كاتب الموضوع :
NONO123
المنتدى :
الارشيف
(الفصل الثالث)
اعيونهم يغلفها خوف ورعب من الماضي وتبعاته والبنت الي ما يعرفون وين راحت قرب من زوجته ومسكها من اكتوفها وهو يهزها هز "وين راحت وين اشردت بنتج مثل ما يقولون البنت على امها من الكلب الي اشردت معاه ولا هي مثلج تخون رجلها وش بتكون غير عنج فيه دوريها ولا وربي فظحتج جدام الله وخلقه وانتي عارفه وش سويتي
انفظت يده عنها بشمئزاز من ريحت الخمر الفايحه منه "ما جبت جديدلا تنسى يا شاطر انك انت بعد مشترك وياي في هذي الجريمه وكل الي صار من تخطيطك و تكتيكك يعني لا تقعد تهدد كلنا في الهواء سوا وبعدين وين بتروح مردها راجعه ما تعرف حد واهل ابوها ما تدري عنهم وينهم فيه يعني مصيرها راجعه فلا تقعد تغثني بها ولا الي قاهرك انها افلتت من يدك والي زايدك قهر انها تعرف تدافع عن نفسها عدل بنت خالد وانك ما استفدت من تزويجها لولدك روح حط حرتك في غيري ولا تسوي لي فيها شريف انا وانت نفس الطينه ونفس العجينه فقصر حسك لا يسمعونا بناتك وننفضح جدامهم وخلنا ننزل واحن ساكتين احسن لنا ونفكر بهدوء ............
اثنينهم انزلو بهدوء والخوف مسيرهم البنت هي الشي الوحيد الي يثبت جريمتهم هي الحقيقيه على خيانتهم خيانه زوجه وخيانه صديق و جريمه قتل طواها الزمن
\
\
\
\
\
\
تشوف الحزن الي كاسيي ملامحها وسكوتها بنت في مثل عمرها مفروض ما تكون كذا شايله احمول العالم على كتفها وين حريه الشباب و فرحه وين "بنتي امج لزم تعرف انتي وين فيه اكيد قلبها مشغول عليج
عيى الصوت يطلع منها وارفعت عينها على ام خليفه وبصوت جريح "كلامج غلط عمرها ما انشغل قلبها علي عمرها ما ضمتني لحظنها عمرها مالمتني لها حتى تربيتي قطتها على غيرها من ابوي وجديتي واخرها الخدم اما عن قولج انها اضعيفه هذا بعيد عنها مليون درجه ضعفها خارجي عشان مصالحها يا ام خليفه هذا ام غير عن باقي الامهات اشوف في اعيونها لي كره من تشوفني داخله تحظن بناتها وتدلعهم وانا تسبني وتحرق قلبي طول اليوم مسبه لي والي يزيدني قهر مسبتها لناس ماتو وما تجوز عليهم غير الرحمه
والي ذبحني اكثر تزوجي لولد رجلها من غير موافقتي اخ محروق قلبي وروحي ماتعرفين وش احساس المره منا لما تغتصب من زوجها يا ام خليفه اي تغتصب وهذهو راجع عشان يكمل تهجمه لي واحنا اصغار واغتصابه لي وانا زوجه له طول هذي الاسنين عيوني ما عرفت النوم ولا الراحه عايشه كابوس يخنقنقني كل ليله عمري ما راح اغفر لها الي صار لي عمري .............
