من حجرتي ..ورحت حجرة باباتيه ..جفت امايه قاعده اتراقبه ..انقهرت لان سعيد و سيفاني ما سوو سالفه حق ابوي ...خلوه مثل ما هو طايح.. من دون حراااك ..متأكده باباتيه فيه شي ..

امايه: شوق ؟؟

قلتها و انا اصيح: تعالي انودي بابا الطبيب ..
امايه: يمه قلتلج ما فيه شي ها تاثير الدوا..
قلتها : لا تعطيه هالدوا مره ثانيه ..شو تبون تجتلون ابوي ...

يلست اطالعه ..ما تحملت يلست اصيح بصوت عالي ..يت امايه و لوت علي ...
امايه: لا اتسوين جذا اتخوفيني معاج و اتخوف اختج باجر عليها امتحانات ..

قلتها و انا اتقطع من الصياح: اخاف صايبنه شي و انتوا مغترين بـ مفعول الدواا ..
يلست امايه بمكانها ع الكرسي الجريب من شبريه باابابتيه : ما تجوفينه يتنفس عادي لا اتروعيني الله يهداج...

تحركت ورحت رقدت صوبه و لويت عليه قلتها: انا برقد هني اتطمن عليه بجوف باجر شو بيصير .."وصحت" و الله ما بسامحكم كلكم..

من قلت هالعباره يلست امايه اتصيح..حسيت بتأنيب الضمير ..ان قلتها هالعباره وكاني قسيت عليهااا ..بها الليله ..ما رقدت زين..كنت ارقد شويه و ارفع راسي اطالع باباتيه الي كان راقد بنفس الوضعيه ابد ما تحرك ..

لمحت امايه جفتها انسدحت ع الكنبه غمضتني ..بس لا تلوموني خايفه ع باباتيه يصيبه شي ..كيف بتكون حياتنا من دوونه ..؟؟ ابد ما اتخيل..؟ اني انش الصبح..من غير ما الوي ع باباتيه ..؟يلست اصيح بصمت ..

ما ياني رقاد... فتشت عن قران جريب .. و يلست اقرا و اقرا لي ما حسيت بالراحه و انخمدت من غير أي شعور بالي حولي ..

فتحت اعيوني استغربت المكان عقب تذكرت اني راقده مع باباتيه ..تذكرت الي صار شهقت و يلست ..ابمكاني ادور باباتيه و ماماتيه ..محد موجود وين راحـوا ...

عفدت من ع الشبريه و ربعت برع ..اكيد ودوووه المستشفى قلتهم .. قلتهم باباتيه وايد تعبان ...نزلت الدري بسرعه ....كنت بطيح بس زخني سعيد الي كان صاعد فوق

سعيد: ها ها عن تطيحين..
ترجيته: شو قالوا عن ابوي ..
رفع سعيد حيااته: من هم ..

التفتنا انا و سعيد يوم صرخ حمودي ..طالعنا صوبه..حسيت الروح ردت لي يوم جفت باباتيه قاعد يلاعبه و حمودي يضحك بصوت عالي .

.دزيت يد سعيد الي كانت زاخه ذراعي و ربعت تحت صوب باباتيه ..لويت عليه و يلست اصيح .

.قلته: فديتك .. احبك و الله .؟..لا اتسوي فيني جذا مره ثانيه..

رفعت راسي اتامل باباتيه جفت الراحه و و معنى الحياة بعيونه حضنته مره ثانيه و بسته براسه ...
ابتسمت اكيد الحينه باباتيه ما عنده خبرر بلي صار البارحه .

.تذكرت عمري كيف كنت اصيح و محرجه ..
فيلست اضحك جني خبله: هههههههههههههههههه

قلته و انا امسح ع شعره: روعتني الله يسامحك..
سعيد: هههههههههه شوق خبله انتي .تضحكين و اتصيحين مره وحده ..قلنالج تاثير الدوا..

تلومت و حسيت اني منحرجه فقلته: كان يخوف .شكله فضيع..
قالي: انتي الفضيعه روعتينا كلنا ..

تلومت: شسوي كنت خايفه عليه ...

سعيد: ههههههههههههه
حمودي: باباتيه شلني ..
سعيد: روح ازقر امك قلها يلا بابا يتريانا في السياره ..

قعد حمودي يزااعج : ماماتيه تعالي سعيد يباج..

سعيد مستغرب : سعيد !!!!!!!!!
ضحكني حمودي: هههههههههههههههههههههههه

دشت امايه الصاله: ها عيل الحينه ضحكتج واصله الشارع ..
قلتها : ممرتاحه نفسيا ...بروح اتغسل ..
وربعت حجرتي ..سمعت سعيد يقولي ازقري حصه بدربج... بس حصه كانت ظاهره من حجرتها ابتسمت لها ..
حصه: خوفتينا البارحه..

ابتسمت لها ..ودشيت حجرتي ..قافطه شو اقولهم .. فشله لو دروا اني راقده البارحه مع مامااتيه و بابااتيه شو بيقولون عني .. بياكلون ويهي ...

دشيت الحمام اتغسل ...يا سلام الواحد يحس بالمتعه و الراحه بعد ما يتطمن و يرتاح من الي يخاف منه .. و هالي صار معاي و مع باباتيه ..

.فتح الكمبيوتر صار لي فتره ما دشيت اقرا قصص ..اتسلى ..خطر راشد فـ بالي ..لانه ما كان يرضى اقرا قصص ابتسمت مدري اتمصخر ع نفسي أو ع راشد اونه يغار ...قص علي ..خدعني حسبي الله عليك و نعم الوكيل ..بس ندى ؟؟ حراام ندى ترتبط بها الانسان ..؟؟ و الله ما تستاهله ..

بلعت ريجي انا شو سويت فيك علشان تخدعني ..انت الي بديت معاي و انت الي تجربت مني ..بلعت ريجي ..احاول اطرد هالافكار من بالي ..خلاص المفترض اني انسى هالانسان .. و للابد ..

يلست اقرا قصه اندمجت معاها .. ما حسيت الا الظهر يأذن ..طلعت برع حجرتي ...اليوم الجمعه ...ع بالي شيخاني راحت تمتحن ؟..الاسبوع الياي اخر امتحانتها عقب .. بعرس !!!غمضت اعيوني اتذكر ذياب ..كانه حلم البارحه يوم كنت قاعده معاه ...

.

رجعت حجرتي ..صليت الظهر عقب ما خلصت خطبة الجمعه ...نقزت يوم انفج باب حجرتي ..عصبت ماشي استئذان ولا احترام الخصوصيات في هالبيت ...

وقفت اطالع سيفاني الي تم واقف عدال باب حجرتي سالني : وين موبايلج ..؟؟

فريت سيادة الصلاه بعيد عني ..الحينه ما اتروم اتقول أي شي انا بذمة ريال ..يعني يا سيفاني هذاك زمان تضربني و تتحكم فيني ...
طالعتها و قلته ابرود: فريته بالزباله ..

طالعني مستغرب : بالزباله ..ليش ..؟؟؟
خذت نفس طويل و كأني متعمده اغايضه : بس جذا موبايلي جديم و رقم بطاقتي مليت منها ..كسرتها و فريتها بعد..

تجدم خطوه و حرج علي: ارمسي بالزين ...
يوم جفته معصب .. و يرمس بها الاسلوب الوحشي سكت و اصطلبت بيلستي ..طالعته بخوف ..
قال: أنا عزمت ذياب ع الغداا

طالعته من غير ما ارد و ليش يقول لي ...شو يباني اسوي ..
سالني: سمعتي ..شو قلت..

قلته بغيض: شو تباني اسوي زين ..ادق طبل ..

ثواني جفته واقف جريب مني و عطاني كف بحياتي ما بنسااه حطيت ايدي مكان ضربته و يلست اصيح ..
صك ع اسنانه و قال: عقب الي سويته بعد لج ويه ترمسين ...صج ما فيج ادب ..

كنت خايفه منه و متـالمه من ضربته ..بس ها كله ما منعني اني اصرخ عليه و اقوله بكل صراحه
بس كنت مغطيه ويهي لاني خايفه اييني كف غيره: انت مهتم بسالفه ذياب و تبا تلصقه فينا علشان ندى بس ..

زخني من رقبتي حسيت اني بموت ..مدري هل ردت فعله لاني قلت الحقيقه .. أو لاني ظلمته ..زخيت ايدي اصيح بصوت عالي ..حسيت ان روحي بتطلع حتى يوم زخني اني كنت بشرد من البيت ما ضربني جذاا ..
حاولت اصرخ: سعييييييييييييييييد ..سعييد..

بس ما كان صوتي ينسمع لانه احس نسخي خلاص ..مدري من وين طلعت امايه يلست اتصرخ و كأنها اترجع سيفاني لعقله
..امايه: هد اختك هدها اقولك ..

ابتعد سيفاني ورا ونشيت و انا اكح و اصيح واندسيت ورا امايه ..

سيفاني: هذي بنتج مب متربيه..
امايه محرجه عليه: ما يخصك فيها خلاص اختك ع ذمة ريال مب من حقك اتمد ايدك عليها..

كنت مقهوره منه فيلست اصيح و صرخت عليه : يا الحقييييييييييييييير لا اتمد ايدك..

بس ما كملت كلامي عفد علي من ورا امايه فيلست امايه اتصرخ ..لانها هي بعد خافت من سيفاني ..انا اعرف ان اصلا سيفاني كل الي قاعد يسويه فيني لانه بعده فيه غييض مني ..من الي سويته أول امس ...

ع صراخ امايه اخييرا وصل سعيد..الي دز سيفاني و خلاه يلصق باليداار ..
يلست اصيح: سعيد ضربني ..
سيفاني مب مهتم بوجود سعيد: جب لادوسج فـ بطنج

امايه اتلوي علي: صخي عنه لا اتراددين عن يجتلج

قلتها و انا ادفن راسي بصدرها: وايد يضربني وايد..

اتوقعت ان سعيد بعد خطر ع باله مثل ما انا كنت افكر من شويه ..ان سيفاني مقهور مني من الي سويته يوم كنت بشرد المطار ...علشان جذا ما ضارب سيفاني مثل كل مره ...بس زخه من ذراعه و ظهره من حجرتي ..

سعيد: تعال سيف برمسك ...

و سيفاني شكله النار الي شبت في صدره ما انطفت و ما اظن تنطفي في يوم ...

يلست ع الشبريه عقب ما ظهر سيفاني و سعيد من حجرتي و يلست اصيح ...
امايه: اموت و اعرف شو بينكم ..انتي و سيفاني ليش دوم تضاربون ها فهميني ..

كنت اصيح و اقولها : اسأألييييييه ..يعني انتي ما اتعرفين ولدج ..من فتحت عيوني لددنيا و هو داش يكفخنا و طالع يكفخنا ..

امايه جني غمضتها و انا اقول هالرمسه فلوت علي و يلست اتصيح..دشت علينا حصه .. الظاهر ان سعيد طرشها ..
حصه: خير شو صار ..

امايه اتمش دموعها: هذا ريلي عايش و جي يسون باجر الله اعلم شو بستوي ..
حصه: عموه لا اتقولين هالرمسه ..شوق خلاص لا اتصيحين ..
قلتها و انا امش دموعي: متى اموت و افتك من هالعيشه..

صاحت امايه اكثر يوم قلت هالعباره فطالعتني حصه بنظرات عتاب ..نشيت ابوس راس امايه
قلتها : سامحيني ..خلاص متى اعرس و افتك زين جي ..

امايه: و الله انكم مفشليني الريال داخل يبا يتغدا و انتوا هني تضاربون ...حسبي الله و نعم الوكيل ..
و نشت و طلعت من حجرتي ..تميت ساكته اطالع الارض

حصه: عموه بعدها متضايجه و زعلانه ...ما يصير جي .حرام الي اتسوه فيها؟..

رديت عليها بعصبيه: شو يعني انا السبب ..جوفي ها الثور يتحراني حيوانه كل ما يجوفني يضربني .؟..

ورجعت اصيح ..يلست حصه عدالي اتخفف عني
قلتها: يا ليت خطبني فهود ولد عمي جان بزول الكويت و ما بيي هني موليه..

حصه: ما تسمعج شيخاني بتستوي ضرابه ثانيه ..و تعال يا سعيد زخ ها و راضي ها..
ما توقعت كلام حصه يضحكني : ههههههههههههههه

حصه : شوق انتي خبله تضحكين و اتصيحين بنفس اللحظه..

طالعتها : حتى سعيد قال لي هالعباره اليوم .. شسوي ...الي يعيش بها البيت يتخبل ...
حصه: هههههههههه بس انا و سعيد نتطمش ..حلبه مصارعه ..

ابتسمت ع طنازة حصه: يا حظ سعيداان فيج و الله ..

انحرجت حصه و ضربتني ع جتفي : قومي قومي اتغسلي ...ولا اتراوين ويهج لـ سيفاني الين ما اتعرسين ..ولا ترا بشوهج...
رفعت راسي اراويها ويهي: شي علامه هني "و أشرت مكان صفعني"
هزت راسها : لا ماشي

ارتحت و قلتها: بعده البارحه يقولي انتي حلوه .. و الحينه بجوف علامات طراقات..بويهي
حصه: ههههههههههههههههههههه اممممممممممم متى ناويه تزهبين ترا ماشي وقت موليه ..عندج بس هالاسبوع ..

اشرت بيدي مب مهتمه و رحت صوب الكبت ادور شي البسه : ما لي خاطر ...

حصه: كيف مالج خاطر ...انا اليوم بحجز لج الحنايه و الصالون ...لكن الاشياء الثانيه لازم انتي اتساعديني فيها...ترا شيخاني مشغوله فـ امتحانتها ..

قلتها: خذي ندى اهي اتعرف شو احب و شو ما احب ..
حصه واقفه: ودري عنج هالدلع ...ترا بخبر لج ذياب ..

طالعتها :شو بيسوي فيني ..

حصه: مدري و الله بس احس شي انجذاب كبير من بينكم .. و غير انه له تاثير عليج قوي .
ابتسمت اتطنز عليها هذاك راشد اخوج مب ذياب قلتها: انتي تبالغين ...شو البس هالبدله ولا هاي ..

حصه: كل بدلات لبسي لج مخور ..
طالعتها : حـلو علي ..

ابتسمت حصه: هي سعيد كان يستانس علي يوم كنت البس مخور ..

راحت حصه صوب الباب ناويه تظهر :بروح اساعد عموه اكيد في المطبخ بروحها انتي تزهبي زين..

و صكرت باب الحجره .. و بدوري صكرت باب الكبت بعصبيه و قلت بكل غييض : ها سيفاني يتعمد يلصق ذياب فيني علشان اموت من الغيض ...اكرههك ..متى افتك منك ..

عفدت فوق الشبريه ..اطالع السقف ..متى متى بس ارتاح من ها كله ..الله يغربلك يا راشد بهدلتني و خليتني احلم .. و ابني احلام و آآمال...اندق باب حجرتي الحمدلله انه مب سيفاني لانه ابعمره ما دق الباب ...

قلت: الباب مفتوح ..

دش سيتي و بيدها جيس عقدت حياتي : شو ها ..
قالت: انا ما يدري هذا بابا سعيد يعطي..

خذت نفس طويل قبل ما اخذ عنها الجيس الظاهر من ذياب ...فجيته ابسرعه ..جفت علبه موبايل عقدت حياتي ..و قلت موبايل ..؟؟

فتحته ..اجود و اغلى انواع الموبايلات ..بس انا ما أحتاجه شو يتحسبني زطييه يايب لي موبايل بها الجيمه !! ولا يتخقق علي ..؟؟ زين ادري انه راهي و عنده الخير بس ماله داعي ..

.يلست العب فيه اخرتها فتحته ..تفاجات يوم جفت داخله بطاقه..و اول ما اشتغل ظهر بالشاشه "شوق ذياب " حسيت برجفه اتذكرني يوم كنت اجوفه او يكون جريب مني ..اتصيبني هاي الرجفه..فتحت الللسته ..ما جفت غير رقم موبايله امخزن ...و باسمه ....

فريته ع الشبريه ..انا ما كسرت موبايلي البارحه علشان حضرتك اتيب لي موبايل ..بس نقزت يوم وصل مسج..فتحته ابسرعه و احساسي يقول ان ذياب مطرشنه ..."مساء الورد و الشوق معطر بالياسمين"

ابتسمت ما توقعت ذياب من اجوفه احسه انسان جدي و ماله بهالسوالف تطلع منه الحينه هالعلوم ..يا سلام ..اسميني بعيش بعز قالوا الحب اييب السعاده و الراحه ..

و انا جربت الحب و ما ياب لي الا الجروح و التعاسه..خلوني اجرب المال و الجاه و الدلع ..اكيد هي الي بتعيشني بسعاده ..استاهل و الله استاهـل ها الدلال و المال و الهداايا ...عقب الي سواه فيني راشد .

.عضيت ع شفايفي ..الجرح الي جرحني فيه راشد للحينه بداخلي ..غمضت اعيوني بعصبيه وعدت روحي ما افكر فيه خلاص ... وقفت بعصبيه ..و طلعت لي ثوب مخوره ...و يلست امشط شعري و ارتب نفسي ... علشان اروح اسلم ع ذيــــــــــــــــاب ..

مـغـلاك وغــلاك لوتـشـوف شـكـثـر غـــلاك .......بتقـول ماخليـت شـي للغيـر مــن كـثـر غــلاك......مـاعـشــقــت انـــســـان بــالــكــون ســـــــواك ........انتـه حبيبـي يابعـد عمـري والله محـد يـسـواك.....مــاخــذ روحــــي وروحــــي كـلــهــا فـــــداك....عسـى بــس تـعـرف أن حـبـي مـاهـو لـسـواك

________________________________________
دشت عليه امايه اتقولي : تعالي تغدي ..
قلتها بربكه: ما ابا ..زين شكلي ..

امايه مبتسمه: صل ع النبي ..أجمل ما رات عيني ..

طالعتها بتشكك: تقصين علي جوفي ويهي امبين علي توني كنت اصيح..انا ما لبست و كشخت الا اقهر ولدج ..
امايه تجرب مني: الله يهداج يمه لا اتحطين راسج براس اخوج كافينا مشاكل ...يلا تعالي تغدي ..

قلتها: ما ابا ..ابروحي متروعه كيف بدش لـ خال ندى ..

امايه: انتي بعدج اتسمينه خال ندى ..
انتبهت: ههههههههههههه تعودت ..

امايه: عن تفضحينا و تزقرينه خال ندى ..
ضحكتني: هههههههههه لا ما بزقره انا موليه ما انطق بشي جدامه اتلوم ماماتيه ..
امايه: ههههههههههههه طالعه ع امج تستحين ...يلا ما غيرتي رايج ..

هزيت راسي بمعنى لا و قلتها : علشان ترتاحين بعد ما بيظهر بتغدا اوكى ..

امايه: اوكى..
ضحكت عليها: هههههههههه يا ويل حالي ..,
امايه: مدري عنكم هاي علومكن اوككى و مدري شوه ..

قلتها : ههههههههه بخبره ما ايي ثاني مره خلاص ماباجي شي حق العرس .
امايه ردت ابسرعه: عيييييييييب اياني و اياج اتقولين الريال جذا ..

ضحكت ع تهديها: هههههههههههههههه انتي صدقتي اقولج ما اروم ارمس بشي جدامه..
امايه: زين بعد يلا بجوف ابوج جان خلص غدااه ..بعطيه الدواا

قلتها و انا اتذكر سالفه البارحه: لا تعطينه حبة البارحه..
امايه: الله ما ايكرر هاليوم حشى ما رقدت ما ياني رقاد فوق الكنبه..

اتلومت منها لاني كنت ماخذه مكانها: ههههههههههه السموحه منج ...بس صج تروعت ..
امايه: ما عليج الحبه بياخذها فـ ليل بس ..ابرايج جان ما تبين غدا بطرش لج سيتي جان ذياب تغدا و خلص ..
قلتها : هيه لا اطرشين السيف ..

امايه: ما يهمج ..ابروحه اصلا ما بييي ...يلا بروح اجوف ابوج..

يلست البس الحلق و اتذكر بدور هالبنيه اختفت و مالها حس من بدت امتحاناتهم ..جان بخبرها بسالفة سيفاني خليها تنتقم لي ..ترا محد اييب راسك الارض غير بدور يا سوااف ...اتعطرت وخلصت و يلست ..ع الشبريه ...اترياا متى يخلص غدااه ...تذكرت البكس ماله طلعته من تحت الشبريه ...فتحته ..وايد اغراض ..ما جفت شي مناسب البسه له ..و قبل ما اصكر البكس لمحت علبة ساعه من ماركة ديوور..لبستها بيدي اليمين ..ما اعرف البسها بالشمال تعودت خلاص ..عيبتني وايد..شكل ذوقه راقي ..هالريال ...صكرت البكس ورديته مكانه ..لمحت موبايلي اليديد..خطر ع بالي اتصل بـ ندى ..اكيد تحاول تتصل فيني ..بس موبايلي كل يعطيها مغلق لاني كسرته ...ضربت ع رقمها و باخر رقم وقفت خفت لا اترمسني عن راشد و انا هالانسان ابا انساه و اشيله من بالي موليه و يا ليت بيدي شي امنع ندى من انه ترتبط فيه ..بس ما اقدر ...

و هي شكلها متعلقه فيه ...تذكرت يوم موزي امسويه عزيمتها كيف ندوي كانت مستانسه لان راشد وصلها البيت و غير اونه كان يطالعها بنظرات اتخبلت عليها ..خذت نفس طويل راشد يلعب ع الحبلين بس اموت و اعرف شو غرضه؟؟ تسليه ممكن ..؟؟ او شي ثاني ما اعرف ...؟؟

بس كيف رضى لنفسه يتسلى بوحده من اهله ..المفترض ما يرضى علي حاله حال خواته ...تذكرت غيرته ..زعله مني ..ع اشياء تغايض به..كنت احسه يحبني بس طلع نذل ..و ها الادامي ابد ما يستاهلني ... حتى ندى ما تستاهله ...بس ندى وايد متعلقه فيه شي طبيعي و هي محجوزه له من الصغر ...نشيت من مكاني و سرت صوب الدريشه فتحت الستاره ..جفت غيوم متناثره ع صفحات السماء ..بس الشمس كانت مطله بهيبتها البهيه ما قدر الغيم يقهرها و يحجب نورها ...

ها الجو رجعني لوراا خمس سنوات ...يعني كنت بصف ثالث ثنوي كانت بدايه السنه ... اممممممممم يعني ابو ندى و عمتها بعدهم ما توفوا بحادث ...لصقت راسي بالدريشه و غمضت اعيوني .. اذكر بها اليوم رحت بيت ندى..علشان اذاكر معاها امتحان كانت ندى مصره الا ايي بيتهم .. و انا كنت متخوفه من سيفاني و اذكر اشكثر امايه ترجته علشان يرضى اروح لي ما وافق اخيرا ...

ما كنت اعرف ان قوم ندى امسوين عزومه غدا..كانوا بس عازمين اهلهم ... اتلومت يوم سرت لها بعد الغداا ..و جفت قوم خالتها العوده .. ام فتون و خالها بعد اقصد ذياب الا هو ريلي حاليا و قوم خالوه حليمه الا حصه كانت في بيتنا ....

.رصيت ع ايدي يوم تذكرت حرمته الله يرحمها ..مدري ليش خطرت ع بالي الحينه ...بس اتذكر كانت توها عروس ...دشيت حجره ندى و

كنت متلومه : ليش ما قلتي ان اهلج امج موجودين ما كنت ييت ..لا بعد فتون علشان اتغار زين ما زين ..
ردت علي ندى باعتذار: شسوي شوقاني جان ماييتي ما بذاكر دروسي خذتج حجه ..اتعرفين يوم نتيمع ..يصير البيت ما شاء الله حشره ...

قلتها: ها مب عذر ..؟؟ ندوي فشييله متلومه انا !

ندوي: اسفه ما قصدي بس تدرين موزي و فتون و بدور هني و الله ما بذاكر شي ..انتي ادرى بها الشيء ..
حطيت ايدي على يبهتي و جني افكر: ليش
اتسوين عزومه جي ما خبرتي امج و ابوج ان عليج امتحان ..

ندي: خبرتهم ..حتى اقترحت اني اييج البيت علشان اذاكر معاج بس حرجت علي امايه ..
قلتها: زين ابرايه يلا خلينا انراجع ماشي وقت متى بنخلص ندوي..

يلسنا انراجع دروسنا ..ما حسينا بلاوقت .انصدمنا يوم مرت ثلاث ساعات ..
دشت موزي: حووو صلاه
ندى: بسم الله روعتينا..

موزي: خخخخخخخخخخ سوري شو ما خلصتوا ..

قلتها: بجى لنا فصل ...بنصلي و بنرجع انراجع ..
موزي: تعالوا خذوا لكم راحه ..شو قلتوا ..؟؟

ندى اطالعني فطالعتها بنظرات افهمها اني ما ابا اقعد ما فتون ..
ندى: لا بنمل علشان انخلص ابسرعه ..
موزي: يلا عاد عشر دقايق الا هي ..ترا امج طرشتني لج و الله .
ندى اطالعني و كأنها استسلمت :- خلاص بنيي عقب ما انصلي ..

موزي تغمز لها : راشد قاعد معانا ..
ابتسمت ندى و كأنها اتفرها بالكتاب : موووووووووزي
انا و موزي: هههههههههههههههههههههههه

صكرت موزي الباب ابسرعه ..
ندوي: من جذا امايه تباني اقعد معاهم علشان راشد..

عقدت حياتي : شو مب جايفنج قبل .ولا اتخااف لا ايغيير رايه اذا جافج..
ندوي: هههههههههه لا ما بغير رايه ..انا من انولدت و انا اسمع خطيبة راشد يعني لو شو سوا ما بيقدر يغير رايه..

قلتها: و ابوي انتي متعلقه فيه..
ندوي اتهز جتفها: مب سالفه متعلقه بس مرتاحه ..من اهلي .. و غير انه رفيج خالي .."صكرت الكتاب " يلا نشي خلينا انصلي ..

صلينا العصر ..عقبها طلعنا صوب ميلس الحريم ...

قلت ندوي: فشله اهلج كلهم و انا غريبه..
ندوي: شوووووووووق بلاج خالتج حليمه داخل ..
قلتها حتى و لو انا ما بدش روحي انتي ... زين انا بتم بحجرتج اتريااج ..

زخت ايدي ندوي : عن المنكر ...يلا دشي معاي ..

تفاجأنا من الصوت الي كان ورااانا .

.و كان حس راشد : ع شو تتعازمون ..
ارتبكت ندى و طالعتني اما انا كردت فعل طبيعي طالعت صاحب الصوت اتفاجا راشد يوم جافني في بيت عمه
فقال: شوق انتي هني ...؟؟

ابتسمت كنت برد عليه بس لمحت الريال الي واقف حذاله و كان يتأملني ..تلومت و صديت ابسرعه الصوب الثاني ...كانت هذي اول مره بحياتي اجوف ذياب ..حتى اني نسيت ملامح ويهه ..و نسيته بالمره ..سمعت صوته و بهذيج الايام ابد ما كان يأثر فيني مثل الحينه

ذياب: ندى منوه داخل ..؟؟
ندى : مدري بعدني ما دخلت شوق مب راضيه تدش مستحيه ..
ذياب امطنش ندى : ازقري حنان ..و خبريهم ان راشد بيدش ..
مدري ليش صوته جبرني اطالع صوبهم مره ثانيه ...جفته يطالعني و كان يرمس ندى ..رديت طالعت راشد الي شكله كان متملل من الوقفه برع و قاعد يجول بنظراته مره علي و مره لـ ذياب و لـ ندى .....

راشد: يلا ابسرعه ندوي بنموت من الحر..
ندى: يلا شوق تعالي اندش ..
قبل ما ادش جفت راشد يساسر ذياب فابتسم ذياب : ياا ريااااااااااااااااااال
المهم ؟؟ ما اهتميت ..ووودخلنا انا و ندى الميلس و سلمنا ع الكل ..خبرت حنان ان ريلها يباها برع .. و قالت لهم ان راشد بيدش و كانت متلومه لانها حصلت كم تعليق ..فشلها ..يلست حذال خالوه حليمه علشان ما احس اني غريبه ...

ام ندى: يحليلها حصه ما يتنا ..شخبارها شوق .
قلتها : ابخير و سهاله ..

فتون : ندى كل ها الوقت اتراجعين مع شوق ولا كنتن اتسولفن ..
ندى: و الله كنا انراجع باجر علينا امتحان ...

دش راشد..فسكتت ندى .. كانت طبيعتها انها وايد تستحي ..و انا اصلا الجو ما راق لي فما صدقت يوم قالت لي ندى : يلا انروح حجرتي انراجع ..
طلعنا من الميلس ..محد حس فينا ..لان الكل قام يسولف ..لمحت حنان و خال ندى ظاهرين من البيت ..

ندى: ما اقدر اقعد معاهم استحي وايد من راشد..

قلتها: جان ما رضى يتزوجج ..
ندى: هههههههههه مستحيل شرات ما انا متعلقه بالفكره حتى هوه بيكون متعلق فيها ..

قلتها: مثلا يعني ..
ندى: ما اظن اتصدقين شوق ..بتخبل لو ما تزوجته حتى لو ما احبه ..انا ما اعرف سوالف الحب ..اتحسينن ان هالانسان قدرج خلاص ..

ابتعدت عن الدريشه ..قالتها ندى راشد قدرها ...يعني لو شو صار مستحيل ترفضه و انا ما اقدر اقنعها انها اتبطل عنه ..ها شي و شي ثاني ..انا يوم حبيته و صارت من بينا علاقه ما قدر يكون صادق معاي ..يمكن لان فـ باله ندىىىى ... خذت نفس طويل .. الظاهر ندى من نصيب راشد و راشد من نصيبها استاهل كل الي صار لي.. لاني دخلت من بينهم ...الله يستر لو ندى عرفت ...بس ندى طيبه و قلبها كبير ...و اكيد بتتفهم و بتقدر موقفي و خاصه اني صرت حرمة خالهااا ..الحينه..

صديت صوب باب حجرتي الي انفتح و كان سعيد شايل معاه حمودي ..
سعيد: شوق تغديتي ..
هزيت راسي بمعنى لا ..
سالني مستغرب: بلاج..؟؟

ابتسمت له حسيت ان بالي مب معاي و انا قاعده اتذكر سالفه ندى
فقلته: ماشي كنت سرحانه ..خلصتوا غدااكم
حمودي: عمي ذياب داخل ..يبييش
سعيد: ههههههههه هي خلصنا ...بتروحين

وقفت : ابروحي ..؟؟

حمودي: انا بروح معاج..
سعيد: انت روح انخمد عند امك..
زعل حمودي و يلس يضرب سعيد بصدره بكسات : ما حبك ما حبك..
سعيد يضحك: هههههههههه ايه غد ريال ..

قعد حمودي يرافس سعيد علشان ينزله بس سعيد عانده و قعد يغصص فيه و انا كنت اضحك عليهم ..فكرت يا ترى جذا علاقه ذياب بـ مهره ..؟؟!!

سعيد يزخ ايد حمودي علشان ما يضربه: شوق روحي الميلس تندلين الدرب باخذ ها اللوتي عند امه ..
حمودي يصرخ ويصيح بصوت عالي : انت اللوتي ..اباا عمووه ..
سعيد: هههههههه انا لوتي ها ما عليه براويك..
شوق : فديتك حمودي ..
طنشه سعيد .. و راح صوب حجرته اما انا طلعت .. و كأني اول مره بروح اقعد عند ذياب ...نزلت من الدري و كل خطوه احس ان قلبي بيتوقف من سرعه ضرباته ..

جفت شيخاني و امايه قاعدات يتغدون
سالتهم: زين شكلي ..

شيخاني : هي قمر 14..
قلتها: لا تستفزيني مب فايجه لج..

امايه: بس عااااااااد ؟..لا اتغايضين باختج.
شيخاني: بسم الله اسولف ..من حلاتج..جوفي كف سيفاني معلم بويهج

طالعت امايه: سكتي بنتج..
شيخاني: بتضاربيني تعالي بخرب كشختج..

امايه: شيخاني صخي عن اختج..يمه شوق ندى اتصلت بج اتقول اتصلي بها عقب ...تبااج..
قلتها بربكه: هذي فايجه ندوي...

و طلعت من الصاله .؟..وقفت ابمكاني اطالع الميلس .. اروح ولا ما اروح ...محد سيفاني جان من زمان دخلني الميلس..بلعت ريجي ووكلت امري لله لي متى بتم واقفه اخرتها بدش بدش..

مديت ايدي علشان افتح الباب بس ما رمت هالانسان يحسسني بمشاعر مدري اكرها ولا احبها ..تراجعت فكرت ارجع الصاله ..و ارد حجرتي بس اتروعت و رديت لورا يوم جفت باب الميلس انفتح و ظهر سيفاني ..ما قال لي سعيد ان سيفاني بالميلس ..

طاحت عيني بعيونه ارتبكت و نزلت راسي بالارض بس هو طنش و كمل طريجه ما قال لي ولا كلمه ...قلت في خاطري احسن بعد ....بلعت ريجي و طالعت الباب المفتوح يا ويلي حالي ها كل يوم بينقز بيتنا و انا كل يوم بتم ع ها الحاله الله المستعان ...

دشيت جفته قاعد يعابل بموبايله مب منتبه لي ما عرفت شسوي ...دقيت الباب ... فالتفت صوبي .. فر الموبايل من جافني وقف و ابتسم: هلا و الله ..
ابتسامته شجعتني اني ادش داخل بس زادت ربكتي فصكرت الباب و دشيت ..حاولت اثبت بخطواتي و ما اطيح ع ويهي ... فيلست بنفس المكان البارحه بعيد عنه ...

تجدم مني فحسيت بربكه فضيعه مد ايده و قال: شو ما تبين اتسلمين علي ..
احرجني شكله ها اسلوبه دوم ...رفعت راسي حسيت ان رقبتي بتنكسر اذا حاولت احط اعيوني بعيونه من طوله ..اتذكرت ايده الممدوده فمديت ايدي سلمت ابسرعه و بعدت ايدي ..
ما علق ع حركتي بالعكس رجع و يلس ابمكانه ...البارحه اول مره يجوفني و طرا لي عن العيال اليوم الله يستر مدري عن شوه بيسولف..
سالني: تغديتي ..
كنت بقص عليه و بقول هيه بس ما عرفت اجذب فهزيت راسه بمعنى لا ..
قال: افا ليش ..ما شاء الله طبااخ امج لذيذ ..
حاولت اقوله بتغدا عقب بس ما رمت ارمس وايد استحي منه فضيع هالانسان ...نش من مكانه و يااه قعد جريب مني ..سالني: لي متى بتمين ساكته و مستحيه !!
هو بعيد عني ..احس اني بموت من الربكه كيف يوم قعد جريب مني..حسيت ان مشاعري هاجت ..ارتبكت فصديت الصوب الثاني عل و عسى اخفي هالارتباك..
قال: شكلي ما بسمع حسج موليه !!
زخ ايدي حسيت بالضعف و الربكه فييريتها ابسرعه و قلته من غير قصد: عن قلة الادب ..؟
رفع حياته منصدم: قلة ادب !!"سكت شويه"..ههههه انا ريلج ..

ضميت ايدي بحضني مدري اضحك ع الخبال الي قاعد يصير ولا اصيح من الربكه ..و الفشله ..
قلته : انا انا "ما عرفت شو اقول فعضيت ع شفايفي و كاني ابا اطلع غيضي فيها "
سمعته يقول: زين لا اتقولين شي بس ارحمي شفايفج عن يطلع منج الدم ..

من قال ها العباره ضميت ع شفايفي متلومه ..
سمعت ضحكته: ههههههههههههههههههههههههههههههه و الله انتي عجيبه يا شوق..
طالعته و ابتسمت يوم جفته ضحك رد طالعني : ما توقعتج جذا موليه ..
رديت فجاه: كيف ..
رفع حياته : اممممممم تستحين ترتبكين .. ردادت فعلج كلها براءه ...

ما عرفت شو ارد عليها ..نزلت راسي لان عيونه كانت بعيوني ..زخني من لحيتي و رفع راسي خلني اطالعه كنت ببعد ايده عني بس لمسته كانت وايد رقيقه تمنين طول العمر يتم جذا زاخني...قطعت علي هالافكار يوم فاجأني بكلامه: بلاه ويهج..
خفت لا يكون طلعت علامه من صفعة سيفاني..و الظاهر ها الي صار حسبت شيخاني تتمصخر علي بس طلعت صاجه ..نزلت راسي بالارض

و قلته : ماشي ..

رد و رفع راسي خلني اطالعه .غمضت اعيوني مستانسه من لمسته بس مدري ليش تضايجت باخر لحظه يمكن لاني ما ابا ه يجوف طراقات سيف ع ويهي فصديت الصوب الثاني ابسرعه و دزيت ايده
قلته بخوف: لا اتسوي جذا مره ثانيه ..

ذياب بعده يتاملني ..يمكن يكتشف شو سبب هالعلامه ...ما رد علي و لا كأني رمست حط ايده ع ويهي و كانه قاعد يحدد العلامه الظاهره ع ويهي باطرف صبعه ..ما ابا اتاثر بلمساته ولا ابا اضعف جدامه من بدايتها ..ولا اباه يكتشف ان سيفاني ضربني فنشيت بعصبيه و يلست ابعيد عنه ..

و صديت الصوب الثاني و انا اعدل شيلتي و كان امبين علي اني محرجه ..حاولت اغطي مكان صفعني سيفاني بالشيله ..بس الظاهر ما فاد ..

سالني: تدرين اني من أول مره جفت فيهاا عيونج ..احس ان فيها حزن و معنى غريب ابد ما فهمته ..معناته..

نسيت للحظه كل شي احس به طالعته كلامه لفتني و استغربت منه وايد ..متى طالعني .؟؟ اوكى وايد تصادفنا ووايد طاحت اعيوني بعيونه بس متى كان يقصد ..؟؟اول مره

كمل كلامه : مرات اجوفج تضحكين و مرات تبتسمين ..بس بريق الحزن بعيونج ما يفارقج ليش ..؟؟
ما عرفت شو ارد ع كلامه لاني اول مره حد يقولني مثل هاي الرمسه ...كنت بساله متى اول مره جفتني بس اكيد يقصد بالمنار يوم حمودي يير غشوتي ..

اتساند ع الكنيه: و ها الشيء الي خلاج دوم فـ بالي ..
قلته: علشان جذا فكرت .."كنت بقول اتخطبني بس استحيت"
فابتسم و كمل: اخطبج !

هزيت راسي بمعنى هيه و نزلت راسي بالارض ..
ضحك: ههههه لا من اول مره جفتج قلت هاي بتكون من نصيبي ..مدري دشيتي خاطري ...
طالعته مستغربه .اليوم ذياب غير عن البارحه ..صحيح نفس الملامح نفس الكشخه .نفس الاسلوب بس الكلام مختلف واايد ...شكله بغى يطلعني من هالموضوع لاني مب مستوعبه كلامه
فقال: عيبج لموبايل ..؟؟
قلته: مشكور بس ماله حايه اتعب عمرك..؟؟
نش من مكانه راقبته خفت لا ايي يقعد جريب مني و ها الي صار

ابتسم: لا اطالعيني جذا هي بقعد جريب منج ع بالج ما اعرف اقرا افكارج..

انحرجت ..بس كمل كلامه: البارحه خذت رقمج من عند ندى اتصل بج كل مغلق فقلت اكيد موبايلج مخترب او جديم و ما فيه ارسال قلت ايب لج واحد يديد...

قهرني كلامه خقاااااااااااااااااق ..قلته : لا موبايلي يديد بس انا كسرته ..
تفاجأ : ليش ..؟؟
هزيت جتفي: طاح من ايدي من غير قصد..

ذياب: زين عيل يت هديتي بالوقت المناسب ..!! ما بجى شي ع عرسنا..
بلعت ريجي طالعته : عرسنااا
هز راسه يبتسم: هي ما تدرين إنا بنعرس..

مرات احسه سخيف يوم يحاول يحرجني..قلته: شو رايك اناخر العرس شويه..
سالني: ليش..؟؟ شي اسباب !!
دورت حجه: انا بعدني ما تزهبت .. و تعرف يباله وقت ..
ذياب: زين ليش ما تزهبين شو المانع ..

غلطت يوم قلته: مالي بارض ..
رد علي: لا و الله يعني متى ناويه تتبرضين ..

قلته: مدري ..

زخ ايدي و قعد يلعب بالساعه الي لابستنها انحرجت لانه هديته فقال: اتزهبي من اليوم روحي العصر عندج اسبوع زين ..
حاولت ايير ايدي بس منعني ...فقلته : انا مـ..

قاطعني: تبيني انا اخذج..السوق ..جان تبين اتروحين مراككز دبي و الشارجه ما عندي مانع ..؟؟
احتجيت: لا شوه اروح معاك..

طالعني جنه حد صفعه ع ويه: ليش شو بلاني انا ما اكل قسم بالله ..لا يكون ندى مخبرتنج شي عني..
حسيت براحه يوم بعد ايده عن ايدي قلته: لا يحليلها ندى ما اتعيش من دونك دوم تطريك بالخير ..

ابتسم: زين شو رايج اخذج السوق..خلينا نطلع ويا بعض.
قلته بخوف: لا اخااف..

خذ نفس: ع رااحتج: بس خذي راحتج تزهبي من اليوم .. زين و جان نقصتي خبريني زين عمري...
نزلت راسي متلومه منه ..طاحت عيني ع صينيه الشاي
سالته: تبا شاي..

ذياب و كانه يتمصخر : لا و الله مشكور اخوج شربني لي ما نفخ بطني..
ضحكني رده: ههههههههه
ذياب : ضحكه دايمه ..

طالعته يوم سمعنا يأن العصر ..صج الوقت مر ابسرعه ما حسيت به ..و الظاهر ذياب كان يفكر بنفس الطريجه يوم قال: ما شاء الله الوقت يمر ابسرعه ...
هزيت راسي موافقه كلامه ..
سالني: ليش تبين اتاجلين العرس..
بلعت ريجي لان سؤاله فاجاني فقلته: قلتلك . السبب
قال لي: بس عشان جذا شوق..

هزيت راسي بمعنى هيه ..تجرب مني و قال: كنت اتمنى اتقولين تعال انعرس باجر..
شهقت يوم سمعت جملته فضحك علي: هههههههههههههههههه
ابتسمت: قلتله انت اتنكت ...

قال لي: و حياتج مب قاعد انكت ..."وقف فجاه" يلا انا بروح بلحق ع الصلاه ..

ووقفت ما كنت اباه يروح صدق هالمره احس اندمجت معاه ...قطع افكاري يوم زخ ذرااعي و خلني افتر صوبه
ارتجف حسيت قلبي يرقع ..مدري من الخوف ولا من شي ثاني..جربت نفسي ارفع راسي اطالعه ..اتلومت يوم طاحت عيني بعيونه حاولت ابعد نظري بس هالعيون اسرتـي حسيت ان عقلي بطيير باي لحظه .

.كنت احس ان افكاري تلخبطت حتى انه يوم تجرب مني .. و حط ايده مكان ما صفعني سيفاني رفعت ريولي جني وحده هبله ..ما اعرف ليش ..صار ويه جريب من ويهي حسيت بنصخه ع خدي...مدري اي جنون خطر ع بالي لاني كنت شويه و بصيح له اقوله فكني من سيفاني وريحني من الهم و العذاب الي سببه لي راشد..بس تفاجات من كلامه
يوم همس : تحملي بعمرج لا اتخلين حد يلمسج تراني ما اراضااها فيج ..انت الحينه مالي..

غمضت اعيوني حسيت اني بصيح ..يوم سمعت كلامه و تذكررت سيفاني يوم ضربني و تذكرت اني كنت بشرد مع راشد هالانسان فعلا ملاك و انا ما استاهله ..ابتعد عنه ابسرعه وصديت الصوب الثاني كنت احاول اني امنع دمعتي تنزل من عيوني ..
عطيته ظهري ابسرعه ما ابا يجوفني بها الحاله ..ياه ووقف وراي لصق فيني

سالني بـكل رقه: شو مضايجنج..
ابتعدت عنه لانني خلاص ما اتحمل قربه حاولت ابين نبره صوتي عاديه : ماشي ..
سكت شويه تميت صاده عنه سمعته يزقرني بنفس النبره : شوق..

سكت عقب شكله غير رايه يوم جافني ما تحركت من مكاني فقال لي: مع السلامه .
تميت واقفه ما تحركت الين ما سمعت صوت باب الميلس يتصكر ..يلست ع الكنبه ابسرعه رفعت راسي اطالع السقف : يارب سامحني...

غمضت اعيوني ما بصيييييييح ما بصييييييح ..شليت ابعمري و ربعت رايحه حجرتي...فريت شيلتي .. و فريت روحي ع الشبريه ...حسيت ان ربي عوضني بانسااان يداري علي و يخاف علي .. اكيد ذيااب بيكون سند لي في كل خطوات حياتي ...سمعت باب حجرتي ينفتح ...رفعت راسي طالعت حصه داشه ..
حصه: راقده ..؟؟
قلتها: لا ..
حصه: متى روح ذياب..؟؟

قلتها: من شويه .. حصه انا وايد ارتحت لها الانسان احس ..امممممممم ما اعرف كيف اعبر لج..

حصه يلست ع طرف الشبريه: ههههههههههه الله يهنيكم قولي آآآمين ..
ابتسمت لها : آآآآآآمين ...امم شو رايج اليوم انروح السوق ...
حصه مب مصدقه : اخيرا اقتنعتي ..

ضحكت لها: ههههههه ذياب طلب مني قال ابدا من اليوم اتسوق ..
حصه: زين تراني ما جذبت يوم قلت له تأثير قوي عليج..
تذكرت فقلتها: حصه جوفي ويهي انتبهت لصفعة سيفاني ..

حصه حطت ايدها ع حلجها : اتصدقين من ساعه ماشي ...شو قلتيله..
هزيت جتفي : ماشي غيرت السالفه المهم ما خبرته تخيلي اقوله سيف صفعني ..

حصه: الله يعينج باجر بترتاحين..
قلتها: و بدور اختج ميته عليه مدري ع شوه بس اتصدقين محد بجلع عينه غيرهاا
حصه: ههههههههههههه

وقفت : بروح اصلي ..حمودي وينه فديته كان يبا يقعد معاي انا و ذياب ..
حصه: ههههههههه هي يابه سعيد متغصص حالته حاله و قاعد يصيح ... رقد الحينه فديته ...
قلتها: فديته..

حصه واقفه: خلاص انا بتصل بـ موزي زين خذت الليسن نفعتنا ... اتزهبي انتي ...ذكريني بعد اتصل بالحنايه و راعية الصالون ...
هزيت راسي موافقتنها ... صليت العصر ..رن موبايلي نقزت فـ البدايه مستغربه من الرنه عقب عرفت ها موبايلي اليديد ...رحت صوبه جفت اسم ذياب ظاهر ع الشاشه ..ما عرفت ارد او لا .اخرتها رديت
فقلت: مرحبا ..
بس ذياب صكر التلفون ما سمعني ..حسيت بالاحراج ..اوويه قفطني ...بس شويه وصلنني مسج " روحي اتزهبي اوكى" ابتسمت ...رديت كتبت له " ان شاء الله "

لبست عبايتي و شيلتي و نزلت تحت ...جفت حصه قاعده تشرب شاي
سالتها: حمودي بتخليه راقد ابروحه .؟
خلصت الشاي : شيخاني تراجع عنده .. قالت لي لا تتاخرون ..

سمعنا صوت هرن بنفس الوقت رنة مسج ...فظهرت موبايلي حصه: مبروك ع الموبايل اليديد..
ابتسمت: حلو شكله صح مال خقه..
حصه : هيه يلا انروح تدرين بـ موزي ما اداني حد ياخرها ..

طلعنا بالحوي لمحت باباتيه بالزراعه قلت حصه صبري بروح ابوس باباتيه.
حصه: بسرعه زين صج جنكم يهالووو

ربعت صوب الزراعه ..فتحت الباب . حضنته من ورا نقز باباتيه ..ابتسمت يوم طالعني بسته ع خده ..
حسيت انه راضي عني و ها الي ريحني وايد قلته: انا وايد احبك وحشتني

حط ايده ع راسي و كانه يبا يقولي شي ..فحضنته و بسته مره ثانيه قلته : انا بسير السوق ما بتتاخر زين ..
كنت عارفه انه ما يسمعني بس مدري ليش قلته هاي الرمسه .. بست ايده و طلعت من الزرااعه ...رحت برع و ركبت السياره ...اول مره احس اني مستانسه و طايره من الوناسه ..

ركبت السياره: السلام عليكم ..
حصه+ موزي: عليكم السلام ..
حصه: سلمتي ع عمي ..

ضحكت: ههههههه هي ..شخبار الموز..
موزي: تمام اعلومج..
قلتها: ابخير ..

اتذكرت ان ذياب امطرش لي مسج ..ظهرت موبايلي من الشنطه و فتحت المسج" فديت الي يسمعون كلام ريايييلهم .." اتلومت حسيت انا و اقرا ها الكلام انه جريب مني ... ما عرفت شو ارد عليه ..فقررت ارد الموبايل في الشنطه ...اقترحت موزي انروح اول شي سوق راس الخيمه .. عقبها بالرده انمر المنار .. اتفجنا ع رايهاا ..لفينا سوق راس الخيمه ...طول فتره العصر.. عقبها دشينا مركز الواحه انصلي المغرب .. غير ان حصه حست بالتعب ...فقعدنا نرتاح في المصلى ...حسيت بيوع فضيع لاني ما تغذيت ..
قلتهم: كل ها الحواطه احس ما شريت لي وايد اشياا
موزي: صعب اتخلصين كل شي بيومين ..
حصه: زين شو بتسوين بالمخاوير ما بتخلص لج خلال اسبوع ..
قلتها: عادي ..المهم البدلات ..
موزي: ما بتروحين دبي ..


حصه: امبلى بخلي سعيد يودينا انجوف لنا فستان و نشتري باجي الاغراض الناقصه شو رايج شوق ..
قلتها و انا مقتنعه برمستها: زين مب مشكله ..
حصه: هههههههه ذياب وراج ما اترومين اتقولين جلمه ..

حطيت ايدي ع بطني: تراني وايد يوعانه ما تغديت ..
موزي وقفت: يلا انروح المنار و مناك بناكل لنا وجبه ..

طلعنا من مركز الواحه.. و سرنا صوب المنار وصلني مسح من ذياب فتحته ابسرعه و الفضول ذابحني " خلصتي ولا بعدج برع البيت " رديت عليه "تونا ظاهرين من مركز الواحه الحينه بنروح المنار و عقبها بتعشى و بنرجع البيت "
موزي: شو اتكتبين انتي ..
حصه: هههههههه ما يخصج حق ريلهااا ..
شوق: يسالني ويني..
موزي: و جي ما يتصل بج
قلتها: مدري يمكن يستحي..

حصه: اتسوينها شوق اكيد قلتيه لا ادق..
حلفت لها: و الله ما قلته حرام عليج حصووه ..

موزي+حصه= ههههههههههههههههههههههههه

كنت كل شويه اطلع موبايلي من الشنطه جوف ذياب طرش لي مسج اولا ..بس الظاهر انه ما بيطرش..وصلنا المنار قعدنا نتشرى اخرتها حسينا بالتعب صج الله يعين حصه ..سرنا صوب المطاعم يلست حصه ع الطاوله ..و سرنا انا وموزي نطلب لنا وجبه ..عقب ما ردينا

قلت لحصه: حصه شكلج وايد تعبان مره ثانيه ما بييج معاي..
حصه: لا عادي..
موزي: هيه انا شوق بس بنيي ..خلج انتي مرتاحه ..

سكتت حصه ما قالت شي ..يلسنا ناكل ....حسيت بالتعب عقب ما شبعت ..اتفقنا انا نرجع البيت لان الساااعه صارت عشر فـ ليل ..اتصل سعيد بـ حصه يسالها متى بنرجع .
حصه: خلاص رادين ..
حسيت ان سعيد معصب لانا تاخرنا وايد..
حصه: حبيبي و الله دقايق بنوصل البيت .................... خلاص من عيوني بس لا تضاايج بروحي تعبانه .
هههههههههه شكرا ..مع السلامه

موزي: شكله قاعد يهزبج و انتي تضحكين..
حصه: اقوله تعبانه يقلي ..دواج محد قالج ..ويقول بيرغوني برع الحجره جان فـ ليل حشرته من التعب..
شوق : تعالي حجرتي بستقبلج ..
موزي: ههههههههههههههههههه

حصه: موزي مري بيتنا حمودي من المغرب فـ بيتنا ..بننزل هناك سعيد بمر بياخذناا ..
كنت بحتج لاني ما ابا اجوف راشد بس عقب تذكرت انه محد عنده دوره بالسلع علشان جذا سكت و ما قلت شي ..
موزي: و الاغراض هاي كلها بنزلهااا ..!!
حصه: ابرايه شسوي سعيد محتشر علي ..

وصلنا بيت خالوه حليمه ...من دشيت البيت وحشتني بدور ...و سوالفها مع سيفاني ..الله يعين لو درت ان سيفاني اصلا فـ باله ندوي ..مدري شو بتسوي ..نزلنا الاغراض كلها من السياره ..كنت احس اني مشتريه شويه بس من جفت الاجياس حسيت اني وايد بالغت ..و حصه تباني اروح دبي بعد ..نقز حمودي يوم جاف امه ..
حصه: صبر خلني اقعد مب رايمه اشل اريولي ..
سلمت ع خالوه حليمه .. و ريلها ..الي كان قاعد في الصاله..

بو حصه: يوم انتي جذا تعبانه حق شو طالعه وياهن ..
موزي: انا مالي شغل هي ابروحهها اقترحت ..

يلست اسمع سوالف خطر ع بالي اطرش مسج لـ ذياب "كتبت له "انا فـ بيت خالوه حليمه ردينا من السوق و الحينه نتريا سعيد ايي ياخذنا البيت ."
ثواني ووصلني مسج" تستاهلون السلامه حبي "

يتني ضحكه ..ع تعليقه و طنازته مب مبين عليه ان انسان يحب يتمصخر و يتطنز بس انا اتقبلت ها الشي فيه بسعة صدر ..
خالوه حليمه : بعد باجر بتروحون ولا خلصتوا ..

حصه: لا بجت لنا اشياء خفيفه بنشتريها فـ دبي ..بجوف سعيد متى بياخذنا..
حمودي:وين لعبتي؟؟..
حصه: فديتك و الله اني نسيتك..

يلست عالارض يصيح و يرافس نشيت شله اراضيه بس ما رمت له ..

بو حصه: كل منج علمتيه كل ما اظهرين مكان تشترين له و ها انتي متلعوزه معاه ..
حصه: شسوي فيه ..و الله مبهدلني ها الطفس..
حمودي هو يصيح: انتي طفسه ..
طالعته حصه بعصبيه: شو قلت ..

ربع حمودي صوبي يوم جاف امه محرجه ووقفت علشان تضربه ...
خالوه حليمه: خليه شو تبين به..
حصه: مدري طالع ع منوه قليل ادب.

فاجاني صوت بدور الي ظهرت من حجرتها: على خالته فديته..

ابتسمت مستانسه: بدوووووووووور وينج من زمان ما جفتج..
وقفت اسلم عليها: بدور شسوي هالامتحانات لاعنه خيري ..

بو حصه: ههههههههههه بالتوفيج..
يلست حذالي و ساسرتني: شخبار الزطي اخوج..

ابتسمت لها : عايش .
بدور: ما سال عني فديته اكيد مشتاق لي ....
موزي: شو عندكم تساسرون .
بدور: ما يخصج ...
حصه واقفه: يلا شوق سعيد يااه..
ربع حمودي برع : باباااااااااااااااا بااااااااااااباااااااااااااا

خالوه حليمه : يلا ازقروا الشغاله اتشيل هالاغراض ..
وقفت .. شليت لي جم جيس ..بس بدور ما رحمتني : شوق سلمي عليه وايد..
قلتها : يزول

ضربتني بدور: ايه عن الغلط..

قلتها بجديه: بدور انا منقهره منه ..ضربني كف ع ويهي و انا كنت ناويه اخبرج تنتقمين لي منه ...و انتي قاعده اطرشين لي سلاماات..

بدور جنها ما صدقت خبر: افااااااااااااااااا عليييييييييييج "وضربت صدرها شرات الشباب" انا براوييج فيه ...ما يهمج
ابتسمت لها : مشكوره ..

موزي: ايه شو هالحركات ..
بدور: قلنا ما يخصج..يلا بروح انخمد باجر امتحان ..مع السلامه شوق ..

ما عطتني فرصه اختفت ابسرعه ..قامت الشغاله اتشيل الاجياس و اتحطها بدبة سياره سعيد ..و اخر جيسين شلتهم عنها ...
قلت لـ موزي قبل ما اظهر من الصاله: مشكوره حبيبتي ..نخدمج بعرسج..
موزي: افا عليج ...وناسه عندي حجه اطلع من البيت ..جوفي باجر بعد..
سمعت هرن سعيد: اوكى ما يهمج مع السلامه ..

وطلعت من الصاله ..البس انعالي و افتريت .. و انا ظاهره ..اصطدمت بشخص ..بقوه لدرجه طاحت الاجياس من ايدي .رفعت راسي ..طاحت عيني بـ عيون شخص اخر شي كنت اتوقع اني بلتقي فيـ راشــــــــــــــــــــــد ..؟؟!!

ما صدقت اعيوني تفاجات كانت صدمه بالنسبه لي ..حتى هوه شكل ويهه ما كان متوقع انه يجوفني
" ياا خساارة حبيناا فيكم حراام .. واتضحلي معدنك على العموم .. ما على شوقك ولاا حبك ملاام الملامة على قلبي الووم"."..طنشته بغيت اشرد منه ..مب علشان قص علي لا ..لاني مستحيه من الي كنت اسويه معاه ..من سوالف بالتلفونات .و غير سالفه شردتنا ..

كنت بالاول من اجوفه اعاتبه لانه يصدني كان يتملكني شعور الشوق..بس ها كله اتبخرو طار بلاهوا ..يوم طاحت عيني عليه. حسيت بالغضب و الخيانه ....يمكن لانه خدعني و بانت نواياااه بس للحين ما اعرف شوكانت نيته ...المهم لعب علي و خدعني...هزيت راسي و كاني اطرد هالافكار من راسي و خاصة يوم سمعت هرن سيارة سعيد ........كنت بنزل اشيل اجياسي الي طاحت مني بس هو زخني من يدي و لصقني بزاويه البلكونه عن حد يجوفنا ..\

وقال بكل غيض : لحقتي تزوجينه ...
صكيت ع اسناني : ما يخصك ..هدني .مب من حقك تلمسني هدني ..
راشد مطنشني: كنت عارف ان من بينكم شيء..وومن زماان

قلته بعصبيه: انت لك ويه اتحاسبني بعد كل الي سويته .."\\
حاولت ادزه ابعده عني بس ما قدرت لانه حشرني بزاويه ضيجه ما اروم اتحرك "
راشد: كنت ابا اختبر مدى حـبـ..
قاطعته: بسك بسك نفااق ..انت لو كنت صج اتحبني ما خليتني اسود ويه اهلي..."ابتسمت اغايضه" مشكور احسن شي سويته انك مايييت المطار ...الف شكر لك .
.
عرفت ان ابتسامته غايضته فرص ع ايده ع ذراعي : مرتاحه وياه لحقتي تتفاهمين معاه ..
عضيت ع شفايفي قلته : هدني ترا و الله ازقر خالوه "دزيته " خووز عني ..

رد لورا و ترك مساحه اني اروح اشيل اجياسي ربعت صوبها كنت كارهه راشد وايد ...حسيت بالقشعريره
يوم قال : الحينه ما قمتي تطيقيني ..نسيتي قبل يوم كنت ازخ ايدج و كنتي بتركعين لي علشان ارضى عنج ..

غمضت اعيوني و خذت نفس طويل ...كنت ادري انه يبا يستفزني ..بس انا كتمت غيضي ..ووشليت الاجياس الطايحه علشان اروح لاني كنت احس بالاشمئزاز ..

منه و من علاقتي فيه من وراا اهـلي...
بس راشد ما كان ناوي يعدي السالفه ع خير استغرب من قوة عينه و يسولف و لا كأنه طعني..بظهري..
كرر راشد جملته : شكلج مرتاحه مع ..
قاطعته: لا اتوصخ اسمه بلسانك ...لوسمحت ...

كنت بكمل دربي ..بس صدمتني كلماته: طبعا معـلوم الي يرمس واحد بالتلفون اكيد يرمس عشره غيره و ..شي اكيد ذياب واحد من الي ترمسينهم..

دارت الدنيا كنت بطيح يوم سمعت كلامه ...ما توقعت ان راشد بها الخبث و الانحطاط..مدري كيف حبيته و كيف طاوعه قلبي ..اي شر بداخل هالانسان..حسيت بعمري مشلوله من كلامه ..صحانـي من واقعي المرير يوم قال يأكد كلامه: صح شوق ..

ما كان بيدي الا اني ارفع ايدي و اكفخه براسه بالجيس الي بيدي ...جفت الالم الي طلع بويهه و الصدمه الي كانت مرسومه ع ويهه ..بس كان عذابي و جرحي اكبر منه بكثير ..ما وقفت اتريا رده حتى لو تكلم يزول ما ابا اسمع منه شي موليه..

"انكشف عمرك وبين لي من افعاالك كثير .. اعتبر حقك عليه .. وخلني اتبع هوااي لا تجيني ولا اجيلك رووح في دربك وسير .. انت لي بالذاات لي مااضي فاات وارميته ورااي "


رحت بخطوات سريعه .. و كاني ابا اهرب من هالعالم ..صكرت باب بيت خالوه حليمه .. كنت ارتجف من الغيض ..حقيير شو يتحسبني اغازل عشره غيره ..شو يتحراني بنت شوارع ...ولا مب متربيه !!..انا ما تقربت منه الا لانه ولد خالتي من لحمي و دمي ..

و قسم بالله لو كان مب من اهلي ابد ما صديت له ...الحينه بس اقتنعت و صدقت ان رمسة التلفونات ابد ما تبني حياة زوجيه ... و إن انبنت اتكون قايمه ع الشك و الثقه المتزعزه ...

راشد يحسبنيي كنتت ارمس غيره..و انا الي تعذبت و تحملت عذابه بس علشان قلبي الي كان يوده ....و احترمت مشاعره بس الحقير يتم طول عمره حقير ..دعيت ابسري ..اتمنى انك ما تاخذ ندى ..لانك شيطان يا راشد بصورة انسااان ...ركبت سياره سعيد ..

حصه: اكيد بدور اخرتج..
سكت لاني ابحاله ابد ما تسمح لي اتناقش او اتكلم..

