كاتب الموضوع :
dr_e
المنتدى :
الارشيف
اقتباس :-
المشاركة الأصلية كتبت بواسطة dr_e  |
لين
كلامك واسئلتك مهمة
واسمحيلي اناقشك:
عارفة ليه الناجحين قلة؟؟
عشان الاغلب اتسرعوا
قالوا زي مالبعض بيقول ضل راجل ولا ضل حيطة
قالوا اهي جوازة والسلام ومافكروش سواء هو او هي انه ربنا قال عن الزواج ميثاق غليظ, وان قدسيته تحتم ان كل واحد فيهم يفهمه صح ويحاول يحافظ عليه
دلوقت لو بصيتي حواليكي هتلاقي حالات الطلاق في اول سنة جواز كتير اوي نتيجة لانهم محاولوش حتى يحلوا مشاكلهم ودوروا على اسهل الحلول
اللي اتمتعوا بالسعادة ف حياتهم منهم زي مابتقولي حياتهم روتينية لكنهم بايدهم يخلوها حلوة وممتعة
ماداموا اتفقوا انهم يستمروا وحبوا بعضهم اكيد هيقدروا , تعرفي مش دايما الحب بيجي قبل الجواز, بالعكس اوقات كتير بيجي بعده وبيكون قوي جدا وعنيف كمان
عارفة انا مؤمنة تماما ان الجواز عمره ماهيكون كله ايام حلوة ولا هيكون كله ايام مرة
بالعكس
الحياة فيها وفيها
والاذكياء هم اللي يعرفوا يتغلبوا على المرار بالتفاهم والود
انا ضد فكرة ان يااما الحب والجواز مع بعض يااما لا, لان احيانا الجواز التقليدي بيولد حب ويستمر العمر كله,واحتمال ان الاتنين يجوا مع بعض قليل اوي يكاد يكون نادر
عارفة بالنسبة لموضوع الجواز والدراسة هتكلم عن تجربة:
واحدة من قريباتي اتجوزت اثناء دراستها ومعرفتش تكمل, انشغلت بالبيت والزوج, وواحدة تانية ماشاء الله كملت من غير رسوب
يعني المسألة نسبية
عن نفسي زي ماقلت ف موضوعك شايفة ان لو الشخص مناسب يبقى ارتباط مبدأي لغاية ماتنتهي الدراسة
تعرفي كل اللي بيقول مش هتجوز في المطلق بيقول كدة وهو مش مقتنع, ومن جواه بيكون عايز يتجوز النهاردة قبل بكرة
لكن هتكلم عن نفسي: على اد ماجوايا احلام بالحب والامومة وانسان اطمنله واحبه ويحبني واشيل همه ويشيل همي الا اني خايفة تعرفي ليه؟ عشان معدش في حد كويس, تنكري ان دلوقت الاستهتار واللامبالاة والتفاهة سمة لشباب كتير؟ تنكري ان كتير انانيين و عقولهم فارغة ومعندهمش احساس ولا فهم لمعنى الزواج والمسئولية والحب؟
مش بعمم كلامي لكن كتير كدة على الاقل اغلب اللي اتقدمولي او شفتهم حواليا سواء في دراستي او شغلي كانوا كدة
ومش معنى كلامي ان البنات ملايكة, لا في بنات كتير برضه فيهم العيوب دي واكتر
عارفة اكتر حاجة مخوفاني اني عارفة نافسي يوم ماهتعلق بحد او احب حد هحب بجنون, ولو انجرحت هتعب جدا
لين صحيح يعني ايه تظبيط؟؟
|
اهلا ياقمري
ونرجع لساحة الحوار>> حسيت اني ماسكة مايك وعلى التي في
قوتي حاجة مهمة اوي ..
انو اغلب حالات الطلاق في السنة الاولى
لانهم ماحولوش يفهمو بعض ويتحملو ويحافظو على الي بينهم
واتخذو اسهل الحلول
فعلا ياخدو اقرب حاجة
بتلاقي سهل كلمة الطلاق اوي
هيا على لسانها ’’اروح بيت اهلي’’
وهو على لسانو ’’اقدر اشوف غيرك ’’
حلو لو كان فعلا الزوج يمسك مراتو في بداية حياتهم
يقولها دا الطلاق ابغض الحلال
مهما مر ظروف ماننطق الكلمة دي ابدا
تعرفي؟
احيانا مجرد ترديد كلمة الانفصال بتخلي الامر بسيط في عين الشخص
لازم يكون في توعية
ان دي حاجة كبيرة
مش عيب ومش حرام الطلاق
لكن حاجة مش مستحبة وهيا اول سبب شتات اي عائلة
تعرفي احيانا المشكلة ايه؟
لما يحصل الطلاق وهيا حامل او عندها اولاد
فعلا مافيش وقتها استقرار ليهم
..
التضبيط ياستي
بشوف كتير دلوقتي
طبعا زمان ككان الموضوع سهل
البت تلبس وتتشيك وتكون على سنقة عشرة تحضر افراح
تخلي ام فلان تشوفها
تكون لطيفة
لكن دلوقي الموضوع بقى جريء زيادة - الا من رحم ربي-
بتلاقي البت بتقنص على شخص مناسب
وتحاول تتققرب منه
تتعرف عليه
وبششوف ناس تخطط تعمل نفسها تقليه على شخص معين وكأنها عرفتو صدفة
شوية شوية يوقع في دبادبها ويخطبها
المشكلة في الموضوع دا
في حاجات كتير
اولها بيبقى عادي تشوف واحد تشوف اتنين تلتتة ويخف حيائها
في مشاكل كتير خصوصا لو ماكنش هوا ناوي زواج وهيا تحبو
ح يوصلو لايه
ربنا يستر على جميع بنات المسلمين يارب ويوفقهم ويهديهم : )
اشكرك^__^
سلامي
|
28-02-09, 03:12 AM
جديد مواضيع قسم الارشيف
العرض العادي
