كاتب الموضوع :
عذاري
المنتدى :
القصص المكتمله
الجزء الثامن عشر
تم يرن وردت بآخر رنه ...
حلا الي نامت بالصاله بعد ما تعبت من كثر البجي ...
حلا بتعب:الو
امامه:حلووووي انتي وينج خرعتينا عليج
حلا تحاول تمسك نفسها ما تبجي:راحت علي نومه
امامه:انزين تبين تجين ويانا عند ابوي
حلا:لا ميمي اسمحي لي تعبانه ما اقدر اقوم
امامه:حلوي فيج شي؟
حلا:ما فيني شي ميمي بس احس تعبانه ابغى انام
امامه:اوكي عيل انتي ريحي اللحين وبليل ان شاء الله بمر عليج عشان نتعشى بره
حلا وتبي تفتك من طلال:أي ان شاء الله
طلال قاعد بالمكتب وقلبه يعوره على الي سواه اليوم يحس انه خان حلا بطلعته ويا شذى و الوعد الي عطاه اياها...
رفع موبايله ودق على حلا ...
من صوب الثاني حلا الي كانت بعالم غير هالعالم عالم تحس فيها انها انخانت من اقرب شخص لها ..جرحها وخانها و ظلمها شلون بتسامحه بعد الي صار شلون بترد تعطيه حبها ؟!!شلون تقدر تثق فيه بعد الي شافته ؟؟!!
سمعت رنت الجوال ((تدري إني موت أحبك و إن مالي غير حبك و اللى ينبض في ضلوعي
ما هو قلبي هذا قلبك تدري يافرحي و همي
من كثر ما انت في دمي كل ما تنظرك عيني
عيني من عيني تسمي تدري من عشقي لشوفك
ما تفارقني طيوفك صرت أناظر في المرايا
ما أرى نفسي و أشوفك))
صرخت بأعلى صوتها ((ماااااا احبك اكرهك اكرهك ))
.
رمت الجوال بعيد عنها ما تبي تسمع صوته ما تبي تشوفه بعد اليوم ....
تم يرن يرن ..طلال بدى يحاتيها مو معقوله حلا ما ترد عليه ...
حلا من الناحيه الثانيه فكرت بعقل اذا ما ردت عليه اكيد بيجي لها للبيت ..ردت عليه بعد ما خذت نفس عميق حتى ما يحس فيها...
حلا :هلا طلال
طلال بخوف:وينج حبيبتي صارلي مده ادق ما تردين
حلا بقلبها (وتقولي حبيبتي يالخاين يالجذاب) :كنت استحم
طلال ينفخ :اشوه خوفتيني عليج حياتي
حلا ماسكه نفسها لا تنفجر عليه:ما فيني شي ..لا تحاتي خلك بشغلك
طلال حس فيها شي يعرف يميز نبرة صوتها :حلوويه شفيج؟
حلا :ما فيني شي
طلال :للحين عوار راسج
حلا جان زين عوار راس ارحم من عذاب القلب :....
طلال:حلوويه شفيج حبيبتي؟
حلا خلاص مهي قادره تستحمل اكثر تحس انها بتنهار :ما فيني شي طلال بس مشغوله شوي ..ادق عليك بعدين
طلال بضيق :اوكي ديري بالج على نفسج حبيبتي
حلا تبي تنهيها بسرعه:اوكي ..باي
بالمستشفى
فيصل اخذ امامه ونوال وراحو المستشفى...
نوال بفرحه :حمد الله على سلامتك يا بو طلال
جاسم منسدح على السرير و الوايرات للحين عليه ..رد عليها بتعب:الله يسلمج
امامه تبوس راسه:ولهت عليك يبه ..البيت ما يسوى من دونك
جاسم يرص على يدها :الله يخليكم لي
فيصل يقرب منهم :حمد الله على سلامتك عمي
جاسم بابتسامه كبيره:هلا والله بولدي فيصل اسمح لي يبه ما شفتك
فيصل يبوس راسه:مسموح يا عمي ماني غريب
جاسم يتلفت بالغرفه:وين طلال وحلا؟؟
امامه:شوي ويجون يبه لا تحاتي شي
جاسم يلتفت لنوال:وناصر وينه؟
الكل تبادل نظرات بين بعض ...وجاسم لاحظ هالشي
جاسم بخوف :ناصر اخوي صار فيه شي؟
امامه ما قدرت تتمالك نفسها دموعها نهارت وطلعت من الغرفه فيصل توهق ما عرف يقعد ولا يلحقها بس نوال اشرت له بعينها ان يلحقها ....
