كاتب الموضوع :
NONO123
المنتدى :
الارشيف
(الفصل الثاني )
وفي بلد ثاني وتحديداً في سويسرا وفي احد اكبر وافخم الفيلات وفي غرفها الفخمه كانت فتاه شابه مشغوله في ترتيب حقائبها رجعتهم للدوحه قريبه ابوها خلاص راجع بعد ما خلصت فتره انتدابه سفير اهناك كانت حايسه في الاغراض تحط هذا وتشيل هذا وفي لحظه نطت من الخرعه على فتحت الباب وعلى الاعصار الي دخل عليها
تليله وهي دازه الباب بدفاشه وقوه "ست الحسن ممكن تقولين لي وين راح الاي بود هذني ادور عليه صار لي فوق الساعه وما حصلته يلا طلعيه ولا بطلع عليج البلا الازرق
البندري بغضب وعصبيه وهي تشوف اختها الاصغيره ذات الثانيه عشر ربيعً"وجع يوجعج من بنت كم مره قايله لج لا عاد تدخلين علي بهذي الطريقه تعلمي الادب و اضربي الباب قبل و استئذني وبعدين وش هو الي انا خذته من متى انا اخذ شي لج يا الابقره روحي دوري عليه مكان ما تحذفين انتي بنت فوضاويه متى بتعلمين الترتيب .........وهي تأشر لها بصبعها على الباب ...برع ولا عاد اشوف رقعت وجهج اهني لين ما تعلمين الادب انا قايله حق امي انت غلطه العمر بالله ليش تجيبج ما يكفي اخونج البلشه جيتي انتي عشان تكملين علي يلا برع يا انسه تليله .......بأبتسامه خبيثه لنه عارفه ان اختها الاصغيره تكره اسمها الي تقول عنه موضه عجايز ليش يسمونها هي البندري تتسمى هي بأسم جدتها
تليله بغضب "كم مره قلتلج لا تقولين لي هذا الاسم انا اكرهه انا اسمي ريم حلو يعجبني
البندري بضحكه ساخره من اختها وعقلها الاصغير "زين وشهاده ميلادج بعد بتزورين فيها تلوله طلعي يلا وسكري الباب وراج ولا عاد اشوفج اهني يلا
اطلعت اختها من الغرفه مثل كل مره تتخانق فيها مع اختها الاكبر منها وهي خاسره هذي المعارك بغضب كملت البندري ترتيب اغرضها وسكرت اخر شنطه وقامت وهي تتمطى وتحك ضهرها الي يعورها من القعده والشيل والحط اسحبت بلوزتها وعدلت شكلها في المنضره وخذت جاكيتها معها لن جو الصاله بارد خاصه انه الجو برع ثلج موت وبرد رهيب تكره البروده بشده انزلت تحت وهي تتهدى بخطوتها الانثاويه ودلعها الجميل شافتهم مجتمعين ابوها وامها واخونها الاثنين سعود و فهد اعيونهم فيها ابتسامه خبيثه يوجهونها لها طالعت عدل لقت اختها المنخشه في حضن ابوها اعيونها الي متروسه ادموع وهي تشكى له مثل عادتها لما ما تربح معركه معاها ابتسمت برقه تحب اختها كثير بس مدلعه من الكل وهذا ما ينفع وهي كمدرسه علم نفس تعرف تأثير الدلع وخاصه لبنت مثل اختها كل طلابتها مجابه من اكبرها راس لين هي نفسها قربت من امها وحبتها وهي تطالع اختها الاصغيره بوعيد شديد تليله بصياح حق ابوها "سي داد هاو شي لوكت تومي
ابوها وهو يحضنها برقه ويطالع بنته الاكبيره "علامج و انا ابوج على اختج خفي عليها شوي ليه مخانقتها ومزعلتها منج
