أنا حر ماأنهان والحر مايرجع لشخص يهينه للكاتبة معاني

،,."؛،(الفصــــــــــل الثــــــــــــالـــــــــــــــث ) ":..,،

وقفت ابمكانها يوم جافتني واقف ما تحركت ابمكاني حسيت انها ارتبكت ...فتجدمت منها ..اكثر فردت لورا و عطتني ظهرها ...يلست اراقب طولها هني شكلها اطول من يوم كانت فـ البيت اونه معطتني ظهرها مب جنها البارحه لازقه فيني ..خخخخخخخخخ

قلتها بصوت واطي : شحالج ..؟؟

ماشي رد ..........................!!
سكت اتريا ردها يوم جفتها طولت قلتها : ارمسج انا ؟؟؟

التفت صوبي ابسرعه و كانت متغشيه ...قالت : انا اعرفك اخوي ؟؟
قلتها ابسرعه : هي اعرفج و تعرفيني ..بس شو يقربلج الي داخل الحجره

مدري اذا كانت تمثل انها ما عرفتني معقوله !!

تفاجأت يوم خطفتني بسرعه و قالت : ما يخصك ..

وقفت اراقبها الين ما ردت الغرفه ..الي موجود فيها وليد ..و الله انا شو يخصني زين ما كلتني بس سالتها هالسؤال عيل لو درت اني ساير بيتها ها الخربه من شويه شو كانت سوت ...

طلعت من المستشفى ..ركبت السياره ..مدري شو الي خلني اتم ابسيارتي ..اترياها الين ما تظهر من عند وليد شليت موبايلي لمحت 3 مكالمات طنشت وو..اتصلت بالدوام ...رد عليه واحد قلته ايسرعه : منو مناوب اليوم ؟؟

رد علي : خليفه سيدي
قلته : حولني اياه ..سريع

شويه اسمع حس خليفه : هااا اشعليييييييك اجازه
ضحكت : هههههههههه الله يا الحسد ..

خليفه : يلا شو نسوي بعد
قلته : شو اتسوي اكرف ولا بعدك ما شبعت اجازات

خليفه : لا تعليق

ضحكني رده : هههههههههههههههه تعال ابا اعرف شو سالفه قضيه البارحه الفير ..
خليفه : فديت خشمك كل توصلنا عشرات القضايا اي وحده بغيت

قلته : الي انا كنت فيها

خليفه : هي سمعت يبهتك مطروره

حطيت ايدي ع يبهتي وحرجت عليه : خلوف لا تستخف دمك قسم بالله مش فاضي
خليفه : هههههههههههههههههههههههه

قلته بغيض : يا ثجل دمك

خليفه : ههههههههههه شكرا ..المهم باكستانيين اعتدوا ع وليد الـ...... بالضرب

قاطعته بسرعه يوم لمحت ام عيون ظاهره من باب الطواري ..و رايحه صوب سياره مكسيما عنابيه ..
قلته ابسرعه : بسبب شووووووووووووووو؟؟

خليفه : لانه سارق عنهم بيزات

عقدت حياته : و الله !!

خليفه : للحينه ما حققنا مع المضروب بس ها كلام الباكستانيين ..

حركت لا ارادي الحق السياره المكسيما ..قلته : اوكى فارج عقب برمسك

خليفه: و الله انك ما تستحي

قلته ابسرعه : ادري يلا باي

صكرت الموبايل بويهه ..زين انا حق شو مشتط و الحقها شو ابا بها يمكن لانها تغمضني بحالتها و حاله بيتهم الخرابه ..!! زين انا ع بالي ما عندها اهل غير هالشيبه بس طلع ها وليد و غير الي بالسياره منو هاه بعد ؟؟؟

نقزت يوم رن موبايلي لمحت نفس الرقم الي جفته من ساعه قبل ما انزل المستشفى ..كنت بضغط ع السايلنت بس رديت بالغلط ..عضيت ع شفايفي كنت بصكر بس يوم سمعت حس انثوي رديت ع طول

قلته : الو ..."و عيني ع سياره العنابيه "

مدري اي احساس صابني و انا اسمع حس عايشه : مرحبـاا مطر ..

نسيت الدنيا و نسيت نفسي و نسيت السياره العنابيه و نسيت انا اصلا وين رايح ...
سكت ما عرفت شو ارد ........................................!!

قالت بدلع : شو ما تبا ترمسني ..؟

سالتها ع طول : ريلج وينه ؟؟

قالت و هي تتنهد : في البيت
قلتها : و انتي وين ؟

قالت لي : في بيت اهلي ..

قلتها : اامايه قالت انكم ظاهرين رباعه
ردت علي : انا متصله اسولف عنك و عني مش عن اخوك و عني

سكت يوم قالت اخوك و جنها تبا اتذكرني انها حرمة اخوي ...بلعت ريجي ..كنت اسوق سيارتي و ما اعرف باي شارع انا اصلا ...

ردني صوتها لارض الواقع : وين سرحت ..؟؟
كنت ابا اصكر بس ما اقدر ما اقدر احبها و اتخبل يوم اسمع حسها كيف تبوني اصكر عنها و هي جي مخبله فيني

قلتها : تعرفين اشكثر اتأثرين فيني ..
ردت و جنها طايره من الوناسه : و الله اشكثر

قلتها وانا اركز عالشارع : لا تسالين لانج ادرى حتى اكثر عني ..قلتلج ما ابا اسوي مشاكل بينج وبين اخوي ..
ردت بجديه : بس نحن نحب بعض

قلتها بسرعه : و انتي حرمة اخوي

حسيت ان كلامي استفزها يوم ردت علي : كيف صرت حرمة اخوك خبرني كيف

خذت نفس طويل و صخيت
همست : مطر

قلتها بعذاب : عايشه ارحميني دخيلج

حسيت بها بتصييح : مب ايدي ..؟؟؟؟؟؟ و الله مب اييدي ما اقدر اتعرف شو يعني ما اقدر
صخيت ما عرفت شو ارد عليها ...و بدورها سكتت سمعت شهقاتهااا ..

قلتها بصوت حنون : عواش
سمعتها اتصيح ابصوت عالي يوم رمستها بهاي النبره ..

حاولت اهديها : فديتج لا اتصيحين ...و الله قطعتي قلبي ..
عايشه : انت تحب تعذبني

قلتها بسرعه و جني ادافع عن نفسي : انا !!!!!!!!!!!!!!

عايشه : من ييت البارحه من السفر و انت مطنشني ...
قلتها بصوت هادي : كيف تبيني ارمسج و طارق وياج بكل وقت .

قالت بغيض : انا اخوك خلااص ما اقدر اتحمله اكثر ..مااااااااا اطيقه .كل شي يخبر امك بكل صغيره و كبيره ..

مدري سكت حسيت ابرود و جن كلامها عايبني و مب جنها ترمس عن اخوي .. من لحمي و دمي ...
سالتها : تحبيني ..

قالت بعذاب : بعدك تسأل ..؟؟ هالسؤال !

حسيت اني مجنون هاي الانسانه قلتها بكل شوق : عايشه ..
بس فاجأتني : يلا امايه تزقرني جنه اخوك برع ...بتصل بك عقب ..

قلتها ابسرعه : يلا باي ..

صكرت عنها ... تنهدت .. معقوله الي يصير يا عالم ..أعشق حرمة اخوي ...بس هي كانت لي ... المفروض انا ريلها ..بس ......................! صدق من قال كلن بياخذك بحياته نصيبه ...

وقفت عند الاشاره استغربت انا وين ..جفت ابروحي واصل بداية راس الخيمه ..هزيت راسي عايشه بتوصلني للجنون ..

قررت ارجع البيت ..و عقب فليل بسهر عند الشباب تذكرت ..اني باجر معزوم في بيت منيره اختي.. تذكرت ام عيون ..يلا هاي هاي ابروحها سالفه ...ابتسمت و انا اتذكر الموقف الي صاار لنا في المستشفى .. ..مريت المطعم ..و شليت ..لهم عشى ..ورحت البيت ...سمعت حشره واصله لين باب الحوي ..سرعت بخطواتي ..مدري شو مستوي ...

من دشيت : السلام عليكم ...

الكل : عليكم السلام ..

جفت امايه واقفه بوسط الصاله و محطيه ايدها ع خصرها و ابوي شكلها قاعده تهزب حد ..صديت الصوب الثاني جفت سعود يطالع التلفزيون محد غيره هالمراهق .. و عزوه مجابله اللابتوب ...
دخلت و حطيت جيس العشى ع اقرب طاوله
قلت : خير شو بلاكم صوتكم واصل لين برع


امايه : جوف اخوك سوي له صرفه انا خلااص ما اقدر اتحمله ...

يدوه : عقب ما دلعتيه الحينه قمتي ما تتحملين حركاته ..

حرجت امايه ع يدوه: عموه لو سمحتي انتي لا تدخلين
يدوه : كيف ما تدخل هذيلا عيالي ..

حاولت اهدي امايه تجدمت منها و قلتها : امايه يلسي شبلاج فديتج ..

يدوه : هي هي راضي امك واناااااااااااااااا الفقيره محد يسال فيني ..

هزيت راسي : لا اله الا الله ..
التفت لـ سعود والي يقهر ولا جنه مسوي شي .صرخت عليه : سعود

نقز متروع يطالعني

امايه : اسأله شو مسوي ..مفضحني ..اوول البارحه الدكان يشكي له سارق و اليوم ..
يدوه : انتي مطرشتنه ولا منوه علمه يسرق ..

وقفت امايه محرجه : اوووووووووووووووه خلااص انا هالعيشه ما اتحملها ..يعني انا اعلم ولدي السرقه انتي شو كبرتي و خرفتي
وراحت صوب حجرتها ...

عزوه : يدووه امايه كافي الي فيها ليش تزيدينها
يدوه: اصصصصصصصصصص انتي ..بعد انتي قمتي ترمسني ..
عزوه : عيل بس تبين ابروحج ترمسين

طالعت عزوه بنظره فصخت ..نشيت من مكاني .. و رحت صوب يدوه و بستها ع راسها

يدوه : جفتهم شو يسون فيني ..ما تدري يوم انت برع البيت شو يصير فيني ..ماااااا تدري خلني ساكته
يلست جريب منها و زخيت ايدها : حياتي ..يرضيج ولد ولدج البجر يتضايج


هزت راسها جنها ياهل : ابد ما يرضي بس قولي من يزعلك و انا اراويه

يتني الضحكه بس يودت روحي و قلتها : خلااص فديتج عيل اهدي و لا تعصبين اسكتي عنهم علشان صحتج زين فديتج

يدوه : ان شاء الله بس انت شاهد ع حركاتهم و خاصه هاي " و تأشر بعصايتها " ام لسان الي ما عندها غير تجابل ها التلفزيون

طالعت عزوه بنظرات عتاب و قلتها : ما يهمج انا بأدبهم ..

يدوه : هي جي اباك ..اطلع ع ابوك رياااااااااااااااال

خذت نفس طويل ..الواحد ما يرتاح اتروح الدوام تتعب تاخذ اجازه مشاكل البيت ما تخلص...
رحت صوب سعود زخيته من رقبته من ورا و سحبته صوب حجره امايه و هو يقول : ما سويت شي ..

دقيت باب حجرة امايه و دخلت و سحبتي سعود معايه ..

وقفت امايه شهقت يوم جافتني زاخ سعود من رقبتي

امايه : اخوك يمه لا اتسوي فيه جي .

ربع سعود ورا امايه وقفت و قلت : شو مسوي هالتعبان ؟؟بعد ..
سعود متروع : هو الي بدأ

طالعت امايه مطننش سعود : شو مسوي ولدج ..؟؟

امايه تبا تهدي الموضوع : مب مسوي شي يلاا يرووح
قلتها : يعني سويتي مشاكل مع يدوه و بالاخير تسترين عليه ؟؟

امايه حرجت من رمستي : الحينه انا سويت المشكله مع يدوتك ..ليش ما سمعتها شو اتقول ولا بس تبا تسمع الي تسمعه ..

عطيتها ظهري و خذت نفسس طويل ..مسكت اعصابي انا شو الي ردني البلاد ..رفعت شعري عن يبهتي احاول امسك اعصابي ...و التفت لها

قلتها بهدوء : امايه فديتج ..

بس صخيت يوم جفت اماايه بطلت اعيونهااا متروعه و يت صوبي ابسرعه وقفت اطالعهااا حطيت ايدها ع يبهتي و لمست الكدمه الموجوده
زخيت ايدها ابسرعه و انا اتألم : أأأأأأأأأأأأأأأأأأي

امايه متروعه : شوووووووووووووووووهااا
حتى سعود وقف يطالع مستغرب ..

نزلت شعري ع يبهتي و قلتها مرتبك : ماشي ماشي ..المهم

امايه : شو ماشي ...منو مسوي فيك جذا ..اجوف
زخيت ايدها و يلست تتحسس ع يبهتي غمضت اعيوني قالت : بسم الله عليك ..

قلتها : البارحه يوم كنت سهران ويا الشباب طحت ع يبهتي
امايه : هي مبينه ضربه داري ع روحك يمه

بغيت اغير السالفه : ان شاء الله ..."طالعت سعود و ريت طالعتها و قلتها " انا اشتغل بمكان حساس و فهمي ولدج لا يقعد يسولي سوالفه هالخربطه علشان اسمي في المكان الي اداوم فيه ..."طالعت سعود " بسنا فضايح ..

امايه تزخ ذراعي : ما عليك يمه هاي سوالف شباب انت ادرى بها ..

قلتها : زينن ما بتعشونا تراني يوعان و يابلكم عشى

ابتسمت لي : من اعيوني ...
سعود : حتى انا ميت يوع

قلته : انت كل تبن ...

انفتح باب الحجره التفت يوم سمعت حس طارق واقف وراي : هاااااااااااااا اجتماع الامم المتحده ..
امايه ضحكت : هههههههههه فديتك يمه وينك ما بينت اليوم

طارق : هاااااااااااااا اتقصين علي بها الكلمتين ..

امايه راحت تلوي عليه :لا صج انا بعد اليوم ما جفتك
باسها ع راسها : ما اصبر عنج فديتك ييت ركيض اجوفج ..

طالعته امايه ما تستغنى عن طارق تحبه اكثر شي من بينا لانها تخاف عليه من عقب مرضه كنا نغار بس تعودنا ..يلا تسدني العيوز مالي يدوتي

قلته : ما جفتك اليوم ؟

طالعني : وين بتجوفني و انت لاهي ويا ربعك اللوث

امايه : بسم الله الرحمن الرحيم
طالعت طارق بنظرات : احم احم

طارق: هههههههههههههههههه سوالف فديتج لا تحاتينن ولدج سبع

مدري ليش تذكرت مكالمتي مع عايشه فدرت ظهري بسرعه اظهر من الحجره ...

امايه : تعال تعشى يمه وين رايح

كنت بقولها : خلااص ما اشتهي بس سمعت ضحكت عايشه من الصاله ..

فقلت بصوت عالي اسمع عايشه : يلاا زين حطوا العشى ..

صخت عايشه من سمعت حسي

عزوه دزها : كملي و عقب شو صار ؟؟؟

صخت عايشه طاحت اعيوني بعيونها ..خذت نفس طويل ,,آآه يا عايشه شو اتسوين فيني من اجوفج ..
عزوه : اونج تستحين من مطور ..

طالعتني عايشه و ابتسمت مستحية ..رحت و يلست مجابلهن : خير شو عندكن .؟
عزوه : عايشه قاعده تحكي لي سالفه "صخت " انت شو يخصك سوالف بنات ..

طالعت عايشه بنظرات ..فوقفت و طالعتني بنظرات : بسير حجرتي ...

امايه داشه الصاله وراها طارق و سعود

امايه : يلسي ما تبين تتعشين ولا عشتج امج ...

حسيت عايشه انحرجت من تعليق اامايه ...طارق يدراك الموقف : لا فديتج عايشه ما تبا تاكل الا من طباخج صح عواشي ..

ردت عايشه و يلست بمكانها : هي انا ما اكل الا من طباخ عموه ..
امايه : هي وين بتحصلين عمه شراتي تطبخ لج و تسوي لج ...كل شي ..

امايه مرات اتكون جاسيه بس قلبها طيب...و زين من عايشه انها ما تاخذ سوالف امايه بحساسيه ..راقبت طارق ياه ويلس جريب من عايشه و زخ ايدها و جنه ما يباها تضايج حسيت بنار شبت في يوفي و الي قهرني اكثر يوم جفتها ترص ايدها ع ايده و اطالعني مدري حسيت انها تغايضني ...

حسيت بضيجه و اني مخنوق ..وقفت ابسرعه و سالت عزوه : وين يدوه ؟؟

عزوه:- بحجرتها اتصلي ..

وقفت رايح صوب دار يدتي و جني اهرب انا الود ودي اطلع من ها البيت ما اسكنه موليه بس كيف اودر اهلي و ناسي آآآه يا القهر ..

امايه : تعال ما تبا تتعشى ..

ما رديت عليها كنت بعالم جراحي و اهاتي ..عالم تمنيت اني اطلع منه و ما اعيشه موليهه ... بس من وين المخرج كيف اطلع من ها العالم ...

دشيت حجره يدوه جفتها يالسه ع سيادتها و اتسبح ..

احطت ايدها ع عيونها تبا اتججوف زين : عزوه ؟؟؟

دشيت : انا يدوه

يدوه : مطر ووفديت بوغيث ..
يييت ابسرعه ويلست جدامها و حطيت راسي بحجرها جني ياهل حسيت برااااااااااااااااااحه فضيعه حطيت ايدها ع يبهتي : بسم الله عليك شبلاك يمه

حسيت بألم ع يبهتي : لا يدوه يعورني هني ..

يدوه : شو مضايجنك فديتك

زخيت ايدها و بستها و قلتها بضعف: الدنيا

يدوه : ما ترزا تراها

تنهدت بعذاب : ودي اهرب من كل شي بس وين اروح
يدوه : ويه بسم الله عليك الرحمن الرحيم ..قوم يمه صل ركعتين و ادعي ربك ..يوسع ضيجك ...

غمضت اعيوني ..و انا اتذكر طارق و عواشي كيف ميودين ايد بعض ..
.قلت : آآآآآآآآآه يا يدوه احس بنار تحرق قلبي .

حطيت يدوه ايدها ع صدري و يلست تفرك : احط لك فكس يمه

قلتها بتعب : يدوووووووووه الله يهداج اي فكس ..
يدوه : اتقول قلبك يعورك ..

تنهدت بحسره و سكت محد فاهمني ...
سالتني : صليت العشى ..

جذبت وقلتها : هيه ..

يلست ابسرعه يوم انفتح باب الحجره و كانت عزوه : تعالوا تعشوا .. و موبايلك رن اكثر عن مره ..
عرفت ان المتصل طلال ...

يدوه : جي ما ادقين الباب هاه ..

صكرت عزوه الباب بقوه ولا جنه يدوه ترمسها يبالها ضرب هاي البنيه ..
يدوه : جفت اختك ..

وقفت و ساعدتها ع لوقفه :: ما عليج انا بأدبها ..بس انتي لا تضايجين ..
يدوه تزخ عصايتها : هي اكسر راسها و اضربها جدامي علشان اتطمن انها تأدبت ..

