كاتب الموضوع :
NONO123
المنتدى :
الارشيف
[QUOTE=NONO123;1880313](الفصل السادس )
تجهز القهوه و الشاي وقررت تسوي سويت شي خفيف وسريع وما يحتاج مقادير معقده جهزت قرص الاعقيلي و حطته في الفرن يبيله اقل من خمستعش دقيقه ويبرز قررت تبدل لبسها ولو انها ما جابت معاها غير لبستين هروبها كان سريع وخفيف اووووف الحين محتاجه اشياء كثيره منها الي يخصها شخصياً و الي يخص شغلها محتاجه كمبيوتر الحمدالله انها ما كانت من النوع الي يسيف مشاريعه على الكمبيوتر كانت دايم تخزنه على درايف منفصل وتقدر تشيله معاها و هذا اول واحد خذته مع اورقها المهمه اطلعت لقت ام خليفه قاعده تسمع الرادو ابتسمت برقه البيت ما فيه تلفزيون وشكلها ما تحبه بس هي حاسه انها من يوم ارجعو من عند المحامي وهي ساكته ما تكلمت مع ان في اعيونها كلام كثير اقعدت احذاها وبصوتها الحنون "يومه وش فيج من ضهرتنا من عند المحامي لحد الحين وانتي ما نطقتي ولا كلمه معاي عسى ما شر فديتج قوليلي انتي زعلانه مني شي او سويت شي زعلج مني ؟؟؟
وطت على صوت الرادو بحيث ما ينسمع صوته "انا مب زعلانه منج انا زعلانه عليج يا بنتي حياتج كانت صعبه وصعبه بشكل كبير ورغم كل ذا ما شاء الله عليج مخج يوزن بلد ذكيه وفطينه وحره ما رضيتي بضيمج بنتي اشلون قدرتي تسوين كل هذا وانتي بنت و البنت عليها قيود و عيب وو غلط وين قدرتي تطلعين وتجين وتروحين هم ما انتبهو عليج
تماضر وهي تمسك يدها بحنان "كان صعب يومه صعب بشكل ما تتصورينه وخاصه من امي و رجلها الي قاعدين لي على الوحده بس متى كان عند الانسان تصميم واراده يقدر يحقق المستحيل و الصعب اول شي كنت استغل الوقت الي فيه شغلي وخاصه اني اترشح لدورات و تدريبات احياناً تكون داخل الدوله وبعضها خارجها ومثل ما قلتلج امي ما كانت تقدر تمنعني عن شي يمت لشغلي او دراستي عشان ما تنسحب منها الوصايه و في البنك تعرفت على شخصيات كبيره وناس لها وزنها وعلاقتها الاجتماعيه وكانو مكسب لي وساعدوني كثير هذا غير اني بحكم دراستي و علمي قدرت اكون علاقات خارجيه لني اتكلم بأكثر من لغه و الحمدالله البنك وشغلي فيه فتح لي آفاق كبيره و خلاني اكثر قدره و استطاعه اني امارس شغلي بشكل اوسع وو اسهل لني كنت اقول لهم ان عندي دوام العصر وفيه اكون في الشركه واقدر اسير شغلي وبعض الوقت تكون صبا هي الي تساعدني اذا ما قدرت لنها شريكتي
ام خليفه بحيره "بنتي في بنك يفتح العصر ما خبر
اضحكت تماضر بصوت عالي "في يومه بعض البنوك مو كلها وخاصه الي تكون لها افرع اصغيره في المولات و المجمعات التجاريه الكبيره بعضها مثل بنكنا ....
ام خليفه وهي تمسح على ضهرها بحنان وحب "يومه قبل ان كنت ضد فكرتج الي بتسوينها في امج ورجلها لنها مهما كانت تضل امج بس الحين ما الي حق اقول هذا بعد كل هذا العذاب و انتي تصارعين وحوش مو بني ادمين نسو كل شي نسو ربنا سبحانه وعقابه نسو ان الموت اقرب للنسان من لمح البصر
تماضر بحزن ودموعها ترست اعيونها بس عصت تنزل "يومه انا ولا في لحظه بنسى انها امي وان لها حق علي بس لزم لكل ضالم يوم وهذا يومها ويوم الخسيس رجلها طول هذي الاسنين انا ادور رضاها عشان رضى الخالق سبحانه لكن كرها لي يوم عن يوم يزيد
ضمتها لها بحنان وهي تمسح على ضهرها "بس يا قلبي الله يلوم الي يلومج صبرتي وفاض بج الصبر ولج حق عليهم كلهم ومن حقج تستردين كل احقوقج محد له عليج ماخذ يلا امسحي ادموعج وتجهزي حق اضيوفج هذا هو صوت الباب
\
\
\
\
\
\
عيضه و سالم قاعدين يتعشون بهدوء عيضه نزل اللقمه الي يا كلها من يده يحس انه يبغي يرجع ابتدى مفعول الادويه ينحسر و ترجع وتيرة الالم ترتفع و االعرق الغزير يغطي جبينه
سالم رفع عينه بخوف له عارف انه ما يقدر يكمل اكله لن مفعول الدوء خلاص راح "انت جبت معك دواك ولا لا ...
