حنين الماضي للكاتبة ندى الزهور)متوقفه في 2008

قفلت دفتر مذكراتها اليومية بعد ما كتبت ما يختلج

في صدرها من شوق .... وحاجة لدفء وحنان امها

وكان دفترها هوه حياتها ... يتكلم عن ماضيها ...

وحاضرها ... واماني مستقبلها.

ودخلته في علبته الخاصة ووضعته في دولابها

وقفلت عليه فهوه بالنسبة ليها كنزها الوحيد .

وسمعت زوجة ابوها تناديها ....

مريم : تهاني ... تهاني ماتسمعيني اناديك

تعالي هنا عساك الصنج ... وبدت تسب وتشتم

لا خلت ولا بقت ..

ردت تهاني : نعم ياخالة تبغي شي ؟


مريم : انتي فينك يابنت؟ لما اناديك تجيني هوا

ولا ثواني ما تتأخري ولا عارفة عقابك..فاهمة

والا اعيد تاني ؟؟

تأففت تهاني في قلبها وقالت :الله يعينني عليكي

يا شيخة ويفكني منك ومن شرك

وابتسمت بتصنع : أبشري يا خالة آمريني شبيك

لبيك تهاني بين ايديك ...

مريم :اقولك بلا كترة هرج ونظفي الصالون

جاراتي جايين ..واعملي القهوة والحلا .. وجهزي

براد الشاهي وسوي معجنات واذا خلصتي نظفي

المطبخ ابغاه يبرق فاهمة نقطة وسخ ما ابغى اشوف
يالله فارقي اففففففف

ردت تهاني بقلة حيلة : طيب ... اتعودت على

الكرف والتعب وصايرة خفيفة في الشغل >>>

يابخت اللي ياخذها ست بيت مية مية خخخخ

المهم خلصت شغلها وطلعت اتحممت ولبست

فستان اكمام قصيرة وقصير تحت الركبة

ولونه بيج ومشجر ورود ورفعت شعرها

ذيل حصان .. وحطت مسك بريح الزهر

اماكن النبض .. وحطت روج خفيف ..

وكحلت عينها .. وبعد ما انتهت .. طالعت

نفسها في المراية .. وفي عيونها بريق حزن

نتكلم عن تهاني شوية :

تهاني جميلة بمعنى الكلمة .. جامعة بين الجمال التركي

والجمال الهندي .. امها الله يرحمها تركية الأصل شقرا

وعيونها رمادية وعيونها صغيرة بس جذابة

وابوها في الاصل هندي اسمر عيونه واسعة وسيم

وشعره اسود فاحم …. وهيه اخذت من امها بياضها

وشقارها ولون عيونها وشفيايفها الوردية … ومن ا

ابوها وسع عيونها والرموش الكثيفة وغمازته في

خده اليسار لما يضحك ومن جماله كثير ….

وجسمها عذاب

وهذه اللي مخلي مرة ابوها تموت غيرة من جمالها

طبعا جو الضيوف اللي هم طبعا جارات مريم

ونزلت واستقبلتهم ودخلتهم الصالون

جاتها مريم للمطبخ وقالت : اسمعي ياراس البلا

(طبعا هذا لقب مريم لها ) تضيفيهم وتجلسي تستني

الين انادي عليكي ما ابغاكي تفشليني فاهمة >>>

ادري انها معلقة على كلمة فاهمة

تهاني : الله يعطيني الصبر متى افتك من وجهك

راحت شغلت التلفزيون وتابعت مسلسلها المكسيكي

وكل شوية (وجع الراس) تناديها ... هذا لقبها لمرة

ابوها .

دخل ابوها ... اللي تموت عليه ومستحملة دا كله

عشان خاطره وبسسسس .

شافته اول ما فتح الباب جريت عليه كانها طفلة

عمرها اربع سنين ... وهوه فاتح يدينه لها

تهاني : بابا حبيبي وحشتني .. وارتمت في حضنه

واتعلقت برقبته وباسته على خده .