حمودي: بابا وديني الجمعيه ...
حصه: بابا متضايج لا اتزيده..
حمودي يصيح ..
سعيد: من قالج اني متضايج..
حصه: احساس حبي ..
سعيد: و الله اني مب متضايج بالعكس ..مستانس شوق تتزهب حق عرسها...
حصه: هيه غريبه منهاا ..
كنت اسمع كلامهم ما كان لي خاطر ارد عليهم...
سعيد: شوق بترقدين..
همست: هي تعبانه من العصر طالعين من البيت ..
حصه: سعيد ..جوف لنا يوم تاخذنا دبي حبيبي ...
سعيد: من عيوني ...
حمودي: بتروحون دبي و الجمعيه لا ..
سعيد يغايضه: انت بالذات ما بنااخذك..
حمودي يصرخ و يصيح..
حصه: اسكت عنه سعيد لعوزني بكفخه تراا
سعيد: ولدج وايد مدلع ...يباله صج ضرب ..

ابتسمت و انا اسمع ضرابه سعيد و حصه و حمودي ...اشويه اخفف عن نفسي ..و من الهم الي صابني من شويه من راشد...وصلنا البيت و حمودي شال الدنيا بصراخه ... نزلت من السياره .. و زقرت سيتي اتيي اتشيل الاغراض من سياره سعيد...دشيت داخل ..جفت باباتيه و ماماتيه في الصاله ...

امايه: الحمدلله ع السلامه حشى ...من العصر ..
بستتها و رحت ابوس باباتيه: شو تبيني اسوي ..هاي الزهبه ..
اامايه : خلصتوا ...؟؟

شوق : بقت اشياء بسيطه ..بروح اصلي العشى و انخمد تعباااااااااااااااااااااانه..
دشوا حصه و سعيد و حمودي امايه: بلاه ولدي يصيح..
حمودي يصيح بصوت عالي : ما يودوني الدكاان..
سعيد: بس صخ ...
حمودي : جب ..
حصه محرجه: حموووووووووود عيب .

ابتسمت لهم .. وربعت حجرتي اخليهم يتضاربون ..ابروحهم ...سرت الحمام اتسبح ..عقبها يوم طلعت جفت حجرتي مليانه اغراض ..وايد اشتريت .. صليت العشىى ..

و رحت صوب شنطتي طلعت موبايلي ..ع بالي ذياب مطرش لي مسج ...بس ماشي ..اتصلت بـ ندى ...بالاول يوم كنت ارمسها مرات احس انها تغمضني لاني اخونها مع راشد و مرات ما كنت اهتم لان في بالي انا و راشد نحب بعض .. لكن الحينه ..وايد تغمضني لانها بترتبط بحـيوان لعااب ...

رصيت ع ايدي بعصبيه..انا ليش ما سالته ليش لعب علي ..؟؟ ليش خدعني ..؟؟ انا شو غلطت عليه !!...
صوت ندى فوقني من الي كنت افكر فيه: السلام عليكم اخيييييرا تكرمتي و اتصلتي ..؟؟؟

استغربت : عليج السلام كيف عرفتي اني المتصله !!
ندى: خذت رقمج من خالي ... امسكت ابصراحه..
ضحكت: هههههه شكرااا ...

ندى: شو اخبارج مرتاحه شوق .
قلتها ابصراحه: مرتاحه و مستانسه ..خالج ملاك ..
ندى: قلتلج بس انتي ما اتصدقيني ..

سالتها: ليش ما اتيين اتزوريني .....و ييبي معاج مهرا اباااها تندمج معاي ..
ندى: فكرت و الله ..بس قلت يمكن تنشغلين بالزهبه و سوالف العرس ...
قلتها: لا عادي ..تقريبا خلصت كل شي ..و الاشياء الباجيه بنطلع دبي ...
ندى: زين و الله ..الله يعيني مدري متى ها بتحرك ..
سالتها: منوه..
ندى: راشد من غيره...
ما عرفت شو اقولها .......صدق بالاول كنت اغار لكن الحينه شي ثاني يلا الخيانه و الغدر كيف اتجلب مشاعر الحب للكره بلحظه وحده ...
ندى: كنا بنتزهب ويا ج رباعه...
قلتها: شو تبين فيه ...لا تاخذينه..
ندى مستغربه: ليش ؟؟؟ اول مره اتقولين لي هالرمسه ..
قلتها : احسه وما يناسبج..
ندى: شوووووووووووووووقاااااااااااني ..حرام عليج لا اتقولين هالرمسه ولد عمي طيوب ..
بعد كلامها هاه ما عرفت شو اقولها سكت ...
سالتها : خالج شو يقول ..
ندى: اممممممممم شكله مب عايبنه بس ما يقدر يقول شي لاني راضيه ...
خذت نفس: الله يهنيج..
ندى : ويهنيج مع خالي ...

قلتها: خلاص انا برقد الحينه تعبانه ..
ندى: ابرايج ...سلمي ع اهلج..

قلتها: الله يسلمج ..في أمان الله ..
ندى: مع السلامه ..
انسدحت عالشبريه ...تجلبت احاول ارقد ..بس ما قدرت ...كان في بالي موقف راشد..حسيت بالغيض لاني ما كفخته زياده بس ضربته ضربه ع راسه ..بغيت اجتله ...حاولت ارقد يلست معصبه و انا اتذكر ابتسامته و كلامه السم يوم يقول ارمس عشره غيره دام اني كنت ارمسه ..

.فريت اللحاف بعيد عني ...ورحت صوب دريشتي ..فتحت الستاره ...جفت السما مظلمه شاحبه ما فيها نجوم ولا قمر..و كأنها اتشاركني احزاني ..و همومي ...يلست عالارض ..ليش عقب ما عطيته حبي و قلبي و مشاعر الصدق يظن اني لعابه ...حرام عليه ...يلست اصييييييييييح مقهوره ...و متضايجه...رفعت راسي ..يوم سمعت نغمة المسج هذا ذيااب ...نسيت للحظه عذابي و همومي .. حتى دموعي و ربعت صوب الكمدينوو ..فتحت المسج " نوم العوافي يا الغلا"..

حطيت الموبايل ابمكانه ..ورحت الحمام اتغسل .. و رجعت انسدحت ع شبريتي ...عالاقل ذياب يحترمني يقدرني ...مب مثل ها الزطي رشود ...الايامم الي طافت كنت امنع نفسي من افكر فيه ..ارتحت شويه من الهم ..لككن اليوم يوم جفته ..تعذبت ..انا لازم ابتعد عنه ..

و ما اطب بيت خالوه حليمه علشان ما اتصادف معاه ...و غير جذا بحاول امنع نفسي من اني افكر فيه ...علشان ما اتعذب ..بخلي دموعي و فرحي و مشاعري كلها بحلوها و مرها حق ذياب ..بحكم انه زوجي و انه يقدرني بس ..شليت موبايلي و كتبت له مسج " الله يعافيك "

حسيت شويه بالراحه لان الله عوضني بانسان يفهمني و يقدرني اليوم يوم جاف علامه بويهي ما رضى عليه ...الحمدلله ..ع كل حال ...شويه وصلني مسج " شو مسهرنج ..؟؟"

ابتسمت ليش ما يتصل ؟؟؟ عايبتنه سالفه المسجات ..طرشت له " احااول ارقد .."
ترييت يوصلي رد بس الظاهر ما بيطرش ...بس عقب دقايق وصلني منه رد" زين ارقدي لا اتفكرين فيني وايد انا ما بطير باجر بكون عندج ..تطمني"
يلست ع الشبريه و قلت بصوت عالي خقااااااااااااااااااااااااااااااااااق ..وايد قاص ع عمرك انته ...بس بعد ضحكني رده هههههههههههه ...فريت الموبايل ع الكمدينوو ما برد عليه خليه اذا رديت ما بنرقد بنتم طول الليل مسجات بس ..و اخييرا رقدت ..

فتحت اعيوني يوم حسيت حد قاعد ع شبريتي و يير اللحاف عني ...صديت الصوب الثاني بكسل ..و قلت : ابا اناااااااااااام ...
حصه: قومي ..
حاولت اغطي ويهي بالللحااف : بس حصه ابا ارقد ...
حصه: هههههههههه يلا عاد نشي ...ترا اتصلت حجزت لج الحناية و راعية لصالون ..
قلتها: زين ..
حصه ييرت اللحاف كله عني : قومي شو زين ...
قعدت متضايجه: شو بعد ...؟؟
حصه: قوومي انروح سويت ليدي انفصل لج كم عباه وشيله.
طالعتها بكسل : ممممممممقدرررر ارحمـيني ..

حصه: ههههههههههههه ماشي رحمه يلا نشي عقب بنمر العياده لي مراجعه ..
سالتها: متى بنروح دبي ...
حصه و كانها مستانسه: سعيد قال بنروح بنقعد بالشارجه نتزهب بها اليومن و نخلص شغلنااا ...علشان اتفضيين روحج حق العرس ...
فريت عني اللحاف رايحه الحمام : احس بعمري صج عروس ..
سمعت ضحكت حصه: ههههههههه ليش بعدج شاكه ...
ما حبيت ارد لها مالي نفس ..تغسلت عقب لبست ...نزلت تحت شربت لي حليب ...جفت باباتيه محد رحت حجرته جفته قاعد يطالع التلفزيون ابتسم له و رد لي الابتسامه .

.قلته: ادري مقصره بحقك بس شسوي لازم اروح اتسوق ...بس بحاول ما تأخر زين باباتيه .."بسته ع راسه و طلعت .."
جفت حصه ظاهره من حجرتها يلا لبسي عبايتج الدريول تحت ...
قلتها : و موزي ..
حصه: اتحلمين موزي اتنش من الحينه ...يلا شوق ما ابا اتاخـر ع موعد العياده..
قلتها :من عيوني ..
لبست عبايتي و شيلتي طاحت عيوني ع الموبايل ربعت صوبه اشيك فجيت المسج "صباح الخير يا وردتي" ابتسمت ها ذياب ما يضيع وقته ..طلعت من حجرتي و انا اكتب له "صباح الورد" ...
و نحن نازلين من الدري سالت حصه : حصه ..؟؟
حصه: امري ..؟؟
قلتها: ذياب شو يشتغل !!
حصه طالعتني مستغربه: ريلج و ما اتعرفين وين يشتغل ..
قلتها : انا شدراني ..وو ما احيد ندى طرت لي شغله ...وين صج..
حصه: ريلج محــاامي ...
قلتها : علشان جذاا خقاق ..
حصه: هههههههههههههه منوه يرمس عن ريله جذا خبله انتي ..
ركبنا السياره ..تذكرت حمودي : وين ولدج..؟؟
حصه: ظهر مع عمووه
قلتتهاا: فديته وايد اشتقت له ...جان يبتيه معانا..
حصه: مينونه انتي بخبل فيناااا ...
وصل مسج من ذياب فتحته" صح النووم "
قلت حصه: ها مسج من ذياب انا ما خبرته اني ظاهره من البيت ...
حصه : خبرييييييييييه زين ..ليش ما ادقين له ...
قلتها: مدري ..بس بخبره الحينه ..أظن بيي اليوم بعد..
حصه : ما شاء الله كل يوم ..
ما رديت ع تعليقها ..طرشت له مسج " انا طالعه الحينه بروح افصل لي عبااه و بمر العياده عشان حرمة سعيد عندها مراجعه "
ما وصلني رد منه ...كان بالي اليوم مشوش بين راشد الي البارحه جفته و بين ذياب ..بس كنت احاول ابعد راشد عن بالي قد ما اقدر..تمينا ساعه كامله في سويت ليدي..عقبها ظهرنا رحنا العياده ..ما كانت زحمه ...يلسنا نتريا دورنا ..طالعت لساعه جفتها 12 الظهر
ساسرت حصه: الساعه 12 الظهر ..؟؟
حصه: زين اتمنى ان ما نتاخر وايد ..بعد الدريول راح اييب بدور عقب بردلنا ..جان ما رد ..
شويه و زقروا اسم حصه ..وقفت ووقفت معاها ..بس احرجتني يوم

قالت :شوق تمي برع .اتلوم تكشف عن بطني ..
قلتها: زين ابا اجوف النونو بالجهاز ...ما بجوفج..
حصه: لا ما عليه ..لا تحرجيني ..
رجعت يلست ابمكاني ..غريبه حصه ما تباني ادش معاها الغرفه ...عيل بالحمودي ما كانت مصدقه خبر ..كل شويه اتروح العياده و كنا ادش وراها علشان انجوف حمودي بالجهااز .

..المهم قلت يمكن الحينه غير ..مدري ابصراحه شو افسر تصرفها ...طلعت موبايلي و يلست اقرا مسجات ذياب ..الي طرشها لي البارحه و اليوم ..عجيب هالانسان ...خطر ع بالي اطرش له مسج .." متى بتتي بيتنا .." ..عقب ما تطرش ندمت ..اني طرشت له مسج...بس ثواني و صلني مسج منه " متى حبيتي ..ولا ناويه تظهرين من البيت اليوم"
رديت اكتب له" لا ما بظهر ..انا فاضيه بس انت ..متى تقدر."

هالمره اتاخر بمسجه ..يلست كل شويه اطالع الموبايل ..مدري ع شوه انا طايره ..تذكرت حركاتي
ففتحت الشنطه و فريت الموبايل ..بس اول ما صكرت الشنطه ..

وصلني مسج..ففتحت الشنطه ابسرعه و كأني خايفه ان الموبايل يطير مني فجيته " بيي عقب صلاة العشى ..علشان اذوق طباخ شواقتي الحلو " شهقت ها يباني اطبخ له ... زين بعد بتسلى ..اظن اليوم اخر مره ايينا قبل العرس ..بلعت ريجي ارتجف العرس ...يالله الايام وايد اتمر ابسرعه ..انا خايفه ..قد ما انا مرتاحه لها الانسان لانه ما قصر معاي قد ما انا خايفه من باجر ...فاجاتني حصه وقف عدالي : يلا شوق خلصت ..
وقفت قلتها: شو الاخبار ..
ردت و كانها مستانسه: طيبه ...الحمدلله كل شي تمام..
قلتها: الله يتمم ع خير ..
حصه: آمين..
في الرده ما رمسنا مدري حصه بشو كانت اتفكر بس انا كان بالي مشغول بزياره ذياب ..كيف بتكون هالمره مختلفه عن المره الاول و الثانيه ...اتمنى ...
حصه: شو فيج..
قلتها: ذياب بيي ع العشى يباني اطبخ له ..
حصه: اساعدج..
قلتها: لا انتي ابروحج تعبانه بحملج ..بس اقترحي شو اسوي له .
حصه: امممممممممم بفكر لج ...
وصلنا البيت ..حصه راحت حجرتها ..اما انا قعدت ما بابااتيه في الصاله و حمودي الي كان يلعب كوره .. يلست اطالع التلفزيون ...طبعا باباتيه حاط قناة ثقافيه ...و انا كنت بعالم ثاني ..كنت سرحانه العب بشعري نقزت فجاه يوم كفخني حمودي بالكوره يت ع راسي ..فصرخت عليه متروعه : اييييييييييييييييييييييييييه ما اتجوف ..

حمودي: ههعهعهعهعهعهعهعهعهعهعهعهع

طالعته بعصبيه: بضربك جان لمستني الكره مره ثاننيه جرب اجوف ..\

حمودي خذ السالفه لعبه و عناد ..فضربني بالكره بس انا زخيتها و فريتها فوق المكتبه يلس يصيح و يتناقز ..و ايير باباتيه و ياشر ع المكتب علشان ينزل الكوره ..
ضحكت عليك: دواك علشان تتأدب .

حمودي يصيح : بابااااااااا باباااااااااااا

بها اللحظه دش سيفاني ..ربع صوبه حمودي : عمي سيف شوق فرت كورتي فوق المكتبه ..
طالعت سيفاني ..خفت وايد..

ظنيت عقب ما بتزوج هالاانسان بفتك منه و من الخوف الي دووم احس به صوبه..طالعني بنظراته الحاده : ييبي كورته ابسرعه ..

بس انا من كثر خوفي ..ما سمعت كلامه بالعكس عطيته ظهري و ربعت فوق الدري و كاني اشرد منه .. وصلت حجرتي و قفلت علي الباب انافخ من التعب ..الله يغربل السالفه ...رحت اصلي الظهر .. و انسدحت ع الشبريه .. رقدت ..مع ان ما كنت محطيه في بالي اني ارقد ...وعيت ع دقت الباب .. وصوت امايه بالاول حسبت وقت الصبح ..بعدين تذكرت ان الحينه النهار ..رفعت ساعتي جفت 4 العصر ..
امايه: شووووووووووق

رديت لها: نشيت ماماتيه ..

كنت متضايجه من الاغراض الي في حجرتي ..بس ماشي مكان ثاني ..انحطها ..وصلت الحمام..تغسلت و صليت العصر ...عقبها طلعت حسيت باليووع ..رحت المطبخ ..يلست اكل فواكه .
.تذكرت ان ذياب يباني اسوي له عشى ..ظهرت دياي من الثلاجه ...و بعض الاغراااض الي ممكن احتاجها حق الطبااخ..فكرت اتصل بـ ندى اسالها خالها شو يحب من طبخات ...

رجعت الفله ..جفت شيخاني محتشره مدري شو عندها ...ما كان لي بارض اتفلسف معاها لاني ابا اتصل بـ ندى حسيت ماشي وقت ...
بس وقفتني امايه: تعالي شوق اختج محتشره جي باجر بتروحون الشارجه و ما بتودونها ..
طالعت شيخاني يعني ما تدرين ان عليج امتحانات ...
شيخاني: لا و الله اجلووا سيرتكم...
رفعت حياتي :: متى ااجلها شي وقت !!بتخلصين يوم الخميس و انا بعرس السبت متى تبين انأجل ..
شيخاني محرجه: يعني شوه ما بشتري فستان ..حق العرس ..ما يخصني ..

امايه: زين بخبر سيفاني ياخذج يوم الخميس تشترين لج فستان ..انتي و بنت خالج بدور ..
استانست يوم سمعت اخر جمله من كلام امايه ...اكيد بدور لو درت بطير من الوناسه ...
شيخاني: تدرين سيفاني ما بيييطيع ياخذني ..

امايه: امبلى اذا قلته فديته ما بيرد لي طلب ..روحي راجعي يالله
حسيت ان وجودي ماله داعي يوم جفت شيخاني و امايه يتناقشون ...رحت حجرتي ..اتصلت بـ ندى ما ردت علي ...اخرتها فكرت اسوي من نفسي ..عاد الاكل الي بسويه يحبه ما يحبه شي راجع له ...
طلعت من المطبخ ع أذان العشىى هلكانه ...الحمدلله ما بجى شي ع العرس ..جان كل يوم بسوي له عشى بموت ...
سعيد: شوق بلاج جنج بتموتين..
ابتسمت له: صجج بموت من التعب نسيبك يبا عشى ...وهقني ..
سعيد: هههههههههههه عيل بتعشى معاكم ..

ابتسمت له: دخييييييييييلك استحي اكل معاه ابروحي استحي ..
سعيد: زين برووح اييب حصه من بيت امها ...و عقب الصلاه بمر ..لا اتقولون رزه ..

ضحكت عليه: هههههههههههه محشوم فديتك ..
سعيد: باجر عقب الغدا بنظهر الشارجه ..بنرجع يوم الاربعاء .. زين .
ابتسمت: حـلو ... بس انا من النوع الي ما يحب الحواطه وايد ...

سعيد: هي عاد هاي الرمسه قوليها حق ام محمد .."يقصد حصه"
ابتسمت: ما يهمك .. موزي بتيي معانا ..
سعيد : هيه تبا تشتري لها فستان ...خبرتني امايه عن شيخاني ...سيفاني بياخذها يوم الخميس هي و بدور ...
استانست مب عشان سيفاني ما يستااهل بس علشان بدور تجلع عينه ...

سعيد: جفتي سيفاني ..
قلته: لا ..ما يهمني ..بروح ابدل ملابسي ...

سعيد : و كانه ما عيبه كلامي: ع راحتج ..في امان الله ...

تحرك صوب باب الحوي و انا تحركت صوب باب الصاله ..جفتي الصاله فاضيه ...سرت حجرتي ... شيكت ع موبايلي ماا جفت اي مسجات ...ولا اتصال من ندووى اكيد مشغوله فـ شيء ...

رحت الحمام اتغسل و ابدل ملابسي ...صليت العشى ..ما عرفت شو البس عقبها اخترت بدله عينناوية ..عيبني شكلي فيها ...عدلت شعري ...فكرت احط مكياج بس غيرت رايي جحلت اعيوني ... تاملت ويهي ارتحت يوم جفت ويهي ما فيه اي علامات ..و كف سيفاني اختفى ...

خليه يجوفني من دون مكياااج ...طالعت معصم ايدي ..تذكرت راشد يوم زخني البارحه ..و الله اني مرات احس اني اخون ذياب ...يوم افكر بـ راشد .. و البارحه يوم رمسته و غير انه لمسني ...انا ما ابا اتعذب ...

مرات احس اني مستخدمه ذياب .كنوع من الحاجز ينسيني راشد و عذابه .. و يدلعني لاني ادري صعب الاقي انسان شرات ذياب ها الاياام ....بس هل الي قاعده اسويه غلط بحق ذياب .يا عالم ؟؟.؟؟

طلعت من حجرتي علشان اهرب من المشاعر و الافكار الي تزعجني ...و اتسبب لي الهموم ..يلست فـ الصاله اجلب قنوات التلفزيون ...شويه و دش حمودي يركض و حصه و سعيد وراه كانوا يضحكون ..ابتسمت يوم جفتهم .. خاطري الله يرزقني حياة مستقره شرات حصه و سعيد...
حمودي ياي يبشرني : عمووه عمي ذياب داخل الميلس روحي ..

طالعت سعيد علشان يأكد كلامي : هي ذياب وصل ..
حمودي اييرني من شييلتييي :قومي يلا روحي ..
سعيد+حصه: هههههههههههههههه

شوق: زين هدني ما بطير ..
حمودي يدزني: يلا روحي ..
زخته حصه: تعال تعال انت وين رايح...
حمودي يصيح: بروح مع شوق ..

قلتهاا: خليه حصه ..حرام البارحه بعد بغى يدش ...
سعيد: انا بييبه معاي روحي انتي ...
قلتها: زين تعال معاي استحي ابروحي ..

حمودي يصيح: ابا عمووووووووووووووووه ..
حصه شكلها تعبت: سعيد شيله عني قاعد يرافس ها شرات الحماار ؟؟؟

شله سعيد يراضييه بس حمودي عطااه طراااق كردت فعل طبيعيه من سعيد صفع حمودي الي يتم يصيح بصوت عالي ...
حصه: حرام عليك سعيد ...
سعيد يعصب ع حمودي: بس ..

طالعتهم : ابيه شو هاي العايله ..خلوني اشرد
و ظهرت من الصاله و خليت سعيد و حصه و حمودي ابروحهم يحتشرون ...كنت اضحك عليهم و ع خبالهم ..بس يوم وصلت عند باب الميلس ...بلعت ريجي تذكرت ذياب الي قاعد داخل الميلس ...التفت لصوت باب الحوي ..جفت باباتيه و سيفاني شكلهم يايين من المسيد...

تميت واقفه ابمكاني الظاهر عرفوا ان ذياب داخل جافوا سيارته ... بلعت ريجي يوم جفت سيفاني بس طنشني ...و زخ ايد باباتيه ..ويوو صوبي ...سالني ولا كانه البارحه مكفخني: ليش ما تدخلين ..
ما عرفت شو ارد له باباتيه ابتسم لي و باسني ع راسي ...

فج سيفاني الباب ...دش و معاه ابوي .. و لحقتهم انا ..وقف ذياب ..و سلم ع باباتيه و ع سيفاني .. و علي ...حسيت بنظرات هالمره غييييييييييير .. ما اعرف شو اوصفها لكم ..حسيت ان سيفاني و باباتيه يراقبونااا فتلومت و طلعت برع الميلس ...جفت سعيد ياي ..
سالتني : وين ..؟؟

قلته متلومه: بدش عقب ..داخل سيفاني و باباتيه ...
سعيد: ههههههههههه تستحين ..ما عليج ..بزقرج يوم بروغهم من الميلس ...
قلته : لا بحط لكم العشوا تعشوا رباعه .. زين ...انا بتعشى عقب ...
سعيد: ول وايد تستحين انتي ..خلاص ابرايج ..

رحت المطبخ خبرت سيتي اتحط لهم العشى ...و عقب ما يخلصون اتخبرني ...و عقبها دشيت الصاله ..يلست افر قنوات التلفزيون .. مرتبكه ...ما اعرف شو اسوي ..جمدت ابمكاني يوم دش سيفاني...بلعت ريجي يوم جفته يطالعني و شكله ياي يرمسني مد ايده : تعالي تعشي معانا ...

زخيت ايده لاني كنت خايفه منه وقفني قلته : ما ابا اتعشى ..
طالعني: ليش ..ما تبين ..متلومه منا ..نطلع من اليلس ..
قلت ابسرعه : لا ...بس ."ما عرفت شو اقول .."

فاجاني يوم باسني ع راسي و قال : انتي شاطره وايد اتعرفين كيف تستفزيني..

رفعت راسي ..اطالعه مستغربه منه ..هذا سيفاني يضربنا و يكسرنا عقب يعتذر مناا بلعت ريجي و سكت ...ييرني ..دشينا اليلس ..اتلومت يوم جفت ذياب و باباتيه و سعيد قاعدين يتعشون ..

سيفاني ابتسم لي: اتفضلي اخت شوق البيت بيتج..
استغربت من تصرف سيفاني بس جدام ذياب يسوي جي .. ولا يبا يخفف عني المستحى ..حسيت ان ذياب يطالعني..بس انا قدرت امنع نفسي من اني اطالعه ...يلست بين سعيد و باباتيه ..انحرجت وايد يوم سمعت تعليقااتهم ع طباخي... و حسيت مرات سيفاني يبالغ يبا يحرجني...

يوم قال: ايه قومني من ع الصفره ترا باكل ايدي من لذة الاكل..
فاضطريت اقوله: سيفاني اتبالغ ..

الكل: ههههههههههههههه ..
سيفاني: و الله مدري عندي اخت طبيخه جذاا ..
قلته و انا اطالع ذيياب : شكرا ..

ابتسم لي ذياب و ابتسمت له ؟؟؟

سعيد: الحمدلله نعمه دايمه ...
عقب ربع ساعه ..تمينا انا و ذياب ابروحنا في الميلس...قعدت ابمكاني ..بعيد عنه ..فنش و يلس عدالي ..
طالعته فقال لي: عندج مانع ..
ما عرفت ارد عليه فسكت ..صدق كل زياره اتكون لها طعم مختلف عن الي قبلها ...الحينه احس بالألفه و الراحه من قربه مني...تذكرت راشد ..فارتبكت ..لاحظ علي فسالني : بلاج؟
همست : ماشي ...

زخ ايدي و ما قدرت امنعه و قال: تسلم هالايدييين ع الطبخه الحلوه ...
ابتسمت منحرجه ..
كمل : طبيخه شراات الوالده ...

زخ ايدي مكان البارحه زخني راشد ..حسيت برجفه ..مدري اي شعور حسيت به..هو حس بربكتي و بملامح ويهي الي دلت ع خوفي..

همس: شوق انتي اليوم ابد مب طبيعيه ...متضايجه من شي ...

اول مره اسمعه جي يهمس...صوته عذااب هالريال ...كنت بيير ايدي بس لمسته كانت لها طعم و احساس حـلو ..فما قدرت احرم نفسي ..من لمسته ..بغيته يضم يدي للابد .يحميني من الدنيا و من الناس و من كل شي يضرني....أو يحاول يأذني...حط ايده الثانيه. ع خدي و فرني صوبه و كأنه عرف بشو افكر
قد يحسس مكان العلامه الي جافه البارحه بويهي ..

بلعت ريجي يوم طاحت عيني بعينه و قلته : لا اتسوي جي ..
ابتسم: ليش ..؟؟ تتروعين مني..

زخيت ايده بكل رقه الي كانت ع خدي و بعدتها عن ويهي ..
سالني: استانستي البارحه خلصتي اغراضج..

هزيت راسي اجاوب ع سؤاله الاول و الثاني قلته: يمكن باجر انروح الشارجه ..
ذياب يطالعني و كأنه اول مره يجوفني : قالي سعيد..يعني ما بجوفج الا بـ ليله العرس..

سكت ..خفت يوم قال لي ليله العرس..و غير نظراته كانه بياكلني..يير شيلتي فطاحت ع جتفي ..و يير الشنيون من شعري فطااح ع جتوفي ..

عدلت بيلستي قلته مرتبكه : انت شو اتسوي ..
شليت الشيله علشان البسها بس ييرها عني...
ذياب: انتي جي ملاك..

مدت ايدي: عطني الشيله..
فرها بعيد ..ترجيته: ذيااااااااااااااااااب

حسييت انه عيبنه يوم زقرته باسمه : قولي اسمي مره ثانيه..
صديت الصوب الثاني متلومه و قلته : لا ...

لمس شعري : ما شاء الله كل شي فيج حلو ..انتي ملاك ..
ما تحملت حركاته .كنت بنش من مكاني بس زخ ايدي و امري : يلسي ..مكانج..
بللت شفايفي ابتسم غمضي اعيونج ..
طالعته : ليش ..
قالي : بس ..
غمضتها من دون ما اناقشه ..حسيت يمسك ايدي ...رصيت ع اصابي يوم زخني مكان لمسنبي راشد..بس ذياب هد اصابعي و قال بصوت عذب : استرخي شوق ...
فجيت عن اصابعي ... حسيت بالخاتم الي يلبسن ياه ..فتحت عيني ..طالعته ..
فقال: جفت هالخاتم عيبني قلته ها مسواي حق حبيبتي ..

تميت اتامل الخاتم ..يمكن علشان اتهرب من مشاعري يوم سمعت اخر كلمته ...بس ع طول مرت فـ بالي ذكرى راشد يوم لبسني الخاتم في بيتهم و قال عقبال خاتم خطوبتنا ... ع هاي الفكره ..الي فتحت الجرح ..فسخت الخاتم و فريته عالارض راقبته يتدحرج لي ما وصل تحت الطاوله .

قلته و انا شويه بصيح : ما ابا هداايااك ما ابا منك شي ...

تفاجأ ذياب من ردتي فعلي الي اكيد و مليون بالميه ما توقعها ..تميت امنزله راسي بالارض اتصارع مع دموعي ...
سالني بنبره جديه: ليش سويتي جي ..
سكت .........................................."ابد ما كان عندي جواب "
ندمت ع الحركه الي سوبيتهااا ...ما قدرت اضبط اعصابي ...كان المفترض اتحكم بمشاعري و ما اخلي ذكريات راشد و سوالفه اتاثر ع حياتي اليديده و مع ذياب ...
رد سالني : ليش سويتي جي ..
همست غصبن علي : مدري ..
امرني : روحي يييبه ..
تمتيت يالسه ابمكاني حسيت كبريائي يمنعني ...
قال مره ثانيه بنفس النبره : شوق روحي يبي الخاتم ..و البسيه ..
نشيت من مكاني .. ورحت صوب الطاوله نزلت عالارض و يبت الخاتم ..ضميته بيدي ..و رجعت يلست ابمكاني جريبه مني ...
قالي : البسيه.
بغيته يلبسني ..لاني ندمت ع الحركه الي سويتها ...بس الظاهر ..مستحيل يلبسني له مره ثانيه ..فلبسته بروحي ..و ضميت ايدي ...كان يراقبني
سمعته يقول : مدري ليش سويتي هالحركه و ما ابا اسالج ..لان شككلج ما تبين ترمسين ...
طالعته يوم يرمس حسيت انه تضايج و زعل ..اختفت الوناسه من ويهه اختفت الراحه ....انجلب كل شي فيه جدي و رسمي ...لومت نفسي ...

وقف فجأه : يلا انا بروح خاطرج بشيء ..
رفعت راسي اطالعه ووقفت معاه ...عرفت ان زعلان من الحركه الي سويتها ...زخيته من ذراعه
و اعتذرت له: انا اسفه ذياب ..ما كان قصدي بلحـظ...
طالعني و ملامح ويه ابد ما تغيرت : ليش سويتي جذا ..

نزلت راسي بس كنت بعني متمسكه بذراعه : ممممم ممدري ...

رفعت راسي اطالعه يوم ما سمعت رده ...تجرب مني ..ارتجف ..لاني بواجه نظراته ..طاحت عيني بعيونه ..تجرب مني اكثر حسيت انه وايد جريب مني ...بللت شفايفي بطرف لساني ...لان حسيت ريجي ناشف ..غمضت اعيوني مب متحمله قربه فتحت اعيوني يوم همس : انتي انسانه عجيبه شوق ..

.وحضن ويهي بيدينه الدافيه و جربني اكثر منه و قال: بس اتمنى ان الي صار ما يتعلق بـ علاقتي فيج و فيني ...اتمنى ..
قلته و انا احس بنار تحرق ويهي : ابد ابد ..ماله علاقه .ووووالله.
جفته ابتسم فجاه و قال : مب لازم اتحلفين غناتي ردت فعلج كافي اتخليني اصدقج..

خطر ع بالي الوي عليه و اقوله انا محتاجتنك وايد ..و انك ظهرت ابحياتي بالوقت المناسب ..نظراته لي كانت اتقول انه قاعد يعرف شو يدور في بالي ...بس دقت الباب ...خلتنا ننقز ...و نبتعد عن بعض مسافة كافية ...طالعنا الباب ...

ذياب: اهلا بو جاسم ..
حمودي: بابا ضرباني ..

عضيت ع شفايفي ...ها الي بفضحنا الحينه ....شو ياييييييبنه ...
ذياب يفتح ذراعه: افاااا ليش ما يصير ...

حمودي يدش الميلس و ماد براطمه شبرين : ما يخليني ادش مع شوق الميلس ..
قلته: انته امك ما رقدتك ...

ذياب يشيله : هههههههههههه ما عليك بو الشباااب انا بنتفاهم معاه ما يهمك ولا تزعل كله ولا بو جاسم ..
حمودي : اضربه بالكره قوووووو

ذياب: هههههههههه فالك طيب ..ما طلبت الشيخ ..
شوق : حمودي عيب ..يلا روح عند ماما ..

حمودي فشلني يوم صرخ علي: ما ابى ...كلهم ما يبون العب مع عمي ذياب ..
طالعني ذياب مستغرب و انا ويهي صار شرات الطماطه ذياب: جي ما يبونك تلعب معاي ...يا رياااال لا اتقووول

حمودي: بابا يقول بزعجكم ..ما اخليكم ع راحتكم اوووونه

طالعني ذياب فطالعته منحرجه فقاله: خلاص يا ابووووي خربت علينااااا ...روح عند عمتك انا مروح ...

حمودي: بتوديني الجمعيه ..

تجدمت و خذت عنه حمودي و قلته: خله ترا اذا عطيته ويه ما بيهدك...
حمودي يصرخ ما يباني ذياب يضحك علينا: ههههههههه

نزلته عالارض أأأأأ نافخ ..فشلني
ذياب: ههههههههههههه خليه ما اترومين له ...

طالعته بنظرات لوم ..حمودي يأشر ع شعري: ما تستحي ما تلبس شيله ..
انحرجت حطيت ايدي ع شعري و طالعت ذياب ...
ذياب: ههههههههه فديتك هذي حرمتي ..حلال علي ...

قلته: بس ذياب لا اترمسه بمصخها ها الياهل ..

رحت صوب شيلتي و شليتها حطيتها ع جتوفي ...عقبها تجربت من ذياب .مد ايده ..مديت ايدي ..
ذياب: بتوحشيني ...ما اروم اسوي شي طالعيه قاعد يراقبنا ..

كان يكلمني وزاخ ايدي ..انا بروحي كنت ميته من لمسته و هو يقولني ..طالعي حمودي متفيجه ...حسيت بالوحده يوم فج عن ايدي .. و سلم ع حمودي
ذياب: خشششمك
حمودي يبوسه و يضحك...
طالعني بنظرات حلوه : مع السلامه ..
ابتسمت له : في أمان الله ...

راقبته لي ما ظهر ...حسيت ان بفتقده ..بس تفهت السالفه حق شو افتقده ايام و بتم عرسنا...افتريت صوب حمودي جفته معفس الميلس ..
عفدت صوبه:- ايييييييييه خربت الدنيا.

.شليته و ظهرته من الميلس ..و كان يضحك ويسولف عن مغامراااته ..بس انا ما كنت منتبه له ..كانت بداخلي فرحه كبيره فرحه ما تنوصف و انا اترقب حياتي اليااااااي مع ذياب ..




ما دِمتْ غالي وقلبي صــــار بيدينــــك ...راضـي حبيبي تدلَّـــع بس بالراحـــــه ..ماقـدر أواجه دلـــــع همساتك وعينـــــك
يكفي عيــــــونك بلا تغنيج ذبَّاحــــــــــه

________________________________________
في اليوم الثاني عقب الغدا ..طلعنا بسياره سعيد انا و حصة و موزي...طبعا شيخاني كانت مادده براطمها شبرين ..بس ظروفها ما تسمح لها انها اتيي معانا ..عسبة امتحاناتتهااا ...

اقترحت حصه انا انروح مركز البستان فـ دبي انبات هناك ليلة وحده ...بس سعيد ما عيبه و فضل انه يروح فندق الصدف في الشارجه ...وصلنا عقب ساعه ابسبب الزحمة ...

كانت مشيتنا ...سهله و خفيفه و حلوه ...حجز لنا سعيد شقة مفروشه فيها حجرتتين ..و صاله ...حجره له و لـ حصة و حجرة لي و لـ موزي ...شليت شنطتي و حطيتها في حجرتنا االخاصه لي و لـ موزي ..



كانت الساعه 3 نـ ص ..وايقت من الدريشه ابتسمت يوم جفت لبحر ..بس للاسف مب ظاهر كله ..شي بناية قبلنا امغطييه عليه ...طالعت ايدي ..جفت الخاتم الي لبسه لي ذياب البارحه ...عضيت ع شفايفي اتذكر موقفي السخيف ...بس ما كان قصدي احرجه و الله ...الله يغربل راشد و اليوم الي عرفته فيه ...الي صار لي معاه ما يتنسى .. أنا وعدت نفسي اني ما افكـر بـ راشد موليه ..

.حتى ما اخون نفسي و اخون ذياب بالمره.. فكرت .لو ذياب ما ظهر بـ حياتي .. و راشد سوا سواته معاي ..هل ممكن اسامحه ..!! اتذكرت موقف سيف و سعيد فقلت ..مستحيل ..راشد انسان ابد ما يتأمن له .. و تاكدت من صدق كلامي يوم جفته أول أمس في بيتهم ..رجعت اتامل الخاتم ..

كان حجمه كبير ..و كان يلمع و حسيت انه زاد ايدي جمال ...و غير انه ملفت ...سمعت صوت حمودي من ورا الباب ... فرحت صوب الباب و فجيته ...جفته مش موجود ..رحت الصاله ..جفت حصه و موزي قاعدات يرمسون ...
حصه: ع بالي رقدتي شوق ..
طالعت حمودي جفته مندمج يطالع كونان ..يلست جريبه منه و قلتها : لا سمعت حس حمودي فظهرت ..
حصه: ها مسوي حشره ...ابوه راقد داخل ..
استغربت: سعيد رقد..؟؟
موزي: عز الله اتزهبتي شوق ..
حصه محتجه: حرام عليج ..ريلي تعبان .قال بنظهر الساعه خمس ...
موزي: هههههههههه اسولف ...بدور محتشره تبا اتيي معانا ..بحسدونا ع هالطلعه الا هي يومين ..
قلتها: حتى شيخاني ..."سالت حصه" قلتي بدور ان سيفاني بياخذها يوم الخميس هي و شيخاني..
موزي: انا قلتهااا .
ابتسمت : شو قالت ...
موزي: ليش يعني .عادي .
كنت اعرف ان بدور مب عادي عنها .. و انا ما بغيت اخبرها علشان افاجأها ...بس اشك سيفاني يركبها سيارته ..ها النحيس شراتها ..صدق من قال الطبيور ع اشكاللهااا تقع ..مرات اجوف حصه و موزي نفس الشخصيات بس بدور تختلف عنهن يمكن طالعه لـ راشد ..محد يعلم ...
فاجاتني حصه: شوق ما عزمتي قوم عمج ..؟؟
عقدت حياتي : لا اتصدقين ..

حصه: المفروض تعزمينهم ..ترا سعيد اتصل بـ عمج و خبره عن ملجتج ...الحينه انتي لازم اتعزمينهم .
موزي: ليش بيييون ما اظن ..
وافقت موزي: هي ما اظن "و تذكرت حلم ليلى فقلت " ما اباهم اييون .
حصه مستغربه: ليش ..
هزيت جتفي : بس ..
ردت علي: بس سوي لواجب و اعزميهم شو بيقولون ..
موزي: صدقها حصه .
.مدري ليش قلتهن: عمي و عياله عدا فهد ما ينبلعون من هني " و اشرت ع مصرتي "
موزي تفاجات بكلامي بس حصه عاتبتني و طالعتني بنظرات لوم: شوق شو هالرمسه .
حسيت اني غلطانه لاني قاعده ارمس عنهم بهاي الطريقه فسكت ..

تذكرت موبايلي فربعت داخل حجرتي ..شيكت عليه ..جفت مسج من ذياب " غناتي يوم بتوصلني عطيني خبر " استغربت متى طرش ها مسج ...رديت كتبت له " انا بالشارجه خلاص .." انسدحت عالشبريه اترياا رد منه بس ما وصلنـي ..الظاهر مشغول او راقد ...دشت موزي الحجره ...
سالتها: وين حصه ..؟؟
انسدحت عالشبريه و جنها بترقد : حمودي فديته رقد خذته داخل الحجره و قالت هي بعد بترتاح ..
وصلني مسج ففتحه ابسرعه" تستاهلون السلامه ..جان احتجي لـ شيء خبريني .."
موزي: مسج من ريلج ..
حطيت موبايلي ع الكمدينو مستانسه: هي ..."تذكرت" تذكرين يوم بدور اتعاايب عليج تبين تاخذين ذياب .؟؟
اشرت مب مهتمه : هاي خبله ..جافتني وايد ويااا عموه الله يرحمهاا
رفعت راسي و ساندتها بيدي و قلتها: موزي تذكرين كيف كانت حياة ذياب مع عمتج.حنان.؟؟
طالعتني : ليش ما خبرج ذياب ..
قلتها: ما وحى لنا انسولف عن حياته قبل ...
موزي: ليش ما اترمسينه بالتلفون..
هزيتت جتفي : هوه ما يتصل ..بينا مسجات ..اتصدقين بيني و بينج ..ما كنت ابا هالانسان بس سبحان الله الظروف جمعتنا ..

موزي تصحح كلامي: قصدج النصيب ...
سكت و كملت كلامي: نصيبي ..بس الحمدلله وايد مرتاحه معاااه ..
موزي: الله يهنيكم...بس علاقته بـ عموه ..ما اعرف كانت مرتاحه بس كنت اسمعها تشكي لـ ابوي من دوامه
سالتها: دواامه
موزي: هي ترا هو محــأمي ...مدري المهم اذكر كانت تقارنه بـ سعيد اخوج ..
استغربت من كلام موزي يوم جافت ملامح ويهي قالت: شوق ترا لازم اتكون مشاكل بين اي زوجين ..بس تراني اقولج كانت وايد مرتاحه معاه..
قلتها: لا مب جذا افكر سعيد و حصه ع شو يختلفون مرات..
موزي تستهبل: ع شوه بعد ..على حمووووووووووووودي ..
ضحكتني : ههههههههههههه فديته حمودي ..

سالتها: كيف شغله ..
موزي: منوه ..
قلتها: ذياااااااااااب
طالعتني: شوق شدراني انا اساليه ..بس اهم شي مهروو ..شوق ترا هالبنيه يتيمه..
ابتسمت لها: بحطها بـ عيوني فديتها من جفتها بالمنار هذاك اليوم تخبلت عليها ..
موزي: هي حليوه ما شاء الله ..
سكتنا يوم أذن العصر ..نشينا انصلي .. و عقب تزهبنا علشان نطلع ..يلسنا فـ الصاله نتريا ..سعيد و حصه لـ ما ينشون .. عقب ساعه بالضبط طلعنا ..نزلنا سعيد تحت بالمطعم ..يلسنا و شربنا كوفي ..لاحظت حمودي مؤدب شكله الظاهر مهددينه ...
سالني سعيد: وين تبين اتروحون الحينه ...؟؟
حصه تطالعني فقالتها : انا ما اعرف ..
موزي : خلونا انروح صحارى
حصه: هي و عقب ميغامول
سعيد: عيل باجر خلوا طلعتنا صوب دبي ..
شوق : زين جذاا ..
حمودي: بابا بلعب بالالعاب ..
سعيد: هي بابا اذا تادبت و ما سويت حشره بلاعبك بكل العاب ..
ابتسمت و طالعنا
حصه: يخاف يرمس عن يحرمونه من الالعاب
الكل: هههههههههههه
سعيد: ما ايي الا بها الاسلوب ..."وقف " يلا توكلنا ع الله ..
ركبنا سياره سعيد .. حسيت ان الزحمه خفت شويه ..رحنا صوب المركز صرخ حمودي مستانس يوم نزل سعيد تحت صوب المواقف ..
سعيد: انا شو قلتلك..
فسكت حمودي ..
حصه: حرام عليك سعيد مب لها الدرجه عاد
انا و موزي: هههههههههههههه
سعيد: خليه يتأدب ..
عقب ما دخلنا المركز ..خذ سعيد حمودي معاه صوب الالعاب..امماا انا و موزي و حصه ..يلسنا انحاوط من محل لـ محل ..اشترينا كذاا شيء...اشياااء حلوه و راااقية ..كناا نتضارب ع الاذوااق بس كان القرار الاخير راجع لي..بهاا الساعات الي قضيناها في التسويق كانت وايد حلوه ...عقب سرنا صوب المصلى ..علشان انصلي المغرب ...يلست حصه داخل المصلى ترتاح اما انا و موزي طلعنا راييحاات صوب سعيد علشاان انيييب حمودي من عنده ...
موزي مستانسه: وناسه يقهر بدور افكر اتصل بهاا ..
قلتها: حرام عليج عقب ما بتراجع زين ..
موزي مب مهتم: ابرايها هههههههههه
قلتها: اسميج جاسيه ..
موزي: عيل ما وصلج مسج ..
قلتها: هيييي استغرب ..
موزي كانت مجابلتني : يمكن ما يبا يزعج..
اتصلت فينا حصه امحرجه .لان سعيد كذا مره اتصل بها .. يباني انروح ابسرعه ..
موزي: يلا ايه قاعدات انسولف ع راحتنا ..
شوق: هههههههههههههه فديته سعيد ما يقول شي ..
موزي: اتخيل فضحه حمودي...
قلتها و انا افكر بـ ذياب: اشك .
كانت موزي امجابلتني ..و علشان كنا مستعييل صدت ابسرعه صوب الدري المتحرك ...شهقت كنت بزخ من ايدها بس ما لحقت لان موزي طاحت ع الدري المتحرك حطيت ايدي ع حلجي..
قلتها : موزي..
تجلبت موزي حاولت تتماسك ما قدرت فدعمت الريال الي كان نازل قبلها والي تفاجأ من صرختي.

و اول ما صد وراه كفخته موزي فطااح معاها ...حسيت الدمع اتجمد بعروقي ..

.بس الريال تماسك و قدر يوقف قبل ما يطيح مره و زخ موزي من يدها ووقفهاا .و الي بعت تحت متلومه و تغشت ع طول .....تنفست مرتاحه ..طالعت حولي جفت الكل يطالع الموقف ...

غمضتني موزي...نزلت الدري المتحرك و كنت خايفه لا طيح شرات موزي ...وصلت ل موزي الي كانت منحرجه موليه ..
قلتهاا:موزي تعورتي ..
موزي اتصيح: فشيييييييييييييييييييييله شوق الناس كلها اطالعني ..
زخيتها من ايدها و رحنا بعيد ...
موزي وقفت: شوق روحي يبي حمودي انا بقعد ع الكراسي ..
قلتها: ريولج تعورج..
هزت راسها بمعنى هيه ..
قلتها: خلاص انا بروح اييب حمودي تمي هني ...
وربعت صوب مصلى الرياييل ...اتذكرت موزي يوم طاحت و كيف ضربت الريال الي كان بطيح..يلست اضحك ههههههههههههههههههههه شرات المينونه ...استغفر ربي فـ قلبي خفت لا اطيح شراتها ...
سعيد محرج: سنه خلصوا الصلاه..
شوق : سوري بس موزي طاحت ؟..
سعيد: طاحت !! وين شخبارها الحينه ..
حمودي: عمووه لعبت بوايد العاااب
طنشت حمودي و قلت سعيد: هههههههههههههههههه من ع الدري .
سعيد: هههههههههههههههه جي وين اعيوونها ..
رديت عليه ههههههههههههههههه مدري عنها طاحت ع الريال فضيحه..
سعيد: هههههههههههههههههههههههههههههه روحي جوفيها ...وصلوا و تعالوا تحت بنروح ميغامول ...
شليت حمودي و انا اضحك : ههههههههههه ان شاء الله ..
حمودي: عموه شوفيها موزي..
قلته: ماشي ..عاد جان خبرتك بتفضحها فضيحه ..
وصلنا لـ موزي و الظاهر صارت اوكى من جافتنا وقفت قلتها: شخبارج
موزي بعدها منحرجه : زينه ..يلا انروح ...
سرنا مصلى الحريم ..ما خبرنا حصه السالفه بس جافت ملامح موزي متغيره حتى انا انصدمت لها الدرجه مدري شو صابها موزي...حمودي فضحنا شويه في المصلى يحكي سوالفه مع سعيد..طلعنا و شلينا اغراضنا ...جفنا سعيد يتريانا في السياره ..
رحنا صوب مركز ميغامول ...هالممره سعيد شل حمودي و قعد يلف معانا ما شرينا وايد اغراااض لانا حسينا بالتعب شريت لي بيجامات و غير حصه اشترت ل، حمودي كذا بدله ......و غير ان انا و حصه كنا نراقب موزي الي تمت صاخه و ابد ما بدت رايها بالاشياء الي شريتهااا ..كانت في حالها و ساكته ..\

طلعـنا صوب المطااعم ..نش سعيد و حصه يطلبون لنا عشى ...و حمودي يلسناه معانا بالغصب ...
سالت موزي: بلاج ..؟؟مأثره فيج الطيحه..
موزي: اسكتي ...بموت
طالعتها مستغربه: شو مستوي ..
موزي: عقب بخبرج يوم بنرجع الشقه ..

استغربت من موزي شكيت ان صج الطيحه أثرت فيها ...اترييا حصه و سعيد ...عقبها تعشينا نسينا التعب استانسها حتى موزي احسها ردت لـ طبيعتها ...ما بغيت اقول حصه ان موزي طاحت علشان ما احرجها ... و غير ان سعيد بعد ما يب طاري ..
سعيد: شوباجي لج شوق..؟؟
قلتها: تقريبا خلصت ...شو بجى حصه؟
حصه: ماشي ...
سعيد: عيل شو اتسون باجر دبي...
حصه: ويه بنشتري لنا فساتين انا و موزي وو بندور فستان العرس حق شوق..

ارتبكت حسيت بخوف يوم طرت حصه فستان العرس حسيت كل شي واقع و صج ..بلعت ريجي..شربت عصيري اغطي ع ربكتي اتصدقون اني افتقدت مسجات ذييااااب و ع طاريه رن موبايلي ..ابسرعه فجيت الشنطه ع بالي ذياب بس طلعت ندى : مساء الخير ..

قلتها: مساء النور "تعمدت اقول ندوي علشان افتك من نظراتهم يحسبون ذياب" هلا ندوووي
ندى: شو الاخبار وينج..
قلتها: بمركز ميغامول.. نتعشى ...
ندى: زين ما شاء الله خلصتي شغلج..
قلتها: هي بس باجي لي فستان العرس...
ندى : زين و الله عيل باجر بتجوفينه..
قلتها: هي باجر بمر ادور لي ..بس بـ دبي مب بالشارجه..
ندى: باجر يمكن اييي دبي بجوفج..علشان بشتري لي فستان..
قلتها ابسرعه: منوه بييج..؟؟
ندوى: منوه غيره فديته..
انحرجت اطالع موزي و حصه و سعيد الي كانوا مندمجين بالسالفه تخصهم ..
ندوي: ههههههههههه بلاج..
قلتها: ماشي خلاص ندوي بخليج الحينه ..
ندى: ابرايج سلمي .
قلتها : الله يسلمج فـ أمان الله ..
==
طلعنا من مركز صحارى ..كنت احس بعمري خلاص تعبت..المهم ارتحت يوم خلصت زهبتي بقت اشياء بسيطه كـ فستان العرس و غيره ..ابرايه..خلونا من هاه ...الحينه من صدقهاا ندى بتيي باجر ..ابتسمت و حسيت قلبي يرقع بقوه ..يوم تذكرته في بيتنا..حسيت بالخجل..هالانسان يثير فيني احاسيس ..ابد محد حركها من قبل فيني حتى راشد ..يمكن لانه له هيبته او وايد احترمه و اقدره يستاهل هالانسان ...و عند باب الصحارى دعمت موزي الي وقفت فجاه ..رفعت راسي اطالع شو السالفه..جفت موزي وقفت و حصه ابتعدت يوم خطف ريال داش صحارى .. و سلم ع سعيد..
سعيد: هـلا بو الشباب ..
الشاب: هلا بو محمد اعلومك..
سعيد اعلوم الخير شخبارك وينك ..ما تنجاف ..
كنت ما بين افكاري بـ ذياب و بين سوالف سعيد و رغيجه.. زختني موزي من ايدي ..فـحسيت اني رديت ل واقعي و نشيت من احلام اليقظه ..
طلعنا من المركز..
موزي: شو اتسوي واقفه ورا سعيد ما اتجوفينه يرمس الريال ..
ضحكت حصه: هههههههههه ما انتبهت له..
شوق: هي كنت سرحانه ."اتذكرت شكلي فضكحت"هههههههههه لو سيفاني مكان سعيد ما بيرحمني ..
وقفنا عدال سيارة سعيد نترياا ايينا .. و حمودي كان راقد شالنه سعيد ...شويه و ظهر لنا سعيد من المركز ...فج السياره و ركبنااا ..
سعيد: شو بلاج رازه ويهج جدام الريال ..
موزي+حصه:هههههههههه
انحرجت: و الله ما انتبهت ..
سكت سعيد ما قال شي و حرك سيارته .... رايحين صوب فندق الصدف ...من دشيت حجرتي فريت الاجياس و انسدحت ع الشبريه انا و عبايتي و شيلتي ...
موزي: ايه قومي شو هاهوو
شوق: تعباااااااااااااااااااااااااااااااانه موزي بعطيج ريال سبحيني ..
موزي:و الله ما تستحسين ع ويهج
ضحكت: هههههههههههههههه باجر يمكن ندى اتيي دبي بدور لها فستان ...ذياب بيييبههاا
موزي نشت رايحه تسبح: ها الذياب بعد لصقه طلع..

مدري ليش دافعت عنه: موزي حرام عليج "ووطيت صوتي" ما يستغى عني
موزي: ههههههههههه قومـي قومي ..عن ترقديني بعبايتج..

نشيت من مكاني عقب ما دشت موزي تسبح ..اما انا فسخت عبايتي و شيلتي ..ورحت صوب التسريحه ..طاحت عيني ع الاجياس ..فجاه تبدل و تغير حالي ..طالعت نفسي بالمنظره ...اتاملت اعيوني ..ذياب يقول فيها بريق حزن ...تجربت من المنظره اجوف ها البريق بس ما جفت شي ..

.تاملت الخاتم الي بصبعي ...ذياب انسان رقيق و حنون ...و اكيد ابد ما بندم اني أخترته كـ شريك لـ حياتي ...مع اني بداخلي اعترف انا اخترت راشد ..بس ذياب ظهر ع المسرح ...خذت نفس طويل ..ما اعرف شو مشاعري صوب راشد للحين..بعدني مـاثره من جذبه و خيانته لي ..خدعني ...

طلعت موزي من الحمام و كانت تنشف شعرها ..
شوق : بلاج محرجه..
قلتها: ماشي طوفي خليني اسبح..

دشيتت الحمام...حاولت اطرد كل الأفكار الي فـ بالي بس قاعده اعيد و ازيد فيهاااا ..طلعت من الحمام..جفت موزي مطفيه ليتات الحجره و مشغله أبجوره و يلست تسمع شلة من موبايلهااا ..
طالعتها مستغربه فصرخت عليها: موووووووووووووزي ..
نقزت من مكانها متروعه و ردت بغيض: شوه..
ربعت صوبها و ايير عنها اللحاف: قسم بالله ان الطيحه اليوم أثرت فيج..بمخج..
موزي: ههههههههههههه لا بـ قلبي ..
فجيت عيني: شو مستوي ..حتى من ساعه قلتي بموت !! صح..
موزي اتيير عني اللحاف تبا ترقد: قومي قومي خليني ارقد ..
وصلني مسج بوقت الي قاعده اقول: ماشي ماشي خبريني ..
موزي: قوووووووووووووووومي ردي ع ريلج مطرش لج مسج..
ربعت صوب موبايلي..كنت شاكه ان بطرش لي يخبرني انه باجر بيي صوب دبي بس كان المسج " ان شاء الله استانستي اليوم تصبحين ع خير ملاكي .."
ابتسمت ورديت له"استانست وايد ... و انته من اهل الخير .."
موزي: مستانسه .. نسيتي يوم خطبج شو صار بج فريتي بعمرج في المستشفى و الحينه طايره..
يلست ع شبريتي: قبل غييير ..كنت مصدومه..

موزي تطنز:بسم الله عليج من الصدمه ..
تذكرت سالفتها فربعت يلست فوق شبريتها ..
موزي محرجه: شووووووووووووووووه
قلتها: شو سالفتج..

موزي: اسرني ..
رفعت حياتي مصدومه : منوه
موزي: ها الي انقذني يوم طحت من ع الدري..

ضحكتني: هههههههههههههههههههههه قصدج الي كفختيه ..و طيحتيه..
موزي اتشيل المخده: يا ثجل دمج طوفي طوفي انجلعي من ويهي
ضحكتني: هههههههههههههه سوري و الله سوري ..بس منو ها
موزي: مممممممممدري بس يطلع يعرف سعيد ..

قلتها: ليش نفسه الي سلمنا عليه في مركز صحارى ..
زخت ايدي: هي نفسه و الله ..حتى تم يطالعني ..علشان جذا ييريتج ارتبكت...
قلتها: اوووووووونج طلعتي راعيه سوالف بعد..
موزي: هههههههههه زين يوم طحت التقيت به..
شوق: هههههههههههههه يا حافظ ..

بها الليله توقعت من احط راسي انخمد بس موزي ما رحمتني ...كل دقيقه اتسولف عنه ..انا شدراني فيه اونه يعرف سعيد أأكيد تعرفينه و قاعده اتخطط ..كيف ناخذ معلومات عنه عن طريق سعيد..هالليله صج حسيت بصدااع من التعب و من موزي الي طفرت فيني ..اول مره اعرفها انسانه فضوليه عنبوه ...
يوم صديت عنها و سويت روحي راقده سكتت عني و انخمدت ...ارتحت و غمضت اعيوني ارقد بسلام ..
==
في اليوم الثني عقب ما تريقنا طلعنا صوب دبي..مرينا كذا مركز ..عقب سرنا صوب مركز المنار اشترت حصه لها فستان ..بس موزي ما عيبها شي ..فمرينا صوب مركز البستان و اخيرا حصلت شي يرضيها ..

مرت حصه محل الاطفال و اشترت بدله حق حمودي...اما انا جفت بدلة يهال وايد روعه فشليتها حق مهراا اتناسب حق عرسي و عرس ابوبها ...عقبها طلعنا اندور لي فستان ..جفت كذا فستان اضاربنا في الاذواق انا و حصه و موزي لدرجة ان سعيد عصب علينا و هدد يردنا راس الخيمة ..

.اخرتها اقتنعت باخر فستان عرضته لي البياعه و اجرته عنها و اتفقنا اتوصله لي البيت بقبل العرس بـ يوم ..رحنا صوب المطاعم نتغداا الغداا شيكت عموبايلي ما جفت اي مسجات من ذياب ...حتى ندى ما اتصلت يمكن غيروا رايهم..بس تفاجأت يوم

سعيد قال: قوم ذياب هني..
بطلت عيوني متفاجاه سمعت حصه اتقوله: في دبي !!

سعيد ياكل مب مهتم : هي ياب بنات خواته ..يشرون لهم فساتين حق لعرس..
نزلت راسي يوم جفت موزي و حصه ...يطالعوني طنشت و يلست اكمل غدايي..
سعيد: خلصنا خلاص بنرجع البيت ..
حصه: هي خلصنا ...بس بالرده بنروح مركز الذهب ترا شوق ما شرت لها شي
سعيد: صج انكن حريم..
موزي+شوق= هههههههههههههه

قلته: انا ما يخصني هذي حصه اتقول و انا اسوي..
سعيد يطالع حصه: عيل منوه قاص عليكن غيرها..
حصه تعاتبه: سعييييييييييييييييييييييييييييييد..

الكل: هههههههههههههههه
سعيد: بروح اييب لكم بارد ..
موزي: حصيص خبري سعيد منو الريال الي البارحه سلم عليه ...زين ..
حصه مستغربه : ليش ..؟؟

موزي: يشبه ربيعتي يمكن اخوها ..
نقزت ابمكاني يوم رن موبايلي..
موزي: بلالالالالاج

ابتسمت : ندوي ...."رديت" ألووو ...
ندوي : سلام عليج شحالج..؟؟
قلتها :ابخير ...اعلومج..

ردت علي : طيبه ..اقولج وين انتي ...رجعتي رااك..
قلتها: في البستان صوب المطاعم ...انتي وين.؟؟

ندوي: نحن الحينه خلصنا من المشترى ...عيل بنمر صوبكم زين ..
كنت بقولها لا بس تذكرت ذياب ..حبيت قرب هالانسان
..فقلتها: كيفج..
ندى: هههههههه يلا في امان الله..

موزي: اكيد بيوون صح..
هزيت راسي بمعنى هيه ...بنفس اللحظه ياه سعيد و ياب معاه البارد شربنا ..حمودي كان هادي هالمره غريبه !! يمكن مهدد من قبل حصه او سعيد..

سعيد: شوق رمسي عيال عمي علشان يحضرون العرس .
طالعت حصه لانها ذكرت لي هاي السالفه فقلته : ان شاء الله يوم بنرجع البيت ...

وقفنا علشان بنظهر من المركز خلاص بس رن موبايل سعيد ما عرفت منوه المتصل به لانه راح يدفع الحساب بس ظنيت انه يكون ذياب ...اتريينا سعيد لي ما خلصنااا عقبها طلعنا من المطعم ...رايحيين جهة الالعاب علشان حمودي الي نقز مستانس ...الظاهر ان سعيد اتفج مع ذيااب انهم يتلاقون هني..لان جفت سعيد يبتعد عنا ... و ظهروا قوم ندى كانت صدمه لي يوم جفت فتون معاهم غريبه ندى ما قالت لي ...
سلمنا عليهم و كانت مهره معاهم ...

