كاتب الموضوع :
dali2000
المنتدى :
القصص المكتمله
________________________________________
الجزء الثاني
سهيل واليازية وهم داخلين البيت : السلام عليكم
ام اليازية وحمدان وهزاع : وعليكم السلام ( حمدان اكبر واحد في اخوان اليازية وعمره 25 وهو مالج على بنت عمه اخت فطامي وضحى وهزاع اخو اليازية اصغر من حمدان وعمره 23 وهو لا خاطب ولا شي لانه ما يبى يعرس وكل ماتقوله امه خل نخطبلك ما يطيع اوين يوم بيلاقي البنت اللي يباها بيقولها وحمدان طيب وحبوب بس اذا عصب دوريلج دار وهزاع طيب وحليو وايد حنون)
ام اليازية وهي تصد صوب اليازية : انتي وين من المغرب ادورج
اليازية : والله كنت مع سهيل وفطامي رحنا العزبة وتونا رادين
سهيل وهو يهدد اليازية : اخبر
اليازية وتحط ايدها على ثمه : لا لا سهيل فديت روحك
حمدان : شو يخبر
اليازية ترد سرعة قبل لا يخبر عليها سهيل : لا لا ما شي سلامتك بس هذا سهيل يخرط عليكم
سهيل : اخرط ها
اليازية وهي تربع سرعة فوق وتصد صوب سهيل : والله يا ان قلتلهم يا ما كلمك
سهيل : هههههههههههههههههههههههههههههه
ام اليازية : شو بلاكم
سهيل وهو يلوي على امه ويبوسها على خدها : فديتج انا ...ماشي بس اسوي عليكم سوالف
وتعشوا وتموا يسولفون الين الساعة 10 عقب راحت ام اليازية ترقد وتموا سهيل وهزاع وحمدان واليازية
اليازية : الا رشود وين ما اشوفه
هزاع : رشيد عند قوم خالي الين الحين ما رد من الظهر هناك ( راشد اخو اليازية الرابع واخر العنقود صف ثالث اعدادي وهو ولد خقاق شوي ولعاب مهمل الدراسة وما يسمع الكلام الا اذا بغى شي يستوي حليو يعني مصلحجي )
سهيل : عاد مصخها هذا عنبو العرب بيروغوننه من عندهم جان مجابلهم من الظهر لين الحين
هزاع : هههههههخله بيرد عقب روحه
اليازية وهي تصد صوب حمدان :اقول حمدان الا ابوية ما قالك متى بيي
حمدان : ان شاء الله الاسبوع الياي ( ابوها مسافر مع الشيوخ المانيا )
وتموا يسولفون شوي عقب قام عنهم حمدان : يلا تصبحون على خير بسير ارقد باجر اليمعة .
سهيل وهو يطالعه بنص عين : بسير ترقد ها والا ...اسكت احسن عن الاحراج
حمدان وهو ساير صوب حجرته : لا قول عادي ما علي منك بسير اكلم وضاحي فديتها ... ارتحت ..ويدخل حجرته
هزاع واليازية : هههههههههههههههههه
سهيل : والله ان هالولد قاهرني
هزاع : ليش
سهيل : يقهرني يوم اشوفه يكلمها .....يحظه
هزاع : الي يسمعك الحين يقول امرة ما كدت كلمت وحد ة ....عنبو جان ماخليت وحدة ما رمستها وغازلتها
سهيل : عنبو خلونا نعيش الحياة
اليازية : أي اقولكم انا خايفة على رشود لين الحين ما ظوى
سهيل وهو يقوم : والله لسير الحين بيتهم وايبه الهرم
هزاع : عين خير وين بسير بندقله الحين من خليه أي
سهيل وهو ظاهر : والله ما دقوله بسير ايبه وبي
اليازية : انزين تحمل على عمرك ولا تعصب عليه
ركب سهيل سيارته وسار صوب بيت خاله ووقف عند البيت ودخل شاف البيت ليتاته مشغله عرف ان بعدهم ما رقدوا وهو ساير بيدخل البيت الا ويشوف ملاك ظاهر من المطبخ سايرة البيت وما كانت متغشية ولا انتبهت لسهيل الين ما وصلت عند الباب يوم شافته استحت واتغشت كل هذا وسهيل فاج عيونه بعده مب مستوعب
علياوهي مستحية : السلام عليكم
( عليا كبر اليازية وسهيل وهي بنت حبوبة ووايد تستحي وجميله الا غزال وهي ما شافت سهيل تقريبا من سنتين )
سهيل عرفها لان يحيدها وايد تستحي بس ما كان يحيدها بهالجمال عليا في هالسنتين وايد تغير شكلها احلوت وصارت غزال وهي ربيعة اليازية وفطامي الروح بالروح ووياهن في الشلة
سهيل وهو مبهت فيها : وعليكم السلام شحالج عليا
عليا : بخير الله يسلمك اشحالك انت
سهيل الحمدالله تمام .. . انزين ليش متغشية فجي الغشوة ( الحمار يبى يشوف ويهها عيبته )
عليا استحت وفجت الغشوة
سهيل : هي جي ها انت احلى بوايد
استحت عليا ونزلت راسها وان سالم اخوه توه ظاهر ( سالم اخو عليا كبر هزاع وهم ربع وايد )
سالم : هلا والله بسهيل وينك يا ريال محد يشوفك
سهيل في داخلة يقول الله يخسك خربت علينا : تمام الحمدالله انت وين محد يشوفك
سالم : هههههههههههه شخبار المذاكرة وياك عاد نبى نسبة ترفع الراس
سهيل : ان شاء الله ....الا اقول عندكم رشيد
سالم والله ما دلهم يمكن في الميلس
سهيل : عيل عن اذنكم بسير اشله الهرم من الظهر هني ولا جنه عنده بيت
سالم : هههههههههه على راحتك البيت بيتك
راح سهيل صوب الميلس ويوم دخل لقى راشد ومحمد اخو سالم اللي كبر راشد يالسين يطالعون التلفزيون
سهيل : السلام عليكم
محمد ورشود : وعليك السلام
رشود : نعم شو يايبنك
سهيل : ايه انت يلا قوم بنسير البيت ما تستحي يالس من الظهر هني البيت ماله حرمة