يتني الضحكه : ههههههههه ان شاء الله ..يلا تعالي تعشي ...

ظهرت انا و يدوه من الصاله ...طاحت اعيوني ع طارق قاعد يساسر زوجته ..زوجته اقصد حبيبتي ..تنهدت ..شليت موبايلي ....و كنت بظهر من الصاله ..

زقرتني امايه : مطر

قلتها من غير ما اطالع صوبه : عندي شغل ..تعشوا انتوا عليكم بالعافية ...

طلعت بسرعه ما فيني ع حشرتهم ...رن موبايلي ..عقدت حياتي ها رقم ريل خالوه احمد...شو يبا بعد ها الحشره ناقصنه انا ...هالدب ...

حولته ع السايلنت .. ركبت سيارتي ورد اتصل مره ثانيه فاضطريت ارد لاني اعرف بتم يتصل الين ما ارد عليه ..
قلت : مرحبا ...

ردي علي : هلا ابوي
قلته : هلا و الله

قال لي : الحمدلله ع السلامه امسمات ما شاء الله واصل البلاد

قلته و انا مب طايج سوالف : هي و الله

احمد : زين الا بسالك اخوك سعود متى بتعقلونه
خذت نفس : شو مسوي بعد

احمد : يعني الوالده ما خبرتك

استهبلت عليه : لا و الله ما سرت البيت ليش شو مستوي ؟؟

احمد : وايد مأذي ولدي محمد انا اقولكم من الحينه ولا تزخون ولدكم و تأدبونه ولا بينا المحاكم ..
قلته علشان امشي الموضوع : ما عليك فالك طيب لو تباني ايبه لك عند باب بيتكم و اضربه جدامكم ..

احمد : لا لا بس كلموه فهموه ياخي عيب الي يسويه يقعد يتمصخر ع ولد خاله جدام الشباب عيب يا بوي


ياني احساس اصكر الموبايل بويهه بس مسكت اعصابي و قلته : ان شاء الله اوعدك هذي اخر مره ..

احمد : هي مب كل عقب يومين تضاربوا هذيلا اهل مب زين

شكيت ان بيصكر عني فقلته : خلااص انا وصلت البيت و بتفاهم وياه
احمد : اوكى عيل حصل خير ولا تزعلون

قلته : لا افا عليك ..انت تامرني

احمد : خلاص حياك الله مع السلامه
صكرت الموبايل و قلت زووووووووووول ..

علشان جي امايه محتشره ع سعود ...من دووووووووووم سعود و محمد ما يتصافون مب جنهم عيال خاله دوم و الحينه يوم كبروا كبرت مشاكلهم مع بعض و صاروا الاهل يتدخلون ...

اففففففففففففففففففف نفتك من شي يطلع لنا شي ثاني ..يالله الله كريم ..شليت موبايلي علشان اتصل بـ طلال ..

بس جنه حاس فيني اتصل بي فرديت ابسرعه

طلال: عنبوووووووووووووووه زين بس رنه خله يرن
قلته : كنت بتصل بك

طلال : علينااااااااااااااااا

قلته : مب فايج لك ارمس بالزين
طلال : و انت من متى رقت يا حبيبي جنه محد مسافر غيرك

صرخت عليه :شوووووووووووووو يخصه السفر الحينه
انفجر ضحك : ههههههههههههههههههههههههههههههههههههه زين ابوي اعصاابك ..

قهرني ما تحملت سخافته و انا بروحي متضايج فصكرت الموبايل ع ويهه ..و اتصلت ع موبايل فهد ...
قلت ع طول : فهد ..

تفاجأات يوم سمعت صوت طلال: لا انا قرينه ..
قلته : الله يغربل غلاستك ياخي ..

طلال: ههههههههههههه شفيك متضايج ياخي ما يسوا علينا ..

قلته : زين وين انتوا ؟؟

قال لي : تعال العزبه بتفوتك مشاوي عبود

قلته : هي و الله تراني يوعان موليه مب ماكل شي ..
طلال : افااااااااااااااااااااااا عليك كم مطر عندنا تعال تعال بس انت و بتجوف..

ضحكني : لا يكون عبوووووووود سكران
طلال: لا بعده ..يلا تعال

مطر : اوكى خلاص وصلت يلا ..

دقايق ووصلت العزبه قبل ما انزل رن موبايلي جفت المتصل رقم عايشه ..فريت الموبايل بالسياره و نزلت ...ا ما ابا افتح جراح شو تبا اتقولي ..تذكرت نظراتها حق طارق ..احينه اخوي صار ريلها و هي عايشه وياه يعني اكيد اتحبه ..آآآآآآآآآآآآآآآآه يا قلبي ...

دشيت العزبه ..حسيت بهدوء و طلال يقول موجودين الهرم عادي يقص علي ...خطيت داخل و اول مادشيت حسيت بشخص عفد وراي التفت ابسرعه ادافع عن نفسي ..بس ما لحقت حسيت شخصين يطيحوني عالارض ع بطني و يجتفوني ايدي حاولت ارفع راسي اطالع منو بس غمضوا عيوني بـ غتره و اظلمت الدنيا بعيوني ..


الفصـــــــــــــــــــــــل الرابــــــــــــــــــــــــــع ..


الله يردك لي .. يا مطول غيابه .. يا معـذبي هجري .. مدري وش أسبابه ..
دام الأمل موجود .. فالنفس خضاعه .. حق العيون السود السمع و الطاعه

حاولت اتصارع معاهم بس ما قدرت لانهم مجتفيني ...يلست اصارخ : منوووووووووووو ..
شكيت بالباكستانيين الي تهجموا ع وليد ...حسيتهم يسحبوني سحاب ..حاولت امنعهم بس ما قدرت ...و جنهم يسحبون داخل العزبه

صرخت : طلالالالالالالالالالالالالالالالالالالال طلالالالالالالالالال فهههههههههههههههههههههههد
فكرة يمكن حد من الشباب يكون موجود بالعزبه ..قص علي طلال و قال لي بالعزبه و ابروحهم اكيد عند البحر ...تكلمت بصوت عالي : منووووووووو منو انتوا ...

وقفوني ع ريولي و فجوني عني الربطه حسيت ايدي بتتقطع من كثر الويع ...ما صدقت ايدي تحررت حطيت ايدي ع الغتره الي مصكررين بها اعيوني بسرعه علشان ابطلها و اجوف منو هذيلااا بس كانوا اسرع مني ...فروني بالمسبح مالت العزبه ...

يلست اشاهق حسيت ان الدم تجمد في جسمي ..و اني صج بموت ..ماي باااااااااااارد و غير الثلج الموجود في المسبح ...يوم جفت جي ما خاب ظني شليت الغتره من ع اعيوني و رفعت راسي و ما جذب ظني
الحيوان طلال و ربعه

الشباب : هههههههههههههههههههههههههههههههههههههههههههههههههه هههههههههههههه
رغم البروده الي كنت احس فيها الا ان دمي صار نااار

صرخت و انا احاول اطلع من المسبح : يا الحيوانات

زيود : شو رايك بالمقلب خخخخخخخخخخخخخ
طلال : ههههههههههههههههههههههه و الله كنت بخرب المقلب و بنقع من الضحك و انت تصارخ منو منوووووووو

حسيت ارتجف من البرد طالعت المسبح كتل من الثلح قلته : فكره منو هاي ؟خسكم الله برررررررررررررررررررررد من وين يبتوا كل ها الثلج ...

فهد : طلالالالالالالالالالالال ما غيره هههههههههههههه

فصخت كندورتي و فريتها بعيد ما تحملت حسيت برجفه و اعيوني تدور ع شي و قلته : بتمرضون صج انكم ملاعييييين ..

فهد : هههههههههههههه و الله غمضني حالك

لقيت قب عود طايح بالزاوية ..جفتهم يضحكون و مش منتبيهين ..ربعت صوب القب و شليته ..من جافوا ربعوا ...كنت اركض بكل قوتي هم جدام و انا ورااااا

طلال يصارخ : و الله نسوووووووووووووووووووولف ..

كان همي اركض و اتعب علشان هاي البروده تخوز عني ....

فهود الدب نقز برع العزبه ... و زييود ركب سيارته و طار .. و طلال قفل عليه الحجره ...يلست اشوت الباب حسيته شويه بنجلع ..

قلته: افتح راسك مكسور مكسور ...

طلال : مطور فديتك سوالف بن عمي
قلته : ماشي ماشي بن عمي افتح يلااااااااااااااااااااااا

طلال يززاعج: فهوووووووووووووووووووووود زيوووووووووود لحقوا عليه ..
كنت بضحك بصوت عالي بس يودت روحي اوني محرج منهم ...و يلست اضرب الباب بالقب الي ماسكه
طلال : بتكسر الباب يا الخديه ...

مطر : ابا اكسره ع راسك ...يلا افتح البااااااااااااااااااااااااااااااب ...و ين تباني اددفنك صوب مقبره يدك ولا يدتك

صرخ طلال : مطوووووووووووووووور الله يغربلك كنا انسولف
قلته: كنتوا بتجتلوني هذي سوالفكم ..

طلال من ورا الباب : اسف و الله اسف

رفست الباب : كل تبن ...
طلال: شسوي زييييييييييييييييييييين يخي روح الحق فهد و زيود ..

مطر : لا لا اول شي انت عقب هم ...
طلال : خلااص بزوجك شغالتنا خخخخخخخخخخخخخخخ

رفست الباب بقوه اوني محرج و مب عايبني كلامه

صرخ طلال : اسسسسسسسسسسسسسسسسسسسف الله يغربلك ناوي علي اليوم

قلته: ما تباني اضربك

طلال : و الله ما ابا ..
مطور : عطني مفتاح الباب

طلال : ههههههههههههههه العب غيرها يا حبيبي علشان تفتح الباب
حلفت له : و الله ما بفتح الباب ..
طلال: لاااااااااااااااااا ماشي

قلته : جوف الباب بنفتح بنفتح ...لكن لو عطيتني المفتاح احلفلك اني ما بفتحه و اكسر راسك شو قلت

طلال: ياخي لا اتخرب سهرتتنا خلنا نسولف نضحك و نشرب
مطر : محد خربها غيركم شو بعد للعشره اذا ما جفت المفتاح من تحت الباب قسم بالله بكسره فوق راسك

و يلست اعد : 1 2 3 4 5 6 7

شويه و ما اجوف الا طلال الغبي مطلع لي المفتاح من تحت الباب

ضحكت من الخاطر و انا اشيل المفتاح : هههههههههههههههههههههههه غبي الحينه خلك هني ابروحك ظلااااااااااااااااااااااام جان بييون لك الينانوه يصرطونك

تم طلال يدق الباب : فج الباب مطور فجه

ردييت عليه : هههههههههههههههههههههههههههههههه

طلال : باجر علي دواااااااااااااااااااااااام

و قلته و انا رايح صوب كيبل الكهربه : و الله عساهم يفصلونك ..

و فصلت الكهربه سمعت خباله : افتتتتتتتتتتتتتتتتتتتتتتتتتح حرام عليك ياخي كنت اسولف معاك

ضحكت ابصوت عالي ...و يا ليتك تتأدب ما ينفع فيك .. رت صوب كندورتي شليتها و فريت مفتاح الحجره بالمسبح و طلال داخل يزاعج ... طلعت من العزبه ..

ركبت سيارتي جفت موبايلي فهود متصل و عايشه كذا مره سندت راسي بسيت السياره و خذت نفس طويل ...اتذكر المقلب الي سواه فيني طلال ضحكت بصوت عالي جني مينون ...احلى ما في الدنيا ربع شرات طلال ينسونك همك بخبالهم

بس طلال اشهد انه مينون رسمي ...يلست اتمشى بسيارتي ...هي قادتني ولا انا قدتها صوب بيت الخرابه ام اعيون ...وقفت هناك جفت البيت كئيب و مظلم ...ياني فضول اعرف كيف حياة هالانسانه !! كيف جي عايشه ... اصلا البيت ييسدهم !...تذكرت باجر بروح عزومة اختي منيره و باخذ اعلوم عنها دام افريجهم اكيد تعرفها ...

رديت البيت جفت الوقت بعده الحيوان طلال خرب علينا سهرتنا الليله ...

اتصل بي فهد رديت : نعم

فهد : وين مفتاح الحجره ..طلال بيموت علينا
يتني الضحكه : خخخخخخخخخخخخخ دواهم خل يعرف كيف المقالب

فهد: ههههههههه تعال اسمع حسه شويه و ببجي ..

قلته : شو نسيت نفسك الدور ياي عليك ..
فهد : افااااااااااااااااااا

مطر : ابوي بسير البيت انا بحط راسي و برقد لا تحشرون تقعدون ادقدقون لي تراكم ما تنعطون ويه و الله ..
فهد : يا ثجل دمك كنا نسولف وياك

مطر: المهم انا تعبان و اذا ما ياني رقاد بطلع احاوط مب ياي صوبكم

فهد : اوكى شكلك تبا اتم ابروحك ..نفسيتك مو شي
قلته بصج : ترا محد يحس فيني غيرك

فهد : زين وين المفتاح

قلته : عند النجار خخخخخخخخخخخ اجلب ويهك

وصكرت عنه وصلت بيتنا ..

جفت سعود يسبقني فنزلت ابسرعه و شليت كندورتي معايه ...زقرته : سعود ...........
التفت لي طالعني مستغرب ..حالتي حاله و كندورتي بيدي بس طنشته و قلته : من وين ياي ؟؟

سعود / من برع ..

رديت عليه بحده : ادري من برع بس من وين ...؟؟

سعود : مسوين يلسه صوب الجمعيه و يا الشباب

طالعته بنظرات و قلته: وددر عنك هالسوالف ..؟؟ و خلك بدراستك ...مفهوم !
نزل راسه ما رد عليه

كملت كلامي : قبل ساعات ريل خالوه اتصل بي محتشر عسبة ولده ..لاتقعد اتسوي لنا مشاكل يخي كلنا مرينا بمرحلتك بس مب جي عاد كل يوم سالفه

هز راسه موافق كلامي

قلته : جوف انا ارمسك بالزين لكن لو طارق ما بيرحمك ..و انت بعد تحمل نتايج حركاتك ...سامعني
قالي : محمدووه جلب هو يتحرش فيني ...

صرخت عليه : محمد ولا غيره مشاكل وايد وايد ..ع بالك ما اعرفك زين

تغير شكل ويهه و نزل راسه بالارض ...

امرته : طوف يالله داخل و مره ثانيه بها الوقت تكون مووجود في البيت ..
دخل سيده ع الصاله فريت كندوتي بزاوية الحوي...البارحه فريت كندوه متخرسه دم و اليوم متوصخه ماي ع رمل الله يقفعك يا طلال ..
يلست ع عتبة الباب حجرتي ..ظهرت صلب زقاير و يلست ادووووخ ...حسيت بعدني تعبان طلعت الصلب الثاني و عقب الثالثه نشيت من مكاني و دشيت حجرتي ....

وقفت ابمكاني خذت نفس طويل الحجره مدخنه و مرتبه ..فديت اامايه ....كنت بنسدح ع الشبريه بس تذكرت طفاسه ثيابي..رحت الحمام سبحت و خلصت حسيت بيوع ...

الحينه اكيد الكل رقود ....عقب ما لبست و بدلت ...رحت صوب المطبخ ادور لي شي اكله .عنبوه لا غدا ولا عشىى جني في مجاعه ..فتحت الثلاجه ..طالعتها ما فيها شي ينوكل ....

ما اعرف اسوي لي حلييب بعد ...سمعت باب المطبخ ينفتح

قلت و انا التفت : زين ييتي تعالي سوي لي..............

و صخيت ع بالي الشغاله بس طلعت عوااااااااااااااشي ....
كملت جملتي : اسويلك شو

طنشتها و كنت بظهر من المطبخ بس سدت عني الدرب و صكرت باب المطبخ رفعت راسي اطالعهااا
سالتني و عيونها متعلقه فيني : شبلاك ..؟؟

همست : ماشي خلني اطلع

عايشه : ليش ما تبا ترمسني ...انا كنت اراقبك من دريشة حجرتي ... ما صدقت اني جفتك اتروح صوب المطبخ

قلتها : سعود مب راقد

صكت ع اسنانها : ما يهمني حد انت تهمني
من غير ما اقصد زخيتها من ذراعها بقوه جفت الالم بعيونها بس طنشت و قلت : يوم اني اهمج حق حركاتج البايخه الي اتسوينها مع طارق جدام اعيوني

بطلت اعيونها : شو سويت

رصيت ع ايدي اكثر فصرخت : آآآآآآآآآآآآآآي انت قاعد تعورني ..

دزيتها لاني كرهت الشعور الي حسيت بها صوبها صديت عنها و قلتها : فارجي ..روحي عند ريلج ..
اصطلبت ابمكاني يوم حسيتها لصقت فيني و نبره صوتها شويه بتصيح : انت ما تقدرني ...يعني تظن اني مرتاحه مع اخوك

مدري ليش كلامها ما عيبني فالتفت لها ابسرعه وقلتها : جب لا تكملين رمستج
طالعتني و جنها مب مصدقه تسمع مني هاي الرمسه بس كان لازم اقسى عليها شرات ما قست عليه وقت العشى ...

همست بصوت عذب: مطر انت كل حياتي ..
قلتها بسرعه : حياتج مب لي

عايشه : تباني اطلب الطلاق
فاجاني كلامها قلتها : بتسوينها ؟؟؟

ردت شيلتها لورا فطاحت خصلات من شعرها ع ويها كنت اراقب خصلات شعرها و هي اتقول: علشانك بسوي كل شي ..تتحرا انا متحمله تعليقاتك امك علشان طارق ...

قلته بصوت عادي : عايشه هذيلا اهلي ..

تجدمت مني اكثر : و انت روحي و كل شي بحياتي ...
رديت شعري ع ورا بحركه لا اراديه و خذت نفس ..جني بين نارين ..شسوي ..شو الحل ..

ما تحملت افكاري : زخيتها من ذراعها و جربتها مني اكثر حسيت براحه بقرب هاي الانسانه كنت ابا اهاجمها برمستي بس يوم حسيت بقربها مني قلتها : ساعديني شسوي ...؟؟

تميت واقف ابمكاني يوم جافت الكدمه الي ع يبهتي تحسست عليها برقه غمضت اعيوني قالت : حتى انا اباك تساعدني ..

سالتها : الدنيا وايد قست علينا صح
كانت اعيونها ع الكده و هي اترد علي : هي بس ما تقدر تفرق من بينا ولا تغير مشاعرنا ..

قلتها : فرقتنا خلااص

قاطعتني : بس انا احس انها بتجمعنا و جريب وايد
طالعتها ما فهمت قصدها ...انتبهت انا وايد كنا جريبين من بعض و ممكن اي حد يدش علينا المطبخ ..فابتعدت ابسرعه و قلت : اتروممين اتسوي لي حليب ..

سالتني : تعشيت ؟؟

هزيت راسي و يلست ع الطاوله : ما كلت شي اليوم ...

حطيت ايدها ع جتوفي : ثواني بسوي لك عشى خفيف ...
ابتعدت عني اتعابل في المطبخ تفديتها بسري ..كنت اراقبها كنت مشغول بافكاري و شكلها هي بعد مشغوله بافكارها ...