فتون: شحالها حرمة خالي..
ابتسمت لها : ابخير اشحالج انتي عاش من جافج..
فتون: ربي يسلمج انا بصحه و عافية ...ملجنا قبلج و بتعرسين قبلي حلوه هاي ..

موزي: شو فيها يعني ...؟؟

حصه: امممم خلصتوا شريتوا فساتينكم..
فتون: سكتي ندى خليها مفاجاه ..

ندى طنشت فتون : مهروو تعالي سلمي ع شوق ..
اتجدمت مهره متلومه مني ..عكس كل مره اجوفها ..مديت يدي و نزلت عالارض ابوسها ...
فتون : لازم تتحملين فيها هذي الحينه شرات بنتج...
موزي: بنتج !!

شليت مهره الي كانت محطيه صبعها ف حلجها متلومه ...ما كان يهمني تعليق فتون بس صج غايضتني يوم لوت ع ندى و قال : خلاص الحينه بتناسج شوق نا بدالهااا ..

حصه: هههههههههه حتى انتي باجر بتعرسين و بتنسين ندى ..
موزي: ابرايكن انسوها فديتها حرمة اخوي .

بالاول يوم كنت اسمع هالعباره كنت اتضايج منهن و كنت اتصل براشد اتضارب معاه ..لكن الحينه حسيت بالاشفاق ع ندى ... و خاصه يوم جفت الوناسه بعيونها انا لازم اقنع ذياب ان يرفض راشد..راشد ابد مب مال ززواج..او انسان يتعاشر ...

قلت مهره: بتعلبين بهاي اللعبه ..
هزت راسها مستحيه ..خذتها لاني كاره وجود فتون و تعليقات الي ما ادانيهااا ..لحقنتني ندى ...قعدنا نلاعب مهرووه .

ندى: ادريبج متضايجه..
طالعتها بنظرات و صديت عنها ...

ندى : شسوي زين هي لاصقه فيني كيف اخبرج انها ويانا ..
قلتها: خلاص انسي السالفه ..ع بالي بعد ما بتملج بتتغير ...
كانت ندى اطالعني بنظرات تباني اسكت الظاهر ان فتون يايه صوبنا ...فسكت اطالع وراي ..وقفت جريب مناا ..
فتون: جي اتودروني ..ندى ليش رحتي عني ..؟؟

ندى: ترا نحن جريبين منج .. و انتي مع حصه و موزي مب غريبات عليج..

عضيت ع شفايفي مقهوره من كلامها بس سكت ...
فتون: بعدكن ما اتحبن حد يخرب عليكم ...

لفتني صرخت مهره يوم قالت: باااا بااا ..
صديت ابسرعه جفت ذياب ياي صوبناااا بلعت ريجي و طالعت ندى ...

فتون لاحظت: ههههههههههههههههههههههع

كانت ضحكتها طنازه بس سكت عنها ..و اصلا مستحيل ارمس و ذياب واقف جريب مني ...
سلم علي ..حسيت يوم رص ع ايدي و كانه يبا يقولني انه مشتاق لي :شحالج شوق ..؟؟

همست: ابخير ..

تفاجات يوم طالع فتون محرج: بلاج تضحكين بصوت عالي شو ماشي ناس بالمركز غيرج..
صخت فتون منحرجه ما توقعت انها بتحصل هزبه من خالها و جدامي ...

فقالت: شوق كانت اتضحكني ..
طالعت ندى الي طالعتني و كانت مستغربه من كلام فتون ..
مهره: بابا لعبتني شوق ..
شلها ذياب باسها : حبيبي هذي عموه "وطالعني بنظرات ذوبتني قبل ما تحرجني"

كنت بنسحب و اقول انا بروح عند قوم سعيد اخوي بس تفاجات يوم تجدم مني ذياب و زخ ايي وتجدم وو ييرني معااه
قلته بخوف: لحظه انا ما..

بس ما اترياا شو اقول كان شايل مهره و بيده الثانيه زااخ ايدي ..
تجرب مني : ما اشتقتي لي يعني ...مستكثر عليه هالمشيه..
حاولت ابتعد بس لاني حسيت اني احترق بداخلي مدري من شوه صابني هالاحساس ...
طالعت ندى و فتون الي شكلهن روحن صوب حصه ..و موزي ...
رفعت راسي اطالعه : انت تتعمد تحرجني ..جدامهن ..

ابتسم و قال : لا ..

مهره: بابا بلعب بهذيج اللعبه ...
ذياب مطنشنها : انا هدييت راس الخيمه و ييت اربع وراج دبي اترومين علي ههههههههه

طالعته يوم ضحكت حسبته يتطنز علي بس جفته مستانس ...
مهره: عمووووووووه ابا العب هاي اللعبه..

قلته: لاعبها يحليلهااا ..

حطها عالارض ..و قال: علشانج بس ..
طالعته بنظرات : اونك حركات..

ذياب: ههههههههههههههه

راقبته يوم يلاعب مهره و يحطها ع اللعبه باسها و طلع عنها وقف جريب مني انراقب مهره الي كانت تلعب بالعبه تدور و كل ما ييت صوبنا اتسوي لنا باي باي ...

ذياب: مهره بتندمج معاج ابسرعه..
ابتسمت: فديتها عسوله...

تجدم مني : و انا ..؟؟

طالعته مستغربه من تصرفاته ابتسم: بلاج..؟؟

قلته: مدري بس كل يوم عن يوم اكتشف فيك حركات يديده..
زخ ايدي : مثل شوه ..

حسيت بلمسته الدافيه ع ايدي كنت بقوله للحظه لا تحرمني منك ولا من لمساتك بس صخيت باخر لحظه..
الظاهر كان حاس اني كنت بقول شي \: شو بخاطرج..

قلته ابسرعه: ماشي ..
تجدم مني مره ثانيه و قال بصوت واطي: فجي غشوتج ابا اجوفج..


رديت لورا: ذياب لا تستهبل ..
ضحك: ههههههههههههه

سالني و كانه يبا يبعد عني الربكه: شوه خلصتي زهبتج؟؟
هزيت راسي بمعنى هيه ...

ذياب تجدم مني يساسرني: ما بجى شي ع عرسنا ..
ابتعدت خايفه منه و من مشاعري فضحك علي: ههههههههه

هد ايدي وراح صوب مهره يشلها عقب ما خلصت لعبتها ...
قلته: مهره وايد تشبهك....
ابتسم: لانها بنتي ..؟؟
قلته: اول مره جفتها و جفتك ما شبهتكم ابعض ...

ذياب: متى اول مره جفتيني ..
سسكت ما رديت عليه قلته: ما اذكر..
طالعني بنظرات شك: متاكده ...

وقفنا صوب الايس كريم مهره: احبك بابا ..
ذياب: هي طلع الحب يوم جفتي الايس الكريم..

ضحكني كلامه : هههههههههههههههه
طالعني: تعودي عليها تراها مصلحجيه...
قرصتها بكل رقه ع خدها: فديتهااا ...

سالني ذياب: اي نوع تبين..
قلته: ما ابا

ذياب: لا لازم تاخذين لج واحد..
قلتها: كيف تباني اكل ...
ذياب: عادي بتاكلينه ..

يوم جفته مصر قلت: اوكى مهره اختري لي واحد...

حسيت اني انا و ذياب و مهره صج عايله وحده ...ابتسمت مستانسه..اتمنى حياتي اتكون حلوه و هاديه معاهم ..بس قطعت علي افكاري فتون ..
فتون: انتوا وين سرتوا ...

ندى منحرجه: هاي فتون حشرتني جنها ياهل وين خالي وين خالي ...

طالعت ذياب كان مطنشهم عطى مهره ايس كريم و عطاني ..
سال ندى و فتون: تبون ..؟؟

فتون: لا تونا كلنااا ...
ابتسم: زين عيل خلو مهره عندكن باخذ حرمتي بلفه و برجعها لاهلهااا ...
فتون: لالاتاخر خالي

ذياب: من عيوني ..
عطيت الايس كريم لـ ندى .ومشيت مع ذياب قلته: سعيد يدري ااني معاك..
قال: طبعا

قلته: كيف طاع..
هز جتفه: ماشي قلته ترا باخذ اختك منك شويه ...شو بيقول بعد انتي حرمتيه ..
سكت مب عارفه شو اقول ..تمينا نتمشى بالمركز ..كنت متلومه منه وايد لان هذي اول مره اطلع معاه

سالته بخوف يوم زخ ايدي و نزلني من الدري رايحين صوب المواقف قلته: وين رايحيين
ذياب ابرود: ما باكلج ..
...احرجتني كلماته فسكت ..المهم اني احس بالامان معاه ..
قال : انتي وايد تستحين ..؟؟ وايد..

نزلت راسي ...مب عارفه شو ارد عليه..تفاجات يوم ركبني سيارته فتح لي الباب و امرني: اتفضلي ..
في البدايه ترددت عقب قلته :ذياب..
ابتسم و كأنه يبا يطمني : و حياتج ما بنظهر من المركز بس ابا اجوفج يلا عااد...

ركبت سيارته ..كنت احس بعمري مينونه و ذياب اين عني ..راقبته لي ما ركب سيارته ...نزلت الغشوه ...لان الدنيا حر..فشغل السياره ..
تفاجات يوم طالعني و قال: فديت هالويه..

رديت لورا متلومه ..عاتبت نفسي لاني حطيت نفسي بها الموقف ..زخ ايدي اليمين و يلس يلعب بالخاتم الي لبسه لي اول امس ..

طالعني: توقعت ما اجوفه فيج..
رصيت ع ايده اتذكر موقفي البايخ يوم فسخت الخاتم بعصبيه..سمعت ضحكته فحسيت شو قاعده اسوي فييرت ايدي ابسرعه ..

ذياب: انتي وايد شفافه و رقيقه يا حظي فيج...
حسيت ان ويهي صار حار من الاحرااج ...قال لي: شو جفتي مهره ..

ابتسمت: ربي يحفظها ..

فاجاني كلامه يوم قال بجديه: ادريبج بعدج بنيه
و صغيرونه و ما تستاهلين تاخذين واحد كان عرس قبل و عنده بنت ..كنت اظن في البدايه انج بترفضيني بس صدق كانت صدمه لي يوم رد سعيد بالموافقه ...

طالعته جني احم احم بقره جايفه حريجه ..كلامه حسيت أول مره يفصح عن مشاعره ما عرفت شو ارد عليه ...زخ ايدي و قال جملته ببطيء و كنه يختار او يدور الكلمات المناسبة ...
رفع راسه يطالعني..هزني جسمي برجفه يوم جفت نظراته علي..مرات اكره هاي المشاعر الي تجافجئني لانها اتحسسني اني ضعيفه جدام هالانسان .حسيت انه حس برجفتي بس طنش و ابتسم و كأنه يطمني...يايني شعور احضن ويهي الحلو بكف ايدي ..يا حظي بها الانسان وسامه و جمال و مال و طيبه و حنية ...

ذياب: بقولج شي محد يعرفه غير ربي و اختى ام ندى و بو ندى ..و سعيد اخوج بس..

طالعته و كنت خايفه من الكلام الي بيقوله سكت اتريااا يكمل كلامه بلع ريجه و قال : انا تراني كنت مطلق ام مهره قبل ما تتوفى بـ يوم ..

بطلت عيوني مصدومه من كلامه اخر شي كنت اتوقعه يعني انا بتزوج واحد مطلق مب ارمل..
ابتسم و حط ايده ع خدي: بسج ..ترا نظراتج روعتني..
قلته ابسرعه: انت تتروع !!

عقد حياته: ليش مب آدمي..
كنت بقوله لا انت ملاك بس ما بغيت اطلع عن موضوعنا الاساسي..سالته: انت ترمس جد طلقتها..

جفت بعيونه ألم و كانه يتذكر اكتفى بالاجابه: ما كنا متفاهمين ...من تزوجنا كانت من بينا مشاكل..
بغيت اعرف اكثر عن حياته مع حناان ...بس ذياب مب النوع الصريح ابد ...

قلته: ما كان امبين..
خذ نفس: ما ابا ارمس عن شينهاا الله يرحمها بس كل الي اقدر اقولج يا شوق..مهره من النوع الي ما كان يتحمل مسؤليه ابد ..كانت تبا اتعيش حياتها الخاصه..

ما فهمت ككلامه فكررت: حياتها الخاصه..

هز راسه: يعني ..سهرات ..حفلات اعراس ..طلعات ها السوالف ..يعني ها سبب كان خلافنا..حتى يوم تضاربنا ..فرت مهره لي ..

قلته: علشان جذاا كانت مع ام ندى و ابوها يوم سوو حادث ..؟؟

هز راسه .:: كانت بايته في بيتهم لاني طلقتها ..
زخيت ايده و كاني ابا اخفف عنه : اكيد كنت ناوي اترجعها ..

حضن ايدي الي كانت زاخه ايده و ه راسه بمعنى لا : ما تباااني حاولت ارجعها بس رفضتني ..
قلت ابسرعه من دون تفكير : منوه ما يباك انته
طالعني بنظرات حلوه ابحياتي ما بنساهااا متفاجأ من كلامي الي اكيد ما كان متوقعنه..فنزلت راسي متلومه ..

يير ايدي صوبه: شو قلتي ..
يا حب هالانسان ع احراجي فحاولت اييير ايدي بس تم زاخنها : و الله يا شوق لو قلتي هالعباره قبل ما كنت قلتلج اني طلقت حنان موليه..

نسيت احراجي و قلته : ليش ..؟؟

ابتسم: لاني احس حرام بحق حنان ارمس عنها و هي متوفيه..
قلته ادافع عنه: بس انت ما قلت شي ..شين فيهااا ..

ابتسم: ادافعين عني ...

حسيت انه مصخها لانه يحاول يحرجني ..فصديت عنه ايير ايدي: بس لااه..
ذياب: ههههههههههه

رن موبايله هد ايدي و طالع موبايله جفته شرات موبلي فقال: ها اخوج سعيد ..اكيد جلب المركز علينا..
ضحكني كلامه: هههههههه

ذياب: مرحبا الساع ..."كنت اسمع صوت سعيد بس ما اعرف شو يقول ..ضحك ذياب" هههههههههههههههههههه خلاص ابوي دقايق بنكون عندك وين انته ...؟؟.....اوكى خلاص ...في أمان الله

تضايجت بداخلي لاني فهمت من رمسته انه سعيد يباني اروح له..كان خاطري اتم مع ذياب اكثر ..بالاول كنت احس اني ما استاهله يوم اتذكر سالفتي مع راشد ...لكن عقب ما جفته في بيتهم و سمعني كلاممه السم..احسن اني خلاص اتحررت منه و من مشاعري صوبه ...بس اتمنى هالمشاعر تم ع طول ميته و ما تحياا في يوم ..

طالعني: قلتلج سعيد يدور علينا...

تميت اطالعه سرحانه ..اشر لي: شوق ..
ابتسمت له : زين يلا انروح ...

ذياب: خيبه تبين الفكه مني ..

ما يدري اني اموت و اتم معاه لو دقيقه زياده ضحكت له: هههههههه وايد ..
فتحت الباب و نزلت من سيارته ..و بدوره نزل ...و يااه صوبي ..هالمره انا ال لصقت فيه و زخيت ايده ..اي جرأه فيني !!! تجرب مني و ساسارني: ياا سلام ..شكلج صج تبين تفتكين مني..

دزيته بعيد عني يوم تطنز علي فضحك : هههههههههههه

قلته: انت ماصخ..
ييرني من ايدي: ابرايه بخليج عقب اتزيديني ملح ...

ابتسمت له ما اقدر ايود عمري هالمره قلته: انا ارتاح بقربك..
ذياب طالعني بنظرات جنان : انا بعد تراني قلتهاا مره انتي لي شوق..

حسيت بروده يوم قالي اخر عباره ..متى قال !! ؟؟ بغيت اساله بس جفت قوم سعيد يتريوناا عدال باب المركز ...ساسرني: بشتاق لج ..
ما قدرت ارد عليه ...اتلومت منه فسكت ...
ذياب حق سعيد: ها هاي الامانه..

حسيت سعيد مرتاح و مبتسم و هالشيء ونسني : تستاهون السلامه ..
ذياب: ههههههههه الله يسلمك...

رحت صوب حصه و موزي ...لاني بموت من المستحى من سعيد جان تميت دقيقه ...
حصه: يا سلالالالالالالام شو ها الحب جنكم صج عرايس..

قلته متلومه: ونج..
حصه +موزي:هههههههههههههه

موزي: يا ويل حالي ..ريلج وايد قصير
قلتها : تطنزين ..عالاقل احلى و اوسم من احم احم..
ضربتني موزي بجتفي و طالعت حصه ابتسم..
حصه بنظرات شك: منوه احم احم ..

موزي: منوه هاي اتخرف شوق..
شوق : هاا تحملي ..

حصه: ههههههههههههه متفيجااات

سالتهم: وين قوم ندى ...؟؟
موزي: خلينااااااااهم يتريون ذياب ...
حصه : يلا سعيد روح ...

طالعت صوب ذياب جفته مروح بغيته يصد ورا يطالعني بس اختفى من بين الناس ....تنهد ..هالانسان عجيب كل ما مر يوم يزيد اعجاابي به ...ربي ما تحرمنا من بعض ...بس فكرت طلاقه من حنان كانت صدمه لي و كبيره غمضني يوم قال ما تبيني فديتك انا ابااااااااك...ابيه شو هالافكار الي قاعده افكر فيها جنون ...رحنا الشقه و من دشيت تغسلت و انخمدت طبعا موزي ما رحمتي و انا شو ذنبي بدور متعلقه بسيفاني و هذي موزي مدري بـ منوه ..
صلينا العصر ..مرينا مركز الذهب شريت لي كم عقود و اساور و كم خاتم... و رجعنا راس الخيمة وس يارة سعيد مليانه اغراااض ...شرات قلب يالي صار مليان شوق و حنين لهاالانسان الي دش حياتي و خطفني مني كل شي فكري و مشاعري و كل احاسيسي....طالعت برع انتظر اليوم الي ربي بجمعني فيه فـ بيت واحد ..



مـن قــــدِنا واحنا معاك ....آنــا وقلــــبي يا ملاك ...يـا بختنا والله بــهواك .... مــهما نــعاني بــحبنا ..ودي بــكـل لحظه اجــيك .... محتاج يـــا عـمري إليك
________________________________________
وصلنا البيت عقب صلاة المغرب .ما توقعت اجوف زينة العرس محوطه فـ بيتنا ..
قلتهم: محد قال انهم ركبوا الزينه كل شي مفاجات.
حصه: وايد حلو شكلهااا ..فديته حمودي رقد جان بستانس ع الزينه ...
سعيد: سيفاني مركبنها ...لاحق عليها حمودي باجر بجوفها شو يفكنا من حشرته ..
.دشيت بيتنا اربع ادور باباتيه...دشيت الصاله ازقر امايه ..بس محد رد عليه..رحت حجرتهم ..بعد مش موجودين...افتريت صوب حجرة شيخاني بعد مش موجوده خلصت امتحانتها اليوم يعني اكيد ما بتم قاعده في البيت ..بطلع حرتهاا باسبوعين...خذت نفس...نزلت من الدري جفت حصه راكبه الدري ...
سالتها: محد في البيت ..؟؟

ابتسمت: عمي عند عمج في الملاحق..
انصدمت: عمي عادل هني ..!!!!!!!!!!!!!!!

عيل ما تبينه يحضر عرس بنت اخوه...
ربعت تحت صوب الملاحق مب علشان عمي لا علشان باباتيه...دشيت الصاله و كان الباب مفتتوح..جفت سعيد و عمي واقفين الظاهر سعيد عنده خبر ...وقف باباتيه يوم جافني ..
دشيت : السلام عليكم..

ورحت بحضن باباتيه الي لوي علي مشتاق لي ...قلته: وحشتني و الله ..."بسته ع خده"
عمي عادل: هاي حرام عليكم تزوجونها ...تبعدونهاا عن ابوها..
ابتسمت له و سلمت عليه بست راسه قلته: ما توقعت زيارتك ..مشكور عمي ..

سعيد يتطنز: رسمية وايد..
عمي عادل: بعد مب شي ما حضرنا الملجه ما بنحضر العرس ...
قلته: و قوم ليلى !!

ابتسم: انا بالنيابه عنهم ...الصغاريه بعدهم ما خلصت امتحاناتهم ..
قلته مبتسمه : مشكور ...

عمي عادل : يلا سعيد عرفنا ع المعرس ...ولا تعبان من الخط..
سعيد مب عارف يرد ..فهمها عمي : خلاص ابوي ورا باجر عرس الرياييل بنجوفه و بنقعد معاه..

قلتهم : انا بروح حجرتي اترخص عنكم ..

طلعت من الملاحق ...كنت امشي صرخت متروعه يوم طلعت بدور من وراي زاخه ايدي و بعد من نفس المكان الي زخني فيه راشد و ذياب ...شو بلاهم ع ايدي

شهقت: بدووووووووور ...خلصتي امتحاناتج و ياي تخبلين فيني ..
بدور تركض و تسحبني وياها : تعالي ابسرعه ..تعالي دسيني ...بسرعه..

كانت تركض قبلي و هي الي تسحبني ...و تباني انا الي ادسها ...
حاولت اوقف: شسالفه ...

بس هي ما عطتني فرصه ربعنا الدري و عقبها دشينا حجرتي صكرت و قفلته و لصقت بالباب ...خايفه تتنفس بصعوبه ..

طالعتها: شو مستوي ..؟؟

بدور اتاشر بيدها بمعنى لحظه علشان تاخذ نفسها ...
طلعتها بنظرات شك: بدوووووووووووووووور سويتي مشكله مع سيفاني ...

بطلت حلجها علشان اترد بس نقزت و يت بحضني متروعه يوم سمعنا دقت باب حجرتي
بدور تترجاني: لا تفتحين ها سيفاني بجتلني ..

بطلت اعيوني متروعه: شو مسويه ..تبينه يطلع حرته فيني انا ناقصه ...؟؟
سمعنا صوت سيف من ورا الباب: بطلي شوووق ...

تجدمت بس بدور منعتني: حرام عليج..
قلتها: ما بسويلج شي و انتي معاي ..بس لا تخلينه يحرج علي دخيلج..لا اتسوين لي سالفه مع سيفاني..
ردت بدور اخر الحجره يوم تجدمت افتح الباب ....بلعت ريجي متروعه يوم طالحت عيني بعينه...طالعت الخيزرانه الي بيده ورجعت اطالعه ...
كانت ملامحه جفتها هاديه قال: متغدي معاج ولا متعشي معاج جي ما اتسلمين ..
ابتسمت من كلامه فمديت ايدي لوى علي و باسني ع راسي ..حركه مب يديده ع سيفاني
سالني: شحالج..؟؟
قلته: ابخير ...

جفت الصدمه بويهه يوم سمع صوت بدور: شوق تعالي ..
حرج سيفاني: هذي داخل شوه ..."الظاهر ما كان يعرف ..
رديت لورا خايفه قلته: شو السالفه...

دز الباب و فتحه كله. و ضرب الباب بالخيزرانه بكل قوه نقزت حسيت روحي بتطلع من صوت الضربه بس

بدور بصوت خايف: محد قالك تلعب باعصابي ...

سيفاني محرج بس تم واقف بمكانه ما دش حجرتي ..طلع محترم الاخ !!

سيفاني محرج ياشر لـ بدور بالعصايه: انتي ايه.مليون مره قلتلج خليني بـ حالي ...
بدور حطت ايدها بخصرها استغربت توها خايفه و الحينه مستقويه علينا :بدور شو بتقص راسي يعني ..

سيفاني مطنشها و يطالعني : شوق باجر اذا سويت فيها شي ..لا حد يلومني انتي شاهده ع تصرفاتها ...مفهوووم

هزيت راسي بمعنى هيه بس من الخوف ولا انا كنت بقوله ما يخصني فيكم ...
بدور: اكرهك يا الدب ..
سيفاني يطالعها بنظرات عصبيه لو انا من بدور من زمان مت من نظراته المخيفه بس بدور شو قلب عليها..
سيفاني: افتكينا منج و من حشرتج ايام الامتحاانات ان شاء الله ترسبين علشان نفتك منج موليه..

بدور: الله اكبر عليك يا الساحر ...و الله ان نجحت ارشك بيبسي بارد بويهك...
سكت سيفاني حسيت انه بخاطره يدش ويكسر بدور بالخيزرانه الي بيده ...بس كان ماسك اعصاابه ..
قلته: بدور بس خلاص لا اطولين لسانج...

تفاجانا بـ سعيد واقف ورانا :سيف فهد بن عمي يباك تحت ..
توني ادري ان فهد هني ياي مع عمي ..سيفاني ما رد ع سعيد كان بعده يطالع بدور بنظراته الحاده..سعيد استغرب حس في شي ..يوم جافني واقفه تايهه بوسط سيفاني و بدور .. و بدور واقفه باخر الحجره ..و يوم طاحت عينه ع الخيزرانه قال سعيد: انت ما سدك خواتك الحينه ياي ع بنات خالتك...

من قال سعيد هالعباره نقزت بدور تجدمت و سوت عمرها اتصيح :::ااتصدق سعيد اخوك ملعوزني ..ما اروم ازوركم الا يوقف بويهي .
سعيد منصدم من رمسه بدور بس اكيد مب اكثر عن صدمتني بدور طلعت طفسه بعد..بس سيفاني تم عادي واقف و كأنه متوقع هالشي من بدور ..

سعيد: شو يسوي فيج !!

طالعها سيفاني باحتقار و راح صوب الدري ..تنفست مرتاحه ...طالعت بدور بعصبيه: بدور بسج مشاكل ..
سعيد: شو السالفه ..؟؟

قلته : ماشي بدور اتحب اتغايض بسيفاني.
ابتسم سعيد: دواه ..زين لقى وحده تجلع عينه ..

طالعت سعيد مستغربه من تعليقه الي ابد ما توقعته فقلته: سعيد !!

ابتسم و عطاني ظهره لحق سيفاني ..صكرت باب حجرتي ..بعصبيه و طالعت بدور الي يلست ع الشبريه حزينه ..بس ما همني حزنها قلتها: بدور شو ها الحركات ...لا اتخليني اصدق سيفاني يوم يقول عنج ياهل ..

خذت نفس و قالت بغيض : حتى هو ياهل ..

حرجت عليها: ابرايه بس انتي اذا سويتي مشكله معاه لا اتييني ..انا مب ناقصه ..انا بروحي من يومين محصله تكفيخ

بدور وقفت: انا اسفه ..بس الظاهر نسيتي يوم قلتي لي انتقمي لي ..
غمضتني بدور فلويت عليها: انا اسفه لا تضايجين ..بس انا وايد اخاف من سيفاني .

طالعتني ومن غير ما تهتم بالدموع الي نزلت من عيونها: ما يحبـني ...ما يحبنـي شوق ..
غمضتني فيلست اصيح معاها ...لانها ذكرتني بعلاقتي مع راشد سبحان الله كما تدين تداان ..

زخيتها ويلستها ع الشبريه اهديها : مب شرط ان انحب انسان لازم نترتبط فيه غصب ..
بدور: بس انا ابااه ..

سكت مب عارفه شو ارد عليها

قلتها :بدور
بدور ابتسمت و هي تمسح دموعها : كنت مستانسه اني خلصت امتحاتنااا ..ييت بيتكم اربع علشان اجوفه ع بالي بيكون مفتقدني مشتاق لي ,,لاني فتره ما جفته بس صدمني..

بلعت ريجي و رجعت اصيح يوم جفت بدور متضايجه بس هي كانت ماسكه اعصابهاا و كملت بالغصب..
: اتصدقين طالعني ابرود و نفخ متضايج من جوفتي و قال: ردينا ع طير يلي انا مفتك منج شو ذكرج فينا..."ردت اتصيح" ما اتصورين كيف كانت كلماته قاسيه علي...

قلتها: بدور تدرين سيفاني جاسي..

حرجت: عيل ليش حب ساره ليش علشان كانت بعكاز ..يعني انا غلطانه لاني اعترفت له اني ساره ..

زخيت ايدي اهديها: حياتي يمكن ها مب ها اشفاااق ع حالت ساره..
بدور مصره ع رايهاا: حتى ولو .. "مسحت دموعها بعصبية" يوم قالي هالعباره حسيت انه جرح كرامتي ..
قلتها بحذر: شو سويت بدور..؟؟

بدور اطالع السقف و كانها تذكر: كسرت جامة سيارته ....

طالعتها مب مصدقه: بدووووووووووور

قالت بصدق: و الله العظيييييم يا شوق كسرتها ..كله منه
خفت من بدور حسيت هاي الانسانه مريضه ..يحليلك سيفاني ..

قلتهاا علشان اريحهاا : بدور ترا سيفاني يفكر بوحده غيرج ...
طالعتني مب مصدقه و كملت كلامي و انا قلبي يتقطع ع حالهاا: و الله ان سيفاني في باله وحده و يبا يتزوجها ...

قلتها و ردت اتصيح : و انا ...!!
قلتها : و الله ما قصدي ازيدج بس انتي لازم اتشيلينه من بالج ...

غطت ويها اتصيح: مممممقدر..
يلست عدالهاا: امبلى تقدرين لو تبين ...قلتلج هاي الرمسه بس علشان اثبتلج ان حبه لـ ساره كان مجرد اشفاق لا اكثر ..

وقفت بدور ووقفت معاها : بدور ..
طلعت من حجرتي و لحقتهاا ...كانت اتصييح..ندمت اني قلتها ان سيفاني يفكر بغيرها و ها الي قاعد يصير جي سيفاني فـ باله بدور...
بدور نازله من الدري اتصيح بصوت عالي ..
زقرتها: لحظه بدور لحظه ...اسمعيني ..
بس وقفت ابمكاني يوم جفت سيفاني داش ..الصاله وقف مستغرب يطالع بدور الي كانت اتصيح بصوت عالي ..جافته بدور فخفت لا اتسوي تصرف ثاني يخلي سيفاني يعصب منها ...
مسحت دموعها بدور و قالت : ملعون الصير انا اكرهك..

و طلعت برع الصاله ...كنت بصيح من حالة بدور لاني حاسه فيها و الله ...بس شكل ويه سيفاني الي كان منصدم من كلامها ..كان بضحكني ..فعضيت ع شفايفي ...مب عارفه شسوي ..

طلع سيفاني الدري و عيونه علي سالني: بلاها هاي الخبله تدعي علي !!

هزيت جتفي: مدري عنها ..

بس سيفاني شكله ما اهتم خطفي وراح حجرته ...يعني باجر بدور ما بتروح مع شيخاني و سيفاني دبي !!..

الييوم الثاني افتقدت مسجات ذياب حتى ما قال انه بيزورنا يمكن لانه مشغول بـ سالفه العرس ...حسيت الكل كان مشغول ..شيخاني ..في دبي هي و سيفاني علشان اتدور لها فستان.. و حصه و خواتها روحن الصالون يتحنن و سعيد و سيفاني .. مدري وين راحـوو . و امايه مشغوله بسوالف العطور .. و البخور ..
لولا وجود الزينه كنت ما بحس بطعم العرس الكل لاهي ..مر علي هاليوم بارد كئيب ...لي وقت المغرب يوم حصه يابت راعية الصالون .. و حسيت بالراحه يوم خلصت مني عقب اربع ساعات ..باجر بيكون عرس الرياييل وبنفس اليوم ليلة حنتي ...حسيت اني افتقدت ذياب ... حنيت لها الانسان ...فتحت اعيوني ..ع اصوات في حجرتي ...يلست ابمكاني اسال حصه : شو اتسون ...؟؟

حصه: بناخذ اغراضج بيت ريلج ...

فجيت اعيوني بيت ريلي ..شيخااني: ههههههههه نشي ..بلاج نسيتي ان باجر عرسج..
بلعت ريجي : شريتي لج فستان..

شيخاني اتساعد حصه في ترتيب اغراضي: هي انا و بدور نفس الفستان ما رضت اتييي ..مدري شو بلاها ..
دشت امايه :يلا شوق قومي اتغسلي بحط لج لقمه .."حطيت ثياب خضره ع الشبريه "
قلتها: شو هااا .

ابتسمت: لبسي ها الثياب ليلة حنتج...و هاي الشيله الخضره غطي ويهج عن يجوفونج الحريم ..

قلتها: ما ابا شو هااا ..

امايه: امبلى بتلبسين شرات زمان اول ...
حصه: يلا شوق نشي ...
دشت موزي: كلولولولولولولولولولولوش..

كنت اطالعهم شرات الهبله و كاني مب مستوعبه شو بيصير ..الكل مرتبش و انا غامضتني بدور ...

حصه: يلا موزي ازقري الشغاله ..سعيد و سيفاني يتريون الشنط ..
موزي: خالوووه ترا الميلس انترس حريم ..
شيخاني: حلفي يرقصون..

موزي: هيييييييييييه يلا انروح نتطمش ..
قلتهم: وين بدور عيل..

حصه: اتيير عني اللحاف : قوووووووومي متفيجه تسالين عن فلانه و علانه يلا نشي ...
ييرتني ..سرت الحمام تسبح ..و لبست الثوب الخضره ..طلعت من الحمام جفت محد بالحجره غير حصه ..
طالعت حصه: شكلي هبله ..هذي امايه قاصه علي ..
حصه: ههههههههههه لا حلوه انا لبست جذا ما تذكرين ...

قلتها: لا ...

عدلت شعري عقبها دشت سيتي بصينية العيش ..يلست اكل ..بشهيه يمكن من الربكه !!
حصه: شوق !! ما بطير عنج الاكل..
كنت بغص فضحكت: هههههههههههههه متوتره حصيص...
دشت موزي بسرعه حجرتي و صكرت الباب و لصقت فيه حصه: منوه ..؟
موزي: بدووي برع تبا اتجوف شوق ..

رفعت حياتي: زين دخليها ..
حصه: لا ممنوع اهل المعرس ما يجوفون العروس ..

ندي ادق الباب: فجي الباب موزي ههههههههههه
موزي: ماشي روحي الميلس عند الحريم ..

غمضتني ندوي ..قلتها: حرام عليج موزي ...هذي ربيعتي ..
موزي: يلا لبسي الشيله ..
طالعت الشيله الخضره بلعت ريجي و رديت اطالع حصه و موزي ..فضحكوا عليه هههههههههههههههههه
عدلت شعري حصه و حطت لي مكياج خفيف ...
دشت علينا خالوه حليمه: يلا الحنايه وصلت ....
كنت برمس بس ما عطتني فرصه ييرتني ..من ذراعي عقبها غطتني بالشيله الخضره ...
قلتها: خالوه بطيح من ع الدري ما اجوف ...

خالوه : ما عليج انا زاختنج..
وصلت الميلس حسيت بالربكه رغم اني متغطيه بالكامل باللون الاخضر حسيت بعمري هبله مدري كيف طاوعت امايه ...كانوا الحريم يدقون و يغنون ... يلسون ع الارض ..و تجربت مني الحنايه .كانت تحنيني دورت بدور جفتها قاعده مع ندى و موزي وحصه و شيخاني ..كانوا مندمجين يصفقون..كنت اتسلى اطالع الحريم يوم يرقصون وكأني ابا اريح بالي من كل شي ..ابا اعيش هاليوم بوناسته و فرحته ..طالعت بدور جفتها تضحك و اتسولف حتى انها قامت ترقص ..احييها ع الروح الي عندها ...بس كلها ما منع اني اتذكر سالفه راشد .. بس غطى ع ها الشيء شوقي لـ مسجات ذياب و ذياب نفسه..ابتسمت..اكيد كاشخ ...الحينه ...حتى ما جفت خواني كيف كاشخين ولا باباتيه ....

مرت ساعه كرهت حياتي ...حسيت اني بضيجه من الحنه و من هاي الشيله الي وكانها حاجز من بينا و بين العالم...تروعت يوم سمعت صوت ندى: مبروك حياتي ...الله يسعدج..
قلتها: الله يبارك فيج..
ندى: خالوه العوده بتيي اتسلم عليج عقب شويه .

قلتها: شخبار خالج ..
ندى: ههههههه تماام ..صبري ..
راقبتها تفتح موبايلها ..عقبها راوتني: جوفي صورته كيف كاشخ صج معرس ..
طالعته بس صورته هزت فيني مشاعر الشوق ..ابتسمت فديته وايد حليو ريلي ...جنه شيخ ..

قلت لندى: فديته شيخ ...

ندى تضحك: ههههههههه طلعت العلوم .هذي خالوه العوده يت ..
سلمت علي و باركت لي ...حسيت بعمري جني ضفدع ع هاللون و طريقه يلستي و بيدي الحنه ...اتلومت منها ع الرغم من انها ما اتجوف ويهي .. و يابت مهره يلستها عدالي ... قلت للحنايه اتحنيها ..
قلت ندى: ندوي ترااا شريت فستان حق مهرر ..للعرس ..
ندى: فديييتج بس شرينا لهاا..

قلتها: ما يخصني لبسيها الفستان الي شريته لهاا ..
ندى: ان شاء الله ..

اتنفست براحه يوم بدو الحريم يقلون .. و ارتحت يوم نشفت حنتي خلاص ...عقب ما خلصوا الحريم..و كل وحده روحت بيتها ...شلت الشيله ..اتنفس ..

امايه تلوي عليه: فديتج بنتي ربي يسعدج...

قلتها: امايه صبري بختنق من هالشيله الي ملبستنها لي ..

امايه: ههههههههههههه

نشيت كنت احس متشجنه من طول اليلسه رحت الحمام و غسلت الحناا...عقبها تعشينا ...اترييت سعيد و سيفاني يردون من العرس مع باباتيه و عمي عادل وفهد..بس وايد بطو ...

رحت حجرتي ..حضنت مخدتي باجر بتتغير حياتي ...يلست اصيح..بودع حجرتي ..بودع كل شي ذكرى حلوه كانت لي في هالبيت ...دشت عليه حصه ...
حصه: شو بلاج ..؟؟

رفعت راسي امسح دمعي: باجر بودع بيتنا ..
حصه تلوي علي: فديتج لا اتقولين جذاا ..

قلتها: حصووه بيت كرشتك..
حصه اتحط ايدها بطنها : فديت ولدي ..

قلتها: ذياب ابد ما طرش لي مسجات..
حصه: يبا يشتاق لج من الزين ...
قلتها متلومه: اونج ..
حصه: عاد محد بزعجكم باخر الدنيا ...

عقدت حياتي : اخر الدنيا ..
حصه: ماقالج انكم بتسافرون جزيرة ..
هزيت راسي بمعنى لا ..

حصه: عيل خربت مفاجاته يحليله .."وقفت" يلا رقدي ..استعدي حق باجر ..
ابتسمت لها بس كان امبين الخوف ابويهي ...اتغطيت باللحاف احس ببروده ...باجر بتزوج .باجر بستوي عروس ذياب ...حاولت ارقد بس ما قدرت..تذكرت باباتيه..رحت حجرته ..جفت امايه كانت اتطالع تلفزيون ..
امايه: بسم الله شو فيج ..
ربعت صوب باباتيه الي كان راقد بفراشه و شويه بصيح: ولهت لـ باباتيه..
لويت عليه و يلست اصيح بصمت .
امايه: ياهل انتي ..خلي ابوج راقد..
قلتها: يا ليتني ما وافقت ع الزواج يا ويلي حالي كيف ما بجوف باباتيه كل يوم كيف ما بحضنه ولا ابوسه .
امايه: لا اتسوين ابروحج جذا. كل وحده مصيرها بيت ريلهااا هااي الدنياا..
كنت حاضنه باباتيه بقوه ..مقدر اتقبل هالشيء ..قلتها: بقول ذياب انعيش هني ..
امايه: ههههه عن الخبال ..

دفت راسي بحضن ابوي الي تضايج من وجودي بس الرقاد كان مغلب عليه ....
امايه: خلي ابوج يرقد..

قلتها و انا اصيح: حرام عليج لا تحرميني من باباتيه انا ما سرت جامعة العين علشان ما اهد باباتيه و الحينه بروح عنه بعيد..
امايه: الله يهديج .."حسيت من رنة صوتها انها بتصيح "

تميت راقده بحضن باباتيه الين ما رقدت ولا حسيت بالدنيااا ولا العالم كله ...

نشيت اغطي ع اعيوني من اشعة الشمس القويه ..تجلبت ابكسل ..تذكرت اني راقده مع باباتيه يلست ابسرعه ..عرفت ان ماماتيه رقدت ع الكنببه فديتهااا اكيد ما رقدت زين ...نشيت رايحه حجرتي ...اتغسلت ...دش علي سعيد باسني ع راسي: مبروك يا العروس ..
ابتسمت متلومه سالته: شو العرس ..البارحه..
سعيد: وناسه ...حنتج رهيبه جي حصه ما تتحنى جذا ..
ضحكني: هههههههههههه حنة عروس بس بنخبرها ههههههههههههههه

دش سيفاني علي : فديتها عروستنا ..
اتفاجات منه بس شكله مرتاح ..ابتسمت متلومه ..باسني فوق راسي..
سعيد: يلا الحينه بتكفخ منوه بتروح عنك شوقاني ..

ضحكت: ههههههههههههههه

سيفاني: شيخاني و بنييب بدور عندنا ..
طالعته متفاجاه شو يقصد ...؟؟؟بس ما تجرأ اساله ...
سعيد: انت ناوي تزوجها ولا تكفخاا ..

سيفاني: اعذبهاا ..

سعيد: اعوذبالله من شرك..

سيفاني: ههههههههههه تعال فهد يتريانا ..."طالعني" اتزهبي شوقاني عقب الغداا بنوديج الصالون اوكى..
هزيت راسي بمعنى هيه..طار مخي ..سيفاني يبا يخطب بدور مثلا !! جفت الوناسه بـ عيون سعيد و سيفاني ..هذي الوناسه ما جفتها يوم ملجتي ..حمدت ربي ان راشد بانت نواياه ..و ما غلطت بحق نفسي و حق اهلي ...

وصلني مسج...هديت كل شي وربعت صوب لموبايل بطلته و انا ارتجف ..بس انصدمت يوم جفت المسج من بدور يلست متضايجه و محبطه ..قريت المسج و رديت وقفت ابسرعه يوم كتبت " خبري اخوج الثور انا يايتنه الحينه احرق سيارته مب اكسر جامتها بس "

حطيت ايدي ع حلجي غبيه بدور بتخرب علي نفسها بطير سيفاني منها بحركاتها البايخه ...اتصلت بها بس عطاني خارج عن نطاق الخدمه ...
فريت الموبايل نزلت تحت علشان اتصل لها من تلفون البيت ..مدري شو مستوي بهاي الخبله..جفت باباتيه قاعد فـ الصاله و معاه عمي ...سلمت عليهم.. و نسيت بدور .و سالفتها يوم جفت باباتيه .يلست معاه ..جفته مستانس يطالع حنتي ...

عمي: الله يا شوق و الله وصرتي عروس ..
ابتسمت له متلومه .

عمي: فاتج العرس ..ابصراحه خوش ريال..
قلته: الحمدلله ..
عمي: يلا ان شاء الله اليوم بسافر ..عاد مروا لنا حياك ..
قلته: مشكور ..
قعد يسولف لي عمي عن عرس البارحه ..لي وقت الظهر ..رحت حجرتي صليت ...تميت يالسه بحجرتي ..
دشتت علي حصه : شوقاني حياتي شيخاني و موزي و بدور بروحون الصالون عقب الغداا ..انا و انتي سعيد بياخذنا دبي ..

قلتها: ززين .
طلعت كان بالي بـ ذياب ليش ما يطرش لي مسج.طرشت له" مبروك " رد علي و كأنه يتريا مسجي "مبروك علينا حياتي ...من البارحه ميود روحي ما ابا اطرش مسجات اباج تشتاقين لي بس الظاهر ما صبرتي عني"
حسيت و انا اقرا مسجه انه واقف عدالي فتلومت فريت الموبايل بعيد عني ..طرت من الوناسه ...اتمنى اني اسعد هالانسان لانه يستاهل ...و خاصه بعد حياته مع حناان ..اتنهدت و انا اتذكر سالفه طلاقه ..

دشت عليه امايه: تعالي تغدي امايه..

وقفت : ان شاء الله..

امايه: خوانج محد ابا اطرشهم بيت خالتج حليمه يودون لهم عيش و لحم...
تذكرت بدور بس ماشي فايده ارمسها الحينه لاني سالت امايه عن شيخاني

امايه: راحت مع بنات خالتج ..يلا نشي تغدي ..
نزلت معاها تحت ...محد كان غيري ..
امايه : وينهم..؟؟

امايه: الرياييل بالميلس يتغدون عازمين ربعهم...انا و انتي و حصه بس ..

نزلت حصه تغدينااا ...كان جو البيت هادي ...
قلتهم: من خلصت شيخاني امتحاناتها ما جفتها جنها هي العروس ..

حصه: ههههههههههههه
نشيت من الغد شبعانه ..امايه: كلي ..
قلتها: شبعت ..ابا ماي ..؟؟

امايه : هاي الطمطه سيتي ما يابت ماي و انا طرشتها بيت اختي .روحي يبي لنا من الطبخ..لبسي شيله شي شباب داخل البيت

قلتها: ان شاء الله ..
حصه: عروس ما يصير تامرينها ..
امايه: يلا اخر مره هاي ..

طلعت لمحت عدال باب الميلس اشكثر نعول الظاهر شي شباب وايد .جفت باب الميلس ينفتح فربعت داخل المطبخ عن حد يجوفني ..من المعازيم ....دشيت المطبخ فجيت السده و ظهرت الجلاس غسلتهم ..سممعت باب المطبخ ينفتح..
قلت: سيتي ظهري دبة الماي من الثلاجه ..

ماا سمعت رد ولا حركه ..فالتفت صوب باب المطبخ..فطاحت الجلاسات من ايدي في المغسله من الصدمه ..لصقت بالكبت ارتجف ..ما كنت مصدقه عيوني راشد ...!!!

اشرت ع الباب : اطلع برع ...انت مينون ...شو اتسوي هني ..
تجدم مني و الشر بعيونه: ليش خنتينـي ,,"وسكت يوم طالع حنتي "

ضميت ايدي تحت الشيله كنت اتمنى اكون بحلم انش منه ...
تجدم اكثر : ليش سويتي جذا..

قلته بغيض: انا شو سويت ...؟؟؟ انت الي خدعتني ...انت الي خليتني اتريا عند باب المطار .
طالعني: بس انا كنت بالمطار اتريااج..
صرخت عليه: انت جذاااااااااااااااااااااااب ...اطلع برع عن حد يجوفنا ..تباهم يذبحوني ..

كمل كلامه مب مهتم بصريخي : انا ما بخليج اتعرسين ..مستحيل ..
حسيت برجفه هزت جسمي يوم سمعت رنة الحقد بنبرة صوته صحت : انت شو تبا مني ...انا بشو ضريتك علشان تعذبني ...

زخ ايدي بقوه : تعالي نشرد..خلينا انسافر انا عندي بيزات ..مب محتاجين بيزات ذياب ..
حاولت ايير ايدي: انت مينون اليوم عرسي ..هدني هدني

بس راشد كان يحاول يظهرني من المطبخ صحت ابصوت عالي حسيت ان ها الانسان مب وعيه و كان مني الا اني اكفخه كف ع ويه علشان ارجع عقله ...و بالفعل ها الي صار وقف منصدم يطالعني ..حط ايده ع كفه ..

ابتسم و كأنه غير رايه : لها الدرجه متعلقه بريلج..يعني ما كنتي تحبيني لانج نسيتيني بها السهوله ..

كنت اصيح من الخوف و اللي قاعد يصير قلته: انته مينون ...انا معرسه خلاص احب ريلي او لا شي راجع لي لكن انت ما عاد اتهمني ..

تجرب ممني : شوق عندنا فرصه انا و انتي نحب بعض نتي تحبيني ..يلا خلينا نشرد..
كنت مصدومه يا عالم كنت انا بالاول اصيح علشان يرضى عني و الحينه تبدلت الاوار ...كان كلامه يأثر علي ابسرعه ..لكن الحينه كنت ادور الصدق بعيونه او بنبرة صوته ...

هزني: شوق لا اضيعين عليا فرصه العمر ذياب بطلقج من يعرف انج معاي ..يلا تحركي ..

شهقت يوم قال بطلقج ...قلته: انته اتقص علي هديتني بالمطارر ..
رص ع اسنانه: انا كنت اتريااج بمطار عيمان و هالحمار خذج مطار راس الخيمه ..

قلته: جذاب حصه قالت انك بالسلع..

رفع راسه يطالع السما : يالله ...شوق ..كنت اقص عليهم ع اساس اكون معاج ...يلا لا اضيعين وقت ..
معقوله راشد صادق ..؟؟؟ يعني انا ظلمته ..!!كنت ادور الصدق بعيونه ..بس جفت الاصرار ..
قال : ترا انتي ما اتحبين ذياب ..يعني بتعذبينه و بتعذبين نفسج ..حراام انضيع هالحب بسبب غلطة الدريولنا الحمار ...

ما كنت اعرف شو ارد عليه..لاني مصدومه من كل كلمه ينطقها ...اليوم عرسي ..عرسي يا ناس ...كيف اشرد..تذكرت نظرات سيفاني و سعيد يوم اكتشفوا اني كنت بشرد..و ع بالهم بروحي ...اتذكرت علاقتي الحلوه بـ ذياب ..و اتذكرت ذلي بالمطار .. و اتذكرت ايام حبي و شوقي لها الانسان الواقف عدالي ..

بلعت ريجي .سالني: شو قلتي ...ماشي وقت حبيبي ..ابسرعه قرري ...انتي ظلمتيني ..
قلته: انت قلت اني ارمس عشره غيرك..
برر لي كلامه: لاني كنت مجروح منج ..كنت ابا اجرحج...

انفج باب المطبخ فجاه فنقزنا انا وراشد ..كانت حصه ...حصه استغربت : راشد!!
راشد: ادور ماي ..

صديت صوب المغسله علشان حصه ما اتجوف ملامح ويهي
حصه: زين جفتك خبر سعيد يظهر برع ابا ارمسه...

ارتحت يوم حصه ما لاحظت شي و قالت لي: شوق عمتي تتريا الماي ..
قلتها: الحينه باخذه

طلعت حصه قبلي و لحقتها بس قال لي راشد بصوت واطي : اتريااج شوق ..لا تخذليني مره ثانيه فكري بحبنااا ..انا بوقف سيارتي عدال باب الحوي الثاني الي ورا بيتكم ...تعالي لي ..اتريااج زين ..

طنشته ما صدقت احط صينيه الماي وربعت حجرتي ...قفلت علي الباب ..ما عرفت شسوي ...راشد مينون ولا انا فـ حـلم يباني اشرد في يوم عرسي ..يلست اصيح...راشد ليش يسوي جي معقوله الدريول غلط...بالمطار ..يستوي ..؟؟

دقت حصيص الباب : يلا شوق ..سعيد يتريانا ..
تميت يالسه بمكاني راشد يترياني برع ...
حصه: شوق..

قلتها: يايه ..

لبست عبايتي راشد يترياني برع ..و سعيد يترياني برع ...صراااع بين قلبي و عقلي .. وين اروح..اهلي و ناسي و ذياب الي ما قصر معاي ..ولا قلبي ...فتحت باب حجرتي ..انا غبيه ..و حماره جان فكرت براشد مره ثانيه هاك اليوم ما نسيته شو صار فيني ..

.و بعدين ذياب ما يستاهل اني اسوي فيه جذا ...بس انا عشت ايام حلوه مع راشد.. و جفت ملامح الغيض و القهر يوم تلاقينا من جم يوم في بيتهم ...؟؟يوم عرف اني ملجت ع ذياب ...سعيد و حصه يتريوني برع علشان ياخذوني الصالون و عقبها يزفرني ل، ذياب .. و راشد يترياني برع ...و الظروف هي الي فرقت من بينااا ..و انا يمكن ظلمته .راشد يحبني و انا مشاعري كانت كله له ..احترت ..اي خطوه اخطيهااا ....

لبست عبايتي و شيلتي ..و انا في بالي "واثق الخطى يمشي ملكااا " ..فتحت باب حجرتي .. و نزلت من الدري مختاره سعادتي و الي اعرف اكيد وين بتكون ..؟؟


"لو بيـــــدي ألقى مفتاح السعاده
كل لحظه كــــنت حبيتك زياده
بس أنا جاوزت حدي في هواك
مدري حتى وش أبدي في رضاك
و أشعل في قناديلك
أماني العمر
و نزرع شوق
و نجني حب
من عيوني عيوني
أطلب و ألبيلك"


كنت ناويه اودع بيتنا ابكل زاويه و ابكل خطوه اطالعه شبر..شبر لاني خلاص ما بسكن هني...بس سالفه راشد اربكتني وايد...رحت الباب الثاني الي كان ورا بيتنا ...بلعت ريجي فتحت الباب ..خذت نفس طويل يوم جفت راشد بالفعل كان يترياااني ..جفت سيارته ...

صكرت الباب لصقت فيه ..صحت من الخاطر ليش انا بالذات يستوي لي جذاا ...ليش انا من بين كل هالعالم ...يصير لي جذا ..شو كانت غلطتي..اني حبيت انسان و بصدق..؟؟ عطته قلبي و كل احاسيسي ..و عقبها افترقنا مدري بسببه ولا سبب الظروف...تعذبت و انجرحت ..

.لكن الله عطاني ريااااااال و نعم فيه
..و يوم خلاص برتبط فيه ..يظهر الانسان الي حبيته بصدق مره ثانيه ع مسرح حياتي ..شسوي يا ربي ..ساعدني...غمضت عيوني ..و انا بداخلي ميته يوم عرسي ..جي حالتي...ليش ..مو حرام الي قاعد يصير لي يا جماعة الخير ...
ردت بي الذاكرة لورا ..يوم اتفجنا انا و راشد نشرد ويا بعض..و غير سالفة المطار ..تذكرت كلامه لي في المطبخ من شويه يعني معقوله...راشد ما كان يقص علي....يستوي؟؟

مست دمعتي بيدي..يوم سمعت هرن سعيد..شليت شنطتي...رجعت فتحت باب الحوي...ظهرت من جافني راشد..بطل باب سيارته و نزل.

.وقفت ابمكاني خايفه و قلبي يرقع ..وو أنا اراقب خطوات راشد تجرب مني...بس انا ما طلعت لك يا..راشد علشان ايي معاك انت جرحتني..و حتى لو الظروف كانت سبب فرااااقنا بس بدايتنا غلط... و كل شي يتعلق من بييينا غلط ...حتى لو كنا عيال خاله...انا بس اباك تذوق الي ذقته في المطار ...و لو كان ربعه ..

.رديت لورا ..جفته مبتسم و طاير من الوناسه...و قبل ما يوصلني..دشيت ابسرعه و صكرت الباب بويهه ...ما كنت اعرف شو حاله ..بس كنت اتخيله انه مصدوم ...رجعت لورا ..انا ما اقدر اخون ذياب و قبل ذياب اهلي.. و قبل اهلي نفسي ..دق الباب
راشد: شوق فتحي فتحي...لا اتروحين ...انا ابااج..

ابتعد عني ما حبك ويش تبي بي >>قدرك الغالي رميتة في الثرى >>واحسايف قو لتي لك يا حبيبي
يوم قلبي جاهل بك ما درى >>أنك الغادر وقصدك تلتهي بي
وان عاطفتك تباع وتشترى >>أنس وقت فات مالك به نصيبي>>>لا تذكر لا تذكر ما جرى
يوم هفت شمس حبك للمغنيبي >>>>استرحت وعادني طيف الكرى 0"

"
غمضت اعيوني ما اباا يأثر فيني..حتى لو ما احبه بس بشفق عليه و انا اسمع نبرات صوته ..يترجاني...
راشد: دخيلج لا اتروحين ..بعيد..انا محتاجنج..انتي تحبيني شوق..

قلته ابسرعه: انا كااااان حالي جذا في المطار يوم كنت اترياااك راشـد..

وربعت ابسرعه ...صوب الباب الرئيسي ..سمعته يرد علي بس ما فهمت له شو يقول لاني ابتعدت خلاص...فجيت الباب صدمت بصدر سعيد زخني يطالعني مستغرب : بلاج؟

رفعت راسي اطالعه قلته بصوت واطي : ماشي سوري تاخرت عليك.
اتاملني سعيد عقبها ابتسم: شكلج كنتي تودعين البيت ..يلا سرينااا
لحقته بس انا كنت اودع راشد وجرحي خلاص ...و ابدا حياتي و امد ايدي للانسان الي كان سند لي وقت احزاني و جروحي...كنت طوال الخط ساكته ..ابد ما رمست ولا قلت ولا كلمه..خليت حصه و سعيد ياخذون راحتهم و يسولفون بمواضيعهم الخاصه ...

سالت سعيد: ما جفت باباتيه ..

سعيد: ان شاء الله بتجوفينه الليله بس انتي حبي لا تضايجين..
سكت ..لين ما وصلنا دبي و افترينا صوب الصالون ....مدري ليش كنت احس اني أبا اصيح يمكن لان ..طول الدرب افكر بالي صار من شويه مع راشد...يستاهل ..حتى لو كان صادق ..كافي كلمته اكيد ترمسين عشره ..غيري هذي الكلمة ..اتخليني ابتعد عنه موليه وللابد..

حتى لو كان ذياب مش موجود..فـ حياتي ..لو طاوعت راشد كنت بعيش بهم و غم...و ابد ما برتاح..و لو صار شي من بينا محد بساعدني يوقف معاي من اهلي..لاني خذلتهم ..يعني ما بيكون سند لي ولا ظهر ...

غمضت اعيوني..انا ارتحت بالقرار الي اتخذته بس اتمنى اعيش مرتاحه مع ذياب هوه يستاهل و انا بعد استاهل ...احسن شي سويته اني غلقت موبايلي و حطيته مع اغراضي في بيت ذياب ..علشان انسى و ما احاتي او افكر بمسجاته ..خليه يشتاق لي ..
كنت مغمضه اعيوني و مخليه راعيه الصالون تلعب ع كيف كيفها بويها و بشعري ....سمعت حس حصه..
حصه: شوووق ..
رديت عليها من غير ما ابطل اعيوني : هاه..

حصه: ع بالي رقدتي ..
ابتسم: لا ..سرحانه ..شو راايج فيني..

حصه: توه الناس ما خلصت ...و بعد ما بخبرج علشان تتفاجئيين ..

خذت نفس و قلتها: خلصتي انتي ..؟؟
حصه: بعدني ...سعيد يتصل فيني يسال عنج يحاتيج...اونه حس انج متضايجه .و نحن يايين بالدرب..

ابتسمت: لا مب متضايجه بالعكس انا وايد مرتاحه ..
حصه: متأكده..

قلتها ابسرعه: هي و الله ..متاكده

حصه: زين بسير عنج تحت ...بجوف حالي بعد..
قلتها: زين ..

راحت عني حصه و تميت ابروحي مع راعية الصالون ...ع صلاة المغرب ..خلصت ..كنت احس اني بوادي والعالم كله بوادي ....طالعت عمري بالمنظره شهقت ...كنت بحط ايدي ع حلجي بس زختني حصه
حصه: ايه لا اتخربين الروج..

ابتسمت: حصيص ...هذي انا ..

حصه: فديتج ملاك ..ربي يسعدج ..
ابتسمت لها ..يانا سعيد..الي كان يلف بشوارع دبي لي ما خلصنا انا و حصه..ركبنا سياره سعيد..
سعيد: يا ويلي حالي مركب معاي احلى وردتين في العالم..

حصه: يا حافظ ..

سعيد: ههههههههههههه بس اشك الي قاعده وراي هذي شوق ..
قلته: حلوه.

سعيد: قمر ..
حصه: الحينه مودر حرمتك و قاعد تمدح اختك صج ما عندك ذوق ...

سعيد+شوق+ههههههههههههههههههههههه

وصلت الصاله ...دشينا من ورااا .بعد الموقف الي صار لي مع راشد حسيت بمشاعر حزن و اسف ع الي قاعد يصير لي ..لكن عقببهااا نسيت كل شي ...بس الحينه من رجعت راس الخيمه ..و انا خايفه لا يخرب عرسي يسويها راشد..طالعت دريشه الحجره ممكن يدش من الدريشه..

زقرت حصه الي كانت اتلبس حمودي: حصه جوفي الدريشه مصكره..
حمودي: ماماتي شوق عروسه..

حصه اتروح صوب الدريشه اتشيك عليها :هي مصكره "اطالع حمودي" هي فديتك عروسه جوفها غاويه..
ارتحت يوم تاكدت من الدريشه .

.فقلت لـ حمودي: تعال حبيبي ابوسك..
حصه: لا لا عقب بخرب كشختج..

قلتها: حرام عليج حصه..

شويه و دشت المصوره ..زخت حصه حمودي و قالت: انا بنزل تحت استقبل المعازيم عند امايه و عموه..اقفل عليج الباب..

قلتها: ابسرعه: هي ما ابا حد يجوفني ..

ابتسمت حصه و قفلت علي وع المصوره الباب .قعدت اتصورني ..كانت اتسوي لي حركات اسويها ..حسيت بعمري عارضة أزياء مش عروس ..عقب نص ساعه ...فتحت حصه علينا الباب ...شهقت يوم جفت شيخاني و موزي و بدور داشات وراها..

شيخاني: يا ويل حالي ..شوق الله يغربلج سوو لج عمليه تجميل..

حصه: شو اتغربلينها بيوم عرسها ايه...
موزي: ما شاء الله عليج..عيونج جميله ...روعه مرسومه .....
بدور: هي ..يا ربي متى بعرس و استوي حلوه ..

طالعت بدور : بدور يعني قبل ما اعرس كنت خسفه..

بدور: ههههههههههههه حبتين ...

قلتهن و انا اطالع نفسي بالمنظره: حلوه ..شكلي متغير ..
موزي: وااااااااااااايد ..فديتج ..شوقاني عقبالي ..
طالعتها و فهمت انها تقصد الي جافته في مركز صحارى ابتسمت لها ...طالعت بدور ...كنت ابا اقولها عن سيفاني ...بس ماشي فرصه ...

حصه: يلا ..ايه لساعه عشر ..تزهبي شوق بتنزلين الحينه ..
بلعت ريجي : ابروحي .

شيخاني: بنزل معاج ...

حصه: لا طبعا شو تنزلين معاها يلا نزلي ..اظهرن .بنخبرهن ان العروس بتنزل ..
قلتها ابسرعه: لحظه توه الناس ...

حصه: شو تو الناس

ترجيتها: دخيلج صبري نص ساعه بعد..

حصه: ترا اهل المعرس حشروناا يبون يدشون يجوفونج..

بدور: لا و الله ...خلهن يترين لي ما اتنزل ع الكوشه..
حسيت برجفه ...بلعت ريجي اطالع مناقشاتهن خايفه ..

.انتبهت لي موزي: ايه تعالن نظهر احس شوق بتصيح...
قلتهن: انتن اتخوفن الواحد..."وقعدت ع الكرسي مصره" ما بنزل ابروحي ...

اتصل سعيد بـ حصه فقلتتها: خلي سعيد ايي ينزل معاي ..
حصه : تبين سعيد يكون معاج..
قلتها: هي ..ما بنزل ابروحي اخاف ..

