كاتب الموضوع :
NONO123
المنتدى :
الارشيف
هذا البارت اهداء للغاليه أراده الحياة غاليتي هذا البارت مخصوص لك وتسلمين على محدثتنا الحلوه
(الفصل الخامس )
أزعجه صوت الجوال العالي بالعاده يقصر على صوته فتح اعيونه الناعسه وبضيقه اسحبه من على الطاوله و ارفعه يشوف من اهني بس اعتفست ملامحه و بانت الضيقه في اعيونه ضل يشوف الشاشه الي تنور بالاسم قرر ما يرد عليها لنه لو رد راح تسمع منه الي ما يرضاه مهما كانت بنت خالته بس لين هنا وخلاص النفس عافتها ما عاد طايقها اجل هو محطه في حياتها لين تلاقي الافضل و الاغنى غرتها الدنيا وغرها جمالها وهو انخدع في شخصيه اقل ما يقال عنها سطحيه و تافهه رجع جواله يضرب بلحاح مستمر ما راح تسكر لين يرد عليها فتح الخط وبصوته العميق "الووووووووووو...
تروف بغضب وعنجهيه اعتادها منها بس كانت على اعيونه غشاوه ما خلته يشوف حقيقيتها "انت وينك فيه وليه ما ترد على تلفوناتي اسبوع وزود وانت غاط شفتلك شوفه يا الشيخ مبارك وبعدين كيف تجي البيت وتطلع بدون ما اعرف حسون الزفت ما علمني انك في الصاله تنطرني
مبارك ساكت يسمع كلمها الغثيث على قلبه حتى نفسها الي كان متعته انه يسمعه صار ثقيل و يعفوه عمره ارتفعت بداخله وتيرت الغضب وبصوت هادر و عالي خلاها تنتفظ "احترمي نفسج وتكلمي عدل لجي الحين واكسرلج صف ضروسج هذا اول شي انا حر اغيب يوم عشره سنه من انتي عشان تحاسبيني اعرفي مكانج عدل واصطلبي وثانياً اخوج اسمه حسن و حضرت جنابج الي ما كنتي موجوده و توج جايه من برع و طاقه سوالف ولا انتبهتي لوجودي ثالثاً وهذا المهم اذا بغيت اشوف لي شوفه ثانيه على قولتج يحق لي صح مو انتي الي قلتي حق رفيجتج ان الغبي الي متزوجته محطه في حياتج و انج ما تبين تصير ين اقل من الباقين و ما دام يقدر يوفر لج الي تبينه وش المانع انج تتزوجينه لين تلاقين الافضل يا محترمه .........وبضحكه ساخره و هو يسمع نصخها المرعوب ...اي سمعتج ويمكن يكون هذا من فضل ربي علي اني اكتشفج على حقيقيتج قبل ما ابتلش فيج تروف انا عطيتج فرص كثيره عشان تعتدلين وتعدلين اسلوبج معاي بس انتي للئسف كنتي اقل من اني احطج المره في حياتي و اقل من اني اخليج كل همي وفرحي انتي انسانه انانيه ما تحبين لا نفسج فكيف راح تحبيني انتي الاطفال فكره رافضتها ومستحيل تجيبين من واحد معقد ومتخلف مثلي مو هذا بعد قلتيه اكمل و لا تحرتمين نفسج و تطلبين ننفصل بهدوء بدون ما ندخل امي وامج
وبصوت واطي و مرعوب "وضليت ساكت سمعت كل شي وضليت ساكت ليه ما تكلمت الا الحين ليه ؟؟؟؟؟؟؟؟