سالتها فجأه : ما تخافين طارق يدورج ؟

يلست اتقلي البيض و اهي اتقول : لا اخوك رقد ..و ما اظن ينش و جان نش و جافني محد بيظن اني يالسه عند عزوه

حططيت ايدي ع خدي اراقبها : وشو يسهرها عزوه ما وراها مدرسه ؟

ابتسمت و طالعتني : انت حجرتك برع و ما تدرين شو يصير بـ الفله
لفتني كلامها فسالتها ابسرعه : شو يصير داخل . عزوه شو اتسوي ؟؟


ضحكت : هههههههههه ما اتسوي شي فديتك ..تيلس ع التفلزيون ...
يلست اتحط صحون ع الطاوله حطت لي عشى خفيف

قلتها بهدوء : منو يتوقع اني اليوم باكل من طباخج ..
يلست جريب : و ها تسميه طباخ الا هو قرص بيض

مدري ليش لصقت فيها اكثر و قلتها : اكليني بيدينج

ابتسمت لي و شلت لقمه فتحت حلجي زخيت ايدها ...كلت اللقمه ابتسمت لي حسيت اني بحلم .. و خفت لانش منه ...

قلتها بصوت رقيق : جنا بحلم عويش ...
كنت بعدني زاخ ايدها ..فاجأتنيي يوم زخت ايدي و قالت : شو هاا

طالعت مكان اشرت جفت اثار اضافر ام اعيون ما عرفت شو اقولها ..سكت
ردت سألتني و بعيونها الف سؤال : منو مسوي فيك جذا

سكت شويه و قلتها : امممممممممم مدري

حسيت ان جوابي استفزها فقالت بعناد : كيف ما تدري هذا اضافر وحده ..صح ؟؟

بعدت ايدي عنها وقلتها : عن الخربطه ..منو بشمخني يعني
تجدمت مني و قالت باتهمام : يمكن وحده تحرشت فيها و ما رضت ..

طالعتها و قلتها : لا تبدين بتخميناج الي مالها معنى

حرجت : عيل شو معناته كلامك انك ما تدري "ردت زخيت ايدي " هذي اضافر وحده

حاولت اهديها و و امنع تخمينتها فقلتها : عااااااااااااااايشه ..
وقفت محرجه : حتى هاي الكدمه عادي تكون حد ضاربنك ...

كانت تمشي لحقتها و زخيتها من ذراعها : انتي قاعده ..

قاطعتني : محد يعرفك كثري مطر ..انت موتك و بنات حواء

حرجت عليها : مب لها الدرجه ..شو جايفتني حيوان ...
طالعتني بنظرات كل معناتها اتهام و غضب ..و طلعت من المطبخ ...

رديت لورا و ضرب الطاوله بعصبيه ...ما تفهمني غبيه غبيه من عرفتها و هي غبيه ..شت الطاوله فتناثرت الصحون ع ارضية المطبخ ...

طلعت من المطبخ و من البيت بكبره كرهت كل شي حياتي ...كل شي ضدي ..حتى عايشه الي حسبت انها بتريحني طلعت شراتهم ...غبيه ما تفهم و بعمرها ما بتفهمني ..

قادتني السياره صوب العزبه ...جفت الليتات مولعه عرفت ان الربع دااخل ...نزلت من السياره و دشيت ...خذت نفس طويل ريحة مشاوي ...خربت علي نفسيتي هاي ...

صخوا يوم جافوني رديت العزبه ...

فهد : اتقول بترقد ..

يلست و انا كاره حياتي : ما ياني رقاد
نش طلال من مكانه اونه زعلان : يلا شباب انا بروح هاه

قلته : منو طلعك من الحجره يا التعبان

عبود : هههههههههههههههه انا زين لحقته عليه الدموع اربع اربع ..
زيود : ههههههههههههه

طلال : اونكم تضحكون ..؟؟ نسيت رووحك يوم يلست اتشاهق بالمسبح زين ما مت

ابتسمت اتذكر الموقف و الشباب تموا يضحكون هههههههههههههههههه

قلتهم : و الله انتوا الونس الي بحياتي ما انحرمت منكم

رد يبس طلال ع طوول : الله يخليك

مد عبود لي صيخ : ها كل بعيبك ..
قلته: ما اشتهي ابا اشرب

فر لي زيود غرشه فجيتها بسرعه و جني من زمان ما شربت و يلست اشرب و اشرب

فهد : مطور لا تكثر ..

طنشت كلامه يير عني طلال الغرشه : اييييييييييييييه تبا تموت
كنت بنقز عليه و ايير عنه الغرشه بس ما كان لي بارض فشليت صلب زقاره جريب مني ...

فهد : شي بلاك انت ..معقوله بترد عقب ما ودرت ع كلامك

اشرت له بيدي مب مهتم ..كانوا يسولفون و يضحكون ..ما انتبهت شو يقولون ...كان كل همي انسى الدنيا و الي فيها ..خلااص ما قمت اتحمل ..خطر ع بالي اسافر ..تذكرت روحي بالطياره ..يلست الدنيا اتدور اتدور فيني ...شليت ابروحي اتنرح كنت احاول ازخ شي اتساند به ..مدري منو ربعي زخني ووصلني للحجره و انسدحت ع الشبريه ..و رقدت ..

نقزت يوم حسيت بيدي اتهزني : ايهه نش نش

صديت الصوب الثاني و احس راسي بنفجر تغطيت باللحاف ...ابا اكمل رقادي
زيود : مطوووووووووور نش الساعه 12 الظهر

تميت ابمكاني : خلني بكمل رقادي

لحظه زيود !!!!!! شو يسوي هني ..ليش انا وين

يلست ابمكاني اطالع حولي : هاااااا انا بالعزبه
قلته بكسل : ليش خليتوني ارقد هني اكيد الحينه اهلي محتشرين عليه
زايد : هي اخوك طارق اتصل بي ينشد عنك .ما بغيته اقولك انك هني علشان ما يجوف حالتك ..

خذت نفس طويل و رجعت انسدحت ع الشبريه حسيت الدنيا اتدور فيني : شو صار البارحه

زيود : ماشي بس كثرت شرب ما بجنك قلت انك ودرت ..
غمضت اعيوني و انا بداخلي متألم : هي ندمت ..

زيود : شو بلاك شي مستوي فيك ..
فتحت اعيوني و طالعته كمل كلامه : ترا لو نضحك و انسولف و انسوي لبعض مقالب بس انت بداخلك شي

سكت زين طلع زيود يحس فيني ...

رن موبايل زيود قال : ها اخوك طارق ..

وقفت و رحت الحمام اتغسل : رد عليه و قوله اني الحينه ياي البيت ..
عقب ما تغسلت ..ظهرت من الحمام ..جفت علبه الزقاير ع الطاوله ..شليت لي صلب و يلست ادوخ ..

زيود وقف : يلا انا بروح ...تبا شي

من غير ما اطالعه : لا مشكور ..

زيود ضربني ع جنتوفي : زين انجوفك فـليل ...و اذا احتججت لي تراني موجود

طالعته بنظرات انا بحياتي ما احتجت للحد قوي و اقدر امشي حياتي جنه زيود فهم نظراتنا ع طول عطاني ظهري و ظهر من غير ما يقول مع السلامه ..

فريت الزقاير ..لبست كندورتي ... طلعت من الحجره جفت الهندي سليم قاعد ينظف العزبه رفع ايده يسلم عليه لبسته ما كان لي بارض في شي موليه ...

ركبت سيارتي ..لمحت موباييلي جفته مغلق ...طنشته .. و كملت طريجي صوب البيت ..حسيت اني ضايع .. مدري ليش ..يمكن لاني رديت شرب ...يا ليتني ما شربت عايشه استفزتني وايد ..

غبيه كل منها دايما تتهمني ..وحتى الحينه زواجها من طارق تتهمني انا السبب فيه اففففففففففففففففف و انا شدراني شو بيصير ولا يعني اعلم الغيب ..

وصلت البيت كان الجو هادي ع بالي بيكونون محتشرين ... دشيت حجرتي حطيت الموبايل ع الجراجه

و دشيت الحماما اتغسل ... ظهرت جفت طارق قاعدد ع الكنبه و يلعب بقنوات التلفزيون ..
التفت صوبي ابصراحه ارتبكت خفت لا يكون عرف اني البارحه كنت ويا حرمته في المطبخ ....بس ارتحت يوم سمعت نبره صوته : انت وينك جالبين الدنيا عليك ..



فريت الفوده ع الكنبه : ليش اول مره ارقد برع البيت يعني ..

طارق : لا بس تدري اليوم معزوم بيت منييره ...

يلست ع الكنبه مجابلنه : ما بسير
طارق : ليش افا منور مشتطه و بعدين ريلها ما سلمت عليه
قلته : المفروض هو الي يسلم فيني

دشت علينا امايه : يمه طارق انت هني قاعده ادورك

وقفت ابسرعه و رحت صوب التسريحه امشط شعري
سمعت طارق يرد عليها : هي اجوف ولدج شو سالفته

تجدمت امايه مني : وينك انت ..يعني ما تدري محد في البيت الا نحن ارواحنا جي اتبات برع


ما قدرت اطالعها قلتها : كنت سهران ويا الشباب

امايه : و ما تحتاي اهلك

قلتها و متعمد احرج طارق : عندج طارق جي مب ريال ..
طارق جلب السالفه غشمره : ها ها عن الغط ..

امايه : فديتكم كلكم رياييل و يعتمد عليكم انت و طارق و سعود ..بس انت العود ..
خذت نفس طويل ..

طارق وقف : المهم انا رايح و بنسبقكم انا و عايشه ع بيت منيره ..
امايه : لا انا بسير معاكم اتريوني ... خلك مطور ياخذ يدته و و عزوه و سعود ..

ابتسمت بداخلي الحينه عايشه بتتخبل يوم بتعرف امايه بتروح معاهم ...دواها محد يعرف دوامها الا امايه .خلها تنتقم لي منها علشان مره ثانيه ما تظلمني ...قالت اموت في بنات حواء قالت ...

طارق : خلااص فديتج ادريبج ما تستغنين عنيه يلا ...بس تخلصين خبريني

و ظهر من الحجره طالعتها و قلتها : تراج وايد تفريق من بينا

امايه : اخوك مريض
قاطعتها بحده: مب مريض ولا شياته انتي تتوهمين و تحاتينه زياده عن اللزوم صح

صخت امايه و تير شكل ويها استغربت ما تغير بسبب اسلوبي معاها بس في شي اشمعنى طارق
قلتها : انا ما يهمني ..لكن سعود يلاحظ ....وهو الحينه بسن يحتاجج وايد

امايه تدافع عن روحها : ليش انا قصرت معاكم في شي ..

قلتها بصدق : لا

امايه : عيل ما اتقول حق يدتك هاي الرمسه ترا موتها و حياتها مطر ..روح لها الحينه بتغسل شراعك لانها عرفت انك مب راقد اليوم في البيت ...

قلتها : ما عليه يدوه حرمه عوده محد ياخذ لها لكن انتي يا امايه .

وقفت و عطتني ظهرها : لا تقعد تتفلسف عليه ..قوم نش صل الظهر و عقب البس اختك تتريانا ..

ما كنت ابا اروح ..بس صدق من يومين ما كلت شي علشان جي خلني اروح ..و اطفح و اكل و اشبع و غير جي بسلم ع ريلها بالمره ..

قمت لبست ملابسي ... و تكشخت اوني ابا اطلع كاشخ طالعت روحي بالمنظره ..شخصيه خخخخخخخخ ..زين جي خل تتغير نفسيتي ...




دخلنا بيت منيره .. كان ريلها عبدالرحمن الي هو ولد خالتيه يستقبلنا عند الباب ... الحريم دشوا من الباب الريئسي اما انا و طارق و سعود دشينا من باب الميلس الي برع ... تفاجأت يوم جفت ريل خالتي احمد و ولده محمد بعد موجودين بس فهد ما كان موجود ...

عبدالرحمن : حيا الله من يانا عاش من جافك بوغيث ..
ابتسمت له : عاشت ايامك ..عيل ما اجوف فهد !!
خالي احمد : ها فهد متى شاركنا بـ شي ..
سكت عنه ما رديت ما احب ارمس هالانسان احسه دمه ثجيل ..بس طارق ع طول راح قعد حذاله
حط ايده ع جتوفه يلاعبه : حيا الله بو الشباب
احمد : عيل شو تتحراني كبر يدك ..

انا و سعود كنا انطالع بعض بنظرات سعود ما يطيق محمد و انا ما اطيق ريل خالتي احمد بس فهد ربيعي ...فديت فهود ..

جفت محمد يراقب نظراتنا انا و سعود لبسته

عبدالرحمن : ما خبرتنا و شو السفر
قلته و انا اظهر موبايلي : وناسه ..

طارق : يعني شو تباه يقولك غير جذا ...

قلته : شو قصدك ..

عبدالرحمن: هههههههههه فضايح مطر كلها عند فهد ...
ضحكني: هههههههههه و انتوا اصلا محصلينه ها الفهد ..بتصل به بجوفه ..
عبدالرحمن و هو ظاهر من الميلس : ثواني برد لكم

و انا اتصل سممعت خالي احمد يزقبر سعود : سعود قم تعال هني ..

تردد سعود ينش او لا بس طارق قال : قم اسمع كلام عمك ..
سعود بكل وقاحه : ما عندي عم ..

طارق شكله حرج : قم يالله ..

نش سعود من مكانه و ياه يلس حذال خالي احمد ..

خالي احمد : مدري انت طالع ع منوه لسانك طويل ..؟؟ و ما تحترم حد ..

طارق : هي و الله ترا هالصبي وايد مشيبنا

سعود ماد براطمه شبرين : انا ريال مب صبي
فجاه سمعنا ضحكة محمد : ههههههههههههههههههههههه


كان تلفون فهد يرن و يرن سهران البارحه ..الغبي وين بنش الحينه ...صكرت الموبايل بس تفاجات بضحكة خالي احمد وراه : هههههههههههههههههههههههههه

حرج سعود و من حقه يحرج لان أي واحد مكانه و يستهين فيهلا لازم بعصب ,...

سعود : ع الاقل انا طلعت ريال من دون اب يربيني ..لكن انت ابوك يالس عدالك ..................

قاطعه طارق : سعووووووووووود !!!!!!!!!!

تميت ساكت لاني لو رمسة صج بروغ خالي احمد وولده برع البيت ما ينلام فهد يوم مودرنهم منو يعيش مع هالاوادم عافني الله ...

محمد محرج ووقف جنه يتحدا : رياااااااااااااااااال وو غصبن عنك ..

زخه خالي احمد من ذراعه و قاله بجديه : ايلس ...

طارق : يا جماعه نحن يايين نتغدا ما في داعي حق هاي الخلافات كلها ..شو مطر اجوفك صاخ عايبنك الي يصير ..

نشيت من مكاني و قلتهم بكل برود : بسير اجوف منيره ..

و انا طالع كان عبدالرحمن داش ...

عبدالرحمن : وين !!

قلته: بسير صوب الحريم جي حد غريب هناك ..؟؟؟

عبدالرحمن : لا محد ...كلهم اهلك ..و امييه .."فجاه زخني من ايدي " اباك بموضوع

عبدالرحمن غير عن اهله ... عبدالرحمن شخصيه حلوه و ينحب مب شرات ابوه ثجيل دم ..حتى فهد لو شخصيته تختلف عن عبدالرحمن بس احب وايد ربيعي ..و ع قولته محد يعرف بلاويي غيره ..

قلته : امرني ولد الخاله ..؟؟

خذني ع ينب و قال : فهد
قلته : كنت حاس السالفه تتعلق فيه ..

عبدالرحمن : ما يصير جي يا مطر .. انت ادرى شو مسوي كيف عايش ابروحه و مودر امه و ابوه ..حتى نحن خوانه ما نجوفه ..هو اكبرنا وز جي يسوي ..

خذت نفس طويل ما عرفت شو ارد عليه ..

عبدالرحمن يكمل : انا اعرف انه هو و ابوي مش متفاهمين بس امايه و نحن مالنا دخل ..
قلته: زين ام هو قاطعنكم جي ما تنشدون عنه ... ليش ما عزمته اليوم ع الغداء ويانا

عبدالرحمن و جنه متالم : و الله العظيم ادورهى دوراه و اخر شي لقيته قال بيي و انا اعرف انه ما بشبر ..

قلته : خلااص برمسه مع اني سبق و كلمته بس شسوي يا عبدالرحمن ...اخوك عنيد ..
هز راسه عبدالرحمن و قال : الله يهديه .. خلااص اسمحلنا ..

قلته : لا افا عليك ..بس انت حاول اطفي النار الي داخل الميلس

عبدالرحمن مستغرب : منو !!؟؟

ابتسم له و قلت : سعود و محمد .. و ترا ابوك يبا يطفيها بس قاعد يولعها ..

عبدالرحمن يضربني ع جتوفي : هههههههههه ما يهمك ..

دش عني داخل و رحت صوب الصاله ..قبل ما ادش سمعت منيره و جنها محتشره ع الشغاله في المطبخ ...فرحت صوب المطبخ ...

اسمع منيره : انتي ما تفهمييييييييييييين كم مره لازم اعيد لج الرمسه ؟؟؟

فاجأتنتها من وراها : ها ها ها الا الخدم ترا ما نرضى عليهم ..."وطالعت شغالتها " و خاصه الفلبينيات "
ابتسمت لي الشغاله بس نقزت و نقزت انا معاها يوم سمعنا صريخ منيره : و تضحك بعد الصايع زولي برع بسرعه ..


ربعت الشغاله منحرجه قلتها : منيره شو فيج عليها فقيره هاي يايه تترزق

حطت منيره ايدها بخصرها : لا و الله ..اخ لو كنت معرس جان حرمتك جلعت اعيونك حتى الشغلات بتغازلهن !!

طاحن اعيوني جدر العيش حسيت بموت من اليوع قلتها و انا مش مهتم : محد قالج اتيبين شغالات حلوات

منيره تضحك و تتمصخر عليه : هههههههههه هاي حلوه مطور احيدك ذوق

قلتها : منيره فديتج و الله ميت يوع لا اتذليني بسرعه حطي لنا الغدا ..

منيره : فديتك و الله ..اجوفك اعيونك جنها بتظهر لبرع ..

ضحكت : من اليوع ..

التفتنا انا و منيره للصوت الي كان واقف عند باب المطبخ : احم

منيره : عايشه قربي ..

طالعتها جفتها اطالعني غرقت بعيونها مب جني متضايج منه بالعكس حسيت بلهفه و شوق ...و نفس الشي جفت هالشي بعيونها ...

الفصل الخامس ...

هي مسألة وقت بس وتفهم احساسي ...... انّي على شان حبّك أطلب فراقك
لا تفكّر ان العواذل لعبوا براسي ...... مازلت احبك لقا وفراق واشتاقلك


صديت الصوب الثاني اونه زعلان منها بس لا يكون سمعت منيره يوم قالت حتى الشغالات بتغازلهن لا حوول

عايشه : قلت ايي اساعدج ..
منيره : ما يحتاي فديتج ... اكيد امايه مطرشتنج .. روحي عندي هاي البقره الي مطور عايبتنه

حطيت ايدي ع يبهتي هاي الي بتفضحنا ناقص انا ..التفت ابسرعه لعايشه طالعتني بنظرات عتب و غيض و ظهرت برع المطبخ

ما انتبهت لها ممنتيره لانها كانت تعابل بالسلطه ..
منيره : يلا مطور روح الميلس الحينه بوصلك الغدا ..
قلتها و انا خاطري اييرها من كشتها : ان شـــــــــــــــــــــــتأأأأأأأأأأأأأأأأأأأأأأأأأ أأأأأأأء الله ..