جاسم وعينه للحين على نوال: نوال ناصر اخوي شفيه؟
نوال تقرب منه وتضغط على يده :جاسم انت تذكر ان الشركه احترقت
جاسم بحسره:ايه اذكر ان النار اشتعلت واخوي ناصر ركض على المخزن يساعدهم وانا لحقته اوقفه ومادري شنو حصل بعدين
نوال تكمل له :الاطفاء جو في الوقت المناسب وما انتشر الحريق بأنحاء الشركه وانقلوكم للمستشفى
جاسم :وناصر وينه؟
نوال تبلع ريجها وبكل هدوء:انت رجال مؤمن وهالشي مكتوب علينا
جاسم غمض عيونه بحسره :بس خلاص لا تكملين
نوال تحاول تهديه:يا جاسم اطلب له المغفره ولا...
جاسم يقاطعها بصرخه :خليني بروحي ولا تخلين احد يدش علي
نوال طلعت بسرعه لان عارفه زوجها اذا عصب :ان شاء الله
بيت طلال
تحس انها ضايعه مهي قادره تتخذ قرار بعد الي عرفته ..
تبي ابوها تبي تسأله تقوله عن خيانة زوجها لها تبي تشكيله ...تبيه ينصحها يخفف عليها..تحس انها فاقده ابوها بشكل كبير اول مشكله بزواجها مهي قادره تواجهها ...
((وينك يا يبه شوف طلال اسوى فيني ..هذا ولد عمي الي بيصوني ويحميني ...الله يسامحكم زوجتونا قصب عنا انت وعمي الله يسامحكم...
شسوي بهالمصيبه يا ربي ..اسامحه !! شلون اسامح واحد نذل مثله يخوني ويمثل علي الحب !! انا لازم اطلب الطلاق ما يستاهل اعيش معه بعد الي سواه ))
غمضت عينها بقهر ودموعها تنزل بهدوء ...
رن جوالها وكانت نوال...
حلا تعدل بصوتها:هلا يمه
نوال:هلا فيك حبيبتي ..خير يمه امامه تقول انك تعبانه؟
حلا:ابد خالتي ما فيني شي بس صداع راس مو اكثر
نوال:ديري بالك على نفسك ..وعمك يسأل عنك
حلا :سامحيني خالتي والله ما قدرت اجي ان شاء الله باجر امره قبل لا اروح العياده
نوال:براحتك حبيبتي
حلا :عمي عرف بوفاة ابوي
نوال:أي خبرته يا بنتي ..انهار علي اول مره اشوف عمك في هالحاله
حلا دمعت عيونها:محتاجه لابوي خالتي
نوال خافت عليها :بسم الله عليك ..شفيك يمه مضايقه من احد ..طلال زعلك بشي؟
حلا :لا خالتي ابد ..بس حاسه اني ولهانه عليه
نوال:هذا مكتوب علينا يا بنيتي كلنا بنروح لهذا الطريق..اطلبي له الرحمه وان شاء الله تتلاقون بالجنه
حلا :الله يسمع منج ..عمي قريب منج اكلمه؟
نوال:قبل شوي اخذ مهدئ ونام ..وايد تعب يوم عرف بوفاة الوالد
حلا:الله يرحمه
نوال:ديري بالك على نفسك واي شي تبغينه اتصلي علي
حلا:تسلمين يمه
نوال:اجل اخليج ترتاحين مع السلامه
حلا:مع السلامه
اخذت نفس عميق ..بعدها دزت مسج لطلال انها بتطلع من البيت اللحين ..بتتعشى مع البنات بره ...
طلال قاعد بمكتبه يراجع بعض الاوراق ...
رن جواله ..
طلال :هلا بشذويتي
شذى :هلا فيك يا حبيب شذويه
طلال :ههههههههههه
شذى :الله لا يحرمني من هالضحكه يا رب..طلبتك طلال
طلال :امريني حبيبتي تدللي
شذى بتطير من الفرحه:خف علي يا طلال ما اقدر جذي
طلال بغزل: مو بس امريني انا اصلا كلي لج يا قلبي
شذى :حبيبي انا عازمتك بعشى في بيتنا
طلال باستغراب :واهلج؟!!!
شذى :اهلي مسافرين وابي اتفاهم معاك طلال لازم نلقى حل حق موضوعنا
طلال بتردد:بس ما اقدر ايي بيتكم شذى
شذى باحباط:ليش حبيبي؟
طلال مو عارف شلون يفهمها:صعبه حبيبتي اثنينا بمكان ما في احد
شذى :هههه والله على بالي عندك سالفه ...محنا يهال يا طلال لا تزعلني منك
طلال:ما يصير بمطعم ؟
شذى بدلع:ما اخذ راحتي ..في بيتنا نتفاهم على راحتنا يلا عاد طلال طلبتك
طلال :وما اقدر ارد لج طلب حياتي ..متى تبين اييلج؟
شذى بفرح:اللحين
طلال انصدم:شنو!!