وبتعب وهو يمسد رقبته بيده و بصوت مرهق "لنج صرتي تضغطين علي وتختبرين صبري وصبري له حدود و حدوده هنا امي ما يدخلها في الي يصير بينا لا تدخليها وتزيدين همها كله الا امي وياريت طلب الانفصال يجي منج عشان كرامتج جدامهم و عشان محد يقط عليج كلمه لنج تضلين بنت خالتي و عرضي فكري في الموضوع ولنج لو اخترتي تستمرين في هذا لزواج راح تشوفين وجه ثاني للمتخلف و المتعصب انا رجل لا يمكن انه يكون تابع لمره لا يمكن اسمح في اختلاف الادوار انا الرجل و انا لي السلطه ولما تعيشين معي تعيشين على قد الي انا اقدر اوفره لج ما راح اسمح بالي يصير الحين من خروج وهرج ومرج مع كل من هب ودب ما راح اسمح تهمشين دوري و اكون مجرد واجهه اجتماعيه تستعرضينها انا رجل دمي حر و ما ارض بالمذله و اذا اتفكرين سكوتي عنج الفتره الي راحت عشانج تكونين غلطانه سكوتي كان احترام لخالتي و اخوج مو لج
تروف بغرور ونفس خايسه "انت وش فاكر نفسك تهددني انا ما ضربتك على يدك وقلتلك تعال و تزوجني انت الي مت عشان اوافق عليك فلا تظن انك تهمني الي اخلقج خلق غيرك و على قول المثل البحر متروس سمج ويمكن احصل الي احسن منك
تفكيرها حقير واقل ما يقال عنه انه قمه في الدنائه وعدم الرضى بالي كتبه رب العباد بسخريه شديده " غلطتي و اكبر غلطاتي اجل ورقتج بتوصلج بس حددي انتي الوقت الي بتقولين لهم فيه و انا انطر منج الرد في امان الله وان شاء الله تلاقين الي انتي تبغينه
سكر عنها وهو يحس براحه ما بعدها راحه يحس انه كان مربط وانفكت كل الاحبال الي تربطه بأنسانه مثل هذي ظن انها ممكن تكون له الزوجه الي يحلم فيها بس للئسف كانت ابعد من انها تكون الزوجه الصالحه الي حلم فيها كل رجل و الام الي تجيب اعياله خلاص كل شي انتهى ...........
\
\
\
\
\
\
سكرت التلفون وعصبيتها واصله حدها ما بغى يكتشفها الا الحين احسن الفكه منه هي تبغيها من الله جات منه مو منها بس وش تقول حق امها و حسون الزفت لو درى بتروح فيها اوووف وش تبغي في واحد متخلف يبغي يحبسها ويصك على حريتها لو درت من البدايه انه كذا ما كان وافقت انزلت تحت وادخلت الصاله لقت امها قاعده وتمسد شعر هزيج اختها الي تصغرها بسنه متوسده حضن امها ومغمضه اعيونها تروف بغرور"اي انتي مستحليه القعده عند امي قومي احسن لج هذا مكاني
ارفعت هزيج نفسها من حظن امها وهي تطالع اختها وبصوتها الهادي و الحنون "مايسوى علينا هذني قمت بس لا تنسين هي امي مثل ما هي امج يلا من رخصتكم اروح ادرس ابرك لي بكره عندي امتحان ...آه ه ه ه على فكره انا الاسبوع الجاي يمكن أتأخر جدول محاضراتي تغير لن الدكتور الي يعطينا الماده قدم استقالته ولين يجيبون واحد غيره عدلو لنا الجدول
اسكتت مذهوله هي وامها يطالعون تروف الي تطالع التلفزيون ببرود"انا ومبارك قررنا ننفصل يومه كلام يوصلج ويوصل ولدج كل شي انتهى وما في رده انا ما ابغيه ما فينا نتفاهم بدال ما نفرح بزواجنا صار غم وهم وتشرط من صوبه انا ما عدت طايقه هذا البني ادم يقهرني بعقليته المتخلفه كنه طالع من العصر الحجري
امها بصوت يرجف من القلق و الخوف و الحزن على حظ بنتها "وش سويتي يا بنتي حرام عليج الي تسوينه فيني وين تلاقين احسن من مبارك رجال و النعم فيه و لد خالتج بيحطج في اعيونه ليه تطلقون ...