طلعت من المطبخ ابسرعه الحق ب، عايشه ...جفت الحوي فاضي

زقرتها : عايشه عايشه ..

كانت تمشي زخيتها من ايدها يرتها ابسرعه و قالت : انت مينون لو حد جافنا ..
"و يلست تتلفت يمين و شمال "

قلتها و انا مش مهتم منو ما كان يجوفنا ان شاء الله طارق : منيره كانت تبالغ

صكت ع اسنانها : مطر الله يخليك انا الي فيني كافي
حسيت قلبي تقطع عليها : ليش شو بلاج ..

تجدمت مني اكثر و قالت بقهر : اسال امك و اخوك ..ابتليت فيهم و كل من سببك ..الله ياخذهم
سكت ما قدرت ادافع عنهم لاني جفتها وايد مضايجه ...

قلتها : شو سوا فيج ..

حسيتها بتصيح صدت الصوب الثاني غمضتني وايد فقلتها ابسرعه و انا اسمع حس منيره في المطبخ : برمسج اليوم .. "طالعتني وة جنها بتقاطعني بس قلتها ابسرعه " و خل عنج اني اغازل فلانه و علانه محد سكن قلبي غيرج ..

و رحت عنها ..صوب الميلس ..فديتها شو مكدر خاطرها شو مسوي فيها طارق ... دشيت الميلس و انا سمع ضحكات طارق و خالي احمد ... خذت نفس طويل ..

طارق : ها خلصت الغداء يلا حط الغدا

خالي احمد و محمد و عبدالرحمن : هههههههههههههههههههههههههههههههه

طالعت طارق بنظرات فصخ ع طول متفيج قاعد يستخف دمه

خالي احمد : مطر و سعود جنهم توم بالطبع و الشخصيه
قلته بنبره قويه : ليش علشان ما ضحكت ع نكت الاخ " ورفعت راسي ااشر ع طارق "

طارق نش من مكانه و ياه قعد حذالي : شبلاك اخويه كنت اسولف فديت خشمك و الله "و كان بيبوسني ع راسي

بس انا بعدته عني ..

عبدالرحمن : لا تستفزه طارق
طارق : و الله ابا اراضيه ما ادريبه بحرج ..اصلا من ياه من السفر و جي حاله ..؟؟

فاجاني كلام طارق الكل ملاحظ علي يعني حتى زيود قال لي هالرمسه ..

خالي احمد : يمكن عايبتنه عيشة برع

كنت بقوله هي عايبتني لاني ما اجوف شيفتك هناك ...بس طنشت

طارق : و يوم اقول حق امايه زوجوه الريال يبا حرمه ..

طالعته مره ثانيه بعصبيه كلامه ينرفزني
رفع ايده ع طول : اسف و الله اسولف

عبدالرحمن : هي ما جذب طارق لي متى بتم جي عزوبي لازم بتعرس ..

اتساندت اكثر : اففففففففف يلا الحينه نفتك من حشره الوالده تطلعون لي انتوا

خالي احمد : يا بوي الي مثل مطر و الثاني الي ما يسمى "يقصد فهد" وين بتزوجون اخر شي اظن يفكرون فيه ..
عبدالرحمن : لا ابوي لو عندي اخت جان زوجتها حق مطر
قلت ابسرعه : الحمدلله ما عندك ..

الكل : ههههههههههههههههه

ياني الفرج يوم حطوا الغداء اخيرا ...عقب ما تغدينا و خلصت حسيت بنطر من الاكل خيييييييييييييييييبه من زمان كلت جي ..

قلت بصوت عالي : الحمدلله ...منيره شو طباخ عليها
عبدالرحمن مستانس : هي و الله ما شاء الله ...

حسيت عقب بعد الغدا هدت النفوس و سولفنا و رمسنا بمواضيع كثيره ...جفت الساعه شكل هذيلا الحريم بطولون

وقفت و قلت : يلا عيل انا ساير عنكم عندي شغل

طارق : وين ما شاء الله

قلته : شويه بمر ع الشباب و شي قضيه ابا اتابعها

خال احمد : حتى و انت ماخذ اجازه

هزيت راسي : شسوي ما نرتاح .."طالعت عبدالرحمن " مشكور ع العزيمه

سلم فيني عبدالرحمن : عاد خلنا نجوفك مب بس بالعزايم
قلته : ان شاء الله ..

طالعت سعود : بتيي اوصلك البيت ..

هز راسه ع طول ووقف
طارق : خيبه ما صدق زين رحمته مطور

الكل : هههههههههههههههههههههه

جفته تضايج فقلته : يلاااا ...نش ...

طلعنا انا و سعود التفت صوب الشمال تذكرت ام اعيون ..و كنت ناوي اسال منيره عنها ...ركب سعود السياره ..اتصلت باماية ..ردت عليه : هلا يممه

قلته : امايه انا مروح بترجعون معايه ؟؟

امايه: لا روح انت بنرد مع طااارق فديت قلبه ..

رفع شفايفي صوب واحد و جني متجززز بس عقب فهمت ان امايه جنها تسمع عايشه الرمسه
قلتها : خلااص ع راحتج ...بس عطيني شويه منيره ..
امايه : ان شاء الله حياتي ..

صكرت باب السياره و خليت سعود داخل و تميت انا برع علشان ما يسمعنى ...
منيره : ها عيبك الغداء

قلتها : تسلم ايدج و الله ...

منيره : فديتك و الله ...امرنني ..
قلتها : تعالي شويه برع ابا اسالج ..بس بسرعه ها ...

منيره : اوكى

قلتها : لا اتيبين حد وياج ..ابروحج
منيره : بسم الله ...

ضحكتني : هههههههههه لا تخافين بس استعيلي ..

منيره : خلااص انا الحينه بكون عندك يلا باي .
صكرت عنها ...نقزت يوم سمعت صوت هرن سيارتي حسيت اذوني انطرت طبلتها ..ابتعدت ابسرعه ...

وصرخت ع سعود: اييييييييييييييييييييييييييييييه

سعود ينزل الدريشه : يلاا شو اتسوي عندك ..

تجربت منه فحسيت تحولت نظرات ـسعود لـ رعب ..

كنت بزخه من شعره بس غمضني قلته : تستهبل انت ..
سعود يرفع ايده ع باله بضربه : اسف و الله بس ع بالي نسيت اني بالسياره اجوفك واقف برع ..

ما رديت عليه طالعته بنظرات عتب ..قلته بخاطري احمد ربك منيره انقذتك ..رحت صوب الباب ..
منيره مغطيه ويها بس مظهره عيونها : ها شو مستوي ..

مطر: احم اقولج ..
بطلت منيره اعيونها : شوووووووووو

قلتها و مب عارف كيف ابدي السالفه : زيييييين شبلاج بسم الله

منيره : اجوفك ..متردد شو عندك

قلتها و انا اطالع صوب بيت الخرابه : بيت منوه هاه الي هناك
منيره تطالعني بنظرات استهزاء : ليش ..؟؟ شفت حد !! ولا بتشتري البيت ..

قلتها : متفيجه تتمصخرين علي
قالت : ها عيل فهمني شو السالفه
اضطريت اقولها : و الله من جم ييوم صارت سالفه بها البيت و بغيت اعرف منوه اصحابه ..لاني ما اداوم ولا ما كنت سالتج و ذليت روحي و خليتج تطننزين علي

منيره تشهق: فديتك و الله اسولف ..ها بيت ناس ع قد حالهم فقارى و الله

ضحكت: ادري هههههههههههه امبين من البيت ههههههههه ..اقصد منو ساكن فيه غير ها الصبي شسمه !!
منيره : وليد !!

طالعتها مستغرب : هي وليد كيف عرفتي اسممه

منيره : و حليلها دوم ميثه تشكي لي منه ..
تجدمت منها و قلتها : ميثه ام اعيون

طالعتني منيره : ام اعيووووووووووووون هاااااااا و انا اقولك سؤالك مب لله يعني انت جايفنها هاا "وضربت صدرها بيدها " لا يكون غازلتها واا فضحتي..

قلتها و انا منحرج بغيت اعض لساني و اقصه قص الغبي ع هاي الذله : قلتها لاااااااااااا شو اغازلها انتي شو تتحريني

خزتني بنظرات و قالت : ترا محد يعرفك كثري مطور ..

قلتها و مليت من السالفه صج انج حرمه افففففففففففف اتقولها كلمه ترد بالف كلمه ..

قلتها بسرعه: و الله ما بينا شي لا اعرفها ولا تعرفني بس صارت سالفه قلتلج للي اسمه وليد و هي جفتها يوم صارت سوالف الشرطه و جي ..جي محد عندها في البيت ؟؟

منيره : لا ابوي ...هاي ميثه وحده يتيمه مالها الا يدها ها الفقير ..ووليد يصير ولد اخوها
فجيت حلجي مستانس : عمتـــه 

منيره : هيه عايش في عيمان مع ابوه و اهله بس دوم يشرد من بيت ابوه و اييي يقعد هني مع ميثه و يدها ...
استغربت : ليش ؟

منيره : هني ياخذ راحته لا حسيب ولا رقيب ..
قلتها : عيل يبالي امر عليه المستشفى

منيره : شرطه و مستشفةى شو السالفه ؟؟

قلتها : ماشي المهم هذيلا كيف عايشين حياتهم !! جي جي ما تعيش مع اخوها ..؟؟
منيره : لا يفتكر ولا يسال بعد تبا يسكنهم في بيتهم

مدري ليش اشفقت ع حالها ..

صخيت افكر كيف جي حياتها ياني فضول ادخل حياتها و اعرف كل صغيره و كبيره ..

منيره : ابشو تفكر ..هزيت راسي بحركة لا ارادية بمعنى لا ..و جني اقولها ماشي ..نقزنا انا و منيره يوم سمعنا صوت الهرن

منيره : اميييييييييييييه بسم الله روعني ها سعود

التفت ابسرعه صوب سعود جفته يِأشر يلاااا ..عصبت منه هالمره
التفت صوب منيره و قلتها : خلااص مشكوره ..

ورحت صوب سعود مره ثانيه و نزل الدريشه ..قلته بغيض: شو عندك انت

منيره : مطر شو رايك اخطب لك ميثه .اقصد ا ام اعيون
ارتبكت من كلامها ما توقعته و من ربكتي ضربت سعود براسه : يا حمار ..

منيره : ههههههههههههههههههه

قلتها : يلا دشي و صكري الباب ..انتي بعد

اشرت بيدها اتسلم علي و رحت ركبت سيارتي ..نسيت سعود تخطب لي ميثه ...صدقها ماشي غير هاي الطريقه علشان ادخل حياتها .....ابتسمت جان بتتخبل عايشه محد يحبني كثرها فديتها مرت علي ذكرى يوم خطبتها طارق .. يالله ما انسى هذاك اليوم زين انها اقتنعت برمستي ...عايشه تربت معانا عاشت ايامها في بيتنا ...بس خالوه ربتها ... ما عندها بنات غير فهد و عبدالرحمن و محمد و جنه ربي عوضها ببنت عقب ما توفى ابوها و عقب امها ..

ابتسمت اتذكر ايام ما كنا صغاريه ...احلى و اجمل فتره ي حياة الانسان ...انتبهت ان وصلنا البيت وقت السياره
نزل سعود زخيته من ذراعه : لا تظهر برع تسمع ..

هز راسه و جنه مب عايبنه اسلوبي ...بس سعود ما ايي الا بها الاسلوب اتذكرت كلام خالي احمد يوم قال اني انا و سعود نفس الشخصيه ..!! بس انا للحينه ما جفت الي يشبهني ولا بالشكل او الطبع او الشخصيه فديتني ..

فكرت اممر لـ فهد عقب ..بروح حق وليد المسشتفى اجوف اخباره ...و يمكن اجوف ام اعيون هناك ..حشى مب عين الله ما شاء الله عن تعتمي بعد ما فينا ...
وصلت بناية الي ساكن فيها فهد ...جفت الساعه ما بقى شي ع اذان العصر ..جفت فهد مبركنه سيارته بعده راقد ...

ركبت اللفت ووصلت شقته ...مدري ها الاسان ليش مبهدل روحه و عايش بروحه و منعزل عن العالم ...
فتحت باب الشقه ..افففففففف ما اتروم اتحط اريولك مزبله اكرمكم الله ..التلفزيون كان شغال و صوته عالي ..رحت صوبه و بندته ..
وزقرت : فههههد ..

رحت صوب حجرته ...دشيت جفته راقد ..ابصراحه انا ما اقدر اعيش بهاي الوصاخه ...رحت صوبه وييرت عنه اللحاف : ايه نش ..

تجلب بكسل : اطلع برع

وقفت و يييرت عنه اللحـاف : نششششششششششش شو اطلع برع ..و بعدين شو هالوصاخه الي عايش فيها انت

تجلب و طالعني حسيت عيونه محمره جنه مب راقد سالته : شبلاك
طالعني و قال : تعبان

قلته : زين قم تغسل ..ابا اسولف معاك ..يلاا
فهد : افففففففففففففففففف اتصدق اغبى شي سويته بحياتي يوم عططيتك مفتاح شقتي
ضحكت عليه : هههههههههههههه

نشيت بندت عنه المكيف ..و رحت صوب الدريشه ولعت لي صللب زقاره ...و يلست ادوخ اطالع
جفت الناس الي يمشي و الي يسوق و الي اللي ..حسيت عالمنا غريب كل واحد عايش حياته له مشاغله

راقبت فهد ينش و يروح الحمام رحت صوب الصاله شغلت اللفزيون يلست اجلب ع قنوات التلفزيون ما لقيت شي حطيت قناه اخباريه ...اتساندت لفتني شي صوب التلفزيون رحت صوبه ..شليت خاتم و ساعه !!!!!!!!!!!!!! حرمه ؟؟ معقوله فهد من ممتى و ما قال ؟؟

سمعت صوت الحمام ينفتح ...رديت الخاتم و الساعه مكانها ...و رجعت يلست ع الكنبه ...عقبها شليت ابعمري و رحت المطبخ ..يلست ساعه بس ادور ع الاراض علشان اسوي شاي ..

ظهرت من المطبخ جفت فهد يالس داخل الصاله
سالته : انت كيف عايش !!!!!!

فهد : شو كيف يعني ؟
قلته : شو شو كيف يعني ما اتجوف حالة الشقه من صجك انته عايبنك هالمنظر
صب له استكانة شاي مب مهتم بكلامي كنت اراقبه ..شي بلااه هاه ...صبيت لي انا بعد

قال : تتحراني ساكن ويا اهلي شراتك و مدلع كل شي مرتب و نظيف ؟
قلته : محد ضربك ع ايدك و قالك تظهر من البيت ...

فهد : الظروف

قلته بعصبيه : ماشي ظرف بالدنيا يخليك تبعد عن اهلك و ناسك لو شو صار ..صحيح ابوك شويه يرفع الضغط
طالعني فهد


طنشته و كملت : بس لازم تتحمل لسانه

فجاه فهد : ههههههههههههههههههههههههههههههههه صدقك و الله مب لسان عليه

ضحكت ع ضحكة فهد : هههههههههههه

فهد : شو تباني بموضوع ..خربت رقادي شو عندك
قلته وانا احط استكانه الشاي ع الطاوله : هذا هو المووضوع ...اليوم تغديت في بيت اخوك عبدالرحمن ..و تشكى لي منك ..و قال لي ارمسك

تساند فهد ولا جنه هامنه : انا جي مرتاح ..
طاحت اعيوني ع الخاتم و الساعه قلته : بس امك و اهلك يبونك

فهد : محد يحبني

ضايجني كلامه فقلته : خل عنك هاي الرمسه ..
ما رد علي سالته : متى رقدت البارحه

فهد : عقب ما شربت حضرتك و صكرت فريناك داخل الغرفه في المزرعه و انا طلعت رديت الشقه

قلته : متى يعني

فهد جنه طفر من اسئلتي : شو تتحرا روحك يالس بالدوام اتحقق معاي
قلته : لا بس اسال

فهد : ليش تسال

قال : ابا اعرف منو البارحه سهران معاك
طالعني و قال : محد

اشرت ع الخاتم و الساعه حسيت وييه تغير قام وراح صوب الخاتم و الساعه و حطهم في الدرج الجريب منه
و قال : هاي من ثلاث تيام هني

قلته : ما احيدك راعي هالسوالف
صخ ما رد ...

حسيت انه ما يبا يررمس فسكت ..يلست اببمكاني ..شليت موبايله ..علشان اتصل حق عبدالرحمن اخوه من موبايله و يرمسه غصبن عنه ...بس تفاجأت يوم فهد يير موبايله بعصبيه طالعته مستغرب

قال فهد بصوت عالي : لا تتعبل باشيائي انت شو يايبنك اليوم هني

استغربت من ردت فعله
قلته ابرود : ليش شو عندك ؟؟

صرخ علي بعصبيه : ما يخصك ...لا ادخل نفسك بشي ما يعنيك ..

دزيته و طاح ع الكنبه و نزلت صوبه و تجدمت منه و قلته بنبره هاديه بس كلها غيض : لا تنسى انا انا ولد خالتك ..و فوق كل هاه نحن ربع

تفاجات به يوم وقف و دزني بعيد عنه و قال بعصبيه : ما يعطيك الحق تتعبث باشيائي الشخصيه ..مالك حق ..

ما قدرت ايود روحي فعصبت عليه و صرخت شرات ما كان يصرخ علي : شو تعبثت كنت بتصل لعبدالرحمن اخوك من موبايلك

قاطعني : ما ابا ارمس حد منهم انت ما تفهم ..لا تتدخل ..ما يخصك ..
كلامه عورني وايد قلته بنبره عاديه : شي بلاك اليوم انت مب طبيعي ..

رفس الكنبه و صد الصوب الثاني بعده كان محرج ..ما توقعت انا و فهد جي بنختلف بحياتنا ما اختلفنا بس مدري شو بلااه اليوم ...

كنت بتجدم منه و بطلب منه يقولي شو بخاطره و شو مضايججنه ..
بس كلامه صدمني : فارج ..الي يتدخل بحياتي ما اباه رفيج ..فااااااارج ..

رصيت ع قبضة ايدي كنت بضربه ابكس اشفي غليلي منه و اخليه يعرف شو قاعد يقول ...بس مدري شو الي منعني ..

التفت لي جفت بنظرات انه بعده ع كلامه ..فظهرت مفتاح شقته الي كان في مخباي و حطيته ع الطاوله ..و ظهرت من الشقه ..


حسيت بغصه و ضيجه ركبت سيارتي ...و حسيت حرقه بعيوني ..شي بلااه فهد ...ما ادري شو صار له اول مره نتزاعل و بسبب تافهه بعد ...فكرت اتصل به او ارجع شقته ما اتهون علينا العشره بس غيرت رايي .. و كملت طريجي صوب المستشفى ...

