كاتب الموضوع :
NONO123
المنتدى :
الارشيف
بسم الله الرحمن الرحيم
السلام عليكم ورحمه الله وبركاته قرائي الاعزاء تحيه طيبه وبعد لقد تأخرت عليكم ومده طويله لكن لي العذر فيها كم شرحت لصديقتي و اختي الكريمه soonلكني هذي المره عائده لكي انهي قصتي الاخيره و التي قد تكون اخر لقاء بيني وبينكم ككاتبه لنكنها لن تكون اخر لقاء بيني وبينكم كعضوه شكرا على روحكم الطيبه وسؤالكم عني و الف شكر لكم جميع ....محبتكم و اختكم حياتي عذاب
(الفصل التاسع)
تفتح باب السياره تفحصها وتشوف مواصفاتها هذي زينه وبتئدي الغرض ارفعت اعيونها حق صبا" هذي زينه وفي نفس الوقت عمليه باخذها وش رايج
صبا وتفحص السياره بنظره وهي تغمزلها" حلوه بس مو ملفته للنظر يعني سبورتيه وشبابيه بزياده
وهي تهز كتفها بعدم اهتمام" انتي تعرفين رايي العدل عدل و العوي عوي وبعدين انا احب هذا النوع من السيارات يمكن شطحه مني و تمرد على كل القيود الي في نفسي وعقلي ويمكن بعد عشانه شي ملكي وبختياري مو بختيار حد غيري
صبا بضحكه خفيفه واطيه " الله يهداج بس انتي كله كذا جاهزه ردودج تخرع الواحد وتصب عافيته يا قلبي اختاري و استانسي محد يمنعج و الي نخبرهم راح نعاقبهم اشد عقاب لو تبين اخلي اخوي الكريم يذبحبهم لج بس انتي اضحكي وفكي هذا المبسم العسل
تماضر" كل شي في وقته حلوووووو وهذا مو قوت ابتسم فيه ولا اضهر اسنوني لني محتاجه احتفظ بها للي يستحقها امشي خلينا ندفع و نطلع
\
\
\
\
\
\
في مركز الشرطه العاصمه كانت اعيونه غايمه بغضب وحقد عاتي كيف بنت مثل هذي تجي وتهدم كل شي بناه في اسنين بغمضه عين كيف صارت بهذا الدهاء و الخبث والي فيه اقدرت تجاريه في لعبته القذره وتعميه عن كل شي وعن كل تحركاتها الي هدت حياته و انتقامه يده ترجف من الغظب وروحه بتطلع من صدره من كثر حقده العاتي انا ولد الفقر الي شايفين نفسهم عليه انا الحشره الي لين بغوها ارفعوها فوق ولين عافوها داسوها برجولهم رفع عينه على الكلام الي شده
الضابط" استاذ غانم الي تطلبه موكلتك خارج اختصاصنا احنا علينا التبليغ و المحكمه هي الي تفصل بينهم في هذا الموضوع
غانم وهو يطالع حمدان ببرود "حظره الضابط الي نبغيه من الاستاذ حمدان هو التعهد بعدم الاقتراب من موكلتي او التعرض لها لنها تجاوزت سن الوصايه و صارت بالغه راشده و بكذا وصايه امها تلغى ببلوغها السن القانوني و هي تخطتها اما عما بينهم من قضايا راح نترك القضاء وكلمته هذا هو الي نبغيه بكل بساطه
رفع حواجبه بسخريه بيذبحها بس يعرف وين مكانها لن وحده حقيره مثله ما راح تهد كل الي خطط له اسنين بمكر ودهاء حطم عايله بكملها زرع بينهم الشك و الكره و الغضب زرع بينهم الشيطان في صوره زوجه و ام اخطر سلاح يستخدمه الرجل ضد الرجل هي المراءه و هي سلاح ذو حدين اذا استخدم الاستخدام الصحيح و الي يقدر يطعن به خصمه و امها كانت السلاح الي هدهم من عليائهم وصلهم للحظيظ وخلا الاخ يشك في اخوه لحمه ودمه و خلا ام تتجرد من امومتها باسم الحب الشيطاني الملوث بالعار والذنب اسهل شي عند الانسان المتجرد من الانسايه ومن الخوف من