تروف بغرور"هذي حياتي وانا حره فيها انا الي بعيش معاه مو انتو واحد عقليته حجر صوان رغم كل العلم و التقدم عاده يعاملني جني جاريه عنده و يقول هو الرجال ومحد يا خذ دوره الله ياخذه يارب
"الله ياخذ عدوه ان شاء الله انتي كيف تدعين عليه تبين الصج انتي الي ما تستاهلين ضفر من ضفوره مبارك خساره في وحده مثلج شايفه نفسها انتي متى بتصلحين وتتركين عنج التفاهه الي انتي فيها الحياه في نظرج وش هي متى بتشوفين ان فيها الي يستاهل نتمسك به مثل مبارك ...
كانت تروف و امها مذهولين يسمعون صوت هزيج الغاضب والمستعر ابتسمت تروف بمكر وهي تطالعها "حلال عليج تبينه اخذيه هذني بخليه يولي قلعه تقلعه يوم انه عاجبج ومنيشنه عليه ليه ما قلتي من البدايه كان خليته لج ما يلزمني ...ههههه بس هو ما بغاج بغاني انا الاجمل و الاحلى صح
هزيج وهي تطالعها بحزن "هذا تفكيرج الوصخ انا عمري ما حطيت عيني على الي مو من نصيبي و مبارك مثله مثل حسن اخوي عندي وغلاته من غلات خالتي و الي اشوفه انج ما تستاهلينه خساره انه يكون لوحده مثلج حتى لو كنتي اختي انا رايحه غرفتي ابرك لي
تروف بعدم اهتمام و استهتار وصل حده "اقول يومه وش رايج تقولين له يبدل ويا خذ هزيج تنفع له يتشابهون كثير المهم انا ابي اتخلص منه وما فيني على كلام ولدج الغثيث يعني انتي تصرفي سي يو...و قامت رايحه عن امها
سكرت باب غرفتها و بالمفتاح ما تبغي اي حد يدخل عليها جرحها كلام تروف صح وش يبغي مبارك في وحده مثلها اقل ما يقال عنها مصطلح الجمال ما فيها منه ولا ذره سبحان الله بنت عاديه واقل من عاديه كانت تشوف نفسها في المرايه وتلمس وجهها و تمسح دموعها الي خانتها اكذبت وقالت انها تعتبره اخ بس هي كذابه عمر مبارك ما كان و لا راح يكون اخ بس هو اختار الجمال اختار تروف وحب تروف وبغاها وعمره ما فكر فيها طبعاً هي تفتقر لكل شي تتمتع به اختها صاحت بصمت والم وحزن صعب تكذب وتكذب على نفسك عشان ما يكتشف غيرك عمق الاجروح فيك ....بس الي اغفلته هزيج يمكن هي ما تتمتع بالجمال الصارخ بس كانت جميله من داخلها روحها المرحه وطيبه قلبها وحنانها الي يغمر الكل و هذا في حد ذاته كان يضيف عليها جمال مذهل ما تشوفه الا القلوب المتعطشه له جمال الروح وهو ارقى و اسمى انو اع الجمال ....