راشد : اونه ...عاد منو الحريم اللي فيه الا حرمة خالي وهاي شرات اماية وعليا عنبو هاي ختيه والا تقصد العنوود هاي الياهل
سهيل يوم انذكر اسم عليا فز قلبه ويقول في خاطره وايه فديتها : يلا يلا قوم دواك في البيت ما عليه
ركب راشد ويا سهيل وراحوا البيت وطول الدرب سهيل يفكر في عليا استغرب راشد منه ما هزبه نفس كل مرة عشان التأخير
وصلوا البيت ولقوا هزاع واليازية يتريونهم
اليازية : الحمدالله على السلامة اخ راشد جان ما ييت
راشد مارد عليها لان اذا رد عليها بيظاربون الين الصبح دخل حجرته يرقد
وسهيل استاذن منهم ودخل حجرته بعد يرقد وعقب راح كل واحذ منهم حجرته عشان يرقد
سهيل وهو في حجرته ما رام يرقد يفكر بعليا آه يا عليا غزال ما شاء الله عليها يخسن كل البنات عندها انا شو بلاني لا يكون . . . . لا لا ما اعتقد انا دومي جيه اصلا من اشوف بنت حلوة ايلس افكر فيها بس عليا غير ليش فز قلبي يوم انطرت
الله يغربل بليسك يا رشود ثره لك فايدة وانا ما ادري ويقطع تفكيره التلفون كان المتصل ( ؟؟؟؟؟؟؟)
سهيل : هلا والله هلا وغلا عنبو وينج كل هذا وما دقيلي
:ههههههههه عنبو اليوم الظهر مكلمتنك
سهيل : عاد انت لو تمر ساعة وما كلمتج جني سنة ما سمعت صوتج
: هههههههههههه وايا فديت روحك انا
سهيل : اقول حياتي ..................ابى اشوفج
: لا لا ما اروم هي مرة وحدة وبغيت اروح فيها ارد ثاني مرة لا لا سهيل سوري ما اقدر
سهيل : حرام عليج مرة بس والله وبتكون اخر مرة
: لا لا اسمحلي
سهيل اونه عصب :انتي شكلج ما تحبيني لو تحبيني جان سويتي المستحيل عشاني
: والله اني احبك واموووت فيك بس ما اقدر صدقني
سهيل : اونه زعل : يلا يلا برايج ويسكر الخط قبل لا ترد عليه وتم التلفون يصيح يصيح ولا يرد عليه عقب اغلقه هو اصلا ما كان يبى سبب عشان يسكر عنها ما كان متفيجلها : بالطقاق اوين انا الي بموت فيج روحي لاه
وشوي وحد يدق الباب
سهيل : دخلي يزوي
اليازية وهي تدخل الحجير :كيف عرفت ؟
سهيل وهو يعتدل في اليلسة : من دقج
اليازية وتيلس عند اخوها : حبيبي متى بتخليهن عنك؟
سهيل : وقبل لا يكمل قالت اليازية : انا سمعت كل شي
سهيل : يزوي اتسلى
اليازية : بسك عاد
سهيل : صدقيني بخليهن ان شاء الله قريب
اليازية : دوم تقول جيه وترد ثاني مرة اتكلمهن
سهيل : ههههههههه شو مشكلج انتي تغارين ؟
يزوي : هههههههه على الشو اغار ريلي وانا ما دري
سهيل : ههههههههههه تبين ترمسين وحدة منهن تغلسين عليها
يزوي : ليش كم وحدة هن
سهيل : وايد شوفي شوفي بدقلج على وحدة وكلميها بشوفها شو بتسوي
اليازية عيبتها السالفة وقالت : يلا
ويفج سهيل تلفونه وتوه بيدق الا يصيح التلفون سهيل : سبحان الله هي روحها دقت
ويعطيها يزوي عقب ما فهمه شو تقول
: الو هلا حبيبي شحالك
يزوي : منو انتي
: شو منو انا انتي منو
يزوي : لا والله انتي اللي داقة حق ريلي
: شووووووووووو ريلج منو قال
يزوي : انا اقولج
: وهي تصيح : الجذاب الخاين عطيني اياه
يزوي : لا والله روحي لاه وان دقيتي عليه يا ويلج هو الحين ريال معرس
: لا سهيل حبيبي حقي وبس انتي وحدة جذابة وتسكر الخط
يزوي : الله يغربلج وهي تقلده اونه سهيل حبيبي حقي وبس
سهيل : هههههههههههههههههههههههههههههههههه حليلها
يزوي : حلها حلول في بطنها
سهيل : ههههههههههه حرام والله انها طيبة جرحتيها
يزوي : لا والله وايد خايف على مشاعرها . . . .. انا بسير ارقد وهي تقوم يزخها سهيل من ايدها ويلسها ثاني مرة على الشربية : اول عطيني بوسة
يزوي وتبوس اخوه على خده سرعه وتربع صوب الباب وهي تتطلع :باي تصبح على خير وتسير حجرتها
سهيل : ههههههههههههه وانتي من اهله
يوم الجمعة الصبح الكل ناش من وقت عشان يتسبحون ويلحقون على الصلاة اذن الظهر وراحو الريايل يصلون عقب ردوا البيت عشان يتغدون كل جمعة يتيمعون عمومة اليازية كلهم في بيتهم ...
تغدوا الريايل وعقب تموا يسولفون وعقب تغدن الحريم وتمن يسولفن بعد في صالة الحريم ام اليازية :يزوي فديتج قومي سويلنا جاهي
يزوي : ان شاء الله اماية من عيوني قومي فطوم ويايا
فطامي : لا والله ما روم بيلس اطالع التلفزون
يزوي : الله يغربلج يالدبة ما فيج نفع
وتسير عنها المطبخ وهي توها تحط الغوري علي الضو والا تسمع حد يتحنحن وراها : احم احم
الجزء الثالث
فجاة صدت اليازية ورى ذيج الحين بغى يغمى عليها
وهو مبهت ويطالع كل هالجمال ويقول في خاطره انا وين عنها هذي معقولة كنت عمي ما شوف والله انها تخبل اه يا اليازية الحمدالله انج محيرة لي بس ليش منج الجفا ليش انا ما انكر اني ما كنت اباج بس الحين والله اني امووووووووت فيج ليتج بس تحسيبي . . .