دشيت المستشفى ...تفاجات ان وليد ترخص ...حسيت فرصه اني ازوره البيت و عقب اجوف ام اعيون بالمره ..تسالات وايد شو سبب اهتمامي بهاي الانسانه ..ما اعرف بس شي تسالات اكثر شاغله بالي عايشه من صوب و غير فهد و حركاته الغريبه ما توقعته جي يسوي ...حرج علي يوم سالته عن الخاتم و الساعه و غير عصب بالقووو يوم زخيت موبايله ما كان قصدي غير اني اتصل به علشان يرمس اخوه الي يحاتيه ...

تنههدت ما عليه اخرتها ..بيتصل و بيرجع لي فهد ما يصبر عني ..بس صج اليوم حركااته غرييييييييييييييييبه ...

وصلت صوب بيت الخرابه .. تفاجات السياره العنابيه واقفه عدال بيتهم ..؟؟ ياخي شكلها غلط بيت خرابه و عداله مكسيما ...
رن موبايلي فجاه جفت بيتنا متصلين رديت ابسرعه : مرحبا الساعه
فاجاني صوت يدوه : وينك انت اليوم

قلتها : هلا بعيوزي وحشتيني
يدوه : عيز حيلك
ضحكتني : هههههههههههههههههههه

يدوه : و تضحك بعد ..انا قلت بترجع من السفر بنجوفك بنقعد وياك و بنسولف بس انت لا تنجاف ولا اتبين حتى ترقد برع البيت هاه

سالتها : من قالج ؟؟
يدوه : ناس الله يستر عليهم

قلتها : زين من اتصل لج ع موبايلي

يدوه : منوه يعني الشغاله تتحرا امك ولا اختك ام لسان ..
قلتها بخاطري هاي الشغاله يبالها ضرب ... يعني هي مخبرتنها اني راقد برع البيت
قلتها : زين فديتج عندي شغله صغيره من اخلصها بيييج اوكى

يدوه : زين لا تتاخر ..اترياك ...

قلتها : فالج طيب
يدوه : يلا يمه الله يحفظك ..مع السلامه و صكرت المويايل ..

طلعت لي صلب زقاير و يلست ادوخ .. و انا افكر شو اقول يوم بنفتح لي الباب ...طنشت فريت الزقاير من ايدي و نزلت من السياره رحت صوب الباب . ها لو رفسته بتكسر ... دقيت الباب ...ماشي رد ..دقيت مره ثانيه بعد ماشي ...

شسالفه هالبيت موليه محد يفتح لك الباب ..رجعت فتحت باب سيارتي كنت بركب ... بس وقفت يوم سمعت صوت الباب ينفتح ...

ردييت مكاني ...بسرعه ابا ارمسها ..

الفصل الخامس ...

هي مسألة وقت بس وتفهم احساسي ...... انّي على شان حبّك أطلب فراقك
لا تفكّر ان العواذل لعبوا براسي ...... مازلت احبك لقا وفراق واشتاقلك


صديت الصوب الثاني اونه زعلان منها بس لا يكون سمعت منيره يوم قالت حتى الشغالات بتغازلهن لا حوول

عايشه : قلت ايي اساعدج ..
منيره : ما يحتاي فديتج ... اكيد امايه مطرشتنج .. روحي عندي هاي البقره الي مطور عايبتنه

حطيت ايدي ع يبهتي هاي الي بتفضحنا ناقص انا ..التفت ابسرعه لعايشه طالعتني بنظرات عتب و غيض و ظهرت برع المطبخ

ما انتبهت لها ممنتيره لانها كانت تعابل بالسلطه ..
منيره : يلا مطور روح الميلس الحينه بوصلك الغدا ..
قلتها و انا خاطري اييرها من كشتها : ان شـــــــــــــــــــــــتأأأأأأأأأأأأأأأأأأأأأأأأأ أأأأأأأء الله ..

طلعت من المطبخ ابسرعه الحق ب، عايشه ...جفت الحوي فاضي

زقرتها : عايشه عايشه ..

كانت تمشي زخيتها من ايدها يرتها ابسرعه و قالت : انت مينون لو حد جافنا ..
"و يلست تتلفت يمين و شمال "

قلتها و انا مش مهتم منو ما كان يجوفنا ان شاء الله طارق : منيره كانت تبالغ

صكت ع اسنانها : مطر الله يخليك انا الي فيني كافي
حسيت قلبي تقطع عليها : ليش شو بلاج ..

تجدمت مني اكثر و قالت بقهر : اسال امك و اخوك ..ابتليت فيهم و كل من سببك ..الله ياخذهم
سكت ما قدرت ادافع عنهم لاني جفتها وايد مضايجه ...

قلتها : شو سوا فيج ..

حسيتها بتصيح صدت الصوب الثاني غمضتني وايد فقلتها ابسرعه و انا اسمع حس منيره في المطبخ : برمسج اليوم .. "طالعتني وة جنها بتقاطعني بس قلتها ابسرعه " و خل عنج اني اغازل فلانه و علانه محد سكن قلبي غيرج ..

و رحت عنها ..صوب الميلس ..فديتها شو مكدر خاطرها شو مسوي فيها طارق ... دشيت الميلس و انا سمع ضحكات طارق و خالي احمد ... خذت نفس طويل ..

طارق : ها خلصت الغداء يلا حط الغدا

خالي احمد و محمد و عبدالرحمن : هههههههههههههههههههههههههههههههه

طالعت طارق بنظرات فصخ ع طول متفيج قاعد يستخف دمه

خالي احمد : مطر و سعود جنهم توم بالطبع و الشخصيه
قلته بنبره قويه : ليش علشان ما ضحكت ع نكت الاخ " ورفعت راسي ااشر ع طارق "

طارق نش من مكانه و ياه قعد حذالي : شبلاك اخويه كنت اسولف فديت خشمك و الله "و كان بيبوسني ع راسي

بس انا بعدته عني ..

عبدالرحمن : لا تستفزه طارق
طارق : و الله ابا اراضيه ما ادريبه بحرج ..اصلا من ياه من السفر و جي حاله ..؟؟

فاجاني كلام طارق الكل ملاحظ علي يعني حتى زيود قال لي هالرمسه ..

خالي احمد : يمكن عايبتنه عيشة برع

كنت بقوله هي عايبتني لاني ما اجوف شيفتك هناك ...بس طنشت

طارق : و يوم اقول حق امايه زوجوه الريال يبا حرمه ..

طالعته مره ثانيه بعصبيه كلامه ينرفزني
رفع ايده ع طول : اسف و الله اسولف

عبدالرحمن : هي ما جذب طارق لي متى بتم جي عزوبي لازم بتعرس ..

اتساندت اكثر : اففففففففف يلا الحينه نفتك من حشره الوالده تطلعون لي انتوا

خالي احمد : يا بوي الي مثل مطر و الثاني الي ما يسمى "يقصد فهد" وين بتزوجون اخر شي اظن يفكرون فيه ..
عبدالرحمن : لا ابوي لو عندي اخت جان زوجتها حق مطر
قلت ابسرعه : الحمدلله ما عندك ..

الكل : ههههههههههههههههه

ياني الفرج يوم حطوا الغداء اخيرا ...عقب ما تغدينا و خلصت حسيت بنطر من الاكل خيييييييييييييييييبه من زمان كلت جي ..

قلت بصوت عالي : الحمدلله ...منيره شو طباخ عليها
عبدالرحمن مستانس : هي و الله ما شاء الله ...

حسيت عقب بعد الغدا هدت النفوس و سولفنا و رمسنا بمواضيع كثيره ...جفت الساعه شكل هذيلا الحريم بطولون

وقفت و قلت : يلا عيل انا ساير عنكم عندي شغل

طارق : وين ما شاء الله

قلته : شويه بمر ع الشباب و شي قضيه ابا اتابعها

خال احمد : حتى و انت ماخذ اجازه

هزيت راسي : شسوي ما نرتاح .."طالعت عبدالرحمن " مشكور ع العزيمه

سلم فيني عبدالرحمن : عاد خلنا نجوفك مب بس بالعزايم
قلته : ان شاء الله ..

طالعت سعود : بتيي اوصلك البيت ..

هز راسه ع طول ووقف
طارق : خيبه ما صدق زين رحمته مطور

الكل : هههههههههههههههههههههه

جفته تضايج فقلته : يلاااا ...نش ...

طلعنا انا و سعود التفت صوب الشمال تذكرت ام اعيون ..و كنت ناوي اسال منيره عنها ...ركب سعود السياره ..اتصلت باماية ..ردت عليه : هلا يممه

قلته : امايه انا مروح بترجعون معايه ؟؟

امايه: لا روح انت بنرد مع طااارق فديت قلبه ..

رفع شفايفي صوب واحد و جني متجززز بس عقب فهمت ان امايه جنها تسمع عايشه الرمسه
قلتها : خلااص ع راحتج ...بس عطيني شويه منيره ..
امايه : ان شاء الله حياتي ..

صكرت باب السياره و خليت سعود داخل و تميت انا برع علشان ما يسمعنى ...
منيره : ها عيبك الغداء

قلتها : تسلم ايدج و الله ...

منيره : فديتك و الله ...امرنني ..
قلتها : تعالي شويه برع ابا اسالج ..بس بسرعه ها ...

منيره : اوكى

قلتها : لا اتيبين حد وياج ..ابروحج
منيره : بسم الله ...

ضحكتني : هههههههههه لا تخافين بس استعيلي ..

منيره : خلااص انا الحينه بكون عندك يلا باي .
صكرت عنها ...نقزت يوم سمعت صوت هرن سيارتي حسيت اذوني انطرت طبلتها ..ابتعدت ابسرعه ...

وصرخت ع سعود: اييييييييييييييييييييييييييييييه

سعود ينزل الدريشه : يلاا شو اتسوي عندك ..

تجربت منه فحسيت تحولت نظرات ـسعود لـ رعب ..

كنت بزخه من شعره بس غمضني قلته : تستهبل انت ..
سعود يرفع ايده ع باله بضربه : اسف و الله بس ع بالي نسيت اني بالسياره اجوفك واقف برع ..

ما رديت عليه طالعته بنظرات عتب ..قلته بخاطري احمد ربك منيره انقذتك ..رحت صوب الباب ..
منيره مغطيه ويها بس مظهره عيونها : ها شو مستوي ..

مطر: احم اقولج ..
بطلت منيره اعيونها : شوووووووووو

قلتها و مب عارف كيف ابدي السالفه : زيييييين شبلاج بسم الله

منيره : اجوفك ..متردد شو عندك

قلتها و انا اطالع صوب بيت الخرابه : بيت منوه هاه الي هناك
منيره تطالعني بنظرات استهزاء : ليش ..؟؟ شفت حد !! ولا بتشتري البيت ..

قلتها : متفيجه تتمصخرين علي
قالت : ها عيل فهمني شو السالفه
اضطريت اقولها : و الله من جم ييوم صارت سالفه بها البيت و بغيت اعرف منوه اصحابه ..لاني ما اداوم ولا ما كنت سالتج و ذليت روحي و خليتج تطننزين علي

منيره تشهق: فديتك و الله اسولف ..ها بيت ناس ع قد حالهم فقارى و الله

ضحكت: ادري هههههههههههه امبين من البيت ههههههههه ..اقصد منو ساكن فيه غير ها الصبي شسمه !!
منيره : وليد !!

طالعتها مستغرب : هي وليد كيف عرفتي اسممه

منيره : و حليلها دوم ميثه تشكي لي منه ..
تجدمت منها و قلتها : ميثه ام اعيون

طالعتني منيره : ام اعيووووووووووووون هاااااااا و انا اقولك سؤالك مب لله يعني انت جايفنها هاا "وضربت صدرها بيدها " لا يكون غازلتها واا فضحتي..

قلتها و انا منحرج بغيت اعض لساني و اقصه قص الغبي ع هاي الذله : قلتها لاااااااااااا شو اغازلها انتي شو تتحريني

خزتني بنظرات و قالت : ترا محد يعرفك كثري مطور ..

قلتها و مليت من السالفه صج انج حرمه افففففففففففف اتقولها كلمه ترد بالف كلمه ..

قلتها بسرعه: و الله ما بينا شي لا اعرفها ولا تعرفني بس صارت سالفه قلتلج للي اسمه وليد و هي جفتها يوم صارت سوالف الشرطه و جي ..جي محد عندها في البيت ؟؟

منيره : لا ابوي ...هاي ميثه وحده يتيمه مالها الا يدها ها الفقير ..ووليد يصير ولد اخوها
فجيت حلجي مستانس : عمتـــه 

منيره : هيه عايش في عيمان مع ابوه و اهله بس دوم يشرد من بيت ابوه و اييي يقعد هني مع ميثه و يدها ...
استغربت : ليش ؟

منيره : هني ياخذ راحته لا حسيب ولا رقيب ..
قلتها : عيل يبالي امر عليه المستشفى

منيره : شرطه و مستشفةى شو السالفه ؟؟

قلتها : ماشي المهم هذيلا كيف عايشين حياتهم !! جي جي ما تعيش مع اخوها ..؟؟
منيره : لا يفتكر ولا يسال بعد تبا يسكنهم في بيتهم

مدري ليش اشفقت ع حالها ..

صخيت افكر كيف جي حياتها ياني فضول ادخل حياتها و اعرف كل صغيره و كبيره ..

منيره : ابشو تفكر ..هزيت راسي بحركة لا ارادية بمعنى لا ..و جني اقولها ماشي ..نقزنا انا و منيره يوم سمعنا صوت الهرن

منيره : اميييييييييييييه بسم الله روعني ها سعود

التفت ابسرعه صوب سعود جفته يِأشر يلاااا ..عصبت منه هالمره
التفت صوب منيره و قلتها : خلااص مشكوره ..

ورحت صوب سعود مره ثانيه و نزل الدريشه ..قلته بغيض: شو عندك انت

منيره : مطر شو رايك اخطب لك ميثه .اقصد ا ام اعيون
ارتبكت من كلامها ما توقعته و من ربكتي ضربت سعود براسه : يا حمار ..

منيره : ههههههههههههههههههه

قلتها : يلا دشي و صكري الباب ..انتي بعد

اشرت بيدها اتسلم علي و رحت ركبت سيارتي ..نسيت سعود تخطب لي ميثه ...صدقها ماشي غير هاي الطريقه علشان ادخل حياتها .....ابتسمت جان بتتخبل عايشه محد يحبني كثرها فديتها مرت علي ذكرى يوم خطبتها طارق .. يالله ما انسى هذاك اليوم زين انها اقتنعت برمستي ...عايشه تربت معانا عاشت ايامها في بيتنا ...بس خالوه ربتها ... ما عندها بنات غير فهد و عبدالرحمن و محمد و جنه ربي عوضها ببنت عقب ما توفى ابوها و عقب امها ..

ابتسمت اتذكر ايام ما كنا صغاريه ...احلى و اجمل فتره ي حياة الانسان ...انتبهت ان وصلنا البيت وقت السياره
نزل سعود زخيته من ذراعه : لا تظهر برع تسمع ..

هز راسه و جنه مب عايبنه اسلوبي ...بس سعود ما ايي الا بها الاسلوب اتذكرت كلام خالي احمد يوم قال اني انا و سعود نفس الشخصيه ..!! بس انا للحينه ما جفت الي يشبهني ولا بالشكل او الطبع او الشخصيه فديتني ..

فكرت اممر لـ فهد عقب ..بروح حق وليد المسشتفى اجوف اخباره ...و يمكن اجوف ام اعيون هناك ..حشى مب عين الله ما شاء الله عن تعتمي بعد ما فينا ...
وصلت بناية الي ساكن فيها فهد ...جفت الساعه ما بقى شي ع اذان العصر ..جفت فهد مبركنه سيارته بعده راقد ...

ركبت اللفت ووصلت شقته ...مدري ها الاسان ليش مبهدل روحه و عايش بروحه و منعزل عن العالم ...
فتحت باب الشقه ..افففففففف ما اتروم اتحط اريولك مزبله اكرمكم الله ..التلفزيون كان شغال و صوته عالي ..رحت صوبه و بندته ..
وزقرت : فههههد ..

رحت صوب حجرته ...دشيت جفته راقد ..ابصراحه انا ما اقدر اعيش بهاي الوصاخه ...رحت صوبه وييرت عنه اللحاف : ايه نش ..

تجلب بكسل : اطلع برع

وقفت و يييرت عنه اللحـاف : نششششششششششش شو اطلع برع ..و بعدين شو هالوصاخه الي عايش فيها انت

تجلب و طالعني حسيت عيونه محمره جنه مب راقد سالته : شبلاك
طالعني و قال : تعبان

قلته : زين قم تغسل ..ابا اسولف معاك ..يلاا
فهد : افففففففففففففففففف اتصدق اغبى شي سويته بحياتي يوم عططيتك مفتاح شقتي
ضحكت عليه : هههههههههههههه

نشيت بندت عنه المكيف ..و رحت صوب الدريشه ولعت لي صللب زقاره ...و يلست ادوخ اطالع
جفت الناس الي يمشي و الي يسوق و الي اللي ..حسيت عالمنا غريب كل واحد عايش حياته له مشاغله

راقبت فهد ينش و يروح الحمام رحت صوب الصاله شغلت اللفزيون يلست اجلب ع قنوات التلفزيون ما لقيت شي حطيت قناه اخباريه ...اتساندت لفتني شي صوب التلفزيون رحت صوبه ..شليت خاتم و ساعه !!!!!!!!!!!!!! حرمه ؟؟ معقوله فهد من ممتى و ما قال ؟؟

سمعت صوت الحمام ينفتح ...رديت الخاتم و الساعه مكانها ...و رجعت يلست ع الكنبه ...عقبها شليت ابعمري و رحت المطبخ ..يلست ساعه بس ادور ع الاراض علشان اسوي شاي ..

ظهرت من المطبخ جفت فهد يالس داخل الصاله
سالته : انت كيف عايش !!!!!!

فهد : شو كيف يعني ؟
قلته : شو شو كيف يعني ما اتجوف حالة الشقه من صجك انته عايبنك هالمنظر
صب له استكانة شاي مب مهتم بكلامي كنت اراقبه ..شي بلااه هاه ...صبيت لي انا بعد

قال : تتحراني ساكن ويا اهلي شراتك و مدلع كل شي مرتب و نظيف ؟
قلته : محد ضربك ع ايدك و قالك تظهر من البيت ...