شذى:ههههههه جان زين من اللحين على راحتك حبيبي
طلال:خلاص اصلي العشاء واجي لج
شذى:اوكي
طلال:اخليج اللحين عشان اخلص الشغل الي بيدي
شذى:اوكي حبيبي انطرك ...باي
بيت فيصل
غرفة فجر
انفال للحين تحاول :يا فجر قلت لج فيصل سامحج خلصيني عاد بنتأخر عليهم
فجر تبجي:ماراح اطلع يا انفال الا لما اتاكد انه راضي علي
انفال:وبعدين يعني وياج ؟!
فجر تبجي :ما اقدر انفال اهو حلف اني ما اطلع من البيت يعني ما اطلع من البيت
انفال تقعد يمها وبحنان :يا حبيبتي اهو قال جذي لانه كان معصب ومو معقوله طول حياتج ماراح تطلعين من البيت
فجر:ليش اللحين رضى اطلع؟
انفال : لان موضوعج ويا فارس انتهى
فجر افتحت عيونها على الآخر :شنو!!!!!!!!!
انفال تبتسم لها :الحمدالله سلم كل شي للشرطه
فجر :صج ؟!
انفال :أي صج موضوع فارس وبدريه انتهينا منه
فجر للحين بصدمه:وشلون صار جذي؟
انفال تغمز لها :البركه بأخوج
فجر تبجي:ما استاهله ..ما استاهل كل الي سواه لي
يدخل فيصل عليهم ...
فيصل بحنيه:تستاهلين حبيبتي انتي فجوره وتمين فجورتي مهما صار
فجر تركض لعنده وتلمه :سامحني فيصل انا غلطت والله ما اعيدها
فيصل يبعدها ويخليها قباله:موعيب الواحد يغلط يا فجر العيب انج تستمرين فيه ولا تستفيدين منه
فجر:اوعدك يا فيصل اني ما اكررها ولا راح اسوي جذي مره ثانيه
فيصل يبتسم لها:عيل روحي غسلي ويهج صايره تلوعين الجبد من البجي خشمج جنه خشم ارقوز
فجر ببراءه :هههههههه
فيصل يضمها لعنده:ما تدرين شكثر ولهت على ضحكتج
فجر ردت للبجي:سامحني فيصل سامحني
انفال تقاطعهم :البنات ينتظرون وانتو مسوين لي فيلم هندي بالغرفه
فجر:هههههههههههههههه
فيصل :يلا عاد لا تخلون حبيبتي مرتي تنتظركم
انفال تشوفه بنظره:اللحين هذا الي تفكر فيه
فيصل :منو غيرها يستاهل افكر فيه ..الله لا يحرمني منها
انفال بقهر:فصوول اذلف عن ويهي تراني موصله حدي منك انت واختك
فجر تنحاش لي داخل الحمام :انا دقايق واجهز
فيصل يطلع بره الغرفه يمثل الخوف:وانا بروح عند امي
انفال تضحك على خبال خوانها :ههههههههههه حسبي الله عليكم لي هالدرجه اخرع
فجر من داخل الحمام :ههههههه بشكل ما تتصورين
نزل فيصل عند امه الي قاعد بالصاله تحت ....
فيصل بابتسامه: ها يمه جاهزه
نهى توقف :أي يمه بس انطرك توصلني المستشفى عند عمتك
فيصل يوقفها :يمه
نهى تلتفت عليه:خير يمه؟
فيصل بتردد:يمه انا ادري مو وقته بس ما اقدر
نهى بخوف:خير يمه صاير شي؟
فيصل منحرج:يمه انا عارف ان الموضوع مو وقته اللحين بس انتي تدرين ان باقي اسبوع واتخرج ان شاء الله وانا يمه واحد مو قادر اصبر زود ابي اعرس
نهى :ههههههههههههههه
فيصل بدلع:يمه انا من صجي اتكلم وانتي تضحكين علي
نهى :اثقل يا ولد البنت مارح تطير
فيصل :يمه ما اقدر ما اقدر
نهى :هههههههه والله على بالي عندك سالفه
فيصل بوز من جد:يمه الله يهديج والي اقوله لج كلام يهال
نهى تلف شيلتها:اقول خل نمشي احسن لي من خرابيطك
فيصل طنقر وطول الطريج ساكت منقهر من رد امه ...ونهى من داخل فرحانه واهي تشوف حب فيصل لكبير لامامه وتدعي من كل قلبها الله يوفقهم ويتمم زواجهم على خير....
بالمطعم
امامه وحلا وصلو قبل وجلسو يسولفون على ما يجون البنات ....وغنيمه الي طلب منها احمد اهو الي يوصلها بآخر لحظه ..
امامه تشوف حلا السرحانه:حلووي
حلا تلتفت عليها:.....
امامه :ممكن اعرف شفيج؟
حلا تبتسم:ما فيني شي؟.