عقب ما انتبه ان هو من الصبح يطالعها : اممممم شحالج يزوي
يزوي وهي جفي عنه : الحمدالله بخير
حمد: امممم انزين ليش مجفية
استحت اليازية بس ماردت عليه
حمد يبى يطول وياها ما صدق يلاقيها بروحها : اممم شو تسوين ؟
يزوي : اسوي جاهي
حمد وهو يبتسم راح صوبها ويوم شافت الابتسامة بغت تموووت والله انه عذاب :وليش متعبينج انتي وما يخلون البشكارة تسويه ؟
يزوي : ما فيها شي اذا سويته
حمد : امممممممممممممم اليازية ابى اقولج شي
يزوي وهي خايفة من اللي بيقوله: خير
حمد وتو بيكمل الا وتدخل فطامي : هي شو تسون
بعد حمد عن اليازية بسرعة وصد صوب فطامي وهو معصب : ماشي سلامتج كنت ابى ماي
فطامي بخبث : ماشي ماي هناك عندكم
حمد: لا الماي اللي هناك حار وانا ابى ماي بارد
فطامي :انزين وين هو ما شوفه الماي البارد
حمد : الحين بتيبلي اياه اليازية
اليازية ما بغت اتفشله وراحت صبتله ماي بارد من الثلاجة وعطته يت تعطيه لمس حمد ايد اليازية خوزت اليازية ايدها بسرعة فبتسم لانه كان قاصد هالحركة
شرب حمد الماي والماي اللي بقى في الكوب وهو طالع رشه على فطامي ووطى الكوب على الطاوله وطلع وهو يضحك عليها
فطامي وهي معصبة : يالحمااااااااااااااااااااااااااار
يزوي : هههههههههههههههههههههههههههههههههههههههههههههههه
فطامي: ضحكتي ان شاء الله بليا ضروووس . . . . وانتي تعالي قوليلي شو كان يسوي هذا عندج ها قولي يلا
يزوي : الله يغربل بليسج قالج انه ياي يشرب ماي
فطامي : واتحريني انا هبلة صدقته
يزوي : شو قصدج . . . .انتي تعرفين اني ما اطيق اخوج من بعد السالفة وهي تذكر السالفة ( كان واحد سلمكم الله ياي يخطب اليازية بس عمها ما طاع تروح لين ابوظبي فحيرها حق حمد ويوم قال حق حمد حمد ما طاع قال انا ما اباها ليش تحيرونه لي وابوه عصب عليه وقاله والله بنت عمك ما فيها عيب وخير لين ما تخلص المدرسة عاد فطامي السوسة راحت وخبرت اليازية بالسالفة ومن ذاك اليوم وهي ما داني طاري حمد لانه خقاق وشايف عمره بس الحين الوضع تغير حمد صار يمووووت فيها وهو نفسه ما يعرف شو هالحب الفجأة بس هو الحين بيموت عليها بس هي بعده رافضتنه )
فطامي : بس انا اللي شفته توني في عيون حمد يقول غير جيه
يزوي : كيف يعني
فطامي : والله عاد فهميها عكيفج برايج انا بسير صوب اماية تزقرني
راحت فطامي وهي مخلية يزوي تفكر وانشغل بالها
عند الريايل
حمد مب جنه يالس وياهم ما يرمس ويفكر في اللي سلبت روحه وقلبه منه بس لو اعرف ليش هي جي تجافيني والله احبها
سهيل : بو شهاب
حمد: ها
سهيل :لا لا ياخوي شكلك مب عايبني شكلك متيم
حمد : يالله لا تخبر
سهيل وهو يقرب من حمد : صدق قول قول مني هي
حمد : شو مني هي
سهيل : المتيم فيها
حمد : ههههههههههههه والله انك فاضي
وقام عنهم حمد وركب سيارته وحط اغنية راشد الماجد في عبارات ويحط على آخر مقطع يوم يقول
والله انه عروق قلبي كلها ترتاحلك
ليتك الا مثل ماخذت بيدك خذت بيدي
من لمست ايدك وانا اتفداك واتفدى هلك
ما دريت ان الهوى والعشق باللمس عادي
ويدق عليه هزاع قصر حمد على المسجل ويرد على هزاع
حمد : الو
هزاع : مرحبا
حمد : مرحبتين
هزاع : شوو بلاك يا خوي رحت عنا
حمد : لا ماشي بس تعبان شوي وابى ارقد
هزاع : هي تعبان . . . . عيل بتي اليوم عند الشباب
حمد : ان شاء الله
هزاع : عيل برايك بخليك الحين ترتاح واشوفك الفليل
حمد : اوكي باي
وسكر حمد عن هزاع ويلس يفكر باليازية
مر اليوم ومرت الايام وامتحانات الثانوية قربت والكل مرتبش الامتحانات باجر وفطامي شوي وبتصيح واليازية في بيتهم نفس الحاله وسهيل يالس يطنز عليها ويضحك ويغلس عليها وعليا نفسهن تعبانة نفسيا والبنات ضاربتنهن حفوز
اول يوم في الامتحانات الصبح في بيت قوم اليازية
اليازية يالسة تتريق مع ابوها وامها وسهيل وهي يالسة تبدل في الكتاب وهي تنتفض
سهيل : هههههههههههههه عنبو اللي يشوفج ما يقول عليها امتحان حشى بسوين عملية انتحارية ما بتمتحنين ههههههههههههههههه
يزوي : ب بل ع ع ععليك اسكت اسكت
بو حمدان : سهيل يوز عن ختك خله تذاكر
سهيل : عاد ابوية مب لهالدرجة انا اللي عادي عندي من اشوف حالتها اتروع
ام حمدان : والله اللي مذاكر ما بيخاف
سهيل وهو يصد صوب اليازية : تسمعين المذاكر ما بيخاف يعني شراتي
يزوي : لا والله ممكن تكرمنا بسكوتك هاي ثانوية عامة مب لعبة
وشوي ويرن التلفون البيت كان عدال سهيل جان يرد عليه
سهيل : الو مرحبا
عليا وهي مستحية لانها عرفت ان هو سهيل : مرحبتين موجودة يزوي
سهيل : اول قولي شخبارك شو علومك عقب تخبري عن يزوي
