صعب اني اتوقع نهاية لقصة يكتبها د أحمد
بس ياريت فعلا رفعت اسماعيل مايموتشي لان دا هيدينا امل ان تبقي في اعداد خاصة
وشكرا يا ماهر

أحب أشكر كل اللى شاركني الرأي (جين هود , حماده , و أبو سلمى) وبالنسبة لـ (لبنى) فأقول العفو .. بتشكريني على إيه ؟؟؟
أنا شايف إن أغلبنا إن مكنش كلنا مش حابين فكرة إن رفعت يموت ..
على الرغم إن دكتور أحمد عندما إبتكر تلك الشخصية .. كان يقصد إنها متكنش شخصية أسطورية أو شخصية البطل المتركزة في أذهاننا بمواصفات معينة .. لكن شخصية رفعت تفوقت على البطولة نفسها في إنها أصبحت قريبة لينا جدا ..
دايما في مقدمة كل قصة بنحس إن جدنا رفعت إسماعيل قعد عشان يحكيلنا حدوته جديدة .. كلنا تقبلنا رفعت بمميزاته و عيوبه وده لإننا حسينا إنه واحد مننا ..
مش عارف ليه بتكلم بصيغة الجمع ؟؟؟ يمكن لإني حاسس إنكم ممكن تكونوا بتوافقوني الرأي في الموضوع ده كمان ..
طبعا أنا معرفش دكتور أحمد هيعمل إيه ؟؟؟ ومش ممكن نعرف دلوقت .. لكن زي ما قلت أعتقد إن فكرة الموت دي فكرة بعيدة لإن دكتور أحمد مش معقولة يزعلنا في أخر قصة في السلسلة ..

اشكرك جدا ياماهر وياجين وياكل من شاركوا برايهم واعتقد ايضا ان من الممكن ان تكون النهاية بين رفعت ود/ لوسفير وفيها على حد اعتقادى ان د/ رفعت لن ينجو هذه المرة ولكن اتمنى ان يخيب ظنى