\
\
\
\
\
\
رفع عينه عن الملف وهو واصل حده من الذهول و الاستغراب من هذا الكم الهائل و الدقيق في المعلومات ولا شغل بوليسي كيف اقدر ت بنت مثلها توصل لكل هذا شافها ساكته ومنزله اعيونها في حضنها وتحرك اصابعها بملل "مدام تماضر ...شاف اعيونها الي ارتفعت له بشكل سريع وارجعت نزلتها ...تسمحيني لي اسئلج كيف وصلتي لهذا الكم الهايل و المريع من المعلومات والمستندات الخطير ه الي تودي رجل امج في مليون داهيه اسمحيلي اقولج و لا شغل تحرين اعذريني على هذا بس لزم اسئل
تماضر بهدوء و سخريه بينت في صوتها "ليه الاستغراب كوني بنت ما راح يمنعني اني اوقف في وجهه انسان مثل هذا وانا عندي من العقل الي يخليني اقدر عليه بكل بساطه انا اعرف هذا الانسان من اسنين اعرفه انسان طماع وحقير وكل دناوته الدنيا فيه لا في قلبه مخافه من الله ولا من الناس ما في الي يردعه نقطه ضعفه هي الفلوس و انا رميت له طعم من الصعب انه يتجاهله او يفرط فيه اسست شركه خاصه فيني و مشاركه صديقه لي هي لها الاسم وانا علي راس المال وطرحت مناقصه وبالطبع واحد مثله في السوق وبخبرته كان اول واحد تقدم ومثل ما توقعت عشان كذا ارسيت المناقصه عليه و الي كنت حاسبه احسابه صار تلاعب في مواد البناء غش في الاساسات و اهدار لموال المشروع وراح تلاقي كل شي هنا موجود في الملف هذا غير الملفات القديمه الي تخص شركه الوالد الله يرحمه والي كانت في يد شخص احترمه واعزه كثر الله خيره ساعدني بشكل كبير وفي ناس غيره ساعدوني كانو يشتغلون في شركه الوالد قبل ما يفلسها الاخ المحترم هذا غير مصايبه الثانيه .....
غانم بعجاب بمثل هذي البنت الي تتمتع بذكاء هائل و قدره على الصمود عجيبه و شجاعه القليل يتمتع بها "ما خفتي يكتشف انج ورا كل هذا ما خفتي انه يعرف انج صاحبه الشركه و المالكه لها ...
تماضر برقه وصوت واطي "الخوف صفه عشت بها اسنين لحد ما صارت شي اعيش و اتنفس به هذا الخوف هو الي خلاني الشخص الي انا عليه اليوم الخوف كان من امي من اقرب الناس لي الي احسها عدوتي وهذا شي انا مستغربه ومستعجبه منه
غانم بهدوء غامض وحزين "وهذا الي انا مستغرب له في ام بهذي المواصفات الي قلتيها و الي قريت عنها اشلون
تماضر "الحياه فيها الي اكثر من كذا بكثير في ناس تستتر تحت اقنعه مزيفه و الذكي من الي يكتشفهم قبل ما يفوت الفوت ....قامت واقفه ...استاذ غانم عندك كل الوقت الي تفكر فيه اذا قبلت هذي القضيه او ما قبلتها في كل الحالتين الي في راسي بيصير اسمحلي طولنا و خذنا من وقتك الكثير و الوالده تعبت ...
مدت يدها وبحنان طاغي حق ام خليفه "يومه مشينا ؟؟؟
ام خليفه كانت تسمع ومذهوله من كل الي تسمعه بنت خالد اطلعت مو هينه كلش الحياه مع ناس منثل امها ورجل امها خلوها قمه في الدهاء و المكر و الحيله و ينطبق عليها قول المثل ما اوخذ بالقوه لا يسترد الا بالقوه و فينا نقول عن تماضر ما اخذ بالحيله لا يسترد الا بالحيله من وجهت نضرها وحقها لزم ترده و تذوقهم ضيمها و قليل الي تسويه
"ارخص لنا يا ولدي ومشكور على ضيافتك ...