اقترحت حصه لـ سعيد بس شكله ما طاع لانه يستحي و غير الصاله ممزوره.. و قال بجوف سيفاني...نزلت راسي متروعه شسوي الحينه ...
شيخاني: انا بنزل تحت حلو مشكلتكن ابروحكن ..
طلعت شيخاني و لحقتها موزي ..
.حصه اطمني: صبري شوق ..بقنع سعيد لا ترتبكين زين ..

هزيت راسي بمعنى هيه ...طلعت برع ...يلست مع بدور .
بدور: لا اتخافين شوق شو فيج جذا حالتج..
شوق: مدري كل شي يخوف ...

بدور: بنزلج انا جان ما طاع سعيد..
سالتها: و سيفاني ..

قالت لي: خليه يزول ...خلاص ما احبه..

قلتها: لو جافج سيفاني بتخبل عليج ..شكلج جميل ..
بدور: امبوني جميله ..بس اخوج ما عنده نظر خليه بنجلع..

قلتها: ليش طرشتي لي مسج تبين تحرقين سيارته خبله انتي ..؟؟
بدور: ههههههههههههههه ما سوا شي بس تذكرت كلامج يوم قلتي انه يفكر بغيري ...يولي ...اممممممممممم شخباره..
ابتسمت لها : ابخير ..."فكرت اخبرها شو قال سيفاني بس غيرت رايي خليها مفاجاه لهااا "
دشت حصه ..لابسه عبايتها و متغطيه كامل ...:يلا شوق سيفاني بييي الحينه بنزلج..
طالعت بدور الي حسيت انها بلعت ريجها بصعوبه يوم سمعت اسم سيفاني ...

طالعتها حصه: نشي تغطي سيفاني بدش الحينه ..

وقفت بدور شلت عبايتها و شيلتها ...ودشت الحمام من غير تعليق جنها مصدومه مب مستوعبه انها بتجوف سيفاني ...وقفت يوم سمعت حصه اتقول: تعال سيف ..اقرب..

حسيت بالاحراج من سيفاني يوم دش و جافني شكله انصدم من شكلي ..بس انا بعد انصدمت منه الي يقول سيف معرس ..كاشخ و لابس غتره و عقاله..شكله جنان ...

سيف مستغرب : شوقاني !!

ابتسمت له ..ونسيت خوفي منه ...تجرب مني و باسني فوق راسي قال: مبروك يا العروس ..
ابتسمت له منحرجه شكله مستغرب: شيييت جذا يتغيرون بليلة العرس ...

حصه: ههههههههههه سيف يلا بنزل العروس ..

سيف: هههههههههه : صبري حصه الله يهداج بعدني متفاجأ..
حصه: زين بظهر بجوف الترتيبات برع..

ظهرت حصه و طالعني سيف زخ ايدي قال بنبره حنونه: سامحيني شوق ...

قلته : انت اخوي و اتعرف مصلحتي زين ...
سيف: صدقيني بفتقدج .


تذكرت سالفه راشد و انه كان يباني اشرد معاه...حمدت ربي الف مره لاني ما سمعت كلام راشد..ولا ما بجوف سيفاني يرمسني جذا ..ولا بجوف الفرحه بعيونه ..
سيف و كانها اول مره يجوفني: شوق ..انا وايد قسيت عليكم..لاني كنت خايف عليج و ع شيخاني و خاصه حاله ابوي جي ...

هزيت راسي بمعنى هيه..
كمل كلامه: و الله اني وايد اتضايج يوم امد ايدي عليكن ..شيخاني اتصخ عني لكن انتي مرات تستفزيني ..يمكن تتعمدين ..

ابتسمت له: لا ..انا وايد اخاف منك..
سيف: ما كنت اباكن جي اتحسون من صوبي ..بس سامحيني ع كل الي سويته حياتي..

استغربت من سيفاني..كان يضربنا و يراضينا بس هالمره احسه غييييييييييييييير ...
قلته: لا ترمس جذا بتصيحني و بتخرب علي مكياجي..

ابتسم يتطنز: لو جفتج جذا كاشخه و ما كان عرسج كنت ذبحتج..بس بعد ما اتهونين علي يا الغلا
ضحكني كلامه: هههههههه

تفاجانا من صوب بدور طالعه من الحمام ..اتصدقون اني نسيها ...
بدور: ما شاء الله رومانسي اليوم ...وينها رومانسيتك عني عيل ..

تم سيفاني يطالعني منصدم من صوت بدور الي كانت واقفه ورااه
..سيفاني: شوق هذي بنت خالتج ولا يتهيأ لي..
ضحكني سيفاني ما يودت عمري : هههههههههههههه نسيت اقولك بدور موجوده داخل ...

التفت لها بدور فشهقت: ليش كاشخ هالكثر .
طنشها و صد صوبي : يلا متى بتنزلين ...؟؟ خلينا نمشي من هني ..

قلته:ما بدش مع ذياب ...؟؟

سيفاني: امبلى .

بدور معصبه: ليش مطنشني ..
طالعتها بنظرات انها اتصخ و ما ترمس موليه كملت : لا تنزل تحت انا بنزل شوق .

طالعها بعصبيه: انتي ما يخصج لا تحشرين نفسج بشي ما يخصج..

بدور: و الله يا ويلك جان طالعت يمين ولا يسار براقبك و بجلع عينك...
ما ادري تهيأ لي اني لمحت ابتسامة سيفاني او صج ابتسم بس

قال ابرود : ما يخصج..

بدور شويه بتصيح: شوق اخوج ينرفزني...

قلتها: بس بدور ..حتى بعرسي بتضاربين ..
دشت حصه :يلا ...شوق ...

وقفت بخوف..بس حسيت بالامان و سيف جريب مني...زخيت ايده ...
بدور: ان شاء الله تطيح من ع الدري ..قول آآمين..
حصه تعاتب بدور: بدوووووووووور

بدور محرجه: اكرهه ما ادانييه .

و سبقتنا طلعت معصبه..
سيفاني: هههههههههههههههه
حصه مستغربه: شو السالفه ...شو مستوي..

قلتها: ماشي حصيص يلا خليني انزل و افتك ..."مصدومه من ضحكت سيفاني"

طلعت من الحجره ...رصيت ع ايد سيفاني ..ابتسم و كانه يطمني ...تجرب مني و قال باذوني و كانه يبا يطمني : لا اتخافين ..ما بستوي فيج شي ..تراج تربكيني معاج ...

ابتسمتت له ..حاولت اخفف عن نفسي ..نزلت ع الدري خطوه بخطوه مع سيفاني ...حسيت اني أميره ..و اني صج مميزه مب لاني بفستان ابيض ..لا لاني بكون عروس ريال كل البنات تتمناه .ما .كانت بحس بها الاحساس ..اذا شردت مع راشد..يزول راشد..خلاص انتهى من حياتي ...

طالعت سيف ناسيه كل ها العالم ..الي اطالعني ...رد يطالعني بنظرات امبين عليه مستانس و مرتاح..و ها الشي ريحني ...

المهم نزلنا ع صوت موسيقى كلاسيكية ...

وصلت عند اخر عتبة وقفت بجاانب سيفاني ..رفعت راسي بكل شموخ ...اطالع الناس او بالاحرى اخلي الناس تطالعني و تطالع حلاتي ..بس بكل صراحه وقفت سيفاني حسيت انها زيدتني غرور و حلاة ..كانت انظار الحضور ما بيني و بين سيفاني الي حسيت به ارتبك...ابتسمت له و ابتسم لي ...

بها اللحظات غاب كل شي عن بالي ...موزي و بدور حصه اختي شيخاني امايه صوت الفرقه ....كنت ما اسمع غير دقات قلبي ...باسني سيفاني ع راسي ..و همس باذوني " مبروك حيااتي .." رديت له بابتسامه ... ابتسم لي ورجع فوق ...بلعت ريجي ما بغيت ابين الربكه او ملامح الخوف بويهي حتى ما اخرب ع كشختي و طلتي للناس ...تجدمت بخطوات اتبين اني وحده واثقه من نفسي ..

". ياورد محلا جمالك بين الورود >>ياغصن محلا قوامك لما تنود >>قلبي عليك ولهان ..عقلي وراك حيران >>>الزين دا كله ولا مرة تجود >>فتان ما مثلك خلق بين الوجود
شكلك تعدى الوصف بكل الحدود >>دمك خفيف... ياورد
شكلك لطيف... ياورد >>كامل من النقصان زايد بالفتن
بالماء والخضرة وبالوجه الحسن
نحيل القوام ... ياورد
سيد الغرام ... ياورد""رفعت راسي بشموخ و مشيت ع المنصه كانت المصوره تلاحقني وتلتقط كل حركه اسويهااا ......كنت التفت يمين و شمال ...و كأني اقولهم .." استريحوا يا بنات ..هذي ليلتي و هذي انا شيخه البنات اليوم .." ..اتنفست ابراحه يوم وصلت للكوشه ...وقفت شويه عقبها يتني حصه وشيخاني ساعدوني ع اني اقعد عقب ما عدلوا فستاني الثجيل ..

شيخاني: شوقاني مصدقه روحج جنج عارضة ازياء ..

قلتها: مب حلوه ..

حصه: الا قمر ما شاء الله عليج..ربي يحفظج و يخليج لاهلج ..
شيخاني: ما اروم اعترض ...رمستج مقتنعه فيها حصيص .

ابتسمت: اول مره شيخاني تعترفين اني احلى منج..
شيخاني : لا و الله
حصه: ههههههههههه الله يستر شكلكن بتضاربن حتى و انتن ع الكوشه ..

شيخاني: بروح اقعد عند ربيعاتي ..

و اختفت حصه من عيوني ..اتيمعوا الحريم صوبي يسلمن علي و يباركن لي .وقفت يوم يتني امايه ..حضنتني و يلست اتصيح و اتبارك لي ...كنت بصيح بس

ندى : دخيلج شوق لا اتصيحين خلي خالي يجوفج بزينتج دخيلج..

ابتسمت ..امنع دموعي من انها تطيح ع خدي ..ابتعدت عني امايه متالمه ع قد ما كنت مستانسه لي ...تميت واقفه ارتجف يوم سمعت يقولون المعرس بيدش طالعت موزي بخوف ..تجدمت مني

ابتسمت لي: شوقاني غيري ملامحج بليز ...يا حلاتج و انتي توزعين ابتسامات..
قلتها: فضيييييحه ..

ضحكت: هههههههههههههههه مب فضيحه ها شي عادي ..اونه فضيحه ...
قلتها و كنت اراقبها و هي تعدل فستاني: زين انتي وقفي جريبه مني حتى حصه و شيخاني لكن بدور لا .اخاف تفضحني تضارب مع السيف .

موزي امطنشتني : شوقي عن الخربطه ...يالله ابتسمي هاه ..

حسيت بالخوف صج ..يوم ابتعدت موزي و حصه و كل الي كانوا ع الكوشه لان ذياب لحينه بيي ..رفعت راسي فوق صوب الاضاءه الي كانت مركزه ع الباب الي بيظهر منه ذياب ...بلعت ريجي بصعوبه ...يوم انفتح الباب ...

اجاذبك الهوى واطــرب واغني 000 وابادلك الغرام بكــــــــل فنّي واشاهد صنعة الله فـــي جمالك 000 وحكمه الذي فيـــــك امتحنّي
واشوف الودّ فـي عيونك ولكن 000 يردّ الودّ خوفٍ فيــــــــك منّي ولا ادري وش يخيفك ياحبيبــي 000 وانا بك مغرمٍ جــــــاك متعنّي
ولو انك تلاحظ شفت عينــــــي 000 وهي تروي حديث الحب عنّي تنعّم دام تــــــوك فـــــي شبابك 000 ليال العمر ماقــــــــط امهلنّي
تعال اسقيك من جدول غرامي 000 شراب فيه للعاشـــــــق تهنّي واهيم بك بسمــــاوات المحـبه000 الين انّك بعــــــــــد مثلي تغنّي"
وظهر ذياب ..بحلاته و هيبته ...الله عليك...انت لابس بشتك جنك شيخ فديتك...ظهر سعيد و سيفاني و المفاجأه باباتيه .حسيت اني بصيح يوم جفته يتجدم ...مستانس ...فديت عمرك باباتيه ...نزلت راسي بالارض يوم جفتهم يتجربون مني ..رفعت راسي ..طاحت اعيوني بعيون ذياب .
.اسرتني نظراته..ابتسمت له بخجل ...و رد لي الابتسامه برحابة صدر ..حسيت براحه ...كم جميل هالانسان ...تقاسيم ويهه ملامحه ...لون بشرته الي تخليني اتخبل عليه ..حتى .شفايفه الرقيقه رغم ابتسامته الي زادتها حلا بس خشمه الشيوخي معطنه شموخ و كبرياء ...فديته ربي ما احلاه ...

عيونه نظراته الحاده ..و بنيه جسمه المتناسق ..اتخلي كل بنيه تتمناه ..و تحلم بها الادامي ...هاه غير طيبه قلبه .. و سوالفه الي اتخلي الواحد يحبه غصبن عنه ...انا اليوم بس ..صرت اكيده اني ابد ما غلطت يوم اخترتك يا ذياب ...و حتى اني اكيده كل بنيه موجوده بالقاعه تتمنى اتكون مكاني ...

نزلت راسي بالارض يوم وقف جريب مني باسني ع راسي , قالي : مبروك ..
رفعت راسي ابتسمت له بس كان امبين علي اني ارتجف و ها شي مليون بالميه لاحظه ذياب ...وقف جريب مني سلم علي سعيد قال لي: مبروك حياتي ..
قلته: الله يبارك فيك..

حتى سيفاني سلم علي مره ثانيه .. و كان وايد مستانس ..فديت اخواني ..كانوا احلى من الحلا ...و يوم يياه باباتيه لوى علي ..عاد هني ما قدرت ايود عمري ..يلست اصيح بحراره ...و الي خلني ازيد يوم جفت ادموعه ...همست: فديتك باباتيه انا وايد احبك ..

سعيد: شوقاني حبيبي لا اتصيحين ترا ابوي يتأثر هاه ..

طالعته متجاهله ذياب الي كان يراقبني : انا ما اصبر عنه ..
ذياب: كل يوم بييبج له ..
تجدمت منا حصه تعاتبني: شوق شو سويتي ...

يلست تمسح ويهي بالمنديل ...قدرت امسك اعصابي ..وقف سيفاني جريب مني و سعيد وقف جدام ذياب وحذاله باباتيه و قعدت المصوره اتصورنااا كذا صوره.

حسيت ان سيفاني يبا يخفف عني فسالني : مستانسه شوق ...؟؟
رفعت راسي ابتسم له: هيه الحمدلله ...انا غلطت بحقكم..

سيفاني ملامحه جامده: هب لازم تطرين شي انتهى و مضى ...امممممممم "يغير الموضوع" بنت خالتج الخديه وينها..

ضحكت: ههههههههه ما جفتها ...

رفعت نظراتي ادورها... و كأني ما صدقت ..يسألني سيفاني علشان انسى وجود ذياب قربي و اتجاهل المشاعر الي بتخبل فيني و انا بقربه ...جفت بدور اتسوي لي باي باي من بعيييد...

قلت سيفاني: جفتها ..
سيفاني : وينها ..؟؟

قلته: جوف بالزاويه هناك

طالعنها عرفت بدور ان خبرت سيفاني مكانهاا لانه رفع راسه يدورها و من جافها ..سوت له بيها "مالت عليك"وصدت الصوب الثاني .. شهقت و طالعت سيفاني الي
قال: ما عليه يا الدبه ..

يتني الضحكه ...بس نقزت يوم سمعت حس ذياب بأذوني: مب جنج ناستني ولا تتناسيني ..؟؟
طالعته مدري ليش كنت بقوله انت عذاااب بس سكت و قلته : لا ..
رفع حياته و كان يتاملني لانه قال ببطيء: متاكـده ..

حسيته بياكلني بنظراته ..همست له : لا ترمس بها الطريجه
سمعت ضحكته الي رنت بأذوني . : ههههههه
ربع حمودي الي مدري من وين ظهر ..بحضن سعيد..الي استقبله و شاله ..و قعد يبوسه .. ..
حمودي: بابا انت معرس بعد..

سعيد: هي بس لا تخبر امك...

تجدمت حصه: يلا سعيد و سيف سلموا و ظهروا مب شكلكم طولتوا ..
سعيد يعقد حياته: شو هاي طرده ..

ذياب+سيفاني: هههههههههههههه

سيفاني: صبري شويه خلينا انطالع حلوه السالفه ..
حصه: لا و الله ...يلا يلا عقب وراهم سفره المعاريس ..بتأخرون ..

ما بغيت سعيد ولا باباتيه ولا سيفاني يغيبون عن نظري ...بس للاسف ها الي صار ..سلموا علي و ع ذياب و باركوا لنا ....راقبتهم لي ما ظهروا من القاعه ...قعدنا ع الكوشه ربعت مهره و قعدت بحضن ابوهااا ...كانت مستانسه ..و انا شعور السعاده كان يعتريني ..تجدمت منا ندى ..
طالعها ذياب: منو انتي ..؟؟

ندى: خالي اونك حركات ..
ذياب +شوق: هههههههه

ندى: حلوه ..شو رايك فيني ..

ذياب: قمر بس مب احلى عن الملاك الي قاعد جدامي
وزخ ايدي ..حسيت بالاحراج وويهي بحترق من الفشله و خاصه جدام ندى ..مرات حركات ذياب تحرجني ..بس الظاهر يعيبه ها الشيء ..

ندى : من الحيييييييينه استوت ما عليه ...الله يصبرنا ..
وقف ذياب فجاه..التفت جفت اخته ام فتون يايه صوبنااا ..فوقفت مع ذياب .لوت عليه و باسته ...حسيت انها كانت اتصيح ...
ام فتون: مبروك ..يمه ..

ذياب: الله يبارك فيج ختيه ..
سلمت علي و باركت لي و قالت : تحملي بـ ذياب ها مب اخوي ها شرات ولدي ..
استغربت من كلامها ...يمكن لانها كانت اتعرف طبيعة علاقة ذياب مع زوجته الاولانيه ...اقصد حنان ..
قلتها: ان شاء الله خالوه ..

لحقتها فتون سلمت علينا و باركت لنا .. و خوان ندى الصغاريه و اخوان فتون ...و كلنا تيمعنا ع الكوشه و تصورنا ...طالعت صوب الثاني جفت شيخاني و حصه و بدور و موزي..متيمعات بزاوية يطالعونا حالهم حال الناس...و كأني اجوف بنظراتهم انتي الحينه صرت منهم و فييهم...خلاص

تضايجت من ها الفكره ..انا لو عرست ..بس مستحيل اتغير ع اهلي و ناسي ..انتوا اهلي و ناسي لو شو صار ..ابتسمت لهن فردوا لي الابتسامه و هالشيء طمني ...عقبها ساعدت حصه ندى الي ودونا فوق ...ذياب نزل تحت يترياني بالسياره ...و تميت انا و حصه و ندى بالغرفه ..يساعدوني ابدل فستاني ..بثوب مخور..

ندى: بس عاد شوق شو فيج ترتجفين ..
سكت ما رديت عليهااا ...خايفه من الايام اليايه ...و من كل شي ..رغم راحتي مع ذياب ...
حصه: بزقرهن علشان يسلمن عليج قبل ما اتروحين ..

سألتها :حصه ..ترا ذياب ما طرا لي عن السفر ..وين بروح الحينه ..؟

ندى: حطيت لج شنطنتين وحده حق ثيابج و الثانيه مالت الميكااب ...
رفعت حياتي: وين بنسافر ...؟؟

ندى: امممممم ما قالج عيل ما بقولج..

قلتها شويه و بصيح: ها ما يهمني الحينه"و يلست ع الكرسي متروعه"
يلست ندى جريب مني: شو فيج متروعه حبيبتي .خالي مب وحش..

حصه: ههههههههههه ندى ..كل بنيه لازم تخاف ..اساليني ..و باجر بجربين مع راشد..

راشد !! شو اخباره الحينه... شو مستوي فيه ..!!طالعت ندى الي ابتسمت و جفت بعيونها و كأنها اتقول متى بيي هاليوم ...بس تمنيت ان ندى ما ترتبط بها الادمي موليه ...

دشت ماماتيه و شيخاني و بنات خالوه و خالوه حليمه...سلمن عليه ..و كل وحده تمنيت لي حياه سعيده و انا بعد تمنيت لهن حياة سعيده و كل وحده لا تفهموني تاخذ الي في بالهااا ..الا ندى !!غلط مب علشان مشاعر تربطني بـ راشد ..لالا علشان ابا الخير لاختي و صديقتي ندى ...و راشد ما وراه الا الشر ..

نزلت تحت ..اودع اهلي و اودع القاعه و كل شي ماضي و خطيت خطوه يديده من حياتي..مع ذياب ..رحت صوب سيارته ...نزل من سيارته وفج لي باب السياره و ركبتها ...حسيت صرنا انا و ذياب بها العالم ابروحنا ..كل من حولينا اختفى و غاب ...
بلعت ريجي خايفه و صديت صوب ذياب الي ركب سيارته ..كانت ريحته سيارته عود ...عيبتني وايد....

تحرك بسيارته طالعت برع مرتبكه تفاجات بصوته: اخيرا شوقاني انتي معاي ...؟؟
تميت اطالع برع متلومه ..
ابتسمت يوم سمعته يقولي : الحينه بتعب وايد لي ما اخليج تتعودين عليه ...
ما رديت عليه ..

تجدم مني زخ ايدي ورص ع صبعي بقوه متعمد و قال بصوت حلو : اسالج ..؟؟انا !
تألمت و قلته ابسرعه: أأأأأأأأأأأأأأأأأأأأأأأي ممممممممدري ذياب ...و الله مدري
ضحك: ههههههه "وصارت لمسة يده رقيقه "تدرين شوقاني ...من ساعه وانا واقف عدالج..حسيت بروحي محظوظ ..
طالعته مب فاهمه كلامه..
ابتسم لي: و الله ما اقص عليج...اجمل ما رأت عيني ..و انا داش القاعه ..ارتبكت و حاولت اغطي ع ربكتي لاني ما توقعتج بتكونبن بها الحلا..

طالعته و عقدت حياتي : ليش مب حلوه ..
ذياب: ههههههههههههههههههههههه فديتج و الله ..كنت اجوف احلى وحده بها الدنياا و بعيوني ..و ما توقعتج بتكونين احلى و احلى ..فهمتي ؟؟؟

طالعته و صديت الصوب الثاني: احاول افهم .." فكرت بداخلي شي غريب حتى انا بنفس اللحظات كنت اجوف احلى ما رأت عيني ...نفس الافكار !!!..سالته" وين بنروح ..

ذياب: اخيرا سالتي هالسؤال ..
قلته و بديت انسى نفسي : ليش يعني..

ذياب: كنت كل مره اتريا تساليني وين بتسفرني شهر العسل..احيد البنات ها يكون شغلتهن الشاغل بس انتي غريبه ..يالغصب تزهبتي و الحينه ولا افتكرتي وين بنروح شهر العسل ..

سكت لان كلامه صحيح ما خطر ع بالي ..بس مهره يت في بالي فقلته : ومهره ..
قال لي: مهره !! شو فيهاا

قلته: شو شو فيها ...؟؟
طالعني: شوقااني...انتي تدرين ندى ابروحها ...

قاطعته: ذياب انا يوم وافقت عليك معناتها وافقت ع كل شي و خاصه اني اعرف شو هي ظروفك و مسؤلياتك
طالعني و كأنه مب متوقع فقال: فديتج و الله ...

صديت عنه اطالع برع ...رجعت و طالعته : مساله وين بسكن الظاهر كان المفترض نتكلم عنها قبل ..
ذياب: ما كان شيء وقت و انتي بعد ما سالتيني..؟؟

رفعت حياتي مستغربه منه: شو انت ما تباني اتقولني اي شي الا اذا انا سالتك عنه ..

ذياب: هيه ..

سكت عنه زخ ايدي و كمل كلامه : حياتي تبين تسكنين ابروحج..
رصيت ع ايده لاني كنت محتاجه للدفا الي كان ينبع من يدييه و قلته: انا بعيش معاك بغض النظر المكان و مع منوه ...
طالعني بنظرات اول مره اجوفها اربكتني فهديت ايده ابسرعه و الظاهر هاي الحركه ريحته لانا وصلنا المطار خلاص ..

نزل ذياب الشنط الي كانت في دبة السياره ...التفت طاحت عيوني ع العمود الي وقفت بجنبه من فتره بسيطه و كنت منهاره اصيح و مجروحه يوم خذلني راشد بهاك اليوم حسيت برجفه ..هزت جسمي للذكرى الي مرت في بالي و ذياب جريب مني ..كان مشغول ويا العامل الي بياخذ الشنط داخل ...حاولت اسيطر ع مشاعر الخوف الي كنت احس فيهااا ...بس للاسف ما قدرت ...رفعت راسي جفت ذياب يطالعني ..

سالني : شو بلاج؟؟

هزيت راسي بمعنى ما فيني شي ..ما قدرت ارمس حسيت ان لسااني انربط و حسيت بااللوم و الاحراج تحت نظرات ذياب.. من الي سويته او كنت بسويه و هو اني فكرة سفري مع راشد...
تجدم مني ما شلت اعيوني من عيونه سالني : انتي ابخير ..؟؟ خايفه ...!!

حاولت ادور اي جذبه علشان يريحني و ما يكثر اسئله تربكني فبلعت ريجي و

قلته : ذياب ما فيني شي..
قالي لي : و الله انج ما تقدرين اتقصين علي ...اذا جذبتي علي..عيونج و نبرة صوتج يفضحونج ...."زخني من ايدي و ييرني" بس انا ما ابا اغثج باسئلتي اذا ها الشيء يريحج ...
قلته و انا اتبع خطاويه: مشكور..
رد علي بنظره ماا فهمتها بس خمنت و كأنه يقول لي .يعني انا ع حق ...ما بغيت اكبر السالفه و اطولهااا ...دشينا المطار و يلسنا ع كراسي الانتظار ..نتريا اعلان رحلتنا ..عرفت ان بنروح ماليزياا ..
فاجاني يوم قال : خوانج ما رحموني ..
طالعته مستغربه فقلته : خواني !!

هز راسه : خاصه سيف ..
سالته: شو بلاهم ..؟؟
رد علي بس شكله كان مرتاح و مستانس: قاعدين يوصني عليج ..يعني ممن هاي السوالف اهتم فيها و امانه عندك ..."طالعني و قال" للحظه شكيت او حسسوني اني بفرج من الطياره ولا اني خاطفنج مب ريلج ..

مدري ليش ضحكني كلامه: ههههههههههههههه فديت اخواني و الله اني بفتقدهم .
سالني كانه يعق نغزه علي : حتى سيفاني ..؟؟

طالعته: اشمعنى يعني ركزت ع سيفاني .

قعد يتاملني وكانه يطالعني من تحت الغشوه فقال بنبره اسف: يمكن ..."سكت شويه"لانه وايد كان معذبنج...!!

نزلت راسي بالارض و قلته : ندى قالت لك !!؟؟

سكت ما سمعت منه رد فكملت كلامي : بس وايد يحبني و انا احبه و احترمه ..
زخ ايدي: لا اتحرجين ما كان قصدي انكد عليج ..كان المفروض ما اقولج..

قلته ابسرعه: انت قلت و خلاص ..

مدري ليش بالفعل اتنرفزت هل ذياب تعمد ينرفزني او شو السالفه ..جفته يتجرب مني اكثر حتى لصق فيني و حط ايده ورا جتفي و قال بصوت واطي يالله اني قدرت اسمعه: و الله العظيم ما كان قصدي اضايج بج..بس كنت ابا ااجوف ردج ...انتي صج طيوبه...

سكت ما كان عندي رد.......................................

الظاهر يوم جافني ساكته كمل كلامه علشان يقنعني : زين شو فيها ...ملايين من البنات عندهم اخ ولا اب ولا عم ولا خال مثل سيفاني شي طبيعي حبيبي !!!

انتبهت لوضعية قعدتنا فقلته : زين وخر عني فضيحه الناس رايحه راده اطالعنا ..

ذياب: ههههههههههههه "ابتعد شويه و بعد ذراعه من ع جتفي و قال" سوري اسمحيلنا ما قصدنا نحرجج يا الغاليه..

طالعته : اونك ..
ذياب: هههههههههههههههه "فجاه سالني بجد "بعدج زعلانه مني..

هزيت راسي بمعنى لا : انا ما ازعل منك موليه ...
ذياب : فديتج و الله ...

وقفنا يوم اعلنت رقم رحلتنا .. زخ ايدي ذياب و لصقت فيه و كاني خايفه انه يطير مني كأن عيوني اتقول عيونه كلام وايد حتى عيونه كانت تعبر عن مشاعر بداخله و كانها مدفونه من زماان .....رحنا صوب الطياره و انا كلي امل إنا نبدا حياة يديده مليئه بكل حب و سعاده ...

يوم شفت هاذيك العيون الآمرة الناهية حملت مجدافي ولها ابحرت داخل عمقها

حسيت اني ملكها روحي اسيرة لحبها



(())
تمنيت من الله تبقى معى ،،،، يا حبيبي تمنيت من الله يجعلك ،،،، حظى ونصيبي
وكأنه ربي استجاب ،،،، من غير ما اعمل حساب طليت لقيتك معايا ،،،، حقق لي حلمي ومنايا

________________________________________
فتحت اعيوني باليوم الثااني بكل كسل تجلبت ع الفراش ..و انا اتمنى اني ارجع ارقد مره ثانيه لاني حسيت بالتعب !!!!!!!!!!!!! التعب هي صح انا وين ..عفدت من مكاني و يلست ابسرعه اطالع المكان اتذكرت اني في جزيرة بيينج و بالتحديد في فندق "هولي دي أن" طالعت حولي محد ذياب .

.طالعت صوب الشماعه الظاهر انه ظهر ..رحت الحمام تغسلت و بدلت ملابسي ..فجيت الكبت ما عرفت شو البس ..اخرتها قررت البس بدله لونها بني مع تركوازي .حطيت لي ميكااب و يلست اعدل شعري ...

رحت صوب الدريشه ..شهقت ..يوم جفت البحر و الدنيا مغيمه ...روعه الجو ...طالعت الناس رايحه راده قعدت اراقبهم ..الظاهر ها الفندق ممزور عرب ...شي يريح الواحد و يحسسه بالامان ...شو ها ذياب وايد تاخر .!!حطيت ايدي ع بطني .عصافير بطني بدت تطرب ..

.شهقت يوم حسيت بلمسه ع جتفي ..لصقت بالدريشه متروعه

... حسيت برعشة في كياني ،،،، يوم جات عيني ف عينيك ما قدرت أقوم من مكاني ،،،، ما عرفت اسلم عليك قربت منى ف ثواني ،،،، لقيتني كلي ف ايديك

جفت ذياب مبتسم بيده ورده حمره:: صباح الورد يا احلى ورده ..
ابتسمت له بخجل وخذت عنه الورده : روعتني ...
تجدم مني : فديتج جفتج سرحانه..
صديت اطالع برع: اطالع العالم برع ..شسوي ريلي مخلني بروحي ...
ذياب: هههههههه شسوي يوم حبيبي ما يشبع من الرقاد ..."ييرني من جتفي و خلني اوجهه" ليش صاده عني تستحين مني ..

رفعت راسي اطالعه و قلته بخجل: انت تحرجني ..
شهق و حضن ويهي وجرب مني و همس : ايه حبي انتي حرمتي ما بينا احراج و ما احرااج..صح..
ابتسمت و انا ميته من داخلي هزيت راسي بمعنى هيه ...
سألني و كانه يرمس ياهل: يوعانه ..
ابتسمت و قلته: هيه بس قبلها ابا ارمس اهلي ..
رد ع ابتسامتي : من عيوني ...
راح صوب موبايله , قعد يدقدق ع الارقام مد لي الموبايل و قال :اندووج حبيبي اتصلي لي ما اسبح عقبها بنروح ناكـل ..
خذت عنه الموبايل و قلته: ان شاء الله ..
وراقبته يروح صوب الحمام فهمست :حبيبي ..
نقزت يوم التفت لي فجاه مستانس: شو قلتي و الله سمعتج ...
ضحكت: ههههههههههههه "صديت عنه ابسرعه ورحت ابعيد يوم سمعت حس سعيد من الطرف الثاني "
سعيد: ضحكه دايمه علني فدااج ..
صرخت: سعييييييييبد ...
سعيد: ههههههههه شحالج ..؟؟و اخبار ذياب.
قلته: الحمدلله ابخير ...انت شخبارك و اخبار حصيص ...؟؟؟
سعيد: ابخير ربي يسلمج ...
قلته: و باباتيه وماماتيه و شيخاني و سيفاني..وحمودي فديته
سعيد: ههههههههه و الله كلنا ابخير ...مرتاحه .؟
رصيت ع الموبايل و قلته : وايد ..
سعيد : و شو لجو هناك..؟؟
قلته: امممممممممممممممممم بعدني ما ظهرت بس امبين عليه المكان روعه و بارد...قلت بالاول ارمسكم اتطمن عليكم ...
سعيد: فديتج ..لا تستهمين كلنا بصحه و عافيه بس انتي تحملي بعمرج ..
يتني الصيحه: بشتاقلكم وايد."سكت ما قدرت اكمل كلامي لاني دموعي صارت ع خدي"
سعيد و جنه حس بنبره صوتي تغيرت: شوقاني حياتي ..لا اتفكرين..استانسي انتي و ريلج ..لا تحاتين ..
مسحت دموعي : طمني ع باباتيه دووم ...هذي اول مره بحياتي انش من الرقاد و ما اجوف باباتيه جدام اعيوني ...

سعيد: حياتي اذا بظلين اتفكرين بهاي الطريقه ابد ما بترتاحين...بس انا اكيد ان ذياب بيقدر يونسج..
و بعدين حطي فـ بالج اذا باباتيه عرف انج مرتاحه و مستانسه مليون بالميه بفرحلج صح كلامي ..

همست: هيه..

سعيد: لا اتصيحين ...الا هي ايام و بترجعين...المهم استانسي انتي ..
قلته: احاول ..انت فـ البيت عطني ارمسهم ..؟؟

سعيد: لا انا برع..بس بخبرهم و بطمنهم عليج ما تحاتين..
قلته و انا اسمع صوت باب لحمام ينفتح : زين برجع اتصل مره ثانيه زين ..

سعيد: هههههه زين..بس لا تحاتين زين ..
قلته: زين"صديت اراقب ذياب كان مجابل التسريحه ينشف شعره بالفوده .فرحت صوب المكيف ابنده و انا ارمس سعيد" سلم عليهم وايد ..
سعيد: ان شاء الله سلمي ع ذياب يلا في امان الله ..

ودعته: مع السلامه ...

يلست ع الكنبه اراقب ذياب ..طالعني من الجامه: كنتي اتصيحين..؟؟
قلته و انا العب فــ موبايله : اشتقت لهم ..
طالعني : تونا انقول بسم الله..

ضحكني تعليقه: هههههههه
ابتسم لي و تجدم مني ..مد ايده فزخيتها بكل رقه ووقفت قلته : انا وايد ارتاح معاك..

ذياب: حلفي انج مستانسه معاي ..
قلته اتطنز عليه: تونا انقول بسم الله..
استانست يوم سمعت ضحكته: ههههههههههههه "يير خصله من شعري " يلا انروح انسد يوع بطنا ..
تذكرت فحطيت ايدي ع صدره امنعه من تحرك: لحظه لحظه ...انا يوم نشيت من الرقاد ما جفتك وين كنت ..؟؟

شل ايدي من ع صدره و حطها وراه رقبته: كنت اتمشى برع استشكف المكان ...و الله ما كلت شي قلت بتريااج..

حاولت اسحب ايدي بس ما خلني فقلته: انت ..امممممممممم عجيب ..
ابتسم: هههههه يلا نتغدا ..اذا عندج طاقه انا ما عندي ..

رحت صوب الكبت و ظهرت عبايتي و شيلتي و لبستها و نزلنا تحت صوب المطاعم نتغدا ...استانست يوم جفت اكلات عربيه ...المطعم كان مزحوم بجنسيات مختلفه ...ضحكت ع ذياب يوم جفته ياكل ..
قلته: ههههههههه انت اول مره تاكل ..؟
قال عقب ما بلع اللقمه: انتي متفيجه تشرطين شو تبين تاكلين ..اقولج ميت يوع ..لو حطوا لي لحم فار كنت باكله..

قلته: ووووووععععععععععع خلني اكل ذياب لا اتلوع بجبدي ...
ضحك/ هههههههه
خلصنا ...من الغداا ظهرنا من المطعم ورحنا صوب البحر ..الجو كان خبال الا جنان ...طلعت كاميرا الفيديو و يلست اصور البحر ..و الشير .. لمحت ذياب كان لابس نظارات شمسيه ولابس شورت و فانيلله ومحطي ايده بوسطه يطالع الدنيا فقعدت اصوره من غير ما يحس فيني ...من انتبه لي غطى ايده ع عدست الكاميرا ..فضحكت عليه .
.طالعني: قلتلج قبل ما اتشييلين الكاميرا لا اتصوريني ..
ضحكت عليه: هههههههههههه محد قالك اتييب كاميرا ...و الله انك عسل لا تحرمني بليز خلني اصورك..
ذياب معاند: لا ماشي ...يلا بنديها ما اداني التصوير انا ..
بندت التصوير و قلته: انت .
تجرب مني : شوه .."ودخل خصله من شعري كانت ظاهره بشيلتي ..كنت اتامله ..حمدت ربي بداخلي لاني اخترت هالانسان ..عدل شيلتي ..ما انتبهت له انه خلص و قاعد يتأملني ...ما تحملت نظراته فصديت عنه الصوب الثاني اطالع موج البحر ...الي كان يسحب ع الرمال ..."
سالني بنبره حلوه : انا شوه شوق ..؟؟
رديت اطالعه قلته: نسيت..
رفع حياته: لا و الله ...
ضحكت ع رده: ههههههههههههههههه
زخ ايدي و قعدنا نتمشى ع الشاطيء و الموج يضرب بريولنا ..رفعت راسي اطالع الغيم ..لوى علي و لصقت فيه اكثر ..قلته: ما ابا كل شي حلو من بينا ينهدم ...؟؟
عاتبني: لا اتقولين جذا .؟؟ شوقاني ترا بضربج ..
طالعته : ان شاء الله ...
ماتحملت اجوفه جذا فييرت عنه النظاره الشمسيه وقف و مد ايده: عطيني ..
هزيت راسي وضميتها وراي: ما بعطيييك جي احلا ..
ذياب: مشكوره ...بس عطيني تعودت عليها ..يلا عطيني..
عاندته: ما ابا ..انت جي تعيبني..
مشى و كمل طريجه: خلاص غلبتيني..
استانست: يوم انت لابس النظاره شكلك اممممممممم يعني مب وايد حلو..بس اخاف ياخذونك مني..
طالعني متفاجا من كلامي و كأنه مب متوقعنه فقال لي: يا العياره ..
ضحكت عليه: ههههههههه
لبستها كانت عوده علي قلته: شو رايك فينـي ...؟
طالعني فيير عني النظاره : لا تلبسينها ..

قلته اغايضه: ههههه ليش احلى عنك..
ابتسم و علقها بفالينته " : اكيييييييييييييييييييييييد..
وقف جريب البراشوت ...طالعني ذياب : شو رايج اجربها ..؟؟
شهقت : طبعا لا ..مينون انته ..

ابتسم: ليش عادي مب اول ..وايد جربتها كشخه ..
زخيته من ذراعه: لا ..

جفت الريال يتجرب منا و كأنه يعرض ع ذياب ..ما عرفت شو يقوله ولا عرفت ذياب شو رد عليه بس جفت ذياب يعطيه بيزات ..
قلته: ذياب و الله ما تركب...
طالعني: اتخافين علي ..

قلته: اكيد ..
ذياب: هههههههههه "و هو يثبت الحبل بوسطه" : لا اتخافين ما بموت ..
شويه و بصيح: جان طحت في البحر ..دخيلك لا تركب
ذياب : شو فيج شوق و الله اعرف اسبح ..هاي هوايتي ..احب هالسوالف انتي بس راقبيني ..
كنت خايفه و مليون فكره مب زينه في بالي ...بس الثقه الي جفتها بـ ذياب طمنتني شويه ...زخيت ايده ..
رص ع ايدي و قال: خاطري ابوسها بس هالثور مجابلنا..
ع رغم من خوفي بس ضحكني كلامه: ههههههههههههههههه

حسيت ان ذياب غيير عن كل مره هالانسان ..فيه صفات حلوه ..كل يوم تكتشفين فيه شي يخليج تتعلقين فيه اكثر و اكثر ...
رااقبت ذياب يوم صار بالعالي ..صحت خايفه يوم جفته يطير بعيد...عني.. و يبتعد و يبتعد..حاولت ابعد خوفي فظهرت الكاميرا و يلست اصوره..كان المنظر رهيب ...حسيت قلبي كان يرقع ..خوف ع ذياب ووناسه اني ما فوت الفرصه و هو ع البراشوت...اخرتها جفته ينزل يتجرب شويه شويه و لحظت وصوله طااااااااح ع الرمل بقوه ...شلت الكاميرا..جفته ما تحرك و المظله فوقه...رحت صوبه ..

شل المظله و طالعني : شو رايج بريلج البطل..

يوم جفته توصخ بالرمل ضحكت عليه من الخاطر: ههههههههههههههههههههههههه حافظ عليك ..جدع ..هههههههه

وقف ينفض الرمل عنه: ههههههههههههه و الله وناسه فاتج المنظر ...

تجدم الريال يبطل عنه الحبل ؟طالعني : صورتيني صح..
طلعت لساني: محد قالك ..
زخ ايدي و ييرني صوبه: شيطانه ..
ضحكت عليه: هههههههههههه سالته وين بنروح ..؟؟

ذياب: باخذج حديقة الفاكهة عقب براويج الشلال ..
قلته: شكلك اتعرف المكان زين ما زين..
قال: يعني ...
"لاخرلحظة من عمري اقلك أااااانت محبوبي وحبك في دمي بيجري وطيفك نور في دروبيياااااريت العمر يتوقف على حالة هناا جنبك
نعيش فيهاا ولانخفف من الشوق الى مايوصف ونتهادى ورود الحب ونروي فيهاا نشوة حب"

كملنا طريجنا ..خذنا وقت لي ما وصلنا حديقة الفاكهة ..مثل ما قال عنها ذياب ..نزلنا من سيارة الاجره و ركبنا باص ..ودانا الحديقه و كان شكلها مكان عالي بس الجو كان بديع..
قلت ذياب: يا ليت انتم هني عطول ..
ابتسم: من ساعه قاعده اتصيحين تبين اهلج ..
قلته بصدق: و انت معاي كل شي يهون علي ...
زخ ايدي :شوقاني ...مشاعرج و احاسيسج صوبي بتم عطول ولا بتتغير فـ يوم..
عرفت انه كان يقصد يخاف يصير معاه مثل ما صار بزوجته حنان ام مهره يوم تخلت عنه علشان حياتها ...رصيت ع ايده و كاني اعاتبه: ذياب ما في شي فـ دنيا ببعدني عنك انا ما صدقت لقيت انسان شراتك..كل نيه ..تحسدني عليك..

ابتسم: يا ويل حالي قامت تطلع رمسات حلوه ..
دزيته بعيد عني : عن لمصاخه..
ضحك علي: ههههههههههههههه يلا وصلنا زهبي الكاميرا بتصورين لي ما تملين ...
زخ ايدي و نزلنا من الباص ...دفع ذياب قيمة التذاكر ..

و دشينا الحديقه شهقت يوم جفت كل شي خضره جدام عيوني ..حسيت اني بحلم...كان ويانا ريال يرمس عربي مكسر يعطينا خلفيات عن الاشجار ..كانت كبيره و ضخمه و شي الوان و اشكال مختلفه ...ما خليت بقعه الا صورتها ..

عقب مرينا صوب حديقة الفراشات ..تخبلت ع اشكال الفراشات ...روعه حتى ذياب كان يضحك علي مرات يوم يجوفني جي منبهره ...كنت بصيح يوم فضت بطاريه الكاميرا ...قعد يغايض فيني ..و انا كنت اضربه و هو يضحك علي ..مستانس عايبنه اني متضايجه ...

بس صخينا يوم وصلنا صوب الشلال ..بيني و بينكم خفت من قوه صوت الماي فلصقت بـ ذياب ...بس كان شي رهيب ...
قعدني ذياب فوق الصخره ..و يلسنا نتامل الماي المندفع ..حطينا جدامنا صحن الفواكه الي عطونا اياه من حديقة الفاكهة ...قعدنا ناكل ..كان طعم الفواكه لذيذه ..
حسيت اني انا و ذياب كنا في حلم.. و كنا في عالم محد يسكنه غيري و غيره ...كنت متلومه منه لانا بروحنا .. و خاص يوم ياكلني بيده ..بس عقبها تجرات و قعدت انا ااكله من ايدي ..

بس زعلت منه و فريت الصحن يوم عض صبعي متعمد و عورتني ...صرخت من الويع بس ما كانت تنسمع بسبب قوه صوت الماي ..فوقفت محرجه ..منه ...جفته يضحك.
مدري ليش يوم جفته تذكرت حمودي فابتسمت اطالعه ...قعد يراضيني و انا اتدلع عليه لين ما خليته يندم بالحركه الي سواها فيني ..عقبها راضيته ...
رجعنا ..الفندق ...كنت احس اني ميهوده .. و تعبانه ...سبحت و بدلت ملابسي ...اقترح ذياب لي انه يطلب لنا العشى بالغرفه بس انا رفضت ..

و قلته نتعشى بس بالمطعم البرع ما كنت ابا افوت اي فرصه ..و خااصه انه قال لي بنقعد بس يومين و عقبها بنروح كوالالمبور ...زعلت لاني حبيت هالمكان و روعته بس ما قدرت طبعا اقول لا ..لان لازم بنرجع بلادنا و ما بناخذ من هالمكان الا الذكرى الحلوه ...

قعدنا نتعشى برع ..ع طاولات مطله ع حوض السباحه ...كنت مجابله ذياب ..بس وقف و ياه قعد جريب مني ..
سالني: استانستي اليوم..؟؟
قلته: وايد.. و انته ..؟؟
رد علي:د ام انج مستانسه ...اكيد بستانس حبيبي ...
سالته: ما ولهت ع مهره..؟؟
كمل اكله: امممبلى ..الصبح رمستها قعدت اتصيح..
سكت مدري ليش كلامه حسسني و كأني بعدته عن بنته ...قلته: لو يبتها معانا كان احسن..
طالعني : مينونه انتي علشان تخبل فينا ..؟؟
قلته: حرام عليك ..لا اتقول جذا..
ابتسم لي : ولا تزعلين بنيي مره ثانيه و بنيبها معانا ...
قلته: تحسسني اني خذتك عنها..
طالعني فنزلت راسي حسيت ان كلامي ما عيبه سالني: تبين اعلق ع رمستج..؟؟
هزيت راسي بمعنى لا و عضيت ع شفايفي ...عرفت ان كلامي ضايج به ...
فقال: زين يعني عرفتي ان كلامج ماله داعي ..

سكت ما رديت عليه ..و حتى هو صخ و يلس يكمل اكله كنت اراقبه بس جفت ملامحه هاديه ...فقعدت اكمل اكلي ...عقبها سرناا الغرفه..و من حطيت راسي ع المخده انخمدت ولا دريت بالدنيا ...و خليت ذياب يرمس اهله بالموبايل

نشيت اليوم الثاني ...من الصبح جفت ذياب بعده راقد..نشيت رحت اسبح ...و لبست ملابسي ..يلست ع الكنبه اتريااه ينش بس شكله بطول يلست اتامله ..يوم واحد عشت مع ذياب هاليوم كافي يخليني مستحيل اعيش من دونه او احرم نفسي من المشاعر الحلوه الي احس فيهااا من لمساته او نظراته ...

وقفت فتحت الستااره اراقب البحر و الناس ع الشاطيء و غير القوارب ...لو اخترتك يا راشد عمري ما بحس بالي احسه به الحينه مع ذياب ...حتى انت بعمرك ما حسستني بالمشاعر الي يحسسني بها ذياب حتى قبل ما يخطبني ...رجعت اطالع ذياب ربي ما تحرمني منه ...
انا ما وافقت عليه علشان اهرب من جرح الي جرحه لي راشد ولا وافقت عليه علشان ارتاح من عذاب سيفاني ..هاي كانت كلها اوهاام علشان اقنع نفسي اني بغيت ارتبطت بذياب

علشان هاي الاسباب بس بداخلي و عمق مشاعري كان سبب ارتباطي به بس علشان ما احرم نفسي من تيارات المشاعر الي احس بها من صوبه ...رحت صوبه ...يلست ركبي و زخيت ايده ..

انا ابا هالانسان بكل خطوات حياتي .ما ابا انحرم منه انا بالفعل ندمانه و مستحيه من علاقتي براشد..يا ويلي لو عرف بها بيوم شو بيصير فينا ..؟؟

ذرفت اعيوني دمعات متاثره بافكاري الي كانت اتجول في خاطري ..فتح ذياب عيونه فقعد ع طول متروع يوم جافني يالسه ع الارض وزاخه ايده ..

سالني: شو فيج شوق ..؟
رفعت راسي اطالعه ما كان عندي جواب لسؤاله ...ييرني و يلسني جريبه منه و مسح دموعي
قال لي: ولهتي ع اهلج تبين ترمسينهم..
هزيت راسي بمعنى لا ..

قعد يمسح ع راسي بحنان و كأنه يخفف عني قلته: اوعدني انك ما بتهدني موليه ..

جفت ملامح الاستغراب بويهه قال: ما بهدج انتي عارفه هـا الشيء ..
ترجيته: زين اوعدني ..؟؟

همس : حبيبي لا اتسوين جي ..اوعدج اني ما بهدج موليه ...
قلته: لو شو صار..

ابتسم ع اسلوبي و قال: لو شو صار ..

قلته: لو شو صار انك شوه..

شكله تملل من خبالي فقال : شوق بلاج ...؟؟
نزلت عيوني بالارض حط ايده ع لحيتي ورفع راسي خلاني اوجهه حط اعيونه بعيوني ...اسرتني عيونه ...و ها الشي حرك فيني احساس الخوف ...مره ثانيه ..

قلته: انا ما ابا انحرم منك ...
رد علي بنفس نبرة الصوت: من شوه خايفه..

زخيت ايده الي كانت ع ويهي و قلته: من كل شي "رجعت و طالعته " انا ما استغنى عنك ذياب..
ابتسم مستانس ..جفت هالشيء بعيونه هالشيء ريحني وايد

فقال: ولا انا ما اقدر استغنى عنج ...بتصدقيني اذا قلتلج انا من اول ما جفتج بغيتج لي ...تدرين بها الشيء ...؟؟

طالعته و كانه حد صفعني ع ويهي مب مصدقه كلامه ..

.بعد ما قال : اياام ما كنت تدرسين كنت صغيره كنت اراقبج يوم اتيين تدرسين مع ندى..
يلست اطالعه مب مصدقه كلامه موليه ..

قال لي: لا اطالعين بها لنظراات و الله اني ما اقص عليج..

بلعت ريجي بصعوبه فضحك علي: هههههه ما كنت ابا اقولج هالرمسه موليه ...بس علشان اثبت لج لو شوه صار ما بهدج موليه لاني كنت اتمناج من زماان ..و الحينه انتي معاي ..تظنين بقدر اهدج..؟

ما انكر كلامه زرع في صدري الراحه و الامان بس مب معانته ان كلامه ما صدمني
سالته: انت كنت متزوج ..؟؟

هز راسه : هيه بعد كنت ناوي اخذج ...امممممممم الثانيه ..
قلته: لا و الله ..

ضحك: هههههههههه

ابتسمت تجربت منه : كلامك فاجاني الا صدمني بس لازم اتخبرني بالتفاصيل .
نش وابتعد عني .. كأنه يتهرب : مع الايام...

وقفت وربعت صوبه: وين بنروح اليوم ...

ذياب: وين تبين..
قلته: السوق ..ابا اشتري شي حق اهلي ...

بتسم: من عيوني ..بس باجر بنروح كوالالمبور ..
قلته: زين ..يلا روح اسبح علشان ننزل تحت ..
قال و هو يدش الحمام: زين زهبي ملابسي و جرجي بطاريه الكاميرا ما فينا اتصيحين مره ثانيه..

قلته: اونك ..

ضحك: هههههههههه "ودش الحمام....

عقب ما تريقنا ...خذني ذياب ..صوب القطار قبلها مرينه السوبرماركت الجريب من المحطه و شرينا لنا اكل و ع قولة ذياب بنروح رحله ...من جفت ارتفاع الهضبه الي يمشي عليها القطار ..ما طعت اركب لاني خفت وايد بس اخرتها ركبت عقب ما اقنعني ذياب ..

.يلست انا صوب الدريشه علشان اقدر اصور ..في البدايه تروعت يوم طلع القطار صوت يعلن انه بتحرك...خفت زخيت ايد ذياب ..

فابتسم لي يطمني...عقبها تعودت ع الجو...حسيت ان صج ان اتجوفين الجزيره بكبرها يوم تصيرين فوق الهضبه ...صورت كل مكان حتى الاشجار و الاعشاب الي كانت محاوطه ع السكه ..

اخرتها فريت الكاميرا يوم صرنا بالعالي لاني خفت وايد...بس ذياب ما يدري اني صورته يوم كان مندمج بجوفت المنظر ...ما ندمت اني ركبت القطار لاني حسيت ان بفوتي نص عمري جان ضيعت علي هاي الفرصه ...يلسنا ناكل و نسولف بمواضيع كثيره كلها مواقف ضحك

ابد ما طرينا اهلنا كانت مواقف شخصيه ...هاي الرحله اكتشفت جوانب وايد حلوه بـ ذياب . و الظاهر هو بعد اكتشفت فيني صفات عيبته وايد فيني ..حسيت بهاي الرحله صرنا جريبن من بعض اكثر و اكثر ...

ردينا ع وقت الغدا مرينا المطعم تغدينا عقبها ..ردينا الفندق نرتاح ...عقبها ..خذني ذياب السوق لان جاف ماشي وقت ..شريت بدلات حق البنات ... و اشترى ذياب ساعات راقيه حق سعيد و سيفاني و باباتيه و بعد لربعه ...و شلينا فساتين حلوه حق مهاري و بدلات حق حمودي..

يعني تعبت وايد ..رديت الفندق منهد حيلي ...بس اعترف لكم ع الرغم من التعب الا ان كنت احس هاي اجمل ايام عمري ...و عمري ما بنسى كل لحظه عشتها في هاي الجزيرة مع ذياب ...هالمره طلبنا لنا عشى بالغرفه لان ذياب و انا متعايزين ..ننزل تحت ..تعشينا ..من اكلهم الراقي ...عقبها دش ذياب يتغسل اما انا فقعدت ارتب ثيابنا في الشنط ..علشان باجر بنظهر من هاي الجزيرة ...تذكرت اني اليوم ما رمست اهلي ...طلبت من ذياب يتصل لي ...
اتصلت اكثر عن مره محد رد علي خفت ..بس ذياب كان يطمني..
ذياب: انتي وايد شكاكه ..؟؟؟ما توقعتج جذا.!!
طالعته بنظرات خوف: عيل ليش محد يرد علي ..؟؟

ذياب:- يمكن مشغولين ...

قلته : معقوله كلهم مشغولين ..؟؟ اممممممممم زين بتصل ب، بيت خالوه حليمه يمكن هناك ..؟؟
عطني موبايله ..فاتصلت فيهم ..ردت علي موزي ..حسيت براحه يوم قالت ان امايه و شيخاني و بدور و رايحات العرس... و ان باابااتيه ابخير ... و حتى حصه بخير ..و حمودي فديته بعدده شيطان ..

سالتها: شخبار احم احم..؟؟ من زمان ما طريتيهم ..؟؟
موزي: و الله ما ادري ..افكر اخبر حصيص السالفه علشان تسحب الرمسه عن اخوج..؟؟.

قلتها : ههههههههه زين خبريها حصه ما بتقولج شي ولا بتفضحج..
طالعني ذياب يوم قلت هالعباره عقدت حياته مستغرب ..ابتسمت له و صديت عنه علشان ما يربكني يوم ارمس موزي..
موزي: بحاول ما اصبر لازم اعرف معرس اولا ..؟

خذت نفس و قلتها: ان شاء الله يكون من نصيبج ...يلا بخليج الحينه ..؟سلمي عليهم..
موزي: الله يسلمج يوم بتردين بتسمعين مني الاخبار الحلوه ..

قلتها: ان شاء الله ...
صكرت عنها ..ذياب : منوه احم احم ..؟؟
عطيته موبايله و قلته : اسرار البنات..

قالي : لا و الله ...عندكن اسرار بعد ..
قلته: هههههههه عيل يلا اتصل بـ ندوي اشتقت لها ابد ما تسال عني..؟؟

ذياب: امبلى سالت عنج يوم رمستها اليوم بس انتي كنت تسبحين ...زين تعالي ننزل تحت عند الرسبشن
طالعته: الرسبشن ..؟؟ شنسوي.!!

قالي: انرتب سوالفنا اخر ليله و علشان باجر انتي تعالي ..
يلست ع الشبريه: تعبانه ذياب روح انته وانا بترياك هني ..

ابتسم: فديت حبيبي الكسلان..

ابتسمت منه متلومه ..ما توقعت رده ابصراحه ...سمعته يقول: ادري ما بسمع رد حلو يستاهل كلامي ..يلا خيرها بغيرها ...

راقبته يوم ظهر ..انسدحت عالشبريه ..و اتغطيت باللحاف ..مرتاحه ..هالانسان عجيب ..صج استانست معاه هاليومين و عسى دوم...رقدت ما حسيت متى رجع ذياب .لاني خلاص كنت ميهوده...فجيت اعيوني متروعه ع اصوات ..ها صوت المطر .. جفت المطر يصب بغزاره ..عفدت صوب الدريشه اطالعه من زمان ما جفت هالمطر يطيح بها الغزاره ..
صرخت و يلست اتناقز بمكاني : ذياب نش تعال جوف المطر ذياب بيفوتك..

ربعت ادور الكاميرا ..رحت صوب الليت و شغلته بس شهقت يوم جفت مكان ذياب فاضي ..ذياب محد !! مب راقد ..؟؟ بعده ما ياه ..نقزت يوم سمعت صوت الرعد ..

ليش جم الساعه ..كم مر ع غياب ذياب خمس دقاايق عشر دقايق ...بس كتمت صرخه يوم جفت الساعه 4 الفير ...وين راح ذياب ..رحت صوب الحمام ..بس فاضي ...رحت صوب الصاله محد موجود ...؟؟؟

وين راح وقفت ابمكاني خايفه اصيح ...معقوله من ظهر صوب الرسبشن ما رجع ..؟؟ قال لي تعالي معاي انا ما رضيت .غبيه لاني ما نزلت تحت معاه ...كنت عرفت وين اراضيه ....رديت حجرتي .طالعت مكان رقاده ..

ماشي شي يدل ع ان ذياب يااه الغرفه من ظهر ..سمعت صوت الرعد مره ثانيه فربعت يلست ع الشبريه و تغطيت باللحاف .ارتجف مب خوف من الرعد خوف من الي قاعد يصير وين راح ذيااب ..؟؟؟ شسوي لو ما ظهر ..؟؟ بتم هني بروحي ..؟؟ و ذياب وينه ..

رحت فتحت الشنطه و طلعت فانيلة ذياب و لبستها علشان احس بالدفاا ريحته عطره داعبت خشمي ...يلست اصيح منهاره .و خاصه ..يوم اجوف الدقايق و و الساعات اتمر ...و المطر يصب بغزاره ..ذياب ما رجع للحين..شسوي...؟؟ الحينه ..نشيت رحت صوب الدريشه اطالع الدنيا برع .

.كانت الدنياا مظلمه من الغيم و المطر ما كان ينجاف منهاا شيء ..و كانها اتشاركني حزني و همي...يلست قرفصا صوب الدريشه ادعي ربي يرجع ذياب بالسلامه ...غفلت و نقزت ع صوت الرعد...ما تغير شي المطر بعده يصب ...وصارت الساعه ست الصبح ...ووو ذياب محد. للحين ما رجع ....لصقت ويهي بالجامه و يلست اصيييح ..
" الله يرد خطاك >>لدروب خلانك >>لعيوني ما تنساك >>لو طال هجرانك
دام الأمل موجود و النفس خضاعه حتى العيون السود
في السمع و الطاعه

وين رااح شو استوا به ...اخرتها فكرت اتصل بالرسبشن اسال عنه اذا جافوه او لا..مدري ليش ما خطرت في بالي هذي الفكره ..من اول ما اكتشفت ان ذياب مش موجود ...

شليت سماعة التلفون اضغط ع رقم الرسبشن بس فريت السماعه يوم سمعت باب الصاله ينفتح و معاها صوت كحة ذياب ...ربعت صوبه ظهرت من الحجره ووقفت بوسط الصاله ..


أحبــــــــك كثـــر خطـــــــوات الثوانــــــــي كــثر مــا تبكــي فــي الصمــت المعانــــــي
أحاول وأنا في ضعفي أحاول أنهي بركاني أحـــــــــــاول واخســــــــــــر رهانــــــــــي

و ذياب وقف عدال باب الصاله يوم جافني...كان ويهه فضيع امبين عليه ما غمض جفنه وخده كان مورد ..جفت لبسه البنطول و القميص نفسه نفسه لكن الشيء اليديد انه كان لابس معطف عود و لونه اسود ..اثار المطر عليه ...و كانت بيده شنطه سوده صغيرونه ..

...رجعت اصيح ...بصوت عالي كاني مب مصدقه ان ذياب واقف جريب مني تمنيت يكون ها كله حلم انش منه ..ربعت صوبه وصحت بحضنه اصيح ..وذياب واقف ابمكانه ..

رفعت راسي اعاتبه: ليش اتخليني ابروحي بها الليل الطويل ...
يوم جفته واقف ما يتحرك يلست اضربه بصدره: انا ميته هني من الخوف و انت برع ...خوفتني عليك ..

كنت اصيح شرات اليهال حسيت ان صوتي ينسمع برع بالممر ..حضن ويهي بيده حسيتت بحرارة ايده و قعد يمسح دموعي : لا اتصيحين ..

قلته و انا متجاهله ايده الي اتمش دموعي: انت ما فكرت فيني ...اي عذاب مريت فيه .
ييرني من ذراعي و خذني داخل الحجره ..للحين ما عطاني تفسير .. وللحين ما قال شي ...كل الي سواه انه قعدني ع الكرسي ويلس عالارض مجابلني

و قال بصوت هادي بس خوفني: سامحيني ما قصدي..؟؟ نسيت ان اخوانج مأمنني عليج..
حسيت بقشعريره يوم سمعت جملته ...حطيت ايدي ع شعره المتبلل بالماي.المطر.غمض اعيونه و كانه مرتاح للمسات ايدي ...مررتها ع يبهته حسيت انه مسخن ..

قلته: ذياب انت مسخن ..