امامه بثقه:على غيري
حلا :ههههه بس تعبانه شوي
امامه :ابوي سأل عنج اليوم؟
حلا نزلت دمعه من عينها تذكرت ظلم عمها لابوها:ايي كلمت خالتي وقلت لها امر عليه باجر قبل لا اروح العياده ان شاء الله
امامه حاسه ان فيها شي :حلوي طلال مضايقج بشي؟
حلا تغير الموضوع:لا ما ضايقني..الا تعالي كيف حال فيصل؟
امامه:يهبل حلوووووي ..هالريال ما في مثله طبعا الا اخوي طلال
حلا آآآآآآه يا ميمي لو تعرفين حقيقة اخوج جان ما قلتي هالكلام : يعني طلال احسن؟
امامه بحيره:ما اظن فيصل رومانسي اكثر ..
حلا :ههههههه الله يتمم عليكم
امامه من كل قلبها :آمين
حلا:ومتى يتخرج ان شاء الله
امامه :اهو بعد اسبوع وان بعده بيومين
حلا : حلو ..سهالات ان شاء الله
امامه:ان شاء الله
يقطع عليهم الجرسون يايب العصير ..وحلا الي كانت طالبه ليمون ما تدري ليش لاعت جبدها يوم قربت بتشربه
امامه:حلوي شفيج؟!!
حلا ويدها على حلجها:ابد بس ما عجبني
امامه مستغربه:انتي اصلا حتى ما ذقتيه
حلا توقف :عن اذنج بروح الحمام
رجعت حلا للطاوله ..
امامه:شفيج؟؟
حلا:اتوقع متسممه من الاكل الي كليته امس
امامه تخمن:حلووووي اخاف ...
يقطع عليها كلامها وصول انفال وفجر...
انفال :قوه بنات
حلا تسلم:هلا والله بنفوله شلونج حبيبتي ؟
انفال:انا بخير هذي اختي فجر يبتها لكم
امامه تسلم:هلا والله بالغاليه الي نسمع عنها وما انشوفها
فجر حبتها من اول ما شافتها :تسلمين من ذوقج
شوي وتدق غنيمه ويقعدون يميع سوالف ...حلا لحظات تسهى وتسبح بعالمها الخاص وتحاول انها تكذب الي شافته وتنساه بس ما تقدر لان الشي صار جدام عيونها ...
بيت شذى
طلال صلى العشى وبعدها اخذ بوكيه ورد وراح لبيت شذى ...
وقف سيارته وتم يناظر البيت متردد يدخل ولا لأ....
رفع جواله واتصل على شذى...
شذى :هلا حبيبي
طلال يوم سمع صوتها نسى كل شي :حياتي انا تحت
شذى بفرح:اللحين نازله لك
بالمطعم
بعد ما خلصو عشا وسوالف ..كان وقتهم حلو حلا نست فيه الي شافته اليوم..انفال وامامه تناقشو بسوالف العرس ..حلا بالاخير تأقلمت وياهم وتمت تسولف ويا فجر
فجر :يعني انتي عادي عندج تشوفين دم وجذي
حلا :هههه أي فجوره عادي
فجر بأرف:وااااااي حلا شلون تقدرين تستحملين
حلا:ههههه اذا كل واحد بيقول جذي ماراح تشوفين دكاتره بالعالم
فجر:صح كلامج بس يعني انا اول ما شفتج ما توقعتج دكتوره كلش وجراحه بعد كلش مو لايق
حلا:ههههههههه وايد ناس قالو لي جذي
تقاطعهم امامه
امامه:طبعا طالعه على بنت عمها ناعمه ورقيقه
حلا شرقت بالعصير الي كانت تشربه: منو الي ناعمه؟
انفال وغنيمه:ههههههههههههه
امامه بغرور :انا طبعا
حلا :انتي بصوب والنعومه والرقه بصوب ثاني
امامه عصبت:حلووووووووووووي
انفال:هههههه حرام عليج حلا ..اخوي ميت عليها اكيد ناعمه
امامه منحرجه:اكيد ما يبيله كلام
غنيمه :يا عيني على الغرور
حلا:هههههههه لا فيصل غير ..بعد الزواج بيكتشفها على حقيقتها..بينحاش من اول ليله لهم
فجر تغمز لحلا:زين قلتي لي يا حلا عشان اقول لاخوي
انفال تغمز لهم:ايي والله زين قلت لنا يا حلووي قبل لا يصير العرس وينصدم اخوي
امامه توقف بعصبيه:صج انكم حميير اشرها علي انا الي قاعده وياكم
حلا تمسك ايدها:هههههه فضحتينا قعدي قعدي
امامه تسحب يدها:وخري عني ..انا اللحين فيصل ينحاش مني ها
انفال:هههههه نتغشمر معاج حبيبتي شفيج قعدي
غنيمه:اموم قعدي ويانا القعده مو حلوه من دونج
امامه تاخذ جنطتها :ما ابيكم بروح اتصل على حبيبي ايي يزفكم
حلا:ههههههه انا اول مره تمر علي بنت مثلج
امامه :طبعا ما في مثلي اثنين
غنيمه:يلا عاد اموم قعدي
امامه:ما ابيكم ...باي
ابتعدت عنهم ..طلعت موبايلها من جنطتها بتتصل على فيصل ولا يرن بيدينها ولا اهو المتصل..
