الفصل التاسع

دخلت مريم الصالون سلمت عليهم وجلست

هيفا : كيف حالك يا اخت مريم .. ان شاالله طيبة

مريم وهيه تتكلم كنها متقرفة من شي : بخير .. كانت مقهورة شايفة كيف هيفا جسمهاو لبسها وشياكتها وكنها بنت

في العشرين وباين النعمة عليها .. لأنهم تقريبا قريبين في العمر كانت ميتة غيرة

هيفا : والله يامريم احنا اليوم جايين نقوي العلاقة بيننا ونصير أرحام .. وبما انك في مقام ام تهاني نحب نطلب تهاني

لولدنا ريان .. وراح تكون في عيوننا .. واللي تطلبوا احنا حاضرين

مريم اللي تفاجأت بالموضوع لأنها ما اتوقعت انه تهاني يخطبوها ناس بطرانيين زي كدا قيد هيه غيرانة من تهاني

وجمالها جا يكمل الناقص يكون اللي خاطبينها اغنيا .. وقطع تفكيرها صوت هيفا تقول اشوفك ساكتة يا مريم ما قلت شي

ردت مريم عشان تمشي الموضوع في الوقت الحالي الين توصل لحل : والله يا ام ريان الرأي لأبو تهاني وان شالله

ربنا يقدم اللي في الخير

هتون جالسة جمب تهاني قاعدة توشوشها : ما اكون هتون ان ماكانت عقرب الموت تخطط لشي وبعدين قولي تونة قالت

تهاني : والله حتى انا متخوفة منها ما ادري لي ماني مرتاحة لردها وانتي عارفة مشاعرها تجاهكم

هتون بتريقة : ادري تحبنا وتموت فينا حتى من كتر حبها تبغى تآكل ماما بعيونها .. طبعا ما حد ينافس هيفا المصرية كلها على بعضها حلوة

تهاني : ههههههه كل فتاة بأمها معجبة

هتون : يؤ احنا لي نحب نحرف في الامثال لا ونخليها على هوانا

تهاني : اكيد مو يقولوا هوانا خليجي

هتون : انا عن نفسي هوايا مصري

تهاني : انتي متعصبة ما اقولك آخرتها تآخدي واحد مصري

هتون : بصراحة ياريت يعجبني تدليعهم غير شكل بس ايش يضمن لي انو يكون رومانسي انا قلتلك ابغى واحد زي بابا .. ياويلي لو يجيني واحد زيه ما اقوم من جنبه

تهاني : هههه انتي حالة مستعصية مسكين اللي حياخدك تجيبي له الكافية اذا ماكان رومانسي

عند الرجال

اتفاجأ محمد بالخطبة بس في نفس الوقت فرح كتيييير لأنه ريان رجال وأخلاق وكفاية انو يعرفهم من زمان وقال

ان شالله خير نشوف راي البنت ونرد عليكم في اقرب فرصة احنا سواء صرنا ارحام او لأ حنفضل اهل

عبد الله : اكيد يا ابو تهاني وتأكد ان تهاني في عيوننا .. وحتكون معززة مكرمة كنها عندك

محمد : والنعم بأصلكم الطيب يا عبدالله وماراح القى لبنتي اهل احسن منكم

عبدالله : ايش رايك نقرأ الفاتحة نستفتح خير عشان ان شالله اذا العروسة وافقت نملك على طول يقول العريس

مستعجل ويطالع في ريان

ريان خجل ماهو عارف ايش يقول

محمد ما يصير خاطركم الا طيب انا ما بيدي شي العروسة ان وافقت على بركة الله
قرأو الفاتحة واستبشروا خير

عند الحريم

هيفا : تسلم يدك يا تهاني على كل اللي عملتي ما خاب ظني يوم اخترتك لولدي .. بس ان شالله اذا جيتي بيتي ما

تحطي يدك في شي انتي تأمري والخدم تحت يدك .. وكانت تدق مريم بالكلام

انقهرت مريم لانها عارفة قصد هيفا فقالت : ايوة ماشالله عليها توتة ما تخليني اسوي شي مريحتني الله يريح قلبها