محمد (ابو تهاني) : طالع على بنته بكل حب وحنان

الدنيا كلها ... ياعيون بابا وحبيبة بابا وروح بابا

كيفك حبيبي انتي بخير؟

تهاني : انا بخير يا احلى بابا في الدنيا ربي لا

يحرمني منك

وجلسوا على الكنبة وهيه بين احضانه وماسك يدها

ويبوس يدها ويشوف فيها حبيبته اللي ماتت عشان

كذا يحبها وما يحرمها من حنانه ابد

سألها : حبيبة بابا ناقصك شي ؟ اطلبي وانا دحين

اجيبه لك

غمضت عيونها وتدلع وتميل راسها .. وقالت س

سلامتك يا احلى بابا في الكون ... ابغاك طيب و

مرتاح ياحبيبي

طبعا دخلت عليهم هادمة الاوقات السعيدة وشافتهم

واشتغلت الغيرة في قلبها

وقالت بابتسامة من ورا قلبها

مريم : انت جيت يا قلبي حمد الله على السلامة

وجلست جنبه وهيه تطالع بحقد على تهاني

وتهاني ولا همها مادام جمبها اللي ساند ظهرها

وما تتعمر تسوي مشاكل لانه ابوها مو ناقص

وتحاول انها تستحمل

مريم : تهاني حبيبتي حطي لابوك العشا اكيد جيعان

وتعبان وهي عيونها تشتعل غضب

تهاني وهيه تمسك يد ابوها بكل حنان : بابا حبيبي

اجيب لك عشا ؟

محمد :لا يا قلب بابا انا خلاص لما شفتك كأني

أكلت انتي بس روحي شوفي مذاكرتك ما ابغى شي\

يشغلك ابغاك تجيبي نسبة عالية عشان تدخلي الطب

طبعا الاب يا عيني مسكين مو داري (وجع الراس)

مو مخلية بنته تشم الهوا اللي وهيه طابة عليها

وكاتمة على نفسها

قالت بدلع : من عيوني يا احلى بابا

مريم : تهاني الله يعافيكي حبيبتي قبل ما تطلعي

نظفي الصالون جاراتي راحوا هيه كلها كم صحن

طيب ياتوتة

تهاني في قلبها : حبيبتي وتوته طيب ياراس البلا

نشوف آخرتها معاكي ابتسمت عشان ابوها

: طيب يا خالة من عيوني وراحت

محمد : مريم ليش انتي ما تنظفيه انتي عارفة

انها عندها دراسة لازم تذاكر وجيب نسبة ما ابغى

شي يشغلها

قامت قالت بمكر : حبيبي محمد انا سويت اصناف

كثير ونظفت المطبخ قبل ما يجوا فهي بس تشيل

الللي في عشان تتعلم شوية شغل البيت وانت عارف

اننا ما نقدر نجيب شغالة وضعنا المادي ما يسمح

فلازم نتعاون وما عليك انا مراعيتها بس انت ولا

يهمك اول ما تنجح اسويها حفلة ما حصلت ولا

واستوت ةكل الاكل من يدي اطبخه عشان تعرف

غلاتها عندي

ابتسم محمد براحة لحنية زوجته على بنته :

ربي يسعدك ويخليك يا مريم زي ماانتي مريحتني

خفت تقسي عليها بس عوضتيها حنان امها

ابتسمت مريم بدهاء عشانها قدرت تاخذ قلبه مثل

كل مرة وتطلع نفسها ملاك .

كانت تهاني واقفة عند الباب سمعت ودعت عينها

تبكي حظها ومشتاقة لامها وقالت : ليتك يا ماما

عندي وتشوفي حالي كملت شغلها وطلعت نامت .