استحت عليا دومه يحرجها : شخبارك
سهيل : والله تمام الحمدالله انتي شخبارج وشو اخبار الدراسة
ابو حمدان وام حمدان ويزوي فاجين حلوجهم يسمعون سهيل هذا منو يكلم عالصبح جيه
سهيل : ههههههههههه ويصد صوب يزوي ويفر عليها السماعة وهو متشقق من الفرحة
يزوي : الو
عليا : الو شحالج يزوي
يزوي : تمام فديتج ها شو الاخبار
عليا : تخيلج انتفض من فوق الين تحت اقول اليازية ترومين تخطفي علي انتي وفطامي لان الدريول امس مسافر وما عندي حد يوديني المدرسة ( لان يزوي وفطامي يشلهم امين دريول قوم اليازية)
يزوي : امرة فالج طيب بنت راشد الحين يلا بنخطف عليج
عليا : فديت روحج مشكورة حبيبتي باي
يزوي : باي
ام حمدان : شو بلاها عليا
يزوي : تبانا نخطف عليها لان دريولهم سافر امس
ام حمدان : والخيبة بشو بسيرن المدرسة سيارة البيت في الكراج
يزوي : يا ويلي الحين شو بسوي
سهيل عيبته السالفة لان بشوف عليا : ولا يهمج يالغالية انا موجود
يزوي : فديت روحك يار بي يعلني ما خلا . . . . . بس يمكن عليا ما اطيع تركب وياك يمكن تستحي منك
ام حمدان : عنبو شو تستحي عنبو هذا الا ولد عمتها
سهيل وهو متشقق: هي والله
وهو يقول في خاطره شو هالصباح الطيب
ركبت يزوي مع اخوها وخطفوا على فطامي اللي كانت واقفة عند الباب وتتحرطم على التأخير عقب خطفوا على عليا واول ما ركبت عليا صد صوبها سهيل : هلا والله ببنت الخال حياج
استحت عليا :تسلم
ركبت عليا
وراحو المدرسة وسهيل يسوق على عشرين عشان يقدر يشوف عليا من المنظرة قد ما يقدر
يزوي : قول والله انت بس متى تبانا نوصل
سهيل : شو تبيني اسوي مكينة السيارة خربانه تبينه توقفبنا عالشارع
وصلوا مدرسة البنات ونزلن البنات وراح عقب سهيل مدرستهم وامتحنوا العيال
البنات عند باب المدرسة يترين سهيل ايي يشلهن
عليا : يزوي شعنه ماخليتي الدريول يوصلنا استحي اركب ويا سهيل
يزوي: والله انا روحي كان على بالي ان الدريول بيوصلنا بس سيارة البيت في الكراج فقال سهيل انا بوصلكن خطف عليهن سهيل عشان يشلهن وركبن وهو راد بعد يسوق على عشرين : ها بنت الخال تبينا بعد نخطف عليج باجر ترى لحن حاظرين وبالشوفه
استحت عليا : لا مشكور من باجر بيوصلني سالم
عصب سهيل ومرة وحدة طرجبها بسررررعة
فطامي : والخيبة شعندك ترى المكينة خربانة
سهيل : والله محد خربان غيركن
كلهن لاحظن ان سهيل عصب من الخاطر وصلوا البيت مرت الايام ومرت الامتحانات يوم بعد يوم وخلصت الامتحانات وارتاحو العيال صدق هم وانزاح
يوم النتايج
الكل على اعصابه وفطوم يالسة في بيت عمها تتريا النتيجة ويا اليازية ..... وسهيل كل شوي يغلس عليهن وحاط على نجوم ويطرش الهم في الشات
فطامي : والله انك فاضي ومتفيج بعد
سهيل وهو يطرش لشات نجوم : والله يعني شو تبني اسوي ايلس اصيح الصياح يابوي بس حقكن انتن البنات ترى النتيجة يايه يايه وليش احرق اعصابي و اكل قرسي ني
يزوي : فطامي لو ما يبنا نسبة شو اسوي اعيد الثانوية ؟
سهيل : هههههههههههههههههههههههههههههههههههههههههههههههه
وهو يطنز عليها هي عيدي الثانوية
فطامي : ما عليج من هذا انتي لا تسوين الدوى قبل الفلعة
اشوي وتوصل مسجات عند سهيل يوم فجهن انصدم فيهن النتايج لانهم مطرشين ارقام جلوسهم للاتصالات وهذي ما قصرت مطرشة النتايج
يزوي : ها شو بشر
سهيل:لا مستحيل
فطامي وشوي وبتصيح: شووووووو شو قول
سهيل : الله يغربل ابليسكن خيبة شو هذا عنبو شو هالنتايج
فطامي ويزوي صاحن
سهيل : ههههههههههههههههههههه شو يصيحكن نجحتن نجحتن
يزوي يابت 91.2 وفطامي 89.8
لوت يزوي بسرعة على فطامي اللي بعدها مب مستوعبة وتمن يصارخن ويناقزن فطامي : الله يغربلج يالمصرية يبت 91 وانا89
ويتهن ام حمدان
واباركتلهن وفرحتلهن وصدت صوب سهيل : وانت ها ابوية شو سويت
سهيل : اماية انا اسف
ام حمدان : شو . . . كم يبت
سهيل : الصراحة ؟
ام حمدان : هي
سهيل : الصراحة الصراحة
ام حمدان : هي شو
سهيل : تبين الصدق و الا ولد عمه
ام حمدان وصبره نفذ : ابى الصدق عاد
سهيل وهو يصورط :اممممممم يبت بس قولي والله ما تهزبيني
ام حمدان :افففف والله ما هزبك كم ؟
سهيل : 80.2
وتلوي ام حمدان عليه : يالحمار روعتني
ويباركله البنات ودرو الاهل عن النتايج وفرحولهم وقال ابو حمدان عزيمتهم بثلاثتهم في يوم واحد الخميس الياي بس البنات قالن العزيمة حق سهيل ولحن بنسوي حفلة فطامي ويزوي وعليا في يوم واحد على فكرة عليا يابت 90.2
تمت التجهيزات للعزيمة واليوم الاربعاء قبل العزيمة بيوم
في بيت بو حمدان
سهيل : الله يقعج يالدحيحة عنبو 91 ؟!!