غانم وهو يوصلهم لين الباب"حياكم الله يومه وانا في الخدمه في اي وقت ...التفت على تماضر ...مدام تماضر ياريت تعطين رقمج للسكرتيره برع عشان اذا استجد شي تاخذين به خبر اول بأول
تماضر "ما في اي مشكله وشكراً مره ثانيه على استقبالك لنا من رخصتك
غانم بتهذيب "حياكم الله
\
\
\
\
\
\
كابوس هذي الحياه كابوس تخنقه فتح عينه بتعب هذي الاحبوب تهد حيله وتغيبه عن الدنيا وتضيع عليه صلاته اكيد سالم حاول فيه يصحى بس ما قام ضحك بسخريه وهو يمسح على شعره وجهه صلاته صلاه نساها في خضم الخمر و السهر و كل ما يغضب به ربه ضاعت منهه احلى سنين عمره في هروب وعذاب في خوف وجبن في الم وحزن مشى بتعب وارهاق حتى نومه هذا نوم ما فيه راحه لنه نوم جسد مريض جسد هده المرض الي ينهش فيه يستهلكه لزم يسوي الي قاله الدكتور بس صعب عمليه الزرع صعبه وقاسيه ومخاطرها كثيره و الي اهم من كذا وين يلاقي الشخص الي انسجته تتطابق معاه وخاصه ان فئه دمه نادره O+ يعني صعب يلقون المتبرع وما في غير الحل البديل وهو تغير دمه و تنوله المضادات الحيويه الي تدعم جسمه مناعيا ويجعله مقاوما للأمراض البسيطه والي يتعرض لها اي انسان وتكون خطره عليه وعلى حياته توضى و احسن وضوئه وفرش سجادته وجهه وجهه للقبله وكبر بصوته الرخيم العذب توجه للي عينه ما تنام ولا تغفل توجهه للي بيده كل شي تضرع طالب الرحمه اكثر من اي شي رحمهه تعتقه من خوفه من لحظات ضعفه تضرع طلب للعفو كل تكبيره وكل سجده وكل همسه وكل ايه تهدي نفسه الثايره تسموى بروحه ويحس بالسكينه و الاطمئنان ويستعيد ثقته وايمانه بقدره و الي كتبه له رب العباد كان يسبح ويهلل ويستغفر سمع صوت الباب ينفتح كمل صلاته الي فاتته وبعد ما سلم التففت على سالم الي يطالعه بهدوء "صح النوم .............ما بغيت تقوم صار لي فوق الساعه وزود وانا اصحي فيك وانت مو راضي خفت عليك بشكل ما تتصوره ........
عيضه "صح ابدنك ما فيني الا العافيه انت تعرف تأثير هذي الاحبوب علي وين كنت شايفك توك جاي من برع ...
سالم مد له ملف "هذا تقرير عن السوق المالي وفيه كل المعلومات الي طلبتها و انا شفت محامي شاطر عشان يبتدي معانا اجرائات تأسيس الشركه وعشان يخلص لنا المعاملات المطلوبه وفيه بعد معلومات عن الشركات الي محتكره السوق
عيضه بضحكه "ههههه هد شوي على وش مستعجل انا قلت خذ وقتك مو كل شي اليوم حار بحار
سالم بأبتسامه "قوم خلنا نطلع نروح مكان نتعشى فيه ومنه نتناقش في هذا الملف وش رايك ....
عيضه وهو يقوم رايح على شنطه اهدومه ويسحب منها لبس "مثل ما تبي انا ميت جوع ...
سالم بعتاب"اكيد بتجوع يا رجال انت على اكلك من البارح و ما دخل جوفك لقمه تسد بها جوعك ...
عيضه بحزن "انت عارف اني ما اشتهي و نفسي تلوع وما اطيق الاكل عارف تأثير المرمض و الدواء....
وهو يربت على كتفه بحب "ربك رحيم بعباده وان شاء الله بتطيب وتعيش حياتك قول امين
عيضه بهدوء"امين يارب ...
\
\
\
\
\
\
رافعه جوالها تسمع رنات الجه الثانيه اكيد ما راح ترد عليها بتطرش مسج احسن لن الخبله بتخاف طرشتلها مسج اكتبت فيه (لو سمحتي لا تنصرعين من الرقم انا تماضر ردي علي )
انتظرت اشوي ولا تسمع تلفونها ابتسمت بخبث اكيد اليحن بتحصل لها زفه منها "الوووووووووو..............