عيضه بنرفزه "جبته انت ضان اني بطلع بدونه لو سمحت خلهم يجيبون لي كاسه ماي شكلك انت الي بتسوق ...
سالم وهو يرفع يده يأشر حق الويتر يجي ويتغاضى عن نرفزت عيضه الي اعتادها "لو سمحت جيب لنا كاسه ماي بارده وبسرعه .......التفت على عيضه وبهدوء...بتكمل اكلك ولا انسدت نفسك ؟؟؟؟
عيضه وهو يشرب دواه يخفف المه ولو انه بياخذ وقت لين يبتدي مفعول الحبه على الاقل هذي اخف من الثانيه الي تغيبه عن الدنيا مع انه يكرهها طالع سالم الملتهي في اكله "خلصت ولا عادك ما حشيت هذي البطن حشى من تاكل تنسى كل شي وما تهمك الا كرشتك .....
سالم بضحكه وسعاده انه عيضه استرد مرحه بسرعه "شوف يا اخوي اذا حضر الطعام بطل الكلام وانا ما اعرفك لين ادب على قولك كرشتي ..نزل شوكته وهو يمسح على بطنه ...و الحين قول وش عندك انا تحت امرك
عيضه بضيقه فجئه "خلنا نطلع حاس بضيقه من المكان ابغي مكان اشم هو نضيف
(معلومه بسيطه للي راح يقول ليه التقلب السريع في حاله عيضه من المرح لين الضيق و الحزن فجئه الادويه الي يتناولها وكذالك تأثير نفسيته تخليه متقلب ومزاجي )
سالم وهو يقوم معه "خلاص امش خلنا نروح الكورنيش ومنها تشم هوا ومنها اخذلي دوره اهضم الي كلته ونتناقش مره وحده
عيضه توه بيطلع من الباب الا الي مرت من جنبه حاول انه يتفادى الاصدام بها وه منزل عينه بحراج كبير وبصوت حياوي "السموحه اختي ما انتبهت اعذرني ..
سمع صوت مايع وجريئ"عادي مو مشكله ....
تجاوزها بشكل سريع وعينه ما ارتفعت من الارض سبحانك يارب لو كان في وضعه السابق كان تصرفه ونظرته في هذا الموقف غير الف مره سبحانك سالم كان يبتسم بمكر وهو يشوف البنتين يطالعون عيضه بعجاب صدق الي يشوفه ما يصدق ان هذا رجل معتل ومريض وكل خطوه تقربه من الموت بشكل سريع خارجياً عيضه جسده يوحي بالصحه والعافيه و لا كأن المرض ينهش في جسده يمكن هذا له حكمه من رب العباد بعض المرضى الي في حاله عيضه ورغم تقدم المرض واكتشافه لهم في مراحل متأخره بس ما يبين عليهم ابد "انت بتضل متسمر على البيبان خلصنا امش
ضحك سالم من غضبه ومشى احذاه طالعين من المجمع واركبو السياره "يا اخوي وش فيك جبريت حار الله جميل ويحب الجمال
عيضه بغضب وحره "اي جمال انت وجهك كل وحده منهم مصبغه وجها كنها مهرج في سرك ....امشى و الي يرحم والديك ما فيني على لوعه الكبد
\
\
\
\
\
\
"ههههههههه وش صارلج انجعمتي مره وحده يلا قعدي ارقبتج انكسرت وانتي تطالعينهم ...