فهد : الظروف

قلته بعصبيه : ماشي ظرف بالدنيا يخليك تبعد عن اهلك و ناسك لو شو صار ..صحيح ابوك شويه يرفع الضغط
طالعني فهد


طنشته و كملت : بس لازم تتحمل لسانه

فجاه فهد : ههههههههههههههههههههههههههههههههه صدقك و الله مب لسان عليه

ضحكت ع ضحكة فهد : هههههههههههه

فهد : شو تباني بموضوع ..خربت رقادي شو عندك
قلته وانا احط استكانه الشاي ع الطاوله : هذا هو المووضوع ...اليوم تغديت في بيت اخوك عبدالرحمن ..و تشكى لي منك ..و قال لي ارمسك

تساند فهد ولا جنه هامنه : انا جي مرتاح ..
طاحت اعيوني ع الخاتم و الساعه قلته : بس امك و اهلك يبونك

فهد : محد يحبني

ضايجني كلامه فقلته : خل عنك هاي الرمسه ..
ما رد علي سالته : متى رقدت البارحه

فهد : عقب ما شربت حضرتك و صكرت فريناك داخل الغرفه في المزرعه و انا طلعت رديت الشقه

قلته : متى يعني

فهد جنه طفر من اسئلتي : شو تتحرا روحك يالس بالدوام اتحقق معاي
قلته : لا بس اسال

فهد : ليش تسال

قال : ابا اعرف منو البارحه سهران معاك
طالعني و قال : محد

اشرت ع الخاتم و الساعه حسيت وييه تغير قام وراح صوب الخاتم و الساعه و حطهم في الدرج الجريب منه
و قال : هاي من ثلاث تيام هني

قلته : ما احيدك راعي هالسوالف
صخ ما رد ...

حسيت انه ما يبا يررمس فسكت ..يلست اببمكاني ..شليت موبايله ..علشان اتصل حق عبدالرحمن اخوه من موبايله و يرمسه غصبن عنه ...بس تفاجأت يوم فهد يير موبايله بعصبيه طالعته مستغرب

قال فهد بصوت عالي : لا تتعبل باشيائي انت شو يايبنك اليوم هني

استغربت من ردت فعله
قلته ابرود : ليش شو عندك ؟؟

صرخ علي بعصبيه : ما يخصك ...لا ادخل نفسك بشي ما يعنيك ..

دزيته و طاح ع الكنبه و نزلت صوبه و تجدمت منه و قلته بنبره هاديه بس كلها غيض : لا تنسى انا انا ولد خالتك ..و فوق كل هاه نحن ربع

تفاجات به يوم وقف و دزني بعيد عنه و قال بعصبيه : ما يعطيك الحق تتعبث باشيائي الشخصيه ..مالك حق ..

ما قدرت ايود روحي فعصبت عليه و صرخت شرات ما كان يصرخ علي : شو تعبثت كنت بتصل لعبدالرحمن اخوك من موبايلك

قاطعني : ما ابا ارمس حد منهم انت ما تفهم ..لا تتدخل ..ما يخصك ..
كلامه عورني وايد قلته بنبره عاديه : شي بلاك اليوم انت مب طبيعي ..

رفس الكنبه و صد الصوب الثاني بعده كان محرج ..ما توقعت انا و فهد جي بنختلف بحياتنا ما اختلفنا بس مدري شو بلااه اليوم ...

كنت بتجدم منه و بطلب منه يقولي شو بخاطره و شو مضايججنه ..
بس كلامه صدمني : فارج ..الي يتدخل بحياتي ما اباه رفيج ..فااااااارج ..

رصيت ع قبضة ايدي كنت بضربه ابكس اشفي غليلي منه و اخليه يعرف شو قاعد يقول ...بس مدري شو الي منعني ..

التفت لي جفت بنظرات انه بعده ع كلامه ..فظهرت مفتاح شقته الي كان في مخباي و حطيته ع الطاوله ..و ظهرت من الشقه ..


حسيت بغصه و ضيجه ركبت سيارتي ...و حسيت حرقه بعيوني ..شي بلااه فهد ...ما ادري شو صار له اول مره نتزاعل و بسبب تافهه بعد ...فكرت اتصل به او ارجع شقته ما اتهون علينا العشره بس غيرت رايي .. و كملت طريجي صوب المستشفى ...

دشيت المستشفى ...تفاجات ان وليد ترخص ...حسيت فرصه اني ازوره البيت و عقب اجوف ام اعيون بالمره ..تسالات وايد شو سبب اهتمامي بهاي الانسانه ..ما اعرف بس شي تسالات اكثر شاغله بالي عايشه من صوب و غير فهد و حركاته الغريبه ما توقعته جي يسوي ...حرج علي يوم سالته عن الخاتم و الساعه و غير عصب بالقووو يوم زخيت موبايله ما كان قصدي غير اني اتصل به علشان يرمس اخوه الي يحاتيه ...

تنههدت ما عليه اخرتها ..بيتصل و بيرجع لي فهد ما يصبر عني ..بس صج اليوم حركااته غرييييييييييييييييبه ...

وصلت صوب بيت الخرابه .. تفاجات السياره العنابيه واقفه عدال بيتهم ..؟؟ ياخي شكلها غلط بيت خرابه و عداله مكسيما ...
رن موبايلي فجاه جفت بيتنا متصلين رديت ابسرعه : مرحبا الساعه
فاجاني صوت يدوه : وينك انت اليوم

قلتها : هلا بعيوزي وحشتيني
يدوه : عيز حيلك
ضحكتني : هههههههههههههههههههه

يدوه : و تضحك بعد ..انا قلت بترجع من السفر بنجوفك بنقعد وياك و بنسولف بس انت لا تنجاف ولا اتبين حتى ترقد برع البيت هاه

سالتها : من قالج ؟؟
يدوه : ناس الله يستر عليهم

قلتها : زين من اتصل لج ع موبايلي

يدوه : منوه يعني الشغاله تتحرا امك ولا اختك ام لسان ..
قلتها بخاطري هاي الشغاله يبالها ضرب ... يعني هي مخبرتنها اني راقد برع البيت
قلتها : زين فديتج عندي شغله صغيره من اخلصها بيييج اوكى

يدوه : زين لا تتاخر ..اترياك ...

قلتها : فالج طيب
يدوه : يلا يمه الله يحفظك ..مع السلامه و صكرت المويايل ..

طلعت لي صلب زقاير و يلست ادوخ .. و انا افكر شو اقول يوم بنفتح لي الباب ...طنشت فريت الزقاير من ايدي و نزلت من السياره رحت صوب الباب . ها لو رفسته بتكسر ... دقيت الباب ...ماشي رد ..دقيت مره ثانيه بعد ماشي ...

شسالفه هالبيت موليه محد يفتح لك الباب ..رجعت فتحت باب سيارتي كنت بركب ... بس وقفت يوم سمعت صوت الباب ينفتح ...

ردييت مكاني ...بسرعه ابا ارمسها ..

أنا ما ودي أشكي لك ولكن قلت الحيلة..أليمة فرقتك والله وأنا على البعد مب قادر..

الفصل الثامن ..

نسيت كل ذرة زعل و عتب كنت شايلها على عايشه .. ع طول لفيت سكان السياره راجع البيت عايشه خبله قامت اتغامر اي وقت طبت حجرتي ...

ما اتخاف من شي و ها الشي يعيبني فيها ...وصلت البيت ..و انا مفكر اقولها بالقرار الي اتخذته ان امايه اتكون هي سبب طلاقها من طارق علشان اخطبها ...انا 

وصلت البيت دشيت حجرتي ع طول كان البيت هادي دشيت حجرتي ..ع طول جفتها واقفه بنفس مكان البارحه ..بزاوبة حجرتي صوب الدريشه

زقرتها : عايشه

التفت لي و قالت : شاطر قدرت اتسويها
طلعتها مب فاهم كلامها

كملت : قدرت اتبدل الادوار و قمت انت الي تطنش و انا الحينه ابا رضاك..

تجدمت منها و قلتها : لاني اباج اتحسبين اني احبج و هاي حركاتج تتعبني وايد ...
صخت وعقب قالت : ما اتعرف ليش اتسوي هالحركات

خذت نفس ويلست ع الكنبه قلتها : يعني الحينه بس مجرد طريت لج اسم قمت تزعلين فمابالج بحالي اجوفج داشه و طالعه مع هالتعبان ...

عضيت ع شفايفها و جنها ما توقعت كلامي ..رفعت راسي اطالعها ...كنت متألم بداخلي ...جفت بعيونها العذاب الي قاعد اجوفه ..

يلست ع الكنبه و قالت بتعب: ما قمت اتحمل خلااص ...
نشيت من مكاني و لصقت فيها : عايشه انا البارحه ابد ما ياني رقاد و فكرت بس لازم اتساعديني ..

قالت بحماس : انا مستعده بس شو ؟؟

طالعتها بنظرات اباها تفهمني : اقولج محد بطلقج من طارق غير امايه ...

بطلت اعيونها : امك !!

هزيت راسي و رصيت ع ايدها متحمس: حبيبي ..امايه ما كانت بتخلي طارق يعرس موليه لانها اتخاف انه يودرها علشان حرمته .. بس يوم ظنينا انه بيموت خلااص ...وافقت اتزوجه البنت الي هو يباها ...

ابتسمت : ما كانت تباني اكون عروس ولدها المدلل

قلتها : مش مهم .. المهم انتي تقدرين اتضايجين بامايه ..و اتنكدين عليها ..صدقيني بتضغط ع طارق انه يطلقج ..

قالت لي متخوفه : جان ما رضى ..

زخيتها من لحيتها بكل رقه : حياتي بيرضى جان نكدتي عليه حياته ... و من يسرحج بتكونين لي ..
حسيت انها ضاعت بين نظراتي فهمست باسمي : مطر ...

حضنت ويها حسيت انه دافي ..تجربت منها اكثر..بس نقزنا يوم سمعت حس طارق برع
يزقرني : مطـــــــــــــــــر ..

وقفنا ابسرعه بطلت عايشه اعيونها ..و همست متروعه : اخوك

و يلست تصفع خدها زخيت ايدها و همست : اهدي ...
و يرييتها داخل الحمام ...و قلتها بهدوء : تمي هني ..

سمعت حس طارق : مطـر ...

رحت صوب التسريحه وولعت زقاير ..خفت لا يشم ريحة عطر عايشه ...انا ما يهمني المشكله ...عايشه اخاف عليها ولا طارق ذبابه ما يكشها ..

رحت صوب باب الحجره و فجيت الباب ووسعت : دش ..

دش طارق جنه يدور شي ..كنت اراقبه ..وقفت و حطيت ايدي بوسطي اراقبه

قلته : خير ..

انتبه طارق حق نفسه و قال : مطر ..عايشه ..
رفعت حياتي : حرمتك ؟؟؟

طنش مصخرتي و قال : محد دورت عليها بكل مكاان ..
يلست ع الكنبه و انا ماسك اعصابي : وين بتكون راحت يعني ..

طارق متضايج : مدري ..كانت معصبه مني و رحت ادورها ما لقيتها ..ابا ارضيها ..

عصبت عليه : انت حق شو ملعوز بنت الناس ..ما تباها خلها في بيت اهلها يا خي ..

طارق : مب انا هاي امايه ..

قلته : زين شو تبا تتحرا حرمتك بحجرتي يعني
طارق : لا ما قصدي ..

قلته : عيل شو قصدك ...شو ياي تسالني عنها ...شدراني فيها ..شوف وينها و راضيها ..

حسيت طارق تعبان قال : انا تعبت تبهدلت ما عرفت اراضي منو ارضيها ولا اراضي امايه ..

سالته : شو صار ..

طارق: اامايه تضايججت يوم ردينا من برع ..كانت تبا اتيي معانا و يلست اطيح بعايشه اونه هي تبعدني عنها ...
استانست بداخلي ..علشان جي عايشه مطرشه لي مسج كانت متضايجه ...و كانت تبا ترمسني زين اني ييتها ولا كانت بتموت من الضيجه ...

استهبلت عليه : ليش ما تظهرون افبيت ارواحكم لي متى بتمون هني ..
طارق: ما اقدر اهد امايه ..عقب بتزعل

قلته : لا و الله ..

سالني : يعني انت باجر يوم بنتعرس بتظهر من البيت

قلته ابصراحه : لا ..ما اقدر

طارق: انا نفس الشي..

شي فرق انا ما اروم اظهر من البيت لاني احس مسؤل عن الموجودين في البيت كلهم لكن انت ما تبا تظهر تخاف ع امك ....

فاجاني : انت ما شفت عايشه ؟؟
طالعته بنظرات عتب و لوم عقب قال : ليش مب سهران اليوم غريبه في البيت ..اليوم ..

عرفت ان طارق شاك في شي ... قلته : كنت بظهر بس انت ييت تزقرني

طارق : سمعتك ترمس ..
طالعته و قلته : ارمس فهد ع الموبايل ...

يلست ع الكنبه: شو رايك اتفتش الحجره و اتريح روحك ...

عرفت ان كلامي احرجه ..تم واقف

قلته : روح دور ع حرمتك ..ولا تبهدل بنات الناس ...خالتك ربتها ..بس عندها اهل لا تنسى ..
خذ نفس و ظهر من حجرتي و قبل ما يصكر الباب ..مدري شو سوت عايشه في الحمام سمعنا صوت نقز طارق ..طالعني ... بنظرات شك ..و رديت عليه بنظرات قويه علشان امنع شكه ..

و علشان جي ظهر ع طول من حجرتي ..و لحقته

قلته : روح جوفها يمكن راحت بيت خالتها ...

طارق رايح صوب الصاله .: بروح اجوفها ...

لحقته : بدورها معاك ..ما فينا ع الفضايح ...كافي سعود بعد انت ناقصنك انا ...

خليته يدش الصاله و لحقته ... علشان اتطمن انه ما يراقب الجو برع ...كان البيت هاادي ..جداا

دش طارق حجرته يلبس كندورته و تميت اترياه في الصاله .. و شويه و ظهر من حجرته ..تفاجاأ اني بعدني واقف في الصاله ...

طارق : ما طلعت ..؟؟
قلته : بيي معاك ...بنجوف وين راحت ..

انفج باب الصاله و دشت عايشه ..ربع طارق صوبها وزخها من ذراعها بعصبيه : وين كنتي ...

طالعتني عايشه و ردت طالعت طارق نزلت نظراتي بالارض ...
طارق : وين كنتي ؟؟

عايشه بصوت هادي : كنت يالسه ورا البيت

طارق محرج : شتسوي ..انا رحت هناك ما جفتج ..
قاطعته عايشه: بس انا جفتك ...

طارق يهز بيض : جذاابه

حسيت اني المفروض ما اوقف هني بس ما هان عليه اجوف طارق يهزء قلبي و انا واقف ساكت

فقلت : طارق شويه شويه ع البنيه ..
طارق مطنشني و ايرها : طوفي جداامي طوفي ..

صرخت عايشه مستتويعه : أأأأأأأأأأي ...

من دون قصدت دزيت طارق بعيد عنها ...حسيت الجو تكهرب من ببينـــا ..
حرج طارق: انت لا تدخل ..

ورااح صوب عايشه اييرها من ذراعها بقوه : يلا طوفي جدامي ..
عايشه بصوت عذاب: انا ما اباك ما اتحملك خلااص ..

طارق مطنشنها : طوووووووووووووفي يلااااااااااا ..

اول مره اجوف جي طارق معصب بس موقفه غلط يعامل عايشه جدامي جي ..علشان جي ما تحملت الموقف .. فزخيت طارق من رقبته و لصقته باليدار ..نسيت روحي ..بس كان همي اني افصل رقبته عن جسمه ...كان طارق يحاول يفج ايدي عنه ...

دشت عايشه بوسطنا : مطر مطر بتذبحه ..بتذبح اخوك ...

ما حسيت بروحي الا يوم يلست تضربني ع جتوفي و تزقرني باسمي ...ابتعدت ابسرعه عنه و جنه كهربني ..

صرخ طارق بصوت عالي : يا الحيوان انت لا تدخل من بيني و بين حرمتيه ...

عطيته ظهري و كنت بظهر من الصاله لاني لو تميت دقيقه اعرف اني برتكب فيه .. جريمه ..كنت اسمع صراخه و ما كنت اعرف شو بسوي في عايشه ... سرعت بخطواتي و طلعت برع البيت ..

تميت يالس داخل السياره و الموقف يمر جدام اعيوني جنه حلم ..لو نشت امايه من الرقاد و جافتني جي مسوي بطارق شو كانت بتسوي بتروغني من البيت ..

ندمت ع تصرفي بهاي الطريجه اكدت شكوك طارق ...تذكرت نظراته و هو داش الحجره و جنه يدور عايشه معقوله شك بشيء !!!!!!!!!!

فريت كل شي ورا ظهري و رحت صوب العزبه ...دشيت بهدوء ...جفت النار شابه عرفت انهم متيمعين ...
دشيت و يلست
طلال : عليكم السلام يا مرحبا السااع
طنشته و يلست اطالع النار سرحان

فهد يضربني ع جتوفي : وينك تاخرت ...

لمحت عبود قاعد يشرب عفدت صوبه وييرت عنه الغرشه و يلست اشربه مره وحده ..يرها عني فهد ..

مديت ايدي و قلته بحذر : عطني

فهد : من شو متضايج ..!
قلته : فهد لا تخليني اتضارب معاك مره ثانيه ...

طلال : عطه ابوي عطه حتى سلام ما سلم ..علينا

طالعته و انا اتذكر سالفه الصرصور فقلته : خلني ساكت عنك و ناسي حركتك البايخه ..

صخ طلال ع طول ..يوم جافني فهد جي محرج عطني الغرشه ... فيلست اشربها ..بس زيود هالمره خذها عني ..
وقفت ابسرعه ابا اجتله بس زخني من ايدي : مطر شو فيك ...شو فيك ..

اشرت ع عيود : ابا استوي شرات عبود موليه ما احس بروحي ... ما ابا اعرف شي بدنيتي ..لاني حي ولا ميت

عبدالله : هههههههههههههههه حلوه منك مطر ..

وقفني زيود : تعال برمسك ...اباك بكلمة راس
دزيته و صرخت عليه : انا مب محتاجنك لا انت ولا عشره من امثالك ...

حسيت اني بالغت بس صج ما كنت طايج روحي ..رجع زخني: ما عليه انا محتاجنك بس تعال انت ...

و يرني داخل الحجره و خذني صوب المغسله خلني اغسل ويهي ..كنت بمنعه و بضاربه بس الماي حسسني براحه ... صخيت و تميت تحت المغسله ..عقب رفعت راسي اتنفس بصعوبه يلست ع الكرسي .. عطني فوده صغيره مسحت ويهي ..

كان زيود يراقبني فريت الفوده برع و قلته : شو تبا ..

زيود : احيدك قلت انك ودرت الشرب

قلته بغيض : و رديت شو صار الحينه ..
حط ايده ع جتوفي : مطر شو فيك ... كل ما مر عليك يوم احس اسوا عن قبل شو مستوي بك ..

نزلت راسي بالارض مب عارفه شو اقول ..و مر الموقف الي صار لي مع طارق و عايشه مره ثانيه .. حطيت ايدي ع يبهتي و رفعت شعر راسي عن يبهتي ...متضايج

زيود : مطر هدي و حافظ ع اعصابك معقوله شغلك ما علمك هاي الشيء

قلته بصوت واطي : ما اتعرفون شي عن حياتي ..

زيود : نحن ربع صح بس كل واحد ما يعرف عن حياة الثاني ..يمكن حياتي اتكون اسوا عن حياتك بس انا ما اسوي شراتك و يمكن طلال الي دوم يضحك و يسولف حياته اخس عن حياتي و حياتك ..

و ضربني ع جتوفي بقوه : مطر قوي قلبك ولا تستلم ..شو بلاك ما احيدك جي

تميت منزل راسي اطالع الارض و انا مأأأأأأيد كلام زيود بس محد حاس فيني محد يفهمني ..محد يحبني ...
الي سويته من شويه بحق طارق كبيره ... .
.
رن موبايلي ظهرته من جيبي جفت المتصل امايه حسيت الدنيا اتصكرت بويهي و عرفت ان القيامه قايمه في بيتنا ..