ام خليفه مذهوله ومو مصدقه الي تسمعه اذونها معقول اغتصاب معقول هذي المره الي تزوجها خالد البنت الفقيره المكسوره بس صدق جاسم لما قال انها ماخذه خالد على طمع وانها تمثل حاولت تخايله ويوم ما لقت منه فايده راحت حق خالد الخام الي ما عنده خبره ولا معرفه في الحريم بس محد صدقه كان صادق من البدايه عرف شيخه على حقيقتها و الحين وش السواه البنت ما راح تطلع من عندها ولا راح تسمح انها تنظام بنت خالد وهي حيه بس هي مره كبيره في السن وعايشه على معاش الشوؤن الي يدوبه يسدها وعلى مساعده الناس الي يطلبونها تسويلهم اكل شعبي ويعطونها المقسوم
ام خليفه وهي تشوف ادموعها الي تسيل على خدها كانت دموع صامته بدون صوت لن صاحبتها صوتها ضاع من كثر الضلم والقهر امسحت على راسها بحنان وطيبه "بنتي هذا زوجج والي صار بينكم مو اغتصاب هذا حقه بشرع ربج يعني ما سوى شي غلط
تماضر بصوت مقهور "يومه لما يكون غصب عنج ولما يكون الرجال هو الي ما اخترتيه وتكرهين شوفته ساعتها الي يصير اغتصاب اكرهه يومه و اكره ابوه لنهم من نفس الطينه الوصخه الي كلها عفن وخياس خمر ومصايب ربنا العالم وش هي الي مستغربه ومذهوله له ان هذا الانسان كيف يسوي الي سواه كيف علم ولده على الخمر والزنى الي اعرفه ان الناس تربي اعيالها على الاخلاق و الدين وهذا يربي ولده على كل الي يعصي به ربه ودينه كيف تبني اتقبل انسان مثله كيف .......كانت تهتز من القهر و الضيقه
وهي تربت على كتفها بحنان"بس يا بنتي لا تسوين في نفسج كذا انسي وانا امج وربي الي في عالي سماه ما بخلي حد يلمس من راسج اشعره وما راح يدري حد انج عندي بس يا بنتي انا مره على باب الله وعلى هذا المعاش الي يعطوني اياه الشؤؤن وبحياء مره كبيره في السن لفت انتباه تماضر...ومساعده الناس الي اسويلهم اكل متى ما بغوني ويعطوني المقسوم ...
تماضر ضمتها بحب وحنيه "ليه تستحين يومه الشغل مو عيب ولا مذله الناس يومه انا بعد بساعدج اذا تبغين تراني طباخه درجه اوله بضحكه ناعمه وحلوووووو طلعت غمازتها الي على اخدودها
ام خليفه مستغربه كلامها "يومه تماضر انتي تعلمتي ولا لا ....
اضحكت تماضر بصوت عالي "يمكن هذا الشي الوحيد الي ما اقدرت تحرمني منه لنه لو حرمتني كان انسحبت منها الوصايه علي وانسحبت منها الفلوس انتي تعرفين اني قاصر و مجلس القصر كان مسؤل عني بعد موت ابوي المفاجئ وجدتي الي الحقته عشان كذا كملت وتفوقت اشتغل في بنك مديره قسم العلاقات العامه ترقيت بشكل سريع ويمكن هذا عشان ربي من علي بذكاء و التصميم والقدره على النجاح الي زرعهم فيني الوالد الله يرحمه و جدتي بعد الحمد الله
ام خليفه"وشغلج بتروحينه ولا لا ....
تماضر بخوف"لا هذا اول مكان راح يفكرون فيه وراح انفضح جدام الخلق انا اخذت اجازه مفتوحه لحد ما احل المشاكل الي عندي وهذا قرار ما فيه رجعه ام رجلها هذا راح اخليه عبر ه والي رفعها سبع لسجنه ليوم الدين وابرد حرقت قلبي منه
ام خليفه وهي تشوف الاصرار و التحدي الي في اعيون تماضر انعاد شريط قديم نفس الاصرار و التحدي الي كانو في اعيون خالد لما وقف الكل قدام اختياره لشيخه زوجه له وهو المتعلم و ولد الناس وهي الفقيره الي ما تجي من مواخيذهم ولا مستواهم
ام خليفه "بنتي فكري عدل في الي راح تسوينه لا تضنين انج انتي الي بتربحين بالعكس حطي في احسابج خواتج وش بيقول عنهم الناس رجلج الي بتحبسين ابوه الناس وش بتقول عنج فكري يا بنتي عدل واحسبي العواقب الي راح تجي
تماضر بغضب"تضنين اني طول هذي الاسنين ما فكرت مع كل ضربه على بابي مع كل لمسه قذره يحاول فيها الواطي يسلب مني الي مو من حقه مع سلب ولده لحقي وجسدي لا يومه فكرت و النار تشتعل في صدري اسنين خلاص ناري راح تحرقهم وتاكل الخضر و اليابس وما راح اخليهم الاحطام تذره الريح علي وعلى اعدائي
ام خليفه اسكت ما حبت تضيف شي لان البنت شكلها احسمت امرها والي في راسها ما راح ترد عنه قالت في خاطرها خلها ترتاح ويمكن يوم تحس بالامان و الراحه تغير تفكيريها
\
\
\
\
\
\
"صباح الخير يومه .....