يزوي : تراكم صدعتوني مايسوى علي .
فطامي : خلي عنج هالرمسة وقوليلي شو تبينا نلبس يوم الحفلة
يزوي : انا الصراحة فبالي نطقم بثلاثتنا
فطامي : صدقج والله . . . . . . .بس الحفلة وين بتكون ؟
يزوي: امممممممممم في بيتنا
فطامي : خلاص اوكي . . . بس نبى انسير السوق عشان ناخذ البدلات واغراض الحفلة
ويصدن صوب سهيل اللي يلعب بتلفونه وهن راسمات في ويوهن احلى ابتسامة
سهيل وهو يطالعن بخبث: ماشي . . سووووري
يزوي : دخيلك سهولي
سهيل : نو نو لا تحاولين
فطامي : عاد لا تيلس اتذلنا
سهيل : هههههههههههه سوري ما اقدر
يزوي: ليش ان شاء الله ما تقدر
سهيل : عندي موعد
فطامي : ان شاء الله مواعد وحدة من هالخايسات
سهيل وهو يبى يطفربها : ليش عندج مانع
يزوي : قول والله انك مواعد وحدة
سهيل : انزين شو فيها
فطامي : يعله ياربي اذا كنت مواعد وحدة يعله ياربي يشوفونكم اهلها ويصفعونك ويسحبونك للشرطة
سهيل: هههههههه اب اب اب يا بنت عمي ما كنت اتوقع انج للهدرجة تكرهيني
يزوي : سهيل لا صح خلنا نتكلم جد
سهيل : انزين تكلمي منو قابضنج
فطامي : الحين بتودينا والا لا
سهيل : اممممممم بشوف
يزوي : دخيلك سهيل انهون عليك . . . . . تبدي الخايسة علينا
سهيل :اممممم لحظة بفكر ...امممممممم
فطامي : ها شو قلت
سهيل : اممم بعدني افكر .. خلاص .... بدقلها وبخبرها
ويدق سهيل تلفون
سهيل : هلا والله هلا وغلا شحالج ......... والبنات يصوخن الرمسة بس مايسمعن رمستها بس رمسة سهيل
سهيل : لا والله ههههههههههههه . . . . .انزين بقولج . . . . سمحيلي ما اقدر أي المول اليوم . . .. . . والله ظروف . . . عاد ظروف . . . اسمحيلي انتي بس . . .. ان شاء الله . . . .من عيوني . . . . باااااااااي الله يحفظج
فطامي : شو طلبت منك ؟
سهيل : وانتي شو لج خص ما تعرفين ان رزة الفيس من طبايع التيس . . . قومن عندكن ربع ساعة وتكون مرتزات في السيارة وانا بسير اتسبح واي
يزوي وفطامي : ان شاء الله
واجهزن البنات وركبن السيارة يترين سهيل
ركب سهيل : لا ما شاء الله تسمعن الكلام زين زين
فطامي : ولا يهمك انت ياو لد عمي بس يلا حرك حرك
سهيل : دريولج اللي يايبنه ريلج انا
يزوي : وايا ... من زين ريلها عاد
فطامي وهي معصبة : قولي والله انتي بس . . . . .ايه انتي وياه لا تكلمون عن ريلي جيه يوم تتكلمون عنه تكلموا بأدب
سهيل : هههههههههههه خلي ايي اول
فطامي : ان شاء الله بي
سهيل بخبث : ليش حد ياي في الدرب
فطامي بخجل : الله يخسك شو بعد في الدرب محد محد
سهيل : عيل ليش استحيتي ؟ قولي عادي لا تخبين على ولد عمج
فطامي : الله يخسك انا بنت والبنت لازم تستحي
سهيل : والله اشك انج بنت
يزوي : انزين لو ياها حد بترخصها
سهيل يبى يغايضها : لا طبعا ما برخصها
فطامي بخجل : ليش ان شاء الله
سهيل : الله يغربلج يالطماطة ما اباج لا تصدقين عمرج
فطامي : يحصلك الشرف اصلا عيل انا الميته فيك
سهيل : هههههههههههههههههه
ويطول على المسجل على اغنية ميحد حمد الناس للناس وارتبشن البنات في السيارة . . .هن يحبن يوم يسيرن مكان يركبن مع سهيل لانه يربشهن وحلوة سيرته . . .