حولت الموبايل ع الصامت و مدري كيف ما قاومت و يلست اصيح منهار ..

طلعت من العزبه ضايع مب عارف وين اروح انا ما ابا اخسر اهلي و بنفس الوقت ما ابا اخسر حب حياتي ...اكيد طارق خبر اماية باليي صار و علشان جي امايه اتصلت بي ما اعرف شو مستوي الحينه في البيت

اكيد قامت القيامه و عايشه ما اعرف شو صار فيها حسيت يبت لها مشاكل ...علشان جي لازم ارجع البيت و اوقف مع عايشه ..

رديت البيت توقعت الاقي البيت قايمه قيامته ..بس هدوء مثل قبل .. عقدت حياتي عيل امايه حق شو متصله بي ..

رحت داخل حجرتي ..فكرت اتصل بامايه .بس ما قدرت مدري اول مره اخاف من امايه ..عضيت ع شفايفي ما ابا بيتنا ينهد ..انا المسءل عنهم ..رفعت راسي و طالعت السقف اتذكر ابوي كان دايما يقول ها خليفتي ...بموت و انا مطمن ...دام مطر موجود ...

وقفت ابسرعه اطرد هاي الذككرى من بالي ... ما بخسر اهلي و طارق بقص رقبته لو سوا مشاكل بيني و بين اهلي ...قراري اني اطلق عايشه من طارق ..بعد بسويه ما في شي يمنعني من الدنيا من الي اباه ...و بتجوف يا طارق ..

كنت اتصارع مع نفسي و افكاري ...حتى غفلت من غير ما احس ...نقزت يوم رن موبايلي جفت المتصل زيود

رديت عليه بكسل: هلا زيود

سالني : شحالك الحينه ؟
ابتسمت : ابخير..مشكور زيود

زيود : ما سويت شي ..بس كنت احاتيك ..و قلت اتطمن عليك ..
قلته : مشكور ... الا الشباب وينهم .؟؟

زيود : مدري انا طلعت عنهم عقب ما ظهرت ...شكلهم بعدهم بالعزبه ...

مطر: اها ما بسير لهم بتم في البيت ..

زيود: احسن لك ريح راسك ..و انا عندي كم شغله بخليك الحينه نتجاوف باجر..

قلته : اشغال اخر الليل ...ع خير
زيود : ههههههههههههه فمان الله

صكرت عنه : مع السلامه ..

جفت الوقت بعده عن الفيـر ...رحت صوب التلفزيون و يلست اجلب القنوات بس ما عيبني شي...اخر شي حطيت افلام و يلست اطالع فيديو ...

ما حسيت بالوقت انصدمت يوم جفت الساعه 9 الصبح ... حسيت بطني بتتقطع من اليوع .. نشيت و رحت المطبخ ... جفت الشغاله قاعده اتغسل مواعيين ..يلست ع الكرسي ..

و زقرتها ..نقزت متروعه و ضحكت : هههههههههه مطر بسم الله الرحمن الرحيم ...

ابتسمت لها : شو جايفتني جني ..

الشغاله : انا خوووووف ...ما يجوف انتي

اتمصخرت عليها : انتي !!! اقولج صبي لي حليب شو مسويينن ريوق ؟؟

قالت لي : ماما يسوي خبز ..

اها امايه ناشه من وقت عيل ..

امرتها : زين حطي لي بسرعه خليني اروح ارقد ...

حطت لي ريوق .. و ظهرت من المطبخ .. يلست اكل بشراهه احس الفتره الاخيره موليه ما قمت اكل ...بسبب نفسيتي ...مدري اخرتها شو بستوي بي ..

شبعت و نشيت من مكاني ازقر الشغاله بس فاجاتني امايه داشه المطبخ ...

امايه: مطر !! شو مقومنك من الصبح ..

ابتسمت لها : اصلا ما رقدت الحينه برقد ..

امايه : يالله بالستر شو حيياتك انت لا يكون توك ياي من برع ..اتصلت بك البارحه ..

يلست و انا اتريا ابصراحه ارتبكت : هي جفت اتصالج ..بهذيج الحزه دشيت البيت بغيتي شي ..

يلست مجابلتني : كنت بقولك لا ترقد برع البيت شرات البارحه ..

حسيت و جن قلبي انحط ابماي بارررررررررررررررررررررررررررد ..يعني اتصالها البارحه ماله علاقه بضرابتي مع طارق اتذكرت حالتي فـليل فيلست اضحك : ههههههههههههههه

امايه مستغربه : شبلاك ..

قلتها مستانس : ماشي فديتج ؟؟ انت الي شو بلاج البارحه كنتي متضايجه مني ..

امايه : شو اسوي يدتك ترفع الضغط ...

قلتها : انا مالي شغل ...عيل انتي تعشقين طارق عشق ... ما قلنا شي انا و سعود و عزه و منيره ...
طالعتني بنظرت غريبه : يدتك تتعمد اتكرهني فيكم .. علشان تبعدكم عني ..

كلامها صدمني : امايه شو هاي الرمسه الله يهداج ..

وقفت ابسرعه : ابا اروح السوق محل واحد بس عندك وقت تاخذني
وقفت ابسرعه : اكيد ...

امايه : بس اتقول تعبان ..
قلتها : فديتج عادي ... اتقولين محل واحد !!

ضحكت امايه : هههههههههههه هي واحد بس ..

سبقت امايه و طلعت من البيت و يلست اترياها في السياره و موقف الباررحه ما راح عن بالي ..طفيت الزقاير يوم جفت امايه ظاهره من البيت ..سمعتها تتحرطم ..

سالتها يوم ركبت السياره : بلاج ؟

امايه : هذيج السياره ككم مره اجوفها واقفه عدال بيتنا ..

وايقت ما جفت شي قلتها : وين ؟؟"وحركت السياره "

اامايه : هناك قفطت ..كم مره اجوفها جنها تتريا حد
عقدت حياتي و قلتها : غريبه ولا مره انتبهت ...

امايه : وين بتنتبه انت ولا برع البيت ولا رقاد ...

صخيت ما رديت عليها صدقها ..
كملت : و ها نحن معتمدين عليك

سالتها بصدق : انا مقصر معاكم بشي

قالت : لا و لله بس اتودر عنك السهر و ما حد بيكون احسن عنك

قلتها متعمد : حتى طارق ؟؟

جلبت الموضوع : متى ناوي تخطب

طالعت برع و قلتها : بعدني

امايه : شو ناقصنك !

قلتها و اانا اطالع الشارع : ماشي بس

قاطعتني : حد في بالك شو و تترياه

قلتها بسرعه و انا اتذكر موقف البارحه مع طارق و عايشه : لا محد و الله ...

وصلنا السوق الي كانت تباه ...و نزلت المحل يلست اترياها في السياره ...تذكرت سالفه السياره الي تتريا عدال بيتنا يمكن ربع محمد و يبغون سعود بس مب صالحهم عبدالرحمن !! غريبه ..توقعت امايه اتبالغ ممكن ...


تجدمت اطالع يوم جفت حرمه يت و يلست ع سيارتي من جداام !!!!!!!!!!!! هاي يعني ما تدري اني موجود داخل السياره ..؟؟ ها تتعمد يعني ..

نزلت من السياره بسرعه و رحت صوبها : مرحبا الساع

التفت صوبي و حطت الشيله ع نص ويها و ظهرت اعيونها بس...قوية عين حتى ما تحركت من مكانها ما تدري اني اشد عنها بقوه العين ..بس للحين ما جفت اعيون احلى من اعيون ام اعيون ..أأأأأأأأأأأأأخ يا ام اعيون

فاجأتني : نعم !
رفعت حياتي و ابتسم اتطنز عليها : سيارتي فديتج ..

طالعتني اونها منصدمه و ردت طالعت السياره ووقفت ابطيء : اوه سوري
تجدمت منها و يلست ع سيارتي جريب منها : لا عادي خذي راحتج "و اشرت مكان قاعده " اتفضلي ..

طالعتني بنظرات فاتمصخرت عليها : قهوه جاهي امري..

ضحكت ابصوت عالي : هههههههههههههههههههههه لا مشكور بس كنت تعبانه و قلت ارتاح شويه ..
رفعت حياتي و قلتها : و الله .. عيل تعالي ادخلي "اشرت ع سيارتي " براد داخل ..

ما توقعتها تضربني ع جتوفي و تضحك : اتصدق عاد "واشرت ع سياره واقفه ع جنب" هذيج سيارتي
و غمزت لي بعيونها " سلاام يا حـلو ..

تميت واقف امبطل حلجي هاي السياره نفسها الي هذيج اليوم ركبتها ام اعيون يوم كانت ظاهره من المستشفى ..امبلاا هي ..مكسيما عنابيه ..

لحفت البنيه و قلتها : لحظه

كملت دربها : هلا ..
قلتها : ما تعرفنا !!!

ابتسمت لي ابتسامه ابصراحه حلوه : سلمى
قلتها و بالغت : الله شو ها الاســـــــــــــــــــــــــــــــــــــــــم الحلو ..عاشت الاسامي

ضحكت : تسلم ..

وقفت عند باب سيارتها و فتحت الباب و يلست و تميت واقف جريب منهها قالت : و انت ؟

قصيت عليها : حمدان

طالعتني : اتصدق عاد شكل ويهك احلى عن اسمك بوايد ..
تجربت منها اكثر: و انتي شو يهمج ويهي ولا اسمي

ردت ورا تضحك عقب دزت ويهي برقه : ماا يخصك ..

اعتدلت بوقفتي يوم سمعت حس امايه : مطـــــــــــــــــــر

حسيت ويهي احترق فضحتني توني اقول اسمي حمدان و الحبيبه تزقرني مطر ...طالعت امايه و رديت اطالع سلمى جفت ملامح ويها زعلت و تضايجت ..ما تدري لو ما جفت ام اعيون تركب سيارتها جان لبستها ولا رمستها ...

ابتسمت وتجربت منها : ترا الدنيا ابكبرها جذبه "وغمزة بعيوني " و قلتها : سلااام يا حلو ..

وضحكت عليها بصوت عالي و رحت عنها سمعتها تتحرطم بس طنشتها .. رحت صوب سيارتي .. و ركبت ..ركبت امايه

امايه : منو هاي ..؟؟

قلتها : شدراني يت وقفت عدال سيارتي و رمستها
امايه : و انت اي وحده تعرفت عليها

ضحكت : ههههههههههه شرات خواتي

امايه : لا و الله .. لا يكون هاي الي تباها و تترياها
قلتها ابسرعه : لا و الله ما اعرفها ...

امايه : ههههههههههههههههه

قلتها : امر بج مكان تشربين شي ولا تاكلين
امايه : لا لا بنروح البيت تاخرت بروح اسوي غداي و انت روح ارقد شكلك تعبان وايد ..

صخيت لانها صادقه احس اعيوني بتطلع من مكانها ... كملت طريجنا للبيت .. شويه و كنا بالصاله
امايه : يدتك الحينه بتاكلك يوم بتجوفك داش معايه

ما عرفت شو ارد عليها فابتسمت لها ..دشينا الصاله ... تفاجات بالكل موجود ...و الي وقفني عدال باب الصاله يوم وقف طارق ابسرعه و يطالعني

و يرمس امايه : امايه جفتي ولدج البارحه شو سوا ..؟؟؟

الفصل التاسع..


لو عرفت ان الغدر هو من صفاتك .. لودريت انك في لحظات بتخون
كنت ابنسى وانسحب من حياتك .. قبل ما قلبي تعذبه الظنون

نزلت راسي كنت عارف ان طارق ما بيسكت .. ربعت له امايه و لوت عليه
و قالت : شبلاك حبيبي

من الربكه ما عرفت شسوي فقلت : السلام عليكم

يدوه : عليكم السلام هلا يمه ..هلا فديتك الناس يوم تدش تسلم "طالع طارق" مب يفتنون ولا يتشكون عنبوه ماشي تربيه ولا اخلاق

اامايه : عمتي شفيج ع الصبح بسم الله ...شو قال الحينه
قلتهم : انا تعبان بروح ارقد مب راقد من البارحه ..

يدوه : يا بعد قلبي الي يعيش بها البيت شو تتوقع يصير له ..

وقفت بس تفاجات يوم طارق وقف : وين رايح للحينه ما خلصنا كلام
امايه : شو مستوي شو بلاكم ؟؟

طالعت طارق اباه ينجب فقلت امايه : ماشي يمه طارق يبالغ

طارق محرج : لا ما ابالغ ...البارحه ولدج كان يزغتني ...بذبحني
شهقت امايه متروعه و طالعتني بنظرات عتب بس يدوه ضحكت : ههههههههههههههههه دوااك محد يجلع عيونكم بها البيت غير البجر ولدي ...

نزلت راسي بالارض ...

امايه : مطر

طالعتها : امايه ولدج استخف ..يتحراني...

قاطعتني : شو شو سوا و قال ..ما اتمد ايدك ع اخوانك انا كم مره بقولك هاي الرمسه ..

خذت نفس طويل و رفعت شعري عن يبهتي بعصبيه ...

و قالت بتعب : ان شاء الله ..ان شاء الله ..

عطيتهم ظهري ابا اظهر ..كان بيرمس طارق بس امايه سكتته و اشرت ع يدوه ... ما كانت امايه تبا طارق يرمس عدال يدوه ..ترا وايد اتسوي له حساب و تدافع عنه ...

مدري شو سوا بـ عايشه ..ممدري شخبارها ... وصلت حجرتي ..حسيت اعيوني بتطلع برع من التعب ما صدقت جفت الشبريه ع طول انسدحت و قفلت علي حجرتي ما ابا حد يحشرني ..

الحمدلله السالفه مره ع خير للحينه بعده ولد امه ما تنطق ما قال شي ولا الحينه قاعد يخبرها ... حسيت اني تعبت من كثر ما افكر و اخرتها صار النوم حاجز بيني و بين افكار ي الي حسيتها سخيفه ..

فتحت اعيوني اتجلبت ع الشبريه بكسل و حسيت بروحي نشيط من زمان ما رقدت جي .ع راحتي ... جفت الساعه تفاجات كانت وحده فـ ليل ..

لو خليت باب الحجره مفتوح جان الكل دش علي و حشرني ... زين يوم قفلت علي الباب .. نشيت رحت اتغسل .. و عقبها طلعت صوب الصاله ... كانت عزوه تطالع التلفزيون .. و من جافتني صكرت التلفون ... كنت بشك بالحركه الي سوتها بس سعود كان يالس يعني عادي ...و طارق بعد يالس ...

دشيت و سلمت محد رد علي ..

طالعتهم : داش بيت يهود ؟

عقب ردوا : عليكم السلام

اتساندت ع الكنبه و احس بعمري عيزاااااااااااااان : عزوه حطي لي عشى ..
وقفت : اقول الشغاله ؟

قلتها : لا انتي روحي شو مسوين ؟؟

عزوه : امايه مسويه معكرونه و خلصت و عايشه مسويه فطاير ...شي منها تبا ..
وقفت ابسرعه و طالعت طارق و قلت : لا خلاص بتعشى برع ..

فاجأتني يوم وقفت : بروح معاك

طالعتها مستغرب : وين ..عند الشباب ..

سعود : ههههههههههههههه

عزوره منحرجه و اتقول سعود بغيض: ما يضحك ..."طالعتني " بروح اتعشى وياك في المطعم ..

قلتها و انا فيني ضحكه : باجر ... الحينه الوقت مـتأخر

سالت سعود : شو ناوي تطلع

سععود : لا بسير ارقد الحينه ..

رحت صوب حجرة يدتي وايقت عليها جفتها راقده باجر بتحشرني ...لاني رقدت كل هالوقت ..طلعت و ما بغيت اسال عن امايه اكيد راقده ... ظهرت من الصاله .. و قبل ما اطلع من البيت زرقرني طارق كنت متوقع ..اصلا

وقفت من غييير ما اطالعه حط ايده ع جتفي : مطر ..

تحركت و ابتعدت عنه قلته بجزز : تراني مب طايجنك

طارق شبه منصدم : انا ادري اني غلطان بس قدر يخي كنت متضايج من الي صار
قلته : مشاكلك ويا حرمتك لا تدخلني فيها ... "دزيته بعيد بكرهه" ولا تستغل حب امايه لك و اتقوم تبعدها عنا تفهم ترا و الله اخليك تندم انك انولدت ..

طارق : مطر انا ما استغل شي ع العكس انتوا اهلي ... و بعد ليش دايما احس اتحط حاجز من بيني و بينك

قلته : كيفي لاني اكرههك ..

و عطيته ظهري كنت بطلع من البيت بس وقفتني كلماته : تغار مني ..

قلته من غير ما التفت صوبه : هي وايد ..

حسيت الدم تجمد فيني يوم قال : من امايه ولا من حرمتيه ..

عااااااااااد هني حدك ما تحملت تعليقه ...يعني بعده عند شكه .. ما كان رد لي الا بكس ع خشمه طالع من الخاطر كان جوابي الوحيد لاسلوبه و كلامه الاستفزازي ...

كنت اسمع وناته بس طلعت عنه و صكرت باب الحوي بقوه ... حركت سيارتي و انا انافخ من الغيض ... علاقتي بطارق صارت من بينها فجوه كبيره منوه سبب و ليش جي يصير اصلا ..و ليش قمت امد ايدي ع اخواني ؟؟؟؟

كنت عارف ان طارق ما بيخبر امايه علشان جي ضربته و بسوي وياه اكثر كل ما قال لي شي يستفزني ...

سهرت مع الشباب لصبح كانت السهره حلو كالعاده بس طلال ما كان موجود خذتنا السوالف و الضحك انتبهت للوقت و كان الصبح ...نشيت و طلعت عنهم رايح البيت ..
دخلت البيت .. و اول مره احس اني كاره البيت من توفى ابويه .. حياتي متلخبطه ..ابا افتك من طارق و نفسي ما اجوف شيفته بس ما اقدر لانه لو طلع بياخذ عايشه معاه ..و انا ما اقدر اطلع من البيت مستحيل ...

كنت بدش حجرتي بس وقفت و سمعت حس امايه و طارق في حجرتي ؟؟ شو يبون !!
امايه : يا يمه يا حبيبي اخوك مب هالنوع

طارق: يعني ما تعرفينه ولدج مغازلجي رقم واحد ..
امايه تقاطعه: زين الله يهديه بس حرمة اخوه مب لها الدرجه الله يهداك ..
كان ودي ازغته من رقبته مثل ما توقعت شاك فينا الحبيب ..احس قلعته لو هو ريال يطلقها ..
طارق : امايه انا وايد طفران
امايه: شو يعني قصدك تبا تطلع من البيت
طارق ابسرعه : لالالالالالا

امايه: جوف حبيبي .. من حلاتها حرمتك ..منو يباها و الله لو انا مب خايف ع زعلك هذيج الايام جان ما زوجتك اياها ..