فتح اعيونه و قال : لا ..يمكن هاه من المطر..
سالته: وين رحت ...وايد خفت عليك ..
زخ ايدي و باسها و قال: لا اتخافين علي ...
ووقف ابسرعه ابتعد عني و قعد يطالع برع ...حسيت في شي متغير ..اتذكرت انه قبل ما يظهر قلته برمس ندى ...يعني شي مستوي فيهم ..وقفت ورحت وقفت جريبه منه حطيت ايدي ع ذراعه بس ذياب ما تحرك...سالته :اهلنا ابخير .
ما رد علي هزيته و كنت بصيح: ذياب اهلي ابخير ...

افتر صوبي وواجهني و قال بهدوء : لا اتخافين كلهم ابخير ...
رجعت اصيح و انا اترجاه : عيل شو فيك حبيبي ...؟؟
مسح دموعي : شوق ما اتحمل اجوف دموعج ..لا اتصيحين..
تعلقت فيه و يلست اصيح منهاره ..قلته :شو فيك عيل ...
كنت احس انه يتنفس بصعوبه ..و غير حرارة جسمه الي كانت مب طبيعيه رديت لورا
سالته: انت ابخير ...
هز راسه بمعنى هيه ..
حط راسي ع جتفه و سالني: شوق اتحبيني ..؟؟
غمضت اعيوني و قلته بعذاب : لو جفت حالتي طول الليل و انا اترياك ما كنت سالت هالسؤال ...خوفتني عليك .. و المشكله مب راضي اتقولي وين كنت ...؟؟!!

سمعته يتنهد و قال : ليش تزوجتيني ..
رديت راسي لورا ااطالعه ما تحملت اجوف حالته جذا فرجعت دفنت راسي بصدره
و قلته بكل امانه : لاني اباااك ..اباك ذياب و ما اقدر اعيش من دونك ..

فجيت اعيوني يوم سمعته يقول : عيل شوه هاه .."مدري من وين ظهر موبايله بس حسيت ان انفاسي انخطفت و اني انشليت يوم سمعت صوتي بموبايله "
بوافق ع ذياب و مجرد ما استلم مهري بسافر معاك علشان نتزوج ..
شهقت رجعت لورا بخطوات مصدومه ...ابد ما توقعت راشد يكون بها الحقاره و النذاله ...يلست اطالع الموبايل الي زاخنه ذياب بيده مستغربه..يممكن تهيأ لي ..او كنت أحلم .

مستحيل راشد يكون عنده قلب او من بشر ..اذا صج مسجل صوتي ..؟؟ رجعت اطالع ذياب و دموعي اتصب من عيوني بمراره ...ع بدايه صفحة ييده و سوده في حياتي مع ذياب ...جفت الضياع و الخيبه بعيونه ....ما عرفت شو ارد عليه او شو اقوله كنت اصيح بصمت ....
سألني: شو فيج مب مصدقه ..؟؟ ولا تبين تسمعين مره ثانيه ..
وضغطت ع الدجمه شكله يبا يقهرني او يستفزني ...مجرد ما سمعت صوتي ييرييت الموبايل من ايديه و فريته عالارض بقوه ...فسـاد الصمت من بينا مره ثانيه ..ما اتم غير صوت المطر...

قلته و انا اصيح : لا اتصدق هالحقير ..؟؟

حسيت به غيض الدنيا كله بس كان ميود روحه ..
فقال بغيض: مدري اصدق منوه بها الدنياا ...ما ينعرف منوه المنافق و منو الطيب ..ما اتعرف منوه المفروض تحبه و من المفترض تبتعد عنه و تجنبه ...

تجدمت منه يوم سمعت جملته اترجاه: ذياب .انا يوم ارتبطت فيك و الله اني ما كانت ...

بس ما كملت جملتي لان ذياب ابتعد عني و دز ايدي عنه جنه متجزز مني فيلست اصيح ع حالي و حال ذياب الي تغير و انجلب علي ...انا لازم اقنعه ان راشد يبا يخرب عليننا حياتنا ..

تجدم و عطني ظهره و قال و جنه مشمئز مني : ما توقعتج جذا "سكت شويه و قال .."حقيره ...

تالمت من كلامه و تالمت اكثر يوم التفت صوبي و جفت دموعه عينه و قال بحسره: خساره يا شوق هدمتي كل لحظه حلوه كانت من بينا ....حسبتج ملاك طلعتي شيطانه
فرديت عليه ادافع عن نفسي: و الله العظيم..
افتر صوبي و قال بعصبيه: لا تحلفين بالله جذب ...انتي شو من قلب عليج ....

ما تحملت قسوته ..فرجعت ورا و يلست ع طرف الشبريه ريولي ما طاوعتني اواجهه اكثر لاني منهاره ...الحينه .عرفت ذياب ليش طول الليل برع ..لانه كان مجروح ..و مصدق راشد... و اي واحد مكانه بصدق و بسوي اكثر عن جذا ...

واجهني و قال: و الله انج لعبتيها صح...قدرتي توهميني انج وحده خجوله ..مالها بها السوالف ..ولالااااا و كل ما تجربت منج اونج قمتي تتنافضين من الخوف ...انا مستغرب في بالدنيا من البشر من ها الخبث و المنكر ...

رفعت راسي اترجاه: حرام عليك.. و الله انك تظلمني ..

قاطعني محرج: اظلمج بشوه.. و انا اسمع صوتج اتواعدين رياال تشردين معاه عقب ما تسرقوني ..
وقفت و سرت صوبه انا اترجاه انه يصدقني: و الله العظيم ها قبل ..قبل ذياب ..انا من ارتبط فيك..

قاطعني: بس لا اتكثرين رمسه ...ولا تحلفين زياده...كل شي واضح .و الي يأكد لي اكثر البارحه الصبح كنت اتصيحين خايفه لا نفترق و الله اني حسيت في شي خايفه منه و ما خااب ظني ابد..

صرخت عليه: ما بيني و بيييييينه شي موليه...
زخني من ذراعي بعصبيه: انا مدري وين اهلج عنج... حتى انا كيف سمحت لبنت اختي ترابع وحده ما عندها تربيه ولا أخلاق ." قال بنبره حاده" الله يستر شو مخباي لي بعد من سوالفج..

ييريت ذراعي منه و صفعته حتى حسيت ان ايدي تكهرت من قوة الصفعه ...بس علشان اخليه يصخ و ما يكثر كلام و رمسه و اتهامات مالها داعي انا مستحيل اكون انسانه واطيه....راشد قال عني اني ارمس عشره غيره دام اني رمسته بالتلفون.. و الحينه ذياب يظن نفس الشيء ...

انا نفسي مب رخيصه ..غلطتي بس اني عطيت راشد قلبي ..ع طبق من فضه..و هذي انتي يا شوق تحملي الي بييج ..ذياب و خسرتيييه اكيد بطلقني ...باجي الدور ع ندى يوم بتعرف ..راشد فضحني ..فضحني ....

جفت نظرات الغضب بعيون ذياب ..حطيت ايدي ع اعيوني و يلست اصيح و اصييييح و اتمنى ان روحي تطلع مني و افتك من كل شي صابني و بيصيبني ...عطاني ظهره وراح صوب الشنطه الي كانت بيده يوم دش عليه ...كنت اصيح و اراقبه ....جفته يفتحهااا ...و تجدم صوبي ...و ظهر منها بيزات اشكثر و فرها بويهي
حسيت بالمذله من هالحركه كانت البيزات اشكثرها ما اعرف جم الف لمحت و جم 500 وايد كانت امحاوطه فيني ...
رفعت راسي اطالع ذياب ابتسم و قال بمصخره: مبروك غلبتيني و فزتي علي .."واشر ع البيزات المتناثره ع الارض" شليها كلها حلال عليج ...وروحي تزوجي بها حبيب قلبج..و يوم بنرجع البلاد اعتبري كل شي من بينا انتهى ...

حسيت برجفه من كلامه القوي ...ربعت صوبه اهزه اباه يحس فيني و كأني ابا ارجعه لعقله قلته بصوت اتوسل له: ذياب انا احبك انت ...انا اباك انته ..راشد سوا جذا علشان يفرق من بينا ...

ابتسم و قال : مشكور ما احتاجه حبج ولا عاد ينفعني بشيء..."ابتسم بس كانت ابتسامه ادل ع عذابه مب وناسه" قالها راشد مره المهم من يضحك بالاخير .. اظني شبع ضحك علي..
طالعته مستغربه: شوه بينك و بين راشد..

قال بقسوه: ما يخصج ...حطي في بالج شي واحد بس.مشاعري صوبج ماتت و انتهت خلاص .. و الي ينتهي من الدنيا من سابع المستحيل يرجع ...

بعد ايدي من ع ذراعه ورفع راسه بكل كبرياء و ظهر من الحجره ..لحقته و انا اصيح من العذاب و الهم
قلته: ذياب ...لا تخليني ابروحي ..ذياب ..انا احبك احبك ..

بعد ايدي عنه و قال : قعدي احسبي البيزات جوفي اتكفي غرضج ولا ازيدج..
وظهر من الغرفه ....يلست عالارض ..اصيح ..يا ليتني ما تزوجت يا ليتني ما خطبتني ويا ليت ما كلمت راشد و يا ليت و يا ليت ....؟؟ و يا ليت كلمة يا ليت تنفع ...؟؟!!

هلت دموع السما عند الـــوداع 000 وارسلت غيومها شوق وحنيـن مد لي يمناه وانهى الاجتمـــــاع 000 والهنا تبدل بدمـــــــع حزيــــــن
قال ودع مايفيد الامتنــــــــــــاع 000 والشقا مقسوم مير الله يعيــــن ..ياحسايف وقتنا والعمر ضــــاع 000 نجتمع يومين والفرقا سنيـــــن


واليوم أجني من حصادي بحسرات حصاد جـاه المحل وإن كـان نامـي..ما أحاسبك بأتركك لرب السمـاوات أتــــرك لاقــــولٍ ولا أي كــلامـ يلا تلتفت للي مضى ما مضى مـات مـات المولـع فيـك وإن كـان دامــي
________________________________________
تميت يالسه عالارض ارتجف و شريط حياتي اول ما بدأت علاقتي بـ راشد الين هاللحظة يمر فـ بالي ...ذياب قال راشد قاله "المهم الي يضحك اخر شيء .." و ذياب من جريب قال انه من زمان يحبني و ناوي ياخذني حتى لو كنت الثانية ..!!!

يعني راشد عمره ما حبني خذني وسيلة علشان يقهر ذياب و انا الضحيه ..يلست اشاهق من الصياح انا شو ذنبي يا راشد ..؟؟ اذا كانت من بينك و بين ذياب مشاكل ...انا شو علاقتي...اذا كنت تبا تذبح قلب ذياب .انا شو دخلني...؟؟؟ حسيت برجفه و انا اتذكر الشي الي سواهه راشد حقير مسجل صوتي..بس علشان يحرق قلب ذياب .... و الحينه حرق كل شي حلو من بيني و بين ذياب ....

رفعت راسي اطالع السقف يا رب ساعدني....يارب احميني من شر راشد...يا رب لا اتخلي ذياب يطلقني ...ما ابا اتطلق شو بيقولون اهلي....
لها الدرجة راشد نذل ..!! لدرجة انه اتوسل لي بيوم عرسي اشرد معاه علشان يقهر ذياب ...بس انا تركت راشد قبل ما ارتبط بـ ذياب تركته قبل ما نملج..تركته يوم قص علي و ما ياني المطار ....حسيت ان راسي بنفجر ...من التفكير و من كل شي صار يا رب يكون حلم ...يا رب يكون كابوس....كانت برقد بس قاومت اتريا ذياب يرجع مستحيل يخليني ابروحي بها المكان ...مستحيل ما اعرف حد فيه ....نشيت و انا اجوف كل شي حولي اثنين ...مدري كيف قدرت اوصل الحمام ...اتغسلت ..طاحت اعيوني ع البيزات ...شليتها من عالارض و رديتها ابمكانها في الشنطه ...عمر البيزات ما همتني يا ذياب .. رجعت الصاله ...يلست عالكرسي اراقب المطر و كان الدنيا اتشاركني همومي و احزاني. و كانها تذرف دموع ابد ما وقفت شراتي... و يا خوفي اتم حياتي جذاا كلها هم عذاب و ألم ...
دعيت ربي بقلبي ان ذياب يعقل و يفكر الف مره ..لازم يعرف ان راشد خدعني...ذنبي الوحيد اني صدقته .اه ا راشد طعنتني مرتين من غير ذنب ....ع هالافكار و الصراع مع قلبي و قلبي غفلت ...نقزت يوم سمعت صوت فـ الحجره كنت بطيح من عالكرسي ..
بس لحقت ع عمري و زخيت المسند ..ما عرف كم من الوقت مر ...ولا اعرف نحن باي ساعه كل الي اعرف ان المطر بعده ينزل و ينزل ..

رفعت راسي متذكره اني سمعت صوت وقفت يوم جفت ثياب ذياب موجوده ع الشبريه ...عرفت ان ذياب موجود في الحمام يسبح...

رحت صوب التسريحه..شهقت يوم جفت شكلي جني وحده ميته..ملامح ويهي ذكرتني بااياام زمان يوم انصدمت ان ذياب خطبني و انا ع بالي راشد...اتنهدت الله يغربلك يا راشد و يبهدلك شرات ما بهدلتني.. وبهدلت ذياب معاي..و دمرت احلى و اسمى علاقه تربطنا في بعض..

يلست ارتب شعري ابسرعه بيديين ترتجف حتى نسيت ان اخترعوا مشط يمشطون فيه الشعر ..فسخت فانيلة ذياب الي كنت لابستنها علشان تدفيني ...و حطيتها عالكرسي ...سمعت صوت باب الحمام يفتح ...وقفت ابمكاني اتريا ذياب يظهر ....ظهر لمحني واقف جريب منه بس طنشني حتى ما حط عينه بـ عيني..ألمني هالشي ..لو كانت علاقتنا حلوه كان حضني و قال انه اشتاق لي ...جفته يشيل فانيلته الي كنت لابستنها بطرف اصابعه جنه متجزز منها ..و فرها صوب سلة الزباله ...عضيت ع شفايفي متحسره من حركته ...تجدمت صوبه بس وقفت يوم سمعت يقولي من غير ما يطالعني : ما ابا اسمع شي ...

همست : زين البس شي الجو بارد و الدنيا اتمطر ...

طالعني بنظرات حاده خلتني ارتجف ابمكاني..يظن اني امثل عليه او اقص عليه ...بلعت ريجي بصعوبه خايفه من نظراته الي هزتني بقوه ... ورجع يشل ثيابه ..بطريقه مب مرتبه و دش الحمام ...
يلست ع الشبريه ..خلاص ذياب بنى حواجز طويله و عريضه من بينا ...كم بتحمل و بصبر...ياربي شو بيصير لي الحينه ..؟؟ كيف بتكون حياتي..؟؟ خواني شو بستوي فيهم ..؟ ابوي يا خوفي تجتله الصدمه يوم يجوف ذياب رادني البيت بعد يومين من زواجنا ...مسحت ادموعي ابسرعه و رجعت وقفت يوم سمعت قفل باب الحمام ينفتح ...

وقف جدام التسريحه يمشط شعره ما تحملت تجاهله علي و كيف قبل يدلعني .تجدمت و حضنته من ورااا
لصقت ويهي بظهره و يلست اصيح اترجاه: ذياب ...دخيلك اسمعني ..
كنت اشك انه فهم كلامي لاني كنت اصيح و ارمس يمكن كلامي مب مفهوم ..و جنه لمستي له كهربا ابتعد عني ابسرعه و جنه متجزز مني
رفعت راسي : ادفع نص عمري و نرجع شرات قبل

رد علي بحده : و انا ادفع كل عمري بس يرجع اليوم الي قبل ما ارتبط فيج ..
لا تلتفت للي مضى ما مضـى فـات ماعـاد ينـفـع فـيـك حـتـى المـلامـي زرعت لك درب المحبـة بزهـرات وأرويتهـا بصـدق المـودة وغرامـي وتركتـنـي لـكـل حـاســد وشـمــات وضيعتـنـي وأبعدتـنـي يــا مـرامـي

ما توقعت ذياب كارهني لهاا الدرجه ..حسيت بالاحباط خلاص الظاهر ذياب مصر انه يطلقني...بس انا لازم ما ايأس...بس كيف و ذياب مب معطني فرصه ابد ..

فر المشط ع التسريحه لحقته : وين بتروح ...ما بنروح كوالالمبور..
رد علي: لا الغاليه بنرجع الامارات بس عقب ما اتخلص العاصفه..

و قبل ما يظهر من الحجره ..سديت عليه الدرب و لصقت بالباب ...قلته و عبراتي تهل
بصمت : انت مينون شوه بيقولون اهلي ...؟؟ تبا تذبح ابوي ...تبا تجتله..

رد علي بحده: انا مالي علاقه ولا لي ذنب يوم اهلج ما عرفوا يربونج...انا و الله لو اخوانج مب موصيني عليج كنت خليتج و رجعت ابروحي بأول طياره ...

كلامه كانت شرات الصفعه ع ويهي ..ما قدرت ارد ع اهاناته ...حسيت انه يتعمد يجرحني بكلامه حتى اكرهه ..

كمل كلامه: و الله اني ظلمت بنتي ..كنت اظن يبت لها ام صالحه...بس للاسف ...
حطيت ايدي ع اذوني مب رايمه اسمع اهانات اكثر فصرخت عليه: اسكت اسكت حرام عليك .. و يلست عالارض منهاره حسره و عذاب ..

ما حاول انه يراضيني ..أو يواسيني بالعكس خطفني و ظهر من الغرفه ...هذا ابد مو ذياب ...مستحيل ذياب يكون جي قاسي ...متحجر القلب ...ابد ما توقعته جذي ...بس ما ينلام اي واحد ابمكانه و يسمع حرمته اتوعد غيره ..كان سوا اكثر عني جي ...نشيت اسحب روحي لي ما وصلت الشبريه...وطيت راسي ع المخده ميهوده ...قلت بصوت واطي: ذياااااااااااب احبـــــــك.."ورجعت اصيح ..."

اتخيل لو ذياب سمع هالمسج لـ سيفاني او سعيد شو بسوون فيني محد بيلوم ذياب ع الي بسويه فيني..اي قلب عليك راشد حسبي الله عليك و نعم الوكيل ...بس ذياب مستحيل يسويهااا ...

كنت برقد بس سمعت دقت باب ..ذياب !!.لبست شيلتي وربعت صوب باب الصاله..فتحته ...بس تفاجات يوم جفت العامله يايبه معاها صينيه أكل ..عرفت ان ذياب مطرشنهم ...ما يبا ياكل معاي .. و شكله صار يشمئز مني ...

حسيت بالعذاب و بهموم ما تشيلها جبال..عقب ما ظهرت العامله ..رجعت صوب شبريتي ...تجلبت جفت الساعه هنتين الظهر ...حطيت ايدي ع بطني ...رحت صوب الثلاجه و شربت عصير ..اروى ريجي ..طاحت اعيوني ع صينية الاكل بس انسدت نفسي ..

رجعت عشبريتي اتريااا ذياب يرجع ...يلست اطاالع المطر و اتذكر الكلام الي دار بيني و بين ذياب ...الله يستر عالايام اليايه شو بستوي ...غطيت اعيوني بيدي ورجعت اصيح.

نشيت من الرقاد كل شي كان هادي ..رفعت راسي ..كنت اجوف الدنيا امظلمه ...طالعت صوب الدريشه ...الظهر وقف المطر ...رحت الحمام اتسبحت و بدلت ملابسي ..لبست بيجامه ...لونها عنابي...مشطت شعري ...تنهدت بعذاب الظاهر ذياب ما رجع ...سمعت عصافير بطني اتغرد...نفسي اكل و اشرب و ارقد شرات الناس ..كنت بصيح بس يودت روحي لاني حسيت بعتمي من كثر الصياح...

رحت الصاله صوب صينيه الاكل بس تفاجات يوم جفت ذياب منسدح ع الكنبه راقد... بس خفت يوم جفت ادويه موجوده ع الطاوله جريبه منه ...ربعت صوبه ...و يلست عالارض ...لمحت مضاد و حبوب غيرها...
طالعت ذياب جفته راقد و امبين عليه التعب ...حطيت ايدي ع يبهته ..لسعتني حرارته شهقت ..
هزيته : ذياب ذياب ...
بطل اعيونه و كانت ذبلانه..شكله مب رايم يتنصخ كلمته: ذياب
قال بتعب: شو تبين ...
زخيت ايده و كانت حاره ...تفاجات يوم رص ع ايدي و رجع غمض اعيونه ...تجربت منه اكثر ...الظاهر انه فاقد الاحساس بكل شي ...
سالته بخوف: شربت الدواا ..
ماشي رد منه ..رجعت لا إرادي حطيت ايدي ع يبهته ..خفت وايد ...شليت اجياس الدوا الظاهر مب شارب منها شي لاني الحبوب كامله ...يالله توني بس اعرف انك عنيد...يلست ازقره انبهه باسمه ...بس كان امبين عليه ميهود ..حتى مب رايم يبطل عيونه ...حاولت ارفع راسه بصعوبه ..
قلته: ذياب خذ الحبوب ...حرارتك مرتفعه ..

نقز جنه حس بنفسه..في البدايه طالع المكان مستغرب بس عقب شويه شويه استوعب ..لان نظراته لي بينت ها الشيء ...خذ الدوا من ايدي .. عطيته جلاس الماي ..شرب شويه ..وتجاهل ايدي و حط الجلاس ع الطاوله و رجع انسدح ع الكنبه ..
قلته: تعال نام داخل ..ع الشبريه احس ..
غط ويهه بذراعه ما رد علي ...
همست : ذياب ارحمني ..
رد بجفا: انتي ارحميني فجي عني مب طايقنج ..
كلامه ذبحني ...اكرهك راشد اكرهك دمرت حياتي ...وقفت ابسرعه ..ورجعت حجرتي مجروحه يلست ع الشبريه اصيح ...شسوي ..كيف اكسبه مره ثانيه ...هالانسان يذبحني شويه شويه ..حسيت اني مخنوقه من كثر الصياح...رحت صوب الدريشه فجيتها ...ضربني الهوا البارد ع خدودي حسيت باراحه ..الدنيا ظلمت . و صارت جافه عقب امطار غزيره طوال النهار ...لصقت بالدريشه شسوي ..؟؟ يالله ساعدني ...كنت اتامل البحر و الناس الي ظهرت ع الساحه بعد ما كانت متخبيه من المطر ...تذكرت رحلتنا البارحه كيف كانت حلوه... و احلى اول يوم لناااا ...ليت الايام ترد..ليت قلب ذياب يحن علي ..صكرت الدريشه يوم حسيت ان صدري بدا يتأثر ببرودة الجو ...سمعت وناات من صوب الصاله ..ها ذياب شكله بعده تعبان ..ربعت صوبه خايفه ...جفته يرتجف ..و مب حاس ابعمره ...رحت صوبه ..
همست بنبره خوف: ذياب حبيبي ..
زاد خوفي يوم جفته يرتجف ...ربعت حجرتي شليت اللحاف .. و غطيته ...ورحت يبت ماي فاتر من الحمام و فوده ..و كاني خايفه ان ذياب يطير عني ...ها اكيد لانه تم واقف فتره النهار تحت المطر ..تذكرت يوم جفته كيف المطر امبللنه ...حطيت كمادااات ع يبهته ..بس بعده كان يون ..زخيت ايده كانت حاره ..رص ع ايدي من غير شعور ...تجربت منه ...احاول ادفيه ..حسيت بالراحه يوم سكت ..يلست طوال الليل بس اراقب حرارته احيانا كان يكح باستمرار ...
حطيت ايدي بشعره زقرته: حبيبي انت ابخير .
رد: هيه..
تفاجات يلست اتامله ..عرفت انه يهذي ..لصقت فيه اكثر ..مستمتعه بقربه بس خوفي كان اكبر ...مرات اغير الكمادات .. و مرات العب بشعره ..اخفف عنه ..
سمعته يقول كلام ما فهمته ...تجربت علشان اسمعه :شو فيك حبيبي..شو قلت.
قال : تعالي صوبي ..
قلته: انا معاك...
همس ورص ع ايدي: تمي معاي انا محتاجنج...
يتني الصيحه لاني اعرف ان ذياب يهذي و لو كان حاس بعمره ..كان نفر مني و ابتعد بعد ما يعق علي كلمات جارحه ...
قلته: انا معاك حبيبي ....
رفعت شعره عن يبهته .. حسيت ان حرارته نزلت و رجفته اختفت تقريبا ...طالعته الظاهر رقد..لاني زقرته ما رد علي ...تميت يالسه عالارض بس تجربت منه و تغطيت معاه بنفس اللحاف ...ورقدت معاه ...و تمنيت اتم جريبه منه طول العمر ...
نقزت من رقادي يوم سمعت صوت شي يطيح و ينكسر عالارض ..فتحت اعيوني ..جفت ذياب يالس ع الكنبه و الظاهر انه طيح طاسة الماي من غير قصد...طاحت اعيوني بعيونه ..اشتقت لهاي النظرات ....بس ارتحت يوم حسيت انه احسن بوايد ..حطيت ايدي ع ركبته : ذياب شخبارك الحينه ..؟
سالني بنبره جديه: انتي شو اتسوين هني ..؟؟
انحرجت حسيت ان ويهي احترق فقلته: كنت البارحه تعباان خفت عليك.و..
بس سكت لانه نش فر اللحاف عني ..امنطش كلامي و كأنه مب مهتم ...ايعرف شو صار البارحه ..فسكت لحقته لي ما دش الحمام ..ذياب وايد تغير علي ...و ها الشيء معذبني ...رحت صوب التلفون و طلبت ريوق ..قبل ما يظهر ذياب من الحمام..اكيد يوعان و من البارحه ما كل شي حتى انا يوعانه ...يلست ارتب الفراش ..عقب ما ظهر من الحمام رحت صوبه ...
سالته: تبا ريوق طلبت لك..
طنشني ...لصقت فيه : ما اتحمل اتعاملني جي ...
هم طنشني و ما رد علي ..
ترجيته وصحت: سامحني زين ..انا احبك انت ...
صد عني حتى انه ما فكر يحط عيني بعيونه ..خطفني ..رايح صوب الصاله
..لحقته: وين بتروح انت تعبان ...زين كل لك لقمه ..
دق قلبي بقوه يوم التفت صوبي و قال: تزهبي اليوم بنرجع الداار ...
شل حبوبه من ع الطاوله ..وصكر الباب .

""ليتك سمعت قلبي يوم ناداك..ليتك ما تركتني وحيده اعاني...خلك مع قلبي تراه و الله يباك..خلك معاه و هواللي بحبك باني..كيف رديت قلب من الوله جاك..كيف قدرت تجافي حبي و تناسي""

.لي متى بتم جي اتعاملني ..؟؟ لي متى بتم هني محبوسه ...لاعت جبدي تعبت من كل شي ..ذياب صار خالي من الاحساس و المشاعر ...صار ما عنده قلب ...كل مني ..انا السبب ..يا ليتني اموت و افتك..لو ما طاوعت راشد ما كانت صارت هذي حياتي ...شربت كوب ماي ...لي معاملة ذيااب لي كرهتني بشي اسمه اكل ...رجعت حجرتي اتريا متى ذياب بيطل علي ...ايي يا يسبح او يرقد...مدري وين يروح..لها الدرجه كارهني .. و كاره حياته معاي ...حسيت بتعب فضيع ..تميت جي اتريا طيف ذياب يطل علي ..قمت اسلي روحي حطيت اغراضي بالشنط و رتبت اغراض ذياب ...تروعت يوم سمعت صوته وراي
ذياب: لا تلمسين اي شي يخصني ..
وقفت و طالعته مستغربه ...
دش الحجره و شل شنطته طالعني و قال: يلا لبسي عبايتج..
قلته: انت ليش متجزز مني ...
طنشني ظهر من الحجره بروده و تجاهله لي يقتلني ...طلعت لحقته جفته يبطل الثلاجه و يظهر له عصير ..شربه دفعه وحده..
قلته احاول الطف الجو من بينا: شو اخبارك الحينه بعدك تعبان..
رد ابرود: روحي لبسي عبايتج لا اتاخرينا ...
صرخت عليه من الغيض: انا اكرهك اكرهك ..لا اتعاملني جي ...ذبحتني "صحت بصوت عالي لاني تذكرت نظرات و معاملة سعيد و سيفاني لي يوم اكتشفوا اني كنت بسافر .."

قلته و انا اصيح بصوت عالي : انا ما سويت شي يخليك يشمئز مني ...راشد مثل ما قص علي قص عليك...
دموعي نبرات صوتي ..كلها ما اثرت فيه تم ع بروده يطالعني ...مب مهتم بشي حتى شكيت انه يسمعني ..تجدمت منه ..بغيض كنت ناويه اصفعه شرات صفعة البارحه علشان ارجعه لـ عقله ..
رفعت راسي اطالعه اترجاه: ارحمني ..

رد علي: و انتي رحمتيني ..
صرخت عليه وصكيت ع اسناني: ما سويت فيك شي ..انا تركته قبل ما نملج..
تجدم مني وايد..حتى ظنيت للحظه انه بلوي علي يراضيني بس احلامي طارت بالهوا يوم قال : كنت احسبج عذراء المشاعر ما اتعرفين سوالف حب و خربطت التلفونات .حسبت انا بعلمج كل هاه ....بس طلعتي وحده تسهر و تنش و ترقد ع كلمة حبيبي و احبك..اشتقت لك ووحشتك..."و قال بنبره كانه يحتقرني"و امسويه روحج تتلومين مني و جاهله بها السوالف ..

ذياب كل ما يكلمني كل ما زاد تجريحه لي ..حسيت ان ويهي احترق من تجريحه ..يلست اضربه ع صدره انا اصيح و اصرخ عليه: اسكت اسكت
تم ذياب ابمكانه جامد ما يتحرك..حسيت بالتعب فابتعدت عنه ..تجاهله لي و بروده و نظراته لي عذبتني وايد..و تعلقي به و كلامي ما منه فايده ...مسحت دموعي ..و كان يراقبني خلاص كل ما كلمته زاد تجريحه لي .. و زاد عذابي..ابرايه يصير الي يصير ...
طالعته و انا امش دموعي بظهر ايدي وقلته: اول ما نرجع طرش ورقتي ..انا بعد ما اباك..

..صديت عنه رحت حجرتي لبست عبايتي و شيلتي و عبرتي غدت نهر ع ويهي.. شليت شنطتي بصعوبه يلست اسحبها ..لانها صارت ثجيله ابسبب الهدايااا ..خلني اطنشه هاليومين يمكن يحن و يشتاق لسوالفه معاي ..يمكن اذا طنشته و عاملته بالمثل ..بيرجع يرمسني عادي ...تفاجات يوم جفت ايده غطت ع ايدي ..فسحبت ايدي و سحب شنطتي عني ...

جفت العامل ينقل شنطتنا ..ركبنا الباص ..علشان ينقلنا المطار...رفعت راسي جفت الدنيااا بعدها مغيمه الظاهر بتمطر مره ثانيه و بالفعل ها الي صار ...يلسني ذياب صوب الدريشه و يلس حذالي ابد ما رمسنا ..كنا مع بعض بس كل واحد باله مشغول في شي ..هوه بوادي و انا بوادي..لمحته جفته متسند ع الكرسي و راقد ..يمكن بعده تعبان او محموم ..
.بغيت اسئله بس غيرت رايي و يلست اطالع الدنيا برع ...روعه المناطق برع اتجنن ...ظهرت ايدي من الدريشه يوم طااح المطر..ابتسمت اتذكر يوم كنا صغاريه من يطيح المطر.

.نظهر برع انصارخ و نتراكض بالحوي تحت المطر..ايااااااااااااام ..كل انسان يتمنى يرجع للصغر لانه ما نعرف ان الدموع معانتها الم ولا انعر ف العذاب و الاسى ...بس همنا نتسلى بهاي الدنيااا ...

تنهدت وطيت راسي ع الكرسي اغمض اعيوني احاول ارقد ..نقزت يوم طلع الباص صوت عالي ووقف فجاه..زخيت ايد ذياب من الزيغه ..طالعني ذياب الظاهر حتى هوه نقز من الصوت العالي...و ارتفعت اصوات الموجودين في الباص يوم وقف ...
سالته: شو استوا ...؟؟
سحب ايده من ايدي و قال ابرود: يمكن اخترب..
اننحرجت من حركته عديت الموقف و سالته: شو بنسوي الحينه ...
وقف وراح صوب السايق يساله ..يلست اراقبه تقريبا ذياب اطول واحد من الركااب الموجودين ..و احلاااااااااهم فديته ..ياليت يرضى عليه ..يا ليت ..ما ابا اخسره ...جفته يوم رجع و يلس مكانه ..
سالته: شو مستوي...؟؟
ذياب رجع لوضعيته قبل و غمض عيونه يبا يرقد: الباص اخترب يحاولون يتصلون بالمحطه بس ماشي ارسال ...
شهقت: بنتم هني تحت المطر..

رد ابرود: هي..
قلته : بـ تطير عنا الطياره ...محد يعرف انا هني..."قلت بخوف" شو بنسوي..

طنشني ..فرديت اطالع برع بحسره و قهر من ذياب ..ها ذياب محد يعرف دواه غير بدور بنت خالوه حليمه ...ابتسمت للفكره الي خطرت ع بالي ...حمدت ربي ان المطر بدا يخف بس الظاهر بعد ماشي ارسال ..لان يلسنا تقريبا ساعه داخل الباص معزولين عن العالم ..تنهدت ..متملله ...بالاول بالفندق ميته من الملل و الحينه ياه دور الباص و ذياب ذابحني بتجاهله لي ..ماشي غير اني اوطي راسي و انخمد ..عل و عسى الوقت يمر ...نشيت ع هزات رقيقه من ذياب ..
ذياب: شوق شوق..
فتحت اعيوني ببطيء ...جفت روحي راقده ع جتف ذياب ..رفعت راسي منحرجه...عرفت انا بعدنا في الباص ...كنت بصيح من الضيجه كم مر من الوقت ..
كان ذياب يتاملني يوم كنت اتلفت اطالع حولي ..جفت الباص فضى
استانست: وصلنا المطاار ..
حسيت بنظراته يتطنز علي : لا ما تحركنا ..
طنشت نظراته: وين الناس ..
امرني: يلا ننزل ...
طالعت برع و سالته: وين بنروح شي نفاف ..
وقف وييرني من ايدي : لا تكثير اسئله مب كافي ما خليتني ارقد محطيه راسج ع جتفي ..
انحرجت من كلامه . زين ما كان قصدي كنت راقده..بس ما رديت عليه ...نزلنا من الباص حسيت ركبي و ريولي متورمه من قعدت الباص ...جفت الناس متيمعه مكان واحد..و الشيء الحلو ان اكثر الركاب خليجيين ...و ها حسسني بالامان اكثر و اكثر ...

تمينا نتريا مب عارفه شو السالفه ...و اذا سالت ذياب ما بيرد علي ..فجفت وحده شايله ولدها تجدمت منها
سالتها: شو مستوي اختي ..؟؟
ردت علي : نتريا لي ما يصلحون الباص ...
ابتسمت لها طلعت إما راتيه سالتها: انتي من الامارات .
هزت راسها بمعنى هيه قلتها: حتى انا من راس الخيمه...
ردت علي : و انا من دبي ...
بطلت حلجي علشان اسالها بس زقرني ذياب اعتذرت منها و رحت صوبه
طالعته قال بعصبيه: شو اتسوين ...؟؟

سالته: ماشي اسالها شو صار ..
رد علي: و انتي ترمسين اي حد تعرفينه ولا ما تعرفينه ..تمي هني واقفه جدامي لا اتحركين..
قلته: شو فيها طلعت من دبي .. و انت لو سالتك بطنشني ما بترد علي ...

ذياب: قري هني لا اتحركين ..
لمحت الياهل الي من شويه رمسة امه حتى ما عرفت اسمها يربع بعيد عن امه ...جان اروح ازخه ..
قلته: روح هناك ماما ...
زقرته امه فربع صوبها ..
ذياب محرج: انتي ما تفهمين ..لا تحركين هني و هناك ...تبين تضيعين
قلته بكل براءه: شو فيك ما اتجوف الياهل كان بيضيع عن امه ..
طالعني بنظرات ما فهمتها و صد عني ..رفعت راسي الدنيا بدت اتظلم ..
سالته: الي متى الدنيا بدت اتظلم و انا لاعت جبدي ...
زخني ذياب ..من ايدي و قادني صوب سواق الباص و ساله اذا في استراحات ..جريبه من هني ...اخرتها قال شي وحده بس بعيده .. و اقترح ع الركاب كلهم يرحون صوب الاستراحات ..لان يمكن ترجع اتمطر الدنيا مره ثانيه ...
حسيت حد ايير عبايتي صديت جفت الياهل مد ايده يبا يعطيني حلاوه..خذته منه و بسته .. و قلته
قول لـ ماما شكرا ...
وقفت جفت ذياب يطالعني : انتي متعمده اتعانديني يعني ..ما بترتاحين الا بعد ما تضيعين ..
قلته: يعني ارده يايب لي حلاوه ...
رد علي بقوه: شو انتي ياهل ...
قلته و انا مستغربه من عصبيته: شو فيها يعني تباني اكسر خاطره ..
زخني من ايدي تحركنا صوب الاستراحه الموجوده مدري وين ..تعبت من المشي ..لو ان الجو حلو و بارد بس حسيت اني هلكانه ..
طالعني ذياب: تعبتي ..
شويه و بصيح: بموت ..
لوى عليه استغربت من حركته بس استانست..فكرت اطالعه و ابتسم له بس غيرت رايي لاني لو سويت جي عادي يبتعد عني ..
سالته: انت ابخير ..اخاف ترجع حرارتك..
ذياب من غير ما يطلعني : شربت الدوا ..
تمينا نمشي ...لي ما وصلنا صوب الاستراحه من جفتها يلست عالارض ..تعبانه ..
ذياب متروع: شوق ...شو فيج..
رفعت راسي: تعباااااااانه ابا ارتاااااااااااااااااااح...
قعد ع الارض حذالي: ما تستحين جوفي الياهل اصغر عنج يربعون صوب الاستراحه مستانسين و انتي شوه عيوز..
رديت عليه و انا انافخ من التعب: ترا من ليلتين ارقد مرتاحه ...
طالعني بنظرات فهم نغزتي ..فوقف ابسرعه غبيه لاني ذكرته ...حطيت ايدي ع يبهتي تعبانه ..لي متى بتم يسوي فيني جي ...
ذياب: بطولين ..
وقفت بتعب : لا يلا نمشي ..
زخني من ايدي و تحركنا صوب الاستراحه ..طلب لي ذياب عصير ووجبه يلست اكلها ..ترينا الباص ...
سالته: و الطياره ..
رد علي : طارت خلاص ..
قلته ابسرعه: ما بنسافر يعني ..
ذياب: لازم بنسافر ..
نشيت و لصقت فيه سالته بخوف: بطلقني ..؟؟
قال من غير ما يطالعني: مب جنج طلبتي هالشي ...
حطيت ايدي ع ايده و قلته: بس انا ابااك..انا احبك..
طالعني بنظرات عتب و لوم: ما ينفعني حبج..
ترجيته: سامحني ..
ذياب: لا تقعدين تفتحين السالفه ..كل شي احسه صوبج الحينه بالاشمئزاااااااااااااااااااااااز فهمتيني شوق بالاشمئزاااااااز
صديت عنه و سحبت ايدي من فوق ايده لاني حسيت ان ويهي انحرق ...يلست اصيح بـ صمت ..يعني اعتبر نفسي مطلقه خلاص ...ما ابا ..حطيت ايدي ع ويهي و يلست اصيييييييييييح ..بس ذياب تم متجمد ابمكانه حتى ما فكر يراضيني ..او يخفف عني و كانه عايبنه يسمع صوتي و انا اصيح ...
نزلنا مطار دبي ع الساعه 4 العصر .دورت حد يستقبلنا بس ما جفت حد...جفت ذياب يااي من صوب الشنط ..
قلته: محد هني يستقبلنا.
رد بهدوء: محد يعرف انا بنرجع ..
شهقت : ليش ..؟؟
قال : عايبنج شكل ويهج تستقبلين فيه اهلج ...
قلته : محد قالك اتنكد علينا و اتخرب وناستنا الحينه قمت اتحاتي اهلي يجوفون حالتي ..
رد ابرود: بعد كل الي صار تبين احطج بوسط عيني ..انتي ما تهميني ..ولا تعنيني ...ابوج الي خايفه عليه و ما فكرتي به ايام ما كنتي تواعدين ولد خالتج ..تشردين معاه ..هو السبب الوحيد الي مخلني اخليج ع ذمتي ...بس علشان خاطر ابوج ..
كنت بصيح لان كلامه آلمني: حرام عليك ..انا و الله
قاطعني: ادري مظلومه ..حبيبي نسيتي اني محامي و شغلتي بس ادافع عن الحق .. و ابريي المظلوم..
قلته: بس انت ظالمني ...
رد: ظلمتج ولا غيره .مشاعري صوبج ماتت خلاص ..ولا تحلمين في يوم بنعيش شرات قبل ما اعرف سواد ويهج..
عصبت عليه: لا اترمسني بها الطريجه انا مب واطيه..
نظراته الي كانت مليانه طنازه و استهزاء خلتني اسكت و ما اناقشه و حلفت بيني و بين نفسي اني ما احاول ابرر موقفي و علاقتي مع راشد..دام انه مصر اني انسانه واطيه ...
دشينا فندق ...ما استغربت يوم ذياب طلب غرفتين منفصلتين عن بعض ..ما اهتميت كل الي كان يهمي ماي بارد و سرير ارقد لي ما اشبع ..و ها الي صار ..تسبحت و انخمدت من وطيت راسي ع المخده ..هزني ذياب يقومني ..صديت الصوب الثاني ابا اكمل رقادي بس فجيت اعيوني يوم
قال: امسكي رمسي امج..؟؟
يلست ابسرعه ابمكاني و خذت عنه الموباييل :الووو ماماتيييييييييييييه..
سمعت صوت امايه: شخبارج يمه وينج من سافرتي ما سمعنا حسج..؟؟
صحت و كان ذياب يراقبني: ولهت عليكم ..شخبارج حبيبتي و شخبار باباتيه..
امايه: ابخير اختج شيخان نجحت حتى بنت خالتج بدور..
استانست: و الله مبرررررروك باركي لهااا وينها ابا ارمسها
امايه: محد من عرستي اختج امطيحه بيت اختي كل اتقول ملانه
ابتسمت: محد عندها يضارب معاها
امايه:هههههههههه شخبار ذياب
قلتها : ابخير يسلم عليج..
التفت صوبي عرف اني اقصده ..سالتني: متى بترجعون عيل
قلتها : وصلنا البارحه دبي
قالت: هي قال لي ذياب سلمي عليه يمه
قلتها: انتي بعد سلمي عليهم كلهم
ردت علي: الله يسلمج مع السلامه.

قلتها: ف امان الله

يااه صوبي علشان ياخذ موبايله قلته:امايه اتسلم عليك
ظهر من حجرتي: الله يسلمها...زهبي روحي ببنزل راس الخيمه
طاحت عيني ع الساعه كانت عشر خيبه انا راقده من امس..لازم من التعب و الهم الي جفته ان جفتك يا راشد فـ يوم بجتلك بتجوف دمرت حياتي..فريت اللحاف عني و رحت الحمام اتغسل ..دش علي ذياب كنت احاول ابطل الشبره من شعري بس ما رمت كنت اتصارع مع شعري
سالني: بعدج..؟؟
قلته انا اطالع في المنظره: لالا ها الشبره مب راضيه تفج عن شعري "طالعته"تعال بطلها
خذ نفس و قال بدون اهتمام: يلا خلصي عندج خمس دقايق...
وظهر من الحجرة انقهرت من تصرفه شتان بين ذياب يوم يكون راضي و يوم يكون متضايج منج...يا ربي قال ما بطلقني...انا ما بنزل من الفندق الا يوم يحدد مصيري معاه ...صرخت بالم يوم ييريت الشبره من شعري حسيت شعري تقطع فريتها بالزباله بكل غيض..لفيت شعري..و ظهرت من الحجره ..جفت ذياب قاعد مجابل التلفزيون و بيده الرموت يجلب القنوات ..خطف انفاسي يوم التفت لي و كان لابس كنندوره و متعصم من زمان ما جفته جذا

انتبهت يوم سالني: شو تترين ..؟؟
تجدمت منه و كنت خايفه بداخلي افاتحه بالسالفه يقوم يجرحني بالرمسه مثل كل مره ..يوم صرت جريبه منه صد عني يطالع التفزيون زقرته: ذيااااااااااااااااب
رد من غير ما يشيل عيونه من عن التلفزيون: شو تبين
قلته: انا ما اصدق انك انت نفس الشخص الي تجربت منه عقب ما ملجتنا و عشنا احلى يومين قضين...........
قاطعني: شو تبين خلصيني..
كنت بصيح من معاملته لي: ابا اعرف شو بتكون طبيعة علاقتنا
طالعني طاحت عيني بعينه فصحت : ما ابا تطلقني.."وزخيت ايده" انا احبك..
يير ايده ابسرعه ووقف ابعيد عني واجهني و قال : ما بطلقج الحينه مثل ما قلتلج علشان ابوج...
وقفت وسرت صوبه: ما صرت تحبني
ابتعد اكثر كانه مشمئز مني: شو ابا احب فيج
ترجيته: لا اتعاملني جي و الله اني اموت بداخلي
صد عني: روحي لبسي عبايتج يلا خلينا انروح
مشيت دموعي و قلته: وين بنعيش في بيت ابروحنا!!
رد علي: مينون انا اخلي مهره عندج
شهقت بس طنشني و كمل كلامه: بنعيش في بيتي و اختي و عيالها هم بيعيشون معانا
انصدمت فقلت ابسرعه: ما ابا اعيش مع فتون
طالعني بنظرات عصبيه : ع الاقل وحده متربيه
صرخت عليه: شو شايفني بنت شوارع "دموعي نزلت مب الم لا نزلت من الغيض و العصبيه"
قال ابرود و هو يشيل سويج سيارته: روحي لبسي عبايتج ابسرعه

دشيت حجرتي و يلست ع الشبريه اصيييييييييييييح منهد حيلي بنش ع صياح و برقد ع صياح..هذي ابد مب حاله ..يا ربي شو اسوي بها البلوه لو الحقير راشد ما سوا حركته كنا ما بتحمل ها الحياة ما بتحملها تنهدت و مشيت دموعي مستانسيين شسوي الحينه بطلقني بطلقني بس الله اعلم متى بقرر ..اخرتها

وقفت ابسرعه يوم سمعت صوته : شوق
طالعته جافني عرف اني كنت اصيح تجدم مني رفعت راسي اتوسله بنظراتي انه يسامحني خلاص..حضن ويهي بيده ..فكرت انطم و ما ارمس موليه علشان ما ينفر مني

غمضت عيوني يوم قعد يمسح دموعي ع اطراف اصابعه همس: ما تعبتي من الصياح....؟؟
بطلت اعيوني ابسرعه هاي نبرات صوته الي حبيتها دوم ..هذا هوه ذياب الي خبل فيني و تعلقت فيه ها هو ذياب الحنون الطيب
لوت عليه مب متحمله عذابه رجعت اصيح و قلته: انا بموت من التعب

يوم ما سمعت رده رفعت راسي اطالعه جفت ملامحه هاديه تجربت منه و تجرب مني ..بس كل شي انهدم بلحظه يوم رن موبايله و كانه نش من حلم ..ابتعد عني ابسرعه و عيونه بعيوني حسيت بخيبة امل للحظه حسيت انا بنرجع شرات قبل ..بس للاسف نظراته ما توحى بها الشي
حول موبايله صامت عقب ما جاف المتصل .
.و امرني: يلا تاخرنا
غاب عن عيوني و تميت واقفه بوسط الحجرة اتقطع من الهم ...تنهدت تنهيييييييييده عذاب و رحت صوب الشماعه لبست شيلتي وظهرت من الحجره و من الفندق ابكبره اتبع خطوات ذياب..

بالخط و نحن رادين راس الخيمة كان الصمت سيد المواقف لدرجة ظنيت ان ممكن الي صار من بيني و بين ذياب من شويه كان حلم ..وقف عند محطة البترول عقبها نزل السوبرماركت ...
قال لي: نزلي شري لج شي تاكلينه
صديت عنه اتددلع عليه ع بالي بيعطيني اهتمام قلته: ما ابى ..

بس لبسني فج باب السياره و نزل يقهر حتى ما قال كلمة ..آآآآآآآآآآآآآآآآآه يا قلبي بسك ذياب ذبحتني...راقبته يوم يدش السوبر ماركت شويه و ظهر معاه اغراض...ركب السياره و عطني انواع مختلفه من العصاير و الشبسات و الشوكلاته بس صج ما كنت اشتهي
قلته: مالي نفس اكل"تعمدت" انت سديت نفسي
طالعني ما علق ع كلامي حرك سيارته
قلته : اذا مت بتكون انت السبب
قال : انتي ميته بالنسبه لي خلاص
دوااي محد قالي ارمسه شي معروف انه بحرجني بالرمسه سكت عنه صديت اطالع الشارع ..و انا افكر لي متى بتم جي...اي حجه بتقنع ها العنيد ان انا تركت راشد قبل ما نملج ...تنهدت ..و ما هي الا لحظات وصلنا راس الخيمة .. و الله يستر شو مخباي لي بهاي الدار...

راجع ضميرك شويه ...و حس يا خلي فيه...تكفى لا تقسى عليه ..




+++++++++++++++++++++++++++++



اول يوم وثاني يوم بين أفراح وبين هموم....مظلوم واللة مظلوم ظالمني ظريف الطول....أسهر ليلة وارقد ليلة .واللة مدري ويش الحيلة ..

________________________________________
وصلنا بيت ذياب ..ما كنت مصدقتنه يوم قال ان قوم أخته و عيالها و ندى بيعيشون في بيتهم بس كلامه طلع صحيح...كانت صدمه بالنسبه لي...ما توقعت ان اخته تسكن معاه بس من حقها ما عندها ريل و عيالها صغار غير فتون العوده ...
تميت يالسه التفت صوبي: شوه
قلته: ليش بالاول ما مرينا بيت اهلي
رد علي بدون اهتمام : عقب باخذج بيت اهلج يلا نزلي
سالته: طول حياتي بتم عايشه مع اهلك..
فاجاتني ابتسامته: لا حياتي .من قال انج بتمين ع ذمتي طول حياتج
..
صديت عنه قافطه مدري ع شو ناوي هالانسان خذت نفس طويل ...فتحت باب السياره قبل لا ينزل هوه لاني حسيت اني بنفجر من الغيييض..و جنه ذياب انسان غير عن اللي عرفته ايام الملجه و اول ايام زواجنا ...وقفت لي ما نزل الشنط ... عقبها دش داخل و لحقته ...استقبلتنا فتون الي صرخت اتبشرهم بصوت عالي
: تعالوا خالي ياااااااااه خالي يااه
يت تربع بحضن خالها الي يقول غاب عنها سنين رب الحمد جم يوم..
صديت عنهم اطالع فلة ذياب اشكبرهاااا روعه ما توقعت جي بيته عود..
سمعت ذياب: شحالج فتون ..
فتون: ولهت عليك موووووووت ..."التفت صوبي" هلا حرمة خالي اشحالج..
سلمت عليها و بستها : ابخير ..
ظهرت ندى و معها مهرا الي يلست اتصيح من جافت ابوهااا شلها ذياب يسكتها و يرااضيها كنت اسمعه يوم يرمسها و يبوسها تمنيت اجوفهم بس ما قدرت لان ندى حضنتي و عقبها خالتها العوده الله الله لو كانت علاقتي بـ ذياب شرات قبل كانت سعادتي بتكون كبيره فرحتي عوده ...
ندى : تعالي مهاري سلمي ع عموه..
شلتهاا بوستها ع خدها ذكرتني بحمودي فديته ...
قلتها: شخبارج حبوبتي..؟؟
ردت علي بس كان امبين عليها متلومه مني: زينه ..
خالوه العوده : يلا قربوا بتمون واقفين بالحر
كنت بندخل بس تفاجات يوم ذياب يير عني مهره ..و طالعني بنظرات ..فهمت انه ما يباني اتجرب من بنـته ... حز في خاطري لو كنت بروحي كنت بصيح بس سكت ...كاتمه قهري و غيضي ...دشينا الصاله ..كانت عوده ..فيها صالتين .. و صاله متفرعه الظاهر حق الاكل ..لانها كانت يلسه عربيه ...ما شي غرف ...شي ع الزاويه مطبخ تحضيري ... لمحت باب الصوب الثاني ...يمكن اتكون غرفه ...
جفت الشغالات يشيلون الشنط فوق الدري ..
زخت خالوه العوده ذياب من ذراعه :_تعال يمه اقعد ارتااااااح ...
الظاهر متعودين ع وجود ذياب دوم .. ولا ليش جي افتقدوه بايام قليله ...
فتون: بلاج شوق تعالي يلسي ولا تبين اترووحين غرفتج ترتاحين...
ما عرفت شو اقول ..حسيت ابروحي غريبه ..الله يسامحك ذياب يوم عطيتني ها الشعور و هالاحساس هدية زواجنا ..
خالوه العوده : يمكن ما عيبها البيت ..
كنت بقولها لا بس ندى زختني و انقذتني عكس ذياب الي كان يلاعب بنته و عيال خواته ..و مب مهتم ابد ...

ندى: تعالي شوق اكيد تعبانه ..و بالمره براويج جناحج و انرتب اغراضج..
فتون: يا سلالالام بدينا ..

تنهدت احسن لي اسكت تونا انقول بسم الله يا فتون رديتي ع سوالفج ..و الله انه ما يصلح انعيش في مكان واحد انا و ندى و فتون و الله ما تركب ..

ندى: زين تعالي جان تبين ..

حطت ايدها ع جتف ذياب: لابتمم مع خالي ولهانه عليه ..
كان عندي عادي بس نظراتهاا الي ارسلتها لي ضايجت بي ..طالعت ندى..ابا اقولها يلا وديني للهم الي بعيشه..الظاهر فهمت قصدي ابتسمت لي و زخت ايدي ورحنا فوق الدري و قبل ما نركب الدري سمعت صوت ذياب يقول لـ ندى: ندى خذي شوق حجرتها عقب تعالي اباج..

دق قلبي التفت ابسرعه لـ ذياب اطالعه ..بخوف شو بخبرها عن علاقتي بـ راشد ..اتسويها ..؟؟ لالا ما اظن بخبرها مستحيل يمكن بعد يبا يبعدها عني...
ندى: ان شاء الله ...ركبنا الدري..اشرت ندى : ها الجناح الي ع يسارج خاص فيني انا و خواني .. و ها اليمين ..خاص بقوم خالوه العوده ... و شي دري تابع لـ الجناح اليمين..صعدتني الدري
سالتها: طابق ثالث ..

سمعت ضحكتها: هههههههه هي شوق ..ها خاص بخالي حتى من قبل ما يعرس ..الدري ما كان عود وايد ..صعدنا...صاله مكشوفه ..راوتني المطبخ التحضيري و غرفت نومنا .. و غرفتين غيرها ...يعني جناحي الخاص كان ع شكل دائري المهم دش خاطري .. و خاصه اللون العنابي ...

دشينا غرفتي الخاصه سالتها وين اغراضي ابتسمت ندى بخجل: اسفه بس انا رتبت اغراضج ...خالوه العوده هزبتني قالت يمكن تضايجين..

ابتسمت لها: بالعكس بس ليش تعبتي روحج ..

فاجاتني يوم لوت علي :شوقاني انا وايد مستانس من كان يظن انا بنعيش في بيت واحد ...
غمضتني ندى فضحكت : هههههههه ندوي تذكرين يوم حفلة تخرجنا كنت مضايجه لان بتفارج و ما بنجوف بعض ..

طالعتها و رفعت حياتها: هي و الله سبحان الله محد يعلم بالظروف ..ولا المخباي ..
يلست ندى ع طرف الشبريه .. فتحت شنطه ثياب الي كنا مسافرين فيها انا و ذياب ...يلست ارتب اغراضي وقفت ندى اتساعدني بس ما خليتها ..

ندى: زين انتي تعبانه ...
سالتها ابسرعه: امبين علي !؟

ندى: لالا اقصد تعبانه من السفر ..شو الزواج ..؟ و شو السفر حـلو ..اجوفكم ما طولتوا..

قلتها و انا اصكر باب الشنط: كل شي روعه ندوي كنت احس عايشه بحلم..ما بغيت انش منه حتى يوم ..."وصخيت كنت بغلط و اقولها النذل راشد طرش مسج حق ذياب"

ندى: شوه ..؟؟
ابتسمت لها: حتى يوم اخترب فينا الباص و نحن رايحين المطار كرهت حياتي ...يلسنا بالساعات نتريا..
ندى: الله يعينج"و ابتسمت" المهم وصلتوا بالسلامه ...امممممم وباجر الموقف بيكون ذكرى حلوه صدقيني ...

سمعنا صوت ياي من الصاله حسبت ذياب ..بس ندى قالت : تعال عبيد

تجدم ووقف عند الباب متلوم: خالي ذياب يباج ..
ندى واقفه ابسرعه: اووه نسيت ..شوق تبين تتغدين بروحج مع ذياب ولا معانا ..تستحين ؟؟

هزيت جتفي : اسالي ذياب ..
ندى: زين بجوف عقب ..خذي راحتج ..ترا ها كله البيت بيتج..
ابتسمت لها: سلمتي ...

راقبت ندى لي ما اختفت من نظري هي و اخوها عبيد ..حطيت ايدي ع يبهتي ...يالله ذياب متعمد ما يقعد ندى معاي ..يحسسني وحده قذره ...رفعت راسي اطالع السقف يا رب ساعدني ...طاحت اعيوني ع التلفون الموجود ع الكمدينو ..ربعت صوبه .. و اتصلت بـ بيت ابوي ...
حسيت ردت لي الروح يوم سمعت صوت حمودي: الوووووووووووووووو

صرخت من الوناسه: حمودي فديت روحك و الله ..
حمودي: الوووووووو

قلته: حمودي حبيبي انا عموه شوق..
حمودي:: عموه وين راحيتي..
قلته: رحت بيتي تعال جوفه عود و حلو..
حمودي: تعالي خذيني..

شوق: انا بيي المغرب زيييييييييين بييب معاي مهره علشان تلعب معاها انزين ..

حمودي: انزييييييين انا بقول بابا ..

قلته: وين بابا ..
صرخ حمودي الظاهر ان خذوا عنه سماعة التلفون سمعت صوت حصه: السلام عليكم ..؟؟
رديت : عليكم السلام حصه شحالج ..
حصه: بخير فديتج اخيرا سمعنا حسج..
قلتها : ولهت عليكم .."ويتني الصيحه" و لهت لكل شيء في بيتنا ..
حصه: حتى نحن كلنا ولهانين عليج..
قلتها: شخبارج انتي و شخبار الحمل وياج..

حصه: انا بخير ..انتي وين ما شاء الله..
قلتها: توني وصلت بيت ذياب ...وايد روعه بيته خبال حصه ..

حصه: هههههههه الله يهنييج...
سمعت صوت فـ الحجره ..فالتفت جفت ذياب و معاه مهره
قلتها: آآمين ..بصكر الحينه سلمي ع امايه و عليهم كلهم .. و قوليهم بيي اتعشى عندهم ..

حصه: حياج الله ..

حذرتها: لا تظهرون من الييت خبري سعيد و سيفاني حتى باباتيه..
حصه: ههههههه ان شاء الله ..

قلتها: بوسي لي حمودي باي..

حصه: مع السلامه ..

يتني مهره: عموه انتي بتنامين هني..
لمحت ذياب يضرب جرس طنشته و يلست ارمس مهره..
شلتها و حطيتها في حضني: هي بنام هني.. و انتي بتنامين معاي صح ..

مهره مستانسه: بابا كل يوم يقولي قصه انتي بتقولين لي..
بستها ع خدها: هي فديتج..انتي بعد قولي لي قصه مب كل مره انا

مهره: ههههههههههههه عندي وايد حلاوه تبينها ...

قلتها: انا ما احب الحلاوه ..
رفعت راسي مطنشه مهرا يوم ظهرت شغاله ..
ذياب: خذي مهرا تحت

مهر: ما ابي ..
شلتها الشغاله بس مهرا صرخت متعلقه فيني طالعت ذياب: زين خلها ..
طنشني: خذيها ميري..

ذياب يتجرب من مهره: حبيبي الحينه بننزل تحت ناكل عيش زين...
مهرا زعلانه ماده بوزها شبرين غمضتني ..لحظات و اختفت الشغاله و مهره

طالعت ذياب محرجه منه: انت وايد جاسي ...تتعمد اتسوي هالحركات

طنشني ..شل فودته ناوي يسبح لحقته وواجهته قلته بغيض: مب عايبني الوضع بها البيت ما ابا اعيش هني ...
طالعني عيونه لمعت : تندلين بيت ابوج جان تبيني اوصلج حاضر ..
عضيت ع شفايفي مب متوقعه رده قلته و انا اصيح : انا اكرههك ..
تجرب مني اكثر و قال: ادري انتي ما تحبين الا نفسج و البيزات استغرب انج رديت شنطة البيزات "رفع حياته يستزفزني" شو خنتي الاتفاق مع حبيب قلبج...

ما كان عندي حل غير اني اكفخه علشان اسكته و ما اسمع اهانته بس من قوة كلامه لي تيبست ما رمت اتحرك..طنشت و يلست ع الشبريه سمعت باب الحمام ينقفل فطلقت العنان ع نفسي و يلست اصيح ..حيوان ذياب لسانه شرات الافعى يطشر سم ..حضنت المخده و يلست اصيح بـ صوت عالي يا ويل حالي و شقى عمري كم بصبر و بتحمل كم بسمع من كلامه ..

.الظاهر الياي اقوى و الله يعلم شو الياي ....سكت يوم سمعت باب الحمام ينفتح ..بس ما قدرت اكتم شهقااتي ...كرهت كل شي فيني ينبض بحب ذياب ..حتى ذياب اشوووفه ما يستاهل حبي ولا قلبي محد يستاهل حبي ع قد ما اعطي ع قد ما انجرح و انذل ...

حتى ضعفي و خوفي كرهتهم فيني ليتني كنت قويه شرات بدور او شيخاني ما كنت سمحت له ولا تجرأ يكلمني بها الاسلوب ...بس بعد ما ينلام توه معرس و يسمع زوجته اتواعد غيره ..كان غيره ذبحني ولا طلقني و فرني بيت اهلي ...هاه كله اهون علي من اسمع كلامه الجارح...

طارت افكاري يوم حسيت ان ذياب قعد ع الشبريه جريب مني فيلست ابسرعه عطيته ظهري ...و مسحت ادموعي بطرف اصابعي ..
همس : شوق..
ابتعدت عنه اوني زعلانه منه بس اتصدقون ابداخلي استانست انه عطاني فيسسس لو كنا فـ ماليزنا جان لبسني الباب ...حطت ايده ع جتفي و فرني صوبه ..رفعت راسي اطالعه و ندمت اني مسحت دموعي..علشان يعرف ان كلامه كان جايد و اثر فيني بالحيل ...
حضن ويهي بيده : انا اسـف ..
قلته و رجعت اصيح اترجاه : انا ابا اعيش معاك مثل اول عرسنا..
ما لقيت منه جواب كان رده الوحيد ان يتاملني..رصيت ع ايده و قلته : ذياب..انا و الله احبك انت ...