ربه هو انه يهدم حياه غيره و يعيش على انقاضها مستمتع بخيانته وبحقده ايما استمتاع و كأنه ملك العالم في كفه وملك قوه الشيطان في حب الغراائز و الروح ايما حب فويل له من رجل تجرد من روح البشر ليصبح مسخ في صوره انسان و ويل له يوم تغفو العيون في النداء الاخير ويوم الحساب كم فيها هذي الحياه من مسوخ في جلود البشر وبقنعه البشر لكنهم اعوان للشيطان و الرذيله و هذا الرجل صوره مجسده وحيه له في كل خطوه وفي كل نفس يتنفسه
\
\
\
\
\
\
يتصفح الاوراق الي في يده اسم الشركه هذي قوي وهي من اكبر الشركات ومنافس لا يستهان به في السوق وصاحبتها مره ابتسم بسخريه عمره ما امن بشي غير ان المره مكانها بيتها معليش تتعلم وتدرس يكون العلم سلاح تفيد به اعيالها اما انها تصارع في عالم الرجل فهذا شي ما يعجبه هي خلقت لدلال و العنايه مو انها تصارع وتكافح هذي شغلت الرجال بس من خلال الي اسمعه عن هذي الشركه ان هذي المره تتمتع بذكاء خارق و روح قتاليه مو موجوده الا في الروس الكبيره و الي هي صارت منهم في فتره وجيزه اوووف يحس بتعب هو و المحامي ما اقدرو يوصلون لشي ما في غير يلجء حق البحث بسلطات الاعلى و هذا هو الحل الاخير ابوه كل ماله يتعب اكثر و النوم يجافيه اسنين وهو حاس بثقل موت اعز الناس عليه امه و اخوه و اخرها بنت اخوه الي ما يعرف عنها اي شي و احساس بالذنب يقتله كل لحظه سمع ضرب على الباب
سعود" تفضل ...
عبدالله "السلام عليكم استاذ سعود ارجو اني ما اكون ازعجتك تفضل هذي كل الاوراق الخاصه عن الي طلبته مني هي بالفعل تشتغل في البنك وهي تشتغل في العلاقات الخارجيه وهي في هذي اللحظه ماخذه اجازه من شغلها وبحاول اشوف لك تسكن وين خلال كم يوم
سعود وهو يقوم من الكرسي بفرحه و سعاده حقيقيه لنه قدر يوصل لها و هويربت على كتف عبدالله وبحترام ومحبه اخويه" والله صدق ابوك ما يجيبها غيرك تسلم انا كنت خلاص فقدت الامل انا احنا نوصلها بدون من نلجاء لسلطات العليا بس قدرت و انا اخوك تسلم تسلم
عبدالله بحترام كبير ومحبه "ما طلبت شي انا خذت اسمها وطلعته من الجامعه وعرفت منها تخصصها وبعدها لجئت لواحد من اصحابي وقدر يساعدني في البحث وعرفت انها تشتغل في البنك وانها اصغر مديره عندهم ما شاء الله في زمن قياسي اوصلت لمنصب قيادي صعب يوصله اي حد
سعود بستغراب " شي زين يعني كملت تعليمها ما امنوعوها عنه بس ناقص عنوانهم
عبدالله بهدوء" شديد احنا ننطر لين ترجع من اجازتها و انا من صوبي بحاول اخذ مكان سكنها من شغلها اذا قدرت
سعود مو مشكله الي صبرنا كل هذا الوقت ما راح تفرق كم يوم لين ترجع من اجازتها و في نفس الوقت حاول انك تعرف العنوان لنه لنا زياره للستاذ المحترم رجل امها
\
\
\
\
\
\
البندري بصوت عالي وهي تصرخ على اختها الاصغيره تليله " خلصينا ولا بروح وبخليج
تليله بقهر وهي تربط جوتي الرياضه" انتي وش وراج تصرخين علي ما تشوفيني اربط الربطه الزفته هذي
البندري وهي تطلعها مقهروره هي الي عليها تروح معاها عشان تشتري اغراض المدرسه امها اليوم معزومه عند خوالها اووووف غثى هذي البنت سنه لين تخلص شغله عليها برود شكلها انعادت من الي الاجانب الي كانو عايشين وسطهم وخذت برودهم