طارق: خلااص امايه ارحميني صارت زوجتي الحينه ..
امايه : زين شو تبا الحينه .. و غرفة اخوك فنشناها ما لقينا شي

عقدت حياتي لها الدرجه وصلت الامور ..
طارق : انزين انتي راقبي حركاتهم و جوفيهم ..اوكى ..
امايه : يعني حرمتك هي الي تتودد له ها جان بينهم شي ..
طارق : لا اقصد ولدج يمه مد ايده عليه ...

ما تحملت كلامهم حسيت مؤامره ..و الله حرام عليج امايه الي اتسويه فينا اتحبين ها الخايس شو فيه احس عنا كلنا عيالج ...

ابتعدت عن حجرتي و طلعت من البيت .. قبل لا يجوفوني يتني الضحكه الحياه لعبه انا و عايشه نخطط على طارق علشان يطلقها و طارق يخطط مع امايه يشكنا .. ما عليه ... طارق يبا يبعدني عن البيت باي ثمن ..

اتصلت بـ عايشه ما ردت اتصلت بها اكثر عن مره ما اترد .. فريت الموبايل .. دقايق و ردت اتصلت بي ..

عايشه : هلا بحبي هلا بشوقي

قلتها بجديه: عايشه انتي وين ؟؟

عايشه مستغربه : كنت اسبح علشان جي ما رديت عليك .شو اشتقت لي
قلتها بجديه : حياتي مب وقته .. انتي شخبارج شو سوا بج طارق بعد هذيج الليله

عايشه ضححكت: ههههههههه خليته يعتذر و احسسه بالذنب ..بس انت زين ما ذبحته مطر لا اتسوي جي مره ثانيه بشكون ..

طنشتها و قلتها : اقولج ..

عايشه: شفيك ترمس جذا ..

مطر: عايشه ..ترا طارق بعده شاك و توني سمعته و هو امايه قاعدين يسولفون بحجرتي انهم يراقبون حركاتنا

عايشه منصدمه: مستحيل .. طارق يموت علي

تطنزات عليها : هي علشان جي يتهمني اني انا الي اربع وراج

عايشه تضحك: هههههههه فديتك

عصبت عليها: شفيج ماخذه السالفه طنازه
عايشه: لاني بفتك من اخوك ...

مطر: سمعي عايشه اباج هي لكن اني ما اخسر اهلي ..فهمتي

عايشه: علشان جي صابره

ذكرتها: المهم انتبهي تراهم بيراقبون حركاتج
عايشه: ما عليك ...المهم انت المفروض تتحمل من حركاتك و امسك اعصابك ...زين ..ولا تمد ايدك ع اخوك ثاني مره ..

مطر : يزول ..بعد ضربته ثانيه

عايشه مب مصدقه : مطططططططططططـر ..
مطر بعناد : خله يتأدب ..."جفت طارق طالع من البيت" هذووه ها ريلج الثور طالع من البيت

عايشه: عيل ياي ياخذني خلااص برمسك عقب
مدري ليش حسيت بضيجه فقلتها ع طول : مع السلام ..

وصكرت بويها احس بروحي مبتلي في حياتي ... بس يالله ع قولة زيود كل انسان جي ..و يمكن طلال الخديه اتكون حياته اسوا عني و عن غيره ..

مدري و الله العظيم ليش دايما يوم اسرح بافكاري اتقودني سيارتي صوب بيت ام اعيون .. الي لفت انتباهي راعية المكسيما العنابية كانت صافطه هناك .. عدال باب بيتهم ...

هاي شو علاقتها بـ ميثه .. و منيره اختي اتقول ما حد لها غير ابوها و اخوها الي في عيمان .. ولااا و اتقص علي اتقول يدتي امبين عليها وحده جذابه ..هاي البنيه ..

اتصلت بـ منيره .. ردت عليه و حشرة والدها طبعا طرت طبلة اذوني ..

منيره : ها مطور

قلتها متضايج من الصوت : حطي ولدج ع السايلنت اووووووووووووووووووووووف
منيره : زين لحظه ...

دقايق و ردت : ها حياتي انت دوم جي محرج ..

طنشتها : شحالج ؟

منيره: بسم الله

قلتها: شو طلع لج يني
منيره: بسم الله علي شبلاك انته ؟؟

مطر : انتوا الي شو بلاكم عليه .

منيره جنها تعاطفت علي : بلاك اخوي

قلتها : سلامتج بس الا بسالج ..السيياره العنابيه الي دوم توقف عدال بيت ام اعيـ اقصد ميثه ..
منيره : هااااااااااا و عقب

حسيت قفطت ما عرفت شو اقول : ماشي ابا اعرف منو هاي
منيره: ليش شو مسوي بعد شرطه مستشفى

حذرتها: منور لا تتمصخرين عليه ..

منيره: ما اتمصخر بس جوف دام انك ما بغيت البنيه حق شو اخبرك بعلاقاتها

ياني فضول: ليش هاي تقربلها ..ترا هاي وحده صايعه اسمها سلمى
منيره مستغربه و مب مصدقه : مطــــــــــــــــــــــــر !!!!!!!!!!!!!!!

صخيت ..ما كان المفروض اقول جي ... شفت البنيه تظهر من البيت هي نفسها الي رمستني بالسوق و الي سوا فيني اكثر ان ميثه وراها ظاهره ..عيل منو يتم مع ابوها هاي ؟

ها شكل ام اعيون جذابه و خريطه و ما تشبع هياته .. بطلت اعيوني متفاجا يوم سمعت حس منيره ع الخط : الووووووو
ضحكت : ههههههههههههه
منيره : مطور شبلاك متخبل شو
قلتها و انا اراقب السياره تتحرك جدام اعيوني : يلا مع السلامه عقب برمسج ...
منيره: الله يهديك ..
حسيت ابروحي رديت مراهق الاحق سيايير الينات بس هاي سلمى لو جافت سيارتي اكيد بتعرفني .. بس اعتقد ما انتبهت لي يلست اتبعهم ... اخرتها توقعت انهم رايحين ...طريق مستشفى بن غباش .. و ما خاب ظني .. نزلت مثيه و تمت سلمى داخل السياره تترياها ...

نزلت من السياره و لحقتها ..
لو درت منوره بتجتلني .. حتى عايشه بتتخبل ... يالله مدري ليش دايما احب ارضي فضولي و خاصة من ناحية البنات ... ارتاح نفسينا خخخخخخخخخخخخ مدري ليش ..

و بركنت سيارتي بعيد عن السياره العنابية ... و نزلت ع السريع الحق ميثه .. جفتها واقفه عن الرسبشن ..اتصل بي طلال .. ها متفيج شرات الساحر ينقز علي ..

حولته سايلنت و رد اتصل ..و اعيوني ما تفارج ام اعيون .. مدري كنت اراقب حركاتها حسيت صجج هالبنيه كل معاني الانوثه فيها .. حركاتها مشيتها .. ابتسامتها كل شي...

رديت ع ها الغبي بصوت واطي : شو تبا
طلال: بلاك ترمس جي شو قاعد اتسوي ..

قلته: مشغو ل يالله صكر ...

طلال : و الله صج انت ما تستحي ع ويهك ..
طفرت منه : يلا صكر و الله بصكر بويهك

طلال : زين ابا اسالك سؤال ضروري؟؟

قلته و اعيوني ع ام اعيوني الي تحركت صوب الممر : اسال شو بغيت

طلال : كم عدد شعر راسك ..

قلته بغيض : انجلع
طلال : هههههههههههههههههههههههههههههههههههه

صكرت بويهه و اغلقته ادريبه بتصل مره ثانيه ..هالسخيف صج انه انسان فاضي ..جفتها راحت صوب الصيدليه .. و كان الزحمه فاضريت تيلس باللانتظار ... عاد انا ما صدقت رحت و يلست جريب منها ..حسيت بها ارتبكت و شكلها ما جافتني جان بتعرفني ... بس قامت من مكانها و راحت تيلس بكرسي ثاني .. فقمت و يلست بعد جريب منها ..
طالعتني بنظرات عصبية فابتسمت لها رن موبايلي كنت احسب طلال بس تفاجات المتصل امايه .. تغير شكل وييهي لاني تذكرت الموقف الي صار في حجرتي مع طارق ..تميت ابمكاني ..و ام اعيون صدت عني بس كنت اعرف انها تسمعني
قلت : هلا امايه
ردت علي: وين انت ؟
قلتها و انا اطالع ام اعيون الي نشت من مكانها وراحت صوب الصيدليه تاخذ الدواا
قلتها : موجود ويا الشباب
امايه: تعال البيت ابسرعه
عقدت حياتي: شو مستوي
امايه تعال ابسرعه
قلتها باحباط : ان شاء الله ..
صكرت عنها و نشيت من مكاني و رحت صوب سيارتي و خليت ام اعيون داخل المستشفى ..لفتتني السياره العنابية لي كانت تترياها برع ..

كملت دربي و ركبت سيارتي اتصلت بـ طارق رد عليه : نعم
قلتها: شو قلت حق امايه
طارق: ولا شي ..
حذرته: متأكد
طارق متضايج فصرخ علي: انت شو تبا مني
رديت عليه باعلى من نبرة صوته: انت الي شو براسك .. شو ع بالك اربع ورا حرمتك ..جي لها الدرجه انا نذل بعيونك ..
صخ طارق ما رد عليه
قلته: امايه اتصلت بي تباني و الله ثم و الله جان خبرتني انك قايلنها شي بتجوف شي ما جفته ..
وصكرت الخط بويه فريت الموبايل بعصبيه ..حسيت الي يستوي مصخره ..المهم اني وصلت البيت خذت نفس طويل ...الله يستر شو تبا مني امايه ..
نزلت من سيارتي و دخلت البيت جفت امايه واقفه بوسط الحوي و جنها تترياني رحت صوبها
التفت لي
قلتها : السلام عليكم
طالعتني بنظرات مليانه عتب و لوم : انت شفيك ع اخوانك ؟؟
خذت نفس طويل و سكت اطالعها ...
امايه: عزه و سعود و الحينه طارق انته ما تستحي اتمد ايدك ع اخوانك
قلتها : امايه ولدج
قاطعتني و صرخت علي : شو بتقول هو الي بدا هو الي تحرش فيك .."خزتني بعيونها" و الي شو قاعد اتسويه من ورانا
عرفت انها تقصد علاقااتي بعايشه
التفت الصوب الثاني جفت عزه و سعود يوايقون من الدريشه و يراقبون الموقف
قلتها: تعالي انروح حجرتي زين
صرخت عليه : ليش خايف تنفضح ...انت ما تستحي ما تخيل
قلتها : امايه ترا طارق يشك
رفعت ايدها تهددني : و الله العظيم يا مطر ان مديت ايدك ع اخوانك .. ولا قلتهم شي ما اتلوم الا نفسك ..و هذي كلمه و اقولها ..اذا فكرت بس تلمسهم شل اغراضك و اطلع من البيت

تميت واقف ابمكاني مستغرب من ردت فعلها ..العصبيه ..راقبتها اتروح صوب الصاله و قبل ما تدش التفت صوبي و كملت كلامها : شل العيوز معاك "وغيرت نبره صوتها تتطنز" الي ميته عليك

و صكرت باب الصاله بويهي حسيت الدنيا صكرت ابوابها ابويهي ..حتى لو طارق ظالمني بعد بتوقف معاه هذي امايه جذا اترمسني ترمس ولدها العود جي..طلعت من البيت و كلامها يرن بأذوني " اطلع من البيت "
ركبت سيارتي يلست اضرب يبهتي بعصبيه افكر شو الحل ..

طارق المعلون ولد امه مخبر امايه كل شي ..حركت سيارتي ..يلست الف بشوارع راس الخيمه بلا عنوان ضايع تايهه حسيت راسي بنفجر ..مدري شسوي

ان كسبت قلبي خسرت اهلي و ان كسبت اهلي خسرت قلبي ..تنهدت بعذاب...رن موبايل جفت المتصل فهد
رديت عليه من دون نفس: هلا فهد
فهد : مطور تعال بنروح القهوه بتيي

قلتها بصوت واطي: مالي بارض وقت ثاني
فهد: شبلاك
قلته: ماشي يلا بصكر ..

فهد: ما عليه كلمني يوم بتفضى و بتحس ابروحك احسن
ما رديت عليه صكرت التلفون .. و رحت بيت منيره ..نزلت دقيت الباب وايد محد فتح اتسويها امايه و اتخليها تقطعني ..

ركبت سيارتي و اتصلت بها ردت عليه : مطور توني كنت اطريك ولد حلال
قلتها: انا عدال باب بيتكم محد فتح لي
منيره : فديتك و الله انا برع مع عبدالرحمن ؟؟؟
قلتها : ابا بموضوع متى بجوفج

منيره : تعال تعشى في بيتنا حياك بس عن شو ؟

قلتها و انا اطالع بعيد بعيد بعيد : قررت اخطب ميثه ...

غمضت اعيوني مدري الي سويته صح ولا غلط .. بس بخطبها علشان اسكت امايه و طارق و عقب ما طارق يطلق عايشه بنهي سالفه خطبتي مع ميثه و بتزوج عايشه .. مدري عايشه شو بتسوي يوم بتعرف سالفة خطبتي بس لازم بتفهم قصدي .. تدري اني اجوفها شيخة و مزيونه كل البنيات ..

حركت بسيارتي و رحت صوب العزبه .. حسيت بصخه و الجو هادي و صراخ طلال ما اسمعه ..

اتصلت به ما رد عليه رديت و اتصلت بـ فهد ..

فهد: هلا بولد الخاله

سالته: فهود وينك محد بالعزبه شو انتوا ؟

فهد: نتمشى بالمول ..تعال الحقنا بنتعشى هناك و عقبر بنرجع العزبه

قلته: لا لا بتعشى في بيت عبدالرحمن

فهد: جي شو عندك

خذت نفس: ماشي بخطب

فهد يصرخ بصوت عالي منصدم : شوووووووووووووووو



ابتسمت: اتكلم جد

فهد: اجلب ويهك ها مقلب

حلفت لله : و الله العظيم



فهد: ايه اسمعوا شباب

حذرته: فهد بيي ادوسك فـ بطنك ..

فهد: خخخخخخخخخخخخخخخخخخ

قلته: يلا بيي اسهر معاكم الليله ..عقب العشى

فهد : اوكى مبروك مقدما و لو اني اشك انهم بوافقون عليك ههههههههههه

قلت بخاطري وو انا اتذكر ام اعيون حركاتها: و الله انا بروحي اشك ..



فهد: لا و الله عجييب

قلته بغلاسه: باي لااه

و صكرت الخط بوييهه



لفيت صوب بيتنا .. لمحت سياره واقف جريب البيت .. استغربت ..و تذكرت كلام امايه يوم اتقول كل صبح اتجوف هاي السياره واقفه عدال باب بيتنا ..حسيت من تجربت صوب الكراج و خلاص ببركن .. اتحركت السياره بعيد و جن صاحب السياره خايف اشكه ..



طنشت ..في بالي اشيياء اهم من هاي و يمكن اتكون سياره ماره و انا ابالغ .. نزلت و دخلت البيت ...سمعت صوت عايشه تزقر الشغاله داخل المطبخ ..... ع طول رحت هناك علشان اخبرها بالي سويتها و ما تتفاجا يوم منيره اتخبرهم .. و بعد لازم افهمها شو قصدي مجرد كلام حتى ابعد الشك عني و عنها ..



دخلت المطبخ جفتها معطتنا ظهرها قاعده اتعابل مدري شو تطبخ .. و ايقت يمين و شمال ادور الشغاله جفتها مش موجوده ..

عايشه : وينج تعالي ابسرعه افففففففففففففف

صكرت باب المطبخ ..



عايشه : تعالي شيلي ها الجدر و عطيني الصحون الي موجوده ع الطاوله

ابتسمت تتحراني الشغاله .. تجدمت منها و لصقت وراها غطيت اعيونها بيدي ..ردت لورا لصقت فيني و هي تضحك بدلع : ههههههههههههه ع بالي الشغاله

وزخت ايدي اتحاول اتفج اعيونها ..: بسك ..حركات

لصقت فيها اكثر و جربت شفايفي من اذونها كنت بقولها منو انا ؟؟؟



بس صدمتني يوم قالت بدلع : طااااااارق بس عاد ...

حسيت الدنيا اسوددت باعيوني ..ابتعدت عنها ابسرعه .. رديت لورا بخطوات ثجيله و اعيوني عليها التفت لي و كانت مبتسه بس اختفت ابتسامتها يوم جافتني انا مش طارق ...

قالت مرتبكه: مطر

قلتها و عيني و بعيونها : هي مطر مش طارق ..

خذت نفس طويل : سوري حبيبي انا ع بالي طارق

صديت عنها حسيت اني مش موجود بحياتها ..مدري ليش ياني شعور او بنظراتتها تحسسني اني غريب عنها .. ما تحملت نظراتها التفت كنت بظهر من المطبخ لحقتني ...

و زختني من ذراعي تترجاني : حبيبي

زخيت ايدها و بعدتها ع ذراعي و طالعتها ابرود حسيت مب عارفه شو اتقول كانت تايهه



فاختصرت لها الكلام: ما في دااعي لهاي المشاعر تراج زوجته و انا الي غريب عنج و ما يحق لي

لصقت فيني و جنها ما تحملت كلامي : لا اا حبيبي ...مب جي السالفه



تطنزت عليها : شو مرتاحه معاه

حركت راسها بمعنى لا



كملت طنازتني : لا و الله مرتاحه من نبره صوتج و انتي تزقرينه ..

قالت : انا قاعده اسوي الي اتفجنا عليه اباه يكرهني و ابا امك تكرهني و تطلقني منه
رفعت حياتي مستغرب: شو !!تبينه يكرهج و تزقرينه جيييييييييي
زخيتها من ذراعها بعصبية و يلست اهزبهاا بقوه : لا تلعبين علي حركاتج مب لي ..
حطت ايدها بصدري و كنت اجوف الالم بعيونها : و الله العظيم ما العب عليك انا احبك " و انهارت اتصيح"

ما تحملت اجوف دموعها و بنفس الوقت كرهت مشاعري الي احسها بصوبها و بعد كرهت اسلوبي و الي فضحت غيرتي ..

هديتها و ابتعدت عنها اراقبها و هي مغطيه ويها بيدي و اتصيح ما عرفت شسوي ..كنت ابا احضنها و اطيب خاطرها بس بنفس الوقت كنت كاره حركتها ..علشان جي فكرت اعطيها ظهري و اظهر من المطبخ ..

رفعت راسها اتطالعني واعيونها مليانه دموع : وايد اصبر و اتحمل عشانك و انت اتسوي فيني جي ...

قفطت ما عرفت شو اقولها ... صخيت اطالعها ...
كملت كلامها : يعني انت ما قلتلي انهم شاكين فينا و ما قلت انا المفروض ما نرمس ويا بعض..كيف تباني اثبت له اني ميته عليه و ابعد الشك عنا
خذت نفس طويل وق لتها باسف : انا اسف ..

صدت عني ..تجدمت منها ردت لورا و طالعتني بغيض



قلتها : و الله اسف ...ما اتحمل اغار عليج ..

قلت لي : توك حسيت بالي احس به يوم تطرين فلانه و علانه ..

طالعتها بحب و قلتها : فديتج و الله محد يسواج ..

رن موبايلي باللحظه ما انفج باب المطبخ ..