ام مبارك "صباحج الله بالخير ما بغيتي تقومين تعالي تريقي عشان تلحقين على دوامج
اسمعو صوت ثغين وقوي "السلام عليكم .... توه مبارك داخل راجع من شغله مبارك عسكر ي في العمليات الخاصه و المداهمات وشغله شي مقدس عنده بعد امه واخته وهو الي متكفل بهم بعد موت ابوه سلم على امه وقعد ياكل سريع يبغي يلحق ينام له كم ساعه قبل لا يقوم حق زامه في اليل,,,,,,وانتي ليش عادج اهني ما رحتي شغلج ولا بتروحين مع نصج الثاني طبجتج
صبا بحيره "ما اسمحلك تقول عن تماضر كذا وبعدين هي ما ادري عنها من البارح وتلفونها يعطي انه مقطوع من الخدمه ضربت البيت محد يرد علي انا خايفه ان رجل امها سوى لها شي ولا امها مثل العاده قلبي مكلني عليها
ام مبارك "مسكينه هذي البنت كاسره خاطري حيل والله ما تستاهل الي يصير لها من امها ولا هذي ام قاسيه على بنتها وتكرهها بهذي الطريقه البشعه بنتي شوفيها وطمنيني عليها ...التفت على مبارك ولدها ...ولدي متى بتروح بيت خالتك تزور مرتك ترى البنت تتشكى منك وخالتك بعد من ملجتو ورواحتك لزوجتك تنعد على اصابع اليد يوبه اهتم اشويه في البنت مو كله هاملها
مبارك وهو يطالع امه بعصبيه وغضب كبير خلوه يوقف عن الاكل "يعني وش تبيني اسويلها هذي انا ما عندي وقت حق خرابيط البنات التافهه ولا حق دلعها الماصخ عاجبها كذا يا هلا و مرحبا مب عاجبها احنا لين الحين على السيف ما عاد دخلنا بنفضها وكل واحد يروح في طريقه الحمدالله شبعت قولي حق بنت اختج تصطلب ولا مالها عندي غير ورقتها انا رجال ما عندي هذي الخرابيط تبغيني بتجي بيتي وتضويه وغير كذا انا ما عندي كلام يلا من رخصتكم
صبا "يومه الله يخليج لي انتي كل ما اشتكت الدلوع ذي رحتي ونطيتي في رقبت الولد ترى السالفه مصخت وزادت عن حدها هي وش تبي توصله المحترمه ترها تبالغ بشكل ما تتصورينه وفعايلها مب فعايل بنت عاقل
ام مبارك "صبا بنتي البنت ما قالت شي اختي هي الي اشتكت وهي صاجه هم مزوجينه البنت عشان كل مره يغثها ويحرق قلبها كل بنت تبي الاهتمام من رجلها و الرعايه وهي جيزها جيز باقي البنات
صبا بحره "يومه الله يخليج لي انا عارفه وانتي بعد عارفه ان الدلوع تروف مو عاجبها اخوي من الاساس وما كان اقبلت فيه لن ما جاها غيره وحضرت جنابها ما تبغي تصير على قولها اقل من رفيجاتها والحين تبي تستعرض هذي تفكيرها سطحي و تافه مثلها واخوي صاج في كل الي يسويه يومه انا ماشيه تأخرت وهذا الموضع ما راح ينتهي والسبه هذي البنت فأحسن لنا ما نتدخل بينه وبينها وهو رجلها ويعرف يصلبها عدل و الحين من رخصتج تأمرين على شي
ام مبارك "روحي يا بنتي الله يسهل عليج ويرزقج بالزوج الصالح يارب واشوف اعيالكم انتي واخوج
صبا بضحكه "ههههه يومه ادعيلي دعوه غير العرس مافيني على رجال يتحكم فيني ولا فيني اتركج بروحج حق الحيه تروف يلا اخليج
ام مبارك وهي تهز راسها "الله يهديكم انتي واخوج لا تنسين اسئلي عن تماضر وانا بعد بشوف امها
صبا"ان شاء الله يومه لا توصين حريص
\
\
\
\
\
\
تهزه بقوه تبيه يصحى من نومه و من كابوسه الي يخنقه "جاسم ...جاسم قوم قوم
فتح عينه بصعوبه وقام وهو يمسح على وجهه من التعب و الضيقه طول هذي الاسنين ومن يوم ضهرته من البيت الكبيرهووزوجته لحد موت اخوه وهو بعيد ونفس الحلم يتكرر كل يوم كل لحظه تغفى فيه عينه يشوف اخوه حامل طفلته واعيونه حزينه ويقول له "هذي امانتي لك لمن تركتها يا اخوي يا ولد امي وابوي "وكل ما قرب عشان يلمسه يلاقي النار تشتعل بيده وتحرقه كله ويقوم مفزوع وش يقدر يقول يوم ما يقفون قدام الحق سبحانه ويسئله عن وصاته عن البنت الي تركها حق ام خاينه رحمتك يارب
ام سعود وهي تمسح على صدره وتقراء عليه وبهدوء شديد"وبعدين يا الغالي لين متى وانت بتضل على ذا الحال تاعبني وتاعب نفسك نفس الحلم صح جاسم انت ما قصرت حاولت تاخذ بنت اخوك بس المحكمه ما عطتك حق الوصايه عليها و الام احق يعني انت حاولت بكل الطرق حتى فلوس عرضت عليها بس بعد مارضت لا تحمل نفسك فوق طاقتها الله يخليك انت مو حمل كل هذا
جاسم "يا سبيجه انا وانتي نعرف هذي الحيه وش هي والحلم الي احلمه معناته في شي صاير اطلعت من البيت وخذت البنت و محد يدري هي وينها فيه حاولت مع شؤؤن القصر يقوووووولون المعلومات سريه وما يعرفون غير محاميها وما فيهم يعطوني اي معلومات عنها
ام سعود"اسمعني اكيد البنت ما عليها غير العافيه ما في ام تأذي بنتها واعتقد انت مطرش سعود الدوحه قبلنا عشان هذي السالفه وراح يحصلهم بأذن الله
جاسم بأبتسامه خفيفه "والله محد عارفني غيرج ....