مع اني اقولها اساعدك بس هيه تقول انها تحب الشغل

هتون تطالع في تهاني وتغمز لها وتهاني تبتسم وكاتمة ضحكتها

رن جوال هيفا وكان ريان يقولها انهم خرجوا

هيفا : يالله يا مريم احنا نستأذن

مريم : بدري ما اتعشيتوا

هيفا : المرة الجاية ان شالله نتعشى يوم الملكة

جابت تهاني العبي ولبسوا وهم خارجين ضمتها هيفا وقالتلها ربي يسعدك ويجعلك من نصيب ولدي

ردت تهاني بحيا الله يخليكي يا خالة

ضمتها هتون وقالت : بكرة ابغى الجواب وبعد بكرة الملكة

تهاني : هههههههههه مرجوجة

هتون : ما تبغيني اسلم على احد وهيه تغمز

تهاني : وجع قليلة ادب احد عينك مرسول حب

هتون : هدا جزاتي اصلا انتي مو وجه نعمة

تهاني : احسن مو ضروري .. يا الله باي

هتون : ههههههههه باي

خرجوا وركبوا السيارة

ريان اللي كان يسوق وعبد الله جمبه وهيفا وراه وهتون ورا ريان

عبد الله : قرينا الفاتحة يا ام ريان عساها تكون فاتحة خير علينا

هيفا : وهيه فرحانة الله يتمملك على خير يا ولدي انت وهيه كلكم تستاهلوا خير

ريان : الله يخليكي يا امي انتي وابوية انتو الخير والبركة

هتون : يؤيؤ مالنا من الحب جانب .. تراني صاحبة العروسة واخو العريس

ريان : يا شيخة متأكدة يعني ما احنا جايبينك زيادة اليوم

هتون زعلت : بابا

عبد الله : لا ياريان مهما كانت هادي تونتي لو ما كانت صاحبة تهاني ما كان عرفناها

عاد هتون نفخت ريشها : تسلملي يابابا يا حبيبي اصلا ما حد يدلعني في البيت غيرك ربي يخليك ولا يحرمني منك

هيفا : وي وي شوف البنت يا قليلة الادب يعني دحين انا ماني مدلعتك والبي لك طلباتك لكن ان شفتي مني شي بعد كدا

هتون حضنت امها : مامي والله امزح معاكي اصلا انتي وبابا عينين في راس ربي يخليكم ليه واخواني الباقين لهم الاعضاء التانية وهيه تدق ريان بالهرج\

ريان : خلينا لكي اشبعي بيهم لييي ناقصنا ايد والا رجل وبالذات مخك مانبغى كفاية واحد في العيلة
كلهم ما عدا هتون ههههههههههههههههه

عند تهاني\

اول ما خرجوا اهل هتون قعدت ترفع الصحون والكاسات وشغالة في المطبخ وطبعا مريم راحت على طول على محمد تشوف ايش صار عندهم .. وبعدين جاتها مريم : تهاني ابوكي يبغاكي في المجلس

مسحت تهاني يدها وراحت لأبوها

ومريم في قلبها صبركم عليه ان ما فركشت الشغلة كلها ما اكون مريم

دخلت تهاني المجلس لقت ابوها جالس يشرب الشاهي لما شافها قالها تعالي حبيبة قلبي اشرلها تجلس جنبه ..

جلست تهاني جمبه .. وبدأ ابوها بالكلام .. والله وكبرتي وصرتي عروسة يا بنتي وانا على قد ما تكبري تفضلي

دلوعتي وصغيرتي .. ابتسمت تهاني وكمل ابوها .. اظن انتي عارفة الموضوع اللي جايين فيه اهل هتون واكيد

اخّذتي وقتك في التفكيرمن قبل والا لأ ؟؟ تهاني رخت عينها بخجل .. بالعكس يابنتي هاذي حياتك انتي اللي تختاريها

وانا ماني رافض قرارك اهم شي عندي راحتك وسعادتك وانتي ادرى باهل صاحبتك ناس والنعم فيهم وبأصلهم

فراح اكون مطمن عليكي عندهم انا ماني دايم لك يا بنتي ضمته تهاني بقوة وتقول : بابا لا تقول كدا الله يخليك انت

عزوتي وانت حياتي اللي عشتها ربي يخليك ليه وتشوف احفادك كمان .. دمع محمد ومسح على راسها وهوه يتذكر