امامه بدهشه:يلوموني فيك ..حاس فيني يا قلبي حتى وانت بعيد
فيصل بفرح:يا عيني يا عيني شنو كل هذا يا امومه
امامه بدلع:فصولي تعال اخذني كلهم قاعد يعيبون علي
فيصل الي كان رايح بطريجه لديوانيه واحد من ربعه:افا والله افا منو الي يعيب على حبيبتي؟
امامه :خواتك وحلوي وغنوم
فيصل :اللحين انا ياي لهم اعلمهم شلون يعيبون عليج
امامه :لا حبيبي مالك شغل فيهم ...انت بس تعال اخذني
فيصل بفرحه:ما طلبتي شي يا حياتي اللحين ياي لج
امامه :انا بتسوق على ما توصل
فيصل:اوكي
امامه:باي
بيت شذى
واقف عند الباب توه بيطق الجرس ..افتحت شذى الباب
شذى :اهلا وسهلا
طلال رفع عينه لها تم لحظات يتمتع بجمالها ..كانت لابسه نفنوف اسود ضيج على جسمها عاري من فوق وطوله فوق الركب ..في فتحتين على جنب ..رافعه شعرها وحاطه مكياج فوشي..
تبادلو نظرات حميمه ما بينهم وبعدها قطع طلال عليها التفكير...
طلال :احم احم ..بتم واقف بره
شذى ترفع خصله نزلت على عينها:سوري حبيبي,,تفضل
طلال يدخل وياخذ نفس عميق يحاول يتجاهل المشاعر الي تتضارب بقلبه وريحة عطرها وغير جمالها الواضح ..حس بالاحراج من لبسها كان عاري بزياده...
شذى حست بارتباكه سحبته من يده:تعال حبيبي خل نقعد
طلال يوقفها ويقدم لها باقة الورد:هذا الورد لج يا احلى ورده
شذى تبوسه على خده:تسلم حبيبي
طلال قرب منها وساسرها:خفي علي ماراح اقدر امسك نفسي جذي
شذى بثقه:ارد اكررها لك يا طلال انا لك انت وبس
طلال يبتعد يحاول يتغلب على الشعور الي بيسطر عليه:وين تحبين نقعد؟
شذى : خل نروح الحديقه الجو وايد حلو
كان المنظر رومانسي وروعه ..طاوله لشخصين على جنب شلال وصوت الموسيقى الهاديه
ابتسم لها طلال:كل هذا لي
شذى تقرب منه :تستاهل اكثر حبيبي
تم يتأملها طلال كانت جميله بمعنى الكلمه .. وبلحظه نسى نفسه وقبلها ابتعد عنها بصدمه:اسف شذى بس مادري شلون ..مادري
شذى تقرب منه وتبتسم:ماله داعي تتأسف حبيبي
طلال راح جلس على الكرسي واهويتعوذ من الشيطان :خير حبيبتي شبغيتي مني؟
شذى حست بالاحباط:طلال حبيبي انسى الي صار توه
طلال يحاول يتجاهل النظر لها:ما زعلتي؟!
شذى تجلس تحت عند ريله :ازعل من العالم كله الا انت طلال....حبيبي انا ما اقدر اعيش اكثر من دونك
طلال يمسك يدها:ولا انا
شذى:ليش عيل احنا بعاد؟
طلال بحزن:القدر يا شذى ...
شذى :فكرت بموضوعنا؟
طلال يرفع راسه للسما ويرد يناظرها:ما اقدر شذى ما اقدر
شذى بصدمه:ما تقدر تتزوجني؟؟!!!
طلال يبتسم لها:ما اقدر ابتعد عنج اكثر ..احس ابيج شذى فهميني ما اقدر اصبر اكثر
شذى بتتشقق من الفرحه:فاهمتك يا قلبي وانا بعد ما اقدر استغنى عنك
طلال يرجع لي وره ما يبي يكون قريب منها بيفقد سيطرته على نفسه:ماراح تعشينا؟
شذى :دقايق والعشى يكون عندك
وصل فيصل المجمع واتصل على امامه واهي طلعت له...