"ابرك لج تخلصين بسرعه والا مافي الطلب الي طلبتيه من سعود وبتنطرينه سنه لين يفضى الشيخ اخوج ويجيبه لج
تليله نطت بسرعه وبفرحه كبيره وتعلقت في ارقبت اختها وهي تبوسها على اخدودها "قولي و الله اليو بتجيبين لي الكتوه الشيرازيه
وهي تدزها عنها وتضحك من قلب" قتوه عزالله اخربت الناس تقول قطوه يا الشيخه تليله انتي اللغه خاربه عندج لزم يبغيلها تنجير من اول وجديد اي انا بجيبها لج سعود ما عنده وقت يلا امشي جدامي يا راعيه الكتوه
تليله بفرحه وهي تمشي بسعاده كبيره" ما عندي مشكله قولي الي تبغينه ما دام الكتوه بتجيبينها هذي اهم شي
تضحك بهدوء حلوه الطفوله الخاليه من الهم و من الغم الخاليه من تعقيدات الحياه و الناس من تعقيدات الانسان و رغباته واهوائه ليتنا نرجع مره اخرى اطفال قلوبنا خاليه و اعقولنا خاليه الا من متعت الطفوله البريئه
\
\
\
\
\
\
يطالع بوابه البيت الي هرب منه هرب من روح كان ولا زال يهفو لها صعب انه يشوفها بعد كل هذي المده صعب كيف بتقابله وش بتكون رده فعلها هي مثل ما هي ولا تغيرت اذا هو تغير هي ما تغيرت اخ صعب وهو يضغط بكفوفه فتح الباب الكبير وهوو يخطو خطوات متردده خايفه ومشاعره تهزه هز وصل باب الفيلا وهو ما بين المترد و المقبل على امر جلل حاس بخوف من كل شي من الما ضي و الحاضر و المستقبل وفجئه انفتح الباب في وجهه وشاف نظره عمره ما شافها شاف رعب وخوف وهلع ارتسم على وجه مرت ابوه حس بشي خطير وانه فيها شي ابعدها بقوه من طريقه ودخل وبأسرع من لمح البصر راح لغرفه يعرفها وتشارك صاحبتها سريرها احلامها امالها و الكثر من كذا وجعها و جعها الحقيقي الي هو جزء منه مع انه كان مقرر يأخر هذي الزياره بس طول الوقت حاس بغصه و انا في شي صاير ومالقى نفسه الا جدام البيت فتح الباب وبقوه ودخل الغرفه وقف متصنم وهو يشوفها خاليه وفي هذا الوقت تلفت يمين ويسار راح على الحمام وفتح الباب على وسعه مالها اثر وينها نزل بأسرع مما طلع ولقها واقفه تشوف برعب وقف جامها بطوله الفارع وجسده الشامخ الي تغير و بنظره مخيفه ومرعبه وبصوت اكثر قوه
"وينها وين تماضر وين زوجتي ردي علي ولا والله الي في سماه بذبحج تفهمين بذبحج بيدي هذي وش سويتو فيها انتي و الحقير الي تجرد من كل شي ردي
وده يهزها لين تموت في يده يبغي يعرف وينها معقول بعد كل الي سواه تضيع منه بعد الم الاسنين وبعد انتظاره انه يرجع لها انسان ثاني يمكن في يوم تغفرله في يوم تنساله انه شاركهم جرمهم في يوم تشفق عليه مو تحبه تشفق على انسان عايش بس عشان ينال غفرانها يارب ارحمني ما آن لعذابي انه ينتهي ما صار الوقت الي اموت فيه و انا حاس بالسلام معقول تكون ضاعت مني و السبب هم الي ما ارحموها قبل معقول بشيل وزرها معاي لقبري يارب ارحمني لا تضيعها مره ثانيه يكفيني مره وحده يكفيني ضياع روحي مره وبصوت مليان حقد وغضب" ان ما قلتيلي وينها فيه والله لا افضحج انتي وهو واقول للعالم كله زوجها الباطل رغبه منج ومنه في سرقتها الاحسن تتكلمين والا...
