اليوم ياحلوين جاية بموضوع مهم جدا وخصوصا لبنات الحارة
وهو:
كيف تطفشين عريسا؟


طبعا مشكلة كبيرة بتقابلنا لما تلاقي واحد جاي يتقدم وانتي عايزة تطفشيه ومش عارفة, وهنا هنتبادل سوا خبراتنا في الموضوع دة ونشوف ازاي نخلص من الورطة دي:

بنكون ف حالنا ومرتاحين وفجأة نسمع الخبر الصاعقة: جايلك عريس يابنتي
يادي المشكلة
دانا مش عايزة اتجوز ياماما على الاقل دلوقت
تعالى شوف الحق بنتك بتقول مش عاوزة اتجوز , هو كل مرة كدة بلاش دلع قابليه وبعدين ابقي قولي اللي انتي عايزاه

وهنا بيكون لا مفر انك تقابليه
ولو لقيتي انو مش مناسب وكلمة لا خايفة تقوليها ليحصل هجوم حاد مضاد من اهلك تعملي ايه؟
هنا بقى يجي دور خططنا البسيطة دي , بس يارب تنفع^_*

كيف تطفشين عريسا:

اول حاجة ياست البنات:
جربي الاول تقولي لا بهدوء وتناقشي الاسباب مع اهلك,ويا اما يقنعوكي يا تقنعيهم

ولا اقتنعتي ولا اقتنعوا, ومصرين تجربي الاول تعرفيه وعندهم امل, نتنقل بقى للخطوة التانية:

يوم مايجي مش لازم تلبسي اللي ع الحبل, وتتشيكي, لا خليكي عادية جدا والبسي اي حاجة وخلاص
بلوزة لونها سخيف, جيبة موضة قديمة جدا( بقالي كتير مشفتش واحدة لابسة جيبة بليسيه هيكون شكلها تحفة) , طرحة لونها مش مناسب للطقم, الوان متنافرة, اي حاجة م الحاجات دي, ولو كنتي ف اول مقابلة عرفتي ايه الالوان اللي بيكرهها, البسيها, ولو سألك ليه قوليله بحب اللون دة جدا وكل هدومي كدة عاجبك؟؟

-بعد كدة بقى وانتو قاعدين طنشيه خالص ووجهي كلامك لأي حد موجود في القعدة دي الا هو,كلمي مامته مامتك اخوكي باباكي اي حد الا سيادته, ولو وجهلك اي كلمة ردي بالقطارة ويادوب كلمتين وبس

-لو حب يفتح معاكي اي مجال للكلام صديه, وقوليله ردود تغيظ بس بذوق وأدب, لو كان أهلاوي قولي انا بقى بشجع الزمالك, لو مش بيحب حاجة قولي انك بتحبيها جدا,مثلا مش بيحب الكوسة, قولي طب ليه كدة دانا بحب اعملها كل ماجي اطبخ , لو مش عاوزك تشتغلي قولي لا هشتغل وبحب الشغل جدا, حتى لو ناوية تسيبي الشغل بعد كدة المهم انك تطهقيه عشان يطفش

- لما تيجي تقدمي واجب الضيافة: هنا بقى حاجات كتير ممكن تحصل:
لو شاي او اي حاجة سخنة بلاش تدلقيها عليه حرام بلاش تجيبي لنفسك مصيبة, انما لو حاجة باردة مفيش مانع مش هتضره غير بس هدومه تتبهدل, المهم ماتوقعيش حاجة على الفرش بتاعكم ومامتك ذنبها ايه؟
لو هتقدمي عصير مثلا بلاش تقدميه ساقع قدميه سخن ولو شاي قدميه بارد
لو بيحب القهوة او الشاي سادة قدميه سكر زيادة والعكس صحيح


- لو كانت بقى المقابلة في شغلك واتعمل فيكي مقلب وخلوه يجيلك هناك تعملي ايه بقى ؟
الخطة بسيطة برضه:
خليه يستنى برة مكتبك كتير بحجة ان عندك شغل, ومتخليش السكرتيرة او الساعي يدخله الطعيه برة على الاقل نص ساعة او ساعة
لنفرض مازهقش برضه؟
يدخل ماشي, بس اول مايدخل اعملي نفسك مشغولة امسكي التليفون وكلمي اي واحدة من صاحباتك تسأليها عن اي حاجة تخص الشغل(ماحبكش غير دلوقت) واتكلمي كدة على الاقل عشر دقايق
بعد كدة ياستي لو فضل مستني برضه(لزقة بقى نعمل ايه) اتكلمي بالقطارةبرضه, واعملي نفسك خارجة برة تقولي للسكرتيرة تجيبله حاجة ساقعة واقعدي برة شوية
لو ف عز الشتا قدميله عصير متلج, ولو ف عز الحر قدمي شاي او قهوة سادة او كوب كاكاو سخن مولع(احسن)
-ماتنطقيش خالص غير بس رد على اي حاجة بيقولها ويكون كلامك زي ما قلنا بالقطارة, ويادوب كلمتين وبس

لو بعد دا كله يامسكينة مفيش فايدة ومازال متمسك بيكي ومعرفتيش تطفشيه, يبقى شاريكي وعليكي انك تفكري تاني, يمكن, والبقاء لله بقى في حياة العزوبية بتاعتك

ايه ده يا اسراء ؟؟؟


ايه الافكار الجهنمه هادي

لا اسراء هي بتنفع بس المشكله انها مكشوفه

صارت معروفه جدا عن الشباب

انا مشان هيك ما بدى اتزوج
قال افكار جهنمية ههههههههه