تروف "العن خيره شفتيه مزيون وعليه رزه رهيبه مع انه لبسه كاجول لكن روعه هذا الي الواحد يتحسف عليه مو برووووووووووووك الزفت
هند"انت الي بغيته محد اضربج على يدج والحين جايه تشكين
تروف بستهتار وهي تسحب خصله من خصل شعرها برع الشيله "وش يدرني ما دريت انه بيطلع زفت ولعين ومدهون صير كذا لا وجاي يبغيني اصير جاريه له كبه زين مني رضيت فيه شين وقواه عين
هند بعياره "حلفي انتي بس وين الشين عنه ما شاء الله عليه عيني عليه بارده رجال كامل بس انتي اعيونج ما يترسها غير الاتراب انا مستعده في تبادل الادوار ويصير الزوج رقم تلاثه في لستتي بس هذي المره حق المتعه مو الفلوس
ضحكت تروف بسخريه وهي تطالع واحد قاعد يخزها وابتدت لعبتها المسليه في المناوشه "ما انصحج حتى المتعه بروك ما يصلح فيها مالت عليه وعلى شيفته
\
\
\
\
\
\
وهم يتواجهون ويحضنون بعض صبا وهي تفرصها من كتفها "اي ...اعوذبالله مو يد عليج الحين ليش الفرص و التزقد يا مال الهينه ...
صبا بقهر "عشان مره ثانيه تخليني محتاسه كذا و ما اعرف لج طريق و اضرب اخماس في اسداس ولدرجه اني عميت وقمت اصوقع في الناس
اضحكت تماضر بنعومه "الله يهديج بس يعني بالعقل كيف بختفي بدون ما تدرين وانتي شريكتي في كل جرايمي هههههههههههه
صبا وهي تشوف امها بحذر وهي تسلم على ام خليفه تقلطها داخل "قصري حسج الله يا خذ العدو الحين تسمع جرايم تفكر ان حن مسوين مصايب
ثماضر بضحك "لا تخافين اهم شي مبارك عارف بكل شي وقف معانا بكل خطوه وساعدنا وسهل علينا اشياء كثير ه الله يبارك فيه ويخليه لكم يارب كذا الاخو ولا فلا
صبا بحزن وهم يقعدون احذا بعض بهدوء"اي مضوره ادعيله الله يرزقه ويعضوه عن الزفته ترووووووووووف..
تماضر بستغراب "يعوظه و ش صاير صبا انا من دخلتو وقلبي ناقزني امج شكلها بالمره ما يريح وش صاير
صبا وبتنهيده من عمق قلبها "خالتي اليوم اضربت على امي تقول ان الشيخه ترووف تبغي الانفصال عن مبارك ان ما في نصيب يستمرون انا اقول ليش الرجال معتفس صاير له مده وروحه في خشمه من يوم ملج عليها لحد اليوم ما تهنى معاها الله لا يوريج وامي من زعلها ارتفع عندها الضغط و ابتلشنا لين نزل ...
تماضر بحنان"الله يهديج يوم كذا ليه جبتيها معج خليتيها الجيه يوم ثاني مو مشكله
صبا وهي تشوف امها بمحبه وحنان "ما رضت الاتجي معي وتطمن عليج زين ان احنا ما ضربنا البيت ولا كانت الوالده ناويه
تماضر برعب "لا تقربون صوبهم هذي الفتره انا ما ابغي يعرفون مكاني لين اقدر اوقف على ارجولي و اجمع افكار ي عدل و ابتدي المرحله الثانيه من خطتي
صبا بحيره "تماضر في شي غير مخبيته علي قولي
تماضر بصوت واطي "عيضه ؟؟؟؟؟
صبا بستغراب وذهول من ذا "من عيضه هذا ؟؟؟
تماضر بحراج كبير لنها خبت على اعز رفيقه لها سر وجود عيضه زوج في حياتها "رجلي ؟؟
صبا بذهول اكبر"نعم عيدي وش قلتي ؟؟؟
تماضر بقهر وهي تصر على اضروسها "اعتقد انج سمعتيني زين ولا ليه طول هذي الاسنين وانا ارفض تلميحاتج انج تبغيني لخوج واخرها قلتلج اني ما افكر في الزواج وهو يدور نصيب غيري
صبا وهي تهز راسها "شوي شوي علي منهو هذا ولد من وكيف صار الزواج ومن متى وليه ما قلتيلي عنه ؟؟؟
تماضر " امشي نطلع في الحوش وبقولج كل شي ....