كيف كانت صغيرة ويشيلها على اكتافه ولما تمرض ولما تنجح ولما تبكي اذا زعل منها .. بنته رقيقة زي النسمة

دحين خلاص كبرت وصارت بطوله .. وهوه يشوف فيها ليندا امها اتمنى تكون موجودة تشوف بنتها كيف كبرت

وحتتزوج قريب مسح دمعته وبعد تهاني عن حضنه وطالع فيها .. تهاني استخيري يا بنتي وردي عليه يقول العريس

مستعجل يبغى ياخدك ويطير

ضحكت تهاني .. اوك حبيبتي عشان انا كمان محضرلك احلى مفاجأة مابقي على سفرهم غير ثلاث اسابيع اذا

وافقتي يادوب نجهز طيب يا قلب ابوكي .. تهاني : ان شالله يا بابا

محمد : يا الله حبيبتي روحي نامي تصبحي على خير وهوه يسلم على جبينها

تهاني سلمت على يده وراسه : وانت من اهل الخير وطلعت غرفتها

جاته مريم شافته راكز ظهره على الكنب ومغمض عيونه باين عليه التعب

مريم : حبيبي محمد انت بخير ؟؟؟

محمد : الحمد لله

مريم : انت دحين تعبان قوم نام وبكرة ان شا الله خير

محمد : انا ماني تعبان انا فرحان بس انتظر رد تهاني عشان اجهز كل شي

مريم : طيب انت مو شايف انو لسة بدري عليها تنخطب دحين خليها تآخذ شهادتها أول وتضمن مستقبلها وبعدين تتزوج .. الزواج ما حيطير

محمد : مريم اذا ع الدراسة تكمل بيت زوجها .. صحيح الزواج ما حيطير بس ريان خطيب مراح القى زيه لبنتي مو عشان اللي عندهم وانتي عارفة الماضي لو كنت ابغى الفلوس كان طاوعت ابوية .. بس انا اشتري راحة قلبي .. والواحد كمان مو ضامن عمره ان كان اعيش لبنتي اليوم ولا بكرة

مريم : ربي يعطيك طولة العمر ان شالله وتفرح بيها وبأولادها .. طيب انا كنت ابغى اقولك شي بس اخاف تزعل !!

محمد : خير يا مريم قولي وانتي عارفة تني ما ازعل منك

مريم ابتسمت بدلع : تسلملي حبيبي بس انا اختي كلمتني على تهاني تبغاها لولدها عبد الرحمن .. فما حبيت افاتحك بالموضوع لأني كنت عارفة رأيك بالموضوع على اساس ماكنت تبغى تزوج تهاني دحين وبعدين عبادي ما شالله مو ناقصه شي مو ظف راتبه كويس وبصراحة هيه خطبتها قبل تهاني

محمد عصب بس كتم غضبه : مريم دحين جاية تقوليلي لما البنت انخطبت وبعدين ما صار كلام رجال عشان تكون اصلا خطبة رسمية يعني بس كلام حريم يا اللي هرجكم ما يخلص .. قوليلها مافي نصيب عندنا وابوها وافق ع العريس .. وكلام زيادة في مستقبل بنتي ما ابغى احد يدخل سمعتيني يا مريم وقام من عندها

مريم انقهرت لانوا اول مرة محمد يعصب عليها بدا الشكل وعشان مين !!! عشان تهاني وعريس غفلتها .. طيب نشوف من يآخد تهاني وطلعت والله يستر من اللي ناوية عليه

تهاني ماهو راضي يجيها النوم وكانت للمرة الثالثة تصلي الخيرة بس احساسها هوه هوه .. كانت حاسة براحة .. بس في نفس الوقت قلقانة وماهي عارفة ايش سبب قلقها بس اتعوذت من الشيطان وقعدت تعافر وتحارب الين نامت بأمان

صحيت الصباح فطرت مع ابوها ولما شافها عرف موافقتها

محمد : ها يا بابا ارد لهم جوابك اليوم ؟

ابتسمت تهاني بخجل : اللي تشوفه يا حبيبي

قام محمد وضم بنته على صدره ومسد على شعرها بحنان على البركة يا بنتي على البركة

في بيت عبد الله

سمعت هتون في الصباح زغاريط قامت نطت من السرير واتزحلقت على الدرابزين ماشافوها ابوها وامها غير

متزحلقة بالشبشب الفرو حقها .. وآخر محطة حضن ابوها بعد اللفلفات هادي كلها

عبد الله : ههههههههههههههه بنت يا مرجوجة متى تبطلي من حركاتك وسلم على خدها

كانت قاعدة في حضن ابوها كانها غصون : بابا حبيبي تنكر اني اراقوز البيت

عبد الله : ابدا من قال ؟؟ !!