السلام عليكم ورحمة الله وبركاته
مشكورة عزيزتي على النقل

اتمنى ان ارى تواجدك المثمر دائما معنا
وفقك الله

الفصل الثاني

اليوم الثاني صحيت الصباح صلت الفجر قريت

اذكار الصباح ولبست مريولها ونزلت لقت ابوها

ومريم يفطروا كالعادة لانه ابوها موجود

محمد : تعالي حبيبتي افطري قبل لا تخرجي

تهاني: ان شالله يا بابا

وجلست وفطرت شوية وكانت تبغى تسوي حركة

نذالة وتمشي قبل ابوها عشان وجع الراس هيه اللي

ترفع الفطور لكنها سبقتها وقالت :

حبيبي محمد ما تبغى تروح أتأخرت على ابو مازن

اكيد ينتظرك

طالع محمد في ااساعة ايوة والله لا زم امشي يالله

يامريم تبغي شي

مريم : سلامتك يا تاج راسي

طالع في بنته بحنان : حبيبة بابا اعطيكي مصروف

ولا بقي من مصروفك

تهاني : لا يابابا يا حبيبي باقي من مصروفي

الشهري وانت الله يخليك ليه ما تقصر عليه

بشي ( طبعا ابوها بيعطيها شهريا 300 ريال

مصروف مدرستها واذا نقصها شي بيعطيها

بس يبغى يعود بنته على انها تصرف بحكمة

ومن غير تبذير

خرج محمد تهامي في قلبها جاك الموت

مريم : انتي ياللي ما تستحي تبغي تمشي قبل

ما تنظفي انا كم مرة قلتلك لا تستغلي وجود ابوكي

عشان تنفدي بجلدك لكن انتي عارفة انئ ماني

مسيبتك يالله قدامي نظفي بسرعة وتتأخري

على الباص وتبلشيني مع ابوكي

قامت تهاني وهيه تقول يالله صباح خير

نظفت بسرعة تلحق على الباص

ركبت الباص وهيه تقكر انه متنفسها الوحيد

مدرستها من طغيان وجبروت مرة ابوها

وصلت المدرسة وخلعت عبايتها

هتون : توتة حبيبتي ضمتها تهاني بقوة ولكنهم

بيشوفوا بعض كل يوم بس هتون عارفة انوا

تهاني محرومة من الحنان من وجع الراس فبتحاول

انها تكون لها الاخت والصديقة واللي تقدر عليه

هتون : كيفك ياتوتة قلبي

تهاني : الحمد لله بخير يا تونة روحي انتي كيفك

هتون : تمام التمام كيف نفسيتك والاختبارات \

الاسبوع الجاي

تهاني : اسكتي والله قلبي يرجف ابغى اجيب

نسبة كويسة عشان بابا احقق حلمه وكمان اتخلص

من وجع الراس اذا رضي لي اسكن في جدة مع انه

مو هاين عليه اسيب بابا حبيبي واروح

هتون : لا انتي ماشالله عليكي دافورة ما ينخاف

عليكي ينخاف منك

تهاني : وجع ان شالله تحسيديني وانا صاحبتك

حبيبتك مالت عليكي خمسة وخميسة عليكي

هتون : وي وي هادا كله ماكانت من كلمه قلناها

خلاص ارجعي مكانك يا كلمة

صفر الجرس معلنا بداية يوم شاق

مشيت الايام وجات الاختبارات والكل في حالة

وما ادراك ما الاختبار يكرم المرء فيه او يهان

طبعا من سهر ووخوف وتعب وكل حالات

التوتر العصبي وهكذا الى آخر يوم

خرجوا البنات ورموا الكتب وحضنوا بعض

وخاصة اللي في السنة الأخيرة خوف انهم ما

يتقابلوا مرة تانية

تهاني : تونة انا مبسوطة مررررة اخيرا خلص

القلق مع اني خايفة من النتيجة

هتون : يوووووووووووه ياتوتة كل اختبار تقولي

كدا خلاص انبسطي وفليها

تهاني : من فين يا حسرة وانا راح انحبس ولا اروح

مكان انتي عارفة الحال

هتون : توتة ايش رايك بما نه اليوم آخر يوم اكيد

انكل محمد يوافق تجي عندي عشان ترفهي عن

نفسك والله لأخليكي تخرجي كآبة السنة كلها\

تهاني : هههههههه تونة انتي ناوية على موتي