حسيت ان ذياب عايش و مشارك شعوري و احساسي لحظه بـ بلحظه و ها الشي رفع من معنوياتي غير طيبة قلبه ..لوت عليه قلت : قوووول انك اتحبني..

ما سمعت منه رد رجعت رفعت راسي اطالعه : ذياب..

بس ذياب الظاهر عمره ما بينسى انه انجرح فـ يوم لانه نش ابسرعه و ابتعد عني...ماشي فايده من هالانسان ...تنهدت تنهيدت عذاب و خيبه...

قال من غير ما يطالعني : انا ما اقدر اعيش معاج مقدر..انسى
وظهر من الحجره ...رجعت اصيح مشيت دموعي لاني خفت باي لحظه ممكن يدشون علي ندى ولا فتون..رحت الحماام اتسبحت ..و قعدت انشف شعري ...و انسدحت ع الشبريه ناويه ارقد ...
حسيت بثجل ع بطني...فتحت اعيوني جفت مهره يالسه ع بطني ضحكت عليها
مهره تتنقز ع بطني: قومي عموه ..عموه بستوي ظلام ...

ابتسمت لها: زين قومي من ع بطني هههههههههه نشي مهره ترا بعضج
مهره تتنقز: ما تقدرين هههههههههههههههه

تروعت مهره و شهقت يوم جفت ذياب شيلها .
.مهره من حضنت ابوها : باابا حبيبي..
ذياب يلصق خشمه بخشمها : شو قاعده اتسوين ...؟؟ هاه ..
نشيت من ع الشبريه و رحت الحمام اتغسل مطنشه ذياب ..يوم ظهرت جفت الحجره فاضية ...فجيت الكبت ادوري شي البسه شي مناسب يوم برووح بيت ابوي..
التفت صوب الباب يوم سمعت ذياب يقول: ليش رقدتي الظهر كانوا يتريونج ع الغدا..
قلته: نفسي منسده .."قلته" بروح بيت اهلي بتعشى هناااك..
قال : توه الناس الحينه العصر روحي يلسي عند قوم اختي و عقب صلاة المغرب باخذج ...
كنت اتامله هوه يرمسني ياربي ها الانسان عذااااااب احبــه ..كان يرمسني و انا في بالي ..احضنه و اقوله سامحني حبيبي بس ها الذياب عنيد..افتقده يوم يدلعني يوم يخليني استحي منه ..حسيت ان ذياب لاحظ اني اراقبه ...فسكت يطالعني...فصديت عنه ...و بدوره لبس كندورته ..

سالته: بتظهر ..؟
ما رد علي

تجربت منه : لا تطنشني انا ارمسك..
قالي و هو يتعصم: ما بينا رمسه .... يلا لبسي علشان تنزلين تحت ...اترياج في االصاله ..
قهرني اسلوبه فريت كل شي ع التسريحه من الغيض .. و اشك ان ذياب سمع صوت الاغراض تتناثر عالارض...يلست ع الشبريه انافخ من التعب حطيت ايدي ع يبهتي اهدي نفسي ..ما يرزا اسوي كل ها لانه ما شي فايده خلاص...ذياب كل يوم لازم يقولي انتي ميته بالنسبه لي...خلاص ..يا ذياب ..ما تباني انا بعد ما اباك ..تضايجت من نفسي ادري اني اقول هالرمسه من الضيجه بس من اجوفه بنسىى كل العالم و كل شي وعدت نفسي فيه و افتح ذراعي لك ....الله يصبرني...
رفعت راسي يوم سمعت صوت ذياب من بعيد: شوووق ....

نشيت: لحـظـــــــــه .
لبست شيلتي طالعت روحي بالمنظره .حطيت لي لي ميكاب و تعمدت ابالغ فيه علشان اغايضه ..و بالمره ..عل و عسى يغطي شي من ملامح ويهي الحزينه ...عيبني شكلي ... ظهرت من الحجره ..جفته يترياني عند باب الصاله ...ما كان لي خاطر اجوفه او احط عيني بـ عينه ...نزلت راسي بالارض ..اتبعه ..نزلنا الدري محد كان بالصاله غير خالوه العوده كانت تشرب جاهي من جافتنا .
.استانست : هلا بالمعاريس ..
سلمت عليها ...ويلست جريب منهااا ...
ذياب: وينها مهره ..؟؟
خالوه العود: عند عيال اختك تلعب برع ..."طالعتني"جي ما ييتي تتغدين تريينناج..
قلتها: كنت تعبانه رقدت من غير ما احس بعمري...

خالوه العود كأنها تطنز عليه: التعب بعدج ما جفتيه ..هذي انتي و عروس و اتقولين تعبانه ...
طالعت ذياب ابااه يرد عني ..بس وقف وقال لي: انا بظهر عقب المغرب بيي اخذج بيت اهلج ..تبين حايه ..؟؟
كنت بقوله هيه اباك اتم معاي للابد همست: سلامتك ...
طالع أخته: بغيتي شي الغاليه ..

خالوه العوده: الله يحفظك يمه ...لا تتاخر عن حرمتك اجوف بعينها الضيجه من فراقك..
طالعني ذياب انحرجت من تعليقها حسيت ان ويهي انححرق...نزلت نظراتي بالارض ..حتى ذياب ما علق ظهر من الصاله ....
سمعت ضحكت خالوه العوده: هههههههههه يحليلكم ...
سالتها و انا منقهره منها: عيل متى بتعرس فتون ..؟؟
خالوه :و الله كل فتره نحدد و اناجل هي بروحها متضايجه يحليلها ..
قلتها: ليش تأجلون ..؟؟شي اسباب يعني ...

خالوه : مدري من وين تظهر لناا الاسباب بس اظن عرسها بسونه بعطلت نص السنه ...بعد بيكون بيتنا مخلص..

استغربت : بيتكم ..

خالوه العوده: هيه يمه من جذاا قاعدين بيت ذياب ..انا بصراحه مب راضيه اسكن هني..علشانج عروس و ما نبا انغثج ..كنا بنأجر بيت لنا..بس ذياب الله يهداه مب راضي ...

اهاا يعني ذياب ما قال ان قوم اخته بسكنون مؤقت ..سكنهم بس علشان يغايض بي ....يالله منك يا ذياب ..
سالتها: ليش شو بلاه بيتكم ..!!
خالوه العوده و هي تغير محطات التلفزيون: انسوي له صيانه ...
تنفست مرتاحه ..بس الله يعين متى بخلص بيتهم ...كنت بسالها عن ندى و فتون بس جفت فتون داشه و شكلها كانت يايه من برع ..
خالوه العوده : لقيتي شي..؟؟

فتون : لا ما عيبني شي..
سالتها: تزهبين ..؟
قالت لي: لاااااا طلعت مع اخت هزاع مرينا المفروشات علشان اثاث بيتي ..
خالوه العوده : تعرفين عروس لازم بيت ابروحها ..

هزيت راسي حسيت ان كلامهم ماله داعي..

رن موبايله فتون وقفت: هذا هزاع ..بخليكم ..
سالت خالوه العوده عن ندى ردت علي: مدري عنها بحجرتها ..حتى احس انها ما تغدت زين..
وقفت : بروح اجوفها ...

ركبت الدري ..تذكرت ندى اتقول صوب اليسار غرفتهااا بس ها مب هامني الي هامني ذياب شو قال حق ندى ..يا خوفي انه خبرها عن علاقاتي بـ راشد ..يا ويلي حالي ..كم انا ندمانه ع هاي العلاقه ..يا ربي ..ها الي يمشي غلط ..يتحمل ...اففففففففففف و اتحملي يا شوق

دقيت اول باب محد رد علي...يلست ازقر ندى ..؟؟؟ ندى ...؟؟؟

فتح الباب الي مجابلني ...
ندى: ههههههههه شوق هذا باب الحمام تعالي ...هني..
شوق: هههههههه مدري وين حجرتج ضيعت

ندى: تعالي حيااج ...

دشيت حجرتهااا ..اطالعها كانت حلوه ووسيعه قلتها: من يجوف حجرتج يقول هذي البنيه وحده مدلعه ع الاخر ..
تنهدت و يلست ع الكرسي الهزاز: من يدلعني يا حسره ..وينه ريلج..؟؟
كررت كلمتها: ريلج ؟!! يعني انتي متضايجه منه

خفت بداخلي واايد و قعد قلبي يرقع ...ندى: و الله ما انكر خالي ع قد مدلعني و مب مقصر معايه بس مرات يفرض علي اشياء انا ما اباها ..يتدخل بحياتي شوق..انا بخبر عليه عمي...

بلعت ريجي: شوه ...اي قرار ..
ندى: ما يباني اتزوج راشد..
قلتها ابسرعه: ليش شو السببب

ندى: مدري عنه جي من غير اسباب ها الي قاهرني ..يقولي ما يصلح لي و ما يناسني بس انا داش خاطري ...تنفست مرتاحه زين ذياب وو الله انك ريال ساتر علي .مب شرات هالحيوان راشد فضحني ...و الله يستر سمع منوه صوتي غير ذياب ...مدري ليش ارتجفت من هاي الافكار ..
ندى: شو فيج شوق

قلتها : ماشي بس ندى ...بقولج شي لا تضايجين مني...
طالعتني تترياني اكمل كلامي..فكملت: اسمعي كلام خالج ...لا تاخذين راشد..

كلامي لها كان شرات الصفعه ما توقعت ردت : ليش شو فيه راشد تعرفين شي انا ما اعرفه ..

قلتها: ما اعرف شي بس ما تلاحظين ..ما صار رفيج خالج ولا سيفاني ولا سعيد..اكيد تغير .
تنهدت و سكتت ..حاولت اقنعها اكثر لان صج ندى ما اتعرف عن الي انا اعرفه عن راشد...
زخيت ايدها : ندى الف من يتمناج..

ندى: بس راشد ولد عمي .. و اخاف عمي يزعل ...

قلتها: فكري بحياتج انتي مب بعمج ...يا عمري عمج ما بيعدل حياتج اذا ما ارتحتي فيها ...

تنهد ندى و شكلها بدت تقتنع سالتها: تحبينه .
هزت جتفها: مدري شوه بس يمكن متعلقه بالفكره اني محجوزه له من صغري ..

كنت بصيح يوم حسيت ان ندى تبا راشد مب حب ولا غيره بالعكس خوف ع حياتها و مستقبلها ...
تنهدت و قلتها : فكري زين وانا اعرف ان ذياب يموت عليج ..يعني اكيد اذا قالج ارفضي يعني ما يبا يضرج اكيد بنفعج ..و يبا راحتج و سعادتج ...

ندى: و الله كلامج مقنع ...شوقاني..
نقزنا انااو ندى يوم انفج باب حجرة ندى...كانت مهره ..ندوي عصبت منها بس انا لويت عليها لانها ذكرتني بـ حمودي فديته ...
مهره تلوي علي و اتقول ندى: ما احبج ..
ندى تغايضها : بخبر عليج خالي بخليه يضربج..

مهره: اصلا بابا ما يضربني صح عموه ..
ضحكت ع اسلوبها: صح ههههههههههههه بستها ع خدها " فديتج انتي قطعه من ابوج ..عسوله..
ندى: هااااااااااه نسيتي ربيعتج و ييتي حق مهره تتمصلحين عليها خلاص شو بعد خذتي ابوها ..

كنت برد ع ندى بس سبقتنا مهره: انت غيرانه صح عموه ..

ضحكنا انا و ندى ههههههههههههههه

دشت علينا فتون : مرحبـا ..شو عندكم ..حشيتوا في منوه احيد سوالفكن كلها حش..
ندى: استغفر الله ..
حسيت بالمتعه لان حياتي و علاقاتي مع ندى ردت شرات قبل ..بس فتون شويه اتسوي حساسيات ...
مهره تلوى عليه و طالع فتون: عموه لا اترمسيهن بس حبيني انا صح ...

ضحكت عليها: ههههههههههه صح..
فتون: يالله مهروووووووووه من الحينه غسلوا مخج علينا .
طالعت ندى محرجه من تعليق فتون بس ندى ابتسمت اتهدي الوضع: شوقاني اصلا تنحب ..و ما يحتاي تغسل مخ حد ..قلبها نظيف.

فتون: يعني انتي قلبج وصخ...
يااه دوري ادافع عن ندى: لا فديتها ندى قلبها طيب و بعدين كل وحده اتعرف طينتها و معدنها ..
فتون متضايجه : ردينا ع سوالفنا ..

ندى: فتون انتي شو فيج ..الحينه قاعدات انسولف حق شو هاي النغزات ..
رربعت مهره صوب ذياب الي طل من ع الباب ..و من جافته فتون ضحكت
و قالت:- هههههههههههههه الله يهداج ندى شو بلاج اليوم مب طبيعيه ..كله محرجه كنت اسولف معاج ...

وقفت يوم جفت ذياب ..اول مره ابتعد عنه من تزوجنا افتقدته ابتسمت له مشتاقه له بس ما رد علي ...صد يرمس بنته: حييتي لعبتي ..
مهره: هيه ..و تضاربت معاهم..

ندى: اخبر عليج خالي الحينه..
لوت عليه مهره فضحك ذياب: ههههههههه شو مسويه ..عبالج ما بضربج اذا لصقتي فيني جي ..

مهره: عموه شوق ما بتخليك..
فتون: يالله سوت لج سحر عمتج تونا باول يوم...عموه و عموه ...

ما تحملت ثجل دم فتون ..ولا برود ذياب .
.فقلتهم: بسير اصلي المغرب
خطفت ذياب و بنته ..شو اظن بلحقني يعني .. زين منه متحملني و ميلسني في بيته ساتر علي ؟..
صعدت حجرتي ..فريت شيلتي دشيت الحمام توضيت ..عقب ما خلصت صلاه ..التفت اطالع وراي ع بالي ذياب موجود بس كانت خيبه لي ...بدلت ملابسي .. و رديت حطيت ميكااب ..

دش علي كنت قاعده البس طقم االالماس الي هدااني ايااه في يوم ...كنت مطنشتنه ..بس وقف جريب مني ..
و قال: ما اباج تكونين جريبه من مهره و ندى ..
طالعته و قلته اتطنز عليه: تخاف اخربهم..

قال بكل وقاحه و برود : هيـه ..


رحت صوب الكبت و انا مقهوره منه طلعت عبايتي و شيلتي و قلته: بتاخذني الحينه بيت اهلي ..ما ابا اسمع رمستك الي اتغث ..خليني اروح لهم و ع الاقل امبين علي الراحه ...

ما قال شي كل الي سواه شل سويج سيارته ..فلبست عبايتي و شيلتي و لحقته تفاجات يوم جفته يترياني ع الدري ...تم يطالعني بس انا رفعت راسي بكل شموخ و كأني مب متاثره لا بوجوده ولا بنظرات بس بيني و بينكم بداخلي احترق من الشوق لها الانسان انه يرضى علي ....

حمدت ربي يوم وصلنا الصاله كانت فاضيه..ما فيني ع تعليقات اخته ..هذي من اولهاا مالت ع حظي ...ما توقعت كلامه يوم قال حق الشغله: خبري اختي اني انا و شوق بنتعشى برع ..

عقب ما ركبنا السياره قلته: انا بتعشى بيت اهلي ...

رد علي من غير ما يطالعني: زين انا بعد بتعشى فـ بيت اهلج "وطالعني"ولا ممنوع ..!!
طالعته مستانسه لاني ما توقعت انه فكر يتعشى ف بيت ابوي فقلته: طبعااا لا حياك الله ابكل وقت ...
طالعني بنظرات و كانه يتطنز علي و حرك سيارته ..

ما صدقت ان ذياب وقف عدال بيت باباتيه كنت بفج باب السياره بس زخني ذياب من ايدي طالعته
قال لي : برجع عقب صلاة العشى بتعشى و بنرد البيت ..
رفعت حياتي : ابسرعه..

قال: مب ابسرعه بس انتي من الوناسه ما بتحسين بالوقت ..ابتسمت له: زين اتصل بي يوم بتيي..
ما سمعت رده نزلت ابسرعه اربع دااخل...البيت ولهانه ع باباتيه ...فجيت باب الصاله ..شويه شويه ..جفت شيخاني منسدح اطالع التلفزيون كـ عادتها ..و حمودي يلعب جريب منها بالكره ..
قلت بصوت واطي: السلام عليكم ...

نقزت شيخاني و جنها مب مصدقه اني واقفه جريب منها ؟:شوووقاني ..

لويت فيها و حضنتها ..سالتني: شخبارج و اعلومج..
قلتها ابخير ..مبروك ع النجاح ..
شيخاني: الله يبارك فيييييييج

طالعت حمودي حط ايده بحلجه متلوم مني ...
شيخاني: هههههههههههه شبلاك حمودي نسيت عمتك..
فتحت ذراعي له: تعال فديتك ...

بس تم واقف بمكانه مستحي رحت صوبه شلته و بسته فتم يضحك بصوت عالي قلته يا العياااااااااااااااار ...
رفعت راسي صوب الدري يوم سمعت صوت سعيد نازل من الدري و حصه وراه: توه ما نور البيت ..

لويت بـ سعيد باسني فوق راسي .. و يلست ابوس حصه حسيت اني مب جايفتنهم من سنين مب ايااااااااام ...
قلتهم: وين باباتيه ..و امايه و ينهم ..؟؟؟

سعيد: امايه طلعت مع سيفاني و باباتيه في حجرته ...

حصه: يالله روحي له ..
حمودي: عموه اشتريتي لي لعبه..
بسته و قلته: فديتك و انا اقدر انسى لعبتك ..

شيخاني : حصيص تعالي جوفي العشى ويايه ..
سعيد: ريلج وينه..
قلته: نزلني وراح المهم بيي يتعشى هني ...

سعيد: زين و الله .
قلته: بروح اجوف باباتيه ..

ربعت فوق الدري ..و انا ميته وله عليه ...فجيت الباب جفته كالعاده ع الكنبه بس هالمر ه يطالع كره قدم ..ادق الباب ولا ازقره ماشي فايده بس هو التفت للباب يوم انفتح و تم قاعد ابمكانه يطالعني و جنه يظن انه يحلم..ربعت صوبه اصيييح من الوناسه..وقف باباتيه و فتح ذرااعه لي ..لوت عليه ..
و يلست اشاهق : ولهت عليك فديتك ...ربي ما يحرمني منك...

دفنت راسي بصدره يوم جفت دموعه ..بس باباتيه رفع راسي و خلني اوايهه مسح دمعي ابتسمت له اطمنه و قعد يمسح ع راسي و ويهي و كانه يسالني عن حالي و عن حياتي اليديده ..
هزيت راسي اطمنه و انا امسح دموعي : انا بخير ...و مرتاحه مع ذياب ...
ولويت عليه و قلت بصوت عالي و انا اشاهق: لو ما كنت مريض يا ابوي ما كانت هذي حياتي ولا صارت جي ..ولا عرفت راشد ..ولا بهدل حياتي ...
لوى عليه باباتيه كأنه يسمعني ...باسني ع راسي ...طالعت وراي يوم سمعت حس سيفاني
قال: قلبي كان حاس بجوف ها العذاب ..
مسحت دموعي بسرعه : سيفاني ...
تجرب مني و سلم عالي : قلته شخبارك ..؟؟ولهت عليكم..
رد علي : طول ما بنت خالتج حيه انا زفت..
ضحكت: ههههههه حرام عليك...
سيفاني ابتسم: المهم انتي شخبارج ..مرتاحه مع ريلج..

قلته: الحمدلله .."سالته" ماماتيه وين ..؟؟

رد علي : ياييتنج ...عيل ما طولتوا برع...
فكرت بجذبه: انا طفرت بـ ذياب اشتقت لكم..

رفع حياته: الله يعينه عليج..
اول مره اوقف جدام سيفاني و ارمسه من غير ما اسوي حساب لعصبيته ..او اخاف منه...الحمدلله اتغير علي ..دشت علينا امايه هالمره هي يلست اتصيح و انا اضحك عليها ..قلتها: خلاص مامااتيه انا بخير ...
امايه: مرتااحه ..

ابتسمت اطمنها: واااااااااااايد...انتي شخبارج و اخبار قوم خالوه حليمه

امايه: الحمدلله ابخير بجوفتج يمه ..

عقب ما اذن العشى اختفوا سيفاني و باباتيه و سعيدان راييحن المسيد و انا يلست مع حصه و شيخاني و امايه في الصاله اسولفلهم عن جزيرة بيينج..

شيخاني: عيل ليش ما رحتوا كوالامبور.

قلتها: ما بغيت ..كنت اموت و ارجع الاماارات
قالت لي: ما عندج سالفه..
قلتها: متى بتعرسين..

امايه: نقنعها اتكمل دراسه بس هي مب راضيه ...
طالعت حصه: و بدور..
حصه: اتقول بتروح التقنية ..مدري و الله ...
حمودي: عموه انتي وين بتروحين وين ..؟؟
كنت مقعدتنه بحضني قلته: بروح بيت عمي ذياب..
طالعني و ابتسم: انا بروح بنام معاج زين...
ابتسمت: من عيوني
حصه: لا اتكثر رمسه اونه بنام معاج انت يوم كانت حجرتها جريبه من حجرتك ما نمت عندهاا ..
بسته: حراام عليكم لا اترمسونه جي...اتصدقين حصيص طلعت لج كروشه..
حصه : اونج هههههههههه
امايه: مب راضيه تفتح ملف بالمستشفى ..ما عندها غير ها العيادات الخاصه ..
شيخاني: حصيص باجر بنروح المستشفى بنفتح لج ملف ...
حصه: لا اصبروا مب الحينه خلوني اخلص خمس شهور عقب ان شاء الله ..
امايه: و الله انج اتسوين علوم ...

شويه و دش سيفاني: يلا حطوا العشى ...الريال داخل ..
ذياب موجود ولا اتصل يقول لي ..
سيفاني جنه حاس بالي قاعده افكر فيه : ترا جفناه بالمسيد...
امايه: وينه ابوك.؟؟
سيفاني راح حجرته: عند سعيد بعدهم بالدرب ..

قلته : زين ما قلت شي ههههههههه "وقفت" بروح اجوفه
وقف حمودي علشان يلحقني بس زخته حصه فقعد يصيح ..قلتها: حصه خليه خلاص عرسنا ..
امايه: هههههههههه خلي الصبي يروح مع عمته..
حصه: لا لا توهم معاريس .."ورمست حمودي" حبيبي يوم بيي بابا بتدخل معاه ...زين حبيبي..
حمودي يصرخ : لاااااااااااااااااااااااااااا

حصه: شوقاني ظهري ابسرعه ..
طلعت من الصاله ...و رحت الميلس اتذكرت ايام ما كان اييني ذياب قبل العرس...كنت اوقف مليون دقيقه اتصارع مع نفسي علشان ادخل له كنت ميته من المستحى..بس للاسف ذياب يتحسبني امثل عليه...

تنهدت بعذاب ... و فتحت الباب جفت ذياب سرحان و كان قاعد نفس المكان الي ايااام ما كان يزورني قبل العرس...رفع راسه جافني اتجدم صوبه ..رجع و نزل نظراته بالارض.يلست حذاله و كأني مب جايفتنه ايااااااااام
قلته بعذاب: كنت قبل يوم ادش عليك توقف و اجوف الوناسه بعيونك...
ما حرك نظره من ع الارض و قال ابرود: قلتيها قبل ..يعني شي ماضي

تجربت منه لصقت فيه: ذياب ..معقوله ما اتحن ع الايام ما كنت تزورني قبل ما انعرس...
طالعني و قال ابرود : لا
كنت بصيح: لا اتعاملني جي ..حرام عليك ..الي بيني و بين راشد.....
قاطعني: لج ويه تطرين اسمه جدامي...صج ما فيج حياا..
عضيت ع شفايفي مب عارفه ارد عليه لانه بالفعل احرجني...

كمل كلامه: قومي من حذالي لاني صج مب طايقنج...
همست و دموع بدت تبحر ع خدي زخيت ايده .: انا احبك ...ذياب .احبك.
يير ايده و كانه متجزز مني.. ووقف و قعد بعيد عني..

قلته: و الله ما كان بينا ...
قاطعني و قال بكل حقد: بسج نفاق انا لليوم اتذكر يوم زخ ايدج بالمنار هاك اليوم و انتي اونج ييريتها و ما رضيتي ..كنت اظن نفسج غاليه عليج..و اظن هوه مغلط ع باله زاخ اخته..بس طلعتي انتي و هوه

كان شريط الذكرى يمر فـ بالي و هو يحكي هاك اليوم الحينه عرفت ان راشد تعمد يزخ ايدي علشان يغايض ذياب ..
قاطعته : زيييييييييييييين ليش شو من بينكم ...انت تعرف اني انا بعد انخدعت فيه شو ذنبي..
ذياب: ذنبج انج سايرتيه لالا و بعد تواعدينه بالسفر انتي بسالج اهلج وين عنج..

حسيت يوم يرمسني جني وحده رخيصه مالها قيمه وحده مب متربيه ...
حلفت لله : قسم بالله اني يوم ارتبط فيك كنت تاركتنه ..
قال و صك ع اسنانج: أكيد لانه خانج ..علشان جذا ودرتييه ..

نشيت من مكانه ويلست حذاله: انت ما تفهم انا احبك...

ذياب طالعني بنظرات عتاب: انتي عايبنج المكان الي قاعدين نتناقش فيه سواد ويهج ..

كنت بصيح بس يودت عمري : اباك اتسامحني ...
طالعني و نبره صوته كأنه كان مصر ع كلامه: انا ما اباج .انتي خلاص انتهيتي ...من حياتي ..الحشمه لاهلج بس ..و انا مخلنج ع راحتج وقت ما تبين تردين بيت اهلج ردي ما عندي مانع ..بس انا اعتبر نفسي خلاص انتيهينا من يومين ...

دش علينا سيفاني قاطع علينا كلامنا : حيا الله من يانا ..
ذياب يبتسم: الله يحيييك...

تميت ساكته ولا كنت مهتمه بسوالفهم لاني مقهوره من ذياب ...و موتي اعرف شو بين راشد و ذياب ..راشد ليش جي سوا ..ليش ..؟؟!!
ما انتبهت يوم دش سعيد و باباتيه ..و بدوا يحطون العشى ..لاعت جبدي من جفت الاكل ..لان بالي في شي ثاني علشان جي انسدت نفسي ...

قعد حذالي باباتيه لويت عليه ابتسم لي...
سعيد: اكيد عذبتك تبا ابوها ..

ذياب يطالعني: ههههه شويه...
ما حبيت استمر معاهم ...وقفت .

.سيفاني: تعالي تعشي وين رايحه..؟؟
قلته: بروح اتعشى عند قوم امايه "وطالعت ذياب الي طالعني و عطيته ظهري و ظهرت من الميلس..محتاره كيف اكسب قلب ها الانسان مره ثانيه.. كيف استعيد ثقته فيني ...كيف ياربي ...الله يغربلك يا راشد

رحت الصاله ...جفت حصه و شيخاني و امايه قاعدات يتعشن ..
سالت حصه: وين حمودي..

شيخاني: في سابع نومه..
طالعت حصه: حرام عليج رقدتييه ...

حصه: شسوي ..ابوه تاخر ببرع..
اماه: تعالي تعشي ...

كنت بقولها ما اشتهي بس كنت عارفه انها بتصر علي...فيلست و قعدنا نتعشى و انسولف ...بمواضيع كثيره استانست لاني شويه نسيت سالفتي مع ذياب ...
دش علينا باباتيه و راح حجرته و لحقته امايه علشان تعطيه الدوا ...عقبها نزلت ..
سالتها: باباتيه رقد..؟؟

امايه: لا يطالع تلفزيون ...
دش علينا سعيد: شوق ترا ذياب يتريااج برع ..
شيخاني: بتروحين ابسرعه..

سعيد: انتن ما تشبعن سوالف ..
حصه: عاد تعالي لنا كل يوم..
وقفت: طبعا بس انتوا بعد زوروني...تعالوا براويكم بيتي ..يهبل ؟؟

شيخاني: يا حظي..

قلتها: الله اكبر ..بروح اجوف باباتيه..قبل ما اروح..
امايه: روحي سلمي و نزلي لا تمين ترقدين بحضنه اعرفج انا ..

حصه + سعيد: هههههههههه
ابتسمت و ربعت فوق..
دشيت الحجره جفته قاعد يطالع التلفزيون ...رحت صوبه ..ابتسم لي و رديت له الابتسامه ..
قعد ع الكنيه و يلست جريبه منه ..
ابتسمت له زخيت ايده اشرت له و انا ارمس: انا بروح الحينه باباتيه بس بيي كل يوم ..
حط ايده ع جتوفي و باسني ع راسي ..
قلته: فديتك بتوحشني...انت الانسان الوحيد الي احس يفهمني و يحس فيني .."وصحت"
جفت نظرات باباتيه خاف عليه يوم جافني اصيح ابتسمت له و مسحت دموعي ..
. و انا اقوله: انا ابخير ..و ريلي شرات الملاك..."مسحت دموعي و كملت كلامي" بس الظرووف حرمتني منه و انا خايفه باي لحظه يروغني من بيته ...

ابتسم لي كنت عارفه ان باباتيه مب عارف ولا قاعد يسمع شو اقوله... و حسيت ان ها وقت افضفض كل الي بخاطري لاي مخلوق ان شاء الله كان باباتيه ..

ابتسمت له و طاحت دمعه ع يد باباتيه: بس ريلي طلع شهم ساتر علي "ورجعت اصيح" مدري لي متى .."ودفنت راسي بصدره حسيت بشعوور الامان و الاطمئان و ها الشعور اول مره اذوقه من عقب ما سمعني ذياب حسي بموبايله .و انا اواعد راشد انا نشرد

قعد باباتيه يمسح دموعي قلته: انا ابااه انا احبه...بس النذل فرق من بيناااا ..
نقزت ابسرعه ووقفت و اطالع.. وراي متروعه يوم سمعت حس حصه واقفه عدال باب الحجره
قالت لي : منوه النذل الي فرق من بينكم شوق...؟؟

بطلت اعيوني و رقع قلبي يلست اطالع حصه و يلست حصه اطالعني و كانت شراتي امبطله عيوني و كانها مب مصدقه و مصدومه من الرمسه الي قلتها حق باباتيه


. الحب أسمى شي في هالوجود..وأنا عطيتك حب ما له حدود..غريبه أحوالك وطبعك غريب...تصد عني وإنت أقرب قريب...المشكلة إنّي أحبك كثير..ما أقوى على بعدك مهما يصير....محتاج أنا منك حبيبي حنان
...توقف معي لما يخون الزّمان...من أبسط حقوقي أحس بغلاي..تعطيني من وقتك .. تجلس معاي
مقدر أقول إلاّ عسى الله يهديك
________________________________________
تميت ساكته ..مب عارفه شو ارد لها و انا كلي خوف انها سمعت كلامي حق باباتيه ..تجدمت مني نظراتهاا لي خوفتني...بلعت ريجي قلتها بخوف: انتي من متى واقفه هني...
زختني من ذراعي: شوق لا يكون تقصدين ان ذياب فرق بينج و بين ابوج ..
حمدت ربي بداخلي..لان حصيص ابروحها طلعت لي الجذبه هزيت راسي مب عارفه اوافق كلامها او لا ..
فهزتني كانها اتصحيني: شووووووقاني تخبلتي توج عروس اتقولين عن ريلج نذل ...لو عمي سمعج جان حرج عليج ...
ابتسمت مرتاحه : ابروحي اسولف ..
حصه: شو ابروحج اتسولفين ..لو سيفاني مكاني شو بتحسب انج مب مرتاحه بزواجج..
قلتها ابسرعه : لا حصه انا و ذياب وايد متفاهمين ..
فكرت لو خبرت حصه اني مب مرتاحه مع ذياب ممكن اتخبر سعيد و سعيد يخبر ذياب عقب ذياب يخبره عن سبب نفوره مني ..خوفتني الفكره وايد فرجعت أأكد كلامي : و الله العظيم اني احب ريلي حصه شو فيج...
نسيت وجود باباتيه لي ما حط ايده ع جتوفي عباله اني قاعده اتضارب مع حصه ..
فقالت حصه و مبين عليها الراحه: زين صدقتج بس لا اتعيدينها ..ولا ترمسين شرات هاي الرمسه انا صار لي خمس مدري ست سنين متزوجه اخوج ما جد قلته ها الكلمه و انتي ما كملتي اسبوع ..
حسيت اني تاخرت ع ذياب و غير اني ابا اهرب من حصه فقلتها : اخر مره و الله ..
بست باباتيه و قلته: بروح باجر بييي زين حبيبي ...
سلمت ع حصه و قلتها: بوسي لي حمودي ..
ظهرت من حجره باباتيه و من البيت عقب ما سلمت عليهم ...ركبت سياره ذياب كنت برمسه بس تذكرت انه عق عليه رمسه قويه من ساعه فسكت ..
حتى هو ما رمس ضايج بي بس حاولت اطنش ..كنت سرحانه بالموقف الي صار مع حصه من شويه تخيلت لو سمعتني شو بيكون موقفها و شو بتسوي لو عرفت اني النذل الي كنت اقصده هوه اخوها راشد ...تنفست بعمق ...انتبهت انا طلعنا ع الشارع الرئيسي ..رفعت راسي اطالع الطريج ..
سالته: وين رايحين..
قال بصوت واطي و كان مركز اهتمامه بالشارع: بمر شويه المكتب ...عندي شغله ...
سكت ما علقت ...عقب ربع ساعه تقريبا وصلنا ...بركن السياره ع جنب ...قلته بنزل معاك ...ياني فضول اجوف مكتبه و مكان عمله ..بس طنشني
و كان بنزل فقلته : اخاف اتم ابروحي..
بند السياره قال: نزلي ..
نزلت ابسرععه خايفه لا يغير رايه ..ربعت وراه ..كان يمشي بخطوات سريعه و انا احس اني كنت اربع وراه علشان الحق به.. و باللفت حرجت عليه قلته و انا اناافخ من التعب : انت تمشي ولا تركض..؟؟

قال ابرود: محد قالج تنزلين معاي
قلته بعصبيه: متعمد ..

طالعني و قال بهدوء: هيه ...
كان ودي هذيج اللحظه اصفعه بس علشان ابرد غيضي بس خساره اللفت انفتح بابه

فطلع و لحقته قلته: احمد ربك انفتح باب اللفت ..."سكت فكملت كلامي" كنت صفعتك..
وقف فجاه فدعمته ما توقعته انه بيوقف او بهتم بكلامي لانه دوم يطنشني ...رفعت راسي و حطيت ايدي ع خدي مكان دعمته قلته: انت ما اتجوف...عورتني ..أأأأأأأأي .."يلست افرك خدي و بيني و بينكم كنت ابالغ يمكن يهتم"
فقال: دواج محد قالج تلحقيني جنج ذيل ...
قلته: انت عديم الاحساس ...
صد عني و كمل طريجه: شهاده اعتز فيها ..

لحقته ولا جني توني مضاربتنه لانه يسرع بخطواته...جفته يظهر مفتاح من جيبه و عقب فتح الباب ..كان مكتب عود عيبني ترتيبه جفت طاوله و جريب منها باب ...راح باتجاه الباب فلحقته الظاهر هني مكتب السكرتير ...فتح مكتبه ...
قلته: مكتبك عود ...؟؟"ويلست اجول بنظري كان وسيع ما توقعته جي ..."

طنشني وراح صوب مكتبه يفتح الادراج..لمحت شي باب فرحت صوبه و فجيته ..جفت حجره مب وايد عوده و فيها كنبات و كانها يلسه حق العملاء ..
قلته بصوت عالي علشان يسمعني: ذيااب هني ترتاح..

رد علي: تعالي ظهري ما يخصج...
ياني فضول اوايق من الدريشه اجوف الدنيا برع ...فتحت الدريشه و شهقت وااااااو راس الخيمه بكبرها اتبين من هني ...
صرخت: ذيااااااب روعه المنظر ...شغلني عندك و حط مكتبي هني ...
سمعت صوته: اقولج ظهري من هناك ...
تتافففت يقهر هالانسان بس احبه ..صكرت الدريشه و ظهرت من الحجره جفته يقرا اوراق كانت بيده ..
جفت مكتب كله ملفات سالته: هاي صج ملفات فيها اوراق ولا اتقص علينا شررات المسلسلات بس زينه..
رفع راسه يطالعني بنظرات غيض و رجع يطالع بالاوراق ..زين ما قلته شي بس سالته عفانا الله كل يعصب ها البارد ...بارد و يعصب ما تركب !!
تجدمت صوب المكتبه و سحبت ملف ابا ارضى فضولي بس نقزت يوم حرج علي: ردي الملف مكاانه ابسررعه..

رديته ابسرعه اول مره جي يصرخ عليه تم يطالعني بنظرات عصبيه فعضيت ع شفايفي خايفه منه عقب ما رجع يطالع بالاوراق الي كانت بيده قلته : زين ما باكلها بس كنت بجوف شو مكتوب فيها ..
بس سكت يوم رجع يطالعني هالمره كنت اكيده ان بييني كف منه بس تنفست مرتاحه يوم قعد ع كرسي مكتبه ..و زخ القلم بيده و قعد يشخط ..طاحت عيني ع ثلاجه موجوده بالزاويه فرحت صوبهااا حاولت افتحها بس كانت مقفوله غمضت اعيوني يوم سممعت ذياب يزقرني: شوووق ..
التفت صوبه طالعت مكان اشر ع الكنبات و قال: يلسي هناك ولا تتعبثين بشي ياهل انتي ..؟؟

يوم قال لي هالعباره تخيلت انه يرمس بنته مهره ولا حمودي فرحت و قعدت مكان اشر لي ع الكنيه ..وحطيت ايدي ع خدي اطالعه ...مرت دقايق فتعمدت اقول بصوت عالي : اففففف
طنشني ..
شهقت بصوت عالي يوم طاحت عيني ع برواز: ذياااااااااااب ها المنظر جفناه بماليزياا
ذياب من سمعني اشهق نقزت ع باله صار بي شي فحرجت علي وكانه يحذرني : شوووووووووووق
فضميت شفايفي ع بعض لاني حسيت بموقفي السخيف فسكت ...طالعت الساعه ..
و قلت: ملل ...
رد من غير ما يطالع: محد قالج تنزلين معاي ..
قلته: ذليتني ...متى بتخلص ياني الرقااد...
وقف و رجع الورقه داخل الدرج و قال: يالله ...
وقفت ابسرعه مستانسه ...طلعت و لحقني قفل المكتب سالته يوم طاحت عيني ع المكتب الي برع
فقلته: منوه هني قاعد ريال ولا حرمه ..
طالعني و كأنه يقلي ما يخصج ...تنهدت الله يصبرني عليك ...
باللفت قلته: مكتبك وايد حـلو ...
ما لقيت رد قلته: خلني اشتغل معاك .."طالعني جنه مب متوقع فابتسمت له فصد عني ابسرعه "
ظهرنا من اللفت عقب ما ركبنا السياره قلته: ارمس جد..
همس : شوق ما ابا اسمع حسج موليه مفهوم...
كانت نبرة صوته ما بين التهديد و و الاشمئزاااااااز...
عور قلبي كلامه ..فسكت منحرجه قلته: مدري كيف اكسبك..
رد: ما يحتاي لان ماشي فايده ...
سالته: متى بتخبر علي اهلي ..
ذياب: ما بخبرهم "وطالعني" مب عشانج ..علشان كبريائي
سكت عنه لو كلمته زياده ادري بيقولي رمسه شرات السم...وصلنا البيت و انا احس مصدعه يمكن القهر من كل شي يصير حولي ...دشينا الصاله ..كانوا متيمعين يطالعون مسلسل ...
ربعت مهره صوب ذياب فشلها لوت عليه
ندى: شوق اشتقت لج تعالي يلسي معانا ..
قلتها : لا اسمحيلي تعبانه بروح حجرتي..
عطيتهم ظهري ركبت الدري سمعت صوت خالوه العوده اتقول : شو بلاها حرمتك..
بس طنشت انا كافي متحمله عذاب اخوها بعد هي و بنتها ابصراحه وايد وايد علي ...رحت حجرتي فريت كل شي ع شبريتي و دشيت الحمام اتغسل ..
عقب ساعه و نص ظهرت من الحمام تفاجات يوم جفت ذياب و مهره ع الشبريه ...يلست امشط شعري الظاهر ان مهره بترقد خلاص ..مدري أي شعور صابني و انا اجوف مهره بين حضن ابوها ...كنت اتمنى اني اشاركهم حياتهم بس ذياب يبعدني عنه و عن بنته قد ما يقدر ما توقعت جي بتكون حياتي ابد معاه ..
.انسدحت و هذي اول ليله ارقد فيها فـ بيت ذياب دعيت ربي اني اتم طول حياتي جريبه منه ...
سمعت صوت مهره و كانت نودانه : باابا..
التفت لها جفت ذياب يلعب بشعرها: هاه بابا شو تبين ..
قالته: انا بردانه ...
سالها بصوت حنون: اقصر ع المكيف ..
شل الرموت و قصر المكيف
قام ذياب و عدل اللحاف يغطيها زين ..صديت عنهم و انسابت دموعي ع خدي ..ابا اعيش مع ذياب و بنته ابا اشاركهم عالمهم و حياتهم..

.بطلت اعيوني وصديت اطالع لورا جفت ذياب نش من مكانه عقب ما


الله لو تدري حبيبي وش كثر مليت العتاب>>وانت في قلبي حزن ..في عيوني سراب....خايف .. يذوب باقي الأمل في دمعتي ..وإنت على بعد النظر .. ألمسك بأطرافه...أقرب من عروقي .. من الشوق...ومهما تبعدك المسافة .......وكلما طلّ الفجر .. أسأل عليك الصّبر

رقدت مهره . و ظهر من الحجره ..ظنيت انه بيرجع بس مرت ساعات حاولت ارقد ما رمت فكري و بالي مشغول به وين راااح ...نشيت من مكاني و رحت برع ..تفاجات يوم جفته منسدح ع الكنبه ..شكله كان يطالع التلفزيون و رقد.
.رحت صوبه همس: ذيااب ..
فتح اعيونه و طالعني و رجع غمضها و قال: شو تبين ..؟؟
قلتها: تعال ارقد داخل ليش راقد برع ..
قال : روحي ارقدي انا بتم هني راقد ...
قلته بيأس: ليش ..؟؟
تم ع وضعه : بس روحي ارقدي..
ما تحملت اطالعه من بعيد تجدمت منه و يلست عالارض جريبه منه قلته بنبره اترجااه: لا تحرمني منك..
طنشني كملت : انا ابا اشاركك حياتك بكل صغيره و كبيره بكل حلوها و مرها ..
رد: ما تصلحيلي ..
قلتها بغيض: امبلى اصلح لو انت تبا ..
قال ابرود و كانه يستفزني: انا ما ابا ..يلا روحي ارقدي ولا تضيعين وقت ..خليني ارقد من التعب ..
شويه : لي متى بتم حياتي معاك جي...
ذياب و كانه تملل مني: بس عااد فجي عني ...انتي ما تفهمين انا ما اطيج قربج مني...خليلني بحالي يا بنت الناس...
و انا ليش اتعب عمري و ادري هالانسان نحيس ..راسه يابس..وقفت ما قلته شي ..دشيت حجرتي طحت ع الشبريه ..كانت مهره تجلب اخرتها خذتها بحضني بس ما رقدت الا جريب الفير ...
تجلبت ع الفراااش ع صوت طفولي صوت مهااري .كنت ببطل اعيوني بس غيرت رايي يوم سمعت حس ذياب يقول حق بنته: اششششششششش وطي صوتج عموه راقده..
مهره: باباا ليش عموه نايمه فوق شبريتك..؟؟
ذياب: لانها حرمتي..
ابتسمت و انا اسمع سوالف ذياب مع بنته ..
ردت تساله: كل بتنام معانا .
ذياب: هي كل يوم و انتي لازم تتعلمين ترقدين بحجرتج ابروحج ...زين بابا
صرخت مهره: لالالا انا بنام معاك و مع عموه ..
كنت اتمنى اسمع تعليقه بس الظاهر شل مهره و قال: يلا عن الحشره تعالي نتريق تحت ..خلي عموه تنام لا تزعجينهاا ...
غمضت اعيوني رجعت فتحتها ع الساعة وحده الظهر ما صدقت يوم جفت الساااعه..تذكرت اني سمعت حس ذياب و بنته شكيت اذا كنت احلم او واقع .رن تلفون حجرتي فمديت ايدي رديت بكسل: الوو
ندى: ايه صح النوم ..قومي بسج كسل ...
ابتسمت: و الله توني نشيت..
ندى: هههههههههه بعدج مصدعه..
قلتها: لا ...
ندى: زين شو رايج اييج الحجره ولا ما تبين ازعاج..
قلتها: تعالي بكون متغسله و مصليه
ندى: زين ..بييج قبل ما اييج خالي ...مع السلامه ..
رحت الحمام ..عقبها بربع ساعه كانت ندى موجوده معاي..
فاجاتني ندى: شوق مرتاحه معانا..
قلته : هيه ليش هالسؤال ..

ندى: مدري احسج مب طبيعية شو فييج .خالي مزعلنج..اسسسسفه شكلي تدخلت بشي ما يخصني..
ابتسمت: لا ندوووي و الله مرتاحه كافي خالج بقربي ...
قصدج: ذياب.
ضحكت: ههههههه هي ذيااب
ندى: امممممممم بديت اقتنع بكلامج؟؟
طالعتها مستغربه فابتسمت: عن راشد..صدق خالي يعرف مصلحتي..
سالتها : انتي ما اتعرفين شو بين ذياب وراشد...
ندى: ما بينهم شي بس ظروف العمل و الحياه فرقتهم عن بعض هذا حجي خالي ...المهم انا كلمت خالي قلته بفكر لازم اتخذ قرار صحيح..وخاصه اخاف ع زعل قوم عمي ..
زخيت ايدها لان ندى بدت تتقبل الموضوع : زين ندى حاولي فكري بـ حياتج..دخيلج انتي ربيعتي و انا ابا لج الخير ...
وقفت ندى: زين من عيوني ..و الله عارفتنج ..امممممم اشك خالي بيي الحينه..تعالي نزلي تغدي ..اوكى ..؟؟
قلتها: من عيوني ..
ظهرت من حجرتي سرحت معقوله امبين علي اني مب مرتاحه معاهم ؟؟ وقفت ورحت صوب المنظره اطالع ويهي .ابتسمت يوم تذكرت كلام ندى زين انها ع الاقل حطت فـ بالها تفكر بكلامي يا رب ترفض راشد يا رب ....التفت صوب الباب يوم تصكر ...ابتسمت يوم جفت ذياب كنت بتجدم صوبه بس يوم جفت ملامحه تميت واقفه ابمكاني ..

سالته: شووو..؟؟
تجرب مني فرجعت لورا و لصقت بالتسريحه ...قلته مره ثانيه: شوه..
زخ ايدي بس بعصبيه ارتجفت لاني اول مره اجوف ذياب جي محرج علي
قلته بخوف: شوه فييك؟؟
صك ع اسنانه: خلج بحالج لا تدخلين بحياتي او حياة ندى او بنتي مفهووم
فهمت انه يقصد سالفه ندى يوم اقنعها انها ترفض راشد حسبت ذياب بستانس من هاي الخطوه لانه هوه بعد رافض فكرة زواج من ندى ..
قلته بصدق: ندى ربيعتي ..
صرخ علي: لو كانت ربيعتج و تخافين عليها ما لعبتي من ور اها و اترمسين الشخص الي كان ممكن ترتبط فيه
قلته : بس انا خايفه عليها من راشد حتى انت "رص ع ايدي فقلته" أأأي فج عني ...
قاطعني و حذرني نبره صوته حسستني بالبروده بكل جسمي فقال: شووووووووق هذي اخر مره اقولج مالج خص باهلي خلج بحياتج الوصخه..
صحت و صرخت بويهه من الغيض: انا كان قصدي شرييف كنت ابا ابعد ندى عن راشد..
رد علي بنفس اسلوبي: ما ابىى اسمع اسمه موليه...انتي ما حذرتيها الا لانج تبينه وتغارين .
فج عن ايدي و ابتعد عني لحقته و انا ميته من القهر و غير دموعي الي بيينت ضعفي ها سبب ثاني خلني انقهر قلته: ما بيني و بين هالانسان شي ..انت ما تفهم ..
التفت لي و قال: انا ما اصدقج بشيء موليه ..انتي وحده ما في حيا تواعدين ريال بالسفر وين تتحرين عمرج عايشه بلد اجنبي و غير انج مخطوبه .."صرخت يوم عفد علي و زخني من ذراعي و صرخ علي " يوم انج تبينه حق شوه وافقتي عليه علشان بيزاتي جان قلتي لي كنت عطيتج ...

يا هو ظالم ما في قلبه أي رحمه...وكل ما زاد حبّه زاد ظلمه ...الهوى والشوق في قلبي من الله...حل روحي وصار دمي بعض دمه...لو دعاني يوم بالتفكير جيته..أترك همومي وأشيل اليوم همّه
أحتري كلمة تواسني في همي

الحينه ذياب بحاله مهما نطقت او دافعت عن نفسي ابد ما بسمعني ...كلامه آلمني و علاقتنا الي بدت تنهد اكثر عن الاول المتني اكثر..كنت محطيه أمل اني ممكن نرجع شرات قبل بس الحينه صرت اكيده ان ها مستحيل ...ابتعد عني كأنه متجزز مني..
عطيته ظهري و غطيت ويهي بيديني و يلست اصيح بصوت عالي ...سمعت صوت باب حجرتي يتصكر بقوه ..ما طاوعتني ريولي اوقف فيلست ع الشبريه ...طاحت اعيوني ع التلفون ..اتصل باهلي انهي حياتي معاه خلاص ...حركت ايدي صوب التلفون بس تراجعت قبل ما احط ايدي ع السماعه ..شو بقولهم ..؟؟ريلي مب طايقني لانه سمع حسي اواعد ريال غريب عني قبل عقد قرانا.باياام ....؟؟
عقب سيفاني و سعيد بعرفون اني بهاك اليوم ما كنت بسافر بروحي مع ريال ...غطيت ايدي بويهي و رجعت اصيح بصوت عالي شو الحل يا ربي شسوي ..انا هذي الحياه ما اتحملها ...اوكى ممكن اصبر لكن ع كلام ذياب و تجريحه لي ما اتحمله موليه ..
صخيت يوم سمعت صوت الباب يتبطل صديت الصوب الثاني امش دموعي ع بالي مهره ..عاد تخيلوا لو جافتني اصيح بتفضحني فضيحه..شو بيقولون عني عروس توها اتصيح ...بس طارت افكاري السخيفه كلها يوم جفت ايد ذياب اتزخ ايدي ...حاولت اييرها بس منعني..تميت صاده عنه ..تجرب مني و لصق فيني .و خلني اوايهه

جيت أبزعل عليك وناويٍ بالخصام >>>كل مافي خفوقي بس أزعل عليك>>>بس من يوم شفتك قلت برضى وأجيك>>>خل روحي بروحك هذا أغلى وسام >>خل عيني بعينك خل ايدي بيديك>>ياشروق المحبة ياشموع الغرام
يا ورود بحياتي عطرها يهتديك>>ما تموت المشاعر دامني أحتويك>>انطبع في خفوقي اسمك بحرف لام
وفي عيوني عشقتك في حياتي أبيك

.قال بصوت واطي و هو يمسح دموعي : انا و الله ما احب اجوف دموعج..؟؟
نزلت نظري بالارض رجعت اصيح صدمتني نبرة صوته الحنونه: شوووق لا اتصيحين..
ورجع يمسح دموعي رفعت نظري اطالعه هذا هو ذياب الي من شويه كان محرج علي...زخيت ايده الي كانت حاضنه ايدي وقلته بنبرة ترجي: انا غيير عن الي بالك و الله غير ..هوه كان يبا يفرق من بينا ذيااب
فاجاتني ابتسامته حط عينه بعيني و قال : ها كله ما ينفعني شوق...
حسيت باليأس خلاص..
كمل كلامه: انا ما اقدر ارتبط بانسانه كانت مشاعرها لشخص غيري و مب اي شخص ..انسان حاقد لي...
لصقت فيه: شو بينك و بينه ..انا مالي علاقه ..
رن تلفون الحجره ..طنشه ذياب و قال: مب مهم سالفه قديمه عبالي انتهت بس ما توقعت الامور بتوصل لها الدرجه ..
قلته: انا ما يهمني انا باك ذياب انا وافقت عليك ..لاني اباك انت ...
رن التلفون مره ثانيه فرد ذياب : الو ....ييبوا الغدا فوق ...باي..
كنت بقوله ندى تترياني اتغدا معاهم بس لقيت الوقت مب مناسب و خاصه ان ذياب يرمسني بطريقه وديه يعني ممكن اقنعه انه يسامحني...بس انصدمت يوم وقف و ابتعد عني..نشيت من مكاني
و لصقت فيه : ذبيياب ..
ابتعد عني: ششوق تبين تعيشيني معاي خوف من اهلج ما منعتج بس ابعدي عني و عن اهلي بليز .. و ظهر من الحجره ..انسدحت ع الشبريه مضايجه الله يغربلك يا راشد هدمت حياتي .لعبتهاا صح يا الحيواان ..دوااي استاهل ها الي يطلع عن شور اهله .

.ها الي يسوي شي من ورا اهله ...حطيت المخده ع راسي و انخمدت و انا كارهه حياتي وكل شي فيني ...تمنيت اني ما انش موليه علشان ارتاح من ها الهم ...
نشيت ع رنة التلفون ..مديت ايدي ادور ع سماعة التفلون رديت بكسل: الو ..؟؟
شيخاني: رااااااااااااااقده !!
نقزت : شو فيج يا الدفشه روعتيني..
شيخاني: هههههههه شو ما بتيين بيتنا ..

يلست اطالع الساعه انصدمت جفتها جريب المغرب: قلتها مدري بجوف ذيااب..

رد علي: زين مب مشكله ترا اسمعهم يقولون يبون يتغدون في بيتج ..
ابتسمت : حياكم الله..
شيخاني: اونج راعية بيت..
طفرت منها: يلالالالالالا باي ..
شيخاني: ههههههههههههه باي..

نشيت رحت اتغسلت ..لبست ثيابي معقوله ذياب ما قومني..من الرقاد خلني راقده ع راحتي.. اصلا هوه شو يهمه خلاص ...ما عاد يربطنا شي..و انا بفكر بطريقه اخبر سعيد ..ها اذا قدرت اتجرأ يا ويل حالي ..شو بيستوي بالمستقبل ..الله يستر ...

نزلت تحت الصاله ..ابتسمت يوم جفت مهاري يايه صوبي ككانت تلعب بيللاستيشن مع خوان ندى ..
مهره: عموه تعالي العبي معانا بغلبج..
نزلت و بستها ع خدها و قلت بخاطري لو جافني ابوج معاج بياكلني و تذكرت بألم الي صاار من بينا الظهر...
قلتها: بعدين حياتي ...بروح اسلم ع خالوه زين ..
رردت مكانها تلعب من غير ما اتعلق ع كلامي هاي شكلها ع ابوها يوم اطنش الواحد ...رحت الصاله ..الثانيه حسيت من نظرات فتون و امها و ندى الي ابتسمت لي انهن كانن يرمسن عني ...بس ما حطيت في بالي ...ما شي اقوى من علاقتي بـ ذياب بتأثر بنفسي ولا فتون و امها ما يهمون ...
قلتهن: لسلام عليكم ..

ردن : عليكم السلام ..
وقفت خالوه العوده : يلا انا بسير بيت ريفيجتي ام احمد ..
و ظهرت من الصاله ..طالعت ندى مستغربه من تصرف خالتها بس طنشت ندى و قالت : تعالي قعدي شكلج كنتي راقده ..

يلست جريب منها و قلت : هيه ..سوري و الله كنت تريا ذياب علشان ننزل تحت نتغدا بس رقدت ..
ندى: هي بالاول قال ييبوا الغدا فوق عقب نزل تحت يتغدا ..
فتون : انتي ما صار لج اسبوع امودره زوجج ...
رفعت حياتي: انا وردته متى ..؟؟
فتون: شو كل ترقدين ...
ندى: يمكن تعبانه انتي ما اتعرفين ظروفها..
فتون محرجه: و انتي ليش ادافعين عنها ...؟؟؟ يعني انتي بعد متضايجه من حركاتها ..
طالعت فتون و ندى مستغربه حق شو كل هاه الحينه ....
.ندى : بس فتون ..شو فييج الحينه انتي محرجه..
فتون واقفه: خالي تزوجج علشان ادارين ع بنته مب ترقدين 24 ساعه .لا تنشدين عنها ولا عنه ..
بلعت ريجي كنت بصيح ع كلامها هي ما تدري شو علاقتي بـ ذياب و انه مانعني اني اتجرب من بنته و من ندى .. و كل اهله .
ندى حسيت بها متضايجه: بس عاااد فتون ...
قلتها: فتون ...اذا ريلي اشتكى و تضايج هذيج الساعه لج حق اتعاتبيني بس ريلي راضي ..
فتون : من قالج راضي ..؟؟.و شي اكيد انه ما بشتكي لنا ...توه بنته تباج تلاعبينها و انتي شو قلتي لهاا ...ما اقول غير الله يرحمج يا حنان ...
ما قدرت ارد عليها نزلت راسي بالارض .. و فتون ظهرت من الصاله ....عضيت ع شفايفي علشان امنع دموعي انها تنزل ..من حقها فتون اتقول هالرمسه و اكيد امها قالت نفس الرمسه ما ينلامون لانهم ما يدرون شو يصير ...نشيت ندى و يلست عدالي : شوق ..
قلتها: ما عليه ندى انا فتون اعرفها زين ...ما يحتاي اتبررين ..
ندى: لا تضايجين ...
رفعت راسي ابتسم لها : مب مضايجه بس يوعانه من البارحه ما كلت شي ...
ندى : ثواني بس ازقر الشغاله ..
حطيت ايدي ع يبهتي اتنهد يا ربي اتحمل ذياب ولا اهله .. الحمدلله ان ندى ربيعتي ...جان صج ما بتحمل ...
يت الشغاله و حط لي اللاكـل قعدت و انسولف انا و ندىى ..استانست معاها وايد كانت يلستي معاها خفيفه و حلوه شرات سوالفنا ..كنا نتذكر ايام الدراسه و الكليه...ذكرتني بموقف مره مر عليننـا ...في حصة العربي ...يتني أبلة العربي تعبانه ...كان عندها الضغط مرتفع ...استانسنا يوم قالت ماشي درس اليوم و طوال الحصه حطت راسها ع الطاوله راقده ...كنت انا ووحده اسمها اسماء ...شياطين في الفصل ..فكنا نظهر من الفصل شويه شويه من غير الابله ما اتحس ..

قلت حق ندى: كنت احاول اقنعج اتيين معانا بس كنتي خوافه ...

ندى: ههههههههههههه الحمدلله ما ييت معاج ..يوم وصلتي عند الباب رفعت راسها الابله و راغتج هههههههههههههه اتذكر شكل ويهج..

احتجيت و انا ميته ضحك: هههههههههههههههههههه مب انا و الله كانت اسما ودوها عند المديره .
ندى: و انتي شو يا حظي ..وقفووج باخر الفصل طول الحصه ..
اتذكرت ايام الدراسه روعه ضحكت ع ندى و تعليقااتها: هههههههههههههههههههههههه
بس صخيت يوم جفت ذيااب واقف عدال باب الصاله و كأنه اول مره يجوفني اضحك..
ندى: خالي تعال اقعد تعال بسمعك فضايح عروستك ايام الدراسه..
قلت ندى متلومه: بس ندى ...

ندى: ههههههههههههه لا تتحرا ها وحده هاديه لا كانت شيطانه..
ما توقعت ان ذياب بتجدم و بيقعد عدالي حسبته بطنش كالعاده و بيروح عند بنته او اي مكان انا بعيده عنه .يمكن علشان ندى موجوده معانا ..
ذياب يطالعني و يرمس ندى: عارفها عروستي زين ما زين وقت ما اتكون اتمثلل ولا ع طبيعتها ..
ندى وقفت اتصب له جاي: لالالا مستحيل اتعرفها كثري ...هذي قرينتي مب ربيعتي ...
قهرتني نظرات ذياب و كأنه يقول لي خاينه ...وقفت فقالت ندى: وين وين..؟؟
قلتها: بغسل ايدي عقب بروح بيت اهلي ..
ذياب: مب لازم اتروحين اليوم ..
خذت نفس طويل: ع راحتك...

كنت ابا افتك من نظراته ...ربعت حجرتي غسلت ايديني و يلست اجلب محطات التلفزيون...حياة ممله و تعيسه ...دش علي ذياب ...طنشني رايح حجرته لحقته و قلته : كيف يهون عليك اتجوفني و ما اترمسني ..؟؟عيل انا ليش ما اقدر اسوي فيك نفس الي انت اتسويه فيني ..؟؟
رد ابرود: لاني كشفتج ع حقيقتج و انتي تبين تثبيت لي العكس ..
قلته بانفعال: انا عمري ما مثلت عليك...كم بتحمل هاي الحياه انا بموت "كنت بصيح بس تداركت روحي عطيته ظهري و ظهرت من الحجره "
كنت وايد مضاايجه ..دشت علي مهره اتصيح غمضتني خذتها بحضني سالتها بحنان: شو فيج حياتي ..؟؟
مهره تمسح دمعها: سهيل ضربني ...
قلتها: ما عليه يوم بجوفه بضربه ..
رفعت راسها اطالعني بعيونها البريئه: اضربيه وايد..
ابتسمت لها و قلتها: وايد وايد...
تجدمت علشان ابوسها بس ذياب شلها عني .. طالعني بنفس النظرات يوم كنا تحت فـ الصاله ...
مهره: بابا سهيل ضربني ..؟؟
ذياب: ما عليه حبيبي باجر ما بناخذه معانا البحر...
صرخت مهره مستانسه: انا احب بابا بروح البحر الله ..
فاجتني ضحكته: هههههه
كنت اطالع التلفزيون بس بالي كله مع ذياب و بنته ...راقبته يوم ظهرها من الصاله ..
رفعت راسي اطالعه طنشني قلته: نظراتك هاي مالها داعي ..
ذياب و كأنه يترياني ارمس : لا تقعدين تشكين لي ..مب عايبتنج الحياه قلنالج روحي بيت اهلج..اصلا انتي مب مرحب فيج هني ..حطي في بالج انتي ضيفه هني ... و الضيف عمره ما يطول فـ الدار ...