البندري بحترام ومحبه "يوبه الله يخليك لي كم مره قيله لها لا تدخل علي بدون ما تطق الباب عليها اسلوب موب حلووووو بالمره تشرع البيبان وكنه المكان مكانها لزم تحترم خصوصيه الناس
ابوها بصوت هادي "يا ابوج تضل اختج الاصغيره ومالكم غير بعض لا تزعلينها
البندري وهي تأشر على اختها انها تجي عندها "ان شاء الله يبه تعالي بقولج شي
جات تليله حق اختها وهي منزله راسها و الادموع مخرسه وجها البيضاوي الحلوووو
امسكتها من يدها واسحبتها في حضنها بحنان "يلا يا زعوله لا تصيحين بس مره ثانيه ابيج تدخلين بأدب زين وبعدين ايبودج موجود عند الخادمه لقته وخلته على الرف فوق روحي شوفيه
راحت تليله وهي تركظ على فوق و الاعيون كلها تراقبها بمحبه امها بصوت هادي "الله يخليكم لبعض يومه خلاصتي ترتيب اغراضج باقي لج شي
البندي وهي تحظن امها وابوها "ويخليكم لنا يارب اي يومه خلاص سكرت اخر شنطه من شوي يوبه متى السفر ان شاء الله
ابوها "اخر هذا الاسبوع بس ننطر اخوج فهد يخلص اختباره الاخير وعقبها بنمشي ...التفت على ولده الاكبر سعود ...متى طيارتك
سعود هو الاخ الاكبر وهو 29 من عمره وهو خريج سياسه و اقتصاد ويشتغل في السفاره مع ابوه تجي بعده البندري عمرها 26 سنه وهي متخرجه من الجامعه ومدرسه علم نفس و بعدها يجي فهد وهو عمره 24 والسنه اخر سنه له في الجامعه ويدرس حاسب الي واخر العنقود تليله عمرها 12 سنه ودلوعت البيت
ابو سعود جاسم رجل له هيبه ومكان في المجتمع متعلم ومثقف ثقافه عاليه وكل اولاده مثله
زوجته ام سعود سبيجه سيده جميله وراقيه وهي متعلمه مثل زوجها وسيده مجتمع من الطراز الاول
سعود"بعد باكر ان شاء الله اذا الله راد
ابو سعود"زين على خير ان شاء الله مثل ما وصيتك تفتح البيت الكبير والاهم من هذا الي وصيتك عليه لزم تسويه هذا الشي اهم من كل شي
سعود بنظره فهمها ابوه "مثل ما تامر يوبه ....قام من مكانه ...من رخصتكم تامرون على شي وراي شغل بكره مهم
ابو سعود" لا وانا ابوك روح ارتاح
سعود "تصبحون على خير
الكل "و انت من هله ....
هي وامها و اخوها مستغربين من كلام ابوها وسعود الي بالالغاز و الي ما افهمو منه شي بس ضلو ساكتين وما حبو يتدخلون
\
\
\
\
\
\
وفي الدوحه وفي بيت اطلعت منه صاحبته وتركت على قوله المثل الجمل بما حمل هروب من ناس فيه كل همهم الافلوس وبس ام تماضر وهي تجهز الريوق حق رجلها وبناتها اسمعت صوت رجلها الي اثخنه الخمر و النوم "وين الغندوره وملكت الجمال بنتج ما قامت لين الحين غريبه مع انها في العاده قايمه مع اصياح الديج ولا ما عادت القعده معانا لده عليها اقول قومي قام نقمج وقوميها عشان تروح معانا وتسوي لي الوكلاه ولا راح افضحج جدام بنتج واقولها وش هي نوعيه امها تحركي
شيخه بقهر "انطم الله ياخذك ويفكني منك بتفضحنا هذا الي يقول ما شافوهم وهم يسرقون شافوهم وهم يتذابحون اعنبو دارك الخمر العبت براسك وبتفصح كل شي خلاص هذني قايمه اشوفها الله ياخذها من بنت طالعه على ابوها قاهرتني