بالسياره
فيصل:امووت على خواتي
امامه بعصبيه:اللحين بدل لا تزفهم تقول اموت عليهم
فيصل متشقق واهو يشوفها تصير وحده ثانيه واهي معصبه:لان هم السبب الي خلو القمر يتنزل ويي يطلع معاي
امامه حمر ويها:ايي قول جذي من الاول
فيصل :ههههه انتي ما عطتيني فرصه
امامه: حبيبي وين بنروح.؟
فيصل يمسك يدها بيده :بيتنا
امامه طلعت عيونها بره وسحبت يدها بخوف:أي بيت .؟؟ فيصل بخبث:أي بيت بعد ..بيتنا يا عمري
امامه شوي وتصيح:وقف فيصل ..ردني ردني
فيصل سفط السياره على جنب وتم يضحك على شكلها :هههههههه
امامه عرفت انه كان يطفرها:يالبايخ ليش تسوي فيني جذي
فيصل يتكلم بجديه:وهذا الصج انا ما اعترف بشي اسمه عرس وخرابيط انتي الحين مرتي وحلالي
امامه بخوف:فيصل ويرحم والديك ردني عند البنات خلاص ما ابي اكمل وياك
فيصل بعصبيه:يلا عاد قعدي مكانج وقصب عليج بتيين معاي
امامه عيونها دمعت اول مره تشوف فيصل معصب:تكفى فيصل استغفر ربك وردني عند البنات
فيصل يمسك يدها الاثنين ويبوسها على راسها واهي مغمضه عيونها من الخوف:حبيبتي ليش خايفه جذي؟
امامه ما قدرت تمسك نفسها اكثر تمت تصيح:حرام عليك فيصل ..ردني تكفى
فيصل ينزل من السياره ويروح لها :امومه حبيبتي كنت اتغسمر معاج
امامه تناظره:...
فيصل يبتسم لها:مو مصدقتني يعني؟
امامه :من صج كنت تتغشمر
فيصل :ههههه صجين حياتي لو شنو ما ارغمج على شي ما تبينه
امامه تمسح دموعها:انزين رد مكانك ..خل نحرك من اهني
فيصل يغمز لها :من عيوني ..انا اقول جذي نروح بيتنا احسن لنا
امامه تضربه عالخفيف على صدره:بايخ
رد ركب السياره ..وشغل الراديو على مارينا اف ام ..
امامه :فيصل عل عل على الراديو
فيصل يعلي:ليش؟؟
الاغنيه كانت في بدايتها :هذي اهداء مني لك
فيصل يبتسم لها:أي اغنيه هذي؟
امامه: اول يوم شفتك فيه ..يوم دعمتك تذكر؟
فيصل يذكر شكلها شلون كان :اقدر انسى ذاك اليوم..يوم بقتي قلبي مني
امامه: ههههه ..كنت مشقلتها بالسياره ومن ذاك اليوم كل ما اسمعها كانت اذكرني فيك
فيصل الي عرف الاغنيه :عاد تصدقين احب هالاغنيه
امامه:اسمع اللحين امامه بكبرها بتغني لك
فيصل:ههههه عاد عسى صوتج حلو؟
امامه بغرور:افا عليك معروف عني بصوتي انا وطلال
تمت امامه تغني مع الاغنيه وتسوي له حركات...واهو كل شوي يلتفت لها ويتاملها لان صوتها بالفعل كان حلو....
صدفه وبين كل الناس علقني من يوم شفته
وعيني جات في عينه حسيت بشي بعيونه حيل يجذبني لما ابتسم بانت بوجهي تلاوينه
فيصل يقطع عليها:الا انتي يوم ابتسمتي لي ..رحت وطي
امامه :هههههههههه انا شقول عيونك ونظراتك ذبحتني
فيصل باستهبال:شلون؟
امامه :محد محليك غير الحور الي بعيونك جان زين عندي
فيصل:ههههههههههه اصلا انا كلي على بعضي حلو
امامه حقرته وكملت تغني مع الاغنيه:...
سلم علي وجلس جنبي وكلمني
كل الحواجز تلاشت بيني وبينه
اخذ ايديني بايديه وقام يوصفني ولا تمنيت ايديني تترك ايدينه
امامه تمسك يده و تغمز له:هذا بيوم ملجتنا
فيصل يبوس يدها:احلى يوم بحياتي
امامه تكمل بحماس:اموت على هالبارت
قال لي كلام بصراحه حلو دوخني
ما قد سمعت بحلاته آه يا زينه
معاه احس الاغاني عنه وعني
واجمل اغاني الغزل شعري وتلحينه
فيصل يقطع عليها واهي تغني : نو نو نو شعري وتلحيني
امامه:هههه الاغنيه جذي مالي شغل
فيصل :بس انا اغنيتي غير انا الي اشعر وانا الي الحن وانتي عليج يا حياتي تسمعين
بالمطعم
انفال:يلا حبايبي احنا لازم نمشي اللحين تاخرنا على البيت
حلا:مشكوره يا قلبي على الجيه ونستونا
انفال:واحنا بعد استانسنا بس اموم خربت علينا
غنيمه:مالج شغل فيها اهي سوت جذي عشان تروح ويا فيصل
فجر:ههه الله يهنيهم
انفال :يلا مع السلاامه
قعدت غنيمه وحلا بعد ما راحو...
حلا:غنوم حبيبتي شوفي رفيجتج الهبله وين راحت؟
غنيمه:اوكي اللحين ادق عليها
حلا وصل لها مسج تمت تقراه اكثر من مره مو مستوعبه هذا رابع مره يوصل لها نفس المسج...
