كاتب الموضوع :
sommanha
المنتدى :
الارشيف
صباح الخير عليكوا يا قمرات
ما شاء الله أحداث كتيره حصلت و انا مش هنا , بس أعذرونى الأولاد عندى جالهم برد و اليومين اللى فاتوا كانو صعبين شويه
ورده حياتى , ألف سلامه عليكى و إن شاء الله ربنا يعافيكى قريب و ترجعى أحسن من الأول و أكتر و الله يعينك فى المدرسه . و ما شاء الله عليكى فى الخيال عشره على عشره
ههههههههههه
رومانس حبيبتى أنا مبسوطه إنك إتوفقتى فى مشروعك و يا رب تخلصى الباقى على خير و عقبال كده ما نعملك حفلة التخرج بأذن الله , خلى بالك من نفسك و مذاكرتك و الله يعينك
روبا يا كنافه كل سنه و إنتى طيبه و عقبال 100سنه إن شاء الله
قوليلى بقه ليه زعلانه من الدنيا الأيام دى , و ليه مش شايفه الدنيا حلوه زى ما بتقولى فى التوقيع بتاعك , إنتى لسه صغيره ياكنافه و العمر قدامك طويل بإذن الله و حياتك قدامك إنتى لوحدك اللى هترسميها بأيديك, طلعى نفسك من المود ده و أستمتعى بحياتك أحسن تلاقى العمر عدى و انتى مش حاسه بيه و تقولى آه لو أرجع لعمر العشرين تانى كنت عملت و سويت
كوكو , فعلاً الموضوع من غيرك ماصخ و مايع و ملهوش طعم زى ما قالت ورده تمام
ديو , حمد الله على السلامه يا قمر , فينك من زمان , الله يعينك فى الشغل , إذا إنتى بتعملى اللى عليكى فى شغلك و راضيه ضميرك يبقى خلى اللى يصير يصير و ما تحرقى أعصابك
على فكره أنا شفت الفيلم ده و بموووووت فيه , قصته كتير حلوه و رومانسيه
دراجو , كيفك حبيبتى , كالعاده ذوقك دايماً ممتاز فى الأغانى , عاجبنى الفريق doors down3
بس لسه ما سمعت keath urban
i'm kinda of an old music lover , like FRANK SINATRA ,DEAN MARTIN , BEE GEES , ABBA, PINK FLOYD, GUNS N' ROSES , AIR SUPPLY and stuff like that , but it's always good to hear something new
and as the girls said before , the male singer is better than the female , there is something about their tone of voice that makes the song better i guess
ليليان , ألف شكر حبيبتى على الموقع , ربنا ما يحرمنيش منك
جوجو , إيه أخبارك يا عسوله طمنينا عليكى
لوسان , مبروك يا حبيبتى و عقبال التخرج يا رب
مايا , ألف سلامه عليكى , يا رب يعافيكى حياتى و ترجعى لنا بالسلامه إن شاء الله لإنك وحشتينا
ريومتى الحلوه , إيه الكلام ده ,امنيتك إنك تموتى و إنتى عندك 17 سنه , إيه الأمنيات السودا دى
إيه الحكايه يا بنات , يعنى روبا زعلانه و هى عندها عشرين سنه و دراجو نفسها ما توصل للستين و إنتى يا ريما كان نفسك ما تشوفى العشرين
طب ليييييييييييييه اليأس ده , و الله قلبى بيوجعنى لما بسمع الكلام ده
اخيراً احب ارحب بالاخ سيد فى اسرتنا و يا ريت تبقى عضو دايم معانا و تشرفنا بأى وقت و جوابى على سؤالك هو إنى أعيش حياتى بسلام و أربى أولادى تربيه صالحه عشان لما أموت يدعولى إن ربنا يغفرلى ذنوبى و الناس تفتكرنى بالخير
داليا , هلا بيكى بينا و خلينا نشوفك هنا دايماً
سلااااااااااااام للجميع و يا رب ما اكون نسيت حد و إذا نسيت يا ريت ماتزعلوا منى
|
12-03-09, 10:51 AM
hah
جديد مواضيع قسم الارشيف
العرض العادي