خلك معي خلي ترى الناس للناس
ودي ترى ضدي ومعايه معايه
احسبك دايم بانفاس لانفاس
وانت ضياء عيني ومنايه منايه
لا تسمع العاذل ووسواس وسواس
ومن علتي انتي شفايه شفايه
لو طال هجرانك فلاباس لاباس
غلطان واستاهل دوايه دوايه
السهم من عينك وامواس الامواس
وانا اناديلك دمايه دمايه
سمعتي الموشي وارجاس الارجاس
واللي جرى منك كفاية كفاية
اعلنت من وصلك بافلاس لافلاس
واختاري انتي بين شاية وشاية
اما ترديلي باحساس الاحساس
والا نتفارق والنهاية نهاية
متعود ابدله للاماس بالماس
ما يهم اكسب والهوايه غوايه
خدعك حاسد يضرب الراس بالراس
مسكين وادريبه ورايه ورايه
وصلن البنات العين مول ودخلن واتشرن وخذن حق عليا نفسهن عشان اطقم وياهن في الحفلة وردوا البيت عالساعة عشر فليل وراحكل وحدة ترقد عشان باجر عنهن قومه من الصبح
الخميس الساعة ثمان الصبح في بيت قوم ابوحمدان
يزوي : منووووووووووووو الباب مفجوج
تدخل فطامي بكل دفاشة : الله يغربلج ايدي عورتني من كثر ما ادق والحين دقوليلي الباب مفجوج فجو راسج قولي امين
يزوي : خيبة خيبة شو بلاج
فطامي : قومي يلا بسج رقاد نسيتي ان اليوم العزيمة
يزوي: لا ما نسيت يلا الحين بقوم وراحن البنات المطبخ عند الحريم عشان يساعدنهن ودقن حق عليا ويتهن البيت عشان تساعدهن
البنات يالسات يسون الفتوش رواحهن في المطبخ والحريم في الاستور
عليا يالسة اتسوي الخبز ويزو يوفطامي يقصن الخضرة
يزوي : عليوه خذنالج بدله شراتنا عشان انطقم
عليا : فديتكن والله جان قلتلي انا بسير اخذلي
يزوي : لا عادي حبيبتي عنبو بنات خال لحن ما فيها شي
يزوي : اماية تزقرني صح
فطامي : هي
راحت يزوي صوب امها تشوفها شو تبى
فطامي وهي تقطع جرحت صبعها
فطامي : ايييييييي
عليا تربع صوبها : شو فطوم شو بلاج
فطامي : صبعي صبعي عليوه اييي
عليا : انا بسير ايبلج لزق
ربعت عليا فوق تيب لزق حق فطوم وهي راقية تصقع مع سهيل اللي توه نازل
عليا وهي مستحية : اسفة سهيل ما كان قصدي
سهيل يوم جافه ذاب : هههههههههههه لا لا عادي بس ليش جيه تربعين
عليا : فطامي جرحت صبعها ورايحة ايبلها لزق
سهيل : تعالي بعطيج ( هو يباها من الله )
راحت ويا سهيل لين الصالة اللي فوق وطلعلها من الدرج لزق وعطاها اياه هي اول ما خذت اللزق تربع ربعان صوب المطبخ كانت بتموت من المستحى عنده ضحك سهيل عليها وسار وراها صوب المطبخ اونه بيطمن على فطيم بس هو اصلا ساير هناك عشان عليا دخل عليهن المطبخ وشاف عليا تلزق صبع فطامي
سهيل : ليتني انا الميروح صبعي
استحت عليا وااااااااااااايد ونزلت راسها
فطامي : الله يخسك قولي الحمدالله على السلامة هب وهي تقلده ليتني انا الميروح
سهيل : ههههههههه الحمدالله على السلامة ارتحتي
فطامي : هي .....جيه ها خلك
راح عقب عنهن وكملن البنات شغلهن وتغدوا الريايل عقب الحريم يوكلن سار بيته الا فطامي تمت مع يزوي مع ام حمداان وهزاع يالسين ايسولفون
في بيت قوم عليا
عليا طول الوقت تفكر في سهيل وحركاته قالت معقولة اهو يحبني . . . . . لا لا ما اظني ............. عيل ليش جي يسوي............. برايه اذا هو يحبني بي بيخطبني اللي
يبى الصلاة ما تفوته ............
ومرت الايام ويا يوم الحفلة
يوم الخميس المغرب
البنات في الصالون يتعدلن وعقب خلصن التعديل وكانن جنان كل وحدة احلى من الثانية كانن يخبلن كلهن لابسات كويتي اخضر فوشي ووردي فوشي البنطلون اخضر ومن تحت واسع والتنورة الين تحت الركب بشوي والتنورة كلها كلوش ومن ورا الرقبه ربطة ولونه وردي وعليه رسومات بالفضي والقميص الداخل لونه اخضر وكانن كلهن حاطات المكياج نفس الشي واستوت الحفلة وارتبشن البنات وخلصت الحفلة والكل راح بيته الا عليا وفطامي كانن عند يزوي
يزوي : علاية باتي اليوم هني
فطامي : هي خلنا كلنا نبات رباعة
عليا : لا لا ما اقدر بروح البيت
تمن يقنعنها لكن ماشي فايدة
يزوي : فطيم شو يابولج من هدايا
فطامي : ابوية قالي هدية النجاح سفر
يزوي: حتى انا وعليا
فطامي : ياي حلو وين تبنا نسير
يزوي : المانيا
فطامي : لا والله اصلا امبونا بنسير المانيا
يزوي : هي صدقج .........انزين تركيا خاطري بتركيا
فطامي : هي والله صدقج تركيا
واتفقن البنات انهن يخلن اهلهن يودونهن تركيا قبل لا يروحو المانيا لا ن العايلة متعودة كل صيف تسير المانيا وعندهم هناك فللهم
فطامي : واماية يابتلي عقد من داماس ....... حمد يابلي ساعة ووضحوه يابتلي ملابس حق الجامعة وانتن
عليا : انا امايه يابتلي ساعة وسالم يابلي تلفون
يزوي : انا بعد حمدان يابلي تلفون وهزاع يابلي ساعة وامايه عقد
وسهيل يابلي عطور
عليا : وانتي ما عطيتي سهيل شي
يزوي : سويناله انا وفطامي بوكس وحطيناله فيه ساعة وعطور وكتبنا عليها اسمي واسمج واسم فطامي على اساس تكون منا نحن الثلا ث
عليا : الله يخسج ليش ما خبرتيني اساعدكن
فطامي ويزوي هن اصلا شاكات ان سهيل وعليا يحبون بعض : اصلا والله ما كان عندنا وقت كله سرعة سرعة
فطامي : الهيس ما يابلي هدية
وشوي يسمعن دق عالباب فجت يزوي الباب
سهيل : هااااي
يزوي : هااااااييين
ويدخل سهيل وتحط يزوي ايدها على صدره وادزه برى
سهيل : هههههههههه شعندج ما بسوي شي بس بدخل بعطي عليا وفطامي هداياهن
يزوي : هي جان جي ادخل بس لا تطول نبى نقعد رواحنا
يدخل سهيل وسيدة عند عليا وجنه محد في الغرفة غيرها
سهيل ويمدلها الكيس : مبروووووووووك
عليا بمستحى : الله يبارك فيك
فطامي : لا والله وانا
ويصد صوبها سهيل ويمدلها الكيس : حتى انتي مبرووووووك
فطامي : الله يبارك في حياتك ليش مكلف على عمرك
سهيل : والله عشان ما تقولين واسيرين تفضحينا تقولين سهيل ما يابلي
فطامي :هههههههههههه عاد مب جيه
وشوي تموا يسولفون عقب يا سالم وشل عليا وساروا البيت وفطامي باتت اليوم عند يزوي لانها ماكانت تروم بعدها توصل لين البيت . . . . . . .