ام سعود "رجلي وما اعرفك تدري الشي الوحيد الي يحمد لمرت اخوك انها بالي سوته خلتك تتزوجني وبسرعه و تشيلني و تهج
جاسم بحزن "هذي مره قذره يا سبيجه هي سبب القطيعه بيني وبين اخوي اتهمتني بالباطل و اني اتعرض لها وخالد صدقها وطردني وامي ما اقدرت توقف في وجهه لنها مره اكبيره والي صار زادها مرض خفت عليها طلعت بكرامتي مثل كذا مره ما تصلح ام خبيثه وحيه
ام سعود"ان شاء الله سعود يحصلهم والحين البنت اكبرت قدها حرمه والله ما ينسى عبيده نام وريح راسك والي الله كاتبه بيصير
\
\
\
\
\
\
وفي مطار الدوحه وبالتحيد على متن احدى الطائئرتين في شخصين ينزلون في نفس الوقت بس في جهه تختلف سعود ضم جاكيته على جسده بقوه الجوووو بارد وخاصه هذا الوقت في الدوحه شهر واحد الجوووووو شديد البروده مع انه جاي من طقس بارد اهناك بس الجو هنا احلى و امتع تنسم الهواء العذب ونزل بهدوء الى السياره الي تنتظره عند باب الطياره والى السكرتير الي جايه من السفاره .....
السكرتير وهو ياخذ منه شنطه يده بحترام "الحمدالله على السلامه استاذ سعود ان شاء الله تكون رحلتك مريحه
سعود بعدم اهتمام "الحمدالله شكراً على تواجدك ما كان في لزوم
السكرتير "هذي اومر الوالد المحترم ان نكون في خدمتك في اي وقت
سعود ببرود"شكراً.... وتحركو على قاعه كبار الزوار
وفي الجهه الثانيه كان في شخصين ينزلون من الطياره يضعون اقدامهم على ارض ابتعد كل واحد منها وله عذره وسببه سالم وهو يا خذ نفس قوي كنه بيشق صدره من قوته التفت عليه عيضه بأبتسامه "هذا الي يقول ان ردته مثل عدمها النفس يطلع منك وكنه بيشق جوفك من حرارته
سالم بحزن "اهةةةةةةة كل واحد منا يكذب يا اخوي شفت على اخر الزمن صرنا كذوبين
عيضه "ههههههه الله يقطع ابليسك تراك قمت تخورها يلا امش ورانا الف شغله وشغله
وهم يركبون الباص الي بيوصله قاعه القادمون "انت وش راح تسوي بتروح لهم ولا لا
عيضه وهو يطالع من الدريشه "الا بروح بس مو الحين لزم استقر اول واسوي الي في راسي وبعدين راح اورح عشان استرد اول ممتلكاتي استردها واحميها
هل راح يستردها ام ستكون رحله بحثه عنها طويله هذا ما سوف نراه ????????????
التعديل الأخير تم بواسطة ارادة الحياة ; 25-01-09 الساعة 04:11 PM
سبب آخر: تكبير الخط من اجل العيون النظرها ضعيف اسفة حياتي عذاب
|
17-01-09, 03:28 PM
جديد مواضيع قسم الارشيف
العرض العادي