كلمات كانت مثل الطعون في صدري ...نزلت راسي بالارض يلست اراقب الدموع الي كانت تتناثر ع ظهر ايدي ..وايد يكرهني ذيااب وايد يحتقرني ...
رفعت راسي و انا مجروحه: ودي اروح بس شو اقولهم ..؟
تطنز علي: قولي ان ريلي عرف اني ارمس غيره و كنت مواعدتنه ..
ما تحملت كلماته فشليت الرموت و فريته ..ذياب كان متفاجات مب ردت فعلي او انه ما توقعها ..علشان جي ما قدر يتفادى الرموت الي يااه ع خشمه فصب ع طول دم ...شهقت يوم جفت الدم يسيل من خشمه عفدت صوبه متروعه : ذياب ..
حط ايده ع خشمه و قال : شو سويتي ...؟؟
صحت و انا اجوف الدم : انا اسفه ما قصدي ...
خطفني ولا كأني كنت اعتذر له راح الحمام لحقته ..كان يتغسل بالمغسله كنت اراقبه و قلبي يتقطع يوم اجوف الدم مب راضي يوقف خفت اكثر ..
قلته: ذياااااااااااااااب مب راضي يوقف النزيف ...
تجدمت منه بس رفع ايده :خلج خلج بعيد عني ...
ما همني صده عني بها اللحظات لاني تذكرت الثلاجه الموجوده ف، الصاله فـ ربعت اييب له ثلج...عل و عسى يووقف الدم ...جفته ظهر من الحمام .. و كان زااخ كلينكس بيده ..مدت ايدي و ترجيته: خذ الثلج بينفع ...

ابتعد عني امطنش الثلج الي بيدي ...و قال: ما يحتاي بدا يخف ..
جفته يفصخ كندورته لانها اتوصخت دم ..تجربت منه عقب ما فريت الثلج فـ الحمام..شلت كدورته الي عقها عالارض علشان انظف الدم منها بس تفاجات يوم ييرها عني فقلته: بنظفها..
قال: بفرها بالزباله ...
طالعته هالانسان بارد ...ما توقعته جي يا برودك يا ذياب ...طلعت من الحجره قبل لا افلعه مره ثانيه ..يلست ع الصاله ارتجف و انا اتذكر كمية الدم الي نزفهااا ...جفته تاخر بالحجره فرحت له ...لقيته منسدح عالشبريه يطالع السقف يلست ع طرف الشبريه الصوب الثاني و قلته : انا اسفه...
ماشي رد............................
ترجيته: ذياب ..رد شرات قبل ..
رد ابرود : متى قبل لا اعرف انج راعيه تلفونات
همست: انت ما منك فايده ...بس انا احبك...متحمله كل شي علشانك ..
طالعني و رجع يطالع السقف بس هالمره غمض اعيونه ...
قلته: فتون من ساعه قطعتني بالرمسه اسال ندى...
جفته ما علق ع كلامي فكملت: تظن اني ما اهتم بك ولا بمهره ..هي ما اتعرف ...
قاطعني ووقف جنه يبا يظهر : خلج منها ...
وقفت معاه: بس اترفزني ...
رد علي عقب ما شل غتره بيده: طنشيهااا ...
قلته: وين بتروح..
قال: ما يخصج ..
قلته: بروح بيت اهلي ..
رد علي : مب لازم خليها باجر ..
قلته: زين يبون يتغدون معانا باجر ..اتصل بهم اعزمهم ..
طالعني بنظرات ما فهمتها..و طلع من حجرتي ...تنفست من الغيض ..و ها الانسان العنيد الله ياخذك يا راشد خربت حياتي بخبثك و حقدك..بس اموت و اعرف شو بين ذياب و راشد...؟؟
نزلت الصاله تحت جفتهم متيمعين يطالعون التلفزيون فيلست معاهم ...
مهره: عموه
شلتها و حطيتها بحضني ..
مهره: هذا سهيل ضربني يلا اضربيه ...
ابتسمت لها و قلتها: انتي ما تنسين شرات ابوج ..
مهره: يالله اضربيه ..ضربني ..
قلته اوني اخوفه: سهيل ليش تضرب مهرا هذي اخر مره زين حبيبي ...
خالوه العوده: غريبه يالسه معانا ...
قلتها: لاني ما رحت بيت اهلي ...
فتون و كانها تتمصخر : و بتتعشين معانا ...
سكت ما رديت عليها يلست اطالع التلفزيون ...جفت اخو فتون نوااف داش بيده البوم صور ربعت فتون من مكانها و يرت عنه البوم : ليش متعبث بالبوم ملجتي ...
نواف: بس بجوفه..
فتون محرجه: منوه امرك تدخل حجرتي هاه ..
قلتها و انا فيني فضول : ممكن اجوفه فتون ...
مدت فتون يدها و عطتني اللبوم ...عيبني شكلها و شكلها استانست يوم قلتها شكلج غير و جنج وحده عروس مب حفله عقد قران ...يلست اتراويني الصور .. جفت ذياب ..مدري ليش رقع قلبي و كأنه واقف جدامي ..بس انصدمت الا انصعقت يوم جفت صورة الريال الي دعمته موزي ..
قلتها: منو هاه
ردت: هاه اخو هزاع ..اسم عارف ؟؟
استانست موزي للحين اتحاول اتعرف عنه شي و انا شكلي الي بخبرها عنه ..
قلتها: شكله اكبر عنى ريلج بس ريلج احلى ..بس اقولها جي علشان تستانس مني و بالفعل استانست
و قالت: هي ها اخوه الاكبر ممب معرس بس سمعت هزاع يقول يفكر يخطب ..و الظاهر بسون عرسهم في يوم واحد..
دعيت في قلبي انه يكون من نصيب موزي لانها تستاهل كل خير لانها طيوبه و حبوبه ..قعدت اسولف مع ندى و فتون و خالوه العوده سوالف كثيره ..هالمره ما ضيجوا بي ابد ..مر الوقت الين ما تعشينا ..و اتصلت بذياب بس ما رد علي ..و من اتصلت به خالوه العوده رد عليها انحرجت من الموقف ..المهم قالها انه بتعشى برع مع الربع ..
..من عقب هاليوم عرفت شو الي يريح خالوه العوده و فتون اني اجابلهم في البيت 24 ساعه ...فصارت حياتي مع ذياب جي ..ما قمت اجوفه بالمره الا اذا ياه يرقد او يلاعب بنته ولا ياكل و يشرب ..حرمني منه موليه ..حتى مشاعري و احاسيسيه صوبي تعبت وايد ..و الي كاسر ظهري ان ذياب ما قد ظهر مشاعره صوبي ابد ...قدرت امتص غياض فتون و امها من صوبي يوم كثرت يلساتي معاهم ..لدرجه اني قللت المشيه بيت اهلي..حتى باابااتيه ما قمت اجوفه وايد.
.كنت اسمع وايد ملام و معاتبه من صوب اهلي لاني قطعتهم ما عدت اسمع اخبار حد..حتى عن سيفاني و بدور..ما ادرى وين وصلوا ولا خبرت موزي عن سالفه عارف ...حياتي انجلبت فوق و تحت ..صرت بس احسب حساب اني اراضي أخت ذياب و فتون حتى ارتاح معاهم فـ البيت و هاي كانت اكبر غلطه لي...
ذياب كان ملاحظ اني قطعت اهلي بس ما علق ع شي موليه ...

مرت اسابيع ع ها الحال .. و احس الي صار بيني و بين ذياب شعره ممكن تنهد باي لحظه ...الين ما ياه اليوم الي اتصلت فيه شيخاني فـ ليل طيرت عقلي مني يوم قالت باباتيه بالمستشفى رقدوه ...

ربعت برع الحجره صوب ذياب الي كان يطالع التلفزيون بوقت متاخر..تفاجا يوم جافني يايه صوبه و انا اصيح.
نقز: شوفيج..
زخيت ايده اترجاه: باباتيه بالمستشفى تعبان ..خلني اروح له دخيلك..
وقف ابسرعه : زين لبسي ...

رحت شرات المينونه البس ثيابي و عبايتي و شيلتي ..قلته: مهره بتم بروحها بالحجره..
ذياب: ما عليج بزقر لها الخدامه ...يلا تعالي..
ركبنا سيارته حاولت اتصل بسيفاني و سعيد و نحن ع الخط بس محد يرد علي يلست اصيح ..ما توقعت ان ذياب بزخ ايدي و انا ما صدقت و كأن الحياة ردت لـ قلبي يوم حسيت بلمسته..
قالي بصوت حنون: لا اتصيحين شوق مافيه الا الخير ...ان شاء الله ..
رصيت ع ايد ذياب: بالفتره الاخيره قطعته ما قمت اجوفه..يا ويلي ..باباتيه بروح عني ..و الحينه محد يرد عليه دواي استاهل ...
ذياب كان متعاطف عليه: شوق لا اتسوين بروحج جذا ..علشاني زين لا اتصيحين ...
ما كنت مصدقه ان ذياب جي يرمسني... فحاولت اسكت و قلته: باباتيه بيكون بخير ..
ابتسم: ان شاء الله ...
وصلنا المستشفى .. رحنا صوب الطواري ابسرعه ..جفت سعيد و سيفاني واقفين برع ...تجدم مني سعيد يوم جاف جي حالتي ...قلته: وين باباتيه ..
سعيد يطمني لوى عليه: ما فيه شي شوق لا اتصيحين..
ترجيته: احلف انه ابخير ..
سعيد بكل حنان: اسئلي سيفاني ..
طالعت سيفاني ابتسم: اكيد هذي شيخاني يبا حد يقص لسانها ...روعتج...
قلته: سيفاني شو فيه باباتيه قول الصج..
سيفاني: ما فيه شي ...الحمدلله كل شي بخير ..
صحت: عيل شو يسوي هني جان هو بخير فهموني ..
ما توقعت ان ذياب اييرني من سعيد و يلوى عليه يخفف عني : حبيبي هدي ...
لو كنت بموقف غير ها الموقف كنت طرت من الوناسه ..بس خوفي ع باباتيه شغل بالي وايد ...
قلت سعيد: ليش ما قلتوا لي ادري شايلن علي بقلبكم لاني ما قمت ازوركم وايد..بس ها مب معناته ما احبكم
سعيد و كانه مستغرب : من قال هالكلام...ندرى انج مشغوله بحياتج ...
سيفاني : شوق لا تقعدين اتخربطين فـ الرمسه ..
حطيت راسي ع جتف ذياب يوم قال لي : المهم اهلج و الوالد ابخير ..
قلتهم: ابا اجوفه زين ...
سعيد: زين خلي الدكتور يظهر بالاول ...

طلع الدكتور من الغرفه تجدمنا صوبه .
.الدكتور: الحمدلله ما فيش اخطار بس كان محتاج جرعة اوكسجين ...
سيفاني: يعني اهو ابخير نقدر انظهره من المستشفى ..
الدكتور: مافيش مانع .بس انا افضل الليله يبات فـ المستشفى ....لي بكره الصبح باذن الله يعني تحت المراقبه ..
طالعت ذياب مرتاحه ابتسم لي و قال: ارتحتي..
هزيت راسي بمعنى هيه التفت لـ سعيد يوم قال: يلا تعالي انجوفه ..
سعيد: ما فيش مانع يا دكتور ..
الدكتور : اه طبعا اتفضلوا ..
دشينا الغرفه و ذياب بعده كان لاوي عليه و جنه خايف اتصرف تصرف خبال ...يلست اصيح من جفت باباتيه منسدح عالشبريه ...رحت صوبه و لويت عليه ..حط ايده ع ظهري ..
رفعت راسي اطالعه قلته: سامحني حبيبي و الله اني امقصره معاك...

ارتحت يوم جفت ابتسامته و كأنه متفهم موقفي و راضي عني قلته: لو كنت ابروحي معاك ..كنت حكيت لك ظروفي كلها ..
سيفاني :ذياب ..شوق شاربه شي اليوم.
ذياب: هي ريدبول ..
سعيد+ذياب+سيف= هههههههههههههههه
حرجت عليهم : متفيجين تنكتون
سعيد يأشر لي: شوق طاعي طلع لج جناح بطيرين ...
سعيد +ذياب+سيف: هههههههههههه
عقدت حياتي : انا الي بديت اشك انكم شاربين شي ..
سعيد تجدم و يبوس راس باباتيه: سلامات ابويه .
و نفس الشي سيفاني و ذياب ...
قلتهم: انا بتم مع باباتيه الليله ..
سيفاني: ما يحتاي انا بتم ..
قلته: ما اروم اهده ..
ذياب: باجر الصبح بييبج شو قلتي ...
سعيد: هي احسن شو اتسوين اتباتين ابروحج هني ...
قلته: عيل باجر بيي اتغدا معاكم .."طالعت ذياب فرد علي " ما يهمج حتى انا بيي اتغدا زين جي ..
ابتسمت له هالانسان و الله ما ينعرف له ..بس وقت الشده ينسى كل غيضه ..قعدنا حوالي ربع ساعه لاخر لحظه يوم وقف ذياب .يعلن انسحابنا ..لاحظت ان طوال يلستنا كان زاخ ايدي ....وقفت معاه ..سلمت ع باباتيه و بسته ..و قلته: باجر ان شاء الله بييك ..زين فديتك..
وبالمره وقف سعيد ..يبا يروح ..ظهرنا رباعه و تم سيفاني بالمستشفى مع باباتيه ...
و بالرده قلت ذياب: مشكور ..
رد علي ابرود: ها واجبي ...
زخيت ايده: ربي ما يحرمني منك ...
يير ايده عني و كأنه يقولي خلاص انتهى خوفج يعني ماله داعي وجودي ..
همست : ذياب ..
رد علي: لا تظنين الي صار بخليني انسى اساس علاقتي فيج و شو طبيعتها ...
بند السياره و نزل فلحقته ...دشينا البيت متاخر ..بها الليله حاولت ارقد بس ما قدرت..افكار تضارب براسي مره باباتيه و مره ذياب و مره حياتي الي احس انها صارت بلا طعم ولا معنى ...
فتحت اعيوني ع الساعه 10 الصبح...ع طول اتصلت بسيفاني ..ما رد علي ..رحت الحمام اتغسلت .عقبها ..رجعت اتصلت ..بعد ما رد علي ..اتصلت فـ بيتنا .
..ردت عليه شيخاني : الو ..
قلتها: شحالج ..؟؟
شيخاني: بخير اخيرا تذكرتينا ..
قلتها: شخبار باباتيه وينه ..؟؟
شيخاني: هذوه يالس عدالي .
استانست : يعني ظهر من المستشفى ..
شيخاني: هي الصبح سيفاني يابه وراح رقد شكله تعبان.
قلتها: ابيه و انا اتصل ازعجته ... زين وين ماماتيه ..
شيخاني: لحظه .
سمعت حس ماماتيه: ماماتيه شحالج..
امايه: ابخير شحالج انتي يمه ..
قلتها: ابخير ..سامحيني.. قاطعتنكم..
امايه: ما عليه يمه صار عندج بيت و ريل هم اولى ..
قلتها بكل صدق : فديتج و الله ..اخته تضايج جان ما قعدت معاهم او ظهرت بروحي هي بنتها ..
امايه: فديتج و الله اني اعرف هالسبب ..ما عليج من خراط اختج ...وقت ما تبين اتزورينا حياج ..
قلتها: فديتج انتي فاهمتني بس متلومه من اخواني ...المهم اني اليوم بتغدا عندكم انا و ذياب ..
امايه: حياج يمه قالي اخوج سعيد..قوم خالتج حليمه بعد بيون .
استانست: الله و الله لهم وحشه ..الله يستر من لسانهم..
امايه: هههههههههههههههه ما عليج منهم اهم شي ريلج و بيتج يمه ..
استانست يوم جفت امايه اتقدر ظروفي ...: قلتها زين بروح اطالع مهره ..
امايه: الله يحفظج سللمي عليهم ..
قلتها: ان شاء الله ..
نزلت تحت بالصاله ..جفتها فاضيه استغربت رحت صوب حجرة ندى جفتها راقده و عدالها مهره ..ييريت عنها اللحاف: قومـي بسج كسل,,
ندى تجلب ع الفراش: خليني راقده شوقاني...
قلتها: غريبه راقده للحين..
ابتسمت : احلم ..خربتي علي..
بطلت اعيوني: تحلمين في منوه ..؟
ندى: عمي مطرش البارحه يبا يخطبني رسمي و نملج..
شهقت من الصدمه حتى ندى لاحظت هالشيء ...يلست ابسرعه: شو فيج..؟؟
قلتها: انتي وافقتي..
ندى: لا بس شكلي بوافق ...
كنت بقلها ذياب شو قال بس تذكرت هاك اليوم كيف حرج علي يوم ر مست ندى عن هاي السالفه ..بس ندى ابروحها قالت: خالي قال فكري زين ...
قلتها : زين قومي خلناا نتريق ..
قومنا مهره معانا ... و شويه شويه نشوا كل الي في البيت ..فديت ذياب بالدواام...تريقنا عقبها قعدنا انطالع التلفزيون ...اهم شي ارتحت من تعليقات و نغزات فتون وخالوه العوده قدرت اكسبهم ابين لهم اني صرت وحده منهم و اشاركهم بكل شيء بس ذياب الي للحين ما اعرف كيف اوصل لقلبه مره ثانيه ...وقت الظهر رحت حجرتي شيكت ع موبايلي جفت مسج..فتحته لقيته من ذياب اول مره يطرش لي مسج من عقب ما تزوجنا ابتسمت كانت من بينا كل مسجات ايام الملجه ..تنهدت و انا اتمنى ترجع هالايام ...قريت المسج " تزهبي من ارجع من الدواام بنروح بيت اهلج"
رحت اتسبح و اتعدل و اتمكيج و يتني مهره فلبستها و عدلتها كانت مستانسه انها بتظهر معانا ...شويه ودش علينا ذياب عفدت له مهره: بابا بروح معاكم ...؟؟
طالعني ذياب بنظرات لوم: انا ما قلتلج انج بتروحين معانا ..
مهره وشويه بتصيح: عموه قالت بروح معاكم ما يخصني..
ذياب: زين حبيبي روح تتحت اتريينا
مهره: بروووووووح
ابتسم لها ذياب: هي..
ربعت برع مستانسه ..قلته: ذياب انا فكرت أخذ مهره
قاطعني: ما يحتاي اتبررين..
ودش الحمام يتسبح ...عقب ربع ساعه كنا في بيتنا ....دش ذياب الميلس لحقته كان باباتيه هناك سلمت عليه و قعدت ابوسه و اتحمد له بالسلامه ذياب كان يراقب الموقف بس ابد ما علق ع شي ... عقبها رحت صوب الصاله ...صرخت من الوناسه يوم جفت بدور...لوت علي.
.و قالت: يا الدبه و الحماره يا الخايسه ..يالي ما صدقتي انج عرستي ...وحشتيني..
ضحكت عليها: ههههههههههه وين ايامج بدور..اخبارج و اخبار ..
عضت ع شفايفها اتسكتني و اتأشر بعيونها ع الموجودات داخل الصاله..
ضحكت ع حركتها: هههههه فهمت ...
دشيت و سلمت ع موزي و حصه و شيخاني و خالوه الي هزأتني من الخاطر لاني قطعتهم ..كل هاه علشان اكسب رضى اهل ريلي شسوي يا خالوه .. و بعدين انا مب مينونه ادش بيتكم ..و راشد موجود به دمر حياتي الله يغربله ...
قعدنا انسولف ...و نضحك...و نسينا للحظات اللوم و العتب من صوبي .. حمودي اندمج مع مهرا و قعدوا يلعبون مع بعض...ييرتني موزي ع صوب و قالت لي : بقولج خبر بتستانسين عليه .
قلته: حتى انا عندي لج اخبار حلوه كنت ابا اخبرج من زمان ...
موزي: شو قولي شوقتيني ..
شوق: لا باول انتي قولي شو سالفتج ...؟؟
موزي صاصرتني باذوني: سعيد امرمس حصيص عن واحد يبا يخطبني ..
حطيت ايدي ع حلجي مب مصدقه : يا رب يكون عارف .
موزي مصدومه: كيف عرفتي اسمه ..
ططرت من الوناسه: يعني هوووووووووه..
موزي: هيييييييييييييييييي هههههههههههههههههه
قلتها: هو اخو هزاع ريل فتون ..
موزي ضربتني ع جتفي: و يوم اتعرفين جي ما خبرتيني هاه صج انج تغيرتي ..
كلام موزي عورني بس وناستي لها كانت اكبر فطرت و لويت عليها : ههههههههههههههه فديتج مبروك موزي..ع طول وافقي بدون تردد..
قلتها: اكيييييييييد."وطت صوتها" حصيص قالت لي انه يبا يعرس بسرعه هو و اخوه نفس اليوم ..
قلتها: صح فتون قالت لي مره ان ريلهاا قالها اخوه يبا يخطب و بسون عرسهم بيوم واحد...
موزي : الله روعه ..
نشت موزي من مكانها يوم زقرتها خالوه حليمه ...جفت حصه يالسه سرحانه نشيت رحت صوبها ..ابتسمت لي :شحالج..
قلتها: ابخير انتي شو بلاج قاعده ابروحج..
قالت: ماشي افكر بالحمل ...
قلتها: باي شهر صرتي ..؟؟
ابتسمت: بدش الخامس ..و انتي ما صار شي ..
قلتها: لا تو الناس ..
حصه: تقريبا شهر و نص مر ع زواجكم..
هزيت راسي بمعنى هي و انا اقول بخاطري جنه عشرين ..سنه ..سمعت صرخت مهره من فوق بصوت عالي رفعت راسي اطالعها جفتها هي و حمودي و شكله حمودي ناوي يطيحها من ع الدري ..ربعت صوبهم اصرخ ..
لا حمودي لا ...

اشتقتلك يا فرحة العمر وينن ..يللي عيوني منك ينبع ضياها
لولاك يا الغالي بدنياي ما كنت ..اشفق على ايامي تطول مداها
اهين نفسي لك بمرضات لاهن ..واتبع هواك بعسرها عن هواها

________________________________________
ربعت ابسرعه فوق الدري ...شليت مهره ابسرعه لان حمودي كان زاخنها يبا يدزها من فوق الدري ...
قلته: توك شحلاتك تلعب معاها ..
حمودي: ليش تضضربني ..
مهره اتصرخ: عيل ليش يضربني ..
قلت : حمودي حبيبي هذي مهره يايه تلعب معاك ..حرام لا اتسوي فيها جيي و بعدين الريال المفروض اتدافع ع الحرمه هب تضربها فديتك..
حمودي: انزين ما بضربها ..
بسته ع خده: فديتك انت الشاطر.
مهره مكشره: انا بعد شاطره..
قلتها: و حلوه ولا تزعلين ..
وصلت حصه فوق: شو السالفه ...؟؟
شوق: ماشي يضاربون كان يبا يفرها من ع الدري..
طالعت حصه حمودي بنظرات عتب ...فاندس وراي ..مترووع ...
ضحكت عليه: ههههههههههههههههه ما بتضربك حبيبي ..
حمودي: يوم تبطل عيونها يعني بتضربني ..
حصه+ شوقق: هههههههههههههههه

نزلت مهره و حمودي تحت بالصاله و حصه نزلت ..لمحت ان بدور مختفيه ؟؟ غريبه وين راحت ...طلعت برع الصاله ...جفت باب الزراعه مفتوح رحت صوبه بس ريولي ما شلتني يوم سمعت صوت سيفاني
يقول: اوووه خبلتيني فيني ..
بدور: انت الي طفرت فيني ..
حطيت ايدي ع حلجي سيفاني و بدور من متىىىىىىىىىىىىىىى...ليش ما خبرتني بدور ان سيفاني صالحها خلاص ...
سيف: الحينه صار لي ساعه قاعد اقنعج اخر شي اتقولين لي لا ..
بدور: كيفي انا اباك الحينه تخطبني ..
كنت بضحك ابصوت عالي هاي بدور دفشه وويها لووح .. و الظاهر ها السبب الي خلا سيفاني يتعلق بها ...
سيفاني: انا اباج اتكملين دراستج...
بدور: شوه اتخاف يقولون لك حرمته ما عندها غير شهاده ثانويه..
سيف: اففففففففففففففففففف ..بدور ها مستقبلج ..
بدور: زين ليش تعصب علي انا ما ابا اكمل دراسه ..
سيفاني: نسبتج عاليه ...؟؟ حرام اضيعين ع عمرج..
بدور معانده: ما توقعت اييب هاي النسبه ..هذيج الفتره كنت ابا اطنشك فانشغلت بدراستي ...
سيفاني: زين شو رايج اخطبج بس خطبه و العرس عقب ما تخلصين كليه..
بدور: لا و الله ...سيفاني حبيبي احبك ..ابا نعرس شو دراسه ما دراسه..
عضيت ع شفايفي يوم حسيت ان كلامهم بتغير مساره .. و حسيت بالخجل لاني قاعده اتسمعهم ..رحت بعيد عنهم ..المهم تذكرت ايام ما كنت اجوف راشد في بيتهم او بيتنا ..بس شتان بين علاقتي ب راشد و علاقة بدور بـ سيف ..حسيت بالخجل يوم تذكرت ايامي مع راشد غير كلام ذياب الي رن في اذوني" الله يستر شو مخباي لي بعد " تنهدت ..ورحت صوب الميلس ...كنت بدش بس غيرت رايي.. اخاف ذياب يحرجني ولا شي .. رديت الصاله ...عقبها التمينا كلنا و اتغدينا ... كنت اطالع بدور بنظرات جنها فهمت ... كنت ابا اعرف كيف تراضوا هي و سيفاني يمكن استفيد و اراضي ذياااب ...
بس ما كان شي وقت للان ذذياب زقرني يبا يروح البيت ...لحقتني امايه عند باب الحوي اتسلم عليه ..
ما توقعتها اتقول حق ذياب: داري ع شوق يمه ..
طالعني ذياب و كأنه ظن اني خبرتها شي فقال: ان شاء الله ..
امايه: عاد كل يومين يبها لنا ..
ذياب: فالج طيب بس ان شاء الله هاليومين ...يمكن نطلع صوب الشارجه.
رفعت راسي اطالع ذياب ..معقوله يبا ياخذني الشارجه ..؟؟ ما قال لي ولا لمح...يا ليت يكون راضني يا ليت ...
ظهرنا من البيت ..في السياره اتذكر اليوم ..اشياء حلوه مرت علي موزي انخطبت من عارف انسان تباه .. و سيفاني و بدور شكلهم صاروا سمن ع عسل ..يا ليت حياتي تتعدل مع ذياب و كل شي يتصلح اتمنى ..

وصلنا البيت ع اذان العصر ..دشيت اصلي و مهره راحت تلعب مع سهيل و عبيد..و ذياب طبعا كالعاده ظهر من البيت و ما بيرجع الا وقت ما بيرقد ...حياة ممله ..رحت ايلس عند قوم خالوه العوده و عرفت ان فتون و ندى ظهروا السوق ..
خالوه العوده: ها استانستي بيت اهلج..
قلتها: الحمدلله صار لي فتره ما جفتهم ..المهم تطمنت ع ابوي ..
خالوه العوده: شو فيه ابوج ..مب البارحه رحتي له المستشفى و كان ابخير ماله حايه اتروحين له اليوم..
كتمت غيضي الحينه من زمان قاطعه اهلي علشان ارضيها و بعد تعاتبني لاني رايحه اجوف باباتيه
قلتها: هذا ابوي ...وواجب علي اتطمن عليه ..
خالوه العوده: زين ما قلنا شي ...دام ريلج معاج ما انروم انقولج شي ..
تنهدت و قلتها: ذياب قال يمكن بنطلع الشارجه ..
خالوه العوده: هي يبا يغير جـو ...فيه الخير اخوي يبا يطلعنا انغير جو..
حسيت بخيبه يوم عرفت انهم بطلعون معانا ع بالي انا و ذياب و مهره بس ..تبون الصدق تضايجت من الخاطر ...لاني خفت ينكدون علي طلعتي ..ابتسمت اتطنز ع روحي و انا ع بالي ذياب رضى عني و يبا يطلعني ...
خالوه العوده: هب حرمته حتى ما تنزلت اتقول تفضلوا تغدوا بيت اهلي ..
صدمتني قلتها: نحن مب مسوين عزيمه .. و بعدين انتي مب غريبه حياج الله بكل وقت ..
مدري ليش عصبت و قالت: عيل قوم خالتج شو يسون عندكم
كنت برد عليها بس تذكرت امايه اتقول اهم شي ريلج و بيتج فسكت عنها ..وقفت علشان اتجنب المشكله الي ممكن اتصير بيني و بينها ...بس وقفت يوم سمعتها
اتقول :لكن شو انقول الخير جايفنه هب شرات بعض الناس يدورون لبناتهن ريال علشان جيبهم
حرجت عليها و قلتها: شو قصـدج ..
بس سكت يوم سمعت صوت ذياب من وراي يحذرنـي : شوووووووووووووق ..
كنت بصيح من الغيض ..تمنيت انه دش قبل علشان يسمع اخته شو قالت لي ...
خالوه العوده : اشوه انك دشيت و جفت بعيونك و سمعت باذونك كيف اتعاملني ...
شهقت و طالعتها قلتها: انتي قاعده تستفزين ...مدري شو بلاج علي ..
تجدم ذياب و قال بصوت هادي : بس شوق ...
طالعته و كنت بصيح: كانت اتقول لي ..."بس نظرات ذياب لي خلتني اصخ"
خالوه العوده: من جي ما اباها اتروح بيت اهلها مدري شو يقولنها عنا يفرون مخها ولا هي طول ما قطعتهم شحلاتها كانت ..
ذياب : اختيه خلاص مهما كان هذي حرمتي ..ما ارضى عليها ..
طرت من الوناسه يوم جفت ذياب يدافع عني ووقف بصفي ..ابتسمت اطالعه ...لمحت خالوه العوده حرجت فقالت بعصبيه : يعني انت عايبنك ..الي اتسويه حرمتك..
زخ ذرااعي و جربني منه : ما عليه انا راضي لانها ما ضرتني ولا قد جفتها ضرتكم بيوم صح اختيه ..
صخت خالوه العوده و ما عرفت شو اترد عليه ..لان كلام ذياب صحيح..انا قطعت اهلي علشانها .. و فوق ها اتعق علي رمسات ..
خالوه العوده و شكلها منحرج: انت حر يوم انت راضي عنها انا ما فيني اتدخل ..
طالعني ذياب فابتسمت له و انا اتفداه بداخلي لانه دافع عني قال لي: روحي فوق
هزيت راسي و قلت حق خالوه العوده : السموحه منج خالوه ..
ما ردت علي ابتسمت لـ ذياب و رحت حجرتي ..ها الريال بذبحني يا عالم بموت بسبته ...يصد عني و مقاطعني بس وقت الشده يوقف معاي ...ما يرضى عليه ..فديته ...سمعت صوت باب الصاله ينفتح ربعت صوبه ..
ابتسمت له : ذياب متى بنروح الشارجه..
فاجاني بروده: باجر ..
نقزت ابمكاني : اخيرا بغير روتيـن حياتي ..."لصقت فيه وهو يطالعني " كم يوم بنقعد..
بعد ايده عني فانحرجت و ابتعد : مدري ع حسب اختيه.."طالعني" هذي اخر مره اجوفج اترمسين اختي بها الطريجه ..
قلته: هي اتحط علي ..كانت اتقول ان اهلي مزوجيني لك علشان جيبك مب علشان الستر ..
طالعني بنظرات استهزاء: ليش مب كان ها غرضج..
حسيت ان ويهي احمر من تعليقه ...صديت عنه ..لو تماديت معاه اظن بكفخه باي شي جدامي ...
دشيت حجرتي اتفاجات بصوته وراي: زهبي شنطج و شنطة مهره..
قلته و انا شويه بصيح : ما بروح معاكم بروح ايلس بيت اهلي ...
ذيااب: بتروحين ..
طالعته و صحت: انا اكرهك يوم تعاملني جي اكرهك ..
تغيرت ملامح ويه ذياب متفاجا...ما علق ولا قال شي ع طول ظهر من الحجره و يلست اصيح .. كم بستحمل هاي الحياه كم يا ربي ...
من ها الموقف الظاهر اتكنسلت روحت الشارجه ... و خالوه العوده تمت منتفخه لي بس انا كنت متحمله نغزاتها لان عقب ايام بنتقلون بيتهم اليديد... و لاحظت من قلت لـ ذياب اكرهك..ما قمت اجوفه موليه ...ولا كأني عايشه معاه بنفس البيت ..ها الشيء كان معذبني و مطفر بي ...بس ما بيد حيله ...و بها اليوم المفترض ينتقلون بيتهم اليديد ...رحت الصاله و كنت زاخه مهره ... ذياب كان يتريانا علشان ياخذني بيت ابوي ...
ذياب: مهره وين رايحه..
اندست مهره وراي : بروح مع عموه ..
ذياب: روحي داخل العبي عند سهيل و عبيد..
مهره مصره: بروح مع عموه..
قلته: ذياب حرام متعلقه فيني ..خلها بتلعب مع حمودي ...
خالوه العوده : شوه تبين تعلمين البنت ع الهياته ...
ما رديت عليها ولا حطيت عيني بعينها كنت اطالع ذياب الي طالعني يوم اخته عقت علي هاي الرمسه ..
ذياب: ندى قومي خذي مهره دااخل.."طالعني" يلا طوفي
صرخت مهره و اتعلقت فيني تباني اشلها : بروح مع عموه .."ويلست اتصيح يوم جافت ندى واقفه."
شلتها و قلتها: حرام عليك ذياب ...تكسر خاطرهااا ..
ادري ذياب ما يبا بنته تتعلق فيني بس الظاهر مهره اتعلقت فيني خلاص ...
وقفت ندى يوم جافت مهره اتصيح فقالت: تغمضني خالي خلها اتروح مع شوق ..شو فيها ..
نشت فتون من مكانها :- انا باخذها عنج..و قعدت اتسحب مهره بقوه حتى ان مهره شمختني برقبتي ...فاضريت اعطيها لـ فتون ..قلبي تقطع ع مهره ...ذياب ما قال شي موليه... ودتها فتون داخل و مهره اترافس اتصيح تبا تنزلها عالارض
و اتصرخ: عموووووووووه عمووووه
ما طاوعه ذياب يجوف بنته جي فتجدم و خذها عن فتون وودها فوق ابروحه علشان يقص عليها بكلمتين و يسكتها مثل كل مره ..
خالوه العوده : سويتي لنا مشكله علمتي البنيه اتهايت كل مكان ..
حرجت و غير موقف فتون مأثر علي قلتها: وين بتروح يعني بيت ابوي مب مكان غريب ..

خالوه العوده: دام اهلج متعلقين فيج جي زوجوج من اول ..
كنت عارفه ندى مب عايبنها الوضع ورغم هاه ما تقدر ترد ع خالتها لان اتسوي لها الف احساب ..
قلتها: بنجوف بنتج جان بتصبرين عنها عقب ما اتعرس ...

فتون فاجاتني : ما يخصج فيني ...شو جايفتني شراتج ..
قلتها : شو فيني انا ...!!
ندى تجدمت و زختني من ايدي : خلاص شوق تعالي نتريا خالي برع ..
تجدمت مع ندى لاني اصلا ما ابا اسوي مشاكل و خااصه ان ها اخر يوم لـ فتون و امها في بيتي ...بس حرجت من الخاطر يوم سمعت خالوه العوده اتقول : يحليله اخوي الله بلاه ..
التفت لها كنت بصيح من الغيض : انا بشوه ضايجتج علشان تعامليني جي ..."للحظه شكيت انها اتعرف عن سالفتي براشد بس استبعدت هالشي يوم
قالت : اخوي ما يبا وحده اتهايت ..
قلتها:: انا رايحه بيت ابوي .. و جان عن المهايته طاعي بنتج كل يوم ناقزه الاسواق انا يوم كنت مالجه بالغصب ذيياب يطرشني اروح اتزهب ..حق عرسي ..
فتون : شو قصدج
ندى: بسكم ...حرام عليكم..
قلتها: ندى انا غلطت بحق اهلج ..
خالوه العوده واقفه: اووووووه خليني اروح حجرتي اخير لي ...لو تميت هني ما بيصير خير ..
تمنيت ان ذياب يكون موجود .جان محد قدر يرمسني بها الاسلوب تمينا نراقبها انا ندى لي ما اختفت ..
ندى: تعالي شوق نظهر برع ..
فتون : هذا طبعج يا ندى..من صغرنا و انتي دوم تفضلينها علي ...
طالعنا بعض انا و ندى ...فتون موليه ما بتخف غيرتها من علاقتنا ؟؟
فتون و كأنها بتصيح : انتي دوم تحبينها ..اكثر عني انا بنت خالتج لكن هاي وحده ما تقربلج بشي ...
قلتها: انا حرمة خالها و خالج..
فتون محرجه: انا ما رمستج انتي ..
قلتها: شو سويت فيج علشان تكرهيني ..
فتون: انتي جفتي اسلوبج مع امايه كيف كان ..
قلتها:: هي الي اتحط علي دوم انتي بروحج شاهده ع هالشيء ...
فتون:حتى و لو انتي اصلا وحده مب محترمه ...
شهقت ندى: عيب فتون ...
كنت برد عليها بس ترجتني ندى: دخيلج شوق تعالي نظهر برع ما نبا مشاكل ..علشان خاطر خالي .
تجدمننا و جريب نظهر من الصاله ..عفدت فتون و زخت ندى من جتفها : مب كل مره بتهديني و بتروحين معاها ..
شهقت ..حتى ندى شهقت من الصدمه يوم جفنا الغيره بعـين فتون ..
ندى: أأأأي فتون هديني ..شو فيج..
فتون شكلها بتصيح :ما بخليج اتروحين معاها ....
تعاطفت مع فتووون وايد مدري ليش حسيت بالشفقه من صوبها ..
فقلت: ندى خلاص تمي معاها انا بتريا ذياب برع ..
ندى متضايجه من لمست فتون: زين فجي عني فتون ...كسرتيني
تجدمت علشان اهدي فتون حطيت ايدي ع ايدها الي كانت زاخه جتف ندى : فتون خــ ـ ـ ـ
بس فتون قاطعتني و دزتني بقوه ع بالها اني بسحب ندى عنها صرخت صرخت ألم و كنت بطيح عالارض بس زخني ذياب ...الي اخيرا ظهر ع الساحه و بوقت متأخر وايــــــد ...
ابتعدت فتون عن ندى متروعه يوم جافت ذياب و قالت :ما كان قصدي..

.بس فاجاني ذياب يوم صفع فتون ...الي غطت ع ويها و يلست اتصيح بمكانهـاا ...ما تحملت الموقف ..حتى ندى شكلها كانت بتصيح...فربعت برع اهرب من كل شي ...و كان المفترض أظهر من اول ما قال لي ذياب يلا طوفي...ما كانت كبرت المشكله غمضتني فتون ...
وقفت برع عند سياره ذياب و يلست اصيح ..من الخاطر ..حرام الي يصير لي ...فتون و امها و ذياب ..ما يطيقوني ...ذياب بحركته و صفعته لـ فتون و كأنه يبا يثب لهم اني انا و هو مرتاحين و ما يرضى علي ...بس بالفعل ما توقعت ردت فعله ...و ليش اصلا ردت الفعل هاي ..؟؟؟
بس لو ما ظهر كنت فعلا طحت عالارض ...يا ربي انت عالم اني سويت المستحيل علشان ارضي ريلي و فتون و خالوه العوده اكثر عن جي ..ما اتحمل و الله ما اتحمل ...
كنت بعدني اصيح يوم ظهر ذياب ..وبطل لي باب السياره ..قعدت داخل .. و تميت اصيح ...ركب ذياب السياره كنت ابا اجوف ملامح ويهه بس ما قدرت ..شغل سيارته .. و تم قاعد جريب مني و ساكت ...
رفعت راسي قلته من غير ما اسوي حساب لـ دموعي : محد مصبرني بها البيت غير ندى و اليهال ..
التفت لي جفت ملامحه هاديه مد ايده و مسح دمعي : بسج صياح ..
قلته و انا اشاهق: ما كنت اباك اتمد ايدك ع فتون ..الحينه خالوه بتحتشر عليك و بتحرج مني ..
حرك السياره: لا تشغلين بالج انتهت السالفه ..
مسحت دموعي: متى برتاح من ها العذاب ممتى ...قول لي متى ..؟؟
تم ساكت ما رد عليه ..رجعت اصيح و انا اتذكر الموقف الي مر من لحظات ..
وقف سيارته فجأه طالعته جفته يتصل سمعته يقول: ندى ظهري مهره برع ..ابسرعه ...
صكر الموبايل ..
قلته: كان من اول خليها تظهر معانا كنا اتجنبنا المشكله الي صارت ...
ذياب و كأنه طفر مني: بس عاد ..
يلست امسح دموعي ...ابتسمت يوم جفت مهره يايه تركض مستانسه ..فج لها ذياب الباب و قعدها ع حضنه عقب ما باسها ..
مهره و كان امبين عليها انها كانت اتصيح: بابا بروح معاكم ..
باسها مره و جنه كاسره خاطره: هي بابا ..
عفدت مهره فوقي يوم حرك ذياب سيارته لوت علي حسيت بالحرقه برقبتي يوم لوت علي اتذكرت مكان شمختني بس كتمت الالم ...بستها مكان ما باسها ابوها ..
قلت : شعور روعه يوم اتجوف ياهل مستانس بعد ما كان يصيح..
ذياب طبعا ............................."ماشي رد"
مهره: عموه شو يعني شعور ..
ابتسمت لها : يعني انتي حلوه ..
ضحكت مهره: هههههه انتي بعد حلوه صح..
ضحكت :ههههههههه هيه ..
مهره تتأملني : عموه كنتي اتصيحين.
قلتها: لا ..
مهره مصره: امبلى منو ضربج بابا ..
هزيت راسي بمعنى هيه لان ذياب التفت لنا فما ادرى شو الي منعني ..
ذياب شكله متضايج: مهره روحي يلسي ورا
مهره لصقت فيني: لا ابا عموه ..
عرفت ان ذياب مقهور مني ..خطر ع بالي العب عليه لعبة سيفاني ايام ما كنت استفزه لي ما يضربني ..بس ذياب مستحيل يمد ايده علي ..
تعمدت اقول: فديتج و انا بعد اباج مستحيل اتخلى عنج
طالعني ذياب بنظرات استهزاااء فابتسمت له ..
مهره: عموه باباا مب حلو صح..
ضحكت و تعمدت ابالغ بضحكتي: هههههههههههههااي ..انا و انتي احلى عنه صح ..
مهره: هي ..البنات حلوين بس بابا مب حلو ..
ضحكت و يلست ادغدغ مهره الي قعدت تضحك مستانسه بصوت عالي .. ..
ابدت ما توقعت حركت ذياب يوم وقف السياره فجاه ع الجنب و قال: يلا نزلوا مب حلو هاه ..
دفنت مهره ويها بصدري و كأنها تحتمي : ههههههههه ما بننزل ههههه انا و عموه بنضربك وو
طالعت ذياب مبتسمه يوم مهره يلست تضحك بصوت عالي ..شلها ذياب بيد وحده و بكل دفاشه من حضني .قلته و انا متروعه: شويه شويه عليها ..
مهره اتصارخ : ما بنزل ما بنزل ...
ضحك ذياب ورص بيده ع خدها و كانه يهددها و يلاعبها بنفس اللحظه: عيل قولي بابا حلو..
مهره اتصرخ و تضحك مسانس: انت حـلووووو
كان ودي اشارك ذياب و بنته بس اعرف و مليون بالميه جان رمست ولا شي بنتهى كل شي .. و بيرجع لبروده و تطنيشه لي ..فتميت ساكته اراقب الموقف ..
قعدت ذياب يلاعب بنته بكل دفاشه و هي اتصارخ و تضحك و مرات تضربه: بس انت حلووووووو اقولك حلوو "ضربته ع جتفه" ما تفهم ..
شوق+ذياب: ههههههههههههههههه "تفاجات يوم اشر لي" و عموه ..
مهره تحضن ابوها: مب حلوه صح بابا ..
شهقت : مهرووووووووووو يا العياااااااره ...
ذياب: ههههههههه صح .."باسها ع خدها " الحينه روحي عند عمتج خليني اسوووق"
عفدت مهره فوقي اتبوسني صديت عنها : ماشي ماشي ..انا مب حلوه هاه ..
مهره: امبلى انتي حلوه قصيت ع باباا
ذياب+ شوق: ههههههههههه
ما انتبهت ان ذيااب غير طريج ..الي يودي لبيتنا ...سكت ما علقت يلست اسمع مهره اتغنى و تترقص ...و انا و ذياب كل واحد في عالم يفكر ...طالعت ذياب يوم وقف سيارته صوب جريب البحر ...
صرخت مهره : هي هي وصلنا البحر ...
شلها ذياب عقب ما بند السياره و نزلها فنزلت معاهم ..كان الجو ع البحر بديع ... ماشي ناس غيرنا ..تجدم ذياب موليه صوب البحر و معاه مهره .. كانت مستانسه تمنيت ان حمودي يكون معانا ..تميت واقفه عدال السياره اراقب ذياب و بنته ..مهره اتصارخ: عموه تعالي ..
تجدمت منهم مع اني كنت متردده لان ذياب شكله ما يباني اشاركهم ...وقفت بعيده عنهم بخطوات ..رفعت راسي اتنفس براحه يوم الهوا يضرب بويهي ..ما حسيت بعمري ان الهوا طيح شيلتي و ان شعري ظهر ..
فجيت عيني يوم سمعت مهره اتقول : بابا عموه ما تستحي شعرها طالع ..
حطيت ايدي ع شعري كنت بلبس شيلتي بس فاجاني رد ذياب: حبيبي ماشي ناس هني غيرنا ..
ارتجفت مدري من الجو ولا من كلام ذياب يوم قال "حبيبي طالعني" ..تمنيت اتجدم منه و المسه ..بس خفت يبتعد عني ..انقهرت لان ذياب حارمني منه ..نزل ذيااب مهره فييت صوبي ..اما هوه ابتعد عنا و قعد ع الرمل يراقبنا انا و مهره ..
مهره: عموه تعالي نسوي بيت ..
عيبتني الفكره عالاقل بنسي ذياب و حبه الي امبهدلني ..يلسنا عالارض .. و كنا نلعب بالرمل ..و الصدف .. و ذياب يراقبنا ...جفت الوناسه بعيون مهره ...ذياب ما يابنا هني الا علشان يراضي بنته ..من ساعه قال ان سالفته مع فتون انتهت تمنيت اعرف كيف راضها بسال ندى ..عجيب هالانسان ع قد ما يزعل يراضي الا انا حليلي ...شو شو سوا فيني ما يراضيني كل يطنشني ..
صرخت و طارت كل افكاري يوم مهره فرتني بالرمل فوقفت ابسرعه : مهرووووووو يا الطفسه ..
ربعت مهره صوب ابوها تضحك علي ...يلست انظف عبايتي ...التفت لها جفتها بحضن ابوهاا يضحكون علي ...ههههههههههههههه
فااااااالح بس يضحك علي لكن يحبني و يونسني لا ..يا هالانسان العجيب ......رحت صوبهم و قعدت جريبه من ذياب ..قامت مهرا تلعب جريب منا تجمع الصدف : بابا هاي بعطيها حق سهيل ..
ذياب: زين .
و شلت صدفه ثانيه: عموه هاي حق حمودي ...
ابتسمت لها: حلوه ...
يلست مهره تلعب ابروحها ذياب يراقبها و انا اراقب الشمس وقت المغيب ...
قال لي بصوت واطي: لبسي شليتج شي سياره يايه من بعيد..
لبست شيلتي و انا ادور السياره ...جفتها خطفت من بعيد..عدلت شيلتي التفت لـ ذياب جفته يطالعني و اول ما طاحت عيني بعينه صد عني ...ما قدرت اقاوم مشاعري اكثر ...زخيت ايده كان بسحبها بس وقف يوم زقرته باسمه: ذياب ..
همس و كان يراقب : شوق خلج بعيده عني ..
بس انا لصقت فيه اكثر و ترجيته: ما اتحمل بعدك عني اكثر ما اتحمل ..عذابك..ارحمني ..
اول مره احس ان كلماتي اثرت فيه لانه التفت لي ابسرعه و تم يطالعني ..كنت اطالعه بنظرات ضياع و خوف ..و عذاب ..دمعت عيوني يوم رص ع ايدي ..لاني قدرت احرك فيه مشاعره صوبي الي قال عنها ماتت..بلعت ريجي خايفه انه يصدني ..بس ارتحت يوم حط صبعه ع طرف عيني و مسح دمعتي غمضت عيوني مستمتعه باحلى مشاعر هاجت فيني صوب هالانسان ...جفت هالشيء بعيون ذياب ..عرفت انه بعده يحبني ..عالاقل راشد ما قدر يقتل مشاعرنا ...
قال بنبره جننتي: شوق ااتصدقين احس اني من زمااااااااان من زمااااااااااااان مفتقدنج ..
ابتسمت له بس كنت ارتجف : ذياب انت ناوي تذبحني ..
ابتسم: مينون انا اذبحج ..
طار قلبي فقلته: معقوله ما اهون عليك..
رص ع ايدي: ما تهونين عليه شوق ...انتي ....
بس تبخر كل شي يوم صرخت مهره : بااااااباااااا
نقزنا انا وذيااب و التفتنا صوب مهره الي ابتعدت وايد عنا ..
رفعت ايدها: جوف هاي الصددفه حق ندى ..
حسيت بالوحده يوم ذياب فج ايدي و نش من مكانه
و راح صوب بنته : تعالي هني مهره...عن يسحبج الموج..
مهره يوم جافت ذياب يايي جريب منها ربعت تركض صوب البحر و تضحك: ما ابا ...ما ابا
وقفت ابسرعه متناسيه مشاعري الي انطفت .. خايفه يوم جفت مهره تربع صوب البحر ع بالها ذياب يلعب معاها ..
ذياب يركض صوبها ..: مهره تعالي تعالي ..
وقفت مهره يوم جافت الموج يضرب بريولها الظاهر انها خافت ...من الماي ..اتنفست مرتاحه يوم شلها ذياب بحضنه ..رحت صوبهم ...و انا احمد ربي ان ما صار شي بـ مهره ..كان ذياب يعاتبها بس بنفس الوقت يبوسها ..
تجربت منهم كنت ببوس مهره بس صدمني ذياب يوم بعدها عني و قال محرج: زين جي كانت البنت بتغرق ..
قلتها بخوف من نظراته الاتهاام: حمدلله ما صار شي ..
رد علي بنفس النبره: يعني لو ما زقرتني كان الله العالم شو بيصير لها..
ما عيبني اتهامه لي فقلته: انا شو ذنبي ..
ذياب: شو ذنبج مب انتي الي قاعده من شويه اتقصين علي بكلمتين .و تتوددين.خليتني اغفل عن بنتي ..
حز بخاطري كلامه فقلت بصوت واطي: اقص عليك..!!
طالعني و قال جنه لايعه جبده: طوفي يالله السياره ..
خطفني سمعت مهره اتقوله: بابااا شو سوت عموه ..
تميت واقفه ابمكاني ..مهمومه حزينه التفت اطالع البحر ...اروح اعق عمري فيه علشان ارتاح من الدنيا ..كنت اظن يوم بعرس برتاح من شر سيفاني و تحكمه بحياتي بس عقب ما عرست تمنيت عذاب سيفاني ولا تجريح و عذاب ذياب لي ..نقزت يوم سمعت هرن ذياب ..يباني اركب سيارته ..رحت و انا مكسوره الخاطر و ميته بداخلي ..حسيت اني انسانه مالها قيمه موليه ...ركبت السياره كانت مهره مستانسه تلعب اما انا و ذياب خيم علينا الصمت .
.تميت اطالع برع يوم قال: بتروح بيت ابوج..
تنهدت و قلته بألم: هيه ..
مهره: بابا بروح مع عموه..
طنشها ذياب ما رد عليها ..
مهره تدلع هليه: ابا العب مع حمودي بابا ..
تروعت يوم حرج ع مهره: لااااااااااااااااا
صخت مهره موليه ما تكلمت لانها خافت من ابوها ...نزلت بيت باباتيه ...و حرك ذياب سيارته ..حتى ما اتريا لي ما ادخل البيت ..كنت ابا اصيح بس ميوده روحي ..ما ابا ابين لاهلي اني متضايجه و حياتي هم فـ هم مع ذياب ..اخاف عقب ذياب يخبرهم عني و عن راشد...

دشيت الصاله ..جفت شيخاني و حصه و باباتيه قاعدات بالصاله و حمودي راقد بحضن امايه ..سلمت عليهم حاولت ابين لهم اني طبيعيه ...بست باباتيه ع راسه و يلست جريبه منه .
.قلته بخاطري: محتاجتنك باباتيه ..

شيخاني: شوق بسم الله شو فيج..؟
قلتها: شوو..

حصه: ههههههههههه لاعبه بالرمل ..
طالعت عبايتي شهقت: اووووه توني يايه من عالبحر ..اخييج اتخيست هاي الطفسه مهروه خيستني ..
رحت الحمام غسلت عبايتي و عطيتها لـ ستي تنشفها ..
امايه :شحالها ام فتون..
قلتها: بخير اليوم بيروحون بيتهم خلصوا ...
شيخاني: اخيرا ..
امايه: شيخه...
شيخاني: بعد الواحد يبا يرتاح مع ريله ابروحه..
ابتسمت لها: لا عادي انا مرتاحه غرفتي فوق ابروحها بعيده عنهم ...
حصه: ما قد جفنا بيتج..
قلتها: ليش ما اتيوني ما يحتاي اعزمكم ...جوفوا لكم يوم ..زين ماماتيه
امايه: ان شاء الله ...
قلتهم: الخميس ..
حصه: لا الخميس ملجة موزي..
صرخت من المفاجاه: قولي و الله ..
حصه: هههههههههه و الله ..
قلتها: اخيرا ما بغت ...ليش محد خبرني ...
شيخاني: شو بعد قلنالج ..ما يحتاي اتفصلين و اتسوين ..عندج ثياب زهبتج للحين ...
قلتها: زين من قالج بفصل ...
شيخاني: عبالي بعد..
قهرني اسلوبها فقلتها: حتى لو فصلت شو يخصج انتي ...؟؟
حصه: رديناااااااااااا..
امايه: ههههههههه ما اتيوزون ...عن طبعكن ..
شيخاني: شسوي من كثر ما احبها ابا اتضارب معاها ...
امايه: ماشي حرمة ريال الحينه ..
سالتهم اغير الموضوع: وين سيفاني و سعيد..
شيخاني: خوانج بالله عليج متى قعدوا في البيت ...
سالت امايه: سيفاني مب ناوي يخطب بعد..
امايه: ما قال بعده ...
حصه: شوق ندى ما قالت لج شي .
سالتها :مثل شوه
هزت جتفها: يعني عن راشد اخوي مووافقه ولا لا ..
امايه : و ليش ما اتوافق مب محيره له ..
حصه: هي بس غريبه صار لها فتره طويله ماردت خبر .. من رمس ابوي خالها ..
ما حبيت اتدخل بالسالفه فقلت: ما ياب لي طاري ذياب ولا ندى ..
حصه: مدري و الله ..
اتغير الموضوع قعدنا انسولف بس انا ردت لي الذكرى ع البحر مع ذياب ..بتخبل ما اعرف يحبني هالانسان ولا صار يكرهني ...استانست عالبحر ظنيت بسامحني بس حرج علي شرات كل مره ..بس لو مهره ما زقرته شو كان بيصير يا ربي ؟؟؟

امايه: اتصلي بريلج جان بيي يتعشى ..
اتصلت به ما رد علي بس عقب دقايق رجع اتصل بي..
قلته: ما بتيي تتعشى ..
رد علي : لا مشغول فـ بيت اختيه ...
سالته: خلاص انتقلوا ..
رد علي : هيه خلاص بتفتكين منهم ..
كلامه المني واايد ..ما حبيت ارد عليه فقلته : يلا باي .
رد علي: يوم بتخلصين اتصلي بي "وصكر التلفون بويهي"

حصه: بلاج شوق ..
قلتها: ماشي ..
كنت بصيح بس الحمدلله دش سعيد علينا ..و قعد يسولف معانا و تعشينا ...شيخاني انسدحت عالكنبه اطالع التلفزيون ..و امايه خذت باباتيه حجرته علشان تعطيه الدوا سلمت عليه لاني يوم بروح اكيد بيكون راقد ..تميت يالسه بالصاله مع شيخاني ابروحنا لان حصه راحت حجرتها مع سعيد...كنت متملله ..ما كنت ابا اروح بيت ذياب لان فيني غيض منه ...فكرت اتصل بـ موزي ابارك لهاا ..
ردت علي: غريبه شوق متصل بي ..
ضحكت: ههههههه ابارك لج صج ما تستاهلين..
موزي: ههههههههه فديتج و الله الله يبارك فيج..
شوق: عاد خبرينا انج بتملجين ..
موزي: و الله انشغلت ادور فستان حق الملجه ...
قلتها: وين بتسون الملجه؟؟؟
ردت علي: فـ بيتنا
همست لها: الله يعينج يوم فتون بتكون حرمة حميج..
طالعتني شيخاني لانها سمعتني ..اما موزي: هههههههههههه ندى حرمة اخوي قالت لي نفس الرمسه

هذيلا بعدهم ما بنسون كلمة حرمة اخوي ..تنهدت فقلتها: وين بدور الدبه اباها بسالفه..
موزي: بدور راقده.
قلتها: غريبه..
موزي: اونه مب راقده من البارحه..
قلتها: زين سلمي عليهم و خبري بدور اني اباها بسالفه..
موزي: ان شاء الله مع السلامه..
صكرت عنها ..شيخخاني: شو تبين بدور ..؟؟
قلتها: ما يخصج..
شيخاني: مالت عليج..
نشيت فريتها بالوساده ..فيت ع ويهها ضحكت عليها ..نشت علشان اتفرني بالوساده ..بس ما صابتني قلتها اغايض فيها : ويويويوويويويو
شيخاني محرجه: زولي بيت ريلج ..
قلتها: قاعده عله ع قلبج ...
شيخاني: اسكتي خليني اطالع المسلسل ..
فكرت اتحرش فيها بس ابد مالي بارض ..تنهدت مدري اتصل بذياب او لا ..اخرتها فكرت اروح فوق حجرتي قبل لا اعرس ..فجيت الباب ..مشاعر الحنين سيطرت علي ..هذي حجرتي ..الي كانت لي ملجا وقت ضيجي و فرحي صكرت علي الباب .. يلست ع الشبريه .
.اتذكر كل شي مر بيني و بين ذياب في هاي الغرفه ..ايام ما كان يطرش لي مسجات ..طاحت عيني التسريحه هني كنت اتعدل له يوم ايي يزورني في الميلس ..غطيت ويهي بيدي و يلست اصيح .اتمنى يرجع ذياب شرات قبل ...رفعت راسي بسرعه يوم انفج باب حجرتي ...
حصه اطالعني مصدومه: اسفه دشيت عليج فجاه
مسحت دموعي : لا عادي ...
تمت حصه واقفه عدال الباب قلتها: تعالي دشي ..حصيص ..
يلست عدال مستغربه سالتني: شوفيج ..؟؟شوقاني...
سكت ما رديت عليها لالاني مب رايمه ارمس..
كملت: من اول ما دخلتي كنت حاسه ان فيج شي...؟؟
كنت بصيح بس يودت عمري لان حصه الوحيده الي دوم اتحس فيني..يوم اتضايج حتى ايااام ما كنت ارمس اخوها و اتضارب معاه و اتضايج كانت هي الوحيده اتحس فيني..
حطت ايدها ع ايدي اطمني: اذا كنتي خاايفه اني اخبر سعيد .
قاطعتها : مب ها قصدي حصيص "عضيت ع شفايفي امنع دموعي" وايد متعذبه ...
سالتني: اهله..
هزيت راسي بمعنى لا ..
حصه مستغربه:لا اتقولين ذياب..
ابتسمت اتمصخر عليهااا: ليش مب امبين علينا ..
حصه: لا انتي و ذياب امبين عليكم شرات الملاك..
حطيت ايدي ع ويهي اصيح: حصه ذياب وايد مبهدلني..
لوت علي يوم جافتني اصيح: من شووو ليش ..؟؟معقوله ذياب..شو السبب..؟؟
شوق امسح دموعه ..ما يثق فيني يشك فيني...دوووم
حصه: ليش شو الي خلاه يشك فيج شوق..
سكت شو اقولها اخوج دمر حياتي و اني كنت ارمسه ..سكت ..
هزتني حصه متروعه: شوق سويتي شي يخليه يشك فيج..
قلتهاا ابسرعه : لالا انا احبه و اباه و ما ابا ابتعد عنه ...موليه..
حطت ايدها ع جتفي: حبيبيتي كل زوجين يتضاربن ..
قلتها: بس ذياب حارمني منه ..
انصدمت حصه: شوق انا اذكر انج كنتي رافضتنه لا يكون ...
قلتها : لا حصه انا احبه و الله ...
حصه: علشان جي ما قام اييبج بيت اهلج ...؟؟
قلتها : لا كنت ابا راضي اخته تضايج يوم اطلع من البيت ..و انا خبرت امايه علشان تتفهم الموقف ..
رن موبايلي ما توقعت ان يكون ذياب المتصل رديت عليه : الو ..
سالني ع طول: تبين ترقدين بيت اهلج...
رديت ابسرعه : لا
قال : يلا انزين اتريااج برع تعالي..
قلته : زين باي ..
وقفت ووقفت معاي حصه: ذياب .
قلتها : هي برع ...
نصحتني: شوق مهما قال ريلج او عاملج اصبري و ردي اساءته بالاحسان علشان تكسبينه..
قلته بحزن: و الله ها الي اسويه بس ما يعطيني فرصه ...
ابتسمت: كثر الدق يفج اللحـام..
ابتسمت لها و قلتها : مشكوره ..
سلمت عليههم و طلعت ركبت السياره ...سلمت عليه رد السلامه من غير ما يطالعني...
قلته: اهلك راحـوو ..
رد علي: هي بترتاحيين ...من حشرتهم ..
كنت برد عليه لانه يتعمد يستفزني بس سكت عنه و ما رديت ..دشيت البيت ..ع الرغم من دوم اتضارب مع خالوه العوده الا اني افتقدتها هالمره افتقدت وجودها بالصاله ...عفدت داري ...دشيت حجرتي جفت مهره راقدع دشيت الحمام اسبح ...عقب ما ظهرت وايقت بالصاله جفت ذياب منسدح عالكنبه مكانه يبا يرقد ...خليته ع راحته و ما رمسته ورحت ارقد و بحضني مهره..
مرت حياتي هاليومين عاديه جدا ...قمت اجوف ندى وايد و اقعد معاها عقب ما فضى البيت ..رغم ان ذياب مب عايبنه بس ما لمح ولا قال لي شيء ... و وقت ما كنت اروح بيت اهلي كانت ندى اتروح بيت فتون علشان ما تزعل منها ...
سالتهتا مره : شو سوت خالوه العوده يوم ذياب صفع فتون ..