سهيل تم طول الوقت يفكر بعليا يبى يخطبها بس اهله بيقولوه انت بعدك ما اشتغلت فقال ماعليه بخطبها عقب ما ادخل الجامعة ان شاء الله وعقب الجامعة بنعرس والله انك تكتيك يا سهيل وشوي ويصيح تلفونه يا هالتلفون اللي ما يسكت ورد عليه كان المتصل ( #######) وتم يرمسها شوي عقب قالها تعبان ابى ارقد وسكر عنها . . .
يوم الجمعة الساعة 9 الصبح في بيت ابو حمدان
فطامي تدخل عليهم وهي بعدها تتثاوب
سهيل : عنبو حشى صرطينا
فطامي : كيفي كيفي
سهيل : حشى حشى جبريت
يزوي : خليه عنج فطوم وتعالي تريقي
تيلس فطامي عدال يزوي وتتريق وياها وسهيل كل شوي يغلس عليها عصبت فطامي وراحت بيتهم
يزوي : سهيل شو هذا زين الحين .. زعلت
سهيل : صدق هاي الهبلة زعلت ( سهيل من النوع السرعة يتلوم )
يزوي : خلني اسير ادقلها
سهيل : قوليلها والله ما كان قصدي
تدق يزوي حق فطامي وترد عليها فطامي لانها توها داخلة البيت وسمعت التلفون يصيح فردت عليه
يزوي : هلا فطوم غناتي زعلتي؟
فطامي : هي
يزوي : والله ما كان قصدها تعرفينه يعزج وبعدين ما تعرفين سهيل دومه جيه
فطامي : بس عاد هو مصخها
ويمط سهيل السماعة من يزوي : فطاااااامي
فطامي بعصبية : نعم . . .شو تبى . . تبى تكمل رمستك بعد ما سدك اللي قلته
وما عطت مجال حق سهيل يرد عليها وتسكر الخط عصب سهيل من الخاطر : والله هاي بنت عمج البزية ما تستاهل حد يراضيها
وراح دخل حجرته وهو صدق معصب من الخاطر وراحت عقب يزوي حجرتها تتسبح
بعد الصلاة الكل يالس يتغدى عقب ما تغدوا الريايل والحريم الكل راح بيته بس بقوا اللي يشربون جاهي وهم ابو حمدان وابو حمد وام حمدان وحمدان وحمد وسهيل ويزوي وفطامي وهزاع ووضحى . . .
سهيل وفطامي كل ما يصد واحد صوب الثاني يصد الثاني عنه
وحمدان كل شوي يصد صوب وضحى ويبتسملها استحت وضحى من هالوضع فقامت وراحت المطبخ . . .
لحقها حمدان
في المطبخ
يالسة تشرب ماي وتصد وراحاها تبى تحط الكوب على الطاولة والا تشوف حمدان وراها شهقت ابتسم الها حمدان وتم يتقرب صوبها وهي تبعد لورى
قرب منها حمدان لين ما صارت بينهم قرابه اقل من خطوة ووضحى قلبها يدق طبول
حمدان : وضحى . . اممممممم ممكن ؟
وضحى خافت من اللي بيطلبه حمدان فردت بسرعة : لا مب يمكن
حمدان اونه مسكين : افاااااااا
نزلت وضحى راسها وحست ان حمدان يتقرب اكثر تبى ترد على ورى بس ماقدرت الطاولة وراها وهي لاصقة فيها
حمدان: وضحى غناتي انا ريلج . .. ما فيها شي
رفعت راسها وضحى قبل لا يسوي شي : حمدان دخيلك اخاف حد يدخل ويشوفنا جيه دخيلك اطلع
حمدان : والله ما عليه من حد انتي حرمتي على سنة الله ورسوله والكل يدري
قرب حمدان ومسك ايد وضحى يت بترفع ايدها بس هو ما خلاها وتم ماسكنها بالقو
في هاللحظة دخل هزاع ويوم شافته وضحى شهقت ونزلت راسها بسرعة حمدان ما لاحظ منو الورى ولا لاحظ بصدمة وضحى
هزاع يوم شاف حمدان ماسك ايد وضحى استحى وظهر وهو يضحك
وضحى : حمدان فج ايدي
حمدان : مب فاج . . لا تخليني اغايضج و. . ما لحق يكمل الا وضحى تقول : هزاع هزاع
حمدان فج ايدها : شو بلاه هزاع
وضحى : توه دخل علينا ويوم شاف حضرك ماسك ايدي طلع
حمدان : هههههههه انزين شو فيها
وضحى : شو شو فيها الحين مستحيل احط عيني في عينه( وهي تروح)
حمدان : وين
وضحى : بسير البيت وهاي اخر مرة اطب بيتكم
لحقها حمدان بس ما رام لانها كانت اسرع منه رد للصالة واول ما دخل طالعه هزاع بنظرة عقب نزل راسه وهو يضحك
ابو حمدان : شو يضحك
هزاع : لا ماشي ابوية
يلس حمدان عدال هزاع قرب هزاع لين اذنه وهمسلها: يابوي قلت الاماكن ماشي غير المطبخ والله كان شكلك يضحك تقول كمال الهندي مع البشكارة
حمدان : انت غيران براينا نحن احرار
حمد وصل تفكيره بعيييييييييييييييييييييييييييييد وهو طول الوقت ويطالع اليازية ياربي ابى اقولها بس اخاف انها تصدني خاصة هي ما تطيق مني كلمه ليش ياليازية ليش الله يسامحج فيني دخيل الله حسي فيني آآآآآآآآآآآآآآآآه
سهيل مل من نظرات فطامي له أففففففففففف هاي شعندها
يزوي : ابوية وين السفرة اللي وعدتونا اياها
ابو حمدان : ان شاء الله الاسبوع الياي بنروح اول تركيا نيلس فيها اسبوعين عقب بنسير المانيا
يزوي وهي تلوي على ابوها : فديتك والله يعلني ما خلا
ابو حمد : وانا
يزوي اول استحت اسير لين عند عمها لان حمد كان وايد قريب منه بس عقب قالت ما عليه منه راحت صوب عمها ولوت عليه بالقو بس عشان تقهر حمد
حمد يطالعها بنص عين ويقول في خاطره آآآآآآآآآ منج انتي حالفة تذبحيني آآآآآآآآآه
ابو حمد : وايا فديت حرمة ولديه انا
يزوي تفآجأت بالرمسة وحزت في خاطرها آآآآآه ياعمي ماتدري ان ولدك هو اللي ما يباني وانا كان عندي عادي بس عقب الرمسة اللي قالها خلاص انا كارهتنه كارهتنه . . .