\
\
\
\
\
\
هي وش فيها اليوم بطوله وهي حاسه اني في شي بيصير اووووف ياربي ما تدري بس الضيقه مو مفارقتها ارفعت خصلتها الناعمه عن وجهها و كملت قرايه رمت الاكتاب من يدها وقامت واقفه تتحرك في الغرفه بشكل هستيري حاسه بضيقه بتخنقها احساس قوي بدخلها يقول انه في شي معقول الي يصير لها ياربي ليه تحس بالخطر عمر احساسها ما خيب اطلعت بهدوء من الغرفه يدها على قلبها طلت على ام خليفه لقتها نايمه بهدوء انسحبت عشان ما تزعجها في شي احساسها يقولها في شي يارب انا تعبت ابغي الراحه كل الي اطلبه راحه القلب و العقل يارب اسبغ علي رحمتك
\
\
\
\
\
\
كانت ميته خوف لا الخوف شي بسيط قول رعب معقول هذا عيظه وين ذاك الشاب الاضعيف المسلوب الاراده الي تشوفه جدامها انسان غير رجال قادر يدافع عن حق وزوجه هو راجع لهم صوته الغاضب يخوفها كانت تبلع ريقها بخوف جف حلقها وحاسه انه شوي راح يقطعها بيده وبصوت ما بغى يطلع منها " تماضر اشردت اطلعت ما نعرف لها مكان
شافتها يطالعها بنظره محتقره وكل الي سواه انه مثل ما دخل طلع ازفرت بقوه حست انها قريبه من الموت والله يا حمدانوه الزفت عودلك ولدك الي بيوقف لك مثل العظم في البلعوم الحين بنشوف كيف راح توصلها وخاصه بعد رجعته انسان ثاني مو مثل الي راح اسحبت ارجولها سحب و اقعدت على الكرسي زين ان بناتها مش موجودين ولا كانت صارت مصيبه اخو ما يعرفونه الا من الصور اخ هذا الكلب وينه من الصبح وماله حس و تلفونه مسكر و ينه منقلع فيه جعل ربي ياخذه و افتك منه
\
\
\
\
\
\
صراعات الجسد و رغباته اصعب صراعات لنها صراعات ازليه مع خلق البشر رغباتنا دائم في تعارض مع رغبات الطرف الاخر و نكون في بحث دائم عن هذا الاخر في احيان كثير نكون محضوضين ونجده بسهوله و في احيان كثير نجد صعوبه قد تقارب المستحيل في الحصول عليه و يصبح عصي الوجود وهذا الي يحسه مبارك يحس انه تروف عمرها ما كانت الانسانه الي تكمل الرجل فيه و الانسان عمرها ما راح تكون السكن و السكنى وهو في سن محتاج فيه لوجود زوجه تكمله زوجه تحسسه بوجوده وجه تتفهم طبيعته و طبيعه حياته وعمله انسانه عاقله و متزنه وين هذي الانسانه وين يلاقيها وين زفر بضيق زواجه منها من البدايه غلطه اعماه جملها عن انه يشوف حقيقيتها انسانه كل ما يقال عنها سطحيه وتافهه بس وش يسوي غلطته وجزاه الي صار و اقل من جزاه اعمى نفسه بنفسه مع ان عقله كان دايم في معارضه معاه لكنه استثناه و مشى ورا مشاعره الي خانته واحتياجاته الي حركته غبي
\
\
\
\
\
\
التعديل الأخير تم بواسطة فراشة الوادي ; 15-11-09 الساعة 01:58 PM
سبب آخر: تنسيق النص
|
14-05-09, 04:06 AM
جديد مواضيع قسم الارشيف
العرض العادي