هزت ندى جفتها جنه شي عادي: ما قالت شي و بعدين خالي مب اول مره يضربهاا ...
سكت تذكرت كلام ذياب لي مره يوم كنا في المطار قبل ما انسافر ماليزيااا ...ان ملايين من الناس عندهم اهل شرات سيفاني..يمكن هو واحد منهم !! بس مستحيل ذياب يسويها ما قد مد ايده علي..
فريت رموت التلفزيون بعيد عني طفرانه ابعد الافكار السخيفه عن بالي ..تخيلت بيتنا و بيت خالووه حليمه اكيد الحينه مرتبشات بملجة موزي...

حتى فتون يمكن مرتبشه معاهم .. و ندى بعد كم مره طلعت اتروح معاهم السوق علشان اتفصل لها فستان للملجة ...الا انا بها العالم وحيده مالي بارض..لشيء موليه ..زين مهره اتسليني و مرات خوان ندى ... التفت صوب الباب يوم سمعته ينفج كان ذياب ..طالعني مستغرب و كانه مب متوقع يجوفني بالحجره ..
قال لي : غريبه يالسه هني وين ندى عنج ...
قلتها: بالسوق مع قوم عمها ...
ذياب : هي صح ...
قلته: بروح الملجه ...
رد ابرود: بنروح الشارجه...
قلته: يعني ما بحضر ملجة موزي .. و نددى وين بتروح ..؟؟
رد ابرود و هو يدور ثيابه علشان يسبح : بتروح بيت اختيه ...
قلته: انا ما ابا اروح الشارجه ابا اروح الملجه عقب موزي تززعل علي ..
طالعني و قال: وين ملجتهم ..
قلته: في بيتهم ..
تجدم مني و حط عينه بعيني و قال : يعني تبين اتجوفين "سككت شويه و قال" شخص معين فـ بيت خالتج
رفعت راسي اطالعه و انا كلي قهر بداخلي منه قلته لانه كان يقصد راشد.. دزيته و طلعت من الحجره لاني لو تميت معاه ثانيه غيرها كنت بذبحه ..يلست اطالع التلفزيون ....

..اندمجت ابفـلم أجنبي ...لمحت ع التلفزيون شي فايل ..نشيت من مكاني رحت ارضي فضولي ...كان مكتوب عليه ملف الاحوال الشخصيه ...فتحته كنت ابا اعرف شو داخله .بس تروعت يوم ييره ذياب من ايدي ابسرعه قبل ما اقرااا اي كلمه ..




في حجر عينة لي غديـر وسحابه وفي وسط قلبي له تناهيت وعتاب..إن قلت أحبه يكفي القلب مـابه وان قلت أنا مابيه ..باصير كذاب

________________________________________
وقفت ابسرعه متروعه اطالع ذياب نظرات خوف و استغراب من تصرفه ...
فر الفايل ع الكنبه بعصبيه و قال: انتي ما ترتاحين الا اذا تعبثتي بكل شي اتجوفينه ...؟؟
بلعت ريجي و قلته: انا ع بالي فايل عادي ما كنت ادري انه يتعلق بدوامك...
طالعني بنظرات و راح صوب الفايل شله بيده سالته: شو هاه..؟؟عن شو يتكلم ...؟؟
تجدم مني فرفعت راسي اطالعه قالي بنبرة تهديد: اشياء اتخص شغلي ما اريدج تتدخلين فيها ..زين..
هزيت راسي بمعنى انزين و انا اطالعه بنظرات وحده غبيه مب فاهمه شي ..و غاب عن نظري ...رحت حجرتي و علامة استفهام اشكبرها تترقص حولي راسي لي حرج ذياب ..زين انا بعدني ما جفت الملف ولا قريته ..؟؟؟ يعني حسيت ردت فعله مبالغ فيها ...تنهدت و يبت مهروو بحضني ورقدت ...
قبل ملجة موزي بيومين ..جفتها فـ بيت امايه ...هي و بدور ....كنا قاعدات بحجرة حصيص نتناقش بسالفه الملجه ...كل وحده اتقول شو بتلبس ...
موزي: عيل شوق ما قلتي شو لون فستانج..
ابتسمت شو اقولها الحينه هاي !!
بدور: اكيد لون وردي...
قلتها: بدور نتي اخر وحده ترمسيني ..
بدور: ليش فديتج بعدج ما صرتي حميتي قمتي تقاطعيني ..
شيخاني: هههههههههههههههه ماصخه بدور...انتي بعدج حاطه سيفاني فـ بالج..
بدور: ليش مب ناوي يخطبني..."تستهبل"
موزي: بدور بس عاد ...
قلتها: ان شاء الله بخطبج ..بس ....................
بدور: شووووووووووو
قلتها: لا اتسوين روحج متلهفه تبين اتعرفين ..شي .تراج اتعرفين اكثر عني" و طالعتها بنظرات مكر"
انحرجت بدور لانها فهمت قصدي و تلميحاتي...فسكتت..
حصه: بدور انتي كل البنات بيعرسن الا انتي تمي تترين سيف ..
بس بدور طنشت كلام حصه و قالت لي: شوق انتي من متى ما جفناج كيف تبين اتعرفين اخبارنا جنه محد عرس غيرج..
قلتها: اخترعوا التلفونات ...
شيخاني: ايه ..موزي مري علي باجر يوم بتروحينن الصالون ..
موزي: راشد بياخذني ...
راشد ... راشد..بالاول كنت اتخبل يوم ينطرى لي هالاسم..لكن الحين مجرد اسم ينذكر جدامي .. و اي مشاعر تباني اقدمها لك يا راشد عقب دمرت حياتي و انا الحينه قاعده ابنيها بس بصعوبه .....طالعت شيخاني يوم قالت : عادي مري لي الا بسالكم..ها متى بعرس ..حتى بدور بتعرس و ندى تتريا راشد...
بدور: هههههههههههههههههههه مالت عليج بايخه ...
شيخاني: لووووووووووول ...
انتهزت الفرصه: ندى لمحت لي ان عمها يبا يخلي السالفه رسميه خلاص و يملجون صح هالرمسه..
بدور: كل هل تلميح ترا وضحت السالفه شو بعد...
بدور و شيخاني يضربون يد بيد كفففففففففج:: ههههههههههههههههه
حرجت عليهن: عن السخاافه انتي و هي ...
موزي: و ابوي يوم يستخفن دمهن هالثنتين...
شيخاني وقفت: بدور تعالي حجرتي براويج فستاني ...عن ياكلونا هذيلا
نشت بدور و قبل ما تظهر قالت لي : شوق و الله اباج بسالفه زين ..
طالعتها بنظرات عتاب ردت لي بابتسامه و اختفت هي و شيخاني ...
حصه: شوقاني ..ما قالج ذياب شي
استهبلت عليها :شوه..؟؟
حصه: عن خطبة راشد و ندى..
قلتها: لا ذياب ما يحب اتدخل بسوالفهم..
موزي: ويه زوجته انتي ...؟؟
هزيت جتفي اطااالع حصه الي اتفهمت كلامي و قالت: انا اذكر انه رافض الخطبه بس ندى موافقه ..
قلتها: هي الظاهر جي قاعد يقنعها ..
موزي: شو ها يقهر مب ع كيفه يحدد مصير البنيه و بعدين هي محجوزه له من كانوا صغاريه ...يعني كان موافق يوم كان ربيعه و غير رايه يوم تفارجوا ...؟؟
قلتها ذكرتها : موزي ترمسين عن ريلي انتي ..؟؟
موزي: سوري بس شسوي يقهر ...
حصه: بس عاد موزي ...ان شاء الله بغير رايه ..
ما قدرت ادافع عن ريلي ..شو اقولهم ريلي ما يبا اخوك يرتبط بـ ندى علشان اكتشف علاقتي فيه ...تنهدت ...بصمت يا عذابي ما كنت اتوقع هالعلاقه بتسوي وايد مشاكل ...
موزي: ان شاء الله ..المهم شوقي بتيين معانا باجر الصالون خلي ريلج اييبج...
قلتها بصوت واطي : موزي ترا ما بحضر الملجه..
موزي مب مصدقه: ليشششششششششششش
قلتها: بروح الشارجه باجر ...
حصه: زين الملجه ورا باجر ..
قلتها: بنتم ثلاث تياام هناك ..
موزي: لا و الله اكيد ريلج متعمد..
دافعت عنه مع اني ادري انه متعمد: لا حرام عليج عنده شغل بس اوعدج برمسه اليوم يمكن يغير رايه..
موزي اتحذرني : هـي قوليه ترا موزي بتزعل ....و اتعرفون زعلي ..
قلتها: اعوذ بالله منه ...
ضحكنا : هههههههههههههههههههه
دش حمودي مستعيل : ماما وين نعالي ,,"شويه و بيصيح"
شليته و حضنته : فديتك وينك انته من زمان ما سمعنا سوالفك ...
حمودي يدزني: قوووووووووومي بروح الجمعيه .."ويصرخ" وين نعالي .
موزي: عفانا الله هالولد مب جايف خير ..
ضحكت عليها : ههههههههههههههههههه
حصه: زييييييييييين لا اتصرخ منو بياخذك الجمعيه ...؟؟
حمودي يصرخ: باااااااااباااااا يلا وين نعالي ..
نشت حصه بصعوبه: الله يغربل ابليسك ...
موزي + شوق: هههههههههههههههه
كانت بتلبسه نعاله بس ييره عنها حمودي وربع برع ..
حصه اطالعنا : ها الولد مب جايف خير .عفانا الله ..
ضحكنا ..وحشتني سواالف حمودي ..طالعت الساعه جفتها عشر فـ ليل ...
قلت :-الحينه بيي ذياب ...
ع طول دشت سيتي : مدام ..ذياب برع ..
موزي : اووووووووووووووووووووووووونه هب هب مب حس عليج ..
حصه: صلي ع النبي ...
شوق: ههههههههههه لا يروح فكرج بعيد ترا كل يوم اييني بها الوقت ..
موزي: انا اقوول بعد..المهم اقنعيه زين ..
قلتها: ان شاء الله و الله ودي احضر ...اكيد بقنعه ..
سلمت عليهن و رحت سلم ع باباتيه الي كان راقد بحجرته بسته ..تحرك متضايج ابتسمت .. و طلعت ..سلمت ع امايه سمعت ضحكت شيخاني و بدور من حجره شيخاني .
فجيت لهم الباب فجاه فطالعوني شيخاني: شوووووووووو روعتينا دفشه ..
قلتها متعمده :شتسووون ..؟؟
شيخاني: وحدج يقولولج اسرار ...
بدور: شوقاني تعالي برمسج..
قلتها: بروح الحينه مره ثانيه ..يلا مع السلامه ..
وصكرت عنهن الباب قبل ما اسمع تعليق اي وحده منهن...طلعت من البيت جفت ذيااب واقف برع يسولف مع سيفاني ...تجدمت منهم .. و سلمت ع السيف ...
سيفاني: شحالج شوق ..؟؟
قلته: ابخير اشحالك انته ..
رد عليه : ابخير الحمدلله "فاجأني يوم سأل ذياب " ها مخبله فيك ..ولا استوت حرمه ..
بلعت ريجي و ارتجف اتخيلت لو ذياب قاله عن الي صار في ماليزيااا ..شو ممكن يسوي فيني سيفاني ..عادي يدفني في بيت يدتي الجديم من غير محد يعرف ...
طالعت ذياب بخوف ..هم ذياب طالعني بس ابتسم و قال لـ سيفاني : لا استوت حرمة بيت ...
رغم اني عارفه ان ذياب مب كان صادق فـ رمسته الا اني اتلومت و نزلت راسي بالارض من نظراته ..
سيفـاني : اشوه طمنتني يا ريااااااااااال ..
ذياب: هههههههه ول شو مسويه بك ...
سيفاني : ماشي بس كانت اتعرف تستفزني ..
طالعني ذياب فابتسمت له علشان يعرف اني ما كنت شرات الارنب جدام سيفاني مثل ما يظن ...
سيفاني: ان شاء الله يوم الخميس بنجوفك ف، بيت بو راشد..
هز راسه ذيااب بمعنى لا و قال: عندي محكمه مشغول ...
سيفاني: يعني انت بعدك ما تتدش بيتهم..
تحرك ذياب ناوي يروح: ولا بدشه..
كنت اسمع رمستهم مستغربه ..ليش ذيااب ما يدش بيت راشد..زين اذا كان متضارب مع راشد شو علاقة اهل راشد...
ذياب: يلا شوقاني ..
هذي أول مره يدلعني من كرهني بس ذياب يتهرب خايف سيفاني يتمادى بالرمسه جدامه ...سلمنا ع سيفاني ..و قلته قبل لا اروح السياره : ترا داخل بنت الخاله ..
سيفاني يحك راسه اونه يفكر .
قلته: اووووووووونك حركات ..
ضحك علي : هههههههههههههههههه
ابتسمت له : مع السلامه..
رد علي: - فـ أمان الله
ركبت سيااره كان ذياب يترياني داخل سالته : ليش ما تدش بيت خالوه حليمه..
رد علي و من غير ما يطالعني مركز ع الشارع: ما يخصج ..
تنهدت و قلته: لازم بعرف بيوم ..
ذياب: ما يهمني ...تعرفين ولا ما تعرفين ما بتغير شي ..
قلته بكل غيض: انت انسان جاسي ...
ماشي رد ..............................
قلته: انا بروح ملجة موزي ..
رد علي : تكلمنا بها الموضوع وايد ...
ترجيته: و الله موزي بتزعل توها عرفت حرجت علي ..و قالت لي احاول اقنعك ..
رد علي : بتزعل و بترضى ..
كتمت غيضي صديت عنه اطالع الشارع الين ما وصلنا البيت ..كالعاده كانت مهره راقده .. و انا انخمدت عطول و ذياب رقد ع الكنبه فـ الصاله ...تجلبت وايد حاولت ارقد بس ما رمت ..ابا اقعد مع ذياب ..اباه يسولف معاي .. يضحك معاي ..حالي حال اي اثنين متزوجين ...فريت لحاف عني و طلعت من الحجره جفت ذياب مندمج قاعد يكتب .. و يكتب ...حتى انه ما لاحظ اني واقفه عدال بابا الحجره ...تميت اتأمله .الي يجوف ذياب مستحيييييييييل يظن انه محامي ..بيظن رجل اعماال مدير شي من هالسوالف ...
تسندت ع باب حجرتي اراقبه ..اتذكـر ايام ملجتي معاه اول يومين من حياتي معاه ...ما تحملت اكثر ..تجربت منه ...ييرت كرسي رفع راسه يطالعني يلست جدامه ....في البدايه طالعني مستغرب يظن اني راقده ..عقب طنش ورجع يكتب ..
سالني وبعده منشغل في الكتابه: شو تبين ..؟
قلته: ما ياني رقـاد ...
ذياب : شو اتفكرين فـ الملجه ..
قلته بصوت واطي : لا ..كنت افكر فيك..
رفع راسه يطالعني و كأنه مب متوقع جوابي ...بلعت ريجي كنت خايفه من صده لي
فكملت ابسرعه: اتذكر ايام ملجتنا ...يوم كنت اتزورني .."رجع يكمل كتابه طنشني" كنت انسان غيير..
سكت اتريا رده بس ............................."ماشي رد"..
حطيت ايدي ع جتفه : ذياب ..
فر القلم بعصبيه ووقف : روحي ارقدي خليني اعرف اشتغل ..
وقفت معاه قلته بعذاب : انت ليش ما تحس فيني ...
حرج علي: لان ما عندج احسااااااااس ..
وشل القلم و الاوراق و ظهر من الصاله..
يلست ع الكرسي يأسه شسوي ...شو الحل ..؟؟؟لو بيدي جان جفت راشد و كسرته شرات ما كسر خاطري و قلبي صوب ذياب ...تنهدت ...رحت حجرتي خلاص مليون مره اقول ما بيي صوبه و اخرتها من اجوفه انسى العالم كله ..لي متى ..كنت بصيح ...بس رفعت راسي من ع المخده يوم اتبطل باب الحجره ..
ذياب: باجر بنظهر الساعه 8 ...قومي الساعه 6 رتبي اغراضج و اغراض مهره
تطنزت عليه: شو بتم هناك يومين بعد..
رد ابرود: يوم الجمعه بنرجع ...
كنت بقوله اذا محكمتك باجر حق شو انتم يومين في الشارجه بس يبا يتهرب من ملجة موزي...اه يا عذابي..يتني رفسه من مهره الي انجلبت الصوب الثاني. ابتسمت..لويت عليها و بستها ... و رقدت ...
ما حسيت بـ ذياب يوم دش يسبح . و يرتب اغغراضه ....
ذياب : قومي شوق ..
جفت الساعه كانت 7 الصبح ...
ذياب: يلا نشي الحينه بتيي ميري اتغسل مهره و اترتب اغراضها ..
قلته: ما يحتاي انا موجوده..
رد علي : مهره عندها الي يخدمها محد يحتاج هني ..."راح صوب الباب و قبل ما يظهر طالعني و قال " بييكم عقب ساعه تزهبوا ...
نشيت باي وقت مناسب ولا غير مناسب يحرج و يعق رمسته ..الله يعيني ...عليك يا ذياب ..نشيت تغسلت و بدلت ملابسي .. و قومت مهره ..يتها ميري بس قلتها اتزهب الفطور و اتخلي مهره علي ..
مهره اتصيح: ابا اناااااااااااااام
ابتسمت لها: حبيبي انا و بابا بنروح الشارجه..
مهره: ما ابااااااااااااااا
وقفت : خلاص عيل انا و بابا بنروح الالعاب و نتي تمي هني مع ندى و عبيد و ميري ..
نقزت مهره ع الشبريه تتنقز : بروووووووووووح ...
شلتها ضحكت عليها: ههههههههههه حركات شرات ابوج ...
سبحتها و لبستها و عدلتها ...أول مره احس ان مهره بنتي صج ..لويت عليها و بستها
و قلتها: انا ما اعرف ارقد من دووننننننننج خلاص ..
مهره: بعد بابا ..
قلت بخاطري بالاول خليه يرقد معانا ...يابت ميري الريوق : تريقنا انا و مهره ...عقبها بدقايق ..اتصل ذياب ما قال غير : يلا ظهروا ..
زقرت ميري اتزل شنطتي و شنطة مهره .. و تاخذ مهره السياره اما انا قبل ما اظهر رحت حجره ندى ..جفتها راقده ..هزيتها : ندوي ..
بطلت عينها بكسل و ردت غمضتها : خلوني ارقد توه ريلج حشرني الحينه انتي شو تبون ..
ضحكتني : ههههههههه يا الكسوله ...زين بغيت اقولج انا بسير ..
ندى: ادري .انا عقبها بروح بيت خالوه العوده ...
قلتها: زين سلمي ع موزي و باركي لها ..
تغطت باللحااف : زين باي باي ..
ضربتها ع الخفيف: مستويه ما تستحين ...
ندى بكسل: هههههه فديت حرمة خالي ..
نقزت يوم سمعت هرن سياره ذياب: يلا باي ...
ركبت السياره ذياب : من متى اترياج ..
قلته: كنت اودع ندى ...
سكت عني ...يلست مهره بحضني مستانسه كانت اتغني صوت عالي ..اما انا كنت اطالع الشارع مضايجه ابا اروح ملجة موزي ... و الظاهر ذياب كان حاس بضيجتي بس مب هامنه ..سندت راسي بالسيت مصدعه لاني البارحه فـ ليل ما رقدت زين ...و اليوم ناشه من وقت ...كانت مهره تتنقز فوقي
قلتها: مهره حبيبي شويه شويه عورتي بطني ...
مهره: انتي عيوزه..
فاجاني تعليقها قلتها: انا !!!جايفتني اكبر عن ابوج ...
طالعني ذياب فجاه اتروعت من حركته بس الظاهر عيبه تعليقي لانه ابتسم ..غريب هالانسان !!
ذياب: مهره روحي يلسي وراي خلي عموه اتنام ...
طيحت مهره راسها ع صدري و لوت علي :ابا عموه ..
بستها: فديتج...
كنت اظن ذياب بحرج او بتضايج لانه دوم يحذرني ابعد عن بنته و ندى ...بس هالمره ما علق ..طنش و تم يركز بالطريج. يمكن باله في المحكمه ..
.يلست امسح ع مهره و اغني لها ..متناسيه وجود ذياب لاني كنت مصطله ...اخرتها رقدت مهره ...بحضني ...و انا بعد كنت نودانه يوم فاجاني ذياب بتعليقه: صوتج حـلو ...
فتحت اعيوني اطالعه احلم ولا اسمع حسه صج ...بس يوم جفته يطالعني يتريا رد
قلته بكل رسميه : شكرا ....
وقف عند الاشاره طالع مهره جان يقول: توها تلعب مسرع رقدت...
قلته: اصلا فيها رقاد ...علشان جي كانت اممممممممممم
كمل عني: متخبله...
قلته: حرام عليك لا اتقول عنها جي ...
طالعه جدامه و تحرك ..قلته متى بنوصل ؟؟؟
رد علي: نص ساعه جريبه الشارجه ..
قلته : تعبانه ابا ارقد مب راقده البارحه ...
طنشني .. و انا غمضت اعيوني احاول ارقد بس ما رقدت ..عرفت ان ذياب مرتب اموره و حاجز من اول لان نزلنا ع طول ..كانت الساعه 9 نـص ...فر ذياب الشنط ع الارض ..و قعد ع الكنبه يطالع الاووراق ...اما انا قعدت ارتب اغراضنا عقب ما حطيت مهره بفراشها ...
وقف عقب ما ياه اتصال تجدم مني : شوق انا بظهر برجع ع الساعه هنتين ...اتطمن انج بتكونين بخير انتي و مهره ..
قلته: وايد بتتاخر .
زخ ايدي : ما اتخافين بتصل بج كل شويه ."جنه غير رايه" ولا ارقدي .. و يوم بتنشين اتصلي بي زين..
عيبني تقربه مني و نبره صوته الي كانت خاليه من التطنيز شرات كل مره
قلته: زين ما يهمك مهره بعيوني ...
ذياب: واثق منج..
راقبته يوم هد ايدي وراح صوب مهره و باسها .. و طلع من غير ما يودعني حتى ... قفلت الباب ...ووو حولت موبايلي ع الصامت .. و انخمدت ع طول ...
قومتني مهره: ماما يدقون الباب ..
قلتها: مهره ابا انام .....
مهره: يدقون الباب عموووووووووه ..
نقزت ..اسمع صوت الباب ..طالعت موبايلي شهقت ..الساعه هنتين و ربع ...كانت مكالمات من ذياب و سعيد اخوي ..اتصلت بـ ذياب ..
قال لي : فجي الباب حبيبي
نقزت ابتسمت لـ مهرا او مره اسمع هالكلمه من عقب هذيج الليله .
.قلت مهرا: حبيبي بابا ع الباب منوه اول بفتح الباب ..
ربعت مهره و لحقتها خليتها تغلبني ...شلتها علشان تفتح الباب ...
مهره تصرخ: بابا غلبت عمووه ...
شلها ذيااب و باسهااا ...كنت مستانسه ع بالي برحب فيني ...لانه قال حبيبي بس طنشني و دش داخل ..
قلته: شو سويت .
ذياب و كأنه هم انزاح عنه: ماشي خلصت و افتكيت ...
يلست جريبه منه : شكلك مستانس ...عسى دوم اتكون حياتك جي ناجحه ...
رد علي و كان يلاعب مهره: الا بحياتي الزوجية ...
كلامه كانت مثل الصفعه بويهي ما توقعت هارده ...سكت عنه قعدت مهره جريب مني وراح الحماام يسبح..و انا قمت بدل ملابس مهره احاول انسى كلامه مهره: انتي قلتي بنروح الالعاب !!
قلته: زين حبيبي عقب ما ناكل و انخلص و يرتاح بابااا عقب بنروح برع انلاعبج زين ...
مهره: انا يوعانه ..
قلتها : من عيوني الحينه بابا بييب لنا اكل ...
ظهر ذياب من الحمام..عقب دشيت انا اتغسلت و غسلت مهره يوم ظهرت جفت الغداا موجود يلسنا ناكل كالعاده انا ساكته و ذياب يرد ع بنته الي كانت ترمسه ....عقب ساعه حطيت لــ مهره قناه سبيس تون علشاان تهدي و ما اتسوي حشره حق ذياب لانه رقد ...بس حشرتني و ما رحمتني متى بنروح الالعاب ..؟؟ انتي قصيتي علي ..؟؟ عموه طلعت جذابه...؟ جفت ذياب يتجلب بفراشه ...
قلتها خلاص زين باخذج ...بس اذا كان جريب منا ..بس لا تخبرين بابا علشان ما يحرج علينا زين ..
مهره طبعا ما تسمع شو اقول لانها كانت طايره من الوناسه :بنروح الالعاب ...
لبست عبايتي ..و نزلتها قبل ما ينش ذياب .ابتسمت يوم جفت محل الالعاب مجابلنا مره ...دشينا ...كانت مهره مستانسه و الي يجوفها يقول هذي بحياتها ما لعبت ...ولا اول مره تجوف العاب مع ان ابوها مب مقصر معاها موليه ....
قعدت الاعبها تقريباا معظم الالعاب الموجوده و كنت اصورها بـ موبايلي ..بس تضايجت يوم صكر و انغلق ..امفضيه البطاريه ..اخرتها رحت اشتريت سياره حق حمودي .. و مهره شلت لها عروسه ..و سياره شرات سياره حمودي .. و شلينا حق عبيد و سهيل ..نقزت يوم أذن العصر ...
قلتها: يلا بابا بيقوم بحرج علينا ...
و نحن طالعات ..طاحت لعبت مهره و بطريج الريال الي مار ..فدز اللعبه بريوله من غير قصد بعيد..
صرخت مهره : لعبتييييييييييييي
حسيت ويهي احترق ذكرتني بـ حمودي يوم يفضحنا ..
قلتها: خلاص بشتري لج غيرها ..
الريال منحرج شل اللعبه قال: تعالي خذيها ما انكسر ..
تجدمت مهره منه متلومه و خذتها
ابتسم لها زخيها زين علشان ما تطيح منج مره ثانيه ...زين يا المزيونه .."طالعني.."
حسيت بخوف فقلت : مهره تعالي هني ابسرعه ..
يتني مهره .. زخيتها من ايدها ..وربعت برع المحل و قطعت الشارع و انا كل شويه اطالع وراي اخاف يكون الريال لحقني... حسيت براحه يوم وصلت عندي باب حجرتنا ...
قلتها : يلا دشي لا اتسوين حشره حق باباتيه .
و قبل ما افج الباب ...انفتح و كان ذياب ..كان يطالعني و اطالعه امطنش مهره الي كانت تحكى له عن شو سوت
مهره: باباتيه عموه ودتني صوب الالعاب انت كنت نايم ..
بلعت ريجي قلته: ع بالي كنت راقد..
ما كنت اعرف انه محرج الا يوم اتكلم : منوه سمح لج تطلعين برع ...
طالعت مهره و طالعته و كأني ابا اذكره ان مهره واقفه معانا و ما يحرج علي ..بس ذياب طنش الظاهر كان وايد محرج : ميـنونة تظهرين بروحج..
قلته: مهره كانت تبا تلعب ...
ذياب: ما فيج صبر لي ما انش من الرقاد...
بلعت ريجي و قلته: كنت راقد و خفت لا اتسوي لك ازعاج...
ذياب : لا و الله ..
تجدمت مهره اتراويه اللعبه : جوف بابا عروستي طاحت بعدين الريال عطاني..
التفت ذياب لـ مهره يوم قالت ريال ..و رجع يطالعني ..
قلته : شو فيك...
بس ذياب تم يطالعني بنظرات محرجه سالني بعصبيه: طلعتي الصبح ..؟؟
قلته بسرعه: لا رقدنا ما وعيت الا يوم انت دقيت الباب ..
ذياب يطالعني بنظرات مب مصدقني قلته : و الله ما طلعت الا يوم مهره حشرتني خفت لا اتسوي لك ازعاج و انت تعبان ...
مهره اتيير ابوها :بابا ..جوف عروستي..
شل ذياب اللعبه من مهره بعصبيه فرها بالارض بقوه الا ما تكسرت ..ردت مهره لورا متروعه لانها جافت ابوها معصب حتى انا طيحت الاجياس من ايدي خايفه من ردت فعل ذياب ..
عفد علي ذياب و زخني من ذراعي بعصبيه : اذا انتي متعوده اتهايتين من غير حسيب ولا رقيب شي راجع لج ..لكن بنتي ما يخصج فيها ...
يلست مهره اتصيح بصوت عالي خايفه ..اما انا من كثر خوفي ما رمت اصيح بصوت عالي بس كانت عبراتي اتهل بصمت ...ما توقعته يعاملني جي جدام مهره زين لو غلطت بس ما توقعته جي يعصب ...فج عني ابسرعه يوم حس انه بالغ برده فعله ... و راح صوب الشماعه لبس كندورته ... و اتعصم ابسرعه .. و شل مهره الي كانت قاعده عالارض اتصيح ...و طلع برع ..
خلني وحيده بالحجره مجابله لعبه مهره المكسوره ... و هداياا حمودي الي تناثرت عالارض ..يلست اصيح بصوت عالي ...حتى ما فكر يعتذر او يراضيني ..ما همه غير بنته ..صرت ما اطيق حركاته ..ولا تطنشيه لي .. رغم كل ها الشي الي يقهر ..
مشاعري صوبه ابد مب راضيه اتموت ..مسحت دموعي شليت الالعاب المتناثره و حطيتها بمكان واحد ...و رحت الحمام اغسل ويهي ...فتحت الستاره اطالع الدنيا برع ...وين خذ بنته ..الحينه ..؟؟؟ اكيد ندم انه يابنا معاه الشارجه ...تنهدت ابعمق ...
حسيت بالملل لان الساعات اتمر و ذياب للحين ما شرف يلست اجلب قنوات التلفزيون من محطه لـ محطه ..لاعت جبدي ...فكرت لو ما نزلت انا مهره تحت شو كان ممكن يصير ...كان ذياب طلعنا و اندمجت معاه بس دوم الظروف اتكون عائق بيني و بينه ..
عدلت بيلستي يوم سمعت صوت الباب ...كانت الساعه عشره ...دشت مهره محتشره من الوناسه ناسيه الي صار لها من ساعات ...هذيلا اليهال لو ينضربون دقايق و ينسون كل شيء ..رفعت راسي اطالع ذياب و كان يطالعني...طنشته حضنتني مهره الي كانت تحكي لي ع الالعاب الي لعبتها ,,بستها كان ودي احضنها بس عقب الكلام الي قاله ابوها عني...مب بسوي هاشيء جدامه ..شويه ووصل العشى ...نشيت من مكاني يوم ذياب قالي : تعالي تعشي ..
قلته: ما ابا ..
و عدلت الفراش اوني برقد ...بس انا ادري ان النوم بجفى عيوني ..مهرووو و ذياب رقدوو و انا بعدني اتجلب و مليون فكره تطري في بالي ...مرات حياتي مع ذياب و مرات ملجة موزي و شو شعورها بتاخذ الانسان الي جمعهم القدر صدفه ... ولا بدور و سيفاني كيف ترااضـوو ...و ع اذان الفير صليت و انخمدت ...نشيت فتحت اعيوني جفت الحجره فاضيه ذياب و مهره محد ...مدري وين رااحـووو الظاهر ذياب طلع بنته يمشيهاا ..مدري كم كانت الساعه المهم من غمضت اعيوني رقدت ..الين ما حسيت بثجل فوق بطني ..
مهره: عموووه قومي..
ابتسمت و قلتها: مهروو قومي بضربج..
مهره تتنقز فوقي : قومي يلاا انتي كل تناميييييييييييين
ضحكتني: هههههه شسوي محبوسه بين اربع جدران كلتي عيش ..؟؟
مهره : لاااع بابا قال ..بناكل مع ماما ..
تنهدت و قلتهاا : زين عنونـي ..يلا وخري علشان انش ..
مهره تضحك: ههههههه ما ابي و تمت تتناقز..
شليتها و فريتها جريب مني اوني اصارعها ..و هي تضحك..نسييت ان ذياب موجود فالحجره ...مدري ليش اول ما فجيت عيني و سولف مع مهره حطيت فـ بالي ذياب برع ...تفاجأت يوم جفته يطالعني مستغرب ..رتبت شعري .ابسرعه و نشيت ..رايحه الحمام ..اتغسل ...عقب ما ظهرت ...طاحت عيوني ع مهره ..كانت اتحاول تعدل عروستها الي كسرها ذياااب ...ام ذياب كان يطالع من الدريشه ...و التفت صوبي
قال : يلا لبسي علشان بنظهر نتغدا برع ...
رحت صوب التسريحه امشط شعري : ما اشتهى "حسيت ان بغمى عليه من اليوع "
تجدم مني : من البارحه ما كلتي شي ..
لفيت شعري و فريت المشط : نفسي مسدوده ..
التفت لـ مهره الي وقفت جريبه مني: عموه سوي عروستي ...
قلتها :حبيبتي خلي بابا يعدلها لج ..انا ما اعرف ..
رحت صوب الكبت بس شهقت التفت لورا يوم تصكر باب الكبت الي فتحته..حاولت ارجع لورا اكثر بس كنت لاصقه بالكبت..
تطنز علي ذياب: عن تكسير الكبت ولا تدشين داخله ..
كنت اطالعه من زماااااااان ذياب ما تجرب مني سحرني ابعيونه اطالعه ...حتى هوه تم يطالعني ...
ذيااب: اجهزي علشان بنتغدا برع .....
كنت بقوله ما ابى ..اوني اكابر بس سكت عنه و صديت اطالع برع ..
.جدم راسه و قال بصوت و اطي :
سيفاني ما جذب يوم قال اتعرفين تستفزين الواحد..رغم انج وحده جبانه ..
طالعته بعصبيه ها ياي يراضيني ولا يقرضني .....قربه مني يذبحني حتى انفاسه الجريبه مني حسيت انها بتحرقين من زمان ما حسيت بها المشاعر و كم و كم لو شو اوصف لكم ما وفيت اني اشكثر اشتقت لها الاحاسيس ...غمضت اعيوني يوم دز يبهتي ع الخفيف و كأنه يبنبهني: ايه انا ارمسج..
شكله يبا يراضيني ...عيبتني السالفه لان بيني و بينكم ما ابا انحـرم من هالمشاعر ..
قلته: شووه
قال: مهره يوعانه يلا ..انروح نتغداا ..
صديت عنه: ما ابااااه
ذياب يحاول يستخف دمه : معقوله مب يوعانه خيبببه شو طاقه عليج ..؟؟
طالعته بعصبيه "اوني محرجه"و صديت عنه و انا ميته بداخلي خايفه لا يطنشني ولا بعد خايفه لا يحس اني ارتجف من اليوع ..
ذياب : اممممممم يعني اروح انتحر افر روحي من الدريشه علشان ترضين .
قلته من غي ما اطالعه: علشان مره ثانيه ما تمد ايدك عليه..
شهق ذياب: جذااابه انا مديت ايدي متى !! يا الجذابه..
كنت بضحك بصوت عالي لانه مهره اتصرااخ تبا حد يسوي لعبتها المكسوره . و تزقرنا انا و ابوها و نحن مطنشيها .. و غير ذياب كان يرمس شرات اليهال ...بس يودت روحي "اثجلي شوق بس هالمره"
صديت اطالعه يوم سكت جفت قاعد يتأملني و يبا يضحك بس ميود روحه فدزيت ويه الصوب الثاني
وقلته: لا اطالعني ..
ذياب: ههههههه خلاص عيل ما بنتحر دام انج طلعتي وحده جذاابه ..انا بفرج من الدريشه ..
كنت بشهق بس ذياب ما عطاني فرصه ييرني صوب الدريشه قلته: هني يا المينون ..
طالعتنا مهره بنظرات خوف ...ع بالهااا صج ابوها يبا يفرني ....برع ..
مهره شويه بتصيح: بااابااا
ذياب: علشان مره ثانيه نا تجذبين علي..
حطيت ايدي ع صدره ادزه : ذياب وخر..مهره امصدقه جوفها بتصيح ..
ذياب يبطل اعيونه: ليش انتي بعدج مب مصدقه اني ابا افرج من الدريشه..؟؟
ضربته ع جتفه بدلع: ذيييييياب بس عاد الشيطان شاطر ..فج عني..
ذياب : اول طالعي برع ...
صديت لورا اطالع تحت دارت الدنيا فيني يوم تخيلت اطيح من هالمسافه طالعت ذياب بخوف
فضحك علي: هههههههه مهره افرها ..
مهره تصرخ: لالالالا "و شكلها بتصيح "
قلته بخوف : و الله الشيطلن شاطر انت مينون ...
ذياب: عيل بظهرين معانا ..؟؟
قلته ابسرعه: لازم بظهر شو تبا تذبحني من اليوع ..
ذياب يبتعد عني ويضحك : ههههههه يلاا عيل لبسي ..
ابتعدت عن الدريشه ابتسمت ع خباله : : زين دقايق بس ..
لبست مهروو و مشطت شعرها .. و لبست انا و ذياب كل شويه يلا و يلا ..متى بناكل ..؟؟ انتوا يا الحريم سنه لي ما تلبسون ..؟؟ و انتي كيف متحمله هاليوع كله ..؟؟حشرنا حشره ..
...اخرتها طلعنا ..رحناا مركز صحارى و صوب المطاعم يلسنا هناك...لاحظت ان ذياب كان يتحاشى قربي ...بس كان يضحك و يسولف ولا كأنه بينا شي ...
عقب ما خلصنا غدا مهره : بابا بلعب ..
ذياب يشيلها: بسج انتي ما تشبعين ...
كنت ابتسمت ع تعليق ذياب بس عقب تروعت يوم زخ ايدي و جربني صوبه قالي: انتي وين اتروحين تمي جريبه مني ..
يقهرني يوم يعاملني جني ياهل او اني بضيع ..باي لحظه منه ...
ركبنا السياره قلته: اليوم ملجة موزي ...مدري كيف شكلها ..
ذياب: بتجوفينها بالصور ...
ابتسمت: ذياب وين صور عرسناا ما يبتها من الاستديو ..
فاجاني يوم قال: موجوده في الكبت..
شهقت : و ليش ما قلتي و الله انك تقهر ...
عفدت مهره فوقي و رقدت عطول قلته: شكلها تعبانه ..
ذياب: ناشين من وقت هلكتني ندمت اني ظهرتها معاي ..
ضحكت عليهه: ههههههههههههه بنتك لازم تتحملها ...
عيبتي الالفه الي صارت بيني و بين ذياب و ما بغيت تختفي مجرد رجعتنا راس الخيمه ..
فاجئني يوم سالني : و انتي شو الي جابرنج عليها .
يلست العب بشعرها: لانها بنتك ولاني احب اليهال ...
سكت ما علق ع كلامي ..حطيت ايدي ع ايده و قلته: ذياب ..انا ما ابا منك الا شي واحد انك تحسسني انك راضي عني ..
سحب ايده ..فعضيت ع شفايفي غلطت يوم ذكرته كان لازم اتماشى معاه و اطري له شي من الي مضى حماره انا ..و الله اني غبيه ..
ترجيته: انا محتاجتنك ...
ذياب : بحاول اتفهم موقفي صوبج
سكت عنه ما ابا ازيده ..قعدنا نتمشى بالسياره...الين وصلنا سوق الذهب بالشارجه ..طالعته مستغربه ..
قالي : نزلي شويه اباج تختارين لي عقد ..
قلته: زين ..
استانست من زمان ما هداني شي ..نزلنا و شل هو مهره ..دشينا كذا محل ..ما عيبنا شي ..اخر شي اقتنع بالعقد الي اخترته ..وعيبه وايد ..ردينا الفندق ...و انا اتريا اللحظه الي بهديني العقد بس خله ع التسريحه ...قعدنا انطالع تلفزييون..عقبها ودنا ذياب السينما..و انا فـ بالي العقد حق منوه عيل ..؟؟ و ليش طلب ذوقي عيل ..
دشينا الفندق ساعات متاخره من الليل ..كانت مهره راقده حطيناها ع الفراش ... و رحت الحمام اتغسل ..ظههرت من الحمام جفت ذياب قاعد يطالع التلفزيون ..طاحت اعيوني ع العقد ...
زقرني : تعالي شوق يلسي ..
يلست جريبه منه سالني: استانستي اليوم ..؟
قلته و انا مرتاحه وايد : وايد حتى انك نسيتني سالفه الملجه ..
ابتسم: زين بعد..
قلته : بس شي وااحد شاغل مخي ..
طالعني مستغرب تجربت منه لي ما لصقت فيه و أشرت عالعقد : ها
ضحك: ههههههههه شو بلاه ..
عقدت حياتي: ع بالي لي ..
ضحك: ههههههههههههههههه
طالعته مستغربه شو يضحكه !...
نش من مكانه وراح صوبه و زخه ابيده وقفت يوم ياه صوبي استانست ع بالي بلبسني و انه كان ناسنه بس صدمني يوم قال : هاي حق عروستي اليديده ...
تمنيت اموت ولا اسمع منه هاي الرمسه بس تطمنت يوم ابتسم حسيت انه يسولف ضربته ع جتفه : ذياااااااااااب
تكلم بجد : صدق بغيتج انتي تختارينه ...
بلعت ريجي بصعوبه و حبست دموعي و قلته : انت اتقص علي ...
قال بنبره اتنرفز : ليش ...؟؟
قلته: لانك اليوم غييير عن الايام الي طافت موليه ..
حطت العقد ع الطاوله و قال: لاني حسيت اني ظلمتج البارحه يوم هزبتج .ع سالفه الطلعه مع مهره.و راضيتج اني طلعتج من الظهر الين ها الوقت..."قال لي" علشان جي سالتج استانستي ولا لاء ...
بديت اصيح ع كلامه قلته و انا قلبي يتقطع : انت جذاب ...
ضحك يتمصخر : ههههههههههه ليش ..
قلته بانفعال : لانك تحبني ..
تجدم مني : قلتلج الي يموت بها الدنيا من سابع المستحيل يرجع ...
صحت : عيل ليش خليتني اختار العقد تبا تحرق قلبي ...
قال بنبره جديه: مثل ما حرقتي قلبي ..
صرخت عليه: انا مالي ذنب ..
صد عني يبا يروح يرقد لحقته منعته و قلته: منو هاي ...
رد علي ابرود: ما يخصج ...
ضربته ع ظهره بكل غيض و انا اصيح: ليش ليش تعذبني تباني اموووت ..
زخ ايدي و قال بانفعال : بس ..
حاولت ابعد ايده عني لاني اول مره احس اني مب طايقتنه ...بس هو تم راص ع ايدي
قلته : طلقني ..
رد ابهدوء: ما اتخافين ع ابوج ..
قلته: ما يخصك قول الحينه طالق قووول
طالعني ذياب بنظراات تحدي فخفت صج يطلقني فصحت بصوت عالي ..منهاره ...تجدم مني حضن ويهي غمضت اعيوني و قلته: مب طايقه لمستك ..انا "كنت بقوله اكرهك بس هو جريب مني ما قدرت انطقها"
لوى عليه و همس بأذوني : العقد هديه حق فتون ..
انصدمت رفعت راسي اطالعه جني وحده غبيه قلته : جذاب ..
ابتسم و قال : و الله العظيم .حق فتون.."وضحك علي بصوت عالي " هههههههههههههههههه
دزيته ابكل قوتي و انا اضحك و اصيح بنفس الوقت فطاح ع الشبريه وهو ميت ضحك علي ...
ما كفاني حسيت بالغيض لانه يضحك علي فرحت صوب العقد و كنت بفره من الدريشه عفد صوبي
ذياب : لا يا مينوونه ههههههههههههههه
زخه عني بس انا ما طعت اعطيه و قعدنا نتصارع عليه ..اخرتها يره عني بقوه .كنت انافخ من التعب ..
ذياب: خبله انتي..
قلته: انت مينون و جذاب عود ...
ذياب : يفر العقد ع التسريحه : هههههههههههههه و الله انج سالفه ..مدري كيف طلعت مني هالسالفه
قلته : لانك جذاب عود ..
ذياب : هههههههه
قلته: ما يضحك ...؟؟؟
ذياب: و الله شكل ويهج يضحكني..
دزيته: ذيااااااااااااااااب
ذياب:ههههههههههههه
بس نقزنا يوم صرخت مهره: بابا صوتك عالي....."و شويه بتصيح"
عض ذياب ع شفايفه منحرج
ضحكت عليه: هههههههههه تستاهل ...دواك يوم حصلت هزبه من بنتك..
ذياب يكتتم ضحكته ..و يطالع بنته ..
ضحكت عليه : هههههههههههه
ذياب : عيل ما اتضاربين شوق تضاربين ابوج ..
مهره اتحطت ايدها ع اذونها : بسسسسس بابا ابا انام صوتك عالي..
طالعت ذياب و طالعني و يلسنا نضحك عليهااا ..و مهروه تنافخ من الغيض..


نشيت اليوم الثاني...قبل ذياب و مهره ..فتحت الثلاجه و شربت عصير ..يلست اطالع التلفزيون و اتذكر احداث البارحه حسيت اول مره اكتشف ذياب مينون ...ابتسمت ..يا ليت يتم جي ع طول يعاملني...برايه ما اباه كلام حب..بس ابا معامله طيبه و الله كل ها الي اباه ..منه ...طاحت اعيوني عالموبايل ..طرشت مسج لـ موزي
""مبروك و عسى حياتج كلها افراح و سعاده و السموحه لاني ما حضرت ان شاء الله فـ العرس"
عقبها اتصلت بـ شيخاني بس ما ردت علي..و اتصلت بـ حصه ...
حصه: هلا شوق اخبارج..؟؟
قلتها: ابخير ها شخبارج و اخبار الحفله..
حصه/: فاتتج ..حلوه موزي...
قلتها : كنت اتمنى احضر بس اتصدقين موليه مب ندمامه لاني ييت مع ريلي الشارجه.
حصه: الله يهنيج حبيبتي...
سالتها: جفتي ندى ..؟؟
رد ت علي: هيه كانت معاها فتون ...كاشخه ندوي....
قلتها: يلا بجوفكم بالصور ..
حصه: متى بتيين ..
قلتها: يمكن اليوم ع حسب ذياب ..
حصه: خلاص عيل سلمي عليه..
قلتها: و انتي بعد سلمي عليهم جميع ..
حصه: من عيوني مع السلامه
شوق: مع الف سلامه ...
رحت صوب ذياب اهزه : ذياب ...حبيبي نش يلا ..
فج اعيونه بكسل يلست جريبه منه: متى ناوي اتنش الساعه 11
تفاجا بالوقت: و الله ...
قلته: و الله يلا قووووم..
قعد فقلته: متى بنروح رااااك...؟؟
قال لي : بنتغدا و بنظهر زهبي الاغراض ...
قلته: من عيوني ...
قومت مهره و سبحتها و لبستها ملابس يديده ...وعقبها رتب الاغراض ..انا جي مرتاحه ما ابا اسال ذياب لي متى بتم راضي علي علشان ما ينفر مني ما صدقت انه قعد يسولف و يضحك معاي شرات اول ...نزلنا تحت تغدينا ..عقبها طلعنااا صوب راااك ...وصلنا قبل اذان العصر كان البيت فاضي ...
قلت ذياب: ندى ما تدري انا بنيي اليوم ..
ذياب يحط الشنط عالارض : بروح لهم اليوم ..
قلته: بروح معاك اسلم عليهم من ظهروا من البيت ما قد سرت لهم ..ترييت عزيمتهم بس محد عزمني ..
ذياب: ما تحتايين عزايم ..."طالعني" بروح الحينه عندي شغل ...برجع عقب صلاة المغرب باخذج معاي ..
قلته: زين خذني الحينه بيت امايه..
ذياب: باجر روحي لهم ...انتبهي لـ مهرا ..
كنت بزقره و اقوله لا اتروح تم معاي بس انا اباك محتاجتنك بس غاب عن عيوني يلست الاعب مهره و عقبها نظفت البيت اتسلى طبعا مب كله لانه وايد عود ...اتصلت باهلي اخبرهم اني ييت و اني باجر بزورهم ..عقب ترينا ذياب ايي ياخذنا بيت خالوه العوده ..كنت بالمطبخ اسوي بيييتزا....التفت لـ للباب يوم جفت ذيااب واقف عداله : شتسوووين؟؟
قلته : خلاص ما بتأخر كنت اسوي بيتزااا حق قوم خالوه العوده ...
ذياب: من دشيتي ها البيت عمرج ما طبختي شي اشمعنى الحينه !!!
ابتسمت : كنت ملانه ...و بعدين فضيحه اندش بيتهم ايدنا فاضيه ..
ابتسم لي ذياب: زين يلا باخذ مهره معاي السياره لا تتاخرين ..
قلته : ان شاء الله ...
زهبت البييتزااو رحت حجرتي بدلت ملابسي و نزلت رايحه صوب سياره ذياب ..عقب دقايق وصلنا بيت خالوه العوده ...كان بيتهم حلو و كبير بيت مب اكبر عن بيت ذياب بس شي افكا رمتشابهه منه ..زعلت يوم ما جفت استقبال خالوه لي بارد جدا و جنه شايله بخاطرها مني...حتى يوم عطيتهاا البيتزا فرتها ع الطاوله من دون اهتما م ...
ذياب: عيل وين فتون و ندى..؟؟
خالوه : مدري جنهم فوق ...قاعدات ع الكمبيوتر ..
اتذكرت اللابتوب مالي من زمان ما قعدت عليه ولا قريت قصص...
نش ذياب: بروح اجوفهم ...
قلتها عقب ما روح ذياب: ما شاء الله بيتكم وايد حـلو ..
خالوه العوده: زين فكرتي اتيي اتجوفينه ...كل يوم عافده بيت اهلج..
قلتها: يوم لقيت الفرصه ييتكم...
خالوه العوه و كان ردي ما عيبها: الله اعلم جم باجي سنه ي ما اتييج الفرصه ..
خذت كلامها بروح رياضيه :: ههههههههههههه سنه عاد خالوه ..
طالعتني بنظرات عتاب بس انا ابتسم لها قلتها: عاد انتوا بعد تعالوا بيتي مرات افتقدكم و الله
خالوه العوده: بيتج !! صار بيتج بعد..
قلتها:طبعا بيت ريلي كأنه بيتي خالوه ...
ييت ندى و فتون ووراهم كاان ذياب.استانست يوم جفت ندى ..وقفت اسلم عليها
لوت علي: شوقاني وحشتيني..
قلتها: نفس الشعور و الله افتقدتج..ثاني مره بناخذج معانا ..
ندى: ههههههههههههههه جان بتذلني مهرووو
فتون جنها تذكرني انها موجوده: شحالج فتون ..
سلمت عليها: ابخير شحالج انتي شو الملجه ..
ردت : الحمدلله ابخير .. و كل شي كان روعه ...
خالوه العوده: ذياب بو راشد كلمني ..
كلنا سكتنا يوم خالوه العوده قالت هالجمله ...كملت: قال امطرش عليك علشان سالفه خطبت ندى ..
ذياب: مب موافقين ..
خالوه العوده: بس البنيه تبااه ...شو ندى ..
ندى كانت منحرجه و اطالعني جنها تباني ارمس عنها لكن لو شو يصير ما بتكلم...علشان ذياب بيحرج علي ..لو نطقت بحرف خليه جي راضي عني ...نزلت اعيوني بالارض مستسلمه ..
ذياب معاند: وايد رمسنا بها الموضوع .."طالع ندى" ندى شو تبينه ...
ندى متردده: مدري انتي مخوفني من الفكره ..
ذياب بدا يحرج: لانه انسان فاسد ما يتعاشر و انا موليه ما اضمنه ..
خالوه العوده : بس هذي بنت عمه و محجوزه له من يوم كانوا صغار ..
فتون : خالي لا تربط مشاكل مع راشد بالخطبه ..
طالع ذياب فتون بنظرات عصبيه .و الظاهر شويه و بيقوم يكفخها بس فتون سكتت ..ابسرعه ....متروعه منه ..
خالوه العوده : صح كلام فتون ..
ذياب " ما بيني و بينه شي موليه ..و انا ما ارضى بنت اختي تاخذ هاللوث ..
خالوه العوده: زين انت انشد عن الريال صح كلامي شوق ..
نقزت انا ما يخصني طالعني ذياب بسرعه فقلت : ممدري انا ما يخصني بشي ..
ذياب: شوق مالها خص بالموضوع ...ندى مليون مره سالتج تبينه ولالاء..
ندى: شو فايده ردي جان انت رافض بالاساس ...
وقف ذياب : عيل خلي السالفه معلقه لي ما يحسون انه ما نباهم عقب بروحهم بيهونون ...اختيه شوق بتتعشى معاكم "طالعني" بمر عليج عقب العشى ..و انتي بعد ندى
خالوه العوده: تعال وين رايح انت مب خايف ان عم ندى يزعل ..
ذياب طالع من البيت : جان زعل بروحي بخبره البنيه ما تبا ولدك...
ندى: خالي اصبر شويه ...
ذياب: ع راحتج بترياا ردج هيه ولا لا ع راحتج بس انا من الحينه اقولج هالانسان ما يتعاشر..
وصكر الباب و ظهر خلني بروحي مع اختيه و فتون جان الحينه بيطحون فيني...
خالوه العوده: شوق اكيد تعرفين ليش ريلج ما يبا ولد خالتج..
قلتها: انا شدراني ..
فتون: مستحيل ما اتعرفين ..
طالعت ندى جفت الحيره بعينها ...سكت
فتون: يلا قولي جان تعتبرين ندى اربيعتج و اتحبين لها الخير ...اوقفي معاها ..
بلعت ريجي و قلت: سمعتوا ذياب قال انا ما يخصني بمواضيعككم...
فتون: ويه عيل ليش ربيعتج ..خذتي خالها و خلاص ...انتهت المصالح..
عصبت عليها: شو قصدج..؟
ندى: فتون شو هالرمسه ...شوق رييعتي من كنا صغااار ...
خالوه العوده واقفه: ويه خلواا عنكم هالسوالف الكتاب امبين من عنوانه ...فتون يمه اتصلي بالمطعم اييب عشى حق حرمة خالج ..
فتون بعد واقفه: بتصل بـ هزااع اييب لنا عشى ...
تمينا انا و ندى ابروحنا ..حست ندى اني بصيح ..نشت و يلست عدالي : لا تضايجين ..
قلتها/: افكر اتصل بـ ذياب ايي يااخذني ..من هني ..
ندى تترجاني: علشاني تحملي ..
قلتها: انا يايه اتعشى عنهم ولا اشحت ..
ندى ابتسمت : ما عليج منهم ..حبيبتي..تحملي .
تنهدت بعمق .. و عذاب ...مرت الساعات تعشيت و حسيت بالراحه يااه ذياب ياخذنا ...كان الصمت امخيم علينا الظاهر ذياب متضايج يوم خالوه العوده طرت له خطبه ندى من راشد ..حتى انه ما رمسني ترييته فـ ليل يوم يااه يرقد قلته: ما بترقد دااخل ..
غطى ويهه بيده و قال: لا ..
يلست ع طرف الكنبه : انت متضايج مني ..اذا علشان السالفه الي صارت فـ بيت خالوه..
قاطعني: شووق فجي عني ...خليني ارقد ..
زخيت ايده اترجاه: انا ما صدقت انك هاليومين..
سحب ايده بقوه و نش من عالكنبه ووقف ابعيد عني : هاليومين انسيهم كانت غلطه مني..
دمعت اعيوني: شو يعني غلطت ..ليش تعاملني جي ..
حرج علي: لانج وحده ما تستاهلين الواحد يعاملج بالزين..
وقفت: حرام عليك ذياب "رحت صوبه و صد عني" قلته : خلنا نعطي بعض فرصه دخيلك..شرات اليومين الي طافوا ..
طالعني جنه متجزز: انا ما اقدر اعيش معاج مب طايقنج..و البارحه بس لاني بغيت ارضييج لاني ظلمتج بس لاتحطين فـ بالج اني ممكن اعيش معاج وايد مستحيل
تجربت منه و انا اصيح: ذيااااااااااااااب حرام عليك
زخيت ايده فج عني و قال : روحي للي حبه قلبج
ما تحملت اهاناته أكثر ...يلست ع الكنبه مب متحمله كلامه و تجريحه لي ..كنت فرحانه ع بالي تغير علي ورجع ذياب الي عرفته و حبيته بس طلع كل هاه علشان يرضي ضميره يوم حرج عليه لاني طلعت بنته من غير ما اقوله ...يعني الي قاعد يسويه فيني يريح ضميره ...قعد عدالي و زخ ايدي خلني اواجهه
قلته: انت معذبني ..
قال لي : قلنالج من البدايه وقت ما تبين تروحين بيت اهلج روحي ...
صرخت عليه:ا نت من شوه مخلوق ..
رد علي محرج: و انتي نسيتي شو طينتج يوم قاعده تواعدين الريال تسرقون بيزاتنا و اتسافرون ..
ابتعد عنه مب طايجتنه قلته: هاي السالفه انتهت ..
تجرب مني : بالنسبه لي عمرها ما بتنتهي ..ع بالج اني شراتج اسوي سوالفي و اعقها بحر من ما افكر باحساس و مشاعر الناس ..
دزيته : انت متوحش ما فيك رحمه ...و جنك ما صدقت ارمسك قمت طلعت كل الي بخاطرك..
ابتسم: علشان اتحرمين اتين اترمسيني مره ثانيه ...
رفعت راسي اطالعه بألم : ذياب ليش انجلب جي حالك ...
ذياب بكل غيض: لاني مقهور كل ما تذكرت اني مرتبط بـ وحده اشك انها بنت عـرب ونــ
اول مره اقاطع كلامه ولاني ما بغيت اسمع باجي كلامه ...رفعت ايدي و عطيته كف ع ويهه من الخاطر ..كف برد النار الي بداخلي ...كف حسسني انه ندم ع الجمله الاخيره الي قالها لي ...تميت اطالعه بنظرات عصبيه رغم ارتجاف ..و الي خلني اتاكد ان الصفعه الي يت ع ويهه فادته وايد يوم سكت و طالعني بنظرات أسف ...صديت عنه احاول اكتم صيحه حطيت ايدي ع حلجي غمضت اعيووني يوم سمعت باب الصاله يتصكر عرفت انه طلع من البيت ..ربعت حجرتي و يلست عالشبريه اصيح منهاره .

..ما اتحمل خلاص ...ذياب ما منه فايده ..انا غبيه حماره ولا اي ريال يرضي يعيش ويا وحده اكتشف ان كانت لها علاقه بشاااب و مب اي شاب بالنسبه لـ ذياب ...الله يغربلك يا راشد الله يعدمك من الدنيا و الحياة بكبرهااا
..في اليوم الثاني قومتني مهره
مهره: ماما قومي انا يوعانه ..
فتحت اعيوني كانت الساعه 11 ..الضحى ...نشيت بكسل كنت احس بالارهاق ..و لتعب من الي صار البارحه ..نشيت غسلت مهره و بدلت ملابسها و تغسلت ابروحي .. و نزلنا تحت جفت عبيد و سهيل قاعدين تحت يلعبون بلاستيشن ...
سالتهم: تريقتوا ..؟؟
عبيد: من زماان ...
قلتهم: وين ندى ...؟
سهيل: راقده بحجرتها ..
قلته: غريبه ندى للحينه راقده ..؟؟؟
طلبت من الشغاله اتحط ريوق لي و لي مهره ..قبلها رحت حجرة ندى دقيت الباب ماشي رد..
دقيت مره ثانيه: ندىىىى فجي الباب ..ندىىىىىى
ماشي رد اكيد راقده ... نزلت تحت و تريقت مع مهره ...عقب خليتها تلعب مع عبيد و سهيل ؟.. و يلست ابحر في عالم افكاري ادور حل لـ حياتي مع ذياب ...عقب الي صار البارحه مستحيل حياتنا تستمر ...تنهدت بعذااب ..ارجع بيت ابوي ..؟؟؟ يالله ساعدني ..جفت ندى نازله من الدري ..طالعت الساعه ..
ابتسمت لها: صباح الظهر ...اول مره ندوي اتنش الساعه هنتين الظهر ...خالج الحينه بيي من برع جان بنصدم..
جفت ملامحها جامده طنشتني و يلست اتصب لها استكانت جاي ..
رحت صوبها و يلست جدامها اكيد متضايجه لان ذياب رد خبر لـ قوم خالوه حليمه انهم رفضوا ولدهم ..
حطيت ايدي ع جتفها : ندى حبيبتي ..
صرخت يوم وقفت ندى فجاه وصفعتني ع ويهي ..كانت صفعتها قويه طالعه من خاطرها ..حسيت ان ويهي تشنج من اثر صفعتها ..طالعتها و انا اصارع دموعي اسالها عن السبب بس عيزت شفايفي تنطق بحرف واحد..
اوول مره بـ حياتي اجوف ها الويه للـندى صرخت علي و هي اتصيح: يا الحقيره ..يا الواطيه
صحت يوم سمعت كلامها لي عرفت ان ندى عرفت اني انا و راشد فـ يوم كانت لنا علاقه ...
تميت يالسه ابمكاني مب رايمه اتحرك و ايدي ع خدي مكان صفعتها ..
كنت اجوف دموع القهر بعيونها صحت معاها و قلتها: ندى اسمعيني ..
صرخت: علشان جي كنت اتحاييلين علي ارفضه ولد عمي ...يا المنافقه ..خالي كيف مرتبط بوحده حقيره ..
صرخت عليها: ندىىى
بس ندى ما عطتني فرصه ادافع عن نفسي عفدت علي و يلست تضربني ما قدرت ادافع عن نفسي لاني كنت ما بين الصدمه و الاستغراب من حركات ندى ..كانت ضربات اتييني من ندى بكل مكان من جسميي ...كنت اسمعها اتصيح و اتسبني بس ما كنت افهم لها ...الين ما يااه ذياب ورحمني ..زخها و بعدها عني ..وقفت ابسرعه و انا احس ان عظامي بتكسر ...كنت بحتمي بـ ذياب بس تفاجات انه راح صوب ندى يلوى عليها يخفف عنها حسبت انه بيضربها مثل ما سوا مع فتون بس ذياب وقف بصف ندى .رفعت راسها
اتصيح : خالي كيف ارتبطت بهاي
ذياب كان يحاول يهديها: ندى خلاص سكتي ...اهدي
وقفت وحيده ..ذياب ما افتكر فيني ولا صد صوبي حتى ..كان همه يراضي ندى ..الي كانت اتصيح بصوت عالي مصدومه ..حسيت ان مالي مكان بها البيت خلاص ...ذياب من اول نافرني و خالوه العوده و فتون علاقتي ما كانت طيبه معاهم و ندى الوحيده كانت اتصبرني لكن الحينه خسرت كل شي بـ حياتي سؤال كان يدور فـ بالي .. لـ متى راشد بتقعد تفضحني لي متى ..؟؟ بقعد ادفع ثمن غلطه ما كنت اقصدهااا
ربعت حجرتي و رفعت سماعة التلفون اتصل بـ سعيد الي و جنه كان حاس ع طول رد عـلي ..
سعيد :هـلا شوق
مسحت دموعي و قلت: سعيد تعال خذني بيت ابوي ...


حبـنا مبـني علي صادق اصولـــه ... حبنا اكبر من أقوال البشر
كــل عطف ووّد من شخصــك انولـه ... بالحلا والزين متّعت النّـظر