سدته غنيمه والتفتت عليها ..
غنميه :راحت ويا فيصل
حلا عينها للحين على موبايلها:........
غنيمه تلوح بيدها قبال ويها:حلووووووووي
حلا :هلا
غنيمه :شفيج سرحانه بشنو؟
حلا :ابد ..ها وين ميمي؟
غنيمه:ويا فيصل
حلا:اللحين تاركتنا ورايحه معه
غنيمه:قلت لها هالكلام تقول لي مالت عليكم وعلى طلعتكم فصولي يسواكم مليون مره
حلا:كيفها
غنيمه :انزين انا احمد بيمر ياخذني انتي يايه مع منو؟
حلا :اشوه ان جينا بسيارتي ولا جان آنسه ميمي كشتت فيني
غنيمه:ههههههه افا وانا وين رحت
حلا تبي أي شي يلهيها عن الي قرته بالمسج:انا اوصلج غنيمه لا يتعنى احمد
غنيمه:لا ما عليه اهو توه دز لي مسج قال انه قرب
حلا بملل:اوكي براحتج
غنيمه لاحظت تغير حلا: حلووي فيج شي؟
حلا :لا ابد بس احس بتعب شوي
غنيمه يرن جوالها:هذا احمد وصل يلا خل نمشي
بريطانيا
واقف بالبلكونه وعينه على الشقه الي مجابلته يبي يطمن عليها يبي يتأكد انها بخير يدري انه جرحها بعد ذاك اليوم ...من عيونها باين انها للحين تحبه مثل ما هو يحبها....كان مشغل المسجل على اغنية رويشد طمني ويردد وياه...
انسى الزعل انسى الي راح انسى الالم انسى الجراح طمني بس طمني بس
طمني بس خل ارتاح طمني قول صبري راح طمني بس
قطع عليه الجو الي كان فيه.. وقت ما طلعت حور لبلكونتها وكأنها استجابت لمشعل ....كان النور عند كل واحد منهم خفيف محد يقدر يميز ملامح الثاني ...بس شلون ما يقدر يميزها وصورتها دوم ما تفارق خياله ..فرح من داخله يوم شافها بس ضاق خلقه يوم لمح ان كأنها تبكي..كانت مسنده يدها على حديده بالبلكونه ومغطيه ويها ...قلبه عوره من منظرها ما يقدر يشوفها جذي ويتم بعيد عنها لو بيده يحضنها ويخفف عليها ..تردد بالاول يروح لها كافي الي شافه منها اخير مره ..مو حلوه يروح لها وريلها عندها ....
وطى على صوت المسجل وكان المكان هادئ بشكل فضيع ...بينت ملامح صوتها ((( تبجييييين تبجين يا حور ...يا حبيبتي لو بيدي اشيل عنج كل همومج واعطيج السعاده وامسح دموعج الغاليه...ليش يا حور ليش تتخلين عني ..لا تبجين يا حبيبتي صوتج يعذبني))
اخذ له جاكيت وحط ربطه حول رقبته ولبش جوتيه ونزل للشارع ..كان يمشي وعينه عليها خاصة ان شقتها بالدور الاول ..حور ما كانت حاسه من البدايه كانت تبجي من كل قلبها على حالها ...
وقف قريب من بلكونتها...
مشعل بكل حب:لا تبجين حبيبتي
حور تمت تصيح على بالها انها تتخيل صوته:....
مشعل قرب اكثر ورفع نفسه وحط يده على يدها :لا تسوين بنفسج جذي حبيبتي ..لا تبجين يالغاليه
حور رفعت عينها ما صدقت الي قبالها اهو نفسه مشعل حبيبها قالت بصوت كله عذاب :مشعل
مشعل عيونه دمعت يوم شاف حبيبته وشلون التعب مبين عليها:عيونه .. وحياة وعمر وقلب مشعل
حور تبجي:ليش سويت فيني جذي؟
مشعل:حور حبيبتي لا تعذبيني اكثر
حور استوعبت الوضع سحبت يدها ووقفت: انت شتسوي اهني
مشعل بحنيه :ما هان علي اشوف دموعج يالغاليه وما اجي لج
حور:ما طلبت منك تيي لي ...اصلا انا قلت لك ما ابي اشوفك ليش ما تفهم
مشعل :حور لا تكابرين
حور :مشعل انا وحده متزوجه عيب عليك الي تسويه
مشعل بسخريه:متزوجه !! وين زوجج ما اشوفه ؟؟
حور توهقت:اهو رجع الكويت ..
مشعل :وخلاج بروحج؟
حور بحزن:باجر برد الكويت ان شاء الله
مشعل بصدمه:صج؟؟!!
