أنا لساني ما شفت الا مشاركة هبهوب وعالسريع بقول يا ريت لو تحسني تقري

Catherine Anderson - [Kendrick,Coulter2] - Phantom Waltz


Catherine Anderson - Annie's Song


لأن من بعدهم صعب كتييييير أحسن أرجع أعجب بالبطل يلي كل مقوماته إنه كازنوفا ويا أرض اشتدي ما حدا قدي

وبكل الأحوال أنا بموت بليندا هاورد

سلام بنات

أول الشي كوكو ...كالعادة وجهي أسود منك لأني نسيت أعبر عن جزيل شكري لشرحك لطريقة عمل الأفلام ...حقك علي يا بنت والله يقدرني على رد تعبك معي بأفراحك بإذن الله

ربا الغالية متل ما قالت وردة قلبي بيوجعني كل ما شفتك عم تبخسي قدر نفسك ..وعلى فكرة مو بس من ناحية الرقة والذوق بل إنت قوية وعندك أسلوبك بعرض وجهات نظرك فإذا كان فعلاً بتبعثي إشعاعات سلبية عن نفسك ما راح قلك هالشي مستحيل لأن بيجوز على أرض الواقع يكون تعاطيك مع الناس مختلف _متلي مثلاً بنقطة إن عدم السمع بيحجّم قدرتي بالتفاعل وبحالتك ممكن يكون السبب مختلف_ المهم هالنقطة ممكن تتعالج ولو قريتي أو شفتي حلقة أوبرا عن كتاب السر كان كلها عن الذبذبات يلي بتنطلق منك وبتحدد رد فعل الناس تجاهك ...

وقصة عالماشي بتتعلق بموضوعنا الآن وبموضوع الجمال يلي حكينا عنه بالسابق .. عندي رفيقة وجهها مشوه لاحتراقه بشمعة في طفولتها ووالله يا ربا وقت بتنظري اليها عيونك ما بتشوف هالتشوه من الطيبة والمرح والتفاؤل يلي بيشعوا من عيونها لدرجة تبهرك وتعميك تقريباً من بريقها..كالعادة مو قادرة أسلسل أفكاري بشكل مفهوم لذا يا رب أكون وصلت جزء من فكرتي وما أكون نسيت شي جوهري

وربا أنا بنظر للموضوع على إنه سلعة بدي أبيعها يعني بكل منتج له مواصفات سلبية وإيجابية وطريقة عرضك له بتحدد رد فعل المشتري ..يعني شفتي كل الكلام يلي قلته عن نفسي ..كان صحيح ومن غير أي اعتذار أو تبرير لأن بالمقابل في نقاط منيحة بشخصي _خدومة ووفية ومخلصة وجدعة وقوية_ وعم قولها لمجرد اعطيك فكرة إني ما بعتبر نفسي شخص سيء أو غير جدير بالتعرف عليه لأن الكمال لله وحده وبإذن الله تعلمت كيف أسيطر نوعاً ما على طبعي بحيث عيوبي تكون موجهة لذاتي وما تضر غيري بنفس الدرجة

متل ما قالتلك وردة اعرفي لمين تعطي اذنك للنصيحة وأخذ الرأي وعلى فكرة أنا مع المثل _يابخت من بكاني وبكي معي ولا ضحكني وضحك الناس علي_ يعني مو تحكي بس مع يلي بيجاملك لا المقصد الناس يلي ممكن تقلك الحق حتى لو زعلك منها بس همها مصلحتك مو تحطيم نفسيتك

ويا بنت بتصور إنت اصغر صبية عنا يعني على حد علمي في أشهر بينك وبين رومانس لذا العمر أمامك حتى تستفيدي من الايام بصقل نفسك فيلا ما بدي اسمع لغة التنازل النفسي هي

وطبعاً ألف مبرووووووووك على التليفون والكمبيوتر تتهني فيهم يا رب وعقبال تحقيق كل يلي بنفسك حبيبتي