هتون : أووه احسب

ماكان في غير امها وابوها فقالت انا عارفة الزغاريط دي لي تهاني ردت الجواب ,
صح لأني تاني واحدة اعرف بعد ابوها ... احم احم يااااااااااي اخيرا راح يصير زواج عندنا
هيفا : هههههههههه مرجوجة

في بيت تهاني

مريم صايرة حريقة في البيت قاعدة في غرفتها تآكل في بعضها وهيه تكلم نفسها طيب يا بنت التركية ماراح تاخذي

ولد الحسب والنسب وتكوني احسن مني بس يا ربي ايش راح اسوي فضلت تفكر وتعصر مخها المريض الين لقيت

حل نطت من الفرحة على الفكرة الجهنمية شكرت تفكيرها الخطيييير لكن خسارة انه كان في الشر

بس ياترى ايش الفكرة اللي راح تعملها مريم

تهاني كانت جالسة مع ابوها وكان مجهزلها مفاجأة وطلبها في غرفة المكتب وكانوا جالسين مع بعض

تهاني : ها يا بابا خير انا مستنية مفاجأتك الحلوة

محمد: ههههههههه اول مرة اشوفك مستعجلة بس من حقك يا بنتي ثواني وتشوفيها

فتح دولاب كان مقفل عليه بالمفتاح وخرج كرتون كبير ومغلف تغليف هدايا وشرايط كان مرة يجنن شكله

وذووووق ومكتوب كرت بخط ابوها الى حبيبتي الغالية هذه هديتي في يوم اهديكي الى من يضعك بين عينيه ويسير
معك درب حياتك فإما ان اكون حيا او اكون تحت التراب اعلمي انك اغلى مافي حياتي فأرجوا ان تقبلي هديتي البسيطة يا حبيبتي
أبوكي

تهاني قرأت كلام ابوها وبكت وارتمت في حضنه وتبوس يده وراسه وخدوده يابابا انت هديتي من الدنيا لو ماكنت موجود راح اكون ميتة معاك ربي يخليك ليه يا اغلى مافي الكون
ابوها بكي معاها بفرحته ببنته بنجاحها اللي رفع راسه وخطوبتها لشخص اتمنى يكون من نصيب بنته لأخلاقه واخلاق اهله
محمد حاول انه يمسك نفسه اكثر يا الله يا بنتي افتحي العلبة شوفي ايش فيها

تهاني فتحت العلبة اول ما فتحتها لقت علبة ذهب فتحتها كان في طقم من الالماس مررررة ناعم زيها فضلت تتأمل الطقم وبعدين سكته وحطته على الطاولة لقت تحته ورد مجفف مغطي شي تحته صارت تبعد الورد طلع قماش احمر مطرز بخيوط وترتر ذهبي شالته من العلبة وكان اللباس الساري الهندي لزواجاتهم بس ابوها خلاها لملكتها وصارت تشوف نفسها في المراية وتدور فيه وهيه فرحانة كانت تحسه ستايل غير عن العادة تهاني: بابا مرررة يجنن وخطييييير احس نفسي زي الهنود اللي هناك بس خسارة شعري اشقر

محمد : هههههههههههه طيب احسن عشان تكوني غير هندية شقرا وهم يلبسوا عدسات رمادية انتي عيونك طبيعية

تهاني : تسلملي يا بابا يا ذوووق وكمان بصندله واكسسوراته على كدا ما كنت تلعب يا حمودي

محمد : من قالك انك كنت العب انا كنت اسافر كثير عشان اشوف اللي يناسب حبيبة قلبي ويفرحها اكتر وخلاص يا حبيبة ابوكي ترا حجزت القاعة وترتيباتها من والى وان شا الله موعد الملكة بعد اسبوعين وانتي ما يحتاجلك شي يا بنتي غير تشتري اغراض السفر عشان هذا طلب حبيب القلب اللي ما يقدر يستغنى عنك

