كاتب الموضوع :
miss ez3ag
المنتدى :
الارشيف
الفصل الرابع
الجزء الثاني
مهااااااااااااااااااااااوي ضاعت
- انهبلت شلون ضاعت شتقولين يمه متى هالكلام
- كنا رايحين للكورنيش وراحت مع بنات أخوك تلعب ومدري شلون انفصلت عنهم واختفت ولا عاد شفنا لها اثر
- شلون اختفت شلووووووون بنتي اختفت علموني فهموني
تكلم صالح وقال ياخوي اغلب الضن أنها مخطوفة وحنا بلغنا الشرطة وان شاء الله خير
مسكت صالح من ثوبه وصرخت
خير بنتي ضايعه وتقولي خير
- بدر استهدي بالله صراخك ماهو نافع صار لنا أسبوع وحنا ندورها بس مافيه امل تقول فص ملح وذاب
ما يصير شلون اسكت هذي بنتي ماني متخيل اللي قاعد يصير
لفيت على خالد وحضنته أبيه يصير جنبي ما اثقب احد تركتهم اسبوعين و شوفو شصار
ماني قادر اتخيل
قعدت شهر ولا فيه فايده ما لقوها
دورت بكل مكان ولا فيه نتيجه
يقولون المسئله تاخذ وقت
بس الأكيد انه مهاوي راحت
مهاااااااااااااااوي اختفت
مهااااااااااااااااااااااوي ضاعت
سارونتي الصغيره اختفت
بنتي مهاوي بنت سارونتي ضيعتها
شلون خليتهم
ليش سافرت
استغفر الله بدر اصبر احتسب الأجر مالي إلا الاحتساب
الله يرجعك لي سالمه و يحفضك من الشر
**************************
بمكان ثاني بحي فقير من احياء الحسا دخل رجال يلهث ومعرق من الربكه
قعد ينادي بصوت علي
- فهيمه وينك
- هذاني هني قاعده شتبي
- تعالي اقولج
جت فهيمه وناضرت زوجها بكره نعم شتبي هذاني يت
مدلها البنت اللي لافها بشرشف
- جبتها يا فهيمه جبت بنت مثل القمر
- انهبلت انت شنو يبت بنت شنسوي فيها
- شنو بعد نربيها عندنا
- ليش الدنيا سايبه تاخذ عيال خلق الله وتقول نربيها و بعدين وين اهلها
- ما لج شغل
- شف عاد انا ما اربي عيال خلق الله ردها محل ماجبتها
- أيل تربين عيال مين هااااه قولي
اللي يسمعج يقول البيت متروس يهال
- شف عاد يا علي هالحجي مو علي وهالبنت تردها
- انتي ما تفهمين ما تبين ياهل يملي عليج حياتج
- الا ابي بس مو من الناس ابي ياهل مني
- طيب اذا ما تقدرين تحملين هذاني يبت لج ياهل جاهز
- مالي شغل ما ابي مشاكل البنت تردها محل ما جبتها
بعدين شفيها لي ما تتحرك لا يكون سويت فيها شي
- شبسوي فيها بس نامت بعد ما هبلتني من الصياح
- علي اسمعني احنا مو ناقصين مشاكل رد البنيه ربي بيعوضنا
- اوووووف اقول سدي الموضوع وهاج البنت اذا قعدت وكليها ابروح انام تعبان ماسك درب من الخبر لين هني
- طيب شقلت تردها لهلها لا يحاتون
- يصير خير مني للصبح
راح علي ينام وهو حاط بباله انه ماهو مرجع البنت شلون يرجعها وهو بيموت علشان يحصل ياهل يربيه ويضمه تحت اسمه لاكن عقمه مانعه هو يدري ان فهيمه تبي يهال اكثر منه علشان كذا خلاها تاخد البنت لانه متاكد انها بتتعلق فيها اكثر منه وهو بيختلقله سالفه علشان يسكتها
************************
بعد اسبوع
قامت فهيمه من النوم وشافت مها نايمه جنبها بكل براءه
حن قلبها عليها
كانت تتمنى بيوم تحمل وتجيب بيبي تربيه وتهتم فيه
بس ربي ما كتب لها عيال
كاسره خاطرها هالبنيه وتحاتي امها هي مره وتعرف شعور الفقد خاصه لو كانت بنتك
بس علي مو راضي يردها وهي بعد حن قلبها عليها وتتمنى تخليها عندها
عارفه ان هالشي غلط بس مشاعر الامومه طغت عليها
قررت اخليها عندي واربيها زي بنتي
*******************************
عاشت مها عند فهيمه ثلاث شهور تعودو فيها على بعض وبطلت البنت تسئل عن اهلها
اليوم بنروح للرياض نعزي ولد عمنا ميته بنته
رحنا للرياض وخلص العزى
علي بروح للسوق اشتري هدوم لمها
-طيب وين تبين تروحين
- مدري بس ابي سوق شعبي علشان بشتري حنا وديرم وعبايات لمي
- طيب بعد المغرب اوديج
بعد المغرب رحنا لسوق طيبه سوق شعبي
وشريت اغراضي اللي ابيها ودخلت مصلى النسا اصلي العشا وخليت مهاوي يمي
خلصت صلاه ولفيت لها ادورها ما لقيتها انهبلت قعدت ادور بكل مكان كني مجنونه
ما حصلتها
*************************
بمكان ثاني من سوق طيبه
عجوز قاعده تحاسب على قماش سمعت صوت بنت تصيح راحتلها سالتها
- شفيك يابنيتي
- وين امك
والبنت تصيح ولا ترد عليها
اخذتها ووديتها للسكيورتي قعد ينادي مين ضايع له بنت
************
فهيمه
شفت مها بايد الشرطي تخرعت خفت اروح لها يسئلني عنها وانا ما اعرف الا اسمها ولا عندي شي يثبت انا بنتي
دقيت على علي ابه يجي يتصرف
- شنو شرطه
- ايه شرطي ما سكها وهي قاعده تصيح
- لايكون رحتي لهم
- لا ما رحت
- أي زين بسرعه خل نطلع
- والبنت
- كيفها شسوي فيها لانسجنت ترى هذا خطف مو شي سهل
- توك تحس انه مو سهل صج انك حقير
- فهيمه جب وانطرج عند السياره بسرعه ولو ما جيتي بروح واخليج
رحت وانا قالبي قابضني شلونا خليها تروح من ايدي بهالسهوله بس شسوي حكم القوي
*******************
عند مها
واقفه العجوز مع الشرطي يدورون
- ياخاله يمكن راحوا هلها صار لنا ثلاث ساعات ندور ما فيه فايده
- طيب ياوليدي شبتسوي فيها
- باخذها للمخفر
- هوو ليش المخفر
- علشان نسوي محضر
- طيب ياوليدي تسمح لي اخذها عندي الليله وبكره اجيبها لكم
- لا ياخاله ما ييصير مسؤليه هذي
- طيب ياوليدي اكتبلك تعهد واللي تبي بس لاتبيت هالبنت بالمخفر اليوم
- ماهي نايمه بالمخفر بنوديها لدار الايتام
- ياوليدي سعيد اخي مبارك ما اردى من هذا الا خذا خلني اخذها اليوم واجيبها لكم بكره
- لا ياخاله اسمحيلي ما اقدر
دقت العجوز على ولدها الضابط وقالتله فتفاهم معهم على انها تروح مع امه للبيت ويرجعونها بكره
|
16-02-09, 12:20 AM
جديد مواضيع قسم الارشيف
العرض العادي