واللله لراس البلا تجيب اجلي

هتون : اخسرك من عقرب الموت هاذي والله لأطلع

الشيب في راسها وهيه ماهي ناقصة تلاقي شعرها

صاير باروكة رمادية وهيه تصبغ بني يعني انها

شباب قدام ابوكي

تهاني : هههههههههههههههه توتة الله يقطع شرك

والله لو تسمعك ما عاد تشوفيني

هتون : ولا يهمك والله لأوريك فيها سم الثعبان

ان ما خليتها تقول حقي برقبتي ماني تونة ابو

العلب

تهاني : ههههههههه تونة خلاص وربي خلاص\

ما ادري من فين تجيبي الاسماء انتي قاموس

بحالوا والله راح افقدك وويوحشني كلامك وبغيت

تنزل دمعتها

هتون غيرت الموضوع اقول يا دلوعة ابوكي

لا تقلبيها مناحة وتغيري لي مزاجي انا مروقة

على الآخر وانتي دمعتك على خدك يبغالي

اعطيكي من قسوة قلبي شوية عشان ما تبكي

على طول زي البيبي اللي اذا فتحوها ماعاد

يسكوها تقولي مطافي واسعاف

تهاني : ههههههه وهيه تمسح دمعتها حرام عليكي

انا بيبي راح ادخل طب وتقولي بيبي طيب ياجدة

تونة ... الله تخيلي تصيري جدة وبعكازات والله

شكلك تحفة

هتون : تهاني اسكتي احسن لك لا تغيري لي

مزاجي ... جدة في عينك تبغي تكبريني قبل

اواني وانا لسة ما اتهنيت بشبابي ما لقيت لي

واحد ينجن عليه وانا اسوي ندالة واسيبه

عشان اختبر غلاتي

تهاني : وي وي البنت بتفكر في رومانسيات

آه يا خاينة من وراية يا خوفي تطبي وما حدش

يسمي عليكي قال ايه تبغى احد يحبها عشان تذلوا

هتون : انتي ايش فهمك يا شيخة انا هتون افكر

في الحب احد يحبني طيب لكن انا ما اضيع عمري

ورا سراب

تهاني : طيب يا جامدة انتي شوفي جوالك من اول

يدق وانتي مطنشة تلاقي عبد الحميد (السواق)

نافوخه ضرب من الشمس

هتون طالعت في الجوال واااااااااااااااااااااااي هذا

مو عبد الحميد هدا هاد .... وهي انقرصت من كثر

الخوف

تهاني : تونة ميييييييين ؟

هتون : هدا ريان لا يكون هوه اللي جايني بس امي\

ما اعطتني خبر على بالي عبد الحميد عشان كدا

لا طعته

تهاني : تونة خلاص ردي بلا كترة كلاام

هتون وهيه ميتة خوف : اااال........الو

ريان وهو يصرخ: ساعة ياحيوانة انتظرك برة

فينك عن جوالك ياهانم احنا مطلعين لك جوال

عشان ماتردي مال امه داعي جوالك .... لا خلى

ولا بقى وبعدين قفل السماعة

هتون : ياويلي الليلة احضري جنازتي وهيه

تلبس العباية بسرعة

تهاني : الله يعينك وهيه قاعدة تتفرج عليها

هتون : توتة اخلصي البسي لا نتا خر

تهاني بخوف : لا يا حبيبتي ماني مستغنية

عن روحي تبغيني اركب مع الوحش الكاسر اخوكي

انا بس سمعت صوته بغييت اموت تبغيني اركب

معاه لا روحي

هتون : توتة لا تجنيني والله لما تكوني معاية

راح يسكت امشي وبلا دلع

المهم خرجوا بسرعة وركبوا السيارة وردوا السلام

(ريان اخو هتون الكبير عمره 23 ووآخر سنة

له في الحاسب الآلي وهو شاب وسيم بشرته حنطيه

وشعره اسود عصبي مرررررررررة وانسان

غامض لكن الحلو فيه انو رضي والدين )

هتون : ريان على بيتنا لانو تهاني حتجي عندي

طبعا ولا رد عليها وصلوا الفيلا كان تصميمها

خيال وبحديقة كبيرة ومسبح على شكل s يعني

يرد الروح ... المهم دخلوا وريان مشي بسرعة

كان عنده موعد