\
\
\
\
\
\
سعود قاعد يقراء في مصحفه ويشوف الاعصار الي داخل عليه من الباب "سعووووود ..وهي تصيح وادموعها اربع اربع صاير لها اسبوع وزود تحن تبي قطوه ولا شنو جولد فيش مثل رفيقاتها في المدرسه كلهم عندهم بيت الا هي ضحك على تفكيرها
تليله وهي تصيح وتحذف روحها في حضنه "سعوووود يو برامس مي تو جيت ابيت تو مي
سعود ضحك من قلب لن امه ما ترضى باي شكل من الاشكال على تواجد حيوانات في البيت فمالبكم بقطوه شيرازيه تبغيها حضرت جناب الاميره تليله الدلوعه سعود وهو يمسح دموعها وبحنان"تلوله حياتي انتي عارفه ان الوالده رافضه اطلبي شي غيرها لعبه اي حاجه ...
تليله وهو توخر من حضنه وهي تصيح "نو يو برامس مي اي وانت ذا كات بليززز انا ابغي القطوه بليززززز سعود
سعودبحنان "خلاص انا بقنع الوالده بس بشرط ...
تليله بفرحه "اني ثينج يو وانت ...
سعود"اول شرط وهو المهم كلامج تعدلينه كم مره اقولج تكلمي عربي حبيبي احنا في الدوحه ولزم تتكلمين صح و لا الناس بتطنز عليج ويقولون شوفوها شايفه نفسها وثاني شرط هو اذا الوالده وافقت القطوه تضل في الحديقه ما تدش داخل البيت موافقه
تليله بفرحه "اوكي ..
سعود بغضب مصطنع "ها احنا وش قلنا الحين ....
تليله وهي تحط يدها على ثمها وبشيطانه في نظراتها "خلاص ...خلاص ...انت بس جيب القتوه ...
ضحك سعود على القتوه الي تبيها يطالعها بحنان وهي تطلع ركض بسعاده مثل الفراشه من خفتها و رقت الطفوله وبرائتها فيها سمع صوت رقيق و ناعم "ممكن ادخل ولا مشغول ..
ابتسم سعود وهو يشوف البندري علاقه سعود بخواته علاقه خاصه وساحره في احين كثير يكون مثل الاب لهم الناصح و الراعي وفي احيان كثير يكون الاخ الحنون الي يخاف عليهم من النسمه الي تطير واحيان كثير الصديق الي يعرف عنهم كل صغيره وكبيره يعرفهم من نظره اعيونهم ويبدو ان اخته عندها اسئله محيرتها بدليل اصابعها الي تلفها وترجع تسحبها وارجولها الي تأخرها من الدخول "هلا الغاليه ادخلي فديتج تعالي حياج اليوم شكلج انتي و اختج طلباتكم ما تخلص امري.... وهو يأشر لها تدخل وتقعد جنبه ...يلا قولي الي عندج
اقعدت احذا اخوها متردده و في شي يلجم السانها بس لزم تعرف الحيره بتكل قلبها وما بتعرف تنام لين تعرف كيف تكون عندهم بنت عم وما يعرفون عنها شي طول هذي الاسنين كيف تنترك بنت مثلها محتاجه السندو الرعايه يتيمه في هذي الدنيا بدون ما تكون تحت نظرهم و ورعايتهم كيف خايف تتكلم وخايفه بعد انها ما تقول الي في خاطرها
سعود شاف سكوتها و ترددها لا هذي فيها سالفه جايده وهو يحط يده على شعرها الناعم ويمسح عليه بخفه "مطوله يا الغلا تراني طالع بعد شوي عجلي بطلباتج
البندر بصوت خافت "سعود كيف تكون لنا بنت عم وما ندري عنها شي
سعود بنظره غاضبه "تنصتين يا البندري و الله ما هقيتها منج يا بنت ابوي
\
\
\
\
\
\
"الله يا خذهم كلهم اشلون قدرتي تعيشين وسطهم وين عمج المقرود هذا ما خذاج من ام مثل امج حسبي الله ونعم الوكيل وهذا الكلب الثاني كيف سكتو عنه اي شرع واي قانون الي يزوجون فيه بنت بغير رضاها عشان كذا كل هذي السريه و الجاسوسيه الي انتي مسويتها والله يحق لج وربي يحق لج الي تسوينه فيهم تحبسينهم عن بكره ابيهم
تماضر وعيونها سارحه "لا تدعين الدعوه ما تجوز لهم وقتهم يا الغاليه وقتهم جاي انا جهزت لهم الي يجلعهم من على وجه الارض بس الصبر جميل الي خلني انطر كل هذا الوقت بيصبرني لين يرد زوج الغفله الي راجع
صبا بحيره "اجل ليه الهروب يوم انج قادره تسوين كل شي وانتي وسطهم و ما انتبهو عليج ...