اطلعت فوق بس مرت توقض بناتها لما ونايفه عشان المدارس وعقب بتشوف هذي الكلب ليش ما قامت الله ياخذها ويفكني منها مثل ما فكني من ابوها ابتسمت بمكر لو ماتت بتورث كل شي و ما راح تعيش وهي تشوف غلطت عمرها قدام عينها تشوف خالد في بنته في كل شي فيها ملامها شخصيتها القويه عندها تحس بالخوف وهي تشوفها وكأن خالد بيقوم من قبره عشان يحاسبها على جريمتها الي طوتها الاسنين اخ لو تنمحي هذي البنت من على وجه الارض وخاصه وهي تشوف رجلها مستحلي البنت وهذا الي قاهرها هي اكبرت وبنتها صارت كامله الانوثه وهي تشوف في اعيونه نيت الغدر خلها تولي راحت على غرفه تماضر وبصوت عالي وصراخ وهي تدق الباب ودها تكسره "وجع قومي فتحي الباب بنت ما تسمعيني يا مال الصمخ الله ياخذج فجي الباب خلصي ورانا مشوار
قامت تدق بغضب هذي وش فيها ما ترد ولا تفتح الباب ليكون بس سوت في روحها شي والله احسن الفكه منها بس مصيبه تسوي في روحها حاجه قبل لا تسوي التنازل حق المصيبه الي برع ويقوم يفضحنا احنا مو ناقصين لا هذي بنت خالد مثله في كل شي حتى في الدين ابوها وجدتها ربوها عدل مستحيل تسوي اي شي يغضب منها رب الاعباد هذي هي تعاملها زفت ولا عمرها تكلمت ولا انطقت بالعكس البنت واصله بها وحنونه عليها رغم جفها وكرهها له بس هي عمر مشاعرها ما تغيرت ما اقدرت تحب هذا البنت تكرهها اضرب الباب بقوه وارفسته وهي تحرك قبضت الباب المقفول وبغضب ارجعت تحت حق الثور المخمور
شافها مقبله وقعد يطالعها بكره وهو عينه تحرى الي ناطر نزلتها بشوق وشهوه اخ وين بتروحين من يدي يا بنت خالد انا ما زوجتج الخبل الي عندي الا عشان ما تقدرين تطلعين من ذا البيت و عشان كل شي يصير حلالي وانتي فوق البيعه انا خططت طول هذي الاسنين ومن حقي كل الي انتي فيه ما راح تروح جريمتي هدر "وين بنتج ما عندي اليوم بطوله خلصينا ...
وهي تطالع بنتها وترسل نظره تحذيريه لرجلها "انا اضرب عليها الباب وما ترد بغى ينكسر الباب تحت يدي وهي عادها ما تبغي ترد وش اسوي لها يعني
هو بغضب عاتي قام وهو يترنح يمين يسار وبصرخه عاليه خلو بناته يرجفون "لا بركه فيج وفي بناتج انا رايح لهذي الكلب محد بيكسر راسها غيري
صعد فوق وراه زوجته وهو عاده يتطاوح يمين يسار من سكره وصل حجرت تماضر قام يضرب الباب بقوه والباب يهتز تحت ضرباته العاتيه ويصرخ بغضب "بطلي يا بنت الكلب بطلي الله ياخذج والله ان ما فتحي لكسر الباب على راسج ....وقام يدف الباب بقوه لدرجه انه انخلع وانفتح وافتحو اعيونهم مذهولين الغرفه فارغه وين راحت قامو يطالعون بعض والخوف يهزهم هز البنت وين راحت ................وين؟؟؟؟؟؟؟؟؟؟؟؟؟؟؟؟؟
التعديل الأخير تم بواسطة NONO123 ; 17-01-09 الساعة 06:21 PM
|
17-01-09, 12:56 AM
جديد مواضيع قسم الارشيف
العرض العادي