تهاني حمر وجهها وتحاول تضيع الهرجة بابا تبغاني في شي عشان اشيل الاغراض فوق

محمد : سلامتك يا حبيبتي وناديلي مريم

تهاني : طيب يابابا

لمت تهاني اغراضها وطلعت

عند ريان

كان مع سمير جالس في كافيه واتصلت عليه هيفا واخبرته بالجواب والفرحة ماهي سايعته بس ما يبين وسمير ما سمع غير الله يبارك فيكي يا امي طيب مع السلامة ولما قفل السماعة اتنهد بارتياح
سمير : اقول يالعاشق الرومانسي ردت الحبيبة الجواب
ريان : ايوة يا سمير والله اني ارتحت خلاص ان شا الله مابقي شي ونجتمع انا وهيه
سمير : لاااااا من جد الحالة مستعصية انا قد ما حبيت ما عمري سويت حالك
ريان : اقول بالله اسكت انت تحب انت ووجهك وكل ما كلمت واحدة هلا يا عمري هلا عيوني هلا حياتي ما شا الله موزع رومانسيات حضرتك
سمير : هههههههههههه طيب ايش فيها نعطيهم ببلاش حرام محرومين
ريان : أخخخ الله يهديك بس وتطب في واحدة توريك النجوم في عز الظهر
سمير: اعوذ بالله حاقد عليه ياأخي لأني عايش حياتي
ريان : انت الكلام معاك ضايع اقوم احسن لي
سمير : اصبر يا ابو الشباب تعال اوقفلك يالتاكسي خذني لها يا التاكسي
وبدأ يغنيله ويفرقع بأصابيعه
ريان : ههههههههههه مجنوووون الله يعين البنات عليك
واعطاه قفاه وخرج وهوه يدعي له بالهداية مهما كانت عيوبه يعز صاحبه وماحد يقدر يغير مزاجه المتعكر الا هوه وما حد يقدر يعيشه في احلامه الا هيه هههههههه قاعد يضحك على نفسه صار مجنون سمير وهتون هذولا الاثنين جننوه كل واحد بطريقته

طبعا عند هتون تروح لتهاني كل يوم عشان تقضي معاها للسفر وشافت فستان ملكتها وقالت يا الله انكل حمودي دا خطييييييييير وعليه افكار تهوس من جد تغييير ستايل في الملكة حلوووو شي شي اسمعي شو رايك راح اتدرب انا والبنات على الرقص الهندي اللي يحبه قلبك لزوووم الجو
تهاني : ههههههههه عاد انتي ما صدقتي تلقي شي جديد تسوي
هتون : من جد والله يمديني في خلال اسبوع اتعلم رقص هندي ونقلبلهم هيه ليلة هندية حتلاقيهم ينرصعوا بالافلام الهندية اليوم التاني واسمنه سوينالهم دعاية
تهاني : هههههههههههههههه والله الهنود لو يعرفوا افكارك يعطوكي جايزة نوبل الهندية
هتون : ههههههههههههههه اول مرة ادري ان الهنود عندهم جايزة اسمها نوبل
تهاني وهيه تسوي نفسها معصبة بنت اياك تتعدي على قبيلتي هذولا الفخوذ
هتون : اقول روحي بلا فخوذ بلا صدور صرتي دجاج بس خسارة مانتي وطنية طلعتي هندية
تهاني ههههههههههههههههههههه ماتت ضحك خلاص دخيلك الله يقطع شرك
هتون : طبعا ياأختي اضحكي وانبسطي من قدك لقيتي حبيب القلب واحسرتااااه علينا مالقينا حتى بسة تموت علينا
تهاني : بسة تبغي بسة تموتي عليكي الله يخلف على عقلك خلاص نجيب لك عررري عشان يدافع عنك وماحد يقربك
هتون : ياحمارة شايفتني بسة تجيبي لي عرري اصلا مو منك من العري حقك اللي مسوي لنا فيها
تهاني : وه وه سيبي العرري حقي مالك شغل فيه
هتون : طبعا طبعا اظهر وبان عليك الامان من لقي احبابه وتمد بوزها زي الصغار
تهاني : جات حضنتها وباستها بقوة على خدها حبيبي تونة انتي الغلا كله
هتون وهيه تمسح خدها يعععععععع الله يقرفك لا عاد تبوسيني كدا كني حبيب القلب وفيرها للعرري حقك
تهاني خبطتها على راسها وجع يا قليلة الادب شفتيني بسته لسة بدري
هتون هههههههههههههههه طيب يا بدري في زماننا مافي شي بدري
تهاني روحي يا شيخة ان شا الله يبعت لك واحد ليطلب منك تبوسيه من يوم الشوفة
هتون : واااااااااااااااااااااي يا كلبة تبغي يجيني واحد مشفوح الله يصيبك
تهاني :هههههههههههههههههههههههه احسن من اللي تسوي فيه
وعلى ذا الحال في مناقراتهم