تماضر بحزن "تضل فيني وشايج من الخوف ظلال ما اقدر امحيها بين يوم وليله الي يعيش طول عمره بخوف صعب يتخلص منه حتى لو يتمتع بقوه العالم كله خايفه منه يا صبا خايفه من انسان كان يغتصب حقه مني غصب وجبر كان انسان متناقض في نور الشمس وجه وفي ضلال اليل وجه ثاني وجه مخيف مرعب انا ما ادري و ش الي راح اوجهه زوج ولا عدو انسان مثل الي راح ولا تغير اذا انا نفسي تغيرت اجل هو كيف الاسنين والبعد غيروه ولا بيضل مثل ما كان هذا هو سبب هروبي خوفي من القادم خوفي من الرجل و الزوج خايفه من نفسي ومنه خايفه من حاجاتي وذكرياتي
صبا بستغراب "تماضر انتي تكرهينه ولا تحبيه انا احترت كلامج يحير مو تقولين انه مثل ابوه
تماضر بهدوء"كان انسان عادي مثله مثل اي شاب في سنه ومشاعري اتجاهه كانت مثل اي مشاعر اتجاه رجل غريب دخل حياتي هو ابوه كان عيش معانا بس في ملحق خارجي لنه مستحيل يقعد معانا في نفس البيت وهو رجل غريب علي لقائتي فيه كانت تقتصر على العيد و غيره من المناسبات لكن في يوم ليليه تغير يوم وليله يا صبا وصار سكير وخمار وراعي بلاوي واخرها تحرشاته الي تصير كل ما صادفني او شافني واخرها الزواج الي صار بدون علمي ورضاي و امي هي الي وقعت وتكلمت عني وضربهم لي وغيابي عن الدنيا لدرجه الاقيه في وجهي بنفسه الخايس و اغتصابه بحجه انه زوجي حياتنا كانت جحيم عشت معاه فتره مهب بسيطه قبل لا يهج ويشرد بحجه الدراسه انسان غريب بنهار اشوف في اعيونه نظره حزن وحنان وشي يقرب للحب وفي اليل مغتصب ووحش
صبا بهدوء"و امج ليه تعاملج كذا ليه ما تدافع عن بنتها كل هذا خوف من رجلها
تماضر بصوت واطي"ان قلنا خوف على نفسها لا يطلقها بقول ما لها عذر و ان كان خوف على بناتها بعد مالها عذر انا بنتها بعد بس في شي وشي كبير الي يخلها تسكت وتعاملني بهذا الجفا و الكره لا و ام خليفه تقول انها اضعيفه ومالها حيله في الي يصير وانها تزوجت المخفوس عليه عشان اهل ابوي ما يخذوني بالله وين الاهل هذول الي ما اسئلو عني ولا مره لا يا صبا زوجها منه كان بختيارها و هو مهب ضعف منها صبا انا تعبت يا صبا تعبت وقلبي تعب من الي شايله ابي صدر ارمي عليه احمولي ويشيل عني
صبا وهي تحضنها بحنان وحب "ربنا كريم بعباده و الضالم مصيره وله يوم ان طال الزمن او قصر انتي لا تحاتين انتي ما غلطتي و الي تسوينه شوي فيهم يستاهلون اكثر الحين انتي جايبتني عشان تغثيني وما ضيفتيني ولا حتى قطعه من الي مسويته مالت عليج وعلى الكرم
تماضر وهي تضربها على كتفها بغضب "شوفي احنا في شنووانتي في شنو ما همج غير بطنج قومي ندخل على فكره جبتي الفلوس محتاجه اشتري لي اهدوم وكمبيوتر واغراض ضروريه
صبا وهي تلفت على البيت الشعبي "جبت الي عندي في البيت وجبت معاي شيك عشان توقعينه وباجر اسحب الفلوس الي تبينها اقول تماضر انتي شلون مستحمله القعده في هذا البيت يعني مو مريح
تماضر بهدوء"ما تعرفين وش كثر انا مرتاحه هنا وش كثر حاسه بالراحه النفسيه هذا البيت الي مو عاجبج افضل عندي الف مره من الفلا الفخمه البيوت بساكنيها بالقلوب الي تحبج وتحن عليج و في الاخير هي حصى وتراب