وحمد متشقق من رمسة ابوه جان يطالع يزوي بنظره وهمس في اذنها : ها سمعتي حرمتي انا.... يعني حقي انا وبس
استحت اليازية وربعت حجرتها وهي تقول في خاطرها هذا شعنده وين اللي يقول ما اباها معقوله غير رايها لا ما أظن هذا خقاق وشايف عمره مستحيل يستوي ريلي ما اباه ما اباه . . . .
بس احسبه يحبني يمكن صدق الحين يحبني بس شو اللي يأكدلي . . . آآآآآآآآآآآآه ياحمد لو ما قلت الرمسة ذاك اليوم جان ..........................
عند الريايل
حمد في خاطره آآآآآآآآه ياليازية ليش ما تحسين ليش اففففففففففف انا خلاص ما اقدر اتحمل . . . .
فطامي وسهيل على حالهم كل واحد يصد عن الثاني شوي ويصيح تلفون سهيل يوم شاف المتصل طلع برى وفطامي في خاطرها هي هاي اكيد وحدة من هالخايسات . . . راحت عند اليازية في حجرتها ولقتها على النت يلست شوي وياها لين العصر عقب راحت بيتهم . . ... نزلت تحت عشان تروح بيتهم لقت سهيل روحه في الصاله ما عطته ويه وهي طالعة
سهيل : فطامي لحظة صدت فطامي صوبه ما صدقت يزقرها لان هي ما تروم تزعل اكثر عن جي من سهيل لان وايد تعزه وغلاته من غلاة حمد اخوها . . .
فطامي : لبيه
سهيل : لبيتي حايه. . اممممممممممممم انا اسف ما كان قصدي لا تزعلين
فطامي بدون رد
سهيل وهو يبتسم : عاد كم فطامي نحن عندنا الا وحدة ومعذبتنا
فطامي وهي تبتسم : لا عادي ياولد عمي لا يهمك وانا بعد اسفة يوم سكرت الخط في ويهك . . .
سهيل :لا عادي ....بس لا تعيدينها والله عورني ويهي
فطامي : هههههههههههههه
يزوي وهي داخلة : ما بغيتوا تراضون حشى ولا زعل الاحبة
يوم سمع سهيل الاحبة تذكر عليا آآآآآآآآآآآآه يا عليا وطلع عنهن برى وراحت فطامي عقب بيتهم ويزوي يلست طالع التلفزيون . . . وشوي تذكر كلام حمد الها اليوم آآآآه احس ان هالانسان غالي عندي بس هو اللي ما يباني آآه انت جرحتني يا حمد . . .لو كنت انت ياحمد اخر الريايل في العالم ما خذتك ....
ومرت الايام وقرب موعد السفر قبل السفر بيوم كانت يزوي يالسة في الصالة وشوي يدخل حمد عليها الصالة فجت عيونها زين تبى تتأكد اذا هو والا لا
حمد : السلام عليكم
يزوي : وعليكم السلام والرحمة
حمد : عيل وين عمي
يزوي : ما اعرف طلع
حمد : أها..... يلس حمد في الصالة اليازية استحت تخليه روحه خاصة ان محد في البيت غيرها فمب حلوة تخليه وتسير عنه فيلست كانت الصاله في هدوء تام ما شي صوت الا صوت التلفزيون . . . .
حمد كان يبى يقيس نبضها من ناحيته بما انها كانت تلعب في تلفونها انا بعد بلعب بتلفوني لكن غير
حمد تم يلعب في تلفونه فحط نغمة ويغني ويا النغمة وجنه يهديها الها وكانت اغنية الحربي وحمد العامري ياعلي
((ياعلي ياللي صباني شخص غالي له غلا هو عويد البان متميز له الخصر الهضيم لي سلب روحي وقلبي والحشى منه ابتلى ))
فهمت حركته فهي سوت بعد نفس الشي
وحطت اغنية الحربي اجرحتني
((اجرحتني كلمة منك سببت في قلبي اوجاعي)) عقب قطعتها ما تبى تكملها
حمد في خاطره انا جرحتها متى ما اذكر
عقب حطلها اغنية لايق عليك لحمد العامري
((انت الغلا بد الملاين في خاطري يا اعز انسان روحي ورحك صدق روحين في جسم واحد طول الازمان))
حطت يزوي عقب اغنية حمد العامري
((اقولها لك وانا متمكن ووا ثق ابعد وفارق انا ما كرر اغلاطي))
عصب حمد وبدل النغمة عنده
((لك يوم يا حارم عيوني من النوم نفسي اشوفك تسهر الليل حسرة
ليت الهوى في داخلك يشتعل يوم ليتك تحس بالوقت لو بس مرة))
يزوي ماردت
حط حمد اغنية راشد الماجد خل العتب
((خل العتب واسمع لروحن تناديك ومن ما سمعت اقرى في عيني اشتياقي ))
حطت عقب يزوي أغنية عيضة مالك عذر
((ان كانت الفردوس في كف يمناك القلب صار ابعد من دروب اياديك)) وبندت التلفون وربعت حجرتها وهي تصيح
حمد شو بلاها هي شو فيها بالضبط والله اني احبها هي مجروحة مني ليش انا شو سويت
يزوي في حجرتها حمد شو قصده بهالحركة قصده انه يحبني ويبى يبينلي هالشي لا ياحمد مب انا اللي بتلعب بمشاعرها مب انا الي بتخليها تحبك لا ياحمد لا
|
24-01-09, 01:19 PM
يا طيب القلب حكم قلبك الطيب للكاتبة اندماج الارواح
جديد مواضيع قسم القصص المكتمله
العرض العادي