قبل الملكة بثلاث ايام كان ريان جالس في مكتبه في شركة ابوه وبيكتب في اوراق رن جواله رقم غريب طالع في الرقم وهوه من عادة ما يرد على رقم غريب بس شافه مصمم الا يرد عليه آخرتها فتح الخط على السبيكر نعم ؟ سمع صوت رجال قاله السلام عليكم
ريان : وعليكم السلام
.....: انت ريان ؟؟
ريان : دحين انت متصل ومانت متأكد متصل على مين !!
..... : لا انا متأكد بس قلت أتأكد زيادة يمكن احد غيرك يرد على الجوال
ريان وهوه بدأ يعصب طيب ممكن تجيب من الآخر تبغى شي مني
.....: سلامتك بس حبيت اقولك على شخص يهمك امره وراح تربط مصيرك فيه بعد كم يوم ؟؟
ريان وهوه خلاص راح يطق عرق في رقبته تبغى تجيب من الآخر والا اقفل الخط لأني ماني فاضيلك عندي شغل
.....: روووق يا حبيبي مو كذا الامور تتآخذ بالعصبية
ريان : يوووووه يا دين الله يا بوية اهرج وخلصني
.....: طيب خلاص رحمت حالك ... تهاني اللي تهمني وانت ما هميتني في شي
ريان : يا كلب تجيب اسم زوجتي على لسانك من كنت انت عشان تدنس اسمها على لسانك
.....: اقولك احترم نفسك واتكلم بأدب واعرف البنت اللي تحسبها شريفة مكة انها حبيبتي وكنا متواعدين على الزواج بس لما اتقدمت لها وقالت تفضل ابن الحسب والنسب الغني اللي عنده فلوس عشان يطلعها على وجه الدنيا
ريان يصرخ باعلى صوته اسكت يا ابن..... ياحيوان ياحقير اصلا الغلط مومنك من اللي يعطيك وجه ويستنى كلامك تفووووووو عليك وقفل الخط وهوه خلاص وجهه صار اسود وصار يرمي أي شي قدامه ونفسه ضاق وضربات قلبه سريعة قعد على الكرسي وركز راسه على يدينه وصورة تهاني قدامه بضحكتها وبخجلها وبرقتها ... معقولة البراءة دي مدنسة مستحييييييل ... معقول اكون اخترت غلط يعني يوم حبيت احب غلط ... لا مو معقول ماني قادر اصدق ... طيب كيف أتأكد اذا كان صحيح بس مابقي على الملكة غير ثلاث ايام يمكن واحد بس يبغى يخرب عليه ... قام رجع سند راسه على الكرسي وسمع دق الباب
ريان : ادخل
علي السكرتير : استاذ ريان انت بخير؟ .... لما شاف حالته وحالة المكتب
ريان : وهوه شكله زي السكران انا بخير خيير يا علي ايش عندك
علي : ابدا بس جانا هذا الظرف واحتمال تكون الشركة اليابانية
ريان : طيب طيب هاته خلينا نشوفه ... بس علي الله لو سمحت لا تدخلي احد ولا تحولي مكالمات غير الوالد
علي : امرك ... راح وسكر الباب
ماكان ريان يبغى يفتح الظرف بس قال خلي يخلص شغله وينسى الموضوع شوية ... طبعا فتح الظرف ولقى صور وكانت الصدمة

ياترى مين الشخص اللي كلم ريان ؟؟؟
وصور مين اللي شافها وهل حتتم ملكته على تهاني
انتظروني في البارت الجاي ان شا الله