صبا بحراج "والله انا ما قصدت شي بس ؟؟
تماضر وهي تسحبها عشان يدخلون داخل "فاهمه قصدج ما زعلت يلا امشي
صبا "اقول ليه ما نطلع السوق الحين يعني الوقت طويل ومنه تشترين الي تبينه ما دام امي قاعده مع ام خليفه وش رايج
تماضر "ما اقدر اخاف حد يشوفني ويعرفني ويعلمهم عني تدرين الحين قالبين الدنيا علي
صبا وهي تحك راسها "هذي سهله بنلبسج برقع ومحد بيعرفج و انا بخذ برقع امي وش رايج نروح فلاجيو ولا السيتي اختاري
تماضر بحماس وسعاده تضل بنت رغم كل اهمومها وتحب السوق مثل كل البنات "فلاجيو احسن كل شي بنحصله و الصراحه انا ابغي اشياء واجد كم جبتي معج يكفي الي جبتيه ولا لا
صبا بضحكه "شوفي وجهج اليحن وشوفي وجهج مع الفلم الهندي الي من شوي ههههههههه امشي بس يما في هذي الدنيا
تماضر "صدقتي ترا في الحياه افلام اعبر من كذا بكثير
\
\
\
\
\
\
سالم وعيضه قاعدين على البحر ويشربون شاي دافي " راحت الضيقه والخنقه ولا عادك
عيضه بهدوء "الحين احسن بكثير الجوووووو حلوووبارد
سالم"تدري الجو شهر واحد روعه برد ونسمات حلوه ينفع حق الكشته
عيضه بضحكه "عدنا من زمان بالبر و كشتاته
سالم "هههههههه صادق من زمان الواحد متى رجع ديرته تذكر الذكريات االحلوه و اللمات الاحلى الله يرحم الجميع يارب وش رايك نكمل نروح مجمع من المجمعات واحد من الربع يقول لي ان في امكان حلوه افتحوها و احنا برع وش رايك نروح لها
عيضه من غير نفس بالمره"مالي خاطر للسوقه و الصجه اذا بغيت روح بروحك
سالم بأصرار "ما في بتروح معاي انت الي مخليك دوم في ضييقه وهم بعدك عن الناس وعدم اختلاطك يا اخي فكها عشان تعيش احنا رايحين رايحين قوم يلا
\
\
\
\
\
\
وقفت السياره الي فيها تماضر و صبا عند باب المجمع "يلا انزلي انطريني عند ستار بوكس و انا جايتج بدور موقف ما راح اطول
تماضر وهي تنزل بهدوء "ناطرتج بس لا تطولين يارب تلاقين مكان بسرعه
صبا "أخلاصي انزلي انتي كذا تضيعين الوقت وما احصل بارك
اضحكت تماضر عليها وادخلت داخل تنطرها ...صبا تلف وتدور تحصل بارك او حد يطلع وفي هذي الحظه اطلعت سياره جات تبي تسفط مكانها الا الي دخل قبلها عصبت واضربت افيوزاتها عقبها شافت الي احذها اطلعت اسفطت السياره وهي تطالع الي الخبل الي طول عليها الطريق الحين بتطق مشوار من عند مانجو ورزار لين ستاربوكس مشوار قهر وهي تصك السياره وتدخل وتشوفهم اثنين ودها تفقصهم على الطريق الي بتطقه طالعتهم بشمئزاز وقهر مشت عنهم ...
ضحك سالم وهو يشوف البنت المعصبه الي تشوفهم بغضب لنه خذ المكان قبلها وطول عليها الادواره "هههههههه ياريتك تشوف نظرتها ودها تكفخنا بالي في يدها
عيضه بهدوء و ملل وكره للزحمه و الاصوات المزعجه "يحق لها ما تشوف طولت عليها الطريق زين ما ذبحتك وبعدين متى بتهذب ليدز فيرست
سالم بضحكه "هذاك برع مو هنا هنا الاولويه للرجال عجبها حياها الله ما عجبها محد قالها تسوق
عيضه بملل "امش اخلاص مالي خاطر حق طنازتك ..
\
\
\
\
\
\
|
28-02-09, 02:41 AM
جديد مواضيع قسم الارشيف
العرض العادي
