كاتب الموضوع :
علي المولا
المنتدى :
الارشيف
وعلى ذكر الجائزة ..ليه ما بتصور لنا المكتبة كم صورة .وتهدينا ياهم .
اه --- افصحت عن مرادك اخيرا بعد اللف والدوران وتبين اخيرا ان غرضك التسلل الى صور المكتبة وبعد شوية هى الارقام السرية لفتح المكتبة كام ياعمو جلال والنبى علشان خاطرى ؟ --- ثم بعد ذلك ماتوسع شوية ياعم جلال وروح اضرب لك مشوار على الكورنيش لحد مانصفى المكتبة !!
كلا والف كلا ( اشمعنى الف بس ؟؟ انا عايز اقول كلا وبليون كلا حد شريكى ؟؟)
شوف ياعلى ياحبيبى
يقول المثل المصرى --- ظل يتسحلب ويتدحلب حتى دخل خن الدجاج
وانا ياعلى لااملك من حظام الفانية الا هذا الخن من الكنوز --- وبصراحة ليس الفضل لى ولكنها ارادة الله ( بافكر اكتب يافطة على الباب " ماتبصليش بعين ردية -- بص للى اندفع فى !!) او ياناس ياشر كفاية قر --- ولا ايه رايك -- الحلوة دى مش ورث -- دى جاية بخلع الضرس !!
عموما ممكن نعمل مسابقة لاختيار اجمل شعار واللى يكسب ياخد عشرين دقيقة مجانية فى المكتبة بنظام " شم ولاتذوق " الدولى
نرجع للمكتبة ياناصح
المكتبة تقوم بحراستها ثلاثه جهات امنية على اعلى مستوى على كوكب الارض وماحوله فى كل المجموعة الشمسية تبع مجرة درب التبانة
ده غير اخواننا من العالم السفلى الذين يقومون بالحراسة تحت سلطان خاتم سيدنا سليمان ( انا ماكنتش عايز اقول ان خاتم سليمان عندى لكن فلتت من لسانى معلهش امسحوها ولا كانكم سمعتم حاجة )
لكن علشان اسهل لك المسألة شوية --- يمكن لك ان تسأل الاخ الدكتور يحيى كفافى لانه حاصل على مفتاح سرى للمكتبة وكذا الزميل العزيز الهربان دائما ميكو مارك ( كلموه بالراحة لانه صعيدى ودماغه لسه فى التليين !!)
على فكرة --- يتم العزاء فى فقد الهارد بتاعى يوميا وياريت اللى يحضر العزا يجيب معاه برنامجين تلاته من برامج تصوير وضغط الصور وعمل الكتب الاليكترونية -- ولااراكم الله مكروها فى هارد لديكم
بس خلاص
محمد جلال
التعديل الأخير تم بواسطة galalgalal ; 21-01-09 الساعة 10:08 AM
|
21-01-09, 01:17 AM
العرض العادي