صبا بصوت غاضب وقهر "مضروه ويهد يهد العدو انتي وين فيه وبعدين ليه تلفونج مفصول من الخدمه واشلون تاخذين اجازه بدون ما تقولين لي و الشركه الزفته اليوم متصلين يبونج توقعين على اوراق مهمه ...اسكتت اشوي ...ليش ما تردين
تتماضر بضحكه "و انتي عطيتيني فرصه الله يهديج بطيتي اذوني بصراخج و اسئلتج الي وراء بعض وش برد وش بخلي على العموم ابغيج تجين لي
صبا بتردد وكره لهذا الاقتراح "تماضر انتي تعرفين انا اكره ما علي رجل امج وتعرفين عصبيه مبارك من يعرف ان بروح لج يكرهه وانتي عارفه
تماضر بهدوء "انا في الاصل مو موجوده في البيت انا تركت لهم كل شي وطلعت وانا قاعده عند وحده من هلي ...
صبا بستغراب "طلعتي تركتي البيت تماضر وش صاير الله يخليج تراج خوفتيني
تماضر "انتي تعالي وبتعرفين كل شي وبرد على اسئلتج الي تسئلينها لي طول هذي الاسنين ولو سمحتي بغيت طلب ابيج تجيبين لي افلوس مخباتي ما فيها ولا ريال
صبا بضحكه "ههههههههههه صاحبه اكبر شركه عقاريه في البلاد و ما عندها افلوس اشلون تصير هذي
تماضر بسخريه "لا و انتي الصاجه انتي صاحبتها و انا الضل لج
صبا " انا الماركه التجاريه الاسم بس مع اني مو فاهمه ليش كل هذي السريه والتكتم على العموم كم تبغين يا سيده الاعمال
تماضر "الصراحه ابغي مبلغ ضخم يعني في حدود المليون وياريت تسحبينها من راس مال الشركه مو من البنك لسباب بقولها لج بعدين بس بكره اليحن جيبي شي تقزوره ولا فلس في شنطتي خذي هذي عنوان البيت الي انا فيه وياريت تجي الوالده معاج
صبا "خلاص انا جايتج مسافه الطريق .....
تماضر "اوكي ما في اي مشكله بس لا تطولين ناطرتج مع السلامه .....
\
\
\
\
\
\
تنزل بخطواتها الناعمه وبسرعه وتشوف الحشره الي في الصاله تحت الاشناط و الاغراض ارجعو بس الي مستغربته ليه ما ردو بيتهم وليه ابوها فتح البيت القديم بيت عمها خالد وجدد كل شي فيه عشان كذا طرش سعود قبلهم توها بتدخل و تسمع ابوها و سعود"يعني حتى المحامي ما قدر يعرف مكانهم هذول وين راحو من كبر الدوحه سعود لزم نحصل تماضر و في اقرب وقت
سعود ببرود"يوبه الله يطول لنا في عمرك ان شاء الله راح نحصلها بس محتاجين وقت انت هد وكل الي تبغيه بيصير وراسك الغالي راح القيهم ومعاهم بنت عمي و حسابهم بيكون على يدي وان ولدك و ما يكون خاطرك الاطيب
عندها بنت عم متى هذا وليه ما قلو لها وبعدين وش السالفه عشان كذا طرش سعود قبلهم وين مختفيه معقول بنت عم كم عمرها يا ترى طفله ولا كبيره اسئله كثيره حريت البندري و خلتها ترجع غرفتها بهدوء تفكر مع ان بداخلها فرحه بنت عم شي حلو و اسمها حلو و غريب ما تدري بس ارتاحت لحساس انه عندها بنت عم احساس حلو
\
\
\
\
\
\
|
14-02-09, 07:52 PM
جديد مواضيع قسم الارشيف
العرض العادي