حور تناظر عيونه :ايه
مشعل تكدر ان ماراح يشوفها :حوره لا تكابرين شوفي عيونج شتقول
حور نزلتهم بسرعه عشان ما تنفضح زود:مشعل روح
مشعل بألم:والحب الي بينا يا حور؟
حور:انت بعته
مشعل :حوره حبيبتي ادري طول السنين الي طافت بعدي عنج اثر فيج وتدرين ان بعدج عني ذبحني خل نرجع لبعض يا حور
حور تحاول تكتم بجيها:مستحيل يا مشعل ..
مشعل يقاطعها:عشان حبنا ..مستعد اعوضج يا حور عن كل شي ..ولدج بيكون بحسبة ولدي واكثر
حور تبي تجرحه :ومرتك؟ وعيالك؟ ولا حتى هذول معيشهم بحب وهمي
مشعل يبلع ريجه مو عارف شيقول:...
حور بجيها زاد:شفت ما تقدر تستغنى عنهم ..وانا بعد ما اقدر استغنى عن ريلي و ولدي
مشعل بيصارحها :حور انا مو..
حور ما عطته فرصه ...دخلت شقتها وسكرت باب البلكونه بعصبيه ....
شقة غنيمه
طول الطريج غنيمه ما نطقت بولا كلمه ما تدري ليش احمد معصب فقالت انها تسكت احسن لها...
دخلت غرفتها بهدوء غيرت ملابسها لبست لها بيجامة بيت مريحه ....راحت قعدت بالصاله ...
احمد عينه على التلفيزون:ليش تأخرتي؟
غنيمه التفتت عليه ورفعت حواجبها له:اتوقع انت الي ياي ماخذني
احمد يطفي التلفيزون يلتفت عليها:ما ييت لج الا يوم دقيتي علي وحضرتج ما دقيتي الا متأخر
غنيمه:اتوقع انك قلت ان عندك ديوانيه وانك بتتأخر وبعدها بتاخذني عشان جذي تأخرت شوي وبعدين كنت مع البنات مو بروحي
احمد:مو عذر انج تتأخرين
غنيمه ملت من اسلوبه :احمد ترا انا مليت من اسلوبك هذا ..فجأه تعصب علي من غير أي سبب اذا كنت مضايق لا تيي تحط حرتك فيني
احمد بصراخ:شايفتني مينون اعصب مني والطريج
غنيمه تناظره واهي ودها تذبحه على اسلوبه وياها:انا ما قلت جذي
احمد بعصبيه:انا اعصب من تصرفاتج الي تبط الجبد
غنيمه عيونها دمعت:انا انا ابط جبدك
احمد:بس هذا الي فالحه فيه ..ما عندج حل غير البجي
غنيمه دموعها نزلت:احمد ليش صرت جذي ليش تغيرت انا اسويت لك؟
احمد تم يناظرها بحمق واهو ساكت :..............
غنيمه:لي هالدرجه كارهني يا احمد
احمد يوقف بعصبيه:شوفي حركاتج وبعدين تعالي لوميني
بيت شذى
بعد ما تعشو ..طلبت شذى من طلال يدخلون البيت لان الجو برد شوي ...
بالصاله
طلال:خلاص حبيبتي على اتفاقنا
شذى متشققه من الكلام الي قاله لها واهم بالحديقه:اتفقنا
طلال يشرب من القهوه الي بيده: تذكرين شذويتي ايامنا ببريطانيا
شذى خذت لها كوب قهوه وقعدت يمه :احلى ايام عشتها بحياتي..تدري طلال
طلال:شنو؟
شذى بابتسامه:كل صورنا والاشياء الي كنا ناخذها من كل مكان نروح له ويا بعض للحين محتفظه فيهم
طلال متعجب:توقعتج رميتيهم
شذى:ارمي نفسي بالنار قبل لا ارميهم
مسكت يده :تعال معاي خل اواريك اياهم
طلال متردد: على وين حبيبتي؟
شذى:بغرفتي .مسويه قسم كامل فيه كل صورنا
طلال:ما يصير تجيبينهم هنا؟
شذى بدلع:حبيبي ماراح آكلك شدعوه
طلال:هههههههه حلوه تاكلني... (يشوفها من فوق لي تحت ) الا انا الي باكلج اللحين
شذى تسحبه من يده: تعال وياي نروح نشوف الصور بدل كلامك هذا
طلال يغني لها :اخذني معك بالجو الحلو خليني معك اسرح يا حلو
شذى :ههههههههه
حلا ركبت سيارتها واهي متردده بلي راح تسويه...
تحس قلبها مقموت من المكان الي بتروح له ....
بدون أي تفكير لقت نفسها عند العنوان المكتوب بالمسج..
شراح يصير بين طلال وشذى ؟؟!!
عنوان منو الي بالمسج ؟؟!!
حلا بتسامح طلال ولا بتاخذ قرار ثاني؟؟!!
احمد لي متى بيتم على هالحال ؟؟!!
مشعل بيصارح حور بالحقيقه ولا بيتم مخبيها؟؟!!
|
04-02-09, 09:34 PM
جديد مواضيع قسم القصص المكتمله
العرض العادي
